ادم : ايو بحبك ياليلي من اول مره شوفتك فيها وحبيت كل حاجه فيكي حبيت كسوفك لما المسك وانضوئك وحبيت كل حاجه فيكي
ليلي وهي مصدومه ومردتتش عليه
ادم : اتكلمي ياليلي قولي اي حاجه
ليلي والكلام طلع منها بصعوبه : عايزني اقول ايه
ادم : قولي اي حاجه قولي افكر قولي وانا كمان قولي اي حاجه غير انك مش بتحبيني
ليلي : هتقدر تعيش معايا هتقدر تستحمل خوفي منك لما تلمسني عشان كل لمسه منك هتفكرني بالبيب
ادم : هقدر ياليلي علشان بحبك هقدر و اوعدك اني هاخدلك حقك من لبيب الكلب ده وانك هتنسيه خالص
ليلي وسكتت وبصت في الارض
ادم: افهم ايه دلوقتي انا بقا
ليلي ومرديتش عليه
ادم : يعني السكوت علمت الرضا
ليلي مرديتش : بس حركه راسها بمعني ايوه
ادم : ياااه اخيرااااا طب قوليها يا ليلي قوليها
ليلي وهي بصه في الارض : مش هقدر
ادم : ليه بقا مش بتحبيني
ليلي : لا مش كده بص لما اقولها ليك لازم ابقا حساها
ادم : خلاص علي راحتك ياليلي سكت ادم وبعد كده كمل كلامه
ادم : طب ممكن رقم ولدتك
ليلي وهي مش فاهمه : ليه يعني
ادم : هيكون ليه ياليلي علشان علشان اجي اخطبك
ليلي : بسرعه ديه ديه
ادم : سرعه وانا كنت هقول اتجوزك
ليلي : لا لا لا مش دلوقتي يا ادم
ادم وهو بيتنهد : خلاص علي راحتك يا ليلي
عند سلمي معرفتش تنام بصت ملقتش ليلي جمبيها قامت تدور عليها لقاتها قاعده هي وادم علي البحر
بصت ليهم وابتسمت وقعده تفكر في الي شاغل بالها هي متعرفوش كويس بس قلبها اتعلقبيه جدااا ياتري ممكن
اكون بحبه لا لا يا سلمي بتحبي ده ايه
عقلها : اه انتي بتعتبريه صديق وبس
قلبها : يا راجل اومال ليه بتفكري فيه علي طول
عقلها : مردش
قلبها : ما ترد
عقلها : خلاص انا بحبه اخرص بقا
قلبها : خلاص هسكت اهو
صحيت سلمي من تفكرها علي ايد ليلي
ليلي : ايه الي مسهرك
سلمي : لا عادي مش عارفه انااام تعالي اقعدي قعدت ليلي مع سلمي
سلمي : كنت بتتكلمي فى ايه مع ادم
ليلى اتكسفت وبصت فى الارض
سلمى: ايه اعترفلك بحبه
ليلى بصت ليها وهى مصدومه: انتى عرفتى ازاى
سلمى ضحك وبصت ناحيه البحر: على ماتوقع الشله كلها عارفه انى ادم بيجبك
ليلى سكتت ومردتش عليها
سلمى: المهم انك قبل ما هنسافر بيوم
ليلى: اه ربنا معايا
سلمى: يارب قومى بقا عشان ننام
ليلى: تمام وقامت وقاموا ليلى مع سلمى يناموا
تانى يوم الصبح
ريم ويارا قاعدين يصحوا فى ايلين بس مش عارفين يصحوها
ريم: يووووووه بقا انا زهقت لينا ساعه بنحاول نصحى فيها
يارا: يا ايلين قومى بقا الساعه 9 الصبح
ايلين وهى نايمه: غورى منى وشى انتى وهى وسبونى انام فى الحظه ده جات سلمى وليلى
ريم: اهم صحابك جم ومشيت ناحيتهم
ريم: تعالوا بقا صحوها علشان انا زهقت
سلمى وهى بتضحك: خلاص انا هصحيها ليكوا حالا
وبصت ليلى وغمزتلها ليلى فهمت قصد سلمى
ليلى بصوت عالى: ايه ده جاسر تعالى اتفضل
نطت ايلين من على السرير وكان شكلها يضحك اوووى
بصوا البنات ليها وقعدوا يضحكوا ايلين وهى متغاظه
ايلين: ماشى يا جزمه انتى وهى وانتو تعملوا فيا كده ماشى يا جزم
ريم وهى بتضحك: هههههههه بس شكلك يضحك اوووووووى
بس صحيح ليه قولتى انى جاسر جاى وبصت ليلى
ايلين اتحرجت اووووووى فسلمى حاولت تدارى الموضوع
سلمى: لا عادى اصل ايلين مبتحبش حد يدخل عليها الوضه من الشباب حتى لو اياد
يارا: اه كده فهمت طب قومى بقا هنتاخر على الشباب قامت ايلين وغيرت ونزلت مع البنات
عند ادهم صى وقام غير هدومه وهو فى نفسه مقرر انه يفتح صفحه جديده
واخيراااااا اعترف لنفسه انه بيحب سلمى
عند سلمى نزلت مع البنات وقعدوا فى الكفاتريه
سلمى: طب هتفطروا الاول ولا تشربوا حاجه
البنات: لا نشرب الاول
سلمى: طب تمام هقوم اجيب الحاجه
ريم: تحبى اساعدك
سلمى بصت ليها: تمام
قامت ريم مع سلمى عشان يجيبوا المشروبات
فى مكان بعيد شويه واقف ولدين
مصطفى: بس تصدق سلمى ده حلوه اووووى
احمد: طب ابعد عنها احسلك
مصطفى وهو بيبص لصاحبه: ليه يعنى
احمد: عشان هى تخص ادهم الصياد وانت عارف الصياد
مصطفى وهو بيتكلم بحقد: طب كده كويس اووووى عشان ادفعه تمن البكس كويس اووووى
احمد: بلاش ادهم يا مصطفى ادهم غضبه وحش اووووووى
مصطفى: ولا يهمنى انا هوجعه يعنى هوجعه
وبص لسلمى وضحك سلمى جابت الحاجات مع ريم
ورجعت للبنات جيه ادم وقعد معاهم وقعد جمب يارا وليلى
ادم: ازيكوا يا بنات
البنات: تمام الحمد الله
يارا: طب ايه احنا هنفضل قاعدين كده كتير احنا عايزين نعمل حاجه
ايلين: بالليل فى حفله فى الفندق واحنا معزومين عليها
ريم: طب حلو اوووووى عشان نمشيها
جاسر من وراها مع ادهم: تمشوا فين
بصت ليه ايلين: فى حفله فى الليل واحنا عايزين نحضرها
ادهم: وهى فين الحفله ده
ريم: هنا فى الفندق
جاسر: اه تمام
ادهم: طب هتبدأ امتى
سلمى: على 8 بالليل الحفله هتبدأ
بص ليها ادهم: طب وانتى هتمشيها
سلمى: لو البنات هيمشوا انا اكيد همشى
ادهم: طب تمام يبقا اجهزوا على الساعه 7:30 تمام
البنات: تمام فضلوا يتمكلموا ويهزروا وبعد كده
قاموا علشان يشتروا الفساتين للحفله الى بالليل
والشباب نفس الكلام قاموا يشتروا طقم للحفله الليل
فى مصر حازم كان قاعد فى مكتبه بعد ما اتقبل فى الوظيفه دخل عليه صاحبه محمد
محمد: حازم مستر رافت عايزك فوق
حازم باستغراب: عايزنى! متعرفش عايزنى فى ايه
محمد: لا والله هو قالى اقولك انه عايزك
حازم: تمام يا مجمد مشىحازم لرافت وخبط على الباب
رافت: ادخل دخل حازم
حازم: حضرتك عايزنى
رافت: ايوه يا حازم اتفضل اقعد قعد حازم
رافت: الصراحه بنتى قررت تشتغل معايا فى قسم التصميم وعايزك تعرفها كل حاجه تخص الشغل
حازم: تحت امرك يا فندم
رافت: انت شاب مجتهد يا حازم واتمنى ليك التوفيق فى حياتك
حازم: ده وسام على صدرى يا فندم
دخلت ساره على بابها فى الوقت ده
ساره: بابا انا جيت اسفه واله بس الطريق كان زحمه لحظت ساره انى فى حد مع بابها فاتكسفت
ساره: احم احم السلام عليكم
رافت: وعليكم السلام تعالى يا ساره اعرفك مستر حازم
هو الىهيعرفك كل حاجه تخص شغلك
ساره وهى مصدومه: انت
حازم: انتى
عند البنات مشيوا المول علشان يشوفوا الفساتين
ريم: يووووه بقا مفيش حاجه حلوه خااالص
يارا: اه والله معاكى حق
سلمى شافت فستان عجبها جداااا
سلمى: بنات تعالوا بصوا كده على الفستان ده بصوا البنات عليه
ايلين: ده رهيب
يارا: وااااااو حلو جداااا
ليلى: ادخلى قسيه كده
سلمى: تمام دخلت سلمى تقيسه وطلعت
ريم: بسم الله ما شاءالله زى القمر
سلمى: بجد حلو
يارا: ده رووووووعه عليكى
سلمى: طب تمام يالا بقا عشان نشوف حاجه تانيه ليكوا
لفوا البنات على المحلات وكل واحد اشترت فستان ليها
رجعوا الفندق على الساعه 5 طلعوا على الاوضه عشان يلحقوا يجهزوا
عند الشباب اختار كل واحد فيهم لبس لنفسه ورجعوا الفندق
جاءت الساعه 8 الى ربع
ادهم: حد يطلع يجبهم عشان منتاخرش
اياد: خلاص هطله اشوفهم انا
طلع اياد للبنات فوق وخبط الباب
سلمى: معلش يا يارا افتحى الباب شوفى مين
يارا: تمام كده كده انا خلصت
فتحت الباب لقت اياد قدامها بص ليها اياد كانت جميله اووووى
كانت لبسه فستان ازرق فيه فصوص سوده وجايبه شعرخا على جمب
كانت عامله زى حورايات البحر
اياد كان لابس قميص ابيض وبنطلون جينز وعامل شعره بطريقه شبابيه
اياد وفاق من سرحانه: خلصتوا ولا لسه يا يارا
يارا: لا خلاص خلصنا اهو
اياد: طب يالا بقا عشان منتاخرش
يارا: تمام جم البنات ونزلوا واول ما الشباب شفوهم اتصدموا كل واحده فيهم كانت ايه من الجمال
سلمى كانت لبسه فستان بينك طويل وكانت فرضه شعرها كله وراها كانت زى الاميرات
اما ليلى كانت لبسه فستان اسود فيه لميع قصير وعامله شعرها ضفيره وجيبها على جمب
ايلين كانت لبسه فستان موف ورفعه شعرها فوق كانت ايه فى الجمال
وريم كانت لبسه فستان ابيض قصير وعامله شعرخا كعكه كانت عامله زى الملايكه
اما الشباب فادم كان لابس بدله كحلى وقميص ابيض
وجاسر كان لابس بدله سوده وقميص ابيض برده
اما ادهم فكان لابس بنطلون جينز وقميص اسود ومشمره
يعنى كلهم كانوا حلوين اووووووى الصراحه
جاسر: يخربيت جمال امك
ادم: بتقول حاجه يا جاسر
جاسر: ها لا لا مبقولش ياخوى
نزلو البنات لحد الشباب
ادم: شكلكوا حلو اووووووى النهارده وبص ليلى
ليلى اتكسفت وبصت فى الارض
ايلين: قصدك ايه بقا اننا مش حلوين والنهارده بس بقينا حلوين
جاسر: لا طبعا انتو حلوين ديمااا
ريم: طب ايه مش هنمشى ولا ايه
ادهم: لا طبعا هنمشى يالا
مشيوا البنات والشباب مكان الحفله واول ما وصلوا الشباب الى كانت فى الحفله
قعدوا يبصوا على البنات جدااا وده ضايق ادم وادهم وجاسر واياد
ادهم: بصوا بقا انتوا هتفضلوا جمبنا ومش هتتحركوا كتير تمام
البنات: تمام دخلوا الحفله وكان صحابهم كلهم هناك
بسمه جاءت نحيت سلمى والبنات
بسمه: ازيكوا يا بنات اتاخرتوا كده ليه
سلمى: لا عادى اتاخرنا فى البس شويه
بسمه: اه تمام وشتغلت الاغانى وفضل كله يرقص
ريم: جاسر حبيبى عايزه ارقص
جاسر: ما ترقصى حد مسكك
ريم: عايزه ارقص معاك
جاسر: لا طبعا
ريم: بليييييز يا جاسر بقا
جاسر: امرى لله قومى قامت ريم وجاسر يرقصوا
رن تلفون اياد: سور يا جماعه لازم ارد على الفون ضروروى
طلع اياد بره عشان يرد على الفون بتاعه
ايلين كانت هتوت من الغيظ برفم انها اخته
ايلين: انا هقوم امشى الحمام عشان لو قعدت هعمل جنايه
ادم: بتقولى حاجه يا ايلين
ايلين: لا ابدااا انا همشى الحمام
ليلى: طب استنى اجى معاكى مشيوا ليلى وايلين الحمام
ادم اخد يارا وقاموا يرقصوا مع بعض فضل ادهم وسلمى لوحدهم
ادهم: تحبى ترقصى
سلمى: لا مش عايزه
ادهم وحاول يبقا بارد: على راحتك
سلمى كان نفسها تقوله اه بس ليه رفضت متعرفش
جاءت بسمه ومعاها عصير: خدى يا سلمى اشربى
سلمى: شكرا يا بسمه مش عايزه
بسمه: لا لا لازم تشربى وفقى كده شويه ده حفله
سلمى: شكرا يا بسمه واخدت كبايه العصير وشربتها
بصت بسمه ناحيه ولدين واقفين وابتسمت ليهم
احمد: طب هتعمل ايه دلوقتى
مصطفى: ولا حاجه هستنى شويه بس ومشى ناحيه سلمى
مصطفى: ممكن ارقص معاكى ومد ايده
سلمى بصت ليه: اسفه مش هقدر تعبانه شويه
مصطفى: تمام ورجع لصابه احمد
احمد: ايه مردتش
مصطفى: اهيه كلها كام دقيقه وهتبقى فى حضنى
احمد: برنس من يومك يا صاحبى ابتسم مصطفى لاحمد وبص لسلمى
عند سلمى حست بدوغه وكانت هتقع
ادهم: سلمى مالك فى ايه
سلمى: انا كويسه حسيت بدوغه بس
جاءت بسمه عليها وهى بتمثل الخوف
بسمه: سلمى حبيبتى فى ايه مالك
سلمى: لا عادى شويه دوغه بس
ادهم: طب روحى استريحى
سلمى: لا انا كويسه وكانت هتقع تانى
بسمه: انا هخدها على اوضتها
ادهم: تمام يا انسه بسمه
اخدت بسمه سلمى وعمزت لمصطفى ومشيوا
مصطفى: انا همشى بقا
احمد: يبقا ارفع رسنا يا صاحبى
مصطفى: عيب عليك ومشى مصطفى وراه بسمه
