اول يوم فى الرحله اجتمع الشباب والبنات مع طارق
طارق: دلوقتى كل واحد يقدر يمشى المكان الى هو عايزه بس على الساعه 3 كله يبقا هنا عشان الغداء تمام
الطلاب: تمام
مشيوا الطلاب كل واحد فى مكان عند البنات
سلمى: هنعمل ايه دلوقتى
ايلين: انا عن نفسى همشى الغابه ده علشان نفسى ادخلها
سلمى: بس ده ممكن يكون خطر عليكى
ايلين بتحب المغامرات جدااا وعنيده فى نفس الوقت
ايلين: لا انا مش هدخل فيها اوووى اصل المنظر شدنى الصراحه
ليلى: انا مليش فى الجنان بتعكوا ده انا همشى اتمشى على البحر شويه
سلمى: انا هاجى معاكى يا ايلين عشان ابقا مطمئنه
ايلين: تمام يالا بينا سلام يا ليلى
ليلى وهى بتقوم ناحيه البحر : سلام
بصوا بقا انا هوصف ليكوا المكان الى فى الرحله
هو عباره عن جزيره فيها غابه واشجار كتير وكمان فيها بحر ده غير
الفندق الى قاعدين فيه البنات والشباب وبعديها بشويه فى مستشفى
ادم: طب احنا هنفضل قاعدين كده
جاسر: انا هقوم اتمشى شويه
ادهم: لا انا هقعد هنا
ادم: تمام وانا هتمشى على البحر شويه
جاسر: تمام سلا يا شباب
اما يارا وريم فهما فى الفندق مع بعض: يارا عامله ايه يا ريم فى الثانويه العامه
ريم: طب ليه السيره دهحرام عليكى
يارا: معلش كلها سنه وهتعدى
ريم: يالا ربنا معانا ونعدى السنه ده على خير
يارا: طب ايه رائيك نطلع نتمشى شويه
ريم: اشطا يالا
ليلى وهى بتمشى على البحر لحظت خيال شخص هى عارفه كويس
بس كدبت احساسه عشان هى مش عايزه تصدقه اصلا
وهى بتمشى على الرمله فجاه حست بايدين شخص على بوقها
حاولت تصرخ بس الشخص قرب منها وهمس
الشخص: اهدى يا حلوه انا هسيبك دلوقتى بس مش
هتصرخى الى وقسما بالله لهوريكى هعمل فيكى ايه فاهمه ولا لا
ليلى حركت راسها بمعنى فاهمه
شال الشخص ايده من على بوقها
ليلى بصت ليه: لبيب قالتها ليلى وهى بتتكلم بالعافيه
لبيب: اه لبيب يا حلوه نستينى ولا ايه
ليلى: انت عايز منى ايه وايه الى جابك هنا
لبيب: قولتلك قبل كده عايزك انتى وجيت علشان اشوفك اصلك وشتينى اوووووى
ليلى وهى بتبعد عنه: انت مجنون والله مجنون وجريت على طول من قدامه
لبيب: هسيبكدلوقتى بس هترجعلى يا حلوه سوى بمزاجك او غصب عنك
طلعت ليلى تيجرى ودموعها على خدها خبطت فى حد
ليلى: اسفه اسفه مخدتش بالى
ادم: لا عادى انتى كويسه
ليلى وهى بتمسح دموعها: اه كويسه
ادم: ليلى مالك بتعيطى ليه
ليلى: لا مش بعيط
ادم: هو انا عبيط
ليلى ونهارت الدموع من عنيها: مش هيسبنى فى حالى مش هيسبنى هو
انا عملت ليه ايه والله انا تعبت خلاص مبقتش قادره استحمل اكتر من كده
ادم وهو قلقان: مين ده يا ليلى احكيلى
بصت ليه ليلى: حاضر هحكيلك
قعدت ليلى مع ادم وحكتله ليلى كل حاجه وانى لبيب ده كان جوز مامتها وهى
مكنتش موافقه عليه بس مامتها مهتمتش لكلامه واتجوزوا وحاول
يتعرض ليها كذه مره لحد ما مامتها شافته وهو بيحاول يتعرض ليها وانفصلت عنه
ادم وعروقه بانت من كتر العصبيه: ابن............. اقسم بالله لهدفعه تمن كل دمعه نزلت من عينك ابن ........... ده
ليلى وهى بتحاول تهديه: لا يا ادم ده واحد ميستاهلش
ادم حس فى نبره صوتها بالخوف فحاول يهديها
ادم: خلاص يا ليلى اهدى انا معاكى
وحط ايده على ايدها فسحبتها بسرعه ووشها بقا بقا احمر من الكسوف
ادم فى نفسه: ياخربيت جمال امك انا لو قعدت معاكى اكتر من كده مش ضامن هعمل ايه
ليلى: خلاص انا بقيت كويسه يالا نطلع للبنات
ادم: تمام يالا
عند سلمى وايلين وهما بيمشوا فى الغابه
سلمى: ايلين متدخليش اكتر من كده هنتوه تعالى نرجع
ايلين: لا مش هنرجع انا هدخل اكتر عايزه ترجعى ارجعى انتى
سلمى: لا انا رجلى على رجلك
ايلين: يبقا امشى وانت ساكته وبعدين شايفه الغابه جميله ازاى
سلمى باستهزاء : اه جميله جدااا
سلمى حست بحد بيمشى وراها
سلمى: ايلين فى حد بيمشى ورانا
ايلين: بطلى خوف بقا يا جبانه
سلمى: ايلين والله مبهزرش انا حاسه انى فى حد ورانا
ايلين والخوف دخل قلبها: انتى بتخوفينى ليه
سلمى: ابوس ايدك تعالى نرجع
ايلين: خلاص تمام يالا نرجع
لفو عشان يرجعوا بس لقوا الطرق شبه بعضها
سلمى: هو احنا جينا من اى ناحيه
ايلين: معرفش
سلمى: نعم ياختى متعرفيش مش انتى الى عايزه تدخلى
وعامله فيها فاهمه ورينى هنرجع ازاى ياام العريف
ايلين: اخرصى بقا شويهوتعالى نمشى من هنا
سلمى: امرى لله
مشيوا ايلين وسلمى وهما مش عارفين هما فين
فجاه ايلين حست بحد بيعمل صوت يخوف جمبها
ايلين: سلمى بطلى بقا عشان بخاف
سلمى ابطل ايه
ايلين وهى بتبص لسلمى بس لقت.........0
قدمها جاسر ايلين: ياللهووووري يامه الحقيني حرامي يابختك الاسود ياايلين طول عمرك نحس
سلمي وهي ميته ضحك:يابت بطلي دا جاسر
جاسر: هي ديما كده ولا دا حاله طارئه بس
سلمي : لا هي ديما كده
ايلين وستوعبت انه جاسر: يانهار اسود طب دلوقتي يقول عليا ايه مجنونه ولا مجنونه
جاسر وهو بيكتم ضحكته: لا انتي فعلا مجنونه مش محتاج اني افكر فيها
ايلين كانت بتفكر انها بتتكلم بصوت واطئ بس صوتها كان عالي وسمعه جاسر وسلمي
ايلين وهي هتموت من الكسوف
جاسر: لالالا دانتي بتتكسفي اهو اومال ليه وش عمي بورعي دا
سلمي وهي بتضحك: بورعي ههههه تصدق خايل عليها
ايلين:طب لمي نفسك ياسلمي وحسابك معايا بعدين
ايلين: وايه بورعي دا انت كمان داانا كلي انوثه يااااد
جاسر:ياد؟ وكلك انوثه لا واضح
ايلين: ططب اسكت بقا ولو تعرف تخرجنا من هنا خرجنا
جاسر: تمام يلا قدامي مشيوا سلمي وجاسر وايلين
سلمي: صحيح ياجاسر مين البنت اللي معاك دي اصلها حلوه اوي
غمضت ايلين عنيها علشان هي عارفه هيقول ايه
جاسر: دي تبقا اختي
ايلين في نفسها: اخته؟!هو قال اخته وانا اللي فكرتها حبيبته غبيه طول عمرك هي فعلا فيها شبه منه
ايلين بصوت عالي: اختك
بص ليها جاسر بستغراب : اها اختي في حاجه
ايلين وحست بنفسها: اه لالا مفيش حاجه
سلمي: ربنا يحفظهاويحميها
جاسر: يارب اصلك متعرفيش ريم دي بالنسبالي ايه انا بحبها جدا علشان هي اختي الوحيده
ايلين: ربنا يخليكوا لبعض
جاسر: يارب وصلوا جاسر وسلمي وايلين اللي كلها سعاده وفر انو ريم طلعت اخته مش حبيبته
عند ادهم واقف وشاف جاسر وسلمي وايلين حس انه في نار في قلبه ازاي
تمشي مع حد غيره هو ليه بيحس الاحساس ده سال نفسه بس معرفش يجاوب
مشي نحيه جاسر وعينه مليانه شرار شافه جاسر وهو جاى ليه ونظرته ليه
جاسر: استر يارب باينى هموت دلوقتى
سلمى: ليه يعنى
جاسر: ادهم جاى وباين انه متعصب اوووى
ايلين: اه صحيح هو ليه ديما متعصب ومنطوى كد وتحسه عايش فى غموض
سلمى بصت لجاسر مستنياه يرد على ايلين عشان هى عايزه تعرف ادهم ماله وليه هو كده
جاسر: هقولك بعدين ده لو عشت اصلا
وصل ادهم لحد عندهم وهو بيحاول يتحكم فى اعصابه
وبكل برود وهدوء عكس الى جواه اتكلم
ادهم: جاسر كنت فين انت والبنات
جاسر: سلمى وايلين كان فى الغابه ومعرفوش يرجعوا فانا وصلتهم
ادهم: تمام يا جاسر
جاسر: مالك يا ادهم فى ايه
ادهم: لا ولا حاجه
جاسر عارف ان صاحبه عنيد ومش هيقول: تمام يا ادهم
بص ادهم لسلمى لقاها واقفه وباصه ليه
ادهم: ازيك يا سلمى
سلمى: تمام الحمد الله
جاسر بص لادهم لقى فى عينه نظره حب وهى نفس النظره الى كان بيبص بيها
لسلمى لما يشوفها مقدرش يصدق بس هو فعلا حبها وعرف هو ليه كان متعصب كده فضحك
على صاحبه وفرح ليه جدااا انه حب حتى لو هو معيعرفش ده عشان هو عارف
ان صاحبه عنيد جداااا وصعب انه يعترف انفسه انه بيحب سلمى بالساهل
ايلين:يا جماعه انا ميته من الجوع مش هناكل ولا ايه
جاسر: وانا كمان يالا ناكل
مشيوا كلهم عشان ياكلوا بعد ما اكلوا
اياد: ايلين انا همشى اجيب حاجه اشربها عايزه حاجه
ايلين: لا يا حبيبى
جاسر لما سمع كلمه حبيبى حس انه قلبه بيموت بس كلمه سلمى رجعتله الحياه تانى
سلمى: ايوه يا عم ناس ليها اخ يسال عليها وناس ليها اخ مايصدق يخلص منها
اياد: لا يا سوسو انتى عارفه معزتك عندى من معزه ايلين وانى بعتبرك اختى انتى وليلى
سلمى: وانا بعتبرك اخوى والله
اياد: طب هتشربى ايه بقا
سلمى: ازاى كان كده يبقا واحد عصير
مشى اياد عشان يجيب المشروبات
اياد وهو بيتكلم فى الفون بتعها
اياد: متقلقش يا فندم كل حاجه تحت السيطره
رئيسه: تمام يا اياد انا معتمد عليك
اياد: تمام يا باشا فى رعايه الله
وقفل معاه وفجاه خبط فى بنت فالعصير الى كان معاه اتكب عليه
البنت: اسفه اسفه والله مش قصدى
اياد: حصل خير بس يبقا خدى بالك الره الجايه
البنت: طب اتفضل المنديل ده امسح بيه العصير
رفع اياد وشه عشان ياخد المنديل بس عيون البت اسرت قلبه وقف وتنح فيها
البنت: اتفضل
فاق اياد على صوتها: اه شكرا يا........0
البنت: يارا اسمى يارا
اياد: وانا اياد
يارا: اتشرفت بيك
اياد: انا اكتر
يارا: معلش هستاذن عشان بقا
اياد: اه طبعا
طلع اياد الاوضه وغير هدومه بسبب العصير وجاب المشروبات ومشى لاخته ايلين
ايلين كانت واقفه مع ليلى على البحر
ايلين: بصى ايه رائيك فى الفكره
ليلى: معرفش بقا انا مش مطمئنه ليها
ايلين: جمدى قلبك بقا يا بت وغير كده سلمى هتيجى معانا
ليلى: بس انا هخاف اعملها
ايلين: لا اطمنى احنا هنبقا معاكى
ليلى: تمام هنفز امتى
ايلين: ايوه كده هو ده الكلام بصى يا ستى قبل ما نرجع بيوم.....................................0
ليلى: ربنا يستر واعرف اعمل كده
ايلين: هتقدرى وبعد كده هتعيشى فى امان صدقينى
جيه اياد عليهم: ايه يا بت روحت فين وفين سلمى
ايلين: لما اتاخرت قولت اتمشى انا وليلى شويه وسلمى فى اوضتها شويه وجايه
اياد: طب تمام خدى بقا العصير
ايلين: شكرااا يا ايدو
رن تلفون اياد ولقاه رقم غريب: طب انا على الفون وهجى
ايلين: تمام
مشى اياد بعيد عنهم ورد على الفون اياد: الو
الشخص: توك توك توك توك توك ايه معرفتنيش
اياد: زاى ده انت ازبل واحقر شخصيه فى مصر ازاى معرفكش
الشخص: طب ليه الغلط ده
اياد: اقسم بالله لهزفك بايدى دول على حبل المشنقه
الشخص: طب مش لما تزف اختك الاول لبيت جوزها
اياد: متجيبش اسم اختى على لسانك
الشخص: ليه بس ده حتى الدرس الموف هياكل منها حته
اياد وهو مصدوم: انت بتراقبنى
الشخص: اه يا حبيبى وبص كده على بعد متر من اختك هتلاقى واحد واقف
بص اياد لقا واحد واقف بس مقنع وبص ليه وبص ليه
الشخص: شوفته مش كده ده دلوقتى هو الى هيزف اختك بس مش هيزفها لبيت جوزها
ده هيزفها لاخرتها ههههههههه وده قرصه ودن يا حبيبى عشان العب مع الشرقاوى مش سهل
استوووووب كده عرفنا الشخص (1) هو الشرقاوى والشخص (2) واحد من رجاله الشرقاوى الى هيقتل ايلين
اياد: اقسم بالله لو اذيت اختى لهقتلك يا شرقاوى
الشرقاوى: انا اذيتها خلاااص
بص اياد لراجل المقنع لقه رفع المسدس ناحيه ايلين وجهزه على اطلاق النار
وقف اياد مش عارف يعمل ايه حس انى الدنيا بتلف بيه وانه مقدرش يحمى اخته
ويحافظ عليها وطلعت الرصاصه من المسدس فى نفس الوقت الى جرى فيه اياد نحيت اخته
بس الرصاصه مجاتش فى اخته الرصاصه جات فى...
