مشاعل : عمرها 20 تدرس بالجامعه قسم فنون جميله (رسامه)خخخخخ
طولها 168 -- وزنها 55 --- شعرها طويل مدرج قاصه فراوله لوووول
بني اللون وعيونها عسليه جميله فيها من البراءه مايكفي لنشر السلام للعالم
مملوحه وناعمه وطيووووبه وخفيفه دم بس انها عصبيه ودلوعه ولازم رغباتها تتنفذ
مغروره فيها ميزه انها عنيده مره يعني ماتترك شي ببالها لما تسويه
00000
ابو مشاعل : مقتدر ماديا مظطر دائما لتنفيذ رغبات ابنته الوحيده التي لاتنتهي
متزوج من 3 نساء
الاولى: ام مشعل عندها مشعل وسعود
الثانيه: ام مشاعل وهي متوفيه ولم تنجب الا مشاعل
الثالثه: ام سلطان عندها سلطان وفهد وفيصل
-----------------------
في الجامعه
مشاعل: اليوم طالع قمر في طلتك ياسلام حلاك غير البشر واخذت ياساره مشي الغراب
ساره: غراب في عينك ياوجه الفقمه
مشاعل: ياااااااااااااااي الفاظك بذيئه ونابيه
ساره: تكفين تاركه الادب لك
مشاعل: ادب والا نحو
ساره: اقول وش رايك اليوم نطلع نتعشى برا
مشاعل: لالا اليوم انا معزومه على دي جي
ساره: ياسلااام ليش ماعزمتيني
مشاعل:معي كرت لك بس اذا ماارح تجين خليني اعطيه فهده ترى متجننه تبي تروح معاااي
ساره: لالا لاتفكري احد يروح معاك غيري المهم مين الي عازمك
مشاعل: بنت عمي الجوهره
ساره: ايش راح تلبسي
مشاعل: خيشه
ساره: يله عاد بلا استهبال
مشاعل: مااعرف بفكر
فهده: ايش ايش ايش اسمع طاري حفله ولبس انا معزومه طبعا
ساره: انا مالي شغل ميشو هي الي عزمتني
مشاعل: سوير يالفضيحه
فهده: خلصوا بس وعطوني كرتي بسرعه عندي محاظره
مشاعل: اوكي برسله لك مع سواقي اليوم العصر علشان تلحقي تلبسي لان الدي جي اليوم
فهده: والله انك صديقه صح يمكن احد يحن علي ويخطبني
مشاعل وساره:ههههههههههههههههههههههههه
مشاعل : يله سويره وفهده انا بروح عندي محاظره
ساره وفهده: اوكي بااااااااااي
مشاعل : باي تيك كير
ساره وفهده: اوكي
فهده : ماشالله على ميشو ياليتني ربع جمالها كان الخطاب نمل عند بابنا
ساره: اعوذ بالله منك قولي ماشالله لو البنت جاها شي راح اخذ منك
فهده: يؤؤؤؤؤ ترى عيني بارده
ساره : طيب حطيها في الفرن
فهده: كركركر بايخه
ساره : طيب انقلعي واصحي اليوم يكون الميك اب اوفر تصيري كانك مهرج
فهده: وش اسوي ابي اصير بيضاء
ساره : هههههههههههههه
------
في بيت ام سلطان
في الصاله جالسه ام سلطان يرن التلفون الاتصال داخلي من المطبخ
ام سلطان: ايوة
الطباخ سمير: صباح الخير يامدام
ام سلطان : نعم
سمير: عاوزين ع الغداء ايه النهار ده
ام سلطان : سلطه سيزر و سلطه يونانيه وشوربه ذره
سمير : حاضر يامدام دي المقبلات عاوزه حضرتك ايه الوقبه الرئيسيه
ام سلطان: مكرونه بشاميل و اسكالوب و فهيتا دجاج
سمير : حاضر يامدام بس لامواخزه المودمزيل مشاعل اعملها ايه ع الغداء
ام سلطان: بتاكل معنا واذا ماعجبها الاكل تاكل برا والله مابقا الى هذي بعد نعمل حسابها
ع الاكل
سمير : اوكي الي تشوفيه يامدام وعاوزين تشربوا ايه يامدام
ام سلطان : اووووووووه ياكثر اسئلتك زي كل يوم
سمير : اوكي
سمير بعد مااقفل الخط
سمير : ايه ده الست دي مقنونه وعصبيه بتشخط كده ليه هوا انا خدام عندها دنا بشتغل
عند ابو مشعل ده راقل طيب مايعرفش العأربه الي متقوزها ياحبه عيني يامشاعل محدش
غلبان ومظلوم ومتلعوز في البيت ده الا هي
---------------------------------
في بيت فهده صاحبه مشاعل
ام فهده: الله يغربل هالبنت اموت واعرف ليش تقفل حجرتها يعلها الماحي الي يمحاها
الله يقنزعها بقنزعها متى يجيها رجل ويفكني منها ويظفها هذي بلوى مدري من الي
داعي علي ياربي انا ماظلمت احد ولا سويت لاحد شي علشان يبلاني بها مير انشالله
تكفير
فهده: ياربيه توني جايه من الجامعه وانتي تدعين
ام فهده: ياوسيعه الوجه وراتس تقفلين حجرتس هاه وش انتي موزيه
فهده: يوووه يمه عندي اسرار مثل كل البنات كل صديقاتي يقفلون غرفهم اش معنى انا
ام فهده: بنين بزع يمال الفهاق واذا طبوا الناس في النار نطب معهم
فهده: نار علشان قفلت غرفتي خذي هذا المفتاح وفتشي على كيفك
ام فهده : اشوه هاتيه
فهده: يمه هالدرجه ماعندك ثقه فيني
ام فهده: البنت مالها الا الدقم والشكم
فهده: اجل ترى صديقتي بتمرني اليوم بنروح لحفله
ام فهده: ياربيه راسي الضغط هالبيت بتموتني اكيد
فهده: جاك العلم يله انا بنام لي شوي قبل اروح للصالون
ام فهده : يعلها النومه الي مابعدها قومه
------------------------------
مشاعل في السياره في الطريق للبيت
عند الاشاره جنبها واحد ياشر لها علشان تفتح البلوتوث
مشاعل : بعد بعد مابقى الي هذا الشين القروي لا وسيارته كامري وجاي يرقم اوكي انا
اوريك
فتحت الشباك
مشاعل: انت
الولد: هلا بالقمر ماصدق انك تكلميني
مشاعل: ماتبي رقمي؟
الولد: ياليت تتكرمين علي لو بربع الرقم
مشاعل : طيب تعال اعطيك الرقم
الولد: من عيوني
نزل الولد ركض لان الاشاره فتحت وكان صوت البواري مزعج كل واحد يبي يرجع لبيته
الولد بعد ماوصل للشباك : ياقمر الرقم لو تكر..
بس ماكمل كلامه لان جاه كوفي حارره على وجهه
مشاعل: هذا درس لك علشان ماتتعلى على اسيادك
-------------------------------------
في بيت ساره
ساره:ماما ماما
ام ساره:هلا حبيبتي
ساره:ماما ترني معزومه اليوم ع دي جي
ام ساره:اوكي حبيبتي بس مين الي عازمك؟؟
ساره:ميشوو هذا دي جي بنت عمها
ام ساره:ماينع اجي ههههههههههههه
ساره:الا ينفع الله يحييك بس اخاف تغطين ع البنات
ام ساره:اوكي حبيبتي روحي بس لاتتأخرين واذا جا السواق يرجعك خذي الخدامه معاك
ساره:لاياماما بخليه ينتضر
ام ساره:حرام عليك خليه يرجع واذا بغيتيه دقي عليه
ساره:طيب يله بروح انام
ام ساره:وانا بطلع العصر ترا والليل انا معزومه اوكي
ساره:اوكي
-----------------------------------
مشاعل بطلتنا بما ان امها ميته عاشت مع ام سلطان الي لها وجهين
اذا كان ابو مشاعل موجود تكون طيبه واذا انفردت بمشاعل طلعت مخالبها
في بيت ام سلطان مشاعل رجعت من الجامعه وفي الصاله بالتحديد
مشاعل: اهلين ام سلطان
ام سلطان بدون نفس: هلا
مشاعل: وين سوسو وفوفو وفيفي
ام سلطان: قطاوه عندك عيالي اظن عيالي لهم اسماء ومحد قال لك تدلعيهم اولادي رجال
لما تتزوجي وتجيبي عيال دلعيهم زي ماتبي اوكي
مشاعل : ههههههه ضحكه بدون نفس يالله ياام سلطان احس انك تتكلمي عن رجال فوق 40
ترى اكبر واحد فيهم عمره 15 لاتكبري الامور
ام سلطان: اظن هذولا عيالي وانا حره فيهم
مشاعل: المهم ايش الغداء اليوم
ام سلطان : كان تغديتي برا الغداء اليوم مايعجبك
مشاعل: اها كويس اصلا انا تغديت قبل اجي وكنت ببلغك انك ماتعملوا حسابي على الغداء
ام سلطان : احسن توفرين
ابو مشعل: السلام عليكم
ام سلطان ومشاعل: عليكم السلام
ابو مشعل: وانا اقول هالنور وش منه انتي هنا يامشاعل
ام سلطان في نفسها : قول لمبه بدون فيش
مشاعل : شكرا يابابا النور نورك ياقلبي ونور خالتي ام سلطان
ابو مشعل: الله يخليك لي طول عمرك لسانك شهد
ام سلطان في نفسها : الا سم
ابو مشعل : وش في الحلوه الاموره ام سوسو زعلانه وساكته
ام سلطان: ابد يابو مشعل بس افكر في مشاعل ضايق صدري انها متغديه
برا مدري ايش فيها ماعاد يعجبها اكلنا
مشاعل:لا بس كل ما اكلت الاقي شعر شكله من شنب الطباخ الجديد رفعت الي يساعد سمير
ابو مشعل:نغير هالطباخ انا عندي كم من مشاعل؟؟
ام سلطان:والله يامشاعل ياحبيبتي ماعمري لقيت شعر بعدين قطع الاعناق ولا قطع الارزاق
مشاعل:لا بس لو هو مهتم بنضافه الاكل كان ماطاح شعر
ام سلطان:ليه تبينه يربط شعره شنبه بحجاب مثلا؟؟
مشاعل:لا بس يحلقه او يخففه مو يطوله
ابو مشعل:خلاص فضوها سيره انا بلاقي حل
مشاعل:طيب انا استأذن بروح انام اليوم بروح لبنت عمي الجوهره مسويه حفله
------------------------------------------------
في بيت فهده
صالح:يمه خلي بنتس تصلح قهوه بيجي صديدزي
ام صالح:هالبنت طالعتن من شوري بلاها مالقت رجالن يشكمها
صالح:وش هالحاتسوه يمه وش صاير؟؟
ام صالح:تقول بروح للحفله مع صديقاتها ماخبرنا البني يطلعن مع صديقاتهن
صالح:يمه خليها تروح شوي العصر وترجع العشاء توسع صدرها بس عسى
البنات تعرفونهم
ام صالح:بقومها اقولها
فهده توها صاحيه:هلا صالح
صالح:يله البسي اوديتس عند صديقاتس
فهده:مو الحين الحفله
صالح:اجل اصلي المغرب واجي اخذتس
فهده:لا ياخوي الحفله ماتبدا الا بعد الساعه 11
صالح:افا تبيني اوديتيس 11 داقمن يدقمتس
ويفصخ عقاله ويمردغها لين علم ع ضهرها خطوط حمر
وراحت تصيح بغرفتها
ام صالح:حرام عليك عاد تكفر فيها
صالح:بد ابد هاذا البني لين انعطن وجه صارن فاهرات كثر الدلع اما هبل ولا خبل
-------------------------------------------------------
في الدي جي:
مشاعل:اهليييييييييييييييييييييييين جوجو كيفك من زمان عنك
الجوهره:هلا وغلا بميشوووو زوجه اخوي
مشاعل:اقول عاد يا الجوهره انتي عارفه اني اتضايق من هالكلام
الجوهره:حرام عليك والله تركي يحبك
مشاعل:اولا انتي عرفه اني ما احبه وثانيا هو كبري وانا ابي واحد اكبر مني وثالثا
انا اطول منه تبيني امشي معاه بالسوق وهذا طوله لاحبيبتي
الجوهره:بس خلاص اقلقتيني اذا سمعت كلامك اقول حرام اخوي ياخذها واذا شفته قلت
مسكين وارحمه اقرفتوني انتي وياه ادخلي بس ادخلي
وقبل لاتدخل دقت عليها ساره
ساره: انا دخلت انتي وينك
مشاعل:انا عند الباب بنتضرك
وسكرت
الجوهره:مين داق عليك
مشاعل:ساره
ولا ساره دخلت
وسلمت عليهم ودخلو كلهم داخل
و رقصوا وطق وهبال الا الساعه 7 الصباح
---------------------------------------------------------
طبعا الدي جي كان يوم الاربعاء
وفي يوم الخميس في بيت مشاعل
مشاعل كانت بغرفتها جالسه ع النت
وبالماسنجر
ساره:تطلعي اليوم؟؟
مشاعل:ايه الوعد اليوم الساعه 7 اوكي
ساره :اوكي
----------------------------------------------------------
صالح واخوياه كانوا بشارع البحري يفحطون عقولتهم ((هجوله))
طبعا بعد ماضرب اخته راح يوسع صدره لانه حس بالذنب
صالح:فيييييييييييييييييييييصل تعزز لي؟؟
فيصل:اوكي
طبعا صالح كان كاتب ع قزاز السياره من ورا لعيون مشاري
مشاري هذا ولد كان يحبه فيصل
عبدالله:ارووح انا ياعيني ع مشاري ياعيني يابخته والله
ههههههههههههههههههههههههههههههههه
صالح:ايه مايمديك
------------------------------------------------------------
وطلعوا ساره ومشاعل يتمشون وراحوا للتحليه وكانوا طالعين بسياره مشاعل
وطبعا السياره مو مضلله وكان معاهم لكزس430 لون عنابي ومن جوا بيج
ساره:ميشووو لاتصيري بخيله اعزميني ع كوفي
مشاعل:اوكي بس لاتتميلحين لان غسان طالع اخاف يشوفني تعرفين انه يغار علي
ساره:طيب وعبدالله؟؟ ومحمد؟؟وفهد؟؟؟
مشاعل:ياقدمك سحبت عليهم من زمااااااااااااااااان اف مليت منهم
ساره:مو كنتي تحبين فهد؟؟
مشاعل:ايه كنت وكنت من الماضي كرهته لانه طول شعره وانا ما احب الولد
الي يطول شعره
ساره:طيب وانا ابي لي كم من واحد معاد عندي الا النشبه بدر ونواف الملحط
تعرفين مخليته ع شان بيسوي لي موقع
مشاعل فتحت الشباك لانهم وصلوا عند صدى التحليه:اكسيوزمي
الفلبيني:يس ميم
مشاعل:كان اي اوردر؟؟
الفلبيني:اوفكورس
مشاعل:تو اسبريسو ويذ اوت شوقر
الفلبيني:اوكي
وسكرو الشباك
ومر واحد معاه جيب بورش والولد مره كيوت وكاش ومعاه عبد جنبه
وساره طارت عيونها وقالت : ميشو ميشو شفتي الي شفته
مشاعل:لا وش فيه؟؟
ساره:واحد مره كيوت ومعاه كااين
مشاعل:ايه عادي وش الغريب تلقاني قد كلمته احس اني شطبت ع كل الي معاهم كااين
ههههههههههههههههههههههه
ساره:شوفي ياشر بموبايله ايش رايك افتح البلوتوث
مشاعل: افتحيه واحنا ورانا شي الا امغازل
ساره تاشر للولد علشان يرسل لها
وفجاءه جاها مسج من الوسيم الي جنبهم وفتحته ولقته كاتب:
اقول ياقمر تراني ابغا الي جنبك وانتي كانك تبين الي جنبي تراه في الخدمه
ساره:شوفي الحيوان ايش كاتب وتقرا لمشاعل
مشاعل ميته ضحك:ههههههههههههه الحين اكلمه واوريك فيه
ويجيهم الطلب
الفلبيني:اوبن ذا ويندو
مشاعل:هاو متش
الفلبيني:22
مشاعل:ثنكس
وكانوا يشربون ولما وقفو عند الاشاره دق موبايل مشاعل
مشاعل:الووو
غسان: خير انشالله
مشاعل: اهلين حبي
غسان: التفتي يمينك
مشاعل توهقت : ليش
غسان : ليش خايفه التفتي
مشاعل: ليش اخاف انا مو مسويه شي
ولما التفتت مثل ماتوقعت لقت غسانوه واقف جنبها
غسان: ممكن اعرف مين صاحب الكاين الي كان جنبكم
مشاعل: لا والله وانا بسال اي واحد طالع مين انت؟؟
غسان: ايه بس مو اي واحد يطلع ويوقف جنبكم تاكلونه بعيونكم والا لا
مشاعل: ايش قصدك؟؟
غسان: شكلي انا مامليت عينك علشان كذا بنسحب بهدوء وخلي الكلاب الي وراك ينفعوك
مشاعل: انت كذا دايما شكاك بس الشرهه مو عليك الشرهه على الي تكلمك لانك
ماتستاهل
غسان: اوكي مابي اشوف رقمك
مشاعل: انقلع اصلا انا حاذفه رقمك قبل لاتقول
غسان: هذا العشم فيك يالمتربيه
مشاعل: متربيه غصب عليك
غسان : اذا متربيه ارجعي للبيت الحين
مشاعل: اقول انقلع ولا تدق لاني من زمان ابي اسحب عليك بس مالقيت سبب
غسان: حقيره
مشاعل: بااااي ياغبي
ساره: يؤؤؤ اعصابك كلتي الولد
مشاعل : على باله بيصيطر علي مسكين ينقلع
ساره : حرام الولد يحبك
مشاعل: حبته القراده ويا وجهه الابرص مسكين حتى شنب مايطلع له
ساره: ليش تكلمينه طيب وهو مو عاجبك
مشاعل: يعني رزه قدام صاحباتي تعرفين هو ولد مين
ساره: ههههههههههههه مجنونه
وبعد المواكب والهبال قرروا اخيرا يرجعون للبيت
والساعه 11 وصلت مشاعل ساره لبيتها
وفي طريق الرجعه للبيت دخلت الحاره الي توديها للبيت وفجاءه
سياره تحدهم ويضطر السواق انه يوقف السياره وللاسف تكتشف ان السياره الي حدتها سياره غسان
وعرفت انها طاحت في ورطه وقالت للسواق ارجع بسرعه وحاول يرجع بس للاسف فيه جمس ساد عليهم
وباين انها راحت فيها هذي اخره الغزل!!!!
المهم نزل غسانوه ووقف عند شباكها ويقول لها انها تفتح الشباك
وهي مارضت خافت يسوي شي مجنون
غسان: قسم بالله اذا مافتحتي الشباك بكسره
مشاعل: ماراح افتحه
بس قررت انها اخر شي تفتح جزء من الشباك وتسمع ايش يبي
غسان: ممكن تنزلي من السياره ابيك بموضوع
مشاعل: انت اكيد مجنون ماراح انزل ممكن اعرف ايش تبي الي بينا انتهى
غسان : لابس ابي اعلمك من الغبي ابي اعرف انتي قد هالكلمه او لا؟؟
مشاعل: انت غبي وحقير وتافهه وانا قد الكلام كله وانت ماتخوفني
غسان : ليش ماتعرفي انا ولد مين
مشاعل: ههههههه ماتهمني
السواق: ياعمه اتصل على العم ابو مشعل او على الشرطه اشوف الجمس يطلع منه 3 شباب
مشاعل: لالا انا بحل مشكلتي لاتتدخل
السواق : بس ياعمه انتي امانه عندي واخاف يصير شي وانا ماراح اقدر على 4
مشاعل: انطم الحين
غسان: تعالي حلي مشاكلك بسيارتي وابي اعلمك شلون تحترمي الناس
مشاعل: اوكي انا بتصل بالشرطه
غساان : هههههههههههههههههههههههههه اتصلي وانتي الخسرانه لانك لو اتصلتي ابوك
راح يعرف اي بنت هو واثق فيها ههههههه مسكينه ياميشو
مشاعل بدت تنهار وبدت تصارخ وتستنجد باي احد بس الناس كلهم في بيوتهم ومحد حاس
بهم ميشو
وفجاءه تجمعوا الشباب على الشباك وبدوا يضحكون ويقولون كلام بذي لها وحست انها اكيد
اكيد ماارح تنجو وزاد الضرب على الشباك لحد ماانكسر شباك السواق وفتحوا الباب
واخيرا غسان وصل لميشو ونزلها من السياره
تخيلوا ايش راح يصير لميشوووو وهل انها ندمت على طيشها ؟؟؟وغسان ايش راح يسوي
بعد ماكسر غسان الشباك ابتدى يسحب مشاعل للشارع ويحاول يركبها سيارته ووقتها
السواق كان في صراع مع الشباب وبدت مشاعل تفقد الامل لاي نجاه وبدت ترضخ للامر
الواقع بس اتفاجاءت ان يد غسان ابتدت ترتخي وماصارت تشد عليها بالعكس غسان ترك
يدها وكانه اخيرا ندم على كل الي سواه التفتت مشاعل له ولقته يطالعها باحتقار
مشاعل: اخيرا تذكرت ان عندك قلب؟؟ او انك بديت تخاف؟؟ او يمكن عندك امل اني ارجع لك؟؟
غسان: مين قال اني افكر ارجع لك لانك ولا شي بالنسبه لي كنت اتسلى معاك انتي شكلك
ماعرفتيني للحين
مشاعل: طيب ممكن نتعرف
غسان: صدقيني انا بحياتي ماخدعني احد ولافكر حتى لاني اعرف انك واطيه من زمان
بس حبيت اتسلى معاك
مشاعل: اها وليش كنت بتركبني سيارتك علشان تقول هالكلمتين؟؟ كان قلتها وانا بسيارتي
لاني تعبانه ومالي خلق امشي
غسان: انتي احقر من ماتخيلت لا تفكري انك قويه لانك من شوي كنتي حتنهاري وصدقيني
انا مو من عادتي اضر اي شخص علشان ماحب ادخل في متاهات بس انا حبيت اعلمك ايش
غسان يقدر يسوي وتركتك انا بكيفي لاني ماتنزل حتى اضر وحده واطيه مثلك
مشاعل: اها طيب ليه المسلسل الي سويته هذى؟
غسان: علشان اثبت لك اني اقوى منك وانك ضعيفه واقدر اسوي فيك الي ابي بس للاسف
ياميشو اني انا مابيك ولا تهميني علشان كذا انقلعي من وجهي ومره ثانيه اعرفي مين تتحدي
اوكي ياقمر
مشاعل امتلت عيونها دموع وحست بالاهانه وقررت تنسحب قبل لايغير رايه
غسان: لا مو قبل ماتقولي اسفه عمي غسان
مشاعل :تحلم
غساان:ماعندي مشكله اني اقضي الليل معاك لما تقوليها ,ماله داعي ابوك يسال عنك
بالشرطه ويدري انك مع خويك ههههههههه
مشاعل: عادي اصلا ابوي ماراح يفقدني لانه مو فاضي لي وانت عارف هالشي
غسان: يعني ماتأدبتي للحين ؟؟؟
مشاعل: انا متأدبه قبل اشوفك
غسان: اوكي بصراحه مليت من سوالفك التافهه يله ابعدي عن سيارتي بروح بس قبل اروح
بعطيك خيارين واتمنى انك تكوني انسانه واعيه علشان تعرفي ايش تختاري
مشاعل: تفضل يافيلسوف زمانك, وياليت تغششني
غسان: ياتقولي اسفه وهذا الحل الي انصحك فيه لانك بعدها راح ترتاحي مني والحل الثاني
والي ماانصحك فيه انك تنقلعي من وجهي بس المشكله انك بتلقيني بكل مكان تروحي له
وماراح اخليك وراح ادمر حياتك ببطء وجربي وتعرفين زين اني قد كلمتي
مشاعل: اتوقع اني اختار الحل الثاني بس اذا بدمر حياتي ببطء لاتنسى تبطء الشريط ههههه
غسان : كل هذا غرور ماتبي تقولي اسفه ومستعده تدمري حياتك بس ماتمسي كرامتك
مشاعل: اسمع انا ابوي وهو اغلى شخص بحياتي مهما حصل مااعتذر منه حتى لو انا
غلطانه تجي انت تبيني اعتذر لا ماارح تسمعها لو فيها موتي
غسان: اوكي تحملي مايجيك
مشاعل: خلصت امشي والا فيه شي ثاني
غسان انجن من برودها وكانه بيطلع يعزمها على مطعم والا كوفي مو بيخطفها عرف ان
البنت هذي مفقود منها الامل وقرر ينفذ خطته في انه يحطمها
غسان: شباب مشينا
مشاعل ماقدرت تتحمل الاهانه مافيه احد قدر يهينها وتسكت له لازم اوقفه عند حده بس
مابي ادخل معاه في متااهات خليه يروح وكويس اني لوحدي لو كانت معاي اي وحده من
صاحباتي كانت (فضيحتي بقلاقل)
رجعت مشاعل لسيارتها بهدوء والسواق ركب
السواق: عمه ايش القصه كان لازم ندق على عمي ابو مشعل
مشاعل: اصحى تقول اي كلمه لاي شخص فاهم اذا تبي وظيفتك
السواق: ابشري طال عمرك بس اذا سالوني عن الشباك المكسور ايش اقول لهم
مشاعل: قول لهم انك ماتعرف مين , كنت بعيد عن السياره ولما رجعت لقيته مكسور
السواق : ابشري طال عمرك, بس...
مشاعل : خلاص
وطلعت مشاعل فلوس واعطتها للسواق
مشاعل: هذي قيمه سكوتك واصحى احد يعرف لان وقتها مو بس راح تخسر وظيفتك
راح تخسر كمان البنك المتنقل الي معاك , فهمت ايش قاعده اقول لك؟؟؟
السواق : ابشري وماارح يصير الى الي تقولي عليه
الجزء الثالث
مشاعل كانت في قمة الذهول من الي صار ومن الي شافت ماتدري ايش تسوي تبتسم او
تعصب تذكرت انها جت علشان تهزئه على الحركه الي سواها ولازم تستجمع شجاعتها وتبدا
مثل عادتها بالهجوم بس كيف راح تقدر ترفع صوتها على اوسم رجل قابلته بحياتها وهي في
دوامه التفكير قطع عليها صوته الهادي الصوت الي اي بنت راح تطرب له
الشاب: مااتوقع انك طلبتي مني افتح الشباك علشان تطالعيني؟؟؟
مشاعل حست بالاحراج ايش راح يقول عني مشفوحه يالله
مشاعل بدت تتكلم بكل نعومه ودلع: سوري .. امممم... بس حبيت اقول لك ممكن تبعد
سيارتك لانك ساد علينا الطريق ؟؟؟ وعطه ابتسامه كلها دلع
الشاب عطى مشاعل نظره احتقار واشمئزاز من فوق لتحت وقال : لما تتكلمي معاي مره
ثانيه ياليت تبعدي فمك عني لان ريحتك مو حلوه واقرفتيني ؟؟؟ مدري اهلك ماعلموك شلون
تهتمي بنظافتك؟؟؟؟
وتجاهلها حتى ماانتظر انها ترد عليه
التفت على الشاب الي جنبه وقال له: ابو خليل تصدق كنت ميت جوع والحين اف لو تجيب
لي احلى اكله صدقني مستحيل تدخل فمي ايش القرف هذا على الظهر ريحه خايسه وشكل
معفن افففف يالله وين بطتي بس؟؟؟
ابو خليل يوجه كلامه لصاحبه وكانها مو موجوده: ههههههههه شوي شوي على البنت لا
تخدش مشاعرها هههههههههه
الوسيم: ههههههههه ليش والاشكال هذي تتوقع انها انثى انا اشك وبعدين هذي ماعندها
احساس هههههههههههههههه
ابو خليل: على قولتك ههههههههههههه
الحين حست مشاعل مثل التنين الي يطلع من خشمه نار بس هي الحين حست ان كل مكان
يطلع منه نار ولو معها سكين ماراح تكتفي بقتله لالا اتوقع راح تقطعه مكعبات علشان تتاكد
انه مافيه امل يعيش
واخيرا تذكر ان فيه وحده واقفه عند الشباك والتفت لها
الوسيم: اوووه انتي للحين هنا تحزني هههههههههههههه
مشاعل بكل هدوء: انا مدري ليه اتكلم مع واحد همجي ومتخلف مثلك ,,لاتفكر انك بتنرفزني
بالهكلام انا مايهمني رايك فيني انت حشره بالنسبه لي , واذا انا قبيحه وخايسه مثل ماتقول
بعد سيارتك علشان ماتضطر تشوفني او تبيني اتصل على الشرطه وهم يحلون المشكله
بمعرفتهم
الوسيم: انا ماأبديت رايي فيك لانك مو من مستواي لا ماديا ولا بالشكل ولا حتى بالثقافه
هههه انا كنت اكلم صاحبي هذا اولا وثانيا انتي اسمك التخصصي؟؟؟
مشاعل: التخصصي؟؟؟؟
الوسيم: الشارع هذا اسمه التخصصي وماتوقع ان هذا شارعك وانا حر اوقف وين ماابي
محد يقول لي وقف هنا او لاتوقف هنا فاهمه ياشاطره يله روحي العبي بعيد
وبكل احتقار طالعها وسكر الشباك
مشاعل ماتدري تبكي والا تكسر الشباك ولا تصارخ حقير جد مااحد تجرء يهينها ابد ابد كيف
يتجرء ,,,,, لاشعوريا مشاعل صارت تضرب الشباك باقوا ماعندها ,,, فتح الشباك ونظرته
كله برود وكان الي قدامه حيوان مو بنت ولها مشاعر جد مغرور
مشاعل بدت تتكلم بصراخ بدون ماتحس بنفسها: اسمع انت وربي لو ماحركت سيارتك والله
والله والله ماراح يصير لك خير ,, تفهم والا لا ... صدق انك مو متربي
وللمره الثانيه تجاهلها والتفت لصاحبه كانه ماكانت تتكلم ولاحتى فكر انه يبين انه عصب
لا بالعكس قمه التجاهل والبرود وكانها شحاذ عنده صار له ساعه يطلب منه حسنه وهو
مطنشه
كان يقول لصاحبه: ابو خليل والله انا خايف الحين بطتي تجي وتشوف هالشينه واقفه والله
جد ماله داعي
ابو خليل: تخيل عاد تحسبها خويتك والله فشيله لو البنت حلوه قلنا اوكي بس مقشع
الوسيم: اعوذ بالله اخاوي هالاشكال وووع فاله الله ولا فالك لالا لو بطتي شافتها بتحسبها
خدامه تعرف هي زين ان ذوقي راقي
ابو خليل: اقول شوف اظن هذي خويتك الي واقفه هناك؟؟
مشاعل: انت هيه والله لاخليك تندم على كل كلمه قلتها لي وتشوف اذا ماخ..
رد على موبايله ومو غريبه عليه انه يطنشها وهي تتكلم اصلا هو كان معتبرها حشره من
اول ماشافها
الوسيم: هلا بطتي ,, اوكي شفتك,,, ايه هذا انا معاي ابو خليل,,, يالله حبيبتي هذا انا جاي
حركي سيارتك ,,,, لالا هذي شحاذه مسكينه قلنا لها الله يعطيك مو راضيه تفهم تعرفين
هالشحاذات ماعندهم كرامه..هههههه اوكي بطتي باي
التفت عليها وقال: يالله انا طالع انتي حره الحين تقدر تطلعي سيارتك بس بنصحك نصيحه
غطي وجهك احسن علشان الشباب يرقموك لانهم لو شافوا وجهك اكيد محد بيرقمك الا اذا
كان اعمي ههههههههه باي وقفل الشباك وحرك السياره
مشاعل صارت تصارخ بالشارع : ليه ماتشوف وجهك انت يالشين يالخايس صدق انك حقير
لو انت رجال ارجع كلمني لكن انت بزر
السواق يوسف: عمتي مايسمعك السياره بعيده
مشاعل: مالك شغل انت وخر عن وجهي
وراحت ركبت السياره وهي منهاره ماتدري هي في حلم والا علم جد الي صار لالا اكيد حلم
مابعمرها احد عاملها بالهطريقه ولا احد فكر يهينها وهو من اول ماكلمها وهو يهينها
بس ليش قال هالكلام
مشاعل " انا مو قبيحه ليش قال عني اني قبيحه وليش يقول اني اخر وحده يفكر اي واحد
انه يتعرف عليها ياما شباب منجنين علي ويتمنوا انهم يرقموني,,, طيب ليش قال هالكلام؟؟
هو مايعرفني يعني ماله مصلحه انه يهيني ,,,, اكيد انا قبيحه ؟؟؟ لابس انا مو قبيحه !!!!
طيب وين كنت لما كان يهزئني ؟؟؟ ليش مارديت؟؟؟ وين لساني ؟؟؟ انا عمري ماسمحت
لاحد يقاطعني ,,, وهذا مو بس قاطعني ,, اهاني وهزئني قدام الناس ,,, ليش مارديت,,
يالله انا غبيه وين كان لسااني وين؟؟؟؟
مشاعل كانت منصدمه ماعمر احد تجرء ورفع صوته عليها او اهانها يمكن الصدمه هي الي
خلتها تسكت وماتعرف ايش تقول لحظتها كانت مو مستوعبه الي يصير ساعات الانسان
مايقدر يستوعب بعض المواقف الا لحد ماتنتهي ويبدا يلوم نفسه ليش ماقلت وليش ماسويت
واظن هذا اللي صار مع مشاعل
السواق: عمتي وصلنا للبيت
مشاعل بدون ماترد نزلت وهي تبكي من القهر ومو مستوعبه اللي صار وتذكرت ان اليوم
السبت وهو يوم ام مشعل يعني ابوها موجود اليوم كويس علشان مايشوفها وهي تبكي
السواق: عمتي متى اروح للوكاله علشان شباك السياره
مشاعل ماردت ودخلت البيت كان في الصاله فيصل اخوها (5 سنوات) جالس عند التلفزيون
ويطالع افلام كرتون تحاشت انها حتى تتكلم معاه علشان مايلاحظ انها تبكي ويقول لامه
طلعت غرفتها والحمدلله محد حس فيها قفلت الباب وقفت متسنده على الباب حست انها
ماتقدر تمشي لحد السرير حست انها منهاره مو قادره تتحرك وجلست على الارض وظلت
تبكي وتبكي وتبكي
" انا ميشو واحد حقير يهيني ليش؟؟؟ يالله ليش سكت ليش؟؟؟؟ قهر ياليت الزمن ينعاد
والله لوريه شغله ,,, بس ليش عاملني بهالطريقه ,,, حتى لو كنت قبيحه على الاقل يراعي
شعوري قبيحه؟؟؟"
بدت علامات الاستفهام على وجه مشاعل وقامت وراحت عند المرايه ووقفت تطالع نفسها
" انا قبيحه؟؟؟ "
وظلت تطالع ملامحها بدقه
"بس كل البنات يقولوا عني حلوه وكل الشباب الي تعرفت عليهم ينجنوا علي ؟؟؟ ليش هذا
يقول اني مو حلوه ؟؟؟ قهر الولد كان مره عاجبني اكثر من اي واحد قابلته بحياتي,, ليش
حظي كذا؟؟؟ اووووه انا افكر في هالواطي وهو من اول ماشافني وهو يهينني ,,, طيب انا
اوريه ,, بنشوف انا والا انت وبتشوف"
اخذت مشاعل موبايلها ودقت على السواق
مشاعل: الو يوسف
يوسف السواق: سمي
مشاعل: تذكر السياره الفراري اليوم الي عند فدركرز ؟؟؟
ماكانت تبي تقول له الي تطاقيت معاه لانها ماتبي تتذكر الكلام الي قاله لها
السواق: ايه طال عمرك
مشاعل: كم رقم لوحته؟؟؟
السواق: ماحفظتها طال عمرك
مشاعل: شلون يعني ماحفظتها؟؟؟ انت السواق والا انا ؟؟؟
السواق: انا طال عمرك بس مانتبهت الا انها لوحه من السفارات
مشاعل: لا والله مااسمع شي جديد انا ابي رقم اللوحه
السواق: والله ماقريتها عمتي انا اسف
طوط طوط طووط
قطعت الخط
مشاعل: اف والحل ايش اسوي من وين بجيب لوحته لازم اعرف هو ولد مين ,, ايش اسوي
دق موبايل مشاعل وكان راكان يتصل وطبعا مو فاضيه ولا رايقه له فطنشته
مشاعل: يالله نسيت ساره داقه علي مليون مره خليني ادق عليها واشوف ايش صار
بموضوع فهده
مشاعل خذت الموبايل ودقت على ساره الي لقت معاها خط وطبعا ميشو ماتحب تدق على اي
شخص حتى لو كانت اعز صديقه لها ساره ويكون معاها خط ماتحب تكون على الانتظار
علشان كذا قفله وارسله لساره رساله
" سارونه لما تنتهي من مكالمتك دقي علي "
دخلت الحمام واخذت دش يهدي اعصابها خاصه بعد الوقفه بالشمس مع صاحب الفراري
طلعت من الحمام وحاولت تنام وتتقلب يمين يسار بس كل مانقلبت لقت صورته قدامها
وتاخذ المخده وتضرب في المكان الي تتخيل صورته فيه يمكن تقدر تطفي نار كرهها
وحقدها واخيرا استسلمت للنوم
==============================
اما ساره فاول مارجعت من الجامعه تغدت وطلعت غرفتها تكلم احمد المخدوع وبدت تطنش
بدر ونواف ... وكل الشله وبدت سوالفهم من بعد مارجعت من الجامعه لما صلاة المغرب
والبنت مسكينه مانامت لانها راحت للجامعه مواصله وماتقدر تنام الحين لانها واعدت فهده
تجيها ببيتها علشان تراضيها
ساره بنت حبوبه ومتواضعه بس عيبها انها مغزلجيه وكل ماقررت انها تحب واحد وتخلص
له مشاعل تلعب براسها وتقول لها بلا اخلاص بلا هم تخلصي لواحد وتحبيه بعدين يخونك
خليك كذا صدقيني اريح وبما ان سارونه شخصيه مهزوزه تتاثر بسرعه بكلام مشاعل
قامت ساره تلبس ونزلت تحت تدور امها علشان تقول لها انها طالعه بيت فهده بس مالقتها
ام ساره سيده اعمال ومو فاضيه ابد لبنتها وابوها 24 ساعه مسافر واخواتها متزوجات
وماعندها الا اخو واحد ومسافر برا يدرس وماباقي له الا 3 شهور ويرجع وصح ان ساره
مشتاقه لاخوها بس كانت خايفه اذا رجع ماتصير تقدر تطلع مثل قبل
ركبت ساره السياره واخذت موبايلها وشافت اتصال من مشاعل وقرت الرساله واتصلت
على مشاعل
ساره: الو
مشاعل صوتها كله نوم لانها توها صاحيه: هلا
ساره: وحشتيني
مشاعل: شكرا خير ايش تبي تراك صحيتيني من النوم
ساره: يالله نايمه للحين اصحي اذن المغرب
مشاعل: يالله ماصليت المغرب
ساره: يالله روحي صلي وكلميني انا في الطريق رايحه لفهده
مشاعل: اوووه كنت ابيك تمريني
ساره: ليش وين ناويه تروحين
مشاعل: ماراح اطلع بس ابي اشوفك وحشتيني , اليوم ماشفتك بالجامعه
ساره: بكره اشوفك بالجامعه اوكي
مشاعل: اوكي حبيبتي تيك كير
ساره : اوكي باي قلبي
مشاعل: باي
ساره نست تدق على احمد لانه قال لاتطلعي لحد ماتدقي علي الولد صار يقلق عليها حركات
ساره بنعومه: الو
احمد: فديت الالو يالبى قلبك طلعتي ياقمر
ساره: قلت لك اسمي ريم مو قمر
احمد: لا انتي قمري انا ,, وينك يادبا برا
ساره : ايه سوري مادقيت عليك اول ماطلعت لان صاحبتي كلمتني وحاولت اصرفها مو
قادره
احمد : ياليتني صاحبتك علشان اشوفك
ساره: ههههههههه
احمد: انا برا الحين وينك ابي اشوفك ولو من بعيد
هنا ساره خافت تنفضح
ساره: لالا مقدر انا بسيارتي وسواقي يقول لاهلي كل شي
احمد: طيب ماراح يحس بشي من بعيد ماراح اكلمك حتى
ساره: لالا مقدر اعذرني بكره انشالله
احمد: وعد
ساره : وعد
احمد: اوكي انتبهي على نفسك ولا تطالعي احد ولا احد يطالعك
ساره: ههههههههههه بدينا نغار
احمد : انا اغار عليك من اول ماجابتك امك
ساره تحس بالمراره رغم الكلام الحلو الي يقوله احمد الا انه مو لها
ساره: اوكي احمد اكلمك اول مااطلع من صاحبتي
احمد: اوكي قلبي باي
ساره: باي
===============================================
مشاعل طفشت من الغرفه وطفشت من التفكير قررت انها تروح لاي وحده من صاحباتها
واخذت موبايلها ودقت على مها
مشاعل: الو
مها: هلا والله بالقاطعه كيفك؟
مشاعل: تمام انتي كيفك
مها: الحمدلله وينك ماشوفك بالجامعه حذفتي الترم؟؟؟
مشاعل: لا بس جدولي الترم هذا مضغوط يعني من السياره للمحاظره ومن المحاظره للسياره
ماصرت اشوف البنات
مها: الله يعينك وليش ضاغطه جدولك تبي تخلصي بدري ؟؟ ايش عندك بتتزوجي؟؟؟
مشاعل: هههههههههههه يالله انتم يالبنات ماعندكم سالفه الا الزواج
مها: هههههه ليش انتي مو بنت؟؟؟؟
مشاعل تذكرت كلام الوقح صاحب الفراري عنها لما قال ليش هذي بنت
مشاعل: احيانا احس اني مو بنت احس اني عربجيه
كانت تنتظر رده فعل مها هل بيكون رايها نفس رايه فيها؟؟؟
مها: حرام عليك اذا انتي عربجيه احنا ايش نصر ؟؟؟ انتي ياميشو كلك نعومه وانوثه
مشالله عليك الله يحفظك
مشاعل: تسلمي مهاوي
بدت تحس شوي بالثقه بالنفس الي قدر هالشخص يهزها
مشاعل: مهاوي قلبي ليش ماتجي عندي؟؟؟
مها: لا مقدر اليوم امي معزومه وصعبه اطلع تعرفين امي لازم هي الي توديني وتجيبني
تعالي انتي طيب
مشاعل: اممممم مدري اخاف ابوك او اخوانك موجودين
مها: لا ابوي معزوم مع امي اما اخواني مااراح ياكلوك تعال نجلس بغرفتي
مشاعل: امممممممم اتوقع اني وافقت
مها: ههههههه لا انا متاكده انك موافقه
مشاعل: هههههههه اوكي حبيبتي البس واجي
مها: انتظرك
مشاعل: اوكي باي
مها : باي
قفلت مشاعل وراحت تلبس بسرعه وطالعت نفسها بالمرايه وقفت تتامل
مشاعل" لازم احط شويه ميك اب "
وعلى غير عادتها كان الميك اب اوفر مو عادتها كانت ماتحب تحط الا ميك اب خفيف على
شان يبين طبيعي
وطلعت بدون ماتستاذن لانها مو من عادتها تطلب الاذن من احد لان امها ميته اما ابوها
يكفي عليه زوجاته
ركبت السياره واتجهت لبيت مها الي يبعد عن بيتها تقريبا 20 دقيقه ,, في هالوقت كانت
مشاعل تحس بالطفش فقررت تدق على سلمان خويها الي صار شويه قريب لها خاصه
هاليومين لانها زي مايقولوا شله ميشو (مطفره) يعني ماعندها احد راكان وتركته بعد ماقال
بشوفك وماعندها الا سلمان وخاصه انه مؤدب وحبوب وولد ناس ويكفي انه يحبها
مشاعل: الو
سلمان: مقدر على الدلع مقدر اليوم داقه على مرتين مستحيل اكيد في شي صاير
مشاعل بدلع: هههههه شسوي وحشتني يادب
سلمان: ااااااااااااااااااااااااه ياقلبي والله انتي اكثر
مشاعل: سلومي وينك برا والا بالبيت؟؟
سلمان: وانا اتجرا اطلع من غير مااقول لك؟؟
مشاعل: اممممم قهر كنت ابي اشوفك
سلمان: الحين اطلع هوا
مشاعل: لالا خليك انا طالعه لبيت وحده من صاحباتي وكنت ابي اشوفك بالطريق
سلمان: ياحبيبتي لو عارف كان طلعت من العصر استناك
مشاعل: ههههههههههه لا مايحتاج , المهم كيفك انت وكيف حسين ولد عمك اكرهه
سلمان: هههههههههه حتى هو يكرهك
مشاعل: كش عليه وينه والله واحشني
سلمان: لا انا اغار كذا
مشاعل: من جدك تغار منه .... اتعرف على طباخنا ولا عليه خويك مره مغزلجي
سلمان: قلت لك خلينا نعرفه على وحده من صاحباتك يمكن تعقله انتي مو راضيه
مشاعل: لاشكرا مابي احد يدعي علي , وينه هو عندك؟؟؟
سلمان : ايه جالسين لعب بلي ستيشن وهازمه 5 \0 ههههههههههههه
مشاعل: هههههههههه يستاهل , اقول سلومي عطني بكلمه بسلم عليه
سلمان: تعال حسين حبيبتي تبي تكلمك
حسين: هلا والله بالورده
مشاعل: هههههههههههه هيه انت انا خويه ولد عمك , وبعدين مين قال اني ورده انا صباح
حسين: ههههههههههه حلوه ,,,اخبارك يادبا؟؟؟
مشاعل: تمام انت كيفك واحشني
حسين: انتي اكثر والله شكلك عقلتي طلعت امس وقبله ماشفتك تدورين وش عندك تزوجتي؟
مشاعل: لا موكله بمهمه ههههههههههههههههه
حسين: اخس والله منتي سهله وش هالمهمه يمكن اقدر اساعدك
مشاعل: اصلا محد يقدر يساعدني الا انت وترى المهمه سريه ولو ماعرف قدراتك ماكان
قلت لك
حسين: ايش السالفه؟؟؟
مشاعل: اسمع احنا جالسين ندور على سياره وبما انك خبره بالسيارات الي تدور نبيك
تعطينا اي معلومات عن صاحب السياره اوكي
حسين: فله هذي المهمه والا بلاش بس هو خوي مين؟؟؟
مشاعل: خوي وحده من البنات اسمها هدى اوكي
حسين: هههههههه هدى اسمها يضحك بس يالله علشانك بساعدها
مشاعل: اوكي السياره فراري لونها اصفر مرت عليك؟؟
حسين: اشوف كل يوم سيارات فراري لونها اصفر عطيني شي مميز
مشاعل: امممم اللوحه مو لوحه عاديه لا لوحه من السفاره
حسين: امممممممممم لوحه من السفاره لوحه من الس.. ايه ايه عرفته
مشاعل انجنت من الفرح اخيرا بتعرف هو مين علشان ترد له الحركه
مشاعل: مين هو بسرعه قول
حسين: هههههههه جريتك شفتي انه مو لخويتك شكلك انتي الي تكلمينه لو كانت خويتك
ماراح تتحمسي لهدرجه ,انا انسان ذكي ... عموما ماراح اقول لسلمان شي سرك في بير
مشاعل: يالله محد قال لك قبل انك ظريف وخفيف
حسين: الله يسلمك مجامله مقبوله
مشاعل: اخلص تعرفه والا لا
حسين: صراحه السياره مامرت علي بس بسال العيال يمكن يعرفوه
مشاعل: ومتى ترد لي اكلمك اليوم بالليل؟؟؟
حسين: لهدرجه مستعجله؟؟؟ لالا انا بكره بالليل اكلمك بيجتمعون العيال عندي وارد لك
مشاعل: طيب بس ضروري مرررره
حسين: شوفي اذا قلتي لي الحقيقه والله لسوي المستحيل علشان اجيب لك قراره
مشاعل: اممممممممم اوكي هذا واحد شفته بمكان وغلط علي وبصراحه انا ابي ارد له
الحركه ابي اذله
حسين: اها تبين فزعه ترانا تحت امرك تبين ينجلد ؟؟؟
مشاعل: لالا شكرا انا باخذ ثاري بنفسي
حسين: فله احب الاكشن اوكي بكره انشالله اجيب لك شجره العايله حقته
مشاعل: هههههههه تسلم والله ماانسى لك هالخدمه ابد
حسين: لا حبيبتي انا مااسوي شي الا مقابل شي
مشاعل: امر
حسين: مايامر عليك عدو احرجتيني ,, اوكي ابيك تعرفيني على اي وحده من صاحباتك ايش
قلتي
مشاعل: ابشر ياحسونه
حسين: حسونه بعينك خلي حبيبتي الي تدلعني وتقول لي ياحسونه
مشاعل: اخس صرت تحب؟؟؟
حسين : لا ,,, حبيبتي الي بتعرفيني عليها هههههه
مشاعل: هههههههههههههههه انقلع بس وعطني حبي
حسين : الولد يطالعني بعين حاقد من جد ووده يعرف سالفه راعي الفراري
مشاعل: لاتقول له شي انت عارف انه غيور اذا قال لك شي قول له سالفه هدى الي قلت لك
اتفقنا
حسين: اكيد , وخلاص انا بكره انشالله بكلمك
مشاعل: اوكي بايو
حسين: بايات
سلمان: اشوفك اعجبك الوضع ساعه تسولفي معاه
مشاعل: قلبي كنت بس اختبر غيرتك علي
سلمان: وايش طلع معاك
مشاعل: انك تغار علي وتحبني وتموت فيني
سلمان: وايش سالفه الفراري؟؟
مشاعل: حبيبي هذي وحده من صاحباتي اسمها هدى تكلمه وتبي تعرف هو يدور ويرقم غيرها
والا لا بس
سلمان : وانتي ايش دخلك فيها تراقبين خويها
مشاعل: حبيبي لو انا شكيت فيك اكيد بلجأ لاحد يساعدني لاني احبك واغار عليك والبنت
حرام تحبه وتبي تعرف اذا يخونها من حقها
سلمان: طيب وبعدين صار يعرفه حسين؟؟؟
مشاعل: لا بس وعدني يسال عنه
سلمان: ولعيونك اذا شفت سيارته بقول لك
مشاعل: الله لايحرمني منك
سلمان: يعني ماتغاري علي اني ادور واتمشى ماتخافي اتعرف على بنت غيرك؟؟
مشاعل: لا انا واثقه فيك
مشاعل في نفسها" يالله ذبحني هذى مصدق نفسه انه يحب بس يخلص الموضوع اذا
ماسحبت عليك ياسلمان ماكون ميشو"
ووصلت مشاعل بيت مها وظلت عنده لحد الساعه 11 وطلعت ورجعت لبيتها ونامت علشان
الجامعه بكره
=================================================
[]يوم الاحد في الجامعه
ساره: خلاص يكفي تكشير ايش قلنا امس
فهده: اوكي خلاص بس جد شايله بخاطري على ميشو مافكرت حتى تجي تسلم علي
ساره: انتي عارفتها تخاف تجي تسلم عليك وترديها وهي ماتحب احد يهينها انتي عارفه
فهده: وهي يعني بنت مين علشان تنغر بنفسها
ساره: فهده هذي صاحبتنا وعيب نتكلم عنها بالهشكل بعدين اعذريها انتي عارفه ضروفها في
البيت وكل هذا يأثر على نفسيتها اذا احنا ماعذرناها مين بيعذرها
فهده: صادقه بس انا ماراح اكلمها اذا جت هي تسلم انا بسلم واسولف معاها ولا كن شي صار
بس مو انا الي ابدا
ساره : اوكي خليني بروح شوي لها وبجي
ساره مشت لعند مشاعل الي كانت جالسه مع عبير ومجموعه من البنات
ساره: ميشو تعالي شوي ابيك
مشاعل: اوكي جايه
وجلست ساره مع ميشو تكلمها عن فهده وانها متضايقه منها علشان مااتصلت عليها وقالت
لها عن الي سواه اخوها فيها وانهم لازم يوقفوا معاها
مشاعل: حرام مسكينه وربي ماعرفت ان اخوها سوا كذا فيها ياقلبي
ساره: ايه ميشو خلينا نروح نجلس معاها احنا صاحباتها
مشاعل: اوكي بس اخاف ماتبيني
ساره: لا هي تعبانه نفسيتها لانك مو معاها
مشاعل : اوكي يله خلينا نروح لها
ومشت ساره ومشاعل لحد ماوصلوا لفهده وبدا الموقف محرج شوي بين فهده ومشاعل
وبعدين مشت الامور سمنه على عسل ولا كان شي صار فهده بطبعها متسامحه وماتحب
النكد والزعل اما ميشو فهي مغروره ومو متعوده تعتذر لاحد بس بنفس الوقت تحب فهده
وماودها تخسرها علشان كذا بدت الشله تجتمع مثل قبل مشاعل وساره وفهده وعبير وكل
البنات ولا كان شي صار
مشاعل وساره انتهت محاظراتهم بس ساره قررت انها تجلس بالجامعه مع ميشو لوحدهم قبل
يرجعون للبيت علشان تحكي لها عن خويها الجديد احمد وكانت خايفه من رده فعل مشاعل
بس ايش تسوي لازم تقول لها اليوم لانها وعدت احمد انها تشوفه اليوم ولازم مشاعل تطلع
معاها لانه يتوقع ان الي يكلمها هي مشاعل مو ساره
وبدت ساره بالموضوع
ساره: ميشو تتذكري الي رقمنا يوم الخميس ؟؟؟
مشاعل: رقمونا كثير اي واحد فيهم؟ بعدين تعالي مخليتني اجلس بالجامعه علشان تذكريني
بالي رقمونا والله انك فاضيه خليني بس ارجع للبيت والله تعبانه ومرهقه
ساره: استني ليه انتي مستعجله ,,, خليني اكمل ,, المهم تذكرين الي كان معاه كااين؟؟؟
مشاعل: كاين كاين امممم ايه ايه ذكرته الي بغت عيونك تطلع لما شفتيه .. لاتقولي انك
كلمتيه
ساره: ايه
وكانت تنتظر رده فعل مشاعل
مشاعل: ههههههههههههههه والله اني كنت عارفه انك منجنه عليه .. هاه ايش صار قولي
بسرعه تحمست ,,, كيف صوته ,, واسلوبه ... حبوب ,, مغرور... كاش ... ملحط ؟؟؟؟
سارونه ليش ساكته تكلمي
وهنا ساره بدت ترتاح على الاقل مشاعل ماقالت ليش تكلميه وهو يبيني انا
ساره: اممم بصراحه انا ماعمري كلمت واحد اسلوبه حلو مثله وصوته ياميشو يجنن وكلامه
وسوالفه مدري شقول ,,, ميشو انا منجنه عليه
مشاعل: ههههههههههه ادري والله وناسه بس اصحي تحبيه انتي عارفه شعارنا لا للحب
ساره: امممم لا حتى لو حبيته ماراح اقدر استمر معاه
هنا مشاعل ضاقت عيونها وبدت تطالع ساره بنظره تساؤل؟؟؟
مشاعل: سارونه فيه شي؟؟؟ خوفتيني؟؟؟
ساره: ميشو بقول شي بس ابيك توعديني انك ماتزعلي مهما قلت
مشاعل: سارونه تكلمي خوفتيني
ساره: مو قبل ماتوعديني
مشاعل: اوكي اوعدك
ساره: احم ... امممم .... هو يكلمك
مشاعل: يكلمني؟؟؟؟ مو فاهمه ؟؟؟ وضحي ؟؟؟ انا كنت اكلمه قبل ؟؟ تعرفت عليه ؟؟؟
سارونه ياشينك وضحي كلامك مو فاهمه؟؟
ساره: بصراحه مدري شقول هو يكلمني ويكلمك ... يعني .... امممم ... الصوت صوتي بس
الشكل شكلك فهمتي
كانت ساره خايفه من ردت فعل مشاعل وماتدري وش بتقول
مشاعل ساكته وتطالع ساره بنظره حقد: ساره تكلمي واحد وتقولي له انك انا ليش تسوي كذا
حرام عليك تخوني صاحبتك ؟؟؟
ساره: لالا انا ماخنتك لو انا عندي نيه خيانه ماكان قلت لك بعدين انا ماقلت له ان اسمي
مشاعل قلت له ان اسمي ريم ,,, صدقيني كنت خايفه يقفل الخط ولايكلمي ,,, وانا اسفه الحين
احذف رقمه
مشاعل ماقدرت تمسك نفسها من الضحك حاولت تمثل الزعل بس ماقدرت: هههههههههههه
شكلك يجنن وانتي خايفه هههههههههههههههههه بطنيييييييي هههههههههههههههههه
من جد بموت من الضحك
ساره: والله انك بايخه وسخيفه طيحتي قلبي
مشاعل: ههههههههههههههههه ,,, المهم ماعلينا ايش راح تسوي لما يقول لك ابي اشوفك؟؟
هنا ساره صار وجهها احمر
ساره: مو هذى الموضوع الي ابي اقوله لك
وطالعه مشاعل نظره فهمت على طول مشاعل الي تبي تقوله ساره
مشاعل: اكيد انتي مجنووووووووووونه مستحيل الي جالسه تقوليه تبيني اقابله عنك ايش
صار لك سارونه؟؟؟
ساره: بليز ميشو بس مره وحده وبعدين بقول له انه مو انتي الي تكلميه بليز ميشو لاترديني
مشاعل انصدمت من طلب صاحبتها الغريب بس بنفس الوقت فرحت على الاقل رجع لها
ثقتها بنفسها بعد ماهزها صاحب الفراري على الاقل فيه واحد معجب فيها ومايبي الا هي
يعني هي مرغوبه مو مثل ماقال ان مستحيل احد يطالع بوجهها
مشاعل: اوكي موافقه بس متى؟؟
ساره: اليوم بعد العشاء قال بعزمك على كوفي
مشاعل: مجنونه تبيني انزل معاه كوفي بيفرق بالصوت
ساره: لالا انا بقول له معاي صاحبتي الي هي انا وماقدر خلها مره ثانيه حلو بس خليك
جاهزه الساعه 8 بمرك اوكي
مشاعل: الساعه 8 اكون جاهزه خدامه عندك انا ليش خايفه تتاخرين عليه ؟؟؟ المهم انا الي
بمرك لاتمريني اوكي انا ماحب سواقك عصبي ودايما اطاق معاه اذا تبين خويك يشوفني
حلوه بعديني عن سواقك الكريه
ساره: ههههههههههههههههههههههههههه ...... اتفقنا بس بليز لاتتاخري ونامي اول
ماترجعي من الجامعه علشان شكلك مايكون مرهق ,,,, تعالي مبين عليك مانمتي امس كويس
صح؟؟
خافت مشاعل تنفضح قدام صديقتها ماله داعي تعرف بالي صار
مشاعل كتومه ماتحب تطلع اسرارها حتى لصاحباتها بعكس صاحباتها الي يرتاحوا لما
يتكلموا معاها ويحكوا لها عن كل شي يضايقهم يمكن علشان كنت وحيده من صغرها تعودت
انها ماتشكي لاحد تحب تكون قويه مايهزها شي
مشاعل: لا ابد مافيه شي بس امس سلمان كان يكلمني ومارضى يسكر الا 5 الفجر علشام كذا
شكلي مرهقه
ساره: لا الله يخليك نامي وارتاحي تبين اجيب لك غداء تبين اسوي لك مساج وش تبين بس
امري وتدللي؟؟؟
مشاعل: يامصلحجيه ههههههههههههههه ايه ايه ابي شي
ساره: امري
مشاعل: طلعي عبايتي من الشنطه
ساره : ابشري
وطلعت العبايه لمشاعل
مشاعل: لبسيني عبايتي بسرعه بروح انام بسرعه يله
ساره وهي معصبه: طيب
مشاعل: ههههههههههه
--------------------------------------------------------------------------
الساعه 7 كانت مشاعل لابسه وجاهزه ومن احلى مايكون كانت تبي تثبت لنفسها انها حلوه
وماارح ترجع للبيت باقل من 10 ارقام تبي تعرف ان كلام الوقح الي جرحها كله كذب
واصلا هو كان مقهور لانها اكيد ماراح تعطيه وجه علشان كذا بدا يهزئها بس الصراحه انه
لو بس ابتسم لها ابتسامه كان ماتحركت من مكانها الا لما يعطيها رقمه
مشاعل من عادتها ماتركض ورى اي واحد بس معاه الوضع غير وهي متاكده ان اي بنت
بتشوفه اكيد اكيد بتسوي اكثر من كذا
مشاعل فيه طريقها لبيت ساره" يالله ليش افكر فيه لهدرجه كل هذا حقد يالله متى اشوفه ابي
انتقم علشان ارتاح بس غسان سوا فيني حركه كمان مو حلوه ليش مو قادره احقد عليه ليش؟؟"
وصلت مشاعل عند بيت ساره ودقت عليها
مشاعل: هلا سارونه
ساره: هلا ميشو هاه وصلتي
مشاعل: ايه انا تحت استناك
ساره: اوكي يله انا طالعه
وركبت ساره السياره مع مشاعل
ساره: ميشو اشوف وجهك لايكون الميك اب مو حلو
مشاعل: خلاص ياختي احس اني رايحه اقابل ان ريكي مو احمد
ساره: تعالي فيه مشكله
مشاعل: الله يستر ايش المشكله
ساره : اذا وقف جنبنا كيف حرد عليه بيعرف اني مو انتي
مشاعل: بسيطه قولي له مابي اكلمك وانت جنبنا علشان السواق مايشك
ساره: ياذيبه دايما عندك حل لمشاكلي
مشاعل: علشان بس تحسي بقيمتي
ساره: بس غريبه خلصتي بدري الساعه 7 ونص توقعت ماراح تمري علي الا 8 ونص
مشاعل: لا بس وحده من صاحباتي ماتعرفيها موصيتني ادور لها خويها قلت ناخذ لفه بالعليا
يمكن نشوفه قبل يجي سيد الحسن والدلال
ساره: مااسمح لك ترى
مشاعل: هههههههههه طيب
وصاروا يدوروا من 7ونص لما الساعه 8وربع بالعليا عند الفيصليه عند المملكه بالثلاثين
بالتحليه وانواع المواكب والاستهبال
لحد مااتصل احمد وساره خلاص انجنت
مشاعل: ردي يله خلينا نخلص
ساره: ميشو خايفه مره
مشاعل: خايفه ليه انا المفروض الي اخاف انا الي بقابله
ساره: اوكي اسكتي برد
ردت ساره على موبايلها
ساره: الو
احمد: هلا قلبي ,,, وينك الحين
ساره: انا الحين بالثلاثين تجي
احمد: اوكي تعرفي لازرتيج
ساره: ايه
احمد: اوكي انزلي انتي وصاحبتك ولما اوصل بدق عليك تطلعي علشان اشوفك وانت تمشي
ابي املي عيوني منك
ساره: اوكي قلبي بس مقدر اكلمك وانا بالسياره اخاف السواق يحس
احمد : انشالله حبيبتي
ساره: اوكي لما توصل دق باي
احمد:باي
ساره: ميشو يقول انزلوا (لازرتيج) ولما اوصل بدق عليك تطلعي من هناك
مشاعل: اوكي يوسف روح لازرتيج
سويف : ابشري
ووصلوا هناك ونزلوا وتوهقوا لان الي هناك نشبوا لهم على بالهم بيشتروا لما جاء الفرج
ودق احمد على ساره
ساره: هلا وصلت
احمد: ايه حبيبتي انا برا اطلعي
ساره: اوكي
ساره : ميشو يله برا هو
مشاعل: اخيرا نفتك من هالنشبات الا تشتروا
وطلعت ساره قبل وعيونها على سياره احمد الكاين وشافته وانجنت عليه وابتسم لها وبعدها
طلعت مشاعل ولحظتها عين احمد ما نزلت عنها كانت عيونه كلها اعجاب لدرجه انه ماحس
بوجود ساره
ساره لحظتها حست بالقهر وابد ماتوقعت انها بتتضايق لهدرجه انا قدامه ومافكر حتى
يطالعني
ركبوا السياره
مشاعل: خويك هذا ماشاف خير والله كنت بطيح من كثر مايطالع انحرجت
ساره بضيق: ايه لاحظت
مشاعل: سارونه انتي زعلانه
ساره: لاعادي ليش اتضايق انا عارفه من اول مارقمنا انه يبيك
مشاعل: وربي مايستاهلك
ساره: يمكن انا الي مااستاهله
مشاعل: سارونه لاتكبري الموضوع ترى كله واحد لاراح ولاجا طنشيه وياكثر الي يتمنوك
ساره: على قولتك شكلي ماراح ارد عليه
مشاعل: يكون احسن
وصاروا يدوروا من شارع لشارع واحمد اتصل على ساره يمكن 70 مره وهي ماترد
مشاعل: تعبت من الدوران راسي صار يدور,, سارونه شرايك ناخذ لفه بالتحليه ونرجع
للبيت
ساره: يله انا ودي بعد اخذ لي كم رقم قبل الاختبارات لان امي اكيد ماراح تخليني اطلع
وبعدها انتي عارفه الصيفيه يعني بسافر ودي اتعرف على احد قبل اسافر علشان اشوفه برا
مشاعل: مشينا
تذكرت مشاعل ان حسين مادق عليها لايكون بس مع سلمان لان سلمان دق عليها كثير
وماردت خافت تدق على حسين ويكون سلمان جنبه ويقول ليش مارديتي علي
مشاعل في نفسها" يالله خليني ادق على سلمان واشوف اذا حسين جنبه"
مشاعل: هلا سلومي
سلمان: هلا وينك اتصلت عليك 1000000 مره حسين كان يبي رقمك
مشاعل: طيب كان عطيته بعدين هو يعرف رقمي
سلمان: مو شريحته احترقت وانحذفت كل الارقام وقلت بسالك اول قبل اعطيه الرقم
مشاعل: شكرا ياقلبي خلاص انا بدق عليه
سلمان: خلاص حبيبتي وكلميني اول ماتقفلي منه
مشاعل: باي (مشاعل ماتحب احد يامرها اذا بتكلم بتكلم بكيفها مو هو الي يقول لها )
دقت مشاعل على حسين
حسين: الو
مشاعل: هلا بالاف بي اي
حسين: وينك انتي ذبحتيني لي ساعه اترجى سلمان يعطيني رقمك مو راضي والله مربيته
صح يخاف منك
مشاعل: هذا مو خوف هذا حب ياغبي
حسين : ايه طيب المهم ماتبين علوم عن خوينا راعي الفراري؟؟؟
مشاعل: احلف بالله عرفت شي
حسين: هههه جبت لك قراره افا عليك بس
مشاعل: قول بسرعه
حسين: لا سلم واستلم عطيني رقم اي وحده مو خوياتك واعطيك المعلومات
مشاعل: لا والله البنت تبي تفكر وتقرر وبعدين انا مابي اعرفك على اي وحده ابي اختار لك
وحده تستاهلك
حسين: اجل اكيد بتعرفيني على جنيه لانك تكرهيني ,,, المهم بلا حركات نص كم اشم ريحه
خيانه في صوتك اخلصي بس عطيني الرقم
مشاعل: ماراح اعطيك شي لحد مااستاذن من البنت
حسين: اوكي اذا خويتك قررت علميني علشان اعطيك المعلومات
مشاعل: حسينوه بتعطيني والا شلون... انا وعدتك
حسين: نو وي مستحيل اذا جبتي الرقم تاخذي المعلومات وتذكري ان المعلومات قيمه
مشاعل: اوكي شكرا مابي شي خل المعلومات لك تامر شي انا بقفل
حسين: لاتسوي نفسك زعلانه ,,, انا مو سلمان... عطيني رقم اي وحده يله
مشاعل: طيب لحظه
مشاعل تحاول تقنع ساره انها تعطي حسين رقمها وساره وافقت على طول
مشاعل: خلاص خذ الرقم يالزقه
حسين: ومتى ادق عليها لازم اتاكد اخاف تصير شنب
مشاعل: شنب بعينك بتتلكم والا شلون؟؟؟
حسين: طيب طيب اسمعي الله يسلمك
الاسم : طلال ال....
العمر: 27 سنه
لوحته: .....
وبدا يعطيها معلومات عنه
حسين: هاه ايش رايك فيني؟؟؟
مشاعل: بطل ,,, وكيف عرفت هالمعلومات
حسين: ابد هو عنده بالبيت مجلس كبير يجتمعون فيه الشباب كل يوم وكل واحد يجيب اخوياه
وواحد من الي اعرفهم يروح هناك وقال لي عنه وتراه توه راجع من السفر كان عايش برا
5 سنوات كان عايش عند امه لانها اجنبيه
مشاعل: اها حلو
حسين: بس يقول لي الولد انه وسيم مره لايكون بس انتي معجبه فيه وتبين تشبكين وتسحبين
على ولد عمي سلمان
مشاعل: حسين لاتسوي فاهم بس على فكره معلوماتك مافادتني
حسين: ايوه ,,, وليش انشالله
مشاعل: انا ابي اعرف وين يطلع وين يروح ,, يعني تبيني ادخل بيتهم مثلا ايش راح استفيد
من اسمه والا بيته والا لوحته
حسين: طيب انتي اصلا ماينفع معك المعروف باي
مشاعل: حسينوه امزح المهم اذا شفته باي مكان بليز دق علي وقول لاصحابك كمان اذا
شافوه لازم يقولوا لي ,,, لو استدعت الحاله عطهم رقمي اوكي
حسين: والله اني بديت اشك فيك ايش هالحرص معقوله كل هذا على شاان انتقام ,,, عموما
انا بروح اليوم لبيته مع الولد الي يروح له وبشوفه
مشاعل: طيب كلمني وانت هناك بليز
حسين: طيب ,, اقطع يدي ياميشو اذا ماكنتي خاقه مع الولد
مشاعل: اذا تحسبني ابي اتعرف عليه فانت ماعرفتني
حسين: طيب نشوف يقولوا المصريين الميه تكذب الغطاس ويقولوا بعد ياخبر النهار ده
بفلوس بكره يبقى ببلاش والا ؟؟؟؟
مشاعل: اوكي نشوف اذا ماخليت التحليه كلها يتكلموا عنه ويضحكوا عليه ماكون ميشو
حسين: طيب وش راح يكون اسمك لانك اكيد ماراح تكوني ميشو ههههههه
مشاعل: انقلع بس ولاتنسى اذا شفته واتصلت علي راح تكسب جائزه
حسين: جائزه؟؟؟ وش هالجائزه علشان اتحمس؟؟
مشاعل: رقم بنت ثاني هههههههه
حسين: والله لاحفر الارض علشان اجيبه واستني علي
مشاعل: اوكي بايو
حسين: يله باي
ساره كانت مذهوله من الكلام الي سمعته مين هالشاب الي مشاعل حريصه تعرف عنه كل
شي واتضايقت لان مشاعل مخبيه عليها السالفه
اما مشاعل فانتبهت اخيرا ان ساره معاها بالسياره وهي الي نست ان معاها احد لما اتصلت
على حسين وقال انه يعرف معلومات عن طلال وشلون بتبرر لساره الحين اكيد ساره زعلانه
وظلوا كلهم ساكتين ,,, وعند اشاره بيت ساره قررت مشاعل تبدا بالكلام وتدور اي تصريفه
تقنع فيه ساره بس قبل لاتتكلم كان صوت بوري السياره الي جنبه مزعج التفت مشاعل
وانصدمت لانها شافت سياره صفراء تعرفها كويس ومظلله واكيد الي داخلها الحقير طلال
حست بفرح لانها تقدر الحين تنتقم وبنفس الوقت انقهرت لانها بالاشاره ماراح تقدر تسوي
شي
انفتح الشباك وكانت مشاعل متحمسه تبي تشوف طلال هل هو وسيم والا يمكن لما شافته
كانت تتوهم انه وسيم
بس للاسف كان اكثر وسامه كان مسوي ديرتي فيس وشكله خطير ولابس تيشرت اصفر كان
مبين لان الفيراري نازله مره وتقدر مشاعل بسهوله انها تشوف الي جوا السياره لان مستوى
اللكزس اعلى من الفيراري
استغربت مشاعل لان طلال كان ياشر لها تفتح الشباك
بدون ماتحس لقت نفسها تفتح الشباك وتطيع امره وهي الي ماتحب احد يامرها
طلال يطلب من مشاعل تفتح الشباك ليه؟؟؟؟
الجزء الرابع راح يبين
--------------------------------------------------------------------------------
الجزء الرابع
استغربت مشاعل لان طلال كان ياشر لها تفتح الشباك
بدون ماتحس لقت نفسها تفتح الشباك وتطيع امره وهي الي ماتحب احد يامرها
طلال: اقول لو انا منك مااطلع مع البنت هذي
استغربت مشاعل من كلامه وبان في وجهها علامات التساؤل
كمل طلال كلامه: يعني وحده مثلك المفروض تطلع مع بنات بمستواها مو تطلع مع قمر مثل
الي جنبك بصراحه انتي جنبها مالك اي كرت ولا دور
مشاعل قررت انها ماتنخدع بجماله لازم تعلمه من هو
مشاعل: على فكره يااخ طلال ... لا تحسب نفسك قوي وذكي لانك جزمه وحقير وماعندك اي
ذوق واخلاق بس مو غريبه ,,, امك مو عربيه واكيد كافره ربتك على ..
قاطعها
طلال: اووووه البنت علاقات ماشالله كويس الي عرفتي عني هالمعلومات وفرتي علي شي
كثير
استغربت مشاعل ايش ممكن اوفر عليه وفتحت الاشاره وصارت البواري تطلع من كل
سياره الناس كلها تبي تمشي وسياره طلال ومشاعل ساده الشارع
السواق: عمتي الاشاره فتحت بمشي
مشاعل: لا استنى لاتمشي
طلال: اسمعي بما انك تعرفي عني هالمعلومات ,,, بسالك قدرتي تجيبي رقمي؟؟؟
مشاعل: مايشرفني اعرف رقمك
طلال: قهر ,,, يالله مو مشكله كنت ابيك تعطيه الي جنبك ,,, اوكي لحظه
وراح اخذ قلم وصار يكتب شي على كوب ورق مبين عليه كوب عصير
طلال : اسمعي كتبت رقمي فيه عطيه للحلوه الي جنبك اوكي
وكانت مشاعل بتقفل الشباك قبل لايجيها الكوب كله على وجهها
مشاعل انصدمت دايما كانت تكب اي شي بيدها على اقرب واحد يغازلها والحين هالحشره
يكب عليها هي وقدام مين صاحبتها على مااستوعبت الموقف التفتت بتنزل من السياره
علشان تضربه ,,,او تقتله ,,, المهم تنتقم لقته مشى والبواري مزعجه وسواقها المسكين
ينتظر امر العمه
السواق: امشي الشارع صار زحمه والا شاره بتسكر
مشاعل صرخت: امشي ايش تستنى؟
ساره كانت مصدومه من الي شافته وماتدري ايش تقول اول مره يمر عليها هالموقف ولمين
لمشاعل المغروره الي ماترضى احد يمس كرامتها والولد الي من شوي مو هز كرامتها الى
مسح بها الارض
طالعت مشاعل الكوب لقت رقم طلال مكتوب عليه ومكتوب فوقه ياليت اسمع صوتك اليوم
طلال
ظلت ساكته لحد ماوصلوا بيت ساره
ساره كانت تبي تقول لمشاعل تنزل تغسل وجهها من اثار العصير بس كانت خايفه لان شكل
مشاعل كأنها كلمه وحده وتنفجر وخافت تنفجر عليها
ساره وهي تفتح باب السياره بتنزل: باي
مشاعل: ساره ,,, لو سمحتي ممكن اروح للحمام
ساره: اكيد حبيبتي البيت بيتك تفضلي
مشاعل دخلت الحمام وغسلت وجهها ويدينها وشعرها وماتبي تتذكر ايش صار علشان
ماتنهار فقررت انها ماترجع للبيت خلاص الموضوع مكشوف واكيد ساره عرفت كل شي
بعد مافضحها طلال وشرشحها قدام صاحبتها لازم تصارحها ومنها تشكي لها لانها تعبت
من الكتمان واذا ماصارحت صاحبتها مين تصارح
طلعت مشاعل من الحمام ولقت ساره مجهزه لها ملابس علشان تغير وعبايه من عبايات ساره
لان عبايه مشاعل غرقت بالعصير
مشاعل: اممممم سارونه ماعندك بيجاما؟؟؟
ساره: اكيد عندي لحظه اجيب لك
مشاعل: سارونه ممكن انام عندك اليوم؟؟؟
ساره بدت الفرحه عليها: من جد ميشو لاتفرحيني بعدين تقولي امزح
مشاعل: انا في وضع مقدر امزح فيه
ساره: الله يحييك هذا بيتك قبل يكون بيتي
مشاعل: تسلمي ,,, بدق على السواق علشان يرجع للبيت ويمرني بكره الصباح علشان اروح
البس علشان الجامعه
ساره: ميشو شرايك بكره نطنش الجامعه ونسهر ونفلها ؟؟؟
مشاعل ابتسمت اخيرا: براسك نفلها هههههه
ساره فرحت لفرحه صاحبتها
وبدت السهره بتوتر لان ساره تنتظر مشاعل تتكلم عن الي شافته اليوم ومشاعل كانت
منحرجه ماتدري من وين تبدا
واخيرا تجرأت مشاعل وحكت لساره عن كل شي من اول يوم شافت طلال فيه لحد اليوم
ساره: صدق انه حقير ,,, بس حركته غريبه ,, يعني ليش يعاملك كذا ,,, ميشو انتي مره حلوه
وماحد يختلف على هالشي ,, ايش الي خلاه يقول عنك قبيحه ,,, اكيد الموضوع فيه شي هو
باين عليه يبي ينرفزك ,, بس ليه ماعرف..
مشاعل: ولا انا ,, بصراحه من حقارت الكلمات الي يقولها احس اني مقدر ارد
ساره: غريبه احس انه يتعمد ينرفزك وعارف ان البنت اكثر شي ينرفزها لما احد يسب
شكلها ,,,, وهو باين عليه متعته انه ينرفزك
مشاعل: ايه انا لاحظت هالشي ,,, بس ماعرف ليه؟؟؟
ساره: ميشو تذكري يمكن كلمتيه قبل وسحبتي عليه وحقد عليك تذكري
مشاعل: وربي اول مره اشوفه ,,, مستحيل انه رقمني قبل لانه لو كان مرقمني كنت اكيد
بتذكره ,, شكله مميز ومستحيل انساه
ساره تطالع مشاعل بخبث: مميز هههههه انا اشهد انه يجنن يجنن شكله خطير تصدقين من
اول ماشفته لحد ما مشى وانا مانزلت عيني عنه ,,, على كثر مااحمد يجنن صار عنده ولا
شي بس على طاري مميز شكلك غارقه لشوشتك هههههههههه
مشاعل: الله ياخذه هو وشكله ,,,وووع اصلا عادي انتبهي له كويس من قريب ترى مره
عادي وبعدين ليش غرقانه حبيبتي ماشفت خير ,, لو ابي واحد احلا منه كان بنظره مني
اخليه يركض وراي ,, ولاتنسين طلال مو من الاشكال الي تعجبني
ساره: ايه بس مو اي واحد بيركض وراك واظن طلال اثبت لك هالشي
مشاعل: صدقيني لو ابيه بجيبه بس صدقيني مايعجبني
ساره : عموما حلو والا مو حلو احنا ماراح نخليه ,,, يعني لاهو اول واحد حلو يمر علينا
ولا اخر لازم نفكر شلون نخليه يجي يتاسف لك ويبوس راسك بعد
مشاعل: لا لا ,,, لايبوس راسي ولا ابي اشوفه اصلا ,, بس قبل لااقفل سيرته من حياتي
بخليه يندم على الي سواه صدقيني
ساره: ايش راح تسوي قولي لي بليز انا صاحبتك
مشاعل: لسى مافكرت ,,, بس انتي خلي علاقتك مع حسين حلوه لان اكيد راح احتاجه
ساره: يالله بظطر اني اتحمل حسين وثقل دمه ,, تكفين خلصي الموضوع بسرعه
مشاعل: انا مستعجله اكثر منك ,,, الا تعالي ماقلتي لي بتردين على احمد والا لا؟؟؟
ساره: مدري محتاره ياميشو ,,, اخاف ارد واقول له الحقيقه يزعل ويتركني واخاف اسكت
اموت بقهري
مشاعل: بعد عمر طويل انشالله ,, ماتلاحظين انك معطيته اكبر من حجمه؟؟؟
ساره: لا هو مقاسه اكس اكس لارج ههههههههه
مشاعل: ههههههههه ايه هذي سارونه الي اعرفها
ساره: الا تعالي ايش صار على اخوك مشعل ماخطب؟؟
مشاعل: لا للحين ليش ناويه تخطبيه؟؟
ساره: ودي صراحه اخوك يجنن ماشالله وعاقل ,,, اقول اخطبيني له ,, ايش هذا خويه ماتنفع
مشاعل: هههههههههههههه ياليته يوافق يتزوج ,,, مسكين سعود بينجن يبي يتزوج الهنوف
وابوي مو راضي يزوجه قبل مشعل,, يقول لو الهنوف طارت مني والله لدعي عليك تعنس
هههههههههههههههههه
ساره: هههههههههههههههههههههههههههه ,,, الا على طاري الهنوف ماشفتيها؟؟؟
مشاعل: لا ,,, يقول سعود بعزمك على العشاء وبقول للهنوف تجي ,, تدري منجنه ابي
اشوفها احسها مره قرويه
ساره: ليش ايش الي خلاك تحسي هالاحساس؟؟؟
مشاعل: مدري من كلامه عنها ,,, اقول له من وين تشتري ملابسها الهنوف وقال لي اسماء
محلات حتى خداماتنا مانشتري لهم منها
ساره: ياااااي مره قرويه ,,, بس حرام اخوك يحبها واذا تزوجته انتي عاد كشخيها
مشاعل: ياشيخه اذا هو راضي بقراوتها بكيفهم ياداخل بين البصله وقشرتها ماينوبكش الا
ساره: ريحتها ههههههههههه
مشاعل: ههههههههههههههههههه
وتمت السهره كلها ضحك ووناسه وناموا الساعه 7]
في بيت طلال كانت السهره مثل كل يوم الشباب متجمعين وكان مجلس طلال عباره عن كوخ
خشب كبير مكون من دورين الدور الاول كان جلسه وتلفزيون اما الدور الثاني كان مفتوح
على الدور الاول وهو عباره عن صاله بلياردو كان كل يوم يمتلي هالمجلس فوق 40 شاب
البعض اصحاب طلال والبعض حتى مايعرفهم
عبدالله: طلال
طلال: سم ابو عابد
عبدالله: سم الله عدوك ,, من هو الي جالس يسولف مع ابو خليل
طلال: والله مدري يمكن هو عازمه
عبدالله: طلال الولد هذا مارتحت له من اول ماجاء وهو يطالعك ,, الله يهديك صاير مجلسك
كل من هب ودب يدخله
طلال: شسوي ياعبد الله صعبه اطرد الناس من مجلسي واذا اتصل علي واحد وقال بجيب
خويي معي صعبه اقول له لا ,, مو من عوايدي
عبدالله: بس انت ماتعرف حتى هم مين ,, ولا ايش اخلاقهم ,, بكره تجيك مشكله والا مصيبه
محد ينفعك والله
طلال: اهم شي ان مجلسي مو في البيت ,,, ولو كان مجلسي في البيت مستحيل ادخل احد الا
اذا كنت عارفه تعرف علشان اهلي
كان بيت طلال في حي من ارقى الاحياء وكان بيت كبير جدا وكان يعيش معاه ابوه واخوه
الاصغر منه نواف واخته هيفاء ولمياء وامه ,,, وفي الجهه المقابله من البيت تقع استراحه
ابو طلال الي كانت كلها مجالس للشباب ولابو طلال بحيث اذا جت عزيمه رجال تكون في
الاستراحه وكان يفصل بين بيتهم والاستراحه شارع علشان كذا طلال واخوه يجمعون
اخوياهم كل يوم
عبدالله: انا معك ياطلال بس انتبه شوف بس الاشكال الي تجي عندك والله احسهم مجرمين
طلال: هههههههه لا تكبر الموضوع وعموما اجازتي خلاص قربت تنتهي يعني مافيه سهر
ولا راح تشوف هلاشكال
دخل حمد بالسالفه وكان طول الوقت قاط اذنه: افهم من كلامك انك تطردنا ؟؟؟
طلال: هههههههههه انا قلت هالاشكال ليش انت اشكال؟
حمد : ههههههههههه ايه ,, واحلى شكل بعد
طلال: اعجاب المرء بنفسه دليل على صغر عقله
حمد : ايه مثل خويتنا مشاعل هههههههههه الي معجبه بنفسها
طلال: ههههههههه مسكينه وربي حزنتني ,,, اليوم كبيت عليها العصير الي اشتريته من ماما
نوره وطلع بايخ طعمه ,, قلت فيها ولا في الزباله هههههه
عبدالله: هههههههه اكيد دخنت اذانها من التعصيب
طلال: اوووه ياليتك شفتها ,,, لا ومعاها خويتها ساره بعد هههههههههههه
حمد: هههههههههه خلها تستاهل ,, اقول طلال خلنا نسوي حركه فيها حلوه تخليها تكره
تطلع من بيتها ايش قلت؟؟؟
طلال: مثل ايش ؟؟
حمد: يعني مثلا وهي راجعه من الجامعه نحدها ونركبها السياره وناخذها مزرعتكم والله فله
ولاتنسى البنت حلوه والله بننبسط
طلال: اسمع ياحمد انا وعدت الرجال اني اهينها واعلمها قدر نفسها مو معنى كلامي اني
اضيع مستقبلها ,,, وبعدين عيب عليك هالحركات والله عيب انت رجال ,,, ماتستحي تستقوي
على حرمه
حمد: ليش هذي تسميها حرمه,, هذي حتى ماتجلس بالبيت لو عندها اهل يربوها كان ماسوت
الي تسويه
طلال: ايش سوت ؟؟ خانت خوينا خلها تخونه هو عارف اصلا انها ماتحبه ,, بس انا قهرني
اسلوبها معاه قلت باعلمها قدر نفسها وبيني وبينك مليت من هالدور انا اهنتها مافيه الكفايه
وخلاص اظن اني اكتفيت والرجال شكرني على الي سويته فيها ,,, وانت ياحمد مالك دخل
بالبنت اتركها بحالها ,,, ترى عندك خوات
حمد: افا ياطلال والله تشبه خواتي بهذي ,,, كرم خواتي ,,, مايسون مثلها ولو حسيت ان
خواتي ممكن يسون ربع الي تسويه والله لدفنهم عند باب البيت
طلال: طيب مشالله عليك رجال ,,, بس ياليت تثبت رجولتك باشياء ثانيه
حمد: ايش قصدك ؟؟؟
طلال: قصدي ابوك اللي عينه ماجفت من الدموع وهو يتمنى يشوفك رجال تهتم بمسؤليات
البيت ابوك كبر ياحمد ولازم يرتاح ومن واجبك انك تريحه وتشيل عنه الحمل يكفي انه رباك
واهتم فيك وانت صغير ,, جاء دورك انت الي تهتم فيه لما كبر
حمد: انا مو مقصر مع ابوي بشي .. بعدين انت ايش عرفك شاكي لك هو؟؟؟
طلال : ابوك مايشكي بس الحزن يتكلم بعيونه
حمد: صاير محلل نفسي ماشالله عليك
عبدالله: ياشباب اذكروا الله وهدوا مايسوى تراكم اخويا
طلال: حمد تكلم زين ترى انت قدام رجال مو بزر عندك تعلم شلون تحشم الرجال
حمد: لاتعلمني ياطلال شلون اتكلم انا احشم الرجال بس مااحشم الي يدخل في الي مايخصه
طلال: مايخصني اني انصحك هاه,, الشرهه مو عليك الشرهه على الي معتبرك رجال
ومدخلك مجلسه ,,, قم من مجلسي واذا شفتك هنا لحش رجولك حش
طلع حمد معصب وطلال كان هادي لان من طبعه مايهزه واحد مثل حمد
هذي حياه طلال ببساطه
================================================== =
موبايل مشاعل يدق اكثر من 10000 مره وازعجها الصوت واخيرا قررت ترحم الي يتصل
وترد عليه,,, كانت الساعه 3 العصر
مشاعل: الو
ام مشعل: هلا حبيبتي وينك خوفتيني عليك
مشاعل: هلا خالتي ,,, انا في بيت ساره صاحبتي
ام مشعل: خفت عليك يابنتي شفت سيارتك بالكراج قلت اكيد ماراحت للجامعه واتصل على
خط غرفتك ماتردي ولا جوالك قلت اكيد صار لها شي بسم الله عليك
مشاعل: تسلمين ياخالتي ,,, بس امس رجعنا متاخرين وقلت ماودي ارجع للبيت مع السواق
لوحدي
ام مشعل: الله يكملك بعقلك يابنيتي ... والسموحه اني صحيتك
مشاعل: خالتي لاتقولي كذا وصدقيني لو ما انتي تدوريني وتسالي عني كان انا منحاشه من
زمان ههههههههههه
ام مشعل: بسم الله عليك انشالله انا وياك الي بنحش ام سلطان
مشاعل: هههههههههههههه انشالله
ام مشعل: يالله حبيبتي كملي نومك بس قومي صلي العصر ترى اذن
مشاعل: ابشري ياخالتي
ام مشعل: مع السلامه
مشاعل: مع السلامه
قامت مشاعل تتوضا وتصلي وصحت ساره علشان تصلي الضهر والعصر
ساره: شرايك نروح نتغدا
مشاعل: غدا الحين قولي عشاء الساعه 4
ساره: ايش عرفك هذا غدا متاخر وعشاء مبكر
مشاعل: مو الحين خلي الشمس شويه تروح حررر
ساره: يله بس انا ميته جوع
مشاعل: مشينا يله من يقدر عليك
طلعت ساره مع مشاعل وكانت مشاعل فيها نوم وحطت راسها على شباك السياره
وغمضت عيونها
ساره: شرايك نروح الريف اللبناني؟؟
مشاعل: اي مكان بس خلصينا
حست مشاعل ان السياره وقفت اكيد عند الاشاره لان المطعم مو قريب لهدرجه فتفحت
مشاعل عيونها كانت جالسه يمين طالعه كوفي المساء وفكرت ليش المساء مايدخلون الا
شباب واحنا يالبنات ليش ماحطوا قسم لنا وش هالنذاله فيهم
مشاعل: سارونه بسرعه ماتعرفي محل حلويات هنا بسرعه
ساره: ايش حلوياته نبي نروح نتغدا
مشاعل: يالله منك بسرعه اي محل ماني قادره افكر بسرعه
ساره: طيب طيب
واتجهوا لاقرب محل حلويات ,,, نزلت مشاعل اسرع يمكن من البرق حتى انها كانت بتطيح
اكثر من مره
مشاعل: لو سمحت ابي اكبر كيكه عندكم
البائع: حاظر,, بس شو بدك شوكولا ولا فرواله ولا..
مشاعل قاطعته: اي شي بس خلصني بسرعه
البائع : اوكي تعي شوفي الاشكال واختاري
مشاعل قفلت اخلاقها من برودته احر ماعندها ابرد ماعنده: اوكي هذي
كان اختيارها كيكه متوسطه الحجم ,, دفعت له باسرع من السرعه وركبت السياره قبل حتى
ساره ماتركب
مشاعل: بسرعه روح على طول
ساره : ممكن افهم ايش السالفه
مشاعل وهي فرحانه: راح تعرفي بس استني شوي
ساره: مدري ايش صار لك هاليومين غامضه
مشاعل: يالله هالاشاره الله ياخذها طولت مره
ساره: ميشو بليز قولي لي ايش فيك
مشاعل: اوكي بس بس وقف هنا
ساره: مجنونه انتي وين بتروحي هذا الكوفي مافيه قسم عوائل و...
ماسمعتها مشاعل لانها نزلت
كان كوفي المساء كله درج يعني كانها طالعه قلعه وماهتمت صارت تركض وتركض
وتركض لحد ماوصلت الباب وكان برا جلسات كلها شباب بس كويس انها كانت فاضيه لان
الشمس ماتساعد احد يجلس فيها
دخلت من الباب وكانت كل الانظار عليها من هالبنت الجريئه الي تدخل مكان كله شباب
ومافيه قسم عوائل وممنوع اصلا انها تدخل
جاء واحد يركض له
: بليز ممنوع تدخلي هون ... هيدا بس للشباب ممنوع الصبايا يفوتوا هون,, ازا بدك شي
ابعتي الشوفير وانا ببعت لك طلبك معو
مشاعل: اسمع بعطيك الي تبي بس بعد عني
: بليز ممنو..
ماكمل كلامه لان مشاعل من اول مادخلت وهي تدور بين الشباب وكانها لقت الي تدور عليه
وطنشت الي كان يكلمها ومشت للمكان الي كانت تطالع فيه ,,, مشاعل طبعا ماكانت تتغطى
بس لما دخلت الكوفي تلثمت ,,
ساره مره استغربت حركتها وصارت المسكينه تلحقها من مكان لمكان يمكن تقدر تلحق المصيبه الي اكيد بتسويها ميشو
وقفت مشاعل عند طاوله فيه 5 شباب وكانوا يطالعونها منصدمين
حطت مشاعل كرتون الكيكه على الطاوله وطلعت الكيكه وعلى طول في وجه طلال
كل الي بالكوفي انصدموا ايش الجرئه الي تخلي بنت تدخل مكان شباب وتبعد اي واحد
يحاول يمنعها او يعترض طريقها وتوقف عند طاوله شاب وتطلع كيكه وتعرزها في وجه
واحد
كل الشباب الي كانوا موجودين ماتوا ضحك,, اما اصحاب طلال محد تكلم مصدومين وفي
هاللحظه خذت مشاعل منديل ومسحت عيون طلال وفكت لثامها
مشاعل: مره ثانيه لاتتجراء حتى انك تتحداني
ومشت وكانها ماسوت شي
وماكانت تسمع الي صوت ضحك الشباب وصوت الي حاول يمنعها من الدخول يتكلم بكلام
فهمت بعضه وبعضه لا بس الاكيد انه كله سب فيها واهم صوت سمعته والي اعجبها صوت
الانتصار داخلها حست كانها اخذت جائزه كانت تتمناها من قرون
ركبت السياره وركبت بعدها ساره
مشاعل: اوكي الحين انا ياسارونه ميته جوع روحي وين ماتبي
ساره قالت للسواق يروح للمطعم وسكتت ماتدري ايش تقول عن هالموقف الي شافته
وبعد ثواني انفجرت ساره من الضحك ومعاها مشاعل وظلوا يضحكوا لما وصلوا للمطعم
حتى بعد ماطلبوا الاكل وهم يضحوا
بعد ماهدت ساره
ساره: تدري انك اجن بنت قابلتها بحياتي وهذا الي عاجبني فيك
مشاعل: حبيبتي انا قلت ماراح امشيها له وشوفي ايش سويت
ساره: بس شلون عرفتي انه هناك
مشاعل: ههههههههه بالصدفه طاحت عيني ع الكوفي وقلت غريبه انه مافيه قسم عائلات
وصرت اطالع السيارات الي موقفه برا وشفت سياره الغبي طلالوه وقلت هذي فرصتي
ساره:ههههههههههههههه ايش موقفك لو مالقيته
مشاعل: كنت بتحطم ويمكن احذف الترم هذا واقضي يومي بالشارع ادور عليه ههههه
ساره: ههههههههههههههههه, شفتي رده فعله هو واصحابه؟؟؟
مشاعل: لا بصراحه كنت ابي اهرب اخاف يسوي لي شي
ساره: فاتك وربي , تخيلي اصحابه ودهم يضحكوا بس اظاهر خايفين منه ههههههههه
مشاعل: هههههههههههههههه
ساره: وهو كان مو مصدق يطالعك وياطلع اخوياه وكانه يقول لهم قولوا لي انه حلم
مشاعل: هههههههههههههههه خلاص يكفي سارونه وربي بيصير لي شي اليوم من كثر
ماضحكت
ساره: بس انتي بايخه ليش ماقلتي لي علشان اصور الموقف وربي حرام يروح كذا بدون
تصوير
مشاعل: اسكتي انا كنت مره خايفه كنت بضرب الكيكه بوجهي مو بوجهه لما شفت نظراته
لي يمه مره يخوف
ساره: غريبه ماعرف عيونك
مشاعل: هو شكله استغرب مين هالبنت الي تطالعني ههههههههههههههه
ساره: ااااه وربي احلى موقف مر علي بحياتي
مشاعل: هههههههههههههههه وياما بتشوفي منه كثير اذا ماتركني بحالي
ساره: ههههههههههههههههههههههه
============================
رجعت ساره مشاعل للبيت
في الصاله كان فهد وفيصل وسلطان يطالعون التلفزيون
مشاعل: هلا والله باحلى اخوان بالدنيا
محد رد
مشاعل: يؤؤؤ ليش كذا مسوين ايقنور علي ,, عطوني وجه
سلطان بغير نفس: هلا
مشاعل: ايش صاير ؟؟
سلطان: ماما حرمتنا من الطلعه الاربعاء والخميس والجمعه الجايه
مشاعل: ليش؟؟؟
سلطان: علشان فهد درجاته مو كويسه
مشاعل: وليش فهد درجاته مو كويسه؟؟؟
سلطان: ماذاكر طبعا
مشاعل: فهد مو انا قلت لك لاتهمل دروسك؟؟ شوف شلون الحين لاانت بتطلع ولا اخوانك
فهد: عادي اسبوع واحد مايهم ,, انا لو ذاكرت راح احرم نفسي من المتعه سنه كامله كل
يوم مذاكره
مشاعل: تفكيرك غريب فهودي ,, طيب اسمع خلنا نسوي اتفاق شرايك
فهد: اذا الموضوع يخص الدراسه ,, مابي
مشاعل: هيه انت فيصل شارك في السوالف والا فهد مو اخوك؟؟؟
فيصل: اسكتي ميشو انا صغير ماعرف شي
مشاعل وفهد وسلطان : هههههههههههههههههههه
مشاعل: طيب فهودي شرايك يوم السبت نطلع نتمشا انا وانت وسلطان والصغير الي
مايعرف شي
فيصل: هيه بنطلع هيه ,,, ميشو وديني للملاهي طيب
مشاعل: الحين عرفت تتكلم وماصرت صغير هاه
فيصل: اوووووووووه ماما
سلطان: اسكت لاتجي الحين وتقول مافيه طلعه
مشاعل: فيصل ماراح اوديكم الملاهي بوديكم مكان احلى من الملاهي
فيصل: لاااااااااا ابي الملاهي
مشاعل: خلاص انا وفهد وسلطان نروح مكان حلو وانت نوديك لحالك للملاهي
فيصل: لااا روحو معي الملاهي
مشاعل: والله الاناني طيب خلاص اذا جاء يوم السبت اتفاهمنا فهودي حبيبي تعال ابيك شوي
فهد : اوكي
دخلت مشاعل وفهد لغرفتها
مشاعل: فهدوي حبيبي ممكن اسولف معاك شوي
فهد: ايه بس مو عن الدراسه
مشاعل: هو عن الدراسه ومو عنها
فهد: شلوون يعني؟؟
مشاعل: امممممممممم ,, فهودي انت كنت من المتفوقين بالدراسه ايش صار لك فيه احد
مزعلك او احد مضايقك؟؟؟ علمني انا اختك وانشالله اقدر اساعدك وانت عارف اني
الموضوع راح يكون بينا يعني محد راح يعرف
فهد: مافيه شي بس كذا مالي خلق اذاكر
مشاعل: اها وليش مالك خلق اكيد فيه شي مطفشك او مزعلك؟؟؟؟ ممكن اعرفه
فهد: لا مافيه بس طفش كذا اذاكر واحفظ
مشاعل: طيب ماتبي تنجح مثل اصحابك والا تبي اصحابك ينجحوا وانت تعيد السنه
ويضحكوا عليك
فهد: وبعدين اذا نجحت
مشاعل: تروح للمتوسط
فهد : وبعدين
مشاعل: تروح للثانوي
فهد: وبعدين
مشاعل: تدخل الجامعه
فهد: وبعدين
مشاعل: فهد ايش اصير لك اليوم
فهد: كملي وبعدين؟؟؟
مشاعل: اكيد تشتغل
فهد:وين
مشاعل: مع بابا بالشركه
فهد: انا مابي اشتغل مع بابا ابي اصير طيار وماما تقول لا لازم تشتغل مع ابوك علشان
اخوانك مايسرقون فلوسنا
مشاعل: يالله يافهودي علشان تخلص ثانوي باقي لك 9 سنوات ,,, ومن الحين تفكر وين
تشتغل هههههههههههه
فهد: لاتضحكي ,,, ليش ادرس واتعب نفسي وانا اصلا بشتغل مع ابوي
مشاعل: طيب واللي يكلم ابوي ويخليك تصير طيار ايش له
فهد: والله ميشو ,, لك والله الي تبيه
مشاعل: ابي بوسه ممكن
وباسها بوسه كبيره
مشاعل: بس توعدني انك تهتم بدروسك
فهد: مشاعل تدري اني احبك اكثر من ماما
مشاعل: لا حبيبي هذي ماما وعيب تقول هالكلام
فهد: بس هي دايما تهزئك وتهزئني انا وسلطان وفيصل انا اخاف منها بس انتي مااخاف منك
واقول لك كل شي
مشاعل: حبيبي ابيك توعدني ان اي شي يزعلك لازم تقول لي عليه وانت عارفني اني ماراح
اقول لاحد حتى لسلطان
فهد: شكرا ياميشو
مشاعل: العفو حبيبي ولاتشيل هم الحبسه انا انشالله السبت اطلعكم ونعوض ايام الحبسه
---------------------------------------------------------------------------------
بعد الموقف الي صار لمشاعل هذي اول لحظه تكون لوحدها وبدت تفكر في طلال وضحكت
لما تذكرت الموقف
مشاعل" مسكين اكيد الحين معصب ,,, وبطته الي يقول عنها اكيد قال لها عن السالفه ,,,
والا مسكينه ماتدري ,, مسوي عندها انه الولد القوي الي محد يقدر يهزه مسكين,, الحين
بس انام وانا مرتاحه ,,, واصلا بعد هالموقف ماتوقع انه اصلا يفكر يطلع من الفشيله
تذكرت ان حسين دق عليها 7 مرات لما كانت نايمه في بيت ساره
اخذت موبايلها ودقت على حسين
مشاعل: هلا حسونه
حسين:هلا بالنصابه
مشاعل: ليش نصابه؟
حسين:خويتك ماردت علي والا بس عطيتيني رقمها تسكيته؟؟
مشاعل: لالا انا قلت لها ماترد عليك ,, لاني كنت نايمه عندها ومانبي نخرب السهره
حسين:اه يالبجيحه بعد تقوليها بوجهي المهم ماعلينا كانت عندي اخبار لك عن خوينا طلال
مشاعل: ايش قول؟؟
حسين:مو انا اخرب السهرات ماارح اقول
مشاعل: حسينوه بتقول والا شلون
حسين:لا
مشاعل: عادي اصلا خلاص الموضوع مايهمني
حسين:شلون؟؟
مشاعل: اليوم انتقمت منه وماراح اقول لك شلون
حسين:احلفي
شاعل: والله
حسين:ايش صار ؟؟؟ قولي لاتتغلين
مشاعل: اول قول الي عندك
حسين:مو خلاص مايهمك؟؟؟ والا عشش في القلب وبنا قصور ؟؟؟
مشاعل: والله انك سخيف اقول لك اكرهه تقول في القلب
حسين: مابعد كره الا محبه والا؟؟ بس الولد يستاهل فلوس.. وشكل.. واسلوب.. ورجل ..
يعني صراحه مايعيبه شي ,,,كامل والكامل وجه الله ... الا انه مايطيقك بس
مشاعل بنتباه وتركيز: ايش عرفك؟؟
حسين:ابد امس سولفت انا وياه وحكى لي عنك
مشاعل: ايش قال؟؟
حسين: قال انه مايطيقك وانه اذا طلع وشاف سيارتك يرجع للبيت وانك شينه مره وثقيله دم
مشاعل عصبت: من زينه هو عاد مصدق نفسه احسن اليوم سويت فيه حركه اسمع ايش
سويت وبدت تحكي له كل شي
حسين: هههههههههههههه ,, وربي انك مجنونه ياليتني كنت هناك اشوف ,,, بس عموما ترى
الكلام الي قلت عنه كذب اصلا الولد ماكلمني ولااعرفه الا من بعيد امس رحت عنده مع
واحد من الشباب قلت بشوف بيته والله مشالله الولد كاش ومؤدب ومحترم غريبه يسوي
معك كذا
مشاعل: يالنصاب تكذب بعد كل هذا علشان تعرف السالفه يالملقوف ,, المهم قول لي ماصار
شي هناك؟؟؟
حسين: لا عادي شباب ومجتمعين ايش الشي الي ممكن يصير
مشاعل: يعني جو بنات شي
حسين: لالا الولد واضح عليه مو راعي هالحركات ابد ,,, يمكن فيه واحده يحبها ,, بس
واضح الولد مو راعي ابد حركات الغزل والهبال,, علشان كذا انا مستغرب
مشاعل: ايش عرفك ان فيه وحده يحبها؟؟؟
حسين:هذا الي همك؟؟؟ اقول ترى سلمان يسال عنك شكلك ساحبه عليه حرام عليك ترى
سلوم يحبك لا تصيري ثقيله عليه
مشاعل: ايش جاب طاري سلمان الحين انا اسالك عن طلال
حسين: ميشو ماتلاحظي انك مهتمه فيه بزياده تبين اجيب لك رقمه
مشاعل: الشرهه مو عليك الشرهه على الي يسولف معاك
حسين: ادري انك ماتقدري تزعلي علي لاني سكرتيرك وماتقدري تستغني عن خدماتي الشبابيه
مشاعل: لاتصير واثق مره ,,, اصلا انا خلاص نويت اترك كل الي اعرفهم خلاص مليت من
المكالمات
حسين: والله باين السناره غرزت ,,, طحتي ياميشو ولا احد سمى عليك ,, اقول انسي الولد
ترى والله مايصلح لك ابد
مشاعل: يووووووووه باي بس انت سخيف وتفسر الامور على كيفك
حسين: اوكي باي باي بس بتدقين علي وانتي تعترفين بحبك له ادري
مشاعل: باي
مره ايام الاسبوع عاديه من الجامعه للبيت ومشاكل ام سلطان الي ماتخلص ومن البيت
للجامعه
مشاعل قلت طلعاتها وبدت شوي تنتبه لدروسها لان الامتحانات قربت
دق موبايل مشاعل المتصل حسين
مشاعل:الو
حسين:هلا براعيه الالو
مشاعل: هلا والله كيفك
حسين: سلمان ماخلاني انام ولاارتاح بس قلقان عليك ,, ردي وريحيني منه
مشاعل: انا قلت له عندي اختبارات مايقدر؟؟؟
حسين:المهم ماعلينا غريبه ماصرت اشوفك تدوري كثير ايش عندك؟؟؟
مشاعل: مليت قلت اخذ فتره نقاهه ههههههههههه
حسين: نقاهه والا خايفه من بعض الناس؟؟؟
مشاعل مو فاهمه قصده: بعض الناس ؟؟؟؟؟
حسين: علينا ,,, طلال,,, لو تشوفيه كل يوم بالعليا احس انه يدورك ,,, والله شكله بيقتلك
مشاعل: من جدك انت اخاف انا من هالاشكال اصلا مايهز شعره مني
حسين: طيب اذا انتي مو خايفه اطلعي اليوم
مشاعل: واذا طلعت وهو مو موجود كذا ماراح استفيد لامذاكره ولا اثبت لك اني مو خايفه منه
حسين: لا تخافي سيارته قدامي معه واحد وشكلهم يدورون يرقمو يعني ماتوقع يرجعوا بدري
مشاعل: يرقموا مو انت تقول انه مو راعي هالحركات؟؟؟؟
حسين: مدري يمكن فطرتي قلبه هههههههههههههه
مشاعل: اوكي انا طالعه بس خلك قريب منه علشان0 ماجلس ادور عليه
حسين: انتظرك ميشو لاتطولي
مشاعل: باي
ولبست مشاعل في ظرف 10 دقايق وطلعت من البيت
مشاعل بعد ماوصلت العليا والزحمه قالت ادق على حسين اشوف وينه
حسين: هاه وينك ؟؟؟
مشاعل: انا عند ستار بوكس العليا وينك انت؟؟
حسين: انا ورا حبيب القلب
مشاعل: حبيب القلب بعينك ,, انت باي شارع
مشاعل كانت متحمسه تبي تشوفه يمكن علشان تقهره بعد الحركه الي سوتها فيه ويمكن شي
ثاني بس الي تعرفه انها من اخر مره شافته فيها وهي ماتفكر الا فيه
حسين: الو الو وين رحتي
مشاعل: معاك ,, ايه وين قلت لي
حسين: تعالي تقاطع الثلاثين مع الضباب بسرعه
مشاعل: اوكي اذا وصلت دقيت
وقفت ميشو عند توتي كوفي وكان المكان مره زحمه كله سيارات وقالت ادق على حسين
اشوف وينه ورفعت الموبايل بتدق بس سمعت بوري سياره,, التفتت لقت حسين ياشر لها ,,
فتحت الشباك
حسين: هلا والله ايش عندك كل يوم تحلوين
مشاعل: هههههههههه ياملحك بس مين معاك
حسين: معاي واحد لازم تعرفي كل اخوياي ,,, مو معقوله انتي ياميشو لهدرجه تغاري علي
حتى من اصحابي؟؟؟
مشاعل: انا اغار عليك انت,,, ليش خلصوا الشباب؟؟
حسين:ههههههههههههههههههه
مشاعل: ماودك ترد على موبايلك انا اتصل
حسين:ايه ايه مانتبهت ,, يالله ميشو حتى اتصال تتصلي علي مايكفيك اني قدامك خلاص
خنقتيني بهالحب
مشاعل: حسينوه ايش فيك اليوم صاير لعقلك شي,, رد يادرج
رد على موبايله وقفل الشباك
حسين: ياغبيه طلال جنبك ويسمع كل شي ,, حبيت اقهره ,, لانه مبين عليه متحمس يبي يسمع
مشاعل: احلف وينه
حسين: السياره الي على يمينك بس مو الفراري طالع بسيارته الثانيه ترى مو مضلله بس
لا تلتفتي الحين علشان مايحس اننا نتكلم عنه
مشاعل: اوكي باي
قفلت واستنت شوي والتفتت
لقته يطالعها ارتبكت شوي من المشاعر الي حستها جد كانت مشتاقه تشوفه حست نبضات
قلبها بدت تسرع حست قلبها بيطلع من صدرها نفسها تبتسم له وتقول خلنا ننسى الي راح ...
بس المشكله هي ماتعجبه ويكرهها مو معقوله تذل نفسها له ,, واكيد بعد الي سوت له
مستحيل يفكر فيها
رجعت طالعت لقته يحاسب عن الكوفي الي طلبه له ولصاحبه
مشاعل: يالله ,, يابخت الي يحبها ,,, اكيد اسعد وحده بالدنيا,, شلون ماتكون مبسوطه وفيه
كل معاني الرجوله ... لو انا حبيبته تكفيني بس عيونه ,, يابختها خويته
بعد مادفع الحساب طالع طلال مشاعل واشر للفلبيني على سياره بنات كانت واقفه جنب طلال
والبنات كانوا كاشفين ويطالعوا طلال وخويه
انتظرت ميشو تبي تشوف ايش راح يصير ,,, رجع الفلبيني لطلال وتكلم معاه ,,, وابتسم
طلال للكلام اللي قاله الفلبيني واخذ موبايله طلال وكانه يتصل او يمكن يرسل رساله ,,
لاحظت مشاعل ان وحده من البنات كانت تطالع موبايلها وكأنها تنتظر شي
مشاعل خافت ان اللي في بالها يكون صح ان طلال يرقم البنت
البنت الي كانت بالسياره طالعت طلال وابتسمت واشرت له انها خلاص وصلها الرقم
مشاعل"يعني كان يرسلها بالبلوتوث رقمه الحقير مسوي اخلاق طيب"
طالعته لقته يطالعها وهو ماسك ضحكته,,, فتحت شباكها وقالت له
مشاعل: الله لايعمينا اذا تبي ترقم اعرف مين تختار مو هالشينه الي ماتعرف الحلا
طلال: يمكن تكون شينه ,, بس احلى منك. وابتسم
مشاعل: انت اصلا مغرور وشايف نفسك وهذي الشينه كفوك صدق الطيور على اشكالها تقع
طلال: ههههههههه صادقه لاني ماوقعت عليك لانك مو من اشكالي ,, بس اهنيك على خويك
باين عليه خرووف تتحكمي فيه زي ماتبي
مشاعل تذكرت ان حسين موجود وتمنت ينقذ الموقف ماودها تدخل في مشاكل مع طلال
طلال: اسمعي يابنت الناس
مشاعل: خير
طلال: بليز اذا شفتيني تخيلي اني مو موجود وانا كمان نفس الشي ,, خلاص اخذتي بثارك
المره الي فاتت ,, وماتوقع بينا كلام ,,, علشان كذا خلينا نتحاشى بعض احسن
اتفقنا
مشاعل حست بحزن ماتدري ايش سببه يمكن علشان يطلب منها انها تبتعد عنه,, اشمعنا انا مايبيني ,,, ليه
مشاعل: اتفقنا ,, بس مو اذا شفتني بمكان تتميلح عندي اوكي
طلال ابتسم ابتسامه استهتار ورفع حواجبه: ابشري ماراح اتميلح على قولتك ,, تبين شي ثاني؟؟؟
مشاعل: ايه
طلال حس انه عطاها وجه : خير
مشاعل: لاترقم صاحباتي اوكي
طلال: وليش انا اي بنت برقمها لازم اسالها اذا تعرف مشاعل او لا؟
ايش عرفه باسمي ... الحين تاكدت انه يعرفني قبل
مشاعل: كيف عرفت اسمي؟؟
طلال: الي يسال مايتوه .. وانتي اشهر من نار على علم
مشاعل: ايش قصدك مشهوره؟؟؟
طلال: انتي اعرف بنفسك.. اسمعي مشاعل انا مو فاضي لسوالفك خلاص مثل ماتفقنا
مشاعل: اوكي لي الشرف اني اتجاهلك,,, واصلا ماراح اطلع الايام هذي ارتاح عندي اختبارات
كانت تبي تتكلم معاه باي موضوع يمكن تخف حده التوتر الي بينهم
طلال: الله يوفقك .. مع السلامه
مشاعل: باي
ابتعد طلال بسيارته البنتلي وهي تطالعه
مشاعل" يالله ليش انا حريصه عليه ابي اطلعه من راسي مو قادره"
حسين كان يدق ويدق ,,, التفتت جنبها لقته واقف بسيارته معصب ويأشر على موبايله
ردت عليه وهو متضايقه
حسين: خلاص اذا هو جنبك تصفطيني على جنب؟؟
مشاعل: خلاص اصلا اتفقنا اننا مانكلم بعض وكل واحد يتحاشى الثاني
حسين: وليش تقوليها بمراره
مشاعل: حسين
حسين: هلا
مشاعل: احس اني مقدر اشوفه يرقم بنات ... مقدر اسمعه يكلم اي بنت ,,, احس الغيره بتذبحني
مقدر اشوفه ومااكلمه ...مقدر اشوفه وماحط عيني بعينه
حسين: يالله كل هذا وانا مدري,,, كل هالمشاعر ماطلعتيها الا لهذا,,, والله الي منتي لاقيه منه ريق حلو
مشاعل: حسين الله يخليك اوقف معاي
حسين: والله ياميشو ماتوقعت انك رومانسيه لهدرجه
مشاعل: حسين قول له اني ابيه بليز
حسين: وكرامتك يالمجنونه
مشاعل: حسين شسوي ... طيب جيب لي رقمه وانت ماعليك
حسين: مشاعل فكري زين بالموضوع لاتتسرعي يمكن يردك وهذيك الساعه بتكرهي نفسك
مشاعل: تتوقع يرفضني؟؟
حسين: لا انا متاكد
مشاعل: ايش اللي يخليك متاكد؟؟
حسين: نظراته لك وكلامه معاك.. لو يبيك كان رقمك اول مره شافك فيها
مشاعل: حسين يمكن هو يعرفني لانه يعرف اسمي
حسين: اذا هو يعرفك انا ابصم لك على المليون انه ماراح يتعرف عليك
مشاعل: ليش انشالله
حسين: ببساطه بيعرف انك مغزلجيه واكيد ماراح يدخل نفسه في متاهات مع وحده تعرف
غيره 10000000 واحد
مشاعل: حسين حرام عليك انا مو كذا
حسين: اجل انتي ايش ؟؟ ماتكلمي؟؟ ماتعرفتي على نص الشباب الي يدورا اذا ماكنوا كلهم
تتوقعي يكلمك ليه علشان انتي حلوه؟؟؟ فيه غيرك حلوات ... علشان اسلوبك معاه؟؟؟ انتي
شفتي شلون تعامليه .. بالله قولي لي ليش يكلمك؟؟؟
مشاعل تتكلم وصوتها مبحوح كانت العبره تخنق صوتها: حسين ,,,بعدين اكلمك
وغطت وجهها بالطرحه وهذي اول مره تسويها ماكانت تبي حسين يشوف دموعها
وقتها عرف حسين انها كانت جاده بكلامها وانه اكيد جرحها بس حسين يحب مشاعل كصديقه
ولازم يصارحها ماوده يكذب عليها
----------------------------------------------------------------------------
وصلت البيت وهي شبه منهاره تفكر ايش الي خلاها تكلم شباب وتتعرف على هذا وذاك
يمكن وضعها في البيت او يمكن تبي تحس انها مرغوبه ,, وفيه شباب يتمنوها ...طيب كانت
حياتها ماشيه حلو لحد ماطلع طلال ,, اشمعنا طلال ,, يمكن علشان هو غير الشباب,,, ماكانت
تهمه او تحرك فيه شي... يمكن... ليش ماتعتبره مثل اي واحد,,, لانه حسسها انها ولاشي وهذي
اول مره تحس بهالاحساس ,,, اكيد هذا السبب الي خلاها تتعلق فيه ,, بس مجرد ماتتعرف
عليه اكيد راح يكون مثله مثل غيره
-------------------------------------------------------------------------------
في سياره طلال
عبدالله: اقول شفت خوي مشاعل
طلال: ايه ايش فيه
عبدالله: ماعرفته
طلال: لا
عبدالله: هذا الي سالتك عنه بالمجلس
طلال باستغراب: كان عندي بالمجلس
عبدالله: ايه شلون مانتبهت له, قلت لك ان فيه ناس يجوك وانت ماتدري عنهم ,, شكله هو
الي عطاها معلومات عنك,, لما اقول لك لاتدخل مجلسك ناس ماتعرفهم تسمع كلامي
طلال: صادق والله ... بس غريبه شلون دخل مجلسي اكيد يعرف احد من العيال
عبدالله: ايه شكله يعرف ابو خليل لاني شفته يسولف معاه
طلال: ماعلينا خله يقول لها اي شي انا مو خايف من شي,,, بعدين خلاص انا حددت موقفي
معاها وماظنها بتضايقني او تفكر فيني حتى
عبدالله: اشك ,,, انت ماشفت لما رقمت البنات كيف كانت بتاكلك بعيونها,,, تدري لو انا
ماعرف شخصيتها كويس,,, كان قلت انها تحبك
طلال: هههههههههههههههه حب مره وحده والله كلمه الحب اشوفها سهله على لسانك
عبدالله: لو انت شفتها كان قلت اكبر من هالكلمه
طلال: يمكن تكون انقهرت لاني مارقمتها وهي متعوده انها تترقم دايما علشان كذا حست بالغيره
من البنات بس حب ماتوصل ابد
عبدالله: بصراحه البنت هذي احس حتى ابوها ماتحبه
طلال: بعكسي احس عندها مشاعر ماتملكها اي انثى ,, بس محتاجه من يفجرها
عبدالله يتكلم بخوف: ومن الي بيفجرها لايكون انت بس؟؟
طلال ضحك على خويه الي خاف: يمكن ليش لا ههههههههههه
عبدالله: اقول بس خلك بعيد عن الشر وغني له
طلال: تدري من كثر ماتهاجموها بديت ارحمها
عبدالله: اقول ترى طاريها يحسسني بالاشمئزاز غير السالفه تكفى
طلال: احلى يااشمئزاز , ليش حامل؟؟
عبدالله: هههههههههههههههههههه , ايش دخل الحمل يالدلخ
طلال: مدري عنك ,, تدري ابو عابد حسيت في عيونها كلام كان ودي اسمع ايش تبي تقول
عبدالله: طلال,, انت الي عندك كلام تبي تقوله ,,, قول وخلصني,, تبيها؟؟؟
طلال: مجنون انت ,, ولا افكر حتى ,, اول شي انا مشغول بالمؤسسه ,, وبعدين مع امي واخواتي
الي مو قادرين يتأقلمون هنا ,, تعرف احنا عايشين برا وتعودنا على بيتنا هناك والبيئه والناس
هناك غير هنا يمكن انا قدرت اتاقلم لاني اجي هنا كثير علشان المؤسسه بس هم لسى ,, وبعدين
لو فكرت احب مستحيل احب البنت هذي لسببين اول شي انا مااثق فيها ثانيا مستحيل اخون غسان
عبدالله: بس غسان انتهت العلاقه بينهم من زمان
طلال: ادري بس كانت خويته بيوم من الايام
عبدالله: افهم من كلامك انك كنت مفكر بالموضوع
طلال: اممممممممم يمكن لو كانت الظروف غير يمكن ,, بس في هالاوضاع مستحيل
عبدالله: الحمدلله انه مستحيل,, مدري ليش البنت هذي عندها سحر اي واحد يشوفها يحبها
طلال: المشكله ياعبودي المظاهر دايما خداعه
عبدالله: ماعلينا البنات الي شفناهم هاه رقمتهم
طلال: ههههههههههههه ايه ارسلت لهم الرقم ناقص
عبدالله: مجنون ليش؟
طلال: انت عارف اني ماحب ارقم بس كنت ابي اقهر مشاعل,,, بشوف ايش راح تسوي
عبدالله: وتقوم تنقص رقم كان عطيتهم رقمي انا ياشيخ
طلال: مره ثانيه انشالله اذا شفت مشاعل اعطيهم رقمك
عبدالله: وليش انت ماترقم الا اذا شفتها
طلال: تدري عبودي احب نظرتها لما تشوفني ارقم غيرها
عبدالله: الله يستر شكلك بتقلب غسان الثاني
طلال: لاتقارني بغسان ,, يمكن غسان ماعرف شلون يوصل لقلبها
عبدالله: وانت ناوي توصل انشالله
طلال: قلت لك البنت ماتصلح لي بس مومعنى كلامي اني ماقدر اوصل لقلبها
عبدالله: مصدقك انك تقدر بس الله يخليك فكنا من المشاكل اخاف بعدين هي الي توصل لقلبك
طلال: هههههههههههههههههههههههههههههه تبطي
ورفعوا على صوت الاغاني وكملوا مشوارهم
الجزء الخامس
مشاعل بدت تحس احاسيس غريبه اول مره تحس فيها تجاه اي شخص ,, تعرفت على شباب
كثير ارتاحت لبعضهم,, والبعض كرهتهم,,, يمكن بعضهم حبوها بصدق,, واكيد البعض كانوا
يكذبوا عليها ,,, من ناحيتها ما كانت تعتبر المكالمات غير تسليه وتضيع وقت ومايهمها اذا
فيه شخص يحبها وهي تخدعه ,, المهم انها تتسلى ,,, وماهمها ايش تترك من اثر في حياه الشاب
الي تكلمه ,,, بس بعد ماطلع طلال بحياتها ,,, حست باحاسيس مشوشه ماتعرف هي حقد والاتملك
يمكن علشان ماحسسها انه يبيها وهذي اول مره واحد يطنشها,, حست المفروض تتملكه,, بس
الكلام الي قالته لحسين مايدل الا على (حب)
مشاعل" انا لازم مااشغل نفسي به,,, اهم ماعندي الحين اني اركز على دراستي مابي احمل مواد
لان ورانا سفره ومابي ابوي يحرمني منها ,, اما موضوع طلال راح اخليه للايام ,, وهي كفيله
انها تنسيني واحد اسمه طلال "
اول ماقالت هالكلمه حست الم في قلبها ,, هنا طرا على بال مشاعل الف سؤال وسؤال ليش
لما افكر اني انساه احس اني مقدر ,,, نزلت دمعه من عينها ,,, كانت خايفه من الي يصير لها
خافت من تطور مشاعرها بهالسرعه
فتحت المسجل يمكن تقدر تنسى طلال ,,, اشتغلت اغنيه اليسا (حكايتي معاك ) طرى على بالها طلال
وبدت انغام الموسيقى تملى الغرفه وحست بالحنين والشوق لطلال مع انغام هالاغنيه الرومنسيه
وبدت اليسا تغني ,, بس مشاعل حست انها هي اللي تغني لطلال لانها حست الكلمات كانها
تطلع من قلبها
((في اول الحكايات حكايتي معاك ,,,بقى لي زمان واخدني هواك,, وجوى في قلبي ليك ايام مابتتنسيش))
تذكرت اول مره شافت طلال وش الاحاسيس الي حست فيها صح انها كانت مجرد اعجاب بس شلون الحين بدت تطور
وهم مابينهم شي شلون لو صار شي ايش راح يصير لها
((واخر الحكايات حكايتي معاك خلاص حبيت وانا اتحبيت وعايشه معاك كاني اول مره اعيش))
تخيلت نفسها في الزفه تنزف في يوم عرسها على طلال
يالله قديش هالاحساس حلو ان طلال يكون لها لوحدها وهي له وماتفكر ابد بغيره يكون فارسها وهي انشالله تكون جاريته المهم تكون معاه
غمضت عيونها وهي تستمتع بنغمات الموسيقى وقطع عليها صوت الباب
مشاعل: مين
الخدامه: مدام يور موبايل
مشاعل: مشاعل تذكرت انها لما رجعت من برا تذكرت انها نست موبايلها تحت بالصاله
فتحت لها الباب واخذت الموبايل ,,, شافت الاتصالات ومن بينها رقم اخوها مشعل ,,
غريبه مشعل ايش يبي بهالوقت,, اتصل عليه
مشاعل : الو
مشعل : هلا ميشو
مشاعل: هلا والله ,,و اخيرا تذكرت ان عندك اخت
مشعل : لا انا كنت فاقد الذاكره ,, المهم تعالي الحين الحقيني
مشاعل وبان الخوف في صوتها: مشعل ليش ايش صار خالتي فيها شي؟؟
مشعل : خالتك ,, لاحبيبتي انا الي فيني ,, خالتك بتذبحني تعالي بسرعه
مشاعل: ههههههههه اوكي جايه ,, الله يعنين على مشاكلكم,, مدري بدوني شلون تمشون حياتكم
مشعل : عن الهذره تعالي بس
مشاعل: يله جايه باي
مشعل : باي
نزلت مشاعل من غرفتها لقت بالصاله ام سلطان جالسه لوحدها ,, غريبه مو طالعه اليوم
الاربعاء ومو من عادتها تجلس بالبيت لانها كل اربعاء تروح لاهلها
مشاعل: السلام عليكم
ام سلطان:.............
مشاعل: عليكم السلام
ام سلطان: ...............
مشاعل: ترى رد السلام واجب ,, بس علشان اعلمك,, بس براحتك اذا ماتبي تردي
ام سلطان: غريبه نزلتي من قوقعتك ,,, اكيد بتطلعي ,, لانك يابرا يابغرفتك
مشاعل: لا بروح للناس الي يحبوني وانا احبهم
ام سلطان تطالع مشاعل بحقد: كفوك
مشاعل: تصدقين اشتقت لخالتي ام مشعل ,,, اليوم الي مااشوفها فيه مااعده من عمري
ام سلطان: الله يقصر عمرك انتي وياها انشالله
مشاعل: انتي قبلنا انشالله, بعدين تعالي ليش مارحتي لاهلك ,,, ههههه ولامايبونك
ام سلطان: تخسين ,,, ومالك شغل اروح والا ماروح
مشاعل: لا قلت اذا تبين احد يونسك ,,, ممكن انادي الخدامات يسولفوا معك لاني مايشرفني اسولف معاك
ام سلطان: وانا بعد مايشرفني ,,, لاني ماحب اسولف مع بنات منحرفات
مشاعل عصبت منها ايش قصدها بمنحرفه بس سوت نفسها انها مو مهمته: طيب يامؤدبه ياام وجهين باي
ام سلطان: الله لايسلم منك مغز ابره
مشاعل: ايه ام سوسو نسيت اقول لك تبين اقول لخالتي حبيبتي ام مشعل شي ,,, يعني انك مثلا تكرهيها ,,, او تغاري منها ,,, لان الناس يحبوها اكثر منك
هههههههههه تصدقين اني ارحمك احيانا ,,, فيه ناس يعزموا ام مشعل وانتي لا تدري ليه,,,
لان محد يحبك هههههههههههه
ام سلطان: صدقيني مايهموني هالناس لانهم مو من مستواي
مشاعل: هههههههههه مو من مستواك حلوه هذي,,, ليش انتي نسيتي نفسك قبل تتزوجي ابوي ,, كنت حافيه منتفه ,,, وابوي الي رزك
ام سلطان: تخسين ,, انا من يومي وانا معززره مكرمه في بيت اهلي
مشاعل: هههههههههههههه ,, لاتكذبي علي انا عارفتك زين وفاهمتك اكثر من نفسك,, يالله بس خالتي ام مشعل بنت ناس ومو مشفوحه مثلك ,, ماشالله متعوده على العز قبل ما تتزوج ابوي
ام سلطان انقهرت وحقدت على مشاعل الي دايما تذكرها بعيشتها ببيت اهلها وتعايرها بفقرها: هذا انتي بنت العز وماتربيتي ,, ايش فادتك فلوسك
مشاعل: اذا تعتبريني ماتربيت فانتي ماتسبيني تسبي ابوي ,,, وماودك يدخل ويسمع كلامك
ام سلطان: تهدديني ,, تدري لو ابوك سمع كلامك لي صدقيني ماراح يصير لك خير
مشاعل: تدري يله بس انا بروح لحبيبتي ام مشعل ,, بصراحه مابي اضيع دقيقه من عمري معك
وطلعت ماخلت ام سلطان حتى ترد
كان بيت ام مشعل وبيت ام سلطان فلتين بجنب بعض مايفصل بينهم شي وكانت ميشو لما تبي تروح لبيت ام مشعل
مايحتاج تلبس عبايه لان مافيه احد برا الي السواقين وهي مو متعوده تتغطى عن السواقين
دخلت مشاعل بيت ام مشعل وسمعت صراخ مشعل
مشاعل: السلام عليكم
ام مشعل ومشعل: عليكم السلام
مشاعل: شفيكم اصواتكم واصله اخر الشارع
مشعل: الحقيني ميشو محد يقدر يساعدني الا انتي
مشاعل: ايش صاير
مشعل: امي تبي تزوجني
مشاعل: هههههههههههه بس والله قلت لايكون احد مات بس
مشعل: ايه امي تبي تموت العزوبيه ,,, وهذا مايكفيك
مشاعل: هههههههههههههه ,, مشعل لاتبالغ
ام مشعل: قولي له ذبحني ,, الي بعمره تزوجوا وجابوا عيال ,, مشعل ابي اشوف عيالك قبل اموت
مشاعل: الله يطول عمرك انشالله وتشوفي عيال عياله
مشعل: يمه ايش عرفك يمكن اكون عقيم
ام مشعل: اعوذ بالله فال الله ولافالك
مشاعل: طيب مشعل انا عندي لك حل
مشعل : تكفين الحقيني به
مشاعل: تزوج زواج مسيار هههههههههههههه
ام مشعل: مشاعل انهبلتي,, لاتحطين الفكره براسه ,, وش مسياره ,, نبيه يعرس عرس المسلمين
مشاعل: هههههههههههه ,, هذا الحل الي يرضي كل الاطراف
مشعل: والله ماعندي مانع ,, بس انتي الي تخطبين لي
مشاعل: ههههههههههه ,, لا والله تفشلني بعد مابقى الا هذي اخوي يتزوج مسيار,, طيب مشعل خلني ادور لك بنت الحلال
واذا ماعجبتك خلاص لاتتزوج,, ايش قلت
مشعل: اوكي تخيلوا اني شفتها وماعجبتني ... خلاص انتهت المشكله
ام مشعل: مشيعل ,,, انت في بالك بنت قول لي وانا اخطبها لك ,,, ان كانت بنت ناس ومتربيه ماعندي مانع
مشعل: ايه يمه ودي اتزوج وحده رقاصه ,, واذا ماخطبتوها لي ماراح اتزوج
مشاعل: ههههههههههههههههه مين لاتكون فيفي عبده
ام مشعل: هو حرمه واسمها فيصل
مشاعل ومشعل استغربوا ايش جاب طاري فيصل
مشاعل: يمه ايش دخل فيصل في فيفي عبده
ام مشعل: مو فيفي دلع فيصل ,, انتي تنادين اخوك فيصل فيفي
مشاعل ومشعل: هههههههههههههههههههه
مشعل: لايمه هذي فيفي عبده وحده مزيونه يمه وترقص عند الرجاجيل الله لايخزينا ,, بس يمه تراها عجيز تصلح لك ,, يمكن تعلمك الرقص ,, تصيرين ترقصين عند ابوي ,, وتدلعينه
مشاعل: هههههههههههههههههههههههههههههه ,, لالا مقدر اتخيل خالتي ترقص
مشعل: ههههههههههههههههههههههههههه, لا وتخيلها تهز خصرها بالشيله الي لابستها
مشاعل: ههههههههههههههههههههههههههههههههه
ام مشعل: وجعن يوجعكم ,,, انهبلت ارقص انا عقب هالعمر
مشعل: اي عمر توك شباب ,,, انا لو القى وحده ربع جمالك لاتزوج على طول
مشاعل: ايه خالتي ماشلله عليك ,, بس ناقصه شويه ميك اب ,,, ايش رايك نروح للصالون اليوم ,, والله لاخلي ابوي يسعبل لما يشوفك
ام مشعل ابتسمت بخجل: انهبلتي انتي مير يامشاعل ,,, الحين احنا نتكلم عن مشعل ,,, وقلبتوا السالفه علي
مشاعل تبي تنقذ مشعل: هاه خالتي ترا بكره بحجز لك ,,, ونروح انا وياك ومنها ابوي عندك بكره ,,, خليه ينهبل
ام مشعل من الحيا ماقدرت قامت :الشرهه مو عليكم ,, على الي يجلس معكم
مشاعل ومشعل: ههههههههههههههه
مشاعل: مشعل ,,انا حبيت اصرف خالتي ابي اكلمك بجديه شوي
مشعل: احلى ياجديه
مشاعل: مشعل لاتاخذ الامور كلها مزح ,, مشعل انت كبرت ولازم تتزوج ,,, مشعل لازم تستقر
مشعل: يالله ميشو,, جتنا امي الثانيه
مشاعل:صدقني لو احنا مانحبك ماكان اهتمينا اذا تزوجت ولا لا
مشعل: مشكورين بس انا مرتاح كذا
مشاعل:طيب اسمع انا عارفه انك خايف من خالتي تخطب لك وحده شينه وتتوهق ,,, شرايك تخلي هالموضوع
علي,, انا ادور لك وحده فيها كل المواصفات الي تبيها,, ايش قلت
مشعل: لالا فكينا صاحباتك بزرات انا ابي وحده اصغر مني ب5 سنوات اقصى حد مابي
بزر اربيها من جديد
مشاعل: مشيعل ايش قصدك انا بزر
مشعل: يعني
مشاعل: طيب مشكور بس لاتخاف ماراح ازعل ,,, بخلي الزعل بعدين لما توافق
مشعل: طيب اسمعي انا موافق تخطبين لي بس بشرط
مشاعل:اشرط وتدلل
مشعل: يؤؤؤ لهدرجه متحمسه,, والله شكلك تبي تفتكين مني
مشاعل: اف اخيرا فهمت ههههههههه
مشعل: هههههه طيب شكرا
مشاعل:ماقلت ايش الشرط
مشعل: ماتخطبين لي لحد ماشوف صوره البنت ,, مابي اروح اخطبها بعدين اشوفها وماتعجبني ,, بعدين تتحطم البنت
مشاعل: والله الثقه ايش عرفك يمكن انت ماتعجبها
مشعل: لا حبيبتي واثق الخطوه يمشي ملكا
مشاعل: هههههههههه طيب ياملك ,,, خلاص الاسبوع هذا انشالله تكون عندك الصور
مشعل: صور؟؟ انا قلت ابي وحده ماقلت ابي 4
مشاعل: يمكن لما تشوف البنات تغير رايك وتطق لك 4 مره وحده ههههههههه
مشعل: والله مو شينه
مشاعل: ههههههههههههههههه
مشعل: بس زي ماقل لك ابي وحده ما تقل عن 25
مشاعل:انشالله اوامر ثانيه
مشعل: لا الشكل مايهم ,,, اهم شي تكون دينه ,,, وبنت ناس ومتربيه,, اممم بس مو تجبين لي وحده مقشع
مشاعل:يعني ماتثق في ذوقي؟؟؟
مشعل: بصراحه لا
مشاعل: مشعلوه ترى خذت وجه تلاحظ
مشعل: لاوالله هذا وجهي من زمان ,,, لاتتبلين
مشاعل:هههههههههههههههههههه
مشعل: ههههههههههههههههه
دخل سعود
سعود: ايش عندكم تضحكون
مشعل: ياخي سلم اول
سعود : السلام عليكم
مشاعل:عليكم السلام
مشعل: عليكم السلام
مشاعل:سعود بارك لمشعل بيتزوج
سعود والفرحه شقه وجهه: لووووووووووووووووووووووووووووليش ,,, الف الف مبروك بتطس من وجهي وتفتح لي المجال اخيرا
مشاعل:هههههههههههه لابس عنده شروط ,,, ادع ربك اننا نلقى له وحده تنفع لي والا قول ياسعود على الهنوف السلام هههههههه
سعود: فاله الله ولافالك ,,, ايش المواصفات الي تبيها طال عمرك علشان اقول الهنوف تدور لك
مشعل: لا شكرا انا عندي سكرتيرتي ميشو,,, بصراحه مااثق في خويتك
سعود: مالت عليك لك الشرف انها تدور لك ,, بس ماتستاهل
مشعل: عاد شوف انا قلت لميشو دورو على اقل من مهلكم ,,, ايش ورانا
سعود: لاااااااااااااا ميشو يرحم والديك ,, عجلي ,,, ترى الهنوف ذبحتني كل يوم واحد جاي يخطبها وتهددني اذا ماجيت
بتتزوج ,,, تكفين خلصينا من هالدب,, تراه واقف لي مثل العظم بالبلعوم
مشاعل:هههههههههههه وانا اقول ليش صوتك متغير هاليومين من هالعظم الي ناشب
سعود: هاهاها بايخه
مشاعل : ياعمري يامشعل ,, احسك شخص غير مرغوب فيه
مشعل: الشكوى لله تجي انشالله ام سامي وتدلعني
مشاعل وسعود صرخوا صرخه وحده: سااااااااااااامي
مشعل: بسم الله ايش فيكم ايه سامي,,, ولدي انشالله بسميه سامي ,,,اذا مو عاجبكم الاسم خلاص هونا من العرس
مشاعل: ايه هون احسن لك,,, اصلا استحي اقول ولد اختي اسمه سامي
سعود: لالا يرحم والديك خليه يسميه ياشيخه مو سامي انشالله جربان بس يخلصنا يتزوج
مشعل: ايش قصدك تبي الناس ينادوني يابو جربان
مشاعل: ههههههههههههه , تصدق لايق عليك , خاصه هالحبوب الي طلعت بوجهك ,, شكلها حبوب شياب لان ماتوقع حبوب الشباب تطلع فيك شيبت عليها ههههههه
مشعل: ايه والله ميشو مدري شفيني طالع لي حبوب هالايام ,,, لازم اعالج اخاف ام سامي ترفضني اذا شافتها
سعود: هي بس على الحبوب ,,,, الله يستر ماتردك بس,, ميشو دوري له وحده عمياء يمكن ترضى فيه
مشعل: ماتدري ان العمياء احاسيسها تكون اقوى لانها تعوض عن حاسه البصر يعني مثلا حاسه الشم تكون اقوى
واخاف تشم ريحتي ترفضني
سعود: لاتخاف اذا رحت تشوفها انا الي بحممك
مشاعل ومشعل :هههههههههههههههههههههههه
-----------------------------------------------------------------------------
يوم السبت كانت واعده اخوانها تمشيهم ,,,,وطلعت معاهم ,,, ومشتهم وودتهم للملاهي وعشتهم
ورجعتهم للبيت كانت الساعه وقتها 11
في الصاله كانت ام سلطان جالسه
ام سلطان: خير انشالله مرجعه عيالي 11 ماتدرين انهم عندهم مدارس والى تحسبين عيالي
ماوراهم احد مثلك لاحسيب ولارقيب,,, ترى انا عايشه ما مت اذا مت سوي الي تبين,,, والا
خلاص امك ماتت تحسبين الناس مثلك ؟؟؟
مشاعل تذكرت امها وحست شلون هي وحيده بدونها ,,, صح ان علاقتها بام سلطان مو حلوه
بس جرحها ان ام سلطان تعايرها بموت امها
طلعت غرفتها وهي تبكي
توضت وصلت ودعت من قلبها على ام سلطان ودعت لامها ان الله يغفر لها ويسكنها الجنه
حست بوحده ماحست فيها قبل ,,, "ياليتك يمه معاي ,, يمه انا محتاجه لك,,, صح ان ام مشعل
ماتقصر معاي بس محد يقدر يعوضني عنك,, الله يغفر لك"
---------------------------------------------------------------------------
الاختبارات مابقى عليها الا 3 اسابيع وتنتهي سنه من الدراسه
مشاعل كانت في المستوى الرابع يعني كذا تكون قطعت نص المشوار مابقى الا اربع مستويات
وتفتك من هالجامعه ,, واكيد ماراح تشتغل ,, ابوها ماهو مقصر عليها,, بس هي هوايتها الرسم
كانت تفكر تدخل في معارض ,, وتعرض لوحاتها ,, نفسها تكون رسامه مشهوره ,, كانت الفن يجري
بدمها ,,, حتى ان ابوها مصمم لها غرفه بالبيت خاصه للرسم ,,, ووقت الفراغ تروح ترسم
كانت جالسه بغرفتها تتصفح مجله فواصل ,,, دق موبايلها
مشاعل: الو
ساره: اهلين
مشاعل: هلا حبيبتي سارونه كيفك؟
ساره: تمام انتي كيفك؟؟
مشاعل: تمام
ساره: وينك اليوم بالجامعه دورتك قالوا انك طلعتي وموبايلك كان مقفل اكيد متمشكله مع سلمان ع شان كذا مقفله موبايلك
مشاعل: ههههههههه , قديمه انتي اي سلمان
ساره: يالله والله انك نذله ,, تعرفتي على احد وماقلتي لي
مشاعل: لالا ماتعرفت لاتخافي,, اصلا الايام هذي مالي خلق اكلم احد لاسلمان ولاغيره
ساره: ليه مشاعل فيه شي ؟؟؟ صار لك شي بالبيت؟؟؟
مشاعل: لا والله ماصار شي .. بس بيني وبينك مليت من المكالمات .. وبعدين الاختبارت جايه
ساره: علينا الاختبارات ؟؟؟ قولي بس ايش فيك؟؟؟
مشاعل: والله ياسارونه مدري احس مانبسط لما اكلم ,, مو زي اول,,, احس اطفش بسرعه,, يمكن مليت من الي عندي
ساره: طيب ايش رايك نطلع اليوم نغير جو من زمان ماطلعنا ,,, مسويه انتي هالايام دافوره
مشاعل: هههههههههه ,, اي دافوره ,, انا خايفه احمل ماده ,, والله ان يذبحني ابوي
ساره: لا انشالله ماينخاف عليك ماشالله
مشاعل: الله يسمع منك
ساره: قلبي اليوم بطلع انا وحنان,, شرايك تطلعي معانا؟؟
مشاعل: وين بتروحوا؟؟؟
ساره: والله مدري ,,, تعالي معانا غيري جو البيت ميشو بليز لاترديني
مشاعل: متى راح تطلعوا؟؟؟
ساره: تقريبا 7 ,, خلاص ميشو انتي موافقه,, بمرك 6ونص باي
مشاعل: اسمعي ط..
طوط طوط طوط
مشاعل"الوصخه قفلت بوجهي"
رجعت دقت عليها لقتها مقفله موبايلها
مشاعل" يله خليني اغير جو البيت شوي لي فتره ماطلعت"
نزلت مشاعل لغرفه الرسم تحاول تضيع وقت لما تمرها ساره
من طبعها مشاعل لما ترسم تحب تشغل موسيقى هاديه وتبدا ترسم احتارت ايش ترسم
شغلت الاغنيه الي تحبها والي تذكرها بطلال
فكرت ليش ماارسم طلال صحيح اني ماتذكر ملامحه بدقه بس بحاول وبدت ترسم وترسم
وهي حاسه بالحنين له صورته قدامها والاغنيه الي تحبها تجمعت الدموع بعينها وقفت رسم
وجلست على اقرب كرسي وغمضت عيونها تخيلت كيف بتكون حياتها مع طلال لو تزوجوا
تخيلت ان عندها 4 توائم من طلال تخيلت مشهد
مشاعل: يالله طلال اولادك ذبحوني ... يعني انا امهم وانت مو ابوهم.. شيل واحد معاي
طلال: لا حبيبتي انتي امهم,, انتي الي لازم تشيليهم,, انا مسؤول بس عن اكلهم,,, والا نسيتي
اني الرجال
مشاعل: انت اناني
طلال: وانتي طماعه ,, تبيني اخذ اكثر من دور بالحياه ,, دور الام والاب
مشاعل: اوووووووه طلال الحليب خلص روح جيب حليب
طلال: ارسلي السواق انا اطالع مباراه
مشاعل: يوووووه انت زوجي والا السواق
طلال: السواق زوجك هاه.. انا اوريك
ولحقها وهي تركض في البيت ... دخلت غرفتها وسكرت الباب وصار يضرب الباب
وفجاءه قامت من احلام اليقظه الي كانت عايشه فيها على صوت طق خيف ع الباب
مشاعل: مين
فيصل: انا ميشو افتحي شوفي سلطان ضربني
----------------------------------------------------------------------------------
مرتها ساره الساعه 7
نزلت مشاعل ولما طلعت تفاجاءت ان السياره مو سياره ساره كانوا طالعين بسياره حنان
مشاعل: السلام عليكم
حنان وساره: عليكم السلام
ساره: ميشو ايش هالورقه الي معاك
مشاعل: ماراح اخليك تشوفيها هنا بالسياره ,, خلونا ننزل اي كوفي نجلس فيه واخليك تشوفيها
حنان: لا بنات خلونا ندور
مشاعل: بنات والله مصدعه مالي خلق ادور ,, خلونا نروح كوفي وبعد صلاه العشاء ادق على سواقي
يمرني وانتوا اطلعوا تمشوا
حنان: اوكي صادقه اصلا المغرب ماتكون الشوارع زحمه,, طيب وين تبوا نروح اي كوفي
مشاعل: ايش رايكم في تي قاردن
ساره: يله اي مكان متحمسه ابي اشوف الي معاك.. طيب قربي لي ايش فيها
مشاعل : بلا لقافه ,, بس انا متاكده انك بتنصدمي
ووصلوا الكوفي ونزلوا
ساره: يله جلسنا عطيني الي معاك بسرعه مقدر استنى
مشاعل: لا اول خلينا نطلب
حنان: يوووووووووه ميشو بلا دلع
مشاعل: هههههههههه طيب طيب لا تاكلوني
فتحت مشاعل الورقه الي معاها كانت كبيره ومطويه ورابطتها بشريطه بينك ,, فكت الشريطه
وعلى طول طاحت الرسمه
حنان وساره: اللللللللللللللللللللللللللللللللللللللللللللله
حنان: من هالحلو,, لايكون اخوك؟؟
ساره منصدمه: طلال
مشاعل: هاه شرايك ؟؟؟ نفس شكله؟؟؟
ساره: بصراحه احس انه قدامي
حنان: تكلموا مين طلال ؟؟ اخوك ميشو؟؟؟
مشاعل: امممم يعني
حنان: شلون يعني يااخوك والا لا
مشاعل: يعني واحد يقرب لي
حنان: يالله مره يجنن
ساره: اذكري الله
حنان: ماشالله بس ميشو احسه كانه ممثل اجنبي
مشاعل: ايه هو صناعه اسبانيه تركيب سعودي ههههههههههههههههه
ساره وحنان : هههههههههههههههههههههه
ساره: شلون رسمتيه ؟؟ عندك صورته؟؟؟
مشاعل: لا بس انتي عارفتني شاطره بالرسم بالذاكره.. يعني حاولت اتذكر شكله ,, وهذا الي طلع معاي
ساره: ميشو لازم تشوفها الدكتوره بالجامعه والله على طول بتنجحك
مشاعل:هههههههههههههههههههههه .. علشان رسمتي والا الي جوا الرسمه
ساره: بصراحه كلهم ههههههههههههههههه
حنان: اقول متزوج؟؟؟
مشاعل عصبت: خير ايش دخلك لايكون بس مخططه عليه
ساره تغمز لحنان: حنونه لاتجين ممتلكات ميشو ,,, تراها مثل القطوه ماتحب الي يجي عيالها
واذا احد فكر يجي عيالها تاكل عيالها ولاتخلي احد يلمسهم
حنان: خلاص هونا ماله داعي بكره يموت الولد هههههههههههههه
ساره ومشاعل: ههههههههههههههههههههه
بعد ماخلصوا قرروا حنان وساره يكملوا وناستهم بالدوران اما ميشو اتصلت على سواقها
يمرها بالكوفي ,,, مالها خلق تدور ,, والحاله هذي مو جديده عند مشاعل تجيها فتره تكره الطلعات
بس ترجع بعدين لحالتها,, وهالشي ماخلى ساره وحنان يستغربوا من تصرفها
بس مشاعل كانت تتحاشى تطلع ماتبي تقابل شخص كانت خايفه انها لما تشوفه تضعف ,, وخاصه انها
حست بتطور كبير في مشاعرها تجاهه,, وخايفه ماتقدر تتحكم في نفسها ,,, يكفي انها للحين قويه
وقادره تكبت رغباتها,, ولازم تستمر لحد ماتنساه
مشاعل كانت في الطريق لبيتها غرقانه في بحر من الافكار
اما ساره وحنان فهم غرقانين في (التميلح)
----------------------------------------------------------------------------------------
وصلت مشاعل للبيت وكانت ام سلطان وابوها جالسين بالصاله قررت تسلم على ابوها لان
مالها خلق تلبس قناع الطيبه قدام ابوها ,, ملها خلق المجاملات ,, والكلمات الحب الي تقولها لها ام
سلطان سلمت على ابوها وباست راسه وسلمت على ام سلطان واعتذرت منهم لان عندها مذاكره
دخلت غرفتها ,,, غيرت ملابسها ,,, وفتحت التلفزيون ,,, كان فيه فلم (فورتي ير اولد فيرجن)
الفلم كان كوميدي عن رجل اعزب عمره 40 يخجل من النساء ,,, واصحابه يحاولوا يطلعوه من عزلته
ضحكت من قلب ,, حست ان اخوها فهد عنده نفس المشكله
قطع انسجامها رنه الموبايل
مشاعل: هلا حسين
حسين بحزن: هلا ميشو
مشاعل: حسونه,, ايش فيه صوتك؟؟؟ خرعتني
حسين: ميشو ابي فزعتك
مشاعل: من عيوني ,, بس ايش فيك؟؟؟
حسين: ميشو انا في ورطه ومحد يقدر يساعدني الاانتي... ميشو انا تعرفت على وحده من
3 سنين ,,, ومدري شصار لها يرد اخوها على موبايلها
مشاعل: ههههههههههههه, احسن
حسين: ميشو لاتضحكي .. احر ماعندي ابرد ماعندك
مشاعل: طيب واذا ,,,,, يمكن اخوها موبايله مفصول هههههههههههه
حسين: يووووووه ميشو,, لالا مره وانا اكلمها قفلت بسرعه ومن بعدها واخوها يرد
مشاعل: يعني المطلوب؟؟؟
حسين: ابيك تدقين على موبايلها وتطلبيها
مشاعل: طيب هات رقمها ,, بس لحظه اذا كلمتني ايش اقول لها
حسين: قولي لها انك مشاعل ال.. هي على طول بتعرف انك من طرفي
مشاعل: طيب وبعدين ايش راح تستفيد
حسين: اعرف ايش فيها
مشاعل: طيب عطني رقمها
دقت ميشو على البنت
مشاعل: الو
: نعم
مشاعل: السلام عليكم
: عليكم السلام,, من انتي
مشاعل: انا مشاعل صاحبه العنود,, مو هذا موبايلها
: لا,, غلطانه
مشاعل: غريبه ,, متاكده ان هذا رقمها ,, مين انت
: انا واحد
((شكل الولد مغزلجي))
مشاعل بدلع: تصدق حسبتك ثنين ,, اخلص بس بتنادي البنت والا لا؟؟؟
: ليش مو راضيه تصدقين ان هذا مو رقم العنود,, بس اصير العنود لعيونك
مشاعل: مشالله عليك, ايش تشرب ع الصبح دمك خفيف
: حليب نياق
مشاعل: ااااااااااااااااااااااه يامصلك,,, اقول بتعطيني العنود والا اقفل؟؟؟
: قلت لك انا العنود
مشاعل: هاي العنود كيفك؟؟؟
: تمام ,, هلا والله بصوت الغزال
مشاعل: ليش انت سامع صوت الغزال؟؟؟احس حدك صوت الضب
: اكيد عندنا مزرعه كلها غزلان
مشاعل: ايه عاد انتم شكلكم غزلانكم شغالات هههههههههههههههههههههه
: هههههههههههه ,, مقبوله ممكن نتعرف ياقمر
مشاعل: اقول شوي واطلبك طيب
: لاتطولين ياقمر
طوط طوط
مشاعل ماقدرت تتحمل مصالته
دقت على حسين
مشاعل: حسينوه ,,, ايش هالي مخليني اكلمه,,,, مو طبيعي
حسين:ليش؟؟؟
مشاعل:جالس يغازل,,, حتى ماعنده اسلوب
حسين: طيب مانادى العنود
مشاعل:لا يقول هو العنود
حسين: يالله اكيد صار لها شي ,, اجل ليش اخذ موبايلها
مشاعل:والله مدري عنك,,, بس انا الي علي سويته
حسين:ميشو تكفين طلبتك
مشاعل:ايش؟؟؟
حسين:كلميه كم يوم يمكن تقدري تعرفي ايش صار
مشاعل:مستحيل هذا لو اكلمه 5 دقايق رجعت كل اكلي ,,,, لالا مستحيل
حسين: تكفين طلبتك ,,, لو انتي طالبه مني شي وربي ماردك,,, تكفين ميشو ماعمري طلبت منك شي
مشاعل: طيب طيب لاتبكي,,,, بس اسمع هي مكالمه وحده ولو ماقال لي شي ماراح %
مشاعل كانت في قمة الذهول من الي صار ومن الي شافت ماتدري ايش تسوي تبتسم او
تعصب تذكرت انها جت علشان تهزئه على الحركه الي سواها ولازم تستجمع شجاعتها وتبدا
مثل عادتها بالهجوم بس كيف راح تقدر ترفع صوتها على اوسم رجل قابلته بحياتها وهي في
دوامه التفكير قطع عليها صوته الهادي الصوت الي اي بنت راح تطرب له
الشاب: مااتوقع انك طلبتي مني افتح الشباك علشان تطالعيني؟؟؟
مشاعل حست بالاحراج ايش راح يقول عني مشفوحه يالله
مشاعل بدت تتكلم بكل نعومه ودلع: سوري .. امممم... بس حبيت اقول لك ممكن تبعد
سيارتك لانك ساد علينا الطريق ؟؟؟ وعطه ابتسامه كلها دلع
الشاب عطى مشاعل نظره احتقار واشمئزاز من فوق لتحت وقال : لما تتكلمي معاي مره
ثانيه ياليت تبعدي فمك عني لان ريحتك مو حلوه واقرفتيني ؟؟؟ مدري اهلك ماعلموك شلون
تهتمي بنظافتك؟؟؟؟
وتجاهلها حتى ماانتظر انها ترد عليه
التفت على الشاب الي جنبه وقال له: ابو خليل تصدق كنت ميت جوع والحين اف لو تجيب
لي احلى اكله صدقني مستحيل تدخل فمي ايش القرف هذا على الظهر ريحه خايسه وشكل
معفن افففف يالله وين بطتي بس؟؟؟
ابو خليل يوجه كلامه لصاحبه وكانها مو موجوده: ههههههههه شوي شوي على البنت لا
تخدش مشاعرها هههههههههه
الوسيم: ههههههههه ليش والاشكال هذي تتوقع انها انثى انا اشك وبعدين هذي ماعندها
احساس هههههههههههههههه
ابو خليل: على قولتك ههههههههههههه
الحين حست مشاعل مثل التنين الي يطلع من خشمه نار بس هي الحين حست ان كل مكان
يطلع منه نار ولو معها سكين ماراح تكتفي بقتله لالا اتوقع راح تقطعه مكعبات علشان تتاكد
انه مافيه امل يعيش
واخيرا تذكر ان فيه وحده واقفه عند الشباك والتفت لها
الوسيم: اوووه انتي للحين هنا تحزني هههههههههههههه
مشاعل بكل هدوء: انا مدري ليه اتكلم مع واحد همجي ومتخلف مثلك ,,لاتفكر انك بتنرفزني
بالهكلام انا مايهمني رايك فيني انت حشره بالنسبه لي , واذا انا قبيحه وخايسه مثل ماتقول
بعد سيارتك علشان ماتضطر تشوفني او تبيني اتصل على الشرطه وهم يحلون المشكله
بمعرفتهم
الوسيم: انا ماأبديت رايي فيك لانك مو من مستواي لا ماديا ولا بالشكل ولا حتى بالثقافه
هههه انا كنت اكلم صاحبي هذا اولا وثانيا انتي اسمك التخصصي؟؟؟
مشاعل: التخصصي؟؟؟؟
الوسيم: الشارع هذا اسمه التخصصي وماتوقع ان هذا شارعك وانا حر اوقف وين ماابي
محد يقول لي وقف هنا او لاتوقف هنا فاهمه ياشاطره يله روحي العبي بعيد
وبكل احتقار طالعها وسكر الشباك
مشاعل ماتدري تبكي والا تكسر الشباك ولا تصارخ حقير جد مااحد تجرء يهينها ابد ابد كيف
يتجرء ,,,,, لاشعوريا مشاعل صارت تضرب الشباك باقوا ماعندها ,,, فتح الشباك ونظرته
كله برود وكان الي قدامه حيوان مو بنت ولها مشاعر جد مغرور
مشاعل بدت تتكلم بصراخ بدون ماتحس بنفسها: اسمع انت وربي لو ماحركت سيارتك والله
والله والله ماراح يصير لك خير ,, تفهم والا لا ... صدق انك مو متربي
وللمره الثانيه تجاهلها والتفت لصاحبه كانه ماكانت تتكلم ولاحتى فكر انه يبين انه عصب
لا بالعكس قمه التجاهل والبرود وكانها شحاذ عنده صار له ساعه يطلب منه حسنه وهو
مطنشه
كان يقول لصاحبه: ابو خليل والله انا خايف الحين بطتي تجي وتشوف هالشينه واقفه والله
جد ماله داعي
ابو خليل: تخيل عاد تحسبها خويتك والله فشيله لو البنت حلوه قلنا اوكي بس مقشع
الوسيم: اعوذ بالله اخاوي هالاشكال وووع فاله الله ولا فالك لالا لو بطتي شافتها بتحسبها
خدامه تعرف هي زين ان ذوقي راقي
ابو خليل: اقول شوف اظن هذي خويتك الي واقفه هناك؟؟
مشاعل: انت هيه والله لاخليك تندم على كل كلمه قلتها لي وتشوف اذا ماخ..
رد على موبايله ومو غريبه عليه انه يطنشها وهي تتكلم اصلا هو كان معتبرها حشره من
اول ماشافها
الوسيم: هلا بطتي ,, اوكي شفتك,,, ايه هذا انا معاي ابو خليل,,, يالله حبيبتي هذا انا جاي
حركي سيارتك ,,,, لالا هذي شحاذه مسكينه قلنا لها الله يعطيك مو راضيه تفهم تعرفين
هالشحاذات ماعندهم كرامه..هههههه اوكي بطتي باي
التفت عليها وقال: يالله انا طالع انتي حره الحين تقدر تطلعي سيارتك بس بنصحك نصيحه
غطي وجهك احسن علشان الشباب يرقموك لانهم لو شافوا وجهك اكيد محد بيرقمك الا اذا
كان اعمي ههههههههه باي وقفل الشباك وحرك السياره
مشاعل صارت تصارخ بالشارع : ليه ماتشوف وجهك انت يالشين يالخايس صدق انك حقير
لو انت رجال ارجع كلمني لكن انت بزر
السواق يوسف: عمتي مايسمعك السياره بعيده
مشاعل: مالك شغل انت وخر عن وجهي
وراحت ركبت السياره وهي منهاره ماتدري هي في حلم والا علم جد الي صار لالا اكيد حلم
مابعمرها احد عاملها بالهطريقه ولا احد فكر يهينها وهو من اول ماكلمها وهو يهينها
بس ليش قال هالكلام
مشاعل \" انا مو قبيحه ليش قال عني اني قبيحه وليش يقول اني اخر وحده يفكر اي واحد
انه يتعرف عليها ياما شباب منجنين علي ويتمنوا انهم يرقموني,,, طيب ليش قال هالكلام؟؟
هو مايعرفني يعني ماله مصلحه انه يهيني ,,,, اكيد انا قبيحه ؟؟؟ لابس انا مو قبيحه !!!!
طيب وين كنت لما كان يهزئني ؟؟؟ ليش مارديت؟؟؟ وين لساني ؟؟؟ انا عمري ماسمحت
لاحد يقاطعني ,,, وهذا مو بس قاطعني ,, اهاني وهزئني قدام الناس ,,, ليش مارديت,,
يالله انا غبيه وين كان لسااني وين؟؟؟؟
مشاعل كانت منصدمه ماعمر احد تجرء ورفع صوته عليها او اهانها يمكن الصدمه هي الي
خلتها تسكت وماتعرف ايش تقول لحظتها كانت مو مستوعبه الي يصير ساعات الانسان
مايقدر يستوعب بعض المواقف الا لحد ماتنتهي ويبدا يلوم نفسه ليش ماقلت وليش ماسويت
واظن هذا اللي صار مع مشاعل
السواق: عمتي وصلنا للبيت
مشاعل بدون ماترد نزلت وهي تبكي من القهر ومو مستوعبه اللي صار وتذكرت ان اليوم
السبت وهو يوم ام مشعل يعني ابوها موجود اليوم كويس علشان مايشوفها وهي تبكي
السواق: عمتي متى اروح للوكاله علشان شباك السياره
مشاعل ماردت ودخلت البيت كان في الصاله فيصل اخوها (5 سنوات) جالس عند التلفزيون
ويطالع افلام كرتون تحاشت انها حتى تتكلم معاه علشان مايلاحظ انها تبكي ويقول لامه
طلعت غرفتها والحمدلله محد حس فيها قفلت الباب وقفت متسنده على الباب حست انها
ماتقدر تمشي لحد السرير حست انها منهاره مو قادره تتحرك وجلست على الارض وظلت
تبكي وتبكي وتبكي
\" انا ميشو واحد حقير يهيني ليش؟؟؟ يالله ليش سكت ليش؟؟؟؟ قهر ياليت الزمن ينعاد
والله لوريه شغله ,,, بس ليش عاملني بهالطريقه ,,, حتى لو كنت قبيحه على الاقل يراعي
شعوري قبيحه؟؟؟\"
بدت علامات الاستفهام على وجه مشاعل وقامت وراحت عند المرايه ووقفت تطالع نفسها
\" انا قبيحه؟؟؟ \"
وظلت تطالع ملامحها بدقه
\"بس كل البنات يقولوا عني حلوه وكل الشباب الي تعرفت عليهم ينجنوا علي ؟؟؟ ليش هذا
يقول اني مو حلوه ؟؟؟ قهر الولد كان مره عاجبني اكثر من اي واحد قابلته بحياتي,, ليش
حظي كذا؟؟؟ اووووه انا افكر في هالواطي وهو من اول ماشافني وهو يهينني ,,, طيب انا
اوريه ,, بنشوف انا والا انت وبتشوف\"
اخذت مشاعل موبايلها ودقت على السواق
مشاعل: الو يوسف
يوسف السواق: سمي
مشاعل: تذكر السياره الفراري اليوم الي عند فدركرز ؟؟؟
ماكانت تبي تقول له الي تطاقيت معاه لانها ماتبي تتذكر الكلام الي قاله لها
السواق: ايه طال عمرك
مشاعل: كم رقم لوحته؟؟؟
السواق: ماحفظتها طال عمرك
مشاعل: شلون يعني ماحفظتها؟؟؟ انت السواق والا انا ؟؟؟
السواق: انا طال عمرك بس مانتبهت الا انها لوحه من السفارات
مشاعل: لا والله مااسمع شي جديد انا ابي رقم اللوحه
السواق: والله ماقريتها عمتي انا اسف
طوط طوط طووط
قطعت الخط
مشاعل: اف والحل ايش اسوي من وين بجيب لوحته لازم اعرف هو ولد مين ,, ايش اسوي
دق موبايل مشاعل وكان راكان يتصل وطبعا مو فاضيه ولا رايقه له فطنشته
مشاعل: يالله نسيت ساره داقه علي مليون مره خليني ادق عليها واشوف ايش صار
بموضوع فهده
مشاعل خذت الموبايل ودقت على ساره الي لقت معاها خط وطبعا ميشو ماتحب تدق على اي
شخص حتى لو كانت اعز صديقه لها ساره ويكون معاها خط ماتحب تكون على الانتظار
علشان كذا قفله وارسله لساره رساله
\" سارونه لما تنتهي من مكالمتك دقي علي \"
دخلت الحمام واخذت دش يهدي اعصابها خاصه بعد الوقفه بالشمس مع صاحب الفراري
طلعت من الحمام وحاولت تنام وتتقلب يمين يسار بس كل مانقلبت لقت صورته قدامها
وتاخذ المخده وتضرب في المكان الي تتخيل صورته فيه يمكن تقدر تطفي نار كرهها
وحقدها واخيرا استسلمت للنوم
==============================
اما ساره فاول مارجعت من الجامعه تغدت وطلعت غرفتها تكلم احمد المخدوع وبدت تطنش
بدر ونواف ... وكل الشله وبدت سوالفهم من بعد مارجعت من الجامعه لما صلاة المغرب
والبنت مسكينه مانامت لانها راحت للجامعه مواصله وماتقدر تنام الحين لانها واعدت فهده
تجيها ببيتها علشان تراضيها
ساره بنت حبوبه ومتواضعه بس عيبها انها مغزلجيه وكل ماقررت انها تحب واحد وتخلص
له مشاعل تلعب براسها وتقول لها بلا اخلاص بلا هم تخلصي لواحد وتحبيه بعدين يخونك
خليك كذا صدقيني اريح وبما ان سارونه شخصيه مهزوزه تتاثر بسرعه بكلام مشاعل
قامت ساره تلبس ونزلت تحت تدور امها علشان تقول لها انها طالعه بيت فهده بس مالقتها
ام ساره سيده اعمال ومو فاضيه ابد لبنتها وابوها 24 ساعه مسافر واخواتها متزوجات
وماعندها الا اخو واحد ومسافر برا يدرس وماباقي له الا 3 شهور ويرجع وصح ان ساره
مشتاقه لاخوها بس كانت خايفه اذا رجع ماتصير تقدر تطلع مثل قبل
ركبت ساره السياره واخذت موبايلها وشافت اتصال من مشاعل وقرت الرساله واتصلت
على مشاعل
ساره: الو
مشاعل صوتها كله نوم لانها توها صاحيه: هلا
ساره: وحشتيني
مشاعل: شكرا خير ايش تبي تراك صحيتيني من النوم
ساره: يالله نايمه للحين اصحي اذن المغرب
مشاعل: يالله ماصليت المغرب
ساره: يالله روحي صلي وكلميني انا في الطريق رايحه لفهده
مشاعل: اوووه كنت ابيك تمريني
ساره: ليش وين ناويه تروحين
مشاعل: ماراح اطلع بس ابي اشوفك وحشتيني , اليوم ماشفتك بالجامعه
ساره: بكره اشوفك بالجامعه اوكي
مشاعل: اوكي حبيبتي تيك كير
ساره : اوكي باي قلبي
مشاعل: باي
ساره نست تدق على احمد لانه قال لاتطلعي لحد ماتدقي علي الولد صار يقلق عليها حركات
ساره بنعومه: الو
احمد: فديت الالو يالبى قلبك طلعتي ياقمر
ساره: قلت لك اسمي ريم مو قمر
احمد: لا انتي قمري انا ,, وينك يادبا برا
ساره : ايه سوري مادقيت عليك اول ماطلعت لان صاحبتي كلمتني وحاولت اصرفها مو
قادره
احمد : ياليتني صاحبتك علشان اشوفك
ساره: ههههههههه
احمد: انا برا الحين وينك ابي اشوفك ولو من بعيد
هنا ساره خافت تنفضح
ساره: لالا مقدر انا بسيارتي وسواقي يقول لاهلي كل شي
احمد: طيب ماراح يحس بشي من بعيد ماراح اكلمك حتى
ساره: لالا مقدر اعذرني بكره انشالله
احمد: وعد
ساره : وعد
احمد: اوكي انتبهي على نفسك ولا تطالعي احد ولا احد يطالعك
ساره: ههههههههههه بدينا نغار
احمد : انا اغار عليك من اول ماجابتك امك
ساره تحس بالمراره رغم الكلام الحلو الي يقوله احمد الا انه مو لها
ساره: اوكي احمد اكلمك اول مااطلع من صاحبتي
احمد: اوكي قلبي باي
ساره: باي
===============================================
مشاعل طفشت من الغرفه وطفشت من التفكير قررت انها تروح لاي وحده من صاحباتها
واخذت موبايلها ودقت على مها
مشاعل: الو
مها: هلا والله بالقاطعه كيفك؟
مشاعل: تمام انتي كيفك
مها: الحمدلله وينك ماشوفك بالجامعه حذفتي الترم؟؟؟
مشاعل: لا بس جدولي الترم هذا مضغوط يعني من السياره للمحاظره ومن المحاظره للسياره
ماصرت اشوف البنات
مها: الله يعينك وليش ضاغطه جدولك تبي تخلصي بدري ؟؟ ايش عندك بتتزوجي؟؟؟
مشاعل: هههههههههههه يالله انتم يالبنات ماعندكم سالفه الا الزواج
مها: هههههه ليش انتي مو بنت؟؟؟؟
مشاعل تذكرت كلام الوقح صاحب الفراري عنها لما قال ليش هذي بنت
مشاعل: احيانا احس اني مو بنت احس اني عربجيه
كانت تنتظر رده فعل مها هل بيكون رايها نفس رايه فيها؟؟؟
مها: حرام عليك اذا انتي عربجيه احنا ايش نصر ؟؟؟ انتي ياميشو كلك نعومه وانوثه
مشالله عليك الله يحفظك
مشاعل: تسلمي مهاوي
بدت تحس شوي بالثقه بالنفس الي قدر هالشخص يهزها
مشاعل: مهاوي قلبي ليش ماتجي عندي؟؟؟
مها: لا مقدر اليوم امي معزومه وصعبه اطلع تعرفين امي لازم هي الي توديني وتجيبني
تعالي انتي طيب
مشاعل: اممممم مدري اخاف ابوك او اخوانك موجودين
مها: لا ابوي معزوم مع امي اما اخواني مااراح ياكلوك تعال نجلس بغرفتي
مشاعل: امممممممم اتوقع اني وافقت
مها: ههههههه لا انا متاكده انك موافقه
مشاعل: هههههههه اوكي حبيبتي البس واجي
مها: انتظرك
مشاعل: اوكي باي
مها : باي
قفلت مشاعل وراحت تلبس بسرعه وطالعت نفسها بالمرايه وقفت تتامل
مشاعل\" لازم احط شويه ميك اب \"
وعلى غير عادتها كان الميك اب اوفر مو عادتها كانت ماتحب تحط الا ميك اب خفيف على
شان يبين طبيعي
وطلعت بدون ماتستاذن لانها مو من عادتها تطلب الاذن من احد لان امها ميته اما ابوها
يكفي عليه زوجاته
ركبت السياره واتجهت لبيت مها الي يبعد عن بيتها تقريبا 20 دقيقه ,, في هالوقت كانت
مشاعل تحس بالطفش فقررت تدق على سلمان خويها الي صار شويه قريب لها خاصه
هاليومين لانها زي مايقولوا شله ميشو (مطفره) يعني ماعندها احد راكان وتركته بعد ماقال
بشوفك وماعندها الا سلمان وخاصه انه مؤدب وحبوب وولد ناس ويكفي انه يحبها
مشاعل: الو
سلمان: مقدر على الدلع مقدر اليوم داقه على مرتين مستحيل اكيد في شي صاير
مشاعل بدلع: هههههه شسوي وحشتني يادب
سلمان: ااااااااااااااااااااااااه ياقلبي والله انتي اكثر
مشاعل: سلومي وينك برا والا بالبيت؟؟
سلمان: وانا اتجرا اطلع من غير مااقول لك؟؟
مشاعل: اممممم قهر كنت ابي اشوفك
سلمان: الحين اطلع هوا
مشاعل: لالا خليك انا طالعه لبيت وحده من صاحباتي وكنت ابي اشوفك بالطريق
سلمان: ياحبيبتي لو عارف كان طلعت من العصر استناك
مشاعل: ههههههههههه لا مايحتاج , المهم كيفك انت وكيف حسين ولد عمك اكرهه
سلمان: هههههههههه حتى هو يكرهك
مشاعل: كش عليه وينه والله واحشني
سلمان: لا انا اغار كذا
مشاعل: من جدك تغار منه .... اتعرف على طباخنا ولا عليه خويك مره مغزلجي
سلمان: قلت لك خلينا نعرفه على وحده من صاحباتك يمكن تعقله انتي مو راضيه
مشاعل: لاشكرا مابي احد يدعي علي , وينه هو عندك؟؟؟
سلمان : ايه جالسين لعب بلي ستيشن وهازمه 5 \\0 ههههههههههههه
مشاعل: هههههههههه يستاهل , اقول سلومي عطني بكلمه بسلم عليه
سلمان: تعال حسين حبيبتي تبي تكلمك
حسين: هلا والله بالورده
مشاعل: هههههههههههه هيه انت انا خويه ولد عمك , وبعدين مين قال اني ورده انا صباح
حسين: ههههههههههه حلوه ,,,اخبارك يادبا؟؟؟
مشاعل: تمام انت كيفك واحشني
حسين: انتي اكثر والله شكلك عقلتي طلعت امس وقبله ماشفتك تدورين وش عندك تزوجتي؟
مشاعل: لا موكله بمهمه ههههههههههههههههه
حسين: اخس والله منتي سهله وش هالمهمه يمكن اقدر اساعدك
مشاعل: اصلا محد يقدر يساعدني الا انت وترى المهمه سريه ولو ماعرف قدراتك ماكان
قلت لك
حسين: ايش السالفه؟؟؟
مشاعل: اسمع احنا جالسين ندور على سياره وبما انك خبره بالسيارات الي تدور نبيك
تعطينا اي معلومات عن صاحب السياره اوكي
حسين: فله هذي المهمه والا بلاش بس هو خوي مين؟؟؟
مشاعل: خوي وحده من البنات اسمها هدى اوكي
حسين: هههههههه هدى اسمها يضحك بس يالله علشانك بساعدها
مشاعل: اوكي السياره فراري لونها اصفر مرت عليك؟؟
حسين: اشوف كل يوم سيارات فراري لونها اصفر عطيني شي مميز
مشاعل: امممم اللوحه مو لوحه عاديه لا لوحه من السفاره
حسين: امممممممممم لوحه من السفاره لوحه من الس.. ايه ايه عرفته
مشاعل انجنت من الفرح اخيرا بتعرف هو مين علشان ترد له الحركه
مشاعل: مين هو بسرعه قول
حسين: هههههههه جريتك شفتي انه مو لخويتك شكلك انتي الي تكلمينه لو كانت خويتك
ماراح تتحمسي لهدرجه ,انا انسان ذكي ... عموما ماراح اقول لسلمان شي سرك في بير
مشاعل: يالله محد قال لك قبل انك ظريف وخفيف
حسين: الله يسلمك مجامله مقبوله
مشاعل: اخلص تعرفه والا لا
حسين: صراحه السياره مامرت علي بس بسال العيال يمكن يعرفوه
مشاعل: ومتى ترد لي اكلمك اليوم بالليل؟؟؟
حسين: لهدرجه مستعجله؟؟؟ لالا انا بكره بالليل اكلمك بيجتمعون العيال عندي وارد لك
مشاعل: طيب بس ضروري مرررره
حسين: شوفي اذا قلتي لي الحقيقه والله لسوي المستحيل علشان اجيب لك قراره
مشاعل: اممممممممم اوكي هذا واحد شفته بمكان وغلط علي وبصراحه انا ابي ارد له
الحركه ابي اذله
حسين: اها تبين فزعه ترانا تحت امرك تبين ينجلد ؟؟؟
مشاعل: لالا شكرا انا باخذ ثاري بنفسي
حسين: فله احب الاكشن اوكي بكره انشالله اجيب لك شجره العايله حقته
مشاعل: هههههههه تسلم والله ماانسى لك هالخدمه ابد
حسين: لا حبيبتي انا مااسوي شي الا مقابل شي
مشاعل: امر
حسين: مايامر عليك عدو احرجتيني ,, اوكي ابيك تعرفيني على اي وحده من صاحباتك ايش
قلتي
مشاعل: ابشر ياحسونه
حسين: حسونه بعينك خلي حبيبتي الي تدلعني وتقول لي ياحسونه
مشاعل: اخس صرت تحب؟؟؟
حسين : لا ,,, حبيبتي الي بتعرفيني عليها هههههه
مشاعل: هههههههههههههههه انقلع بس وعطني حبي
حسين : الولد يطالعني بعين حاقد من جد ووده يعرف سالفه راعي الفراري
مشاعل: لاتقول له شي انت عارف انه غيور اذا قال لك شي قول له سالفه هدى الي قلت لك
اتفقنا
حسين: اكيد , وخلاص انا بكره انشالله بكلمك
مشاعل: اوكي بايو
حسين: بايات
سلمان: اشوفك اعجبك الوضع ساعه تسولفي معاه
مشاعل: قلبي كنت بس اختبر غيرتك علي
سلمان: وايش طلع معاك
مشاعل: انك تغار علي وتحبني وتموت فيني
سلمان: وايش سالفه الفراري؟؟
مشاعل: حبيبي هذي وحده من صاحباتي اسمها هدى تكلمه وتبي تعرف هو يدور ويرقم غيرها
والا لا بس
سلمان : وانتي ايش دخلك فيها تراقبين خويها
مشاعل: حبيبي لو انا شكيت فيك اكيد بلجأ لاحد يساعدني لاني احبك واغار عليك والبنت
حرام تحبه وتبي تعرف اذا يخونها من حقها
سلمان: طيب وبعدين صار يعرفه حسين؟؟؟
مشاعل: لا بس وعدني يسال عنه
سلمان: ولعيونك اذا شفت سيارته بقول لك
مشاعل: الله لايحرمني منك
سلمان: يعني ماتغاري علي اني ادور واتمشى ماتخافي اتعرف على بنت غيرك؟؟
مشاعل: لا انا واثقه فيك
مشاعل في نفسها\" يالله ذبحني هذى مصدق نفسه انه يحب بس يخلص الموضوع اذا
ماسحبت عليك ياسلمان ماكون ميشو\"
ووصلت مشاعل بيت مها وظلت عنده لحد الساعه 11 وطلعت ورجعت لبيتها ونامت علشان
الجامعه بكره
================================================= </P>--------------------------------------------------------------------------------
استغربت مشاعل لان طلال كان ياشر لها تفتح الشباك
بدون ماتحس لقت نفسها تفتح الشباك وتطيع امره وهي الي ماتحب احد يامرها
طلال: اقول لو انا منك مااطلع مع البنت هذي
استغربت مشاعل من كلامه وبان في وجهها علامات التساؤل
كمل طلال كلامه: يعني وحده مثلك المفروض تطلع مع بنات بمستواها مو تطلع مع قمر مثل
الي جنبك بصراحه انتي جنبها مالك اي كرت ولا دور
مشاعل قررت انها ماتنخدع بجماله لازم تعلمه من هو
مشاعل: على فكره يااخ طلال ... لا تحسب نفسك قوي وذكي لانك جزمه وحقير وماعندك اي
ذوق واخلاق بس مو غريبه ,,, امك مو عربيه واكيد كافره ربتك على ..
قاطعها
طلال: اووووه البنت علاقات ماشالله كويس الي عرفتي عني هالمعلومات وفرتي علي شي
كثير
استغربت مشاعل ايش ممكن اوفر عليه وفتحت الاشاره وصارت البواري تطلع من كل
سياره الناس كلها تبي تمشي وسياره طلال ومشاعل ساده الشارع
السواق: عمتي الاشاره فتحت بمشي
مشاعل: لا استنى لاتمشي
طلال: اسمعي بما انك تعرفي عني هالمعلومات ,,, بسالك قدرتي تجيبي رقمي؟؟؟
مشاعل: مايشرفني اعرف رقمك
طلال: قهر ,,, يالله مو مشكله كنت ابيك تعطيه الي جنبك ,,, اوكي لحظه
وراح اخذ قلم وصار يكتب شي على كوب ورق مبين عليه كوب عصير
طلال : اسمعي كتبت رقمي فيه عطيه للحلوه الي جنبك اوكي
وكانت مشاعل بتقفل الشباك قبل لايجيها الكوب كله على وجهها
مشاعل انصدمت دايما كانت تكب اي شي بيدها على اقرب واحد يغازلها والحين هالحشره
يكب عليها هي وقدام مين صاحبتها على مااستوعبت الموقف التفتت بتنزل من السياره
علشان تضربه ,,,او تقتله ,,, المهم تنتقم لقته مشى والبواري مزعجه وسواقها المسكين
ينتظر امر العمه
السواق: امشي الشارع صار زحمه والا شاره بتسكر
مشاعل صرخت: امشي ايش تستنى؟
ساره كانت مصدومه من الي شافته وماتدري ايش تقول اول مره يمر عليها هالموقف ولمين
لمشاعل المغروره الي ماترضى احد يمس كرامتها والولد الي من شوي مو هز كرامتها الى
مسح بها الارض
طالعت مشاعل الكوب لقت رقم طلال مكتوب عليه ومكتوب فوقه ياليت اسمع صوتك اليوم
طلال
ظلت ساكته لحد ماوصلوا بيت ساره
ساره كانت تبي تقول لمشاعل تنزل تغسل وجهها من اثار العصير بس كانت خايفه لان شكل
مشاعل كأنها كلمه وحده وتنفجر وخافت تنفجر عليها
ساره وهي تفتح باب السياره بتنزل: باي
مشاعل: ساره ,,, لو سمحتي ممكن اروح للحمام
ساره: اكيد حبيبتي البيت بيتك تفضلي
مشاعل دخلت الحمام وغسلت وجهها ويدينها وشعرها وماتبي تتذكر ايش صار علشان
ماتنهار فقررت انها ماترجع للبيت خلاص الموضوع مكشوف واكيد ساره عرفت كل شي
بعد مافضحها طلال وشرشحها قدام صاحبتها لازم تصارحها ومنها تشكي لها لانها تعبت
من الكتمان واذا ماصارحت صاحبتها مين تصارح
طلعت مشاعل من الحمام ولقت ساره مجهزه لها ملابس علشان تغير وعبايه من عبايات ساره
لان عبايه مشاعل غرقت بالعصير
مشاعل: اممممم سارونه ماعندك بيجاما؟؟؟
ساره: اكيد عندي لحظه اجيب لك
مشاعل: سارونه ممكن انام عندك اليوم؟؟؟
ساره بدت الفرحه عليها: من جد ميشو لاتفرحيني بعدين تقولي امزح
مشاعل: انا في وضع مقدر امزح فيه
ساره: الله يحييك هذا بيتك قبل يكون بيتي
مشاعل: تسلمي ,,, بدق على السواق علشان يرجع للبيت ويمرني بكره الصباح علشان اروح
البس علشان الجامعه
ساره: ميشو شرايك بكره نطنش الجامعه ونسهر ونفلها ؟؟؟
مشاعل ابتسمت اخيرا: براسك نفلها هههههه
ساره فرحت لفرحه صاحبتها
وبدت السهره بتوتر لان ساره تنتظر مشاعل تتكلم عن الي شافته اليوم ومشاعل كانت
منحرجه ماتدري من وين تبدا
واخيرا تجرأت مشاعل وحكت لساره عن كل شي من اول يوم شافت طلال فيه لحد اليوم
ساره: صدق انه حقير ,,, بس حركته غريبه ,, يعني ليش يعاملك كذا ,,, ميشو انتي مره حلوه
وماحد يختلف على هالشي ,, ايش الي خلاه يقول عنك قبيحه ,,, اكيد الموضوع فيه شي هو
باين عليه يبي ينرفزك ,, بس ليه ماعرف..
مشاعل: ولا انا ,, بصراحه من حقارت الكلمات الي يقولها احس اني مقدر ارد
ساره: غريبه احس انه يتعمد ينرفزك وعارف ان البنت اكثر شي ينرفزها لما احد يسب
شكلها ,,,, وهو باين عليه متعته انه ينرفزك
مشاعل: ايه انا لاحظت هالشي ,,, بس ماعرف ليه؟؟؟
ساره: ميشو تذكري يمكن كلمتيه قبل وسحبتي عليه وحقد عليك تذكري
مشاعل: وربي اول مره اشوفه ,,, مستحيل انه رقمني قبل لانه لو كان مرقمني كنت اكيد
بتذكره ,, شكله مميز ومستحيل انساه
ساره تطالع مشاعل بخبث: مميز هههههه انا اشهد انه يجنن يجنن شكله خطير تصدقين من
اول ماشفته لحد ما مشى وانا مانزلت عيني عنه ,,, على كثر مااحمد يجنن صار عنده ولا
شي بس على طاري مميز شكلك غارقه لشوشتك هههههههههه
مشاعل: الله ياخذه هو وشكله ,,,وووع اصلا عادي انتبهي له كويس من قريب ترى مره
عادي وبعدين ليش غرقانه حبيبتي ماشفت خير ,, لو ابي واحد احلا منه كان بنظره مني
اخليه يركض وراي ,, ولاتنسين طلال مو من الاشكال الي تعجبني
ساره: ايه بس مو اي واحد بيركض وراك واظن طلال اثبت لك هالشي
مشاعل: صدقيني لو ابيه بجيبه بس صدقيني مايعجبني
ساره : عموما حلو والا مو حلو احنا ماراح نخليه ,,, يعني لاهو اول واحد حلو يمر علينا
ولا اخر لازم نفكر شلون نخليه يجي يتاسف لك ويبوس راسك بعد
مشاعل: لا لا ,,, لايبوس راسي ولا ابي اشوفه اصلا ,, بس قبل لااقفل سيرته من حياتي
بخليه يندم على الي سواه صدقيني
ساره: ايش راح تسوي قولي لي بليز انا صاحبتك
مشاعل: لسى مافكرت ,,, بس انتي خلي علاقتك مع حسين حلوه لان اكيد راح احتاجه
ساره: يالله بظطر اني اتحمل حسين وثقل دمه ,, تكفين خلصي الموضوع بسرعه
مشاعل: انا مستعجله اكثر منك ,,, الا تعالي ماقلتي لي بتردين على احمد والا لا؟؟؟
ساره: مدري محتاره ياميشو ,,, اخاف ارد واقول له الحقيقه يزعل ويتركني واخاف اسكت
اموت بقهري
مشاعل: بعد عمر طويل انشالله ,, ماتلاحظين انك معطيته اكبر من حجمه؟؟؟
ساره: لا هو مقاسه اكس اكس لارج ههههههههه
مشاعل: ههههههههه ايه هذي سارونه الي اعرفها
ساره: الا تعالي ايش صار على اخوك مشعل ماخطب؟؟
مشاعل: لا للحين ليش ناويه تخطبيه؟؟
ساره: ودي صراحه اخوك يجنن ماشالله وعاقل ,,, اقول اخطبيني له ,, ايش هذا خويه ماتنفع
مشاعل: هههههههههههههه ياليته يوافق يتزوج ,,, مسكين سعود بينجن يبي يتزوج الهنوف
وابوي مو راضي يزوجه قبل مشعل,, يقول لو الهنوف طارت مني والله لدعي عليك تعنس
هههههههههههههههههه
ساره: هههههههههههههههههههههههههههه ,,, الا على طاري الهنوف ماشفتيها؟؟؟
مشاعل: لا ,,, يقول سعود بعزمك على العشاء وبقول للهنوف تجي ,, تدري منجنه ابي
اشوفها احسها مره قرويه
ساره: ليش ايش الي خلاك تحسي هالاحساس؟؟؟
مشاعل: مدري من كلامه عنها ,,, اقول له من وين تشتري ملابسها الهنوف وقال لي اسماء
محلات حتى خداماتنا مانشتري لهم منها
ساره: ياااااي مره قرويه ,,, بس حرام اخوك يحبها واذا تزوجته انتي عاد كشخيها
مشاعل: ياشيخه اذا هو راضي بقراوتها بكيفهم ياداخل بين البصله وقشرتها ماينوبكش الا
ساره: ريحتها ههههههههههه
مشاعل: ههههههههههههههههههه
وتمت السهره كلها ضحك ووناسه وناموا الساعه 7]
في بيت طلال كانت السهره مثل كل يوم الشباب متجمعين وكان مجلس طلال عباره عن كوخ
خشب كبير مكون من دورين الدور الاول كان جلسه وتلفزيون اما الدور الثاني كان مفتوح
على الدور الاول وهو عباره عن صاله بلياردو كان كل يوم يمتلي هالمجلس فوق 40 شاب
البعض اصحاب طلال والبعض حتى مايعرفهم
عبدالله: طلال
طلال: سم ابو عابد
عبدالله: سم الله عدوك ,, من هو الي جالس يسولف مع ابو خليل
طلال: والله مدري يمكن هو عازمه
عبدالله: طلال الولد هذا مارتحت له من اول ماجاء وهو يطالعك ,, الله يهديك صاير مجلسك
كل من هب ودب يدخله
طلال: شسوي ياعبد الله صعبه اطرد الناس من مجلسي واذا اتصل علي واحد وقال بجيب
خويي معي صعبه اقول له لا ,, مو من عوايدي
عبدالله: بس انت ماتعرف حتى هم مين ,, ولا ايش اخلاقهم ,, بكره تجيك مشكله والا مصيبه
محد ينفعك والله
طلال: اهم شي ان مجلسي مو في البيت ,,, ولو كان مجلسي في البيت مستحيل ادخل احد الا
اذا كنت عارفه تعرف علشان اهلي
كان بيت طلال في حي من ارقى الاحياء وكان بيت كبير جدا وكان يعيش معاه ابوه واخوه
الاصغر منه نواف واخته هيفاء ولمياء وامه ,,, وفي الجهه المقابله من البيت تقع استراحه
ابو طلال الي كانت كلها مجالس للشباب ولابو طلال بحيث اذا جت عزيمه رجال تكون في
الاستراحه وكان يفصل بين بيتهم والاستراحه شارع علشان كذا طلال واخوه يجمعون
اخوياهم كل يوم
عبدالله: انا معك ياطلال بس انتبه شوف بس الاشكال الي تجي عندك والله احسهم مجرمين
طلال: هههههههه لا تكبر الموضوع وعموما اجازتي خلاص قربت تنتهي يعني مافيه سهر
ولا راح تشوف هلاشكال
دخل حمد بالسالفه وكان طول الوقت قاط اذنه: افهم من كلامك انك تطردنا ؟؟؟
طلال: هههههههههه انا قلت هالاشكال ليش انت اشكال؟
حمد : ههههههههههه ايه ,, واحلى شكل بعد
طلال: اعجاب المرء بنفسه دليل على صغر عقله
حمد : ايه مثل خويتنا مشاعل هههههههههه الي معجبه بنفسها
طلال: ههههههههه مسكينه وربي حزنتني ,,, اليوم كبيت عليها العصير الي اشتريته من ماما
نوره وطلع بايخ طعمه ,, قلت فيها ولا في الزباله هههههه
عبدالله: هههههههه اكيد دخنت اذانها من التعصيب
طلال: اوووه ياليتك شفتها ,,, لا ومعاها خويتها ساره بعد هههههههههههه
حمد: هههههههههه خلها تستاهل ,, اقول طلال خلنا نسوي حركه فيها حلوه تخليها تكره
تطلع من بيتها ايش قلت؟؟؟
طلال: مثل ايش ؟؟
حمد: يعني مثلا وهي راجعه من الجامعه نحدها ونركبها السياره وناخذها مزرعتكم والله فله
ولاتنسى البنت حلوه والله بننبسط
طلال: اسمع ياحمد انا وعدت الرجال اني اهينها واعلمها قدر نفسها مو معنى كلامي اني
اضيع مستقبلها ,,, وبعدين عيب عليك هالحركات والله عيب انت رجال ,,, ماتستحي تستقوي
على حرمه
حمد: ليش هذي تسميها حرمه,, هذي حتى ماتجلس بالبيت لو عندها اهل يربوها كان ماسوت
الي تسويه
طلال: ايش سوت ؟؟ خانت خوينا خلها تخونه هو عارف اصلا انها ماتحبه ,, بس انا قهرني
اسلوبها معاه قلت باعلمها قدر نفسها وبيني وبينك مليت من هالدور انا اهنتها مافيه الكفايه
وخلاص اظن اني اكتفيت والرجال شكرني على الي سويته فيها ,,, وانت ياحمد مالك دخل
بالبنت اتركها بحالها ,,, ترى عندك خوات
حمد: افا ياطلال والله تشبه خواتي بهذي ,,, كرم خواتي ,,, مايسون مثلها ولو حسيت ان
خواتي ممكن يسون ربع الي تسويه والله لدفنهم عند باب البيت
طلال: طيب مشالله عليك رجال ,,, بس ياليت تثبت رجولتك باشياء ثانيه
حمد: ايش قصدك ؟؟؟
طلال: قصدي ابوك اللي عينه ماجفت من الدموع وهو يتمنى يشوفك رجال تهتم بمسؤليات
البيت ابوك كبر ياحمد ولازم يرتاح ومن واجبك انك تريحه وتشيل عنه الحمل يكفي انه رباك
واهتم فيك وانت صغير ,, جاء دورك انت الي تهتم فيه لما كبر
حمد: انا مو مقصر مع ابوي بشي .. بعدين انت ايش عرفك شاكي لك هو؟؟؟
طلال : ابوك مايشكي بس الحزن يتكلم بعيونه
حمد: صاير محلل نفسي ماشالله عليك
عبدالله: ياشباب اذكروا الله وهدوا مايسوى تراكم اخويا
طلال: حمد تكلم زين ترى انت قدام رجال مو بزر عندك تعلم شلون تحشم الرجال
حمد: لاتعلمني ياطلال شلون اتكلم انا احشم الرجال بس مااحشم الي يدخل في الي مايخصه
طلال: مايخصني اني انصحك هاه,, الشرهه مو عليك الشرهه على الي معتبرك رجال
ومدخلك مجلسه ,,, قم من مجلسي واذا شفتك هنا لحش رجولك حش
طلع حمد معصب وطلال كان هادي لان من طبعه مايهزه واحد مثل حمد
هذي حياه طلال ببساطه
================================================== =
موبايل مشاعل يدق اكثر من 10000 مره وازعجها الصوت واخيرا قررت ترحم الي يتصل
وترد عليه,,, كانت الساعه 3 العصر
مشاعل: الو
ام مشعل: هلا حبيبتي وينك خوفتيني عليك
مشاعل: هلا خالتي ,,, انا في بيت ساره صاحبتي
ام مشعل: خفت عليك يابنتي شفت سيارتك بالكراج قلت اكيد ماراحت للجامعه واتصل على
خط غرفتك ماتردي ولا جوالك قلت اكيد صار لها شي بسم الله عليك
مشاعل: تسلمين ياخالتي ,,, بس امس رجعنا متاخرين وقلت ماودي ارجع للبيت مع السواق
لوحدي
ام مشعل: الله يكملك بعقلك يابنيتي ... والسموحه اني صحيتك
مشاعل: خالتي لاتقولي كذا وصدقيني لو ما انتي تدوريني وتسالي عني كان انا منحاشه من
زمان ههههههههههه
ام مشعل: بسم الله عليك انشالله انا وياك الي بنحش ام سلطان
مشاعل: هههههههههههههه انشالله
ام مشعل: يالله حبيبتي كملي نومك بس قومي صلي العصر ترى اذن
مشاعل: ابشري ياخالتي
ام مشعل: مع السلامه
مشاعل: مع السلامه
قامت مشاعل تتوضا وتصلي وصحت ساره علشان تصلي الضهر والعصر
ساره: شرايك نروح نتغدا
مشاعل: غدا الحين قولي عشاء الساعه 4
ساره: ايش عرفك هذا غدا متاخر وعشاء مبكر
مشاعل: مو الحين خلي الشمس شويه تروح حررر
ساره: يله بس انا ميته جوع
مشاعل: مشينا يله من يقدر عليك
طلعت ساره مع مشاعل وكانت مشاعل فيها نوم وحطت راسها على شباك السياره
وغمضت عيونها
ساره: شرايك نروح الريف اللبناني؟؟
مشاعل: اي مكان بس خلصينا
حست مشاعل ان السياره وقفت اكيد عند الاشاره لان المطعم مو قريب لهدرجه فتفحت
مشاعل عيونها كانت جالسه يمين طالعه كوفي المساء وفكرت ليش المساء مايدخلون الا
شباب واحنا يالبنات ليش ماحطوا قسم لنا وش هالنذاله فيهم
مشاعل: سارونه بسرعه ماتعرفي محل حلويات هنا بسرعه
ساره: ايش حلوياته نبي نروح نتغدا
مشاعل: يالله منك بسرعه اي محل ماني قادره افكر بسرعه
ساره: طيب طيب
واتجهوا لاقرب محل حلويات ,,, نزلت مشاعل اسرع يمكن من البرق حتى انها كانت بتطيح
اكثر من مره
مشاعل: لو سمحت ابي اكبر كيكه عندكم
البائع: حاظر,, بس شو بدك شوكولا ولا فرواله ولا..
مشاعل قاطعته: اي شي بس خلصني بسرعه
البائع : اوكي تعي شوفي الاشكال واختاري
مشاعل قفلت اخلاقها من برودته احر ماعندها ابرد ماعنده: اوكي هذي
كان اختيارها كيكه متوسطه الحجم ,, دفعت له باسرع من السرعه وركبت السياره قبل حتى
ساره ماتركب
مشاعل: بسرعه روح على طول
ساره : ممكن افهم ايش السالفه
مشاعل وهي فرحانه: راح تعرفي بس استني شوي
ساره: مدري ايش صار لك هاليومين غامضه
مشاعل: يالله هالاشاره الله ياخذها طولت مره
ساره: ميشو بليز قولي لي ايش فيك
مشاعل: اوكي بس بس وقف هنا
ساره: مجنونه انتي وين بتروحي هذا الكوفي مافيه قسم عوائل و...
ماسمعتها مشاعل لانها نزلت
كان كوفي المساء كله درج يعني كانها طالعه قلعه وماهتمت صارت تركض وتركض
وتركض لحد ماوصلت الباب وكان برا جلسات كلها شباب بس كويس انها كانت فاضيه لان
الشمس ماتساعد احد يجلس فيها
دخلت من الباب وكانت كل الانظار عليها من هالبنت الجريئه الي تدخل مكان كله شباب
ومافيه قسم عوائل وممنوع اصلا انها تدخل
جاء واحد يركض له
: بليز ممنوع تدخلي هون ... هيدا بس للشباب ممنوع الصبايا يفوتوا هون,, ازا بدك شي
ابعتي الشوفير وانا ببعت لك طلبك معو
مشاعل: اسمع بعطيك الي تبي بس بعد عني
: بليز ممنو..
ماكمل كلامه لان مشاعل من اول مادخلت وهي تدور بين الشباب وكانها لقت الي تدور عليه
وطنشت الي كان يكلمها ومشت للمكان الي كانت تطالع فيه ,,, مشاعل طبعا ماكانت تتغطى
بس لما دخلت الكوفي تلثمت ,,
ساره مره استغربت حركتها وصارت المسكينه تلحقها من مكان لمكان يمكن تقدر تلحق المصيبه الي اكيد بتسويها ميشو
وقفت مشاعل عند طاوله فيه 5 شباب وكانوا يطالعونها منصدمين
حطت مشاعل كرتون الكيكه على الطاوله وطلعت الكيكه وعلى طول في وجه طلال
كل الي بالكوفي انصدموا ايش الجرئه الي تخلي بنت تدخل مكان شباب وتبعد اي واحد
يحاول يمنعها او يعترض طريقها وتوقف عند طاوله شاب وتطلع كيكه وتعرزها في وجه
واحد
كل الشباب الي كانوا موجودين ماتوا ضحك,, اما اصحاب طلال محد تكلم مصدومين وفي
هاللحظه خذت مشاعل منديل ومسحت عيون طلال وفكت لثامها
مشاعل: مره ثانيه لاتتجراء حتى انك تتحداني
ومشت وكانها ماسوت شي
وماكانت تسمع الي صوت ضحك الشباب وصوت الي حاول يمنعها من الدخول يتكلم بكلام
فهمت بعضه وبعضه لا بس الاكيد انه كله سب فيها واهم صوت سمعته والي اعجبها صوت
الانتصار داخلها حست كانها اخذت جائزه كانت تتمناها من قرون
ركبت السياره وركبت بعدها ساره
مشاعل: اوكي الحين انا ياسارونه ميته جوع روحي وين ماتبي
ساره قالت للسواق يروح للمطعم وسكتت ماتدري ايش تقول عن هالموقف الي شافته
وبعد ثواني انفجرت ساره من الضحك ومعاها مشاعل وظلوا يضحكوا لما وصلوا للمطعم
حتى بعد ماطلبوا الاكل وهم يضحوا
بعد ماهدت ساره
ساره: تدري انك اجن بنت قابلتها بحياتي وهذا الي عاجبني فيك
مشاعل: حبيبتي انا قلت ماراح امشيها له وشوفي ايش سويت
ساره: بس شلون عرفتي انه هناك
مشاعل: ههههههههه بالصدفه طاحت عيني ع الكوفي وقلت غريبه انه مافيه قسم عائلات
وصرت اطالع السيارات الي موقفه برا وشفت سياره الغبي طلالوه وقلت هذي فرصتي
ساره:ههههههههههههههه ايش موقفك لو مالقيته
مشاعل: كنت بتحطم ويمكن احذف الترم هذا واقضي يومي بالشارع ادور عليه ههههه
ساره: ههههههههههههههههه, شفتي رده فعله هو واصحابه؟؟؟
مشاعل: لا بصراحه كنت ابي اهرب اخاف يسوي لي شي
ساره: فاتك وربي , تخيلي اصحابه ودهم يضحكوا بس اظاهر خايفين منه ههههههههه
مشاعل: هههههههههههههههه
ساره: وهو كان مو مصدق يطالعك وياطلع اخوياه وكانه يقول لهم قولوا لي انه حلم
مشاعل: هههههههههههههههه خلاص يكفي سارونه وربي بيصير لي شي اليوم من كثر
ماضحكت
ساره: بس انتي بايخه ليش ماقلتي لي علشان اصور الموقف وربي حرام يروح كذا بدون
تصوير
مشاعل: اسكتي انا كنت مره خايفه كنت بضرب الكيكه بوجهي مو بوجهه لما شفت نظراته
لي يمه مره يخوف
ساره: غريبه ماعرف عيونك
مشاعل: هو شكله استغرب مين هالبنت الي تطالعني ههههههههههههههه
ساره: ااااه وربي احلى موقف مر علي بحياتي
مشاعل: هههههههههههههههه وياما بتشوفي منه كثير اذا ماتركني بحالي
ساره: ههههههههههههههههههههههه
============================
رجعت ساره مشاعل للبيت
في الصاله كان فهد وفيصل وسلطان يطالعون التلفزيون
مشاعل: هلا والله باحلى اخوان بالدنيا
محد رد
مشاعل: يؤؤؤ ليش كذا مسوين ايقنور علي ,, عطوني وجه
سلطان بغير نفس: هلا
مشاعل: ايش صاير ؟؟
سلطان: ماما حرمتنا من الطلعه الاربعاء والخميس والجمعه الجايه
مشاعل: ليش؟؟؟
سلطان: علشان فهد درجاته مو كويسه
مشاعل: وليش فهد درجاته مو كويسه؟؟؟
سلطان: ماذاكر طبعا
مشاعل: فهد مو انا قلت لك لاتهمل دروسك؟؟ شوف شلون الحين لاانت بتطلع ولا اخوانك
فهد: عادي اسبوع واحد مايهم ,, انا لو ذاكرت راح احرم نفسي من المتعه سنه كامله كل
يوم مذاكره
مشاعل: تفكيرك غريب فهودي ,, طيب اسمع خلنا نسوي اتفاق شرايك
فهد: اذا الموضوع يخص الدراسه ,, مابي
مشاعل: هيه انت فيصل شارك في السوالف والا فهد مو اخوك؟؟؟
فيصل: اسكتي ميشو انا صغير ماعرف شي
مشاعل وفهد وسلطان : هههههههههههههههههههه
مشاعل: طيب فهودي شرايك يوم السبت نطلع نتمشا انا وانت وسلطان والصغير الي
مايعرف شي
فيصل: هيه بنطلع هيه ,,, ميشو وديني للملاهي طيب
مشاعل: الحين عرفت تتكلم وماصرت صغير هاه
فيصل: اوووووووووه ماما
سلطان: اسكت لاتجي الحين وتقول مافيه طلعه
مشاعل: فيصل ماراح اوديكم الملاهي بوديكم مكان احلى من الملاهي
فيصل: لاااااااااا ابي الملاهي
مشاعل: خلاص انا وفهد وسلطان نروح مكان حلو وانت نوديك لحالك للملاهي
فيصل: لااا روحو معي الملاهي
مشاعل: والله الاناني طيب خلاص اذا جاء يوم السبت اتفاهمنا فهودي حبيبي تعال ابيك شوي
فهد : اوكي
دخلت مشاعل وفهد لغرفتها
مشاعل: فهدوي حبيبي ممكن اسولف معاك شوي
فهد: ايه بس مو عن الدراسه
مشاعل: هو عن الدراسه ومو عنها
فهد: شلوون يعني؟؟
مشاعل: امممممممممم ,, فهودي انت كنت من المتفوقين بالدراسه ايش صار لك فيه احد
مزعلك او احد مضايقك؟؟؟ علمني انا اختك وانشالله اقدر اساعدك وانت عارف اني
الموضوع راح يكون بينا يعني محد راح يعرف
فهد: مافيه شي بس كذا مالي خلق اذاكر
مشاعل: اها وليش مالك خلق اكيد فيه شي مطفشك او مزعلك؟؟؟؟ ممكن اعرفه
فهد: لا مافيه بس طفش كذا اذاكر واحفظ
مشاعل: طيب ماتبي تنجح مثل اصحابك والا تبي اصحابك ينجحوا وانت تعيد السنه
ويضحكوا عليك
فهد: وبعدين اذا نجحت
مشاعل: تروح للمتوسط
فهد : وبعدين
مشاعل: تروح للثانوي
فهد: وبعدين
مشاعل: تدخل الجامعه
فهد: وبعدين
مشاعل: فهد ايش اصير لك اليوم
فهد: كملي وبعدين؟؟؟
مشاعل: اكيد تشتغل
فهد:وين
مشاعل: مع بابا بالشركه
فهد: انا مابي اشتغل مع بابا ابي اصير طيار وماما تقول لا لازم تشتغل مع ابوك علشان
اخوانك مايسرقون فلوسنا
مشاعل: يالله يافهودي علشان تخلص ثانوي باقي لك 9 سنوات ,,, ومن الحين تفكر وين
تشتغل هههههههههههه
فهد: لاتضحكي ,,, ليش ادرس واتعب نفسي وانا اصلا بشتغل مع ابوي
مشاعل: طيب واللي يكلم ابوي ويخليك تصير طيار ايش له
فهد: والله ميشو ,, لك والله الي تبيه
مشاعل: ابي بوسه ممكن
وباسها بوسه كبيره
مشاعل: بس توعدني انك تهتم بدروسك
فهد: مشاعل تدري اني احبك اكثر من ماما
مشاعل: لا حبيبي هذي ماما وعيب تقول هالكلام
فهد: بس هي دايما تهزئك وتهزئني انا وسلطان وفيصل انا اخاف منها بس انتي مااخاف منك
واقول لك كل شي
مشاعل: حبيبي ابيك توعدني ان اي شي يزعلك لازم تقول لي عليه وانت عارفني اني ماراح
اقول لاحد حتى لسلطان
فهد: شكرا ياميشو
مشاعل: العفو حبيبي ولاتشيل هم الحبسه انا انشالله السبت اطلعكم ونعوض ايام الحبسه
---------------------------------------------------------------------------------
بعد الموقف الي صار لمشاعل هذي اول لحظه تكون لوحدها وبدت تفكر في طلال وضحكت
لما تذكرت الموقف
مشاعل\" مسكين اكيد الحين معصب ,,, وبطته الي يقول عنها اكيد قال لها عن السالفه ,,,
والا مسكينه ماتدري ,, مسوي عندها انه الولد القوي الي محد يقدر يهزه مسكين,, الحين
بس انام وانا مرتاحه ,,, واصلا بعد هالموقف ماتوقع انه اصلا يفكر يطلع من الفشيله
تذكرت ان حسين دق عليها 7 مرات لما كانت نايمه في بيت ساره
اخذت موبايلها ودقت على حسين
مشاعل: هلا حسونه
حسين:هلا بالنصابه
مشاعل: ليش نصابه؟
حسين:خويتك ماردت علي والا بس عطيتيني رقمها تسكيته؟؟
مشاعل: لالا انا قلت لها ماترد عليك ,, لاني كنت نايمه عندها ومانبي نخرب السهره
حسين:اه يالبجيحه بعد تقوليها بوجهي المهم ماعلينا كانت عندي اخبار لك عن خوينا طلال
مشاعل: ايش قول؟؟
حسين:مو انا اخرب السهرات ماارح اقول
مشاعل: حسينوه بتقول والا شلون
حسين:لا
مشاعل: عادي اصلا خلاص الموضوع مايهمني
حسين:شلون؟؟
مشاعل: اليوم انتقمت منه وماراح اقول لك شلون
حسين:احلفي
شاعل: والله
حسين:ايش صار ؟؟؟ قولي لاتتغلين
مشاعل: اول قول الي عندك
حسين:مو خلاص مايهمك؟؟؟ والا عشش في القلب وبنا قصور ؟؟؟
مشاعل: والله انك سخيف اقول لك اكرهه تقول في القلب
حسين: مابعد كره الا محبه والا؟؟ بس الولد يستاهل فلوس.. وشكل.. واسلوب.. ورجل ..
يعني صراحه مايعيبه شي ,,,كامل والكامل وجه الله ... الا انه مايطيقك بس
مشاعل بنتباه وتركيز: ايش عرفك؟؟
حسين:ابد امس سولفت انا وياه وحكى لي عنك
مشاعل: ايش قال؟؟
حسين: قال انه مايطيقك وانه اذا طلع وشاف سيارتك يرجع للبيت وانك شينه مره وثقيله دم
مشاعل عصبت: من زينه هو عاد مصدق نفسه احسن اليوم سويت فيه حركه اسمع ايش
سويت وبدت تحكي له كل شي
حسين: هههههههههههههه ,, وربي انك مجنونه ياليتني كنت هناك اشوف ,,, بس عموما ترى
الكلام الي قلت عنه كذب اصلا الولد ماكلمني ولااعرفه الا من بعيد امس رحت عنده مع
واحد من الشباب قلت بشوف بيته والله مشالله الولد كاش ومؤدب ومحترم غريبه يسوي
معك كذا
مشاعل: يالنصاب تكذب بعد كل هذا علشان تعرف السالفه يالملقوف ,, المهم قول لي ماصار
شي هناك؟؟؟
حسين: لا عادي شباب ومجتمعين ايش الشي الي ممكن يصير
مشاعل: يعني جو بنات شي
حسين: لالا الولد واضح عليه مو راعي هالحركات ابد ,,, يمكن فيه واحده يحبها ,, بس
واضح الولد مو راعي ابد حركات الغزل والهبال,, علشان كذا انا مستغرب
مشاعل: ايش عرفك ان فيه وحده يحبها؟؟؟
حسين:هذا الي همك؟؟؟ اقول ترى سلمان يسال عنك شكلك ساحبه عليه حرام عليك ترى
سلوم يحبك لا تصيري ثقيله عليه
مشاعل: ايش جاب طاري سلمان الحين انا اسالك عن طلال
حسين: ميشو ماتلاحظي انك مهتمه فيه بزياده تبين اجيب لك رقمه
مشاعل: الشرهه مو عليك الشرهه على الي يسولف معاك
حسين: ادري انك ماتقدري تزعلي علي لاني سكرتيرك وماتقدري تستغني عن خدماتي الشبابيه
مشاعل: لاتصير واثق مره ,,, اصلا انا خلاص نويت اترك كل الي اعرفهم خلاص مليت من
المكالمات
حسين: والله باين السناره غرزت ,,, طحتي ياميشو ولا احد سمى عليك ,, اقول انسي الولد
ترى والله مايصلح لك ابد
مشاعل: يووووووووه باي بس انت سخيف وتفسر الامور على كيفك
حسين: اوكي باي باي بس بتدقين علي وانتي تعترفين بحبك له ادري
مشاعل: باي
مره ايام الاسبوع عاديه من الجامعه للبيت ومشاكل ام سلطان الي ماتخلص ومن البيت
للجامعه
مشاعل قلت طلعاتها وبدت شوي تنتبه لدروسها لان الامتحانات قربت
دق موبايل مشاعل المتصل حسين
مشاعل:الو
حسين:هلا براعيه الالو
مشاعل: هلا والله كيفك
حسين: سلمان ماخلاني انام ولاارتاح بس قلقان عليك ,, ردي وريحيني منه
مشاعل: انا قلت له عندي اختبارات مايقدر؟؟؟
حسين:المهم ماعلينا غريبه ماصرت اشوفك تدوري كثير ايش عندك؟؟؟
مشاعل: مليت قلت اخذ فتره نقاهه ههههههههههه
حسين: نقاهه والا خايفه من بعض الناس؟؟؟
مشاعل مو فاهمه قصده: بعض الناس ؟؟؟؟؟
حسين: علينا ,,, طلال,,, لو تشوفيه كل يوم بالعليا احس انه يدورك ,,, والله شكله بيقتلك
مشاعل: من جدك انت اخاف انا من هالاشكال اصلا مايهز شعره مني
حسين: طيب اذا انتي مو خايفه اطلعي اليوم
مشاعل: واذا طلعت وهو مو موجود كذا ماراح استفيد لامذاكره ولا اثبت لك اني مو خايفه منه
حسين: لا تخافي سيارته قدامي معه واحد وشكلهم يدورون يرقمو يعني ماتوقع يرجعوا بدري
مشاعل: يرقموا مو انت تقول انه مو راعي هالحركات؟؟؟؟
حسين: مدري يمكن فطرتي قلبه هههههههههههههه
مشاعل: اوكي انا طالعه بس خلك قريب منه علشان0 ماجلس ادور عليه
حسين: انتظرك ميشو لاتطولي
مشاعل: باي
ولبست مشاعل في ظرف 10 دقايق وطلعت من البيت
مشاعل بعد ماوصلت العليا والزحمه قالت ادق على حسين اشوف وينه
حسين: هاه وينك ؟؟؟
مشاعل: انا عند ستار بوكس العليا وينك انت؟؟
حسين: انا ورا حبيب القلب
مشاعل: حبيب القلب بعينك ,, انت باي شارع
مشاعل كانت متحمسه تبي تشوفه يمكن علشان تقهره بعد الحركه الي سوتها فيه ويمكن شي
ثاني بس الي تعرفه انها من اخر مره شافته فيها وهي ماتفكر الا فيه
حسين: الو الو وين رحتي
مشاعل: معاك ,, ايه وين قلت لي
حسين: تعالي تقاطع الثلاثين مع الضباب بسرعه
مشاعل: اوكي اذا وصلت دقيت
وقفت ميشو عند توتي كوفي وكان المكان مره زحمه كله سيارات وقالت ادق على حسين
اشوف وينه ورفعت الموبايل بتدق بس سمعت بوري سياره,, التفتت لقت حسين ياشر لها ,,
فتحت الشباك
حسين: هلا والله ايش عندك كل يوم تحلوين
مشاعل: هههههههههه ياملحك بس مين معاك
حسين: معاي واحد لازم تعرفي كل اخوياي ,,, مو معقوله انتي ياميشو لهدرجه تغاري علي
حتى من اصحابي؟؟؟
مشاعل: انا اغار عليك انت,,, ليش خلصوا الشباب؟؟
حسين:ههههههههههههههههههه
مشاعل: ماودك ترد على موبايلك انا اتصل
حسين:ايه ايه مانتبهت ,, يالله ميشو حتى اتصال تتصلي علي مايكفيك اني قدامك خلاص
خنقتيني بهالحب
مشاعل: حسينوه ايش فيك اليوم صاير لعقلك شي,, رد يادرج
رد على موبايله وقفل الشباك
حسين: ياغبيه طلال جنبك ويسمع كل شي ,, حبيت اقهره ,, لانه مبين عليه متحمس يبي يسمع
مشاعل: احلف وينه
حسين: السياره الي على يمينك بس مو الفراري طالع بسيارته الثانيه ترى مو مضلله بس
لا تلتفتي الحين علشان مايحس اننا نتكلم عنه
مشاعل: اوكي باي
قفلت واستنت شوي والتفتت
لقته يطالعها ارتبكت شوي من المشاعر الي حستها جد كانت مشتاقه تشوفه حست نبضات
قلبها بدت تسرع حست قلبها بيطلع من صدرها نفسها تبتسم له وتقول خلنا ننسى الي راح ...
بس المشكله هي ماتعجبه ويكرهها مو معقوله تذل نفسها له ,, واكيد بعد الي سوت له
مستحيل يفكر فيها
رجعت طالعت لقته يحاسب عن الكوفي الي طلبه له ولصاحبه
مشاعل: يالله ,, يابخت الي يحبها ,,, اكيد اسعد وحده بالدنيا,, شلون ماتكون مبسوطه وفيه
كل معاني الرجوله ... لو انا حبيبته تكفيني بس عيونه ,, يابختها خويته
بعد مادفع الحساب طالع طلال مشاعل واشر للفلبيني على سياره بنات كانت واقفه جنب طلال
والبنات كانوا كاشفين ويطالعوا طلال وخويه
انتظرت ميشو تبي تشوف ايش راح يصير ,,, رجع الفلبيني لطلال وتكلم معاه ,,, وابتسم
طلال للكلام اللي قاله الفلبيني واخذ موبايله طلال وكانه يتصل او يمكن يرسل رساله ,,
لاحظت مشاعل ان وحده من البنات كانت تطالع موبايلها وكأنها تنتظر شي
مشاعل خافت ان اللي في بالها يكون صح ان طلال يرقم البنت
البنت الي كانت بالسياره طالعت طلال وابتسمت واشرت له انها خلاص وصلها الرقم
مشاعل\"يعني كان يرسلها بالبلوتوث رقمه الحقير مسوي اخلاق طيب\"
طالعته لقته يطالعها وهو ماسك ضحكته,,, فتحت شباكها وقالت له
مشاعل: الله لايعمينا اذا تبي ترقم اعرف مين تختار مو هالشينه الي ماتعرف الحلا
طلال: يمكن تكون شينه ,, بس احلى منك. وابتسم
مشاعل: انت اصلا مغرور وشايف نفسك وهذي الشينه كفوك صدق الطيور على اشكالها تقع
طلال: ههههههههه صادقه لاني ماوقعت عليك لانك مو من اشكالي ,, بس اهنيك على خويك
باين عليه خرووف تتحكمي فيه زي ماتبي
مشاعل تذكرت ان حسين موجود وتمنت ينقذ الموقف ماودها تدخل في مشاكل مع طلال
طلال: اسمعي يابنت الناس
مشاعل: خير
طلال: بليز اذا شفتيني تخيلي اني مو موجود وانا كمان نفس الشي ,, خلاص اخذتي بثارك
المره الي فاتت ,, وماتوقع بينا كلام ,,, علشان كذا خلينا نتحاشى بعض احسن
اتفقنا
مشاعل حست بحزن ماتدري ايش سببه يمكن علشان يطلب منها انها تبتعد عنه,, اشمعنا انا مايبيني ,,, ليه
مشاعل: اتفقنا ,, بس مو اذا شفتني بمكان تتميلح عندي اوكي
طلال ابتسم ابتسامه استهتار ورفع حواجبه: ابشري ماراح اتميلح على قولتك ,, تبين شي ثاني؟؟؟
مشاعل: ايه
طلال حس انه عطاها وجه : خير
مشاعل: لاترقم صاحباتي اوكي
طلال: وليش انا اي بنت برقمها لازم اسالها اذا تعرف مشاعل او لا؟
ايش عرفه باسمي ... الحين تاكدت انه يعرفني قبل
مشاعل: كيف عرفت اسمي؟؟
طلال: الي يسال مايتوه .. وانتي اشهر من نار على علم
مشاعل: ايش قصدك مشهوره؟؟؟
طلال: انتي اعرف بنفسك.. اسمعي مشاعل انا مو فاضي لسوالفك خلاص مثل ماتفقنا
مشاعل: اوكي لي الشرف اني اتجاهلك,,, واصلا ماراح اطلع الايام هذي ارتاح عندي اختبارات
كانت تبي تتكلم معاه باي موضوع يمكن تخف حده التوتر الي بينهم
طلال: الله يوفقك .. مع السلامه
مشاعل: باي
ابتعد طلال بسيارته البنتلي وهي تطالعه
مشاعل\" يالله ليش انا حريصه عليه ابي اطلعه من راسي مو قادره\"
حسين كان يدق ويدق ,,, التفتت جنبها لقته واقف بسيارته معصب ويأشر على موبايله
ردت عليه وهو متضايقه
حسين: خلاص اذا هو جنبك تصفطيني على جنب؟؟
مشاعل: خلاص اصلا اتفقنا اننا مانكلم بعض وكل واحد يتحاشى الثاني
حسين: وليش تقوليها بمراره
مشاعل: حسين
حسين: هلا
مشاعل: احس اني مقدر اشوفه يرقم بنات ... مقدر اسمعه يكلم اي بنت ,,, احس الغيره بتذبحني
مقدر اشوفه ومااكلمه ...مقدر اشوفه وماحط عيني بعينه
حسين: يالله كل هذا وانا مدري,,, كل هالمشاعر ماطلعتيها الا لهذا,,, والله الي منتي لاقيه منه ريق حلو
مشاعل: حسين الله يخليك اوقف معاي
حسين: والله ياميشو ماتوقعت انك رومانسيه لهدرجه
مشاعل: حسين قول له اني ابيه بليز
حسين: وكرامتك يالمجنونه
مشاعل: حسين شسوي ... طيب جيب لي رقمه وانت ماعليك
حسين: مشاعل فكري زين بالموضوع لاتتسرعي يمكن يردك وهذيك الساعه بتكرهي نفسك
مشاعل: تتوقع يرفضني؟؟
حسين: لا انا متاكد
مشاعل: ايش اللي يخليك متاكد؟؟
حسين: نظراته لك وكلامه معاك.. لو يبيك كان رقمك اول مره شافك فيها
مشاعل: حسين يمكن هو يعرفني لانه يعرف اسمي
حسين: اذا هو يعرفك انا ابصم لك على المليون انه ماراح يتعرف عليك
مشاعل: ليش انشالله
حسين: ببساطه بيعرف انك مغزلجيه واكيد ماراح يدخل نفسه في متاهات مع وحده تعرف
غيره 10000000 واحد
مشاعل: حسين حرام عليك انا مو كذا
حسين: اجل انتي ايش ؟؟ ماتكلمي؟؟ ماتعرفتي على نص الشباب الي يدورا اذا ماكنوا كلهم
تتوقعي يكلمك ليه علشان انتي حلوه؟؟؟ فيه غيرك حلوات ... علشان اسلوبك معاه؟؟؟ انتي
شفتي شلون تعامليه .. بالله قولي لي ليش يكلمك؟؟؟
مشاعل تتكلم وصوتها مبحوح كانت العبره تخنق صوتها: حسين ,,,بعدين اكلمك
وغطت وجهها بالطرحه وهذي اول مره تسويها ماكانت تبي حسين يشوف دموعها
وقتها عرف حسين انها كانت جاده بكلامها وانه اكيد جرحها بس حسين يحب مشاعل كصديقه
ولازم يصارحها ماوده يكذب عليها
----------------------------------------------------------------------------
وصلت البيت وهي شبه منهاره تفكر ايش الي خلاها تكلم شباب وتتعرف على هذا وذاك
يمكن وضعها في البيت او يمكن تبي تحس انها مرغوبه ,, وفيه شباب يتمنوها ...طيب كانت
حياتها ماشيه حلو لحد ماطلع طلال ,, اشمعنا طلال ,, يمكن علشان هو غير الشباب,,, ماكانت
تهمه او تحرك فيه شي... يمكن... ليش ماتعتبره مثل اي واحد,,, لانه حسسها انها ولاشي وهذي
اول مره تحس بهالاحساس ,,, اكيد هذا السبب الي خلاها تتعلق فيه ,, بس مجرد ماتتعرف
عليه اكيد راح يكون مثله مثل غيره
-------------------------------------------------------------------------------
في سياره طلال
عبدالله: اقول شفت خوي مشاعل
طلال: ايه ايش فيه
عبدالله: ماعرفته
طلال: لا
عبدالله: هذا الي سالتك عنه بالمجلس
طلال باستغراب: كان عندي بالمجلس
عبدالله: ايه شلون مانتبهت له, قلت لك ان فيه ناس يجوك وانت ماتدري عنهم ,, شكله هو
الي عطاها معلومات عنك,, لما اقول لك لاتدخل مجلسك ناس ماتعرفهم تسمع كلامي
طلال: صادق والله ... بس غريبه شلون دخل مجلسي اكيد يعرف احد من العيال
عبدالله: ايه شكله يعرف ابو خليل لاني شفته يسولف معاه
طلال: ماعلينا خله يقول لها اي شي انا مو خايف من شي,,, بعدين خلاص انا حددت موقفي
معاها وماظنها بتضايقني او تفكر فيني حتى
عبدالله: اشك ,,, انت ماشفت لما رقمت البنات كيف كانت بتاكلك بعيونها,,, تدري لو انا
ماعرف شخصيتها كويس,,, كان قلت انها تحبك
طلال: هههههههههههههههه حب مره وحده والله كلمه الحب اشوفها سهله على لسانك
عبدالله: لو انت شفتها كان قلت اكبر من هالكلمه
طلال: يمكن تكون انقهرت لاني مارقمتها وهي متعوده انها تترقم دايما علشان كذا حست بالغيره
من البنات بس حب ماتوصل ابد
عبدالله: بصراحه البنت هذي احس حتى ابوها ماتحبه
طلال: بعكسي احس عندها مشاعر ماتملكها اي انثى ,, بس محتاجه من يفجرها
عبدالله يتكلم بخوف: ومن الي بيفجرها لايكون انت بس؟؟
طلال ضحك على خويه الي خاف: يمكن ليش لا ههههههههههه
عبدالله: اقول بس خلك بعيد عن الشر وغني له
طلال: تدري من كثر ماتهاجموها بديت ارحمها
عبدالله: اقول ترى طاريها يحسسني بالاشمئزاز غير السالفه تكفى
طلال: احلى يااشمئزاز , ليش حامل؟؟
عبدالله: هههههههههههههههههههه , ايش دخل الحمل يالدلخ
طلال: مدري عنك ,, تدري ابو عابد حسيت في عيونها كلام كان ودي اسمع ايش تبي تقول
عبدالله: طلال,, انت الي عندك كلام تبي تقوله ,,, قول وخلصني,, تبيها؟؟؟
طلال: مجنون انت ,, ولا افكر حتى ,, اول شي انا مشغول بالمؤسسه ,, وبعدين مع امي واخواتي
الي مو قادرين يتأقلمون هنا ,, تعرف احنا عايشين برا وتعودنا على بيتنا هناك والبيئه والناس
هناك غير هنا يمكن انا قدرت اتاقلم لاني اجي هنا كثير علشان المؤسسه بس هم لسى ,, وبعدين
لو فكرت احب مستحيل احب البنت هذي لسببين اول شي انا مااثق فيها ثانيا مستحيل اخون غسان
عبدالله: بس غسان انتهت العلاقه بينهم من زمان
طلال: ادري بس كانت خويته بيوم من الايام
عبدالله: افهم من كلامك انك كنت مفكر بالموضوع
طلال: اممممممممم يمكن لو كانت الظروف غير يمكن ,, بس في هالاوضاع مستحيل
عبدالله: الحمدلله انه مستحيل,, مدري ليش البنت هذي عندها سحر اي واحد يشوفها يحبها
طلال: المشكله ياعبودي المظاهر دايما خداعه
عبدالله: ماعلينا البنات الي شفناهم هاه رقمتهم
طلال: ههههههههههههه ايه ارسلت لهم الرقم ناقص
عبدالله: مجنون ليش؟
طلال: انت عارف اني ماحب ارقم بس كنت ابي اقهر مشاعل,,, بشوف ايش راح تسوي
عبدالله: وتقوم تنقص رقم كان عطيتهم رقمي انا ياشيخ
طلال: مره ثانيه انشالله اذا شفت مشاعل اعطيهم رقمك
عبدالله: وليش انت ماترقم الا اذا شفتها
طلال: تدري عبودي احب نظرتها لما تشوفني ارقم غيرها
عبدالله: الله يستر شكلك بتقلب غسان الثاني
طلال: لاتقارني بغسان ,, يمكن غسان ماعرف شلون يوصل لقلبها
عبدالله: وانت ناوي توصل انشالله
طلال: قلت لك البنت ماتصلح لي بس مومعنى كلامي اني ماقدر اوصل لقلبها
عبدالله: مصدقك انك تقدر بس الله يخليك فكنا من المشاكل اخاف بعدين هي الي توصل لقلبك
طلال: هههههههههههههههههههههههههههههه تبطي
ورفعوا على صوت الاغاني وكملوا مشوارهم
</P>
مشاعل بدت تحس احاسيس غريبه اول مره تحس فيها تجاه اي شخص ,, تعرفت على شباب
كثير ارتاحت لبعضهم,, والبعض كرهتهم,,, يمكن بعضهم حبوها بصدق,, واكيد البعض كانوا
يكذبوا عليها ,,, من ناحيتها ما كانت تعتبر المكالمات غير تسليه وتضيع وقت ومايهمها اذا
فيه شخص يحبها وهي تخدعه ,, المهم انها تتسلى ,,, وماهمها ايش تترك من اثر في حياه الشاب
الي تكلمه ,,, بس بعد ماطلع طلال بحياتها ,,, حست باحاسيس مشوشه ماتعرف هي حقد والاتملك
يمكن علشان ماحسسها انه يبيها وهذي اول مره واحد يطنشها,, حست المفروض تتملكه,, بس
الكلام الي قالته لحسين مايدل الا على (حب)
مشاعل\" انا لازم مااشغل نفسي به,,, اهم ماعندي الحين اني اركز على دراستي مابي احمل مواد
لان ورانا سفره ومابي ابوي يحرمني منها ,, اما موضوع طلال راح اخليه للايام ,, وهي كفيله
انها تنسيني واحد اسمه طلال \"
اول ماقالت هالكلمه حست الم في قلبها ,, هنا طرا على بال مشاعل الف سؤال وسؤال ليش
لما افكر اني انساه احس اني مقدر ,,, نزلت دمعه من عينها ,,, كانت خايفه من الي يصير لها
خافت من تطور مشاعرها بهالسرعه
فتحت المسجل يمكن تقدر تنسى طلال ,,, اشتغلت اغنيه اليسا (حكايتي معاك ) طرى على بالها طلال
وبدت انغام الموسيقى تملى الغرفه وحست بالحنين والشوق لطلال مع انغام هالاغنيه الرومنسيه
وبدت اليسا تغني ,, بس مشاعل حست انها هي اللي تغني لطلال لانها حست الكلمات كانها
تطلع من قلبها
((في اول الحكايات حكايتي معاك ,,,بقى لي زمان واخدني هواك,, وجوى في قلبي ليك ايام مابتتنسيش))
تذكرت اول مره شافت طلال وش الاحاسيس الي حست فيها صح انها كانت مجرد اعجاب بس شلون الحين بدت تطور
وهم مابينهم شي شلون لو صار شي ايش راح يصير لها
((واخر الحكايات حكايتي معاك خلاص حبيت وانا اتحبيت وعايشه معاك كاني اول مره اعيش))
تخيلت نفسها في الزفه تنزف في يوم عرسها على طلال
يالله قديش هالاحساس حلو ان طلال يكون لها لوحدها وهي له وماتفكر ابد بغيره يكون فارسها وهي انشالله تكون جاريته المهم تكون معاه
غمضت عيونها وهي تستمتع بنغمات الموسيقى وقطع عليها صوت الباب
مشاعل: مين
الخدامه: مدام يور موبايل
مشاعل: مشاعل تذكرت انها لما رجعت من برا تذكرت انها نست موبايلها تحت بالصاله
فتحت لها الباب واخذت الموبايل ,,, شافت الاتصالات ومن بينها رقم اخوها مشعل ,,
غريبه مشعل ايش يبي بهالوقت,, اتصل عليه
مشاعل : الو
مشعل : هلا ميشو
مشاعل: هلا والله ,,و اخيرا تذكرت ان عندك اخت
مشعل : لا انا كنت فاقد الذاكره ,, المهم تعالي الحين الحقيني
مشاعل وبان الخوف في صوتها: مشعل ليش ايش صار خالتي فيها شي؟؟
مشعل : خالتك ,, لاحبيبتي انا الي فيني ,, خالتك بتذبحني تعالي بسرعه
مشاعل: ههههههههه اوكي جايه ,, الله يعنين على مشاكلكم,, مدري بدوني شلون تمشون حياتكم
مشعل : عن الهذره تعالي بس
مشاعل: يله جايه باي
مشعل : باي
نزلت مشاعل من غرفتها لقت بالصاله ام سلطان جالسه لوحدها ,, غريبه مو طالعه اليوم
الاربعاء ومو من عادتها تجلس بالبيت لانها كل اربعاء تروح لاهلها
مشاعل: السلام عليكم
ام سلطان:.............
مشاعل: عليكم السلام
ام سلطان: ...............
مشاعل: ترى رد السلام واجب ,, بس علشان اعلمك,, بس براحتك اذا ماتبي تردي
ام سلطان: غريبه نزلتي من قوقعتك ,,, اكيد بتطلعي ,, لانك يابرا يابغرفتك
مشاعل: لا بروح للناس الي يحبوني وانا احبهم
ام سلطان تطالع مشاعل بحقد: كفوك
مشاعل: تصدقين اشتقت لخالتي ام مشعل ,,, اليوم الي مااشوفها فيه مااعده من عمري
ام سلطان: الله يقصر عمرك انتي وياها انشالله
مشاعل: انتي قبلنا انشالله, بعدين تعالي ليش مارحتي لاهلك ,,, ههههه ولامايبونك
ام سلطان: تخسين ,,, ومالك شغل اروح والا ماروح
مشاعل: لا قلت اذا تبين احد يونسك ,,, ممكن انادي الخدامات يسولفوا معك لاني مايشرفني اسولف معاك
ام سلطان: وانا بعد مايشرفني ,,, لاني ماحب اسولف مع بنات منحرفات
مشاعل عصبت منها ايش قصدها بمنحرفه بس سوت نفسها انها مو مهمته: طيب يامؤدبه ياام وجهين باي
ام سلطان: الله لايسلم منك مغز ابره
مشاعل: ايه ام سوسو نسيت اقول لك تبين اقول لخالتي حبيبتي ام مشعل شي ,,, يعني انك مثلا تكرهيها ,,, او تغاري منها ,,, لان الناس يحبوها اكثر منك
هههههههههه تصدقين اني ارحمك احيانا ,,, فيه ناس يعزموا ام مشعل وانتي لا تدري ليه,,,
لان محد يحبك هههههههههههه
ام سلطان: صدقيني مايهموني هالناس لانهم مو من مستواي
مشاعل: هههههههههه مو من مستواك حلوه هذي,,, ليش انتي نسيتي نفسك قبل تتزوجي ابوي ,, كنت حافيه منتفه ,,, وابوي الي رزك
ام سلطان: تخسين ,, انا من يومي وانا معززره مكرمه في بيت اهلي
مشاعل: هههههههههههههه ,, لاتكذبي علي انا عارفتك زين وفاهمتك اكثر من نفسك,, يالله بس خالتي ام مشعل بنت ناس ومو مشفوحه مثلك ,, ماشالله متعوده على العز قبل ما تتزوج ابوي
ام سلطان انقهرت وحقدت على مشاعل الي دايما تذكرها بعيشتها ببيت اهلها وتعايرها بفقرها: هذا انتي بنت العز وماتربيتي ,, ايش فادتك فلوسك
مشاعل: اذا تعتبريني ماتربيت فانتي ماتسبيني تسبي ابوي ,,, وماودك يدخل ويسمع كلامك
ام سلطان: تهدديني ,, تدري لو ابوك سمع كلامك لي صدقيني ماراح يصير لك خير
مشاعل: تدري يله بس انا بروح لحبيبتي ام مشعل ,, بصراحه مابي اضيع دقيقه من عمري معك
وطلعت ماخلت ام سلطان حتى ترد
كان بيت ام مشعل وبيت ام سلطان فلتين بجنب بعض مايفصل بينهم شي وكانت ميشو لما تبي تروح لبيت ام مشعل
مايحتاج تلبس عبايه لان مافيه احد برا الي السواقين وهي مو متعوده تتغطى عن السواقين
دخلت مشاعل بيت ام مشعل وسمعت صراخ مشعل
مشاعل: السلام عليكم
ام مشعل ومشعل: عليكم السلام
مشاعل: شفيكم اصواتكم واصله اخر الشارع
مشعل: الحقيني ميشو محد يقدر يساعدني الا انتي
مشاعل: ايش صاير
مشعل: امي تبي تزوجني
مشاعل: هههههههههههه بس والله قلت لايكون احد مات بس
مشعل: ايه امي تبي تموت العزوبيه ,,, وهذا مايكفيك
مشاعل: هههههههههههههه ,, مشعل لاتبالغ
ام مشعل: قولي له ذبحني ,, الي بعمره تزوجوا وجابوا عيال ,, مشعل ابي اشوف عيالك قبل اموت
مشاعل: الله يطول عمرك انشالله وتشوفي عيال عياله
مشعل: يمه ايش عرفك يمكن اكون عقيم
ام مشعل: اعوذ بالله فال الله ولافالك
مشاعل: طيب مشعل انا عندي لك حل
مشعل : تكفين الحقيني به
مشاعل: تزوج زواج مسيار هههههههههههههه
ام مشعل: مشاعل انهبلتي,, لاتحطين الفكره براسه ,, وش مسياره ,, نبيه يعرس عرس المسلمين
مشاعل: هههههههههههه ,, هذا الحل الي يرضي كل الاطراف
مشعل: والله ماعندي مانع ,, بس انتي الي تخطبين لي
مشاعل: ههههههههههه ,, لا والله تفشلني بعد مابقى الا هذي اخوي يتزوج مسيار,, طيب مشعل خلني ادور لك بنت الحلال
واذا ماعجبتك خلاص لاتتزوج,, ايش قلت
مشعل: اوكي تخيلوا اني شفتها وماعجبتني ... خلاص انتهت المشكله
ام مشعل: مشيعل ,,, انت في بالك بنت قول لي وانا اخطبها لك ,,, ان كانت بنت ناس ومتربيه ماعندي مانع
مشعل: ايه يمه ودي اتزوج وحده رقاصه ,, واذا ماخطبتوها لي ماراح اتزوج
مشاعل: ههههههههههههههههه مين لاتكون فيفي عبده
ام مشعل: هو حرمه واسمها فيصل
مشاعل ومشعل استغربوا ايش جاب طاري فيصل
مشاعل: يمه ايش دخل فيصل في فيفي عبده
ام مشعل: مو فيفي دلع فيصل ,, انتي تنادين اخوك فيصل فيفي
مشاعل ومشعل: هههههههههههههههههههه
مشعل: لايمه هذي فيفي عبده وحده مزيونه يمه وترقص عند الرجاجيل الله لايخزينا ,, بس يمه تراها عجيز تصلح لك ,, يمكن تعلمك الرقص ,, تصيرين ترقصين عند ابوي ,, وتدلعينه
مشاعل: هههههههههههههههههههههههههههههه ,, لالا مقدر اتخيل خالتي ترقص
مشعل: ههههههههههههههههههههههههههه, لا وتخيلها تهز خصرها بالشيله الي لابستها
مشاعل: ههههههههههههههههههههههههههههههههه
ام مشعل: وجعن يوجعكم ,,, انهبلت ارقص انا عقب هالعمر
مشعل: اي عمر توك شباب ,,, انا لو القى وحده ربع جمالك لاتزوج على طول
مشاعل: ايه خالتي ماشلله عليك ,, بس ناقصه شويه ميك اب ,,, ايش رايك نروح للصالون اليوم ,, والله لاخلي ابوي يسعبل لما يشوفك
ام مشعل ابتسمت بخجل: انهبلتي انتي مير يامشاعل ,,, الحين احنا نتكلم عن مشعل ,,, وقلبتوا السالفه علي
مشاعل تبي تنقذ مشعل: هاه خالتي ترا بكره بحجز لك ,,, ونروح انا وياك ومنها ابوي عندك بكره ,,, خليه ينهبل
ام مشعل من الحيا ماقدرت قامت :الشرهه مو عليكم ,, على الي يجلس معكم
مشاعل ومشعل: ههههههههههههههه
مشاعل: مشعل ,,انا حبيت اصرف خالتي ابي اكلمك بجديه شوي
مشعل: احلى ياجديه
مشاعل: مشعل لاتاخذ الامور كلها مزح ,, مشعل انت كبرت ولازم تتزوج ,,, مشعل لازم تستقر
مشعل: يالله ميشو,, جتنا امي الثانيه
مشاعل:صدقني لو احنا مانحبك ماكان اهتمينا اذا تزوجت ولا لا
مشعل: مشكورين بس انا مرتاح كذا
مشاعل:طيب اسمع انا عارفه انك خايف من خالتي تخطب لك وحده شينه وتتوهق ,,, شرايك تخلي هالموضوع
علي,, انا ادور لك وحده فيها كل المواصفات الي تبيها,, ايش قلت
مشعل: لالا فكينا صاحباتك بزرات انا ابي وحده اصغر مني ب5 سنوات اقصى حد مابي
بزر اربيها من جديد
مشاعل: مشيعل ايش قصدك انا بزر
مشعل: يعني
مشاعل: طيب مشكور بس لاتخاف ماراح ازعل ,,, بخلي الزعل بعدين لما توافق
مشعل: طيب اسمعي انا موافق تخطبين لي بس بشرط
مشاعل:اشرط وتدلل
مشعل: يؤؤؤ لهدرجه متحمسه,, والله شكلك تبي تفتكين مني
مشاعل: اف اخيرا فهمت ههههههههه
مشعل: هههههه طيب شكرا
مشاعل:ماقلت ايش الشرط
مشعل: ماتخطبين لي لحد ماشوف صوره البنت ,, مابي اروح اخطبها بعدين اشوفها وماتعجبني ,, بعدين تتحطم البنت
مشاعل: والله الثقه ايش عرفك يمكن انت ماتعجبها
مشعل: لا حبيبتي واثق الخطوه يمشي ملكا
مشاعل: هههههههههه طيب ياملك ,,, خلاص الاسبوع هذا انشالله تكون عندك الصور
مشعل: صور؟؟ انا قلت ابي وحده ماقلت ابي 4
مشاعل: يمكن لما تشوف البنات تغير رايك وتطق لك 4 مره وحده ههههههههه
مشعل: والله مو شينه
مشاعل: ههههههههههههههههه
مشعل: بس زي ماقل لك ابي وحده ما تقل عن 25
مشاعل:انشالله اوامر ثانيه
مشعل: لا الشكل مايهم ,,, اهم شي تكون دينه ,,, وبنت ناس ومتربيه,, اممم بس مو تجبين لي وحده مقشع
مشاعل:يعني ماتثق في ذوقي؟؟؟
مشعل: بصراحه لا
مشاعل: مشعلوه ترى خذت وجه تلاحظ
مشعل: لاوالله هذا وجهي من زمان ,,, لاتتبلين
مشاعل:هههههههههههههههههههه
مشعل: ههههههههههههههههه
دخل سعود
سعود: ايش عندكم تضحكون
مشعل: ياخي سلم اول
سعود : السلام عليكم
مشاعل:عليكم السلام
مشعل: عليكم السلام
مشاعل:سعود بارك لمشعل بيتزوج
سعود والفرحه شقه وجهه: لووووووووووووووووووووووووووووليش ,,, الف الف مبروك بتطس من وجهي وتفتح لي المجال اخيرا
مشاعل:هههههههههههه لابس عنده شروط ,,, ادع ربك اننا نلقى له وحده تنفع لي والا قول ياسعود على الهنوف السلام هههههههه
سعود: فاله الله ولافالك ,,, ايش المواصفات الي تبيها طال عمرك علشان اقول الهنوف تدور لك
مشعل: لا شكرا انا عندي سكرتيرتي ميشو,,, بصراحه مااثق في خويتك
سعود: مالت عليك لك الشرف انها تدور لك ,, بس ماتستاهل
مشعل: عاد شوف انا قلت لميشو دورو على اقل من مهلكم ,,, ايش ورانا
سعود: لاااااااااااااا ميشو يرحم والديك ,, عجلي ,,, ترى الهنوف ذبحتني كل يوم واحد جاي يخطبها وتهددني اذا ماجيت
بتتزوج ,,, تكفين خلصينا من هالدب,, تراه واقف لي مثل العظم بالبلعوم
مشاعل:هههههههههههه وانا اقول ليش صوتك متغير هاليومين من هالعظم الي ناشب
سعود: هاهاها بايخه
مشاعل : ياعمري يامشعل ,, احسك شخص غير مرغوب فيه
مشعل: الشكوى لله تجي انشالله ام سامي وتدلعني
مشاعل وسعود صرخوا صرخه وحده: سااااااااااااامي
مشعل: بسم الله ايش فيكم ايه سامي,,, ولدي انشالله بسميه سامي ,,,اذا مو عاجبكم الاسم خلاص هونا من العرس
مشاعل: ايه هون احسن لك,,, اصلا استحي اقول ولد اختي اسمه سامي
سعود: لالا يرحم والديك خليه يسميه ياشيخه مو سامي انشالله جربان بس يخلصنا يتزوج
مشعل: ايش قصدك تبي الناس ينادوني يابو جربان
مشاعل: ههههههههههههه , تصدق لايق عليك , خاصه هالحبوب الي طلعت بوجهك ,, شكلها حبوب شياب لان ماتوقع حبوب الشباب تطلع فيك شيبت عليها ههههههه
مشعل: ايه والله ميشو مدري شفيني طالع لي حبوب هالايام ,,, لازم اعالج اخاف ام سامي ترفضني اذا شافتها
سعود: هي بس على الحبوب ,,,, الله يستر ماتردك بس,, ميشو دوري له وحده عمياء يمكن ترضى فيه
مشعل: ماتدري ان العمياء احاسيسها تكون اقوى لانها تعوض عن حاسه البصر يعني مثلا حاسه الشم تكون اقوى
واخاف تشم ريحتي ترفضني
سعود: لاتخاف اذا رحت تشوفها انا الي بحممك
مشاعل ومشعل :هههههههههههههههههههههههه
-----------------------------------------------------------------------------
يوم السبت كانت واعده اخوانها تمشيهم ,,,,وطلعت معاهم ,,, ومشتهم وودتهم للملاهي وعشتهم
ورجعتهم للبيت كانت الساعه وقتها 11
في الصاله كانت ام سلطان جالسه
ام سلطان: خير انشالله مرجعه عيالي 11 ماتدرين انهم عندهم مدارس والى تحسبين عيالي
ماوراهم احد مثلك لاحسيب ولارقيب,,, ترى انا عايشه ما مت اذا مت سوي الي تبين,,, والا
خلاص امك ماتت تحسبين الناس مثلك ؟؟؟
مشاعل تذكرت امها وحست شلون هي وحيده بدونها ,,, صح ان علاقتها بام سلطان مو حلوه
بس جرحها ان ام سلطان تعايرها بموت امها
طلعت غرفتها وهي تبكي
توضت وصلت ودعت من قلبها على ام سلطان ودعت لامها ان الله يغفر لها ويسكنها الجنه
حست بوحده ماحست فيها قبل ,,, \"ياليتك يمه معاي ,, يمه انا محتاجه لك,,, صح ان ام مشعل
ماتقصر معاي بس محد يقدر يعوضني عنك,, الله يغفر لك\"
---------------------------------------------------------------------------
الاختبارات مابقى عليها الا 3 اسابيع وتنتهي سنه من الدراسه
مشاعل كانت في المستوى الرابع يعني كذا تكون قطعت نص المشوار مابقى الا اربع مستويات
وتفتك من هالجامعه ,, واكيد ماراح تشتغل ,, ابوها ماهو مقصر عليها,, بس هي هوايتها الرسم
كانت تفكر تدخل في معارض ,, وتعرض لوحاتها ,, نفسها تكون رسامه مشهوره ,, كانت الفن يجري
بدمها ,,, حتى ان ابوها مصمم لها غرفه بالبيت خاصه للرسم ,,, ووقت الفراغ تروح ترسم
كانت جالسه بغرفتها تتصفح مجله فواصل ,,, دق موبايلها
مشاعل: الو
ساره: اهلين
مشاعل: هلا حبيبتي سارونه كيفك؟
ساره: تمام انتي كيفك؟؟
مشاعل: تمام
ساره: وينك اليوم بالجامعه دورتك قالوا انك طلعتي وموبايلك كان مقفل اكيد متمشكله مع سلمان ع شان كذا مقفله موبايلك
مشاعل: ههههههههه , قديمه انتي اي سلمان
ساره: يالله والله انك نذله ,, تعرفتي على احد وماقلتي لي
مشاعل: لالا ماتعرفت لاتخافي,, اصلا الايام هذي مالي خلق اكلم احد لاسلمان ولاغيره
ساره: ليه مشاعل فيه شي ؟؟؟ صار لك شي بالبيت؟؟؟
مشاعل: لا والله ماصار شي .. بس بيني وبينك مليت من المكالمات .. وبعدين الاختبارت جايه
ساره: علينا الاختبارات ؟؟؟ قولي بس ايش فيك؟؟؟
مشاعل: والله ياسارونه مدري احس مانبسط لما اكلم ,, مو زي اول,,, احس اطفش بسرعه,, يمكن مليت من الي عندي
ساره: طيب ايش رايك نطلع اليوم نغير جو من زمان ماطلعنا ,,, مسويه انتي هالايام دافوره
مشاعل: هههههههههه ,, اي دافوره ,, انا خايفه احمل ماده ,, والله ان يذبحني ابوي
ساره: لا انشالله ماينخاف عليك ماشالله
مشاعل: الله يسمع منك
ساره: قلبي اليوم بطلع انا وحنان,, شرايك تطلعي معانا؟؟
مشاعل: وين بتروحوا؟؟؟
ساره: والله مدري ,,, تعالي معانا غيري جو البيت ميشو بليز لاترديني
مشاعل: متى راح تطلعوا؟؟؟
ساره: تقريبا 7 ,, خلاص ميشو انتي موافقه,, بمرك 6ونص باي
مشاعل: اسمعي ط..
طوط طوط طوط
مشاعل\"الوصخه قفلت بوجهي\"
رجعت دقت عليها لقتها مقفله موبايلها
مشاعل\" يله خليني اغير جو البيت شوي لي فتره ماطلعت\"
نزلت مشاعل لغرفه الرسم تحاول تضيع وقت لما تمرها ساره
من طبعها مشاعل لما ترسم تحب تشغل موسيقى هاديه وتبدا ترسم احتارت ايش ترسم
شغلت الاغنيه الي تحبها والي تذكرها بطلال
فكرت ليش ماارسم طلال صحيح اني ماتذكر ملامحه بدقه بس بحاول وبدت ترسم وترسم
وهي حاسه بالحنين له صورته قدامها والاغنيه الي تحبها تجمعت الدموع بعينها وقفت رسم
وجلست على اقرب كرسي وغمضت عيونها تخيلت كيف بتكون حياتها مع طلال لو تزوجوا
تخيلت ان عندها 4 توائم من طلال تخيلت مشهد
مشاعل: يالله طلال اولادك ذبحوني ... يعني انا امهم وانت مو ابوهم.. شيل واحد معاي
طلال: لا حبيبتي انتي امهم,, انتي الي لازم تشيليهم,, انا مسؤول بس عن اكلهم,,, والا نسيتي
اني الرجال
مشاعل: انت اناني
طلال: وانتي طماعه ,, تبيني اخذ اكثر من دور بالحياه ,, دور الام والاب
مشاعل: اوووووووه طلال الحليب خلص روح جيب حليب
طلال: ارسلي السواق انا اطالع مباراه
مشاعل: يوووووه انت زوجي والا السواق
طلال: السواق زوجك هاه.. انا اوريك
ولحقها وهي تركض في البيت ... دخلت غرفتها وسكرت الباب وصار يضرب الباب
وفجاءه قامت من احلام اليقظه الي كانت عايشه فيها على صوت طق خيف ع الباب
مشاعل: مين
فيصل: انا ميشو افتحي شوفي سلطان ضربني
----------------------------------------------------------------------------------
مرتها ساره الساعه 7
نزلت مشاعل ولما طلعت تفاجاءت ان السياره مو سياره ساره كانوا طالعين بسياره حنان
مشاعل: السلام عليكم
حنان وساره: عليكم السلام
ساره: ميشو ايش هالورقه الي معاك
مشاعل: ماراح اخليك تشوفيها هنا بالسياره ,, خلونا ننزل اي كوفي نجلس فيه واخليك تشوفيها
حنان: لا بنات خلونا ندور
مشاعل: بنات والله مصدعه مالي خلق ادور ,, خلونا نروح كوفي وبعد صلاه العشاء ادق على سواقي
يمرني وانتوا اطلعوا تمشوا
حنان: اوكي صادقه اصلا المغرب ماتكون الشوارع زحمه,, طيب وين تبوا نروح اي كوفي
مشاعل: ايش رايكم في تي قاردن
ساره: يله اي مكان متحمسه ابي اشوف الي معاك.. طيب قربي لي ايش فيها
مشاعل : بلا لقافه ,, بس انا متاكده انك بتنصدمي
ووصلوا الكوفي ونزلوا
ساره: يله جلسنا عطيني الي معاك بسرعه مقدر استنى
مشاعل: لا اول خلينا نطلب
حنان: يوووووووووه ميشو بلا دلع
مشاعل: هههههههههه طيب طيب لا تاكلوني
فتحت مشاعل الورقه الي معاها كانت كبيره ومطويه ورابطتها بشريطه بينك ,, فكت الشريطه
وعلى طول طاحت الرسمه
حنان وساره: اللللللللللللللللللللللللللللللللللللللللللللله
حنان: من هالحلو,, لايكون اخوك؟؟
ساره منصدمه: طلال
مشاعل: هاه شرايك ؟؟؟ نفس شكله؟؟؟
ساره: بصراحه احس انه قدامي
حنان: تكلموا مين طلال ؟؟ اخوك ميشو؟؟؟
مشاعل: امممم يعني
حنان: شلون يعني يااخوك والا لا
مشاعل: يعني واحد يقرب لي
حنان: يالله مره يجنن
ساره: اذكري الله
حنان: ماشالله بس ميشو احسه كانه ممثل اجنبي
مشاعل: ايه هو صناعه اسبانيه تركيب سعودي ههههههههههههههههه
ساره وحنان : هههههههههههههههههههههه
ساره: شلون رسمتيه ؟؟ عندك صورته؟؟؟
مشاعل: لا بس انتي عارفتني شاطره بالرسم بالذاكره.. يعني حاولت اتذكر شكله ,, وهذا الي طلع معاي
ساره: ميشو لازم تشوفها الدكتوره بالجامعه والله على طول بتنجحك
مشاعل:هههههههههههههههههههههه .. علشان رسمتي والا الي جوا الرسمه
ساره: بصراحه كلهم ههههههههههههههههه
حنان: اقول متزوج؟؟؟
مشاعل عصبت: خير ايش دخلك لايكون بس مخططه عليه
ساره تغمز لحنان: حنونه لاتجين ممتلكات ميشو ,,, تراها مثل القطوه ماتحب الي يجي عيالها
واذا احد فكر يجي عيالها تاكل عيالها ولاتخلي احد يلمسهم
حنان: خلاص هونا ماله داعي بكره يموت الولد هههههههههههههه
ساره ومشاعل: ههههههههههههههههههههه
بعد ماخلصوا قرروا حنان وساره يكملوا وناستهم بالدوران اما ميشو اتصلت على سواقها
يمرها بالكوفي ,,, مالها خلق تدور ,, والحاله هذي مو جديده عند مشاعل تجيها فتره تكره الطلعات
بس ترجع بعدين لحالتها,, وهالشي ماخلى ساره وحنان يستغربوا من تصرفها
بس مشاعل كانت تتحاشى تطلع ماتبي تقابل شخص كانت خايفه انها لما تشوفه تضعف ,, وخاصه انها
حست بتطور كبير في مشاعرها تجاهه,, وخايفه ماتقدر تتحكم في نفسها ,,, يكفي انها للحين قويه
وقادره تكبت رغباتها,, ولازم تستمر لحد ماتنساه
مشاعل كانت في الطريق لبيتها غرقانه في بحر من الافكار
اما ساره وحنان فهم غرقانين في (التميلح)
----------------------------------------------------------------------------------------
وصلت مشاعل للبيت وكانت ام سلطان وابوها جالسين بالصاله قررت تسلم على ابوها لان
مالها خلق تلبس قناع الطيبه قدام ابوها ,, ملها خلق المجاملات ,, والكلمات الحب الي تقولها لها ام
سلطان سلمت على ابوها وباست راسه وسلمت على ام سلطان واعتذرت منهم لان عندها مذاكره
دخلت غرفتها ,,, غيرت ملابسها ,,, وفتحت التلفزيون ,,, كان فيه فلم (فورتي ير اولد فيرجن)
الفلم كان كوميدي عن رجل اعزب عمره 40 يخجل من النساء ,,, واصحابه يحاولوا يطلعوه من عزلته
ضحكت من قلب ,, حست ان اخوها فهد عنده نفس المشكله
قطع انسجامها رنه الموبايل
مشاعل: هلا حسين
حسين بحزن: هلا ميشو
مشاعل: حسونه,, ايش فيه صوتك؟؟؟ خرعتني
حسين: ميشو ابي فزعتك
مشاعل: من عيوني ,, بس ايش فيك؟؟؟
حسين: ميشو انا في ورطه ومحد يقدر يساعدني الاانتي... ميشو انا تعرفت على وحده من
3 سنين ,,, ومدري شصار لها يرد اخوها على موبايلها
مشاعل: ههههههههههههه, احسن
حسين: ميشو لاتضحكي .. احر ماعندي ابرد ماعندك
مشاعل: طيب واذا ,,,,, يمكن اخوها موبايله مفصول هههههههههههه
حسين: يووووووه ميشو,, لالا مره وانا اكلمها قفلت بسرعه ومن بعدها واخوها يرد
مشاعل: يعني المطلوب؟؟؟
حسين: ابيك تدقين على موبايلها وتطلبيها
مشاعل: طيب هات رقمها ,, بس لحظه اذا كلمتني ايش اقول لها
حسين: قولي لها انك مشاعل ال.. هي على طول بتعرف انك من طرفي
مشاعل: طيب وبعدين ايش راح تستفيد
حسين: اعرف ايش فيها
مشاعل: طيب عطني رقمها
دقت ميشو على البنت
مشاعل: الو
: نعم
مشاعل: السلام عليكم
: عليكم السلام,, من انتي
مشاعل: انا مشاعل صاحبه العنود,, مو هذا موبايلها
: لا,, غلطانه
مشاعل: غريبه ,, متاكده ان هذا رقمها ,, مين انت
: انا واحد
((شكل الولد مغزلجي))
مشاعل بدلع: تصدق حسبتك ثنين ,, اخلص بس بتنادي البنت والا لا؟؟؟
: ليش مو راضيه تصدقين ان هذا مو رقم العنود,, بس اصير العنود لعيونك
مشاعل: مشالله عليك, ايش تشرب ع الصبح دمك خفيف
: حليب نياق
مشاعل: ااااااااااااااااااااااه يامصلك,,, اقول بتعطيني العنود والا اقفل؟؟؟
: قلت لك انا العنود
مشاعل: هاي العنود كيفك؟؟؟
: تمام ,, هلا والله بصوت الغزال
مشاعل: ليش انت سامع صوت الغزال؟؟؟احس حدك صوت الضب
: اكيد عندنا مزرعه كلها غزلان
مشاعل: ايه عاد انتم شكلكم غزلانكم شغالات هههههههههههههههههههههه
: هههههههههههه ,, مقبوله ممكن نتعرف ياقمر
مشاعل: اقول شوي واطلبك طيب
: لاتطولين ياقمر
طوط طوط
مشاعل ماقدرت تتحمل مصالته
دقت على حسين
مشاعل: حسينوه ,,, ايش هالي مخليني اكلمه,,,, مو طبيعي
حسين:ليش؟؟؟
مشاعل:جالس يغازل,,, حتى ماعنده اسلوب
حسين: طيب مانادى العنود
مشاعل:لا يقول هو العنود
حسين: يالله اكيد صار لها شي ,, اجل ليش اخذ موبايلها
مشاعل:والله مدري عنك,,, بس انا الي علي سويته
حسين:ميشو تكفين طلبتك
مشاعل:ايش؟؟؟
حسين:كلميه كم يوم يمكن تقدري تعرفي ايش صار
مشاعل:مستحيل هذا لو اكلمه 5 دقايق رجعت كل اكلي ,,,, لالا مستحيل
حسين: تكفين طلبتك ,,, لو انتي طالبه مني شي وربي ماردك,,, تكفين ميشو ماعمري طلبت منك شي
مشاعل: طيب طيب لاتبكي,,,, بس اسمع هي مكالمه وحده ولو ماقال لي شي ماراح ادق
حسين: طيب انتي بس كلميه
مشاعل: اقول حسين يقول عندهم مزرعه كلها غزلان جد؟.؟؟؟
حسين:ههههههههههههه والله عندهم حوش كله غنم هههههههههه
مشاعل:هههههههههههههههههههه
مشاعل (اضطرت)تكلم اخو العنود (حاتم)على امل تعرف اي شي عن العنود علشان اعز
صديق لها حسين ماكانت تبي حسين يزعل عليها لان له معزه ,,, تغليه مثل اخوانها,,, ويكفي
انه متفهم,,,وهو الانسان الوحيد الي تقدر تحكي له كل شي يخصها,,,, ولاممكن تخبي عنه
اي شي,,, حتى هو تعرف عنه اشياء مايعرفوها اخوياه,,,, كانوا اكثر من اخوان,,, بس
مسكله حسين فالها مع مشاعل يعني مخليها تكلم وتطلع ولاعمره نصحها ,, يمكن لانه مراهق
وعنده كل شي (قدام) كان عمره 18,,, اصغر من مشاعل بسنتين
قفلت مشاعل من حاتم الي استمرت مكالمته 45 دقيقه ,, بس حست انها 45 سنه
استعدت للنوم وقفلت الانوار والابجوره ,,, طبعا هي متعوده قبل تنام تخلي موبايلها على
السايلنت ,, كانت الغرفه ظلام ,,,, حست بنور ياشر في غرفتها,,, طالعت موبايلها لقت فيه
رساله وصلتها فتحت الرساله لقتها من ساره وكتبت فيها
\"ميشو انا سويت حاجه مدري هي غلط او صح بس تاكدي انا ما سويتها الا لاني احبك\"
استغربت مشاعل\" مجنونه ساره ايش فيها اكيد غلطانه بالرساله كانت بترسلها لاحد وبالغلط
ارسلتها لي ,,, بس لا اسمي مكتوب فيها؟؟؟؟\"
جتها رساله ثانيه من ساره
\"ميشو انا بقفل موبايلي وبكره ماراح اجي للجامعه,,,بصراحه خايفه منك ,,, المهم انتظري اتصال راح يجيك بعد شوي\"
مشاعل\" انهبلت ,, ايش فيها قامت تخبط بالحكي؟؟؟ بدق عليها اشوف ايش قصتها\"
دقت لقت كلامها صدق ,,, ساره قفلت موبايلها
استنت الاتصال الي تحكي عنه ساره ماحد اتصل ,,, رجعت موبايلها على الصوت ,,, وقفلت النور
واستعدت للنوم
مشاعل\" سخيفه ياسارونه مسويه بتخوفيني ,,, تشوفين بتروحين مني وين\"
جاها مسج
مشاعل\" اكيد هذا سويره ,, اف منها ماراح تخليني انام\"
فتحت المسج لقته رقم غريب وكان مضمون الرساله
\"صباح الخير مشاعل انا اسف اني ازعجك بهالوقت بس حبيت اشكرك على الرسمه بصراحه
روعه تسلم ايدك (طلال)\"
يمكن كلمه انصعقت شويه ,, لاشعوريا راحت تركض تدور الرسمه بكل مكان مو لاقيتها
على طول اتصلت على ساره موبايلها مقفل,,, اتصلت على حنان ,,, والحمدلله موبايلها مفتوح
ظل يدق ويدق ومحد يرد
ارسلت رساله لحنان
\"لو سمحتي حنان ردي ابيك ضروري\"
جتها رساله من حنان
\"ميشو انا مالي شغل سارونه هي صاحبه الفكره ,, اذا عندك كلام كلمي سارونه,,,انا كنت
رافضه بس هي اصرت,,, ميشو والله انا مالي شغل\"
مشاعل مو فاهمه اي فكره واي خرابيط,,, طلال كيف عرف رقمها,,, وشلون عرف بالرسمه
,,,, لالا سارونه ماتسويها,,,,,,, ووين الرسمه كانت معاها,,,,وايش قصه المسج ,,,, معقوله
طلال؟؟؟؟؟؟؟؟؟؟؟؟
ارسلت مشاعل للرقم الي ارسل لها الرساله
\"مين انت؟؟\"
ارسل لها مسج
\"ليش كم طلال تعرفي ؟؟ وكم طلال رسمتي صورته؟؟؟ شكلهم كثير!!!!\"
حست انه مقلب
ارسلت له مسج
\"ايش السالفه؟؟؟؟؟؟؟؟؟؟؟؟\"
ارسل لها
\"ممكن اكلمك لاني مو شاطر بالمسجات؟؟ اذا انتي فاضيه\"
هنا مشاعل خافت وحست الموضوع جدي ,,,لو ماكان طلال ماكان تجرأ يقول لها انه بيتصل
اكيد وقتها بتكتشف انه مقلب,, بس الي يرسل المسجات واثق من نفسه
ارسلت له
\"انا فاضيه\"
ثواني ودق نفس الرقم ,,, كان قلب مشاعل بيوقف من الخوف ,,, معقوله طلال يدق عليها؟؟
ردت عليه
مشاعل بلهفه: الو
طلال:صباح الخير
عرفت انه هو على طول لان محد يملك هالصوت العذب الا طلال الي عذبها
مشاعل بنعومه: صباح النور
طلال: ليش مانمتي وعندك بكره جامعه؟؟؟
مشاعل: اممممم كنت بنام ,,, بس مسجاتك ماخلتني انام
طلال:..........................
مشاعل: .........................
طلال:......................
مشاعل: بتطول ساكت؟
طلال: وليش انتي ماتحكي؟
مشاعل: انت الي عندك كلام مو انا ,,, ابي اعرف ايش قصه الرسمه؟؟
طلال:يعني ماتعرفي؟؟؟
مشاعل: لا وربي, سارونه ارسلت لي مسج غريب وقفلت موبايلها,, وحنان مو راضيه ترد
طلال بكل ادب: اول حاجه انا اسف اني ازعجك بالهوقت,,, انا ادري ان عندك جامعه الساعه 9
مشاعل انصدمت وقاطعته: ايش عرفك؟؟؟؟
طلال بخبث: مو صعب علي اعرف اي شي عنك
مشاعل ارتبكت طلال يكلمها واول مره بدون مشاكل ,,, وكان صوته هادي
مشاعل: طلال
طلال:سمي
مشاعل: ممكن تحكي ايش صار
طلال: انا ححكي بس انتي تقاطعيني ... اذا وعدتيني انك تسكتي لما اخلص كلامي .. راح اقول لك كل شي
مشاعل بنعومه وكانت فرحانه انها تسمع كلامه : وعد
طلال: اليوم شفت صاحبتك ساره ,,, وبالصدفه كان معاي واحد من الشباب ,,, المهم ان
صاحبتك كلمته وقالت ابي اسلم ,,,,على صاحبك طلال,, وبعد ماسلمت عليها ,, قالت لي معي امانه لك
وابتسم طلال:والامانه كانت الرسمه,,, وكانت خايفه اني اخذها معاي لانها كانت خايفه تفقديها
وطلبت مني ارجعها,, بس بصراحه ماقدرت ارجعها تعرفي لي؟؟؟
مشاعل حست بغصه من الربكه وطلع صوتها مخنوق: ليه؟؟؟؟
طلال: لانها اعجبتني ,,,, بصراحه توني اعرف اني وسيم
مشاعل حست بخيبه امل كانت تتوقع يقول لها لانك انتي رسمتيها
طلال:بصراحه مشالله عليك جد فنانه ,,, بس كيف تذكرتي شكلي ,, وخاصه انك ماشفتني كثير
مشاعل تجرأت: انا مانسيتك من اول يوم شفتك فيه وانت شكلك ماغاب عني ولا لحظه
طلال:..........................
مشاعل:.......................انحرجت من الكلام الي قالته وندمت حست انها تسرعت
طلال: مشاعل شرايك اخليك تنامي علشان تصحي بكره
مشاعل ندمت على كلامها ,, ايش راح يقول عنها: اوكي ,, وانت اكيد عندك دوام؟؟؟
طلال: دوامي الساعه 8
مشاعل: يالله مجنون,, وللحين مانمت ,,,, الساعه 1 ونص
طلال: مو رسمتك مو مخليتني انام
مشاعل بخجل: ليش؟
طلال: مدري بس احس اني مقدر اشيل عيني عنها
مشاعل تضحك: ههههههه لهدرجه معجب بنفسك؟؟
طلال: لا عندي النسخه الاصليه,, الي هي انا ,, بس الرسمه فيها شي حلو غير النسخه الاصليه
مشاعل: ايه انت مو حلو بس انا حاولت لما رسمتك اخفي عيوبك هههههههههههههه
طلال: لالا مو على الحلاوه ,,, يمكن الايد الي رسمتها فيها سحر يخلي الشخص مايقدر يشيل عينه عنها
مشاعل انحرجت وصار وجهها احمر ,, كانت دايما تسمع كلام غزل ومدح بس ماكنت تهتم
بس طلال اي كلمه يقولها تهز مشاعل مهما كانت بسيطه,,, الكلام مو بحلاته ,, لا اكيد بالشخص الي يقوله
مشاعل: .................. ماكانت تقدر ترد اول مره تحس بفرحه مالها حدود كان نفسها تصرخ
طلال ابتسم: فيه ناس خدودهم صارت حمر,,, ناس اول حرف من اسمهم ميشو
لااااااااااااااااا خلاص مشاعل انجنت بعد يدلعها اول مره تحس ان كلمه ميشو تجنن
طلال: خلاص بقفل لايغمى عليك
مشاعل: لا تخاف الشينات مايغمى عليهم
كانت تبي تذكره بالكلام الي قاله لها
طلال: اكيد علشان كذا انا امدحك لانك شينه ,, احاول ارفع معنوياتك
ماحست مشاعل بالزعل من الكلام الي قاله ,,, يمكن علشان هو معاها وهذا يكفيها
طلال: اوكي مشاعل ,,, انا اسف اذا طولت عليك ,,, بس جد انا شاكر لك على الرسمه ,,,واحلام سعيده
اكيد راح تكون احلام سعيده بعد ماسمعت صوتك
مشاعل: لاعادي اصلا انا اسهر كل يوم,,, وبخصوص الرسمه انا اسفه اني رسمتك بدون مااستاذن
طلال: لالا انا متبرع بوجهي ,,, الي يبي يتدرب عليه ماعندي مانع
مشاعل: هههههههههههههههههههههههه
طلال: مشاعل
مشاعل: هلا
طلال: تعرفين ان ضحكتك جنان
مشاعل:.....................((انحرجت وماقدرت ترد))
طلال: مشاعل الساعه متاخره ,,, اذا ماصحيت بكره بدعي عليك
مشاعل: تبيني اصحيك؟؟؟
طلال: لالا شكرا انشالله انتي الي تصحي
مشاعل: لا مو مشكله اذا تبي اصحيك وارجع انام
طلال: لالا انا عندي الي يصحيني ,,, اهم شي انتي اصحي,,,لاتطنشي الجامعه
مشاعل: اوكي تصبح على خير
طلال: وانتي من اهل الخير
مشاعل:باي
طلال: باي
قفلت مشاعل وراحت ركض لغرفة الملابس وقفلتها وصاااااااااارخت باعلي صوتها خافت تصحي اهلها
رجعت لسريرها
\" مو قادره اصدق ان طلال داق علي لااااااااااااااااااااااااااااااااااااااااااااااااا ااا,,, ساره وربي احبك
,,, لو انا عارفه ان هالرسمه لها هالتاثير الحلو,, كان رسمته من زمان,,, سارونه خدمتيني خدمه
العمر ,,,, عمري ماراح انسى لك هالموقف,,,,,,,,,,,, بس ايش قصده لما قال عندي الي يصحيني؟؟
اكيد هذي بطته الي يقول عنها؟؟؟؟؟؟؟؟؟؟مو مهم ,,, اهم شي انه كلمني ,,, طيب بيدق بكره,,,
والا بس مجرد شكر على اللوحه وخلاص,,,,,, يالله طلال والله احبك ,, احبك ,, احبك,, من بعد
ماماتت امها مافرحت فرحه قد فرحتها اليوم
-------------------------------------------------------------------------------------
صحت الساعه 7ونص على صوت المنبه لانها تصحى قبل المحاظره بساعه ونص ,, لزوم الكشخه
كانت مره تعبانه,, فيها نوم.,,, اخرت الساعه للساعه 8
مشاعل\" ساعه تكفيني البس\"
وكملت نومها ,, والساعه 8 دق المنبه
مشاعل\" اوووووووووووووووووووه فيني نوم,, بلا جامعه بلا هم\"
قفلت المنبه وكملت نومها
-----------------------------------------------------------------------------------
العصر كانت في الصاله تحاول تتصل على ساره الي ذبحتها ماترد ,, اكيد خايفه
مشاعل ارسلت لها مسج
\"سارونه ,, من قلبي اشكرك على الي سويته,, سويتي حاجه انا ماكنت بتجرا اسويها
بليز ردي بقول لك ايش صار\"
ومثل ماتوقعت ساره دقت علطول
مشاعل:الو
ساره بخوف:هلا
مشاعل:بصراحه انتي بايخه وبزر على هالحركه تدرين انه دق يضحك ويقول مصدقه انك تعرفي ترسمي
ساره مصدومه: احلفي,,, شلون ,, لما اعطيته الرسمه ,,, كان منجن عليها ,, يقول مره تجنن
مشاعل: هذا الي صار ,,, يله ايش تبريرك للي سويتيه,, وين اودي اجهي الحين اكيد كل الناس عرفوا
ساره:ميشو لاتكبرين الموضوع ,,, ترى محد عرف الا هو وصاحبه
مشاعل:لاوحضرتك ,,, شغاله تاخذي ارقام,, حتى خويه اخذتي رقمه
ساره: مين قال لك؟؟؟
مشاعل:مو مهم بس انتي خنتيني
ساره:ميشو قسم بالله ماسويت كذا الي اني حسيت انك منجذبه له ,,, ماودي اشوفك تفكرين فيه
وماقدر اسوي شي
مشاعل:تدرين انك احسن خويه بالدنيا
ساره منصدمه: مو فاهمه الحين انتي زعلانه والى فرحانه
مشاعل: والله انا مو فرحانه الا بطير من الفرحه
ساره: يله انقلعي المفروض تشكريني مو تهزئيني
مشاعل:اووووووووه سارونه شسوي احبك.... تدري امس جلسنا نسولف ربع ساعه
ساره: مشالله حاسبتها
مشاعل:شلون ماتبيني احسبها
ساره:هاه قولي ايش حكيتوا فيه وايش صار
مشاعل قالت لساره كل شي
مشاعل:الاتعالي انتي الي احكي لي شلون عطيته الصوره
ساره: ابد امس لما طلعت مع حنونه بالصدفه شفته وتعرفين خويتك شويت تميلح عند خويه
رقمني ودقيت علطول وقلت له يالله عطني طلال بسلم عليه ,, خويه خاف ايش عرفني بطلال
قلت لالا خوي وحده من البنات
مشاعل:هههههههههههههههههههههههه
ساره:المهم ,,, وكلمته وسلمت عليه,, هو كان منجن ,, ماعرفني اول شي لاننا بسياره حنونه
,,, قال لي مين انتي,, قلت انا خويه مشاعل,, قال مشاعل مين,,, قلت له تبي كلمه السر,,,
تخيلي ايش قلت له كلمه السر
مشاعل:ايش؟؟؟
ساره:ههههههههههههههههههه الكيكه
مشاعل:هههههههههههههههههههههههههههه
ساره:هو مات ضحك,,, قلت عرفتها ,, قال اكيد احد مايعرف ام الشر,,, قلت تراها تسلم عليك
مشاعل:متى قلت لك سلميني عليه
ساره: انتي عاد لاتدققي مره,,, المهم قال الزبده ايش تبي ,,, قلت له عندي لك امانه تدري ايش قال
مشاعل:ايش؟؟؟؟
ساره: قال لا مابي اماناتكم خليها لك ,, قلت والله شي يخصك,, وبالموت وافق ,,واحنا عند الاشاره
عطيته الرسمه ولما فتحها انجن ,, قال لي من وين جبتيها ,, قلت له قول اول مين الي رسمها
انصدم لما قلت له كذا ,,, قلت له عموما هذي لوحه مسروقه من غرفه مشاعل بدون ماتدري
وبليز لاتقول لها شي لانها بتذبحني ,,و انا شفتها قلت لازم تشوفها انت تعرف هذا وجهك,,, وحقوق الوجه محفوظه
اخاف بكره ترفع قضيه ملكيه على صاحبتي,, مات ضحك,, وماصدق انك رسمتيها ,,, بس لما شافني اترجاه مايقول لك شي
.. استغرب ايش الي يخليك ترسمين صورته,, ضحكت وقلت لك انا اعز وحده من صاحباتها ماعمرها
رسمتني ,, وانت رسمتك,, عاد انت شاطر وتفهمها ,, اكيد لك مكان عندها كبير,,, وقتها تعرفي ايش قال لي
مشاعل:ايش ,, والله احس بتجيني سكته قلبيه من كلامك
ساره:سلامتك ,, المهم قال اوكي الموضوع بيني وبينك بس الصوره انا ابيها,, قلت تكفى اذا سالتني ايش راح اقول لها
قال عطيني رقمها وانا استاذن منها ,, هو لما قال عطيني رقمها انا ماصدقت خير وعطيته ,,وبس
مشاعل:سارونه انا خايفه مايدق اليوم
ساره:امممم انتي طيب دقي,, هو بدا ودق ,, انتي عليك الباقي
مشاعل:مجنونه تبيه يقول عني مشفوحه
ساره:والله بكيفك ,, بس لو انا مكانك والله لازعجه ,, تدرين ميشو لما اشوف طلال مااتخيل الا
انك زوجته
مشاعل:الله يخليك لاتعيشيني احلام ,,, اصدقها بعدين واتحطم
----------------------------------------------------------------------------------------
طلال كان المغرب طالع من البيت بيمر واحد من اصحابه,, اخذ الموبايل ودق على يزيد خويه
الي رقم ساره صاحبه مشاعل
طلال: هلا يزيد
يزيد: هلا والله اخبارك
طلال:تمام , انت شلونك
يزيد: تمام ,,, شخبار الدوام
طلال: والله ماشي الحمدلله ,, اقول يزيد ماكلمت ساره اليوم
يزيد: الا والله توني مقفل منها
طلال: ماقالت لك شي عن مشاعل
يزيد: لا ,, ليش ماكلمتها
طلال: كلمتها امس بالليل
يزيد: تبي ادق عليها اسالها عنها
طلال: لالا بس ماتدري اذا هم طالعين مع بعض
يزيد: لا ماقالت انها طالعه معها اظن بتطلع مع خويتها الي امس كانت معاها
طلال: غريبه ماراح تطلع مشاعل معهم
يزيد: والله مدري بس ماقالت تبي ادق اشوف مين بيكون معاها
طلال: لالا خلاص بس انت لاتجيب لها سيره اني سالت عن مشاعل
يزيد: ابشر
طلال: يله تامر شي
يزيد: سلامتك
طلال: يزيد تكفى العيال لايدرون اني كلمت مشاعل
يزيد ضحك: لاتشيل هم
طلال: ايه عاد مو تمسكها علي تهددني
يزيد: ههههههههههه كانك تقرا افكاري
طلال: ايش طلعني معاك لو كنت لحالي كان اصرف
يزيد: لو انا مو معك كان البنت ماعبرتك ,, ماطيحها الا رمش عيوني
طلال: زين انك عارف ان احلى مافيك رموشك والا انت مقشع ههههههههههههههههه
يزيد:مقشع بعينك ,,,, يله بس لايكثر ,, ضف وجهك
طلال: ابشر طال عمرك
--------------------------------------------------------------------------------
الساعه 1 وطلال مادق
مشاعل\" اكيد متصل يشكرني وانا فسرت الموضوع غلط,, عشت احلام ورديه ,,وتخيلت ان ممكن يكون شي حلو
بيننا ,, ليش مافهمت لما قال لي فيه احد يصحيني ,,, اكيد قصده افهمي ان عندي وحده مابي
اخونها بس انا الغبيه الي مافهمت\"
مشى الاسبوع ومشاعل تنتظر طلال الي مافكر حتى يتصل
-------------------------------------------------------------------------------
الاختبارات اسبوعين وتبدا,,, خلاص المحاظرات انتهت وكل البنات يستعدون للاختبارات
مشاعل نظمت وقتها ,, تصحى 5 الفجر وتبدا تذاكر لما 9بالليل وطبعا فيه اوقات استراحه
للفطور والغداء والعشاء,, ابتعدت عن حتى صاحباتها,, ماتبي تحمل مواد لانها كانت خايفه
من ابوها,, صح انه معطيها حريتها,, بس بالدراسه لو حس انها مقصره,, راح يزعل
,,, الاشخاص الثلاثه الي مابعدت عنهم حتى بفترت الاختبارات هم صاحبتها ساره لانها ماتقدر
يمر يوم ماتسمع فيه صوتها ,,, واكيد حسين اللي تغليه مثل ساره,, واكيد حاتم اخو العنود
الي اجبرها حسين انها تكلمه يمكن يقول لها شي عن العنود
---------------------------------------------------------------------------------
كانت مشاعل نازله تفطر بغرفه الاكل والكل طبعا نايم
سمعت احد دخل عليها توقعت انه وحده من الخدامات لان اكيد مافيه احد بيصحى الساعه 8
الصباح سمعت صوت مشعل
مشعل: السلام عليكم
مشاعل :عليكم السلام هلا والله ايش عندك اليوم صاحي ,, ترى اليوم خميس ,, والا تعودت
على القومه ((خافت لما شافت ملامحه,, كان شبه منهار))
مشعل بارتباك: مشاعل حبيبتي ,, ابوي شوي تعبان وبالمستشفى من امس بالليل خفت تعرفي امس وتخافي
مشاعل تصارخ: بابا لااااااااااااا ايش فيه قولي لي يامشعل انك تمزح
مشعل: اذكري الله الوالد مافيه الاالعافيه بس تعرفين السكر مرتفع شوي ,,, وانشالله اليوم
والابكره بيطلع
مشاعل: احلف انه بيطلع,, احلف انه مافيه شي,, مشعل تكلم قول انك تكذب
مشعل: يالله بصراحه ندمت اني قلت لك,,, قلت اكيد مشاعل هي العاقله صرتي اجن منهم
مشاعل: اجن منهم؟؟؟ يعني خالاتي كانوا عارفين وانا اخر مين يدري
مشعل: بصراحه مابغيت اصحيك بالليل علشان اقول لك خبر مثل هذا
مشاعل: ليش تعتقدون انه ابوكم ومو ابوي ولا خلاص علشان امي ماتت ,, انا صرت وحده زايده في هالبيت
يكون في علمك يامشعل هذا ابوي مثل ماهو ابوك,,, واذا امي ماتت انا موجوده... وانا اول وحده
المفروض تعرف ,,, انت واخواني عندكم امهات الا انا ,,لو ابوي صار له شي بكون وحيده
مشعل: اعوذ بالله مشاعل ايش صار لك ابوي انشالله بخير,, وبعدين احنا وين رحنا نسيتي اننا اخوانك
مالك حق تقولي هالكلام
مشاعل: بعد عني ,,,اصلا كلكم تكرهوني ,, ابوي وين باي مستشفى
مشعل: مشاعل استهدي بالله والبسي عبايتك وانا بوديك
مشاعل: مين قال لك اني بروح معاك ,,, الحمدلله عندي سواقي وماني محتاجه لك
مشعل: مشاعل اذكري ربك لاتخلي الشيطان يلعب بعقلك ,,, روحي البسي وانزلي انا استناك
مشاعل: قلت لك ماراح اروح معاك بتقول لي وين المستشفى والا اتصل على سعود يقول لي
مشعل: خلاص هدي نفسك هو بالتخصصي واذا ماتبي اوديك براحتك ,,, بس مشاعل هدي نفسك
والله الموضوع مايستاهل ,,, والله الوالد مافيه شي
مشاعل: اكيد مافيه شي مو كلكم حوله,,, بس انا بالبيت مرتاحه ونايمه ,,, اهم شي عندكم ان تطلع
صورتي عند ابوي اني انا الانانيه اللي مااهتم فيه,, ترى هذا ابوي مثل ماهو ابوكم
مشعل: مشاعل اكيد انجنيتي ,,, ايش هالكلام,, انتي عارفه اني مستحيل افكر هالتفكير,, هذا جزاي الي خايف عليك
مشاعل: شكرا لاتخاف علي ,,, الله لايحدني لك
وراحت تركض لغرفتها واخذت عبايتها وراحت للمستشفى
اول مادخلت غرفه ابوها لقته صاحي وحواليه خالاتها واخوانها الا هي ,, ارتمت بحظن ابوها
مشاعل وهي تبكي: بابا محد قال لي ,,, بابا الله يخليك لاتروح وتخليني,, انا مالي الاانت,, بابا لاتروح مثل ماما
ام مشعل: اذكري الله يامشاعل,, الحمدلله ابو مشعل بخير وبصحه ,,, وانشالله بكره يطلعونه
مشاعل تتكلم بحقد: انتي تطمنتي عليه ,, بس انا لا
انصدمت ام مشعل من رد مشاعل الي عمرها ماكلمتها بهالهجه
اما من جهه ام سلطان فكانت الفرحه مش سيعاها على قوله المصريين ,, اول مره تحس ان العلاقه بين مشاعل وام مشعل متوتره
قررت مشاعل انها تنام عند ابوها وماحد يقدر يكسر كلمتها لانهم كانوا خايفين من ثورتها
--------------------------------------------------------------------------------------
صحت مشاعل من النوم على صوت الممرضه الي دخلت الساعه 5 تقيس لابوها السكر والضغط
طلعت من الغرفه بعد ماشافت مليون اتصال من ساره الي اتصلت ع البيت وعرفت من الخدامات
انهم بالمستشفى كانت تبي تطمن على ابو مشاعل ,, كلمتها وطمنتها عليه
بعد الدكتور ماشافه قرر انه يطلعه بس اكيد بعد مااعطاه اوامر ,,, انه ماياكل شي فيه سكر
ولا احد يزعله او ينرفزه ,,, وانه يتبع الحميه ,,وكانت مشاعل تسمع كل شي يقوله الدكتور
علشان تمنع ابوها منه
طلعت مشاعل مع ابوها من المستشفى ,,,واكيد اخذهم مشعل ,,, اول ماوصلوا لقوا ام سلطان
وام مشعل برا يستنونهم ,, وتحمدوا له ع السلامه ,,, وراح غرفته يرتاح
مشاعل كانت مرهقه من نومه المستشفى ,, ممرضه داخله وممرضه طالعه,, راحت ترتاح في غرفتها
قبل تنام قالت ادق على ساره اطمنها
مشاعل: الو
ساره: هلا والله بهالصوت
مشاعل: هلا سارونه
ساره: هاه بشري كيف ابوك؟؟
مشاعل: الحمدلله احسن تونا طلعنا من المستشفى
ساره: الحمدلله ع سلامته ,, مايشوف شر
مشاعل: الشر مايجيك ياقلبي ... انتي كيفك,, وكيف المذاكره ,,, انشالله تمام
ساره: انا الحمدلله,, بس المذاكره اف الله يعين مو فاهمه شي
مشاعل: طيب تعالي عندي هاليومين نذاكر سوا
ساره: وليش انتي ماتجي عندي؟؟
مشاعل: اول شي انتي تعرفي بابا توه طالع من المستشفى وماودي اروح واخليه وبعدين انا
ماعندي اخوان كبار تنحرجي منهم
ساره: ايه بس عندك السوسه ام سلطان,, اخاف تطردني
مشاعل: مايخسى الا هي ,, هذا بيتي قبل لايكون بيتها
ساره: عموما بشوف امي وبرد لك
مشاعل: اسمعي خليني انا اكلمها اكيد ماراح ترفض
ساره: خليني اقول لها اول ونشوف,, خليك انتي لوقت الحاجه
مشاعل:هههههههههههههههههههههه اوكي
---------------------------------------------------------------------------------------
اتصلت ساره على مشاعل علشان تزف لها خبر الموافقه
مشاعل: الحمدلله الله يبشرك بالخير ,,, زين وافقت ,, اسمعي مستحيل تطلعي من عندي قبل ماتبدا الاختبارات
ساره: ايه تكفين خليني افتك من هالمزعج,,, لانه ذبحني بس يسال عنك
مشاعل: ياحبي له حسونه والله اشتقت له,,, من زمان عنه,, وشكله زعلان من زمان ماكلمته
ساره: ومن قال اني اتكلم عن حسين
مشاعل باستغراب: اجل مين تتكلمي عنه؟؟؟
ساره: من غيره روميو
مشاعل: مين؟؟؟
ساره: طلال
مشاعل منصدمه: طلال!!!!!!!!!!
ساره: ايه كل 5 دقايق يتصل يقول اتصلي عليها تطمني ,,, بعدين يتصل طيب اتصلي شوفي
يمكن محتاجين شي بالمستشفى ,,, بعدين يقول اتصلي يمكن مااكلت ,, اكل المستشفى مو حلو,,
دقي عليها قولي لها من وين تبي عشاء,,,وقولي لها انك انتي الي بترسلي العشاء,, واذا قلت
له البنت تعشت يقول دقي اخاف برد في المستشفى خلي الممرضات يجيبوا لها بطانيه,,,,,,,,
بصراحه مليت منه
اسفه اني طولت بالجزء
وهذا هو انشالله يعجبكم
الجزء السادس
في بيت فهده صاحبه مشاعل
فهده كانت بغرفتها تسمع محمد عبده ((الاماكن)) ,,, ودخلت امها
ام فهده: فهدووووه وجعن يوجعتس قصري ع الصوت امرن يلوفتس
فهده: انشالله يمه ,,, بس يكفي تقولي قصري ع الصوت مولازم التهزئ
ام فهده: انتن يالبني ماينفع معكن الا العين الحمراء ,,, انزلي صلحي لخوتس شاهي انا بروح
عند ام سالم جارتنا
فهده: يمه ترى عندي اختبارات هالايام مو معقوله حتى مذاكره مقدر اذاكر منكم
ام فهده: وش مذاكرته وانتي رافعتن على صوت هاللي ينهق
فهده: يووووووووه يمه هذا بريك
ام فهده: وشو وش برك ذا,,, انتي مير بزعتي قمتي تقولين حتسي مدري وشو
فهده: اقول يمه تدرين انزل اسوي الشاهي بس وارتاح من الزن,,, الله يفكني منكم
ام فهده: امين جعل يجيتس رجلن يطير بتس وراء الشمس
فهده: وراء المريخ انشالله بس يجي
ام فهده: وجع يافهيده لاحياء ولامستحى يوم احنا بزمنكم نستحي يجي طاري الرجل وانتن
بزعتن
فهده: يمه زمنا غير زمنكم ,, وبعدين وش انا لاقيه من وراكم غير التهزئ ,, ياليت يجيني
رجل يدلعني ويفكني منكم وشرهتكم ان جيت زرتكم
ام فهده: جعلتس ورى الشمس بسبع
فهده: امين
----------------------------------------------------------------------------------------
مشاعل كانت ندمانه ع الكلام الي قالته لمشعل وخالتها ام مشعل وماهي عارفه كيف تعتذر
طالعت موبايلها وفكرت شوي ,,, بعد دقايق دقت على مها
مشاعل: هلا مهاوي
مها: هلا والله ميشو كيفك
مشاعل : تمام ياقلبي انتي كيفك؟؟؟
مها: الحمدلله ,,, كيف المذاكره؟؟؟
مشاعل: الحمدلله انشالله خير ,, حبيبتي لاكون ازعجتك بهالوقت
مها: لا حبيبتي فاضيه ماعندي شي
مشاعل: طيب مهاوي كنت بسالك
مها: تفضلي حبيبتي
مشاعل: بنت خالتك نجود الي معانا بالجامعه ايش اخبارها؟؟؟
مها مستغربه: الحمدلله ,, غريبه تسالي عنها
مشاعل: لابس اتذكرها لما كنت باول مستوى بالجامعه
مها: ايه بس ميشو هي تخرجت من الجامعه من سنتين تقريبا ,,, ايش ذكرك فيها؟؟؟
مشاعل: لا بس سمعت انها مخطوبه جد؟؟؟
مها: لا مين الي طلع هالاشاعه؟؟؟
مشاعل: بصراحه انا ,, مها شوفي الزبده ودي اخطبها لاخوي فهد
مها: ونعم باخوك بس كان سالتيني ,, لازم يعني الاشاعات والنصبات حقتك
مشاعل: هههههههههه اخاف انها انخطبت واتفشل هههههههههههه
مها: ههههههههههههههههه ,,, عموما هي مو مخطوبه ,,, تبي اعطيك رقم امها؟؟؟
مشاعل: امممممم لا مها ودي بفزعتك
مها: امري
مشاعل :اخوي شرطه انه يشوف البنت قبل يخطبها
مها: لا ميشو مستحيل توافق هي متدينه مره ومستحيل ترضى تشوفه
مشاعل: ادري حبيبتي بس مثلا انتي ماتقدري تجيبي صورتها علشان يشوفها؟؟ وتاكدي ان الصوره
بتكون معاي ,, واظنك تعرفين اني مستحيل اسوي فيها شي ,, بخاف على صورتها اكثر من نفسي
مها: والله ماعندي لها صوره,,, ولو طلبت منها اكيد بتشك ,,, بس اسمعي انا عندي حل لك
مشاعل: ايش ,,, الحقيني به
مها: شرايك ادق عليها و اقول لها انك عازمه البنات كلهم عندك وانك قلتي لي اعزمها
مشاعل: تتوقعي توافق؟؟؟؟
مها: مدري عنها خلينا نحاول
مشاعل: اوكي بس ردي علي الله يخليك اليوم اوكي
مها: انشالله الحين برد لك ,, بس ادق عليها واتصل عليك
مشاعل: اوكي مشكوره حبيبتي بتعبك
مها: شسوي دايما تتعبيني بس انشالله يثمر فيك ههههههههههههه
مشاعل: ههههههههههههه
------------------------------------------------------------------------------------------
وصل ساره بيت مشاعل ودقت عليها
ساره: ميشو تعالي اخاف امنا الغوله خالتك تشوفني اخاف منها تعالي انتي تدخليني
مشاعل: ههههههههههه اوكي يله بنزل لك
واستقبلت مشاعل صاحبتها ساره بفرح ع الاقل بيتونسون وقت المذاكره يعني ساعه مذاكره وساعه سوالف
طلعت مشاعل مع ساره للغرفه سمعت موبايلها يدق
مشاعل: هلا مهاوي
مها: هلا
مشاعل: صوتك مايبشر بالخير؟؟؟
مها: لا
مشاعل: ليش ماوافقت؟؟؟
مها: لا
مشاعل: اوووووووووه والحل
مها: مالك الا تخلي خالتك تكلم خالتي وتخطبها,, وعادي لو ماصار نصيب ,, ترى الزواج مو غصب
مشاعل: مدري بس اخاف من اخوي ماتعجبه بعدين يفشلني ,,, صح ان البنت ماشالله حلوه
بس تدري ماينعرف ذوق الرجال
مها: صادقه ,, اخوي خطبنا له فوق 5 بنات ومره حلوات ,, ورفضهم ,, وشفتي زوجته مره
عاديه ,, سبحان الله
مشاعل: وهذا الي خايفه منه
مها: لاعادي حبيبتي ,,, الزواج قسمه ونصيب
مشاعل: يله الله يكتب اللي فيه الخير ,,, عموما عطيني رقم اهلها اخلي خالتي تدق
وبعد ماعطتها الرقم ,, قفلت مشاعل,, وحست انها ارتاحت ,, ع الاقل اذا راحت تعتذر لاخوها يدري انها مهتمه فيه
ساره: ميشو ,,, ايش صاير كني اسمع طاري خطبه؟؟؟ لايكون اخوك مشعل
مشاعل: هههههههههه ايه طار عليك
ساره: لا مالك داعي ,, يالنذله انا صاحبتك
مشاعل : ههههههههههههه ادري بس انتي تحت السن القانوني عند مشعل هههههههههههههه
ساره: مالت عليه ,,, اصلا لو يدور مايلقى ربعي
مشاعل: هههههههه صادقه ,,, بس يمكن يلقى ثلاث ارباعك
ساره: بايخه
مشاعل: هههههههههههههههههههه فيه ناس عصبوا هههههههههههههههه
ساره: لاعادي اصلا انا خلاص حبيت
مشاعل: اخس مين تعيس الحظ
ساره: ميشو انا ببيتك احترميني,,, بعدين الي حبيته يزيد
مشاعل: مين يزيد بعد ,, ياكثر احبابك
ساره بخبث: ههههههههه شسوي ,,, مالقيت واحد يحبني ,,, ويسال عني ,, ويخاف علي ,,,
مثل واحد اول حرف من اسمه طلال
مشاعل انحرجت: تعالي من جدك الكلام الي قلتيه
ساره: من جد وخال وعم,,, لحظه يزيد يبي يسلم عليك ,,, خليني ادق عليه ,, ونشوف اذا طلال جنبه
مشاعل: اصلا طلال لو يبي يدق كان دق يعرف رقمي
واخذت ساره موبايلها تدق
ساره: ياشيخه يمكن استحى,, اصصصصص دق
ساره: هلا يزيد
يزيد: هلا والله سويره هاه وصلتي عند مشاعل
ساره: ايه يزيدوه وصلت
يزيد : وكيفها الحين انشالله احسن
ساره:والله اذا تبي تطمن عليها هي جنبي
يزيد : اوكي ممكن اكلمها
ساره: اكيد ممكن بس لاتطول 3 ثواني بس
يزيد: هههههههههههه طيب
مشاعل: الو
يزيد: هلا مشاعل,, كيفك؟؟؟
مشاعل: تمام الحمدلله
يزيد: كيف الوالد انشالله احسن
مشاعل: الحمدلله احسن اليوم
يزيد: والله كان ودي اتعرف عليك واكلمك بضروف احسن
مشاعل: مو مشكله ,, فرصه سعيده
يزيد: وانا لي الشرف اني كلمتك
مشاعل: الله يسلمك
يزيد: مدري اذا كنتي فاضيه,,, طلال جنبي وده يسلم عليك
مشاعل تشققت من الفرحه: اوكي
طلال:السلام عليكم
مشاعل: عليكم السلام
طلال: كيف الحال مشاعل
الله ياحلو اسمي ع لسانه
مشاعل: الحمدلله ,,, انت كيفك؟؟؟
طلال: انا الحمدلله بخير ,,, بشري عن الوالد كيف صحته؟؟؟
مشاعل: والله الحمدلله احسن بكثير عن امس
طلال: سلامته ايش عنده؟؟؟
مشاعل: ابد ارتفع السكر عنده
طلال: وايش قالوا لكم المستشفى؟؟؟
مشاعل: لا الحمدلله طمنونا عليه... بس تعرف لازم يتبع حميه
طلال: ايه اكيد,, طيب جبتوا له ممرضه علشان الادويه والحميه؟؟
مشاعل: لاوالله ,,, انا الممرضه حقته
طلال: ماشالله طيب لو سمحتي يااخت ممرضه انا تعبان ممكن تجي تهتمي فيني
مشاعل انحرجت واعجبها كلامه ع الاقل ماكان رسمي معها
مشاعل: طلال من جد شكرا ع الاهتمام سارونه قالت لي انك سالت عني وانا بالمستشفى
طلال بخبث: قلت انتي قاطعه ,, اسال انا
مشاعل: انا ماقطعت انت الي ماتتصل
طلال: مشاعل يضايقك اتصالي؟؟؟
مشاعل بدلع: لا مستحيل
طلال ابتسم: يعني ممكن ازعجك اليوم
مشاعل بخبث: بس اليوم,, مو تزعجني كل يوم
طلال : هههههههههه على حسب ,,, بفكر اذا عجبني الوضع اكيد بزعجك
مشاعل: لي الشرف اني اسمع صوتك
طلال بعذوبه: انا يامشاعل والله الي لي الشرف,,, اكيد اذا هالشي مايزعجك
مشاعل: مين قال لك انك تزعجني؟؟؟
طلال: انتي
مشاعل انصدمت: انا ؟؟؟ متى؟؟؟
طلال: لانك مادقيتي علي قلت اكيد اني ازعجتك
مشاعل: بليز لاتفسر كل شي ع كيفك
طلال ابتسم: ابشري اوامر ثانيه
مشاعل : هذا مو امر هذا تبرير
طلال: طيب ,,, المهم ماودي اطول عليك ,,, انا عارف ان ساره عندك اكلمك وقت ثاني انشالله
مشاعل بدون ماتحس قالت: استناك لاتطول
طلال:...........................
حست انها تسرعت شوي,,, وتمنت تهدي الوضع ولاتتسرع بشي وتخلي الامور تمشي ببطء
طلال: عموما انا برا بس ارجع للبيت اطلبك
مشاعل: اوكي
طلال: باي
مشاعل: باي
مشاعل كانت كاتمه صرخه اول ماقفلت صارخت باعلى صوتها
ساره: هيه انتي يامجنونه اسكتي لاتسوي لنا فضيحه صدق انك مشفوحه
مشاعل: سارونه بيتصل بيتصل بيتصل
ساره: طيب واذا
مشاعل: مجنونه يعني بسمع صوته كل يوم
ساره: واذا
مشاعل عصبت من ساره البارده: شلون واذا ,, تخيلي اني اكلمه كل يوم مقدر سارونه اتحمل
الفرحه اخاف بس يصير لعقلي شي
ساره: لا الله يخليك بعد الاختبارات
مشاعل: اااااااااااااااااااااااااااااااااااااااااااااااااا ااااااااااااااااااااااااااه احبه
ساره مصدومه: تحبينه,,, قولي معجبه فيه ,, تستضرفينه,, يهمك,,, بس حب ,,, ميشو لا,,,
لاقولي انك تكذبي
مشاعل: ليش يعني ماعندي قلب انا؟؟؟
ساره: لابس انتي كنتي تنصحيني وتعطيني محاظرات عن الحب,, والحين انتي الي تحبي
مشاعل: سارونه صدقيني الحب شي مره حلو ,, وحلاوته انك لما تحسي فيه ماتقدري تتحكمي فيه
ولا تقدري تحددي الشخص الي راح تحبيه ,,, كنت قبل ياسارونه كل حياتي تمثيل وكذب
وغش حتى اني كنت اكذب كذبه واصدقها ,, بس صدقيني سارونه لما تحبي شخص ,,, تحسي
انك على طبيعتك ,,, هذا الاحساس الوحيد الي يخلي الانسان يتصرف بطبيعته ويحس ان
الحياه حلوه
ساره: واذا انشالله اكتشفتي انك يكذب عليك
مشاعل بمراره: بكون اتعس وحده بالدنيا
ساره: وليس تعذبي نفسك ,, بلاش حب وريحي نفسك
مشاعل: سارونه وربي مو بكيفي ,,, ودي احب الشخص الي انا ابيه ,,, بس جد سارونه احس مع طلال
مقدر اتحكم بمشاعري
ساره: الله يستر لاتكون عقوبتك بكل الي كذبتي عليهم
مشاعل: ياشيخه واللي كنت اعرفهم قبل كانوا يحبوني ,,, كل واحد يحسبني لعبه بيده وبيحركني ع كيفه
باسم الحب ,,, والبنت الشاطره الي ماتنخدع بهالكلام
ساره: ماشلله عليك والكلام الي تقوليه عن طلال يبين انك مره شاطره هههههههههه
مشاعل: لالا سارونه مع طلال المشاعر غير ,, طلال ماقال انه يحبني ولا حتى يفكر فيني
ومع كذا احس اني مقدر اعيش بدونه,, وهذا هو الحب
ساره: والله مدري عنك
مشاعل: المهم ماعلينا شرايك اليوم اعزمك ع العشاء برا
ساره: لاحبيبتي بلا طلعات بلا هم خلينا نذاكر
مشاعل: وانتي بتذاكرين 24 ساعه
ساره: وانتي صادقه
مشاعل: اقول سارونه شرايك تقولي ليزيد يجي ودي اشوفه
ساره بخبث: اوكي,, بس بقول له تعال لوحدك
مشاعل :سارونه ياشينك
ساره:هههههههههههههههههههه
قرروا اخر شي انهم يتعشوا بالبيت لان يزيد كان معزوم عند اصحابه وبكذا مشاعل ماراح تشوف طلال
نزلوا يتعشوا مع ام سلطان وسلطان وفهد وفيصل وكان العشاء باربكيو,,, تعشوا وبعد العشاء كانت ام سلطان
ومشاعل وساره بالصاله عند التلفزيون كانت الساعه 11 وطلال مادق
مشاعل تهمس لساره علشان ام سلطان ماتسمع: اقول سارونه مادق وعنده دوام بكره اخاف بس مايدق
ساره بهمس: ميشو ذبحتيني والله ,,, خليك ثقيله
ام سلطان كانت تقلب بالقنوات وحطت على فلم
ساره:واو ميشو الفلم هذا مره يجنن شفته بالصيف الي فات بالسينما لايفوتك
ام سلطان عناد بساره ومشاعل غيرت الفلم
مشاعل: ...............((كانت غارقه بافكارها))
ساره تاشر بيدها: ياهوه وينك
مشاعل: هاه
ساره بهمس: اقول شكلي بنام واذا مادق لاتزعجيني وتصحيني
ساره: تصبحوا على خير الساعه 11 والوقت تاخر بروح انام
ام سلطان : .................((طبعا مستحيل ترد على صاحبه عدوتها))
مشاعل: سارونه اجلسي ياشينك تو الناس
ساره: والله صاحيه بدري
مشاعل: اوكي حبيبتي تصبحي على خير
ساره: وانتي من اهله
مشاعل طبعا اكره ماعندها انها تجلس مع ام سلطان بس هي ماكنت معها تفكر في طلال ليش مادق؟؟
غفت على الكنبه وصحت على صوت موبايلها الساعه 12
راحت ركض على غرفتها ,,, استغربت ام سلطان حركه مشاعل
ام سلطان: غريبه ايش هالاتصال الي خلى مشاعل تطمر هالطمره ,, من الي متصل... وبعدين
من الي راح يتصل هالوقت,,, لازم اقول لابوها يراقبها انشالله يكون الي في بالي صح,,, ويزوجها ابوها
وافتك منها
---------------------------------------------------------------------------------
اما مشاعل راحت ركض على غرفتها وخافت ترد في الغرفه تصحي ساره الي كانت نايمه ,, دخلت غرفه الملابس,,
بس لما وصلت الغرفه قفل ,,, رجعت دقت عليه
طلال: الو
((في نفسها فديت الالو))
مشاعل: اهلين
طلال: هلا ومرحبا ,,, صحيتك؟؟
مشاعل: لا عادي كنت اطالع فلم
طلال: اوه اكيد قطعت عليك الفلم
((يوووووه ايش قصته اجيبه من هنا يجيبني من هنا))
مشاعل: لالا عادي اصلا خلص
طلال: انا اسف تاخرت عليك
مشاعل: لاعادي اصلا انا ماانام الا 1 ((في نفسها ,, اشوى انها ماتجي الساعه 9 الاانا في سابع نومه))
طلال: ليش ماعندك اختبارات؟؟؟
مشاعل: ايه بس تعرف ماعندي جامعه انام واصحى على راحتي
طلال: يله شدي حيلك الاختبارات قربت
مشاعل: مقدر
طلال: ليش؟؟
مشاعل: مقدر اشد حيلي مسويه دايت
طلال ضحك مجامله
حست انها بايخه ,,, مسويه خفيفه دم
مشاعل: وانت ماعندك دوام؟؟؟
طلال: عندي بس عندنا ضيوف وتوهم طلعوا
مشاعل: اكيد فيك نوم((كانت تتمنى يقول))
طلال: بصراحه ميت نوم بس بسولف معاك شوي
فرحت مشاعل بالشويه هذي,,, المهم انها بتكلمه
استمروا بالسوالف اللي تقريبا رسميه ,, يعني تدور حول طبيعه دوامه ,, ودراسه مشاعل
وطموحها ,,,, وعن الاحوال والاخبار مو اكثر,,, صح انها كانت سوالف عاديه,, بس مشاعل
كانت في قمه سعادتها ,, كانت تحس برجولته,, وباسلوبه الراقي ,,, وبقوة شخصيته ,,, حست فيه
انجذاب كبير مو بس منها,,, حست طلال منجذب لها بس يمكن منحرج يبين او يمكن خايف
من مشاعره ,, بس اكيد حست فيه,,, الشويه صارت ساعتين ,, وطبعا طلال حقد على مشاعل
لانها اخرته ,,,وهي تتهمه انه هو اللي مو راضي يقفل
---------------------------------------------------------------------------------------
صحى مشعل الساعه 7 ونص علشان يروح الشركه لقى عنده رساله فتحها لقاها من مشاعل
\"حبيبي واخوي وكل دنيتي مشعل ,,, لاتزعل على ,,, وعلى فكره خطيبتك تسلم عليك\"
ابتسم مشاعل ماتخلي طبعها مستحيل تتاسف ,,, فرحانه بلاتزعل,, و من خطيبتي الي تسلم علي
لاتكون خطبتلي وانا مدري
---------------------------------------------------------------------------------------
اما مشاعل صحت الساعه 10 وكانت موقته المنبه على الساعه 7 بس من كثر النوم سكرت
المنبه كان ودها هي اللي تصحي طلال
دقت عليه الساعه 10 ,,, مارد عليها ,,,, بعد نص ساعه رجع دق عليها
طلال:صباح الخير
مشاعل:صباح النور ,,, كويس صحيت
طلال:ليه شايفتني الدلوعه مشاعل انا صاحي من 7 ودعيت عليك 30 دعوه
مشاعل: ههههههههههههههه ياساتر
طلال: مره ثانيه لاتسهريني
مشاعل: ياسلام مو كنت اقول لك قفل علشان ماتتاخر ع النوم
طلال: المفروض تقفلين بوجهي
مشاعل: مايطاوعني قلبي
طلال: يسلم لي قلبك
--------------------------------------------------------------------------------------
تطورت الاحداث بالاسبوعين اللي تسبق الاختبارات
ساره نزلت عليها الشطاره فجاءه وصارت 24 ساعه تذاكر
مشاعل كانت اسعد وحده بالدنيا كان طلال ماينام لحد مايكلمها ولايصحى الا على صوتها
مع انه كان رسمي شوي معاها
مشعل قرر اخيرا انه يكمل نص دينه ,, واتصلت امه على اهل نجود واتفقوا ان الزياره تكون
السبت
اما سعود كان متشقق من الوناسه لان الفرج قرب ,,,وقريب راح يتزوج الهنوف
-------------------------------------------------------------------------------------
تعودت مشاعل تصحي طلال كل يوم للدوام ,,, كانت تصحيه الساعه الساعه 7 ويتدلع 10 دقايق بالسرير
ويعذبها لحد مايصحى
يوم الاربعاء الي يسبق اسبوع الاختبارات كانت مشاعل سهرانه مع ساره يذاكروا لما الساعه 5 الفجر
صحت الساعه 8 تاخرت على طلال كان المفروض تصحيه 7 ,,, دقت عليه مرتين مارد ,,
خافت انه زعل منها,, وبعد سبع اتصالات رد اخيرا
طلال وصوته كله نوم: الو
مشاعل:انشالله ماصحيت؟؟
طلال: ليش كم الساعه؟؟؟؟
مشاعل: الساعه 8 اصحى بسرعه ,,,مره تاخرت ع الدوام
طلال: وليش توك تصحيني حضرتك؟؟؟
مشاعل: يالله بسرعه اصحى انت الحين بعدين نتفاهم
0طلال: لا ماراح اصحى لحد ماتقولي لي ليش ماصحيتيني ,,, مانمتي الا متاخره صح؟؟؟
مشاعل: يا الله ,, والله انك فاضي
طلال: يعني تعاندي ,,, ميشو كم مره قلت لك لاتسهري ,, تدري ان السهر مو كويس خاصه وقت الاختبارات
سبحان الله زي الاطفال
مشاعل: طيب يالكبير ممكن تصحى؟؟
طلال: لا مابي
مشاعل: ايش اللي ماتبي قوم طلول بليز
طلال: قوم يا ايش
مشاعل استحت: طلال مو وقته
طلال : انا عرفت ليش ابوك ارتفع السكر عنده
مشاعل استغربت ايش جاب طاري ابوها: ليش؟
طلال: اكيد تدلعيه بلسانك الي ينقط سكر وعسل,, خفي ع الشايب شوي
مشاعل: ههههههههههههههههههههههههه
نفسها تقول له احبك,, يا الله هالانسان قدر باسبوعين يصير كل شي بحياتها ,, وباي كلمه يهز عالمها الصغير هز
طلال: ميشو
مشاعل: عيونها
طلال: ماراح اروح للدوام ,, ابي احكي معاك,, بليز لاترديني
مشاعل: فيه احلى من الوقت الي اكلمك فيه
طلال: يامجرمه كنت اختبرك ,, بشوف تخافي علي والا لا,,, تبين ابوي يقتلني ادري فيك
مشاعل: ههههههههههههههه
طلال: خلاص ميشو بروح البس وانتي نامي بس بصحيك 12 الضهر اوكي
مشاعل: لااا حرام عليك مانمت الا بوقت متاخر
طلال: مالي شغل لازم تعدلي نومك
مشاعل: طلول علشان خاطري خليها 2
طلال: ولا عشر دقايق ماراح ااجل
مشاعل\" طيب عادي اقفل موبايلي مو صعبه
طلال: اوكي عادي بس كنت بقول لك ترى المؤسسه حقتنا جنبها بنك
مشاعل: طيب؟؟؟ايش اسوي لك
طلال: لابس كنت بقول لك ان البنك يقفل الساعه 12
مشاعل: تستهبل ... ايش تبي اجي اقفله انا
طلال: يعني الساعه 12 يطلعوا موظفات البنك ينتهي دوامهم ويقولون حلوات... انتي نامي
وخذي راحتك يمكن اشوف لي كم وحده حلوه اكحل عيوني
مشاعل: جعل عيونك العمى لو طالعت,,, اوريك,, تشوف
طلال: بسم الله على عيوني ,, طيب شسوي قطوتي نايمه
مشاعل: ومين قطوتك هذي؟؟؟
طلال: انتي
مشاعل: طلال ممكن سؤال؟؟؟
طلال: سمي
مشاعل: تذكر اول مره شفتك فيها كنت تكلم وحده وتقول لها بطتي؟؟ مين هذي؟؟
طلال مات ضحك:يوووه شكلك حاقده مانسيتي,, المهم بطتي هذي بنت واحد من اصحابي ,,, صغنونه,, عمرها 3 سنوات
لو تشوفيها ميشو تاكليها,, اما قطوتي فهي انتي لانك شريره ,, وماتحبي احد يحارشك
اما سياره البنت الي كانت واقفه كانت سياره خويه الي معاي ,, بس كنت ابي اقهرك
مشاعل: ليش تقهرني؟؟؟
طلال: ميشو بعدين اشرح لك الموضوع بروح البس الحين
مشاعل : قلبي الله يخليك لاتسرع وانت طالع
طلال : ابشري ,, وانتي تغطي كويس
مشاعل: بتوحشني
طلال: ياكذابه كيف اوحشك وانتي نايمه
مشاعل: مدري بتوحشني بالحلم
طلال: اها زل لسانك ... تعالي مين بتحلمي فيه
مشاعل: ههههههههههه يوه طلال خلاص روح لاتتاخر
طلال: ابو التصريف ,, المهم انتظرك الساعه 12 اذا مادقيتي ترى مقدر اتحكم بعيوني
مشاعل: شكلك ودك تنضرب
طلال: اذا انتي الي راح تضربيني فانا احبه
مشاعل ماكان عندها اي شك ان طلال كان حبها الاول والاخير ,,, ماكان يهمها ايش يحس ناحيتها
المهم انها تحبه ,,, يكفي انها تسمع صوته كل يوم,, يكفي انه حنون معاها,,, يكفي انه يخاف عليها
ويقلق عليها,, وهالشي تعتبره حلم وتحقق
---------------------------------------------------------------------------------------
كان الخوف واضح ع ساره مو الاختبار بكره السبت وماخلصت الماده
اما مشاعل فكانت مطنشه نوعا ما لو ان طلال مايدق عليها كل شوي ويغصبها تذاكر ماكانت فتحته حتى
ساره: ميشو بنجن الساعه11 وماخلصت الماده
مشاعل: ياشيخه طنشي انتي ع الاقل باقي لك 10 صفحات ,, انا ماخلصت ولا نص الماده ,, وسعي صدرك
ساره: اذا صرتي مجنونه اصير مجنونه مثلك
مشاعل: ياشيخه ,,, اقول ظنك فهده خلصت؟؟؟
ساره: ماتوقع هي ميت قلبها مثلك
مشاعل: تدرين بدق عليها اخرب عليها
دقت مشاعل على فهده
مشاعل: هلا والله بالدافوره
فهده: اي دافوره توني اصحى
مشاعل: هههههههههه بالله ,, يعني ماذاكرتي
فهده: والله يقولوا البنات فيه ملخص تصدقين توني ادري
مشاعل: ههههههههه والله انك فله
فهده: اقول اخبار طلال
مشاعل: ياحبي له
فهده: هاه السناره غرزت؟؟؟
مشاعل: الا غرزت وصادت حوت بعد ههههههههههههه
فهده : هههههههههههه اقول ليش ماتجوا تذاكروا عندي بكره
مشاعل: والله ماتوقع اذا اجتمعنا انا وانتي بنذاكر
فهده: على قولتك ,, مدري ايش اكل ميته جوع
مشاعل: اطلبي لك اكل من اي مطعم
فهده: شرايك من وين اطلب
مشاعل: اسمعي انا بطلب لك
فهده: طيب بس قولي لهم يجون بسرعه ترى ميته جوع
مشاعل: اوكي
فهده :بس ايش حتطلبي يمكن ماحب هالاكله الي حتطلبيها
مشاعل: لاماعليك بطلب لك شي تحبيه ,,,باي الحين قبل يقفلون
فهده: اوكي باي
بعد ماقفلت التفتت مشاعل لساره وسالتها
مشاعل: سارونه ايش المطعم الي فهده ماتحب اكله
ساره: والله مدري بس ليش؟؟؟
مشاعل: ابي اطلب لها اكل تقول ميته جوع
ساره: والله انك فاضيه مقالب ايام الاختبارات لاتدعي عليك بس
مشاعل: اسكتي انتي بس وكملي مذاكره
مشاعل طلبت من كنتاكي تذكرت ان فهده حلفت اذا دخلوه ان ماتشرب لو بيبسي مره تكرهه
مشاعل: هههههههههههههه توهقت فهده ,, شكلها اخر شي حتسوي لها بيض هههههههههه
ساره: ههههههههههههههه ,, ميشو يالخبله ذاكري بكره الاختبار,, هاتي موبايلك
مشاعل: طيب طيب بس شوي
ساره: لا هاتيه
مشاعل: طيب اخر شي بكلم حسين والله مره واحشني
ساره: ميشو ذبحتيني
دقت مشاعل على حسين
مشاعل: هلا حسونه
حسين: هلا ببنات الجامعه
مشاعل:هاه كيف ثالث ثانوي ,,,عسى بس ذاكرت
حسين: هههههههه ,, تسمعين بالمذاكره,, انا برا
مشاعل: اقول والله انك فله ,,,, بس لما ماتلقى لك قسم يدخلك من نسبتك الخايسه لاتصيح ههههههه
حسين: لاحبيبتي نشغل الواسطات
مشاعل: اخس واسطات
حسين: ايه ايش على بالك,, وانتي يالفالحه خلصتي
مشاعل: ياشيخ طنش تعش تنتعش
سمعت صوت خط ثاني بالانتظار ,, لقت رقم طلال
حسين: هاه اخبار خوينا حا..
مشاعل: حسين باي الحين بعدين اكلمك
ماانتظرت يرد ,,,, على طول ردت على طلال
طلال: ماشالله معاك خط وانتي بكره عندك اختبار
مشاعل: الناس يسلموا اول
طلال: السلام عليكم
مشاعل: عليكم السلام
طلال: مين تكلمي؟؟
مشاعل: حسين
طلال: حسين؟؟؟
مشاعل: ايه اخوي
طلال: بس اول مره تقولي ان عندك اخو اسمه حسين
مشاعل: لا هو اخوي ومو اخوي
طلال: مو فاهم,, اخوك من الرضاع؟؟؟
مشاعل: لا,, يعني هو مو اخوي بس انا اعتبره اخوي
طلال: اها يعني مايقرب لك
مشاعل: لا
طلال: اها
مشاعل: وحشتني ,, تدري ان لك ساعتين ماسمعتني صوتك
طلال:...............
مشاعل: الو
طلال من غير نفس: معاك
مشاعل: ايش فيك ساكت
طلال: ولاشي
مشاعل: طلال ايش فيك؟؟
طلال من غير نفس: لا بس شكلي قطعت مكالمتك مع حسين
مشاعل: طلال قلبي حسين مثل اخوي وربي
طلال: ترضي اني اكلم وحده واقول هذي مثل اختي؟؟
مشاعل: لا
طلال: اها
مشاعل: طلال بس حسين وربي مثل اخوي اعرفه من زمان
طلال بزعل: الله يهنيك فيه,, تامرين شي بروح انام
مشاعل: طلول والله مو قصدي ولابينا شي قسم بالله
طلال: طيب انا قلت ان بينكم شي
مشاعل: طلال
طلال بزعل: نعم
مشاعل: ايش فيك ,,, طيب اسمع بعطيك رقمه واساله
طلال: لا مايحتاج,, ممكن اقفل
مشاعل بدلع: طلال بليز لاتزعل ,, ترضى اروح بكره للاختبار متضايقه ,, بعدين ماعرف احل واسقط
طلال: خلي حسين يوسع صدرك
مشاعل: طلال خلاص والله ماكلمه الا اذا استاذنت منك
طلال بنرفزه: اقول بس باي ,,, صدق انك ماتستحي
مشاعل خافت: حبيبي انا اسفه
طلال: ..........................
مشاعل: والله اسفه اسفه اسفه وربي ماكلمه ابد ابد ابد ,, طلال تدري ان حسين اعتبره اعز صديق لي
ومع كذا وربي لو هالشي يزعلك وربي ماراح ارد عليه ابد
طلال..........................
مشاعل: خلاص طلال وربي اسفه بليز لاتزعل
طلال:........................
مشاعل:الو
طلال: معاك
مشاعل: ليش ساكت
طلال: مستغرب
مشاعل: من ايش
طلال: فيه كلمه قلتيها مصدوم منها
مشاعل مره خافت: ايش قلت
طلال: اسفه
مشاعل: طيب؟؟
طلال: ميشو انتي عمرك ماقلتيها ,,, انتي تتاسفي؟؟
مشاعل ابتسمت: طلال وربي انت غيرت فيني اشياء كثيره ,, الحين بس احس اني عايشه
احس بطعم الدنيا,,, واشياء كثيره ماكنت راضيه عنها بس كنت الاقي صعوبه في تغيرها ,, اما
الحين القى نفسي ابعد عنها بدون ماحس ... طلال
طلال: لبيه
مشاعل: احــــــــــــــــبـــــــــــــــك
طلال:........................
مشاعل: ....................((كانت تتمنى يقفل الخط بس مايسكت ماتدري ايش يفكر فيه))
مشاعل: طلال
طلال بهدوء: لبيه
مشاعل: انا اسفه ع الكلمه
طلال: ليش ندمتي عليها؟؟؟
مشاعل: لا بس يمكن ضايقتك
طلال: تدري ميشو وربي هذي احلى كلمه سمعتها بحياتي ,,, سمعتها كثير بحياتي ,,, من امي
واخواتي ,,, وعلاقات قديمه,, بس اول مره احس فيها,,, ميشو قلتيها كلمه وبس ,,, والا انتي حاسه فيها
مشاعل: طلال واللي خلقني اني اموت بالارض اللي تمشي عليها ,,, طلال احبك احبك احبك
طلال : ميشو ايش طلال بحياتك؟؟
مشاعل: ااااااااااه
طلال: سلامت قلبك من الاه انشالله فيني ولا فيك
مشاعل: انت ياطلال عمري ,,, وماراح انساك الا لما ينتهي عمري ويدفنوني ,,, طلال انت الدم الي بعروقي
انا كنت خايفه اني احب واتعذب,, بس انا مقهوره على 20 سنه الي راحت من عمري بدونك
,, ماكنت اتوقع ان الحب شي حلو ,,, طلال من بعد امي انا ماحبيت احد بالدنيا ,, وانت الشخص
الوحيد الي حبيته ,, ماتدري انت ايش سويت بحايتي ,,, طلال انت حياتي
بدت مشاعل تبكي يمكن علشانها اول مره تحكي من قلبها,, يمكن علشان المشاعر اللي كانت مكبوته
ولما طلعتها حست بدموعها تنزل بدون ماتحس
طلال: ميشو قلبي ليش تبكي؟؟
مشاعل: لاني فرحانه ,,, هالكلام كان ودي اقوله من زمان بس ماكان عندي جراءه
طلال: الله لايحرمني منك
مشاعل: ولا منك
طلال: انشالله مايفرقنا الاالموت
مشاعل: امين يارب
طلال: حبيبتي لازم نتفق اتفاق اذا نبي نستمر مع بعض
مشاعل: انا رهن اشارتك .. انت طلباتك اوامر
طلال: حبيبتي انا مايهمني اعرف ماضيك,, ولا مين عرفتي اوكلمتي,, ولاراح اعاتبك على ماضيك
بس من اليوم ياميشو.. انتي لي,,وماراح ارضى احد يشاركني فيك... ميشو ماتتخيلي النار
اللي تحرق صدري لما ادري انك طالعه,, ميشو مابي احد يطالعك غيري,, مابي احد يسمع صوتك غيري..
مابي تحكي ولاتضحكي مع احد غيري.. ابيك لي لوحدي,, ملكي... ميشو بليز انا بتغاضى عن ماضيك
وهذا شي صعب خاصه على شاب شرقي ,,, بليز لاتخونيني ,,, كوني لي,,, عشان خاطري ابيك لي,, لاترديني
صارت مشاعل تبكي اكثر ,, خافت انها ماتقدر تتحمل هالفرحه
مشاعل: والله ما اطالع احد غيرك ولاافكر بغيرك ,,, معقوله افكر بغيرك وانت معاي,, صدقني
مااشوف احد غيرك ,,,,, طلال والله احبك
طلال: ميشو انا غيور مره تقدري تتحملي
مشاعل: لوتقفل علي بغرفه وماتخليني حتى النور اشوفه انا راضيه ,, انت نوري وشمسي
انت الفرحه بقلبي
طلال: ياحبيبتي,, طيب بليز ميشو لاتبكي علشان خاطري ,, اذا لي خاطر لاتبكي دموعك غاليه
مشاعل: طلال والله من الفرحه
طلال: ميشو اوعديني ماتردي على حسين ولاغيره ,,تدري انا بغير رقمك علشان محد يدق عليك
مشاعل: ماراح ارد على حسين ولا غيره ,, واذا تبي تغير رقمي غيره ,, اهم شي رضاك علي
طلال: وربي انتي دنيتي,,, ميشو من اليوم وطالع ماتطلعي الا من بعد اذني
مشاعل: ابشر
طلال: ودوران مافيه
مشاعل: ابشر
طلال: وصاحباتك ماراح يزعلوا؟؟؟
مشاعل: ماهموني,, اهم شي رضاك
طلال: ميشو ابيك تغطي وجهك ,, مابيك تطلعي كاشفه ,,, مابي احد شوفك غيري
مشاعل بسعاده: ابشرررررر , احبك احبك, احبك
ومرت دايق وهم يتواعدون ان كل واحد مايخون الثاني ,,, وكانوا يتبادلون احلى كلمات الحب
قطعها سؤال طلال
طلال: ميشو حبيبتي متى اختبارك بكره
وكانه بهالسؤال صحاها من احلى حلم
مشاعل: الساعه11
طلال: وانتي حظرتك جالسه تكلمي ,,خلصتي مذاكره
مشاعل: يعني
طلال: طيب نامي وانا بصحيك الفجر تخلصي الباقي
مشاعل: لالا مايحتاج ,, بس ياليت تصحيني 10 علشان الاختبار
طلال: ابشري حبي,, تغطي كويس
مشاعل: ابشر
طلال: الله لايحرمني منك
مشاعل: ولامنك
طلال: الله يحفظك باي ياحبيبتي
مشاعل: باي ياعمري
ماكانت تعرف تبكي والا تضحك ولاتصارخ ,,, حست انها صارت تمتلك الدنيا كله ,,ولو ان طلال
ماقال لها انه يحبها,, بس يمكن متردد,, كل تصرفاته تدل على انه يحبها,,, بس ليش ماقال لها
,, يمكن يبي يتاكد من مشاعره
-------------------------------------------------------------------------------------
الساعه 10 كان موبايل مشاعل يدق
مشاعل بصوت كله نوم: الو
طلال: صباح الخير على قطوتي
مشاعل: صباح الانوار والفل والياسمين
طلال: وحشتيني
مشاعل: وانت اكثر
طلال: ياكذابه كنتي نايمه شلون وحشتك
مشاعل: بالحلم ههههههه
طلال: هههههههه يله حبيبتي اصحى ,, مقدر ارجع ادق عليك عندي اجتماع
مشاعل: اوكي يله صحيت
طالعت مشاعل سرير ساره لقتها صحت اكيد الدافوره تحت تذاكر
لبست بسرعه ونزلت تشوف ساره لقتها لابسه وجالسه تذاكر
طلعوا وركبوا السياره واول شي سوته مشاعل انها تغطي وجهها اكيد وعدت طلال ومستحيل
تكذب عليه ودق موبايل مشاعل
مشاعل\" غريبه طلال داق يقول عنده اجتماع\"
طلال: هلا والله باللي تسمع الكلام
مشاعل: ايش؟؟
طلال: مشاعل حبيبتي اكشفي
مشاعل: مافهمتك مره تقول تغطي ومره تقول اكشفي
طلال: اكشفي والتفتي يمينك
مشاعل التفتت لقت سياره طلال ((يالله حتى الصباح شكله يجنن))كان لابس ثوب وشماغ
مرسم الولد علشان الدوام: وين الي عنده اجتماع
طلال بخبث: وهذا مو اجتماع حب
مشاعل تضحك: ياقلبي احبك
طلال: خلاص تغطي
مشاعل: مابي,, ابي اشوفك
طلال: قلت تغطي
مشاعل: انشالله ,, تعال ايش طلعك الصباح
طلال: مستحيل اخليك تروحي الجامعه بدون ماوصلك,, بعدين احد يفوت القمر بالصباح
مشاعل تبي تقهره: مو كنت شينه
طلال: كنت اعمى ,, بعدين ماعندك مرايه علشان تعرفي اني اكبر كذاب
مشاعل: طيب ارجع للدوام جامعتي بعيده
طلال يبي يقهرها: ليش تصرفيني ايش عندك اكيد مواعده حسين
مشاعل: حسين بوجهك
طلال: ايش عندها خويتك ساره بتاكل الكتاب اكل ,, الله يخلف علي خويتي كسلانه,,يزيد الي لاقيها خويه دافوره
اقول ماتعرفين وحده دافوره تعرفيني عليها
مشاعل: وجع ,, مو دافوره لله ,, ابوها حالف انها اذا مانجحت ماراح يسفرها هالصيف
طلال: اها , وانتي ماراح تسافري؟؟
مشاعل: اذا نجحت راح نسافر
طلال: يارب ماتنجحي
مشاعل: حرام عليك ليش
طلال: لاني هالصيف ماارح اسافر
مشاعل: ليش
طلال: ماقدر اترك المؤسسه ,,ياانا ياابوي ,, وابوي بيسفر اهلي,, وانا ماراح اسافر الا بعد مايرجعوا
مشاعل: اها
طلال: اهون عليك تسافري وتتركيني
مشاعل: مشكلتك
طلال: اوكي روحي,, اتعرف على البنات الي بالبنك الي جنبنا
مشاعل: هههههههههههههه والله احسهم شينات
طلال: شينات بعينك ,, الا كل وحده احلى من الثانيه
مشاعل: والله,, اوكي باي بكلم حسين
طلال: والله لاخليه حسن مو حسين لو فكرتي تدقي عليه
مشاعل: طلال احبك شسوي
طلال: لاتسوي شي عطيني بوسه
مشاعل احمرت خدودها: اقول باي انا وصلت الجامعه
طلال: يالله كذابه عيني عينك ,,, ترى انا وراك
مشاعل: طيب البنت معصبه تقول ماخليتيني اذاكر ازعجتيني
طلال: طيب اوكي انا وراك لحد ماتوصلي ,, بعدين برجع للمؤسسه ,, بس قلبي طمنيني اول ماتطلعي
مشاعل: انشالله
--------------------------------------------------------------------------------------
خلص الاختبار وكانت مشاعل تدعي بس انها تجح لان الاسئله جت مره صعبه
ساره: اوف اخيرا خلص مابغينا نفتك
فهده: والله شكلي بحمل الماده
مشاعل: ومن سمعك
مشاعل راحت تكلم طلال تطمنه
مشاعل: والله انشالله اقدر اعدي
طلال: احسن جالسه تكلمي حسين ومدري مين
مشاعل: يالله طلال خلاص ترى ذليتني بحسين
طلال: طيب متى اختبارك الثاني
مشاعل: الثلاثاء
طلال: ثلاث ايام فيه وقت تذاكري
مشاعل: انشالله تتركني اذاكر ماتنشب لي
طلال: ههههههههه والله طيب طيب , المهم بتطلعي الحين من الجامعه؟؟
مشاعل: ايه
طلال: لاتطلعي انا قريب من الجامعه ,, لاتطلعي لما ادق عليك
مشاعل: ايش عندك جاي الجامعه
طلال: ماراح اخليك ترجعي لوحدك
مشاعل: معاي ساره
طلال: حتى لو ,,, حبيبتي ومن حقي اوصلك وارجعك
مشاعل: ياقلبي بس مابي اتعبك,, والا عذر علشان تشوف البنات
طلال: يعني تقريبا
مشاعل: طيب اذا قربت دق مره تعبانه
----------------------------------------------------------------------------------
مره اسبوعين الاختبارات اطول من ماكانوا يتوقعوا وصار فيه تقدمات كثير
مشعل راح يشوف الخطيبه وانجن عليها وماصار يتكلم الا عنها وتحدد زواجه بعد شهر
اما مشاعل كانت غرقانه في بحر الحب والغرام مع طلال الي للحين ماسمعت منه كلمه احبك
وفهده اخيرا انخطبت لولد عمها
---------------------------------------------------------------------------------
بعد ماطلعت النتايج
فهده حملت 3 مواد بس ماكانت مهتمه لان الزواج كان كل همها
ساره نجحت وبتفوق
اما مشاعل حملت مادتين وطبعا زعل عليها طلال يومين كل ماده بيوم خخخخخخخخخخخخ
---------------------------------------------------------------------------------
مشعل: ميشو كلمي نجود قولي لها تقنع اهلها يقدمون الزواج ,,, تعبت مع ابوي مو راضي
مشاعل: اذا ابوي مو راضي تبي البنت تقول لاهلها يااهلي قدموا الزواج ابي اتزوج بسرعه
مشعل: شسوي مليت من الانتظار
مشاعل: سبحان الله اللي يشوفك قبل مايقول هذا مشعل,,, كنت كاره شي اسمه زواج ,, اركد ياخوي
الركاده زينه
مشعل: اوووووووه ميشو بليز سوي شي ماني قادر
مشاعل: اقول مشعل انا مو فاضيه لك ولقضاياك ,,, قول لسعود اتوقع يتحمس لمشكلتك
طلعت من عنده ميته جوع وماتعرف ايش تاكل ,,,دقت على طلال يمكن يعطيها اقتراح
مشاعل: طلول ميته جوع مدري ايش اكل
طلال: امري ,,, اطلبي ودقايق ويكون عندك
مشاعل: ايه انشالله وشلون تدخله بيتنا
طلال: عادي خلي الخدامه تطلع تاخذه مني
مشاعل حست انه وقت حلو هي الي تاخذ منه الاكل
مشاعل: ابي دونات
طلال: غالي والطلب رخيص ,,, ثواني البس واطلع
مشاعل: تلبس ليش تعال بالبيجامه ,,, الخدامه الي بتاخذه منك
طلال: اول شي مجنون انا اطلع بالبيجاما ,, بعدين توني راجل من النادي ... وتوني متحمم
تبيني اجيك بالفوطه هههههههههههههههههههه
مشاعل انحرجت: اوكي لاتطول
بعد 10 دقايق دق عليها
طلال: هاه قلبي انا بالبيت توني مشغل السياره ,, حبيبتي من وين تبي اجيب لك دونات؟؟؟
مشاعل: بيت الدونات
طلال: ترى مادل كويس ,,, تعرفي باي شارع هو
مشاعل: اممممم مدري
طلال: طيب ثواني انادي المرشد السياحي
مشاعل استغربت عنده مرشد سياحي ليش الاخ وين رايح؟؟؟
طلال يكلم الي عنده: نواف تعال معي بنروح مشوار
نواف اخوه الصغير عمره 10 سنوات: وين انا مشغول ماني فاضي ايش تبي
طلال: ياطويل العمر ابد ابيك تروح معي بشتري دونات وماادل
نواف: وكم تعطيني
طلال: يالله فشلتنا ايش بتقول البنت اخوك طماع ,, تعال ياخي اعطيك الي تبي بس خلصني
نواف: يله مشينا
نواف على صغر سنه بس كان اسلوبه اسلوب شايب عمره 50 يمكن علشان طول الوقت جالس مع ابوه
طلال: هاه وين اروح
نواف: اقرب واحد لنا الي بطريق الملك عبدالله ,,, يله روح هناك
طلال: ابشر طال عمرك,,, ميشو ماتحسين اني اتهزء؟؟؟
مشاعل: طلال انا مصدومه كم عمر اخوك
طلال: 10
مشاعل: ماشالله شكله عمره 30
طلال: ايه نسميه بالبيت الشايب
مشاعل: هههههههههههههههههههه
نواف: خلصني روح يمين
طلال: ابشر ,,, بس لاتعصب الله يحفظك
نواف : بس هنا
طلال: يله عاد انزل اطلب
نواف: خدام عندك انزل انت
طلال: نواف عيب انت اخوي الصغير
نواف: طلعتي معك هذي بميه اما لو تبيني انزل تدفع 200
طلال: خلاص يله بس انزل بعطيك الي تبي
نواف : الحين عطني 300
طلال: وليش انشالله كانت 200
نواف: ماتبي تدفع حق الدونات والا انشالله على بالك انا الي بدفع
طلال طلع من محفظته 300 واعطاه لاخوه وقال له الطلب
مشاعل: مجنون مين راح ياكل كل هذا
طلال: انتي
مشاعل: ليش شايفني افه
طلال: لا ابيك تسمني
مشاعل: لاجد طلال مره كثيره ,, حرام
طلال: ياحلوك ساكته,, ايش رايك في هالخبل نوافوه
مشاعل: ماشالله يجنن خطير ,,, بليز هاته عندي يوم
طلال: لا انا اخاف عليك منه مااظمنه صح انه صغير بس عينه زايغه
مشاعل:ههههههههههههههههه
ركب نواف وماكان شايل الاغراض ,,, خلى الهندي يشيل عنه
طلال: الله يحييك ليش ماشلت الاغراض
نواف: ياحبيبي فلوسي تخدمني
طلال ومشاعل:هههههههههههههههههههه
وهم في الطريق لبيت مشاعل
نواف : اقول طلال مالاقي عندك سلف 100
طلال: ههههههههههه ايش عندك كل شوي ساحب 100 وهذي حقت ايش الرجعه لاتخاف ادل البيت
نواف: لا مو ميه ريال
طلال: اجل
نواف بصدق: ميه الف
طلال ومشاعل اللي على الخط مستمعه : هههههههههههههههههههه
طلال: ليش بتتزوج من ورانا
نواف عصب: اتكلم جد
طلال:ليش ايش تبي فيها
نواف : والله طلعت مع السواق قبل امس للعربه(معرض سيارات) ,,, وشفت لي همر خطير
وقال لي ادفع ميه الف نحجزه لك,, وقلت لابوي قال خلها الاسبوع الجاي,, واخاف يطير علي الموتر
طلال:ههههههههههههههه ماتبي ماي باخ؟؟؟
نواف: اقول ترى اكلمك جد وانت تستهبل
طلال: من جدك ابوي وافق؟؟؟
نواف: اي والله
طلال: وانشالله مين بيسوقه انت؟؟؟
نواف: لا السواق
طلال: ياخي اشك انك مسوي لابوي عمل ,, مستحيل يرفض لك طلب
نواف: المهم تسلفني والا لا
طلال: اقول يركدون بس ,, حبيبتي انا برا خلي الخدامه تجي تاخذ الاغراض
راحت مشاعل ركض وكانت الاوضاع تساعد انه تفتح له الباب لان البيت ماكان فيه احد
فتحت مشاعل الباب ,,, انصدم طلال من الي شافه,,, اول مره يشوف مشاعل بدون عبايه
وجلس يطالع مصدوم ,,, هي بعد اول مره تشوفه من قريب ,, وعينها بعينه,,, ماتكلم عطاها
الاغراض ومشى
دق عليها
طلال: الخدامه هاه
مشاعل ميته ضحك: ايه
طلال: تدري ان خدامتكم تجنن ,,, نبي زيها
مشاعل: لا مافيها منها الا نسخه وحده
وكانت حياه مشاعل وطلال مره تجنن ,, ماكان فيها اي مشاكل ,, كانت مشاعل تسمع كلام
طلال كله,,, ولايمكن تناقشه ابد في امر امرها به
--------------------------------------------------------------------------------
يوم الاثنين كان موعد رحله مشاعل لجده الساعه 11 بالليل ,,, كانت رايحه تزور خالاتها
اللي ساكنين بجده ,,, وبعد مااقنعت طلال انه يخليها تروح,, وافق بس بشرط انه يروح معاها بنفس الطياره
ويطمن عليها بعدين يرجع بنفس اليوم,,,
صحت الساعه 2 الضهر ,,, منصدمه,,, ايش كرم الاخلاق الي نزلت على طلال ,, خلاها تنام
لحد الساعه 2 الضهر ,,, بالعاده الساعه 12 يصحيها غصب ,,,
طالعت موبايلها مالقت اتصال منه,,, دقت عليه مارد
قررت تتحمم وتنزل تفطر او تتغداء
انتهت من الغداء بحدود 4 العصر ,,,
تدور موبايلها تذكرت انها نسته بالغرفه ,,, يالله اكيد طلال معصب
طلعت غرفتها ,, استغربت مااتصل عليها ,,, اكيد طلع من الدوام ونام
كانت الساعه 8 وطلال مادق ولااتصل,, خلاص الرحله باقي عليها 3 ساعات ولازم تكون
بالمطار بعد ساعتين
اتصلت على ساره
مشاعل: سارونه مره خايفه على طلال مادق اليوم كله مو من عوايده
ساره: يمكن مشغول
مشاعل: تكفين عطيني رقم يزيد اكيد شافه اليوم
دقت على يزيد واللي قال انه ماشاف طلال من يومين
دقت على بيت طلال وكان يرد عليها السنترال(ناصر)ويقول لها ان سيارته ماهي موجوده
ولاهو بالبيت
حاولت بيزيد انه يروح بيت طلال يدور عليه,, يمكن لاسمح الله يكون تعبان بغرفته ومو قادر يقوم
كانت في انتظار لحد الساعه 10 وابوها يستعجلها تطلع لاتفوتها الطياره ,,, بلغت ابوها انها
ماراح تروح لانها تحس بتعب وراح تاجل رحلتها لبكره
كانت الساعه 5 الفجر وطلال مابين وهي ماقدرت تنام من الخوف ,,, اتصلت على طلال كثير يمكن فوق
200 اتصال ,,, مو معقوله طلال اذا طول يتصل كل ساعتين والحين يغيب يوم كامل
دقت على يزيد الي كان نايم وترجته يروح مره ثانيه يمكن يكون رجع للبيت
بلغها انه مو بالبيت وان اهله منجنين قلقانين عليه
وقتها انجنت خلاص واتصلت ع البيت رد عليها السنترال (ناصر) يقول انه للحين مو بالبيت
طلال متعود اول مايصحى يدق عليها,,, ولما تدق يرد حتى لو كان باجتماع,,, اكيد فيه شي
بس ماتدري ايش هو ظلت تدق على موبايله لحد ماتقفل شكل البطاريه خلصت
صارت تبكي وتبكي,,, دقت على كل المستشفيات ,,, تسال عن اي حادث ,,, بس ماكان
موجود دقت على كل اقسام المرور,,, ماكان موجود,,, خلاص ضاعت حيلتها ماتدري ايش
تسوي يوم كامل ماتسمع صوته ,,,مستحيل,,, مليون بالمليون فيه شي مانامت طول اليوم ....
كانت الساعه 11 الضهر من اليوم الثاني وهي مانامت ياتتصل على يزيد و تبكي
ولا على بيت طلال,,, وناصر يقول لها وياكد انه مو بالبيت واهله كلهم يدوروا عليه
يالله طلال وين راح,,,,,,,,مات,,, مستحيل,,, مريض ,,, بالمستشفى ,,, وينه؟؟؟
كانت الساعه 5 العصر من اليوم الثاني لاختفاء طلال,,, طبعا صار لها يومين مانامت غفت
بدون ماتحس من الارهاق
صحت على صوت موبايلها يدق اخيرا دق طلال بس مو من موبايله ,,, كان يدق من البيت
مشاعل: طلال حبيبي وينك خوفتني عليك
السنترال: لا انا ناصر
مشاعل هنا انجنت اول مره ناصر اللي يشتغل سنترال في بيت طلال يدق عليها
الجزء السابع
طالعت الحبوب الي بيدها عزت عليها نفسها ,,بنت بعمر الزهور ,,,
ليش مو قادره تكون سعيده
مشاعل\" يارب اغفر لي ,,, ضاقت بي الحيله,, لاام الجأ لها ولااخت
الوحيده الي كانت تفهمني جدتي الله يرحمها بس حتى جدتي راحت
وتركتني ليش كل الي احبهم يخلوني ,,, ااااااااااه مافيني اصبر اكثر
يارب اغفر لي يارب\"
واكلت الحبوب
----------------------------------------------------------------------------------------
كان داخل البيت ومتضايق من الي صار
ام مشعل: مشعل وينك هاه بشر ايش فيها مشاعل
مشعل: والله مدري يمه ,, انا خايف عليها رجعت للبيت منهاره مدري
ايش فيها؟؟؟
ام مشعل: ماعليها يمكن متمشكله مع صديقاتها
مشعل: لايمه مشاعل مافيه شي يهزها ,, لو انها من البنات الدلوعات
كان انحاشت من زمان من معامله ام سلطان لها ,, بس مشاعل مايهزها
الى الشديد,, يمه انا خايف عليها
ام مشعل: يويل قلبي على بنيتي ,,, لاتخوفني عليها ,, بروح لها
مشعل: لايمه ,,, هي طلبت مني ومن ابوي ان محد يزعجها ,,, وقالت
تعبانه ابي انام,, بكره انشالله الصباح بروح لها ولازم اخليها تتكلم,,
لازم اعرف ايش فيها
ام مشعل: يمه مقدر انام وانا ماتطمنت عليها ,, بدق على تلفونها اتطمن عليها
مشعل: يمه لا,,, خليها ترتاح ,,, هي تبي تجلس مع نفسها ,, خليها يمه
وبكره انشالله ماراح نخليها
ام مشعل: ياوليدي قلبي ناغزني انها محتاجه لي
مشعل: لايمه انشالله مافيها شي بس هي تبي ترتاح
سمعوا صوت ابو مشعل: لاتخافون عليها عندها ام سلطان ماتقصر
انشالله
ام مشعل في نفسها\" والله لو تشوفها بتموت والله تتلذذ بموتها\"
مشعل: ونعم فيها يبه ماقلنا شي بس انت عارف مشاعل كتومه
ابو مشعل: ايه علشان كذا انا جيت ابيك ياام مشعل
ام مشعل باستغراب: سم يابو مشعل امرني
ابو مشعل: ابيك تسمحين لي بليلتك ودي انام عند ام سلطان ودي اكون
جنب بنتي
ام مشعل : ايه كذا نكون متطمنين عليها
ام مشعل مستحيل تستغنى عن يومها بس علشان عيون مشاعل تكرم مدينه
مشعل: يبه واذا جد اي شي علمنا
ابو مشعل: انشالله ,, تصبحون على خير
-------------------------------------------------------------------------------------------
ساره ومها في الحفله,, دق موبايل ساره
ساره: الو
ام ساره: هلا سارونه حبيبتي
ساره: هلو ماما وحشتيني
ام ساره: وانتي اكثر
ساره: رجعتي والا توك
ام ساره: ايه انا في البيت,, وانتي توك بالحفله
ساره: ايه ماما لسى الحفله مابدت
ام ساره: ههههههههههههههه وانشالله متى بتبدا
ساره: يعني على 2 الفجر,, لسى ماجوا كل البنات
ام سلطان: هاه وناسه وكيف حفلتهم حلوه؟؟؟؟
ساره: ايه ماما مره تجنن ولو ان القراوى في كل مكان ههههههههه
ام سلطان:ومن جايبين مطربه؟؟؟
ساره: جايبين العنود ومره الحفله خطيره وناسه ماما
ام ساره: ومتى بترجعي حبيبتي؟؟
ساره: يعني على 7 الصباح
ام ساره: طيب انتبهي على نفسك
ساره: انشالله ماما تصبحي ع خير
ام ساره تقلد صوت ساره: تصبحي على خير ,,,بس كذا ,, وين بوستي؟؟؟
ساره تحاول تصرف: مانسيت بس كنت بشوف تتذكرين والا لا,,, وعموما هذي بوستك
اموااااااااااااااااااااه
ام ساره: يله حبيبتي تصبحي ع خير
ساره: وانتي من اهل الخير
كانت ساره ومها والبنات فالينها ومو حاسين بمشاعل
مها : اقول سارونه كم الساعه
ساره: هذي الي ماتلبس ساعه ,, شوفي الحين تذلين نفسك للي يسوى والي مايسوى
مها: وانتي اي وحده منهم
ساره عصبت: طبعا الي يسوون
مها: وكم تسوين
ساره: يامصلك اقول وين مشاعل بس مو انتي ,, المهم الساعه 1 ونص ليش؟؟؟
مها: لان اخوي بيمرني 3
ساره انصدمت: 3 مجنونه الناس يدخلوا وانتي تطلعي
مها: حبيبتي اخوي بينام مو فاضي لي
ساره: طيب خليه ينام انا ارجعك
مها: لالا تبين اخوي يذبحني ,,, لاحبيبتي الحمدلله الي خلوني اهلي اجي,,, لازم انام هنا علشان تنبسطي؟؟؟
ساره: ياشينك مهاوي خلينا ننبسط اصلا السهره ماتبدا الي من بعد 3
مها: لا انا سهرتي بدت 12
ساره عصبت منها: انقلعي كيفك ,,, اصلن انا غلطانه الي اجلس معاك
مها : ههههههههههههه لاتعصبين البنات كلهم موجودات
ساره: طيب اوريك
------------------------------------------------------------------------------------------
مشاعل تسمع صوت ابوها وهو داخل غرفته مع ام سلطان ,,, لها 10 دقايق من كلت الحبوب
بدت تحس بضيق في التنفس وجسمها ثقيل ومو قادره تشيله وحست حرارتها ارتفعت ,,
كان شريط حياتها يمر قدامها ,,, موت امها ,, كانت طفله يتيمه مالها ام تشكي لها وتبكي
بحظنها ماعندها ام تنام بحظنها ,, ولا لقت الي تشتكي لها لما تنضرب او لما تصير لها
مشكله بالمدرسه كانت بكل سنه بالمدرسه لما يسووا حفله الامهات تغيب
عن المدرسه اسبوع علشان ماتسمع البنات يحكوا عن امهاتهم وعن
الحفله ,,, كانت محتاجه لها ,, مالقت الي يعوضها عن امها كان ابوها
مشغول بجمع الفلوس والسفر ,, اما خالاتها كانوا بجده ومتزوجات كانت
امها اصغر اخواتها وكانوا مشغولين بازواجهم وبعيالهم,,, اما حريم
ابوها كانت ام مشعل حنونه عليها لكن ماتعوضها عن امها,,, الوحيده
الي كانت تفرح لما تشوفها وتحبها هي جدتها الي كانت تحبها بجنون
وكانت تفرح بشوفتها ,, وكانت تتمنى تعيش عندها بس ابوها كان
معارض هالشي كانت تروح تزورها اربعاء وخميس ,,, وهي في شده
تعلقها بجدتها ماتت وخلتها وحيده من جديد كانت في 14 من عمرها
وكانت داخله سن المراهقه ومحتاجه لام ,,, وكان حبها لجدتها يخفف
عليها فقدها لامها ,,, بس حتى جدتها الي حبتها اختفت للابد,,, ليش اذا
تعلقت باحد يروح 3 بحياتها الي اكيد حبتهم من قلبها هم امها وجدتها
وطلال الي هو سبب بموتها وسبب بعذابها كان ممكن يعوضها عن كل
شي ويعطيها الحنان الي فقدته وكان ممكن يكون الام لها والاب والاخ
والاخت كان ممكن يكون حياتها بس.............. راح مثل امها وجدتها ,,
, مستحيل تقدر تتحمل كانت هذي الافكار الي تدور براس مشاعل
فجاءت حست بطعنه ببطنها مثل السكين ,,, حست باحد قاعد يطعن فيها ببطنها وبكل جسمها
حست انها تلفظ انفاسها ,,, حست بكل خليه بجسمها تبكي وتقول ليش
مشاعل ارحميني مو قادره تتحمل الالم ,,, كانت تتوقع ان الانتحار سهل
وبمجرد انك تاكل الحبوب راح يغمى عليها وتموت مثل الافلام
بس لا ,,, الحين الام يذبحها ,, تخيلت نفسها ميته واهلها يدفنوها ,,
تخيلت نفسها في القبر وحيده ايش راح تقول لربها ,,, ليش قتلت نفسها,,
هل الوحده والهم عذر علشان تقتل نفسها؟؟؟؟
الالم يذبحها بس خافت من الالم الي بتشوفه بعد الموت ,,, تذكرت النار
والجنه ,,, كان ممكن تصبر وتحتسب الاجر وتتوب لربها,,, مر شريط
حياتها بسرعه بس مالقت الا كل الذنوب والمعاصي ,,, تخيلت انها اذا
راحت لاحد من صاحباتها تكون متجهزه ولابسه احلى ماعندها ودايما
ماتروح ويدها فاضيه,,, بس الحين بتروح للقبر ايش راح تاخذ معها
ايش راح يكون لبسها المعاصي والذنوب؟؟؟؟ ندمت ,,, دايما الشخص
الي ينتحر يندم على اللي سواه اذا حس بقرب الموت,,, فكرت طلال
يستاهل الي سويته؟؟؟ اكيد الحين مبسوط مع اخوياه؟؟؟ وانا ايش
مصيري
حاولت تقاول الالم وحاولت تقوم بس رجولها ماساعدتها لسانها ثقيل مو
قادره تتكلم ناهيك عن الالم الي بيذبحها والغثيان الي تحس فيه ,,,
حاولت تزحف ,, وتمت تزحف لما وصلت للباب
بذلت جهد كبير علشان توصل يدها للمفتاح ,,, وبعد محاولات فتحت الباب
,,, حاولت تزحف تدور اي شخص ,,, طالعت غرفه ابوها كانت بعيده
وماتتوقع انها تقدر توصلها اكيد راح تموت قبل توصلها
التفتت يمين ويسار لقت اقرب غرفه لها هي غرفه اخوها فيصل
راحت تزحف لحد ماوصل حاولت تطق الباب بس فيصل كان نايم
حاولت تفتح الباب وبعد مافتحته دخلت وبصعبوه وصلت لسرير فيصل
مشاعل بصعوبه: فيصل قوم قوم
فيصل: اوووووووووه ميشو روحي
مشاعل بهمس : فيصل روح ناد بابا بسرعه انا بموت
فيصل يبكي لانها خربت نومه معذور صغير مايدري ايش يصير: خلاص
ميشو روحي اف ابي انام
مشاعل كانت تتكلم بصعوبه لانها تبذل جهد كبير وجسمها مو متحمل: روح ناد بابا
فيصل الله يخليك
فيصل من ورى الفراش : خليني انام مابي اروح
مشاعل حاولت تصارخ ماقدرت فكرت انها مالها امل الا اناه تضرب
فيصل علشان يروح يصحي امه
حست بان الحياه غاليه وماتبي تموت
حاولت تقوم بس حست بطعنه قويه في صدرها وفجاءت حست بغمامه
سوداء ولحظتها اختفت الحياه من عيون مشاعل
------------------------------------------------------------------------------------------
والله انك منت رجال,, قالها حسين وهو متنرفز من الحركه الي سواها
سلمان في مشاعل
سلمان: تارك الرجوله لك ,,, بعدين مو انا الي خططت ,, غسان هو
صاحب الفكره ,, وانا وطلال نفذنا
حسين: وانتم منتم رجال مالكم كلمه,,, ماتعرفون تقولون لا بس وراه,,
وين قلبك ياسلمان ,, وين رجولتك والله كنت اظن انك رجال بس طلعت
ورع ويمشونك الناس على كيفهم
سلمان: اخس واقطع ورع بعينك ,,,, احترم نفسك ياحسين لايصير لك
شي تندم عليه طول عمرك
حسين: لاتهددني انا ماخاف منك ولا عشره من امثالك وامثال غسان,,
انا ع الاقل عندي شخصيتي واقدر اقرر وارفض وقت الي مايعجبني
الشي مو اسكت وامشي ورى غسان
سلمان بعصبيه :انا مامشيت وراه ,, بعدين انا مقتنع باللي سواه,,, نسيت
الي سوت فيني والا حرام علينا وحلال عليها
حسين: هي بنت ياغبي فرق ,,, انت حمار ماتفهم ,,, ياخي انت رجال مايضرك لو البنت
سوت فيك اي شي لان الرجال ماينهز بس المره مسكينه حساسه وتلقاها الحين منهاره ,,
للاسف انك تقرب لي
سلمان: اقول لاتغلط ياحسين,, والي انت جاي تصارخ علشانها روح دق
عليها خلها تنفعك تبيع ولد عمك علشان بنت ,,, كفوك
حسين: ع الاقل هي ماضرتك ولافكرت تجرحك يوم من الايام والله مع
انها مره بس هي ارجل منك
سلمان: ماكذبت علي ؟؟؟ ماكلمت غيري مليون واحد؟؟؟ ماكذبت علي وقالت لي احبك؟؟
حسين: انت عارف انها ماكانت تحبك ,,, ولاانت حبيتها ,,, انت كنت
توهم نفسك انك تحبها,,,انت كنت معجب فيها وانا متاكد لو مشاعل مو
حلوه مافكرت فيها,,, ولو لاسمح الله تشوهه وجهها انت اول من يتركها
انت ياسلمان تبي تكشخ عند اخوياك ان خويتك حلوه ,,, يالله هذا حب,,,
لاتلومها,, وبعدين حرام عليكم ايش سويتوا فيها
سلمان: لاتخاف قطوه ام 7 ارواح,, دق عليها وتاكد
حسين: ادق عليها ,, ياليتها ترد علي,, لها فتره ماترد علي
سلمان: هههههههههه بعد وجاي تدافع عنها ,, مسكين اظاهر انك انت الي تحبها
حسين: للاسف لا انا ولا انت نستاهلها ,,, مشاعل ماترد علي من فتره
تدري ليش؟؟؟
سلمان: ليش؟
حسين : علشان الكلب طلال الي مايستاهل ظفرها حسبي الله عليه ,,
دقت علي وقالت لي ماتصدق ايش كثر احبك انت اعز صديق واقرب
اخ لي بس انا احترم قرار طلال ,,, لانه زعل لما عرف اني اكلمك وانا
لو مكانه مارضيت يكلم بنات غيري,, شف الاخلاص كان ممكن تكلمني
وهو ماراح يعرف بس حبها له خلاها تخاف على شعوره ,,, والله تمنيت
ان مشاعل حبتني انا والله لاخليها اسعد وحده بالدنيا مشاعل اطيب
انسانه قابلتها يمكن عيشتها مع مرت ابوها وانشغال ابوها هو الي خلاها
تكلم بس والله هالانسانه عمري ماراح انساها في قمه حزنها تضحك,,
تخاف علي اكثر من نفسها ,,, القهر انها تعتبرني مثل اخوها ,,,
والمشكله الثانيه انها اكبر مني بسنتين,,,انا ماهمني لو اكبر مني
بعشرين سنه ,,,بس هي تعتبرني اخوها الصغير,,, سلمان ماتتخيل شلون
حياتي بدونها ,,, كانت حنونه علي وتخاف علي ,, اذا تعرفت على بنت
تروح تتعرف عليها ع شان تعرف انها ماتتكلم فيني او تكذب علي ,,
كانت تخاف علي من اي شي انسانه تعطي وماتقول هات,,, سلمان انت
ظلمت نفسك قبل تظلمها
سلمان منصدم من ولد عمه الي طلع مشاعر كاتمها:ليش؟؟؟
حسين: لانك ماراح تروح من عقاب الله
سلمان: هههههههههههه اي عقاب ,,, انا اصلا ربي ارسلني لها عقاب لها وانتقام للشباب
الي خدعتهم
حسين: تدري الكلام معك ضايع ,,, خلني ادق عليها انشالله ترد مابي
اتركها لحالها
سلمان: اوكي سلمني عليها هههههههههههههههه
حسين: الله لايسلمك ,,, والحقير طلال وينه
سلمان: والله مدري بعد الي صار ماشفته لانه طلع من بيته وانا طلعت
وراه تعرف الشباب ماعرفهم زين
حسين: انشالله الطلعه الي مابعدها رجعه
وقفل الخط
دق حسين على مشاعل مليون مره وهي ماترد
------------------------------------------------------------------------------------------
ساره كانت تدق على مشاعل ماترد كانت بتطمن عليها قبل تركب
الطياره لان رحلتها 3 الفجر,, ولما تعبت دقت على يزيد تبي تعرف
ايش صار على طلال,, بس مارد,, ارسلت له رساله
((يزيد اذا شفت مسجي كلمني ,, ابي اعرف ايش صار على طلال ,,لان مشاعل ماترد علي))
بعد دقايق دق يزيد
ساره تصارخ علشان يزيد يسمعها لان صوت الاغاني مغطي ع صوتها: هلا يزيد
يزيد: هلا ساره ايش هالازعاج وينك
ساره: انا في حفله وحده من البنات ,, المهم ماتدري عن طلال وينه؟؟؟
يزيد بشك: لا ليش مشاعل مو معاك؟؟؟؟
ساره: لا مشاعل اكيد الحين بالمطار لان رحلتها 3 ,, بس مدري ايش
فيها ماترد قلت يمكن طلال مارد عليها
يزيد: اها ,,, لا مدري عنه ,,, بس انتي كلمتيها وماردت؟؟؟
ساره: مليون مره دقيت عليها ,, قلبي ناغزني ,,, بس الوقت متاخر
اخاف ادق على بيتهم ترد مره ابوها النسره
يزيد: مدري حتى طلال مارد علي,,, بس اذا ردت عليك علميني
ساره: انشالله وانت اذا دق عليك طلال قول لي
يزيد: انشالله باي
ساره: باي
يزيد رجع طالع موبايله ودق
يزيد: هلا طلال
طلال: هاه يزيد ايش قالت لك؟؟؟
يزيد: تقول ماترد عليها ,,, ورحلتها 3 الفجر
طلال: انا في المطار ,, الحين الساعه 2 ونص ورحلتها بعد نص ساعه
وهي مو موجوده
يزيد: طلال مدري تقول البنت انها ماترد عليها
طلال: اكيد ماراح ترد هي ناسيه موبايلها عندي,, طيب قول لها تدق ع البيت
يزيد: خلاص ياشيخ لاتقلق عمرك اذا البنت تبي موبايلها بتدق عليه
طلال: ايه بس يمكن الحين تدور عليه
يزيد: عادي تلغي الشريحه وتشتري جهاز جديد,,, وانت ماشالله صحى ضميرك؟؟؟
طلال بعصبيه: ضميري مامات ع شان يصحى ,,, المهم اذا جد شي اتصل علي
يزيد: انت قلت اتصل علي يعني لاتزعجني كل 5 دقايق ,, اذا صار شي بدق عليك,,, طلال
طلال: سم
يزيد يبي يقهره: متاكد انك مو ندمان
طلال بعصبيه : ياخي دمك ثقيل ليش؟؟؟؟ بعدين لو انا ندمان ماكان
سويت الي سويته
يزيد: يعني قلت يمكن ندم الولد ويبي يرجع لها
طلال باستهزاء: مشكلتك تشوف افلام هنديه كثير الله يصلحك
يزيد: والله عاد الافلام الهنديه خطيره,, والله مره شفت فلم هندي
صحت عليه يومين
طلال بضيق: يله بس عن الهذره ,,, لاتنسى تدق ,, واذا اتصلت رد
يزيد: ابشر طال عمرك اوامر ثانيه
طلال: لا باي
------------------------------------------------------------------------------------------
كان مشعل وابو مشعل وام مشعل في الممر ينتظرون الدكتور يبشرهم,,
, مرت الدقايق كانها ساعات
والساعات كانها دهرا
واخيرا طلع الدكتور ووجهه باين عليه التعب
ابو مشعل: بشرني يادكتور ايش صار ,, بنتي ايش فيها
الدكتور بعصبيه: الحين تسال عنها وينكم عنها لما حاولت الانتحار
كلهم انذهلوا مشاعل تنتحر مستحيل
الدكتور: حتى ماقدرنا نشخص الحاله ,, وهذا الشي هو الي خلانا
مانسوي لها الغسيل بسرعه انتظرنا لحد ماطلعت نتيجه التحاليل
والاشعه ,, شلون انتم عائلتها وينكم عنها؟؟؟؟
كلهم انصدموا من الي سمعوه ومو قادرين يردوا ع الدكتور
مشعل حاول ينطق: دكتور شلون تنتحر مشاعل ماكان فيها شي ليش تنتحر؟؟؟
الدكتور: انا ماني دكتور نفسي ولا انا عايش معها في البيت ع شان اجاوبك المفروض انت
الي تجاوبني شلون بنت في عمر الزهور من اجمل الناس الي شافتهم عيني المفروض تكون
سعيده مو تحاول تنتحر ,,, وشلون ماتدرون عنها ,,, وحتى لما جبتوها ماكنتوا عارفين
ايش فيها كان سهلتوا علينا المهمه وعليها
ابو مشعل برعب: يعني بنتي بتموت؟؟؟؟
الدكتور: هذا الحل برايك انها تموت وبس عموما الشرطه في الطريق واتمنى
تجاوبوا على كل الاسئله
ابو مشعل يصارخ ع الدكتور: تتوقع اني بقتل بنتي ,,, انا ماهمتني
الشرطه ,,, ابي اعرف بنتي ايش فيها؟؟
الدكتور خاف من صراخ ابو مشعل وحس انه مصخها: عموما احنا
سوينا لها غسيل معده,, بس المشكله الحبوب بدا مفعلوها ع الجسم اولا
لانكم ماانقذتوها بسرعه وثانيا لاننا ماكنا نعرف انها ماكله حبوب ومن بعد
الوقت الي ضاع في التحاليل والاشعه سوينا لها غسيل معده بس بعد
ماتصحى بنعرف ايش حالتها بالضبط؟؟؟
ام مشعل تعبت من الغاز هالدكتور وتبي تعرف الزبده تبي تطمن ع مشاعل: يادكتور علمنا وش بيصير في بنتي
الدكتور: ماعرف لانها طولت يمكن الحبوب تاثر عليها مثل بعض الحالات وممكن لا يعني يومين ثلاثه وتطلع
ام مشعل: ومتى بنعرف؟؟؟؟؟؟؟؟؟؟؟؟؟؟
الدكتور : لما تصحى انشالله بس انا مابي اخوفكم الحبوب الي اخذتها قويه مره والله يستر,, ادعوا ربكم
ام مشعل اغمى عليها
------------------------------------------------------------------------------------------
ساره كانت في الطريق راجعه من الحفله بحدود الساعه 7 لما دق عليها يزيد
ساره: للحين مانمت؟؟؟
يزيد: لا حبيبتي كنت خايف عليك ابي اتطمن انك رجعتي((في نفسه جعلك مارجعتي))
ساره: يااقلبي ايش راح تسوي لما اسافر لايطاليا؟؟؟؟
يزيد: اكيد راح انجن
ساره:ههههههههههه ياقلبي بسم الله عليك
يزيد: هاه قلبي مادقت صاحبتك مشاعل؟؟؟
ساره: لا للحين ادق عليها وماترد
يزيد: طيب دقي ع بيتها اكيد اهلها صاحين
ساره:لا بدق اذا صحيت اخاف مرت ابوها نايمه واصحيها وتذبحني
يزيد بعذوبه: واذا قلت لك عشان خاطري؟؟؟
ساره بدلع:حبيبي مقدر اخاف تهزئني ترضى ام سلطان تهزئني
يزيد: لو تطلبي مني طلب لسويه لو فيه قطع رقبتي
ساره: طيب خلاص بتصل,, واذا ردت ياويلك مني
يزيد: هههههههههه الله يستر يله باي
دقت ساره ع بيت مشاعل محد رد وكانت بتقفل بس سمعت صوت
ام سلطان بتعب: الو
ساره خايفه: خالتي اسفه صحيتك مشاعل ماترد علي وانا خايفه عليها
ام سلطان بعصبيه : هذا وقت تتصلي فيه
ساره: خالتي اسفه بس خفت ع مشاعل بشوف سافرت والا لا
ام سلطان: لا ماسافرت ,,, هي في المستشفى
ساره برعب: ليش ايش فيها؟؟؟؟؟؟؟؟؟؟
ام سلطان: مدري لقيناها مغمى عليها ووداها ابوها للمستشفى والحين قفلي انتظر ابو مشعل يطمني
ساره: طيب خالتي باي مستشفى؟؟؟
ام سلطان: مدري
وقفلت بوجهها
ساره انجنت ولامت نفسها كانت ترقص ومبسوطه ومشاعل تعبانه ,,,
كانت راح تتصل على ام سلطان تترجاها تقول لها اسم المستشفى بس
هونت لانها اكيد ماراح تقولها,,, اتصلت على كل المستشفيات الكبيره
الي تتوقع مشاعل تروح لها,,, بس كلهم قالوا ان مافيه مريضه بهالاسم,,
تذكرت ان فيه مستشفى حكومي جنب بيت مشاعل بس مشاعل ماتحب
تروح له لانه زحمه ومايدخلون المريض الا لما يموت قالت ادق اشوف
,, ولما دقت فعلا كانت موجوده ,,, قالت للسواق يوديها هناك,, كانت
ميته خوف على صاحبتها
دق عليها يزيد يبي يعرف ايش صار بعد اتصالها على بيت مشاعل
يزيد: ساره ايش في صوتك انتي تبكي؟؟؟؟
ساره وصوتها مو مفهوم من الصياح: يزيد الحقني
يزيد : ايش فيك؟؟؟؟خوفتيني
ساره: مشاعل
يزيد بدا عليه الاهتمام: ايش فيها؟؟؟؟
ساره وهي تصيح: في المستشفى من امس بالليل وانا طول الوقت
ارقص ومستانسه
يزيد: اهدي انتي ماكنتي تعرفي,, بس ايش فيها؟؟؟
ساره: مدري انا في الطريق للمستشفى بروح اشوف ايش فيها
يزيد: طيب طمنيني لاتنسين ,,, بعدين هي باي مستشفى؟؟؟
ساره قالت له اسم المستشفى وقفلت وهي ندمانه لانها ماقلقت على صاحبتها ولاحست بغيابها
كانت مشغوله بالرقص والهبال
------------------------------------------------------------------------------------------
هاه بشرني صحت مشاعل والا توها,,, قالتها نجود الي تتصل على
مشعل كل شوي تطمن على مشاعل
مشعل: لا لسى بس انشالله خير
نجود: وخالتي كيفها الحين؟؟؟؟
مشعل: والله مسكينه ماوقفت صياح
نجود: الله يقومها بالسلامه وماتشوف شر ,,, انشالله الطيحه ماتاثر فيها وتقوم لكم بالسلامه
((كان مخبي ع نجود موضوع الانتحار ,,, حتى لو كانت زوجته فهي غريبه,,, خاف من كلام الناس))
مشعل:امين يارب,,,انتي نامي واذا صار شي بدق عليك
نجود: مقدر انام وانتم في هالحاله مستحيل يجيني النوم,,, ياليتني معكم اخفف عنكم شوي
مشعل: ماتقصرين
لما قفل التفت على صوت بنت كانت تبكي بصوت عالي ,,, وشافها اتجهت ناحيه امه ,,,
وشاف امه تضمها استغرب من تكون؟؟؟؟
ساره: خالتي طمنيني على مشاعل الله يخليك ايش صار؟؟؟
ام مشعل وهي تبكي: حالها مايطمن ادعي لها يابنتي
ساره حست قلبها بيوقف:ليش خالتي ايش فيها ميشو؟؟؟؟؟
ام مشعل حكت لمشاعل القصه كلها وانجنت ايش الي خلا مشاعل تنتحر ,,,
كانت فرحانه بوجود طلال بحياتها وحست ان مشاعل صارت بنت ثانيه
كلها امل وفرح وسعاده,, تذكرت انها كانت خايفه على طلال واكنت
تدوره ,, لامت نفسها لانها ماتذكرت صاحبتها وماحاولت توقف معاها ,,
كانت مشاعل محتاجه لها ,, كانت خايفه من اختفاء طلال يكون صار له
شي,, بس ساره شافت الموضوع عادي لان الشباب يختفون فتره
ويرجعون,,, بس ماكانت تعرف ان طلال ومشاعل كانوا يكلموا بعض
كل ساعه ولما طلال يطول ساعتين مايدق عليها كانت مشاعل تسوي
مناحه,,, صح فكرت غريب اختفاء طلال بس ليش توها تفكر بهالشيئ,,
خافت فكرت ان طلال مات وان مشاعل انتحرت علشانه,, بدون ماتحس
دقت على يزيد
يزيد: هاه طمنيني
ساره: يزيد طلال ميت
يزيد انصدم شلون مات وهو توه مسكر منه: من قال؟؟؟
ساره: مشاعل
يزيد انصدم اكثر لان مشاعل ماتكلم طلال:وهي ايش عرفها؟؟؟
ساره: مشاعل انتحرت
هنا يزيد انصدم صدمه معقوله تحب طلال لدرجه انها تنتحر,, حس بغلطه
اصحابه في حقها وشلون بيكفرون هالذنب ,,, قتلوا انسانه بريئه مالها
ذنب الا انها حبت بصدق
يزيد بصدمه: ماتت
ساره: لا الحمدلله لحقوها اهلها ,,, بس اكيد طلال مات ,,,مشاعل ليش
تنتحر الا علشان طلال,,,هي كانت خايفه عليه واكيد سمعت خبر عنه
يزيد: هي قالت لك كذا
ساره: لالا هي ماصحت للحين والدكتور خايف ان يصير لها شي بعد
ماتصحى لان الحبوب الي كلتها قويه مره وعددها كبير
يزيد باستغراب: وليش سوت كذا
ساره بحيره: مدري بس انا متاكده انها سمعت شي عن طلال ,,, انا
خايفه يايزيد مره
يزيد: لاتخافي انشالله تقوم بالسلامه
قفل يزيد وهو منصدم من الي سمعه ,,, فيه بنت تقتل نفسها علشان واحد
,,, معقوله تحبه لهدرجه,,,رحمها وحزن لحالها,,,دق على طلال بيحكي له الي صار
يزيد: انت لازم تصلي لربك ركعتين شكر
طلال مستغرب: ياشينك انت وهالالغاز
يزيد: تدري كان بيصير لك شي تندم عليه طول عمرك
طلال معصب:بتتكلم والا اقفل
يزيد: مشاعل انتحرت
طلال كان بالسياره يدور من اول ماطلعت مشاعل من بيته للحين مارجع
,,, اول ماسمع ان مشاعل انتحرت مانتبه للسياره الي جنبه ,,, وسمع
طلال صوت الفرامل ,,, انتبه وحاول يتحاشى السياره قد مايقدر وطلال
معروف بانه سواق ماهر ,,, ولكن في هالمواقف المهاره ماتنفع ,,
ماينفعك الا رحمه الله,,, رحمة الله نزلت عليه وقدر يتحاشى السياره
بصعوبه ,, ووقف على جنب ,, يبي يستوعب الي سمعه
يزيد: سلامتك طلال صار لك شي
طلال:.........................
يزيد: الو طلال
طلال بصوت مخنوق :مشاعل ماتت
يزيد: مو انا اقول لك احمد ربك وصل ركعتين شكر انها ماماتت ,,,
كنت طول عمرك بتندم
طلال بخوف: ووينها الحين
يزيد: بالمستشفى ,,, بس ساره تقول انها ماصحت للحين وان الدكتور
خايف الحبوب الي كلتها تاثر عليها يمكن تاثر على مخها او يمكن تشلها ,,,
تدري بعض الناس اجسامهم مافيها مناعه قويه ,,, ادعي لها ياطلال
طلال بصعوبه يطلع الحروف:باي مستشفى هي
قفل منه بعد ماعرف المستشفى , ,, جلس يطالع الشارع الي كان موقف
فيه ,, كان طريق الدمام خالي تقريبا الا من بعض السيارات ,, بعد
ماطلعت مشاعل من عنده مشى بطريق الدمام لانه طويل ومو زحمه
مثل شوارع الرياض حب يفكر وينفرد بنفسه,, حب يفكر الي سواه صح
والا غلط؟؟ ,, مو مصدق الي صار ,,, مشاعل من كم ساعه كانت في
بيته تترجاه مايتركها,,, والحين هي تصارع الموت,,, بكى بدون صوت
,, كانت دموعه تاخذ طريقها على خده وهو يحس بانه حقير وتافهه
طلال نزل من السياره ,,,وصار يمشي ويمشي مايدري وين يروح صرخ
صرخه حس ان كل سكان العالم سمعوها ,,, جلس على ركبته ويدينه
مغطيه وجهه,,هو احقر من ان احد يشوفه طلال صرخ صرخه اقوى من
الاولى وحط راسه بالتراب كان ساجد\"ااااااااااااااااااااااااااااااه
ااااااااااااااااااااااااااااااااااااه ااااااااااااااااااااااااااااااااااااااااااه\"
ظل يصارخ لما خارت قواه \" ليـــــــــــــــش ,,, ليـــــــــش ميشو ,,,
تبي تروحي وتخليني لوحدي ميشووووووووووووووووو احبك والله
احبك\"
وظل يبكي ويبكي ويبكي لما حس ان دموعه بتغرق المكان ,,, حس ان
كل ذره تراب تطالعه وتقول تستاهل انت الي فرطت فيها
طلال\"اااااااااااااااااااااااااااااااه يالقهر ,,, ميشو تكفين لاتروحي
وتخليني ,,, ميشو تكفين ياليتني انا مكانك,, ياليت ماتحسي بذره الم ,,,
ياليتني اموت مليون مره ولا تحسي بنغزه ,,مشاعل انا اسف تكفين عيشي \"
وصار يبكي بصوت عالي كانه طفل,, حس انه انجن ,,, مستحيل يعيش
بدونها طالع السماء كان يدور الشمس يبي يعرف القبله,, تيمم وصلى,,
ولما سجد دعاء من قلبه كان الدعاء يحسه يطلع من قلبه ,,, كان يتمنى
يموت بس الله يقبل دعاه,,, اتجه لربه
الجزء التاسع
صحت مشاعل والكل ينتظر مشاعل ايش راح يصير فيها ,,, كانوا كلهم بالانتظار ,,,, دخل
عليهم الدكتور انتظروا يعزيهم والا يبشرهم؟؟؟
الدكتور: الحمدلله على سلامتها
ابو مشعل بسعاده: صحت ؟؟؟؟
الدكتور : ايوه الحمدلله
ام مشعل: بشر شلونها
هنا الدكتور بانت في نظرته الجديه وبعض الحزن: مدري ايش اقول لكم؟؟؟
ساره ماقدرت تتحمل: تتكلم بالقطاره انت تكلم زين
الدكتور عصب من طريقه ساره : لو سمتحي لاترفعي صوتك ,, انا هنا اادي مهنتي ومابي
اصدمكم بواقع بنتكم الجديد
فهد: الجديد؟؟؟
الدكتور: مشاعل فقدت حاسه من حواسها
ام مشعل: وش تقول انت ؟؟؟؟
ابو مشعل بصدمه: فقدت حاسه؟؟؟
الدكتور: مشاعل للاسف فقدت حاسه البصر ,, انا اسف ,, لكن اهم شي سلامتها
ساره وام مشعل : لااااااااااااااااااااااااااااااااااااااااااااااااا ااااا
ابو مشعل: ايش تقول يادكتور بنتي ماراح تشوف ؟؟؟؟ مستحيل انا اعرف بنتي مستحيل
تكون عمياء مستحيل
مشعل: دكتور انت متأكد؟؟؟
الدكتور : ايه متاكد لكن ممكن يكون هالشي مؤقت من تأثير الحبوب ,,, بس احنا بعد
ماترتاح راح نسوي لها فحص لعيونها ونتأكد
ساره تصارخ: تتاكد من ايش ,, انت غبي ,, مشاعل لازم تشوف ,,, اكيد انت دكتور بيطري
مو دكتور بشري مشاعل لازم تشوف مو على كيفك
حاولوا يهدوها لان الدكتور عصب من اهاناتها المتكرره
مشعل: وهي صاحيه؟؟؟
الدكتور عصب من ساره: ايه تقدرون تشوفوها بس على فكره هي تعبانه ولاتطولون عندها
طلع الدكتور ولحقه مشعل
مشعل: دكتور هي عارفه انها عمياء؟؟؟
الدكتور: لا انتظر لحد ماتهدا نفسيتها وشوي شوي راح نقول لها اختك ماشالله عليها انسانه
مؤمنه وقويه ,,, بصراحه انا كنت انتظر موجه غضب وصراخ لما فتحت عيونها وقالت
دكتور ماشوف بس كانت مؤمنه وسلمت بالواقع ,, وقالت الي كتب لي الله اكيد فيه خير لي
مشعل : تتوقع حست بشي
الدكتور: هي الحين متاكده انها ماتشوف ,, بس يمكن تتوقع ان الوضع مؤقت
فهد بخوف: بس انت قلت الوضع مؤقت من اثر الحبوب
الدكتور: انا قلت يمكن وكل شي راح يبين بعد الفحوصات
---------------------------------------------------------------------------------------
كان مشعل وابوه وامه وساره عند باب غرفه مشاعل خايفين يدخلون مايقدرون يتحملون الموقف
ابو مشعل: مثل ماوصيك ياام مشعل لاتبكين عندها ترى بتذبحيها
ام مشعل تمسح دموعها: بحاول
دخلوا لقوا 8 اسره ,, كانت غرفتها مشتركه ,, وكانت جنبها الي تكح والي تون,, والي تتكلم
مستحيل الازعاج ,, 8 مريضات بغرفه وحده حرام,,, مستحيل راح ترتاح مشاعل في
هالزحمه قرر ابوها ينقلها مستشفى خاص كانوا متجهين لسريرها ولما وصلوا ,,, شافوا
مشاعل كانت منسدحه على السرير ووجهها شاحب وكانت تبكي بكاء صاامت ,,, التفتت على
مصدر الصوت لما سمعت احد وقف عند سريرها مسحت دموعها ,, كانت التفاتها يدل على
ان البصر عندها انتهى وكانت تعتمد على السمع ,, كانت نظرتها تايهه ,,, ماتعرف وين
تناظر ,, كانت تناظر بفراغ
ام مشعل طلعت من الغرفه وهي منهاره من شكل مشاعل,, مشاعل حست بها وحاولت تكون قويه
ساره وهي تبكي وتحاول يكون صوتها طبيعي: ميشو حبيبتي انا اسفه لاني مادريت عنك وبكت
ابو مشعل: الحمدلله على سلامتك ياحبيبتي
مشعل كان حزين والحزن مخليه مايقدر يتكلم ,, خاف من كلام الدكتور ان العمى دائم
مشاعل: الله يسلمك ,,, بابا معكم احد
مشعل: انا يامشاعل ,, الحمدلله على سلامتك
مشاعل تتصنع الفرح: الله يسلمك,, ليش ساكت يالدب ,, على بالك ماشوفك يعني ماحس فيك
مشعل: لا ياحبيبتي بس كنت اتاملك
مشاعل : وايش طلع معاك؟؟؟
مشعل: انك احلى من شافت عيني
مشاعل: هههههههه بقول لنجود
مشعل: والله انك اغلى من مليون نجود ,,, مشاعل ترى بدونك البيت ماله طعم,,, نبيك معانا
ابو مشعل يحاول يلطف الجو: ايه والله انك شمعه البيت ومن يوم طلعتي ظلم البيت ,,, يله
وانا ابوك مانبي نصرف كهرب
مشاعل:ههههههههه ,, ابي اعرف مين هالغبيه الي اسمع صوتها تبكي ,, سارونه خلاص تكفين
عورتي راسي ,, الي يسمعك يقول انا ميته,, لاتخافي علي قطوه ب7 ارواح
ساره: بسم الله عليك ,, ميشو اكرهك تبي تروحي وتتركيني
مشاعل نزلت دمعتها الي حاولت تمسكها من اول مادخلوا: لاتخافي انا هنا ولاتخافي برجع انكد عليك عيشتك
وسكتت شوي بعدين كملت: بس الي راح يتغير اني مقدر اشوفك لان الدكتور قال لي ان نظري ماراح يرجع
كانت تركز تبي تسمع ردهم تبي تاكد شكوكها ان نظرها راح وللابد
ابو مشعل ماكان عارف ان الدكتور ماقال لها: يابنتي لاتخافين بوديك لالمانيا تتعالجي هناك
وبوديك لكل مكان لحد مايرجع شوفك ,,, والله لو اصرف كل فلوسي وعمري ,, بس اشوف
عيونك تشوف,,, لايهمك كلام هالدكتور ,,,, بوديك لاحسن الاطباء
مشعل عرف ان مشاعل ماكانت تدري بس حاولت توهم اهلها انها تعرف ,, علشان يقولون لها ايش قال لهم الدكتور,,, وعرفت بطريقتها
انها بتعيش كذا عمياء طول عمرها
طلعوا من عندها علشان ترتاح اما ساره جلست
ساره: ميشو ليش حاولتي تنتحري؟؟؟
مشاعل: ساره الله يخليك لاتفتحي هالموضوع ابد اذا تحبيني
ساره استغربت ردها وحست ان الموضوع يخص طلال,, وحبت تتكلم عن طلال علشان تعرف اذا هو السبب
ساره: تصدقين نسيت اطمن يزيد عليك
مشاعل بتركيز : يزيد ؟؟؟ ليش ايش دخله ؟؟؟؟وايش عرفه؟؟؟؟
ساره حبت تجيب طاري طلال تبي تشوف ايش تسوي مشاعل: لا هو يدور طلال مو لاقيه ,,وقال اكيد انك عرفتي عنه شي ,,, ويمكن علشان
كذا امممم...... يعني صار الي صار
مشاعل بعصبيه: ساره ,,, انا تعبانه ابي ارتاح ممكن تطلعي
ساره تاكدت ان الموضوع يخص طلال ولاهو موت,, لان لو طلال مات ماكانت مشاعل عصبت بالعكس كانت بتسال عنه ,, او بتبكي,,, عرفت
انها مشكله مع طلال,, واكيد شي كبير الي يخلي مشاعل تنتحر علشانه,,, قررت انها ماراح تخلي طلال يتهنى بحياته بعد مادمر حياه اغلى
انسانه عندها
طلعت ساره وهي بالسياره دقت على يزيد اكثر من مره بس شكله نايم وحاولت لما رد عليها
ساره :هلا يزيد
يزيد وكله نوم: كم الساعه
ساره: 2 الضهر
يزيد يحاول يصحصح: يالله توك بالمستشفى
ساره: لاطلعت
يزيد: بشري صحت؟؟؟
ساره : ايه الحمدلله
يزيد: هاه كيفها عسى بس عدت على خير
ساره بقهر : ليش يهمك الموضوع
يزيد استغرب من ردها: اكيد مو هي صاحبتك اكيد تهمني,, وبعدين هي حبيبه صاحبي
ساره: ووين صاحبك الي مافكر حتى فيها
يزيد: الغايب عذره معه
تاكدت ساره انه مو غايب ولاشي ,, واكيد سوى لمشاعل شي خلاها تنهار: المهم ماعلينا ترى مشاعل تمام
ومافيها الا العافيه
يزيد: الله يبشرك بالخير,, اجل حبيبتي اخليك الحين بكمل نومي
غبيه شلون ماحست انها يتصل يحقق ويقفل ,, اكيد يروح يكلم طلال
يبلغه,,, تذكرت انها تعرف رقم طلال ,,, قالت فرصتي الحين ادق واذا
كان مشغول اكيد ان يزيدوه يكلمه ويعلمه,, دقت من موبايلها الثاني الي
مايعرف رقمه يزيد,, وزي ماتوقعت كان خطه انتظار,, ودقت على
يزيد وكان مشغول تاكدت انه يكلمه
ساره\" الكلاب متفقين على مشاعل,, الله يستر ايش سوو لك ياميشو ,,
ياليتك تقولي لي
-----------------------------------------------------------------------------------------
يزيد: هاه الحين تطمنت نام ياخي ترااك ذبحتني
طلال: متاكد انت انها صحت ومافيها شي
يزيد: ايه متاكد,,, صاحبتها الي تقول
طلال: زين زين,, مشكور يزيد
يزيد: لاهذي يبي لها عزيمه
طلال: ابشر ,, بس نام الحين
طلال حس بسعاده ع الاقل مشاعل مافيها ,,, صح انها كرهته اكيد,,, بس الي همه الحين انها
بخير ,, والله ستر,,, من بعد تعب حس ان النوم تملكه , حمدلله على سلامه حبيبه قلبه وعمره ودنيته كلها مشاعل
------------------------------------------------------------------------------------------
مشاعل حست بوحده اكبر واعمق من الوحده الي عاشتها في الماضي,,,وحده قاتله,,, حست انها يتيمه مع ان ابوها عايش ومع كذا كانت الوحده صاحبتها من
اول مانولدت ,, بس وحدتها الحين غير ,,, كان عالمها كله سواد ماتشوف اي شي ,,, وعرفت ان العصا راح تكون هي صاحبتها وهي
عينها الي تشوف بها لباقي حياتها ,,, غريبه هالدنيا ,,, فقدت نظري بلحظه,,, حاولت تتأقلم وتتقبل عالمها
الجديد الي كله سواد ,, بكت مره على امها الي موتها كان سبب احساسها بوحده فضيعه,,
وبكت مره على جدتها الي تركتها وهي بامس الحاجه لها ,,, كانت مراهقه ومحتاجه ام
توجها ,,, بس في هالوقت راحت جدتها ,,, وبكت مليون مره على طلال الي بسببه هي عمياء
وياليته يحس فيها حتى لو انها ماتت كانت متاكده انه ماراح يبكي عليها يمكن يحس بالذنب
بس هالشي ماراح يدوم اكثر من يومين,,, حست بغبائها شلون كانت بتخسر دنياها واخرتها
علشان واحد اتفه من انها تفكر فيه,,,, الحين خسرت سعادتها وخسرت الاهم وهو نظرها ,,,
هالشي مو سهل على اي شخص انه يصدقه او يتقبله
مشاعل كانت قويه وحمدت ربها لانه مد في عمرها وانقذها ,, صح انها فقدت شوفها يمكن
تكون عقوبه من الله لانها ماقدرت الحياه والصحه الي ربي عطاها ,,, تذكرت وعسى ان تكرهوا شئ فهو خير لكم
فكرت ايش الخير الي ممكن يجي من عماها ؟؟؟؟
فكرت في الجانب الحسن لعماها يمكن هذي نعمه من ربي علشان ماتشوف الملذات وتغرق
في بحر المعاصي والذنوب ,, يمكن الله خذ منها الشوف علشان ماتنسى القبر وظلمته
قررت انها تغير كل شي بحياتها ,,, وترضى بالي ربي عطاها ,,, وكل شي من الله حياه الله
المريضه الي جنبها: ايش فيش يابنتي ماتسمعي لي ساعه ازهمش
مشاعل: هلا اختي اسفه مانتبهت
المريضه: يابتني ايش فيش,,, ايش يوجعش
مشاعل ابتسمت: عيوني
المريضه: وش فيها تنغزش
مشاعل: لا المشكله انها ماتنغزني المشكله اني ماحس فيها
المريضه مو فاهمه شي: شفيش انتي تكلمي زين ,,, انتي سعوديه؟؟
سكتت لما شافت الضابط دخل عندها
جت الممرضه تقو للمشاعل تتغطى لان فيه ضابط برا يبي يضوفها ولاكلفت نفسها الممرضه
تعطيها اي غطا راحت وتركتها
الضابط: احم احم
بعد ماتغطت مشاعل دخل عليها((مشاعل الفتره الاخيره متعوده ع الغطاء لان طلال مايخليها
تطلع من البيت الا لما تغطي وجهها تذكرته ونزلت دمعه من عينها))
الضابط: السلام عليكم
مشاعل: عليكم السلام,,, مين انت
الضابط: انا الملازم سعد
مشاعل: ونعم ,, بس ايش تبي؟؟؟
الضابط: ماعليك زود,,,, عندي كم سؤال عن الي صار لك
مشاعل: تطمن محد جبرني على هالشئ انا الي سويته ,, ومااتهم احد بانه اجبرني ,, اتوقع
كذا خلصت اسئلتك
الضابط: طيب ليش فكرتي بالانتحار
مشاعل: هذا شي خاص فيني ماتوقع الشرطه لها دخل بنفسيات الناس
الضابط: شلون مالنا دخل ,,, ممكن تكوني خطر ع المجمتع
مشاعل انصدمت من وقاحته: طيب ابشرك انا حاولت انتحر علشان مانجحت بالجامعه,, بترفعون
قضيه ع الدكتوره الله يجزاكم خير
الضابط : لاتاخذين الامور بضحك ومزح ,,, انا موظف حكومي وضابط وجالس اادي وظيفتي ماله داعي الاستهبال
مشاعل : من قال اني استهبل قلت لك اسبابي ع شان الجامعه ماعندي شي ثاني اقوله
الضابط:طيب وقعي هنا
تنرفزت مشاعل لانها ماتقدر تشوف وماتدري وين توقعواكتفى بانه يخلي ابوها يوقع ,, بعد طبعا التحقيق مع ابوها واخوانها,,
وام مشعل, حتى ام سلطان حقق معها وكانت خايفه يتهمونها بشي
----------------------------------------------------------------------------------------
صالح: يالله ترى الساعه 4 اذا مالقيتك جاهزه بطلع واخليك
فهده: طيب بس ترى بروح للفيصليه
صالح: فيصليه وجعن ياخذتس ,, بدينا ,, تبين المغازل وقله الحيا
فهده: من قال في الفيصليه مغازل ,, وبعدين انت معي من بيغازلني وانت معي
صالح: وش دراتس ان مافيها غزل عسى بس منتيب رايحتن لها ياوسيعت الوجه
فهده خافت: لالا بس اسمع من البنات ,,, طيب فيه محل مو موجود الا في الفيصليه وش اسوي
صالح: الفيصليه غاليه,,, خليني اوديتس لمعيقليه والا وشيقر وش زينها كل المحلات الي في الديره رخيصه
فهده انصدمت: لاوالله وتبيني اروح اشتري ملابسي من الديره؟؟؟
صالح: ايه وش فيها الديره ,,, انا ماشتري ملابسي الا منها
فهده في نفسها علشان كذا انت قروي: طيب طيب خلاص نروح للعليا مول
صالح: عسى مافيه شباب بس
فهده عصبت: لافاضي مافيه لاشباب ولا بنات مافيه الا انا وانت
-----------------------------------------------------------------------------------------
كانت مرهقه وحاسه بالنوم ,, حاولت ترتاح ,, قامت لما سمعت صوت سعود
سعود: هلا والله بقمرنا
مشاعل: هلا سعود
سعود يحاول يكون طبيعي: الحمدلله على سلامتك ,, بلا دلع خلاص اطلعي وحشتينا
مشاعل: الله يسلمك,,, اوكي برجع للبيت بس عندي شرط
سعود: امري
مشاعل: بنام بغرفتك,, وانت دبر عمرك
سعود: هههههههه تفداك الغرفه وصاحبها
مشاعل: لامابي صاحبها ,, سعود ليش تتعب نفسك الدكتور قال بيطلعني بكره
سعود بصدمه: بكره ليش؟؟؟
مشاعل ابتسمت: مو تقول انك اشتقت لي
سعود: ايه بس مو تصدقين علطول
شمت ريحه ورد
مشاعل : حركات وجايب لي ورده
سعود استغرب الي سمعه من اهله انها ماتشوف
سعود: ايه تستاهلي ,,, اكيد اعجبك لانه مني
مشاعل: مع اني ماشوفه بس انا متاكده انه حلو ,,, المهم اخبار الهنوف؟؟؟؟؟؟؟
سعود: بخير تسلم عليك وهي جايه تزورك
مشاعل تضايقت ماكان ودها تشوف احد وهي بهالحاله صح انها تحاول تمثل على اهلها انها
مو مهتمه بس كانت خايفه ماتقدر تطول
مشاعل: لاتجي ماله داعي تتعب نفسها ,,, انا بخير الحمدلله
سعود: لا واجبها كم عندي من اخت ؟؟؟؟؟؟
مشاعل: تسلم ياسعود,, المهم تعال علمني هاه كيف النفسيه بعد ماقرب مشعل يتزوج؟؟؟
سعود استغرب من مشاعل والي كانت تسولف ولا كان شي صاير: عادي تصدقين بفقده
مشاعل: ليش ماراح يسكن معكم
سعود: لا
مشاعل: يالله الله يوفقه
سعود: امين ,, وتطلعين لنا بالسلامه يارب
00000000000000000000000000000000000000000000000000 00000
ام سلطان: بس انتم متاكدين انها خلاص ماراح تشوف
ابو مشعل وكله حزن: ايه الدكتور قال لي اليوم بعد الفحوصات الي سواها يقول الحبوب الي اخذتها
اثرت على العصب البصري الي بعينها وماراح تشوف ,, ام سلطان شوري علي ايش اسوي
بموت من الهم على بنيتي,, انا كنت مقصر معها
ام سلطان: ليش مقصر,, انت كنت موفر لها كل شي ,, وش تبي زود,, بس بنات هاليومين
مايرضيهم شي
ابو مشعل عصب: اسمعي يامره اصحي تزعلين بنتي ولا تضايقينها ,, كل رغباتها مجابه,,
ولااحد يكدر خاطرها مايكفيها الي هي فيه؟؟؟؟؟؟؟؟
ام سلطان في نفسها\" اف حتى وهي عمياء ماسلمنا منها ,, ليتها ماتت وريحتنا\"
ام سلطان: لاتوصينا على بنتي هي بعيوني
ابو مشعل: كفو
00000000000000000000000000000000000000000000000000 00000
حسين تعب وهو يدق على مشاعل واخيرا ردت عليه
حسين: الو
طلال: هلا حسين
حسين قفل الخط غريبه من الي رد على موبايل مشاعل ؟؟؟؟ لاويعرف اسمه؟؟؟؟
جته رساله من موبايل مشاعل
\"حسين رد علي انا طلال موبايل مشاعل عندي\"
حسين قفلت معاه\" وله وجه يرسل بعد\" رد حسين على طلال
طلال: هلا حسين
حسين: خير انشالله ايش جاب موبايل ميشو عندك؟؟؟
طلال: مو مهم كيف جاء عندي ,,, المهم انا اعرف انك قريب من مشاعل واذا تعرف اي
وحده من صاحباتها بلغها ان موبايلها عندي لاني ابي اعطيها موبايلها
حسين انصدم من وقاحته: انت حقير ,, اسمع ماتبي موبايلها وانا بلغي الشريحه الحين ,,
والجهاز انا بشتري لها جهاز
طلال عصب: احترم نفسك,, ترى للحين محترمك مو علشانك,, علشان ادري مشاعل تغليك
حسين: لاتنطق اسمها على لسانك
طلال: تدري انك طفل وانا ماحب اتكلم مع اطفال,, وبعدين هي حبيبتي واظن المفروض انا
الي امنعك تنطق اسمها
قفل بدون مايعطي حسين فرصه يتكلم
رجع حسين يدق بس للاسف مارد طلال عليه,,, ارسل مسج
\" يالواطي انا اوريك وربي حركتك في مشاعل ماخليها لك ,, بس انت اصبر شوي\"
دق على واحد من اصحابه يشتغل في الاتصالات
حسين: هلا خالد
خالد: هلا حسين اخبارك
حسين: الحمدلله,, شلونك انت
خالد: والله الحمدلله ابشرك اموري طيبه,, وينك ماتنشاف يالقاطع
حسين: ايش نسوي بهالدنيا,, اقول خالد ودي اطلبك بخدمه
خالد: سم
حسين: سم الله عدوك,,, اقول عندي شريحه ضايعه وودي الغيها
خالد: ابشر من عيوني ,, باسمك
حسين: لا
خالد: باسم مين؟؟؟؟
حسين: باسم اخت واحد من الشباب انسرقت منها وودنا نكنسلها
خالد: طيب معك رقم السجل المدني الي بالبطاقه
حسين : لاوالله,, عشان كذا داق عليك
خالد: اقول حسين ترى مسئوليه علي لو يشتكوا اهلها بنفصل اذا متاكد ان اهلها ماراح
يشتكوا ماعندي مانع
فكر حسين يمكن اهلها يستغربوا ان موبايلها انفصل ويتصلوا على الاتصالات ويعرفوا
حسين: تدري بجيب لك رقم السجل المدني وادق
خالد: خلاص يكون افضل واعذرني ياخوي
حسين: لالا ماصار شي
فكر حسين من يدق عليه تذكر ساره خويه مشاعل
ساره: الو
حسين: ساره شلونك
ساره: مين؟؟؟
حسين: انا حسين ولد عم سلمان
ساره تكش على التلفون: هلا حسين
حسين: لاتكونين مشغوله
ساره: ايه والله مشغوله تبي شي؟؟؟
حسين: طيب ماراح اطول ابيك بموضوع يخص مشاعل
ساره بدى الاهتمام عليها : شفيها مشاعل؟؟؟؟؟؟؟؟؟؟؟؟
حسين: مدري من وين ابدا لك ,, بس انا من فتره ماكلمتها تعرفي بعد مامنعها طلال
ساره في نفسها\" ياكرهك ترى مو رايقه لك اكيد بيسالني وينها\"
حسين: عرفت من سلمان ان مشكله كبيره صارت لمشاعل
ساره بتركيز: مشكله؟؟؟ اي مشكله؟؟؟؟
حسين مستغرب: يعني ماقالت لك؟؟؟
ساره: لا ماقالت
حسين خاف ان مشاعل مخبيه على خوياتها: طيب اقدر اكلمها عن موضوع يخصها ويخصطلال
ساره خافت حسين يخبي عنها وشكله يعرف شي كبير يمكن تتوصل للشي الي خلى مشاعل
تسوي الي سوته
ساره: حسين مشاعل بالمستشفى ,,, مره تعبانه ,,, حسين تكلم قول لي ايش صاير
حسين:............................
ساره: الو حسين
حسين عصب: من متى بالمستشفى؟؟ وايش فيها؟؟؟
ساره: مدري انت اكيد عرفت شي بليز قول لي حسين ايش صاير لان مشاعل حاولت تنتحر
حسين منصدم: تنتحر؟؟؟؟؟؟؟؟؟؟؟؟
ساره: ايه وهي الحين تعبانه بالمستشفى
حسين يصارخ: الحقير والله ماخليه والله لاطلع لبيته الحين واقتله الكلب الحيوان
طلع حسين ماشي 10000000000 وتوجه لاستراحه طلال ,, ساره كانت تدق عليه ومافكر حتى يطالع
الرقم كان ناوي يقتل طلال هذا كل همه
وصل بيت طلال كانت البوابه مسكره
نزل وحاول يكون هادي علشان البوابين مايحسوا بشي,, طق الباب ,, وفتح له واحد
البواب: سم
حسين: لو سمحت ممكن طلال
البواب: من نقول له
حسين: قول له غسان((كان خايف ان البواب يكتشف انه مو غسان بس اظاهر مادرى لان اصحاب
طلال كثير ومستحيل يحفظ اسمائهم))
البواب : ابشر
ودخل وسكر الباب ,, وقف حسين عند الباب ينتظره يطلع ,, لانه مجهز له مفاجاءه في السياره
طلع البواب يقول له ان طلال ماهو في الاستراحه ,,, قال له انه في البيت ودقايق ويجيه
حسين\" طبعا بيجي لان غسان حبيب قلبه ,,, وماراح يفوت لحظه يكون فيها معه ويتامرون
على بنات الناس\"
انتظر في السياره لما لمح طلال طالع من بيتهم الي قدام الاستراحه ويمشي لان المسافه ماتحتاج سياره
وبما ان الي يفصل بين بيت طلال والاستراحه شارع فكر حسين بان خطته الاولى يمكن ماتنجح فكرت انه ينزل
معاه عصى الكهرب ويضرب بها طلال كانت فكره حلوه بس لما شاف جسم طلال خاف ,,
يمكن يعصره بثانيه,, خاصه ان جسم حسين نحيف اما طلال كان جسم رياضي ,,, قرر انه
يغير خطته والي بتجيب له فايده اكبر بدى ينفذ خطوته ,, كان الشارع بين بيت طلال
والاستراحه كبير لكن كان خالي من السيارات حرك سيارته حسين وبدا يمشي واتجه ناحيه
طلال وكان مركز على هدفه طلال كان يبي يهشمه بسيارته,, يبي يشوف دمه على سيارته
يبي يشوف كل قطعه من جسمه بمكان وتطلع امه تجمع بقايا ولدها
صار الهدف لحسين واضح وقريب وبدا يزيد بسرعه سيارته
مراهق مايدري عن الي بيسويه وكيف بيدمر مستقبله
الجزء العاشر
مشاعل كانت تتذكر حالها قبل,, شلون طلال كذب عليها ,, والكلام الحلو ,, والغيره ,,,
والشوق مستحيل يكون فيه انسان يقدر يمثل لهدرجه ,,, كانت تبي تطلع من المستشفى ,, تبي
تنفرد بنفسها تبي تفكر بكل شي ,,, تبي تبدا حياه جديده,,, تبي تبكي حالها ,,, تبكي همومها ,,
تبكي عذابها ازعجها صوت ممرضتين دخلوا عندها وقالوا لها تنزل من السرير ,,, حاولت
ممرضه تساعدها في النزول ,,,نزلت من السرير وجلستها الممرضه على كرسي متحرك
مشاعل: وين راح توديني
الممرضه: فيه انتي روه قورفه تاني
مشاعل: ليش ايش فيها الغرفه هذي
الممرضه : انتي روه قورفه كاصه
مشاعل: غرفه خاصه ؟؟؟؟
اخذتها الممرضه لمكان حست انه بعيد لانها مشت كثير ,, دخلت الاصنصير ومشوا مسافه
ماتقل عن الي قبلها دخلتها غرفه ,,, ماكانت تدري عن حجمها بس حست انها كبيره لانها
مشت مسافه لما وصلت للسرير مسكتها الممرضه وجلستها ع السرير وقالت لها اذا احتاجت
شي ترن ع الجرس الي جنب سريرها كانت الممرضه مهتمه في راحتها بعكس الي بالقسم
الاول كانوا يتأففون ,, وقالت له ماتتحرك الا اذا كان معاها احد
------------------------------------------------------------------------------------------
فهده: الله مره يجنن شوف صالح((كانت تاشر على بنطلون))
صالح كان مو معاها منجن ع البنات الي يشوفهم بالسوق ,,, معذور اول مره يشوف حريم
بالعاده مايشوف الا تماسيح ,,, وخاصه انه اول مره يدخل سوق
فهده طفشت منه ودخلت محل ملابس داخليه ودخل معاها
فهده: وين رايح؟؟؟
صالح: بدخل معتس
فهده: لاحبيبي عيب استحي اشتري هالاشياء معاك ممكن تطلع
صالح : بعد بعد تبين تناظرين هالاشياء عند رجال ,, امشي بس لاكسر رجولتس
فهده: صالح طيب ايش اسوي من وين اشتري
صالح: جعلتس الجزر اشتري من حريم
فهده: اووووووووووووووه خلنا نرجع للبيت ,,, خلاص هونت مابي شي
صالح: احسن
فهده: اقول صالح ايش رايك اعزمك ع العشاء؟؟؟
صالح حمرت عيونه من التعصيب: وشو يالكلبه بعد بعد مطاعم ,,, وش تبين الناس يقولوا
عني ,,, لو شافوني اخوياي يقلون مودي اخته لمطاعم
فهده مستغربه: ايش فيها المطاعم ترى مطعم مو شقه دعاره
صالح: اخسي واقطعي انت خربتي ,,, اسمع طاري المطعم على لسانتي اقطعتس تقطيع
انا صالح اودي حرمه لمطعم ,,, تحسبينا في بلاد الكفار
فهده: ايش دخل الكفار ,, ترى الاكل مو حرام
صالح: بس مابي اسمع صوتس ,,, دواتس عدي اذا رجعنا ,, مطعم هاه,, تبين تفضحيني عند
الناس,, وتخلين اسمي على كل لسان
فهده: اووووووووووه متى بس تخلص هاليومين الي باقيه,, واروح بيت رجلي
------------------------------------------------------------------------------------------
ابو مشعل : ياام مشعل البسي عباتك خلينا نروح
ام مشعل وهي تبكي: مقدر والله يابو مشعل ,,, مقدر اشوفها ,,, ابو مشعل تكفى خلنا نسفرها
ابو مشعل: خليها الحين تهدا نفسيتها وانشالله بلف بها العالم ولو ان الدكتور قال لاتحاولون
مافيه امل ولا حتى 1 بالميه
ام مشعل تبكي
ابو مشعل تعب من اليوم وهو يهديها ,,, طلع من عندها وراح لبيته الثاني ,,, دخل لقى ام سلطان
جاهزه وملبسه اولادها
ابو مشعل: يالله يام سلطان مشينا الزياره ترى تنتهي 9
ام سلطان: يله خلاص والعيال جاهزين
ركبوا السياره متجهين لمشاعل
------------------------------------------------------------------------------------------
ساره كانت كتومه ماقالت لاي بنت لانها خايفه على سمعت مشاعل,,, تذكرت حسين ايش
سوا ومن هو الحقير الي راح يقتله ,, رجعت تدق وتدق بس محد رد,,,تذكرت زواج فهده بعد
اسبوعين وماكانت تعرف شلون بتعتذر منها وتقول لها انها ماتقدر تجي لاهي ولامشاعل,,,
سمعت موبايلها يدق لقت حسين يدق ردت عليه بسرعه
حسين كان منهار وخايف: ساره الحقيني
ساره: ايش فيك
حسين: قتلته ....... انا خايف .......... لوحه سيارتي............ كان فيه دم
ساره مافهمه شي بس حست ان حسين سوا مصيبه ومين قتل: حسين اهدا شوي وقول لي ايش
الي صار معاك؟؟؟
حسين حاول يهدا: ساره بعد الي سواه في ميشو رحت له ناوي اقتله .... ساره قتلته
ساره برعب: ممكن تتكلم بهدوء علشان افهم كذا ماراح اقدر اساعدك
حكى لها حسين عن الي سواه طلال وغسان وسلمان في مشاعل
ساره: وايش سويت في طلال؟؟؟؟؟؟؟؟؟
حسين بخوف: صدمته
ساره منصدمه: مجنون انت؟؟؟؟؟؟ ومات؟؟؟
حسين: مدري انا انحشت بس شفته طايح ع الارض وفيه دم
ساره خايف: طيب مين شافك؟؟
حسين: البوابين
ساره: شافوا لوحتك
حسين: مدري
ساره: يالغبي كان شلت لوحتك
حسين: مافكرت طلعت معصب ومافكرت بشي
ساره: طيب طيب اهدا الحين وخلني ادق ع المستشفيات اشوف وينه
حسين: تكفين ساره انا خايف اروح للبيت يكونون الشرطه هناك,, ساعديني
ساره: طيب شوي وادق عليك
ساره دقت على كل المستشفيات الي بالرياض ماكان موجود ,, رجعت دقت على حسين
ساره: دقيت على كل المستشفيات الي بالعالم واسمه مو موجود انت متاكد انك صدمته
حسين مات خوف: ايه متاكد ساره ياخوفي انه الحين في ثلاجه الموتى
ساره: لا ياغبي ماراح يحطونه بهالسرعه .. اممممممم طيب تعال انت ماتعرف احد من اخوياه
حسين: لا ,,,هاه الا تذكرت,, اعرف خويه ابراهيم
ساره: طيب دق عليه اذا فيه شي بيقول لك
حسين: بس هو مو خويه مره اكيد ماعرف
ساره: طيب اسمع انا بجيب لك الخبر شوي بس
----------------------------------------------------------------------------------------
دخل عليها وسلم,, صوته غريب عليها بس كان صوته هادي وجميل
مشاعل : عليكم السلام
نايف: معك نايف ,,, نائب مدير قسم التنويم
مشاعل: هلا فيك اخوي
نايف: اسف على الازعاج بس حبيت اتطمن اذا انتي مرتاحه في الغرفه هذي او اذا تحبي نغيرها
مشاعل: لا اخوي شكرا الغرفه حلوه((ضحكت على نفسها شلون عرفت انها حلوه))
نايف: طيب اذا احتجتي اي شي تلقيني على تحويله 145
مشاعل: تسلم اخوي بس كنت بسالك
نايف: سمي
مشاعل: ليش نقلتوني هنا
نايف: والله جتنا توصيه اننا ننقلك لغرفه خاصه ,,, واذا انتي مو مرتاحه هنا ممكن انقلك لاي غرفه ثانيه
وهذي خدمه مني ,, ودي اخدمك صراحه
مشاعل بحكم خبرتها بالشباب عرفت انه يتميلح: مشكور وماتقصر
نايف : العفو ترى ماسويت شي ,, بس حبيت اذكرك تحويلتي 145
مشاعل: انشالله مع السلامه((كانت تبي تنهي هالنقاش الغبي))
طلع نايف على دخلت بنت عرفت انها بنت من صوت كعبها
البنت: مساء الخير
مشاعل تلتفت لمصدر الصوت: مساء النور
البنت: مشاعل الحمدلله ع سلامتك
مشاعل: الله يسلمك بس مين انتي ماعرفتك؟؟
البنت : انا الهنوف
عرفت انها خويه اخوها سعود,, يالله كم كانت تتمنى تشوفها بس الظروف ماسمحت,,
وسبحان الله الحين جت الهنوف لحد عندها والمشكله ماتقدر تشوفها ,,, حست صوتها ناعم
,,, غريبه ماكان الصوت يشكل اهميه بالنسبه لمشاعل,, بس الحين صارت تعرف شعور
الشخص من نبره صوته صار احساسها اقوى ,, كانت تحس بساره لما تحاول انها ماتبكي
قدام مشاعل وكانت تحس بها لما تضحك وتحس بها لما تزعل
الهنوف : حاولت اجيك امس بس ماقدرت والله كنت مره خايفه عليك
مشاعل: الله يسلمك بس لاتخافي علي خافي على حبيب القلب ,, خاصه بان الفرج قرب
حست بخجل الهنوف وحاولت تغير الموضوع
مشاعل: هاه كيف التسجيل بالجامعه سجلتي والا لسى
الهنوف: لا لسى التقديم لنسبتي يوم الاثنين
مشاعل: الله يوفقك,, وايش ناويه تدخلي؟؟؟؟
الهنوف: انشالله ادارة اعمال
مشاعل: اداره اعمال؟؟؟ مين الي اجبرك اكيد سعود يبيك تدخلي قسمه صح
الهنوف تضحك: ههههههههه لا ,, بس انا ابي اعرف كل شي بحياته يعني راح ادخل اداره اعمال
علشان يكون بينا اشياء متشابهه
مشاعل : بس بينكم حب واتوقع هالشي يكفي
الهنوف: يكفي الحين,, بس بعد مانتزوج اكيد بيبرد الحب ,,, وابي حاجه تخلينا متشاركين
فيها علشان تكون ميولنا وحده ونكون قريبين من بعض
مشاعل استغربت من تفكير هالبنت ,,, حست انها ذكيه وداهيه ,, اكيد فرت راس اخوها لما حبها
مشاعل: بصراحه انا متحمسه ليوم زواجك
دخلت ام سلطان واولادها وابو مشعل,,, في هالوقت طلعت الهنوف علشان تخليهم براحتهم
سلطان: حبيبتي ميشو اشتقنا لك
فهد: ميشو ارجعي معنا البيت نبيك
مشاعل: حبايبي انشالله نرجع سوا لما الدكتور يقول اطلعي
ام سلطان: الحمدلله على سلامتك يامشاعل
مشاعل: الله يسلمك شلونك خالتي
ام سلطان: الحمدلله , بشريني عنك حبيبتي
مشاعل: الحمدلله ع كل حال
مشاعل حست انها بتاكلها بعيونها
ابو مشعل: شلونك حبيبتي
مشاعل: الحمدلله بابا انا بخير اذا انت جنبي الله لايحرمني منك
ابو مشعل يقاوم دمعه نزلت غصب عنه: يارب ماموت لحد مادخلك بيت زوجك
مشاعل: زوج؟؟؟مليت مني
ابو مشعل: لاتقولين هالكلام انتي نورنا
فيصل: ميشو تقول ماما انتي ماتشوفيني ,, يالله انا ايش اسوي اتحداك تعرفي
ابو مشعل: فيصلوه برا
فيصل بكا وطلع برا الغرفه وطلعت معاه امه
مشاعل : بابا حرام عليك هو طفل مايعرف شي ,,, بعدين يكفي ان الله انقذني على ايده,,
لو ماصارخ وراح يبكي عند خالتي كنت الحين بالقبر
ابو مشعل: انشالله يومي قبل يومك
وتموا عنده الى وقت نهايه الزياره 9 لحد ماجت الممرضه تطردهم
---------------------------------------------------------------------------------------
فكرت ساره انها لو دقت ع يزيد يمكن يكون يعرف شي
ساره: هلا يزيد
يزيد: هلا ساره
ساره: كيفك
كان شكله بالسياره لان صوت الاغاني مكسر السياره تكسير
يزيد: تمامو انتي كيفك
ساره: الحمدلله ,,,شكلك برا
يزيد: ايه برا ,, اطلعي خليني اشوفك
ساره بنفسها \" رايق انت ,, وحتى لو بطلع مستحيل اشوفك لانك من اليوم انت وصاحبك اعدائي\"
ساره تتصنع الضحك: لا ياقلبي وقت ثاني انشالله
يزيد: براحتك ,, الا ماقلتي لي كيف مشاعل
ساره: الحمدلله بكره راح تطلع من المستشفى
كانت تكذب لانها ماتبيه يوصل شي لطلال مثل ماهم ماخذينها عشان تسحيب الكلام هي
بتخلي الوضع يقلب عليهم وبتوهمهم ان مشاعل تمام علشان الضربه الي راح تجيهم لانها ماتبي اي اتصال بين طلال
ومشاعل,, يمكن لما يعرف بحالها يرحمها ويدق ,,, بس كانت تبين لهم انها تمام ومافيها شي
قفلت منه لما عرفت انه مايعرف اي شي عن طلال
دقت على حسين
حسين: طيب ايش اسوي ارجع للبيت
ساره: ارجع انت الحين ماتوقع ان الشرطه عندكم ولااتوقع انهم شافوا اللوحه ,, لو شافوها
كان الحين ابوك دق عليك
حسين اقتنع بكلام ساره وماقفل منها الا لما وصل للبيت وتطمن ان مافيه احد
كان حسين وساره يبوا يعرفوا ايش صار لطلال
------------------------------------------------------------------------------------------
كانت مشاعل تستعد للنوم ماكانت تعرف كم الساعه بس حست ان الوقت متاخر لان طلعت اهلها
من عندها صار لها وقت طويل
انسدحت وسمت بالله كانت تبي تقول الادعيه الي قبل النوم بس للاسف ماتعرف منها شي ,,
عمرها مافكرت تقراها لما كانت بصحتها ,, والحين هذا الي تجنيه من اهمالها وعصيانها
اكتفت بقراءه المعوذات وتغطت ,, حاولت تنام بس ماقدرت ,,, كرهت وضعها الجديد ,, كرهت
انها لما تفتح ماتشوف شي ,,, حست بالنعمه الي كانت فيها بس عمرها ماستشعرتها ولا حمدت الله عليها
حاولت تنام بس الافكار كانت اقوى ,,, كرهت طلال بكل جوارحها ,,, بكل نقطه دم فيها تكرهه
,,, بكل كيانها تكرهه ,,,, ياليته اختفى من حياتها بدون ماتخسر نظرها,,, صارت تتحسر على نفسها
وودها تعيد الزمن لورى وماتتهور وتسوي الي سوته,, بس خلاص هذا واقعها
قطع عليها حبل افكارها الممرضه الي دخلت
مشاعل في نفسها\" اف على هالحاله ماارح انام اذا بيضلوا يدخلوا ويطلعوا\"
قربت منها اكثر ووقفت ,, طولت وهي واقفه ,, استغربت مشاعل ,, ليش ماتاخذ الضغط والا الحراره
وتطلع ,,,, كانت ساكته,, حست بريحه عطر رجالي خفيف وكانت ريحته منعشه
مشاعل: مين هنا
: ........................
مشاعل بخوف: مين انت؟؟؟؟؟؟؟؟؟؟؟؟؟
خافت يكون نايف ,, معقوله يتجرأ ويدخل عليها وبدون اذن وبوقت متاخر
كانت تحاول تركز على الصوت ,,, مع اي حركه يمكن تستدل للشخص الي دخل
مدت يدها تبي تضرب جرس الممرضات ,, بس كانت يده اسرع منها ,,, ومسك يدها
حست مشاعل ان قلبها بيوقف ,,, مين هالحقير الي يفكر يمسك يدها
سحبت يدها بقوه ,,,,, وضربت جرس الممرضات
حست به يبتعد لحد ماوصل للباب وطلع وسكره وراه
دخلت الممرضه بعده بثواني
الممرضه: ايوه
مشاعل: مين الي كان موجود هنا؟؟؟؟؟؟؟
الممرضه: مافيه اهد
مشاعل تصارخ: مو عشان انا ماشوف تحسبيني غبيه,, مين الي كان هنا؟؟؟
الممرضه : ايش في ,, انا كلام انتي مافيه شوف اهد
مشاعل طردتها ,, مو معقوله ماشافت لانها تدخل وهو يطلع مو معقوله ماشافته,, اكيد نايف
الحقير اكيد بما انه يشتغل بالمستشفى اكيد الممرضات يغطون عليه ,, والا يمكن عطاها فلوس عشان تسكت
------------------------------------------------------------------------------------------
غسان: هههههههههههههههههه تصدق احس اني الحين مبسوط
فواز: كفو والله انا اشهد انك قول وفعل
غسان: يالله هذي اخر مغامره لي مع البنات,, كانت مشاعل الخاتمه
فواز مستغرب: ليش ,,, قررت تعقل؟؟
غسان: لا قررت اودع العزوبيه,,, بتزوج
فواز: الف الف الف مبروك,,, ومن هي تعيسه الحظ
غسان يطالع فواز باحتقار: تعيسه هاه,, وهي تطول يخطبها واحد مثلي
فواز: تقرب لك
غسان: ايه بنت عمي
فواز: اي عم فيهم
غسان: فهد
فواز: ماشالله بس خبري بك تقول مابي اتزوج وحده تقرب لي
غسان: ايه بس انا مابي اتزوج اي وحده,, او من اي عائله ,,, بصراحه ابي وحده من مستواي
وفكرت ان بنات عمي مايقلون عن مستوانا واتوقع انها مناسبه لي ولمركزي
فواز : الله يوفقك ,, هاه وانشالله بتعقل؟؟؟
غسان بخبث: بيخف نشاطي في الشوارع ,, بس اكيد المكالمات مستحيل اخليها
فواز : بس لو عمك عرف ماراح يخليك انت عارف من هو عمك
غسان باحتقار: وخير ياطير ,, اظن مركز ابوي مو اقل من عمي وانا حر,,, يكفي اني بتزوج بنته
فواز: ومتى العرس
غسان: والله انا طالع اوروبا بكره يعني لفه جنيف على باريس على لندن وبنشطف ماربيا
تعرف لزوم الترزز,, وانشالله اذا رجعت حددنا الزواج
00000000000000000000000000000000000000000000000000 0000
استسلمت مشاعل للنوم بعد عناء وارق وسهر ,,, على امل ان بكره يحمل في طياته بعض
الفرح والسرور لقلبها
صحت بدري على صوت الممرضه الي تقول لها ان الدكتور راح يدخل
بعد الكشف
الدكتور: انشالله بكتب لك خروج بكره الصباح
مشاعل بخيبة امل : ليش يادكتور مو اليوم؟؟؟
الدكتور: خلاص طفشتي مننا؟؟؟؟
مشاعل : لايادكتور بس مليت من الجلسه هنا
الدكتور :انشالله بكره ,, بس نبي اليوم نتطمن عليك
مشاعل استسلمت للامر
مشاعل :دكتور
الدكتور :ايوه
مشاعل بخوف :لو سويت عمليه لعيني,, ((وبتردد )) فيه نسبه لنجاحها
الدكتور سكت مايعرف ايش يرد عليها خاصه انه للحين ماعرف انه تدري عن حالتها
الدكتور :انشالله خير,,, لاتستعجلي الامور ,, انتي ارتاحي لك كم يوم وبعدين نتكلم بهالموضوع
00000000000000000000000000000000000000000000000000 000
حسين كان عايش حاله رعب ,,, كان ينتظر باي وقت الشرطه تجي بيتهم
كانت الساعه 2 الضهر لما دق موبايله,, كان الرقم غريب
حسين : الو
: السلام عليكم
حسين حس الصوت مو غريب عليه: عليكم السلام
: حسين ماعرفتني؟؟؟
حسين: لا مين معاي؟؟؟
: معك طلال,,, اكيد تتذكرني خاصه انك امس كنت عند بيتي
حسين طقته ام الركب خخخخخخخ: ........................................
طلال بجديه: حسين مابي اكثر الكلام عليك,, بس في موضوع لازم الحين نتكلم فيه,, واظنك
عارف ايش هو
حسين بخوف: لاماعرف وياليت تختصر لان مابينا كلام
طلال بعصبيه: مو انت الي تقول لي اختصر ,, انا اتكلم وقت الي ابي واسكت بالوقت اللي ابي
طلال حاول يهدا
طلال: حسين ابيك تعرف اني والله ماكرهك ,,,, ولااتمنى لك الا كل خير ,, بس بسالك تتوقع
فيه شخص بالدنيا يستاهل تدمر مستقبلك عشانه؟؟؟؟ حسين عمر الامور ماتنحل بهالطريقه
حسين: انا مدري عن ايش تتكلم
طلال: حسين انت اكثر واحد عارف اني باشاره مني اقدر اضرك واضيع مستقبلك وادخلك
السجن ,,لانك تعرضت لي وحاولت تقتلني , بس لا هذا الي تربيت عليه ,,, ولا ضميري
يسمح لي اسويها
حسين: ايه بس ضميرك يسمح لك تدمر حياه وحده تحبك
طلال بحزن: حسين انا مادقيت عليك ع شان هالموضوع,,, خلنا لو سمحت ما نطلع من موضوعنا
حسين : اي سجن الي تتكلم عنه لاتتبلى وبعدين مابيننا مواضيع نتكلم فيها
طلال: اوكي حسين انا بحول الموضوع للشرطه وهم يتفاهموا معاك بطريقتهم ,, واذا صرت
رجال تعرف تتكلم مع الرجال دق علي
حسين خاف : المطلوب ياطلال ايش تبي؟؟؟
طلال: انا عارف انك ماراح تصدقني لانك تكرهني وانا بنظرك حقير وكذاب ,,, بس ياحسين
الله يشهد ع كلامي اني اعتبرك مثل اخوي الصغير وماودي اضرك ,, اما بالنسبه
لموضوعي انتهى انا وقفت القضيه ,,, بس ياحسين لاتدمر مستقبلك ,, انت توك صغير ,,
لاتتهور لاتفه الاسباب لو انا سامحتك غيري ياحسين والله مايخليك
حسين: انت مسوي قصه وقضيه ع شي تافه ,, اصلا انا لما صدمتك ماكنت شايفك ومو
قصدي اني اصدمك
طلال عصب: ليش قطوه عندك ماشفتني؟؟؟
عموما ياحسين انا مقدر وضعك ,,, ادري ان متضايق ع شان مشاعل ,,, بس هذا مو مبرر
للي سويته صدقني لو انا مت لما صدمتني ,, كان انت الحين في السجن تنتظر الحكم عليك
بالقتل ومحد بيرحمك
حسين: طيب انت مامت ,,, ليش زعلان المفروض تحمد ربك لاني ماقتلتك
طلال: ادري اني مامت ,, وانا مادقيت عليك ع شان انتظر منك تتحمد لي ع السلامه ,, انا
دقيت لاني توقعت انك الحين منهار وخايف اني اشتكيت عليك ,,توقعت اسمع صوت واحد
ميت خوف كنت ابي اقول لك ارتاح لان الصدمه جت بيدي وان الموضوع كسر بيدي ورضوض
حسين بشك: بس انا وقتها شفت دم
طلال: لاتخاف رجلي نزفت شوي,, المهم مافيه شي خطير,, الي ابيه ياحسين اني اوصل لك
نصيحه اعتبرها من اخوك الكبير ,, حسين لاتتهور لو انا رحمتك غيري ماراح يرحمك ,, حسين انت توك
صغير وماعرفت الدنيا زين لاتورط نفسك في امور انت مو قدها ,,, بس مو معنى هذا اني اسمح
لك تتعرض لي مره ثانيه لاني لو شفتك مره ثانيه صدقيني حسين ماراح تلحق تتهنى بحياتك
لاني بدمرك ,, وعموما انا لما كنت بالمستشفى البوابين شافوا لوحه سيارتك بالاماره لوحتك
+++ +++ المهم انهم عطوها الشرطه وقالوا لهم انك صدمتني متعمد وكان الموضوع بيكبر
,, ولما صحيت انكرت انك صدمتني وقفلت القضيه بصعوبه تدري انا ليش سويت كذا
حسين حس براحه نوعا ما وبدا يرجع لاسلوب الاستهزاء: لاتقول ان كان عندك اخو يشبهني
ومات ,, وانا اذكرك فيه
طلال باحتقار:لوعندي اخو يشبهك انا الي راح اقتله ,, لاني مابي اخو متهور مثلك
حسين: انا عارف ليش سويت كذا
طلال: ليش؟؟؟؟
حسين: اكيد تبي مصلحه ورى هالطيبه الي نزلت عليك,,, لاتفكر تطلب شي لاني افضل انسجن
ولاانفذ رغبه من رغباتك
طلال: الله لايحدني عليك بيوم ,, عموما انا ساعدتك لسببين اول شي لاني ادري انك متهور ومابي
يضيع مستقبلك كان عندي امل ان الله يهديك وتثقل شوي على يدي بس اظاهر مافيك فايده
حسين باستهزاء: والسبب الثاني
طلال: لاني عارف مكانتك عند مشاعل ,, مابيها تتضايق عشانك او تحزن,, انت في امان
والفضل لله ثم لمشاعل,, بس صدقني لو فكرت تعيد هالحركه مره ثانيه ماراح احد يشفع لك عندي
حسين: تبي تقنعني انك تحب ميشو ,, واذا لهدرجه تحبها ليش سويت فيها الي سويته
طلال بعصبيه: مالك شغل
وقفل الخط
00000000000000000000000000000000000000000000000000 00000
عبدالله: مدري شلون ساكت ع حقك,,, انا لو منك اجرجره بالشرطه
طلال:لا ياعبدالله ترى الولد صغير ,, وراه مستقبل ,, ان توليتم فارحموا,, ومن لايرحم لايُرحم
عبدالله:وهو مو حرام عليه يمشي ويصدم عيال الناس؟؟؟
طلال:يابن الحلال الحمدلله ع كل حال جت بسيطه
عبدالله:ايش الي بسيطه ,, بغيت تموت وتقول بسيطه,, وبعدين كل هذا عشان بنت ماتسوى
طلال عصب: عبدالله لو سمحت انت غالي ,, بس رجاء الا مشاعل لاتغلط عليها
عبدالله:طلال فيه سؤال محيرني ويقرقع بصدري ودي اساله
طلال:ادري,, راح تقول اذا انت تحبها كل هالحب ليش تركتها وليش سويت فيها هالحركه
عبدالله: عليك لمبه,,, وفرت علي السؤال
طلال يبتسم: بصراحه مدري من وين ابدا,, ولااعرف كيف اوصف لك شعوري,,, بس انت ماعرفت
ميشو ,,, صدقني فيها جاذبيه مو طبيعيه ,, تصدق من اول يوم شفتها فيه لما كنت واقف عند
المطعم حسيت ان البنت هذي بيكون لها دور كبير بحياتي
عبدالله محتار: موفاهم,,, اتذكر كنت تكرهها
طلال يفكر يحاول يرجع لبدايته مع مشااعل: ببدأ لك من البدايه
عبدالله:بسم الله
طلال:في البدايه كنت اسمع عن البنت هذي كلام كثير ,, بعضه كان مدح والبعض سب ,,,
بس حسيت البنت هذي مشهوره لاني سمعت غسان يتكلم عنها وبعض الشباب الي يجو عندي
بالمجلس حاولت احلل شخصيه هالبنت,, مع اني مو محلل نفسي ولادكتور بس استغربت
بعض تصرفاتها اعجبني شموخها وعزه نفسها وغرورها في اوقات,, غسان الي مافيه بنت
غلطت بحقه ,, كل بنت يعرفها كانت تموت رعب اذا كلمته بس هي كانت تكلمه في قمه
البرود,, حسيت ان هذي البنت اكيد بنت عائله كبيره واكيد ماهي خايفه من غسان لانها
تعرف وراها ضهر زي مايقولوا,, بس بعد ماعرفت هي بنت مين عرفت انها من عائله
عاديه ,, صح ابوها ماديا وضعه حلو بس ,, بس كاسم لابها ومركز كان شخص عادي,,
وغسان يقدر يدمرها في لحظه,,,اعجبتني قوتها ,, كانت تكذب ع الشباب وهم عارفين بس
حابين كذبها وكان كل واحد يوهم نفسه انه هو المميز عندها,,, استغربت ايش هالسحر الي
تملكه هالبنت وتجرأت اني اسال واحد من الشباب كان يعرفها ايش سر تعلقه بها تدري ايش قال
عبدالله: ايش؟؟؟
طلال: لا نها ملكه جمال ويقول كل الشباب الي يكلموها عشان جمالها ,,, بصراحه ماكذب
عليك تحمست اني اشوفها وتحمست اكثر اتعمق بشخصيتها الغريبه ,, الي اسمعه من
الشباب ان اكثر البنات الي يكلموا شباب تكون محدده هدفها
فيه بنات يكلموا ع شان مصلحه وفيه بنات تسليه والي تبي حب والي تبي زواج ,,
بس ماحسيت لا انها تبي تتزوج لانها تتهرب من هالموضوع ولا تبي هدايا او اي مصلحه
ماديه او معنويه ,, والحب انا متاكد انه بعيد عن تفكيرها,,, فكرت ممكن تكون تتسلى بس لو
كانت تتسلى ليش تعلم الشباب عن اسمها الحقيقي ,, والغريبه ان خويتها ساره مستحيل تكلم
واحد وتقول له عن اسمها الحقيقي,,, كنت متشوق ادخل عالمها الصغير
عبدالله: لاتقول لي انك تعرفت عليها عشانها حلوه,, ماتوقع هذا تفكيرك ياطلال؟؟؟
طلال: ماكذب عليك كان سبب من الاسباب
عبدالله: بس انت للحين ماتعرفت عليها ولاحتى شفتها شلون شفتها ,, وشلون دخلت حياتك؟؟؟
طلال: في يوم جاني غسان لمجلسي كان معصب,, سألته ايش الي مضايقه, بدأ يحكي لي عن
مشاعل وكيف انها اهانته وقالت له مابي اكلمك وانقلع من وجهي وهالكلام ,, كان وقتها حاقد
عليها سمعته يكلم واحد ويخططون انهم ينتقموا منها,, كانت خطتهم انهم يعرفون مشاعل
على واحد ويحاول يخليها تطلع معاه وبعدين يدمرون مستقبلها
عبدالله: الحقير غسان ,, ,مايخاف ربه
طلال: انا وقتها طلبت من غسان اني انا الي انفذ الخطه
عبدالله منصدم: طلال مستحيل ,, مستحيل انت تسوي كذا ,,, تمزح معاي صح؟؟؟
طلال: لا ياعبدالله انا وافقت على كل شي قاله لي غسان ,, لان غسان بي او بدوني راح ينفذ
خطته,, كنتي ابي اوهمه اني راح ادمر مستقبلها وراح اخليها تحب رجله وتقول سامحني
ياغسان,, كنت ابي ابعد غسان عنها ,,عشان احميها ,, كنت خايف عليها ,, لاني مارضى احد
يسوي باختي الي بيسويه غسان فيها
عبدالله: طيب ليش مانصحته,, والا هددته
طلال: فكرت , بس خفت انصحه يجاريني وكانه اقتنع , , بعدين يسويها من وراي وخفت
اهدده يعاند ويكبر الموضوع براسه ,, عشان كذا قررت اني اوهمه اني بنتقم منها عشان اضمن انه ماراح يسوي شي الا وانا عارف,,, كنت ابي اقرب من مشاعل
علشان احميها من غسان
عبدالله: وايش كان رد غسان
طلال: قال لي انت ياطلال وسيم واسلوبك حلو واكيد راح تسهل هالمهمه
عبدالله: تدري تحمست اعرف شلون كانت بدايتك معاها
طلال حس بحزن عمره ماحس فيه قبل لانه جالس يتكر ذكريات حزينه وعزيزه ع قلبه
حاول انه يتشجع ويكمل: حاولت افكر شوي واحلل شخصيتها ,,, حسيت انها ملت من اسلوب
الدلع والمدح لانها اكيد تسمعه كل يوم,, قررت اني اهينها واسبها واكون جاف معاها
اول لقاء بينا كنت مركز على سب شكلها والي هي متعوده ان الشباب يمدحوه
حسيت بحقدها علي وكرهها ,,, خاصه بعد موضوع الكيكه اكيد تتذكره
عبدالله ماسك ضحكته: ايه ,, تصدق شكلك اوسم بالكيكه
طلال: تصدق كانت احلى اهانه انهنتها بحياتي
عبدالله يبي يقهره: افهم من كلامك اني لو بضرب وجهك باي كيكه بتنبسط
طلال عصب: حاول تسويها ,, والله لخلي امك تحتار ماتعرف وجهك ماتدري انت عبدالله
والا ابو عبدالله والله لاخلي مرض الشيخوخه المبكر يجيك وانت توك في شبابك
عبدالله: ههههههههههههههههه ياسلام حلال عليها وحرام علينا
طلال: تقارن يد ميشو الي كلها نعومه ,, بيدك المرزبه
عبدالله : ههههههههههههههههه خلاص هونت الحين طلعت مرزبه الله يستر بعد شوي ايش يطلع ,,المهم اسلم
طلال: تصدق بعد موضوع الكيكه خفت منها
عبدالله: صح انها متوحشه ع هالحركه بس تراها كيكه مو مويه نار هههههههههه
طلال: لا انا ماكنت خايف من الكيكه ,, كنت خايف من مشاعري تجاه هالبنت ,, كنت حاس
بشي يكبر داخلي ,, حاس ان البنت هذي صارت تصيطر ع كل تفكيري ,,, كان المفروض انا
الي اخليها تحبني واظن العكس صار,, وقتها كلمت غسان وقلت له اني انتقمت له من
مشاعل واهنتها قدام الناس وقدام صاحباتها وبديت اقنعه انه يتركها ,,, وفعلا الولد وافق
وشكرني,, وقتها انا كنت فرحان لانها خلاص اختفت من حياتي ,,, كنت خايف احبها,,, وفي
يوم دق علي غسان وقال انه شافها في شارع وانها كانت تطالعه باحتقار وقال لي لازم نكمل
خطتنا ,,, اظطريت انه اجاريه عشان امنعه يسوي شي لهالبنت الي صيطرت ع افكاري ,,
كنت ابي اكون معاه بكل خطوه يسويها ,, كنت متردد شلون اعطيها رقمي او شلون ابدا
معاها وانت عارف اني مو من الشباب الي يرقموا ولاتنسى انها تكرهني بعد الي سويت لها
,,, في يوم كانت صاحبتها طالعه وعطتني شي يثبت ان مشاعل تحبني تدري ايش هو؟؟؟
عبدالله : لاتقول الرسمه؟؟؟
طلال: ايه ,, هالشي خلاني اتاكد ان مشاعل تحبني ,,, لحظتها ماحاولت انكر مشاعري تجاها
بالعكس اعترفت لنفسي ولها اني اموت فيها,, وصرنا نتقرب من بعض كل يوم اكثر من الي
قبل
عبدالله: انا متاكد انك تحبها لاني شفت كل شي بعيني ,, بس بعد هالحب ماتوقعت انك حتتركها
طلال : لو انت مكاني كنت بتسوي نفس الي سويته,, كان غسان يقنعني اني اطلعها للمزرعه
وينتقم منها هناك ,, كان غسان عارف انها تحبني لانه شاف شلون تغيرت بعد ماتعرفت علي
وكان يصر علي اننا ننتقم منها ,,, كان وقت الاختبارات وخفت تحس بشي وتقلق وماتنجح,
حاولت اني اصرف غسان لما خلصت اختباراتها ,,, وقتها حاولت اني اقنع غسان انه ينسى
موضوع الانتقام,, بس رفض ,, وقال لي انه غير الخطه
عبدالله: مدري ليش انت تسمع كلامه كان ممكن تحذر مشاعل انها تنتبه منه وخلاص
طلال: انا كنت اوصلها للجامعه وارجعها كل يوم ,,كانت لما تطلع لاي مكان تكون سيارتي
ورى سيارتها تدري ليش
عبدالله: اكيد كنت خايف غسان يسوي لها شي
طلال: ايه ,, وبصراحه انا انسان,,, ماراح اقدر اراقب مشاعل طول عمري ,, وممكن يحاول
يقول لابوها انها تعرف شباب او يحاول يهز ثقه اخوانها فيها وانا مقدر اراقب كل الي
بالبيت ولااقدر امنع غسان انت عارف انه عنيد وماودي اكبر الموضوع براسه,ولو قدرت احميها يوم
ماراح اقدر احميها منه العمر كله,, قررت اني اسمع خطته الثانيه ,, وتخيل ايش كانت خطته
عبدالله باهتمام: ايش؟؟؟؟؟؟؟؟
طلال: قرر اني اتركها لانه عرف شلون مشاعل تحبني ,, واكيد هالشي بيصدمها ومستحيل
ترجع مثل اول لان الصدمه بتهزها
فكرت يوم و يومين واسبوع,, لقيت ان هذا انسب حل
عبدالله: شلون انسب حل مو فاهم؟؟؟؟مو انت تحبها شلون قدرت تفرط فيها
طلال: عبدالله والله من كثر خوفي عليها,, ع الاقل اذا سويت الي قاله غسان اظمن انه ماراح
يتعرضها مره ثانيه,,, صح اني بتعذب واكيد هي بتتعذب بس هالحل الي اشوفه انسب حل
وبعدين لو غسان حس بس مجرد احساس اننا نحب بعض وان علاقتنا ماراح تنتهي راح يحقد
اكثر وماراح يخليها,,ولاتنسى انها هي السبب بهالمشكله,, لو انها ماتعرفت ع واحد واطي مثل غسان ماكان صار
الي صار
عبدالله: طلال لاتلومها ع شي سوته قبل تحبك
طلال بقهر: انا مالومها بس انا مقهور لاني ماتوقعت ان حجم حبي لها كبير لهدرجه ,,
ولاتوقعت اني غالي عندها حتى اغلى من حياتها,,,, والله ياعبدالله اني ماقدر ارتاح ولا انام
ولا حتى دوام راوح بعد الي صار,, احس اني مقدر اكمل حياتي بدونها
عبدالله: ياخي مو غسان رضى بالنصر الي حققه؟؟؟
طلال: الله لايوفقه هو السبب بكل الي صار
عبدالله: ياخي خلاص ارجع لها واشرح لها كل شي
طلال: صعب ,, لو جتني الجرئه اني اكلمها ,, متاكد انها ماراح تسامحني ابد,, هي انجرحت مني
واي كلام راح تسمعه مني راح يزيد جروحها,, صدقني مابيها تحزن ولاتبكي ,, ابيها تكون اسعد انسانه بالهدنيا
عبدالله: شلون بتكون سعيده بعيد عنك؟؟؟؟
طلال: عبدالله انا متاكد اني لو كلمتها راح تتعذب اكثر,, وراح تتذكر الي سويته ,, انا ابيها
تنسى مو ازيد جروحها ,,, عشان كذا ببعد عنها لاني مااتجرا اني اكلمها بعد الي سويته
عبدالله: ترى الموضوع توه صاير وع قولتهم دق الحديد وهو حامي , مو بعدين اذا برد
الموضوع تدق عليها ترى وقتها يمكن تكون نستك
طلال: بعد ماعرفت من يزيد انها بخير وماصار لها شي بعد الحبوب الي اكلتها وراح تطلع
من المستشفى بكره انا راح اختفي من حياه مشاعل للابد
---------------------------------------------------------------------------------------
حسين: ابشرك دق طلال وقال لي انه ماراح يسوي لي شي
ساره: مو معقوله يساعدك كذا بدون مقابل
حسين: والله انا مثلك استغربت بس عطاني كم نصيحه ,, مسوي مصلح اجتماعي,, ياليته
يصلح نفسه ويغير طبعه الخايس
ساره: عموما انا قريب راح اخليك تفرح بالكلام الي راح تسمعه عن طلال ,, راح اخليه يندم
ع كل شي سواه في ميشو
حسين: ليش ايش ناويه تسوي
ساره قالت لحسن ع خطتها
حسين برعب: مجنونه لالا انا اسف مقدر اساعدك هو متوعدني وانا بصراحه احمد ربي انه
سامحني وقفل القضيه الي بالشرطه ,, وبعدين مجنونه الي راح تسويه شي مستحيل محد راح
يطاوعك فيه
ساره: يعني انت ماتحب ميشو وماتبي تنتقم لها
حسين: انا انتقمت وشفتي ايش صار لي ,, اسف سارونه,,, ترى الي حتسويه في طلال منتي
قده اساليني انا لو كان واحد عادي اوكي بس طلال والله ينهيك من الوجود,, بعدين حرام
عليك مهما كان هو انسان صح انه حقير بس هذا مايمنع اننا نعترف انه من نفس فصيلتنا
ساره: ياشينك وثقل دمك ,,, على بالك تخفف دمك في وقت بايخ ,, المهم انا ماهمني انك
تساعدني او لا بس ياويلك لو وصل كلام لطلال من هنا والا من هنا
حسين: مجنونه انا الي اترجاك ماتجيبين طاري اسمي على لسانك ,, ولاتدقين علي اخاف
يطلع فواتيري ويدري اني اعرفك,, ساره تكفين فكري تراك مجنونه
00000000000000000000000000000000000000000000000000 00000
جلس يطالع موبايل مشاعل ,, كان متردد يفتح الرسايل لانه يحس انها خصوصيات ,,, بس
بما انه قطع علاقته فيها حب يسترجع الذكريات ويقرا رسايلها
\"طلال قلبي وينك ,, ترى انا مره خايفه عليك\"
\"طلال تكفى طمني عليك لو بمسج\"
\"موبايلك مقفل ,, بليز افتحه وكلمني قلقانه عليك\"
وكل رساله يفتحها تعذبه اكثر ,, ويكتشف الغلطه الكبيره الي غلطها,, حس بخوفها عليه,, وهو
كان يخطط علشان يتركها
ظل يقرا بالرسايل رساله بعد راسله لحد ماوصل لرساله خلت الدم يتجمد بعروقه,,, رساله
ماكانت مرسلتها له ,, رساله هزته هز انجن رجع يقراها مره ومرتين يحاول يستوعب ,,,
مو مصدق الكلام الي بالرساله
انشالله بالجزء الي بعده راح نعرف سر هالرساله وايش راح يصير لميشو لما ترجع للبيت
الي راح ترجع له فاقده اهم شي بالنسبه لها ((نظرها))
كان طلال يقرا بالرسايل رساله بعد رساله لحد ماوصل لرساله خلت الدم يتجمد بعروقه,,,
رساله ماكانت مرسلتها له ,, رساله هزته هز انجن رجع يقراها مره ومرتين يحاول يستوعب ,,,
مو مصدق الكلام الي بالرساله
رجع يقرأ المسج وطالع باعلى المسج كان مكتوب اسم الشخص الي مشاعل مرسله له المسج
كان اسم وحده من صاحباتها اسمها ((حياه)) واكيد هالشي مو المهم بالنسبه لطلال انشالله
يكون اسمها عفريته خضراء المهم بالنسبه له هو ان الاسم مو راكب مع الكلام الي بالمسج
رجع يقرا المسج ع امل انه يلقى تفسير للي يقراه
كان المسج
\"حاتم بليز لاتدق علي لان موبايلي مع ابوي ,, انا اذا هدت الاوضاع بدق عليك\"
جلس يفكر حاتم والاسم حياه
طلال\"خلاص الموضوع مفهوم ومايبي له شرح,, خويها حاتم وعلشان خايفه من اهلها يشوفوا
رقمه خزنته حياه,,, الحقيره كانت تخوني وانا الي ذابح نفسي من القهر والندم ع الي سويته
,,, وهي كانت تكذب علي وتخوني ,,, وانا الي توقعت انها تغيرت\"
سكر عيونه طلال بحزن ونزلت دمعه قهر من عينه وبصوت حزين \" مشاعل ,,, معقوله
قطوتي ميشو تسوي كذا ,, انا كنت معاها بكل دقيقه وبكل ثانيه ,, متى لحقت تخوني,, كيف
طاوعها قلبها ,, ميشو ليش ,,, قطوتي انا ربيتك ع يدي ,,,و علمتك كيف تحبي ,,,,وعلمتك
الاخلاص,, ولما خنتي خنتيني انا,,, عمرك ماراح تتغيري,, عمرك ماراح تتركي الغزل
والكذب ياحسافه الوقت الي قظيته معاك\"
جر حسرته وندمه ع كل دقيقه ضيعها مع مشاعل ,, البنت الكذابه الي اخذت قلبه وضحكت
عليه طلع من غرفته والي كانت تدل ع رفاهيه بالعيش ,,, كانت جناح مكون من 3 غرف ,,,
الغرفه الاولى والاصغر كانت غرفه ملابس فيها من كل الملابس الي ممكن يتخيلها الانسان
او تخطر بباله مو الولد لبيس يحب الكشخه كانت عباره عن رفوف ومقسمه اربعه اقسام
القسم الاول نسميه القسم السعودي لوووووووول كان عباره عن مجموعه من الثياب
السعوديه والمشالح والشمغ والغتر ودهن العود والجزم وانتم بكرامه وبعض الشرابات الي
تمشي مع الثوب
القسم الثاني نسميه القسم الرسمي وهو عباره عن بدل رسميه يحظر فيها بعض اجتماعات
مؤسستهم لان نشاط مؤسستهم استيراد بعض الاجهزه والمعدات من الخارج ومعظم
اجتماعاته مع اشخاص اجانب فيحتاج دايما للبدل الرسميه ,, وكان يشمل هذا القسم بعض
العطور الرجاليه وبعض الاحذيه الرسميه وبعض الكرافيتات وكانت مرتبه جدا بحيث يسهل
عليه الوصول للي يبي وكان طلال شخص يحب الترتيب جدا بحيث ان الشراب الاسود لازم
يكون جنب الجزمه السوداء والعطر الرسمي لازم يكون جنب قسم الملابس الرسميه وهكذا
كانوا الخدم يتعبوا معاه
اما القسم الثالث كان عباره عن ملابس السبور وبعض ملابس الجيم بالاضافه الى الجزم
والعطور والجل وغيره وغيره كل شي يخص قسم السبور
اما القسم الاخير في هالغرفه وهو قسم البيت ع قولته ,, فيه كل شي يخص لبسه بالبيت من
بيجامات وشورتات للنوم وجزم البيت حتى البيت له شرابات خاصه لوووووووول
واهم شي كريم الي بعد الحلاقه لان الحلاق بعد مايجيه بالبيت ويحلق له يحط كريم الي بعد
الحلاقه بس طلال ينقرف من كريمه يخاف انه استخدمه احد قبله فهو عنده كريمه الخاص
والحلاق متعود ع طلال الي يسميه موسوس لان الحلاق لما يجي طلال يجي ويده فاضيه
بدون امواس وبدون كريمات وبدون اي شي لان طلال يمتلك كل هالادوات لانه مايبي احد
يستعملها وبعدين يستعملها هو مو احتقار للناس بس يحس ان هذا من النظافه ,,, وفكره ان
الشخص يستخدم ادوات استخدمها مليونو واحد قبله هذا شي مقرف ومقزز مثل المشط او
المقص
حتى مره صار موقف له مع الحلاق
الحلاق: بسم الله(مسكين نسى وجاب معاه امشاطه,, وبدا يمشط شعر طلال عشان بيقصه)
طلال: ابعد يامقرف ماتفهم انت ؟؟؟؟
الحلاق ليش ايش سويت
طلال: مدري تبيني اكلمك تركي ع شان تفهم ؟؟؟؟
الحلاق: ايش صاير
طلال: قلت لك لاتلمس شعري باشيائك هذي ليش انا قلت لهم يجيبوا المشط والادوات علشان
تطالعها
مسكين وقتها ارتاع روعه بغى يصيح
بس طلال يحبه ودايما يعطيه القسمه ع قولتهم كان مايحب يحلق الا عنده لانه يضبط له
السكسوكه لوووووووووووووووووووووووول
كان اشطر واحد في محل بلاك هورس ولما يسافر يضطر طلال انه يستعين باحد زملائه الي
بنفس الحلاق بس محد كان يضبط سكسوكته ع قولته الا هالحلاق
نرجع لغرفه طلال كانت هذي بس غرفه ملابسه
اما الغرفه الثانيه كانت غرفه الجلوس وكانت عباره عن كنب مبهر واضح انه باهض الثمن
وتلفزيون 10000000 بوصه يحسسك انك بصاله سينما
وتسمى هذي الغرفه ع قوله اخوياه الغرفه السحريه ليش سحريه؟؟؟
لانك ممكن تحولها لصاله سينما اذا قفلت الانوار لوووووووووووووووول
وممكن تحولها لديسكو وهالشي ممكن تسويه بضغطت زر ع الريموت الي يتحكم بكل شي
بهالغرفه وبهالضغطه تصير الغرفه كلها انوار صاخبه وكانك بدي جي تصير ماتعرف الي
جنبك هو اخوك والا ابوك خخخخخخخخخخخخخخخخخ
وممكن تحولها لغرفه رومانسيه بعد بضغطه زر تتحكم بالنور ويكون نور خااافت ورومنسي
ناهيك عن الموسيقى الرومانسيه الي برضوا ممكن تتحكم برقم السي دي ورقم الاغنيه عن
طريقه
اما الغرفه الثالثه والاخيره هي عباره عن غرفه نوم طلال وهي اكبر غرفه بجناحه كله
الجدار الي يفصل بين غرفه النوم وغرفه الجلوس عباره عن حوض للاسماك ع شكل جدار
((ولاحد يسالني شلون يأكلوا السمك ترى مدري))ماعلينا
وفي وسط الغرفه سرير كبير يكفي ل 4 اشخاص وكانت الوان السرير هاديه والاضاءه
وكل شي مرتب ومحبوك كان السرير مرفوع عن مستوى الارض بثلاث درجات
وموضوع ع الارض الرخاميه بعض السجاد الفاخر
المهم طلال طلع من غرفته والي تطل ع البيت لان غرفته مو جوا البيت كانت في قسم
منفصل وكانها ملحق بس كانت غرفه كبيره
مشى طلال وقطع الارض الخضرا مار بالجلسه الي يسموها ((الدكه)) واكمل مشيه لما
وصل الخيمه وكان اهله متجمعين بالخيمه حاول يتجاهلهم بس ابوه وقفه وناداه
ابو طلال: طلال
00000000000000000000000000000000000000000000000000 00000
ام فهده: فهدوه قومي يله الساعه 4 العصر قومي بياذن المغرب وانتي ماصليتي لاضهر ولاعصر
فهده: يوووووووووووه يمه خليني نايمه ايش عندي غير النوم ترى احنا اجازه
ام فهده: بكيفتس اذا جاء رجلتس يدور عليتس بقول نايمه
فهده فزت من نومها: رجلي ؟؟؟ ليش بيجي؟؟؟
ام فهده: الحين فزيتي يالتسلبه والا يوم اني اقومتس ماقمتي, يوم سمعتي طاري الرجل فزيتي
فهده: يوووووووووه يمه هذا رجلي مايتحملني بس انتم اهلي مظطرين تتحملوني ,, ماتقدرون تتبرون مني
ام فهده: ااااااايه قالوها ,, ادق لامي مافيني حيل وادق لرجلي كلي حيل
فهده باستغراب: ايش ادق,, ادق رقبه يمه
ام فهده عصبت: جعل رقبتس المصع والفهاق ,,, جعلتس الزناج الي يفقع مصارينتس
فهده ارتاعت: يمه حرام عليك بنتك انا ,, وشو هالزناج؟؟؟
ام فهده توهقت ماتدري ايش معناه تسمع امها تدعي عليها به بس ماتدري ايش هو: قومي بس
صلحي شاهي لرجلتس وقهوه ترى داقن على اخوتس يقول بيجي يشوفتس
فهده فزت : يمه ماني فاضيه بتكشخ لرجلي تبيه يقول ايش هالشوشه الي ماخذها
ام فهده: من متى وانتي تنفعيني ,,, بنات الكروش ماعاد ينفعن ماينفعنا الا بنات القروش
فهده بغباء: من بنت الكروش يمه انا ماعندي كرش
ام فهده عصبت من غباء بنتها: بنات الكروش انتي ,,, مو انتي جايه من كرشتي
فهده: طيب ومن هم بنات القروش يمه بتتبني بنت؟؟؟؟ماتوقعت انك بتفقديني لهدرجه لدرجه انك تتبنين بنت
ام فهده : يالخبله الهبله بنات القروش هالشغلات , انا بشب ع صويلح يجيب لي شغاله,, مانسقم بدونها
فهده: يمه خليني اتزوج واخلي رجلي يجيب لك خدامتين
ام فهده تميل شفتها ع بنتها: قطيعه من بتاخذين ,,, ولد عمك حافي منتف
فهدهعصبت: يمه لو سمحتي هو الحين منتف بس توه باول مشوار حياته وانشالله بوقف معاه
لحد مايصير مليونير
دخل صالح معصب مثل كل يوم من الشمس والحر
صالح : وش هالحر الي يصلا صلي ,,, هذا واحنا تونا باول الصيف اجل اذا جانا طباخ التمر وش بنسوي؟؟؟
فهده بصدمه: يمه بتجيبون طباخ تمر مره وحده,, الناس اول يجيبوا طباخ عادي وانتم ماشالله مره وحده طباخ تمر
بعدين من متى التمر يطبخ؟؟؟ الى اعرفه انه يوكل من النخله ع طول
صالح يطالع امه بصدمه
ام فهده: لاتستغرب ياوليدي مهيب صويحيه من عقب مااعرست ,, يالخبله طباخ التمر هذا
احر شهر في الصيف من حرارته سموه طباخ التمر لانه يستوي التمر فيه من الحراره
صالح: ايه وفيه العقارب
فهده: ايش هالعقارب بعد
ام فهده : اسفهها بس وانا امك وخلني اروح اصلح الشاهي والقهوه للرجال
فهده: اها قصدكم طباخ التمر هو شهر اوقست(اغسطس)
صالح يناظرها بعين شريره: منهو قرست ذا؟؟؟ صديقتس؟؟؟ يالتسلبه
فهده : اووووووه ايش صديقي هذا شهر اسمه اوقست واذا مو مصدقني روح افتح موبايلك وتلقاه مكتوب
تلقاه بالتاريخ
توهق لانه مايعرف انقليزي معذور ماكمل الابتدائي :\"\"\"\"\"\"\"\"\"\"\"\"\"(
00000000000000000000000000000000000000000000000000 00000
ابو طلال: هاه طلال مااقتنعت ياوليدي انك تمسك اداره فرع مؤسستنا الي في امريكا
طلال بعد ماتذكر خيانه مشاعل: والله يبه انا فكرت وقررت اني راح امسك مؤسستنا الي هناك
ابو طلال: بيض الله وجهك ,,, هذا ولدي طلال ,, انا عارف انك ماراح ترد لي كلمه
طلال: ابشر يبه متى تبيني اباشر الشغل هناك
ابو طلال: شوف اقرب طياره رايحه هناك
طلال: ابشر ,,,بس يبه عندي طلب
ابو طلال: لك ماطلبت
طلال: يبه ماودي الموظفين الي هناك يكون عندهم خبر اني بكون عندهم
ابو طلال استغرب : ليش ياولدي ابيهم يستقبلوك
طلال: يبه انا ابي اشوف الشغل شلون ماشي هناك ,,, انت عارف اني احب النظام وماحب
التلاعب بالشغل ,, وابي اعرف اذا الشغل ماشي مثل ماتركته
ابوطلال اعجب بتفكير ولده ,, كان دايما يوجه ابوه مع ان ابوه عنده خبره ,, ولولا الله ثم
خبره ابو طلال ماكان جمع هالاموال والثروه ,, ويبدو انه ورث ولده طلال الذكاء الحاد
وسرعه البديهه ,, ومن كان صغير وهو مع ابوه وهالشي بعده عن امه كثير ,,, كان يسافر
مع ابوه ويحظر اجتماعات,,, حتى لما كان ب10 سنوات كان يهمتم بكل شي ,, واخذ من
طبع ابوه الكثير والاهم انه اكتسب من ابوه الخبره ,, اما نواف فهو دلوع البابا ,, كانت
رغباته وطلباته اوامر بالنسبه لابو طلال ,,,ابو طلال لما يدخل مجلس يفزون له الرجال
ويعملون له الف حساب ,, اما عند ولده نواف فهو ضعيف ومايقدر يقاوم دلع ولده
نواف بدلع: بابا ودي اغير لوحه سيارتي
طلال منصدم: ايوه يالشيخ طال عمرك ,, ليش ايش فيها لوحتك
نواف: مالك دخل انت انا اكلم بابا
طلال: احترمني ياحمار انا اخوك الكبير
ابو طلال : طلال شلون تبيه يحترمك وانت تقول له ياحمار
طلال: منت شايف ايش يقول يحمد ربه مافيه ولد بسنه عمره 10 وعنده همر ,,, وحظرته يبي يغير اللوحه
ابو طلال: ماعليك منه اذا دفنتني هذيك الساعه سيطر عليه,,, حبيبي نواف ليش تبي تغير لوحتك
نواف يطالع طلال بنظره انتصار: بابا لوحتي مو عاجبتني ,, ابي لوحه مميزه
ابو طلال: طلال كلم ابو بندر الي بالشرطه خله يشوف لنواف لوحه زينه ومايهم السعر
طلال منصدم: بابا تدري ان اللوح الحين صارت بالميه والميتين الف ,,, ترى ولدك بزر
ويحمد ربه انك شاري له سياره فوق الثلاثميه الف يبه انت تدلعه
ابو طلال: طلال شفيك ع الولد الحمدلله عندنا خير وماظن اننا بنخسر فلوسنا اذا جبرت
بخاطر الولد ,,, كلها لوحه
نواف: ايه بابا وقول لولدك اني ابي لوحه فيها ستات ,, يعني لو فيه ن ن ن 666 ابيها
طلال اتشت اخلاقه: وليه ياطويل العمر تبي ن ن ن
نواف: علشان اول حرف من اسمي ,, والستات عشان البنات
طلال منصدم: وانت ايش عرفك بهالحركات
ابو طلال مبسوط: هههههههه خل الولد ينبسط ,,, خلاص حبيبي طلال بيشوف لك اللوحه
واذا مو موجوده بندور لك اي لوحه فيها 666 امر بس
نواف: لا بابا مابي طلال هو الي يدور لي,,, اكيد بيجيب لي لوحه خايسه
ابو طلال: ولايهمك انا الحين ادق ع الرجال ونروح انا وياك نشوف اللوح واللي تبيها بس اشر عليها
نواف: ايه وبابا ترى ابي اركب جنوط ,, فيه محل اعرفه بالتحليه صديقي صاحب المحل
طلال: ومتى صادقته انشالله
نواف بغرور: تعلم كيف تتعرف ع الناس لازم تكون اجتماعي ,, ابد كنت رايح لمحله وشفت
الجنوط الي عنده واعجبتني الجنوط المراوح ,,, بس هو امين نصحني وقال تراها قديمه فيه
انواع احلى واجدد
طلال: ايه ع شان هالنصيحه الي بيلعب عليك فيها وبيسحب فلوس هالضعيف ابوي صار
صديقك هاه
نواف : اصلا انا حاط ايقنور عليك من زمان لاتكلمني بس,, بابا ابي اوريك شي بموبايلي
ابو طلال: هاه حبيبي ايش؟؟؟
نواف فتح موبايله وكان يوري ابوه صوره جمس يدور بالتحليه كان حاط بجمسه سترس كله
نواف: يبه ابي اسوي مثل هذا
ابو طلال: بس حرام حبيبي سيارتك تونا مطلعينها وجديده ليش تخربها بهالخرابيط
طلال قط وجهه وشاف الصوره: انا اموت واعرف ايش عرفك بهالاشياء
نواف: امس لما طلعت انا واخوياي التحليه ومرينا توتي كفي شفنا هالجمس واعجبني وصورته
عشان ابوي يسوي لي مثله
طلال كان يطالع ابوه مو معقوله انه طبيعي الحين يعطي سياره لولد عمره 10 قيمتها فوق 300
الف هذا غير اللوحه والجنوط والحركات الي بيسويها بتطق المليون ,, انهبل الشايب
طلال: يبه لاتكون بتسوي الي يقول عليه
ابو طلال خايف من طلال ويغمز لنواف ان طلبه مجاب: المهم ماعلينا انا بروح اتوضى ترى بياذن
المغرب يله عشان نلحق الصلاه
بعد ماطلع ابو طلال منحاش من طلال الي مل من نصايحه
طلال: نوافوه
نواف: خير
طلال: ابي صرف 500
نواف بغرور: مامعي
طلال: اقول لاتتغلى انا ادري انك تملك بالبيت اكثر من الي املكه بالبنوك,, اخلص روح جيب لي
نواف: ايش تبي بالصرف
طلال: ابي اعطي السواق فلوس يروح للمحطه يعبي سيارتي بنزين
نواف: لا حبيبي انت ديونك كثرت ومقدر اسلفك
طلال مستغرب: ديوني ,, متى اخذت منك يالنصاب؟؟؟
نواف: تتذكر لما جاك الحلاق وخذت مني 100 وانا قلت لك باخذ عليك 50 كل يوم تاخير
ماترجع لي فلوسي ولك الحين اسبوع يعني 7 في 50 يساوي 350 هاتهم بس لاعلم ابوي
طلال: يالكلب تاخذ فوائد ,, حرام ربا
نواف: ماعلي منك هات الفلوس واصرف لك 500 ,,, وبعدين لاتعتبرها ربا اعتبرها صدقه
لاني ماشرطت عليك الفوائد لما سلفتك
طلال انقهر من هالولد دايما يلقى له مخرج: ايش عرفك بهالكلام
نواف: سالت ابوي ,, وقال لي اذا قالوا لك ربا قول انا ماشرطت
طلال : طيب انت خذ 500 واحذف منها 350 يبقى لي 200
نواف : ههههههههههه كان غيرك اشطر ,, باقي 150 ,, المهم ايش تبيها عشرات والا ميات والا خمسينات
طلال يستهبل : لا ابيها ريالات
نواف: اوكي دقايق اجيبها
طلال منصدم: ليش عندك ريالات تكفي 150 ؟؟؟
نواف: لا عندي ريالات يمكن تجي لها 50
طلال: والميه ؟؟؟؟؟؟؟
نواف: الميه ياحبيبي لي,, لان قيمه طلعتي من الخيمه 20 ومشيتي لما اوصل للبيت 20
ودخلتي للبيت 20 وطلعتي الدرج 20 ولما ادخل غرفتي وافتح المكان السري الي اخبي فيه
فلوسي 20
طلال: يابعد عمري وماتبي لرجعتك 100 بعد
نواف : لا لاني ماراح ارجع, انت صاحب الحاجه الحقني لغرفتي
طلال: طيب صله الاخوه مالها اعتبار عندك؟؟؟
نواف: لا اسف ,,, يله تبي فلوسك انا بغرفتي
وطلع وخلاه
طلع طلال من الخيمه واتجه للمكان الي كان رايح له قبل يناديه ابوه
راح لما وصل البوابه ودخل غرفه الحارس
طلال: ادم
ادم: سم
طلال طلع موبايل مشاعل وتاملت لاخر لحظه :اسمع ياادم بعطيك الموبايل هذا ,,, وخله معاك
لما يدق عليك صاحب الموبايل قول له انك لقيته عند محل طايح ,,, وانك تنتظر صاحبه يدق
ع شان تسلمه له
ادم مستغرب: ابشر ياعم ,, بس متى بيتصلوا
طلال: والله مدري ,, المهم خليه معاك انشالله سنه بس رد ع اي مكالمه ,, واصحى تستخدمه
ادم : ابشر طال عمرك ,, بس اذا طلبوا يرجع لهم الموبايل ,, اخليهم يجوا هنا ياخذوه
طلال: لا خذ اي سياره من سيارات البيت ووده لهم
ادم كان محل ثقه طلال كان من اوفى العمال واخلصهم ,, وهو الشخص الوحيد الي يثق انه
يخلي موبايل مشاعل معاه,,, وخاصه انه مو سعودي يعني لما يتصل اخو مشاعل والاابوها
يدوروا ع الموبايل ماراح يشكوا في مشاعل لان لو سعودي الي رد راح يستغربوا شوي
بس اجنبي مافيه امل يشكوا فيه او يشكوا انها تعرفه
وبعد هالخطوه لطلال ,,, قرر بان مشاعل انتهت من حياته للابد ولايبي اي شي يربطه فيها
او يربطها فيه ,,, وهذي كانت نهايه علاقه طلال بمشاعل ,, نهايه الحب الي ممكن يكون اسطوري
لكن تجري الرياح بما لاتشتهي السفن
00000000000000000000000000000000000000000000000000 0000
مشاعل كانت تحاول تتاقلم نفسيا للهم الي راح يجيها ,, بكره الصبح موعد خروجها من
المستشفى ,,,راح تطلع للبيت الي عاشت فيه وهي صغيره بكل مكان فيه ذكرى ,,, كل مكان
كان له احساسه بس الحين ماتقدر تعيش هالذكريات ,,, لانها ببساطه ماراح تقدر تشوفه
كان يوم طويل ومتعب بالنسبه لها زارها ابوها وام مشعل الي من اول مادخلت ماسكتت من
الصياح وزاروها سعود ومشعل وزوجه مشعل الي كان زواجه هو حديث البيت قبل مشاعل
ماتدخل المستشفى
كانت الساعه 9 الحين طلعوا اهل مشاعل لان وقت الزياره انتهى
دق التلفون وكان الي يدق يستنى ان وقت الزياره ينتهي
مشاعل: الو
نايف بتميلح: مساء الخير
مشاعل عرفته: نعم
نايف: قلت مساء الخير ليش الجفاف بالرد
مشاعل في نفسها يالله ع المصاله : هلا اخوي من معي
نايف: يعني ماعرفتي صوتي؟؟؟
مشاعل تقلد تميلحه: لا ماعرفت صوتك
نايف: انا نايف ,,,مشغوله او عندك احد؟؟؟
مشاعل: اتوقع تجيك الاخبار اول باول اكيد تعرف ان الي عندي طلعوا ليش تسالني
نايف: ليش معصبه فيه احد مضايقك
مشاعل: ايه
نايف: مين وشوفي انا ايش اسوي له
مشاعل: فيه واحد يزعجني يدق ع غرفتي ويتميلح تقدر تسوي له شي؟؟؟ وبصراحه هو ثقيل
دم وماينطاق
نايف باهتمام: عطيني رقمه وانا اوريك فيه
مشاعل: والله انا ماعرف رقمه ولايشرفني اعرفه ,,, بس هو يكلمني الحين
سكت من الصدمه
مشاعل : اسمع يااخ يمكن انت متعود ان فيه بنات يستقبلوك بكل حب وحنان ,, بس اصابع
يدك مو سوا ,,, انا بنت مالي بهالحركات اوكي,,, وممكن تحترم نفسك وماتدق علي مره
ثانيه
نايف: بس انا ماصار مني اي غلط
مشاعل في نفسها \"ابو الكرامه الي تعرفها\" : اوكي يااخ ماصار منك غلط بس انا انسانه
فيني حاله نفسيه اذا حاول واحد يغازلني ,, يجيني انهيار عصبي حاد وممكن ادخل بغيبوبه
سنه,,,تخيل واحد حاول يغازلني بالسوق وشوف ايش كانت النتيجه هذا انا بالمستشفى ,,
فارجوك لاتدق
نايف خاف لانه كان متاكد ان البنت متهوره الي حاولت تقتل نفسها اكيد بتسوي اي شي
00000000000000000000000000000000000000000000000000 00000
ساره كانت مصممه انها تنفذ خطتها الي راح تدمر طلال كليا,, فكرت وخططت بس باقي
التنفيذ,,كانت محتاجه شخصين ,,, الشخص الاول هو صاحبتها سابقا ((منال)) والي كانت
مشاعل تمنعها انها تروح لها او يكون بينهم اي صله وحبها لمشاعل خلاها تقطع هالبنت
ومنال بتكون هي الي تنفذ اول الخطه ,, اما الجزء الثاني من الخطه كانت معتمده ع حسين
,, بس للاسف حسين خذلها وطلع جبان لما عرف الخطه وبالاخص اذا كان صاحب الموضوع
طلال ,, هنا كانت محتاره ماتدري مين تختار ,, تبي شاب ثقه وكل الي تكلمهم مو ثقه,,, تبي
واحد مجرم ,, مو واحد راعي غزل,, بس مين ,,, فكرت انها لازم اول تركز ع الجزء الاول
من الخطه ولما تنفذه راح تفكر مين ممكن تستعين,, ومثل مايقولوا حامي بحامي دقت ع
البنت والي تشكل الجزء الاول من الخطه
ساره: هاااااااااااااااااااااااااي منوله
منال: هايات سارونه وين الناس توك ذكرتي ان عندك صاحبه
ساره: شسوي مشاغل الدنيا بس مانسيتك ابد قلت اتصل اشوف اخبارك
منال: ياحبيبتي ,,, انا تمام الحمدلله ,, ولو ان صدري تاعبني هالايام
ساره ببراءه: سلامتك ,, ليش عندك ربو؟؟؟
منال: ههههههههههه لا ياقلبي غيرت نوع الدخان وذبحني صدري
ساره: اها ,, حبيبتي ودي اشوفك ابيك بموضوع
منال: تعالي انا فاضيه
ساره: ماعندك احد ((كانت ساره خايفه لايكون عندها احد لان البنت واحد داخل ببيتها وواحد طالع))
منال بنت عايشه مع امها ,,, والي من مات زوجها وهي مشغوله عن بنتها بالطلعات
والسفرات وحاليا هي مسافره وبنتها لوحدها بالبيت
منال: لا تعالي ماجد توه طلع من عندي
ساره: مين ماجد ابوك
منال: هههههههههه ابوي لي 3 سنوات ماشفته ,,, لا ماجد هذا البوي فريند حقي
ساره: اها اهم شي طلع هو
منال: ايوه تعالي
ساره : اوكي انا اصلا ماراح اطول
منال: عندي احساس انك تبي تديتي عندي
ساره: اديت؟؟؟
منال: تبي توهميني انك ماتكلمي وماتديتي؟؟؟
ساره : اوكي اكلم بس ماتوصل اني اديت
منال: هههههههههههههه ياحليلك المهم استناك
ساره: يله مسافه السكه
00000000000000000000000000000000000000000000000000 00000
استسلمت مشاعل للنوم في وقت مبكر ,,, بس قبل النوم اكيد مانست الحوار الي يدور كل
ليله حتى بهالضروف كانت ماتقدر تنام لحد ماتأنب نفسها ع كل الي مر لها
صحت ميشو ع صوت خطوات جايه من الغرفه الي جنبها وحست بخطوات تطلع من الغرفه
الي جنبها وتقرب من غرفتها,, كان المستشفى هااااااااادي ومافيه صوت غير صوت
هالخطوات الي تقرب منها اكثر واكثر
اختفى صوت هالخطوات عن باب مشاعل كانت تتمنى تهرب كان واضح ان الشخص واقف
ورى باب مشاعل
سمعت صوت فتحت الباب وكانه انفجار كان الشخص مبين عليه معصب او زعلان حست
بحقده من مشيته
بدت تقرب الخطوات منها اكثر واكثر لحد ماوقفت عند سريرها
مشاعل برعب: مين انت ,, انت الي امس كنت هنا ,, انت مين؟؟؟ ايش تبي مني؟؟
كان ساكت بس حست بتنفسه يدل ع انه شخص في موجه غضب حاااده
وبسرعه وبدون مايترك لمشاعل فرصه تدافع عن نفسها
سحب مخده مشاعل من تحت راسها بعنف ,,, ودفن وجهها تحت المخده
كانت مشاعل تحاول تقاوم ,, تحاول تبعد المخده عن وجهها,, ماتقدر تتنفس,,, حاولت تتنفس
بس كانت انفاسها مكتومه ,,, حاولت تضرب يده او تبعدها ,, بس كان اقوى منها ,, بكل
مقاومه تقاومها مشاعل كان يقوي ضغطه ع المخده
من هالشخص الي له مصلحه يقتل مشاعل ,,معقوله طلال يقتلها لانها خانته؟؟؟, يمكن ام
سلطان لانها تكرهها , وليش مايكون غسان ,,, والا يمكن نايف الي اهانته ,,, احتمال يكون
شخص مجهول ,,,, انشالله بالجزء الجاي راااااااااح نعرف ؟؟؟
الجزء الثاني عشر</P>
صحت ميشو ع صوت خطوات جايه من الغرفه الي جنبها وحست بهذي الخطوات تطلع من
الغرفه الي جنبها وتقرب من غرفتها,, كان المستشفى هااااااااادي ومافيه صوت غير صوت
هالخطوات الي تقرب منها اكثر واكثر
اختفى صوت هالخطوات عند باب مشاعل كانت تتمنى تهرب ,, كان واضح ان الشخص
واقف ورى باب مشاعل
سمعت صوت فتحت الباب وكأنه إنفجار كان الشخص مبين عليه معصب او زعلان ,,, حست
بحقده عليها من مشيته
بدت تقرب الخطوات منها اكثر واكثر لحد ماوقفت عند سريرها
مشاعل برعب : مين انت ,, انت الي امس كنت هنا ,, انت مين؟؟؟ ايش تبي مني؟؟
كان ساكت بس حست بتنفسه يدل ع انه شخص في موجه غضب حاااده
وبسرعه وبدون مايترك لمشاعل فرصه تدافع عن نفسها
سحب مخده مشاعل من تحت راسها بعنف ,,, ودفن وجهها تحت المخده
كانت مشاعل تحاول تقاوم ,, تحاول تبعد المخده عن وجهها,, ماتقدر تتنفس,,, حاولت تتنفس
بس كانت انفاسها مكتومه مخنوقه ,,, حاولت تضرب يده او تبعدها ,, بس كان اقوى منها ,,
بكل مقاومه تقاومها مشاعل كان يقوي ضغطه ع المخده
بدت مشاعل تقاوم وتقاوم وتحاول تدف هالشخص الغريب وبأكبر ماتملك من قوه قدرت
توصل ليده حاولت تبعده عنها ,,, حست بيده تهزها وتهزها وفجاءت
سمعت صوت الممرضه كانت خايفه: ويك اب ,,,ويك اب
مشاعل : انا وين
الممرضه: انتي فيه مستشفى ,,, انتي في نوم بعدين انا يسمع انتي فيه صيه
مشاعل : الحمدلله انه حلم الحمدلله
التفتت يسارها ونفثت وتعوذت من الشيطان
حمدت الله انه كان حلم لانها كانت ع وشك الموت
مشاعل في نفسها\" ليش مااشوف كوابيس بعد الي صار ,, فقدت اغلى انسان وبعدين كنت
اواجه الموت ولما الله انقذني من الموت فقدت نظري ,,, وتفكيري بالشخص الي امس كان
بالغرفه ,, كل هذا اكيد بيجيب لي كوابيس\"
حست انها ماتقدر تكمل نومها كان ودها تقرا قران بس .... ماتقدر ,, قرت الي حافظته
وحاولت ترجع تنام
00000000000000000000000000000000000000000000000000 00000
فهده تكلم زوجها
فهده: شلون اشتقت لي وانت اليوم شفتني
عبدالمجيد: لو اشوفك 24 ساعه مامل منك
فهده متشققه من الوناسه: اووه خلاص استحي
عبدالمجيد يضحك: ياقلبي ع الي يستحون
فهده: عبدالمجيد ماقلت لامك ع الموضوع الي قلت لك عنه
عبدالمجيد: قلت لها بس تقول دفعنا نص المبلغ وماراح يرجعوه لنا
فهده: بس المكان مره قروي ,, ودي يكون زواجي بمكان حلو بصراحه استحي اعزم صاحباتي
عبدالمجيد: انتي عارفه حالتي الماديه قبل تتزوجيني ايش تغير؟؟؟؟؟
فهده: ماقلنا شي ,, انتم ادفعوا النص واحنا النص ونحطه بمكان حلو
عبدالمجيد: حبيبتي الكروت انطبعت ,,, وكل شي جاهز ,, ترى باقي اقل من اسبوعين واكون اسعد رجال بالدنيا
كانت فهده مخفه اي كلمه حلوه يقولها عبدالمجيد ينسيها كل شي
فهده: طيب وكروتنا متى راح تجيبها
عبدالمجيد: صراحه المفروض اليوم جبتها بس قلت لا,, عذر عشان اشوفك بكره
فهده خلاص ميته من الفرح اخيرا بتطلع من هالبيت ,, وبتتزوج ولد عمها الي اكيد حبته
لانها ماتعرف غيره,,, ويكفي انه ولد عمها ولازم تحبه ,, وغير انه زوجها
قفلت فهده واخذت ورقه وراحت عند امها عشان تدون فيها اسماء الناس و البنات الي راح تعزمهم
عبدالمجيد قال لها انه راح يعطيها 85 كرت قررت انها تاخذ 55 لها و30 لامها هذا اذا
وافقت امها ,, وزي ماتوقعت امها رفضت وقالت خليني اخلص من اسماء الحريم الي
بعزمهم وبعدين خذي الباقي,, انقهرت من امها ,, بتعزم ناس قراوى يجون يتعشون
ويروحون وهي تبي احد يحيي الزواج ,, وتبيه كله بنات ماتبي عجايز,, بس امها والله ماتخليها
ام فهده : يله اكتبي اسماء خالاتك وبناتهم وحريم عيالهم
فهده: كتبتهم يمه كلهم 17
ام فهده : وزوجات خوالك وبناتهم وحريم عيالهم
فهده بطفش: كتبتهم وعددهم 15 للحين وصلنا 32
ام فهده: حطي عماتك وبناتهم وحريم عيالهم
فهده: ماتبين تعزمين شغالاتهم بعد
ام فهده: خلي عنتس البربسه وكملي
فهده : طيب عددهم 9 للحين وصلنا 41 والحين طبعا عماني وزوجاتهم وبناتهم وحريم
عيالهم خلاص حفظت الموال
ام فهده: ايه واكتبي جارتهم احبها وش حليلها
فهده: يمه انتي تحبيها مو انا
ام فهده: وانا منيب امك ,, ماقلت عليك يابا الفرج؟؟
فهده: قلتي ,, المهم هذول القوم مع جارتهم عددهم 38 وصلنا 50 خلاص يمه باقي 35 بعزم صاحباتي
ام فهده: مهبولتن انتي تبين الناس يزعلوا علي كملي بس,,, اكتبي جارتنا ام و..و...و...
وبناتهم وحريم عيالهم
فهده قفلت اخلاقها: الحين الحريم اعزميهم بس بناتهم وحريم عيالهم ليش؟؟؟؟؟
ام فهده: تبيهم يزعلون لاني ماقدرتهم وعزمتهم ,,, والله ماتطلع مني
فهده: طيب يمه خلاص ماباقي الا 12 كرت خليهم لي
ام فهده: طيب اخر شي اعزمي مرت المقاول ,, ومرت الهندي الي في المحطه ارحمها ودها
تشوف عرس السعوديين
فهده معصبه: وماتبين مرت الي يشتغل بالبقاله ,, والا تبي تعزمين مثلا مرت الخباز ترى عادي
ام فهده: احمدي ربتس باقي لتس 10 كروت
هنا دخل صالح : ايش تسوون
ام فهده: نكتب الاسماء الي بنعزمها
هنا فهده تبي تشكي لاخوها يمكن ينقذها ويتوسط عند امها وتخفظ من عدد المدعوين الي
ع قولت فهده قراوى,, بس ماامداها تتكلم لانه تكلم قبلها وحطمها
صالح: اقول فهده اعملي حساب 4 كروت لي بعزم اهل صديقي وطلع
فهده راحت غرفتها تبكي 6 كروت مين بتعزم
اكيد ميشو وسارونه ومهاوي هذول اساسيات
وبتشوف الثلاثه مين بتعطيهم لانها ماتبي تعطي احد وتزعل الثاني
خلاص زواجها الاثنين واليوم السبت يعني بالضبط باقي عليه اسبوع ويومين
00000000000000000000000000000000000000000000000000 00000
ساره: لا اسفه منال انا ماشرب معسل
منال: ياغبيه هذا معسل تفاح ,, يخلي راسك يمخمخ
ساره بخوف: منال رجاء لاتضغطي علي
منال: الي يريحك بس اذا حبيتي تفكري وتخططي لشي مثل الي قلتي لي يبي لك مخمخه
ومافيه مثل المعسل يخليك عال العال
ظلت تقنعها وتقنعها وان نفس واحد ماراح يخليها مدمنه بعدين المعسل كيف ماهو ادمان
اقتنعت ساره ونفس جذبها له وبدت النفس الثاني والثالث وهكذا
ساره: واو طعمه يجنن
منال: قلت لك
ساره: احس راسي ثقيل
منال: ههههههههههه توك جديده ,,, بس والله انك فنانه تعرفي تطلعيه مع خشمك
ساره: هههههههههههههههههههههههه لو تبي من اذاني طلعته
منال:ههههههههههههههههههههههههه لا خليها ع خشمك ,, المهم ماقلتي لي كم تبين من كيلو حشيش
ساره: مدري الي يكفي انه يدخل شخص السجن
منال: ههههههههههههههه حسبتك بتكيفي عليه ,,, بس الحشيش غالي
ساره: كم يعني
منال: صدقيني منتي قده وخاصه انك بتشترين كميه كبيره عشان تحطيها بسياره الولد
وتوهمين الشرطه انه يبيع حشيش
ساره: ايه هذا الي بسويه
منال: بس ودي اعرف ليش انتي حاقده عليه لهدرجه
ساره : موضوع خاص
منال: طيب ليش ماتاخذي شي ارخص
ساره: مثل ايش ؟؟
منال: خذي حبوب هلوسه الي يسموها قضوم وياخذوها الطلاب ايام الاختبارات ,, ياخذ له
كم شهر بالسجن
ساره: وكم سعرها هذي
منال: يعني ممكن اتوسط لك يبي لك كميه لابأس بها تقريبا 400 حبه 50000
ساره انصعقت: 50000 مجنونه انتي,,, اشتري بها شنطه لي ولا اشتري بها مخدرات
منال: تحسبين المخدرات رخيصه ,,, حبيبتي هذي تكسب ذهب
ساره: اعوذ بالله فلوس حرام
منال:هههههههههههههه ماعلينا ايش قلتي اقول للرجال؟؟
ساره: لا خليني بفكر
جت الخدامه تقول ان فيه احد عند الباب يبيها ,,, وقالت للخدامه انها تدخله
ماجد : هلا حبي
ساره انصدمت ايش هالوقاحه يدخل ويطلع ببيتهم ع كيفه وايش هالبنت الي مخليه بيتهم
للداخل والطالع
ماجد ماكان لوحده ,, كان معاه وليد صاحبه
وليد كان وسيم ويشبه الممثل احمد عز مررررررررررررررره
هنا ساره صح كانت خايفه بس سعبلت لما شافته ,, تقدر الجمال ,,, وماتقدر تقاوم الشاب الوسيم
وليد: مالك حق يامنال ليش ماقلتي ان القمر عندك اليوم تعبنا ندوره
منال: لاتقرب منها ترى البنت عندها رده فعل غريبه الحين تهجم عليك
وليد طالع ساره بنظره خطيررررررررررررررررررررررررررررررره : ممكن بعد اذنك
احكي معاك شوي
ساره: لا بطلع انا
وطلعت بسرعه لما وصل الباب كان وليد يلحقها
وليد: اوكي انا مابي احرجك او ازعجك بس ممكن اعطيك رقمي ,, مقدر انام اليوم قبل اسمع صوتك
ابتسمت وخذت رقمه
في السياره شالت طرحتها وصار تقطع بشعرها (هبلا) وتصارخ لدرجه ان السواق وده
يرميها بالشارع ازعجته ماخلته يركز بالسواقه ,,, منجنه ,, راحت لمصر مرتين علشان
احمد عز بس مالقته ,, والحين قابلت واحد نسخه منه ويتغزل فيها ,,, كانت تبي تدق بالسياره
ساره في نفسها\" سويره اعقلي لايقول هالمطفوقه المشفوحه ,,, خليك ثقل مثل ميشو ,, ميشو
ثلاث ارباع الشباب منجنين عليها لانها ثقل ماتعطيهم وجه ,, وتسمعهم الكلام الحلو بالقطاره
لازم اثقل \"
00000000000000000000000000000000000000000000000000 00000
كان يوم الاحد ,, ارتفع قرص الشمس ,,, ينبه الناس لبدايه يوم جديد
في المستشفى كان مشعل وابو مشعل يوقعوا الاوراق عشان مشاعل تطلع
كانت بالسياره
مشعل: هلا بنور البيت والله اشتقنا لك
ابو مشعل: عشان كذا سميتها مشاعل لانها شعلة البيت
مشعل: هههههههه اجل يبه فاتوره الكهرب لهالشهر بتجي ضربه
كانت مشاعل طول ماهي بالمستشفى تجامل وتمزح ,, بس هنا ماقدرت لانها في طريقها للبيت
الي بيتغير كل شي فيه ,, يا الله كيف راح تتحمل
حست بالسياره تاخذ طريقها للكراج ووقفت عند البيت ,, فتح لها مشعل الباب ومد يده عشان
تدخل كانت متردده ومتوتره بس ماتبيهم يحسوا بشئ ,,, نزلت واخذت طريقها للبيت ,, كانت
يد مشعل ماسكه بها ,, سمعت صوت فيصل يركض,,, وصل لها وضمها بقوووووه ,, نزلت
لمستواه وضمته وانظم له سلطان وافهد وبعد كلامات الشوق ,, كملت مشاعل بمساعدت
مشعل تدخل البيت ,, الي اول مادخلت حست بخوف من المجهول
مشعل: ميشو تبي تطلعي غرفتك ترتاحي او تبي تجلسي بالصاله
مشاعل: لا ابي اروح غرفتي لو سمحت
دخلت غرفتها وطلبت منه يتركها لوحدها
هنااااااااااااااا رجعت الذكريات وكانها ماغابت ,,, حاولت توصل للسرير,, وصارت تلمس
بيدها لحد ماوصلت بعد عناء ,, تذكرت المكان الي اكلت فيه الحبوب وبكت ع غبائها,,, هنا
كلمت طلال وهنا ضحكت معاه وهنا كلمت غيره وغيره وغيره بس محد قدر يهز مشاعرها
وافكارها ويتسلل لقلبها غيره
مشاعل في نفسها\"يالله جد الانسان ضعيف ,, قبل كم يوم كنت اطالع الغرفه,, وانا مو مهتمه
عادي غرفه,, والحين اتمنى بس يرجع نظري 5 دقايق اتامل غرفتي وامتع نفسي بالمتعه
الكبيره الي ربي عطاها عبده والي مايحس بعظمها الى من فقدها\"
قطع عليها حبل افكارها التلفون كان اتصال داخلي ,,, اخذت وقت لحد ماوصلت له
مشاعل: الو
الطباخ سمير: اهلا وسهلا مودمزيل مشاعل, والله دا نور البيت كولو
مشاعل ابتسمت : شكرا سمير
سمير: ربنا يخليكي لينا وللعم ابو مشعل دا كان مخضوض عليكي خالص والله وحشتينا
مشاعل: مايوحشكش غالي
سمير: هههههههه دحنا اهوه بنعرف نتكلم مصري
مشاعل : ههههه ايه انا اصلا مصريه
سمير: دي مصر بتتشرف بيكي
مشاعل: والله انا الي يشرفني ,,, دا المصريين ناااس عسل وسكر
سمير: عشان الكلام الحلو ده انا حعمل لك ع الغداء الاكله الي بتحبيها
مشاعل: بس يا سمير عصافير بطني بتصوصو
سمير: هههههههههههه ,,, وع العشاء حعمل لك حمام محشي وملوخيه بالارانب وكفته وكباب و...
مشاعل: بس بس بس كل هذا لي ,,, انا مشاعل مو مكاين
سمير: هههههههههههههه انتي تامري حضرتك ,,, وزي مابتأولوا انتي تامري واحنا بنطامر
مشاعل: ههههههههههههههههه
قفل سمير وتذكرت مشاعل شي مهم ,, الرساله الي كتبتها لساره كانت ذاكره فيها اسم طلال
ولازم تلقاها لايشوفها احد ,, ظلت تدور الغرفه تدور عليها مالها اي اثر
نادت الخدامه تدورها يمكن تشوفها بس الخدامه تقول ان مافيه اي اوراق
خافت ,, لايكون بس احد اخذها ,,لاتكون ام سلطان قرتها ,,,, قالت خلني ادق ع سارونه
يتجي تلحقني ,,, طلبت من الخدامه تجيب موبايلها ,, وظلت الخدامه تدور بكل مكان بالبيت
مافيه اي موبايل,,, حاولت تتذكر وين ودته مو قادره ,, اخذت تلفون البيت ودقت ع امل انها
تسمع صوته يدق ,,, دق فتره وانصدمت لما رد عليها رجال
مشاعل: الو
ادم: سمي
مشاعل: مين انت هذا موبايلي
ادم: ايوه طال عمرك انتي نسيتيه في محل وهو معاي ابي اسلمه ليكي بس انتي ماتصلتي
مشاعل استغربت متى راحت لمحل وهي كانت تدق ع طلال لما كانت في بيته ,, اصلا من
بعد ماطلعت من عند طلال ماراحت اي مكان,,, غريبه
قال لها انه مستعد يجيها اي مكان يعطيها الموبايل ,, طلبت منه اسمه وقال لها ان اسمه ادم
تذكرت ان الحارس الي عند طلال اسمه ادم
مشاعل: انت الحارس الي ببيت طلال؟؟؟
ادم:.......................
مشاعل عرفت انه خايف اكيد طلال منبه عليه مايقول,, يا الله لهدرجه يكرهها ومايبي اي
علاقه تربطهم
مشاعل: عموما طلال كلمني من شوي وقال لي ادم بيرد عليك((كانت تبي تاكد شكوكها))
ادم: ايوه العم طلال قال اذا دق احد يسال عن الموبايل ارجعه
مشاعل: طيب ادم عندك موبايل انت؟؟؟
ادم: ايوه
مشاعل: طيب خذ الجهاز هديه مني لك ,, اما الشريحه انا بلغيها الحين
ادم بخوف: لاالله يخليك ماقدر العم طلال يزعل وبعدين هو مو مقصر علي ,, انا لازم ارجعه
مشاعل: خلاص ارميه وقول له انك رجعته لاني مابيه
ادم: بس انا مقــ............
طوط طوط طوط
قفلت قبل يكمل كلامه,,,, الوقح طلال مايبي اي شي له علاقه بي ,, لو عرف اني عميت
ممكن يتاثر,, ماتوقع ,, اصلا هو ماعنده قلب,,, وانا مابيه يشفق علي,, اذا هو ماحبني ,, انا مابي شفقته
00000000000000000000000000000000000000000000000000 00000
ام سلطان طلعت غرفت مشاعل مجبوره تمثل قدام ابو مشعل انها حزينه عشان مشاعل
ام سلطان بدون نفس: هلا مشاعل الحمدلله ع سلامتك
مشاعل : الله يسلمك خالتي ,, خالتي انا اسفه اني ضايقتكم وخوفتكم علي سامحيني
ام سلطان: لا انا ماخفت عليك ,,, تمنيت انك متي ,, بس كتب الله انك تعيشي مريضه
مشاعل انصدمت من وقاحت ام سلطان ,,, حتى وهي مريضه
ام سلطان :شوفي حبيبتي لاتفكري اني يوم من الايام بخدمك ,,, عندك خدامتك ,, ولاتفكري
انك تطلبي مني اي شي ,, انا عيالي وياله استحملهم ,,, واجي ارعى بنات الناس ,,
لاوماتشوف بعد,,, انسى اني موجوده ,,, ولو تبين تسكنين عند ام مشعل يكون افضل وطلعت
بكت من القهر ,, كانت تحاول تصلح الامور بينها وبين ام سلطان لكن للاسف ام سلطان نذله
فكرت بكلامها كانت تتمنى تسكن عند ام مشعل بس المشكله ان ولد اخت ام مشعل ساكن
عندهم علشان الدراسه لانه ساكن بقريه ويجي عند ام مشعل ايام الدراسه عشان الجامعه بس
الحين اجازه اكيد ولد اخت ام مشعل رجع لاهله وتقدر تكمل الاجازه عند ام مشعل
قررت تقول لابوها انها راح تسكن عند ام مشعل لحد ماتبدا الدراسه
دخل ابوها وكانت تبكي من القهر
ابو مشعل: هلا حبيبتي نورتي البيت
سكت لما شافها تبكي
ابو مشعل: ميشو حبيبتي ايش فيك تبكي,,, ام سلطان زعلتك قالت لك شي؟؟
مشاعل: لايابابا,, بس انا متضايقه شوي
خافت تقول له الحين انها تبي تروح عند ام مشعل يشك في ام سلطان انها مزعلتها,, وماودها تسبب مشاكل
00000000000000000000000000000000000000000000000000 00000
صحت ساره من النوم ع صوت موبايلها
ساره وكلها نوم: الو
فهده: كش
ساره: سلمات
فهده: انخطبت وبتزوج ولاوحده منكم جت زارتني
ساره: ياقلبي الف مبروك ,, بس معليش انشغلت مع ميشو شوي
فهده: ليش ميشو انخطبت؟؟؟
ساره: لا تعبانه شوي
فهده خافت: ليش سلامتها ايش فيها انا من زمان ادق ع موبايلها ماترد,, صار لها شي
ساره: مدري شقول لك ,, بس هي صار معاها حادث بسيط و..
فهده: و ايش قولي ,,, ساره طيحتي قلبي صار لها شي
ساره: ايه, فقدت نظرها
فهده:...........................
ساره: فهده ادري انك مصدومه,, حتى انا انصدمت اول ماعرفت بس ايش نسوي مجبورين
نتقبل هالواقع
فهده بدت تبكي: مستحيل اكيد فيه حل ,, فيه عمليه
ساره: للاسف مافيه ,, لان المشكله عندها من العصب البصري مو من العين نفسها ويقول
الدكتور ماله حل حتى لو سووا لها 10000000 عمليه
فهده صرخت: لاااااااااااااااااااااااااااااااااا
ساره تحاول تهديها: اذكري الله ,,, هذا نصيبها ايش نسوي
فهده وهي تبكي: وينها ابي اشوفها
ساره: هي ببيتهم
فهده: بروح لها الحين
ساره: فهده طلبتك لاتضايقيها وتبكي عندها ترى الي فيها يكفيها
قفلت فهده الخط
00000000000000000000000000000000000000000000000000 00000
نجود: يمه شكلي بقول لمشعل نأجل الزواج شوي
ام نجود: بس ياحبيبتي احنا حددناه وطبعنا الكروت وحجزنا الورد وطلبنا الاكل والحلويات
وكل شي
نجود: يمه مشاعل تعبانه ولازم نقدر هالشي
ام نجود: بس انتي تقولي ان عماها ماله حل ,, ايش راح نسوي لها ,, يعني لو اجلتي الزواج بتشوف؟؟؟
نجود: يمه ماراح نتناقش في هالموضوع ,, خلاص يمه بقول لمشعل نأجله والله يكتب الي
فيه الخير لي وله ولمشاعل
00000000000000000000000000000000000000000000000000 00000
كانت الخدامه ماسكه يدها تنزلها تتغدا مع عايلتها الي نادر ماتجتمع ع طاوله وحده,, مشاعل
عزت نفسها ع الاقل قدرت تجمع عايلتها,, هالشي ممكن يدخل البسمه لحياه مشاعل
كانت غرفه الاكل عباره عن طاوله كبيره وكان في مقدمه الطاوله ابو مشعل وفي الطرف
الاخر كانت تجلس ام مشعل ,, تنازلت لها ام سلطان عن هالمكان لسببين اول شي ع شان
تمثل عند ابو مشعل انها الطيبه والسبب الثاني ع شان تجلس جنب ابو مشعل وتدلعه عند
ام مشعل تبي تقهرها
جلست مشاعل ع كرسي كان جنبها ع اليمين سعود وع يسارها فهد
الكل كان هادي ,,, كانوا خايفين يحالوا يغيرون جو الكئآبه تتضايق مشاعل وتحس ان محد
مقدر حالتها والكل مستانس وخافوا يسكتوا تتضايق مشاعل
كانت مشاعل حاسه بتوتر البيت ,, حاولت تقطع الصمت
مشاعل: بابا انا متضايقه
ابو مشعل باهتمام: ليش ياحبيبتي تتضايقي واحنا كلنا جنبك
مشاعل: بابا انا حاسه اني مقصره مع ام مشعل((حست ان الوقت حلو ع شان تطلب من ابوها
انها تروح عند خالتها ام مشعل))
ام مشعل باستغراب :انتي مقصره معاي انا ,, والله يابنيتي ماجاء منك قصور
مشاعل: لا خالتي انا مقصره ,, كنتي دايما تطلبيني اجي عندك ,, وكنت كل يوم اقول بكره
بس الحين انا مقدر ارد لك طلب عشان كذا بعد اذن بابا بجي عندك بكل الاجازه
ابو مشعل: خلاص حبيبتي الي تشوفي اهم شي ترتاحي
هنا ام سلطان حست بفرح مو طبيعي اخيرا ارتاحت منها وصارت حره ببيتها ,, وحبت تقهر
ام مشعل ,,, وقربت عند ابو مشعل ومدت له شوكتها كانت فيها قطعه دجاجه
ام سلطان بدلع : يله يوسف((ابو مشعل)) افتح فمك
ابو مشعل انحرج قدام ام مشعل وعياله الكبار,, بس اظطر انه يفتح فمه وياكلها
ام مشعل تغيرت ملامحها وانقهرت بس ماتبي تقول شي خافت ع مشاعر مشاعل
اما سعود ومشعل كان يعانون من عذاب كبير في كتم ضحكتهم ,,, حست مشاعل بسعود الي
جنبها وانه ع وشك الانفجار من الضحك
مشاعل بهمس تبي تنتقم لام مشعل: سعود ,,, يازين العجز اذا تدلعوا
سعود انفجر : هههههههههههههههههههههههههه
ولما مشعل شاف سعود انفجر ماقدر يمسك نفسه مات ضحك هو الثاني
هنا ام مشعل حست انها انتصرت وحست بان عيالها دايما يفزعون معها وحست بان ميشو
هي سبب هالضحكه الي طلعها سعود ,, ضحكت ضحكه استهزاء وجهتها لام سلطان
ام سلطان بقهر: سعود فيه شي يضحك ,, قول لنا خلنا نضحك
سعود مارد عليها لانه للحين يضحك
مشاعل: لابس تذكر نكته وبصراحه مالومه يضحك النكته تموت ضحك
ام سلطان تبي تحرجه: سعود قول لنا هالنكته خلنا نضحك
سعود بتحدي: متاكده خالتي انك ودك تسمعيها؟؟؟؟
ام سلطان: ايه
سعود ماكان عنده نكته يقولها بس قال والله لفشلها: اوكي هذا الله يسلمك شايب وعجوز
محششين الشايب قال للعجوز حبيبتي اكليني من ملعقتك عشان احس بطعم العسل من بعدك
قالت العجوز المحششه من عيوني ولما اكلته تخيلوا ايش صار ,,, طلعت الملعقه معاها
طقم الاسنان حقت الشايب ,, ياحليلهم العجايز اذا ماحترموا سنهم طبعا انا قلت محششين لان
مافيه عجايز طبيعين يسون كذا,, والحمدلله عندنا العجز محترمين نفسهم
ام سلطان بقهر: ترى النكته بايخه وماتضحك وعلى فكره ترى امك عجوز
سعود: امي عجوز بس عجوز محترمه سنها
ابو مشعل هنا تدخل: سعود عيب عليك احترم خالتك ام سلطان
هنا سعود سكت كان يخاف من ابوه
ساره بعد ماتغدت تذكرت وليد وانها مادقت عليه ,,, قررت تتصل عليه وتخربها
ساره بنعومه: الو
وليد: هلا والله
ساره استغربت صوته شييييييييين كأن فيه لحميه ,, مو معقوله هالجمال ع هالصوت ,, امس
ماحست انه صوته شين يمكن من كثر ماعجبها مانتبهت لصوته
ساره : كيفك
وليد بلحميه : تمام مين معاي
ساره: اممممممم انا ساره الي شفتني امس عند منوله
وليد بابتسامه: هلا وغلا شلونك؟؟؟؟
ساره: الحمدلله ,, ع فكره انا زعلانه عليك
وليد: ليش؟؟؟
ساره: لانك دخلت علي انت وخويك وانا مو متعوده اجلس مع شباب او احكي معاهم
وليد بخبث: انا دخلني النور الي شفته غصب عني ,, وعموما اسف وحقك علي
ساره بدلع: اوكي بس لاتكررها
وليد: اسف بكررها وبكررها ,,, لاني مقدر اقاوم هالجمال
ساره بنعومه: لا ياوليد لاتزعلني منك
وليد: ع الاقل لو من بعيد
ساره: اوكي اذا من بعيد
وليد: اوكي حبيبتي متى؟؟؟؟
ساره بخجل: اممممممممم اليوم
وليد: حلو متى بس
ساره: يعني 8 اوكي
وليد يفكر شوي: لا خليها 10
ساره فكرت هي اصلا راح تروح لمشاعل وبعدين قبل ترجع لبيتها تشوف وليد من بعيد
00000000000000000000000000000000000000000000000000 0000
ام فهده : انا مالي شغل قولي لاخوتس
فهده بتوسل: يمه تكفين اقنعيه اقول لك صاحبه عمري تعبانه يمه انا ماطلبت منكم تودوني
لحفله او عزيمه او زواج ,, يمه البنت مريضه ,, والرسول امرنا بزياره المريض
ام فهده: عليه الصلاه والسلام ,, والله يابنيتي مدري شقول لك بس بقول لاخوتس وان وافق
بروح معتس
فهده مستغربه: تروحي معاي؟؟
ام فهده : ايه اخاف هالبنت موب ثقه والا عندها اخوان يخطفونتس والا ابوها يشوفتس
فهده: يمه ايش هالتفكير الغريب
ام فهده: انا قلت لتس تبين تروحين اجي معتس
فهده استسلمت لامها ع الاقل تشوف صاحبتها
بعد مااقنعوا صويلح يوديهم هددهم ان راح يوديهم 6 ويرجع ياخذهم 7 ولو ماطلعوا 7
بالضبط بيروح ويخليهم
00000000000000000000000000000000000000000000000000 00000
مشاعل بعد ماانهت الغدا ,,, رفضت كل شخص يحاول يساعدها علشان توصل للمكان الي
تبيه كانت تبي تعتمد ع نفسها ,,, كانت تمشي وتمشي وتصدم احيانا بشي واحيانا تسمع تحذير
اخوانها انها تنتبه لان قدامها شي ,,, وصلت للغرفه الي تقظي معظم وقتها فيها ,,, غرفه
الرسم
دخلت فيها وسكرت الباب ,,, حاولت توصل للفرش وعلب الالوان واوراق الرسم ,, مسكت
الفرشه وحاولت ترسم ,,, كانت ترسم خطوط متعرجه مالها اي دخل لابالفن ولا حتى بالذوق
,,, جلست ع الارض تبكي بحسره وتضرب بيدها ع الارض من القهر الي حست فيه ,, نامت
ع الارض ,,, ودموعها تنزل بغزاره ,, هوايتها الوحيده الرسم,, تحب الرسم بجنون ,,
رجعت بذاكرتها لايام الثانوي كانت نسبتها حلوه وتدخلها الطب لو تبي ,, وكان ابوها
واخوانها يحاولوا يقنعوها تدخل طب اسنان بس هي رغم نسبتها العاليه وذكائها بالدراسه ,,,
دخلت القسم الي احب لقلبها ,, الرسم والحين هي محرومه منه
00000000000000000000000000000000000000000000000000 0000
في سياره صالح الكامري
صالح: اف انتن يالحريم لو ربي ماخلقكن كان احنا بخير
ام فهده: لو احنا مانخلقنا شلون جيت يالفالح
صالح: الله ياخذكن ومشاويركن الي ماتخلص
فهده: تكفى سوق وانت ساكت
صالح: اسمعوا عاد والله ان جت الساعه 7 وانتن ماطلعتن بمشي وبخليكن
ام فهده: وانشالله من يرجعنا
صالح: ارجعن بليموزين
فهده تبي تقهره: لا يمه نخلي سواق مشاعل يرجعنا
صالح التفت ع فهده الي راكبه ورى : وانتي تبين سواق صديقتس يرجعكن عشان تاخذين راحتس
فهده خافت انهم يصدمون لانه مايطالع الطريق كان يطالعها: تكفى انتبه للطريق ,, بعدين
انت تقول ارجعوا بليموزين ,, يعني اليموزين عادي بس سواق ميشو لا
صالح: وش ميشو ذي؟؟؟
فهده طفشت: هذي مشاعل ,, وبعدين انت شكلك سواق ,, الي بيشوفنا راح يظنك سواق
صالح عصبت: يالكلبه سواق بعينك ,,, شايفتني هندي والا فلبيني
فهده: عشانك مركبني انا وامي ورا وحظرتك قدام لحالك ,, ماحد يجلس لحاله قدام الا السواقين
صالح: بعد بعد تبيني اركب حرمه جنبي قدام عشان يضحكوا علي الناس,, دقمن يدقمكن
صالح كان معقد مره وعنده افكار غريبه,, وكان جالس بالسياره ورافع رجل ع الشبك
والرجل الثانيه ع الفرامل ,,, وكان لابس طاقيه طويله ((حقت العرابجه))ومرجعها ع وراء
,,, وحاط فوق الطاقيه عقال ,, اما الشماغ فكان ع كتوفه((عربجي بمعنى الكلمه))
00000000000000000000000000000000000000000000000000 00000
ماتدري كم صار لها تبكي ,, ماتدري ان الشمس راحت والا توها ,,, ماكانت تدري كم
الساعه ,,, ماتدري كم صار لها نايمه,, صحتها الخدامه تقول لها ان فيه ثنتين يسالوا عنها
قامت وغسلت وجهها ولبست بسرعه ونزلت عند فهده وام فهده
فهده تبكي : هلا والله ميشو وحشتيني((وضمتها))
مشاعل منصدمه لانها عارفه فهده مستحيل اهلها يرضوا يخلوها تطلع لبيت اي وحده من
صاحباتها لوحدها
ام فهده: هلا بنيتي شلونتس الحين
مشاعل عرفت ان هذي ام فهده وعرفت شلون قدرت تجي فهده: بخير ياخالتي الله يسلمك
شلونك انتي؟؟؟؟
ام فهده: الحمدلله
فهده: ميشو احكي ايش صار؟؟؟
مشاعل كانت تتحاشى تتكلم بالموضوع ماتبي تتذكر الي صار ,, وخاصه شلون بتتكلم عند ام
فهده
مشاعل: موضوع طويل بعدين اشرح لك ,, تعالي ماقلتي لي ,, ايش اخبار الاستعداد للزواج
فهده بدت تسترسل بتفاصيل زواجها ,, رغم انها تحذف اشياء كثيره عشان امها ماتسمع
فهده بتردد: ميشو انا عارفه انك تعبانه واذا ماتبي تحظري زواجــــ...
قاطعتها مشاعل: بس ولاكلمه والله لو انا في السرير مقدر اتحرك بجي انا وسريري مستحيل
افوت زواجك ياخبله
فهده صاحت ,, تدري ان مشاعل متضايقه ومع كذا راح تجي: ميشو انتي ملاك
سمعوا صوت يقاطعهم كان صوت ساره الي جايه تركض
ساره: الحقيني ميشو الحقيني شفت واحـــ... سكتت لما شافت فهده وامها
مشاعل : هلا سارونه تفضلي
ساره ارتبكت : هلا خالتي شلونك
ام فهده تطالعها بعين شريه لانها سمعتها تقول شفت واحد : بخير
ساره: هلا ميشو هلا فهوده
مشاعل وفهده : هلا
ساره: اممممممم شفت واحد برا معاه كامري ,, اخوك يافهده
فهده بخبث: ايه ليش عاجبك اشوفك جايه تركضي ومنجنه ترى اعزب هههههههههه
ام فهده تطالع ساره بتفحص: ايه وترى وليدي مايدخن
ساره : ههههههههه لا بس انا حسيته يشبه فهده
كلهم حسوا ان ساره تخبي شي مو معقوله كل هالحماس عشان بس اخوها يشبهها ,,, اكيد فيه
سر
ام فهده: قومي فهده لايصول علينا اخوتس ويروح ويخلينا
فهده: لاتخافي يمه هو تلقيه ماراح لما نزلنا,,, يخاف نطلع من دون علمه تعرفين ولدك شكاك
ام فهده قفلت معاها كانت تبي تزين صوره ولدها عند ساره ع امل انها تخطبها له
هنا دخلت ام سلطان,, وطالعت فهده وامها باحتقار ,, كانوا من عائله متواضعه ,, ومبين ع
ام فهده انها من الطبقه المتوسطه ,, وام سلطان تحتقر اي شخص ماينتمي لطبقتها
ام فهده قامت لام سلطان تسلم ,, مدت يدها ,, بس ام سلطان مامدت يدها منقرفه: هلا
وكملت كلامها : ميشو ودي ضيوفك لغرفتك لان صاحباتي بيجوا عندي
مشاعل قفلت معاها اهانت ام فهدهوهي ببيتها : ام سلطان انقلعي لاي مكان انتي وصاحباتك
الخمه قبل لاقوم واعلمك قدرك يالحافيه المنتفه((كانت مشاعل قويه من اول ماصار الي
صار ,, بس اظاهر كان الهدوء الي يسبق العاصفه,,, والظاهر العاصفه كانت بوجه ام
سلطان))
ام سلطان انصدمت من كلامها ,, اول مره تهينها قدام الناس
ام فهده هنا تدخلت والمفروض تكحلها اعمتها: كفو يامشاعل والله انتس مره ,, ايه علمي
هالشهباء اللهباء قدرها يوم انها ماتمد يدها لي وسيعه الوجه,, هي وهالصبغه الصفراء الي
ع راسها كنها جني مروع
ام سلطان صار وجهها احمر وصار فوق راسها مثل الدخان الي يطلع من القطار مثل
افلام كرتون لوووووووووووووووووووووول
فهده: يمه يله نروح صالح برا يستنانا
مشاعل تصارخ: ماراح تطلعوا اي مكان ,, خلي هالحشره تطلع هذا بيتي مو بيتها ,, مشكله
الملحطات اذا شافوا فلوس فجاءه ينغرو ,, نست نفسها من تكون
ام سلطان طلعت من الغرفه تبكي
فهده : اسفين والله ماكنا نبي نسوي لك مشاكل
ام فهده: ايش مشاكله ماشفتي ايش تقول ,,الا تستاهل ,, ليتس يامشاعل خليتيني عليها اادبها
هالعجوز المتصابيه
مشاعل : خليها تستاهل عشان تعرف تحترم ضيوفي
00000000000000000000000000000000000000000000000000 0000
حسين كان يفكر بجنون ساره معقوله كانت تبي تحط لطلال حشيش بسيارته ,, حتى لو كان
طلال حقير بس مايستاهل انها تسوي فيه كذا ,,, حاول ينسى هالموضوع
رجع يدق ع خويته العنود الي مختفيه من زمان ,, ولما يتصل عليها يرد اخوها حاتم ,,حسين
ارسل مشاعل تكلم اخو العنود حاتم ع شان تعرف منه اي شي عن العنود بس لاحياه لمن
تنادي ,,, حاتم ماكان يتكلم عن اخته لما كانت مشاعل تكلمه ,, حاولت تسحب منه الكلام بس
هو كان كتوم
لما مشاعل فقدت الامل انه تعرف اي شي عن العنود ارسلت رساله لحاتم تقول فيها ان
ضروفها صعبه ولايدق عليها وقالت له انه يستناها لحد ماتهدا الضروف ولايدق ,, كانت
تتهرب منه لان ماعنده ريحه الكرامه ,, ولانها مثل ماقالت لحسين قررت تبتعد عن كل
شي يزعل طلال منها ,, عشان كذا ارسلت لحاتم هالرساله والي شافها طلال واثرت في طلال كثير
من ناحيت مشاعل تحاشت تقول هالشي لطلال اول شي لانه اكيد راح يزعل ثاني شي لانها
انقطعت عن حاتم في بدايه علاقتها بطلال وماله داعي تفتح اشياء قديمه
00000000000000000000000000000000000000000000000000 0000
صالح كان بالسياره يستنى امه واخته ومشغل كسرات ,, كان يفكر بساره الي شافها نازله من
سيارتها والي كانت كاشفه ,, اول مره يشوف بنت بجمالها
سمع صوت الباب ينفتح ,, ركبت فهده وامها ورى
صالح: اقول فهده من هالمزيونه الي دخلت من شوي
فهده: هذي ساره صاحبتي
صالح: يازينها زيناه
ام فهده: اي والله ياوليدي تهبل ,, ودي اخطبها لك
فهده: هههههههههههه يمه اخطبوا ناس قدكم
ام فهده: وش فيه وليدي هي تطول واحد مثله مشالله جمال ودلال
فهده: مره دلال ,,, ولدك مافيه شي زين
صالح عصب: ايش قصدك ايش فيني قمر
فهده: اول شي انت ماعندك اسلوب ,, ولاوظيفه,,, ولاحتى شهاده,, ولافيك جمال ,,, حتى
نظافه مافيك ماتتحمم الا كل اسبوعين لما يخيس جسمك, وحتى فرشه الاسنان ماتعرفها
الا بالاسم تبي بنت رقيقه مثل سارونه تتزوجك انت؟؟؟
صالح هنا مشى مليووووووووووووووون لما وصل البيت وكفخ فهده لما زرق جسمها,,,
وصارت تبكي,,, حرام زواجها باقي عليه اسبوع ومو معقول بتروح اثار ضرب صالح من
جسمها,, ايش راح يقول زوجها عنها
00000000000000000000000000000000000000000000000000 00000
ساره كانت عند مشاعل وكانوا يسولفوا بكل شي,, مشاعل كانت تشكي لساره همومها خاصه
ان ساره قريبه منها,, استاذنت ساره من مشاعل بحدود الساعه 9 ونص لما دق عليها وليد
كانت مشتاقه تشوفه,, طبعا ساره ولاول مره تخبي عن مشاعل شي
ساره كانت في طريقها لكوفي تايم لانها مواعده وليد هناك ,, واليوم كان يوم الاحد انواع الزحمه
معروف الاحد والثلاثاء كان يوم طلعت مشاعل وساره لان الشوارع كلها شباب بهاليومين
تمنت ان مشاعل معاها
وهي بالطريق تذكرت صالح اخو فهده وبخبث\" هذا الي ابيه محد يقدر ينفذ خطتي في طلال
الا هو ,, مبين عليه عربجي وراعي اجرام ,, واكيد اصحابه كلهم مجرمين ,,, وبينفعني,,
لازم اجيب رقمه من فهده\"
وقفت ساره عند كوفي تايم تنتظر وليد يوقف جنب سيارتها,, قالت خلني اشرب شي لانه
يقول عطيني 10 دقايق واكون عندك كان بعيد شوي
فتحت الشباك تبي تطلب ,, وطبعا معروفين الي بكوفي تايم عمالهم كثر الرز ,, من اول
ماتفتحي الشباك يجونك يتراكضون,,, طلبت فرينش كوفي,, وكانت جالسه تستنى وليد ,,
وقفت جنبها سياره ,,, طبعا ساره ع طول طالعه نوع السياره اهم شي عندها ,,,
ساره: اممم يعني سياره معقوله لكزس بس صغيره((كامري الشيوخ))
فكرت اخذ رقمه والا لا ؟؟؟ بس شكله ملحط شوي لو انه تاجر كان شرى لكزس 430 مو
هذي الصغيره,,, قفلت الستاره حقت السياره مو ناقصه لحط
ساره كان معاها كدلك كنكورد قديم شوي,, لان اهل ساره مو اغنياء مره
رجعت فتحت الستاره لان القروي ع قولتها راح ,,, كانت مشغوله بدفع حساب الكوفي لما دق عليها وليد
وليد: ياهوه التفتي ابي اشوفك
ساره التفتت لقت بي ام دبليو جديده واقفه جنبها مضلله كلها والشباك الي قدام كان مفتوح
وشافت وليد جالس جنب الي يسوق يبتسم لها ,, كان الي يسوق السياره ماجد,, انقهرت اكيد
هذي سياره ماجد ,, الله يستر لاتكون سياره وليد شينه ,, كان هذا همها سياره وليد ,, لان بنظرها
ان الشباب الي يركبوا مع اخوياهم دايما تكون سيارتهم شينه ,, عشان كذا يشخصوا مع
اخوياهم
كانت تبتسم له
وليد: فيه واحد معنا ورى معجب فيك مره
ساره استغربت وقاحته لو كان صاحبه معجب فيها ليش يقول لها المفروض يزعل
ساره حبت تقهره : اوكي خله يفتح الشباك لان السياره مضلله ماشوف شي
انفتح الشباك وطلع معروض كبير كان مكتوب فيه رقم ووراه واحد لابس شماغ
ساره: طيب خله يبعد هالمعروض ع شان اشوفه وجهه
ياليته ماشال المعروض,, كان واحد شيييييييييييييييييييييييييين كان شين مره ,, قبيح,,, شكله
غريب, كانه مخلوق فضائي,,, مشوه,,, كان محدد حواجبه
ساره بقرف: ابو الرجوله الي يعرفها يحدد حواجبه ايش ترك للبنات هذا
وليد مات ضحك: عاد هو يموت فيك ,,, طالعيه زين انتي تعرفيه
ساره طالعت الولد زين ,, حست انها اول مره تشوف واحد شين كذا,,, حاولت تدقق بالملامح
انصدمت صدمه ماقبلها ولابعدها صدمه ,, عرفت هالشخص زيييييييييييييييييييييين
بالجزء 13 راح نعرف مين هالشخص الي راح يكون له تاثير كبير ع حياه ساره للاسوء
0000000000000000000000000000000000000000
الجزء الثالث عشر
ساره طالعت الولد زين ,, حست انها اول مره تشوف واحد شين كذا,,, حاولت تدقق بالملامح
انصدمت صدمه ماقبلها ولابعدها صدمه ,, عرفت هالشخص زيييييييييييييييييييييين
الرجال الي يطالعها ومحدد حواجبه ولابس شماغ مو ولد,,, كان بنت ,,, وبالتحديد كانت
صاحبتها منال,, صح ان منال مو مره شينه ,, يعني كان وجهها مقبول نوعا ما ,, بس مو
لدرجه هالقبح صاير شكلها يخوف بنت في صوره ولد
ساره: وليد يامامي هذي منوله ,, يمه شكلها يخوف ,, لا وطلع لها شنب؟؟؟
وليد مات ضحك ع شكل ساره: ههههههههههههههههههههه , خذيها تبي تكلمك
منال بصوت خشن تقلد الشباب: هاي سارونه
ساره ميته ضحك: يمامي شكلك مرعب
منال: ايش رايك ياقمر تاخذي الرقم((كانت منال تكلمها وهي رافعه المعروض))
ساره: وووووووووع والله لو انك ولد وترفعي رقمك لي انتحر
منال:هههههههههههههههههه هاه ايش رايك بالحركه
ساره: تجنن يالله ماتوقعت انك مجنونه لهدرجه تطلعي ولابسه ثوب ,, الا تعالي منوله متى
ماشالله طلع لك شنب؟؟
منال: هههههههههههه هذي شنب رسمه لي مجودي
ساره:ههههههههههههههههههه خطير وسكسوكه بعد ههههههههههه
منال:ههههههههه اقول سارونه تعالي معانا والله فله نجيب لك ثوب من ثياب وليد
ساره برعب: لا حبيبتي اسفه مابي
منال : والله انك خوافه تدري الحين بغير ملابسي والبس جينز وجاكيت وراح نطلع بالدبابات
ندور بالعليا
ساره: مجنونه واذا احد عرف انك بنت؟؟؟؟
منال: هههههههههههه لا محد راح يدري سويتها مليون مره
ساره: انتي دبا شلون مابين جسمك
منال بزعل: احترمي نفسك انا ماني دبا وبعدين مجودي يلبسني جاكيت كبير يغطي كل شي
وكاني ولد
ساره اعجبها هبال منال وتمنت انهم كانوا يطلعوا معاها قبل هي وميشو وفلوها معها
منال: اوكي حبيبتي باي قلنا بنمر نستهبل عليك
ساره: ههههههههههههههه يله باي
00000000000000000000000000000000000000000000000000 0000
حاولت تركز اكثر يمكن تتذكر الرساله وين ودتها بس كانت متاكده انها حطتها عند السرير
وين راحت الله يستر لو طاحت بيد ام سلطان والله توديها بداهيه,,, توقعت ان اكيد وحده
من الخدامات رمتها
تذكرت زواج فهده واخوها مشعل كيف راح تشتري فستان وهي ماتشوف ,,, قررت انها
تعتمد ع ذوق ساره وتخليها تشتري لها فستانين واحد لزواج فهده والثاني لزواج اخوها
مشعل
نادت ع الخدامه علشان تدق لها ع ساره من تلفون البيت
مشاعل: هلا سارونه شكلك برا صوت ازعاج
ساره: ايه حبيبتي مريت اخذ كوفي ,, والحين بروح للبيت
تذكرت مشاعل طلعاتها ودورانها والي قطعتهم من بعد علاقتها بطلال ,, وهالشي ضايق
ساره لانها تركتها تدور وحيده ومالها الا حنان الي كانت معاها لما عطت طلال الرسمه حقت
مشاعل,, ومن هذاك اليوم ماعند حنان سالفه الا طلال وجمال طلال ,, كانت ساره تضطر
تطلع مع حنان لان عندها نفس ميول ساره من الغزل والتميلح عن الشباب والدوران ,,, بس
كانت تكره فيها شفاحتها ع الشباب ,, خاصه لما تشوف واحد حلو شوي وتنكسر رقبتها ,, اما
ساره كانت تكتفي بالسعابيل بس تحب تبين ان الولد مو عاجبها وتحب تتغلى,,, المشكله ان
حنان ماتعطي ساره فرصه تاخذ ارقام لانها تكوش عليهم قبل ساره ,, وساره تستحي تقول لها
خلي هذا لي انا ابي رقمه عشان كذا قلت طلعاتها معاها
مشاعل: طيب سارونه ابي منك طلب
ساره: عيوني لك ياميشو امري
مشاعل بحزن : لا مابي عيونك الله يخليها لك,,, سارونه اشتريتي فستان لزواج فهده
ساره مستغربه: لا وليش اشتري احنا ماراح نروح
مشاعل: وليش مانروح مو هي صاحبتنا ,, عيب نخليها بهالوقت وبهالحظات
ساره: بس ياميشو انتي تعـ...
قاطعتها مشاعل : مافيني الا العافيه وانتي راح تروحي معاي
ساره: اوكي عموما ماشريت شي والزواج مابقى عليه الا اسبوع مايمدي
مشاعل: سارونه ماعليك يمدينا نشتري شي
ساره : لا حبيبتي انشالله تبيني اشتري فستان جاهز ,, مستحيل ,, لازم اروح مصممه
مشاعل : طيب حبيبتي مين قال لاتروحي مصممه
ساره: اذا رحت مااراح تخلص الفستان الا بعد شهر
مشاعل: لا مين قال ,, خلينا نروح للمصممه الي بفانتيل ,, تصاميمها روعه وماتطول
ساره: امممممممم طيب ايش رايك نمرها بكره
مشاعل: اوكي اتفقنا ,, متى تمريني؟؟؟
ساره :انشالله بعد المغرب
مشاعل: اتفقنا مو تنسين
ساره: اوكي ميشو
ساره كانت بطريقها للبيت ,,, شافت طبعا واحد ورقمها كان معاه مرسيدس (شبح)قديم شكله
من 200 سنه
قالت خليني اخذ رقمه اضحك عليه وعلى سيارته
00000000000000000000000000000000000000000000000000 00000
نجود: ياقلبي لو اخرنا الزواج شهر زياده ماراح يضرنا,, اختك يامشعل تعبانه
مشعل: بس ياقلبي انا مشتاق لك وودي نتزوج اليوم قبل بكره,, وماظن مشاعل راح تتضايق
نجود: طيب حبيبي عندي حل يرضينا كلنا
مشعل: الحقيني به
نجود: نلغي الحفله ويكون زواج عائلي في بيتنا ,, اهلي واهلك
مشعل اعجبته الفكره: والله حلو ,,, بس نجود هذي ليله عمرك واكيد ودك تفرحي فيها
نجود: لا ياحبيبي اهم شي اني اكون معاك وصدقني لا الحفله ولا الناس ولا صاحباتي الي
راح يجوا بيقدروا يسعدوني ,,,, اهم ماعندي انك تكون مبسوط ومرتاح,, واذا الحين ماقدرت
ضروفك متى راح اقدرها ,,, عموما لاتهتم لموضوع الزواج لانه مايشكل اهميه بالنسبه لي
مشعل ابهره تفكير نجود والي يدل ع عقل كبير وقلب محب ,,, وحمد ربه ع انه ارسل له
زوجه صالحه تخاف عليه وتهتم لمشاعره
00000000000000000000000000000000000000000000000000 00000
مشاعل وصت الخدامه تجهز لها بعض ملابسها عشان تنقلها بيت ام مشعل واتجهت لبيت ام
مشعل مع الخدامه,, كانت تحس بسعاده لانها بتفارق الشريره ام سلطان
دخلت بالصاله ,,, سمعت صوت التلفزيون ,,,بس ماتدري من الي عنده ,,, استحت تسال مين
دخلت بهدوء وطلعتها الخدامه بالدرج متجهه لغرفتها,,وهي بنص الدرج ,,,, حس فيها اخيرا
الشخص الي كان عند التلفزيون , واضح انه كان منسجم مع الفلم
سعود: اهلين ميشو متى دخلتي ماشفتك؟؟؟
مشاعل: من كثر الانسجام بالفلم مشالله عليك
سعود : معليش انا طالب فلم ع الشوتايم مره حلو ميشو لايفوتك((تذكر انها ماتقدر تشوفه وسكت))
مشاعل حاولت تبين لسعود انها ماتضايقت وانها متحمسه معه: قول لي ايش اسم الفلم اكيد
شفته لاني احس ان افلام الشوتايم كلها شفتها
سعود: امريكان ويدينق
مشاعل : ههههههههههههههههههه ,,, ايه شفته قبل سنه مررره يجنن
سعود: قهر ميشو تتذكري كان معروض بالسينما وقلت لك انتي ومشعل خلونا ندخله
شكله حلو ,, قلتوا لا شكله خايس ,, ومارضيتوا ندخل,, والحين تقولي حلو
مشاعل توهقت: ايه احيانا المظاهر خداعه
سعود : هههههههههههههه صرفيها ,المهم ميشو خلاص راح تنورينا هنا
مشاعل: اذا تبي ,, واذا ماتبيني ترى عادي اطلعك واجلس انا ههههههههههه
سعود: ايه هذي اختي الي اعرفها وقحه وماتثمن كلامها
مشاعل كان ودها تمسكه تنتفه,,, ع الاقل ارتاحت نفسيا لما طلعت من بيت الجنيه ام سلطان
00000000000000000000000000000000000000000000000000 00000
في بيت منال
منال كانت تدخن ,,, وكان عندها ماجد ووليد
وليد: منوله ايش قصه صاحبتك هذي مسويه عاقله ,, خليها تطلع معانا
منال: والله هالبنت اشك ان فيها حاله نفسيه ,,, لاهي المطوعه الي ماتكلم شباب ولا هي
الفري الي تطلع مع شباب,,, بصراحه غريبه
وليد: المهم شوفي لها حل ابي اشوفها
منال: ماعليك انا بدبرها لك ,,, مالك الا تكون هنا وانت موجود
وليد: بس مو تغصبيها او تجبريها ابيها برضاها
منال: ههههههههههه ايش رايك انها هي الي راح تدق عليك وتقول لك تعال
وليد يضحك : ادري فيك داهيه ومافيه شي بعيد عليك
منال: اقول مجودي ترى الاسبوع هذا مابي اشوف خشتك
ماجد ترك المعسل الي بفمه: ليش حبيبتي ,,, ايش حصل مني؟؟؟؟؟؟
منال: ماحصل شي بس ماما راح ترجع بكره
ماجد بطفش : اف متى انشالله بتسافر مره ثانيه
منال: مدري عنها ,,, عادي ليش ماتكون جمعتنا في بيت وليد
كانوا يعتبرون منال واحد من الشباب يجوا يسهروا عندها ,,, ومعسل ودخان وطلعات فله
ع قولتهم مجانين ,,, يحبوا الاستهبال ,, وكانت منال مهبوله مثلهم تحب الفله
وليد : مجنونه لا ياحبيبتي الشايب عندي ,,, وقبل ماينام لازم يدخل مجلسي ,, تخيلي دخل
ولقاك ترى صدقتي انك واحد من الشباب
منال: اف مليت منكم دايما ضافتكم((نادت الخدامه تجيب لها المعسل حقها))
الخدامه: مافيه كلاص امس انا كلام انتي
منال طفشت هذا وقته يخلص
منال: ماجدوه قوم جيب لي معسل
ماجد: وليد قوم جيب اصغر القوم خادمهم
منال: اصغر القوم مين انا اصغركم
وليد ضحك: اجل انتي روحي جيبي
منال: ياحوش قوموا تحركوا ,,, روح جيب لي معسل تفاح
وليد : والله ماروح اذا بطلع من هنا بروح للبيت
ماجد: خلاص لاتزنين بروح
00000000000000000000000000000000000000000000000000 00000
ساره كانت تفكر تدق ع الي رقمها اليوم بعد ماقفلت من ميشو ,,,, كان قروي وسيارته قديمه
قالت خليني اوسع صدر معاه لحد مايدق احمد عز اقصد وليد
ساره بدون نفس: الو
القروي: هلا بهالصوت
ساره: شلون هلا بهالصوت وانت ماتعرفني ليش انت مشفوح؟؟؟
القروي: انا اقدر الاصوات الحلوه
ساره: اقول اخلص ايش اسمك
القروي: محسوبك غالي
ساره: هههههههههههههههههههههههههههههههههههه
غالي قفلت معاه ايش الي يضحكها: ليش تضحكي
ساره:ههههههههههههههههههههههههههههههه
غالي: بتطولي تضحكي؟؟؟؟
ساره: لابس حسبتك رخيص ,,, اقول ابوك فرعون؟؟؟
غالي مستغرب: ايش دخل فرعون؟؟؟
ساره: لاقلت يمكن ابوك فرعون وشاري لك هالسياره في عهد الفراعنه لاني الحين ماشوف
هالسياره انقرضت من ايام الفراعنه ههههههههههههههههههههههههه لا واسمك غالي
بما انك غالي ,, بيع نفسك واشتري سياره جديده
غالي: ليش تبيني استأجر سيارات وادور بالتحليه عشان البنات يفكوا معاي
ساره: محد قال استأجر سياره
غالي: لاقلت يمكن مثل خويك الي كان يكلم بالتحليه ,,, ترى ع فكره سيارته مأجره مو
تحسبين ان البي ام حقته
ساره انصدمت شلون شافه وشلون عرف ان السياره مأجره
ساره: كيف شفته؟؟؟
غالي: انا كنت وراك من زمان بس انتي مو معبرتني
ساره : وكيف عرفت ان سيارته مستأجره؟؟؟؟؟؟؟؟؟؟؟؟؟؟؟؟؟؟؟؟؟؟؟؟
غالي: معروفه هالسياره عند الشباب يستأجروها ويدوروا فيها لوحتها معروفه
ساره انصدمت ليش يستاجروا السياره وانصدمت اكثر ليش ماقالت لها منال
قفلت منه ودقت ع منال
منال لما دقت ساره عليها كان عندها وليد وقالت له يسكت
منال: هلا سارونه حبيبتي
ساره:هلا وغلا ,, هاه كيفك بعد الشنب والسكسوكه؟؟؟؟
منال: هههههههههههه والله فاتك ,,, تعالي ايش رايك بكره نطلع انا وياك ناخذ لفه
ساره تذكرت انها مواعده ميشو
ساره : لاخليها بعد بكره ايش رايك
منال: ولا يهمك
ساره: منوله كنت بسالك ,,, السياره الي كنت فيها اليوم حقت مين؟؟؟
منال: مستأجره
ارتاحت ع الاقل منال ماكذبت عليها
ساره: وليش مستأجريها؟؟؟
منال: حبيبتي مجودي ولد ناس ومايبي يدور بسيارته ,,, خايف ع سمعته
ساره: اها
منال : المهم لاتتهربي ترى وعدنا بعد بكره
ساره : اوكي
00000000000000000000000000000000000000000000000000 00000
تحاول تركز وتحسب عدد الخطوات الي لازم تمشيها ع شان توصل لسريرها تقريبا 7
خطوات ,, ترجع مره ثانيه من السرير للباب ,, نفس الشي 7 خطوات ,,, اما الحمام وانتم
بكرامه ماكان عندها فكره كيف توصله ,,, حاولت تركز ع عدد الخطوات والاتجاه الصح
الي لازم تسلكه ع شان توصل للحمام ,, ظلت طول الليل تمشي رايحه وراجعه ,,,, تحاول
تتعايش مع عالمها الجديد ,, وتحاول تتعرف ع المكان ,,, عشان ماتحتاج لاحد تعبت وحاولت
تنام ,,, ولاول مره من اول ماصار لها الموقف مع طلال,,, نامت بدون ماتفكر فيه
حست ان طلال بدا يختفي من حياتها والاهم انه بدا يختفي من قـــلــــــــــــبــــهــــــا
00000000000000000000000000000000000000000000000000 00000
يوم الاثنين بحدود الساعه 2 الضهر كان مشعل بالصاله مع ام مشعل
مشعل: يمه نجود مصممه ع ان الزواج يكون عائلي ع شان مشاعل
ام مشعل:والله هالبنت كبرت بعيني زود ,,, مشالله عليها صدق حرمه ,,, فعلا امها عرفت تربي
مشعل بفخر: ايه والله يمه بصراحه لو لفيت الدنيا كلها ماراح القى مثلها
ام مشعل: اكيد ماراح تلقى ,,, مستحيل وحده تستغنى عن حفله زواجها عشان اخت زوجها
والله البنت طلعت كفو
مشعل: ايه يمه بس اصحي مشاعل تحس بشي ,,, ترى لو درت اكيد بتتضايق
ام مشعل: طيب اذا سالتني ليش راح تلغوا الحفله؟؟؟
مشعل: يمه قولي لها اهل نجود مارضوا
انصدموا لما سمعوا مشاعل تقول: ومو حرام تكذب يامشعل,, ولاهو حرام تكسر بخاطر
نجود عشان سبب انت الي خالقه
مشعل ارتبك : اااااا ......... ميشو ........نجود هي الي ........... ماتبي زواج
مشاعل: حتى لو ماتبي,,, انا بقول لك كلمه واتمنى تسمعها زين,, لو انلغت الحفله ,, سواء
منك او من نجود ,,, اعتبرني مو اختك ,, ولاتفكر حتى انك تكلمني
مشعل: بس ميشو خلاص الغــــ
قاطعته مشاعل: مشعل خلاص انا قلت لك الي عندي ,, زواجك بعد 3 اسابيع من اليوم واذا
ماسويت الحفله انا راح اطلع من بيتكم,,, وارجع لبيت ام سلطان وماراح تشوفني ابد,, ولو
شفتني راح اتجنب اتكلم معاك
مشعل: طيب اسمعيني
مشاعل: الموضوع انتهى ,,, مشعل روح كلم نجود وقول لها لاتسوي شي ولاتلغي شي ,,, اذا تبي رضاي
00000000000000000000000000000000000000000000000000 00000
دقيت عليك ابي اتطمن ع ميشو من زمان ماسمعت صوتها ,,, قالها حسين
ساره: والله ع حالها مافيه جديد
حسين: طيب ماعندها موبايل ودي اسلم عليها
ساره: حسين ميشو تغيرت كثير,,, ماصارت تكلم
حسين: ايه بس هي تركت طلال
ساره: ادري,,, بس هي تقول مابي اغضب ربي ,,, وتقول ان الشباب كلهم كذابين ,,, وانها
ملت عيشتها القديمه ومستحيل ترجع لها
حسين: يعني مافيه امل اسمع صوتها
ساره: لا اكيد فيه امل وحصه بعد
حسين تحمس: شلون
ساره: بالحلم ياشاطر
حسين: اف منك ,,, اقول ماودك ربي يهديك انتي بعد وتتركي هالمغازل,, ترى ريحتك فاحت
ساره: اسكت بس ,, قال ايش قال ريحتي فاحت ,, اصلا انا لما اكلم ماعلمهم اسمي الحقيقي
حسين: ايه بس انتي تطلعي بسيارتك ,,, وسيارتك باسمك
ساره جد راحت عنها هالفكره: اقول مو انت كنت تقول لي ماراح ادق عليك ,, ليش دقيت؟؟؟
حسين: اي والله نسيت ,,, الا تعالي ايش سويتي بموضوع طلال
ساره: ابد سالت عن الاسعار وصارت نااااااااااااااااااار
حسين : ايه احسن اتركي عنك بس هالخرابيط
ساره: والله حاليا الاحوال الماديه زفت ,,, فيه طفره ,,, يعني انا ع الحديده هالايام,, وامي
صاكه ع الفلوس هالفتره ,,, تدري سفرتنا قربت ولازم نقتصد عشان مصاريف السفر,,
ولاتنسى زواج اخو مشاعل وزواج فهده ,, يعني لازمني فساتين ولازمني اروح للصالون
وكل هالاشياء تبي فلوس
حسين: ساره مدري ليش احس انك تلمحين تبي فلوس,, اسمعي ترى انا ولد فقر
ساره: وووووووووع ماتسلفت الا منك ,,, اقول باي بس جاني خط
طوط طوط
كان طبع ساره نادر ماتقول باي ومو غريبه انها قفلت بوجه حسين
00000000000000000000000000000000000000000000000000 0000
في بيت ام سلطان
فهد:سلطان اشتقت لميشوو وانت؟
سلطان : ايه باحاول اقنعها ترجع
ام سلطان:اقول انطمو وش هالخرابيط هي راحت وما تبي تجي اسمع واحد يقولها شي
فهد:اوووووووووه
ام سلطان:عيب لاتقول لامك اوه هذى كله من جلستك مع مشاعل خربتك
.................................................. .................................................
في اليوم الي بعده كانت مشاعل لابسه وتنتظر ساره
في بيت ام مشعل
مشاعل: تراني طالعه الحين
ام مشعل:وين ياحبيبتي بتروحين؟؟
مشاعل:بتمرني ساره بدور فستان لزواج مشعل وصاحبتي فهده
ام مشعل:ياحبيلها هالساره طيب حبيبتي خذي الخدامه معاك
مشاعل:اوكي
ام مشعل:خذي موبايلي ع شان اذا قلقنا عليك نتصل
مشاعل:لاخل موبايلك الخدامه معاها موبايلها دقي عليها
ام مشعل:في امان الله
ودخلت الخدامه تقول ان ساره وصلت
وطلعت مشاعل مع الخدامه وركبت السياره
مشاعل:السلام عليكم
ساره:وعليكم السلام,,,,,, ايش اخبارك
مشاعل:تمام انتي كيفك
ساره:الحمدلله
السواق:فين روووه مدام؟؟
ساره:روح لفانتيل الي في طريق الملك عبدالعزيز
السواق:هادا جنب اكسترا
ساره:ايه اخلص بس روح هناك
ودق جوال ساره
ساره:الووو
وليد:هلا قلبي
ساره:هلا وغلا كيفك
وليد:الحمدلله,,,انتي كيفك؟
ساره:بخير
وليد:وينك قلبي بمر اشوفك
ساره:لا مااقدر
وليد:ليش حياتي وربي واحشتني موووووت
ساره:لحقت!!!
وليد:انا اشتاق لك وانتي جنبي كيف اذا بعدتي عني اصلا انا اغار من عيوني لانها تطالعك
ساره وهي مستحيه وخااااااااقه:طيب انا اكلمك بعدين
وليد:ليش قلبي؟
ساره:انا عند المحل بنزل
وليد:اوكي باي وانتبهي لنفسك,,,وباقرب وقت ابي اشوفك مررره وحشتيني
ساره:باي
ونزلو وراحو للمحل وساره عانت الامرين الاول اختيار فستانها والثاني اختيار فستان
لصاحبتها ميشوو
واختارت ساره فستان لها عباره عن قطعتين بنطلون شيفون يغطيه فستان قصير ممزوج
بالالوان المتناسقه
اما مشاعل فاختارت لها ساره فستان ناعم قصير من قدام وطويل من ورا وكان قماشه حرير
ولونه اسود وعليه بغض السترس الذهبي
وفي السياره
ساره: ايش رايك نروح لصالون نحجز
مشاعل:يله
وراحو صالون الملتقى وكان مره زحمه وحجزوا عند مدام تريزا ع شان تجيهم بيت ساره
لانه الاقرب للقاعه الي راح تتزوج فيها فهده
وطلعوا من الصالون,,,,واتجهو الى شارع العليا,, كانوا يفكروا من وين يشتروا فستان زواج مشعل
ساره: ميشو ايش رايك نمر المصممه ميسون والا المصمم بدوي
مشاعل:مو انتي رايحه العليا نروح بدوي اقرب
ساره:اوكي
.................................................. ...............................................
وعند صالح
صالح:اقول متعب وش رايك بالي كاتبه انا ورا سيارتي
متعب:ايه حلوه وراك كاتب لعيون سلطان؟؟؟وين راح مشاري؟؟
صالح: ولا زمان اول كلن قام يخون
متعب :طيب وش رايك نهجول بشارع القراطيس؟؟
صالح:لا يارجال وش رايك نروح العليا في راس امي اهبل بدوريه اليوم
متعب:والله شكلك بتجيب العيد انت وهالمهايط
صالح:اقول انت رجال ولا لا؟؟؟ ما خبرتك ذروق وخواف؟؟؟ الرجال يقول قدام ع كل شي
متعب:افا والله يابو انا راعيها ويلعن ابو الكوره بعد
صالح:ايه خلك رجالن تكانه موب خكرين قاعد
وراحو العليا يفحطون عند الفيصليه
00000000000000000000000000000000000000000000000000 0
ساره: تسمعين صوت هالتفحيط؟؟
مشاعل:ايه الله يهديه
ساره:شوفي مرو من عندنا ,,, اصبري اصبري كأنها سياره اخو فهده!!
مشاعل:والله ايش دراني ,,, وانتي ايش عرفك بسيارته!!
ساره:لما جتك فهده شفت كامري اخوها لونها اخضر فاتح
مشاعل: الله يعين امه اذا كان هذا صالح ,, مسكينه ماتستاهل ولدها الوحيد
ساره: ماعلينا ميشو ايش رايك ننزل المحل
00000000000000000000000000000000000000000000000000 000
في سياره صالح
متعب: صويلح شف شف السياره الي جنبنا الكدلك فيها بنت بازعه ماتغطت
صالح: ايه يازينها زيناه تهبل تصرع
متعب: ماخبرتك تحب البنات ميولك ثانيه
صالح: ياخي لازم نفكر بالاستقرار ,, ودي اعرس
متعب: اف اف تعرس مره وحده
صالح: اقول ايش رايك تشطف جنبهم ,,, ننطل عليهم النمره ,, بس جوالي مافيه رصيد
متعب: ليت معانا اخوي عبدالعزيز عنده هالبلوتوث الي طايحين فيه
صالح:اصبر اصبر شف سواقهم يازينه زيناه
متعب: المهم خلنا نروح مقهى الشلال نضرب لنا كم راس شيشه
صالح: لايخوي اليوم فيه جلسه طرب
متعب : سرينا هناك,, بس مين بيغني هناك وين فيه
صالح: في الروضه واظاهر الي يغني يا ظافر يابو فيصل
متعب: قدام
00000000000000000000000000000000000000000000000000 00000
كانت مشاعل وساره يسمعوا المصمم وهو يشرح لهم ويتكلم عن الموديلات وعن الاقمشه
وعن الاسعار وعن الستايلات الجديده
مشاعل قررت تاخذ فستان ع حسب وصف ساره لها مره اعجبها ,, وكان ينفع لزواج اخوها
مشعل ,, وكان سعره 9 الاف
اما ساره اخذت فستان حلو وكيوت وكان سعره 5 الاف
بعد ماطلعوا كانت ساره متحمسه تبي تشوف صالح ع امل انه يرقمها وتكمل خطتها
بس للاسف اظاهر انه مادرى عنها ,,,
قبل لاتوصل ساره مشاعل لبيتها طلبت منها مشاعل تمر ع محل اشرطه اسلاميه
مشاعل تقول للسواق: لو سمحت قول للي يبيع يعطيك القران كامل بصوت الشيخ ناصر القطامي
السواق: ابشري
ساره مصدومه: ايش تبي فيها
مشاعل: تعرفين وضعي الحين سارونه,,, ودي اقرى قران وماقدر,,, احسن حل اني اسمعه
وبعدها وصلت ساره مشاعل للبيت ورجعت لبيتها
00000000000000000000000000000000000000000000000000 00000
كانت الحفله الي حظرها صالح ومتعب فيها ظافر,,, والحفله زحمه وكلها شباب ورقص
وكان صالح ومتعب فالينها مع الاغنيه الي غناها ظافر والي ذكرتهم بهمومهم
وهو فنان مشهور باغاني الكسرات والي صالح مدمن عليها
وكلمات الاغنيه تقول
ساره التفتت ع بنتين جالسات جنب منال ,, كانوا متلثمات وحده منهم
عيونها تجنن وحواجبها مرسومه من الله ,, كانت رسمه حواجبها تجنن
,, ومبين عليها انها مو محددتها او لامستها حتى مبين انها طبيعيه ,,
اما كحل عيونها يجنن راسمته باتقان ,, بس بحكم خبره ساره بالميك اب
حست انه يبي له تعديل شوي
اما البنت الثانيه كانت عيونها كبيره بزياده ,,كأنها وحده توها صاحيه
من النوم لوووووووووووول,,, وكان الفون ديشن حقها مره كثير ,,,
وكمان الكونسيلر طبقات وكانها حطته بملعقه مو بيدها,, هذا غير الشدو
والاي لاينر الي زاد حجم عيونها ,, كان المفروض تحط شدو غامق ع
شان يعطي لعينها حجم اصغر من ماهي عليه ,,,, كانوا هادين وساكتين
,, حستهم غامضات وغريبات
منال: ساره هذول صاحباتي قالوا حنطلع معاكم ,,, ترى مره حبوبات
ساره: هلا فيكم
البنات الغامضات: هلا سويره
انصدمت ساره لسببين الاول انهم يمونون يقولوا لها سويره,, والثاني
اصواتهم مافيه ذره النعومه كانت اصوات شباب
طالعتهم بصدمه ,, فيه صوت عرفته زين ,, صوت مبين عليه فيه لحميه
,, هذا صوت وليد شالوا اللثمه ,, وطلعت الشنبات
ساره انصدمت ايش مسوين بنفسهم هذولا المجانين
ساره:وليد!!!!!
وليد ميت ضحك :هلا ساره كيف اللوك الجديد
ساره:.....................
وليد:وش فيك منصدمه عادي تيكت ايزي
ماجد:اقول فكونا وين بتروحون الحين!!!
ساره:فكنا انت ,,, اسفه انا اخاف اركب مع عيال
ماجد وهو يقلد صوتها:لا حبيبتي احنا بنوتات كيوت ولا خايفه نغطي
عليك ونشطب ع العيال ترا سوقي ماشي هاليومين ههههههههههههههه
منال:اقول ايش حبيبتي انت بتتكفخ اليوم
ساره:الله يرجكم مره تحولون البنت ولد ومره الولد بنت ههههههههههه
وليد: ياعمري ع الرقه ,, مو مثل منيل المسترجله ((ويقلد صوت منال )) بتتكفخ
منال ضربته بموبايلها ع جبهته
وليد: اااااااااه ,, لو سمحتي الا الجبهه لا يتاثر الميك اب
ساره: طيب ايش الحكمه من هالشي الي تسووه؟؟؟؟
ماجد: ابد نبي نسحب العيال ع وجيهم ونجرهم ورانا وبعدين نكشف
ههههههههههه
ساره: هههههههههههههههههه وربي انكم شله مجانين ,, شله حسب الله
وليد وماجد ومنال :ههههههههههههههههههه
وخذوا لهم لفه بالتحليه ,, ع العليا , ع الثلاثين ,, ع التخصصي ,, حتى
طريق الملك فهد ماخلوه,,, وجروا وراهم بشريه ,,, وخاصه وليد كان
نجم السياره ,, كل الشباب خقوا مع عيونه ورقموه,,, وبعد هاللفه
الطويله ,,, اخيرا قرر ماجد ووليد انهم يكشفوا ,, ويصدموا الشباب
الي انفتنوا فيهم,, وجت اللحظه
وليد: ماجدوه اسمع لما اقول لك شيل ع طول طلع الشنب اوكي
ماجد: اوكي بس خلنا نبدا براعي الفورد الي جنبنا شكله حبك
وليد : حبته جنيه صفراء مالها سنون
ماجد: عن المصاله يله ترى فطست حر,, مدري هالبنات شلون
يستحملون هالطرح
وليد: اوكي ركز 1 - 2 - 3 شــــــــــــيــــــــــــــل
وكشفوا وبانت الشنبات الي كانت مخفيه تحت الطرح,, وطلع المستخبي
والسكسوكات ومسكين راعي الفورد ,,, تحول من شاب يتميلح عند وليد
,, لشاب منصدم ووده يصطره انصدموا الشباب ,,, وارتفع ضغطهم
راحت عليهم الصيده,, وقرروا يحدوهم وينتقموا منهم بس سواق منال
متعود ع هالمواقف,, وبدا يطلع مهارته في السواقه ,, ويضيع البشريه,,
بس فيه 3 ناشبين ومو قادر يضيعهم,,, وابسط حل والي متعودين عليه
,, ووقفوا عند دوريه وقالت له منال ان هالشباب يضايقوهم ,, وطبعا
فزع معاهم الشرطي ووصلهم للبيت ,, بيت وليد ونزلت منال وساره
وماجد ووليد في مجلس وليد لان الشايب ع قولته مو موجود
00000000000000000000000000000000000000000000000000 00000
مشاعل كانت لابسه ومتجهزه ع شان بيت عمها بيجون ,, وام مشعل
كانت مشغوله مع الخدامات والطباخ ,, عشان القهوه والشاي والعشاء
دخلت ام تركي مع بناتها الجوهره وغاده وخلود,,, دلتهم الخدامه ع
الصاله الي كانت فاضيه
دخلت ام مشعل: هلا والله وسهلا نور البيت يام تركي
ام تركي: منور بوجودك ياام مشعل
وبعد السلام
ام مشعل للخدامه: روحي نادي مشاعل وقولي لها بنات عمك فيه
ام تركي: والله يام مشعل لنا زمن ماجتمعنا
ام مشعل: اي والله ,,, قاطعين ,,, بس ايش رايك نسوي دوريه كل
اسبوع نزور بعض
ام تركي: ياليت والله ,,, ع الاقل نشوف بعض
هنا مشاعل نزلت بمساعده الخدامه
ام تركي والجوهره وغاده وخلوه استغربوا ,, ليش مشاعل تنزل ماسكه
يد الخدامه ,,, طبعا ماكانوا يعروفوا عن الي صار
وصلت مشاعل لاخر الدرج الي كان موجود بالصاله
دلتها الخدامه ع المكان الي جالسين فيه
مدت يدها ام تركي تسلم ع مشاعل: هلا مشاعل حبيبتي شلونك
مشاعل كانت ماده يدها تدور ع يد ام تركي
هنا كلهم تاكدوا انها ماتشوفهم
وبعد السلام
ام تركي بتساؤل : سلامتك يامشاعل عيونك فيها شي
مشاعل قالت لهم كل شي بس طبعا قالت انه حادث
الجوهره وغاده بكوا ,,, اما ام تركي كانت قويه ,,, وخلود صغيره ماتدري
الجوهره: طيب ميشو اكيد فيه حل روحي لاي دكتور غير الي رحتي له
مشاعل: لا يالجوهره انا عارفه انه مافيه امل ليش اروح ووهم نفسي
غاده: بس ياميشو مو معقوله انك ترضي بالهواقع من كلام دكتور واحد
ع الاقل استشيري 3 دكاتره
مشاعل : والله مدري اخاف يقولوا لي نفس الكلام واتحطم
ام تركي: ادعي الله يامشاعل ,, ترى من رجى ربه ماخيبه
مشاعل: ونعم بالله,, بصراحه مدري ايش اقول لكم انا محتاره
ام مشعل هنا تدخلت: مشاعل احنا راح نوديك لاحسن دكتور بالعالم
وساعتها اذا قال لك ماتنفع لك العمليه خلاص ماراح نفتح معاك
الموضوع
مشاعل: الي تشوفوه
ام تركي : ايه الله يعافيكم ايش تنتظروا ,, والا خلوني اوديها انا وتركي
ام مشعل: لا والله هذا ابوها سال عن دكتور قالوا انه زين,, وانشالله
بيشوف مواعيده ونحجز عنده ونودي مشاعل
000000000000000000000000000000000000000000
ام فهده : اقول يا بنيتي قلت لصديقتي ام منصور تسوي مريقيقات وام
محمد تسوي مريصيعات وام فهد تسوي جريشه وخلي صديقاتس يسون
مطيزيزات وعصيده وكليجا صديقاتن ببلاش
فهده:لا ياماما لاتخلي احد يسوي شي المطعم راح يتكفلوا بكل شي بعدين
ايش مراصيع ومرقوق هذا زواج مو جلسه شعبه خلاص فيه بوفيه
مفتوح
ام فهده:لا انا صديقاتي موب يحبن الا اكل البيت اما خرابيط هالمطاعم
منب نقبله يحوم التسبد((الكبد))وغالي ع غير سنع
فهده:خلاص يا ماما كيفك كيفك
ام فهده:اقول فهدوه قومي قومي اخوتس لصلاته بتفوته
فهده:لا ياماما هو نايم اخاف يهاوشني
ام فهده:والله ان مافيكن نفع يابني هالايام موب مثلنا في زمن اول
نقرص القرصان ونحلب البقر ونخظ اللبن اجل انتن يابني الحين
متمدنات ولا تنبغن وحتى كلامكن قمتن تغيرنه وتحتسن عنقليزي والله
ان العربي وش زينه يالله من فضلك الجنه حتسي المسلمين موب
عوكيه وموكيه
فهده:ياربيه في كل شي انتقادات ولا يعجبكم العجب ولا الصيام في رجب
صالح:وش فيكم ع صباح الله اسمع حتسيكم واصلن غرفتي
ام فهده: اختك ماتبي مريقيقات ولامريصيعات بعرسها متمدنه
صالح يلمس بطنه: يمه تكفين لاتشهويني بمريقيقتس وش زينها ,, ياليت
من يشبع منها
ام فهده: من عيوني بكره ارق لك ,, لاتخليها في نفيستك
00000000000000000000000000000000000000000000000000 00000
ماجد: هاه سارونه نضمك لقائمتنا
ساره كانت مرتبكه اول مره تدخل بيت واحد تكلمه,, بس الظروف جت
فجاءه وماقدرت تعترض او ترفض لان الدوريه كانت وراهم وماودها
ترجع لبيتها ووراها دوريه
ساره: لا حبيبي اسفه ,,, منوله توصليني ابي ارجع للبيت تاخرت
منال: اوكي حبيبتي ,, ارجعي مع السواق,, انا بجلس معاهم شوي
وليد: لاحبيبتي انتي راعيه طويله,, واخاف ابوي يدخل
منال: ياحمار تطردني وانا ضافتك ببيتي
وليد: قامت تمن اقول بس ماودكم تطلعون ابي سارونه بكلمه راس
ساره مرره خافت: لالا بروح انا تجي منوله معاي او ارجع لوحدي
منال وساره كانوا بطريق البيت
منال: سارونه هاه ايش قلتي بشلتي وليد ومجودي
ساره: بصراحه كلكم مجانين
منال: ههههههههههه ادري بس جنونا حلو
ساره: من جد ,, والله انكم فله
منال: طيب خلاص اذا طلعنا راح اقول لك عشان تطلعي معانا
ساره: لا انا اخاف ع نفسي انتم ناس متهورين
منال: براحتك انتي الخسرانه
00000000000000000000000000000000000000000000000000 00000
طلعت مشاعل غرفتها بعد ماراحوا بنات عمها
مشاعل في نفسها \" خلاص انا مقدر اتحمل هالوضع كثير ,,, حاولت
اكون قويه بس تعبت,, اكيد فيه امل للعمليه,,, ياليت ارجع اشوف,,,
مليت من هالسواد الي ماشوف غيره, مليت ابي اشوف تعابير الناس
ووجيهم,, اشتقت اشوف وجهي ووجه سارونه وكل صاحباتي واخواني
,, اااااااااه يالقهر ياليت الوقت يرجع ياليت وافكر مليون مره قبل
اسوي شي مجنون افقد فيه اغلى ماعندي,,, تعبت من شفقه الناس علي ,
, تعبت من الاحساس بالضياع ,,كله منك ياطلال ,, ياليتني ماعرفتك
ولاشفتك ,بس لازم اكلم ابوي يشوف لي اي دكتور,,, ابي ارجع اشوف
خلاص مليت
استغفرت ربها لان هذا قدرها وماتقدر تغيره
صلت ركعتين ودعت ربها انه يشفيها ويرجع لها نظرها ,,, وبعد بكى
وحزن واحساس بالضياع استسلمت مشاعل للنوم
0000000000000000000000000000000000000000000
وبعد اسبوع ,,, جاء اليوم الي تنتظره فهده بفارغ الصبر ,,, وهو يوم
زواجها والكل كان مشغول,, فهده كانت مشغوله بالميك اب والفستان
وتفكر كيف تكون الزفه وهل زواجها بيكون حلو
اما مشاعل كانت في بيت ساره ينتظروا مدام تيريزا عشان تسوي لهم
شعرهم ,,, وبعدها راح تجي روبي عشان الميك اب
ساره: ميشو تصدقي اليوم مانمت كويس شكلي راح انام في الزواج
مشاعل: هههههههه تخيلي تنامي وانتي ترقصي
ساره: هههههههه
رن الجرس ,, وجت الخدامه تقول ان مدام تيريزا موجوده,, اتفقوا انها
تبدا بمشاعل اول وكانت تسريحه مشاعل مره كيوت ,, سوت لها شعرها
كله ويفي ولمته ع جنب وربطته بشريطه ذهبيه
اما تسريحه ساره كانت مرفوعه ولامه شعرها ع فوق وحطت لها
اكستنشن ع شكل عمايل ولفتها ع شعرها
00000000000000000000000000000000000000000000000000 00000
اما ام فهده كانت معصبه وناقده ع عمرها بعد هالعمر تحط ميك اب
وتنتظر بفارغ الصبر المزينه تخلص منها ,, والمزينه طفشت منها بس
تقول لها افتحي عيونك وقفليها مو عارفه ترسم الكحل من حركه ام فهده
الي ماتخلص
المزينه:شو بديك احط لك لون روج؟؟
ام فهده:الله لايهينتس انا ابي احط ديرم
المزينه:شو ديرم هايدا ماركه جديده؟؟
ام فهده قامت وحطت ديرم
المزينه مصدومه:شو هيدا لونوا بشع كتير
ام فهده:وشو بشغ؟
المزينه:بشع يعني مو حلو
ام فهده:يامال الحكه الي تصيبتس هذا الديرم وش زين لونه اجل ذا
الاحمر الي لاطته فوق خشتس تقول ماكله كبدتن نيه؟
00000000000000000000000000000000000000000000000000 00000
روبي المزينه كانت في الغرفه تزين مشاعل واللي كان الميك اب حقها
عباره عن شدو اسود ممزوج بالذهبي والبلشر كان برونزي
وبعد ماانتهت كان دور ساره ,, فضلت مشاعل انها تنتظر ساره بالصاله
لما تخلص من الميك اب ويطلعوا لانهم تاخروا كانت الساعه وقتها 10
نزلت مشاعل للصاله بمساعده الخدامه ,, وكانت ام ساره بالصاله
تتصفح مجله
ام ساره: الله ميشو ايش هالجمال ماشالله عليك
مشاعل انحرجت: تسلمي ياخالتي عيونك الحلوه
ام ساره: بتغطي اليوم ع العروس اكيد
مشاعل: لا بالعكس فهده ماشالله عليها مره حلوه
ام ساره: ميشو ايش تشربي حبيبتي
مشاعل: ولا شي خالتي ارتاحي ,,, احنا هناك بنطفش من الشرب
ام ساره: طيب حبيبتي عن اذنك بروح اخذ لي بندول مره مصدعه,,
مدري ايش فيني لي فتره راسي يعورني
مشاعل: روحي للمستشفى ياخالتي يمكن السبب لاسمح الله الضغط
ام ساره: يربيه ميشو فال الله ولا فالك ,, لانشالله مافيني الا العافيه
بروح اخذ لي بندول وارتاح وانشالله يطيب
مشاعل: اوكي خالتي ماتشوفي شر
وطلعت غرفتها ترتاح,, استنت مشاعل ساره عشان يطلعوا وكانت
الساعه11 ,, توجهوا للقاعه
دخلت ساره ماسكه يد مشاعل ,,, وكانت مشاعل نجمة الحفل زي
مايقولوا الكل يسال عنها ,, وكل الموجودين زعلوا ع شان ميشو ,,
البنت الحلوه والانيقه ,,, مسكينه عمياء
الكل كان يرقص وفرحان ,, الا ميشو ,, كان الرقص بالنسبه لها هوايه
بس للاسف الحين ماتقدر حتى تتفرج عليه
مشاعل :سارونه ايش رايك نروح نسلم ع فهده بغرفتها ,, يمكن محتاجه
شي
ساره: يله مشينا
0000000000000000000000000000000000000000000
في بيت ام مشعل
ام مشعل: يابو مشعل هاه ايش سويت بموضوع مشاعل
ابو مشعل: حجزت عند الدكتور ,,, بس هو طلب مني مبلغ عشان
يحجزوا لها غرفه
ام مشعل: طيب ارسله ايش تنتظر؟؟؟
ابو مشعل: ماعندي سيوله الحين ,, انتي عارفه ان كل فلوسي في
الاسهم والبورصه
ام مشعل بصدمه: ومشاعل
ابو مشعل: لاتخافي كلمت رجال اليوم عشان اسحب جزء من فلوسي
بس قال ان السوق نازل شوي وبيرتفع هاليومين انشالله ,, وماودي
اسحبها الحين
ام مشعل: ونأجل موعد مشاعل ع شان كم الف راح تكسبها
ابو مشعل: قصدك كم مليون,, المهم ماعلينا موعد مشاعل الشهر الجاي
يعني بعد زواج مشعل باسبوعين والفلوس انشالله الاسبوع الجاي عندي
,,, يعني فيه وقت طويل ليش معصبه
ام مشعل: الي تشوفه بس مشاعل لازم تسافر تتعالج
ابو مشعل: لاتخافي ,, انا حريص عليها اكثر منك,, ومستحيل اخلي
بنتي كذا بدون مااحاول
ام مشعل:الله يكتب لها الي فيه الخير
ابو مشعل: امين
0000000000000000000000000000000000000000000
ساره : الف مبروك عقبال البكاري ههههههههههههه
فهده: الله يبارك فيك
مشاعل: مبروك حبيبتي ,, منك العيال ومنه المال هههههههههه
فهده : هههههههه اخاف مني العيال والمال ,, وهو يصير ضيف شرف
مشاعل وساره: هههههههههههههههههههه
فهده: عقبالكم
ساره: امين
مشاعل سكتت لانها خايفه انها ماتلقى الي يقبل فيها وهذا وضعها
ساره تبي تقهر فهده : بصراحه شكلك يجنن ,, دايم انتي حوسه ,, اول
مره اشوفك مرتبه
مشاعل :ههههههههههههههه حرام عليك
فهده عصبت : جايه عندي وتسبيني عمى انشالله
مشاعل كان ودها تشوف صاحبتها فهده في هاليوم ,, وزاد عندها القهر
والحماس للعمليه,, مستحيل تفوت ع نفسها مثل هالمواقف ,,,لازم تسوي
العمليه حتى لو ماتنجح ,, المهم تحاول,,, اكيد فيه حل لها,, الطب تقدم
وكان عندها امل كبير بالله ثم بالدكتور الي قال لها ابوها عليه
000000000000000000000000000000000000000000
منال: يا الله ياوليد تراك ذبحتني ,, خلاص قلت لك البنت راح تروح
معانا
وليد: بس كيف راح تقنعيها
منال: خلاص ماراح اقول لها انكم معاي ,, راح اقول لها انا وصاحبتي
وليد: وتتوقعي ماتزعل
منال تغمر لوليد : الله بدينا نخاف ع زعلها ,, شكلنا بدينا نحب
وليد: اي حب واي خرابيط ,, انا مو راعي حب
ماجد : ههههههههه والله شكلك راح تصير خروف بيدها
وليد يبي قهره: ليش تبيني اصير مثلك خروف بيد منوله
ماجد: خروف بعينك ,,, انا ومنوله متفاهمين,, صح منوله
منال بنعومه : ايه حبيبي , ,انا وانت مافيه زينا بالدنيا
وليد: المهم منوله اخاف تقولي لها اننا بنروح للثمامه وماتجي
منال: لا ماعليك انا راح امرها واجيبها عشان اظمن انها ماتنحاش
ماجد:ههههههههههههه,, تنحاش منك ياوليد ههههه ماعندك خبره في
البنات الي تخليك تعرف شلون انت الي تنحاش من البنات مو البنات
ينحاشو منك
هنا وليد حس انه الوقت المناسب الي ينتقم فيه من ماجد: طبعا انا
ماعندي خبرتك في الغزل ,, ولااقدر اخلي البنات يلحقوني مثلك لاني
جديد, مو مثلك معاك شهاد خبره
منال عصبت: ماجدوه ايش جالس يقول وليدوه
ماجد: هاه كلها الحين ياوليد منوله زعلت , ومافيه بكره طلعه مع ساره
هههههههههههههههههه
وليد خاف: لالا وربي منوله امزح معاك ,,,, والله الولد مؤدب وشاطر
ويسمع الكلام
0000000000000000000000000000000000000000000
كان وقت الزفه ,, والكل ينتظر فهده تدخل ,,, وكانت الاضواء مصلطه
ع المكان الي راح تطلع منه فهده ,,, واخيرا انفتح الباب وطلعت فهده ,
,, ومشت بشويش وكانت القاعه مليانه بالناس وبعض المصورات
والطقاقات والصبابات والكل كان يطالع فهده ,,, وبعض الناس كانوا
ينتقدوا ملابسها العاريه والبعض يمدح ,, والبعض يسب
بس فيه وحده جالسه وحيده ,, حزينه,,, في عالم منفصل,,, ماتقدر تعطي
رايها في صاحبتها,,, تسمع ساره ومها وباقي البنات جنبها يتكلموا عن
فهده ,, وعن فستانها ,, وعن مشيتها ,وياشرون لفهده ,, ويضحكوا ع
بعض الحركات الي فهده تسويها لهم ,,,, الا هي ماتقدر تطالع صاحبتها
ولا تقدر تشوف سعادتها ,, تمنت انها ماجت ,,, وانها جلست بالبيت
بحسرتها,,, حزنت حزن ع نفسها يضاعف حزنها لما اكتشفت انها
صارت عمياء
فكرت كيف راح يكون زواج اخوها مشعل,, والي المفروض هي اخته
الوحيده الي تكون فرحانه لزواج اخوها وترقص وتستقبل الناس ,,
وتشوف اخوها لما يدخل,, تاكدت ان كل هالاشياء ماراح تقدر تسويها ,,
حزنت ,,, ونزلت دمعه من عينها ,, خافت لاحد يحس فيها,, وتضايقهم
في زواج اعز صاحبه لهم
0000000000000000000000000000000000000000000
اقول بس رجعوني البيت امي تدق , قاتلها منال لشلتها
ماجد: بدري ياعمري خلينا ناخذ لفه
منال: اي لفه ,, امي دقت علي كثير واخاف اتاخر ,, تسوي لي سالفه
وليد: ماجد تكفى ودها للبيت اخاف امها بكره تصك عليها وماتخليها
تجي معانا الثمامه
منال: ايه طبعا مو عشاني عشان حبيبه القلب
0000000000000000000000000000000000000000000
بعد ماوصلت فهد للكوشه ,,, وبعد ماسلموا عليها الناس ,, جلست معاها
ميشو وساره وتصورا معاها
فهده: سارونه حبيبتي بطلي منك طلب
ساره: امري؟؟؟
فهده: تعرفي الغرفه الي كنت فيها؟؟؟؟
ساره: ايه حبيبتي
فهده: موبايلي هناك ,, اذا ماعليك امر ممكن تاخذيه وتحطيه بشنطتي الي
عند الباب ,, لانه ماراح يمديني ارجع اخذه وماقدر اعتمد ع امي
ساره حست انه الوقت المناسب ع شان تعرف رقم صالح: اوكي من عيوني
كم عندها من فهده
وراحت لمكان الغرفه الي كانت فيها فهده ,, وخذت الموبايل
ودورت ع رقم صالح,,, وماتت من الفرحه لما لقته ,, خزنته عندها بموبايلها
وحطت موبايل فهده بالشنطه
000000000000000000000000000000000000000000
وبعد مانتهى الزواج كانت ساره ومشاعل في الطريق للبيت
ساره: ميشو راح اطلب منك حاجه بس انك ماترديني
مشاعل: قولي
ساره: اول احلفي
مشاعل: والله مااردك
ساره : انا استاذنت من خالتي ام مشعل انك تنامي عندي اليوم,, وخلاص
هي وافقت وانتي انشالله ماراح ترفضي
مشاعل: ههههههههههههه ع كيفك ماشالله تخططي وتنفذي
ساره: انتي حلفتي ماترديني
مشاعل تبي تقهرها: اف يله مع اني ماودي بس ايش اسوي حكم القوي
ع الضعيف
دخلوا البيت وكان البيت فاضي لان ام ساره نامت وابوها توه راجع من
السفر ونايم
ساره: ميشو قبل نغير ملابسنا انا ميته جوع بصراحه الاكل هناك مو
حلو كله اكلات شعبيه وانا ماحبها,, ايش رايك اسوي لنا سندويشات
مشاعل: مو قبل مانغير لان هالفستان احس انه خانقني
ساره: يالله منك ياميشو بس شوي راح اصلح سندويشات بسرعه واجيك
نطلع فوق نغير وناكل
مشاعل بطفش: طيب لاتطولي ترى اذا طولتي راح اطلع فوق لوحدي
ساره عارفه ان مشاعل ماتسويها خاصه ان ابوها موجود تخاف تدخل
غرفته
وهنا ميشو كانت بالصاله لوحدها ,,, تنتظر ساره تخلص من السندويشات
سمعت صوت احد يدخل الصاله وخافت يكون ابو ساره
فجاءه الشخص الي دخل سكر عيون مشاعل بيده وماكانت تدري مين
قال لها: سوربرايز سارونه حبيبتي وحشتيني
مشاعل انجنت وماتحركت كان ودها احد يجي وينقذها عرفت انه رجال
بس مين هالرجال الي في بيت ساره,لان ساره تقول ان ابوها نايم, كانت
متاكده ان ساره ماعندها احد
: ايش فيك انشليتي
هنا مشاعل قررت انها تتصرف وتسوي شي ,, لان الشخص مبين عليه
انه مايدري مين هي يحسبها ساره
قررت اخيرا انها تتحرك ع شان يعرف وينتبه ع انها مو ساره
ابعدت يده عنها ,, ووقفت بشكل سريع وراحت تمشي ماتدري وين
تروح,, ضربت رجلها بالطاوله وحاولت تبتعد عنها,, ورجعت غيرت
طريقها,, كانت تايهه ماتدري وين تروح الرجال قدامها اكيد,, وماتدري
وين تروح ,, حتى غطاء مامعاها ,,,, قررت تاخذ الطريق الي ع يمينها
ومشت بسرعه ع امل انه يكون مخرج ,, واسرعت اكثر بمشيتها ووقفت
لما صدمت بجسم شخص,, والي اكيد هو الشخص نفسه الي كان موجود
رجعت لورا ع امل انها تنحاش,, بس اظاهر كان وراها شي وتعثرت
فيه وكانت راح تطيح لولا الله ثم يد هالشخص الي تدارك الموقف
وبسرعه تصرف منه مسكها وثبتها ع الارض
000000000000000000000000000000000000000000
مين هالشخص الي كان في بيت ساره؟؟؟؟؟؟؟؟
الجزء الجديد راح يوضح انشالله
الجزء الخامس عشر</P>
الجزء السادس عشر
مشاعل كانت في غرفتها تفكر ,,, بكل شي مر عليها وكل شي راح يمر ,,, استغربت انها
بالفتره الاخيره ابتعد خيال طلال عنها وصارت نادر ماتفكر فيه,, معقوله نسته او كرهته
قطع عليها حبل افكارها الشخص الي دخل غرفتها,, استغربت لانه اول مره احد يدخل عليها
بدون استاذان
مشاعل: مين؟؟؟
جاها صوت اخوها مشعل: انا مشعل
خافت من نبره صوت مشعل الي كلها شك وزعل ,, وخافت اكثر لما نطق وقال لها
مشعل: مشاعل مين طلال؟؟؟
مشاعل انجنت ايش جالس يقول مشعل وايش عرفه بطلال؟؟؟ الف سؤال وسؤال طرى ع بال
مشاعل, , بس كانت خايفه تناقش مشعل باي شي,, وماتدري ايش يعرف مشعل عن طلال
علشان تقدر تتكلم
مشاعل: ...........................
مشعل: مشاعل انا اسالك مين طلال؟؟
مشاعل: انا الي اسالك مين طلال؟؟؟؟؟؟
مشعل: اظن الورقه الي كتبتيها لساره صاحبتك تاكد معرفتك بطلال
مشاعل خلاص حست انها توهقت لان خطها ع الورقه ومافيه اي مجال للكذب
مشاعل : مو من حقك يامشعل تفتح حاجه خاصه ,,, اظن كل شخص عنده اسراره
مشعل بصراخ : لك وجه يامشاعل تردي ,, انا انتظر منك تفسير للرساله وابي اعرف مين
طلال هذا وايش سوا لك علشان تنتحري
مشاعل تبكي: مشعل مالك شغل فيني ,,, وطلال مو مثل انت مفكر ,,, طلال ماتربطين فيه اي
علاقه ,, وانت فاهم الموضوع غلط
مشعل يحاول يهدا: اوكي ممكن تفسري لي الموضوع
مشاعل: ماراح افسر لك شي,, وبعدين باي حق تفتح الرساله
مشعل: بعد مادخلتي المستشفى رحت لغرفتك ادور نوع الحبوب الي اخذتيها ع امل اني لما
اعرف النوع هالشي راح يساعدك ,,, وشفت بالصدفه هالرساله ,, واحتفظت فيها بدون
مااقراها وكنت ناوي اسلمها لساره,,, لكن نسيت موضوعها ,,, ومن شوي طاحت يدي عليها
واستغربت وجود هالورقه بغرفتي ونسيت انها لك وفتحتها ,,, ولما قريتها تفاجات باللي
قريته,, مشاعل انا اطالبك بتفسير الحين
مشاعل: مالك شغل فيني تفهم يامشعل ,,, انا عمري ماتجسست عليك
مشعل: اوكي انتي حره ,, بس انشالله تلقي تفسير لابوي
طلع وخلاها
مشاعل تصارخ: لاااااااا مشعل الله يخليك الا بابا مشعل تعال ,, ,مــــشــــعـــل
انسدحت ع السرير وبكت باعلى صوتها\" اكرهك ياطلال اكرهك,, كل الي انا فيه بسببك ,,
حرام عليك ايش سويت لك,, كل هذا علشان حبيتك بصدق,,, اكرهك اكرهك اكرهك......\"
00000000000000000000000000000000000000000000000000 00000
كانت ساره في الطريق للبيت لما دق عليها بندر للمره الخامسه
ساره في نفسها\" اف وهذا اول يوم يرجع فيه كل شوي داق وينك ومتى راح ترجعي اجل اذا
جلس اسبوع ايش راح يسوي\"
رجعت ساره للبيت وكانت مبسوطه مره ,,, ووعدت وليد انها تطلع معاهم لما يطلعوا
لما دخلت البيت كانت الساعه 2 طبعا كانت امها نايمه وابوها سافر كالعاده,,, طلعت غرفتها
وفي الطريق قابلت بندر
بندر: هلا سارونه
ساره: هلا والله
بندر: ماتلاحظي انك تاخرتي شوي
ساره: لا عادي اصلا انا وصاحباتي مانرجع الا هالوقت
بندر: معقوله ياسارونه حبيبتي انتي بنت ناس ومو زين كل يوم ترجعي 2
ساره: لا انا ماطلع معاهم كل يوم ,, مره بالاسبوع
بندر: لا مو مشكله اطلعي كل يوم,,, بس انا ارجعك اذا الوقت متاخر ,,, بصراحه اخاف
عليك ترجعي بهالوقت
ساره: لما كنت برا تدرس,,, كنت ارجع متاخره والحمدلله ماصار لي شي
بندر: مو كل مره تسلم الجره,, واذا انا موجود ليش مااهتم فيك
ساره: تسلم بندر بس انا ماحب الخنقه خلني ع راحتي واذا قصدك خايف اني اسوي شي غلط
تاكد اني مستحيل اسوي شي يزعلكم
بندر: لا ياسارونه عمري ماشكيت فيك ,,, بس انا خايف عليك
ساره: تسلم بس مايحتاج انا اعرف كيف انتبه ع نفسي
بندر: عموما ماودي اضغط عليك اكيد انتي تعبانه وودك تنامي ,,, خاصه بعد الباربكيو الي
سويتيه
ساره انجنت كيف عرف : كيف عرفت؟؟؟
بندر: ريحتك باربكيو هههههههههههه
ساره ارتاحت: ايه اليوم سوينا باربكيو انا والبنات وطلع جنان
بندر: حلو اذا تعرفي تسوي,,, ايش رايك بكره نطلع انا وانتي وماما ونسوي باربكيو ونروح
نطعس واخليك انتي الي تطعسين بنا ههههههههههه
ساره فرحت: ايه بندر يله بكره ايش رايك
بندر: من عيوني
ساره: تسلم عيونك
بندر: سارونه ودي اكلمك بموضوع يخص صاحبتك مشاعل
ساره استغربت ايش الموضوع الي ممكن بندر يكلمها فيه: ليش صاير شي
بندر: لا بس انتي قلتي لي انها مااستشارت اي دكتور غير واحد,,, وفيه دكتور الماني مره
كويس وهو رئيس قسم الاطباء في مستشفى معروف بالمانيا راح يجي هنا بعد فتره ايش
رايك احجز لها عنده
ساره ابتسمت: والله اشوف اهتمامك زايد بميشو ,, ايش صاير سكنت القلب ههههههههههه
بس كنت بسالك بكم الشقه بقلبك ,, ودي اخذ لي شقه ولامي شقه قبل ميشو ماتكوش ع كل
شي
بندر: ههههههههههههه ,,, اي شقه واي فله ,, ,انا ماعندي الا دبلوكس هههههههههه
ساره: ههههههههههههههههههه
بندر : سارونه حبيبتي مو معنى اني اساعدها يعني حبيتها ,,, لاسارونه انا مقهور عشانها
لانها توها بشبابها وودي اسوي شي لها
ساره: عموما انا راح اقول لها ونشوف
بندر: اوكي لما تقولي لها وتوافق عطيني خبر عشان اعرف متى راح يكون هنا وانسق معاه
ساره: انشالله
00000000000000000000000000000000000000000000000000 00000
صالح كان مقفل انوار الغرفه ويستعد للنوم لما دق موبايله وعصب ع الي داق بهالوقت
صالح: نعم
ساره بنعومه: هاي صلوحي
صالح تلخبط اول مره بنت تفكر تكلمه: هلا والله
ساره : كيفك صلوحي؟
صالح :الحمدلله من انتي؟؟؟
ساره : اول الناس يقولوا كيفك مو علطول ((تقلد صوته)) مين انتي
صالح : ايه صح ,,, شلوتس؟؟؟
ساره تغمض عيونها وكانها شافت شي مقرف ((يالله حتى اسلوب ماعنده)): تمام,, تدري
صلوحي وحشتني مرررره<-- الراء حقتها دوخت صالح
صالح: من انتي؟؟؟؟
ساره: انا وحده من بنات جيرانكم معجبه فيك مرره ومن زمان ادور رقمك واخيرا قدرت
اجيبه بليز صلوحي لاتقول انك ماتبيني ترى اقتل نفسي ,,, صلوحي بدونك حياتي ماتسوى ,,
احبك ,,,صلوحي انت النور بحياتي ,,, صلوحي بليز لاتتركني
صالح مو مصدق نفسه معقوله بنت بهالدلع تدق عليه وتترجاه يكلمها اكيد يحلم
صالح: ياويلي ع الصوت يلعن ابو الي يقفل وهو يسمع هالصوت يالمزيونه
ساره كانت ودها ترجع الاكل من القرف الي حست فيه: صلوحي لاتفكر انك تبعد عني ترى
راح اقتل نفسي
صالح: وانا مجنون ياويلي بس عليتس يالزينه ,,, اروح فدى مواطي رجليتس
وكانت مكالمه ساره وصالح ربع ساعه كانت ساره ع اعصابها تبي تقفل لان صالح مو من
ستايلها ابدا ,,, اما صالح كان في قمه الوناسه ,, بنت نعومه تدق عليه ,,, وتتغزل فيه,,
وميته عليه,, وفوق هذا هي الي تدق عليه يعني ماراح يتخسر
ساره بعد ماقفلت \" الله ياخذه مصدق نفسه هالشين ,,, ع باله اني ميته عليه,, كلها يومين
واخليه يسوي الي في بالي وبعدها راح اسحب عليه\"
00000000000000000000000000000000000000000000000000 00000
مشاعل كانت تبكي بجنون ع الي صار ,,, وتذكرت اليوم الي تركها طلال فيه ,,, لما بعد
عنها طلال جتها المشاكل ,,, كان ودها تدق عليه وتقوله ايش كثر تكرهه
راحت لتلفون الصاله ودقت ع ساره
مشاعل : ساره لاكون صحيتك
ساره: لا حبيبتي لسى ماراح انام الحين
مشاعل: هاه كيف الدي جي؟؟؟
ساره: مره يجنن فاتك,, بس ميشو ايش في صوتك؟؟؟
مشاعل: سارونه مشعل اخوي عرف كل شي عن طلال
وقبل لا تكمل كلامها دخل مشعل واخذ السماعه منها,, ماتدري كم له جالس يسمعها ,,
اخذ السماعه وسكت ع امل ان ساره تتكلم ويعرف عن طلال اي شي
00000000000000000000000000000000000000000000000000 0000
ساره خافت ع مشاعل لانها حست ان فيه شي كبير وخاصه ان اخوها مشعل اخذ التلفون
وتكلم قررت تروح لمشاعل اول ماتصحى ,, تبي تعرف ايش صار معاها
00000000000000000000000000000000000000000000000000 00000
مشاعل طلعت غرفتها وبكت ,,,, ليش كل هالمشاكل تصير لها ,, علاقتها مع اخوها بدت
تدهور والسبب هو ,, دايما هو السبب بكل شي مو حلو صار لها
حاولت تنام ماقدرت وكان الارق هو نصيبها بهالليله المشئومه
تذكرت طلال بموقف صار معاها
طلال: حبيبتي ميشو اليوم مافيه طلعه من البيت
مشاعل: ليش حبيبي؟؟؟ صاحباتي راح يزعلوا انا وعدتهم اني راح اجي
طلال: اليوم الشوارع زحمه وخايف احد يضايقك وانا مقدر اجي اوصلك لاني معزوم
مشاعل: طيب وربي اغطي,, ومااخلي احد يطالعني
طلال: قطوتي اذا تبي تزعليني روحي,, حبيبتي وربي اغار عليك ماودي احد يشوف حتى
خيالك ,,, احس ودي اقفل عليك بمكان وماتطلعي ابد ولا احد يشوفك غيري
مشاعل: طلال
طلال: لبيه ياعيون طلال
مشاعل: احبك
طلال:.......................
تذكرت غبائها طلال عمره ماقال لها انه يحبها,, شلون ماحست انه يمثل عليها
00000000000000000000000000000000000000000000000000 00000
ساره الضهر كانت تلبس عشان تروح عند مشاعل تبي تعرف ايش صار معاها
وهي نازله كانت امها وبندر بالصاله
ساره: هاي ماما هاي بندر
ام ساره: هلا حبيبتي
بندر: هاي سارونه,, لابسه عبايتك وين طالعه؟؟؟
ساره: ايه والله رايحه ميشو تعبانه وودي اروح اشوفها
بندر بدا عليه الاهتمام: ليش سلامتها ايش فيها
ساره : والله مدري بروح اشوف ايش فيها
ام ساره: طيب حبيبتي تغدي قبل تروحي
ساره: لا ماما راح اتغدى عند ميشو
بندر: طمنينا عليها
ساره : انشالله يله باي
بعد ماطلعت ساره
بندر: ماما ماتلاحظي ان ساره طلعاتها كثيره
ام ساره: حرام عليك اعز صاحبه لها تعبانه وماتبيها تروح لها
بندر: لاانا ماتكلم عن اليوم,, بس من اول مارجعت وهي كل يوم طالعه
ام ساره: هذي بنتي وانا مربيتها وادري انها ماتسوي شي غلط ,, وبعدين انا ماحب اعقد
بنتي بعدين تنحرف
بندر: ماما مساله اننا نخاف على ساره,, هذا مو معناه اننا نعقدها,, يمه الناس ماترحم ,,,
والناس ماعليهم الا من الظاهر
ام ساره: والله يابندر انت غريب الي اعرفهم يروحوا يدرسوا برا يجوا متفتحين وانت
العكس
بندر: يمه لاتنسي اني شاب مسلم ,,, وانا اغار ع اختي
ام ساره: يوووووووووه بندر اختك ماسوت شي غلط ,, وخلاص فكنا من هالموضوع
00000000000000000000000000000000000000000000000000 00000
كانت ساره في بيت مشاعل وبالتحديد بالصاله
ام مشعل: هلا والله وغلا ساره
ساره تطمنت شوي ع الاقل ام مشعل مو مبين عليها حاسه بشي: هلا خالتي
ام مشعل: شلونك وشلون امك
ساره: الحمدلله تسلم عليك
ام مشعل: الله يسلمها ,, بس الله يهديها امك انا زعلانه منها
ساره: ليش خالتي؟؟
ام مشعل: مافكرت تجي تمرني والا تقول اسير؟؟؟
ساره: والله هي مشغوله هاليومين خاصه ان اخوي بندر لسى جاي من السفر,, بس انشالله
راح نجيكم
ام مشعل: ماشالله اخوك بندر وصل؟؟؟
ساره: ايه خالتي
ام مشعل: الحمدلله ع سلامته
ساره: الله يسلمك
ام مشعل: عاد بنعزمه بمنسابه وصوله من السفر ,, وماعلي من امك لو اجيب عشاي لبيتكم
ساره: الله يحييك ياخالتي
ام مشعل: صاحيه امك والى نايمه يابنيتي؟؟؟
ساره: لا ماما صاحيه لما جيت
ام مشعل: اجل بدق عليها اتحمد ع سلامته اخوك بندر
ساره: الله يسلمك ,, خالتي مشاعل صاحيه والا نايمه
ام مشعل: والله اظاهر انها نايمه ,, بس اطلعي لها انتي مو غريبه
ساره : اوكي خالتي مع السلامه
ام مشعل: مع السلامه
00000000000000000000000000000000000000000000000000 00000
كانت مشاعل منسدحه ع السرير والي من امس ماقدرت تنام الا ساعه وحده ,,,
سمعت احد يطق ع الباب خافت يكون مشعل
مشاعل: مين؟؟؟
ساره: انا ساره
مشاعل فرحت : تعالي سارونه
لما دخلت ساره تفاجات بشكل مشاعل والي تعودت عليها دايما تكون مرتبه ,, كان شكلها
محيوس وتحت عيونها هالات سوداء
ساره: مشاعل ايش صاير
مشاعل بكت لما سمعت ساره: سارونه الحقيني مشعل عرف موضوع طلال
ساره : كيف عرف؟؟؟
مشاعل حكت لساره موضوع الرساله الي كتبتها لساره قبل تاكل الحبوب
ساره مسكت راسها: يا الله ياميشو تتوقعي يقول لابوك
مشاعل تبكي وكان بكائها يقطع قلب ساره : ماعرف انا خايفه مره ,,, سارونه ساعديني مالي
الا الله ثم انتي,, سارونه انا خايفه
ساره: طيب لاتخافي هدي نفسك,,, طيب واذا عرف ,, اصلا علاقتك بطلال انتهت يعني من
ايش تخافي,, خليه يسوي الي يسويه
مشاعل: بس ساره امس هددني انه راح يطلع فواتيري كلها وراح يجيب رقم طلال
ساره: خليه يجيبه ,,, خلاص ميشو علاقتكم انتهت في ستين داهيه
مشاعل: لا سارونه انا خايفه ع مشعل ,,, ادري طلال يقدر يضره مثل ماسوى فيني ,, طلال
ماعنده قلب وممكن يسوي اي شي
ساره: ميشو مدري ايش اقول لك ,,, بس انشالله ماراح يوصل الموضوع لهدرجه خاصه ان
مشعل اخوك ايش راح يقول لطلال ليش تكلم اختي؟؟؟ مستحيل ياميشو,, صدقيني مشعل راح
ينشغل بزواجه عنك
مشاعل: تتوقعي؟؟؟
ساره: لا انا متاكده انتي بس لاتشيلي هم
مشاعل : الله يسمع منك
00000000000000000000000000000000000000000000000000 00000
ام مشعل كانت تكلم ام ساره
ام مشعل : هلا ام بندر
ام ساره: هلا والله ام مشعل كيفك؟؟؟
ام مشعل: بخير الله يسلمك,, انتي بشري عنك؟؟؟
ام ساره: والله الحمدلله
ام مشعل: ايش دعوى يام بندر ,, يوصل بندر من السفر ولا ادري,, ع الاقل نتحمد له ع
السلامه
ام ساره انحرجت : والله السموحه ياام مشعل لهيت مع الولد,, تدري اني ماشفته من الصيف
الي فات
ام مشعل: قرت عينك
ام ساره: بنبيك
ام مشعل: الحمدلله على سلامته
ام ساره: الله يسلمك
ام مشعل: والله توني اعرف من ساره ,, بس ترى العيال بيكلموا بندر ,, نبي نعزمه ع
العشاء وتعالي انتي وساره ,, وانشالله ابو مشعل بيكلم ابو بندر
ام ساره: والله ابو بندر مسافر وماراح يرجع قبل شهر,, بس ياام مشعل والله ماله داعي
هالعزيمه انشالله نجيكم انا وساره يوم نتقوى عندك ,,, بس ماله داعي الكلافه والعشاء
ام مشعل: لا يام بندر ترى قدر بندر عندنا غالي بغلات عيالي والله ,, مالي شغل فيك ,,
العيال بيكلمون بندر انشالله ,, ان كنتوا فاضين بكره ع العشاء
ام بندر: الي تشوفوه
ام مشعل: الله يحييكم انشالله
00000000000000000000000000000000000000000000000000 00000
ساره هدت مشاعل ورجعت لبيتها,,,واول مادخلت لقت بندر يستناها
بندر: هاه سارونه كيف مشاعل الحين؟؟؟
ساره: الحمدلله احسن
بندر: ليش ايش كان فيها
ساره: تعب بسيط والحمدلله هي احسن
ومع السوالف عرفت من بندر ان مشعل دق عليه يعزمه على العشاء وانهم كلهم معزومين
على العشاء في بيت مشاعل
بندر: سارونه قلتي لمشاعل عن موضوع الدكتور؟؟؟
ساره: لا والله نسيت
بندر: انا محرصك انك تقولي لها وبعدين ساره؟؟؟
ساره: قلت لك اني نسيت المهم بكره انشالله اقول لها
طلعت ساره غرفتها تنام
دقت على منال
منال : وينك اليوم مختفيه؟؟؟
ساره: كنت مشغوله شوي
منال: وليد عندي يبيك
وليد: هلا سارونتي
ساره : هلا حبيبي
وليد : وحشتيني موووووووووت
ساره: وانت اكثر
وليد يعاتبها: وينك اليوم كنت مره قلقان عليك
ساره: كنت والله مره مشغوله
سمعت خط جاها كان صالح اخو فهده يدق ,, ودق دقه وقفل
ساره في نفسها\" بعد دقه ويقفل ,,, الله يصبرني عليك لما اخلص من موضوع طلال\"
وليد: الو
ساره انتبهت له: هلا معاك
وليد: وين معاي لي ساعه اكلمك
ساره: خلاص وليد بلا دلع
وليد : انا زعلان
ساره: اسفه
وليد: لا مايرضيني الا اني اشوفك
ساره : اوكي حبيبي اصلا مقدر ارفض لك طلب
وليد: ياحبيبتي ,, سارونه بكره راح نطلع انا وماجد ومنال نتمشى ,, ايش رايك تروحي معانا
ساره: اوكي
وليد: عمري بس نبيك تلبسي شماغ وثوب راح نطلع ندور
ساره حست بالاثاره: واو طيب ماعندي ثوب وشماغ من وين اجيب
وليد: ولا يهمك احنا راح نجتمع عند منوله واجيب معاي ثوب وشماغ لك
ساره :بس لحظه ابي سكسوكه
وليد :هههههههههههه ولايهمك ونحط لك شنب ابظاي بعد ع قوله السوريين
ساره ماتت ضحك وتحمست مره: هههههههههه الله فله متى يجي بكره
تذكرت ان بكره اهل مشاعل عازمينهم: اووووه لحظه وليد بكره انا معزومه مع اهلي مقدر
وليد: خلاص ولايهمك راح نخليها بعد بكره ع شان خاطرك
00000000000000000000000000000000000000000000000000 00000
باقي اسبوع ع زواج مشعل ,,, وماكان بين مشاعل ومشعل اي احتكاك ,,, كان يتحاشى
يكلمها او يسلم عليها ,,, كان ودها تروح تتكلم معاه ,, ع الاقل توضح الامور,, ماودها
يتزوج وهو زعلان عليها
كانت تلبس لان اهل ساره راح يجوهم
اما سعود كان مشغول بالذبيحه الي وصاه ابوه عليها,, طبعا ذابحين قعود ع شان رجعت
بندر بالسلامه,, كان بندر علاقته باخوان مشاعل رسميه نوعا ما ,, نادر مايشوفهم,,, بس
بحكم ان ام مشعل انسانه اجتماعيه ,, كانت ماتترك احد الا عزمته وتعرفت عليه
دق موبايل سعود
سعود: هلا هنوفتي
الهنوف: هههههههه ايش هالاصوات الي عندك ,,, اصوات مبعات
سعود: ياعيني ع الامبعات خليك حرمه وقولي خرفان
الهنوف: وليش عندك مبعات
سعود: رايح اصور معاهم ,,, اكي رايح اشتري مبعه ع قولتك
الهنوف: ايش تبي بالمبعه؟؟
سعود: رايح اتعطر بريحتها,, يعني ايش ابي فيها؟؟؟
الهنوف: ياي اكيد ريحتك الحين خرفان
سعود: الله ياهنوفتي اذا تزوجنا انشالله بروح سوق الغنم واجيك واضمك واقول لك احبك
الهنوف:هههههههههههه اصلا ماراح ادخلك بيتي وانت بهالريحه
سعود: كويس الي قلتي لي علشان مااكتب البيت باسمك انتي ماتنضمني
الهنوف: هههههههههههههه ,, ماقلت لي ايش تبي بالخروف
سعود: اليوم عندنا ضيوف
الهنوف: مين هالضيوف؟؟؟
سعود: اخو صاحبه اختي توه واصل من السفر وعازمه الوالد
الهنوف: اها ,,, طيب اصحى تاكل من الخروف ,, ترى ماحب اللحم
سعود: الا باكل لما اشبع,, تدري ايش احلى شي احب اكله بالخروف
الهنوف : ايش؟؟
سعود يبي يقرفها : العيون,, امممممممممم اموت فيها طعمها يجنن تحسينها تذوب بفمك
الهنوف : ووووووووووووووووووووووووووع ياوصخ يامفترس باي
طوط طوط
سعود مات ضحك على الهنوف : صدق البنات خكاريه هههههههههههههههههه
وحب يقهرها اكثر وارسل لها مسج
\" حبيبتي ترى انا مقدر ارد عليك لاني الحين رايح اذبح الخروف بيدي وبعدين اصلخه
واتلذذ بشكل الدم اممممممممم انه لذيذ\"
00000000000000000000000000000000000000000000000000 00000
كانت ام ساره وساره وام مشعل ومشاعل بمجلس الحريم
اما بندر ومشعل وسعود وابو مشعل جالسين بمجلس الرجال
ابو مشعل: الا مشعل الماستر الي اخذتها باي مجال
بندر: اداره اعمال
ابو مشعل: ماشالله,, وين ناوي تشتغل
بندر: انشالله اعمال حره ,,,لاني ماحب ارتبط بوظيفه ,,, وخاصه ان الراتب ماراح يعيشني
العيشه الي انا ابيها ,, حبيت ابدا باعمال خاصه فيني
مشعل: وايش نوع الاعمال الحره الي ناويها ,, يمكن نقدر نسوي لك دعايه هههههههه
بندر: هههههههه ,, اذا دعايه مجانيه اوكي
ابو مشعل: هههههههههههههه اجل اذا بتتبع هالاسلوب انشالله كلها سنه وراح تطلع من
اشهر رجال الاعمال
بندر: اي اسلوب
مشعل: القعط((البخل))توك تبيني اسوي لك دعايه بدون فلوس
كلهم:هههههههههههههههههههه
00000000000000000000000000000000000000000000000000
في مجلس الحريم
ساره بهمس: ميشو يسلم عليك اخوي بندر
مشاعل: يسلم علي انا؟؟؟
ساره: ايه وذبحني كل يوم يسال عنك
مشاعل استغربت: الله يسلمه
ساره: ترى شكلك سارقه اخوي
مشاعل استغربت غموض ساره: سارقه من اخوك؟؟؟ ايش سرقت منه
ساره اشرت على قلب مشاعل: هذا
مشاعل انحرجت من مزح ساره الثقيل: سويره
ساره: اف مليت منك انتي وياه ماعندكم الا سويره ,,, اذا سال عنك وماعطيته وجه يقول
سويره بلا بياخه انتي عارفه اني ما انام لحد مااسمع اي اخبار عن ميشو((هذي زياده من
ساره))
مشاعل انصدمت: ساره ترى هالمواضيع مافيه مزح
ساره : وربي ماامزح ,,, ذبحني كل يوم يسال عنك,,, شكلك راح تحرميه من العزوبيه
مشاعل انحرجت من كلام مشاعل
ساره سكتت لما دق موبايلها وكان الي يتصل بندر, استغربت ايش يبي وهو في المجلس
ساره: ميشو جبنا طاري القط جاء ينط,,, هذا بندر دقيقه راح ارد عليه
ردت ساره على بندر
ساره: هلا بندر
بندر: وينك ؟؟
ساره: يعني ويني بالمريخ انا بنفس البيت الي انت فيه,, والا فقدت الذاكره,, ((وطالعت
مشاعل بخبث لانها حست انها جالسه تسمعها))والا علشان انت في بيت حبيبه القلب نسيت
الدنيا))
مشاعل تاكدت ان كلام ساره مو كذب واستغربت ايش ممكن يخلي شاب مثقف ولسى راجع
من السفر والف بنت تتمناه يفكر فيها هي بالذات,, وتذكرت شكله لما كانت ساره توريها
صور لبندر,, كان وسيم ,,, ومافيه شي يعيبه
بندر: اقول ابو محمد لا تنسي الموضوع الي قلت لك
ساره: مين ابو محمد,, اها عندك الرجال وماتبيهم يعرفوا انك تكلمني,, ماعلينا ايش
الموضوع الي ماتبيني انساه
بندر: اي موضوع الله يهديك ,, الي اتفقنا انك تقوله للرجال
ساره عرفت قصده بس حبت تستهبل ترفع ضغطه: انا ماعندي رجال ماعندي الا ميشو
بندر: ايه هذا هو ,, لاتنسى تقول له عن الموضوع الي قلت لك عليه
وقفل
ساره تتنهد:ااااااااااااااااه ياحلو الحب
مشاعل : اي حب؟؟؟
ساره: ابد فيه واحد داق علي وهو في بيتكم يبي يتطمن عليك
مشاعل: سويره تعالي نجلس مع خالاتي ,, انتي ماعندك سالفه
ساره: ميشو ابيك بموضوع كلمني فيه بندر
مشاعل خافت ايش الموضوع الي ممكن يربط بندر فيها: ايش؟؟؟؟
ساره: ممكن نروح غرفتك
00000000000000000000000000000000000000000000000000 00000
كان بندر معاهم ومو معاهم يفكر بمشاعل ,, وكان حاسد اهلها على هالبنت الي تمنى انها
تكون معاه طول العمر ,,, حس انه وده يكسر الجدار الي يفصلهم ويكحل عيونه بشوفتها
00000000000000000000000000000000000000000000000000 00000
كانت ساره ومشاعل بالغرفه
ساره: شوفي ميشو بندر موصيني اقول لك عن دكتور الماني مره كويس ,, يقول انه رئيس
اطباء بمستشفى مشهور مره بالمانيا ,,, وان الدكتور مره شاطر,,,, وانه قريب راح يجي
هنا ,, ويبي يحجز لك بندر عنه
مشاعل تفاجئت ليش بندر مهتم فيها لهدرجه: بس غريبه ليش اخوك مهتم بهالموضوع
ساره: والله تبي الحقيقه مدري عنه,, بس ياميشو انتي اعز صاحبه لي ومقدر اخبي عنك شي
حسيت اخوي لما شافك صار يهتم فيك اهتمام مو طبيعي لدرجه انه يسالني عنك اكثر من
مره باليوم,,, ومن فتره وهو قايل لي عن هالدكتور,,, بس بصراحه انا نسيت,,, المهم ايش
اقول له ترى ذبحني كل يوم يفتح معاي نفس الموضوع
مشاعل: ماتوقع ياساره ,, لان ابوي حجز لي عند دكتور ,,, وماودي اتشوش بين دكتورين
عموما اشكري بندر اخوك بالنيابه عني ,,, وجد مدري ايش اقول لك,, انا مقدره له اهتمامه
بس اسفه انا عطيت ابوي كلمه
ساره : طيب ايش راح يضر لو استشرتي دكتورين؟؟؟
مشاعل: سارونه انا اسفه بلغي اخوك اني مقدر ,,, سارونه مابيني وبين اخوك حاجه نخليني
اقبل ,,, بس جد انا شاكره له
ساره انقرت من مشاعل: ميشو لاتصيرين غبيه ,, اعتبريني انا الي عارضه عليك هالعرض
مو بندر,, معقوله ترفضي هالعرض عشان ماتعرفي بندر؟
مشاعل: لا بس انا خلاص سفرتي بعد اسبوعين ,, ماله داعي اعطي اخوك كلمه بعدين اسافر
ساره: عموما انتي براحتك ,,, هذي حياتك وانتي حره فيها ,,,, بس تذكري ياميشو ترى
العرض موجود اذا تبي اي وقت اقول لبندر من عيوني
00000000000000000000000000000000000000000000000000 00000
بندر كان مع امه وساره بالسياره
بندر: هاه سارونه قلتي لمشاعل عن الموضوع الي قلت لك
ساره: اها
بندر: طيب؟؟؟ وبعدين ايش قالت؟؟؟؟
ساره: رفضت
بندر تغيرت ملامحه: ليش؟؟؟
ساره: تقدر تسالها , بصراحه تعبت وانا اقنعها تقول ماله داعي لان ابوي راح يوديني برا
اتعالج
بندر: بس ماراح يضرها انها تكشف عنده
ساره: والله ايش اسوي لها تعبت معاها
00000000000000000000000000000000000000000000000000 00000
مشاعل كانت بغرفتها تفكر بكلام ساره ,,, واهتمام بندر المفاجئ بها,,, غريبه ايش الي خلاه
يفكر فيها ,,, كانت صاحبه ساره من كانوا صغار ايش معنى الحين يهتم فيها
مشاعل بنفسها\" وين راح تفكيرك يامشاعل , اكيد الاحساس الي يحس به الشفقه ,,, انا
بالنسبه له بنت تحتاج مساعدته,, ومستحيل اسمح لاحد يشفق علي,, مستحيل,, وين راح
تفكيرك يامشاعل ؟؟؟ ممكن تتخيلي انك تنحبي او تحبي,,, مستحيل احب لاني مقدر اشوف
الانسان الي راح احبه,, ومستحيل اني انحب لاني ببساطه مقدر اقدم للانسان الي يحبني اي
شي كيف خطر على بالي انه ممكن يكون معجب فيني \"
00000000000000000000000000000000000000000000000000 00000
في بيت ساره
ساره كانت في غرفتها تكلم صالح
ساره: اقول صلوحي ودي اطلب منك خدمه
صالح: يلعن ام الي مايسويها لتس ,, انتي اطلبي بس
ساره: حبيبي فيه واحد يهددني انه راح يفضحني عند اخوي
صالح عصب: وينه عطيني مكانه وانا اوريتس فيه,, اذا ماشوهت وجهه ماكون صويلح
ساره: لالا انا مابي اشوهه,, ابي ادخله السجن
سكتت تنتظر رده فعل صالح
صالح: ايش تبي القضيه بس ,,, قتل ,,, مخدرات ,,, سرقه,, اشري بس
ساره ماتوقعت انه مجرم لهدرجه علشان كذا لما فهده تجي الجامعه وجسمها ازرق اكيد من
ضربه باين عليه متوحش ومجرم زين الي ماقتلها للحين
ساره: لا ابيه يدخل السجن بقضيه مخدرات
صالح: ايش سيارته؟؟؟؟ ووين القاه
ساره: شوف انا راح اوصف لك المؤسسه حقته واقول لك السياره وعليك الباقي
صالح خاف: عنده مؤسسه
ساره خافت صالح يغير رايه: لا لا مو مؤسسته ,,, هو يشتغل فيها
صالح: وايش سيارته؟؟؟
ساره: بنتلي
صالح: ايش بنتلي ذي؟؟؟؟
ساره: نوع من انواع الروز
صالح: روز ,, من هذا الولد اذا كان ولد ناس فكينا ترى انا مو قد عيال الناس
ساره كانت تعطيه جوه : لا انت قدهم لاني اعرف انك رجال وقدها ,,, ولو عندي شك
برجولتك ماطلبت منك هالطلب,, بعدين هو مو ولد ناس ولاشي ,, اما السياره صاحب
المؤسسه هو الي عطاه هالسياره
صالح: حلو طيب وين مكان المؤسسه ,,, ومتى نبدا الشغل ووين البضاعه
ساره: صلوحي ودي انت تدبر لي البضاعه وترى ماعندي الا 2000 يعني دور لي شي على
قد المبلغ الي معاي
صالح: ولا يهمك ,, انشالله بكره بالليل ارد لك
ساره: خلاص اتفقنا لاتنسى لاني هالاسبوع ابي كل شي خالص
سكتت لما سمعت احد يطق على باب غرفتها
ساره: مين
بندر: انا بندر
ساره بهمس: اوكي صالح بكره اكلمك اخوي جاء
فتحت الباب لبندر
بندر: مانمتي
ساره: لا لسى
بندر: سارونه كنت ابي اكلمك شوي
ساره : تعال ادخل
دخل بندر وبدوا يتكلمون على موضوع السفره لايطاليا
بندر: انا ماتوقع اروح معاكم هالصيف
ساره: ليش بندر
بندر: يعني اشغال
ساره: حرام بندر والله وناسه تعال معانا
بندر: يمكن الحقكم بعدين
ساره: ياليت بندر حسافه ماتجي معانا
بندر بتردد: سارونه كنت بسالك عن مشاعل
ساره تطالعه بتفحص: ميشو ,, ايش فيها
بندر: لو .... امممم .. ماعرف شلون اقولها لك... بس ممكن اكلم صاحبتك مشاعل
ساره انصدمت من جرات اخوها : بندر ترى انت جالس تتكلم عن صاحبتي؟؟؟
بندر: لاتفهميني غلط,, انا مو قصدي ان يكون بيننا علاقه,,,انا ودي اقنعها بموضوع الدكتور
بصراحه متضايق علشانها ومو قادر انام
ساره : بس بندر ماتوقع ترضى تكلمك,, بعدين هي ماعندها موبايل,, كيف راح ادق عليها
بندر: طيب بكره كلميها وقولي لها اني ابي اكلمها حاس اني اقدر اقنعها
ساره بنظره خبث : بندر متاكد انك تبي تكلمها بس علشان الدكتور
بندر ارتبك: ساره ترى ماحب هاللهجه
00000000000000000000000000000000000000000000000000 00000
كانت ساره تلبس لانها راح تطلع مع منال ووليد وماجد يتمشوا,, خافت من بندر لانه اكيد
راح ينشب لها مثل كل مره يشوفها طالعه
وحمدت ربها انه ماكان موجود,, استأذنت من امها وطلعت
وهي في الطريق لبيت منال قررت ترحم حسين وترد على مكالماته
حسين: سارونه والله انك بايخه ,, انتي عارفه اني قلقان على ميشو ولا تردي علي
ساره: ايش تبيني اسوي ماعندي الا انت؟؟؟
حسين: سارونه تكفين خليها تكلمني اليوم
ساره: ميشو اكتشفها اخوها مشعل انها تكلم طلال
حسين منصدم: شلوووووووووووون؟؟؟؟؟؟؟؟؟
ساره: كانت كاتبه لي رساله لما كانت في المستشفى ومن ظمن الرساله مذكور اسم طلال
وطبعا قراها مشعل
حسين: مسكينه وايش سوت؟؟؟؟؟؟؟؟؟؟؟
ساره: اخوها صار يشك فيها مره
حسين: طيب طلبتك سارونه روحي عندها ابي اسمع صوتها
ساره: انا مشغوله انشالله بكره امرها
حسين: وعد
ساره : انشالله
ووصلت ساره لبيت منال وشافت السياره الي ياجروها وليد وماجد داخل البيت وكانت مظلله
كلها
دخلت وقالت لسواقها يمرها 12 بالليل
لما دخلت لقت وليد ينتظرها
وليد: هلا والله بحبيبه قلبي
ساره استحت: هاي حبيبي
منال تطل على ساره وكانت لابسه ثوب وكان ماجد مشغول يرسم لها السكسوكه
ماجد: ياحماره قلت لك لاتتحركي كذا ماراح اضبطها لك
منال: طيب لاتصارخ
ساره ووليد: هههههههههههههه
وليد يبتسم : هاه حبيبتي مستعده للتنكر
ساره مستحيه: اوكي
وليد عطاها ثوب: اكيد راح يكون كبير وطويل عليك بس مشي الحال انتي ماراح تنزلي من
السياره
ساره: اوكي ثواني
دخلت غرفه وغيرت ,, وطلعت لهم وهي بالثوب بس كانت متعذبه مو عارفه تلبس الشماغ
منال : الله شكلك خطير
ماجد: اي خطيره تذكرني بالاولاد الي اول مره يلبسوا شماغ هههههههههههه
وليد: لو سمحت لاتغلط على حبيبتي
ماجد: مالت عليك انت وحبيبتك ,, زي منوله مافيه
ساره: ايه مره,,,, خاصه اني لما شفتها بذاك اليوم بغيت انجن من قبحها
منال: قبح بعينك نشوف اليوم من يرقم بنات اكثر انا او انتي
ساره: اوكي تحدي
منال: تحدي
ماجد: اسمعوا الي منكم ترقم لي بنات اكثر بعزمها ع العشاء
منال طلع من خشمها نار من التعصيب: ماااااجدوه
ماجد: امزح بسم الله
جلست ساره عشان تسمح لوليد انه يرسم لها شنب ابظاي ع قولته وسكسوكه
ساره: وليد مابي سكسوكه ابي تسوي لي ديرتي فيس
وليد: ههههههههههههه انشالله
كانت مرتبكه لقرب وليد منها وتمنت انه ينتهي بسرعه
00000000000000000000000000000000000000000000000000
مشاعل كانت في الصاله لوحدها جالسه لان ام مشعل معزومه عند وحده من الجيران ,, اما
ابوها كان طالع,,, وسعود ع قولته طالع يشوف الهنوف ,, اما مشعل كان بغرفته ,, كان
يتحاشى يجلس معاها,, تشجعت تطلع له غرفته تعتذر منه
وصلت غرفه مشعل طقت الباب
مشعل: نعم
مشاعل : مشعل ممكن تفتح ابيك شوي
مشعل فتح الباب وكان ساكت
مشاعل: مافيه تفضلي؟؟
مشعل: الباب مفتوح اذا تبي تدخلي ادخلي
مشاعل: مشعل ماعرف ايش اقول لك ولاادري من وين ابدا ,,, لكن انا ماجيت انكر الي
قريته ,,, انا جايه افسر لك واشرح لك الكلام الي فيالرساله ,, وجيتي لك وتفسيري له
سببين((وسكتت))
مشعل:..............
مشاعل: ماتبي تسالني ايش السببين؟؟؟
مشعل: انا اسمع اذا تبي تتكلمي
مشاعل عرفت انه مو رايق بس هذي فرصتها الوحيده علشان تكلمه لان مافيه احد بالبيت
مشاعل: السبب الاول اني ابي اصارحك علشان زواجك قريب ومابيك تروح وانت زعلان
مني اما السبب الثاني فلاني احبك وانت اخوي ومن حقك اني افسر لك الي صار
مشعل: ....................
مشاعل: مشعل انا فعلا كنت اعرف واحد اسمه طلال,,, بس مو بالشكل الي انت تتخيله ,,
يعني ماكان بينا شي ممكن يخليك تخجل من اني اكون اختك ,, مشعل كانت علاقتنا برئيه ,,
كانت علاقه حب ,,, بس ماتتعدى التلفون ,, صدقني يامشعل,,, حتى طلال ماكان يطلب مني
انه يشوفني,, مشعل صدقني انا ندمانه قد شعر راسي على الي سويته واظن انت تشوف
بعينك ايش صار لي وهذا سبب كافي علشان مافكر رجع لطلال
مشعل:كيف عرفتيه
مشاعل: اعطاني الرقم
مشعل : ومن متى تاخذي ارقام؟؟؟؟
مشاعل: اول مره واخر مره((كنت تبي تهدي الوضع ماتزيده سوء))
مشعل: وايش الي خلاك تاخذيه
مشاعل: مشعل يمكن كنت احس بالوحده,, يمكن احساسي بالطفش مدري يامشعل بس المهم
اني كلمته ,, بس صدقني هذي اخر مره افكر اني اكلم فيها,,وترى مو سهل علي اني اجي
لحد عندك واعترف لك,,, بس اتوقع الي صار لي يخليني افكر الف مره قبل اكلم اي واحد
مشعل: وليش حاولتي تنتحري ,, ايش سواء لك ,, ايش الشي الي سواه وخلاك تفقدي الامل
بالحياه
مشاعل: لاتخاف يامشعل ماصار شي من الي تفكر فيه,, بس انا كنت .... ((وسكتت))
مشعل: كنتي ايش؟؟؟؟؟؟
مشاعل حاولت تمنع دموعها بس كانت دمعه اقوى من ان تحبسها: مشعل .. انا كنت احبه
وانصدمت لما عرفت انه يكذب علي,,, وصدقني هذا الشي الحلو بعلاقتي فيه ,, لاني عرفت
ان مافيه شي بالدنيا اسمه حب ,, وهالشي راح يخليني مافكر اتعلق او اتعرف على احد
مشعل ابيك تتزوج وانت متطمن ان اختك مستحيل تغلط نفس الغلطه,, وانا اشكرك يامشعل
انك ماطلعت الموضوع
كانت راح تطلع من الغرفه بس قبل ماتطلع وقفت وقالت له وهي معطيته ظهرها :مشعل الله
يخليك سامحني ,, لاتحسبني مو ندمانه على الي صار ,,, انا خسرت اغلى ماعندي يامشعل
وانتم نايمين انا مايهناني النوم كل يوم اتذكر الي صار وتهوري,,, وابكي عيوني الي
خسرها كل لحظه وكل دقيقه,, لاتزيد يامشعل همي هم
وتركته واتجهت لغرفتها ,, بس كانت يد مشعل اسرع ومسكها
00000000000000000000000000000000000000000000000000 00000
كانوا مشغلين اغنيه احلام اقسم لك بربي قسم
وكانوا فالينها رقص وكان وليد هو الي يسوق ومعاه ساره قدام ,, اما ماجد كان وراء وجنبه
منال ,,, وكانت السياره مظلله ,,, اما الناس الي برا السياره كانوا يشكوا ان في السياره
حفله دي جي لانهم مايشوفوا الا السياره تهز ويسمعوا صوت الاغاني مع ان الشبابيك
مسكره ,,, شلون الي جوا السياره مستحملين الصوت
ساره كانت فالتها من جد ,, مافيه الا قوت رقص ,, كانت منهبله وحطت موبايلها ع
السايلنت علشان محد يزعجها
وليد يبي يهيضها: وراء ,, عااااشت سارونه
وهي ترقص من جد متحمسه ,,,, ومافيه الا هز بالشماغ
وليد: عااااااااااشت ,, العب العب
وعلى هالوضع لما وقفوا عند سياره جمس مليانه بنات
ماجد: يله بنات كل وحده تفتح شباكها ونشوف مين منكم راح ياخذوا رقمها
كان مع ساره معروض مكتوب فيه رقم خاص لساره((رقم الغزل))
اما منال فكان معروضها عباره عن رقم وهمي
فتحت منال شباكها الي وراء وطالعت البنات بنظره مسويه بتدوخهم,, ورفعت المعروض
وكانوا البنات يطالعوا بقرف
ساره: اقول قفلي شباكك لاتنحشي البنات وشوفي انا ايش راح اسوي
ماجد ووليد: ههههههههههههههه
فتحت ساره شباكها ,,, ومسويه انها بروس ويلس على غفله لوووووووووووووووووول
لما طالعوها البنات كانوا مشككين بوضعها ,,, كأنها بنت وكأنها ولد واخذوا رقمها ودقوا
عليها علطول وهم بالاشاره
البنات: الو
ساره: هاي
البنات ماتوا ضحك: والله كنا شاكين انك بنت
ساره: ههههههههههه هاه كيف اصلح ارقم
البنات: تجنني
الاشاره فتحت وكان واحد يضرب بوري لوليد ع شان يمشي لانه ساد عليه
سوت حركه ساره انصدموا منها وليد وماجد ومنال ماكانوا يتوقعوا انها بتصير جريئه
لهدرجه
طلعت راسها من الشباك وصرخت ع الي يضرب بوري وبصوت خشن : ياحمار لاتضرب
بوري ازعجتنا
وليد وماجد ومنال: هههههههههههههههههههههههههه
00000000000000000000000000000000000000000000000000 000000
مشعل: مشاعل سامحيني ,,, انا المفروض ماضغط عليك وانا عارف ضروفك,, مشاعل انا
اثق فيك وادري انك لما تقولي كلمه تكوني قدها,,, مشاعل انا راح انسى كل الي صار بس
ابيك توعديني انك ماتفكري تسوي هالشي مره ثانيه وتنسي واحد اسمه طلال
مشاعل : لو فكر او حن هذا ((اشرت على قلبها)) هذي ماراح تنسى تكره ((اشرت على عينها))
00000000000000000000000000000000000000000000000000 0000
ساره : اف خلاص شباب ملينا الساعه 11 وسواقي راح يجي 12 خلونا نرجع
منال: يوه سارونه بدري
ساره: اي بدري اخوي دق علي مليون مره واخاف الحين انجن
وليد: ماعليك منهم ثواني ونكون بالبيت
واتجه وليد للبيت وكان شارع التحليه مره زحمه
ماجد: ياغبي كان رحت مع طريق الملك عبدالعزيز اقل زحمه
وليد: ياخوي انا كنت بروح مع طريق الملك فهد,, ومالي الا هالشارع علشان اوصل له
ماجد: يووووووه ايش هالزحمه شكل الاشاره خربانه
وليد: دقيقه خلني اشوف مخرج مع الحاره
ماجد: لامافيه مخارج خلاص مافيه الا بعد الاشاره
انتظروا 10 دقايق وهم في وسط الزحمه وكانت ساره مرتبكه لانها تاخرت وخافت السواق
يوصل قبلها
وليد: الحمدلله بدت تخف الزحمه((وسكت لما شاف شي قدامه ))
وليد :يا الله تفتيش مو وقته ابد
ماجد: يالله الحين راح ينزلونا ويقولوا فكوا التضليله
ساره خافت: ليش ينزلونا,, وايش دخل التضليله
وليد: لان التضليل ممنوع
ساره: طيب ايش راح يسوي لنا؟؟
وليد: ولا شي بس بيكتب مخالفه ويقول فكوا التضليله
ساره: وانشالله هالتضليله متى تنفك
وليج: لاتخافي حبيبتي ماراح تاخذ اكثر من 10 دقايق ,, وانشالله مايقول لنا فكوها يكتفي
بالمخالفه
واخيرا وقفوا عند التفتيش,, طمرت ساره وراء وجاء ماجد قدام
الضابط: افتح الشابك
وليد: سم طال عمرك
الضابط: ليش مضلل انت ماتدري ان التضليل ممنوع
وليد: اسفين طال عمرك ,,, انشالله اليوم افكها
الضابط: انزل فكها الحين
وليد: ياطويل العمر انا مستعجل الوالد تعبان بالبيت وبروح له ,, واذا شفت السياره مره
ثانيه مضلله راح انزل افكها
الضابط: لك ساعه تدور هنا وتو ابوك يمرض,,, هات الرخصه والاستماره
ماجد تدخل: طال عمرك خلنا نمشي وانشالله راح نفكها اوعدك
الضابط يتجاهل ماجد: انت هات الرخصه والاستماره
هنا وليد طلع رخصته وعطاها الضابط
الضابط: الاستماره
وليد عطاه الاستماره
الضابط: بعد السياره مستاجره ومضللينها بعد ,, انزل فك التضليله
وليد حب يقصر الشر ونزل يفكها
الضابط يكلم ماجد: البطاقه
ماجد طلع بطاقته للضابط ولما شافها : انزل فك التضليله معه
نزل ماجد لانهم يبوا يرجعوا بسرعه عشان ساره
ساره كانت تحس دقات قلبها مثل الطبول من الخوف خاصه لما شافت راس الضابط يطل
عليها ويقول لها: انت عطني البطاقه
منال خافت ينكشفوا وحاولت تغير صوتها وكانها رجال: ياطويل العمر نسينا البطاقه بالبيت
الضابط يطالعهم بتفحص: وايش تسوي بطاقاتكم بالبيت
منال: كنا طالعين مشوار قريب ونسينا البطاقات
الضابط طلع راسه ورجع لماجد ووليد وهنا تطمنوا منال وساره ,, اشواء مااستقعد
وفجاءه فتح الضابط باب السياره الي ورا مكان ماكانوا جالسين ساره ومنال وقال لهم شي
خلى ساره ودها تموت الحين
ايش قال لهم الضابط ؟؟؟؟ وايش راح يصير ع ساره ومنال؟؟؟ في الجزء الجاي راح
نعرف انشالله
ايش ممكن يكون سر هالاتصال؟؟؟؟؟؟
وايش الكلمه الي قالها لمشاعل والي كانت نتيجتها انه اغمى على مشاعل مع انها بنت قويه
وماتنهز بسهووووووله؟؟؟ كل شي راح يتوضح بالجزء الجديد والي فيه تغيرات كثيره
على حياه مشاعل يمكن تكون للاسواء وممكن للافضل
الجزء الثامن عشر
صحت مشاعل بدري يمكن الفرحه خلتها ماتقدر تطول بالنوم ,,, وكانها تنتظر الدقايق والثواني وتحسها سنوات
مشاعل في نفسها\" يالله متى راح اسافر متى\"
نزلت بالصاله ونادت الخدامه ع شان تصلح لها فطور
سمعت صوت التلفون ,, كان اتصال خارجي,,,, قامت ترد
مشاعل: الو
: السلام عليكم
مشاعل: عليكم السلام
: لو سمحتي الاخ سعود موجود؟؟؟
مشاعل ماعجبها صوت الي متصل واسلوبه: نايم ,, دق ع موبايله
: مايرد ,, اختي ابيه ضروري ممكن تصحيه
مشاعل خافت من نبره صوته:انا اخته ممكن اعرف ايش فيه لانه نايم ومقدر اصحيه
مشاعل طاح منها التلفون واغمى عليها بعد ماسمعت الي قال لها المتصل
00000000000000000000000000000000000000000000000000 00000
فهده وعبدالمجيد كانوا في السياره راجعين من السفر,, وكان عادل اخو عبدالمجيد هو الي اخذتهم من المطار
عادل : هاه كيف ماليزيا انشالله حلوه
عبدالمجيد: والله مره حلوه ولو ان الجو حر فيها
عادل: اشوفكم طولتوا قلت اكيد الولد صار ماليزي وغير جنسيته هههههههههههههه
عبدالمجيد: ههههههههههه ايه عاد الماليزيين نفس الوجه ,,, كان ما افرق بين وجهي وجه فهده ,, اصحى الصبح
اطالع فهده احسبها انا واقف قدام المرايه ههههههههههه
فهده وعادل: ههههههههههههههههههه
عبدالمجيد: اقول كيف امي وابوي
عادل: الحمدلله امي راح تجن تبي تجي معاي على المطار
عبدالمجيد: الله يطول بعمرها
كانوا متجهين لبيت اهل عبدالمجيد لانهم راح يسكوا عندهم
بعد ماسلموا على اهل عبدالمجيد نزلوا شناطهم
فهده: اقول عبدالمجيد ابي اسلم على امي
عبدالمجيد: انشالله الحين خلينا ننام ونرتاح وانشالله اوديك
الجزء التاسع عشر
في بيت مشعل كان مشعل ونجود جالسين
مشعل دق موبايله
مشعل: هلا والله بندر
بندر: هلا بالقاطع
مشعل: اهلين ومرحبتين واحد كاش وواحد دين,, واحد على الراس وواحد على العين
بندر: هههههههههه مشالله صاير شاعر
مشعل: هذا من تاثير الاشرطه الي نسمعها هههههههههههه
بندر: ههههههههههه,, اقول مشعل بغيتك بسالفه اذا فاضي اليوم ودي امرك
مشعل: حياك
بندر: امرك ببيت الوالد الله يرحمه والا ببيتك؟؟؟
مشعل: الي يريحك
بندر: اجل خلني امرك ببيت الوالد لان ودي سعود يكون موجود
مشعل استغرب ايش السالفه : حياك ننتظرك بعد صلاه المغرب
بندر: انشالله على خير
مشعل: فمان الله
بندر: فمان الكريم
مشعل بعد ماقفل:غريبه يانجود هذا بندر ,,, داق يبيني بموضوع الله يستر
نجود:طيب عادي يمكن يبي يسلم
مشعل:ماظن قال ابيك بسالفه وابي سعود يكون موجود
نجود:عادي حبيبي يمكن زياره عاديه
مشعل:لا ماظن يانجود
نجود:انشالله مافيه الا الخير انت لاتفكر بس
مشعل:راح ادق على سعود لايرتبط باحد
مشعل دق على سعود
مشعل: سعود ايش عندك اليوم؟؟
سعود: ولا شي,,, من شوي كلمني بندر يقول بيجي بعد المغرب
مشعل:ايه دق علي انا بعد ,, الله يستر ماقال لك ايش يبي
سعود: ياشيخ الرجال مايجي منه الا كل خير,,,, وعلى قوله المثل ياخبر الضهر بفلوس المغرب يبأأ ببلاش ,,, ويقول المثل الميه تكذب الغطاس ,,, ويقول بعد الي مايشتري يتفرج,,, ويقول المثل بعد خذ حبه واحصل على ثلاث مجانا ويقول بعــ..
قاطعه مشعل: بس بس وقف ازعجتني انت وامثالك المعفنه ,, اقول ماتدري عن ميشو اذا عندها خبر بالموضوع
سعود: ودي اعرف ليش مشغل نفسك؟؟تلقاه جاي يسلم ,, المهم ترى ابو سليمان ازعجني يبي فلوسه
مشعل:تبيني اسرق يعني؟؟؟
سعود:لا ماقلت نسرق بس ع الاقل خلنا نكلم عمي يمكن يسلفنا
مشعل:عمي عارف بوضعنا المادي الحين ,, ولو عنده نيه يساعدنا كان ساعدنا ,,, مانبي ياسعود نذل نفسنا لاحد
سعود: اذا انشالله صارت اخرتي انا وياك بالسجن خل كرامتك تنفعك
مشعل: فالك ماقبلناه,, انشالله ماتوصل لهدرجه ,,, المهم لاتطلع ترى الرجال راح يجي
وقفل مشعل من سعود
نجود: حبيبي ايش صار بموضوع بيتنا؟؟
مشعل: والله مدري ايش اقول لك يانجود
نجود: قول انك موافق نبيعه
مشعل: اذا كان هالشي يسعدك انا موافق
نجود: اوكي اجل بكره راح اجهز اغراضنا علشان نروح بيت خالتي
مشعل: بهالسرعه؟؟؟
نجود: ايه خلنا نطلع بسرعه علشان تلحق تلقى مشتري للبيت
00000000000000000000000000000000000000000000000000 0000
ام فهده: هاه صويلح ماتبي تعرس اخطب لك؟؟
صالح: لايمه ,, ايش ابي بالعرس ,, اجيب حرمه تغثني؟؟؟
ام فهده: ياحبيبي هذي سنه الحياه ,, وبعدين منهي هالحرمه الي راح تغثك وانا موجوده والله لعلمها السنع
صالح: ايه يمه اذا انتي راح تربيها ,, انا مستعد اتزوج
ام فهده: ولا يهمك ياوليدي ,,, انت اعرس وانا اربيها لك اخليها تمشي ع العجين ماتلخبطه
صالح: اجل يمه اخطبي لي ذيك المزيونه صديقت فهده
ام فهده: من قصدك مشاعل؟؟؟
صالح: مدري ايش اسمها يمه
ام فهده: لا ايش نبي بها ,, ماتشوف عمياء ياوليدي ,, ابي لك وحدتن تشوف
صالح انصدم: عمياء؟؟؟؟بس انا شايفها تمشي وتشوف طريقها , ,لما رحتي انتي وفهده لبيت صديقتها
ام فهده تتذكر: ايه قصدك ساره
صالح: يمه مدري ايش اسمها
ام فهده : ايه ياوليدي هذي بنيه زوينه,, اجل بدق ع فهده تعطيني رقم امها ,, واخطبها لك
صالح: ايه يمه تكفين ترى البنت حلوه مره,, بس يمه ابيك تربيها زين لان شكلها ماتربت
ام فهده: ايه لسانها طويل يبي له قص,, بس انت اصبر لما توافق ,, واتركها لي
صالح: كفو
00000000000000000000000000000000000000000000000000 00000
في مجلس بيت ابو مشعل
مشعل: حيا الله بندر
بندر: الله يحييك,,, وانا اعتذر منكم ان كنت عطلتكم عن اشغالكم
مشعل: لا وش دعوى البيت بيتك
بندر: الله يطول بعمرك ,,, بصراحه الموضوع الي جاي اكلمكم فيه يخص مشاعل
سعود مستغرب: مشاعل
بندر: ايه,,, طبعا انا عرفت بالصدفه من اختي ان مشاعل ماتشوف من اثر حادث وان الدكتور قال لكم ان عمليتها نسبه نجاحها جدا ضئيله
مشعل: صح
بندر: وانا بصراحه اعتذر منكم اني تجرات واخذت تقرير الدكتور وعرضته على دكتور خبير بالمانيا ,,, والحمدلله طمني ان العمليه باذن الله سهله ,,, وبصراحه انا عز علي بنت بهالسن لها امل بعمليه وماتسويها وحبيت اساعد اذا هالشي مايضايقكم
سعود ومشعل انصدموا باهتمام بندر بمشاعل
بندر خاف انهم يرفضوا علشان الاوضاع الماليه وحب يفهمهم ان العلاج راح يكون مجانا
بندر: عموما الرجال ينتظر مني اتصال ,,, لان علاج مشاعل راح يكون ع المستشفى ,, وراح يتكفلوا بكل شي من دخولها للمستشفى لما تطلع
مشعل: بصراحه مدري ايش اقول لك انت فاجئتنا
سعود: يابندر والله انك من اصل طيب,,, انت ماتركتنا من وفاه ابوي ,,, والحين جاي تساعد مشاعل,,, بصراحه احترنا كيف نشكرك
بندر: اذا تبو تشكروني ,, وافقوا انتم وبعدين اقنعوا مشاعل تقبل((كان يبي يوهمهم ان مشاعل ماتدري علشان مايشكوا ان بينهم شي))
مشعل: والله احنا منيتنا ان مشاعل ترجع تشوف ,, بس انا خايف اننا اول شي نتعبك ونكلف عليك,,, واخاف مع هذا مشاعل تسوي العمليه وماتنجح وبعدين تتعب نفسيتها
بندر: من ناحيتي انا لاتخافوا علي ,, انا ماراح ادفع شي من جيبي ,, وانتم كمان ماراح تدفعوا شي ,,, يعني ليش مانخاطر,, اما مشاعل انشالله راح تنجح العمليه ,, وحتى لو مانجحت لاسمح الله مع ان هالشي مو وارد,, بس ع الاقل نكون حاولنا ,, والا انتم يرضيكم حالها ووضعها كذا؟؟
مشعل: لا اكيد مايرضينا,, بس انت فاجئتنا يابندر
بندر: ادري والله بس انا ماقدرت انتظر خاصه ان الفرصه جتني ,, قلت اقول لكم,,وعموما انتم فكروا وبلغوني اذا مشاعل وافقت من بعد اذنك طبعا
00000000000000000000000000000000000000000000000000 000000
مشاعل كانت في غرفتها ميته خوف ,, خافت اخوانها يشكوا فيها
دق موبايلها وكانت نغمه بندر
مشاعل: الو
بندر: هلا ميشو
مشاعل: طلعت؟؟؟
بندر: ايه الحين طلعت ,, بس اسمعي مثل ماوصيتك ,, كانك ماتعرفي شي اوكي
مشاعل: اوكي بس بندر انا مره خايفه ,, اخاف يشكوا فيني واخاف مايوافقوا
بندر: مستحيل مايوافقوا لاني حسيت انهم فرحوا بهالخبر
مشاعل : انشالله
سكتت لما سمعت صوت ع الباب
مشاعل بهمس: بندر بعدين اكلمك اخواني عندي
وقفلت
مشاعل: ادخل
مشعل وسعود: السلام عليكم
مشاعل: عليكم السلام
سعود: ممكن ياقمر ننشب لك شوي؟؟
مشاعل: ههههههه تنشبوا لي
سعود: ايه نبي نسولف معاك شوي
مشاعل: اكيد بدون ماتستاذنوا
مشعل: ميشو ايش رايك بسفره حلوه لالمانيا؟؟؟
مشاعل كانت ودها تنفجر من الضحك ع اخوانها الي يحسبوها ماتدري عن شي
مشاعل: لا مابي
وطبعا كان سعود ومشعل يحاولوا يقنعوها تسافر ,, وبعد ساعه من الاقناع اقتنعت مشاعل,,, وقرروا انهم يبلغوا بندر عن رايهم,,, وقرروا بعد ان سعود هو الي راح يروح مع مشاعل,, لان مشعل اول شي صعبه يروح ويترك زوجته ,, وثانيا الشركه ومشاكلها سعود مايقدر يتحملها
00000000000000000000000000000000000000000000000000 00000
فهده تكلم امها: هلا ماما كيفك وكيف صالح؟؟؟
ام فهده: بخير جعلتس بخير,,, وصالح يسلم عليتس سلام كثير
فهده استغربت حنيه صالح : الله يسلمه
ام فهده: ماتقولين اجي ازور امي ,, ولا اسير عليها
فهده: لا يمه انا كنت راح اجيكم انشالله اليوم ,, خاصه وان عندي خبر حلو
ام فهده: وش هالخبر الزين رجلتس شرى لتس بيت,, والى كتب لتس شين باسمتس؟؟؟
فهده: لا يمه شي احلى واكبر
ام فهده شهقت: شرى لتس قصر؟؟؟؟؟
فهده: يمه اكبر معنويا مو ماديا
ام فهده: وش تقولين انتي ,,, انتي من يوم خذتي هالرجل وانا ماعرف حتسيتس
فهده: يمه خليها مفاجاءه لما اجيكم اليوم انشالله
ام فهده بطفش: ايه طيب بس لاتبطين ,, تراني ابيتس بموضوع
فهده خافت: يمه ايش فيه؟؟؟
ام فهده: ابد يابنيتي ,,, اخوتس يبي يخطب
فهده فرحت: من جد ماما الف مبروك
ام فهده: انا قلت بيخطب ماقلت تزوج
فهده بنفسها الله يعين الي بتاخذه: طيب ماما انشالله ماراح اطول
00000000000000000000000000000000000000000000000000 00000
ام مشعل : انشالله ترجعي من السفر بالسلامه , وانشالله ترجعي تشوفي احسن من اول
مشاعل فرحانه: انشالله ماما
الكل انصدم مشعل وسعود وام مشعل حتى مشاعل نفسها انصدمت ,,اول مره تتجرء وتقول لاحد ماما بعد ما امها ماتت
يمكن الفرحه لخبطتها,, انحرجت وطلعت غرفتها,, وهي بنص الدرج سمعت ام مشعل تبكي,, ونزلت لها مره ثانيه
مشاعل: خالتي ايش فيك تبكي؟؟
ام مشعل تبكي: اول مره اسمع منك هالكلمه ,,, جعلك سعيده بالدنيا والاخره يابنيتي,, كنت اتمنى هالكلمه من زمان تطلع منك,, وانا استحيت اطلبك تقوليها ,,, لاني حسيت ان مافيه احد يحل مكان امك,, مع اني والله احبك ,, ولو عندي بنت ماحبيتها كثر ماحبك
مشاعل بكت من كلام ام مشعل: يشرفني ياخالتي انك تكوني ماما
سعود كان فرحان بتطور الامور ,, حس ع الاقل ان الامور بدت تتحسن
اما مشعل كانت دمعه من عينه تاخذ طريقها لخده ,, تاثر بالموقف ,,, وتاثر بالحب الي بين امه ومشاعل,, اول مره يشوفهم متاثرين لهدرجه
ام مشعل: الله عوضني بفقده ابو مشعل ,, بهالكلمه يامشاعل, لاتحرميني منها الله لايحرمك الجنه
مشاعل بكت من قلبها,, ماكانت تتوقع اثر هالكلمه كبير لهدرجه
مشاعل: صدقيني محد يهون علي موت بابا ويخفف علي احزاني الى انتي يا .. ماما
ام مشعل ضمت مشاعل بقوه وبكو الثنتين
هنا دخلت ام سلطان
ام سلطان: ياحرميه ,,, رجعوا لي فلوس عيالي
مشعل: اي فلوس ؟؟؟ايش تتكلمي عنه
مشاعل: مشعل لا تكلم هالاشكال,, وبعدين انا قلت لك روحي للمحاكم لان مالك شي عندنا
سعود: اي محاكم واي فلوس ايش القصه
ام سلطان: ماتدري ايش فيه ,,, سارقين فلوسي وتقولوا ايش صاير,,, ابي ورثي وورث عيالي الحين
مشعل عصب منها: ام سلطان تدلي الباب والى ادلعك,, وياليت اخواني يجوا عندنا لاننا راح نقدر ناكلهم ونشربهم,, اما انتي اطلعي برا وتدبري شؤنك برا بيتنا
ام مشعل: مشعل عيب عليك
مشعل: ماتسمعي ايش تقول؟؟؟؟
ام مشعل: عيب عليك ياام سلطان انتي حرمه كبيره والمفروض تكبري عقلك ,,, انتي عارفه ان ابو مشعل خسر كل فلوسه من وين نجيب لك الورث,, وبعدين المحامي راح يبين لكل واحد الي له والي عليه,, ومو معقوله احنا بس المسؤلين عن دفع ديون الشركه ,,, المفروض انتي بعد تدفعي معانا
ام سلطان : طيب انا اوريكم
وطلعت معصبه ودخلت بيتها وسكرت الباب
سلطان: ماما ايش فيك معصبه؟؟؟؟
ام سلطان: انقلع عن وجهي
فهد: ماما ابي اروح صاله التزلج مع اصحابي
ام سلطان: روح وانا ايش دخلني
فهد: ماما ابي فلوس ما معاي
ام سلطان: روح قول لاخوانك يعطوك انا ماعندي شي
قفلت ع نفسها غرفتها وطالعت نفسها بالمرايه
ام سلطان: ااااااااه يالقهر ,,, هالشايب مالقى يموت الا الحين,, كنت ناويه اسافر اسوي لي كم عمليه تجميل,, لازم اسوي شد لوجهي احسه بدا يترهل,, ولازم اسوي شفط دهون لبطني ,, من بعد ماجبت هالفيصلوه كبر بطني
يا الله قهر ,, ليته صبر شهر,, انا لازم ارفع عليهم قضيه,, بس من وين اجيب حق المحامي,, واهلي مافيه امل يعطوني ولا ريال حتى
00000000000000000000000000000000000000000000000000 00000
ام ساره : حبيبتي ساره
ساره: هلا ماما
ام ساره: اتصلت علي ام مازن تعرفيها ؟؟؟ جارت خالتك هيا
ساره: ايه ماما اتذكر شفتها ببيت خالتي
ام ساره: ايه حبيبتي متصله تخطبك لولد اختها
ساره: الله يمه,,, ولد اختها يابوي حك ظهري
ام ساره: ههههههههههههه ,,, ولد اختها ايش الي يابوي حك ضهري
ساره: طيب ماما ايش قلتي لهم
ام ساره: قلت لهم بسال البنت وبسال ابوها وارد لكم
ساره: ايه ماما خلي بابا وبندر يسالوا عنه ترى انا مابي لحط
ام ساره: وايش لحط هذي؟؟؟
ساره: يعني قراوى ,,, انا ابي ناس اول شي كاش واهلهم لبيسين ,, مابيهم يفشلوني عند الي اعرفهم اذا قالوا هذولا اهل زوجك
ام ساره: اما انك غريبه ايش دخلك باهله ,, اهم شي الولد
ساره: اووووووه يمه ,, انا ماراح تزوج ع كيفكم انا راح اتزوج الي انا ابيه
ام ساره: يعني ايش اقول لهم يجوا او لا
ساره: يجوا وين
ام ساره: امه واخته يبوا يجوا يشوفوك ,, تدرين ماعمرهم شافوك ,, يسمعون بك من خالتهم ,, وودهم يجوا يشوفوك
ساره تفكر: تدرين ماما خليهم يجوا ,, خليني اشوفهم بعيني واذا اهله قراوى ومايعرفو يلبسوا وحسيت ان حالتهم الماديه مو ذاك الزود ,,, اطردهم قبل لايخطبني
ام ساره: ايش هالثقه ,, يمكن هم الي مايبوك
ساره: بدري عليهم,, المهم ماما اتصلي عليهم وقولي لهم
ام ساره: مو قبل مانسال ابوك
00000000000000000000000000000000000000000000000000 00000
بندر: هاه ميشو كيف الاوضاع ببيتكم ,,, كل شي تمام ,, اخوانك وافقوا
مشاعل : الحين اي سؤال تبيني اجاوب عليه؟؟؟
بندر: كلهم ههههههههههههههههههههه
مشاعل وهي تضحك : انشالله السؤال الاول الاوضاع ببيتنا تمام ,,, واذا على اخواني تخيل جلسوا ساعه يترجوا فيني اوافق اسافر
بندر وكانه يترجاها : ههههههههههههههههه,, بليز وافقي ميشو
مشاعل تسوي نفسها تتغلي : اممممم لا ههههههههههههههههه
بندر : ميشو ترى خلاص موعد سفرتك انشالله بعد اسبوعين ,,, اتفقنا حبيبتي
حبيبتي؟؟؟؟؟؟؟؟؟؟ تفاجات مشاعل من هالكلمه الي قالها بندر ,, صح انها هالايام تكلمه بشكل يومي ,, وصح اهتمامه فيها باين ,, بس اول مره تسمعه يقول حبيبتي
وفي الطرف الثاني بندر ماكان اقل صدمه من مشاعل ,, والي حاول يمسك هالكلمه اكثر من مره ,, بس اظن شفايفه خانته وماقدر يكتم مشاعره,, حبه لمشاعل كل يوم يكبر ,, وكان حريص مايبين لها كبر حبها بقلبه ,, خاف ترفضه وهو مايقدر يستحمل فراقها او زعلها عليه,,, بس اظاهر مشاعره اكبر من انه يكتمها بقلبه الي صار هاجس مشاعل مايفارقه ,,,كان يحلم فيها ,,, واحلامه ماكانت بالنوم بس,, بندر صار مهووس بمشاعل,, حتى وهو صاحي يحلم فيها
بندر انحرج: مشاعل اكلمك بعدين
مشاعل: اوكي باي
بندر: باي
مشاعل حست بالاحراج الي حس فيه بندر,,, كانت تخاف من هالكلمه من بعد طلال,, لكن مع بندر ع الاقل تحس بامان ,, كان صادق معاها وكان حبه واضح حتى وهو يخفيه,, معاه ماتخاف لامن مشاعرها ولا من المستقبل,,, استسلمت لمشاعرها ,,, وقررت انها تعطي نفسها فرصه تفرح,, تعيش تجربه ثانيه مع بندر,, الي انشالله تكون افضل من تجربتها مع طلال
اعجبت بقدره بندر الكبيره على سيطرته على افكارها ,, حتى ان طلال نست موضوعه ,, ونست ان مر عليها واحد اسمه طلال
00000000000000000000000000000000000000000000000000 000000
بندر من بعد ماقفل من مشاعل راح ع طول لغرفه ساره
بندر: سارونه نايمه؟؟؟
ساره:لا تعال جالسه اقراء
بندر: حركات يالمثقفه ايش تقرين؟؟؟
ساره: اقرا كتاب كيف تقول لا
بندر: لا الله يخليك الا هالكتاب
ساره: ليش؟؟
بندر: لاني ودي اقول لك شي واخاف تكونين استفدتي من هالكتاب وتقولي لي لا
ساره:هههههههههههه,, لا مكتوب بالكتاب اني اطبق كل شي اقراه الا على بندر
بندر: هههههههههههههههه,, طيب يادبا ابيك بكلمه راس
ساره تلتفت تدور احد
ساره: من متى انت تحظر جن؟؟؟؟
بندر: جن؟؟؟
ساره: ايه لاني ماشوف الا انا وانت كيف تقول كلمه راس,, الا كانك تشوف ناس انا ماشوفهم
بندر: هههههههههه ,, ايه الحين قدامي شايب منجن عليك
ساره خافت: لاااااا بندر ترى ماحب هالكلام لاتخوفني
بندر: طيب المهم ابيك بوضوع جدي
ساره: امر
بندر: شرايك فيني؟؟؟
ساره تضحك: بسم الله عليك انت ابد مو طبيعي اليوم
بندر: اسمعي انا عارف انك تحبي مشاعل مره وادري انها اغلى صاحبه عندك,,, وانا ياسارونه ودي .....
ساره تضحك: ودي بايش؟؟؟ تخطبها مثلا
بندر يبتسم: ايه اذا هالشي مايضايقك طال عمرك
ساره : والله احلى يوم بحياتي الي اشوفك مع ميشو ,, والله انكم لايقين ع بعض,, الا تعال ماقلت لها؟؟؟
بندر ارتبك: وانا متى كلمتها علشان اقول لها
ساره تغمز له: علينا ,, المهم ماعليك انا بكره اكلمها
بندر: بس سارونه ابيك ماتضغطي عليها,, ابيها تاخذ راحتها بالتفكير ,, وحتى لو كان جوابها الرفض ابيها تتاكد ان مافيه شي راح يتغير لا بينكم ,, ولا بيني وبين اخوانها ,, وموضوع العمليه منفصل تماما عن موضوع الخطبه
ساره: طيب ياتماما انت,,,طيب ليش ماتاجل الموضوع لحد ماترجع انشالله من العمليه
بندر: مااقدر لسببين
ساره: ايش هم؟؟؟
بندر: ماودي تظن اني مافكرت اخطبها الا بعد ما يرجع نظرها انا ياسارونه ابيها بكل عيوبها وحسناتها,,, والسبب الثاني مابي اتركها لوحدها هناك ولاابي اكون معاها بصفتي اخو صاحبتها , ابي اكون خطيبها
ساره : ااااااااااااه يابندر
بندر: ايش فيك؟؟؟؟
ساره حطت يدها ع خدها وطالعت بندر وابتسمت: ياحلو الحب
بندر ظربها بالمخده وطلع
00000000000000000000000000000000000000000000000000 00000
مشاعل كانت تنتظر بندر يدق ,, ,استغربت انه اول مره من بعد ماتوفى ابوها يخليها يوم بدون ماتسمع صوته,,, حست بشوق له ,,, كانت ترتاح معاه,, وترتاح لصوته وكلامه الحنون,, وخوفه عليها ,,, في بعض الاوقات كان يذكرها بطلال وبحنيه طلال المزيفه لها ,,, كان طلال طول الوقت يخدعها , اما بندر كان صادق
حاولت تستجمع كل ذكرياتها وكل حاظرها وترتب حياتها لمستقبل جديد غامض
فكرت بعرض بندر الزواج منها ,, بدايه خافت من الفكره وحست انه شعور طبيعي لكل بنت قبل الزواج
سالت نفسها سؤال ايش معنى انها تكون خطيبه بندر, معنى هذا انها في المستقبل راح يكون زوجها وهذا معناه انها راح تشاركه حياتها بكل تفاصيلها ,, حست برعب يقتلها,, اكيد هي ترتاح لبندر وتحس بصدقه وحبه لها ,, لكن مستحيل تقدر تشاركه حياتها ,,, حست بحنين يقتلها وحست بالم في قلبها لما تذكرت طلال ,, كانت دايما تحلم انه يكون زوجها ,, ماتخيلت نفسها تكون لواحد غيره ,,, مستحيل تشارك حياتها مع غير طلال
حست انها انخلقت له وهو انخلق لها ,,, بس بالمقابل ايش قدم لها طلال ,,, ماقدم لها الا ذكريات او ان جاز التعبير ذكريات مؤلمه,, كل ماتملك يذكرها بطلال هو عماها ,, وقلبها المجروح,, وخوفها من المستقبل,,
خافت ماتقدر تستمر مع بندر لان هاجس طلال يقتلها ,, وخافت يضيع منها بندر وتكتشف بعدين انه هو الشخص المناسب لها
ايش تنتظر من طلال ,, يقتلها علشان ترتاح ,,, طلال تركها ولافكر يسال عنها,,وهو كان عارف الحب الي تحمله بقلبها له ,, مع كذا تركها بدون مايودعها,,, لكن بندر طول الوقت كان معاها ,, ويقدم لها دعمه باي وقت,,, يسمع هموما وشكواها ,, قريب منها ,,, يخاف عليها
تذكرت خوف طلال المزيف لها ,, الفرق كبير وواضح بين صدق بندر وكذب طلال ,,, كل شي واضح قدامها ومايبي له خبير ,, اما انها تعيش ع ذكرى طلال والا تعيش مع بندر الي متاكده انها يحبها
حست بقهر لانها للحين مانست طلال ,, والي من فتره قريبه كانت متاكده انه صار هامش بحياتها ,, بس بمجرد ماانفتح معاها موضوع الزواج ,, رجعت تحن له
تعبت من التفكير وقررت انها تستخير الله ,, والي الله كاتبه لها راح يصير
00000000000000000000000000000000000000000000000000
في اليوم الثاني,,, فهده كانت عند امها
ام فهده : وع مالت عليك حامل ,, كان يالخبله صبرتي ,, يمكن يطلقتس وتجرجرين وراتس هالعيال
فهده: يمه ايش هذا فال الله ولافالك,, حرام عليك المفروض تفرحين لي
ام فهده : ايه بس المهم ابي رقم ام ساره صديقتس
فهده مستغربه: ليش ياماما
ام فهده: ودي اخطبها لصالح
فهده انصعقت: يمه صاير لعقولكم شي,, ايش جاب ساره لولدك
ام فهده :تف عليها حامضه وهي تطول ولدي
فهده: لا ماتطوله, ترى يمه ساره مخطوبه
ام فهده: هوو,, ومتى انخطبت
فهده تكذب ع امها ع شان تصرف نظر عن هالموضوع: من شهر
ام فهده: مالت عليها, هي الخسرانه
فهده تجاري امها: صادقه هي الخسرانه
ام فهده: اجل نبيك تدوري لنا بنت زوينه نخطبها لاخوتس
فهده: انا مالي شغل فيكم ,, اخطبي له انتي
ام فهده: وهو مو اخوتس ياوسيعه الوجه
00000000000000000000000000000000000000000000000000 0000
ساره كانت عند مشاعل
مشاعل: اخلصي قولي ايش عندك جيتك وراها شي
ساره: امممممممم,, ميشو اوكي بتكلم,, بس شوفي الموضوع الي راح اقول لك عنه ,, ماله شغل بعلاقتنا انا وانتي,, يعني سواء رفضتي او وافقتي صداقتنا برا الموضوع
مشاعل: سويره تكلمي طيحتي قلبي
ساره: الا قلبك ترى يزعل علي بندر
مشاعل صار وجهها احمر : اقول بلا بياخه تكلمي
ساره: اوكي باختصار وبدون لف ودوران ,, اخوي بندر يبي يخطبك
مشاعل استحت مره ,, مع انها تمون ع ساره مره ,, وبس اول مره تحسها غريبه عنها ,, وتستحي منها ,, يمكن ع شان الموضوع يتعلق باخوها
مشاعل: ساره انتي عارفه وضعي الحين وبعديـــ..
قاطعتها ساره: ميشو لاتصيري مريضه ,, ايش فيه وضعك ,, قصدك انك ماتشوفي هذا مو عيب ولا حرام ,, يعني الي ماتشوف ماتحس وماعندها قلب؟؟؟
مشاعل: لا سارونه مو قصدي بس انا مقدر اقدم لاخوك اي شي ,,,, بعدين ايش الي جذبه فيني وانا بوضعي هذا
ساره: ميشو الحب مايعرف شكل ولا لون او حتى مرض,, بندر يحبك وانا متاكده من هالشي
مشاعل: بصراحه مدري ايش اقول لك ياساره بصراحه فاجئتيني
ساره: المهم لك مهله تفكري ,,, بس اسبوع قبل تسافروا وصدقيني اي قرار راح تاخذيه ماراح ياثر ع علاقتنا انا وياك او علاقه بندر باخوانك ,,, احنا اكثر من عائله ومافيه شي راح ياثر علينا,, ميشو خذي قرارك بدون خوف من الي راح يصير ,,, وفكري كويس هذا زواج,, وفكري ببندر كزوج مو كاخو صديقتك وانك تستحي ترفضيه علشاني او علشان بندر والي سواه معاك ,, تدري ميشو ان بندر لما قال لي كلميها تردد مليون مره
مشاعل: تردد؟؟؟
ساره: ايه يقول اخاف تقبل تتزوجني علشان ترد لي الجميل,, وهذا اكثر شي راح ياذي بندر,,, بندر يبيك ,, واذا ماحصل نصيب صدقيني قرارك بندر راح يحترمه
مشاعل : بس الموضوع هذا يبي له تفكير
ساره: خذي وقتك ,,, بس بندر وده تردي له قبل تسافروا
مشاعل: ليش؟؟؟
ساره: لانه يبي يسافر معك بصفه رسميه عند اخوانك ع الاقل يكون خطيبك رسميا
مشاعل ابتسمت : يعني هو مصمم انه يروح معانا
ساره انصدمت: مجنونه يخليك تروحي لوحدك كان ينجن علينا
مشاعل استحت: سويره بلا سخافه
ساره: تلاحظي انك اخذتي وجه ترى مو اسمي سويره
مشاعل: طيب يا مدام ساره
ساره: لا انا انسه
مشاعل :هههههههه طيب ياانسه
ساره: بس شكلي قريب بصير مدام
مشاعل: ياحقيره انخطبتي وماقلتي لي
ساره: اعصابك تو الناس داقين ع امي امس,, بس شكلي راح ارفضهم
مشاعل: ليش؟؟؟
ساره: مدري احسهم فقراء وقراوى
مشاعل: وشلون حسيتي
ساره : لان خالتهم فقيره, وهي الي خاطبتني
مشاعل: هههههههههههه,, طيب يمكن اختها متزوجه تاجر
ساره: ماتوقع عموما انا قلت لامي خلهم يجون نضحك عليهم شوي
مشاعل: هههههههههههههههههه,, اقول ايش اسم الولد
ساره : مدري
مشاعل انصدمت : ماتعرفي اسم الولد؟؟؟؟
ساره: لا ايش عرفني اعرف عايلته
مشاعل: تدرين جيبي لي اسمه واسم ابوه واجيب لك تاريخ اجداده ههههههه
ساره تحمست: جد ميشو كيف؟؟؟
مشاعل: نسيتي خالتي ام مشعل ,, مشالله عليها ماخلت احد الا تعرفت عليه
ساره: والله اجل تعالي نسالها
مشاعل: وكيف نسالها وانتي ماتعرفي الولد؟؟؟
ساره: تدري راح ادق ع ماما واسالها
ساره من الحماس ماقدرت تستحمل ودقت ع امها
ساره: هاي ماما
ام ساهر: هلا حبيبتي
ساره: ماما ايش اسم الولد الي امس خطبني؟؟؟
ام ساره: هشام
ساره: ماما ابي اسمه كامل وابوه وين يشتغل وكل شي؟؟؟
ام ساره: ليش ايش تبي فيه؟؟؟
ساره: يوه ماما بعدين اقول لك
ام ساره: طيب طيب,, اسمه هشام عبدالعزيز عبدالله الــ.. وهو يشتغل في مكاتب ابوه
ساره: وابوه
ام ساره: ابوه لواء
ساره: طيب ماما باي
نزلت مشاعل وساره عند ام مشعل
مشاعل: اقول ماما
ساره انصدمت من مشاعل اول مره تسمعها تنادي ام مشعل ماما,, بس كانت مو رايقه تحقق تبي الحين تعرف معلومات عن زوج المستقبل
ام مشعل: سمي ياحبيبتي
مشاعل: ماما تعرفي عايله الـــ
ام مشعل: ايه اعرف اخت مره اخوي ماخذه منهم
مشاعل: اها يعني ماتعرفيهم كويس
ام مشعل: لا ,, بس ايش تبو منهم
مشعل: خاطبين سارونه ودنا نسال عنهم
ام مشعل: ولا يهمك سارونه تستاهل الحين ادق ع اخت مره اخوي واسالها ,, هم اهل رجلها اكيد تعرفهم
ساره: شكرا ياخالتي
ام مشعل دقت على اخت مره اخوه
ام مشعل: هلا والله بام محمد
ام محمد :هو,,, ام مشعل هلا والله وغلا ايش اخبارك
ام مشعل: تمام الحمدلله,, انتي شلونك وشلون العيال
ام محمد: والله الحمدلله
ام مشعل: اقول ام محمد,, ودي اسالك
ام محمد: سمي
ام مشعل: ماتعرفين احد من اهل رجلك ابوهم لواء
ام محمد تتذكر: والله ماعرف ايش شغلت الرجال ,, بس قولي لي ,, ايش اسم الابو يمكن اعرفه
ام مشعل: اسمه عبدالعزيز عبدالله
ام محمد: هو ,, ايه ذكرت الي ابوهم ضابط كبير
ام مشعل: ايه ,, هم عندهم ولد توه ماتزوج؟؟؟؟
ام محمد: ايه عندها هشام ولدها الوحيد
هنا تاكدت ام مشعل انها عرفتهم
ام مشعل: ايه هذا هو,, الا عساهم طيبين,, ,وكيف ولدهم رجال؟؟؟؟
ام محمد: خاطبين مشاعل؟؟
ام مشعل: لا والله خاطبين صديقتها ,, وقلت بسالك اكيد انك تعرفينهم
ام محمد: والله ياام مشعل انهم حقن وماعليهم انسه,,, وماينبغون
ام مشعل: هو ياكافي وراه
ام محمد: فيهم غرور ,,, وكبر ,, وامه كريهه ومغروره
طبعا ام مشعل كانت حاطه التلفون ع السبيكر,, وساره تسمع كل شي
وبعد ماسمعت هالكلام ,,صارت تاشر لام مشعل بيدها وكانت تحك اصبعها الابهام بالسبابه <- قصدها الفلوس
ام مشعل استغربت من ساره الي بعد هالكلام تبيها تسالها هم اغنياء او لا
ام مشعل: طيب يام محمد كنت بسالك كيف حالتهم الماديه
لولوه : عندهم فلوس لو يصرفوها من اليوم لمليون سنه ماخلصت,,, ابوه اشهر واحد بعايله زوجي,, مليونير
ساره انجنت من الفرحه ,, مليونير ,, هذا امنيتها
قفلت ام مشعل ,, وحاولت ساره تبين عند ام مشعل انها مو مهتمه ,,, بس مشاعل كانت حاسه فيها انها فرحانه لانها عارفه صاحبتها تموت بالفلوس
تعشت ساره عن مشاعل وهي طالعه
ساره: اقول ميشو ترى بكره راح اتصل عليك ولازم تقولي لي ع ردك
مشاعل :انشالله بفكر اليوم وراح استخير ,, وارد لك
00000000000000000000000000000000000000000000000000 00000
ساره وصلت للبيت وراحت ركض لامها
ساره: اقول ماما ايش قلتي للي خطبوني
ام ساره: قلت لهم راح اسال البنت وابوها
ساره: طيب ماما دقي عليهم خليهم يجوا بكره
ام ساره: ايش غير رايك؟؟؟
ساره: ماما ام مشعل سالت عنهم طلع ابوهم مليونير
ام ساره: ياحبيبتي لاتهمك الفلوس اهم شي اخلاق الولد
ساره: اووووه ماما راح تدقي والا لا؟؟؟؟
ام ساره راحت تدق وحددت معاهم موعد بكره بعد المغرب
00000000000000000000000000000000000000000000000000 00000
مشاعل استغربت ان بندر مادق عليها اليوم ,,, اكيد يبي يعطيها فرصه تفكر ,,, احترمت تفكيره,,, فكرت ببندر كرجل,, محترم وذوق وطيب ويكفي انه يحبها,, اعجبها منطقه واسلوبه واعجبها اكثر رجولته ووقفته دايما معاهم ,, كل شي فيه حلو ,,, رجل تتمناه اي بنت
مشاعل اكيد لو كانت الظروف غير ,, كان راح تحبه ,,, كانت متاكد من ان طلال صار هامش بحياتها ,, لكن ليش لما جاء موضوع الزواج بدت تحن لطلال, ايش تبي منه اكثر من الي سواه فيها,, بسببه هي عمياء,,وبسببه قلبها مجروح,, وبسببه ماتقدر تقرر في موضوع مصيري بالنسبه لها
كان مثل السم الي يمشي بدمها ويقتلها ,,, فكرت مليون مره ,,, لو وافقت ع بندر,, معنىهذا انه راح يكون زوجها,, وشريك حياتها,, هالكلام معناه انه راح يشاركه بحياتها ,, حنت اكثر لطلال الي ماقدرت تتخيل نفسها مع واحد غيره,, بس ايش تنتظر من طلال اكثر,, يقتلها وترتاح,,,, الى متى راح تقتل نفسها ع شان واحد مايستاهلها
لازم تفكر بمستقبلها,, المستقبل الغامض ,,, الي ماتدري هل باختيارها لبند رزوج لها راح تكون سعيده وراح يقدر بندر يسكن قلبها,, والا راح تكون اسيره العذاب والذكريات المحزنه,,, او ان جاز التعبير بقايا الذكريات
تعبت من التفكير واستخارت ربها ,,, وكانت واثقه بالي راح يختاره لها ربها
ان كان زواجها من بندر مكتوب ,, اكيد راح تتزوجه
وان كان الله كاتب لها العذاب طول عمرها مع ذكرى شخص انتهى منحياتها فهذى قدرها ونصيبها
00000000000000000000000000000000000000000000000000 00000
في اليوم الثاني الصباح
نجود: مشعل قوم حبيبي الساعه 10
مشعل فز:10 من جدك ,, ليش ماصحيتيني قبل
نجود: تعبت معاك وانا اصحيك,, يله قوم تاخرت ع الشركه
مشعل: انشالله الله يعين ع ابو سليمان غريبه مادق علي اليوم بالعاده اذا تاخرت القى 50 مسد كول منه
نحود: يمكن الله هداه ونوى يعطيكم فرصه اطول ع التسديد
مشعل: ماظن ابو سليمان يسويها انا مدري ليش ابوي الله يرحمه شاركه,, طماع وجشع
نجود: حبيبي انشالله كل شي بيتحسن,, لاتضيق صدرك انت
مشعل: الله يسمع منك
نجود: حبيبي جهزت لك الفطور ,, افطر قبل تروح
مشعل: لا حبيبتي تاخرت مره
بعد مالبس مشعل وطلع
نجود: يالله من وين ابدا ,,, لازم اليوم اشيل كل اغراضنا علشان نروح بيت خالتي ,, بس جد محتاره من وين ابدا,, خليني ابدا بالملابس
00000000000000000000000000000000000000000000000000 00000
سعود : يالله هالمشيعل مدري وينه ,,, ليش تاخر,, الحمدلله ان ابو سليمان ماجاء كان ازعجني
دق موبايله
سعود: بسم الله ايش صحاك يالجنيه
الهنوف وكلها نوم: هلا سعود
سعود يقلد صوتها: هلا سعود,, ايش صحاك يالخبله
الهنوف: حلمت حلم مو كويس
سعود:خير انشالله ايش حلمتي؟؟؟
الهنوف: حلمت انك سافرت لالمانيا علشان ميشو ,,, وحبيت وحده المانيه وتزوجتها وتركتني
سعود: ههههههههه مقدر ع الرمنسيه,, لو ادري ان سفرتي لالمانيا راح تخليك رومانسيه كان سافرت من زمان
الهنوف: سعود انا خايفه
سعود: تخافي من ايش يالخبله ,, اصلا الالمانيات شينات ,, مسترجلات , يعني تطمني
الهنوف عصبت : يعني لو كانوا حلوات كان تزوجت وحده هناك؟؟
سعود: هههههههههه مو شينه تصير عندي حرمتين وحده هنا وحده هناك ههههههههه
الهنوف: ياحقير
وسكرت السماعه
سعود مات ضحك متعود ع عصبيه الهنوف
00000000000000000000000000000000000000000000000000 00000
وبعد المغرب
ساره كانت منجنه ومتحمسه لان اهل المليونير هشام راح يجوا
ام ساره : هاه حبيبتي جهزتي ترى كل شوي يسالوا عنك
ساره : يله ماما خلصت ,, بس بلبس الحلق وازل
ام ساره: يله لاتطولي
نزلت ساره وكانت راح تدخل بس طرى في بالها شي نسته ومهم بالنسبه لها ,, نادت الخدامه
الخدامه: ايوه مدام
ساره: اطلعي برا بسرعه
الخدامه : ليش ايش فيه سوي انا
ساره : يالخبله استني ,, انا اقول اطلعي برا وشوفي السياره الي موقفه برا ايش هي
الخدامه: مدام انا مايعرف سياره
ساره: انا الغبيه الي اعتمد عليها
دقت ع السواق
السواق: ايوه مدام
ساره: روح بسرعه شوف سياره برا بيت انا ,, ايش نوع, وموديل ,, ولوحه
السواق المسكين راح يشوف وجاء
السواق: هدا سياره جاكوار ,, لون ازرق,, لوحه +++ +++
ساره: طيب وموديل قديم والا جديد
السواق : مدام انا مايعرف موديل مافيه مكتوب
قفلت بوجهه
ساره في نفسها\" حلو سيارتهم جاكوار اجل شكلهم مو بخلاء,, والله وراح تتزوجي المليونير ياسويره \"
دخلت امها: مجنونه انتي كل هذا تلبسي حلق,, يله الناس راح يمشوا واني جالسه
ساره : يله ماما,, طيب ماما شكلي حلو
ام ساره عصبت: ايه بس يله
طبعا ساره دخلت عندهم وكانت تتصنع الحياء
ساره: السلام عليكم
الام والبنت: عليكم السلام
كانت الام مرتبه بس مبين عليها مغروره,, اما البنت فكانت تطالع ساره بتفحص
بعد السلام
الام : تدرسي
ساره في نفسها \" يعني تدرين يالكريهه اني ادرس بس شكلها تبي تتاكد من مخارج الحروف عندي\"
ساره بدلع متصنع : ايه خالتي انا ادرس بالجامعه
البنت: اي قسم
ساره: رسم
الام: ليش تدخلي رسم ماله مستقبل
سارهفي نفسها\" ايش تبي هالعجوز\"
ساره تبتسم: خالتي هذي هوايه
تدخلت ام ساره: ايه ساره من يومها صغيره وهي تحب الرسم
الام: ايه بس الرسم ماينفعها كان دخلت شي ينفعها وتقدر تتوظف به
ساره في نفسها\" اتوظف ليش وولدك عنده هالملايين\"
ساره :خالتي انا مافكرت اتوظف اهم شي عندي اني ادخل القسم الي احبه
الام: لا لازم تظبطي نفسك,, وماتمشي ورى هواها
ساره قفلت اخلاقها من هالعجوز
الام: اقول بنتي انتي لابسه كعب,, ماشوف لان تنورتك طويله
ساره بغت تقوم تصفقها: لابسه كعب مو طويل
البنت: ترى الكعب مو زين للبنت ,, يقوس الضهر
ساره بوقاحه: وانتي جايه تكشفي علي والا تخطبيني
تفاجأو بردها ,, الا ام ساره ,, ماتفاجات لانها تعرف بنتها عصبيه,, وخاصه ان هالام مصختها هي وبنتها
البنت: اقول يمه كننا تاخرنا نمشي
ام ساره: لا والله ماتمشو لسى العصير
وراحت تنادي الخدامه تجيب لهم العصير
ساره في نفسها \" جعلكم ماتحدرونه,, استني ااخذ ولدك والله لاوريك\"
الام استغلت غياب الام: اقول ساره متى تنامي؟؟؟؟
ساره استغربت: يعني 1
الام: وايش تسوي لحد 1 ,, خاصه ماعندك اخوات تسهري معاهم؟؟؟
ساره : اطالع Tv
الام تطالع بنتها: اقول يانوره تتوقعي من اطول هي والا هشام
البنت : مدري يمه شكلها لابسه كعب
الام: اسمعي يابنتي ولدي مايبي وحده اطول منه,, نبيك توقفي وتشيلي الكعب ,, نبي نشوفك بدون كعب
ساره هنا جتها الجنيه وقالت بلا هشام بال زفت: اقول اذا طفحتوا العصير انتي وبنتك انقلعوا
وطلعت وخلتهم
لما جابت ام ساره العصير مالقت احد
00000000000000000000000000000000000000000000000000
مشعل وزوجته في بيت ام مشعل
ام مشعل: هذي الساعه المباركه الي تسكنوا عندنا الله يحييكم
مشعل: بصراحه نجود ذبحتني تقول مقدر ابعد عن امك دقيقه
ام مشعل: بيض الله وجهها ,, والله انها بنت ناس ومتربيه
نجود انحرجت: تسلمي ياخالتي
وفرحت ام مشعل ومشاعل بوجودهم,, طبعا محد عرف ان مشعل ناوي يبيع بيته ع شان يحاول يغطي جزء من الديون
00000000000000000000000000000000000000000000000000 00000
مشاعل كانت بغرفتها لما دقت ساره عليها
ساره: تخيلي انا تقول لي وقفي
مشاعل: ههههههههههههه,, هذا المليونير الي تبيه
ساره: الله ياخذه هو وفلوسه,,, مين فاكره نفسها هالعجوز الشمطاء
مشاعل: سارونه خلاص وربي بطني راح يتقطع من الضحك
ساره: بطنك يتقطع من الضحك وانا راح تجيني المراره من القهر
مشاعل: ههههههههههههههههه
ساره :المهم ماعلينا , ايش سويتي بالموضوع الي كلمتك فيه
مشاعل: اممممممممممممممممممممممممممممممممممممممم مدري ايش اقول لك
ساره: قررتي؟؟؟
مشاعل: ايه
ساره : ميشو متاكده من قرارك
مشاعل: استخرت ربي وفكرت كويس ,, وقررت
ساره: ممكن اعرف ايش قررتي؟؟
مشاعل :
الجزء الجاي رااااااااااااااح نعرف
الجــــــــــزء العشرون
طاحت عيون مشاعل ع طلال والي من اول ماجلس وهو مانزل عينه عنها,, كان ودها تدخل اصابعها بعيونه وتطلعهم,, استحت مره
جاهم الويتر ياخذ الطلبات
طلبت لمياء لنفسها فطور,, ولما خلصت
لمياء: طلال ايش تبي تطلب؟؟؟
طلال كان يطالع مشاعل: ابي نفس الي طلبته قطوتي
لمياء: طلول يمكن ماتحب الي طلبته
الجزء الثاني والعشرون
طاحت عيون مشاعل ع طلال والي من اول ماجلس وهو مانزل عينه عنها,, كان ودها تدخل اصابعها بعيونه وتطلعهم,, استحت مره
جاهم الويتر ياخذ الطلبات
طلبت لمياء لنفسها فطور,, ولما خلصت
لمياء: طلال ايش تبي تطلب؟؟؟
طلال كان يطالع مشاعل: ابي نفس الي طلبته قطوتي
لمياء: طلول يمكن ماتحب الي طلبته
طلال وبدون ماينزل عينه عن مشاعل: مستحيل كل شي تحبه ميشو انا احبه
وطلب من الويتر انه يجيب له نفس طلب مشاعل
وبدت لمياء تتكلم والي ماسكتت من اول ماجلسوا ,,, اما طلال كان يتامل مشاعل ومانزل عينه عنها ابد,, وهالشي احرج مشاعل,, اما نواف,, كان مشغول بالايسكريم
كانت مشاعل جالسه قدام باب المطعم,,, وانصدمت لما شافت بندر يدخل المطعم
كان يمشي باتجاهها ماقدرت تحدد ملامحه هو زعلان ومعصب والا عادي
نزلت عينها بالارض وكانها ماتشوفه,, كانت خايفه من رده فعله خاصه ان طلال معاها ,, وهالشي زاد توترها,,, رفعت عينها لطلال لقته يطالع بجهت بندر,,, وكان يطالعه بكل استهزاء وبرود
وقف بندر عند طاولتهم ,, مشاعل تاكدت الحين انه مو وقت السكوت او التجاهل ولازم تعرفهم ببعض
وقفت مشاعل وهي تحاول تبتسم
مشاعل بابتسامه مصطنعه : صباح الخير بندر
بندر وهو عاقد حواجبه : صباح النور
مشاعل: بندر اعرفك ع لمياء صاحبتي
بندر طالع لمياء وبابتسامه بارده : اهلين
لمياء : هااي((مشاعل سكتت ماتدري كيف تعرف بندر ع طلال,, فحبت تتجاهل طلال))
مشاعل: تفضل افطر معانا
بندر: ماعرفتيني ع الي جالس معاكم؟؟
مشاعل بارتباك واضح: هذا طلال اخو لمياء,, وهذا نواف اخوها كمان
طلال كان يطالع بندر بابتسامه خبث ,,, مشاعل كانت تبي تقتله ع هالنظره ,,,والي خلت بندر يغلي
بندر: تشرفنا يا ... ايش قلتي لي اسمه((كان يبي يحقر طلال ويبين انه مو مهتم فيه))
مشاعل : طلال
طلال تجاهل وجوده ورجع يطالع مشاعل وقال لها: ميشو اجلسي كملي فطورك
مشاعل قفلت معاها ,, مو من حقه يقول لها ميشو,,, واضح انه يبي يقهر بندر,, صدق طلال لئيم,, وهي كانت تتوقعه طيب وحبوب,, بس صدق انه يصطاد بالميه العكره ع قولتهم
بندر بكل حقد: ميشو ماعرفتيهم علي
مشاعل بارتباك: ايه هذا بندر
بندر يطالع طلال بتحدي: خطيبها
طلال طلع ظحكه صغيره وكانه ينفي كلام بندر : اوه اسمحوا لي ع الضحكه بس مدري ايش فيني تجيني هالحاله كثير
بندر باستهزاء: اذا تجيك كثير هالحاله ياليتك تعرض نفسك ع دكتور نفسي
طلال يطالع بندر من فوق لتحت: فكرت فيها وحسيت انها ماتنفع, لان الدكتور النفسي ماراح يقدر يعالجني ,,, لانه ماراح يقدر يفهمني ,, لان الشخص الي يسوي نفسه ذكي ويقدر يفهمني تجيه ضربه مني بوقت مايتوقعه وبدون مايحس يلاقي نفسه دخل نفسه بورطه مايدري شلون يطلع منها
بندر يطالع طلال بتحدي : صدقني مو كل دكتور دكتور,,, فيه دكاتره يفهومك بدون ماتتكلم,, انتبه ولاتصير واثق بقدراتك مره
طلال باستهتار : نصيحه حلوه وراح احطها بعين الاعتبار
مشاعل حست بتوتر الجو ولازم تتصرف
مشاعل تدخلت: بندر خلنا نطلع من هنا
نواف: لا ميشو خليك معانا ,,, كنا مبسطوين قبل مايجي هذا ((وياشر ع بندر))ايش قلت لي اسمك((كانه يبي يرد لبندر حركته مع طلال))
طلال صوت ضحكته فجرت المطعم,, لدرجه ان كل الي بالمطعم التفتوا عليه
بندر قفلت اخلاقه: ميشو حبيبتي نمشي
مشاعل: اوكي يله
لما وصلوا نص المطعم تقريبا
طلال صرخ باعلى صوته: ميشو لمياء راح تكلمك بالليل وراح تشتاق لك موووت
بندر وقف من التعصيب ,, كان راح يرجع يضرب طلال,, بس مشاعل مسكته
مشاعل: بندر مانبي نسوي مشاكل هنا,, خلنا نطلع فوق ,, بليز بندر
بندر مسك اعصابه بصعوبه: اوكي ع شان خاطرك
وكملو طريقهم لحد ماقربوا من الباب لما صرخ طلال لثاني مره وقال
طلال: ايش عنده سوبر مان ,,, اشوفه صار دجاجه مان
نواف وطلال ضحكتهم سوت ازعاج فضيع بالمطعم
نواف: لا وانت الصادق,, فرخ مان ,, لان الدجاجه كبيره عليه
طلال ونواف رجعوا يضحكوا ع بندر
بندر هنا ماقدر يتحمل ويسكت ع شان خاطر ميشو,,, حس ان طلال اهان رجولته,, رجع لطلال وهو يركض ,, ولما وصل طلال ,, كان طلال واقف مستعد للهجوم
مسك بندر طلال من عند رقبته : ايش تبي بالضبط؟؟؟
طلال بسهوله فك يد بندر,, وصار ينضف يده بعد اثر يدين بندر,, وكانه افه
طلال ببرود : ابي ريال معاك صرف؟؟؟
بندر : اسمع اصحى تقرب من ميشو ,,, لاني وقتها راح اقتلك
طلال يصفر: والله صرت رجال
مشاعل صرخت : بس ياطلال يكفي
بندر : انا اعلمك مين الرجال
ووجه بندر لطلال بوقس ع خده بس يد طلال كانت اسرع واقوى ,, ومسك يد بندر ولفها لحد ماسمعها طقت
بندر بدا يصارخ من الالم,, وطلال توه ماسك يده ,, ,كان بندر يحاول يفك نفسه,, ع شان يهاجم طلال ,, الي كانت القوه الجسديه بينهم كبيره والفرق واضح
تركه طلال ,,, بس بندر مايتوب رجع يضرب طلال بيدينه وبعض الضربات كان طلال يصدها والبعض تجي فيه,,,, بس شكل طلال مل من دور المدافع ويبي يهاجم,, وياليته ماهاجم,,,
عطا بندر بوقس شنيع ع خده ,,, وضربه ع راسه ومن اثر هالضربه صاح ع الارض ,,كان بندر فريسه سهله لطلال ومااخذ ماعه وقت ,, نزل طلال على بندر ولف يده ع ورا,, لدرجه ان بندر خاف انه يقطعها,, وبدا يصارخ من الالم
مشاعل تصرخ: طلااااااااااااال اتركه ,, اتركه
رفع طلال عينه لمشاعل ,,, وقام عن بندر: راح اتركه عشانك ,, خذيه معاك,, بس انتبهي لايطيح تراه رقيق
نواف وهو ميت ضحك: رقيق ليش بيتزا
طلال رجع جلس ع الكرسي
نواف: يعيش اخوي البطل ,,, ويسقط الدجاجه الجبانه
طلال طالع نواف بنظره مرعبه : نواف بس
مشاعل كانت تبكي من هالموقف البايخ
اما طلال حس بالانتصار ع هالحقير الي يبي يسرق ميشو منه
اما بندر مسكين كان الالم راح يقتله ,, هذا غير فشيلته من مشاعل انضرب قدامها,, جد كره طلال,, بس كره اكثر اخوه الحقير نواف,, والي من اول ماشافه وهو يهينه
00000000000000000000000000000000000000000000000000 00000
كان بندر يصارع الالم ع الاقل مايتالم قدام مشاعل ,, وكان خده متورم من اثر الضربه,, وحب يكون شكله قوي نوعا ما ,,, خاصه بعد الضرب الي اكله,, كانوا ساكتين ,, لحد ماوصلوا لباب غرفه مشاعل
بندر بعصبيه : مشاعل فيه موضوع لازم نتكلم فيه
مشاعل كانت منحرجه من الي صار: بندر انت تعبان الحين ,, ارتاح بعدين نتكلم
بندر بعصبيه: انا مو تعبان ,, الحين لازم ننهي هالموضوع,, تعالي نروح الكوفي الي جنب الاوتيل
نزلوا تحت وطلعوا من الاوتيل ,, وعلى طول توجهوا للكوفي
بندر: انا انتظر
مشاعل: تنتظر ايش؟؟؟
بندر: تحكي لي مين هذا طلال, وايش علاقتك فيه
مشاعل خافت: بندر انا ماعرفه ,, كل الي بيني وبينه اني صاحبه اخته لمياء
بندر يطالعها وكانه مايصدق كلمه من الي قالته: وصاحبت اخته راح يتكلم معاك بهالحنيه ,, وبكل وقاحه يناديك ميشو وقدامي
مشاعل: بندر ايش عرفني ليش يتصرف كذا,, بس صدقني قبل تجي كان مره مؤدب ,, واصلا ماصار بيني وبينه احتكاك ,, طول الوقت كنت احكي مع لمياء
بندر: وليش تجلسي مع اخو صاحبتك,, ميشو انتي بنت والبنت اهم مالها سمعتها,, صدقيني انا لو مو رجال متفهم كان فسرت هالموضوع غلط
مشاعل: يعني ايش تبيني اسوي اقول له قوم مابي اجلس معاك
بندر: لا كان قلتي انا مشغوله ,, او انا انتظر خطيبي,, او ع الاقل اخوي معاي,, ماكان تجرا يجلس معاك
مشاعل: بندر ماجتني الجرئه اقومه وهو جالس,, وماقدرت اقوم لاني كنت افطر,, وواضح اني مانتظر احد
بندر: انا ابي اعرف ليش يعاملك وكانه يعرفك كويس؟؟؟؟
مشاعل: ايش عرفني انا ,, كان سالته
بندر يطالعها بتفحص: يعني مابينكم شي
مشاعل : لا
بندر: والاتصال الي كان يتكلم عنه
مشاعل : ما اعرف عنه شي,,, اصلا لمياء ماكنت تعرف اني هنا,, بالصدفه شفتها ,, كيف راح تتصل علي
بندر: ميشو بس الولد واثق من نفسه وكانه ياكد ان بينكم شي,, وليش عصب لما قلت لك حبيبتي,, كان يبي يضربني باي شكل وحب يستفزني وقدامك شفتي هالشي,,مو معقوله شخص اول مره تشوفيه يسوي كل هلاشياء,, اكيد بينكم شي قبل
مشاعل تتصنع العصبيه: اوووه بندر انت مره شكاك,, قلت لك مابينا شي
بندر قرب من مشاعل وبرقه قال لها: ميشو كل انسان له ماضي ,, وانا مايهمني ماضيك,,, بس اذا كانت تربطك اي علاقه بطلال ابيك تقطعيها لانك خطيبتي وانا مارضى بالخيانه
مشاعل قامت: مااسمح لك يابندر تتهمني بالخيانه
بندر قام معاها: ميشو حبيبتي لاتعصبي انا مو قصدي واسف,, بس انتي لو مكاني اكيد راح تشكي,,, بصراحه تصرفه معاك غريب
مشاعل: يعني ايش تبيني اسوي ع شان اثبت لك اننا مابينا شي؟؟؟؟
بندر : هو اثبات واحد مافيه غيره
مشاعل: ايش هو؟؟؟ وانا مستعده اثبت لك
بندر: تكون ملكتنا اول مانرجع من السفر
مشاعل حست بخوف يقتلها وبتردد كبير,, بس اذا قالت له اتركني افكر اكيد راح يشك فيها وهو مايستاهل هالشي خاصه انه كان متفهم ولو واحد مكانه كان زعل وعصب وكسر الدنيا خطيبته جالسه مع واحد ويناديها ميشو وواضح ان بينهم شي وشي كبير بعد ومع كذا كان بندر متفهم ولافكر يجرح مشاعل بكلمه كل الي طلبه انهم يستعجلوا بالزواج,, جد هالشخص فضيع ولو تلف الدنيا كلها ماراح تلقى واحد مثله ,, اكيد الحياه راح تكون معاه سهله,, بعكس طلال والي من اول ماشاف بندر وهو يقهره ويتهجم عليه
بندر: ميشو وين رحتي,, شكل الموضوع ماعجبك
مشاعل وبدون ماتحس: موافقه
بندر مو مصدق نفسه من الفرحه اخيرا حبيبته مشاعل راح تكون معاه ونسى الم يده ونسى كل شي,, واتمنى ان طلال طلع من زمان علشان توافق مشاعل ع تقديم الزواج
00000000000000000000000000000000000000000000000000 00000
لمياء: ليش سويت كذا ياطلال ,, حركتك ترى مره بايخه الرجال قال لك انه خطيبها وهي كانت ساكته يعني راضيه,, طلال خلاص اتركها بحالها
طلال بحقد: وربي ماخليه يتهني بمشاعل,, هو كان واطي وسرقها مني ,, بس مسكين ماعرفني كويس,, انا ماراح اسرقها منه,, انا راح اخليها تنبذه وتتركه وتجي لي انا ,,, هو حقير قرب من مشاعل وخلاها ترضى انها تنخطب له رد للجميل مو اكثر وهو عارف هالشي وراضي ,, اذا هو ماعنده كرامه انا راح اخليه يدفع ثمن خطوبته بمشاعل
لمياء: طلال ايش راح تسوي خلاص البنت مخطوبه
طلال: هي صح مخطوبه لكن مخطوبه لي انا
لمياء: طلال خلاص انساها,, الف وحده تتمناك ,,, واولهم غاده بنت عمتي,, لاتضيع عمرك ووقتك مع وحده مرتبطه
طلال يطالع لمياء بعصبيه: لمو انا ماجبتك هنا ع شان تحبطيني ,, انا جبتك معاي انتي ونواف ع شان تساعدوني اني اكره بندر بحياته,, ونصايحك انا في غنى عنها
نواف: طلال ايش رايك ندخل غرفته ونربطه ونخليك تطلع تتمشى مع ميشو ,, وخليه هو مسكين بغرفته يبكي
طلال مع انه كان معصب بس ضحك ع كلام نواف البرئ
طلال: لمو يا انك تساعديني او اطلعي من الموضوع كله ولاتدخلي
لمياء تحب طلال مره وماودها تزعله: اوكي انا راح انضم لحزبكم ,,, بس ايش راح تسوو
طلال:قدامنا يوم واحد بس لان رحلتنا ورحلتهم بكره الفجر
لمياء بصدمه: وجايبنا من الرياض لهنا ع شان تنكد ع بندر بيوم واحد
نواف: لميوه احمدي ربك هو مسفرك ع حسابه ومسكنك وماكلك يالدبا
لمياء: دبا بعينك ,, اصلا انا نحيفه
نواف يبي يقهرها : هههههه ,, اجل ليش تشتركي بدايت سنتر وانتي نحيفه
لمياء: اسكت بس انت ايش عرفك اصلا انا احافظ ع جسمي
كانت لمياء مليانه شوي وكانت تعاني لان كل بيتهم نحاف ومهتمين بالرشاقه,, ع شان كذا كانوا يجبروها تسوي دايت ع شان ما تفشلهم
طلال قفلت معاه ايش خلاه يجيبهم معاه ,,كله ع شان يساعدوه ينتقم من بندر ,,, وهم الحين يتطاقوا
طلال : ممكن تتركوا مشاكلكم لحد مانرجع
نواف : دور لمياء الحين ,, انا خليت ميشو تجي هنا
طلال كان يفكر كيف يقهر بندر
حس طلال انه مكتوم وحب يطلع يشم هواء,, وقف عند بوابه الاوتيل ,,, وشاف مشاعل مع بندر ,,, بالكوفي الي قدام الاوتيل,,وكان بندر يطالع مشاعل بكل سعاده وحب,, ومشاعل كانت مستحيه
طلال مات من القهر ,, حس بالغيره تاكله اكل,, انقهر من مشاعل لانها جالسه مع بندر وتبتسم له,,المفروض تضربه مو تبتسم له,, حقد عليها وانقهر ,, الغيره مو مخليته يركز ع شي,, مرت بجنبه بنت المانيه مقبوله نوعا ما,,, طالعها طلال وخطرت ع باله خطه ماكان يعرف مدى نجاحها
طلال: هاي
البنت تتلفت تدور لمين يقول هاي ولما عرفت انها لها ,, ابتسمت لطلال والي انجنت ع وسامته : هاي
طلال: are you sara
البنت : no
طلال : oh , I am sorry
طلال حركات مسوي مشبه ,, والبنت ماكذبت خبر قامت تتميلح عند طلال,, وهو ماقصر انواع الغزل فيها,, طلب منها انه يعزمها ع كوفي ,, هي انجنت من الفرحه
دخلت معاه الكوفي ,, وكان ماسكها مع خصرها وهي شوي وتضمه
جلس بالطاوله الي قدام مشاعل,, مشاعل في البدايه مانتبهت,, بس لما شافت شكل طلال مع هالبنت ,,, الغيره اشتعلت بركان بقلبها,,, جد وقح جايب بنت هنا قدامها,, كان طلال مو معبرها ولاحتى يطالعها
بندر: ايش رايك ناجل رحلتنا شوي ,,, انا مبسوط هنا خاصه اني معاك
مشاعل كانت مشغوله بمراقبه طلال مع هالبنت القبيحه ع قوله مشاعل: هاه
بندر انتبه لسرحانها ,, وانها تطالع شي ورى
التفت ع المكان,, ومثل ماتوقع طلال كان موجود مع بنت
بندر التفت ع مشاعل : هذا ايش جابه هنا
مشاعل كانت راح تقوم ع طلال وتضربه من الغيره والقهر الي حست فيهم,,ومن ناحيه طلال كان مبسوط لانه يبيها تحس بنار الغيره الي هو حاس فيها
مشاعل: بندر قوم خلنا نرجع الاوتيل
بندر حس ان مشاعل مقهوره ع شان البنت الي مع طلال وماحب يضايقها : يله حبيبتي
واختفي بندر مع مشاعل داخل الاوتيل
ولما وصل الاصنصير كان فاضي ,, دخلت مشاعل وبندر وكان راح يتقفل ,,, بس بهاللحظه جت يد صغيره ووقفت الباب ودخل نواف
وكان الاصنصير مافيه الانواف ومشاعل وبندر
نواف: هاي ميشو
مشاعل: هاي نواف
نواف: ميشو تدري انك حلوه مره ويبي لك تتزوجي واحد حلو مثل اخوي طلال
مشاعل سكتت ,, ايش جابه هذا اكيد طلالوه يبي ينرفز بندر
بندر: طيب ياشاطر لاتنسى تقول لاخوك ترى ميشو زواجها الاسبوع هذا اذا وده يحظر يقول لي ع شان ارسل له كروت دعوه
انفتح الاصنصير وطلعوا ثلاثتهم
نواف: لا ليش تعطيه كرت لانه هو العريس
ورجع نواف دخل الاصنصير
00000000000000000000000000000000000000000000000000 00000
اما طلال اول مااختفت مشاعل ترك هالبنت الالمانيه لوحدها والي استغربت تصرف طلال الغريب
طلال دخل الاوتيل,, لقى نواف يركض
طلال: ايش فيك تركض
نواف وهو بصعوبه يتنفس من الركض : بندر يقول انه راح يتزوج مشاعل هالاسبوع
طلال جلس بالوبي يفكر
نواف: طلال ماراح تسوي شي؟؟؟؟
طلال:اكيد راح اسوي اشياء مو شي
نواف: طيب تحرك الحين خلنا نروح نضربه
طلال: نواف الامور ماتنحل بالضرب فيه حلول احسن وامتع
نواف: انا بصراحه اكره بندر هذا ثقيل دم ومسوي نفسه قوي
لمياء قطعت عليهم سوالفهم
لمياء: اقول,,, عندي خطه لكم تجنن
نواف وطلال طالعوا بعض بصدمه ,,, من شوي كانت تنصح والحين تخطط
قالت لهم لمياء ع خطتها والي اعجبتهم مرررررررره,, وقرروا ينفذوها بوقت الغداء
00000000000000000000000000000000000000000000000000 00000
سعود دق ع مشاعل
سعود: ميشو حبيبتي ماتبي ننزل نتغدا
مشاعل: اوكي بس عطني 10 دقايق واكون جاهزه
سعود: اوكي انا راح اتصل ع بندر واقول له ينزل
مشاعل: اوكي
لبست مشاعل بسرعه كانت ميته جوع خاصه لانها مافطرت زين بسبب طلالوه
طلعت مشاعل من غرفتها من بعد ماكلمها بندر وقال لها انهم يستنوها تحت
سعود وبندر جالسين بالوبي يستنوا مشاعل
سعود: ايش رايك وين نروح نتغدا
بندر: والله ياسعود مدري,, تعرف انا اول مره اجي هنا
سعود: تدري احسن شي نطلب من التاكسي هو الي يودينا اي مطعم قريب
قاطعهم طلال بكل ادب : وليش تطلبوا من التاكسي وانا موجود
سعود وبندر التفتوا لطلال,,بندر كان معصب من لقافه طلال,اما سعود مستغرب ايش هالي قاط وجهه
طلال مد يده لسعود يسلم : معك طلال الـ.. ((وياشر ع لمياء)) ,, وهذا اختي لمياء صاحبه اختك مشاعل
مد يده سعود: هلا والله طلال
طلال بكل ادب : طبعا الاخ بندر تعرفت عليه بالصباح
بندر يتصنع الابتسامه: ايه
طلال: اختي بالصدفه شافت مشاعل اليوم الصباح وقت الفطور,, وفرصه سعيده الي شفناكم هنا,,,الواحد هنا يحس بالغربه ويحن لاهل ديرته
سعود اعجب باسلوب طلال,, واعجبه ستايل طلال: احنا والله اسعد
طلال: احنا رايحين نتغداء اذا تبو تخاونا ,, وترى انا ادل المانيا شارع شارع,, يعني ماراح اضيعكم
سعود اعجبه قدره طلال ع التحكم بالامور: والله لنا الشرف
انفتح باب الاصنصير وطلعت منه مشاعل والي انصدمت من طلال ,,, كان يسولف مع اخوها سعود,,, ايش يبي هالمجنون
كانت مشاعل لابسه جينز وتيشرت بنك مسكر من فوق وكان معطيها شكل طفولي
اما طلال ابهر مشاعل بلبسه,, كان لابس جينز لووست,, وقميص ابيض مخطط بخطوط سماويه خفيفه معطيته شكل جذاب وخطير
لمياء كانت اسرع من اي شخص وعلى طول سموت نفسها صاحبه مشاعل من 100000 سنه وضمتها بقوه
لمياء: هاااي ميشو ,, تصدقي شفتك الصباح والحين انا ميته شوق عليك
مشاعل استغربت اسلوب لمياء وعرفت انها خطه من خطط طلالوه
مشاعل: هاي لمو,,كيفك؟؟؟
لمياء: تمام بشوفتك
سعود: ميشو حبيبتي طلال يعرف مطعم حلو ,, ايش رايك نروح معاهم
مشاعل: لالا اخاف نضايقهم
طلال: لا بالعكس هالشي يسعدنا
سعود استغرب سكوت بندر ,,, شك ان بنرد عنده حاله نفسيه وانه يستحي من الغرباء لوووووووووووووول
طلعوا برا الاوتيل,, وكان طلال متصل ع السواق ,, لانهم يعرفوا سواق كويس بالمانيا وكان السواق تركي,,, لما يجوا المانيا كانوا يستاجروه,,, طبعا كانوا يستاجروا سياره من الاوتيل وكان نوعها بي ام دبليو بس فكر طلال ان السياره راح تكون صغيره عليهم فقرر انه يستاجر ليموزين
سعود اول ماشاف السياره انصدم ,, توقعها سياره متواضعه
ركبوا بالسياره ومن حظ مشاعل الشين ان طلال كان قدامها ,,, طبعا الموزين جلساتها غير السياره العاديه كان فيه مقعد يكفي لثلاث اشخاص ومقابله مقعد ثاني يكفي لثلاث اشخاص
كانت مشاعل جالسه ع يمين لمياء ونواف
اما مواجههم طلال وجنبه سعود واخر شي بندر,, وكان وجه طلال بوجه مشاعل وكانه قاصد هالحركه,, وكانت رجله قريبه من رجلها وكل شوي يدوس رجلها ويجننها
واحيانا يسوي نفسه يصلح جزمته ويقرص مشاعل مع رجلها,, وكانت تكتم الصرخه ع شان مايحس سعود
واخيرا وصلوا للمطعم والي كلهم استمتعوا باكله,,, وكان سعود منسجم مره مع طلال ,, واعجته شخصيته وثقته بنفسه
بعد الاكل قرر طلال انه ياخذ بهم لفه لاحلى الاماكن بالمانيا,, وكانت خطت لمياء ناجحه بتفوق,, لان بندر طول الوقت ساكت وقافله معاه,, وطلال تحققت امنيته ان مشاعل تكون معاه يوم كامل ,, حتى لو اخوها معاهم
لفوا مناطق واماكن كثير ,,,, وكان سعود مستمتع بهالجوله والي كان معاهم واحد خبير بهالبلد,, وماكان مظطر يوقف بكل مكان ويسال
وهم بالسياره,, مو عارفين وين يروحوا ,, لان الاراء مو وحده
بندر يبي يرجع للاوتيل لانه تعبان ع قولته,,, اما لمياء تبي السوق,, مشاعل ساكته,, سعود ماعنده مشكله اي مكان بس اهم شي مايرجع للاوتيل,, طلال يفكر وين يوديهم
قطع عليهم ارائهم البايخه واصدر حكم انهم الحين يودوه للملاهي,, وغمز لطلال
نواف: بندر اذا تبي نخلي السواق يوديك للاوتيل اوكي
بندر مجرد تفكيره ان راح يخلي مشاعل مع هالحقير وقف شعر راسه
بندر: لالا راح اروح معاكم
نواف: مو من شوي تقول انك تعبان
سعود مات ضحك ع خبث نواف ,,مع انه صغير بس ذكي
بندر: لا مو مشكله
راحوا للملاهي والي كانت كبيره
نواف: يله سعود تعال اركب معاي((نواف متعود يركب الالعاب الصعبه))
سعود: لا شكلها تخوف
نواف: انت رجال ولا لا؟؟؟
سعود: هههههههه ايش تشوف
نواف: انا اشوف رجال ,, بس اثبت لنا وتعال
طلال: ههههههههههه ,, نواف اسكت لاتخليه يتهور ويركب
نواف:هههههههههههه
سعود :يعني انت ونواف راح تركبوا
طلال: اكيد
نواف: تعال ولاتصير خواف
سعود توكل ع الله وقرر يركب
طلال: لمو ومشاعل تعالوا اركبوا معانا
سعود: لا ميشو لاتركبي عشان عيونك
مشاعل: اصلا مستحيل اركب ليش بايعه نفسي انا
لمياء: يله جايه اركب معاكم
سعود التفت ع بندر
سعود: بندر تعال اركب
بندر: لا يارجال انا اخاف
طلال يطالعه بتحدي: تخاف,ههههههه هالكلمه المفروض ماتطلع من رجال
بندر انقهر وحس انها تحدي
بندر: من قال اني اخاف ,,, انا ماخاف من هالعبه ,, بس انا اخاف ماتكون عليها صيانه كويسه
سعود مات ضحك: عذر اقبح من ذنب
طلال مسك يد سعود: تعال يارجال شكله خواف
ودلخلوا العبه,, التفت طلال ع بندر وعطاه نظره احتقار
بندر بنفسه\" الحين اخاف من لعبه وهو يسوي نفسه عند مشاعل قوي ومايخاف وتلقاه ميت خوف,,حتى اخته لمياء ركبت وبدون تردد,,, لازم اتغلب ع خوفي واركب,,, واثبت له اني ماخاف,, كلها دقيقه وتوقف\"
راح يركض ودخل اللعبه
مشاعل: بندر راح تركب
بندر بكل فخر: ايه مصدقه اني اخاف اصلا انا متعود اركب هالالعاب
طلال مثل ماتوقع لقى بندر واقف جنبه يبي يلعب
ركب سعود وبندر جنب بعض ,, ونواف وطلال ركبوا ورى
طلال بهمس: متاكد انك ماتخاف من هاللعبه
نواف بهمس: لا يابن الحلال ركبتها الف مره ,, انت روح بسرعه قبل يشغلوا اللعبه
طلال: اوكي
طلال طلع من اللعبه بدون مايحس فيه احد,, انتظر لما اشتغلت اللعبه وراح يكمل خطت نواف الخبل ,, كان مخطط انه يركب سعود وبندر ويخلي طلال يجلس مع مشاعل لوحدهم
كانت مشاعل جالسه ع كرسي قدام اللعبه
جلس جنبها وهي مالتفت ع بالها مو طلال ,, لانها كانت تحسب طلال معاهم
لما جلس قال: تمني لخطيبك الرقيق رحله موفقه لمده ربع ساعه
مشاعل خافت : طلال انت مو معاهم؟؟؟
طلال يطالعها بحب: معقوله افوت ع نفسي فرصه اجلس فيها مع احلى ورده
مشاعل قفلت معاها معصبت من طلال لانه جالس يلعب ببندر وكانه لعبه بين يده ,,, انتبهت لكمله طلال ربع ساعه انجنت
مشاعل بصدمه: ربع ساعه؟؟
طلال: ايه اللعبه هذي غير انها سريعه ومخيفه ماراح تخليك الا بعد ربع ساعه ويمكن نص
مشاعل : وليش تخليهم يركبوا ,, ع شان كذا نزلت
طلال: بصراحه انا مليت من كثر ماركبها مع نوافوه,, ومستحيل اخليك لوحدك,, بس بندر الي تمدحيه شوفيه ركب وخلاك
مشاعل: حرام عليك تخليهم يركبوا
طلال تضايق: لاتخافي عليه ماراح يموت
مشاعل: عشان كذا تقنعهم يركبوا
طلال يبتسم: تتوقعي ساعه اقنعهم ع شان سواد عيونهم
مشاعل انقهرت من خبثه,, بس بنفس الوقت فرحت لانها معاه
قامت مشاعل تمشي بعيد عنه ,, مشى معاها ووقفت
مشاعل: طلال اتركني مابي امشي معاك,, ابي اكون لوحدي
طلال يرفع يدينه يستسلم : اوكي
مشت خطوتين ووقفت بسرعه لان طلال وقف قدامها
حاولت تروح يمين ولف هو يمين يسد عليها الطريق,, لفت يسار ولف معاها ,, حطت يدينها ع خصرها وطالعته
مشاعل: طلالوه وبعدين
جلس طلال ع الارض من الضحك وكانت ضحكته عاليه مثل ضحكاته في الاوتيل صدق خبل ومرجوج
طلال: تصدقين اول مره تعجبني طلالوه كذا,, بالله ابي طلالوه ثانيه
مشاعل: اوووووووه جد انك فاضي,, ارجع للعبه احسن اكيد انتهوا
طلال قام بسرعه يلحقها : ههههههه,, تلقينه الحين في كينيا
مشاعل باستغراب : كينيا
طلال وهو ميت من الضحك : هههههههه من سرع اللعبه اكيد وصلته كينيا ,, تلقينه الحين يتشهد ولا فكر فيك,, وبعدين لسى ماخلصت 5 دقايق واللعبه قلت لك ماراح تعتقهم الا بعد ربع ساعه
مشاعل ولعت من طلال قهرها ,, حركاته بايخه
مشاعل تطالع الارض من التعصيب: طيب ممكن تبعد عن طريقي
طلال يهز راسه وكانه يقول لا
وفجاءه طلال شال مشاعل وكانها طفل بين يدينه وصار يركض بها ويدور بها
مشاعل: طلال نزلني ,, طلالوه ياحقير نزلني
وكانت تسمع صوت ضحكاته تملا المكان ,, وصوت دقات قلبها من الخوف ومن تاثير قرب طلال منها
مشاعل: الله يخليك نزلني ,, طلال بليززززززززززززز
حاولت تقاوم وتضربه برجلها بس كان اقوى من انها تقدر تهزه
وخيرا وقف طلال من الركض بجنب محل ايس كريم ونزلها ,, كان يتنفس بصعوبه من اثر الركض ومن اثر شيل مشاعل,,
طلال: تتذكري لما ضربتني بالكيكه انا الحين ابي اضربك بالايسكريم
مشاعل عطت طلال كف ,,, وتركته
طلال انصدم اول مره وحده تمد يدها عليه
مشاعل تعبت من الركض وماتدري وين تروح ,, حست انها ضايعه ,, خافت ,, هي الحين بمكان مجهول ولاتعرف انقليش,, مين تسال,, حتى اسم اللعبه ماتعرفه ,, وين تروح,, دورت ع طلال ماكان موجود,, يالله ايش تسوي ,, وين تروح,, صارت تدور بالملاهي مو عارفه وين تروح,,, بدت تبكي من الخوف ,,, حست بخوف يقتلها ,, غريبه بمكان ماتعرفه,,, طالعت ساعتها راح ع اللعبه ربع ساعه اكيد الحين نزلوا من اللعبه,, يارب تلقاهم,, وقفت مكانها ونزلت دموعها من الخوف
مشاعل تصارخ وهي تبكي: طلااااااااااااااااااااااااال ,, طلاااااااااال,, سعوووووووود
فيه احد قرصها مع ضهرها , التفتت بسرعه لقت طلال بوجهها,, من الخوف والرعب والضياع الي حست فيه,, وبدون ماتحس ضمت طلال
طلال كان ابواب السعاده انفتحت له ,,, ضمها بقوووه ,, وبحنان صار يمسح ع شعرها
طلال بحنان : ميشو لاتبكي ,, لاتخافي انا معاك,, وماراح اخليك ابد ,,, انا كنت وراك طول الوقت ,, مستحيل اخليك تضيعي,, ميشو لاتبكي خلاص انا جنبك
مشاعل : طلال لاتتركني ,,انا خايفه,, خلك معاي ,, طلال احبك
طلال كان مبسوط بهالكلمات ومو مصدق انها تطلع من مشاعل ,, كان وده ياخذها ويهرب بها بعيد عن اي شخص مكان مايكون فيه الا هو وهي
بعدت مشاعل عن حظن طلال بخوف لما سمعت صوت نواف
نواف: طلال وينكم سعود وبندر يدوروا عليكم
طلال: يعني المحروس رجع مامات باللعبه
نواف: لا والله مامات ,, انشالله الجايات اكثر
طلال : ههههههههههه
مشاعل بتانيب : طلال
طلال يرفع يده باستسلام: اوكي اسف
راحوا لاماكن اللعبه وكان لون بندر اخظر من التعصيب لووووووووول,, عرف ان طلال كان مخطط عشان يجلس مع مشاعل لوحدهم
اما سعود كان هادي
سعود: ماشالله هذا الي مايخاف اشوفك نزلت
طلال: هم نزلوني قالوا اللعبه ماتستحمل وزنك
سعود: ههههههههههههه, ابو التصريفه
طلال: سلك لي يارجال
بندر يتصنع المرح : يعني انت مو رجال لانك خواف
طلال: مو مهم اني اصير رجال عند الناس اهم شي اني رجال بنظر نفسي وبنظر حبيبتي
سعود استغرب جرئه طلال
تعشوا بالملاهي وبعدين رجعوا للاوتيل ,, كان سعود مره مبسوط بعلاقته الجديده مع طلال واخذ رقمه ع شان يزوره بالرياض
باللوبي
طلال يتصنع البراءه: احنا بكره رحلتنا الفجر((كان حاجز بنفس رحله مشاعل))
سعود: نفس رحلتنا ,, والله حلو نتخاوى بالطياره
طلال: والله من حظنا
طلع بندر وسعود ومشاعل غرفهم
بدلت مشاعل ملابسها وسمعت التلفون يدق
مشاعل بنفسها\" هذا اكيد بندر اف منه ,, اكيد يبي يشتكي لي طلال\"
مشاعل: الو
طلال: هلا بصاحبه احلا حظن بالدنيا
مشاعل انحرجت ,, ولاتقدر تهزئه لانها هي الي حظنته,, ايش راح يقول عنها انها وصخه ومو متربيه
مشاعل: طلال انت عارف اني كنت خايفه,, وماحسيت بالي سويته
طلال: وكلمه احبك ماكنتي بعد حاسه فيها
مشاعل: طلال ايش تبي
طلال: ابي اتفق معاك اننا نبعد بندر عن طريقنا
مشاعل: لاتحسب اني ع شان اليوم راح اتخلى عن بندر
طلال بعصبيه : يعني راح تستمري معاه
مشاعل: طبعا
طلال: اوكي خليه ينفعك
وقفل الخط بوجهها
مشاعل حست بخوف ,, اول مره طلال يقفل بوجهها ,, واول مره يعصب عليها,, يالله اكيد زعل ,,, وما راح يدق عليها مره ثانيه,, بس ليش هي خايفه مايدق احسن ع الاقل ع شان تقدر تعيش مع بندر بسلام
قطع عليها افكارها صوت التلفون,, ردت بسرعه ع امل انه طلال
مشاعل: الو
طلال: ميشو نسيت اقول لك ,, تبي بندر لما اطلعه من حياتك احطه بكيس والا بعلبه
هالمره مشاعل قفلت بوجه طلال,, يالله مجنون هذا مايمل
كان لازم يطلعوا من الاوتيل الساعه 1 لان رحلتهم 3 الفجر,, حاولت تنام شوي تريح جسمها وماقدرت ,, لما تتذكر حظن طلال يطير النوم من عينها ,, كان احلا حظن حست فيه ,, ومو عارفه كيف تجرات وحظنته, بس كان حنون وحست ان طلال يحبها من قلب
00000000000000000000000000000000000000000000000000 00000
مشاعل تتامل بيتها اخيرا تقدر تشوفه وتشوف وجيه الناس الي تحبهم,, حبت بيتها وحبت تفاصيله,, جد افتقدتها
ام مشعل تبكي: الحمدلله ع سلامتك ,, تو ما البيت نور,, الله لايحرمني منك
مشاعل: الله يسلمك ياخالتي, مو مصدقه اني اخيرا بينكم واشوفكم
ضمت ام مشعل وبكت من قلبها ,, ونفس الشي لما شافت نجود,, كان القاء مره حزين والكل تاثر ,, بكت مشاعل لانها ماقدرت تشوف نجود بيوم زواجها,, بس نجود تمتلك حكمه وذكاء قدرت تقلب هالحزن لفرح وسرور
نجود: ايش رايك ياميشو نروح غرفه الرسم حقتك ,,, ونشيل اغراضك من هناك ونجيبها هنا للبيت
مشاعل اعجبت بالفكره,, صح ان عيونها للحين تعبانه ,, بس ودها تمارس هوايتها الي انقطعت عنها من زمان
طلعت نجود ومشاعل لبيت ام سلطان ,,, فتحوا الباب ودخلوا الصاله والي كانت فاضيه,, مشاعل اشتاقت لاخوانها مره ,, وكان ودها تشوفهم ,, قررت انها راح تروح لغرفه الرسم,, وبعدني تمر ع اخوانها
دخلت مع نجود للغرفه وانصدموا بالي شافوه
كانت الغرفه محيوسه,, وكل شي مكسر,, الالوان ع الارض ,, اللوح الي راسمتها صارت من الماضي لان واضح فيه يد كسرت اللوح كلها
مشاعل جلست من الصدمه ,, مين الحقير الي سواء كل هذا,, معقوله ام سلطان تسوي كل هذا
التفتت ع نجود وكانها تبيها تقول لها ان كل هذا مو صدق: نجود لوحاتي ,, غرفتي
نجود: ميشو لا تتضايقي انشالله راح نسوي لك غرفه احسن
دخل عليهم فهد, ولما شاف مشاعل , ركض لها وضمها
فهد: ميشو لاتتركينا الله يخليك,,, خليك معانا ,ماما تضربنا ,, ميشو احنا خايفين
مشاعل انصدمت من كلام فهد: حبيبي لاتخاف انا معاكم
دخلت ام سلطان: الله الله تجمعت الحثاله,, انتي يالعمياء ايش جابك بيتي
مشاعل وقفت ومشت لما وصلت ام سلطان: فهد روح غرفتك
ولما طلع فهد
مشاعل: ع فكره العماء مو عيب ولاحرام ,,, وانا الحمدلله سويت العمليه ونجحت
ام سلطان: طبعا من فلوسي سويتي العمليه
مشاعل: لاتخافي انا سويتها ع حساب المستشفى
ام سلطان: هههه تتوقعي مني اني اصدقك,, هذا خطه منك ومن اخوانك
مشاعل: ماتتخيلي قد ايش اكرهك واحقد عليك ,,, اول شي ع شان غرفتي والي كانت احلا ماعندي بهالدنيا ,, هنا ارتاح,, وهنا سعادتي, بس مو هذا السبب الي راح يخليني اوقف بوجهك,,, اسمعي من اليوم راح ارجع هنا ,,, هذا بيتي وبيت اخواني,,, وراح اكرهك بحياتك تدري ليش,, لانك فكرتي تمدي يدك ع اخواني,, وهالشي راح تدفعي ثمنه قريب
ام سلطان: هههههه هذا بيتي وماراح اخليك تتهني فيه ولا تسكني فيه,,, انا راح ابيعه انشالله,, وفلوسه راح اسافر بها,, اما اخوانك الي تتكلمي عنهم,, خذيهم معاك لبيت العجوز ,,, انا مابيهم
مشاعل: يالحقيره ,,, الله ينتقم منك ,,, ايش ذنب هالصغار
ام سلطان: ذنبهم انهم ماورثوا من ابوهم الى الديون,,, وانا مقدر اصرف عليهم,, خذوهم مو انتم تحبوا تربوا الايتام
وطلعت وخلتهم
مشاعل جلست ع الارض تبكي ع حال اخوانها : نجود حرام هذولا صغار ,, محتاجين امهم,, ومحد يعوضهم عن امهم,, ليش تسوي كذا
نجود: حبيبتي انتي لسى تعبانه بعد العمليه ولاتتعبي نفسك بهالامور,, تعالي نروح غرفتك ترتاحي
مشاعل قامت: لا انا ماراح اطلع واترك اخواني
مشاعل طلعت من الغرفه وطلعت تركض ع غرف اخوانها
لقت سلطان بالغرفه يبكي,, اول مره تشوف سلطان يبكي كان دايما قوي
اول ماشاف مشاعل ركض ناحيتها وضمها
سلطان: ميشو رجعتي تشوفي؟؟؟؟؟؟؟
مشاعل تبتسم: ايه ياسلطان الحمدلله انا الحين اشوف
سلطان: الحمدلله, ,, ميشو وحشتينا ,, لاتتركينا وتروحي لام مشعل,, خليك معانا
مشاعل: لا ماراح اترككم,, انا راح اجلس عندكم ,,,, وماراح اخليكم ابد
سلطان رجع يضم مشاعل
مشاعل: وين فيصل؟؟؟
سلطان: نايم بغرفته من بعد ما ماما ضــ ((وسكت))
مشاعل: ليش سكت ياسلطان قول ايش سوت له
سلطان: اليوم ضربت فيصل
مشاعل راحت تركض لغرفه فيصل,,,, لقته نايم ,, واضح انه نام من كثر ماصاح
جلست جنبه وبكت لحالته
قررت مشاعل انها راح ترجع عندهم ,,, واخذت اغراضها من بيت ام مشعل,,, وسعادتها نجودج في نقل اغراضها,,, وطبعا ام مشعل عارضت في البدايه ,, بس وافقت لما وعدتها مشاعل ,, انها تجي تفطر وتتغدا وتتعشاء عندها
00000000000000000000000000000000000000000000000000 00000
ساره: مالي شغل فيك الحين تاخذني لمشاعل,, ابي اشوفها
بندر: ساره قلت لك انشالله بكره راح نروح لهم ,,,, لاني بروح احدد موعد الملكه
سره انصدمت: ملكه خلاص قررتوا؟؟؟؟
بندر: ايه مشاعل وافقت ع الملكه تكون هالاسبوع
ساره: هالاسبوع,, بس اليوم الاحد ,, يعني متى راح تكون الملكه؟؟؟
بندر: انشالله الخميس
ساره: بهالسرعه
بندر: انا ومشاعل قررنا اننا ماننتظر زياده
ساره تطالع بندر بخبث: بندروه ايش سويت لصاحبتي وخليتها توافق بهالسرعه
بندر يضحك: سر المهنه
ساره راحت تتصل ع مشاعل,, ودقت عليها كثير وكان موبايلها مقفل , ماقدرت تتحمل الشوق,, وعلى طول طلعت من السياره وراحت ع بيت مشاعل
00000000000000000000000000000000000000000000000000 0000
نواف كان يركض يدور ابوه ,, يبي يعرف ايش هالمفاجاه,, لف البيت كله ومالقى ابوه,, واخيرا لقاه بغرفه المكتب
نواف: هاي بابا
ابو طلال قام يشيل ولده: هلا بحبيب بابا
نواف: بابا وحشتني
ابو طلال: وانت اكثر,, كيفك انشالله طلال ماضيق صدرك او ضربك؟؟؟
نواف: بابا موقت هالكلام ابي هديتي؟؟؟
طلال دخل: شفت ان ولدك مصلحه
وراح طلال يسلم ع ابوه ويبوس راسه
ابو طلال: يمون ع القلب,, ع قلبي زي العسل
طلال: الله لنا, تامر شي بابا بروح ارتاح
ابو طلال: ايه مدير مؤسستنا الي بامريكا اتصل يدورك كثير ,,, الله يهديك قلت راح تدير المؤسسه هناك,,, وكلها اسبوع ورجعت,,, وهم الحين مختبصين,, دق عليه شوف ايش يبي
طلال: انشالله
نواف: هاه بابا وين هديتي
ابو طلال طلع علبه هديه صغيره ,, نواف تحطم لما شافها توقع ان الهديه كبيره
ابو طلال : ماتبي تفتحها
نواف بدون نفس: طيب بفتحها
ولما فتحها لقى مفتاح
نواف: ايش هذا مفتاحه؟؟؟
ابو طلال : تعال شوف هذا مفتاح ايش
ووقفوا عند الشباك وكانت موقفه سياره قولف ,,كان نواف يبي وحده مثلها يتمشى فيها بالبيت,, بما ان بيتهم مررره كبير وعشان تتمشى فيه تتعب مره,, فكان وده بسياره قولف ع شان يتمشى بالبيت
نواف صرخ من الفرحه وباس ابوه وطلعوا يجربوها
طلال طلع من البيت بعد ماسلم ع امه وتوجه لغرفته والي هي في قسم منفصل برا البيت
دخل وسكر الباب,,, تسند ع الباب,,, تذكر مشاعل ومعقوله زواجها بعد اسبوع ,, كيف رضت ببندر ,,, شلون تحبه وترضى تتزوج واحد غيره,, انقهر منها,, بس ليش مايقدر ينساها او يكرهها ,, حس انه الوقت ع شان يضرب بندر الضربه الي راح تكره مشاعل فيه,,, بس لو كانت جد تحب بندر وتتغاضى عن كل عيوبه,,, خاف طلال من هالفكره,, وقتها اكيد راح يترك مشاعل لو حس ان قلبها مو له,, لانه مايبي يتعسها هو يبي سعادتها ,, وعارف ان سعادتها معاه,, لانه عارف ايش يقدر يقدم لها ,, مو بس الفلوس الي راح يقدمها لمشاعل,, راح يقدم شي احلى واكثر قيمه,, وهو الحب والاخلاص
00000000000000000000000000000000000000000000000000 00000
دخلت ساره بيت ام سلطان وكانت خايفه تشوفها وتهزئها ,, توجهت لغرفه مشاعل وشافت النور مو مسكر معنى هالشي ان مشاعل صاحيه ,,, سمعت صوت اخوان مشاعل عندها بالغرفه
فتحت الباب
ساره: هاااااااااي ميشو
مشاعل طمرت وركضت تضم ساره: ساااااارونه مره وحشتيني
ساره تعاتبها: مره وحشتك ,, لو جد وحشتك كان اتصلتي علي
مشاعل: اسفه والله لهيت مع مشاكلي
ساره: اي مشاكل الحمدلله رد لك نظرك وتقولي مشاكلي؟؟
مشاعل: حبايبي ايش رايك تروحوا تلعبوا بلي ستيشن
سلطان فهم التصريفه: فهد وفيصل تعالوا نلعب برا
لما طلعوا
مشاعل حكت لساره مشكله ام سلطان وحقارتها,, وساره مانصدمت لانها كانت تتوقع منها اي شي
ساره: عموما مبروك مقدما
مشاعل : الله يبارك فيك بس ليش مقدما خلاص انا سويت العمليه قولي مؤخرا
ساره تغمز لمشاعل: لا مبروك ع شي ثاني
مشاعل: وايش هالشي؟؟؟
ساره: سمعت بالصدفه ان ملكتك يوم الخميس
مشاعل انصدمت لانها ماحددت هالشي ,, صح انها قالت لبندر انها راح تقدم الملكه بس ماحددت يوم
ماشعل: وانتي مين قال لك
ساره: مين غيره بندر
مشاعل: بس انا ماحددت له يوم
ساره : هو راح يجي بكره مع ابوي يكلم اخوانك
مشاعل خافت ,,,, خلاص راح تصير زوجه لبندر ,, حست انها مو مستعده ابد,,, بس خلاص هذا اختيارها,, ولازم ترضى,,, وبعدين بندر يعتبر فرصه ماتعوض لاي بنت,,, بس ماتدري ليش حست انها بدت تكرهه خاصه لما بدا طلال يطلع بحياتها من جديد,, صارت دايما تقارن بينهم وكان طلال يفوز ع بندر بكل النواحي
كانت محتاره,,, بس كويس الي ساره قالت لها ع الاقل عندها فرصه تفكر لما بكره
طلعت من عندها ساره وحاولت تنوم ولو ان النوم جفاها بعد ماعرفت ان بندر راح يجي بكره يحدد موعد الملكه
فتحت موبايلها تبي تدق ع بندر ع امل انه يقول لها شي وتحاول تقنعه ياجل الموضوع حست انها ابد مو مستعده
سمعت صوت مسج وكان من رقم غريب ,, المسج يقول
\"قطوتي اذا فتحتي موبايلك دقي علي مشتاق لك موووت\"
عرفت على طول انه طلال محد يقول لها قطوتي الا هو,, ايش تسوي له مايبي يفهم, انها خلاص راح تتزوج ,, متى راح يتركها,, مصخها,, لازم توقفه عند حده
رجعت قفلت موبايلها ونامت بصعوبه
00000000000000000000000000000000000000000000000000
اليوم الثاني كان صعب ع مشاعل ,, اضطرت انها تواجه ام سلطان كم مره ,,, كانت مره تدافع عن اخوانها والي امهم ماتتعب من ضربهم,, ومره تدافع عن ابوها والي طول الوقت ام سلطان تتحسر ع نفسها انها تزوجته ,,, لانه تركها وماترك لها فلوس تتهنى فيها
وجت اللحظه الصعبه بالنسبه لمشاعل,, لما جاها مشعل يسالها عن رايها في انها تكون المكله يوم الخميس
مشعل: انا قلت لهم انهم مستعجلين ,, وطلبت منهم ياجلوها شوي
مشاعل: مافيه داعي يامشعل,,انا موافقه
مشعل يبتسم: الف مبروك يامشاعل , بصراحه عرفتي تختاري بندر رجال بمعنى الكلمه
كانت تنتظر مشعل يروح ,, تبي تبكي ,, عارفه انها بكلمتها هذي فقدت طلال ,,,بس للحين مقتنعه برايها,, انه هذا الحل المناسب لهم كلهم
طلع بندر من عندهم ,, فتحت موبايلها,, وجتها رساله من طلال
\" مشاعل امشي ورى قلبك وماراح يضيعك\"
ارسلت لطلال رساله
\"طلال انا حددت موعد الملكه يوم الخميس,, خلاص انا ملك شحص ثاني مو ملك نفسي,, لو سمحت انساني\"
ارسل لها طلال رساله
\"وليش ماتطلبي منه هو انه ينساك,, ليش لازم انا الي اضحي\"
ارسلت له
\"لانه ببساطه راح يكون زوجي\"
ارسل لها
\" اذا الله كاتب لك تتزوجي ماراح تتزوجي غيري,, اوعدك\"
مشاعل كان ودها ترقص من الفرحه ,, معقوله فيه امل تكون زوجه طلال ,, وبدون ماتجرح بندر,, ياليت
00000000000000000000000000000000000000000000000000 00000
بندر جنن ابوه من الفرحه
ابو بندر: بندر عيب عليك انت رجال
ندر: والرجال مو من حقه يفرح,, بابا انا مو مصدق نفسي اخيرا مشاعل راح تصير زوجتي
ابو بندر: طيب ترى وصلنا البيت وقف لاتدخل بالجدار
وقف بندر ونزل ابوه,, جلس بندر بالسياره يسمع اغاني بالسياره ويرقص من الفرحه,,, قفل الاغاني لما سمع صوت موبايله
ساره: بابا وين بندر ابي ابارك له
ابوبندر: يرقص بالسياره
ساره: هههههههههههههههه,, جد خبل
ابو بندر : الله يوفقهم
ام بندر وساره : امين
طلعت ساره فوق تبي تكلم فهده تقول لها
ودخلت غرفتها
ساره: هاي فهده
فهده: اهلين سارونه
ساره: عندي لك خبر يسوي مليون
فهده: لاتقوليه لاني ما املك ولا الف
ساره: هههههههه, لو تعرفي الخبر كان تسلفتي المليون ع شان تسمعيه
فهده : الله واكبر وايش هالخبر يالفالحه
ساره: ميشو سوت العمليه وصارت تشوف
فهده: من جدك
ساره:والله والله والله
فهده: ياحقيرات ليش ماقلتوا لي انها راح تسوي العمليه
ساره: قلت اسويها مفاجاه
فهده: الحمدلله الف مبروك ,, والله ميشو تستاهل
ساره: وفيه شي ثاني
فهده: وايش هالشي؟؟؟ انتي اليوم مدري ايش عندك اخبارك تجنن مو مثل العاده
ساره: مقبوله بس بكمل,, ميشو ملكتها يوم الخميس
فهده: لاعادي مصختوها كل هالاشياء تصير وانا مدري
ساره ميته ضحك: ههههههه وفيه شي ثالث
فهده: عمى انتي واخبارك ,, قولي وخلصيني لايطيح البيبي
ساره: ميشو راح تتزوج اخوي بندر
فهده: مبررررررررررررررررروك, بس والله انكم سخيفات ليش ماقلتوا لي
ساره: صارت الامور بسرعه
فهده: والله فرحت لميشو تستاهل
ساره سمعت صوت صراخ
ساره: فهده شوي واكلمك
وقفلت بدون ماتعطي فهده فرصه تقول باي
طلعت وشافت بندر معصب وداخل غرفته , عمرها ماشافت اخوها بندر معصب بهالشكل,,, بندر معروف بهدوئه,, ايش هالشي الي مخليه معصب لهدرجه
نزلت تحت ولقت امها وابوها صدمتهم ماتقل عن صدمتها
مشاعل: ماما ايش فيه بندر؟؟؟
ام بندر: والله مدري ياحبيبي ,,, مر من جنبنا وهو يكلم بالموبايل ومعصب,, مدري مين يكلم
ساره خافت ع اخوها ,, طلعت له فوق تبي تعرف ايش فيه
وقفت عند غرفته تبي تطق عليه الباب,, بس حست انه مانتهى من مكالمته لانها سمعت صوته يصارخ
كانت تبي ترجع لغرفتها بس شدها الموضوع الي يتكلم فيه بندر مع الشحص الي ع الموبايل,, بدوون قصد منها انها تتصنت وقفت,, تبي تسمع زياده,,مو قادره تصدق ان كل هذا يطلع من اخوها بندر,, الى كانت تضرب به المثل,,, يطلع كل هذا منه
حست انها بحلم , اكيد الي جالسه تسمعه مو صدق,,, اكيد هذا مو بندر
حس بصوت برا غرفته وفتح الباب يتاكد لقى ساره واقفه ومصدومه
ساره وهي تبكي : ليش يابندر,,, ليش سويت كذا؟؟؟
ايش سر هالمكالمه والي خلت بندر مذنب بوجهه نظر ساره,,,, ومين هالشخص الي قدر ينرفز بندر بهالشكل؟؟؟؟
الجزء الثالث والعشرون
ساره خافت ع اخوها ,, طلعت له فوق تبي تعرف ايش فيه
وقفت عند غرفته تبي تطق عليه الباب,, بس حست انه مانتهى من مكالمته لانها سمعت صوته يصارخ
كانت تبي ترجع لغرفتها بس شدها الموضوع الي يتكلم فيه بندر مع الشحص الي ع الموبايل,, بدون قصد منها انها تتصنت وقفت,, تبي تسمع زياده,,مو قادره تصدق ان كل هذا يطلع من اخوها بندر,, الى كانت تضرب به المثل,,, يطلع كل هذا منه
حست انها بحلم , اكيد الي جالسه تسمعه مو صدق,,, اكيد هذا مو بندر
حس بصوت برا غرفته وفتح الباب يتاكد لقى ساره واقفه ومصدومه
ساره وهي تبكي : ليش يابندر,,, ليش سويت كذا؟؟؟
بندر مصدوم : ايش سويت؟؟ وانتي من متى واقفه هنا؟؟؟((ماكان يعرف ايش بالضبط سمعت ساره))
ساره: من اول مادخلت غرفتك وسمعت كل شي
بندر : مين سمح لك تتجسسي علي؟؟
ساره: بندر من متى تعرف طلال؟؟؟
بندر : اي طلال انتي ايش قاعده تقولي؟؟؟
ساره تصارخ: لاتنكر يابندر انا سمعت كل شي,, انتم متفقين ع ميشو,, ماراح اسمح لك تدمرها حتى لو كنت اخوي
بندر: اي ادمرها الله يهديك انتي فاهمه الموضوع غلط
ساره: بندر انا راح اكلم مشاعل اقول لها كل شي
بندر: لا سارونه الله يخليك انتي لو قلتي لها ماراح ترضى تتزوجني
ساره تطالع اخوها بصدمه : وانشالله تبيها تتزوجك وهي مخدوعه فيك
بندر: انا ماخدعتها انتي مكبره الموضوع ومو قادره تفهميه
ساره: الحين تشرح لي كل كلمه سمعتها,, او اروح اقول لميشو
بندر عصب من ساره: ساره انا اخوك معقوله تسوين فيني كذا؟؟
ساره: انا مارضى بالكذب والغش حتى لو كان من اخوي
بندر: طيب سارونه تعالي لغرفتي وانا راح افهمك ع كل شي
ساره: اتمنى عندك تفسير مقنع للي سمعته
بندر دخل مع ساره غرفته ومو عارف كيف يبدا
بندر: انا راح اقول لك كل شي بس بشرط
ساره: ايش هو؟؟؟
بندر: ميشو لاتعرف عن هالموضوع شي
ساره معصبه: كيف ماتعرف وهي صاحبه الموضوع
بندر: ع الاقل لاتقولي لها الا بعد الملكه
ساره: ليش ماتبيها تعرف حقيقتك وبعدين ترفضك
بندر: سارونه انا احبها وماقدر اتركها او استغنى عنها ,,, وانا متاكد ان مشاعل قلبها كبير وراح تسامحني
ساره: واذا انت واثق انها راح تسامحك ,, ليش ماتقول لها
بندر: انا راح اقول لها بس بعد الملكه
ساره: اها انت قصدك لما تملك عليها خلاص ماتقدر ترفضك لانك زوجها,, عمري ماتوقعت انك لئيم لهدرجه يابندر
بندر: سارونه والله احب ميشو وماودي اخسرها
ساره: ممكن اعرف السالفه؟؟
بندر: اوكي بحاول اني ابدا من البدايه,,, اول شي انا كنت بامريكا,,, وطلال كان يدرس بامريكا وتعرفت عليه هناك من زمان ومن بعدها هو صاحبي,,, ومرت الايام وقرر ابو طلال انه يخلي طلال يمسك فرع مؤسستهم الي بامريكا,, وبهالشكل توطدت علاقتي بطلال اكثر من اول,, وتكررت طلعاتنا مع بعض,, شكى لي من حبه لمشاعل ,,, وعن مرضها ,, وانه يبي يساعدها بس مو عارف كيف,, بعدين طلب مني انه يساعد مشاعل عن طريقي ,, لانه عرف عن طريق اسم عائلتي اني اخوك,, وعرف انك صاحبه مشاعل مره,, قال احسن حل انك تساعدها وماراح ترفض لان المساعده راح تجي من ساره
ساره: وليش هو ماساعدها؟؟؟
بندر: كان متاكد انها راح ترفض اي مساعده منه
ساره: وليش متاكد؟؟؟
بندر: ساره اكيد مشاعل ماتخبي عنك شي ,,, واكيد قالت لك عن الحركه الي سواها في مشاعل
ساره: عشان كذا مافكر يفاتحها بالموضوع
بندر: ايه ,, وهو قال مابي اخاطر بموضوع علاجها وبعدين ترفض وافقد اي امل انها توافق,, فهو قال خل الموضوع عن طريقك احسن
ساره: يعني طلال هو الي خلى المستشفى يعالجوها ع حسابهم مو انت
بندر: لا المستشفى ماله دخل بعلاج مشاعل
ساره مستغربه: مو فاهمه؟؟؟
بندر : العلاج كله كان ع حساب طلال
ساره منصدمه: معقوله
بندر : طلال كان دافع كل شي يخص مشاعل ويخص سعود بسفرتهم بدايه من التذاكر الي العياده وتكاليف العمليه وتكاليف السويت الي حجزه لهم,, حتى الاوتيل الي كنا ساكنين فيه بعد ماطلعت مشاعل من المستشفى كان ع حساب طلال,, وكنت طول الوقت اوهمهم انه ع حساب المستشفى ,, وكنت خايف سعود يحس بشي
ساره تكرر كلام بندر مو مصدقه : الاوتيل الي كنا ساكنين فيه؟؟ ليش لايكون دافع عنك انت بعد
بندر وهو مستحي: ايه ,, بصراحه بذيك الفتره ماكان عندي سيوله,, وطلال صمم انه يدفع كل شي,, لانه هو المسئول عن هذا كله,, وهو الي طلب مني اسافر معاها ع شان اطمنه
ساره: وموضوع الشركه؟؟؟
بندر: هو اشترى نصيب ابو سليمان من الشركه وصار شريك سعود ومشعل وهو الي دعمهم بالفلوس بس عن طريقي,, وهو الي كان يخطط لكل شي وانا كنت انفذ ,,, حتى لما رحت لشركه اخوانها ,, ماكان عندي علم باي شي,, اتصل علي الصباح وقال لي روح للشركه ,, وعلمني ايش اسوي بالسياره ,, بس احنا كنا خايفين انهم يكتشفوا لاننا سجلنا الشركه باسم طلال مو باسمي ,, خفنا ينتبهوا لهالشي,, لان الاوراق كانت عندي بس خفت يطلبوا نسخه من الاوراق
ساره :وانت ماتستحي ع نفسك تمثل هالتمثيل
بندر: صديق وطلب مني هالطلب ماقدر ارده
ساره تفكر: اها هذا يفسر رجعتك من امريكا بدري,,, بس ايش دخل مساعداته لمشاعل بزواجك منها,,, كذا هو راح يضرها لانها راح تتزوج واحد مخدوعه فيه
بندر نزل عينه بالارض وقال: هذا الموضوع يخصني انا ,, وطلال ماله شغل بهالموضوع
ساره: شلون ماله شغل
بندر: لان طلال ماعرف اني خاطبها الا بالصدفه
ساره منصدمه من اخوها: وشلون سمحت لنفسك تخون صاحبك والى امنك على ميشو,, وانت عارف انه يحبها وهي تحبه,, تروح تسرقها منه
بندر: سارونه صدقيني انا حبيت مشاعل غصب عني وبدون ماحس,,, وبعدين هي ماراح تسامحه وهو مايتجرا يكلمها او يرجع لها,, فكرت ليش ما اعطي نفسي مجال ابدا معاها
ساره: وبعد ماعرف طلال ايش سوا
بندر: هو ماعرف الا قبل نرجع بيوم ع حسب علمي و قرر انه ينتقم مني وينكد علي يومي,, وهذا الي سواه كان اسوا ايام حياتي
ساره: ماني قادره اصدق انك تسوي كذا وانت عارف ان مافيه شخص يسوي كل هذا الا لانه يحب بجنون,, وانت ماراعيت احاسيسه وخنته وخطبت ميشو
بندر: بس انا احبها وبعدين انا ساعدته
ساره: بس انت كنت مزيف وطلعت لمشاعل بصوره غلط,, وبتعب طلال كنت راح تجبر مشاعل تتزوجك
بندر: انا ماجبرتها هي وافقت من نفسها
ساره: بس ميشو لازم تعرف كل شي
بندر: سارونه تكفين خليها بعد الملكه ع الاقل اتاكد انها ماراح تتركني
ساره: تبي تبني حياتك ع غش وخداع,, اسفه مشاعل صاحبتي ومقدر اكذب عليها,, ,بعدين لو انا سكت تتوقع طلال راح يسكت
بندر: وهذا الي مخوفني,, طلال يتوعدني,, ويقول لي راح اقول لمشاعل كل شي وراح يدمرني
ساره: ما الومه ,, انت قول لمشاعل واذا كانت تحبك راح تسامحك,, اما اذا ماسامحتك معناها انت الربحان لانك انقذت نفسك من حياه زوجيه تعيسه لان مشاعل ماتحبك
بندر: بس انا احبها
ساره: صدقني الصدق هو الشي الوحيد الي راح يخليك تكبر بعين مشاعل
بندر: اهم شي انتي لاتقولي لها شي,, انا راح اقول لها
ساره: مثل ماتبي بس انتبه ترى اليوم الاثنين,,, وملكتكم الخميس يعني مافيه وقت لازم تقول لها بسرعه
بندر: انشالله
00000000000000000000000000000000000000000000000000 00000
كان طلال يدق ع مشاعل يبي يفهمها ع كل شي,, مستحيل يترك بندر ياخذ منه حبيبه قلبه,, تعب وهو يدق وكان موبايل مشاعل مقفل ,,, قرر انه يرسل لها مسج ع امل انها اذا فتحت موبايلها تشوف المسج
\"ميشو اذا فتحتي موبايلك كلميني ابيك بموضوع ضروري يخص بندر\"
طلع من غرفته وراح ع الخيمه حقتهم ,,, دخل وكانت الخيمه فاضيه ,,, جلس لوحده ,,, يفكر,, كيف يجبرها ترد عليه ,,لازم تفهم الحقيقه ,,, فتح التلفزيون وصار يقلب بالقنوات مو قادر يركز ع شي ,,, طرا ع باله فكره حلووووووه,,, بهالشكل راح ترد عليه مشاعل
طلع من الخيمه يركض متجه للبيت ,,, كان في بوابتين تدخل لجوا البيت ,, البوابه الرئيسيه وهي الي تودي للمجالس وكانت في مقدمه البيت ,,,اما البوابه الثانيه فهي بوابه خلفيه تودي ع البيسمنت 1 والمكون من المسبح الي في النص وتحيط به غرف مفتوحه عباره عن غرفه التبديل وبعض الحمامات وغرفه للاجهزه الرياضيه خاصه بطلال ,,, وجكوزي وساونا وكان فيها صاله كبيره مفتوحه عباره عن جلسات وكانت مخصصه للحفلات الي يسووها هيفاء ولمياء ,, وكل هالغرف كانت مفتوحه ع المسبح ,,, قطع مسافه طويله لما اخيرا وصل لبوابه البيت الخلفيه لانها الاقرب لغرفته ,,, فتح الباب والعباره عن زجاج يلف ع البيسمنت كله ,,, ركض باتجاه الاصنصير ,, وطلع ع الدور 2 ,,,والي كان عباره عن ممرين طويله الاول يودي ع غرفه ابو طلال وام طلال ,, والثاني ع غرفه هيفاء ولمياء ونواف,, راح باتجاه غرفه هيفاء ,,, وبكل احترام ضرب ع الباب
هيفاء: تفضل
طلال يطل براسه: مشغوله
هيفاء: لا تعال
هيفاء ماكانت لوحدها كان معاها وحده فلبينيه تسوي لها فرينش مونيكير ليديها ورجولها ,,, كانت هيفاء مهووسه بالفاشن وكل جديد ,,, مافيه عروض ازياء بالصيف الا حظرتها لو انها في القطب الجنوبي,, وكانت امها تروح معاها لان ابوها مايرضى تروح لوحدها
طلال: ايش هالحلاوه ,,, توك مسويه برونزاج؟؟؟
هيفاء: ايه ايش رايك حلو
طلال: مرررررررررره كول,,, مع شعرك ولون عيونك صاير مره يجنن
هيفاء: طلول ليش لما رحت المانيا ماتشمست كان لونك احلى بدى يفتح لونك الحين
طلال: خلاص كبرت ع هالحركات
هيفاء: هههههههههههههه ,, كبرت ,, اشوف شعرك كله شيب,,, يله طلول ايش رايك قبل تبدا الدراسه نروح استراليا اسبوع نتشمس ونرجع
طلال: لو الي ببالي صار راح اوريك لاي مكان تبيه
هيفاء تحمست: جد طلول ,,, ايش هالي ببالك وانا اسويه
طلال: ابي منك خدمه((وصار ياشر ع طرف اصبعه)) قد كذا
هيفاء تضحك: وانا اقول غريبه جاي يسولف معاي,, قول ايش تبي
طلال: ابي منك ترفعي التلفون وتقولي كلمتين وخلاص
هيفاء تتفحص اصابع يدها ,, تبي تطمن ع ان المونيكير جف,, ولما حست انه جف,, اخذت موبايلها وحطته عند اذنها وقالت
هيفاء: كلمتين
طلال: تستهبلي انتي ووجهك
هيفاء تستهبل: انت قلت ارفعيه وقولي كلمتين
طلال: ههههههههه لا انا راح ادق ع رقم وانتي قولي مشاعل موجوده
هيفاء تضحك: اوكي ياحبيب مشاعل ,,بس ليش ماردت عليك زعلانه؟؟؟
طلال: لامقفله موبايلها وابي اعرف ايش فيها
هيفاء: طيب واذا نادوها ايش راح اسوي؟؟؟
طلال: خلاص اذا نادو ميشو انتي تطلعي من الموضوع
هيفاء: واستراليا؟؟؟
طلال: الحين توك مسويه برونزاج ,, كيف تبي تتشمسي ,, راح تحترقي
هيفاء: لا البرونزاج الي سويته مو طبيعي بكريمات وسبري عند يحيى زكريا ,,, بس ماراح يدوم اكثر من اسبوعين,, وانا ابي اتشمس برا,,وتعرف ابوي السنه هذا ماسفرنا,, وابي اغير جو واتشمس
طلال: ليش مارحتي معانا المانيا وتشمستي ع كيفك
هيفاء: مليت من كثر ما اروح لها
طلال: طيب راح تدقي والا اروح اترجى اختك الثانيه
هيفاء: اوكي دق الرقم وعطني
طلال اخذ التلفون, ورفع السماعه
طلال: ناصر لو سمحت عطني اي خط فاضي
ناصر:ابشر طال عمرك
طلال دق رقم بيت مشاعل ,, طبعا هو يعرفه لان مشاعل بعض الاوقات كانت تدق عليه منه
بدى الرقم يدق
00000000000000000000000000000000000000000000000000 00000
فهد وفيصل كانوا يلعبوا بلي ستيشن لما دق التلفون
فهد : روح رد
فيصل: لامابي ,, انت الي روح
فهد: ترى تقول امي الي مايرد ع التلفون تجيه المقرصه الحاميه تاكله
فيصل: اصلا مافيه شي اسمه المقرصه الحاميه تلعبون علي
فهد: خلاص اذا جت وكسره الشباك ودخلت عليك تتاكد
فيصل خاف وقام يرد ع التلفون
فيصل: الو
هيفاء: هاي حبيبي
فيصل: مين انتي؟؟؟
هيفاء: حبيبي روح قول لمشاعل صاحبتك تبيك ع التلفون
فيصل: لا
هيفاء: ليش؟؟
فيصل: ميشو فوق,, وانا مابي اطلع فوق
هيفاء قفلت معاها: طيب حبيبي روح قول لها ع شان اشتري لك حلاوه
فيصل: مابي ميشو تشتري لي
هيفاء: انا حلاوتي احلى من حقه مشاعل,, يله روح نادها
فيصل: مابي انا العب بلي ستيشن ,, عندكم بلي ستيشن؟؟
هيفاء تكلم طلال: ترى مليت من هالبزر ,,, يقص لي قصه حياته
طلال: قولي له عطني الي جنبك
هيفاء: حبيبي مين جنبك,,, الو الو ,,, الو
فيصل ترك التلفون ورجع يكمل لعبته
دخلت مشاعل عليهم
مشاعل: فهودي ماشفت سلطان
فهد: لا
مشاعل كانت راح تطلع واستغربت ان التلفون مرمي ع الارض
مشاعل: مين الي رامي التلفون
فيصل وبدون مايلتفت: صاحبتك تبيك
مشاعل: وكذا تتركها ع الخط ,,, الله يهديك
مشاعل: الو
هيفاء: هاي مشاعل
مشاعل استغربت الصوت: هااااي, ,مين معاي
هيفاء: معاك هيفاء
مشاعل زاد استغرابها: معليش ذكريني هيفاء مين؟؟؟
هيفاء: راح تعرفي مين انا بس دقيقه
وعطت التلفون طلال
طلال خايف انه تقفل: الو
مشاعل: ...............
طلال: انا عارف انك تبي تقفلي بس اسمعيني دقيقه وحده وقفلي
مشاعل: وليش داق ع بيتنا
طلال: موبايلك كان مقفل,, واضطريت اني ادق ع البيت
مشاعل: ومين هيفاء هذي؟؟
طلال: اختي,,, ميشو ممكن تفتحي موبايلك,, ابيك بموضوع يخص بندر
مشاعل: مالك شغل ببندر,, واظن احنا انتهينا من هالموضوع,,, ولو سمحت لاتدق علي مره ثانيه
طلال: ميشو بندر يكذب عليك بكل شي
مشاعل: مليت كذبك وغشك,, وع فكره ملكتي الخميس
قفلت الخط
رجع طلال يدق لما تعب ,, وحس ان مشاعل فصلت التلفون,,, ضاعت حيلته,,, كل الي يعرفه انه ماراح يسمح لهالزواج انه يتم لو اضطر يخطف بندر ويحبسه لما ترد عليه مشاعل
هيفاء: خلاص طلال البنت قفلت ,,, لاتدق عليها كيفها لاتموت نفسك ع شانها ماتستاهلك
طلال طالع هيفاء بظره كانت كفيله بانها تسكت هيفاء
طلع من غرفتها وكان بوجهه لمياء
لمياء: هاي طلال,, يعني من بعد السفر خلاص مانشوفك؟؟
طلال طنشها ودخل الاصنصير
لمياء دخلت عند هيفاء
لمياء: هيفاء ايش فيه طلال مره معصب
هيفاء: من مشاعل الي من تعرف عليها وهو متغير
لمياء: هيفاء حرام عليك لاتظلميها,, هو غلط معاها كمان,, مو نحط العيوب ع بنت الناس واخونا هو الصح
هيفاء: الا تعالي ماقلتي لي عن شكلها حلوه شينه,, كول ,, سايكو,, تعرف تلبس ماتعرف,؟؟
لمياء تطالع ساعتها : شوفي الحين الساعه 10 بالليل لو جاوبت ع اسالتك راح انتهي تقريبا 3 الفجر,, وانا دوامي ينتهي 12 الا اذا حتعطيني اوفر تايم
هيفاء: هههههههههههههههه,,, يله خلصيني
لمياء: اوكي انتي سالتيني اذا حلوه او شينه ,, البنت مو حلوه الا تجنن,, مره كيوت,, ملامحها بيبي فيس جد تحسيها طفله
قاطعتها هيفاء: وجسمها حلو؟؟
لمياء: يجنن,, تحسي ان اي لبس تلبسه يصير حلو من كثر ماجسمها حلو ماشالله,, اما عن الكول فهي كووووووووول مره بشكلها ولبسها وكلامها واسلوبها,,, وحرام عليك تقولي عنها سايكو ابعد ماتكون عن السايكو,, بصراحه اعطيها 10 على 10
هيفاء والغيره تاكلها : عاد انا عارفه ذوقك زي وجهك,,لما قلتي عن غاده بنت عمتي حلوه وانا غاسله يدي
لمياء : حرام عليك والله غاده تجنن,, ومو بس انا الي اقول ,, حتى صاحباتي منجنين عليها,, بس بصراحه غاده اعطيها 8 من 10,, بس ميشو تجنن لو فيه اكثر من 10 عطيتها مالوم طلال لما حبها
هيفاء: من متى تناديها ميشو
لمياء: من اول ماتعرفت عليها بالمانيا,, تجنن هيفاء لو تتعرفي عليها حتحبيها
هيفاء: لاشكرا ماحب اتعرف ع هالاشكال
لمياء: اي اشكال؟؟؟انتي اصلا ماشفتيها
هيفاء: بدون ماشوفها انا عارفه ذوقك الشين
لمياء: ليش تساليني اذا مو عاجبك ذوقي؟؟؟
هيفاء: كذا لقافه,, اطلعي الحين ابي انام
لمياء : ترى راح تجي غاده بعد شوي,, اذا تبي تجلسي معانا تعالي
هيفاء: وليش انشالله ايش راح يجيبها؟؟؟
لمياء: ايش دخلك انا قلت لها تجي
هيفاء: ما ادري ليش انتي مصادقتها ترى هي مو من سنك
لمياء : الي يسمعك يقول عمرها 100,, ترى لسة مادخلت 23
هيفاء: و 23 مو كبيره عليك,, صادقي ناس بسنك
لمياء: انا حره اصادق الي ابي
وطلعت وخلتها
00000000000000000000000000000000000000000000000000 00000
كانت مشاعل متنرفزه من حركه طلال الي سواها معاها ,, ايش يبي ,, خلاص ملكتها الخميس وللحين يزعجها,, قررت انها ماتفتح موبايلها الا يوم الجمعه لما يفقد الامل
نامت وكان بحظنها فيصل الي صار يخاف من انه ينام لوحده بسبب امه المتوحشه
00000000000000000000000000000000000000000000000000 0000
فهده تكلم امها
فهده: يمه مدري ايش فيني ماكبر بطني؟؟؟
ام فهده: توتس يالخبله بالشهر الثالث وتبين بطنتس يكبر
فهده: مدري يمه يقول لي عبدالمجيد ان بطني ماكبر اكيد حمل كاذب
ام فهده: وش حمله الي يكذب بعد,, حتى الحمل خليتوه يكذب,, يالخبله الهبله توتس ع الكروش والثقل,,, مايكبر بطنتس الا بالشهر الرابع
فهده: الله ماما بطني بعد شهر راح يكبر
ام فهده: الحمدلله ع العقل
فهده: اقول ماما مالقيتوا لصالح حرمه
ام فهده: كلمت ام عبدالله عندها بنيه اسمها روان يقولون زوينه,,, كان نروح نشوفها
فهده: ايه ماما حددي معاها يوم ع شان اروح اشوفها معاك
ام فهده: انشالله السبت نروح نشوفها
فهده: وليه ياماما السبت خير البر عاجله خلينا بكره نروح نشوفها
ام فهده: اجل شورتس وهدايت الله بروح ادق عليها واقول لها , مع السلامه
فهده: مع السلامه
00000000000000000000000000000000000000000000000000 00000
ام طلال بلهجه عربيه ركيكه : هاي هبيبي قاده
غاده: هاي كيفك خالتي
ام طلال: كويس,, لمياء دور انتي
غاده: وينها بغرفتها
ام طلال: ايوه
غاده: اوكي خالتي راح اطلع لها
ام طلال: اوكي
طلعت غاده غرفه بنت خالها لمياء,,,كانت علاقه ابو طلال بااخته ام غاده علاقه قويه,,,وهالشي الي يخلي غاده 24 ساعه عندهم
غاده طلعت من الاصنصير وكان بوجهها نواف
نواف: بسم الله خوفتيني
غاده: ليش وحش شايفني
نواف: لا بس ايش هالتسريحه الي مسويتها لنفسك؟؟؟
غاده: اي تسريحه((تذكرت انها كانت مسويه تسريحه بشعرها وكانت كلها عمايل))
نواف: هذي
غاده :ليش مو حلوه
نواف: لا تخوف
غاده: مالت عليك ,, اصلا ما سويتها لك
نواف: ترى هيفاء ولمياء راح يضحكوا عليك
غاده: مالك شغل يالكريه
لمياء: هاااااااااااااااااااي غاده ,,, تعالي ليش واقفه
غاده: اخوك نوافوه الكريه مايعطي احد فــ
قاطعتها لمياء: واااااااااااااااااااااااااااااااااااو غاده شعرك يجنن,,, مين سواه لك
غاده: سويته عند جان كلود اليوم العصر
لمياء: وليش ايش كان عندك
غاده: كنت معزومه ع دي جي
لمياء: وليش مارحتي
غاده: تطاقيت مع البنت الي عازمتني
لمياء: ههههههههههههه
غاده: يله تعالي ندخل غرفتك
لمياء توقفها: ترى وعدتيني انك تنامي عندي اليوم
غاده: اصلا الساعه 11 ومافيه وقت ارجع للبيت
لمياء: حلو اجل خلينا نروح نسبح
غاده: لااااا حرام عليك ابي اتهنى بتسريحتي
لمياء: يله عاد غطي شعرك ,,,((وسحبتها من يدها))
نواف: راح اجي اسبح معاكم
لمياء: لا مانبيك,,, لاتصير حشري
نواف: حشري والا حيواني بروح اجيب ملابسي
غاده: ياكرهه اخوك هذا الله يصبرني,, طيب خلينا نقول لهيفاء تجي معانا
لمياء: لا مستحيل هيفاء تسبح مع احد تخاف جراثيمنا تنتقل لها
غاده: ههههههههههه
نزلوا للبيسمنت 1 ,,, وبدلوا ملابسهم ولبسوا المايوهات ,, وقفلوا ستاير البيسمنت لانه يطل ع برا وكان جداره كله قزاز ,, خافوا يشوفوهم العمال الي بالحديقه
وكانوا مبسوطين لما جاهم نواف والي كرهم بالسباحه لانه مزعج ويخرب عليهم
وقرروا انهم يطلعوا من المسبح ويجلسوا ع الجلسات الخاصه بالمسبح يشربوا عصير
لمياء: ايش تبي تشربي
غاده: اي شي
دقت ع المطبخ يجهزوا لهم العصير
نواف : انا ابي عصير
لمياء: نوافوه اطلب لك ايش دخلني فيك
نواف: نذله
وطلع الدور 1 يدور ع ابوه يشكي له
لمياء: اووووووه راح يقول لابوي ياكرهه,, الحين حيجي يهزئني
غاده: احسن ليش ماطلبتي له وريحتي عمرك
لمياء: كريه ماحبه كل شي يتدخل فيه
غاده:هههههههههههه كانكم توم وجيري
لمياء : ههههههههههههههه
دق التيلفون
لمياء تطالع التحويله
لمياء: هذي غرفه طلال غريبه ايش يبي
ردت لمياء
لمياء: هلا طلال
طلال: لمياء ايش مسويه لنواف؟؟؟
لمياء: راح يشتكي لك
طلال: ايه ,, حرام عليك,, ترى هذا اخوك
لمياء: نبي نجلس لوحدنا انا وغاده وهو يخرب علينا
طلال: عندك غاده؟؟؟؟؟
لمياء: ايه
طلال: طيب خلاص باي
لمياء: طيب طلـ
قفل بوجهها قبل تكمل
غاده: قفل بوجهك؟؟؟
لمياء : ايه
غاده: لما عرف اني هنا صح
لمياء: ماتوقع اصلا هو نفسيته تعبانه هالايام
غاده باهتمام: ليش ايش فيه؟؟؟
لمياء: مدري بس يمكن من الشغل
غاده: اها
00000000000000000000000000000000000000000000000000 00000
يوم الثلاثاء
مشاعل كانت في قمه رعبها ,, ماتدري هل زواجها من بندر هو الخيار الصح او انها راح تندم
طلال كان عازل نفسه بغرفته ينتظر مشاعل ترحمه وترد عليه,,,, لما تعب قرر انه يدق ع ساره صاحبتها ع امل انها تكون احسن من اخوها وتساعده
اما ساره كانت تنتظر بندر ع شان تجبره يعترف ,,, بس بندر كان مختفي بغرفته ويتحجج بالنوم
بعد المغرب
دق موبايل ساره وعرفت الرقم,, هذا رقم طلال
ساره: الو
طلال: السلام عليكم
ساره: عليكم السلام
طلال: عرفتيني
ساره: طلال
طلال : ايه ,, اسف اذا ازعجتك
ساره: لا مو مشكله
طلال: ساره ابيك بموضوع ضروري يخص مشاعل
ساره: عارفه ايش هالموضوع
طلال مستغرب: كيف عرفتي؟؟؟؟
ساره: بندر قال لي ع كل شي
طلال انصدم من جرئه بندر وبهدوء قال لها : ومشاعل؟؟؟
ساره: ايش فيها
طلال: تعرف الموضوع
ساره: لا
طلال انصدم من ساره كانت صاحبه مشاعل مره ومايخبو اع بعض شي ,, انقهر ليش تخبي عنها كل هذا ع شان اخوها
طلال: وطبعا انتي حتقولي لها
ساره: مستحيل اخبي عنها شي
طلال: بس ملكتها من اخوك الخميس ,, متى راح تقولي لها
ساره: اول شي انا ودي اشكرك ع كل شي سويته لميشو,, وبصراحه اثبت جد انك تحبها ((وسكتت شوي بعدين كملت)) وانك انت الي تستاهلها
طلال: افهم من كلامك انك راح تساعديني ع شان مشاعل ماتتزوج اخوك
ساره: انا علي اني اوصل لمشاعل كل شي,, وهي الي تقرر
طلال: هي مو راضيه تسمعني ولا حتى تفتح موبايلها,, بليز ساره روحي لها اليوم وفهميها ابي اكلمها ابي اشرح لها كل شي,,, ساره بليز انا محتاجك لاتتخلي عني
اول مره ساره تحس بحب طلال الكبير لمشاعل
ساره: لاتخاف انا راح اكون مع الحق وما راح اكون بصف بندر لاني عارفه انه غلطان
طلال: ساره مافيه وقت اليوم الثلاثاء
ساره: طلال انا احترمك واحب مشاعل ,, بس بنفس الوقت احترم قرار اخوي بندر
طلال: وايش قراره
ساره: يبي يقول لمشاعل كل شي بنفسه
طلال مات من الخوف : لا ساره تكفين لا ,, انتي عارفه بندر يمكن يقلب كل شي فوق راسي ,, انا ما اثق فيه ,, خاني مره وماقدر اثق فيه ,,, تكفين ساره لاتخليه يدمرني ويدمر مشاعل
ساره: لاتخاف بعد مايكلمها راح اتاكد انه قال لها الحقيقه ,, وراح اروح عندها واخليك تكلمها
طلال: وعد ياساره
ساره حزنت ع طلال الي كان يترجاها وكانها الامل الوحيد له بالحياه
ساره تبتسم : لاتشيل هم انا راح احرص ان الحقيقه توصل ميشو
طلال بعد مكالمه ساره ارتاح شوي ,, ع الاقل هي تحب مشاعل وماراح ترضى تكذب عليها ,, بس كان خايف ياثر عليها بندر ,,, واكيد هو اخوها وراح تهتم لسعادته
00000000000000000000000000000000000000000000000000 000000
هيفاء بلغت امها انها راح تعزم صاحباتها ع العشاء وراح يسهروا عندها ويفطروا ,, وطبعا بهاليوم انحكم ع الطباخين مايناموا ويسهروا ينفذوا طلبات هيفاء
غاده ولمياء توهم صاحين من النوم
لمياء: هاي مام هاي هيفاء
هيفاء وامها : هاي
غاده: صباح الخير
كلهم : صباح النور
لمياء: وين رايحه اشوفك لابسه
هيفاء: رايحه لصالون
لمياء: ليش لاتكون رموشك انهارت وتبي تروحي ع شان يركبوها كويس
هيفاء: لا ياقلبي رايحه اسوي ستشوار لشعري وميك اب
لمياء: ليش وين راح تروحي
هيفاء: راح يجو صاحباتي
لمياء: كم بنت راح تجي
هيفاء: يعني تقريبا 20 بنت
لمياء: ووين راح تجلسوا؟؟؟؟
هيفاء: وين يعني بالبيسمنت
لمياء تطالع غاده: يعني مكتوب علينا مانسبح اليوم
غاده: ههههههههههههههه
طلال دخل
طلال : السلام عليكم
كلهم: عليكم السلام
طلال: اهلين غاده كيفك
غاده انقهرت لان شكلها ابد مو حلو توها صاحيه من النوم وماحطت ميك اب
غاده بدلع: الحمدلله انت كيفك؟؟؟
طلال: الحمدلله ,, كيف عمتي ؟؟؟؟
غاده: تمام
هيفاء: اقول طلال ابي السيديات الي عندك
طلال: اي سيديات؟؟؟
هيفاء: اي سيدي منوعات عندك ابيه لان صاحباتي حيجوني اليوم
طلال: قالوا لك فاتح الشراع بغرفتي
هيفاء: يووه طلال السيديات الي عندي قديمه شوي
طلال: روحي ادخلي غرفتي وخذي الي تبي
هيفاء: اوكي,, يله باي
كلهم: باي
غاده كانت طول الوقت مفتونه بجمال طلال,,ضربتها لمياء ع يدها
لمياء بهمس: خلاص راح تاكليه
غاده انحرجت: طيب خلاص اسكتي
00000000000000000000000000000000000000000000000000 00000
بندر اخيرا طلع من غرفته وكان يبي يطلع قبل ساره تشوفه,, ووقفته ساره
ساره: بندر ايش سويت بالموضوع؟؟؟؟
بندر: سارونه حبيبتي قلت لك اتركي الموضوع علي
ساره: الى متى لما يجي الخميس ؟؟
بندر: لاانشالله اليوم
ساره: عموما انا راح ادق ع مشاعل الساعه 12 بالليل واقول لها كل شي اذا ماتبي تخسرها قول لها قبل الساعه12 ع الاقل تجي منك
بندر : طيب عطيني فرصه لبكره
ساره: ولا دقيقه بعد 12,, يكفي اني سكت امس
بندر يقرب من ساره وبحنان: سارونه انا ماطلب المستحيل بس بكره ,, ووعد مني اذا ماقلت لها بكره انا راح ادق عليها قدامك واخليك انتي الي تقولي لها
ساره تذكرت مواقف اخوها معاها ,,, ومستحيل ترده,, وهو ماطلب الا فرصه يوم واحد بس
ساره: اوكي بكره الساعه 10 اخر فرصه لك اتفقنا
بندر يبتسم : اتفقنا
طلع بندر يدور بالسياره مايعرف ايش يقول لمشاعل,,, يبي يصارحها,, بس خايف تتركه,,لازم يلقى له خطه ,,, لازم,,, فكر وفكر,, وظل يفكر لما داخ من كثر التفكير والدوران ,,, وعوره راسه,,, وقرر يرجع للبيت والي كاتبه الله راح يصير
00000000000000000000000000000000000000000000000000
كانت هيفاء مشغوله بالرقص مع صاحباتها وكانوا رافعين ع الصوت لدرجه انك تحس ان البيت راح يجيه زلزال من قوه الصوت,, بس بما ان السهره كانت في البيسمنت كان الصوت مو مسموع بالنسبه لباقي غرف البيت,, ونظر لكبر البيت وقوه بنيانه صعب تسمع اي صوت فيه,, وكانت هيفاء مانعه لمياء وغاده من انهم دخلوا حفلتها الصغيره,,, اول شي لانها تكره غاده اما لمياء تفشلها لانها متواضعه,, وبنظر هيفاء الغرور لازم خاصه مع حالتهم الماديه والرفاهيه الي عايشين فيها
كان طلال يتمشى بالحديقه الخلفيه وهو يكلم ساره
طلال: ساره انتي قلتي لي ان بندر اليوم راح يقول لميشو
ساره: انا قلت بس صارت ضروف اقوى مني ومنه
طلال: ساره انا خايف انك تصرفيني,, وتبي تضيعي الوقت ع شان ميشو تتزوج اخوك
ساره: انا عطيت بندر فرصه لحد الساعه 10 بالليل اذا ماقال لميشو شي راح اقول لها انا
طلال: ساره وربي مو قادر اصبر لحد الساعه 10
ساره : الي خلاك تستنى هالشهور استني يوم واحد بس
طلال: طيب ساره تكفين ردي علي ع طول ترى اعصابي تعبت
ساره: اوكي لاتشيل هم انت نام وارتاح وانشالله خير
طلال: الله يسمع منه,, اوكي ساره انا اسف ازعجتك وتعبتك معاي
ساره تبتسم: صح انك تعبتني ,,, بس انشالله انا راح اخلي ميشو تاخذ بثاري منك وتتعبك
طلال: احلا تعب وربي بس هي تكون معاي
ساره : لهدرجه تحبها
طلال : انا اموت بدونها,, ماتتخيلي كيف حياتي بارده ومالها طعم بدونها
ساره: الله يجمعكم انشالله اذا فيه خير لكم
طلال: امين,, ساره ودي اسالك سؤال بس ابيك تجاوبيني بصراحه
ساره:قول
طلال: ميشو تحكي عني؟؟؟
ساره: اممممممم ,, هذي اسرار ماقدر اقول لك
طلال: يله عاد ساره قولي
ساره: بصراحه بعد الي صار قلت طلعاتي مع ميشو واذا جيتها بالبيت تعرف ام سلطان تكون بالبيت ومانقدر ناخذ راحتنا ,, وهذا غير ان نفسيتها كانت تعبانه من بعد الي صار لها ,,, وخفت ازيد هموما لما احكي عنك او اجيب طاريك,, حتى هي كانت تتحاشى انها تتكلم عنك ,, بس انا متاكده انها من جوا تموت شوق لك
طلال مره انبسط بهالكلام,, وشكر ساره ع الدعم,, وعلى وقفتها معاه
قفل منها وانتبه للبيسمنت الي مليان بنات,, وكان فيه ثنتين طالعين يتمشوا بالحديقه,, وكانوا يطالعوا طلال وودهم ياكلوه من النظرات
طلال تركهم ورجع لغرفته ودق ع هيفاء, والي ردت عليه وصوت الميوزك مغطي ع صوتها
هيفاء تصارخ: هاه طلال ايش تبي
طلال: اطلعي برا بالحديقه ع شان اسمعك
طلعت هيفاء برا
هيفاء: هلا
طلال: حبيبتي قفلوا الستاره لان العمال راح يشوفوكم
هيفاء: اي عمال كلهم نايمين,, وبعدين مانبي الكتمه ونسكر كل شي وكاننا بسجن
طلال: حبيبي انتي عارفه ان البيسمنت كله قزاز ومكشوف ع كل الي برا,, مايصير ياقلبي
هيفاء: يوووووه طلال تبي صاحباتي يضحكوا علي ويقولوا معقده
طلال طفش من اخته العنيده: طيب بس انتبهوا
هيفاء: طلول صاحباتي انجنوا عليك
طلال: طيب ايش اسوي لهم
هيفاء: خذ هذي عنود تبي تكلمك
العنود: هاي طلولي
طلال: تمونين طلولي ,, اقول روحي ارقصي ابرك لي
وقفل بوجهها
العنود منصدمه: ياي هيفاء اخوك جفس,, قفل بوجهي
هيفاء: هههههههههه,, حبيبتي اخوي ثقل
العنود: والله لاطيحه
هيفاء: هههههههههههه,, يله الله يقويك
العنود: انتي بس عطيني رقمه وانا اخليه يحبني
هيفاء طالعت العنود من فوق لتحت ,,, حلوه وبنت عايله معروفه مره ,,حلو انها تكون زوجه اخوها,,مو مثل هالمشاعل الي ع قوله هيفاء مو من مستواهم
هيفاء: هذا موبايلي رقمه فيه خذيه منه
00000000000000000000000000000000000000000000000000 00000
كان بندر راجع للبيت وتعبان من الدوران ومن التفكير,, طلع غرفته وتمنى ان ساره مو فيه ع شان مو ناقص نصايح وتهديد منها,, حمد ربه انها نايمه ,,, كان يحاول ينام,, لما خطر ع باله فكره تجنن ,, فكره راح تخلي مشاعل زوجته وراح تبعد طلال وساره عنه
دق على طول على مشاعل ولقى موبايلها مقفل
دق ع ساره
ساره صوتها كله نوم: الو
بندر: نايمه؟؟
ساره: ايه ايش تبي؟؟؟
بندر: لابس كنت ادق ع مشاعل ابي اقول لها ع الموضوع ومامقفل موبايلها؟؟؟؟
ساره: والله مدري عنها ,,, بكره اروح لها واشوف
بندر: اوكي حبيبتي تصبحي ع خير
ساره: وانت من اهل الخير
00000000000000000000000000000000000000000000000000 00000
يوم الاربعاء
فهده وامها كانوا رايحين يشوفوا روان الي راح يخطبوها لصالح
ام فهده : اجل وين البنيه ابطت علينا
ام روان: الحين جايه
دخلت روان,,وانصدمت فهده لما شافتها ,, مع ان صالح اخوها بس مايستاهل روان ,, كانت نحيفه مرررره وقصيره ونعومه,,, ومؤدبه مره وشكلها تستحي
فهده: هلا روان كيفك
روان بحيا : الحمدلله
ام فهده تتفحصها
فهده: تدرسي ياروان
روان: ايه
فهده: باي سنه
روان: بثالث ثانوي
فهده: ماشالله
وحاولت فهده تسحب الكلام سحب من روان ,, خجلها مو معقول
بعد ماطلعوا
ام فهده: هذي البنت والا بلاش
فهده: والله يماما حسافه ع ولدك جفس ومايعرف يتعامل معاها
ام فهده: وجعن يوجعتس هذا اخوتس
فهده: اقول يمه غريبه اعجبتك
ام فهده: اعجبني حياها وشكلها ماعندها شخصيه,, اسهل علي اصيطر عليها
فهده: حرام عليكم
ام فهده: اخسي واقطعي بس
00000000000000000000000000000000000000000000000000
تعبت ساره من الاتصال ع مشاعل والي كانت موبايلها مقفل ,, ودقت ع البيت مليون مره ومحد يرد,, ,اخيرا جاء الفرج وردت مشاعل ع تلفون البيت
ساره: وجع وجع وجع ساعه اتصل
مشاعل: كنا ببيت ام مشعل
ساره: طيب ليش مقفله موبايلك
مشاعل انحرجت: مالي خلق اكلم احد
ساره: الحين تروحي تفتحيه,,, بندر يبيك بموضوع ضروري
مشاعل: سارونه بكره ملكتنا خليه ياجل مواضيعه لبكره
ساره: لا الحين ,, الموضوع الي راح يكلمك فيه يخص ملكتكم ومستقبلكم
مشاعل خافت: ايش صار؟؟؟؟
ساره: مقدر اقول لك,,لاني واعده بندر اني اخليه هو الي يقول لك,, الحين بسرعه روحي افتحي موبايلك
مشاعل: اوكي باي
ساره: باي
مشاعل احتارت ايش يبي منها بندر,, وفتحت موبايلها تنتظر مكالمه بندر ,, وجتها رساله, كانت من طلال ,, ترددت تفتحها او لا,, قررت اخيرا انها ماتفتحها ,,, ثواني وسمعت رساله بعد رساله وكانت تطالع الاسم وكل الرسايل كانت من طلال ,, بس هي ماراح تفتحها قررت اخيرا انها تنسى كل شي يتعلق بطلال,, كان ودها تحذف الرسايل,,, بس قلبها ماطاوعها,,, كانت راح تفتحها بس بعد الملكه ,, علشان ماياثر عليها الكلام وتغير قرارها,, تركت الرسائل مافتحتها ,,, تنتظر بندر ,, واخيرا دق بندر
بندر: الو
مشاعل: هلا بندر
بندر: وينك لك وحشه كل مادقيت مقفل موبايلك
مشاعل: كنت مشغوله مع اخواني شوي
بندر يتصنع الحزن : ميشو ابيك بموضوع ((وبتردد مزيف قال))يخصنا
مشاعل خافت: بندر ايش فيه صوتك ,,,, بندر ايش فيك ساكت ايش صاير؟؟
بندر : ميشو انا خايف عليك وع ساره
مشاعل: على وعلى ساره؟؟؟ ايش صاير طيحت قلبي
بندر: مشاعل طلال قال لي ع كل شي كان بينكم
مشاعل انصدمت في نفسها\" وربي طلال وقح مايبيني اكون سعيده,, يبي يخرب علي ع شان كذا قال لبندر عشان يحرق قلبه,, ليش يسوي فيني كذا\"
مشاعل ماكان لها وجه تتكلم لانها كذبت ع بندر
بندر: ميشو حبيبتي لاتتوقعي اني زعلان منك انا بس متضايق لانك ماصارحتيني
مشاعل منحرجه: بندر انا اسفه
بندر: ميشو انتي حره بحياتك وتقدري تلغي الزواج ,, بس الشي الي منتي حره فيه ,,, هو انك ترفضي حمايتي لك, انا راح احميك من طلال وغسان لو فيها ذبحي
مشاعل انصدمت ايش جاب طاري غسان الحين وايش عرف بندر بغسان اكيد طلال قال له
مشاعل: غسااااااااااااان
بندر: ايه غسان ,,, طلال وهو متفقين انهم يدمروا زواجنا وحياتنا,, وجوا عندي يقولوا لي انك تعرفي طلال وانك تحبيه للحين,, ع امل اني اتركك وارفض اني اتزوجك ماعرفوا اني اموت فيك وماقدر اتركك وانا مستعد اتغاضى عن كل اخطائك
مشاعل منصدمه شلون طلال قدر يمثل عليها طول هالوقت : بندر ليش طلال سوا كذا
بندر: لما سالته ليش يبي يدمر حياتنا وزواجنا ,, قال ان فيه تحدي بينه وبين غسان انه يدمر زواجك ويخلينا ننفصل,, انا قلت له ان حبي لك اكبر من انه يهزه
مشاعل مو قادره تستوعب من الصدمه : وايش صار؟؟؟
بندر: لما فقد الامل فيني راح يكلم اختي ساره ,, ويقول لها كلام يعبي راسها علي,, عشان تقنعك تغيرين رايك بالزواج
مشاعل: طبعا ساره قفلت بوجهه
بندر: للاسف يامشاعل ساره ماقفلت سمعت للاخر وصدقته وكذبتني انا
مشاعل منصدمه مرره من حركه ساره,, معقوله تكذب اخوها وتصدق طلال وغسان
بندر: وطلال يمثل عليها دور الحبيب الي فقد حبيبته وطبعا ساره لانها تحبك صدقته,, تعرفي ايش قال لها
مشاعل: ايش قال؟؟
بندر: قال لها ان علاجك كان ع حسابه هو مو ع حساب المستشفى,,, وانه هو الي ساعد اخوانك بالشركه,, واني كذاب وامثل عليك
مشاعل: وطبعا ماصدقته
بندر: للاسف ساره صدقته
مشاعل: ماصدق ان ساره تصدق هالحقير
بندر: للاسف لعب براسها,, ميشو انا مقدر الي انتي فيه ,,, وانا احبك ولاابيك تضيعي من يدي بس اذا كان بعدنا راح يسعدك انا راح ابتعد
مشاعل كبر بعينها بندر اكثر ع الرغم من انه عرف علاقتها بطلال الا انه تغاضى عن هالشي وسامحها وهالشي مو غريب عليه لانه سامح اخته ساره قبل,, وهالشي يبين كبر عقل بندر وحكمته,, والاهم حبه لها,, مستحيل تتخلى عنه بعد الي صار,,كان عندها امل بطلال وهذا سبب ترددها بس بعد هالكلام ,, ماراح تتردد,, ولاتفكر
مشاعل: لا يابندر ملكتنا الخميس ولاراح يتغير شي
بندر فرح مررره وحس ان نص خطته نجحت
بندر: طيب ميشو في مشكله كبيره
مشاعل بخوف : ايش هي؟؟
بندر: اممممم ,, طلال هددني اني اذا قلت لك ع الكلام راح ينتقم مني ومنك وماراح يتركنا
مشاعل: ماهمني هالحقير
بندر: مشاعل طلال ذكي ويعرف يشغل مخه,, خلينا نلعب نفس لعبته ونخليه هو الضحيه مو احنا,, وبهالشكل نكون احنا الي انتقمنا منه
مشاعل مستغربه: شلون؟؟
بندر: اذا كلمتك ساره وقالت لك ان طلال هو الي سوا لك كل شي من فلوس العمليه الا الشركه قولي لها انك مصدقه بس انتي تفضلين انك تعيشي معاي لانك كرهتي طلال واخترتني انا
مشاعل اعجبتها الفكره وكذا ماراح تبين لطلال انها مجروحه,, لكن اذا حسسته انها مصدقه انه سوا هالاشياء عشانها وهي الي تركته راح تحتفظ بشي من كرامتها
مشاعل بحقد: لاتشيل هم راح ابين لساره وله اني مصدقه, وانا الي راح ارفضه
بندر: الله لايحرمني منك واحبك موووووووووووت
مشاعل: اوكي بندر اكلمك بعدين
بندر: باي
مشاعل: باي
قفلت مشاعل وهي حاقده ع طلال من قلبها,,, فتحت رسايله الي كانت ماجلتهم لبعد الملكه
\"قطوتي بليز افتحي موبايلك\"
\"ميشو بندر يكذب عليك,,, لاتتزوجيه,, لاتنسي الي بينا\"
\"فتحي مخك شوي وربي بندر كذاب ,,, ميشو كلميني افهمك\"
\"ميشو اذا تزوجتي هالحقير راح تندمي\"
مسحت كل الرسايل ,, وحتى الرسايل الي ماقرتها حذفتها ,,, شلون ماحست بكذبه وخيانته
بندر كان مبسوط لان خطته نجحت بشكل رهيب,, وخلاص ماراح يخاف لامن ساره,, ولا طلال,, الحين يرتاح,,, ولا فيه شي راح يخرب زواجه من مشاعل ولاينكد عليه
بندر في نفسه\" ههههههه ,, هاه ياطلال الحين انا فزت عليك وبتفوق,, خل حركاتك الي سويتها بالمانيا تنفعك,, الحين مشاعل لي ومو مشكلتي انك مغفل وسلمت لي حبيبتك ,,, انا حبيتها وماراح اتركها,, وماراح اعترف انك انت الي سويتها لها كل شي\"
سمع صوت الباب
ساره: بندر نايم؟؟؟
بندر وهو فرحان: لا تفضلي
ساره لما دخلت : غريبه اشوفك مبسوط
بندر: شلون مااصير مبسوط وانا تاكدت ان مشاعل تحبني
ساره مستغربه: وشلون عرفت؟؟؟
بندر: قلت لها ع كل شي,, وتخيلي رفضت طلال علشاني
ساره بنظرات شك: متاكد انك قلت لها
بندر: دقي عليها وتاكدي
ساره : اوكي راح اروح ادق عليها
بندر: مافيه مبروك؟؟؟
ساره: ع ايش؟؟؟
بندر: ملكتي بكره
ساره: مو قبل مااتاكد من مشاعل
ساره راحت غرفتها ودقت ع مشاعل
ساره: هاي ميشو
مشاعل : هاي سارونه كيفك؟؟؟
ساره: تمام,,, انتي كيفك؟؟؟؟
مشاعل: الحمدلله
ساره: ميشو كلمك بندر؟؟
مشاعل: ايه كلمني
ساره بتردد: قال لك ع موضوع طلال
مشاعل: ساره اذا تحبيني قفلي هالموضوع
ساره: لا ياميشو لازم اعرف ايش قال لك بندر, ميشو ترى طلال يحبك وترى كـ
مشاعل: ادري كل شي هو الي سواه لي مو طلال ,, ادري انه هو الي دفع حق المستشفى,, وهو الي دفع الفلوس لاخواني,, بس انا مابيه
ساره: بس طــ
مشاعل: ساره انتي ماتبيني اتزوج اخوك؟؟؟ يضايقك هالشي
ساره : ميشو مو قصدي بس اذا انا اقتنعت بكلامك طلال ايش يقنعه؟؟؟
مشاعل : انا
ساره : انتي؟؟؟
مشاعل بعصبيه : انا راح اكلمه واقول له انه ولاشي بالنسبه لي
ساره: ميشو ماني فاهمتك كنت تحبيه ايش الي صار؟؟؟
مشاعل: كنت؟؟ وكنت من الماضي,, انا الحين احب بندر ومابقلبي غيره
ساره: والله اتمنى لك السعاده اكيد مع اخوي,, بس طلال يحبك
مشاعل: اوكي انا راح اكلمه الحين وانهي هالمهزله
ساره: اوكي
مشاعل: يله باي
ساره: باي
قفلت ساره وهي مصدومه من كلام مشاعل كانت تموت بالارض الي يمشي عليها طلال والحين لما سوا لها كل هذا تتركه بكل بساطه
00000000000000000000000000000000000000000000000000 000000
كان طلال جالس مع اهله ,, وكان عندهم عمه(ابو بسام) وعمته(ام غاده),,, واولادهم وبناتهم,, وكانوا جالسين مع بعض لان من عادتهم يجلسوا مع بعض ومايتغطوا البنات عن اولاد عمهم
غاده: ماما خلص الصيف وانتي توعديني اننا نسافر
ام غاده: انشالله راح نسافر لما تبدى الدراسه وتخف الزحمه,, تعرفي الحين كل الناس مسافرين
هيفاء: ليش وين راح تروحوا ؟؟؟
ام غاده: انشالله مصر
هيفاء: وليش ماتسفروا اوروبا
ام غاده: بالعكس مصر تجنن ويكفي انها بلد عربيه ومسلمه نرتاح فيها اكثر
طلال: صادقه عمتي,,, مصر مره حلوه ومهما جلست فيها ماتمل
ام غاده: هذي الناس الي تفهم
بسام(ولد عم طلال): اجل تخاوينا ياطلال لمصر طالع انا والشباب الاسبوع الجاي
طلال: لاوالله عندي اشغال
بسام: يارجال العمر يخلص والشغل مايخلص
طلال دق موبايله وماصدق الرقم رقم مشاعل مو مصدق نفسه,,, قام يركض,, يبي يرد برا,, اكيد ساره قالت لها وهي الحين تدق ع شان نرجع لبعض
ام غاده: هو,, ايش فيه طلال مقروص؟؟؟
هيفاء: لا ياعمه يمكن اتصال من المؤسسه
ام غاده : اقول هيفاء اجل امك متى سافرت؟؟
هيفاء: امس
ام غاده: ومتى راح ترجع
هيفاء: والله ماادري بس يمكن بعد شهر
ام غاده في نفسها \"هالحرمه مخليها رجلها سيدها قيدها\"
طلال كان طالع من الصاله وطلع برا للحديقه
طلال بفرح : الو
مشاعل : طلال
طلال بفرح كبير: لبيه
مشاعل بحقد : شكرا ع كل شي سويته لي شكرا ع العمليه,, والي انت كنت سبب في عماي,, وشكرا ع مساعده اهلي وهذا واجبك بعد الي سويته فيني ,,, وشكرا ع انك قدرت تخليني احدد مشاعري
طلال مستغرب من اسلوب مشاعل وبتساؤل: ميشو وضحي كلامك اكثر؟؟؟
مشاعل: طلال انا حددت مشاعري وعرفت مين ابي بعد ماتوضح لي كل شي
طلال بفرح : ومايحتاج اسالك عارفك انك راح ترجعي لي بالنهايه,, بس وربي ميشو ماسويت هالشي ع شان ترجعي لي,, وربي سويته لاني كنت خايف عليك واحبك
مشاعل: طيب طيب عرفت,, المهم حبيت اقول لك ملكتي بكره ,, وبليز لاتدق ,, ولابي اشوف رقمك,,, لاني اخيرا اكتشفت اني احب بندر رغم كل شي,, رغم كذبه علي انا اموت فيه,, طلال بليز لاتحاول تدمر حياتي يكفي الي سويته قبل
وقفلت
طلال يطالع الموبايل بصدمه,, رجع يطالع الرقم مو مصدق ان هذي مشاعل,, يمكن وحده ثانيه,, شلون يعني تحب بندر ,,, مشاعل له وتحبه ,, متى حبه بندر,, ليش ,, وكيف؟؟؟
جلس طلال ع الارض يفكر وماسك راسه\" ليش دخلت بندر حياه مشاعل,, معقوله الحين تحبه,, بس واضح انه قال لها عن كل شي ,, واضح انه علمها اني انا الي سويت لها كل شي,, ومع كذا ميشو تبي تتزوجه يعني مو رد للجميل زي ماكنت احسب,, طيب لما كنا بالمانيا قالت لي احبك,, شلون,, ليش ياميشو ,, ميشو انا احبك,, شلون تختار الكذاب وتترك الي يحبها والي كان صادق معاها,,, معقوله ميشو راح تتزوج بكره ,,, راح تكون لبندر,, وانا؟؟؟ \"
لما قال كلمه انا رجعت ملايين الذكريات الحلوه والمره ع باله,,, ايش سوا هو لمشاعل ,, ترك غسان يتحكم فيه,,, والحين بندر راح ياخذها منه لازم يتصرف ويسوي شي,,, بس ايش راح يسوي ,, يقتل بندر ؟؟؟ لا مستحيل يضره لان مشاعل تحبه,, معقوله يستسلم ويتركها لااااا,, خاف من هالفكره ان مشاعل تكون لغيره,, حس ببرد يقتله,, اخذ موبايله ودق ع ساره
ساره : الو
طلال : ساره الحقيني مشاعل ماتبيني ,, مشاعل راح تتزوج بندر
ساره بحزن: طلال ادري هي قالت لي,, وهي تدري بعد انك انت الي سويت لها كل شي,, ومع كذا ماتبيك,, هي تقول انها كرهتك بعد الي سويته فيها
طلال يصارخ : لالا ساره الله يخليك لاتقولي كذا لازم تساعديني,, ساره راح انجن ,, راح اموت,, تصرفي ساره,, وقفي هالزواج باي شكل
وقف عن الكلام لما اجتاحته نوبه بكاء حااااااااااااااااااده ,, وصار مثل الطفل يبكي وساره تحاول تهدي فيه
ساره: طلال بس,, طلال انت رجال وعيب تبكي
طلال: ليش ما ابكي وميشو راح تتزوج وتتركني,,, ساره احس ببرد ياكلني اكل ,, احس اني وحيد ,, ساره الله يخليك خليك معاي اوقفي معاي ,, ((ورجع يبكي بكاء اليم وبصوت مبحوح) قولي لها لاتتزوج,,, قولي لها ,, قولي لها
ساره صارت تبكي ع طلال: طلال مقدر اسوي شي ومقدر اجبرها ع شي,, طلال خلاص هد نفسك
طلال يصارخ: ايش سويت لها ع شان تتركني
ساره: طلال ساعات مانقدر نتحكم بمشاعرنا ,, يمكن مشاعل بدون ماتحس حبت بندر
طلال: الله ياخذه والله ياخذ الي عرفها عليه
رجع يبكي بكاء حاااااااااااااااااااااد وانسدح ع ارض الحديقه: ساره ابي اموت
ساره: تعوذ من الشيطان وروح توضى ولاتضيق صدرك
طلال: اعوذ بالله من ابليس
قام وكمل كلامه: ساره الله يخليك طلب واحد مافيه غيره
ساره: امر
طلال: بكره لما تروحوا لبيت ميشو ع شان الملكه كلميني بليز ابي اسمع صوتها (وحاول يكتم عبرته وبهمس قال ) لاخر مره
قفل منها وتوجه للبيت وفتح الباب وبدون مايدخل
طلال يصارخ : لمياء لمياء
لمياء جت تركض خافت من صراخ طلال: هلا طلـ
سكتت لما شافت وجه طلال
طلال ظمها بقوه وبكىىىىىىىىىى بحظنها ,,, وبكت لمياء على طول معاه,,, كان طلال يبكي باعلى صوت يقدر عليه,,, كان صراخ اكثر من انه بكى,,, لدرجه ان كل الي جوا سمعوه وطلعوا يشوفوا ايش فيه
نزل طلال عند رجول لمياء وحظن رجولها وتكلم بصعوبه لان انفاسه ماتساعده من كثر البكاء
طلال : لمياء ميشو راح تتزوج بكره
لمياء: بسم الله عليك قوم,,, قوم نروح غرفتك,, قوم طلال ,, قوم
طلال يصارخ : لاااااااااااااا,, ابيها يالمياء ابيها
هنا وصل عمه وعمته وعيالهم
ام غاده بخوف : طلال حبيبي ايش فيك
لمياء: مافيه شي بس هو تعبان شوي((تكلم طلال))طلال تعال نروح غرفتك
طاعها طلال وكان يمشي بصعوبه,, حس ان قواه خارت وتفكيره انشل,, كان دايما عنده حلول لمشاكل الناس ومشاكل الشغل ,, والكل الناس يحسدوه ع تفكيره السليم وصفاء ذهنه,, وهذا لي قهره انه مو قادر يركز ع مشكلته ولا يعرف شلون يحلها
وصل غرفته مع لمياء,, دخلته لغرفه النوم,, وانسدح ع السرير
طالع الجدار,,, التفت ع المخده الي جنبه وتخيل مشاعل نايمه جنبه,,, رجع يبكي بكاء مايقل عن الي قبله
لمياء صارت تبكي معاه: طلال مشاعل مو اخر ولا اول بنت بالدنيا,, خلاص انساها
طلال يصرخ: لاااااا ,, انتي تطلبي مني المستحيل,,,وينك ياميشو لاتتركيني
لمياء راحت تركض تجيب له بندول نايت ,, يمكن يهديه شوي,, ويخليه ينام
بعد مااخذه ,, حظن لمياء وبكى بكى لحد ماحس ان راسه راح ينفجر ونام
00000000000000000000000000000000000000000000000000 00000
يوم الخميس
كانت مشاعل لابسه احلى لبس عندها وميك ابها كان خطيرررررر ,,, الا الكحل ماحطت لان الدكتور منعها منه لمده شهر
طلال كان نايم
بندر كان متكشخ ولابس البشت
بندر: يله ماما جاهزين
ام بندر: ايه حبيبي
بندر: يله انا استناكم بالسياره
ام بندر: اوكي اروح انادي ساره
طلع بندر بالسياره ودقايق وركب ابوه وامه وساره,, وكانوا طول الطريق هادين
00000000000000000000000000000000000000000000000000 00000
ام مشعل: هاه حبيبتي خلصتي
مشاعل تتصنع الفرح: ايه ماما خلصت
ام مشعل نزلت دمعتها: والله وجاء اليوم الي اشوفك عروس
مشاعل تبتسم: لسى ماصرت عروس,,, تونا ملكه
ام مشعل: والملكه مو زواج,, لاحبيبتي بعد الملكه انتي تعتبري زوجه بندر
رنه هالكلمه باذان مشاعل زوجه بندر,,, كانت تتمنى تتزوج بس الاسم ماكان بندر تتمنى تكون زوجه طلال ,, بس تجري الرياح بما لاتشتهي السفن
طالعت موبايلها كان فيه 23 اتصال من طلال,, استغربت متى اتصل صار لها خمس دقايق عند الموبايل محد دق لحق يتصل كل هالاتصالات بخمس دقايق طنشت ونزلت تحت
كانت ساره وام بندر بصاله جالسين,, اما بندر وسعود ومشعل والشيخ بالمجلس
ساره وهي بالصاله كانت تكلم طلال بهمس ع شان ماتسمعها امها و ام مشعل
ساره : طلال كيف راح تسمع صوتها
طلال وهو يمسح دموعه: تكلمي معاها ويكفيني اسمع صوتها تسولف معاك
ساره: اوكي هذي هي نزلت
نزلت مشاعل للصاله,, وسلمت عليهم
ام ساره: الله ياميشو ايش هالحلاوه؟؟
مشاعل نزلت راسها وابتسمت
ساره: كيفك ميشو؟؟
مشاعل: الحمدلله
طلال لما سمع صوت مشاعل رجع يبكي ,, كان المفروض تكون معاه ,, والحين دقايق وراح تصير زوجه بندر
قفل ماقدر يتحمل اكثر ,, ساره كان قلبها يتقطع عليه,, واستغربت برود مشاعل
مشعل من ورا الباب: مشاعل
مشاعل: هلا
مشعل: تعالي
مشاعل تطالع ساره,, خلاص اكيد الشيخ يبي يزوجهم ,,, بدون ماتعطي نفسها فرصه تفكر,, بسرعه راحت لمشعل
مشاعل: هلا مشعل
مشعل: تعالي الشيخ يبي يسالك
مشاعل: طيب بروح اجيب عبايتي
مشعل: لا مايحتاج حيسالك من راء الباب
00000000000000000000000000000000000000000000000000 000000
عند الحريم
طلال رجع يدق ع ساره
ساره: طلال خلاص لاتذبح نفسك وربي هي ماهتمت
طلال: ساره قولي لي تزوجت والا لا؟؟؟
ساره: ايه
طلال: ايش عرفك؟؟؟
ساره: راحت توقع الشيخ ناداها
طلال: لاااااااااااااااااا,حرام ياساره والله حرام
ساره: طلال هذا الي الله كاتبه ,, خلاص ياطلال انساها
طلال يبكي: ساره قولي له لايحكي معاها الغيره راح تذبحني ,, قولي له لايلمسها الله يخليك,, قولي له لايطالعها ,, قولي له انها لي,, حبيبتي
وقفل الخط ورجع يبكي بكى ينفطر له اي قلب
00000000000000000000000000000000000000000000000000 00000
مشاعل راحت مع مشعل عند باب المجلس,,, ومن ورا الباب
مشعل: ياشيخ العروس عند الباب
الشيخ: بسم الله
وراح من وراء الباب
الشيخ: انتي العروس؟؟؟
مشاعل: ايه
الشيخ: ايش اسمك؟؟؟
مشاعل: مشاعل الـــ...
الشيخ: طيب بندر الـ.. يبي يتزوجك ع سنه الله ورسوله موافقه وبرضاك
مشاعل كانت متردده وخايفه و تبي تقول لا,, بس قررت انها توافق هالحل الي راح يريحها من كل شي ,, وحرام بندر مايستاهل,, وايش تنتظر ان طلال يحطمها زياده ,, محد يقدر يحميها من مشاعرها لطلال الا بندر ,, استسلمت وقالت
مشاعل : موافقه ياشيخ
الشيخ يكلم مشعل: عطها توقع هنا
مشعل : ابشر
مشعل رجع عند مشاعل: ميشو حبيبي وقعي هنا
مشاعل: وليش التوقيع؟؟؟
مشعل: ع شان تصيري زوجه بندر ع سنه الله ورسوله ,, وهذي من شروط العقد
مشاعل تطرد منها كل خوف: عطني القلم
عطاها القلم
مشاعل مسكت القلم: مشعل قول لي وين اوقع
مشعل: هنا
00000000000000000000000000000000000000000000000000 000
انتظروااااااااااااااااااااااااا الجزء الجديد
الجزء الرابع والعشرون
00000000000000000000000000000000000000000000000000 000000
طلال باعلى صوته : لميـــــــــــــــــاء
وصل لغرفتها وصار يطق الباب باقوى ماعنده
لمياء خافت ايش فيه طلال الساعه 10 ونص الصباح ليش يصحيها
لمياء بعد مافتحت والنوم والرعب طاغي ع وجهها: طلال ايش فيك,, ايش صاير
طلال ماسك قلبه : لموووو الحقيني قلبي يعورني
لمياء خافت : ايش فيك؟؟؟
طلال: خطبت ميشو
لمياء فتحت فمها وعيونها حتى خشمها فتحته من الصدمه: الصباح؟؟؟
طلال: ايه
لمياء صرخت بقوووه فجرت اذان طلال: اخيرا ميشو راح تجي عندنا ,, اخيرا فيه احد راح يسهر معاي
طلال: لا والله ترى زوجتي مو زوجتك,,, والله ماخليك تشوفيها الا ساعه باليوم
وبدت المضاربه بين طلال ولمياء ,, لمياء تبي تحجز مشاعل كل خميس تسهر معاها وطلال رافض
واخيرا صحى نواف من النوم,, من صراخهم
نواف: لازم تصارخوا بصوت ماخليتوني انام
لمياء تكلم نواف: عمرك شفت احد يصارخ بصمت
نواف: ايه انتم ع شان اقدر انام
لمياء وطلال يطالعوا بعض ميتين ضحك على نواف وبدوا يصارخوا بهمس
لمياء: كذا
نواف: بايخه,, حروح انام وياويلكم لو سمعت صوت
بعدين رجع كانه تحسف
نواف: طلال ليش كنتوا تصارخوا
طلال: خلاص ميشو راح تجي عندنا
نواف وكله نوم: شلون
طلال: راح اتزوجها
نواف: متى ؟؟
طلال: قريب انشالله
نواف: طيب بسرعه اتزوجها
طلال مستغرب: ليش
نواف: عشان ابيها تلعب معاي بلي ستيشن
لمياء وطلال ماتوا ضحك حتى نواف يبي يحجزها
لمياء: لاحبيبي صف دور معانا
00000000000000000000000000000000000000000000000000 00000
سعود يطق ع مشاعل: ميشو حبيبتي نايمه
مشاعل كانت نايمه,, صحت ع صوت سعود,, وقامت تفتح
مشاعل وكلها نوم: هلا سعود
سعود يطالعها ومبتسم: عندي لك اخبار حلوه
مشاعل : ايش صاير؟
طبعا سعود قال مشاعل كل شي عن طلال ,, وكيف بين لهم حبه لها,,
سعود: هاه تبيني اقول له انك موافقه اليوم ؟؟؟ او نتغلى لما بكره
مشاعل وهي تطالع سعود وبكل جديه قالت : سعود انا مو موافقه
بالجزء الجديد راح نعرف سبب رفض مشاعل طلال؟؟؟؟؟؟؟؟؟؟؟؟؟؟؟؟
0000
كانت الجزيره خيال وروعه بالنسبه لمشاعل,,, الطبيعه والشواطئ الي تجنن,, حتى طلال وداها للمركز تجاري بالجزيره ,, وماخلى شي الا اشتراه لها ,,, لدرجه انها حست انها شرت السوق كله
وهم يمشو لمحت تيشرت لونه سماوي كانت تتمنى ان معاها فلوس تشتريه لطلال,, مع انها الحين حاقده عليه لانه كذب عليها وغشها وخانها بس ابد مو قادره تمنع نفسها من السعاده معاه,,, حست نفسها نست كل شي ووقفت تتامل التيشرت وتتخيل طلال لابسه
طلال: ميشو ماودك تمشي؟؟؟
مشاعل: اممم فيه تيشرت عاجبني
طلال مسك يدها ودخلها المحل: وينه؟؟؟
اشرت ع تيشرت رجالي
طلال: قطوتي هذا رجالي؟؟؟
مشاعل: ادري وودي اشتريه لك بس مامعاي فلوس
طلال رقت ملامحه وعلى طول قال للي يبيع يعطيه التيشرت ,, ودخل غرفه بالملابس ولبسه وكان شكله يجنن فيه,, كان ماشي مع لون عيونه وبارزها,, دفع له الفلوس وطلع
طلال وهو يلف حول مشاعل : هاه حلو
مشاعل تحاول تخفي اعجابها : اممم يعني مو بطال
طلال: طيب فيه قميص نوم عاجبني ابي اشتريه لك ممكن
مشاعل تطالع طلال بحقد ومبين عليها انها عصبت مرره
طلال: انتي حره ,, بس حبيت اشوفه عليك,,, اذا ماتبيني اشوفه عليك راح اشوف اي وحده تلبسه لي
مشاعل: ليش تبي ترجع للرياض جثه
طلال وقف مشاعل : شفتي انك تغاري علي
طلال صرخ بالسوووووق صرخه قويه
طلال: ميشو تغار علي تغااااار علي
مشاعل تركض وراه وبعد محاولات وصله له وسدت فمه بيدها
مشاعل: طلالوه اسكت فضحتنا
طلال حس انه الوقت المناسب ع شان يحرجها,, باس يدها الي مسكره فمه,, ومثل ماتوقع على طول سحبتها
طلال: ههههههههه احبك ياقطوتي الشرسه
مشاعل مشت وتركته ,, طلال قدر يلحقها وصار ينغزها بيدها بضهرها,, لحد ماتنرفزت
مشاعل: طلال بس ذبحتني
طلال على طول شالها
مشاعل: طلال نزلني ياكرهك
طلال: ماراح انزلك لما تقولي لي احبك
مشاعل: اكرهك نزلني
طلال: هههههههه لا انا قلت قولي احبك مو اكرهك ايش فيك صرتي تفهمي بالمقلوب
مشاعل: يوووه طلال نزلني
طلال نزلها
طلال: يوه ميشو صرتي ثقيله,, ((ويسوي نفسه يفكر )) لاتكوني حامل؟؟؟
مشاعل: حامل بعينك
تعبوا من اللف طول اليوم واخيرا قرروا يرجعوا ع الشاليه ,, وهنا مشاعل اكيد راح تعاني من جلستها لوحدها مع طلال وهالشي يصعب الامور عليها
بعد ماوصلوا للشاليه مشاعل كانت تطلع الدرج تبي تتحمم بعدين تنام ع الكنبه ,, وهي بنص الدرج مسكت بها يد طلال
طلال بجديه: ميشو لازم نتكلم
مشاعل: مافيه شي نتكلم فيه
طلال: لا فيه
مشاعل: انا تعبانه وابي انام
طلال: ميشو شكلنا مو شكل ثنين مالهم يومين متزوجين,,, ميشو لازم نحل الخلاف الي بينا لان كل كلامك الي قلتيه لي ماني مصدقه
مشاعل: مو لازم تصدقه
طلال: ميشو انا احاول احل المشكله وانتي تزيديها تعقيد,, ميشو خلينا نتفاهم,,, وحتى لو كلامك صدق ع الاقل مثلي قدامي انك تحبيني
مشاعل باحتقار: انا ماعرف امثل مثلك ,,, انا صريحه واظن انك عارف هالشي زين,, انا تاركه التمثيل لك
وتركته وراحت تتحمم
طلال تاكد ان الشكوك الي في باله صدق,, لان مستحيل تتغير مشاعل بلحظه,, كان متاكد انه شاف حب بعيونها بالزفه,,, بس اول ماراحت لام مشعل وهي متغيره,, اكيد ام مشعل لها يد بالموضوع ,, بس ايش قالت لمشاعل ع شان تتغير,,, تمسك برايه اكثر,, وراح يسوي اي شي ع شان يعرف ايش الي مزعلها,,دخل يتحمم ,,, ولما طلع شاف مشاعل نايمه ع الكنبه تحت
لبس ملابسه,, ونزل كان لابس شورت كحلي وبودي كحلي بنفس لون الشورت
طلال بهمس: نايمه؟؟
مشاعل جلست بسرعه: لاتخاف مانمت لاتفكر انك تشيلني مثل امس لاني مفتحه عيوني
طلال جلس ع الارض بين رجلين مشاعل وحط راسه ع رجولها
طلال: ميشو انا ادري انك زعلانه علي بس ماعرف السبب,, بس ميشو تكفين لاتهدمي الي تعبنا نبنيه ,,, مشاعل فكري كويس,,, مهما كان السبب الي مزعلك مني,,, ميشو احنا اجتزنا مشاكل كثير اجتزنا غسان وبعده بندر وبعده تمسكنا ببعض اكثر لما قررتي تعتني باخوانك ,, ميشو كافحنا ع شان بالنهايه نصير مع بعض
ورفع عيونه لها: ميشو بليز لاتهدمي كل شي حلو وهالايام الي عمرها ماتتعوض,,, ع سبب انا متاكد انه تافه,,, ميشو عشاني اتركي كل شي وراك وخليك معاي انا وبس,, خلينا نكون مع بعض بكل مشاعرنا,,, ميشو انا مااستاهل هاللايام الحلوه معاك
كانت كلمات طلال مثل البلسم ع جروح مشاعل ,,, ليش ماتتغاضى عن كل شي وتنسى كل شي,,, ليش ماترجع تبني حياتها من جديد معاه ,,, ليش ماتعطيه فرصه,,, ضحى كثير ع شانها وجاء دورها
لقت نفسها بدون ماتحس تقول له: طلال وربي الكلمات الي قلتها لك بليله زواجنا كلها من وراء قلبي,,, انا تزوجتك لاني احبك ومو قصدي انــ
حط اصبعه ع شفايفها : اشششش مابي اسمع شي ,, ابيك تقولي اني تحبيني وبس
مشاعل نزلت دموعها مو قادره تقاوم فارس احلامها وبمكان رومانسي وشاعري ,,, ويجمعهم بيت واحد ,, نست كل شي تبي تكون معاه وبس ,,, وموضوع الرسايل كيفه المهم انها تسعده وتكون معاه,, ضمته من قلبها وبكل حنان شالها وطلع بها الدور الثاني,,, وجلسها ع السرير
طلال وهو يلعب بشعرها : قطوتي وربي اني احبك ,,, بدونك ماقدر اعيش,, ودموعك هذي مابي اشوفها فاهمه
مشاعل تبتسم : وانا احبك احبك احبك احبك احبك
سكتها حظنه,, وكان رومانسي بشكل ماكانت تتوقعه,, كانت الليله هذي من احلى ليالي عمرها ,,, كان طلال جنبها ونام بحظنها مثل ماتمنت ,,كانت تحبه من قلب,, بس بعد هالليله زاد حبه بقلبها
00000000000000000000000000000000000000000000000000 00000
في الصباح صحت قبل طلال,, والتفتت ع طلال الي نايم جنبها ,,تتامل وسامته ورجولته,, صدق يستاهل تنسى كل شي ع شانه,,, واخذت غطاء السرير وصارت تحكه ع خشم طلال
طلال بدى يتحرك
مشاعل: اصحى يامدمن النوم
طلال وكله نوم: صبحيه مباركه ياعروسه
مشاعل استحت: قوم يله طلول ميته جوع ابي اكل
طلال: مابي اتحرك تعبان
مشاعل: يله طلول ع شاني قوم,, خلنا نطلع
طلال: ليش حظرتك متى صاحيه
مشاعل: اممم ساعه يمكن
طلال: وايش جالسه تسوي بهالساعه؟؟؟
مشاعل: اتاملك
طلال: اااه ميشو جد امس كانت احلى ليله بعمري
مشاعل استحت: طيب يله قوم البس ع شان نطلع
طلال: حاظر عمتي
00000000000000000000000000000000000000000000000000 00000
بعد الفطور راحوا ع الشاطئ
طلال: ميشو شفتي البحر شو كبير
مشاعل: ادري اد البحر بحبيك
طلال: لا
مشاعل: اجل ايش؟؟
طلال: تتوقعي متى تجف المويه فيه
مشاعل: ههههههههههههههههه
طلال: ياناس اموت بهالضحكه
شاف طلال الحزن بعيون مشاعل
طلال: ميشو حبيبي ايش هالحزن الي اشوفه؟؟؟
مشاعل تحاول تقاوم الدموع: تذكرت بابا وماما
طلال: الله يرحمهم,, ميشو مابي اشوف دموعك ولاحزنك,, انا راح اكون لك ابوك وامك ,, انشالله ماراح احسسك بيوم انك وحيده,, انتي الحين عالمي كله,, واتمنى اني اكون عالمك
00000000000000000000000000000000000000000000000000 000
بالليل كانوا بديسكو وكانوا مشغلين موسيقى Popcorn وهالموسيقى المفضله لطلال
طلال: ميشو الموسيقى هذي حمستني قومي نرقص
مشاعل: مجنون انت لا مستحيل ارقص
طلال: امشي يله ولاتبيني اشيلك
مشاعل: طلال ماعرف ارقص بليز راح يضحكو علي
طلال: امشي مافيه احد يعرفنا
مشاعل كانت بتقول لا بس يد طلال اسرع منها ومسكها وقومها
صارت مشاعل تهز هز خفيف ومو راكب مع الموسيقى الصاخبه,,, اما طلال كانت خطواته مرسومه بدقه ورقصه متقن ,,, واضح انه متعلم الرقص بمكان لان رقصه رقص خبير,,, وكانت مشاعل تحاول تجاري طلال بخطواته
مشاعل تحمست بزياده وصارت تنطنط وتستهبل وتصارخ <-- انهبلت البنت
بما ان طلال مهبول مثلها صار يحمسها ويشجعها,, والبنت خشت جو وراح الحيا
مشاعل تصارخ ع شان يسمعها طلال : طلال علمني شلون تسوي هالحركه
طلال يصارخ :اي حركه؟؟
مشاعل: مدري هذي وكانك تتزلج ,,, مره خطيره كيف تسويها
طلال : هههههههههههه,, لا تسويها بعدين تطيحي وتفشليني ترى اذا طحتي بطلع واخليك
مشاعل: هههههههههههههههه
رقصوا لما تعبوا
كانت هذي رحلتهم الرومانسيه والي كان الحب والتفاهم يملاها ,, واكيد حب طلال بقلب مشاعل كبير لدرجه انها نست موضوع الرسايل
00000000000000000000000000000000000000000000000000
بعد شهر
كانوا بالمطار,, راجعين من استراليا
ابو طلال: الحمدلله ع سلامتكم
طلال ومشاعل: الله يسلمك
طلال: ليش يابابا جيت ,, انا قلت لماما ترسل السواق ليش تتعب نفسك
ابو طلال: لو عندي اشغال الدنيا راح افضي نفسي لك , كم عندي من طلال,, وبعدين مشتاق لك تبي تحرمني من شوفتك وشوفه مشاعل
طلال : الله يطول بعمرك
00000000000000000000000000000000000000000000000000 00000
دخلوا ع بيت طلال والي انبهرت مشاعل من شكله كان قصر بمعنى اصح,, البوابه كبيره والحديقه تحسسك بانك في غابه مو حديقه,,, شكل البيت ديكوره كل شي حلو
دخلوا مع البوابه الرئيسيه واستقبلوهم عشرات الخدم ,,, الي تاخذ عبايتها والي تاخذ الشناط,, كان مدخل البيت كبير وعباره عن مجلسين مفتوحه ع بعض ,,, يتوسطهم صاله كبيره واضح من الاثاث انه مكلف الملايين,,, انفتح الاصنصير وطلعت منه هيفاء وام طلال
هيفاء: الحمدلله ع السلامه
طلال ومشاعل: الله يسلمك
ام طلال: أوولاا <-- هلا بالاسباني
طلال: أوولاا ماما
ام طلال: كومو إستاس <-- كيفك؟؟؟
طلال: موي بيين ماما
وسملت ع مشاعل والكلام كان بالاشاره
واستلمت طلال بسوالف مشاعل مافهمت منها ولا حرف
لمياء دخلت: واااااااااااااااااااو ميشو وطلال الحمدلله ع سلامتكم
مشاعل وطلال : الله يسلمك
طلال: لمو دلي مشاعل ع غرفتنا ,, راح اجلس مع ماما شوي
لمياء: روح ميشو بامان,, تعالي ميشو افرجك ع البيت
كان الدور الثاني يحتوي ع غرف النوم ,, اما الدور الاول كان فيه مجلسين وصاله مفتوحه بالنص اما البيسنت كانوا ثنين البيسمنت 2 مخصص للباركينق وللمطبخ ,, ولما شافته مشاعل تذكرت اليوم الي دخلت فيه الغرفه مع غسان وطلال وسلمان, اما البيسمنت 1 كان فيه المسبح وغرفه الاجهزه الرياضيه والسوانا والجكوزي وجلسه ع المسبح وكانت تطل ع الحديقه,,, فرجتها ع جزء من الحديقه ,, ودلتها ع غرفتها والي موقعها برا البيت,, ارتاحت ع الاقل راح تكون لوحدها ومو مضطره انها تجلس معاهم
الغرفه ابهرت مشاعل,, وقفت عند السمك والي يشكلون جدار بين غرفه النوم وغرفه الجلوس سمعت صوت طلال يدخل
طلال: ميشو فيه ضيف يبي يشوفك
مشاعل: ضيف؟؟؟
نواف: هاي ميشو وحشتينا
مشاعل : هاااي نواف
نواف: طلال اطلع خلني مع مشاعل شوي ابيها بكلمه راس
طلال: بعد كلمه راس ,, والله اني صرت اخاف ع ميشو منك
مشاعل: ههههههههههههههههه,, تعالي نواف سولف معاي مشتاقه لسوالفك
نواف: طيب ايش رايك نسولف بغرفتي؟؟؟
طلال: نوافوه ياحقير بعد تبي تدخلها غرفتك
نواف: ميشو ماعليك منه تعالي نلعب بلي ستشين
مشاعل: يله مشينا
طلال : لا اترك ميشو تعبانه وتبي ترتاح بعدين العب معاها مثل ماتبي,, وانتي يامجنونه لاتعطيه وجه ترى وربي مايخليك ولا دقيقه
مشاعل: ههههههه عادي يمون
نواف: هذي الناس الي تعرف ترد مو مثلك,, عموما ميشو ارتاحي ولما تصحي انا انتظرك بغرفتي يا((وطالع طلال)) يا حلوه
وراح يركض خايف من طلال
00000000000000000000000000000000000000000000000000 00000
نامت تقريبا 4 ساعات وكانت الساعه 8 الليل
صحت ع صوت طلال والي يصحيها بكل رقه
طلال بهمس : ميشو حبي,, اصحي
مشاعل: يووه طلال ابي انام
طلال: بعدين ارجعي نامي ,, لازم الحين تروحي تسلمي ع اهلك
مشاعل قامت بكسل: كم الساعه؟؟
طلال: 8
مشاعل: اوكي قلبي راح البس
طلال: طيب عمري انا استناك بالصاله راح اجلس شوي مع امي
مشاعل: اوكي عمري ماراح اطول
وعلى طول تحممت وصلت ولبست كانت لابسه بنطلون جينز وبودي ملون وكان مفتوح من الصدر ,, لبست عبايتها واخذت الطرحه وطلعت من الغرفه
قطعت الحديقه ,, وطبعا مو عارفه شلون تدخل مع البوابه الخلفيه لان البيت كبير وخافت تضيع,, فقالت احسن حل ادخل مع البوابه الرئيسيه,, بس لما قطعت الحديقه سمعت صوت صراخ لمياء,,, وقالت اكيد قريبه من هنا خليني اروح ادورها يمكن تدلني ع الصاله
قربت اكثر من مكان الصوت,,, كانت خلفيه البيت كلها مكشوفه ع الحديقه وتقدر مشاعل تشوف الي جوى ,,, لمحت نواف يسبح ومعاه لمياء ,,, اما هيفاء كانت منسدحه جنب المسبح,, وجنبها وحده عرفتها مشاعل زين ,,, نفس البنت الي ورتها رسايل طلال
انصدمت اكثر لما شافت طلال جالس معاهم,, معقوله حتى وهي موجوده يخونها ,, لهدرجه مو قادر يكبت عواطفه ومشاعره تجاهها ,, قررت انها تواجهم,,, دخلت من الباب الخلفي ووقفت قدام المسبح
لمياء: وااااااااااو ميشو تعالي اسبحي معانا
طلال قام على طول لما شاف مشاعل: حبيبتي طولتي ذبحني الشوق
على طول طالعت البنت الي جنب هيفاء بنظره حقد ,, والبنت ماقصرت رده لمشاعل نفس النظره
طلعت على طول للحديقه وراحت تمشي باتجاه غرفتهم ,و مسكها طلال بيدها ولفها ع جهته
طلال: ميشو ايش فيك وكان شي قرصك
مشاعل بصراخ : انت حقير وحيوان
طلال منصدم: ايش سويت؟؟؟
مشاعل: ولاشي اترك يدي اتركها
كانت تحاول تبعد يدها عنها
طلال: ابي اعرف ايش سويت ع شان تثوري هالثوره
مشاعل: ولا شي جالس مع هالحقيره الي جوا وكانها اختك
طلال : ميشو حبيبتي اول شي انا ماجلست معاها ,, انا جالس مع لمياء ونواف وكنت احكي معاهم,, وكنت معطيها ظهري,, وبعدين انا متعود ان صاحبات اخواتي مايتغطوا فعادي اني اجلس معاهم
مشاعل: اها اجل ان اراح اجلس مع اصحاب مشعل وسعود
طلال: اكسر راسك
مشاعل: لا والله حلال عليك وحرام علي
طلال: ميشو انا مو قصدي واذا هالشي يضايقك وربي خلاص ماراح ادخل مره ثانيه اذا عند اخواتي صاحباتهم
مشاعل , طيب اترك يدي لاني الحين ماطيقك ولا ابيك تلمسني
ترك يدها
طلال: طيب امشي نروح لبيت ام مشعل ترى انا واعدت مشعل
مشاعل مشت معاه بدون ماتنطق بكلمه,, ولما ركبوا وطلعوا من البيت
طلال: ميشو حبيبتي وربي ماكنت اقصد
مشاعل تتكلم وهي شاده ع اسنانها: لاتتكلم فاهم
طلال: ميشو انتي تعاقبيني ع شي ماكنت اعرف انه راح يزعلك,, ميشو انا معتود ع اني ادخل عادي حتى لو فيه صاحبات اخواتي ,,, وصدقيني لو انا بس شاك انه راح ياثر عليك ماكان دخلت البيت كله
مشاعل حاقده ع طلال مره وتبي تنتقم منه باي طريقه وعلى طول شالت الطرحه وكشفت
طلال: مجنونه ايش تسوي
مشاعل: انا حره مابي اتغطى
طلال وقف السياره ع جنب وتكلم وهو معصب بس يحاول يتحكم باعصابه : غطي وجهك يامشاعل
مشاعل: كيفي انا متعوده ع كذا مالك شغل
طلال يصارخ: اوكي ماراح احرك السياره لحد ماتغطي
مشاعل: اوكي عادي خلنا اليوم ننام بالسياره
طلال بحركه سريعه منه اخذ الطرحه وغطى بها مشاعل بكل عصبيه
طلال يصارخ بقوه: وربي لو تكشفي مره ثانيه راح تندمي فاهمه
مشاعل خافت من لهجته وقررت انها تسكت وماتعانده لكن راح تخليه يندم
وصلوا بيت ام مشعل وكلهم كانوا ساكتين
00000000000000000000000000000000000000000000000000 00000
ام مشعل: نجود بخرتي البيت
نجود: ايه ياخالتي,, بس كأن مشاعل تاخرت
ام مشعل: لا اكيد انهم ع وصول الحين
سعود: احم احم
نجود: تفضل((كانت متغطيه))
سعود: اقول ماما مو عارف ايش راح تكون رده فعل مشاعل لما تعرف ان ملكتي ع هنوف بكره
ام مشعل: عسى بس ماتزعل وتقول ماقلتوا لي
سعود: انا مسويها مفاجاه لها
ام مشعل : الله يستر
دخلت مشاعل
مشاعل: اسمع طاري مفاجاه الله يستر
سعود: بسم الله مين فتح لك؟؟؟
مشاعل: نسيت ان معاي مفتاح
ام مشعل ركضت تضم مشاعل وتبكي: الحمدلله ع سلامتك
ونجود وسعود كانوا مشغولين بالسلام ع مشاعل وبعد السؤال عن الصحه والاحوال
سعود: اوووه نسيت طلال بالمجلس
مشاعل: لا فيه مشعل
سعود: اجل بروح اسلم عليه
مشاعل: مافيه طلعه من هنا لحد ماتقول لي ايش هالمفاجاءه
سعود: امسكي اعصابك
مشاعل: مسكتها
سعود: امسكيها بقوه اخاف تنفلت
مشاعل: يوووه سعود قول
سعود: بكره ملكتي ع هنوف
مشاعل قامت من مكانها: وانا اخر من يدري
ام مشعل: قلت لك ياسعود انها راح تزعل
سعود: لا مستحيل تزعل وتخرب علي فرحتي
مشاعل كانت معصبه مره لانها اخر من يدري ,, بس لما سمعت كلام سعود رحمته
مشاعل: مع اني زعلانه بس مبروك بدون نفس
سعود: هههههههه الله يبارك فيك بنفس
00000000000000000000000000000000000000000000000000 00000
الساعه 12
طلال دق ع مشاعل: مشاعل مشينا؟؟؟
مشاعل: لا بجلس مع ماما شوي
طلال : طيب تبي ارجع اخذت بعد ساعه
مشاعل بنبره امر: لا راح انام عند اهلي اليوم
طلال: مشاعل عيب توك راجعه وتنامي عندهم ايش راح يقولوا
مشاعل: هذولا اهلي عادي,, وبعدين بكره ملكه سعود ابي اروح
طلال: طيب انا ماقلت لاتحظري بس اطلعي الحين وبكره راح اجيبك
مشاعل: طلال قلت لك راح انام هنا يعني راح انام هنا
طلال يشد ع اسنانه : ميشو اطلعي خلينا نتفاهم
مشاعل: مابي
طلال: انتي حره بس وربي اذا ماطلعتي الحين راح تندمي
مشاعل: ماراح اندم اكثر من الي ندمته معاك
طلال عصب: كل هذا ع شان جلست مع العنود
مشاعل: بعد اسمها العنود
طلال: مشاعل اطلعي لا اسحبك مع شعرك,, اركبك غصب عنك
مشاعل: مابي
وقفلت الخط بوجهه
جاها مسج
\" اوكي ع حركتك هذي وربي راح تندمي يامشاعل ونشوف\"
ارسلت له مسج
\" ماهمني وماخفت منك ,, اهم شي اني مع الناس الي احبهم ويحبوني\"
جاها مسج منه
\" يعني انا ماحبك؟؟؟؟\"
ترددت مشاعل بالرساله الي كتبها ترسلها او ماترسلها ,, قررت اخيرا انها ترسلها ع شان تقهره
\" لا انت ماعمرك حبيتني انت ماتحب الا نفسك\"
جاها ع طول مسج من طلال
\" اذا طول هالفتره ,, وكل شي سويته ع شانك اكتشفتي اني ماحبك ,,, وعشان بس اني جالس مع صاحبه اختي,, فخساره اني اضيع وقتي معاك\"
مشاعل ارسلت
\" ايش قصدك\"
طلال
\" اذا تاكدتي اني احبك وعقلتي تعالي البيت , انا ماراح اخذك\"
مشاعل خافت مره هل هذا تلميح للطلاق ؟؟؟؟ معقوله طلال يطلقها ,, لالا اكيد معصب,, وليش مايطلقها اكيد العنود اخذت عقله ويبي يطلقها ع شان يتزوجها ,, بس ليش ماتزوجها من الاول؟؟؟؟
تعبت مشاعل من التفكير واستسلمت للنوم
00000000000000000000000000000000000000000000000000 00000
نواف: طلال وين ميشو
طلال: عند اهلها
لمياء بخوف : ليش ايش صار؟؟؟
طلال: اخوها راح يتملك بكره وتبي تروح مع اهلها
نواف: وانت طبعا انقهرت لانها مو عندك اليوم
طلال: لا عادي,, خلها تجلس عندهم اكيد مشتاقه لهم
دخل غرفته وطالع مكان مشاعل,, ليش تسوي فيه كذا ,, ليش لاتفه سبب تثور ,, ليش تدور اي عذر ع شان تبعد عنه,,, معقوله ماتحبه,, طيب ليش تزوجته,,, معقوله تغار من عنود والي ماتعني له اي شي؟؟
انسدح ع السرير وانقلب بالجهه الي بجنب مشاعل وصار يطالع المخده و يلمس مكانها
طلال : ميشو ليش تعذبيني وتعذبي نفسك,, انتي تحبيني وانا احبك ,, ليش هالعناد والدلع,, لازم اادبها واعلمها كيف تحافظ ع الي بينا مو لاي مشكله تثور وتتخلى عني,,, انا ماراح امرها بكره ,, حخليها ببيت اهلها تتعلم,, وتتادب وتعرف اني اقدر اكون شديد معاها ,, بس اخاف مقدر اتحمل بعدها\"
00000000000000000000000000000000000000000000000000 000000
اليوم الثاني
مشاعل كانت خايفه لان طلال مادق عليها
سعود: يله ميشو جاهزه؟؟
مشاعل: ايه خلصت
سعود: يله اخاف نتاخر
مشاعل: ههههههههههههه يله ياروميو
راحوا لبيت الهنوف وتمت الملكه ع خير واخيرا سعود تحقق حلمه وتزوج هنوف
00000000000000000000000000000000000000000000000000 00000
في بيت ام مشعل بعد مارجعوا كانت الساعه 11
ام مشعل: مشاعل راح تنامي عندنا اليوم والا راح يمرك طلال
مشاعل: لا راح انام اليوم وبكره انشالله راح ارجع
ام مشعل: الله يحييك ليتك تنامي عندنا اسبوع نشبع منك
مشاعل ابتسمت غصب عنها,, استغربت طلال مادق ولا حتى ارسل,, لايكون بينفذ الي براسه ويبيها ترجع لوحدها,,, مستحيل ترجع ,,, اذا يبيها يجي هو
,, بس بكذا راح تشك ام مشعل واخوانها فيها,, احسن حل انها ترسل لها مسج ,, وتشوف اذا زعلان والا لا
ارسلت مسج
\" سعود تملك ,,, اتصل بارك له\"
ارسل لها مسج
\" ما انظر منك امر ,, انا اتصلت من زمان وباركت له \"
قفلت مع مشاعل,, يعني اتصل ع سعود ومافكر يدق عليها
ارسلت مسج
\" طلال لاتمرني اليوم,, ودي انام عند ماما \"
انتظرت بخوف المسج وخافت من الي كاتبه ,,, فتحت المسج بخوف وكان مكتوب فيه
\" اذا مليتي منهم ,, دقي ع السواق وهو يجيك\"
مشاعل ارسلت
\" وليش انت ماتمرني\"
طلال
\" لاني مو فاضي لك,, وعلى فكره انا راح اقفل موبايلي عندي دوام بكره \"
انقهرت وماتت قهر من تصرفه ,, صدق مغرور,, ماكفاه الي سواه بعد يتغلى
قررت انها ترجع بكره وتقصر الشر وتشوف نهايه لهالمهزله
00000000000000000000000000000000000000000000000000 00000
في اليوم الثاني
كانت مشاعل متجهه لبيتها الجديد ,,, الي هو بيت ام طلال
وصلها السواق ,, ودخل القصر ووقف عند غرفه طلال
نزلت مشاعل ودخلت الغرفه وهي محتاره ماتدري ايش تسوي
راحت لجوا البيت ,, كانت ام طلال ولمياء وهيفاء جالسين لوحدهم ,, كان الوقت عصر ,, وطلال عنده دوام العصر ع شان كذا ماكان موجود
لمياء: ميشو حبيبتي لاتنامي مره ثانيه عند اهلك مره توحشينا
مشاعل: انتي اكثر,, هاي ((تاشر لام طلال والي مابينهم سوالف الا هاي واذا كثرت باي))
ام طلال وهي تشرب شاي طاح ع بنطلونها نقطه وقامت تجيب منديل وكان المنديل اقرب لمشاعل,, على طول مشاعل قامت قبلها وجابت لها المنديل
ام طلال : قراثييس <-- شكرا
مشاعل: لمياء بليز ترجمي
لمياء تضحك :هههههههه تقول لك قراثييس يعني شكرا
مشاعل : وكيف اقول لها عفوا
لمياء: ههههههههه قولي لها دى نادا
مشاعل: دى نادا
ام طلال ولمياء: هههههههههههه
وبدت تتكلم كلام مو مفهوم
لمياء: ههههههههههه تقول لك ماما انها تبي تعلمك اسباني لانها حبتك مره وودها تسولف معاك
مشاعل: هههههههه بصراحه احس انه مستحيل اتعلم اسباني , لان الاسباني صعب وحروفه غريبه ,, اخر شي هي الي راح تحكي عربي راح اعلمها
لمياء ترجمت لامها الكلام وماتوا ضحك
الخدامه دخلت وعطت هيفاء موبايل
لمياء: ايش هالموبايل الي عطتك الخدامه
هيفاء: موبايلي
لمياء: ليش وين كان موبايلك؟؟؟
هيفاء: كنت معطيته العنود
لمياء: ليش وين موبايلها؟؟؟
هيفاء: هي اخذت موبايلي وانا اخذت موبايلها كذا تغيير
لمياء: اشتري نفس موبايلها وريحي نفسك
هيفاء: لا مابي اغير موبايلي
لمياء: وليش
هيفاء: موبايلي فيه رسايلي كلها
مشاعل كانت تحس ان هيفاء ماتتقبلها ,,, بس كان لازم تسالها سؤال مصيري
مشاعل: من زمان موبايلك معاها؟؟
هيفاء بدون نفس: يعني من قبل زواج طلال باسبوع
مشاعل كان شكها بمحله اكيد طلال كان مرسل الرسايل لهيفاء وهالحقيره استغلت هالشي وتبي تدمر حياتها ,,, وهي الي تركت لها المجال انها تلعب براسها ولو طلال مايحبها من قلب وكان متسامح معاها ,, كان تدمرت حياتها ,, كانت تبي توصل لجهاز هيفاء باي شكل
هنا خطرت فكره تجنن ع بال مشاعل
مشاعل: لمو تعالي معاي ابيك شوي
بعد ماقالت مشاعل للمياء كل الي صار مسكت يدها وراحوا ع غرفه هيفاء
00000000000000000000000000000000000000000000000000 00000
هيفاء: مين
لمياء على طول دخلت وكانت مشاعل معاها
هيفاء: انا ماقلت ادخلي ,, انا قلت مين
لمياء: هيفاء ابي موبايلك
هيفاء: وخير ايش تبي فيه
لمياء : ابيه في موضوع مصيري
هيفاء: لا والله وايش هالموضوع المصيري الي بموبايلي؟؟؟
لمياء حكت لهيفاء كل الموضوع وكانت هيفاء منصدمه معقوله العنود تسوي كذا,,, صح انها ماتحب مشاعل,, بس ماتكرهها,, بس حركه العنود مره وصخه
هيفاء: بس يامشاعل ايش عرفك انها نفس الرسايل الي شفتيها
مشاعل: انا اتذكر الرسايل الي قريتها كويس,, وراح اقول لك المكتوب فيها وتاكدي انتي
هيفاء فتحت رسايلها الي جتها من طلال وقرتها مع مشاعل ولمياء,, وفعلا كانت نفس الرسايل الي قالت عنها مشاعل,, كانت الرسايل مرسلها طلال لاخته هيفاء
هيفاء: معقوله عنود تسوي كذا ,,, وربي راح تشوف ايش راح اسوي لها
مشاعل: هيفاء لاتقولي لها شي بليز
هيفاء :وليش انشالله
مشاعل: خايفه تضرك هذي وحده ماتخاف الله ,, الي حاولت تدمر سعاده شخصين ممكن تسوي لك اي شي
هيفاء: لا ميشو مستحيل اسكت عنها كذا
لمياء ومشاعل انصدموا اول مره هيفاء تقول لمشاعل ميشو ,,حتى هي انحرجت
هيفاء تغير الموضوع: المهم ايش راح تسوي مع طلال؟؟؟
مشاعل: راح ادق عليه واتأسف منه وانشالله يقبل اسفي
هيفاء: ايش الي تتاسفي لا طبعا
مشاعل منصدمه: وليش انا غلطانه بحقه ولازم اتاسف
هيفاء: فيه طريقه حلوه اكثر من انك تتاسفي
لمياء تحمست: وايش هي
خططت هيفاء مع مشاعل ولمياء وبعض المشاركات من نواف,,,, راح يظطر طلال انه يرضى لما يعرف ايش سوت مشاعل عشانه
كانت الخطه انهم يجهزوا شموع وجلسه رومانسيه بغرفه طلال ومشاعل تخلي طلال يرضى علطول ,, وبعد مانتهوا
هيفاء: هاه كيف شكل الغرفه جنان صح؟؟؟
مشاعل: مرره خطيره,, بس ايش رايك هيفاء اشيل الشموع هذي واحطها بغرفه الجلوس
هيفاء :لا خليها جنب السرير احسن ((وغمزت لمشاعل))
استغربت جرات هيفاء ,, حتى هي المتزوجه تستحي وهذي منزوع منها الحيا
00000000000000000000000000000000000000000000000000 00000
اخيرا طلال رجع من الدوام تعبان وماله خلق وطفشان والاكثر من هذا مشاكله مع مشاعل الي ماتنتهي
دخل يسلم ع امه واخواته ,, وكان نواف معاهم
نواف: طلال لاتجلس
طلال: ليش؟؟
نواف: روح غرفتك احسن
لمياء نغزت نواف نغزه قويه خافت يفضحهم
نواف: اوووووووه ماقلت شي
طلال: ايش الي تقوله ,,, ايش القصه
هيفاء: نواف دخل اليوم غرفتك وكسر حاجه وهو خايف تعاقبه((وطالعت نواف بنظره تهديد وتحذير من انه ينفي كلامها))
طلال: وليش داخل غرفتي؟؟
نواف: كنت ادور ع سي دي بغرفتك
جلس طلال يسولف مع امه تقريبا ساعه,, وهيفاء ولمياء ونواف طفشانين يبوه يروح غرفته,, عشان المفاجاه
طلال: ايش فيكم ساكتين
هيفاء: انا راح اروح مع نواف غرفته يبيني بسالفه
لمياء: ماما تعالي ابيك بموضوع ضروري
طلال استغرب ليش يتهربوا منه,, حس ان فيه شي كبير,, وشكل هالشي بغرفته,, راح ع غرفته
واول مافتح الباب شم ريحه بخور,, وعطور وكان الغرفه مغسوله بها,, استغرب ,, وصل غرفه الجلوس,, وكان فيها كيكه مكتوب عليها طلال ومشاعل,, عرف على طول ان مشاعل هنا بس ليش تسوي كذا؟؟ مو كانت زعلانه ايش الي تغير ,, حتى لو رضت هو لازم يبين لها انه زعلان ع شان تتادب,, دور عليها بغرفه النوم والي كانت كلها شموع وانوار رومانسيه وكانت متخبيه عن طلال بغرفه الملابس
جلس يدور عليها مو لاقيها
طلال: مشاعل
وماكان فيه صوت
مشاعل طلعت بشويش من غرفه الملابس ومشت بشويش لما وصلت لطلال
مشاعل: بوووووووووووووووووووو
طلال فز من الخوف والتفت عليها وانجن عليها كان شعرها مرفوع بتسريحه مرتبه والميك اي خفيف مثل مايحبه طلال وكانت لابسه قميص نوم اسود ,,, وطبعا مشاعل كانت بيضاء فكان اللون الاسود عليها خطيرررر
طلال بدون نفس: نعم
مشاعل: طلول تى كييرو <-- احبك بالاسباني تعبت هيفاء تحفظها هالكلمه
طلال انصدم وقال يمكن ماسمعت كويس
طلال: ايش؟؟؟
مشاعل : تى كييرو ياطلال
طلال: اشوفك تتكلمي اسباني؟؟؟
مشاعل: لعيونك راح اتكلم صيني بعد
طلال حبه كبير لمشاعل ومستحيل يقدر يزعل عليها ,, على طول شالها من الارض وسمعها احلى كلمات الحب,, وتعاهدوا ان محد يزعل من الثاني مهما كانت الاسباب,, اقتنع طلال بسبب مشاعل الي زعلها ولام هيفاء لانها ماعرفت تختار صاحباتها وبدوا حياه جديده سعيده
00000000000000000000000000000000000000000000000000 0
بعد 3 سنوات
مشاعل: انا لي 3 سنوات وماحملت خايفه ياماما
ام مشعل: طيب روحي تعالجي
مشاعل: ماما انا خايفه ان العيب يطلع مني
ام مشعل: ياحبيبتي خلي ايمانك بالله قوي, و ياما ناس لهم خمس سنوات وماجابوا عيال
مشاعل: بس ياماما اخاف يتزوج علي طلال
ام مشعل: خلي عنك هالافكار طلال يحبك ومايقدر يستغنى عنك
00000000000000000000000000000000000000000000000000 00000
في العياده
الدكتوره: بصي ياحبيبتي انتي عندك مشكله صغيره اوي
مشاعل انصدمت: عندي مشكله لا يادكتور طالعي التحاليل كويس والفحوصات ,, انا مافيني شي
الدكتوره: مالك اتخضيتي كدا,, انا أولت عندك مشكله صغننه أوي,,, وانشالله حنحلها بشويه ادويه وكل حاقه تكون زي الفل
كتبت الدكتوره لمشاعل بعض المقويات والهرمونات الي تقوي البويضه عندها وفي اقل من 3 شهور مشاعل حامل
00000000000000000000000000000000000000000000000000 00000
مشاعل: فهده ماني عارفه كيف راح اقول له
فهده: ياختي لاتسوي رومانسيه زياده عن اللزوم ,, روحي قولي له يابن الناس انا حمال
مشاعل: ههههههههههه,, لا لازم يكون جو شاعري ايش عرفك انتي بالرومانسيه
فهده: مالت مخليتها لك
مشاعل: ماقلتي لي كيف زوجت اخوك صالح مع امك؟؟؟
فهده: اسكتي مجننه امي وصار اخوي صالح مثل الخاتم باصبعها,, خاصه بعد ماجابت له ولي العهد وهي تتحكم فيه بشكل مو طبيعي
مشاعل: الي اتذكره ان امك كانت مصيطره عليها في بدايه الزواج
فهده : هههههههه امي اصلا ماخطبتها الا لانها سمعت ان لسانها قصير وتستحي,, ع بالها راح تصيطر عليها,, مادرت انها عقرب,, وتمسكنت لما تمكنت ,, والحين بنظره وحده امي تخاف منها
مشاعل: الله يهديها
فهده: انا احس انها عقوبه من الله,, لان امي باول سنه كانت مجننتها ,, بس اظاهر البنت جتها حاله نفسيه وانقلبت شرسه
مشاعل: ههههههههههههههههههههه
دخل طلال الغرفه
مشاعل: فهده قلبي بعدين اطلبك
فهده: ايه جاء حبيب القلب, ايه من شاف احبابه نسى اصحابه
مشاعل: اكيد اجل ايش ابي فيك وطلول جنبي,, اصلا انا ادق عليك اتسلى بس
طلال : هههههههههههههههه
قرب منها طلال وطبع بوسه ع خدها
فهده: اوريك يالعصلا
مشاعل: اوكي يام كشه
قفلت مشاعل من فهده وراحت لطلال
مشاعل بدلع: طلول انا زعلانه
طلال: ليش ياعمري
مشاعل: لان بستني
طلال: ومن متى بوستي تزعل
مشاعل: انا زعلانه لانك ماتعدل
طلال: ليش ناويه تخطبي لي وحده ثانيه؟؟
مشاعل: والله لاقتلك
طلال: ههههههههههه لاتحطي الفكره براسي يمكن تعجبني
مشاعل: اووووووووه طلول اسمعني
طلال: اسمع,, بس تعالي قبل لاتتكلمي ايش عندك محلوه اليوم؟؟؟
مشاعل: يمكن ع شان تركي
طلال: تركي مين؟؟؟
مشاعل: الي هنا ((واشرت ع بطنها))
طلال مو مصدق: ميشو تتكلمي جد؟؟؟؟
مشاعل: من جد وعم وخال ولد عم وولد خاله و..
طلال ماتركها تكمل لانه شالها وضمها بقوه
مشاعل: يوه طلال نزلني ترى الولد يتاثر
طلال نزلها على طول,, وكان هالطفل سبب في زياده فرحه مشاعل وطلال والكل كان يستناه بفارغ الصبر,, اما نواف كرهه قبل يجي,, لانه راح ياكل الجو عليه
00000000000000000000000000000000000000000000000000 00000
في المجلس
كانت عمه طلال وبنتها غاده ومشاعل وام طلال وهيفاء ولمياء جالسين,, طبعا مشاعل حكمت عليهم انهم يعزلوا البنات عن الشباب لان مشاعل تغار ع طلال وماتبيه يجلس مع بنات عمه,, اما طلال فكان يحبس مشاعل اذا عيال عمه في البيت,, لانه مايبيهم يشوفوها,, وع شان كذا قرر ابو طلال ان جلسه الحريم لوحدهم والرجال لوحدهم
عمه طلال: اقول مشاعل بطنك كبير مره انتي باي شهر
مشاعل: بالخامس
عمه طلال: والله كانك في التاسع
مشاعل: ايه مره تاعبني الحمل
عمه طلال: كم قالوا لك في بطنك ثنين
مشاعل: اربعه
عمه طلال: مشالله,, بنات او عيال
مشاعل: 3 اولاد وبنت
عمه: ياعمري مسكينه راح تنظلم مع هالعيال
مشاعل: انا مالي شغل بالاولاد انا ابي البنوته ,, اما الاولاد راح ارميهم ع ابوهم
الكل: هههههههههههههههههههههههههههههههههه
0000000000000000000000000000000000000000000000000
بعد 5 سنوات
نتيجه للشله الي جابتهم مشاعل من اثر الهرمونات ,, اضطر طلال انه يبني لهم فله صغينونه جنب فله ابوه وطبعا ابوه رفض انه يطلع من البيت ,, لانه كبير ,,, ويكفي لاحفاد احفاده ع قولته
كانت ريما بنت مشاعل تلعب مع تركي اخوها ومشاري ,, اما ونواف ولدها والي مسميه نواف اخو طلال ,, يبيه يكون نفس اسمه ,, وهو الي كان متكفل به,, وياليته ماتكفل به,, خلاه شرس وشرير مثله
كان نواف عمره 4 سنوات مثل اخوانه,, وكان نواف الكبير ملبسه بنطلون ورابط عليه سلاسل حقت العرابجه وتيشرت واسع وطويل ومسوي شعره سبايكي
مشاعل: طلال شوف نواف اخوك ايش مسوي بولدي
طلال يطالع نواف وشاله: ياحليه ولدي صاير نيقر
مشاعل: نيقر بعينك ,,, صاير عربجي يخوف هو وهالسلاسل
طلال: وربي صاير رجال ,, ياحلوه ,, نواف حبيبي روح اضرب اختك ريما
مشاعل: طلالوه لاتخرب ولدي حرام عليك ,,, ماقلتله الا يضرب ريما حبيبتي خله يضرب عيالك
طلال: هههههههههههه لا راح اخليه يتصلط ع ريموه الكريهه
مشاعل: ابي اعرف ليش تركهها
طلال قرب من مشاعل ولمس ع خدوها : لاني اغار منها,, اخذتك مني,, طول الوقت جالسه معاها ,, تصدقي اني صرت اتمنى اني اكون ريما ع شان تهتمي فيني
مشاعل حست بالذنب: طلول قلبي وربي اني احبك,,, لاتصير دلوع
طلال يقلد الاطفال : مابي انا زعلان
مشاعل: خلاص ياماما اشتري لك حلاوه ع شان ترضى
طلال: لا ابي بوسه
مشاعل قربت من طلال وعطته بوسه خلته يعرف ايش كثر تحبه وايش كثر هي ماتقدر تعيش بدونه
00000000000000000000000000000000000000000000000000 00000
سعود بعد ماتزوج الهنوف جابوا ولدين الاول اسمه رامي والثاني رائد,, وكان مصمم ان اي ولد راح يجيه راح يسميه بحرف الراء
نجود ومشعل جابوا بنت وحده اسمها روان
ساره خلصت جامعه واشتغلت ولسى ماتزوجت
حسين تزوج بنت عمه وعقل وترك البنات
غسان طلق بنت عمه بعد ماجاب منها ولد ,,, وبعد الطلاق اخذت الولد منه وحره قلبه عليه,, وطبعا مركز ابوها اكبر من مركز ابوه,,, وع شان كذا ماقدر لايرفع عليها قضيه ولا حتى يتحرش فيهم
بندر ماتزوج ,,, كمل دراسته برا ودرس الدكتوراه
00000000000000000000000000000000000000000000000000 00000
كانت مشاعل بالغرفه منسدحه ع سريرها وقدامها عيالها ريما وتركي و مشاري كانوا هادين بس يلعبوا , اما نواف كان نزغه لووووول, مايخلي شي الا يكسره ,,,
مشى نواف باتجاه اخته ريما وضربها ,, وصارت ريما تبكي,, اخذتها مشاعل وضمتها وحاولت تسكتها,, اما نواف كرر محاولته مع مشاري وعطاه كف,, وصار الثاني يبكي
مشاعل: اووووووووه طلال شوف ولدك نواف ذبح عيالي بس يضرب فيهم
طلال: نادي المربيات ياخذوهم
مشاعل التفتت ع طلال وماتت ضحك\"تذكرت نفسها لما كانت تحلم بانها متزوجه طلال وعندها توائم منه ,, وكيف كان البيت ازعاج ,, كان حلم والحين صار حقيقه\"
طلال مستغرب من مشاعل ليش تضحك: ليش تضحكي يالخبله
مشاعل: مالك شغل تذكرت شي يضحك
طلال: ممكن اعرفه
مشاعل: سر بيني وبين الي يقروا القصه
طلال مستغرب: اي قصه
مشاعل: قصتنا ياغبي
طلال: ايه قصدك الي تكتبها Bent Ksa
مشاعل: ايوه هذي هي
طلال: اهم شي فيه مشاعل
مشاعل تطالع طلال بكل حب : طلول اخيرا تحقق حلمنا اخيرا احنا مع بعض يجمعنا بيت واحد
طلال: الحمدلله,,, تصدقي ياقطوتي احس ان كل يوم اشوفك فيه كأني مولود من جديد
مشاعل: يعني كل يوم نطلع لك شهاده ولاده
طلال ومشاعل: ههههههههههههههههه
الـــــــــــــــــــــــــنــــــــــــــهــــــــــــــايــــــــــــــــــــــــه
المصدر : منتديات غرام
