الحلقة الاولى
بصت فريده من شباك الطياره والدموع ماليه عينيها و مش راضيه تنزل عشان هي قررت مش هتعيط تاني ابدا مهما حصل وافتكرت آخر مره عيطت كان يوم موت مامتها في المستشفى وازاي هي وباباها حضنوا بعض جامد و فات سنتين على موت مامتها و وانهارده هي راجعه مصر بعد عشر سنين عاشتهم مع باباها ومامتها في المانيا و دلوقتي راجعه تعيش مع عمتها سلوى بعد موت باباها في حادثه من اسبوع وافتكرت كل اللي حصل:
كانت قاعده بتذاكر عشان هتقدم في الجامعه ورن جرس التليفون وجالها خبر وصول باباها للمستشفى بعد ما عمل حادثه وجريت بسرعه ركبت تاكسي وراحت المستشفى وقالولها الخبر ان باباها مات….مات من غير ما تودعه….مات آخر حد ليها في الدنيا ولقيت محامي باباها بيطبطب عليها وبيحاول يسكتها وهي مش مستوعبه اللي بيحصل ولأنها لسه عندها 16 سنه المحامي بلغها انها لازم ترجع تعيش في مصر وانه بعت ايميل لابن عمتها آدم وهو رحب بانها تيجي تعيش معاه هو ووالدته في مصر وهيستناها في المطار بعد اسبوع من دلوقتي وهيبعت التذكره على مكتبه .
فات الاسبوع ده عليها كأنه سنه وفضلت عند المحامي في بيته مع مراته واولاده لغاية يوم السفر وصلها لغاية المطار وقالها انه هيصفي اعمال باباها وهيبعت كل التفاصيل لابن عمتها على الايميل بتاعه وركبت فريده الطياره وبصت آخر بظره على المانيا بلد مامتها اللي قضت فيها احلى ايام حياتها وهي مش فاكره عمتها ولا ابن عمتها آدم خالص بس باباها كان دايما يتكلم عن اخته الكبيره سلوى بحب وحنان وكان دايما يقولها لازم في يوم هنرجع مصر بلدنا بس للأسف رجعت لوحدها………………..…..
المضيفه طلبت من الركاب ربط حزام الامان عشان الطياره هتنزل مطار القاهره وحست فريده ان قلبها بيدق من الخوف ومش عارفه ايه اللي هيحصلها في مصر و عمتها هتعاملها ازاي و نزلت فريده من الطياره و خلصت اجراءتها بسرعه عشان معاها جواز سفر الماني وراحت تستنى شنطتها وكان شكلها ملفت عشان كانت طويله وبشرتها بيضا وعينيها عسلي فاتح وشعرها بني وطويل وناعم وكانت عاملاه ضفيره عالجنب ولابسه جينز ازرق وتيشيرت ابيض واخدت شنطتها وخرجت من البوابه ووقفت تستنى عمتها عشان تاخدها
وكانت عينيها بتدور في كل الاتجاهات على عمتها, وفجأه سمعت صوت قوي بيقول من وراها :
الصوت:انتي فريده كامل؟؟؟؟؟؟؟
بصت فريده ومعرفتش ترد من كتر خوفها……
الحلقة الثانية
بصت فريده وراها لقيت شاب طويل وجسمه ضخم شعره اسود وعينيه بني غامق وعامل دقن دوجلاس وشكله مخيف ولابس بدله سودا وقميص اسود و حست فريده بالخوف وعينيها اتملت بالدموع بس مسكت نفسها و هزت راسها من فوق لتحت راح الشاب بصلها من فوق لتحت كأنه كان متوقع حد تاني وقالها بسرعه:
الشاب:انتي بتتكلمي عربي؟
فريده هزت راسها
الشاب:انا آدم ابن عمتك , انا هوصلك الفيلا عشان ماما مستنياكي
وخد منها الشنطه ومشي ادامها وهي مشيت وراه او جريت بمعنى اصح عشان هو كان خطوته واسعه وسريعه وكأنه في مهمه وعايز يخلصها بسرعه وخرجوا من المطار و فتحلها باب عربيه مرسيدس فخمه جدا وبعد ما قعدت حط الشنطه ورا و ركب وابتدى يسوق
وكانت فريده لازقه في الباب ومش عارفه تقول ايه فقررت تسكت خالص……..
آدم:عايز اقولك ان والدتي مريضه جدا و المرض زاد عليها بعد خبر وفاة والدك الله يرحمه وهي مستنياكي وكان نفسها تيجي تستناكي بس مقدرتش والدكتور طلب اننا نعاملها معامله خاصه و منعرضهاش أي ضغط خالص عشان قلبها تعبان.
فريده بصتله بعينيها الواسعه وفضلت ساكتها
بصلها آدم كأنها مش طبيعيه:انتي سامعاني؟؟
هزت راسها تاني
آدم:طيب كويس, انت هتروحي البيت تقعدي شويه مع ماما و تشوفي اوضتك وعايزك تنامي بدري عشان ان شاء الله بكره هقدملك اوراقك في الجامعه الألمانيه عشان تكملي دراستك.
فضلت فريده ساكته لغاية ما العربيه دخلت من بوابه سودا عاليه لفيلا كبيره و واسعه جدا وفيها جنينه واسعه مليانه اشجار وورود وفيها حمام سباحه كبير جدا و جواها جراش واسع فيه كذا عربيه , ووقفت العربيه ادام باب الفيلا و نزل آدم فتح لفريده باب العربيه واول ما وقفوا ادام الباب اتفتح وظهرت شغاله فلبينيه طلب منها آدم تجيب الشنطه من العربيه وبعد كده بص لفريده:
آدم: اتفضلي ماما مستنياكي
دخلت فريده ورا آدم ولقيت الفيلا من جوه فخمه وكلها تحف وفيها نافوره جميله في النص ولقيت من بعيد واحده جسمها طويل وشعرها ابيض قصير وناعم ولابسه بنطالون اسود وبلوزه بيضا جايه ناحيتها:
سلوى:فريده حبيبتي حمدلله على السلامه
بصت فريده ومدت ايديها تسلم عليها
سلوى: انا عمتك يا حبيبتي
فريده بصوت هادي بيترعش:ازي حضرتك؟
آدم بسخريه:انتي بتتكلمي بجد ؟؟؟؟؟؟؟؟
سلوي: آدم براحه عليها ده لسه مصدومه
آدم:انا وصلتهالك وعن اذنك بقى انا اتأخرت عالشغل
ومشي آدم وساب فريده مع سلوى اللي قربت من فريده وخدتها فحضنها وحست فريده بالأمان تاني وراحت حضنت عمتها ودفنت وشها في صدرها:
سلوى:عيطي يا حبيبتي … عيطي
و زي ما تكون فريده كانت مستنيه الأذن انها تعيط فابتدت دموعها تنزل وكأنها كانت مستنيه تنزل في حضن حد……………
بعد ساعه كانت فريده قاعده في الانتريه على كنبه وعمتها حاضناها وطلبتلها كاكاو سخن عشان تهدى وفضلت معاها لغاية ما خلصت الكاكاو وخدتها توريها اوضتها, طلعوا سوا الدور الاول وفتحت عمتها باب لاوضه واسعه لونها بينك كلها وفيها دولاب كبير وتسريحه كبيره وسرير واسع مدور وفيها حمام كبير لونه ابيض في بينك وفيه جاكوزي ومرايات كتير و رفوف مليانه كريمات وبيرفيومز وشامبوهات واي حاجه ممكن تستعملها بنت في سن فريده:
سلوى:انا اشترتلك الحاجات اللي ممكن تحتاجيها
وفتحت سلوى الدولاب:وكمان اشترتلك شوية هدوم مؤقتا لغاية ما ننزل سوا نشتري حاجات على ذوقك
فريده:متشكره بس ده كتير اوي
سلوى:مش كتير على بنت اغلى و احن انسان في حياتي الله يرحمك يا كامل
فريده:كان بيحبك اوي
سلوى:انا عارفه يا حبيبتي, هسيبك بقى ترتاحي وهخليهم يطلعولك العشا هنا وبعدين نامي عشان بكره ورانا حاجات كتير نعملها سوا
فريده:حاضر
سلوى:اسيبك بقى لو احتجتي اي حاجه انا اوضتي جنب اوضتك
فريده:حاضر
و خرجت سلوى وسابت فريده لوحدها , قعدت فريده على السرير وهي مش عارفه تعمل ايه ؟ فقررت تدخل تاخد شاور عشان تنام .
الحلقة الثالثة
صحيت فريده من النوم وبصت حواليها وهي مستغربه وبعدين افتكرت انها رجعت مصر وموجوده عند عمتها سلوى وقامت من السرير وراحت تبص من البلكونه وكانت لابسه بيجاما بينك نص كوم وشورت قصير ولقيت اشجار ياسمين تحت بلكونتها وريحتها جميله اوي
وسمعت صوت حد في البيسين بصت لقيت آدم بيعوم بسرعه ومن غير ما يشوفها دخلت عشان تلبس وتنزل عند عمتها ووقفت ادام الدولاب محتاره تلبس ايه واخيرا اختارت فستان جينز قصير نص كوم ولبست شوز ابيض ونزلت لقيت عمتها قاعده على السفره لوحدها مستنياها:
سلوى:صباح الخير يا حبيبتي , نمتي كويس؟
فريده بصوت رقيق:صباح الخير, الحمد لله نمت كويس
سلوى:انا مرضتش افطر من غيرك انت و آدم اصله بيحب يعوم شويه قبل ما يروح الشركه
فريده:هو كان قالي انه هيقدملي في الجامعه الالمانيه
سلوى:ايوه يا حبيبتي بعد الفطار هتروحوا علطول
دخل آدم عليهم وباس مامته في خدها وقال:
آدم:صباح الخير يا ماما, صباح الخير يا فريده
سلوى:صباح الخير يا حبيبي
فريده:صباح الخير
آدم: هنروح نقدم اوراقك في الجامعه
فريده هزت راسها
آدم: هتختاري كلية ايه ؟
فريده:ادارة اعمال
آدم:اشمعنى ادارة اعمال؟
فريده:كان بابا عايزني ادرس كده
آدم:طيب يلا نفطر عشان نروح
بعد الفطار سلمت فريده على عمتها وركبت مع آدم العربيه وكان لابس بنطالون جينز وقميص ابيض نص كوم وفضلت فريده ساكته طول الطريق وآدم كان بيتكلم في الموبايل مع سكرتيرته فالشغل لغاية ما وصلوا للجامعه ودخلوا وقدمت فريده اوراقها وكتبت استمارة كلية ادارة الاعمال والموظفه قالت ان التنسيق هيظهر كمان اسبوع .
آدم وصل فريده البيت وراح شغله وفضلت فريده طول اليوم مع عمتها في الجنينه يتكلموا عن مصر والاماكن اللي لازم فريده تزورها و الحاجات اللي هينزلوا يشتروها عشان الجامعه , وفي وقت الغدا اتصل آدم اعتذر لمامته انه مش هيقدر يجي يتغدى معاهم :
سلوى:تعرفي يا فريده آدم بيشتغل في شركة باباه من ساعة ما كان طالب في الجامعه ومن يوم باباه ما اتوفى وهو كل وقته للشغل تخيلي شاب عمره 29 سنه كل وقته مشغول ومش بيرتاح ابدا.
فريده:شكله بيحب شغله
سلوى:اوي اوي بيفكرني بباباكي الله يرحمه
فريده:فعلا
سلوى:تعرفي لما كان عندك ست سنين قبل ما تسافري المانيا مع باباكي كان آدم عمره 19 سنه يوميها لقيته زعلان اوي بقوله مالك قالي
خالي وفريده هيوحشوني اوي.
فريده:انا مش فاكره خالص اننا كنا في مصر زمان
سلوى:انتي كنتي صغيره ساعتها
فريده بصت لعمتها بحب وقالت:انا مش عارفه من غيرك كنت هعمل ايه؟
سلوى وهي بتضحك:الحمد لله ان ربنا طول في عمري عشان آخد بالي منك ومن آدم
فريده قامت وحضنت عمتها جامد وفضلوا سهرانين والساعه 9 سلوى قالت:
سلوى:فريده انا هقوم عشان معاد نومي جه خليكي براحتك
فريده:لا انا هطلع انام
سلوى:تنامي ايه ده انتي لسه شباب روحي انزلي البيسن او اتفرجي عالتليفزيون
فريده:طيب انا هنزل البيسين شويه
سلوى:هتلاقي كذا مايوه في الدولاب بس يا رب زوقي يعجبك
وطلعت سلوى عشان تنام وفريده راحت لقيت تلات مايوهات واحد اسود وواحد اصفر وواحد احمر بيكيني بس هي اختارت الاسود عشان كان قطعه واحده وخدت فوطه ونزلت الجنينه وسابت الفوطه عالكرسي ولبست البونيه ونزلت الميه وفضلت تحت الميه كتير كأنها محتاجه تريح اعصابها من الايام الصعبه اللي فاتت وطلعت راسها وابتدت تعوم وهي مسترخيه بس حست ان في حد بيبص عليها راحت خرجت من الميه ولفت الفوطه حوالين جسمها وراحت عشان تدخل الفيلا بس لقيت آدم ادامها:
آدم:فين ماما
فريده:طلعت تنام
آدم: انتي لازم تنامي بدري عشان الدراسه قربت
فريده ادايقت انه بيعاملها على انها طفله فبصتله وسكتت
آدم:يلا اطلعي اوضتك تصبحي على خير
وسابها آدم لوحدها ودخل اوضة المكتب بتاعته عشان يكمل شغل وهي طلع اوضتها خدت شاور و نامت نوم عميق….
الحلقة الرابعة
الايام اللي بعد كده قضتها فريده مع عمتها يشتروا حاجات جديده لفريده قبل بداية السنه الدراسيه وكانت فريده فرحانه اوي وخصوصا انها بقت متعلقه بعمتها كأنها مامتها بالضبط وكانت اغلب اليوم بيقضوه سوا أما آدم كان بيجي البيت قليل اوي عشان مشغول جدا بس كانت فريده ساعات تلاقيه بيعوم في البيسين بالليل او الصبح بدري و و قبل الدراسه بيوم جت الشغاله تقول لفريده ان آدم عايزها في مكتبه
خبطت فريده على باب المكتب وفتحت الباب:
آدم:تعالي اقعدي يا فريده
فريده:نعم
آدم :افتحي العلبه اللي ادامك ده
فتجت فريده العلبه لقيت لاب توب لونه فوشيا فبصت لآدم باستغراب
آدم:انا جبتهولك عشان اكيد هتحتاجيه في دراستك
فريده:متشكره اوي
آدم: اهم حاجه عايزه تكوني متفوقه في دراستك
فريده:ان شاء الله
آدم:تقدري تروحي اوضتك عشان بكره السواق هيوصلك الجامعه الصبح
فريده:عن اذنك
آدم من غير ما يبصلها كان بيشتغل عاللاب توب بتاعه:اتفضلي
طلعت فريده اوضتها وهي مش عارفه تفهم آدم هو طيب ولا قاسي ؟ وليه بيعمل معاها كل ده ؟ عشان بنت خاله؟؟؟
واسئله كتير بتدور جوه فريده مش عارفه تلاقيلها اجابه ونامت فريده وهي لسه بتفكر في آدم…………………..
الصبح صحيت فريده بدري ولبست جينز ازرق وعليه بلوزه صفرا وكوتشي ابيض وعملت شعرها ضفيره لورا وحطت ميك اب خفيف
و نزلت لقيت عمتها وآدم مستنينها على الفطار:
سلوى:صباح الخير يا حبيبتي, ها مستعده للدراسه؟
فريده:ان شاء الله
آدم:خلي بالك من نفسك السواق مستنيكي فالعربيه وهيستناكي لما تخلصي
فريده بصتله وقالت:حاضر
وبعد الفطار قام آدم وفريده وخرجوا من باب الفيلا سوا و فتحلها باب العربيه اللي ورا واداها فلوس:
فريده:ايه ده؟
آدم:ده مصروف ليكي عشان لو احتجتي حاجه
فريده:انا مش عايزه
آدم:وبعدين اسمعي الكلام
وقفل آدم باب العربيه والسواق اتحرك وفضلت فريده تبص على آدم لغاية ما اختفى عن عينيها, وصلت عند باب الجامعه و نزلت ودخلت الكليه بتاعتها وعرفت المكان اللي هتدرس فيه اول ماده وهتاك اتعرفت على بنتين هنا و ليان وقضوا اول يوم مع بعض والبنتين كانوا بيدرسوا في مدرسه المانيه في مصر وفريده ارتاحت لهم اوي وآخر اليوم لقيت فريده السواق مستنيها ورجعت البيت لقيت آدم موجود في الجنينه:
فريده:مساء الخير
آدم:مساء النور, ها عملتي ايه انهارده؟
فريده:الحمد لله
آدم:طيب كويس
فريده كانت عايزه تحكيله عن صاحباتها بس هو مكنش باصصلها وكان بيقرا ورق شغل فاستأذنت ودخلت الفيلا وقابلت عمتها وحكتلها كل اللي حصل في اول يوم دراسه .
وعدى التيرم الاول وكانت فريده مستنيه النتيجه على نار ولقيت موبايلها بيرن:
فريده:الو
ليان:الو يا فري
فريده:ها عندك اخبار؟
ليان:تدفعي كام؟
فريده: قولي بقى
ليان:مبروك طلعتي التانيه عالدفعه
فريده:بجد
ليان:ايوه يا بنتي النتيجه عالنت
فريده:وانتي وهنا عملتوا ايه؟
ليان:الحمد لله نجحنا
فريده:مبروك
ليان:لازم نخرج انهارده نحتفل
فريده:مش عارفه آدم هيوافق ولالأ؟
ليان:قولي لعمتك تقوله
فريده:هحاول واتصل بيكي
ليان:هستناكي
فريده:اوكيه باي
ليان:باي
نزلت فريده لقيت عمتها موجوده في الانتريه:
فريده:طنط
سلوى:نعم يا حبيبتي
فريده:انا طلعت التانيه عالدفعه
سلوى:مبروك يا حبيبتي , روحي فرحي آدم هو موجود فالمكتب
فريده:اوكيه
وقفت فريده على باب المكتب متردده وبعدين خدت نفس وهي مش عارفه ايه سر الرهبه اللي بتحسها ناحية آدم:
فريده:آدم
آدم:تعالي يا فريده, عايزه حاجه؟
فريده:النتيجه ظهرت
آدم بصلها وساب الورق اللي في ايده:عملتي ايه؟
فريده:طلعت التانيه عالدفعه
آدم ابتسم:مبروك الف مبروك
بصتله فريده جامد عشان كان اول مره تشوفه بيضحك: الله يبارك فيك
آدم:اختاري اي هديه
فريده بصوت متردد:ممكن اخرج مع صاحباتي انهارده
آدم بصلها اوي:هتروحوا فين؟
فريده:مش عارفه لسه
آدم:اوكيه يا فريده بس السواق هيوصلك ويستناكي عشان يرجعك
فريده وهي مش مصدقه انه وافق:متشكره يا آدم
آدم وهو شايف الفرحه فعينيها :روحي جهزي نفسك بقى
و جريت فريده عشان تكلم ليان ويتفقوا على المكان اللي هيسهروا فيه وبعد ما كلمت ليان وقفت ادام الدولاب واختارت فستان ابيض قصير وشوز فلات بيضا شنطه صغيره وحطت حزام رفيع دهبي ولبست حلق لونه دهبي وحطت ميك اب رقيق و فردت شعرها ونزلت لقيت آدم واقف عند الباب حاطط ايده في جيبه وكان بيبصلها وهي نازله من فوق وده كان اول مره يشوفها حاطه ميك اب و شعرها مفرود ولما وصلت فريده لآخر السلم خرجت عمتها من الانتريه وقالت:
سلوى:شايف يا آدم فريده كبرت ازاي؟
آدم:آه فعلا , فريده متتأخريش عن الساعه 9
فريده:حاضر
وخرجت فريده وركبت العربيه وفضل آدم باصص عليها وهو قلقان عليها عشان اول مره تخرج لوحدها في مصر……
الحلقة الخامسة
وصلت فريده الكافيه اللي هتقابل فيه هنا وليان وقعدوا وطلبوا عشا وفضلوا يتكلموا ويضحكوا وبعد العشا طلبت ليان شيشه :
فريده:ايه ده يا ليان انتي بتشربي شيشه؟؟؟؟؟؟؟
ليان:ايه يا بنتي عادي
فريده: بس ده مضره جدا
ليان:يا فري بقى ده انهارده بنحتفل بنجاحنا
هنا:انا بقالي كتير بقولها لازم تبطلها وهي مش عايزه
فريده:مامتك وباباكي بعرفوا؟
ليان:لا طبعا انت عارفه التفكير الشرقي
هنا:على فكره التفكير الشرقي غالبا بيبقى صح جدا
فريده:انا موافقه على كلام هنا
ليان:انا بقى ضد الفكر الشرقي المتخلف اللي دايما بيقيد البنت ويدي الحريه للولد
فريده بصت في الساعه لقيتها 8 و نص فقامت بسرعه وقالتلهم:
فريده:انا اتأخرت ولازم امشي
ليان:شوفتي بقى لو كنتي ولد ما كنتيش قومتي
فريده:انا قومت عشان وعدت آدم اني ارجع البيت الساعه 9
هنا:برافو عليكي يا فري كده هيثق فيكي وهيوافق تخرجي معانا تاني
ليان:انا مش مصدقه انك كنت عايشه في المانيا
فريده:متنسيش ان بابا الله يرحمه كان مصري
هنا:يلا يا فري عشان متتأخريش
فريده:باي
هنا:مع السلامه
ليان:باي
و خرجت فريده من الكافيه و ركبت العربيه ووصلت البيت الساعه 9 بالدقيقه لقيت عمتها نامت وملقيتش آدم فطلعت اوضتها غيرت هدومها ونامت…………………….
فات التيرم التاني ونجحت فريده و عمتها كانت فرحانه بيها وآدم باركلها وقالها تختار هديه بس هي شكرته وفي يوم على الفطار:
آدم:فريده هتعملي ايه انهارده
فريده:ولا حاجه يمكن اروح النادي مع طنط
آدم:اوكيه روحوا وانا هجيلكوا نتغدى سوا
وخرج آدم راح الشغل و طلعت فريده اوضتها تغير عشان تروح النادي ولبست بارتاكور جينز وعليه بلوزه قصيره خضرا و كوتشي ابيض وعملت شعرها ضفيره لورا ونزلت لقيت عمتها بتقولها:
سلوى: معلش يا فريده انا تعبانه شويه روحي انت
فريده:سلامتك يا طنط اطلبلك الدكتور؟
سلوى:لا يا حبيبتي انا هطلع ارتاح في اوضتي
فريده:طيب انا هطلع معاكي
سلوى:لا يا حبيبتي روحي النادي غيري جو وكمان عشان تتغدي مع آدم هناك
فريده:لا مش هروح من غير حضرتك
سلوى:اسمعي الكلام يا فريده , يلا السواق مستني بره
وراحت فريده النادي وكانت متعرفش حد خالص وفضلت قاعده على ترابيزه عالبيسين تتفرج عالاطفال اللي بيلعبوا وافتكرت باباها الله يرحمه لما كان بيلاعبها وهي صغيره , وهي قاعده لقيت مايه جت علي هدومها كلها فاتخضت وبصت لقيت شابين بيلعبوا ورشوا ميه عليها من غير ما يقصدوا ففريده وقفت عشان تمسح المايه بالمنديل فخرج شاب منهم وقرب منها:
الشاب:انا آسف جدا مكنتش اقصد
بصتله فريده لقيته شاب طويل وشعره اصفر وعينيه خضرا وشكله مؤدب جدا فقالتله:
فريده:حصل خير
الشاب:بجد مكنتش اقصد
فريده ابتسمت:خلاص حصل خير
الشاب مد ايده وقالها :اعرفك بنفسي اسمي مراد طالب في آخر سنه في كلية هندسه الجامعه الالمانيه
فريده مدت ايدها:اهلا بيك ,انا فريده سنه تانيه كلية ادارة اعمال الجامعه الالمانيه برده
مراد:ايه الصدفه الحلوه ده
فريده:هي فعلا صدفه
مراد:انتي قاعده لوحدك ليه؟
فريده :لسه معرفش حد اصلي رجعت من المانيا اول السنه الدراسيه
مراد:معقول لسه متعرفتيش على حد ده النادي كله اصحابي ثواني هغير هدومي وآجي اعرفك على اصحابي
وراح مراد يغير وساب فريده تستناه ولما رجع كان لابس شورت ابيض وعليه تيشيرت ازرق وشبشب ازرق وقالها:
مراد: اتاخرت عليكي
فريده:لا ابدا
وفضلوا يتمشوا لغاية ملاعب التنس ودخلوا لقيوا شلة بنات و ولاد واقفين بيشجعوا واحد صاحبهم وهو بيلعب وعرفها مراد على اصحابه
و كانوا كلهم في الجامعه الالمانيه والامريكيه وقضت فريده اليوم معاهم ومحستش بالوقت خالص غير وموبايلها بيرن:
فريده:الو
آدم:ايوه يا فريده انتوا فين؟
فريده:انا في ملاعب التنس
آدم:طيب انا جايلك
وبعد شويه جه آدم وكان لابس شورت اسود وعليه تيشيرت احمر وشوز اسود وكان لابس نظاره شمس ففريده بصت عليها فسألها مراد:
مراد:مين ده يا فريده؟
فريده:ده آدم ابن عمتي
بنت من البنات:واو ده وسيم اوي
فريده باصتلها وحست انها مدايقه من كلامها وسكتت:
آدم:هاي يا جماعه
مراد:اهلا بيك انا مراد
آدم:اهلا يا مراد انا آدم, بقى عندك اصحاب يا فريده؟
فريده:اتعرفت عليهم انهارده
آدم:طيب يلا عشان نروح نتغدى
بصت البنت لآدم ومدت ايديها:هاي انا مي
آدم:اهلا يا مي, فرصه سعيده يا جماعه عن اذنكوا
فريده:باي يا مراد
مراد:باي يا فري
ومشيت فريده مع آدم وراحوا مطعم النادي وبعد ما قعدوا:
آدم:هي ماما مجتش ولا ايه؟
فريده:لا اصلها تعبت وطلعت ترتاح في اوضتها
آدم بصلها اوي وقالها: زهقتي لوحدك؟
فريده:لا ابدا
آدم:انتي عرفتي مراد ازاي؟
حكتله فريده اللي حصل وقالتله انهم زملا في الجامعه , وطلبوا الغدا وفضل آدم يسألها على دراستها وبعد الغدا روحوا البيت وآدم غير هدومه وراح الشركه تاني وفضلت فريده بقيت اليوم لوحدها في الجنينه……………….…………
بعد اسبوع نزلت فريده عشان تفطر مع عمتها ولقيت آدم موجود وحط ادامها علبه ملفوفه لفة هدايا:
فريده:ايه ده؟
آدم بصلها بحنان:كل سنه وانتي طيبه يا فريده انهارده عيد ميلادك
فريده:انت عرفت منين؟
آدم:العصفوره قالتلي, مش هتفتحي الهديه
فريده فتحتها لقيت دبدوب بينك وماسك علبه بينك صغيره فتحتها لقيت سلسله دهب ابيض وفيها نجمه الماس فبصت للسلسله وقالت:
فريده:شكرا يا آدم ده حلوه اوي
آدم:هتقضي عيد ميلادك ال17 ازاي؟
فريده:مش عارفه, يمكن ليان وهنا يعدوا عليه
آدم:طيب انا هقوم اروح الشغل صبحي على ماما لما تنزل
فريده بصتله وعينيها بتلمع:حاضر
ولبست فريده السلسله واول ما عمتها نزلت:
فريده:شوفتي يا طنط آدم جابلي ايه هدية عيد ميلادي؟
سلوى باستها في خدها:كل سنه وانت طيبه يا حبيبتي , حلوه اوي السلسله و آدي هديتي انا
فريده فتحت هدية عمتها لقيت خاتم جميل فيه فص ازرق:شكرا يا طنط ربنا يخليكي ليه
وبالليل جت ليان وهنا عند فريده وجابوا تورته كبيره وعملوا لفريده عيد ميلاد في الجنينه وفضلوا يغنولها وبعد ما طفوا الشمع :
ليان:يلا اتمني امنيه
هنا:يلا يا فري
فريده غمضت عينيها و ملقيتش امنيه بس لقيت نفسها بتفكر في آدم واول ما فتحت عينيها لقيته واقف بيبصلها ولقيت ليان وهنا باصين لآدم بصة اعجاب:
آدم:اتمنيتي ايه؟
ليان:ده سر على فكره, هاي انا ليان
آدم:اهلا يا ليان , وانتي اسمك ايه؟
هنا:انا هنا فرصه سعيد اننا نشوفك فريده بتتكلم عنك علطول
آدم بص لفريده: ويا ترى بتقول عليه ايه؟
فضلت فريده باصه في عينيه ومتكلمتش خالص كأنها مش حاسه بوجود اي حد في الدنيا غير آدم بس…….
الحلقة السادسة
ابتدت السنه الدراسيه وكانت فريده بتروح كل يوم الجامعه وبقت بتقعد مع ليان وهنا ومراد واصحابه و حست فريده ان مراد معجب بيها بس هي مش حاسه ناحيته بأي حاجه كان بالنسبه ليها صديق واخ لغاية ما جه آخر يوم في امتحانات التيرم الاول وجالها مراد عند الكليه:
مراد:ازيك يا فري
فريده:ازيك يا مراد عملت ايه في الامتحانات؟
مراد:الحمد لله, ايه رأيك نتعشى سوا انهارده
فريده:لوحدنا؟؟
مراد:انا عايز اكلمك في موضوع مهم
فريده:بس آدم مش هيوافق
مراد:انا هكلمه
فريده:بس………
مراد:ارجوكي مترفضيش
فريده حست بالاحراج واضطرت توافق بس كان اكتر حاجه قالقاها آدم هيقول ايه؟؟؟؟؟؟؟؟؟؟
رجعت فريده البيت لقيت عمتها مستنياها عشان تطمن عليها عملت ايه في الامتحان وبعد ما طمنتها طلعت اوضتها تغير وبعد شويه طلعت الشغاله تخبط عليها وتقولها ان آدم مستنيها في المكتب:
خبطت فريده عالباب وهي خايفه وفتحت الباب ودخلت على آدم:
فريده:مساء الخير
آدم كان واقف وظهره ليها:اقعدي يا فريده
قعدت فريده وهي خايفه اوي
آدم:تعرفي ان مراد كلمني انهارده
فريده:ايوه هو قالي
آدم:طلب مني تتعشوا سوا بره انهارده
فريده: هو قالي بس انا موافقتش غير لما يستأذنك
آدم بصلها وقالها:انت عايزه تخرجي معاه؟
فريده:هو قالي انه عايز يكلمني في موضوع مهم
آدم وتعبيرات وشه ثابته: عايزه تروحي ؟
فريده:لو انت وافقت
آدم:اوكيه روحي يا فريده
فريده:طيب عن اذنك
آدم:اتفضلي
طلعت فريده اوضتها وهي مدايقه ان آدم وافق ومش عارفه ليه مع انها المفروض تفرح انه سايبها براحتها بس برده حست انه المفروض كان يرفض …………………..
الساعه سبعه بالضبط نزلت فريده من اوضتها وكانت لابسه جيب طويله لونها نبيتي في بيج وعليها بلوزه كات بيج وشوز نبيتي وشنطه نبيتي وكانت فارده شعرها وحاطه ميك اب هادي ولقيت آدم قاعد في مكتبه:
فريده:آدم
آدم :ها جاهزه
فريده:ايوه مراد هيجي كمان ربع ساعه
آدم:طيب كويس
فريده:لو مش عاوزني اروح انا ممكن اعتذرله
آدم بصلها وفي عينيه ابتسامه :روحي يا فريده بس تكوني في البيت الساعه تسعه
اتغاظت فريده انه بيضحك ومش مدايق انها هتخرج مع مراد وسابته وراحت عشان تستنى مراد في الجنينه ولقيت عمتها قاعده:
فريده:انا جاهزه
سلوى:مالك مدايقه ليه؟
فريده:ابدا
سلوى:آدم قالك حاجه زعلتك؟
فريده بصت لعمتها والدموع في عينيها:لأ…. مقلش حاجه
سلوى حست ان فريده مش عايزه تخرج مع مراد بس هي كانت فاكراها معجبه بيه ومعرفتش هي زعلانه ليه….
الحلقة السابعة
وصلت فريده مع مراد المطعم وكان مطعم هادي وقعدوا على ترابيزه في الجنب عليها شموع وطلبوا عشا وبعد ما خلصوا أكل ومراد فضل باصص لفريده وقالها:
مراد:فريده انا………..
فريده:خير يا مراد
مراد:انت عارفه اني فاضلي تيرم واتخرج ان شاء الله
فريده:ان شاء الله
مراد:وانا اتفقت مع بابا اني ارجع المانيا اشتغل في شركة عمي هناك
فريده:ده خبر كويس ربنا يوفقك يا مراد
مراد:انا معجب بيكي يا فريده و اتمنى توافقي اننا نتخطب الفتره اللي هتكملي دراستك في مصر وبعدين نتجوز ونسافر المانيا سوا
فريده بصت وهي مش عارفه تقول ايه
مراد:ارجوكي تفكري كويس , انتي الانسانه اللي طول عمري بحلم بيها
فريده:بس انا مبفكرش في الجواز دلوقتي خالص
مراد:انا عارف بس انا بقول نتخطب لغاية ما تتخرجي
فريده فكرت شويه وقالت: هو انت قلت لآدم عالموضوع ده
مراد:ايوه انا استأذنته اني افاتحك وهو وافق اننا نخرج عشان تقولي رأيك بصراحه
فريده: وهو رأيه ايه؟
مراد:بصراحه انا بحترم آدم جدا بس بحسه غامض وعينيه متعرفيش جواها ايه وحتى كلامه قليل بس متهيألي هو عايز يعرف رأيك الاول, ها يا فري قررتي ايه؟
فريده:يا مراد انا بعتبرك اكتر من صديق وانت انسان ممتاز بس انا مش بفكر الجواز خالص
مراد اتصدم من كلامها:ارجوكي فكري تاني
فريده:انا آسفه يا مراد
مراد:على العموم انا هستناكي تفكري تاني وانتي معاكي ارقامي هنا وفي المانيا كلميني اي وقت هتلاقيني مستنيكي
وفضلوا يتكلموا كلام عادي عن الدراسه و بعد كده وصل مراد فريده عند باب الفيلا ومشي وهو زعلان وكان نفسه تكون فريده بتبادله نفس الشعور بس فضل عنده امل تغير رأيها في يوم من الايام……………….
دخلت فريده الفيلا وفضلت قاعده في الجنينه تفكر في كلام مراد وطلبه للجواز منها , واكتر حاجه استغربتلها ان آدم مقلهاش اي حاجه عن طلب مراد انه يخطبها , وكلمت نفسها بصوت عالي:
فريده:وبعدين معاك ؟ انت تقصد ايه بتصرفاتك ده معايا؟ نفسي اعرف بتفكر في ايه؟
ودخلت فريده الفيلا عشان تطلع تنام بس لقيت نور المكتب منور فقررت تدخل تتكلم مع آدم , خبطت ودخلت لقيته مرجع راسه لورا عالكرسي وكان شكله مرهق جدا فحاولت تخرج تاني عشان تسيبه يرتاح بس هو فتح عينيه:
آدم:انت رجعتي يا فريده؟
فريده:ايوه رجعت الساعه 9
آدم:ها اتبسطتي؟
فريده:عادي, انت عارف مراد كان هيكلمني في ايه؟
آدم:ايوه عارف
فريده:وانت رأيك ايه فالموضوع ده؟
آدم:مش مهم رأيي المهم رأيك انت
فريده بصتله وسكتت شويه وبعدين قالت:انا مش عايزه اتجوز خالص
وسابته وطلعت تجري على اوضتها ولقيت نفسها بتعيط ومكنتش عارفه ليه؟؟؟؟؟؟؟؟
الحلقة الثامنة
بعد اليوم ده ابتدت فريده تتجنب تشوف آدم وبقت اغلب وقتها في الجامعه وفي الاجازات في النادي مع عمتها وليان وهنا صاحباتها وفضلت تسأل عنه عمتها بطريقه غير مباشره وعرفت انه هيسافر ايطاليا في شغل و قالت لنفسها انها لازم تسلم عليه قبل ما يسافرده ابن عمتها برده………………
و قبل السفر بيوم نزلت فريده عشان تتعشى مع عمتها خصوصا ان آدم بقاله فتره بياكل بره البيت وبعد ما ابتدوا يتعشوا دخل آدم من باب الفيلا وكان بقاله كتير ما شافش فريده فقالها:
آدم: مساء الخير يا ماما, مساء الخير يا فريده
بصتله فريده نظره رقيقه و قالت:مساء النور
سلوى:مساء النور يا حبيبي, كىيس ان جيت عشان تتعشى معانا
وقعد آدم عالسفره وقال: حد فيكم محتاج حاجه من ايطاليا؟
سلوى:ميرسي يا حبيبي
فريده:شكرا
آدم:انا هسافر بكره الصبح ان شاء الله
فريده من غير ما تفكر:هترجع امتى؟
آدم:اسبوع او اتنين حسب ما اخلص شغلي
سلوى:كان نفسي اسافر معاك
آدم:اوعدكم ملره تانيه نسافر سوا نغير جو وكمان عشا ارتاح من ضغط الشغل
فريده:هتنزل فين في ايطاليا؟
آدم:هنزل الاول على روما
وقامت سلوى عشان تنام وسابت فريده مع ادهم اللي كان بيشرب قهوه في الانتريه وفضلت فريده ساكته وآدم اتكلم فجأه:
آدم:عامله ايه في دراستك؟
فريده:الحمد لله
آدم:واخبار مراد ايه؟
فريده:كويس
آدم:كلمك تاني في موضوع الخطوبه؟
فريده:لا ابدا
آدم:انا هتصل بيكم كل يوم عشان اطمن عليكم ومش هوصيكي على ماما
فريده:متقلقش
آدم:مش هتنامي
كانت فريده عايزه تقوله انا عايزه اقعد معاك ده انا هفضل اسبوعين ما شوفكش
فريده:خلاص انا هطلع
آدم بصلها نظره غريبه وعينيه بتلمع:تصبحي على خير
فريده:تصبح على خير
صحيت فريده بدري عشان تسلم على آدم قبل ما يسافر ولبست بنطالون جينز و تيشيرت احمر وعملت شعرها ضفيره عالجنب ونزلت بسرعه لقيت عمتها و آدم صاحين:
فريده:صباح الخير
آدم:صباح الخير
سلوى:ايه اللي صحاكي بدري يا حبيتي
فريده: عادي صحيت وقلت انزل اقعد معامكم
سلوى:طيب روحي عشان تفطري
فريده مكنتش عايزه تسيب آدم فقالت: انا مش جعانه
وفضلوا قاعدين يتكلموا عن ايطاليا والاماكن السياحيه اللي فيها و قام آدم وقالهم:
آدم:اسيبكم انا بقى وهكلمكوا لما اوصل ان شاء الله
سلوى:مع السلامه يا حبيبي
فريده وعينيها فيها دموع:مع السلامه
آدم:خلي بالكم من بعض
وخرج من الباب وسمعت فريده صوت العربيه وهي بتبعد وحست ان قلبها راح مع آدم………………..
فاتوا الاسبوعين على فريده كأنهم سنه وكانت بتروح الكليه ومش بتركز في اي حاجه ومبقتش تروح النادي ودايما قاعده في الجنينه او بتعوم في البيسين وكل يوم تستنى آدم لما يكلم مامته عشان تطمن عليه وساعات كانت سلوى تقوله خد فريده هتسلم عليك وكان صوتها بيبقى فرحان لما تسمع صوته وحدد آدم يوم الوصول وكان هيوصل بالليل خالص وفضلت فريده مستنياه هي وسلوى بس سلوى نامت وهي قاعده ففريده قالتلها:
فريده:اطلعي انت يا طنط ارتاحي وانا هستناه
سلوى:طيب يا حبيبتي انا هقوم عشان تعبت خالص
فريده:تصبحي على خير
سلوى:وانت من اهله
وفضلت فريده قاعده فالجنينه مستنيه آدم و جابت شال اتغطت بيه عشان الجو كان برد شويه ونامت وهي قاعده عالكنبه وكان شكلها برئ اوي …………
الحلقة التاسعة
دخل آدم من باب الفيلا لقى فريده نايمه ومتغطيه فصعبت عليه عشان الجو برد فصحاها براحه :
آدم: فريده…. فريده
فريده كانت بتحلم حلم جميل وان آدم ماسك ايديها وبيبص في عينيها ………….
فريده:اممممممممممم
آدم:فريده
فريده:آدم .. وحشتني اوي
آدم بصوت عالي شويه:فريده اصحي عشان تنامي جوه
فريده فتحت عينيها لقيت آدم قريب منها اوي:آدم انتي جيت ؟
آدم :ايه اللي نيمك كده؟
فريده:كنت مستنياك
آدم بصلها بحنان:طيب يلا ادخلي نامي كده هتاخدي برد
فريده قامت وشعرها كان مفرود وشكلها جميل اوي ودخلت جوه عشان تنام , وفضل آدم قاعد مكانها ومسك الشال اللي كانت متغطيه بيه وحضنه وفضل يفكر فيها وقال لنفسه:
انتي هتعملي ايه فيه يا فريده……….؟ مينفعش افكر فيكي… انا اكبر منك ب13 سنه , لازم ابعدك عني عشان تعيشي حياتك وسنك, بس يا ترى هقدر اقاومك لغاية امتى؟
وحاول آدم يقضي اغلب اليوم بره البيت عشان يبعد عن فريده وهي مش عارفه تشوفه عشان دراستها وخلصت السنه الدراسيه وجت الاجازه وبرده آدم بيهرب وفريده بقت علطول زعلانه وبطلت تخرج من البيت عشان تحاول تشوفه بس هو كل ما يشوفها يسلم عليها ويدخل المكتب او يخرج من البيت وعمتها حست ان فريده مش سعيده خالص وبطلت تروح النادي وتشوف اصحابها:
سلوى:مالك يا فريده؟ مش بتحرجي مع صحباتك ليه؟
فريده:عادي مش عايزه
سلوى وهي بتهزر:ولا عشان عيد ميلادك قرب؟
فريده:آه صحيح ده يوم الخميس
سلوى:ايه رأيك نعمله في الفيلا ؟
فريده:لا لا مفيش داعي
سلوى:السنه اللي فاتت مرضيناش نعمله عشان كان باباكي لسه متوفي بس السنه ده هنعمله ونعزم كل معارفنا عشان الناس تتعرف عليكي
فريده:بجد مش عايزه
سلوى:انا قلت هنعمله يعني هنعمله وبكه هننزل نشتريلك فستان يجنن عشان كل الناس يشوفوا بنت اخويه اللي زي القمر
فريده ضحكت عشان عمتها متزعلش:ربنا يخليكي ليه, هو عيد ميلاد آدم امتى؟
سلوى:1/1بتسألي ليه؟
فريده:عشان اجيبله هديه
سلوى :ربنا يخليكوا ليعض
فريده ابتسمت وبصت بعيد………………….…
نزلت تاني يوم فريده مع سلوى واتفقوا على التورته والجاتوهات و كل طلبات العيد ميلاد وراحوا يشتروا الفستان فاختارت سلوى فستان لونه دهبي طويل وحمالات وقماشته ناعمه جدا وليه ديل بسيط من ورا ومفتوح من عند الصدرو قاسته فريده وكان شكلها زي القمر و رجعوا البيت شايلين حاجات كتير وبيضحكوا وهما داخلين لقيوا آدم خارج:
سلوى:آدم .. كويس اني شوفتك تعالى شوف جبنا ايه عشان عيد ميلاد فريده
آدم بص لفريده:كل سنه وانتي طيبه
فريده وهي فرحانه: وانت طيب
سلوى:اوعى تكون نسيت عيد ميلادها؟
آدم بص في عينين فريده:عمري ما اقدر اساه
فريده كانت هتطير من السعاده عشان آدم فاكر عيد ميلادها , واستأذن آدم وخرج وفضلت فريده فرحانه لغاية ما دخلت سريرها عشان تنام … وحلمت بآدم بيضحكلها من بعيد ففضلت تضحك وهي نايمه…………
الحلقة العاشرة
يوم عيد ميلاد فريده صحيت بدري وفطرت مع عمتها وابتدوا يجهزوا الفيلا والجنينه عشان العيد ميلاد وبعد ما خلصوا جت ليان وهنا عشان يساعدوا فريده و هي بتلبس و فضلوا قاعدين في الاوضه يتكلموا وفريده بتجهز نفسها وكان فستان ليان لونه احمر وقصير وفستان هنا لونه موف وطويل وكانوا الاتنين شكلهم جميل وبعد ما فريده لبست الفستان وحطت ميك اب دهبي في بيج ولبست صاندال دهبي :
ليان:ايه ده؟ شيك اوي اشترتيه منين ؟
هنا:هتبقي احلى واحده انهارده يا فري
فريده:بجد شكلي حلو
ليان:جدا جدا
هنا:هو مراد هيجي؟
فريده:انا عزمته بس مش عارفه هيجي ولا لأ, اصله بيجهز اوراقه عشان هيسافر خلاص
هنا:لسه مش موافقه تتجوزيه؟
فريده:لأ مش موافقه مراد مش هو الانسان اللي بحلم بيه
هنا: وايه مواصفات الانسان ده بقى ؟
فريده:عايزاه حنين ورقيق ويكون ناضج ويكون…..
هنا:بس بس وهو فين فارس احلامك ده بقى؟
ليان:اوعي تكوني بتحبي من ورانا يا فري؟
فريده:لا ابدا , يلا بقى عشان اعمل شعري الضيوف قربوا يجوا
ونزلت فريده وصاحباتها الساعه 8 عشان يستقبلوا اصحابهم وابتدوا الضيوف يجوا وفضلت فريده عينيها عالباب مستنيه آدم يجي بس هو اتأخر وكانت عايزه تسأل عليه بس كانت مكسوفه وخصوصا ان عمتها كانت قاعده مع مرات عم آدم وبناتها الاتنين وناس تاني من عيلة آدم وفريده راحت سلمت عليهم وبعد كده راحت تسلم على مراد واصحابه.
جنب باب الفيلا كان فيه ترابيزه كبيره اتملت من الهدايا بس فريده كانت مستنيه آدم عشان فرحتها بعيد ميلادها تكمل والساعه عشره قامت فريده عشان تطفي الشمع وكانت بتضحك عشان محدش ياخد باله انها مدايقه وبعد ما اصحابها غنوا طفوا النور وطفت فريده الشمع و غمضت عينيها واتمنت ان آدم يجي بسرعه ولما فتحت عينيها اصحابها فتحوا الانوار لقيت آدم واقف ادامهاو كان لابس بدله لونها اسود وتحتها قميص ابيض مخطط بأسود وحاطط بيرفيوم حلو اوي فراحت عنده :
فريده:أتأخرت ليه؟
آدم ابتسم: كل سنه وانتي طيبه
فريده:وانت طيب
ليان:ازيك يا آدم, ها فين هدية فريده
آدم:الهديه بره الفيلا
وخرجت فريده واصحابها بره الباب لقيوا صندوق احمر كبير جدا ومليان شرايط ساتان بيضا بتلمع ووقفت فريده مش عارفه ايه اللي جوا الصندوق:
ليان :يلا يا فريده شدي الشرايط خلينا نشوف ايه الهديه
فريده قربت وشدت الشرايط الصندوق اتفتح ولقيت جواه عربيه لونها احمر مرسيدس صغيره
ليان وهنا:واااااااااااااااو
مراد:مبروك يا فري
ليان:مش ممكن آدم ده هايل
هنا:مبروك يا فري
فريده راحت لآدم: شكرا يا ىدم بس كده كتير اوي
آدم :مفيش حاجه تكتر عليكي يا فريده
وفضلوا باصيين لبعض وساكتين ومخدوش بالهم من البنت اللي قربت من آدم وخبت عينيه وقالت:
البنت:انا مين؟؟؟؟؟؟؟؟
آدم شال ايد البنت وقال:مش ممكن ازيك يا لانا عامله ايه؟
لانا:وحشتني موت
وحضنت آدم وهو بيضحك وفضلوا يتكلموا مع بعض , فريده فضلت واقفه تتفرج عليهم وكانت عايزه نجري تروح اوضتها بس اصحابها خدوها من ايديها عشان يرقصوا وفضلت فريده عينيها على آدم وهو مشغول بلانااللي كانت لابسه فستان قضير وضيق لونه فضيوشكلها جميل وشعرها طويل واصفر وعاملاه كيرلي وفريده عايزه تعرف مين لانا وايه علاقتها بآدم……
الحلقة الحادية عشر
فضل آدم طول الحفله قاعد مع لانا في الجنينه يتكلموا ويضحكوا وفريده كانت اول مره في حياتها تعرف يعني ايه غيره وكانت بتضحك غصب عنها عشان اصحابها وبعدين واحد صاحبهم عزف اغنيه هاديه عالجيتار بتاعه فكل واحد اختار بنت ورقصوا وقامت لانا وآدم يرقصوا وفريده كانت مدايقه وقرب منها مراد وقالها يلا نرقص وراحت معاه وعينيها على آدم وفضلت فريده مش مركزه في كلام مراد اللي كان بيقوله :
مراد:فريده انت مش معايا خالص
فريده:ها.. بتقول ايه؟
مراد:بقول انك مش معايا خالص
فريده:معلش مسمعتكش
مراد:بقول انك جميله اوي انهارده
فريده:شكرا
مراد بص ناحية آدم وقالها:بتحبيه؟؟
فريده:انت بتقول ايه؟
مراد وعينيه كلها حزن:انا حاسس بيكي
فريده:بس انا مبحبو…….
مراد:مفيش داعي تخبي عشان باين اوي في عينيكي اللي مبتفارقهوش ولا ثانيه
فريده بصت بعيد وعينيها دمعت
مراد:وهو ايه شعوره ناحيتك؟
فريده:مش عارفه .. يا مراد.. مش عارفه
مراد:مين اللي معاه ده؟
فريده وعينيها مليانه دموع:برده مش عارفه اول مره اشوفها
مراد:طيب بلاش دموع ده انهارده عيد ميلاد اجمل بنت فالدنيا
فريده بتضحك من بين دموعها:انت احسن صديق قابلته في حياتي
وفضلت فريده ترقص مع مراد لغاية ما قرب منهم آدم:
آدم:تسمحلي بالرقصه ده يا مراد؟
مراد:طبعا اتفضل وغمز لفريده من ورا آدم ومشي……………….
قرب آدم من فريده ومسك ايديها وابتدوا يرقصوا مع بعض وفريده مكسوفه تبص لآدم وهو فضل باصصلها:
آدم:كل سنه وانتي طيبه يا فريده
فريده:وانت طيب
آدم:من بكره هتبتدي تتعلمي السواقه
فريده:اوكيه
آدم:فستانك جميل اوي
فريده بصتله وهي فرحانه ان الفستان عجبه:بجد
آدم: اصحابك شكلهم لطاف خالص
فريده:آه فعلا , مين اللي كانت بترقص معاك؟
آدم وعينيه بتضحك:ده لانا
فريده:انا عرفت اسمها بس هي مين؟
آدم:يهمك تعرفي؟
فريده ادايقت منه:لا ابدا براحتك
آدم وهو بيضحك :ده بنت صاحبة ماما ومتربين سوا
فريده:بس شكلها واخده عليك اوي
آدم:انتي بتغيري عليه ولا ايه؟
فريده:لا لا اغير ايه
آدم:طيب يلا روحي لاصحابك عشان ابتدوا يمشوا
فريده:انت هتروح للانا؟؟
آدم و هو بيضحكلها:لا هقعد مع ماما
فريده راحت لأصحابها وهي فرحانه اوي ان آدم مقعدش مع لانا تاني بس وهي واقفه مع اصحابها جت لانا و قربت من فريده وقالتلها:
لانا:انتي بقى فريده؟
فريده:ايوه
لانا:ده انتي صغيره اوي
فريده وهي متغاظه منها:انا تميت 18 سنه انهارده
لانا :برده صغيره , ده حتى آدم دايما يقولي فريده ده اختي الصغيره
فريده:وقالك ايه كمان؟
لانا:كل حاجه ده حتى انا اللي اخترتلك لون العربيه
فريده:انتي؟
لانا:ايوه , ايه رأيك في ذوقي؟
فريده:حلو اوي
لانا:طيب عن اذنك بقى عشان آدم مستنيني عشان يوصلني
فريده:اتفضلي
وبصت فريده لقيت لانا ماشيه مع آدم وخارجين من باب الفيلا , وفضلت فريده مع اصحابها لغاية ما مشيوا كلهم وطلعت اوضتها وقعدت عالسرير و قعدت تفكر ان لانا هي المناسبه لآدم عشان كبيره مش لسه بتدرس زيها وكمان جميله جدا وواضح انه بياخد رأيها في كل حاجه , وكمان بيقول انها اخته الصغيره ……… وفضلت فريده تعيط لغاية ما نامت عالسرير بهدومها.
الحلقة الثانية عشر
قررت فريده تحاول تنسى حبها لآدم عشان هو بيعتبرها زي اخته زي ما عرفت من لانا وركزت في دراستها و خصوصا انها طلعت الاولى على الدفعه في سنه تانيه وابتدت السنه الدراسيه الجديده و بقت فريده تروح بعربيتها وكان شكلها حزين وليان وهنا ما عرفوش يخرجوها من الحزن اللي هي فيه بقت فريده علطول بتذاكر وبقت كل ما تقابل آدم بالصدفه تسلم عليه عادي وتستأذن بحجة ان عندها مذاكره وفات اول تيرم وابتدت الاجازه و اول يوم الاجازه جه آدم يكلم فريده وهي قاعده تقرا في الجنينه:
آدم:صباح الخير يا فريده
فريده:صباح الخير يا ىدم
آدم:مالك يا فريده في حاجه مزعلاكي؟
فريده:لا ابدا ليه بتقول كده؟
آدم:اصل شكلك حزين وكمان خاسه جدا
فريده:ده بس من كتر المذاكره
آدم:طيب ايه رأيك نخرج نتعشى سوا انهارده انا وانت بره
فريده ايتسمت لأول مره من مده طويله:بجد
آدم:بجد
فريده:اوكيه
آدم:عايزك تكوني جاهزه الساعه 8 بالضبط
فريده:حاضر
وسابها آدم وراح شغله وكانت فريده هتطير من الفرحه وجت عمتها تقعد معاها:
سلوى:ايه اللي مفرحك كده يا حبيبتي؟
فريده:اصل آدم عازمني على العشا انهارده
سلوى:بقى عشان كده فرحانه
فريده اتوترت: اصلي بقالي كتير مخرجتش
سلوى فكرت شويه وقالت:ربنا يسعدك يا فريده
لبست فريده فستان لونه اخضر فاتح كات وقصير و نازل على واسع ولبست حزام عريض بني وصاندال بني وشنطه صغيره بني وسابت شعرها مفرود وحطت بيرفيوم نينا ريتشي وميك اب بيج في اخضر ونزلت الساعه 8 تستنى آدم ولقيته واقف عند السلم مستنيها وكان لابس بدله لونها كحلي وتحتها قميص لبني وكرافت كحلي في ابيض وحاطط بيرفيوم جميل آدم بصلها نظرة بإعجاب :
آدم:جاهزه
فريده:جاهزه
وسلموا على سلوى وخرجوا من الفيلا وفتحلها آدم باب العربيه وبعد ما قعدت راح ركب وساق العربيه:
فريده:هنروح فين؟
آدم:ده مفاجأة
فريده رجعت راسها لورا وغمضت عينيها عشان تخبي مشاعرها اللي حاولت تداريها كتير ومعرفتش واكتشفت انها مش هتقدر تبعد عن آدم لأن حبه بيجري جواها غصب عنها و يظهر انها هتتعذب كتير بسبب الحب ده وخرجت من افكارها على صوت آدم:
آدم:روحتي فين؟
فريده:انا معاك
آدم:كنتي بتفكري في ايه؟
فريده:و لا حاجه
آدم:اخبار مراد ايه؟
فريده:سافر المانيا وبيشتغل هناك
آدم:بيكلمك؟
فريده:ساعات بنبعت لبعض ايميلات
آدم:هو وحشك ولا ايه؟
فريده بصتله و هي زعلانه منه عشان مش حاسس بحبها ليه وفاكرها بتحب مراد:
فريده:لا طبعا ويوحشني ليه
آدم:عادي يعني عشان كان زميلك ومعاكي فالنادي
فريده:مش معنى كده اني افكر فيه او يوحشني
آدم:طيب خلاص انتي زعلتي ليه
فريده:مش زعلانه
آدم:طب يلا اضحكي بقى عشان وصلنا المطعم المفاجأه
نزلوا من العربيه وسابوا المفتاح للحارس يركن العربيه ودخلوا المطعم الموجود عالنيل وكل الترابيزات عليها شموع ملونه واضاءة المطعم هاديه خالص والمنظر كله عالنيل وقعدوا في ترابيزه جميله كان آدم حاجزها وطلبوا عشا وراح الجرسون يجيب الاكل و آدم قال:
آدم:نفسي اعرف بتفكري في ايه؟
فريده:عادي في الدراسه
آدم:انا جايبك هنا عشان عايز افاتحك في موضوع
فريده:اتفضل
آدم:بعد العشا
ووصل الاكل وكان الاكل جميل وطلب آدم قهوه وطلب لفريده عصير فراوله وابتدى يقول :
آدم:انتي عارفه طبعا ان ماما تعبانه جدا
فريده:ايوه عارفه, هو في حاجه بخصوص طنط
آدم:انا نفسي اعمل حاجه عشان افرحها واساعدها تقاوم التعب وتحس انها لازم تخف عشانها
فريده:يا ريت يا آدم
آدم:بس الحاجه ده لازم تساعديني فيها
فريده:انا عشان طنط اعمل اي حاجه
آدم:اي حاجه؟؟؟؟؟؟؟؟؟؟؟؟؟
فريده بثقه جامده جدا:اي حاجه
وبص آدم في عينين فريده وسكت……………..
الحلقة الثالثة عشر
فضل آدم ساكت شويه وبعدين قال:
آدم:فريده تقبلي تتجوزيني؟
فريده حست انها مش فاهمه هو قال ايه ومصدقتش ودانها انه عايز يتجوزها وانه حس بيها بعد الوقت ده كله بس فكرت تاني في كلامه وقالت:
فريده: وايه علاقة طلبك ده بطنط سلوى ومرضها
آدم:اصل ماما بتحبك اوي وعلطول بتقولي انها قلقانه عليكي وعليه و نفسها تفرح بينا قبل ما تموت
فريده بصتله جامد وكأنه كسر فرحتها مليون حته وانه مفكرش يتجوزها الا عشان مامته تفرح وانه محسش بحبها ليه ابدا وحست ان قلبها اتكسر
آدم:سكتي ليه؟
فريده:عايزني اقول ايه؟
آدم:موافقه نمثل اننا متجوزين ادام ماما ولا لأ؟
فريده:انا قلتلك انا ممكن اعمل اي حاجه عشان طنط سلوى
آدم:يعني موافقه
فريده وعينيها كلها الم:موافقه
و فضلت فريده طول طرق رجوعهم البيت ساكته وعمالة تفكر ليه آدم محبهاش ؟؟؟؟؟؟؟؟؟؟؟؟؟؟؟؟؟؟؟؟؟
ووصلوا البيت لقيوا سلوى مستنياهم واول ما دخلوا آدم لف دراعه حوالين وسط فريده وقال لمامته:
آدم:ماما باركلنا فريده قبلت تتجوزني
سلوى:صحيح يا فريده؟
فريده بتضحك وهي عايزه تعيط:صحيح يا طنط
سلوى ودموعها بتنزل من الفرحه:الحمد لله انا كنت بدعي ربنا كل يوم انكوا تكونوا لبعض
وحضنت آدم وبعد كده حضنت فريده وطلعت تنام وهي فرحانه وحست فريده ان عمتها تستاهل اي تضحيه عشان هي اطيب انسانه قابلتها في حياتها.
طلبت سلوى ان فرحهم يكون يوم عيد ميلاد فريده ال20 و خلال الوقت ده استمرت فريده تحاول ما تقابلش آدم وهو كمان حس انها بتبعد عشان مش عاوزه تتجوزه ووافقت بس عشان سلوى فقرر يبعد عنها وفاتت سنتين وفريده خلصت الكليه و اتخرجت و ابتدوا يجهزوا الفيلا ويحضروا للفرح وانشغلت فريده و سلوى بتجهيز دور في الفيلا عشان آدم وفريده يعيشوا فيه بعد الجواز و عملوا الحمام اسود وكل الحاجات اللي فيه لونها دهبي وعملوا اوضة ملابس كبيره وبعتوا اشتروا اوضة نوم من ايطاليا وعملوا مطبخ امريكي كبير وانتريه صغير واشتروا تليفزيون كبير LEDعالحيطه .
وفريده حست ان سلوى خفت من كتر فرحتها بخبر جوازها من آدم , وليان وهنا فرحوا وقالوا لفريده انهم كانوا حاسين انها وآدم كانوا بيحبوا بعض وفريده مرضيتش تقول لأي حد عن حقيقة الجواز المزيف وفضلت مخبيه كل ده جواها وآدم فضل مشغول طول الوقت ومكنوش بيشوفوا بعض الا مع سلوى عالسفره و كانوا بيمثلوا ادامها انهم فرحانين , وطلبت فريده انهم يعملوا فرح بسيط في الفيلا ويعزموا ناس قليلين خالص وسلوى ماكانش عاجبها الفرح الصغير بس ادام اصرار فريده وافقت وبعت آدم اشترى فستان فريده من فرنسا بعد ما اختارته من كتالوج عالنت وقبل الفرح بيوم كانت فريده في اوضتها قاعده تعيط عشان مش مصدقه انها هتتجوز آدم وهو مش بيحبها وكان نفسها كل ده يكون حلم وتصحى منه وفجأة خبط الباب و قامت فريده وهي بتمسح دموعها عشان تفتح الباب…………………
يا ترى مين اللي بيخبط على فريده؟؟؟؟؟؟؟؟؟
الحلقة الرابعة عشر
قامت فريده تفتح الباب وكانت لابسه بيجاما نص كوم وشورت لونها احمر في اسود عليها رسمة ميكي ماوس وكانت عامله شعرها ضفيره للجنب و اول ما فتحت اتخضت عشان لقيت آدم واقف ادامها لابس بنطالون بيجاما كاروهات صغيره احمر في كحلي وتيشيرت احمر و كان شاكله لسه واخد شاور عشان شعره كان مبلول وريحة الشامبو بتاعه حلوه :
آدم بصلها ولقي عينيها حمرا من العياط فاتأكد انها بتحب مراد واكيد ندمانه انها هتتجوزه وبقت عينيه كلها حزن وقالها:
آدم:انتي كنتي بتعيطي؟
فريده:لا ابدا انا تقريبا عندي برد
فريده كان نفسها يقولها انه بيحبها وانه هيتجوزها عشان ميقدرش يعيش من غيرها وياخدها فحضنه بس هو ما قالش كده خالص
آدم كان ماسك علبه لونها بيج وفتحها ادام فريده:
آدم: انا اشتريت الشبكه على ذوقي يا رب تعجبك
وكان طقم الماظ فيه احجار لونها ازرق عباره عن كولييه وحلق واسوره وخاتم جميل وكمان معاه دبله دهب ابيض عريضه مكتوب عليها فريده من بره وآدم من جوه وكمان دبله فضه لآدم نفس الشكل مكتوب عليها آدم من بره وفريده من جوه:
فريده:حلوه اوي
آدم:لفي عشان البسهالك
ولفت فريده وقرب آدم منها وبعد شعرها عن رقبتها عشان يقفلها الكولييه وكانت حاسه بنفسه على رقبتها و ده كانت اول مره آدم يكون قريب اوي منها و كان نفسها تلف وتحضنه جامد وتقوله بحبااااااااااااااااااك بس فضلت ساكته ومغمضه عينيها وبعد ما آدم قفل الكولييه لفها تاني و مسك ايدها اليمين عشان يلبسها الدبله وكانت ايديها صغيره اوي بالنسبه لأيده وكانت بيضا و ناعمه و لبسها الدبله برقه و راح باس راسها وخرج وسابها حاسه انها اكيد بتحلم و ريحته لسه حواليها وايديها لسه دافيه من لمسة ايديه ودخلت فريده في سريرها ونامت وهي بتبتسم وفرحانه ومقلعتش الكولييه من رقبتها……………….
صحيت فريده الصبح على صوت سلوى :
سلوى :فريده حبيبتي يلا قومي ورانا حاجات كتير
فريده كانت صاحيه بتضحك :صباح الخير يا طنط
سلوى:صباح الخير يا عروسه, الله ايه الكولييه الشيك ده؟
فريده وشها احمر وقالت:ده الشبكه آدم جابهالي
سلوى بصت بشك :جابهالك امتى؟
فريده وهي مكسوفه عشان افتكرت انه باسها في راسها:بالليل
سلوى وهي بتضحك:ربنا يسعدكوا يا حبيبتي , قومي بقى خدي شاور عشان الكوافيره جات و هتطلعلك كمان شويه
فريده:حاضر
ودخلت فريده الحمام و خدت شاور وخرجت لقيت الشغاله جايبه الفطار وبعد ما فطرت طلعت الكوافيره والمساعده بتاعتها ابتدوا يعملوا لفريده الماسكات ويجهزوها عشان الفرح بالليل……………
خلصت فريده شعرها والميك اب اللي كان ابيض في فضي وعملت شعرها تسريحه على فوق وخصل نازله على وشها ولعت الروب عشان تلبس الفستان اللي كان كاب مطرز بفضي من عند الصدر ونازل واسع جدا جدا بقماش ابيض ومعمول فيه وردات بيضا في كل مربع من الجزء اللي تحت كله والطرحه كانت طويله وكلها تطريز خفيف فضي والشوز فضي و حاطت بيرفيوم كارولينا هيريرا وبقت مستعده تنزل ودخلت عليها سلوى اللي كانت لابسه بدله سودا بتلمع واول ما شافتها:
سلوى:ما شاء الله يا فريده زي القمر
فريده:شكرا يا طنط
سلوى:ها جاهزه عشان آدم يطلع ياخدك, المعازيم كلهم مستنينك
فريده وقلبها بيدق جامد:جاهزه يا طنط
وقربت منها الكوافيره وغطت وشها بالطرحه ومسكت بوكيه ورد ابيض في اخضر وطلع آدم اللي كان لابس بدله بيضا وتحتها فييست ابيض بيلمع وبيبيون فضي وكان شعره بيلمع وحاطط بيرفيوم حلو اوي شمته فريده اول ما دخل اوضتها وكان جاي معاه مصور بالكاميرا الفيديو عشان يصورهم وقرب آدم منها وابتدى يشيل الطرحه براحه واول ما شاف وشها ابتسم وراح باسها في راسها بالراحه و فضل حاطط شفايفه كتير على راسها وهي كانت بتترعش ومكنتش عارفه ليه وبعدين بعد عنها وحط دراعها في دراعه ونزلوا السلالم على أغنية FROM THIS MOMENT و وصلوا تحت والضيوف بتصقفلهم وقعدوا عالكوشه اللي كانت على شكل قلب كبير وقعدوا جنب بعض وطلب منهم الDJ يقفوا عشان يبتدوا الرقصه الأولى و كانت على اغنيه عبالي حبيبي لاليسا وابتدوا يرقصوا وفريده بتهرب من عينين آدم وبعد الرقصه ده ابتدى آدم وفريده يلفوا عالترابيزات عشان يسلموا عالناس وفضل آدم يعرفها على عيلته واصحابه وبعدين قعدوا في ترابيزه لوحدهم و جه المأذون وكتب الكتاب والناس كلهم كانوا مبسوطين وبيضحكوا بس فريده كان نفسها تقولهم ان كل ده كدب ومش حقيقي بس بصت لقيت سلوى بتمسح دموع الفرح فقررت تكمل عشان عمتها متحسش بحاجه وبعد كتب الكتاب جت ليان وهنا يباركولها وقالولها ان شكلها جميل ومن بعيد لقيت فريده آدم واقف مع لانا وحاطط ايده على كتفها ففريده بعدت عينيها و عملت نفسها مش شايفاهم بس لانا جت تبارك لفريده:
لانا وعينيها كلها غيره:مبروك يا عروسه
فريده رفعت دقنها لفوق:شكرا
لانا بصوت واطي:اوعي تكوني فاكره انك تقدري تاخديه مني , احنا بنحب بعض طول عمرنا
فريده:ولما هو بيحبك اتجوزني ليه؟
لانا:مجرد لعبه هيلعب بيها يومين ويرميها ويرجعلي تاني , انتي مش اول واحده تدخل حياته
فريده:مش اول واحده!!!!!
لانا:امال فاكره ايه ؟؟؟ ىدم كل يومين يتعلق بواحده بس فالآخر بيرجعلي انا ههههههههههه
و مشيت لانا وسابت فريده عقلها بيعيد الكلام اللي قالته وحست انها مش قادره تقف على رجليها بس مسكت نفسها عشان الضيوف وعشان سلوى وكملت فريده الفرح مش علافه ازاي ولا فاكره ايه اللي حصل ومين باركلها كانت كأنها عرسه لعبه حد بيحركها وكل تفكيرها كان في كلام لانا……………………….
يا ترى فريده هتعمل ايه مع آدم بعد الفرح ما يخلص؟؟؟؟
الخامسة عشر
بعد ما الفرح خلص مسك آدم ايد فريده عشان يطلعوا الفيلا بس اصحابها واصحابه قعدوا يقولوا بصوت عالي:
شيلها.. شيلها..شيلها
وقبل ما فريده تقول لأ كان آدم شالها بين ايده وابتدى يطلع بيها السلالم وهي كانت هتموت من الكسوف و فتح آدم الباب وهو شايلها ودخلوا جوه وقفل الباب برجله وفضل باصصلها ونزلها براحه وقالها:
آدم:كان شكلك زي القمر
فريده:شكرا
آدم:انا هغير في الليفنج خدي راحتك
و راح آدم يقعد في الليفنج وفريده فضلت قاعده عالسرير مش عارفه تعمل ايه وكان الفستان كبير وكله فيونكات شرايط من ورا وهي مش عارفه تفكه لوحدها وات ربع ساعه ودخل آدم عليها عشان ياخد هدومه من الدولاب فلقيها لسه بالفستان فقالها:
آدم:مغيرتيش ليه يا فريده؟
فريده:اصل ……..
آدم:انتي تعبانه؟
فريده:لأ … بس… محتاجه حد يساعدني
آدم:قولي محتاجه ايه؟
فريده وهي هتموت من الكسوف : اصلي مش عارفه افك الفستان من ورا
آدم:بس كده تعالي افكهولك
و وقفت فريده وقرب منها آدم وبعد الطرحه وحطت ايديها على صدر الفستان و آدم لقي الشرايط لغاية آخر ظهرها فوشه احمر وابتدى يفك الشرايط وفريده كانت حاسه بايديه الدافيه على ظهرها و لما خلص قال بصوت متغير:
آدم:انا فكيته كله
فريده وصوتها بيترعش:شكرا
وخرج آدم وخد بيجامته معاه وساب فريده لوحدها ولما اتأكدت انه خرج شالت ايديها والفستان وقع على الارض فدخلت الحمام وفضلت تشيل الميك اب و تفك شعرها وخرجت فتحت الدولاب ولبست بيجاما ساتان بكم بيضا وفردت شعرها و علقت الفستان ودخلت عالسرير واتغطت لغاية دقنها وفضلت تفكر ليه ميكنش ده يوم فرحهم الحقيقي وفضلت صاحيه كتير بس نامت في الآخر قبل ما آدم يجي وبعد ساعه دخل آدم الاوضه لقي النور مطفي ما عدا الاباجورات ولقي فريده نايمه زي الملايكه وشعرها مفرود عالمخده وقرب من السرير ودخل وقعد يبصلها وقعد يدعي ربنا انها تحبه وتنسى مراد وهو باصصلها لقاها بتتحرك ولقي الدموع بتنزل من عينيها وهي نايمه فقرب منها وطبطب عليها راحت لفت ودخلت في حضنه ونامت وهو حضنها ونام , فريده كانت بتحلم انها في حضن آدم وحست انها هتنام نوم عميق لأول مره من مده طويله………………………….
فريده حست ان في تقل عليها ففتحت عينيها بالراحه لقيت آدم نايم و دراعه حواليها فاتكسفت ومعرفتش تبعد دراعه فعملت نفسها نايمهبس كانت خايفه ومكسوف وابتدى آدم يتحرك وراح حضن فريده جامد وفريده كتمت نفسها خالص وبعدين حست ان آدم فتح عينيه لانه بعد دراعه عنها بسرعه وقام من السرير وراح الحمام وفريده اخيرا عرفت تتنفس وفضلت مغمضه عينيها وخرج آدم من الحمام ففريده فتحت عينيها لقيته بيبصلها وهو لابس البرنس:
آدم:صباح الخير
فريده:صباح الخير
آدم:انا هخليهم يطلعوا الفطار تحبي تشربي ايه؟
فريده:نيسكافيه
آدم:كلم الشغاله في المطبخ وطلب الفطار
وآدم بيتكلم قامت فريده دخلت الحمام وخدت شاور وخرجت لابسه البرنس ولافه شعرها بفوطه كبيره وقعدت على كرسي التسريحه وابتدت تنشف شعرها الطويل وجه آدم من وراها :
آدم:ممكن اسرحهولك
فريده استغربت :بتعرف؟
آدم وهو بيضحك:هتعلم
ومسك آدم المشط وابتدى يسرح شعرها وهي غمضت ايديها وسرحت بعيد………….
آدم:شعرك جميل اوي
فريده:بس نفسي اقصره
آدم:اوعي تعملي كده ابدا
فريده:ليه ما هو هيطول تاني؟
آدم:اوعديني عمرك ما هتقصيه
فريده:طيب حاضر اوعدك
و خبط الباب وخد آدم العربيه اللي عليها الفطارودخلها و راح لبس تيشيرت ابيض وشورت كاروهات اسود في ابيض وفريده لبست فستان قصير لونه بينك كات وسابت شعرها مفرود وقعدوا يفطروا مع بعض:
آدم:انا اخدت اجازه اسبوع تحبي تسافري فين؟
فريده:انت عمرك ما اخدت اجازه؟
آدم بسخريه :مش انا عريس ولا ايه؟
فريده وشها احمر:آه صحيح
آدم:ايه رأيك نسافر فرنسا؟
فريده:اوكيه
آدم:خلاص هحجز بكره الصبح على اول طياره
فريده:طب و طنط؟
آدم:اكيد ماما هتفرح لما نسافر اسبوع عسل ولا ايه؟
فريده اتكسفت ومردتش عليه
بعد ما خلصوا فطار الباب خبط فتح آدم كانت سلوى:
سلوى:صباح الخير يا حبيبي مبروك , الف مبروك يا فريده
آدم:الله يبارك فيكي
فريده:شكرا يا طنط
سلوى:انا جبتلك هدية الجواز
كان مع سلوى علبه لونها اسود فيها خاتم سوليتير شيك اوي وقدمته لفريده
فريده:ده حلو اوي يا طنط متشكره
سلوى:ده كان هدية بابا آدم يوم فرحي
فريده:بس ده ذكرى من انكل الله يرحمه خليه مع حضرتك
سلوى:وانا عندي اعز منك يا حببتي
وحضنوا بعض , وبعدين آدم قال لمامته انهم هيسافروا فرنسا اسبوع وهي اتبسطت جدا ونزلت سلوى وسابتهم لوحدهم تاني………..
آدم:ايه رأيك ننزل البيسين سوا
فريده:فكره حلوه
آدم:طيب روحي غيري وانا هستناكي تحت
وخرج آدم وساب فريده تغير هدومها ونزل هو غير عند البيسين ولبس مايوه لونه اصفر فوق الركبه ونزل عقبال ما فريده تنزل وبعد ربع ساعه بص آدم لقي فريده جايه بس مكنش مصدق عينيه……………
الحلقة السادسة عشر
آدم بص لقي فريده لابسه مايوه بيكيني احمر وعليه كاش مايوه لونه اسود جميل وقربت من البيسين وقلعت الكاش مايوه ونزلت المايه
وراحت تعوم جنب آدم اللي ملقيش حاجه يقولها و ابتدوا يتسابقوا وهما بيضحكوا وفريده كانت مصره تكسبه و هو سابها تسابقه شويه وبعدين سبقها ففريده حاولت تكسبه بس جالها شد عضلي و آدم افتكرها بتهزر بس لقيها بتحاول تخرج من المايه ومش عارفه راح آدم نده عليها و رجعلها بسرعه و راح شالها وخرجها بره الميه وقعدها على الشيزلونج وقعد يدلك رجليها وعملها تمرين عشان الشد العضلي يروح وفضل جنبها لغاية ما بقت كويسه :
آدم:ها احسن دلوقتي
فريده وهي بتكح:احسن الحمد لله
آدم:مكنش فيه داعي تعومي بسرعه
فريده:كان نفسي اسبقك
آدم:خلاص المره اللي جايه هخليكي تسبقيني
فريده ضحكت وهو ضحك كمان وبعدين بصوا لبعض وسكتوا وراح آدم قام فجأه وقالها يلا عشان نطلع نغير هدومنا عشان متبرديش
قامت فريده وهي مش عارفه مالها وطلعوا سوا دخل آدم الحمام الاول خد شاور ولبس شورت نبيتي وتيشيرت بيج وخرج وفضل يستنى في الليفنج لغاية ما فريده تخلص, دخلت فريده الحمام وملت البانيو بالبابل باث و قعدت في المايه وغمضت عينيها وحست بدموع سخنه بتنزل من عينيها من غير ما تعرف ايه آخرت اللي بيحصلها ده وغمضت عينيها ونامت…………………….
حس آدم ان فريده اتأخرت فالحمام فراح يطمن عليها فخبط مردتش عليه فقلق عليها وخبط جامد بس مسمعتش وراح فتح الباب بكتفه لقي فريده نايمه فراح صحاها وهو بيزعق:
آدم:ايه يا فريده؟ بقالي كتير بخبط
فريده اتخضت وقالت:في ايه يا آدم؟
آدم:انتي كان ممكن تغرقي لو كنتي لوحدك
فريده ابتدت تعيط بصوت عالي
آدم:متعيطيش
فريده كملت عياط
آدم:عشان خاطري خلاص بقى
فريده:طب .. ممكن .. تطلع بره
آدم:طيب انا هستناكي بره
وخرج آدم وطلعت فريده من البانيو ولبست البرنس ونشفت شعرها وخرجت لقيت آدم بيقولها:
آدم:يلا عشان نخرج نتغدى بره
فريده:مش عايزه اخرج
آدم :عشان خاطري
فريده:لا
آدم:واهون عليكي
فريده ضحكت وقالت:لا متهنش عليه
آدم وهو بيضحك:طيب يلا البسي
وراح آدم يستناها في الليفنج عقبال ما تلبس…………………
الحلقة السابعة عشر
خرجت فريده من اوضة النوم وراحت لآدم الليفنج وكانت لابسه جينز ازرق و عليه بادي بني عليه تطريز دهبي حمالات وصاندال دهبي
و سابت شعرها مفرود واول ما آدم شافها:
آدم:ايه القمر ده!!!!
فريده وهي مكسوفه: مش هنخرج و لا ايه؟
آدم:يلا بينا
و نزلوا لقيوا سلوى في الجنينه بتقرا كتاب وقالولها انهم هيخرجوا وراحوا ركبوا العربيه وهما في الطريق شغل آدم اغنية اهواك بتاعت عبد الحليم حافظ وفضلوا ساكتين طول الطريق و وصلوا مطعم عالنيل ودخلوا قعدوا على ترابيزه وقبل ما يطلبوا الاكل لقيوا لانا قاعده على ترابيزه مع اصحابها واول ما شافتهم قامت:
لانا قربت من آدم وحضنته وباسته:وحشتني اوي
آدم بعد ايديها عنه:ازيك يا لانا
لانا:ازيك يا فريده؟
فريده وهي متغاظه منها:تمام
لانا:في عرسان يخرجوا اول يوم كده؟
آدم:عادي يا لانا حبينا نغير جو البيت
لانا وهي بتضحك ضحكه شريره :آه عشان كده, طيب اسيبكم بقى تغيروا جو براحتكم
ومشيت لانا وسابت آدم وفريده مدايقين من كلامها:
آدم:متزعليش من كلامها هي طول عمرها كده
فريده:انت تعرفها كويس بقى
آدم:ما قلتلك قبل كده متربيين سوا
فريده:بس؟؟؟؟؟؟؟
آدم:لازم يكون عندك ثقه فيا اكتر من كده يا فريده
فريده:اصل اسلوبها معاك غريب شويه
آدم:هي كده بتحب تظهر نفسها في اي مكان بأي طريقه
فريده:يعني انت مش بتحبها؟
آدم وهو بيضحك:انا احب لانا؟؟؟؟؟؟ لأ طبعا ده مش الانسانه اللي ممكن احبها
فريده:اصلها قالتلي ان انت…………..
آدم:كملي يا فريده
فريده:قالتلي ان انت بتاعها وحاجات زي كده
آدم:و انتي صدقتيها
فريده سكتت
آدم:انا عمري ما حبيت ولا هحب لانا, ممكن بقى نطلب الغدا عشان نروح ننام بدري عشان الرحله هتقوم الفجر
فريده ابتسمت:اوكيه
حست فريده ان في اما آدم يحبها زي ما هي بتحبه ولما جه الاكل كلت طبقها كله وفضلوا يتكلموا ويضحكوا… لانا كانت باصه عليهم من بعيد وهي متغاظه من فريده اللي قدرت تخلي آدم يحبها ويتجوزها وهي بقالها سنين بتحاول تخليه يتجوزها
ومعرفتش……………
رجع فريده و آدم البيت ولقيوا سلوى نايمه فطلعوا فوق و قعدوا يتفرجوا على التليفزيون و فريده قامت :
فريده:اعملك حاجه تشربها ؟
آدم :اي حاجه من ايديكي
و دخلت فريده المطبخ عملت نيسكافيه و رجعت لقيت آدم نايم عالكنبه فحطت الصينيه وقعدت جنبه تبصله وحطت ايديها على شعره وكان نفسها يكون صاحي ويحس بحبها ليه بس فكرت نفسها ان آدم اتجوزها عشان يفرح مامته بس …………..
فتح آدم عينيه لقي فريده قاعده جنبه وحاطه ايدها على شعره فمسك ايدها و قربها من شفايفه وباسها بوسه طويله وكانت فريده مش عارفه تتصرف ازاي و راح آدم خدها في حضنه و ضمها جامد وهي حضنته بس فجأه افتكرت فريده انه مش بيحبها فبعدت عنه وجريت عالحمام تستخبى منه ومن نفسها ومن قلبها اللي كل ما يكون قريب من آدم بيضعف وفضلت تعيط………….
آدم ندم انه اتسرع مع فريده وانه كان المفروض يستنى لما تحبه وتنسى مراد بس هو مقدرش يقاوم بس خد قرار انه مش هيلمسها تاني غير لما تكون بتحبه زي ما بيحبها, وفضل آدم قاعد في الليفنج لغاية ما قرب معاد المطار فراح خبط على فريده في اوضة النوم وقالها تلبس عشان يروحوا المطار وحضرت فريده شنطتها ولبست فستان كات لونه بيج واسع وفيه زراير من ادام وعملت شعرها ضفيره عالجنب , و آدم حضر شنطته ولبس شورت جينز وتيشيرت اصفر و شوز بني ونزلوا مع بعض وسلموا على سلوى وركبوا العربيه والسواق وصلهم المطار وفضلوا قاعدين ادام بوابة الطياره وكل واحد فيهم غرقان في افكاره ومش عاوز يكلم التاني………….
الحلقة الثامنة عشر
ركبوا الطياره وقعدوا في الدرجه الاولى وقبل ما الطياره تطلع:
آدم:فريده
فريده:نعم
آدم:انا عايزك تنسي اللي حصل بينا ونحاول نستمتع بالأجازه ده سوا
فريده ضحكت ضحكه حزينه: زي ما تحب
وابتدت الطياره تتحرك وهما قعدوا يتكلموا عن باريس والاماكن اللي هيزوروها وكانت ده اول زياره لباريس بالنسبه لفريده وطبعا آدم قالها انه هيخليها تشوف كل الاماكن الحلوه هناك وبعد ما فطروا رجعوا الكراسي لورا وناموا وصحيوا لما المضيفه جابت الغدا وبعدين طلبوا قهوه ولما وصلت الطياره نزلوا خلصوا الاجراءات وحجزوا ليموزين يوصلهم الفندق واختار آدم فندق (استور سان اونر) والفندق من افخم فنادق باريس وكل الديكورات فيه على طراز التلاتينات ومليان لوحات غاليه جدا و موقعه في شارع هادي جنب الاوبرا ومتحف اللوفر
و كمان قريب من شارع الشانزليزيه و عجب فريده اوي ديكورات الفندق وعجبها كمان الجناح اللي اختاره آدم كل الشبابيك ممتده من الارض لغاية السقف وبتبص على باريس كلها و الحيطان متغطيه بورق حائط مخطط بلون سماوي , بعد ما اتفرجت فريده على كل حاجه دخلت خدت شاور و طلعت لابسه البرنس وآدم دخل الحمام ووابتدت فريده تلبس اختارت فستان لونه بينك حمالات قصير و لبست عليه صاندال ابيض فلات ورفعت شعرها ديل حصان وحطت ميك اب هادي بينك في ابيض و خرج آدم ولبس شورت ابيض وعليه تيشيرت ازرق وشوز ازرق وقرروا ينزلوا يتمشوا في شارع الشانزليزيه وكانت فريده مبهوره بكمية المحلات الموجوده فيه ودخلت محل للبيرفيومز (غيرلان) وده اشهر محل للعطور في فرنسا واشترت بيرفيومز لسلوى و ليان وهنا وآدم اختارلها واحد على ذوقه وخرجوا من المحل وفضلوا يتمشوا ووصلوا ل(قوس النصر) وده مكان امر نابليون انه يتبني عشان يخلد ذكرى المعارك و كانت فريده فرحانه اوي كأنها طفله وكان آدم كل شويه يصورها في مكان مختلف وطلب من شاب انه يصورهم سوا ولما تعبوا قرروا يرجعوا الفندق ويكملوا تاني يوم, دخلوا الفندق وىدم طلب ان العشا يطلعلهم فوق وطلعوا وهما فرحانين ودخل آدم لبس بيجاما لونها كحلي و فريده لبست بيجاما ساتان لونها احمر حمالات وبنطالون وقعدوا ياكلوا وفضل آدم يكلمها هيعملوا ايه تاني يوم بس لقيها بتنام وهو بيكلمها فشالها وهي قالت:
فريده بصوت نايم:نزلني يا آدم
آدم: هششش يلا نامي
وحطها على السرير وهي نامت علطول وفضل آدم يبص من الشباك وفي الآخر تعب ودخل ينام جنبها بس ريحة البيرفيوم بتاعها كانت جميله فقرب منها وحضنها من ورا بس هي لفت وحضنته جامد وناموا وهما حاضنين بعض….
الحلقة التاسعة عشر
تاني يوم صحيوا بدري وفطروا وقرروا يروحوا برج ايفل ولبست فريده فستان ابيض طويل وواسع وصاندال فضي وسابت شعرها مفرود وآدم لبس شورت بيج وتيشيرت نبيتي و نزلوا طلبوا تاكسي ووصلوا برج ايفل الساعه 8ونص عشان يلحقوا يدخلوا قبل الزحمه واول ما جت الساعه تسعه دخلوا و آدم قالها:
آدم وهو بيضحك :اسمحيلي اكون المرشد السياحي بتاعك
فريده: يا ريت
آدم: بصي بقى يا ستي برج ايفل فضلوا يبنوه سنتين وخلصوه سنة1889 وطوله 300 متر و فضل اطول مبنى فالعالم لمدة40 سنه
وبيتكون من 3 ادوار اول دور عباره عن متحف بيحكي قصة بناءه والدور التاني محلات للتذكارات ومطاعم والدور التالت فيه متحف فيه مكتب المهندس ايفل اللي بناه …..و بتبصيلي كده ليه؟
فريده:اصل شكلك حلو اوي وانت بتشرح وبعدين انت دقيق اوي
آدم ضحك وقالها: وبالنسبه لطلوع البرج ممكن نقطع تذاكر ونركب الاسانسير و ممكن نطلع مجانا على رجلينا تحبي ايه؟
فريده:اوكيه تعالى نطلع على رجلينا
آدم وهو بيضحك: هتطلعي 1653 سلمه على رجليكي!!!!!
فريده:ايه ؟؟؟ لأطبعا يلا نركب الاسانسير
و طلعو البرج واتفرجوا على كل حاجه وفي الآخر قعدوا في مطعم جوه البرج عشان يتغدوا وبعد ما خلصوا غدا آدم قالها:
آدم:مبسوطه يا فريده؟؟؟؟؟؟
فريده:اوي اوي ده احلى يوم قضيته فحياتي
آدم:وانا كمان , انا جيت هنا كذا مره بس ده احلى مره فيهم
فريده وشها احمر:اشمعنى؟
آدم:عشان انتي معايا, اقولك على سر؟
فريده:قول
آدم:عارفه لما كنتي صغيره قبل ما تسافري المانيا مع باباكي ومامتك كنتي وقتها عندك 6 سنين تقريبا فاكره؟
فريده:لأ خالص بس بابا كان بيحكيلي
آدم:كنتي كل ما تيجي عندنا البيت تفضلي قاعده جنبي وتروحي ورايا في كل مكان وكانت مامتك تقعد تقولك بالالماني عيب كده
وانتي تقوليلها بالمصري انا بحبه وانا كنت بقعد اضحك على اسلوبك في الرد عليها
فريده اتكسفت:انا كنت بعمل كده؟
آدم كمل بحزن:بس انا ساعتها كنت في الكليه وانتي لسه مدخلتيش المدرسه
فريده:ليه محسسني انك عندك 60 سنه؟
آدم:بس انا فعلا اكبر منك بكتير
فريده:اولا 13 سنه مش كتير ثانيا بابا كان اكبر من ماما ب16 سنه وهي اللي صممت تتجوزه من كتر حبها ليه
آدم:شوفتي اديكي بتقولي هي اللي صممت مش وضع اتفرض عليها
فريده:بس يا آدم…….انا
آدم:انتي ايه يا فريده؟
فريده:انا با………
جه صوت من وراهم:فري مش معقول
بصت فريده وآدم لقيوا مراد ادامهم : اهلا يا مراد
مراد:بتعملوا ايه هنا؟
آدم و هو مدايق:احنا في شهر العسل
مراد:بجد ال مبروك
فريده: الله يبارك فيك
آدم:ميرسي يا مراد
مراد:لازم نسهر سوا انهارده
آدم: ان شاء الله
مراد:خلاص نتقابل بالليل في الشانزليزيه
واتفقوا على اسم كافيه ومشي مراد وسابهم مع بعض بس كان آدم شكله متغير ففريده سألته:
فريده:مالك يا آدم انتي ادايقت عشان قابلنا مراد؟
آدم:انتي اللي قولتيله اننا بنتغدى هنا؟
فريده:لأ طبع انا مكلمتوش بقالي مده طويله
آدم:طيب يلا عشان نروح الفندق نرتاح شويه عشان ننزل نقابل مراد بالليل
فريده:آدم لو مدايق بلاش نقابله
آدم:لأ طبعا عشان تطمنوا على بعض ما انتوا بقالكوا كتير متكلمتوش
وسكتت فريده ورجعوا الفندق وهما مدايقين من بعض وفضلوا ساكتين وبالليل لبس آدم بنطالون لونه ابيض وعليه قميص ازرق وشوز ازرق وفريده اختارت فستان لونه فوشيا بكوم ومفتوح7من عند الصدر ونازل على واسع وقماشته ناعمه وعملت شعرها ضفيره عالجنب وحطت ميك اب هادي والبيرفيوم اللي آدم اشتراهولها وآدم بصلها وهو حاسس انها لابسه كده عشان مراد ومكنش يعرف انها بتحاول تبنله انها بتحبه بس هو مش قادر يفهم………………
الحلقة العشرون والأخيرة
وصلوا فريده و آدم المكان اللي هيقابلوا فيه مراد ولقيوا مراد قاعد على ترابيزه ومعاه بنت شقرا وشعرها ناعم وقصير و وقام مراد لما وصلوا عنده وقال:
مراد:اهلا بالعرسان
مراد وفريده:اهلا يا مراد
مراد:اعرفكم بمايا بنت عمي وخطيبتي
فريده:مبروك يا مراد
مراد:الله يبارك فيكي
آدم:اتخطبتوا امتى؟
مراد:بعد ما وصلت بشهرين حبينا بعض وقررنا نكمل حياتنا سوا
فريده بصت لآدم فراح حس انه ظلمها وقال لمراد:مبروك يا مراد
فريده:هتتجوزوا امتى ان شاء الله
مراد:اول ما الفيلا بتاعتنا في المانيا تخلص
وفضلوا قاعدين مراد وآدم بيتكلموا وفريده ومايا بيتكلموا وطلبوا العشا وبعد العشا فريده ومايا قاموا يتمشوا ويتفرجوا عالمحلات وفضل آدم ومراد لوحدهم:
مراد:انا فرحان اوي ان انت وفريده اتجوزتوا
آدم:شكرا يا مراد
مراد:ده كانت بتحبك اوي
آدم بص لمراد وقاله:انت بتقول ايه؟
مراد:بقولك ان فريده بتحبك من زمان انت مكنتش تعرف ولا ايه؟
آدم:هي اللي قالتلك كده؟
مراد:ايوه يوم عيد ميلادها لما جبتلها عربيه هديه كانت مدايقه من بنت كانت واقفه معاك واتكلمنا فالموضوع ده
آدم كان مش مصدق نفسه وقاله:انا كنت فاكرك بتحبها؟
مراد:بصراحه فريده انسانه ممتازه بس مش مهم مين بيحبها المهم هي بتحب مين
ولما رجعوا فريده ومايا استأذن آدم عشان يروحوا الفندق عشان يناموا وطول الطريق للفندق فضل آدم ساكت وفريده كانت زعلانه انه بيشك انها بتحب حد غيره و اول ما وصلوا الفندق طلعوا اوضتهم و آدم قالها:
آدم : انا هنزل شويه وهرجع بعد شويه نامي انت لو حبيتي
فريده:رايح فين؟
آدم:مش هتأخر
و نزل آدم وساب فريده لوحدها فدخلت خدت شاور و خرجت لابسه البرنس وفتحت الدولاب لقيت اللانجيري اللي كانت مشترياه مع سلوى عشان الجواز واللي ملبستش منه ولا واحد وقررت تلبس واحد عشان تجربه وتبقى تغير قبل ما آدم يرجع و اختارت لاجيري لونه بيج فاتح وفيه دانتيل عالصدر وحمالات ساتان رقيقه وطويل و فيه فتحه طويله من الجنب وفردت شعرها وحطت ميك اب هادي ورشت البيرفيوم اللي اشتراه آدم و قعدت على السرير تقرا كتاب تتسلى فيه…………..
آدم كان بيتمشى ويفكر في كلام مراد وحس انه ضيع وقت طويل وهو مش فاهم ان فريده بتحبه وان فرق السن بينهم مش سبب انهم يبعدوا عن بعض وقرر آدم يعترف لفريده بحبه ويبتدوا حياتهم مع بعض بس مش عارف ازاي يقول لفريده انه بيحبها وحس انه مكسوف منها خصوصا انه كلما بطريقه بايخه لما قابلوا مراد ففضل يفكر في طريقه حلوه عشان يعترفلها بحبه……………….
دخل آدم الاوضه وكان جايب بوكيه ورد لونه احمر كبير ومعاه بالونات حمرا وعلبة شيكولاته على شكل قلب ولقي النور مطفي ما عدا الاباجوره اللي جنب فريده اللي كانت نايمه و هي ماسكه كتاب في ايديها ولقيها لابسه لانجيري رقيق فقرب منها وصحاها براحه و هو حاطط ايديه على شعرها:
آدم : فريده.. فريده
فريده:اممممممم
آدم:اصحي يا فريده
فريده بصوت واطي:بحباك اوي
آدم ضحك وباسها في راسها:طيب اصحي عشان نتكلم
فريده فتحت عينيها لقيت آدم قاعد جنبها عالسرير والغطا اتشال من عليها فاتكسفت وغطت نفسها:
فريده:انت جيت امتى؟
آدم:من شويه
بصت فريده في الاوضه لقيت الورد والبالونات راحت قامت ومسكت الورد وقربته منها وبصت لآدم :
فريده: عشاني؟
آدم:ايوه يا حبيبتي
فريده اتخضت من الكلمه:انت بتقول ايه؟
آدم:بقول حبيبتي وروحي وقلبي و………..
فريده:استنى بس انت تقصد انك بتح..
آدم قرب عليها وحضنها جامد وقالها :
آدم:بحبك يا فريده بحبك من يوم ماشفتك في المطار وانتي واقفه لوحدك وخايفه بحبك لما عينيكي بتضحك ولما بتبصيلي ببراءه ولما بتزعلي مني ولما بتقولي اسمي بطريقه غير كل الناس ولما وافقتي تتجوزيني وانتي فاكراني مش بحبك و لما شلت الطرحه من على وشك ولقيت اجمل عروسه في الدنيا و لما بتغيري عليه ….. بحبك يا فريده بحبك اوي
فريده الدموع ابتدت تنزل من عينيها علي هدوم آدم اللي قالها وهو بيبوس دموعها:
آدم:اوعي اشوف دموعك تاني , عايزك تضحكي علطول
فريده:انا اكيد بحلم
آدم:لا يا فريده ده حقيقه
فريده: ياااااااااااااه يا آدم لو تعلرف بحبك اد ايه؟
آدم وهو بيبوسها في خدها:اد ايه؟
فريده: اكتر من نفسي و من حياتي
آدم وهو لسه بيبوسها: وايه كمان؟
فريده:انت بتعمل ايه؟
آدم:انا؟؟؟؟؟؟؟؟ مش بعمل حاجه خاااااالص
وشالها حطها على السرير وقرب منها و……………………………..
بعد ساعتين كانت فريده نايمه في حضن آدم وهو حاضنها كانه خايف تبعد عنه تاني و قالها:
آدم:بحبك
فريده قربت منه وباسته في خده: وانا بمووووووووووت فيك
ومد آدم ايده وطفى الاباجوره تاني و………………………………..
بعد تسع شهور كان آدم واقف ماسك ايد فريده وهي بتولد فالمستشفى وعمال يمسح العرق عن وشها وبعد نص ساعه سمع صوت بيبي بيعيط فراح حضن فريده اوي وباسها في راسها و راح حضن البيبي وجابه لفريده عشان تشوفه وكانت بنت شبه فريده بالضبط و آدم حضنهم هما الاتنين :
فريده بصوت تعبان:هنسميها ايه؟
آدم والدموع في عينيه من السعاده: فريده طبعا
النهاية
المصدر : قصص واقعية
