رواية بحر حبي

عائلة بوعبدالله:
بوعبدالله (صلاح): متزوج من 26 سنة، ريال بمعنى الكلمة أسمراني بحكم ظروف شغله طويل ملامحه حلوة.
أم عبدالله (سارة): أصغر من بوعبدالله بحوالي تسع سنين وماشالله عليها جميلة مايبين أنها أم لسبعة أولاد.

عندهم عيال إللي هم:
حصة: عمرها 25 سنة بيضة طولها متوسط هادئة لها مكانتها في العايلة متزوجة وعندها بنت "الجازي" عمرها سنة ونص وزوجها قطري "طلال".

الهنوف: عمرها 24 تزوجت قبل حصة بسنة وهي بيضة وجميلة ماشالله عليها عيونها وساع، وإللي محليها زيادة أن عينها عسلية لكن وحده أفتح من الثانية، إجتماعية وتحب الناس. عندها "عبدالعزيز" إللي عمره 3ونص و "أحمد" إللي عمره سنتين وزوجها أسمه "فهد".

لولوة: عمرها 22 سنة، وهي بطلة قصتنا مب بيضة وايد مثل خواتها، لكنها حبابة ومرحبانية خصوصاً مع النسوان الكبار، تحبهم وتقدرهم وهي إللي أمها تعتمد عليها في أمور البيت وكانت هي إللي تمسك أخوها الصغير من كان عمره شهر إذا أمها بتطلع _إلي هو خالد، أما أحين فهي متزوجة من إماراتي أسمه "مبارك" من معارفهم بس من بعيد. عندها "سلطان" وعقبه بسنة وأربعة أشهر يابت "شوق" وماشالله عليهم عيالها جميلين كل واحد يقول الزود عندي ماخذين ملامح الأبو وأهله وشوي من أهل لولوة يعني شي perfict.

عبدالله: عمره 20 سنة، شخصية حبوبة، وغشمري من الدرجة الأولى وحتى كلامه يعجبكم، وماشالله عليه ريال ينشد به الظهر، وماعليه قصور وخدوم وماشالله عليه طول بعرض ماخذ ملامح أمه وأبوه يعني جميل وهو حالياً يدرس في الجامعة.

لطيفة: 13 سنة في الصف الأول إعدادي وهي ساذجة لدرجة ماتصورونها، ودايماً خواتها يقولون الله يعين إللي بياخذها؛ لأنها باردة وماتعرف تتصرف بس أنها جميلة صايرة نسخة مصغرة من الهنوف و أخذت الجمال من أهل أمها.

إبراهيم: 12 سنة، صج أنه أسمراني لكنه جميل ما شالله عليه عيونه مكحله وشوي وساع وشعره ماشالله تبارك الله ناعم وذكي خصوصاً في الإنجلينزي خدوم يعجبكم.

خالد: آخر العنقود وإللي الكل يموت عليه من صغرته؛ لأن حركاته تينن عمره 5 سنوات ونص، والسنة اليايه بيروح صف الأول، ولولوة تعتبره ولدها الأول لأنها كانت تحبه وأغلب الأوقات عندها ،ووايد تدلعه ويوم بتروح عنه وايد تأثرت بس ماحبت تبين لأحد وهو بعد دووم يطريها.

بوعبدالله ماشالله مثل ماشفتوا الله رزقه بالذرية والحمدالله صالحة ولا في يوم قصر عنهم ومب مخلي في خاطرهم شي إلا سوا لهم إياه على قد مايقدر.

عنده 6 أخوان وأخت وحدة وإللي أسمها "مريم".

أحين ندخل في القصة:

قبل سنتين كان عرس الهنوف أول فرحة البيت، وماشالله كل أهل أمها وإللي أغلبهم خالاتها كل يوم تقريباً في بيتهم يساعدونهم، حتى خالاتها من كويت ومن الإمارات حضروا لها وساعدوها في كل شي وكان من أروع مايمكن _وقبلها باسبوع كانت ملجة أختها حصة فكانوا ورا بعض_ والحمدالله عدا على خير واليوم الثاني سافروا على اللبنان وعقبها بسنة تقريباً وزود كنا خلاص محظرين حق عرس حصة بس التعب أخف من عرس الهنوف لأن أهل المعرس تكفلوا بالمسرح وغيره من هاذي الأمور بعكس الهنوف إللي كان كل شي أحنا نسويه على ذوقنا لأنهم مايعرفون وفي تاريخ 17\7 كان عرس حصة وكان صراحة كلمة روعة شوي عليه لأن المسرح كان تحفة حتى مسرح خطوبتها كان حلو بس بالنسبة حق هاذا ولااا شي ماشالله عليهم فنانين صراحةً، وحصة ماشالله نورت الصالة كانت أميرة حتى الهنوف بس حصة غير؛ لأن مكانتها عندهم غير بحكم إنها كانت هادية وشخصية في البيت فكيف بتروح عنهم غير عن الهنوف إللي متعودين عليها، ومن بعد أسبوع سافروا لندن منها شهر عسل ومنها زوجها عنده دورة.
نروح حق لولوة إللي كانت مهتمه بدراستها وهي أصلاً معروفة من صغرتها بأنها شاطرة ودوم من المتفوقين فكان همها في دراستها بعد عرس حصة بفترة كانت العمة نازلة من الإمارات بحكم أنها عاشت فترة طويلة هناك أكثر من عشر سنين فعندها معارف كثيرة وغير أن بناتها الثلاث وولدها بعد ماخذين من الإمارات فكانت بين الفترة والثانية تنزل عندهم وهالمرة كانت غير عن كل مرة...
هالمرة الله يسلمكم كانوا طرف من أهل وحدة من بناتها تبي تنزل البحرين ومعاها رفيجتها من بوظبي واايد قريبة منها، وعمت لولوة تحبهم فعزّمت عليهم أنهم ينزلون معاها البحرين دام عندهم نية ومع بنتها إللي كانت بتنزل معاها، وفعلاً نزلوا وثاني يوم صادف أن لولوة كانت فاضية وماعندها شي، دراسة ومافي خصوصاً أنها في إجازة فما عندها شغل إلا غرفتها تعدل وتنظف فيها وكانت مخلصة سنة ثانية بالجامعة دخلت عليها أمها في غرفتها وكانت توها جاهزة بعد ماعدلت الغرفة

أم لولوة_ أم عبدالله: هايمه فاضية؟؟
لولوة: إي يمه تبين شي؟
أم عبدالله: لا بس يمكن بعدين باروح حق عمتج جان تبين تيين
لولوة: أنزين، بايي أنتي متى بتروحين؟
أم عبدالله: أنا باتصل حق أبوج لأنه قال بيتأخر وبعدين باروح يعني خليج جاهزة كلها دقايق وأحنا ماشيين
لولوة: أوكي بس بالبس دفتي(عباتي) وبانزل تحت

وبعد ربع ساعة تقريباً تحركت السيارة فيها لولوة وأمها إللي كانت تسوق ولطيفة وخالد أما إبراهيم فكان في بيت خالته إللي ساكنة في شقة مؤقتاً يم بيت لولوة وعبدالله طالع مع ربعه ووصلوا بيت العمه.

لولوة: يمه فشيلة كأن عندها ناس
أم عبدالله: يعني من بيكون عندها إلا بنات عمتج يلا طوفي
لولوة: أنزين بانزل خالد عنج، يله لطيفة نزلي

وخذت لولوة خالد وجدمت عن أمها مع لطيفة دخلت الصالة تفاجأت أن مب بنات عمتها إللي كانوا موجودين هاذي ناس غرب بس العمة تداركت الموضوع

العمة: هلا حبيبتي حيالله من يه
لولوة: الله يحيج عميمه

وراحت صوبها وسلمت عليها، وكذلك لطيفة وسلمت على الحريم إللي كانوا موجودين مع عمتها وقعدت معاهم ويسألونها عن أحوالها وأخبارها وشكبر هي، بعد دقايق دخلت أم لولوة سلمت عليهم وقعدت وسوالف معاهم وضحك ووناسة وأم لولوة عزمتهم عندها في البيت

العمة:لايمة مانبي نكلف عليج
أم لولوة: أفا عليج يا أم عيسى لا فيها كلافة ولاشي

كانت إللي تقرب حق بنت عمت لولوة أسمها موزة وإللي معاها أسمها مريم

العمة: مادري جانهم فاضيين باجر إنشالله بنييكم
مريم: نحن فاضيين باجر الحمدالله ماحد حجزنا بعدنا ههههه
موزة: بس عيل يا أم عبدالله باجر بنييج
أم لولوة: إنشالله على خير يالله عيل نشوفكم باجر إنشالله
العمة: وين تو الناس؟!؟
أم لولوة: والله محد في البيت وصلاح بيي عقب شوي
العمة: الله يعطيه الصحة والعافية سلمي عليه
أم لولوة: الله يعافيج إنشالله يوصل، يلا مع السلامة
الكل: مع السلامة
لولوة: يالله عميمه مع السلامة، مع السلامة خالوا مع السلامة

سلمت عليهم لولوة وهي طالعة. واليوم الثاني ماشالله أم عبدالله عازمة الكل والبيت ماشالله مترووس وموزة ومريم مستانسات على لولوة

مريم: لولوة فديتج تعالي شوي
أنا: آمري خالوا
مريم: مايامر عليج عدوا، بس أشوف الحريم يطالعونج، أقعدي شوي وبعدين قومي ساعدي أمج فديتج

أنا أنحرجت منها مع أني متعودة على اللمة ونظرت الناس لي شمعنه هالمرة؟!! يمكن لأني كاشخة بزيادة بما أن عندنا ضيوف؟!! مادري بعد.

ومرت الأيام وأبتدا الكورس الثالث وهاذي آخر سنة لي وفي أول أسبوع نزلت خالوا مريم ومعاها أختها عفرا راحوا حق عمتي وقالوا لها أنهم يبون يخطبوني حق ولدهم مبارك إللي هو ولد عفرا

عمتي: والله مادري شاقولج يا أم خالد إنشالله باتصل حق أمها ونروح لهم أحسن.
مريم: ما يخالف
عفرا: هي شكبر البنت ألحينه؟
عمتي: ألحين سنة ثالثة
عفرا: يعني آخر سنة
عمتي: إنشالله آخر سنة.

وأتصلوا في أمي وقالوا لها ورحبت أمي فيهم واليوم الثاني ياوا لنا

أمي: حيالله من يانا توه مانوّر البيت
مريم:منور بوجد هله فديتج، شحالكم؟؟ إنشالله بخير؟
أمي: الحمدالله بخير الله يسلمج
مريم: أم عبدالله ها أختي عفرا
أمي: يا مرحبا والله زارتنا البركة
عمتي: عفرا هاذي سارة أم عبدالله
عفرا: ماشالله تبارك الله، والله مايبان علها أنها أم
أمي: ههههههههه مشكورة حبيبتي من ذوقج وحيالله من يانا
عمتي: أم عبدالله هاذي أم مبارك أخت مريم
أمي: هلا والله حبيبتي شخبارج؟؟
عفرا: الحمدالله أنتي شحالج؟ وعلومج؟؟
أمي: والله بخير الحمدالله
عمتي:عيل وين البنات؟؟
أمي: والله الهنوف في بيتها وحصة تدرين بها محد ليحين مايات
عمتي: ولولوة وينها؟؟
أمي: يايه إنشالله ألحين

بعد أقل من عشر دقايق دخلت لهم في الميلس وكنت لابسة تنورة طويلة بما أن أول مرة الناس إييونا سلمت عليهم

أنا: السلام عليكم
الكل: وعليكم السلام
أنا: هلا عميمة شلونج؟ شخبارج؟
عمتي: الحمدالله الله يسلمج حبيبتي
أنا: هلا خالتي_مريم_ شلونج؟
مريم: الحمدالله بنتيه أنتي شحالج؟
أنا: الحمدالله بخير
مريم: هاي أختي
أنا: هلا خالوا حيالله من يانا
عفرا: الله يحيج بنتيه شحالج؟؟
أنا: الحمدالله بخير يسرج الحال، شخبارج أنتي؟
عفرا: الحمدالله بنتيه بخير ونعمة
أنا: الحمدالله

وقعدنا وياهم وسوالف وغشمرة قعدوا عندنا تقريباً ساعتين من بعدها مشوا

عفرا: والله أني أرتحت للبنت وسوالفها، وأمها ماشالله عليها ولا كأنها أمها تبارك الرحمن والله ماجنهم إلا خوات
عمتي: إي فديت روحها صغيرة
مريم: إلا ماشفنا ولدها الصغير شو أسمه؟؟
عمتي: خالد
عفرا: ماشالله عندها أصغر بعد؟
عمتي: عمره خمس سنوات ونص
عفرا: الله يخليه لهم إنشالله
عمتي: عاد هاذي من يابته أمه وكله عند لولوة هاذي إللي شفتيها وااايد تحبه متعلقه فيه
مريم: ماشالله عليها
عفرا: فديتها والله صج أنهم عرفوا يربون
عمتي: لا ماشالله عليهم كلهم حبابين، بس هاذي من بدهم غير تحب اليهال ويحبونها شرحة تحب الناس والله شاقولج عنها الله العالم بغلاتها في قلبي
عفرا: لا فديتها يبان عليها
عمتي: شوفي يا أم مبارك وأنتي شاهدة يا أم جاسم والله لولا معزتكم عندي أن جان أنا ما خليتكم تخطبونها حق ولدكم؛ لأن هاذي البنت محبتها في قلبي غير ما تصورين شقد ولو لا إني واثقة فيكم أن جان ماجدمتكم على غيركم
عفرا: ماتقصرين يا أم عيسى الله يخليها لكم إنشالله ويخليكم لها وإذا الله كتب وصار نصيب إنشالله البنت في عيونا تطمني يالغالية
عمتي: إنشالله على خير

وبعد أسبوع أتصلت عفرا بعد ما خذت الرقم من عند عمتي حق أمي أنها تبيي تيينا في موضوع، أمي رحبت بزيارتهم وبعد أسبوع ياوا بيتنا وطلبوني حق ولدهم وأمي قالت لهم يعطونا فرصة بس عشان نسأل عن الولد ونعرف راي البنت، وهم وافقوا ومن بعد ماراحوا ياتني أمي وخبرتني عنهم أنا تفاجأت مب مصدقة وقالت لي أفكر في الموضوع أول شي حسيت بأناسة بس عقب تذكرت أن إذا وافقت بافترق عن أهلي، وخصوصاً خلودي ماقدر على فراقه فديت روحه باامووت، وأنا أفكر غرغرت عيني عيل كيف باجر إذا رحت عنه؟؟! ورحت حق أمي ناديتها وقالت أنها بتييني في غرفتي ورحت غرفتي وبعد قليل هي ياتني

أمي: ها لولوة؟
أنا: يمه بس كنت أبي آقولج عن هاذيلين إللي يايني
أمي: شفيهم، إلا تعالي أنتي عرفتي من ولا بس جذي إيه إيه على الخالي؟!؟
أنا: من قلتي؟
أمي: مريم وعفرا إللي ذاك اليوم ياوا مع عمتج
أنا: إيه عرفتهم عرفتهم
أمي: إنزين أحين شفيهم؟؟
أنا: هاه ولا أقولج بعدين
أمي: شوفي أنا مابي أغصبج على شي لأن هاذي عمر مب يوم ولا يومين بعدين تقولين لا مابيه هاذي مب لعبة فكري على راحتج وصلي صلاة الإستخارة وعقب ردي علي
أنا: إنشالله

وطلعت من عندي وأنا إللي كنت مجهزه لها الرفض لكن من بعد ماعرفت من هم إللي يايني ماحبيت أني أرفض على طول لأن أعرف عمتي مابتجدم بأحد إلا إذا كانت عارفته من الزين بحكم محبتها لي، ونفس ماقالت أمي أول يومين كنت أفكر ووافقت مبدئيا بس كنت مترددة بسبب أن إذا باجر الله كتب وصار نصيب أني لازم باتغرب باروح الإمارات، فلذلك صليت الإستخارة عسى ربي يهديني حق الشي الصح والحمدالله بعد فترة حسيت براحة من ذي الموضوع وأمي بعد كانت مرتاحة لأنها صلت الإستخارة معاي وبعد أسبوعين تقريباً ردينا عليهم بالموافقة بس إللي ما توقعت أنه يصير أن اليوم الثاني على طول من بعد الموافقة أهل المعرس _إللي قالت لي أمي أن أسمه مبارك _ نزلوا البحرين من الفرحة عشان يبون يحددون كل شي ويتفاهمون أنا ضحكت صراحة عليهم

أنا: يمــه من صجج؟؟
أمي: أي والله عمتج أتصلت فيني وقالت لي أنهم نزلوا البحرين الصبح وعقب يومين بييوون عندنا
أنا: إنزين ماقلتي لي؟؟
أمي: شنو؟
أنا: عنده خوات؟ أخوان؟ شي ماشيات؟؟
أمي: ههههههههه لا ماعنده أخوان بس عنده خوات
أنا: شسمهم؟؟
أمي: كأن قالت لي عمتج أن عنده فطيم وعايشه متزوجات ونورة تدرس
أنا: لا زين زين
أمي: بعد في أسأله ثانية؟؟
أنا: لابس خلاص، إنزين شالبس لهم؟؟
أمي: لبسي نفنوف عرس، بعد شتلبسين يعني؟!! بدلة عادية
أنا: يمــااااااه ما عندي بدلات يعني أقعد لهم ببانطلون؟؟
أمي: أفففففف خلاص باجر العصر بنطلع ناخذ لج
أنا: إيه إنزين

اليوم الثاني الصبح أمي راحت تشتري أشيا ناقصتها حق الميلس وغير إللي حق المطبخ ورحنا خذيت لي بدلة تنورة وبلوزة من قطعتين بس كشوخي.

عبدالله: ها الندي؟
أنا: هلا my brother شخبار؟
عبدالله: تمام ها إللي يقولون بتودعين وبنفتك منج؟!؟؟
أنا: بسم الله علي
عبدالله: ياااه باجر بيونج وتقولين بسم الله علي؟!؟!!!
أنا: هههههههههههههه هههههههههههه حسبي الله على إبليسك الناس يقولون بتعرسين مب بتودعين
عبدالله: نفس الشي يعني شتفرق؟؟!!
أنا: يالغبي إلا تفرق بتودعين كأنها بتودع بتموت لكن بتعرسين غير يعني فيها عرس
عبدالله: أها يالفهيمه، أنزين شنو إستعداداتج؟؟
أنا: nothing
عبدالله: ماصدق
أنا: يعني شتبيني أسوي؟ أدش المطبخ من اليوم أطبّخ لهم ولا أفرش لهم الزولية الحمرة؟؟
عبدالله: يالبلهه قصدي النفسية؟!؟
أنا: مادري عادي بس حاسة بشوووية خوف
عبدالله: إيـــــــه يا لولووه شويه هااا؟؟ وباجر بتقولين بطني وريلي بتراجفين
أنا: آآآآآآه شدعوة مقصبة بادش مب ميلس
عبدالله: إيـــــــه والريّل يتصبب عرقات ويمش فيهم
أنا:ههههههههههه هههههههههههههه ههههههههههههه شله؟!؟
عبدالله: هههههههههه ههههههههههههههه لا يعني نفس إللي قبله
أنا: ههههههههههه ههههههههههههه هههههههههههههه لا لا إنشالله أحسن منهم
عبدالله: أتمنى ذلك
أنا: إنشالله بتشوف
عبدالله: أوكي يلا بااي
أنا: وين بترووح؟
عبدالله: باطلع شتبين؟
أنا: إلا تعال لايكون باجر إذا بيون تأخر عبوود ترا باذبحك
عبدالله: وإذا تأخرت يعني شبيصير
أنا: عبوود بلا لعانة أولاً أبوك بيعصب ثانياً مب حلوة في حقنا تفشلنا جدام الناس
عبدالله: أقول سكتي الله يخليج، شوفي أكاني باقولج عشان خواتج قعدوني في البيت وماخلوني أطلع وريالهم يتأخرون سنة على ماييون إن سوا ريلج هالحركة عاد كيفه خلي إبراهيم يقعد له
أنا: لا إنشالله صدقني أنه مابيتأخر
عبدالله: أنتي هــــــــــي لايكون تحاجينه وأحنا ماندري؟؟
أنا: آنــــــه؟!!؟
عبدالله: كل ماقلت لج شي قلتي لي لا أهوه غير وأهوه غير ولا تأكد بعد أكيد إلا تحاجينه ومتفقة معاه
أنا: هـــــــــــي أنت أستح على ويهك عاد، مصختها صج ماتنعطى ويه أقول أذلف سخيف واحد أقصوره لا هو ولا عشرة غيره أرفع لهم سماعة
عبدالله:هههههههههههه ههههههههههه ههههههههههه

قمت عنه ورحت فوق واليوم الثاني طبعاً من الصبح أحط وأشيل مع الخدم نعدل ومن بعدها رتبت روحي وكشخت وعلى الساعة 6 ونص تقريباً جهزت طليت على عبدالله كان يضبط روحه وشافني

عبدالله: ها جاهزة
أنا: إيه
عبدالله: شوفي أمج قالت أنهم عقب صلاة العشا بيكونون موجودين وأنا باروح أصلي مع أبوج أن رجعنا وماشفناهم ياويلج لا أخليهم يولون
أنا: أعصابك حبيبي، شوي شوي، عدال على روحك
عبدالله: هذاني قلت لج
أنا: يصير خير أنت توكل على الله أحين
عبدالله: يلا بااي
أنا: باي

وطلع ويا أبوي راحوا المسيد وعند الباب تلاقوا مع الرياييل ومن بعد مادخلوا الرياييل الميلس دخلوا النسوان في الصالة و قعدت أمي وياهم وسألوا عني؛ لأني كنت فوق مع خالد ورنة لي أمي عشان أنزل، ونزلت لهم مستحية أحس أن أذني صارت مدخنة
سلمت عليهم، كانت خالوا مريم وعفرا وفطيم و عايشه ونورة إللي يايين قعدت معاهم ويسولفون وأنا مستحية، وأهمه أبد مانزلوا عينهم من علي عقب شوي تحمحم عبدالله عند الباب ونادى أمي إللي راحت له

أمي:ها عبدالله؟
عبدالله: يلا وين بنتج؟!؟؟ بابا يقول خلها إتيي أحين
أمي: ليش من في الميلس؟؟
عبدالله: محد إلا أنا وبابا وهو بس، أبوه و ريال خواته قالوا بينطرون النسوان برع على مايشوف لولووه
أمي: إنزين
عبدالله: قولي حق النسوان يطلعون
أمي: إنشالله

وياتنا أمي وقالت أن الرياييل يتريونهم برا وأن محد في الميلس إلا مبارك ويا عبدالله عشان يشوفني، لبست عباتي وطلعت معاهم برا دخلت الميلس وعبدالله وأمي وخالوا عفرا معاي وأول من تكلم خالوا عفرا إللي كلمت مبارك

خالوا عفرا: شوف أمـيـه وأنا أقولك جدامها تراها بنت ما تعوض، وأنها والله دخلت قلبي وحبيتها
أمي: من طيبج حبيبتي
خالوا عفرا: لا والله غناتي من طيبكم أنتوا، والله أن إللي يشوف هالويوه السمحة ما يلقى وراها إلا كل خير
أمي: ماتقصرين فديتج
خالوا عفرا: بنخليكم الحينه وأم عبدالله هاذه بتظهر معايه

و ظهروا مع بعض وعبدالله قعد على صوب في آخر الميلس ومبارك إللي بدا بالكلام

مبارك: شحالج؟
أنا: الحمدالله بخير
مبارك: قالوا لي أنج تدرسين، شو تدرسين؟؟
أنا: أدرس C.S (Computer science)
مبارك: هيه ماشالله، بالتوفيق إنشالله
أنا: وياك
مبارك: يالله فديتج أخليج مع السلامة
أنا: مع السلامة

وطلع وبقيت أنا وعبدالله

عبدالله: ها شعنده؟ شيقول؟؟
أنا: ماقال شي

ومشيت عنه ودخلنا الصالة وقعدنا

أبوي: ها شلون شفتيه؟؟ زين؟!!
أنا: ههههههه إيه زين بس ما يناسبه أسم مبارك
أبوي: والله يا يبه مايهم الأسم كثر ماتهم أخلاقه ودينه
أنا: أنزين أنت شتقول؟!!!!؟
أبوي: والله أنا أشوفه خوش ريال ومايعيبه شي ويوم سألنا عنه الكل مدح وشكر فيه والحمدالله ما عليهم قصيرة ومثل ما أنتي عايشه هني بتعيشين هناك بأذن الله معززة مكرمة ماعليج قصور إنشالله
أنا: إللي تشوفه
أبوي: على خير إنشالله
أمي: شقالج؟؟
أنا: ماقال شي
عبدالله: ياااه ماقالج شي
أنا: يعني شبيقول؟ بيقول شعر مثلاً؟؟
أمي: هههههههههه هههههه عيل شقال؟؟
أنا: شخبارج وشنو تدرسين وعقب يوم بيطلع بكل ثقة مايستحي يقولي فديتج
الكل:هههههههه هههههههه
عبدالله: شقلتي له؟
أنا: يعني شتبيني أقول له؟ أتغزل فيه؟؟ قلت له مع السلامة وبس
عبدالله: باااااااال
أنا: لا مادري عيل شتبيني أقوله
أبوي: هههههههه بس خلاص أنتي وياه

أنا قمت عنهم ورحت غرفتي وكنت مستانسة، تبون الصج الحمدالله طلع عكس ماتوقعته أنا خفت يكون أسمر غامج وتعرفون من ذي الأمور خخخخخخخخخ بس الحمدالله طلع حنطاوي وعيوووونه آآآخ تينن وخشمه حلو وكله على بعضه على بعضه على بعضه حلو حتى خواته حلوين بس بعد هو أحلى خخخخخخخخخخخ

ردت أمي عليهم عقب أسبوع إني موافقة، وراح أول أسبوع ودخلنا في الثاني إلا خالوا عفرا متصلة عشان يبون يحددون متى الملجة، أنا أنصدمت بس عقب ضحكت لأنه تنرفز مني، قبل فترة أتصل على تلفون أمي وكان يبي يسلم علي ويسألني إن جان آبي شي أو لا فأول شي كلم أمي وعقب قالها جان يقدر يكلمني أو لا وماردته عطتني أكلمه، وكلمته وسألني وقبل لاصك التلفون طلب مني رقمي قلت له آسفة عقب مانملج قالي أوكي، صكه وهو متنرفز من جذي ما أستغربت ردة فعله بس أمي قالت لهم على الأقل يعطونا شهر وهم وافقوا؛ لأن كل إللي علي الفستان وأعزم أقرب الناس لي من الأهل لأنها مجرد حفلة عائلية، والشبكة وغير هالأمور عليهم وأفتكينا أحنا كنا شايلين هم هالأشيا والحمدالله طاح عنا، ورحت السعودية وخذيت لي قطعة وفصلتها في البحرين عند محل "الأولى" وطلعت رهيبة وبنفس يوم عيد خلودي خليت ملجتنا إللي هو تاريخ 11\10 مع أنه كانوا يبونه 10\10 بس أنا رفضت، ويوم عرفوا السبب وافقوا وتمت الملجة إللي كانت في فندق على خير، بس إللي ضحكني إني أنا كنت في الغرفة أنتظر إيي مبارك فوق عشان يصورونا عقب ننزل تحت، ويوم ياني فوق _كانت معاي خالتي وأختي_ أستانس علي لأني كنت محلوة ومتغيرة والمصورة تصور ودخلت خالتي عفرا سلمت علي وقالت أن ننزل الحين

مبارك: أنزين أنتوا جدموا ونحن وراكم
أنا: لا لا أحين بننزل نحن

قالي بصوت واطي
مبارك: ممكن تسكتين أباج أنا، أبا أقولج شي

رديت عليه بنفس مستوى الصوت

أنا: لا لا ليش نتأخر بننزل الحين يلا

وتحركت عنه وهو يشوفني بنص عين وأنا أقول الله يستر وهو يقول يا هي ليلة!!!!؟
ونزلنا تحت في درب خاص لنا بحيث ما ألبس عباتي ودخلنا القاعة، تعرفون أنتوا يعني شلون تكون الأجواء في هالمناسبة وقعد شوي لبسني الشبكة ومن بعدها مشى، وقعدت أنا لي الساعة 11 ونص ومن بعدها قمت وتقريباً كل الناس مشت و رحت ركبت فوق الغرفة عشان آخذ عباتي، ولطيفة يات معاي فتحت الباب دخلت؛ لأن خالوا عفرا كان عندها المفتاح بس ماشفت أحد في غرفة النوم، قلت حق لطيفة تنتظرني في الغرفة الثانية إللي فيها التلفزيون وكان مبارك موجود وأنا مادري وأشر حق لطيفة أنها تسكت، وسكتت أختي الغبية وأنا على نياتي أفتح وأسكر في الكبت وأنا مستانسة أغني رايحة الأخت

أنا: وشلون مغليك؟ وأنت الذي علمتني حبك يا هاجسي عشقي لعيونك أسأل وتقرا الجواب في ناظر عيوني تصوير لأجمل عذاب حبك يا مفتوني وشلون مغليك وشلون مغليك..

دخلت الله يعزكم الحمام أتأكد من أن شيلتي عدلة وطلعت أواصل أغنيتي وأنا ألبس العباية

أنا: تلقى حياتي كلها لذة غرام أممم لذة غراااام مهما سهر طرفي أو جارت ظروفي أو عشت أنا الحرمان تلقى حياتي كلها لذة غرام

وطلعت ولبست عباتي وقبل لا أسكرها أفتريت بها وتطيح الشيلة مرة ثانية (الحمدالله والشكر خباااااااال ههههههههه)

أنا: يا يا عذب الصفات يا كل الحياة صبرك علي هذا قليل مهما جرى من تضحيات هذا قليل خلّ السهر لعيون من حبك خل العيون إللي لها عشقي تبات هذا قليل....

مبارك: الله الله على الصوت الحلو

أنا وقفت في مكاني متيبسة، ياتني غصة، بغيت أصيح؛ لأني كنت ماعطته ظهري وأسكر عباتي من تحت وأعدل الشيلة عدل، ألتفت له ما تتخيلون شكله جنااااااااان وربي جنان لأن عليه كندورته بس فاتح أول عقمين (زرارين) ولابس القحفية وشعره طالع من تحتها بس أنا إللي فيني أقوى من إني أبتسم له، وتقرب صوبي وأنا تجمدت خلاااص لين ماحط إيده على جتفي واليد الثانية ميود بها حنجي ورافع راسي ويطالعني في عيني

مبارك: ماشالله عليج شو ها الزين كله؟! الحمدالله أن ربي خلاج من نصيبي جمال وأخلاق ودين وفوق ذا كله صووت!! لا لا صراحة أنا ماستحمل ياويل حالي أنا

من الإحراج نزلت راسي

أنا: من ذوقك

وطفت عنه والويه يطشر ألوانه ورحت عند الباب إللي يطل على الغرفة الثانية

أنا: لطيفة يلا قومي بنروح بسرررعة
لطيفة: إنشالله

وجدمت لطيفة جدامي وعند الباب يودني وأنا كنت ماعطيته ظهري همس لي في أذني

مبارك: تصبحين على خير يا أحلى عرووس

وييت باطلع رد مرة ثانية قبضني وهل مرة ألتفت عليه وويهي صج صج أحمررررررر

مبارك: هههههههه شو ويهج جلب طماطة؟؟!؟

آآآآآآآآآخ ويهي بااامووووووت بس حطيت عيني على يده أبيه يفجني وشافني

مبارك: أنزين مابتقولين لي على الأقل تصبح على خير؟؟
أنا: تصبح على خير

و ورررررر على برا ولطيفة أشوا إللي كانت تنطرني جان باذبحها بعد، ونزلنا تحت سلمنا على أهله ومشينا و رجعنا البيت، على الساعة ثنتين إلا شي التلفون يرن شفت الرقم بس ماعرفته أممممم أحترت أرد ولا لاء؟!!!!!!! الرقم من داخل البحرين وشي كشخه يلا باسمي بالرحمن وبارد عليه الله يستر ياربي مافينا على المشاكل

أنا: نعم؟؟ << طلعت بخوف
المتصل: الشيخة نايمة؟؟
أنا: أخوي من بغيت؟
المتصل: لا عفواً أنتي نايمة؟؟
أنا: يعني أنت شرايك إللي تتكلم صاحية ولا نايمة؟؟؟؟
المتصل: لا الشيخة بس قلت آبي أكلمج وماحصلت أحسن من ذي الوقت
أنا: نعم؟؟ خيـــــر؟؟؟
المتصل: إي نعم إللي سمعتيه هالوقت محد بيزعجنا أهلج راقدين ومحد عندج
أنا: الشرهه مب عليك على إللي قاعد يسمعك

وخبط التلفون في ويهه، أنقهـــــــــــــــرت حسيت أني ودي أتصل له وأمسح فيه الأرض بس كرامتي ماتسمح لي أني أنزل من مستواي حق ناس مايسوون، بس وين أرقد راحت النودة من القهر وتوني منقلبة بارقد إلا تلفوني رن مرة ثانية وشفت الرقم نفسه هو طنشته ورد مرة ثانية وثالثة ورابعة ماخلاني أرقد ورديت عليه

أنا: وبعدين يعني يا أخي ألتعن في أي داهية ماتبي ترقد غيرك يبي يرقد صج ناس ماعندها لا أدب ولاذوق

وتوني باسد الخط إلا

المتصل: صبر صبر صبر
أنا: نعم شتبي؟؟ أنت واحد ماعندك سالفة روح شوف ناس مثلك وشرواك يجابلونك مع السلامة
المتصل: صبري يا بنت الحلال
أنا: نعم؟؟ مانرقد يعني؟؟
المتصل: بلى فديتج بس هدي
أنا: شوف وقسماً بالله أن ماحسنت ألفاظك لا أسويلك قضية أوديك في ستين داهية تاخذك ماتردك

المتصل: صبر صبر صبر

أنا: نعم شتبي؟؟ أنت واحد ماعندك سالفة روح شوف ناس مثلك وشرواك يجابلونك مع السلامة
المتصل: صبري يا بنت الحلال
أنا: نعم؟؟ مانرقد يعني؟؟
المتصل: بلى فديتج بس هدي
أنا: شوف وقسماً بالله أن ماحسنت ألفاظك لا أسويلك قضية أوديك في ستين داهية تاخذك ماتردك
المتصل: بل بل هههههههههههه هههههههههههه تراج منتي بهينة لولوة أنا مبارك

أنا ــــــــــــــــــــــــــــــــــــــــ ويهي حطوا عليه ماي بتسمعونه يسوي تشششششششش خخخخخخخخخخخخخخ

مبارك: ألووو لولوة؟
أنا: نعم<< أهمس من زود ما الصوت راح من الصدمة والعين إللي مبققة
مبارك: ههههههههه ههههههههههههه ههههههههه شو فيج؟؟ وينه صوتج؟؟
أنا: أحم ها لا ماشي موجود
مبارك: فديت والله إللي يدافعون عن روحهم الحمدالله طمنتيني أن ماحد يقدر عليج
أنا: مبارك أسمح لي بس شالسخافة ذي؟؟
مبارك: ههههههه هههههههههههههههه شو عرفني أنج مابتعرفين صوتي؟؟
أنا: لا والله؟!! ليش أنا كنت مطيحة إتصالات فيك من قبل؟؟
مبارك: هههههههههههه ههههههههههههههه ياريت إلا حاقرتني من الزين
أنا: إنزين؟
مبارك: شو طردة؟؟
أنا: أنت شرايك؟
مبارك: لولوة دخيلج شوي باسولف معاج وبعدين سكري عني
أنا: مبارك والله باسولف معاك وأضحك بعد بس مب أحين مرة ثانية والله تعبانة

ماخلصت من ذي الكلمة إلا العبرة خانقتني أي كلمة زيادة بانبط وهو ماشالله حس أن الصوت تغير

مبارك: لولوة؟؟
أنا: هممم
مبارك: لولوة شو فيج؟؟

دموعي بدت تتحدر على خدي بس دمووع بدون صوت

أنا: مافيني شي
مبارك: حلفي قولي والله أن مافيج شي
أنا: وأنا أقولك مافيني شي ليش أحلف؟؟!!
مبارك: لا بس صوتج
أنا: مافيه شي

خداي يخدي أبليسي عقب هالكلمة شهقت من الصياح

مبارك: لولوة شو فيج؟؟ بلاج حبيبتي تصيحين حد مزعلنج؟؟؟؟؟؟؟؟
أنا: لاا
مبارك: ليش من شو تصيحين؟؟
أنا: خلاص مبارك مافيني شي
مبارك: لولوة والله أنج تقولين لي
أنا: والله ماعرف ماعرف

وصكيت التلفون في ويهه وأنتابتني نوبة بكاء مرة وحده تميت خمس دقايق ومن بعدها رحت غسلت ويهي وتعوذت من أبليس، يودت القرآن وقعدت أقرا سورة الرعد ووصلت لي الآية إللي يقول فيها سبحانة وتعالى: " والذين تطمئن قلوبهم بذكر الله ألا بذكر الله تطمئن القلوب".وتوني رافعة راسي إلا تلفوني يرن رقم مبارك رديت عليه وصوتي شوي مبحوح

أنا: ألوو
مبارك: لولوة؟؟
أنا: هلا مبارك
مبارك: لولوة ممكن تنزلين شوي؟
أنا: ليـــــــش؟
مبارك: أنتي أنزلي تحت بتعرفين
أنا: ليـــــــــــــش؟؟؟؟؟؟؟
مبارك: لولوة حبيبتي الله يرضى عليج سمعي كلامي وأنزلي
أنا: إنشالله

لبست جلابية وعبايتي على جتفي والشيلة على راسي ونزلت تحت إلا متصل فيني مرة ثانية

أنا: ألو
مبارك: شو وينج؟؟
أنا: أنا باطلع الحوش الحين
مبارك: فتحي باب السكة بسرررعة
أنا: ليش أنت برع؟؟
مبارك: لولوة!! أفتحي شو هالسؤال؟!
أنا: إنزين

وفتحت الباب إلا هو واقف جدامي متخصر ومتساند على صوب شكله يضحك أبتسمت له ورد لي الإبتسامة

مبارك: ممكن أدخل؟؟
أنا: إي أكيد تفضل

ودخلته الميلس وييت باطلع عنه ومسكني من يدي

مبارك: وين رايحة؟؟
أنا: باييب لك شي تشرب
مبارك: درينا أنج تعرفين السنع بس أحين مو وقته أنا أبا أكلمج الحينه
أنا: آمرني؟ وبعدين هالحزة أحد يطلع؟ ما يصير تأجل السالفة حق باجر؟؟
مبارك: لولو أنتي خليتي فيه عقل؟؟! أكلمج تصيحين وتسكرين الخط وبويهي، وأدري أن لو أتصلت بج مرة ثانية مابتردين

نزلت راسي أفتشلــــــــــــــت هاذي وأحنا تونا مالجين جذي عيل باجر شباسوي؟!!؟

مبارك: أنزين الحينه شو فيج؟؟ شو إللي صيحج؟
أنا: مادري
مبارك: كيف ماتدرين ؟؟
أنا: ماعرف
مبارك: عيل منو إللي يعرف مثلاً أنا؟؟
أنا: مادري
مبارك: شو إللي مضايقنج؟؟ قولي فديتج لا تستحين
أنا: مبارك لو سمحت هاذي آخر مرة تسوي لي هاذي الحركة البايخة شنو قصدك منها تختبرني إن جان أكلم غيــرك مثلاً؟؟ حط في بالك إن أهلي مربيني على السنع والأدب وإذا ماحشمت حد وماخفت من ربي على الأقل أستحي من أهلي إللي مالهم ذنب باجر الناس تتكلم فيهم
مبارك: لولوة فديتج أنا ماكان قصدي شي بس أنتي إللي كنتي معصبة ماعرف شو فيج؟!؟؟
أنا: يعني بذمتك واحد متصل حق وحدة في أخر الليل وهي ماتعرف رقمه شتبيها تسوي له ترحب به مثلاً؟؟
مبارك: هيه إذا كان ريلها مثلاً
أنا: لا والله وإذا ماكنت تقدر تميز صوته وتعرف؟؟
مبارك: تسمع إللي بينقال لها بعدين تسوي إللي تباه
أنا: لا والله؟؟ أحلف أنت بس؟!!؟
مبارك: ههههههههههه هههههههههههههه هههههههههههههه أنزين خلاص السموحة منج مانكررها التوبة
أنا: مقبول أعتذارك وهاذي آخر مرة وإيـــه عطني أرقامك مال الإمارات بعد باجر تتصل لي سبحان الله عاد والله ذيك الحزة لو تتصل من رقم غريب لو تموت مارديت عليك
مبارك: ههههههههه هههههههههههههه ههههههههههههه بل
أنا: والله كيفك هذاني قلت لك

وطلع لي ورقة من جيبه ووقلم وكتب لي أرقامه

مبارك: إنشالله الشيخة أنتي تامرين أمر، تفضلي وها أرقامي كلها كتباناها لج
أنا: مشكور

وقمت باروح آييب له شي يشربه وحسيت بيوع فرحت طليت عليه بسرعة

أنا: شوي وباييك لاتروح إنزين
مبارك:هههههههه ههههههههه إنشالله

ورحت عنه وبسرعة بسرعة حطيت سندويشات فيهم جبن في التوست وعقب قطعتهم مثلثات وحطيت 2 عصير برتقال وعصير منجا وعاد هو كيفه إللي يحبه ياخذه أنا أهم شي حطيت لي برتقال وشلت الصنية ورحت له

أنا: إنشالله بس مب شبعان؟
مبارك: لا والله إلا يوعان ماكلت شي
أنا: بس عيل أكل معاي
مبارك: ماتقصرين فديتج، ياسلام

وحطيت الصنية وكلنا، أنا كلت سندويشتين وهو ماشالله 3

مبارك: فديتج والله ماقصرتي
أنا: تبي عصير منجا ولا برتقال؟؟
مبارك: أنتي شو باتشربين؟؟
أنا: برتقال
مبارك: شعنه؟
أنا: المنجا ثقيل في الليل وخصوصاً إذا بترقد بيغث عليك
مبارك: هههههههههه ههههههههه هيه والله عطيني برتقال شراتج
أنا: تفضل

والحمدالله شبعنا وسوالف وعلى الساعة أربع إلا أنا خلاص ماشوف إللي جدامي بدت عيني تغفي

مبارك: حبيبتي سيري داخل نامي أنا باسير عنج
أنا: لا لا أنا صاحية عادي عادي
مبارك: أي صاحية فديتج قومي قومي عن تطيحين
أنا: إنزين

وطلعت عنه حتى ماوصلته من زود التعب لي اليوم الثاني قمت الصبح بنشاط وأبتسم نزلت حق أمي

أنا: صباح الخير
أمي: هلا صباح النور
أنا: شنو مسويين؟؟
أمي: بلاليط وبيض وفي جبنه وخيار وطماط
أنا: تدرين أممم بس باحط لي بلاليط
أمي: أنزين

وحطيت لي وتريقت إلا تلفوني يرن وأنا مطنشته لأنه على الرنة العادية مب محدد من المتصل

أمي: ردي عليه ماتسمعين
أنا: أوووه يمه الواحد يتريق متصلين من الصبح شله؟؟ خلهم يولون
أمي: أنا بارد عليه
أنا: شوفي من؟! إذا شخص مهم عطيني
أمي: أنزين

وردت عليه وراحت عني بعيد شكيت في السالفة بس ماحبيت أبين فضولي بس لا تأخرت رحت لها إلا صاكه التلفون

أنا: مــن؟؟
أمي: لا كانوا يبوني
أنا: من؟؟
أمي: بس خلاص

ورن التلفون في يدها

أمي: هاج تلفونج ردي
أنا: أفففف ماعرف رقم من؟؟ وين ذي 79؟؟
أمي: شدراني خبري بج أنتي إللي تعرفين
أنا: أممممم جنه المنطقة الدبلوماسية خله نرد على وعسى فايزين في شي
أمي: نطري
أنا: هههههههههه هههههههههههه

ورديت على التلفون اللي خلاص بيبند

أنا: ألو
مبارك: لا تو الناس خليتيه بعد شوي
أنا: ههههههههههه هههههههههههههههه ههههههههههههه ، يمـــــــــه فزت فزت
أمي: حلفي
مبارك: شو السالفة؟؟ فايزة؟؟
انا: أي والله فزت بصوت مبارك خخخخخخخخخخخخ
أمي: هههههههههه هههههههههههه الحمدالله والشكر
مبارك: شو حظرتج تتمسخرين
أنا: لا والله حشى كنت أقول حق أمي ماعرف من رقمه بس جنه المنطقة الدبلوماسية خلني أرد عل وعسى أطلع فايزة بشي والحمدالله فزت بصوتك على الصبح
مبارك: فديتج والله، شو تسوين؟؟
أنا: وااي؟؟
مبارك: من مساعة أتصل ماحد يرد
أنا: آآه انا كنت أتريقد ومطنشه لأن مب رنة مخصصة ترن لي عادية فما حبيت أرد
مبارك: عفية عليج شطوووووووورة
أنا: ههههههههههه أكيد أكيد أفا عليك
مبارك: ههههههههه إنزين شو خلصتي لو بعدج
أنا: أممممممم تقريبا
مبارك: بسج
أنا: ياااه ، يماااااااااه شوفيه شيقول لي
مبارك: أششششش شو بعد يمااااااه بتخبرينها يعني
أنا: أيـــه
مبارك: هيه خبريها يلا
أنا: أتحداني؟؟ انزين يماااه يمااه
أمي: نعم شعندج؟؟
أنا: يمه مبارك يقولي لا تاكلين بسج
أمي: شله يا مبارك خلها تاكل دام الله هاديها
مبارك: خس الله أبليسج من بنت
أنا: هههههههههه ههههههههههههه عشان مرة ثانية ما تحداني
مبارك: شو أسوي بج أنا؟!! حطيه على السبيكر
أنا: مابي مابي
مبارك: لولوة
أنا: نعم؟؟
مبارك: يلا فديتج حطيه على السبيكر
أنا: هههههههه هههههههههههه إنزين

وحطيته على السبيكر ورحت صوب أمي

أنا: يلا حطيته على السبيكر
مبارك: وينها عمتي خلها تسمعني؟
أنا: قول أكاهي تسمعك
أمي: هلا مبارك
مبارك: هلا عمتي شحالج؟؟
أمي: الحمدالله بخير
مبارك: عمتي بلاها بنتج هاذي؟؟
أمي: شدراني يا يمه
أنا: شفيكم أحين أنتو؟؟
مبارك:عمتي أنا شو قلت لج؟؟
أمي: إيه إللي قلت له من شوي؟؟
أنا: يعني مساعة كنتي تكلمينه؟؟
مبارك: هيــه لأن حرمتي ماتبى ترفع السماعة عمتي فديتها كلمتني وجبرت بخاطري
أنا: هههههههههه هههههههههه بس عيل هاج يمه التلفون باروح أكمل ريوقي
مبارك: لولواااااا
أنا: نعم؟
مبارك: عمتي مسكي بنتج
أمي:هههههههه مسكتها
مبارك: لا تتريقين أنا باييج بنطلع نتريق
أنا: أها أمممممم بافكر
مبارك: عمتي شو بعد؟؟
أمي: ماعليك منها أحين بتروح تجهز تعال أنت وماعليك منها
أنا: مب على كيفكم مابي أروح باكل بلاليطج يبي أيي أهو ويتريق عندنا
أمي: أي والله تعال أنت وتريقد عندنا أحسن من بدال أكل المطاعم
مبارك: أفا يا عمتي أباج عون طلعتي فرعون
أنا: ههههههههه ههههههههههههه يلا نترياك
أمي: لا فديتك بس والله أحسن من أكل برع
مبارك: خلاص مسافة الدرب وياينكم
أمي: حياك الله

وسكرت التلفون عنه ووقامت أمي تجهز وياي الصنية له

أنا: يمه يحتاي أبدل ثيابي؟؟
أمي: ليش؟
أنا: أنا توني متسبحة ومبدلة يحتاي بعد؟؟
أمي: أشوف، لا لا زينه بدلتج عاد أنتي ياحبج حق التبديل
أنا: هههههههههههههه ههههههههههه

وعقب عشر دقايق وصل أتصل لي وطلعت له رحبت به ودخلته الميلس وقعدت معاه بس أمس غير عن اليوم أشوي مستحية بزيادة وهو يطالعني ويضحك علي

أنا: شفيك؟
مبارك: لا ماشي
أنا: عيل ليش تبسم وأنا أتحجى؟؟
مبارك: أولاً الإبتسامة صدقة
أنا: إنزين ثانيا؟؟
مبارك: ثانياً حرمتي وأتبسم لج شو استوى يعني عادي؟!!
أنا: هههه وثالثاً
مبارك: ثالثاً وآخراً وليس بأخيراً طريقة كلامج وتصرفاتج وتعابير ويهج والحمرة إللي تعتلي خدودج والأحلى في هاذا كله ملامح ويهج الطفولية البريئة
أنا: شكراً عيونك الحلوة
مبارك: عفواً عيونج الأحلى

وقضى اليوم وهو عندنا ومر الأسبوع بسرعة وسافر عني بس الأتصالات يومية غير المسجات من بينا وتمينا على ذي الحالة وهو بعد كل ما حصل إجازة أو حتى كل بعد نهاية أسبوعين إيي البحرين يزورني ويمشي ومن بعد ماخذ لنا شهرين

مبارك: لولوة متى بتنزلون عندنا؟؟
أنا: مادري باقول حق أمي وإنشالله خير
مبارك: إنشالله

وخلصنا سوالف وسكرت من عنده ورحت حق أمي

أنا: يمه متى بننزل الإمارات عشان أشوف قسمي؟؟
أمي: والله كيفج حزة إللي تبين شوفي متى ريلج فاضي وبننزل
أنا: توه مكلمني وقالي الظاهر فاضي
أمي: تأكدي أنتي وبعدين أكدي لنا عشان نحجز
أنا: أوكي

وطرشيت له مسج وقال أنه فاضي خلال هالأسبوعين تقريباً ورحب بنا ورديت على أمي، بعد يومين أحنا مجهزين روحنا وماشيين في دربنا للمطار أبوي ودانا على أساس مبارك بيستقبلنا لأن عنده شغل مايقدر إيي معانا، ووصلنا وأستقبولنا أحلى أستقبال تمينا تقريباً أسبوعين خلالها عزايم في بيتهم وغير بيت أهلهم وشفت قسمي كان حلو بسيط وناعم وألوانه حلوة، وكنت مع نورة تسولف لي عن مبارك يوم أول ماردينا خبر عليهم بالموافقة راحت له أنه تبي تبشره قالت له أنا رفضنا وأنقلبت الدنيا في عينه طلع ولا رجع إلا بالليل، وتمت تنتظره طول الليل لين مارجع وراحت له وطردها؛ لأنه ماكان له خلق يستقبل أحد وفهمته أنه ماعطاها فرصة تكمل له كلامها هي كانت تبي تقول له رفضت أنها ترفض واحد مثلك بس أهوه خذ أول كلمة وطلع عنها. ومرت الأيام مثل ماهي غير أنه هو ينزل وحصة إللي في قطر تنزل بين فترات وفي نهاية عطلة الربيع قالت أم مبارك حق أمي أنهم يبون يخلون عرسنا في الصيف الولد مب قادر يصبر أكثر أنا أستحيت وأمي ردت عليهم بالموافقة بعد ماشاورتني وخذت براي أبوي والحمدالله تيسرت الأمور على شهر 3 نزلت عند خالتي في كويت، أستقبلتني وخذيت لي الثياب من هناك لأن موديلاتهم غريبة وحلوة وفي نفس الوقت الألوان روعة خذيت لي من كل شي كل إللي أحتاجة خذيت من الألف إلى الياء، الحمدالله ماقصرت خالتي وياي وعلى بداية شهر أربعة رحت السعودية أشوف لي موديل حلو، عجبني كذا واحد بس في النهاية قلت باشوف مبارك شيقول وبرجع له لأن الفستان على حسباهم مع المسرح والأمور هاذي كلها عليهم وخذت رايه

مبارك: شوفي حبيبتي أنتي كيفج، وين ماتبين أنا حاظر حتى ولو تبين تيين عندنا تفصلينه ماعندي خلاف بس أهم شي أنتي يعجبج هذا أهم شي
أنا: بس عيل خلاص أنا آبي إللي شفته في السعودية
مبارك: أكيــــــــد
أنا: إيه بس خلاص مقتنعة فيه

وخبرت أمي ورحنا مرة ثانية بعد أسبوع وأخترنا نوع القطعة إللي نبيها وشلون بيكون الموديل والطرحة ومن هالأشيا، وسألناه متى راح يجهز قال بعد شهر ونص تعالوا حق البروفة يعني على بداية شهر 6 تقريباً ومرت الأيام وأحنا في ركضه من مكان لي مكان والكل يجهز روحه والناس رايحه يمين وناس يايه يسار، ناس تفصل وناس تشتري حق روحها حتى خواتي، كلنا رحنا السعودية في يوم البروفة خذوا لهم فساتين بس كانت روووعة واايد حلويـــن، وبعد يومين من بروفة الفستان مبارك ياب البطاقات بس أنا ماكنت موجودة وهو كان ياي الصبح وراح يرجع المسا لأنه ياي بالطيارة ومايقدر يتأخر أكثر من جذي؛ لأن وراه شغل وايد اللهم سلم البطاقات حق عبدالله ومشى، كانت البطاقات شي روعة بيجية من مخمل من برا مكتوب عليها "أفراح لولوة ومبارك" ومن داخل مكتوب فيها باللون الذهبي بس بطريقة فخمة وحلوة "يسر العائلة الـ.... و العائلة الـ........ أن تدعوكم لحضور حفل زفاف نجليهما لولوة ومبارك وذلك في تمام الساعة الثامنة مساءاً من يوم الأثنين الموافق 2\7\.... وذلك بقاعة المؤتمرات بفندق الخليج."

والله أن الأيام تركض بسرعة أحس روحي مربوشه كل يوم رايحة مكان إلا جلابياتي عند الخياط إلا ماعرف شنو طلع ناقصني، بس على آخر أسبوع هديت وقبل العرس بيومين تحنيت، وكانو أهلي المقريبن كلش وأهل مبارك المقريبن بعد في بيتنا يتحنون لأن يبنا الحنايات البيت يحنون واليوم الثاني الحمدالله ريحت واليهال يخدموني وحطيت أغراضي إللي آبيها في شنطة صغيرة حق الفندق، وأمي ياتني شافتني جان محتاجة شي أو لا وراحت، وفي الليل أبوي ناداني قعد معاي يسألني إن جان خلاص ماناقصني شي مب محتاجة، والحمدالله محد مقصر معاي بشي لا من أهلي ولا من أهله، كلهم والله يخدموني ومب مخليين شي قاصرني. اليوم الثاني على الضحى رحت الفندق بعد ماتسبحت لأن مافي وقت لي فودتني أمي، دخلت الجناح إللي كان حاجزة مبارك ماشالله كان روووووووووعة شي شي عجيـــــــــب، على الساعة 12 بدوا يسوون شعري ماخلصت إلا على الساعة 3 ونص تقريباً، من بعدها خذت لي إستراحة وكلت لي لقمة وقعدت شوي، على الساعة أربع ونص بديت المكياج وبما أن فستاني كان (off white) بيج فكل شي يمشي معاه فحطت لي درجات البني على الذهبي ودخلت معاه درجة الأحمر المايل على البني طلع شي رهيــــــب طلع لون عيوني وخصوصاً مع الكحل إللي رسم عيني عدل، صج كانت جايدة لي المكياج بطريقة فظيعة ومن بعد ماخلصت لبست الفستان ماصارت الساعة 8 وشوي إلا أنا مخلصة وصعدت لي المصورة فوق صورتني وياوا خواتي وأمي وخالاتي صوروا معاي، ومن بعدهم يات عمتي وبناتها وراحوا وقلت حق الهنوف تنادي خالوا عفرا وخوات مبارك عشان يصورون، ونادتهم وصوروا معاي وخذت صورة لي أنا في الوسط وأمي وأمه حواليني كانت وايد حلوة غير الصور إللي لي بروحي كانت لقطاتها عجيبة، خلصنا التصوير وقعدت فوق أنتظر منهم يقولون لي أنزل، بعد نص ساعة ياتني نورة نزلتني معاها في الدرب الخاص إللي حق العرايس وتلاقينا أنا ومبارك إللي حسيت أن حلجه بينشق من الأناسه وخصوصاً أن المكياج مغيرني ومحليني، خطر لا ياكلني بعيونه وهو يشوفني، دخلنا مع بعض وأحنا ماسكين بإييد بعضنا البعض على زفة فطومة تعور القلب بس أحبها شفت عمتي من بعيـــــــد فرحانة لي وتمسح دموعها وأبتسمت لها وشوي وإلا أحس بعمري باطيح كأن شي تحتي وما أنتبهت له عدل، ويود مبارك يدي عدل ووقفت شوي في مكاني ومن بعدها واصلنا مشينا، وعلى الكوشة كانت الهنوف قريبة مني أشرت عليها عشان تييني ويات صوبي

أنا: هنوفو شحلاتج يالسيبالة
الهنوف: ههههههههههه ههههههههه من زمان أحلى منج
أنا: أنزين سمعيني شفتي صوب الطاولة إللي قاعدين عليها بيت خال ماما؟؟ شوفي في شي هناك على الأرض مرتفع أو شي طايح؟
الهنوف: أنزين

وراحت ورجعت لي

الهنوف: مافي شي ليش؟؟
أنا: مادري بقيت أطيح، ماتشوفيني وقفت شوي؟
الهنوف: لا!! عبالي ويا الأستعراض
أنا:ههههههههه هههههههههه لا هاذي خارج عن النص
الهنوف: ههههههههههههه ههههههههههههههههههه

وقعدنا على المسرح ساعة إلا ربع ومن عقبها أهو مشى وبقيت أنا لي الساعة ثنتين إلا ومشيت عنهم رحت فوق وكان مبارك ينتظرني عند الباب عشان ياخذني ومن طلعت له

مبارك: هلا بالزين كله، هلا بنور السما كله
أنا: هلا فيك
مبارك: آآخ قلبي لا لا ماروم يا ربـــــــــــي
أنا: ههههههههههههه ممكن نمشي
مبارك: هيه فديتج سمي
أنا: سم الله عدوك توكلنا

ومشينا وهو يساعدني يرفع عني الفستان ويفتح لي الباب

مبارك: تفصلي فديتج
أنا: زاد فضلك
مبارك: تبيني أساعدج في شي؟؟
أنا: لا مشكور

ودخلت الحجرة بدلت وفتحت شعري وخففت مكياجي ومن زود التعب لأني قاعدة من الصبح الساعة ثمان بس قطيت عمري جذي على السرير باريح ظهري وباطلع له لكن خذتني نومه، وأنا مب حاسه بروحي ودخل علي مبارك وأنا على حالتي ماده يدي على ورا وشعري على فوق ومنبطحة في نص السرير وعلى زوية مايلة بعد لحفني وطلع. صحيت الصبح على الساعة 9 يوم فجيت عيوني تذكرت وتفشلت من إللي سويته واليوم أحنا بنسافر أفف ياذي الفشيله قمت تغسلت و طلعت لقيته قاعد يفرر التلفزيون

أنا: صباح الخير
مبارك: يا صباح النور والسرور على غصن البنور
أنا: مباارااك
مبارك: يا عيونه
أنا: أنا آسفة، أمس نسيت روحي أنبطحت على بالي باريح ظهري بس وبطلع لك ورقدت عنك ماخليتك ترقد في الحجرة
مبارك: أفا عليج حبيبتي خذي راحتج كيف ماتبين
أنا: والله فشلانة فيك

وقام من مكانه ويا على الكرسي وقعد يمي ومسك يدي

مبارك: شوفي حياتي أنا لا زعلان ولاشي، وخذي راحتج ولا تحاتين شي وأنا ماراح أجبرج على شي أنتي ماتبينه خلاص؟!
أنا: خلاص
مبارك: يلا بنتريق عشان يالله تخلصين أغراضج في بيتكم ونمشي المطار
أنا: إنشالله يلا

وتريقنا من بعدها رحنا بيتنا سلمت عليهم كلهم وودنا بابا المطار، وأنا خذت معاي خلودي ومقعدته في حظني وأحببه وأسولف معاه حسيت بعين تراقبني ورفعت راسي إلا مبارك يطالعني من المنظرة أستحيــــــــــــت منه ونزلت راسي على طوول، وكملت سوالف مع خالد طوول الدرب وأضحكه ونضحك ليما وصلنا نزلنا مع بعض وقبل لا ندخل الطيارة شريت له هدية، ومن بعدها أعلنوا للمسافرين بالتوجه للبوابة، وتوجهت رحلتنا إلى إيطاليا صراحةً كانت بلدة جميــــــــــلة من طبيعة، جو، ناس، كل شي وخصوصاً إذا عندكم زوج متفهم بعد يااا سلااااااااااام، ولا أحلى تمينا أسبوعين كل يوم ونروح مكان، وغير إللي أحنا نستكشفه بروحنا ونتشرى حق روحنا والأهل، والأحلى من ذي كله أن الفندق إللي نزلنا فيه كان في غرفة النوم تتصل به غرفة ملابس فيها باب يعني عن الفشيلة فأنا على طوول كله صاكته و من بعد ذي الأسبوعين إللي قضيناهم ردينا البحرين، وصلنا على الساعة 11 وشوي كان أبوي ينتظرنا وعلى طوول من وصلنا رحت حجرتي وحطيت راسي ورقدت؛ لأني كلش داااااايخة ومافيني شدة، أشوه أن اليهال بعد راقدين ومحد في البيت. اليوم الثاني صحيت من النوم مالقيته أحسن أنه طلع خلني أروح أتسبح أحسن لي، دخلت الحمام أتسبحت وخلصت طليت أشوفه جانه موجود في الحجرة ولا لاء أففف وااا فشلتي موجود شاسوي أحين؟؟! مافي إلا أقوله بعد شاسوي

أنا: مبارك أمممم ممكن تطلع شوي؟!

رفع لي حاجب بعدين قالي

مبارك: ليش إنشالله أنا ريلج طلعي بلاج بسم الله ما باكلج!!
أنا: بليز مبارك عاااااااااااااد شويه وبعدين أدخل عااااد
مبارك:هههههه أنزين لاتصيحين باطلع لاتطولين ترا والله أدخل
أنا: أنزين بس أنت أحين أطلع عاااااااااااااااااد يلااا
مبارك: ياااه قلنا لج أنزين

وطلع وحليله وسكر الباب وراه فديته، بطلت الباب طليت عليه هو توه بيلف عسب يقعد على الكرسي بس ألتفت علي يتحسبني باقوله يدخل خخخخخخخخخخ

مبارك:بلاج أبوي تبين شي؟؟

وتقرب لي عندي وين أنا ما مطلعة راسي

أنا: لافديتك بس ولاشي ولاشي تحسبتك بتنزل تحت
مبارك: لا لا ليش تبين شي أنتي من تحت يعني؟
أنا: لا ما بتطلع اليوم شي؟؟
مبارك: أنا كنت باخبرج بعد ماتلبسين يعني كنت ناوي أخلص شوية أشغال، يعني على وقت الغدى باكون موجود أوكي!
أنا: أوكي فديتك

توه بيصد ناديته بسرعة

أنا: مبــاارك

صد علي

مبارك:هلا

بسته على خده

أنا:في حفظ الله

أما مبارك فمب مستوعب إللي سويته له مبقق عيونه (يعني مبطل عيونه على الآخر)،
وأنا ويهي قام يتلون على الحركة إللي طلعت مني بس أنا كنت عادية إلا حركته هي إللي فشلتني كيف يطالعني فحبيت أغطي

أنا: مع السلامة

صكيت الباب وقلبي يرقع طبوووول لبست ثيابي، شاسوي ياربي أكيداً بعد مايرجع من برع بيناقش هالبوسة على الغدا وأنا من الفشله أدري عن روحي أني ماقدر أجابله مافي إلا هي، عووش باتصل فيها باخليها تتغدى عندي
طوووووووووط طوووووووووط<<يرن التلفون حق عايشه

أنا: السلام عليكم
عايشه: هلا والله عليكم السلام شحالج العروس؟؟
أنا:أنا الحمدالله بخير، شخبارج أنتي؟
عايشه: الحمدالله تمام أنتي شخبارج وشخبار مبارك؟
أنا: أنا بخير وهو بعد بخير
عايشه: لولوة؟؟ شو فيج؟؟
أنا: لا عووش بس أبيج تيين تغدين عندي
عايشه: شو فيج أنتي؟؟ مب بصاحيه تبيني أتغدى معاج؟!! وريلج وين بتودينه بتروغينه يعني؟؟؟
أنا: لا ياعايشه الله يهداج بيتغدى هني بس آبيج تيين آبي أتغدى وياج بروحنا وإللي تبينه أنا باسويه لج لو إنشالله تطلبين من أغلى المطاعم أنا حاظرة
عايشه: الله من أغلى المطاعم عيل باظرب ظربتي خخخخخ أبا من الماريديان صحن ربيان ومن الخليج صحن أم علي ومن الرجنسي عيش برياني و من القيصر ستيك لحم
أنا:عايشه وويع إنشالله بلا مسخره وتعالي أحسن لج وإللي في بيتنا باحطه لج
عايشه: مسرع ماغيرتي رايج إنزين إنزين باييج لا تغيرين رايج وتحطين لي أكل الدياي إللي عندكم.
أنا: خلاص أخليج أحين عشان أتجهز بس أخلص آبي أجوفج عندي سامعه؟
عايشه: أنزينن حشى بتاكلنا شو مستوي بج اليوم؟؟
أنا: لين يتي باقول لج
عايشه:لا عيل أنا ماراح أييج إلا إذا قلتي لي، تبين عقب تعقين السالفة علي أنا مابا
أنا: الله يعني أنا أحين صرت بلوه مشكورة يلا عيل مع السلامة
عايشه: أففففففف لاتزعلين، بس صج ترا ماقدر أييج عطيني سبب مقنع
أنا: شوفي السالفة ومافيها إني مستحية من مبارك
عايشه:شو مستحيه منه؟!! ليش؟؟ شومسوية؟؟
أنا: وليييه ولا شي بس حبيته على خده وأدري إذا ياني عقب مايقضي شغله على الغدا بيحرجني وصراحة أنا مافيني أتحجى خلاص فهتمي
عايشه:ههههههههههه هههههههههههههه والله أنكم نكته عادي إنزين و حبيتيه خير ياطير شو صار يعني؟؟ كفرتي؟؟ ها ريلج يعني عادي It’s ok take it easy
أنا: easy في عينج خلاص تعالي أنا أترياج باااي
عايشه:بااي

أفففف أحين أفتكينا بس في الليل شيفكني منه غير إني أسوي رووحي راقده وعليا ما تسوى عليه هالبوسه تطلع من عيونه جانه اليوم كله ما بيشوفني هههههههه

وصلت عايشه وقعدت معاها سوالف وضحك وحطينا الغدا في الصالة الفوقية من بيتنا أما غدا مبارك طرشته مع الخدامة بس تحت إشرافي وعبادي أخوي فديته راح يتغدا معاه

طلعت عايشه جريب المغرب وهو طبعاً _مبارك أقصد_ مب موجود فقعدت مع أهلي تحت

أبوي: ها يبه وين ريلج عنج؟؟
أنا: طالع وقالي بيرد متأخر يمكن لأن ماكمل شغله الظهر وهو بعد طلع متأخر فما بيلحق يخلص من وقت
أبوي: يعني مابيتعشى هني؟
أنا: لا بابا قالي بيتأخر لأن يبي يخلص أموره قبل لا يسافر مره ثانية
أبوي:إنزين عيل وين أمج؟
أنا: فوق مع اليهال
أبوي:قومي عيل ناديهم
أنا: إنشالله فديته خلودي ماشفته اليوم
أبوي: بس عيل قومي ناديهم ونزليه معاج
أنا: إنشالله

وقمت وخذته معاي الحجرة طبعاً الحجرة مسنعه ومبخره وريحتها جناااااان حطيت له الألعاب وقعدت ألعب معاه ونضحك وصورته وهو يعرف وين محطوطه كيمرا الفيديو يودها

خالد:تصوريني
أنا:واا فديت إللي يبي يصورونه أصورك وأصورك بعد

وصورته بكيمرا الفيديو والعادية وهو مستانس بعدين راح صوب الكبت إللي حاطه فيه شنطتي طلعها لي

خلودي: تعطيني علوجأنا: نعم شتبي؟؟ أنت واحد ماعندك سالفة روح شوف ناس مثلك وشرواك يجابلونك مع السلامة
المتصل: صبري يا بنت الحلال
أنا: نعم؟؟ مانرقد يعني؟؟
المتصل: بلى فديتج بس هدي
أنا: شوف وقسماً بالله أن ماحسنت ألفاظك لا أسويلك قضية أوديك في ستين داهية تاخذك ماتردك
المتصل: بل بل هههههههههههه هههههههههههه تراج منتي بهينة لولوة أنا مبارك

أنا ــــــــــــــــــــــــــــــــــــــــ ويهي حطوا عليه ماي بتسمعونه يسوي تشششششششش خخخخخخخخخخخخخخ

مبارك: ألووو لولوة؟
أنا: نعم<< أهمس من زود ما الصوت راح من الصدمة والعين إللي مبققة
مبارك: ههههههههه ههههههههههههه ههههههههه شو فيج؟؟ وينه صوتج؟؟
أنا: أحم ها لا ماشي موجود
مبارك: فديت والله إللي يدافعون عن روحهم الحمدالله طمنتيني أن ماحد يقدر عليج
أنا: مبارك أسمح لي بس شالسخافة ذي؟؟
مبارك: ههههههه هههههههههههههههه شو عرفني أنج مابتعرفين صوتي؟؟
أنا: لا والله؟!! ليش أنا كنت مطيحة إتصالات فيك من قبل؟؟
مبارك: هههههههههههه ههههههههههههههه ياريت إلا حاقرتني من الزين
أنا: إنزين؟
مبارك: شو طردة؟؟
أنا: أنت شرايك؟
مبارك: لولوة دخيلج شوي باسولف معاج وبعدين سكري عني
أنا: مبارك والله باسولف معاك وأضحك بعد بس مب أحين مرة ثانية والله تعبانة

ماخلصت من ذي الكلمة إلا العبرة خانقتني أي كلمة زيادة بانبط وهو ماشالله حس أن الصوت تغير

مبارك: لولوة؟؟
أنا: هممم
مبارك: لولوة شو فيج؟؟

دموعي بدت تتحدر على خدي بس دمووع بدون صوت

أنا: مافيني شي
مبارك: حلفي قولي والله أن مافيج شي
أنا: وأنا أقولك مافيني شي ليش أحلف؟؟!!
مبارك: لا بس صوتج
أنا: مافيه شي

خداي يخدي أبليسي عقب هالكلمة شهقت من الصياح

مبارك: لولوة شو فيج؟؟ بلاج حبيبتي تصيحين حد مزعلنج؟؟؟؟؟؟؟؟
أنا: لاا
مبارك: ليش من شو تصيحين؟؟
أنا: خلاص مبارك مافيني شي
مبارك: لولوة والله أنج تقولين لي
أنا: والله ماعرف ماعرف

وصكيت التلفون في ويهه وأنتابتني نوبة بكاء مرة وحده تميت خمس دقايق ومن بعدها رحت غسلت ويهي وتعوذت من أبليس، يودت القرآن وقعدت أقرا سورة الرعد ووصلت لي الآية إللي يقول فيها سبحانة وتعالى: " والذين تطمئن قلوبهم بذكر الله ألا بذكر الله تطمئن القلوب".وتوني رافعة راسي إلا تلفوني يرن رقم مبارك رديت عليه وصوتي شوي مبحوح

أنا: ألوو
مبارك: لولوة؟؟
أنا: هلا مبارك
مبارك: لولوة ممكن تنزلين شوي؟
أنا: ليـــــــش؟
مبارك: أنتي أنزلي تحت بتعرفين
أنا: ليـــــــــــــش؟؟؟؟؟؟؟
مبارك: لولوة حبيبتي الله يرضى عليج سمعي كلامي وأنزلي
أنا: إنشالله

لبست جلابية وعبايتي على جتفي والشيلة على راسي ونزلت تحت إلا متصل فيني مرة ثانية

أنا: ألو
مبارك: شو وينج؟؟
أنا: أنا باطلع الحوش الحين
مبارك: فتحي باب السكة بسرررعة
أنا: ليش أنت برع؟؟
مبارك: لولوة!! أفتحي شو هالسؤال؟!
أنا: إنزين

وفتحت الباب إلا هو واقف جدامي متخصر ومتساند على صوب شكله يضحك أبتسمت له ورد لي الإبتسامة

مبارك: ممكن أدخل؟؟
أنا: إي أكيد تفضل

ودخلته الميلس وييت باطلع عنه ومسكني من يدي

مبارك: وين رايحة؟؟
أنا: باييب لك شي تشرب
مبارك: درينا أنج تعرفين السنع بس أحين مو وقته أنا أبا أكلمج الحينه
أنا: آمرني؟ وبعدين هالحزة أحد يطلع؟ ما يصير تأجل السالفة حق باجر؟؟
مبارك: لولو أنتي خليتي فيه عقل؟؟! أكلمج تصيحين وتسكرين الخط وبويهي، وأدري أن لو أتصلت بج مرة ثانية مابتردين

نزلت راسي أفتشلــــــــــــــت هاذي وأحنا تونا مالجين جذي عيل باجر شباسوي؟!!؟

مبارك: أنزين الحينه شو فيج؟؟ شو إللي صيحج؟
أنا: مادري
مبارك: كيف ماتدرين ؟؟
أنا: ماعرف
مبارك: عيل منو إللي يعرف مثلاً أنا؟؟
أنا: مادري
مبارك: شو إللي مضايقنج؟؟ قولي فديتج لا تستحين
أنا: مبارك لو سمحت هاذي آخر مرة تسوي لي هاذي الحركة البايخة شنو قصدك منها تختبرني إن جان أكلم غيــرك مثلاً؟؟ حط في بالك إن أهلي مربيني على السنع والأدب وإذا ماحشمت حد وماخفت من ربي على الأقل أستحي من أهلي إللي مالهم ذنب باجر الناس تتكلم فيهم
مبارك: لولوة فديتج أنا ماكان قصدي شي بس أنتي إللي كنتي معصبة ماعرف شو فيج؟!؟؟
أنا: يعني بذمتك واحد متصل حق وحدة في أخر الليل وهي ماتعرف رقمه شتبيها تسوي له ترحب به مثلاً؟؟
مبارك: هيه إذا كان ريلها مثلاً
أنا: لا والله وإذا ماكنت تقدر تميز صوته وتعرف؟؟
مبارك: تسمع إللي بينقال لها بعدين تسوي إللي تباه
أنا: لا والله؟؟ أحلف أنت بس؟!!؟
مبارك: ههههههههههه هههههههههههههه هههههههههههههه أنزين خلاص السموحة منج مانكررها التوبة
أنا: مقبول أعتذارك وهاذي آخر مرة وإيـــه عطني أرقامك مال الإمارات بعد باجر تتصل لي سبحان الله عاد والله ذيك الحزة لو تتصل من رقم غريب لو تموت مارديت عليك
مبارك: ههههههههه هههههههههههههه ههههههههههههه بل
أنا: والله كيفك هذاني قلت لك

وطلع لي ورقة من جيبه ووقلم وكتب لي أرقامه

مبارك: إنشالله الشيخة أنتي تامرين أمر، تفضلي وها أرقامي كلها كتباناها لج
أنا: مشكور

وقمت باروح آييب له شي يشربه وحسيت بيوع فرحت طليت عليه بسرعة

أنا: شوي وباييك لاتروح إنزين
مبارك:هههههههه ههههههههه إنشالله

ورحت عنه وبسرعة بسرعة حطيت سندويشات فيهم جبن في التوست وعقب قطعتهم مثلثات وحطيت 2 عصير برتقال وعصير منجا وعاد هو كيفه إللي يحبه ياخذه أنا أهم شي حطيت لي برتقال وشلت الصنية ورحت له

أنا: إنشالله بس مب شبعان؟
مبارك: لا والله إلا يوعان ماكلت شي
أنا: بس عيل أكل معاي
مبارك: ماتقصرين فديتج، ياسلام

وحطيت الصنية وكلنا، أنا كلت سندويشتين وهو ماشالله 3

مبارك: فديتج والله ماقصرتي
أنا: تبي عصير منجا ولا برتقال؟؟
مبارك: أنتي شو باتشربين؟؟
أنا: برتقال
مبارك: شعنه؟
أنا: المنجا ثقيل في الليل وخصوصاً إذا بترقد بيغث عليك
مبارك: هههههههههه ههههههههه هيه والله عطيني برتقال شراتج
أنا: تفضل

والحمدالله شبعنا وسوالف وعلى الساعة أربع إلا أنا خلاص ماشوف إللي جدامي بدت عيني تغفي

مبارك: حبيبتي سيري داخل نامي أنا باسير عنج
أنا: لا لا أنا صاحية عادي عادي
مبارك: أي صاحية فديتج قومي قومي عن تطيحين
أنا: إنزين

وطلعت عنه حتى ماوصلته من زود التعب لي اليوم الثاني قمت الصبح بنشاط وأبتسم نزلت حق أمي

أنا: صباح الخير
أمي: هلا صباح النور
أنا: شنو مسويين؟؟
أمي: بلاليط وبيض وفي جبنه وخيار وطماط
أنا: تدرين أممم بس باحط لي بلاليط
أمي: أنزين

وحطيت لي وتريقت إلا تلفوني يرن وأنا مطنشته لأنه على الرنة العادية مب محدد من المتصل

أمي: ردي عليه ماتسمعين
أنا: أوووه يمه الواحد يتريق متصلين من الصبح شله؟؟ خلهم يولون
أمي: أنا بارد عليه
أنا: شوفي من؟! إذا شخص مهم عطيني
أمي: أنزين

وردت عليه وراحت عني بعيد شكيت في السالفة بس ماحبيت أبين فضولي بس لا تأخرت رحت لها إلا صاكه التلفون

أنا: مــن؟؟
أمي: لا كانوا يبوني
أنا: من؟؟
أمي: بس خلاص

ورن التلفون في يدها

أمي: هاج تلفونج ردي
أنا: أفففف ماعرف رقم من؟؟ وين ذي 79؟؟
أمي: شدراني خبري بج أنتي إللي تعرفين
أنا: أممممم جنه المنطقة الدبلوماسية خله نرد على وعسى فايزين في شي
أمي: نطري
أنا: هههههههههه هههههههههههه

ورديت على التلفون اللي خلاص بيبند

أنا: ألو
مبارك: لا تو الناس خليتيه بعد شوي
أنا: ههههههههههه هههههههههههههههه ههههههههههههه ، يمـــــــــه فزت فزت
أمي: حلفي
مبارك: شو السالفة؟؟ فايزة؟؟
انا: أي والله فزت بصوت مبارك خخخخخخخخخخخخ
أمي: هههههههههه هههههههههههه الحمدالله والشكر
مبارك: شو حظرتج تتمسخرين
أنا: لا والله حشى كنت أقول حق أمي ماعرف من رقمه بس جنه المنطقة الدبلوماسية خلني أرد عل وعسى أطلع فايزة بشي والحمدالله فزت بصوتك على الصبح
مبارك: فديتج والله، شو تسوين؟؟
أنا: وااي؟؟
مبارك: من مساعة أتصل ماحد يرد
أنا: آآه انا كنت أتريقد ومطنشه لأن مب رنة مخصصة ترن لي عادية فما حبيت أرد
مبارك: عفية عليج شطوووووووورة
أنا: ههههههههههه أكيد أكيد أفا عليك
مبارك: ههههههههه إنزين شو خلصتي لو بعدج
أنا: أممممممم تقريبا
مبارك: بسج
أنا: ياااه ، يماااااااااه شوفيه شيقول لي
مبارك: أششششش شو بعد يمااااااه بتخبرينها يعني
أنا: أيـــه
مبارك: هيه خبريها يلا
أنا: أتحداني؟؟ انزين يماااه يمااه
أمي: نعم شعندج؟؟
أنا: يمه مبارك يقولي لا تاكلين بسج
أمي: شله يا مبارك خلها تاكل دام الله هاديها
مبارك: خس الله أبليسج من بنت
أنا: هههههههههه ههههههههههههه عشان مرة ثانية ما تحداني
مبارك: شو أسوي بج أنا؟!! حطيه على السبيكر
أنا: مابي مابي
مبارك: لولوة
أنا: نعم؟؟
مبارك: يلا فديتج حطيه على السبيكر
أنا: هههههههه هههههههههههه إنزين

وحطيته على السبيكر ورحت صوب أمي

أنا: يلا حطيته على السبيكر
مبارك: وينها عمتي خلها تسمعني؟
أنا: قول أكاهي تسمعك
أمي: هلا مبارك
مبارك: هلا عمتي شحالج؟؟
أمي: الحمدالله بخير
مبارك: عمتي بلاها بنتج هاذي؟؟
أمي: شدراني يا يمه
أنا: شفيكم أحين أنتو؟؟
مبارك:عمتي أنا شو قلت لج؟؟
أمي: إيه إللي قلت له من شوي؟؟
أنا: يعني مساعة كنتي تكلمينه؟؟
مبارك: هيــه لأن حرمتي ماتبى ترفع السماعة عمتي فديتها كلمتني وجبرت بخاطري
أنا: هههههههههه هههههههههه بس عيل هاج يمه التلفون باروح أكمل ريوقي
مبارك: لولواااااا
أنا: نعم؟
مبارك: عمتي مسكي بنتج
أمي:هههههههه مسكتها
مبارك: لا تتريقين أنا باييج بنطلع نتريق
أنا: أها أمممممم بافكر
مبارك: عمتي شو بعد؟؟
أمي: ماعليك منها أحين بتروح تجهز تعال أنت وماعليك منها
أنا: مب على كيفكم مابي أروح باكل بلاليطج يبي أيي أهو ويتريق عندنا
أمي: أي والله تعال أنت وتريقد عندنا أحسن من بدال أكل المطاعم
مبارك: أفا يا عمتي أباج عون طلعتي فرعون
أنا: ههههههههه ههههههههههههه يلا نترياك
أمي: لا فديتك بس والله أحسن من أكل برع
مبارك: خلاص مسافة الدرب وياينكم
أمي: حياك الله

وسكرت التلفون عنه ووقامت أمي تجهز وياي الصنية له

أنا: يمه يحتاي أبدل ثيابي؟؟
أمي: ليش؟
أنا: أنا توني متسبحة ومبدلة يحتاي بعد؟؟
أمي: أشوف، لا لا زينه بدلتج عاد أنتي ياحبج حق التبديل
أنا: هههههههههههههه ههههههههههه

وعقب عشر دقايق وصل أتصل لي وطلعت له رحبت به ودخلته الميلس وقعدت معاه بس أمس غير عن اليوم أشوي مستحية بزيادة وهو يطالعني ويضحك علي

أنا: شفيك؟
مبارك: لا ماشي
أنا: عيل ليش تبسم وأنا أتحجى؟؟
مبارك: أولاً الإبتسامة صدقة
أنا: إنزين ثانيا؟؟
مبارك: ثانياً حرمتي وأتبسم لج شو استوى يعني عادي؟!!
أنا: هههه وثالثاً
مبارك: ثالثاً وآخراً وليس بأخيراً طريقة كلامج وتصرفاتج وتعابير ويهج والحمرة إللي تعتلي خدودج والأحلى في هاذا كله ملامح ويهج الطفولية البريئة
أنا: شكراً عيونك الحلوة
مبارك: عفواً عيونج الأحلى

وقضى اليوم وهو عندنا ومر الأسبوع بسرعة وسافر عني بس الأتصالات يومية غير المسجات من بينا وتمينا على ذي الحالة وهو بعد كل ما حصل إجازة أو حتى كل بعد نهاية أسبوعين إيي البحرين يزورني ويمشي ومن بعد ماخذ لنا شهرين

مبارك: لولوة متى بتنزلون عندنا؟؟
أنا: مادري باقول حق أمي وإنشالله خير
مبارك: إنشالله

وخلصنا سوالف وسكرت من عنده ورحت حق أمي

أنا: يمه متى بننزل الإمارات عشان أشوف قسمي؟؟
أمي: والله كيفج حزة إللي تبين شوفي متى ريلج فاضي وبننزل
أنا: توه مكلمني وقالي الظاهر فاضي
أمي: تأكدي أنتي وبعدين أكدي لنا عشان نحجز
أنا: أوكي

وطرشيت له مسج وقال أنه فاضي خلال هالأسبوعين تقريباً ورحب بنا ورديت على أمي، بعد يومين أحنا مجهزين روحنا وماشيين في دربنا للمطار أبوي ودانا على أساس مبارك بيستقبلنا لأن عنده شغل مايقدر إيي معانا، ووصلنا وأستقبولنا أحلى أستقبال تمينا تقريباً أسبوعين خلالها عزايم في بيتهم وغير بيت أهلهم وشفت قسمي كان حلو بسيط وناعم وألوانه حلوة، وكنت مع نورة تسولف لي عن مبارك يوم أول ماردينا خبر عليهم بالموافقة راحت له أنه تبي تبشره قالت له أنا رفضنا وأنقلبت الدنيا في عينه طلع ولا رجع إلا بالليل، وتمت تنتظره طول الليل لين مارجع وراحت له وطردها؛ لأنه ماكان له خلق يستقبل أحد وفهمته أنه ماعطاها فرصة تكمل له كلامها هي كانت تبي تقول له رفضت أنها ترفض واحد مثلك بس أهوه خذ أول كلمة وطلع عنها. ومرت الأيام مثل ماهي غير أنه هو ينزل وحصة إللي في قطر تنزل بين فترات وفي نهاية عطلة الربيع قالت أم مبارك حق أمي أنهم يبون يخلون عرسنا في الصيف الولد مب قادر يصبر أكثر أنا أستحيت وأمي ردت عليهم بالموافقة بعد ماشاورتني وخذت براي أبوي والحمدالله تيسرت الأمور على شهر 3 نزلت عند خالتي في كويت، أستقبلتني وخذيت لي الثياب من هناك لأن موديلاتهم غريبة وحلوة وفي نفس الوقت الألوان روعة خذيت لي من كل شي كل إللي أحتاجة خذيت من الألف إلى الياء، الحمدالله ماقصرت خالتي وياي وعلى بداية شهر أربعة رحت السعودية أشوف لي موديل حلو، عجبني كذا واحد بس في النهاية قلت باشوف مبارك شيقول وبرجع له لأن الفستان على حسباهم مع المسرح والأمور هاذي كلها عليهم وخذت رايه

مبارك: شوفي حبيبتي أنتي كيفج، وين ماتبين أنا حاظر حتى ولو تبين تيين عندنا تفصلينه ماعندي خلاف بس أهم شي أنتي يعجبج هذا أهم شي
أنا: بس عيل خلاص أنا آبي إللي شفته في السعودية
مبارك: أكيــــــــد
أنا: إيه بس خلاص مقتنعة فيه

وخبرت أمي ورحنا مرة ثانية بعد أسبوع وأخترنا نوع القطعة إللي نبيها وشلون بيكون الموديل والطرحة ومن هالأشيا، وسألناه متى راح يجهز قال بعد شهر ونص تعالوا حق البروفة يعني على بداية شهر 6 تقريباً ومرت الأيام وأحنا في ركضه من مكان لي مكان والكل يجهز روحه والناس رايحه يمين وناس يايه يسار، ناس تفصل وناس تشتري حق روحها حتى خواتي، كلنا رحنا السعودية في يوم البروفة خذوا لهم فساتين بس كانت روووعة واايد حلويـــن، وبعد يومين من بروفة الفستان مبارك ياب البطاقات بس أنا ماكنت موجودة وهو كان ياي الصبح وراح يرجع المسا لأنه ياي بالطيارة ومايقدر يتأخر أكثر من جذي؛ لأن وراه شغل وايد اللهم سلم البطاقات حق عبدالله ومشى، كانت البطاقات شي روعة بيجية من مخمل من برا مكتوب عليها "أفراح لولوة ومبارك" ومن داخل مكتوب فيها باللون الذهبي بس بطريقة فخمة وحلوة "يسر العائلة الـ.... و العائلة الـ........ أن تدعوكم لحضور حفل زفاف نجليهما لولوة ومبارك وذلك في تمام الساعة الثامنة مساءاً من يوم الأثنين الموافق 2\7\.... وذلك بقاعة المؤتمرات بفندق الخليج."

والله أن الأيام تركض بسرعة أحس روحي مربوشه كل يوم رايحة مكان إلا جلابياتي عند الخياط إلا ماعرف شنو طلع ناقصني، بس على آخر أسبوع هديت وقبل العرس بيومين تحنيت، وكانو أهلي المقريبن كلش وأهل مبارك المقريبن بعد في بيتنا يتحنون لأن يبنا الحنايات البيت يحنون واليوم الثاني الحمدالله ريحت واليهال يخدموني وحطيت أغراضي إللي آبيها في شنطة صغيرة حق الفندق، وأمي ياتني شافتني جان محتاجة شي أو لا وراحت، وفي الليل أبوي ناداني قعد معاي يسألني إن جان خلاص ماناقصني شي مب محتاجة، والحمدالله محد مقصر معاي بشي لا من أهلي ولا من أهله، كلهم والله يخدموني ومب مخليين شي قاصرني. اليوم الثاني على الضحى رحت الفندق بعد ماتسبحت لأن مافي وقت لي فودتني أمي، دخلت الجناح إللي كان حاجزة مبارك ماشالله كان روووووووووعة شي شي عجيـــــــــب، على الساعة 12 بدوا يسوون شعري ماخلصت إلا على الساعة 3 ونص تقريباً، من بعدها خذت لي إستراحة وكلت لي لقمة وقعدت شوي، على الساعة أربع ونص بديت المكياج وبما أن فستاني كان (off white) بيج فكل شي يمشي معاه فحطت لي درجات البني على الذهبي ودخلت معاه درجة الأحمر المايل على البني طلع شي رهيــــــب طلع لون عيوني وخصوصاً مع الكحل إللي رسم عيني عدل، صج كانت جايدة لي المكياج بطريقة فظيعة ومن بعد ماخلصت لبست الفستان ماصارت الساعة 8 وشوي إلا أنا مخلصة وصعدت لي المصورة فوق صورتني وياوا خواتي وأمي وخالاتي صوروا معاي، ومن بعدهم يات عمتي وبناتها وراحوا وقلت حق الهنوف تنادي خالوا عفرا وخوات مبارك عشان يصورون، ونادتهم وصوروا معاي وخذت صورة لي أنا في الوسط وأمي وأمه حواليني كانت وايد حلوة غير الصور إللي لي بروحي كانت لقطاتها عجيبة، خلصنا التصوير وقعدت فوق أنتظر منهم يقولون لي أنزل، بعد نص ساعة ياتني نورة نزلتني معاها في الدرب الخاص إللي حق العرايس وتلاقينا أنا ومبارك إللي حسيت أن حلجه بينشق من الأناسه وخصوصاً أن المكياج مغيرني ومحليني، خطر لا ياكلني بعيونه وهو يشوفني، دخلنا مع بعض وأحنا ماسكين بإييد بعضنا البعض على زفة فطومة تعور القلب بس أحبها شفت عمتي من بعيـــــــد فرحانة لي وتمسح دموعها وأبتسمت لها وشوي وإلا أحس بعمري باطيح كأن شي تحتي وما أنتبهت له عدل، ويود مبارك يدي عدل ووقفت شوي في مكاني ومن بعدها واصلنا مشينا، وعلى الكوشة كانت الهنوف قريبة مني أشرت عليها عشان تييني ويات صوبي

أنا: هنوفو شحلاتج يالسيبالة
الهنوف: ههههههههههه ههههههههه من زمان أحلى منج
أنا: أنزين سمعيني شفتي صوب الطاولة إللي قاعدين عليها بيت خال ماما؟؟ شوفي في شي هناك على الأرض مرتفع أو شي طايح؟
الهنوف: أنزين

وراحت ورجعت لي

الهنوف: مافي شي ليش؟؟
أنا: مادري بقيت أطيح، ماتشوفيني وقفت شوي؟
الهنوف: لا!! عبالي ويا الأستعراض
أنا:ههههههههه هههههههههه لا هاذي خارج عن النص
الهنوف: ههههههههههههه ههههههههههههههههههه

وقعدنا على المسرح ساعة إلا ربع ومن عقبها أهو مشى وبقيت أنا لي الساعة ثنتين إلا ومشيت عنهم رحت فوق وكان مبارك ينتظرني عند الباب عشان ياخذني ومن طلعت له

مبارك: هلا بالزين كله، هلا بنور السما كله
أنا: هلا فيك
مبارك: آآخ قلبي لا لا ماروم يا ربـــــــــــي
أنا: ههههههههههههه ممكن نمشي
مبارك: هيه فديتج سمي
أنا: سم الله عدوك توكلنا

ومشينا وهو يساعدني يرفع عني الفستان ويفتح لي الباب

مبارك: تفصلي فديتج
أنا: زاد فضلك
مبارك: تبيني أساعدج في شي؟؟
أنا: لا مشكور

ودخلت الحجرة بدلت وفتحت شعري وخففت مكياجي ومن زود التعب لأني قاعدة من الصبح الساعة ثمان بس قطيت عمري جذي على السرير باريح ظهري وباطلع له لكن خذتني نومه، وأنا مب حاسه بروحي ودخل علي مبارك وأنا على حالتي ماده يدي على ورا وشعري على فوق ومنبطحة في نص السرير وعلى زوية مايلة بعد لحفني وطلع. صحيت الصبح على الساعة 9 يوم فجيت عيوني تذكرت وتفشلت من إللي سويته واليوم أحنا بنسافر أفف ياذي الفشيله قمت تغسلت و طلعت لقيته قاعد يفرر التلفزيون

أنا: صباح الخير
مبارك: يا صباح النور والسرور على غصن البنور
أنا: مباارااك
مبارك: يا عيونه
أنا: أنا آسفة، أمس نسيت روحي أنبطحت على بالي باريح ظهري بس وبطلع لك ورقدت عنك ماخليتك ترقد في الحجرة
مبارك: أفا عليج حبيبتي خذي راحتج كيف ماتبين
أنا: والله فشلانة فيك

وقام من مكانه ويا على الكرسي وقعد يمي ومسك يدي

مبارك: شوفي حياتي أنا لا زعلان ولاشي، وخذي راحتج ولا تحاتين شي وأنا ماراح أجبرج على شي أنتي ماتبينه خلاص؟!
أنا: خلاص
مبارك: يلا بنتريق عشان يالله تخلصين أغراضج في بيتكم ونمشي المطار
أنا: إنشالله يلا

وتريقنا من بعدها رحنا بيتنا سلمت عليهم كلهم وودنا بابا المطار، وأنا خذت معاي خلودي ومقعدته في حظني وأحببه وأسولف معاه حسيت بعين تراقبني ورفعت راسي إلا مبارك يطالعني من المنظرة أستحيــــــــــــت منه ونزلت راسي على طوول، وكملت سوالف مع خالد طوول الدرب وأضحكه ونضحك ليما وصلنا نزلنا مع بعض وقبل لا ندخل الطيارة شريت له هدية، ومن بعدها أعلنوا للمسافرين بالتوجه للبوابة، وتوجهت رحلتنا إلى إيطاليا صراحةً كانت بلدة جميــــــــــلة من طبيعة، جو، ناس، كل شي وخصوصاً إذا عندكم زوج متفهم بعد يااا سلااااااااااام، ولا أحلى تمينا أسبوعين كل يوم ونروح مكان، وغير إللي أحنا نستكشفه بروحنا ونتشرى حق روحنا والأهل، والأحلى من ذي كله أن الفندق إللي نزلنا فيه كان في غرفة النوم تتصل به غرفة ملابس فيها باب يعني عن الفشيلة فأنا على طوول كله صاكته و من بعد ذي الأسبوعين إللي قضيناهم ردينا البحرين، وصلنا على الساعة 11 وشوي كان أبوي ينتظرنا وعلى طوول من وصلنا رحت حجرتي وحطيت راسي ورقدت؛ لأني كلش داااااايخة ومافيني شدة، أشوه أن اليهال بعد راقدين ومحد في البيت. اليوم الثاني صحيت من النوم مالقيته أحسن أنه طلع خلني أروح أتسبح أحسن لي، دخلت الحمام أتسبحت وخلصت طليت أشوفه جانه موجود في الحجرة ولا لاء أففف وااا فشلتي موجود شاسوي أحين؟؟! مافي إلا أقوله بعد شاسوي

أنا: مبارك أمممم ممكن تطلع شوي؟!

رفع لي حاجب بعدين قالي

مبارك: ليش إنشالله أنا ريلج طلعي بلاج بسم الله ما باكلج!!
أنا: بليز مبارك عاااااااااااااد شويه وبعدين أدخل عااااد
مبارك:هههههه أنزين لاتصيحين باطلع لاتطولين ترا والله أدخل
أنا: أنزين بس أنت أحين أطلع عاااااااااااااااااد يلااا
مبارك: ياااه قلنا لج أنزين

وطلع وحليله وسكر الباب وراه فديته، بطلت الباب طليت عليه هو توه بيلف عسب يقعد على الكرسي بس ألتفت علي يتحسبني باقوله يدخل خخخخخخخخخخ

مبارك:بلاج أبوي تبين شي؟؟

وتقرب لي عندي وين أنا ما مطلعة راسي

أنا: لافديتك بس ولاشي ولاشي تحسبتك بتنزل تحت
مبارك: لا لا ليش تبين شي أنتي من تحت يعني؟
أنا: لا ما بتطلع اليوم شي؟؟
مبارك: أنا كنت باخبرج بعد ماتلبسين يعني كنت ناوي أخلص شوية أشغال، يعني على وقت الغدى باكون موجود أوكي!
أنا: أوكي فديتك

توه بيصد ناديته بسرعة

أنا: مبــاارك

صد علي

مبارك:هلا

بسته على خده

أنا:في حفظ الله

أما مبارك فمب مستوعب إللي سويته له مبقق عيونه (يعني مبطل عيونه على الآخر)،
وأنا ويهي قام يتلون على الحركة إللي طلعت مني بس أنا كنت عادية إلا حركته هي إللي فشلتني كيف يطالعني فحبيت أغطي

أنا: مع السلامة

صكيت الباب وقلبي يرقع طبوووول لبست ثيابي، شاسوي ياربي أكيداً بعد مايرجع من برع بيناقش هالبوسة على الغدا وأنا من الفشله أدري عن روحي أني ماقدر أجابله مافي إلا هي، عووش باتصل فيها باخليها تتغدى عندي
طوووووووووط طوووووووووط<<يرن التلفون حق عايشه

أنا: السلام عليكم
عايشه: هلا والله عليكم السلام شحالج العروس؟؟
أنا:أنا الحمدالله بخير، شخبارج أنتي؟
عايشه: الحمدالله تمام أنتي شخبارج وشخبار مبارك؟
أنا: أنا بخير وهو بعد بخير
عايشه: لولوة؟؟ شو فيج؟؟
أنا: لا عووش بس أبيج تيين تغدين عندي
عايشه: شو فيج أنتي؟؟ مب بصاحيه تبيني أتغدى معاج؟!! وريلج وين بتودينه بتروغينه يعني؟؟؟
أنا: لا ياعايشه الله يهداج بيتغدى هني بس آبيج تيين آبي أتغدى وياج بروحنا وإللي تبينه أنا باسويه لج لو إنشالله تطلبين من أغلى المطاعم أنا حاظرة
عايشه: الله من أغلى المطاعم عيل باظرب ظربتي خخخخخ أبا من الماريديان صحن ربيان ومن الخليج صحن أم علي ومن الرجنسي عيش برياني و من القيصر ستيك لحم
أنا:عايشه وويع إنشالله بلا مسخره وتعالي أحسن لج وإللي في بيتنا باحطه لج
عايشه: مسرع ماغيرتي رايج إنزين إنزين باييج لا تغيرين رايج وتحطين لي أكل الدياي إللي عندكم.
أنا: خلاص أخليج أحين عشان أتجهز بس أخلص آبي أجوفج عندي سامعه؟
عايشه: أنزينن حشى بتاكلنا شو مستوي بج اليوم؟؟
أنا: لين يتي باقول لج
عايشه:لا عيل أنا ماراح أييج إلا إذا قلتي لي، تبين عقب تعقين السالفة علي أنا مابا
أنا: الله يعني أنا أحين صرت بلوه مشكورة يلا عيل مع السلامة
عايشه: أففففففف لاتزعلين، بس صج ترا ماقدر أييج عطيني سبب مقنع
أنا: شوفي السالفة ومافيها إني مستحية من مبارك
عايشه:شو مستحيه منه؟!! ليش؟؟ شومسوية؟؟
أنا: وليييه ولا شي بس حبيته على خده وأدري إذا ياني عقب مايقضي شغله على الغدا بيحرجني وصراحة أنا مافيني أتحجى خلاص فهتمي
عايشه:ههههههههههه هههههههههههههه والله أنكم نكته عادي إنزين و حبيتيه خير ياطير شو صار يعني؟؟ كفرتي؟؟ ها ريلج يعني عادي It’s ok take it easy
أنا: easy في عينج خلاص تعالي أنا أترياج باااي
عايشه:بااي

أفففف أحين أفتكينا بس في الليل شيفكني منه غير إني أسوي رووحي راقده وعليا ما تسوى عليه هالبوسه تطلع من عيونه جانه اليوم كله ما بيشوفني هههههههه

وصلت عايشه وقعدت معاها سوالف وضحك وحطينا الغدا في الصالة الفوقية من بيتنا أما غدا مبارك طرشته مع الخدامة بس تحت إشرافي وعبادي أخوي فديته راح يتغدا معاه

طلعت عايشه جريب المغرب وهو طبعاً _مبارك أقصد_ مب موجود فقعدت مع أهلي تحت

أبوي: ها يبه وين ريلج عنج؟؟
أنا: طالع وقالي بيرد متأخر يمكن لأن ماكمل شغله الظهر وهو بعد طلع متأخر فما بيلحق يخلص من وقت
أبوي: يعني مابيتعشى هني؟
أنا: لا بابا قالي بيتأخر لأن يبي يخلص أموره قبل لا يسافر مره ثانية
أبوي:إنزين عيل وين أمج؟
أنا: فوق مع اليهال
أبوي:قومي عيل ناديهم
أنا: إنشالله فديته خلودي ماشفته اليوم
أبوي: بس عيل قومي ناديهم ونزليه معاج
أنا: إنشالله

وقمت وخذته معاي الحجرة طبعاً الحجرة مسنعه ومبخره وريحتها جناااااان حطيت له الألعاب وقعدت ألعب معاه ونضحك وصورته وهو يعرف وين محطوطه كيمرا الفيديو يودها

خالد:تصوريني
أنا:واا فديت إللي يبي يصورونه أصورك وأصورك بعد

وصورته بكيمرا الفيديو والعادية وهو مستانس بعدين راح صوب الكبت إللي حاطه فيه شنطتي طلعها لي

خلودي: تعطيني علوج


أنا:تبي علووج؟ لا لا مافي
خالد: آبي
أنا: وااااي فديت إللي يعرفون وين تحط أختهم العلوج هاك

وعطيته، خذ العلوج وقعدته في حظني وشغلت له اللاب توب وقعد يطقطق عليه يازعم يعرف، لين ما صار وقت العشا نادتني أمي ونزلت أتعشا معاهم وعقب ما خلصت ركبت فوق ودخلت حجرتي، رحت أتسبح_كرمكم الله_ وتلبست وأنبطحت على السرير؛ لأني كنت تعبانة قاعدة من وقت بس ماياني رقاد لأن صارت الساعة عشر وشوي وأنا أنتظره غفت عيني وفتحت لقيته توه منبطح يمي

مبارك: شوفيج حبيبي صحيتج من النوم؟؟
أنا:لا عادي شفيك تأخرت هالكثر؟ الساعة جم أحين؟
مبارك: لا بس أنشغلت وبعدها لاقيت الشباب قعدت معاهم شوي رقدي أنتي الوقت متأخر الحين الساعة 12
أنا: أنزين بس أممم
مبارك: بس شو؟؟
أنا: مبارك ماشالله السرير واسع أزحم عني وايد لاصق فيني
مبارك: إنزين عادي أنتي حرمتي جيه حرام بعد ألصق فيج
أنا: لا مو حرام بس عاد سوري على ذي الكلمة بس أنت تدري ماحب حد يرقد معاي بس أنت أحين غير شي إضطراري مايصير بعد أرقدك على الأرض وبعدين أنت كل يوم ترقد عادي شمعنى اليوم لاصق فيني لصقة؟؟
مبارك: أشواا بعد والله تخافين على ظهري وأنا مادري أكثر من مشاعري
أنا: مبارك تدري والله مو قصدي أجرحك بس أنت تعرفني أنا كيف
مبارك: أدري يابوي بس أنا عناد أبا أرقد حذالج اليووم ومابا أتحرك باشوف شو باتسوين؟؟

دزيته بس ماتحرك من مكانه وحسيت روحي باطيح وأنا أدزه لأني أدز روحي مادزه هو

أنا:أفف يالدب دن مناك
مبارك: ههههههههه هههههههههه مابا أدني كيفي أنا، عايبني هالمكان شي أعتراض؟!؟
أنا:أففف بايخ زين ماتضحك و مب مسوية شي خلاص باشيل روحي وباحط لي فراش على الأرض خلاص؟! خل السرير بكبره حقك وأرقد مكاني بعد إذا يعجبك
مبارك: والله أنج ماتحركين من مكانج وها حلفه أنج ماتحركين من مكانج
أنا:أفففففففف

سحبت اللحاف على ويهي وعطيته ظهري حسيت يوم صديت عنه علامة إستفهام وتعجب صارت على ويهه أحس بخاطرة يقول بلاها هذي عطتني ظهرها؟؟...

مبارك:صدي علي
أنا: مابي
مبارك:قلت لج لفي ويهج صوبي
أنا:آبي أرقد

تكلم والعصبية في صوته
مبارك:قلت لج صدي صوبي لفي ويهج صوبي

أنا بس لفيت ويهي صوبه مسكني من خدودي وهو يطالعني بنص عين

مبارك: أنا لين قلت لفي ويهج صوبي لفي سمعتي مو تعطيني ظهرج

أنا ماتحملت مسكته لأنها فعلاً كانت مؤلمة بالنسبة لي وخصوصاً أنا ضعيفة فعيوني بدت تدمع وكلمني وهو راص على ضروسه

مبارك:سامعتني ولا أعيد الكلام؟؟؟

أنا هني صراحة خلااااااااااص ماعدت أتحمل اللآلئ نزلت من عيوني وهو أنصدم ليش إني صحت وهو ماكان قصده يصيحني بس هو تنرفز من حركتي ليش إني صديت وفج يده عني بسرعة وأنا دموعي مو قاعده توقف يود يدي

مبارك: حياتي فديتج لا تصيحين

ويمسح دموعي بيده وأنا أرامش بعيني آبي دموعي توقف ولا بموقفه

مبارك: بس يا قلبي بس لا تصيحين ولا تنزلين هالدموع الغالية ها اللآلئ كم مرة قلت لج لا تنزلينها؟؟! ها بس عاااد فديتج

هو يقول جذيه وجنه يقولي صيحي وإللي زيد الطين بله أنه لمني لصدره وهني بعد أنا ما قصرت أطلقت العنان حق روحي وعاد هالمرة بصوت بعد وهو فقير يمسح على شعري
ويبوس لي راسي ويستسمح مني

مبارك: بس حبيبي لا تصيحين خلاص أششش سامحيني غناتي والله مو قصدي أصيحج ولا أزعلج فديتج بس أنتي الله يهداج ليش جيه مستويه عنيده؟!!

وأنا أشاهق من الصياح والله جني ياهل وشوي شوي سكت بس بعد تبقى للشهقات آثار خخخخخخخخخ وبعدني عن صدره وأنا منزله راسي وأمسح ويهي وهو يطالعني ويطالعني وبعدين مره وحده ضحك أنقهرت منه

أنا: ليش تضحك؟؟

وهو مواصل في الضحك مب قادر يسكت عشان يجاوبني وبدت الدموع تتجمع في عيني مره ثانية من الحرة
أنا:أقولك ليش تضحك أففففففف

يوم شاف عيوني والصوت تغير قال لا ياربي مابغيتها تسكت والله أنها ياهل أحبها وأحب صياحها بس ماباها تصيح

مبارك:ويهج فظيع شوفي شقايل مولع لونه أحمر ههههههههههههه هههههههههه

طالعته بنظرة عشان يسكت

مبارك:أنزين خلاص خلاص يابوي مانروم نحن على النظرات والله قلبي يعورني
أنا:بسم الله على قلبك<<< بدلع ونزلت راسي
مبارك: لا لاتخافين طاب أحين

أنا ويهي صار حاااار

مبارك: أنزين ليش أنتي صحتي؟؟

ياني شور أعطيه بوكس على حنجه عشان يحس بالألم صج يعني شاقول

أنا:ليش أنت عبالك مايعور يعني؟؟ولا أنت تشوف كل الناس أقويا مثلك يعني؟؟ إذا كلهم جي ترا أنا وحده ما أتحمل تحط كل قوتك فيها
مبارك:هههههههههههه هههههههههههههههههههههههههههههه ههههههههههههههههههههههههههه ههههههههههههههههههه
أنا: ماظن قلت أنا نكته عشان تضحك

وأطالعه بنص عين وشوري يقولي كفخيه خليه يسكت..

مبارك:تدرين ياربيييي كيف أنتي ماعرف شو أقولج بس كلمة أقويا ها إللي قلتيها تينن طالعه من ثمج كأنج بيبي ههههههه
أنا: هههههههه
مبارك: أنا مو قصدي ليش صحتي في البداية لأني عرفت إني عورتج بطريقة مسكتي لج أنا قصدي يوم قربتج عدالي وحظنتج لصدري ليش صحتي زيادة؟؟

سكت ونزلت راسي ما عندي مبرر يفسر سبب صياحي وحسيت ويهي ولع من الفشيله أحس حتى هو حس بحرارة ويهي لأنه قريب مني، رفع راسي لي وتم يطالعني في عيني وأطالعه أنا أستحيت من نظراته لي ونزلت راسي

مبارك:لاتنزلين راسج خليني أشوفج وأشبع من شوفج<<بصوت أقرب للهمس

خلااااااااااااص آآآخخخخخخخخخخ يا ويهي صاااار نقطة من الفشله

مبارك: يعني ماتبين تقولين لي؟!؟؟

وأنا ساكته ماعندي أي تعلييق له.. ماكثرت خبر دخلت روحي تحت اللحاف مره ثانية وغطيت روحي وصديت صوب الثاني_أبد ماتووب_لأن صج ماعرف شياني حسيت إذا جابلته باصيح مره ثانية فأنقلبت ونزلت دموعي بهدوووووء على المخدة

مبارك:لولوة؟؟
أنا:ـــــــــــــــــ مافي أي رد عليه
مبارك:لولوااااااااا
أنا:همممممم
مبارك:لوليتي لفي علي ليش صديتي هاك الصوب

أنا فيني الضحكة على روحي وعليه يضحكني لين ناداني لوليتي حطيت ويهي في المخدة عشان مايشوفني كنت أضحك بس دموعي خفوا وغلب علي طابع الضحك

مبارك: أقولج شوفيني لا الحين أسوي بج الشي ماقط شفتيه

مالفيت بويهي لأن ماحسيت أنه يعني إللي يقوله، شوي إلا أحس روحي مرتفعة عن السرير، أنا بين يدينه شايلني مثل اليهال ويطالع شكلي ويضحك علي لأني فعلاً كنت بيبي بلبسي لقميص النوم إللي فيه رسومات الدباديب وفاله شعري، تعابير ويهي شي صج يضحك

مبارك: واااو سو كيوت
أنا: نزلنيييي
مبارك: مابا شو بتسوين يعني؟؟
أنا: مبارك نزلني باطيييح والله باطيح أنت قاعد تضحك مافيك قوة عشان تشيلني
مبارك:مابطيحين أنا ميودنج وأنتي ميودتني عدل شقايل بطيحين إلا إذا أنا طحت بطيحين ها شي ثاني طبعاً
أنا: أنت مينووون ولا مب صاحي؟!!
مبارك: وإللي يحبج ويتولع بج يصير عاقل أكيد مينون ومب صاحي<< بصوته أقرب للهمس ويكلمني وهو حاط يبهته على يبهتي

أنا تبخرت تبخرت لو يصير أصير قطرة ماي وأتبخر جان زين وهو مواصل كلامه

مبارك:شوفي والله حرام عليج تخليني شرا المينون أرجع البلاد وأنتي مو معاية مايستوي ولا كأن معرسين والله أنا أتخبل روحي في الغرفة شوفي شقايل أرقد هني وأنا يمبج أشبع نوم، أنام مرتاااااح وأنش وأنا نشيط وهناك كله تعبان، ماروم أعيش حياتي بدونج حسي بي الله يخليــــــــــــــج ذبحتيني يا بنت الناس

آاااخ قلبي عورني من كلامه شكثر أحبه يا ربي وكسر خاطري أنا صج هني في بلادي بس والله دوم أفكر فيه من يرتب غرفته يغسل ثيابه يجهز له لقمته حتى لو كانت أمه موجودة بس بعد تبقى الزوجة غير ولين سألته قالي:" أودي الثياب المغسلة والبشكارة ترتب الغرفة وإذا كنت أنا فاضي برتبها بروحي والأكل أحيان أمايه تطبخ و أحيان البشكارة".
المهم أن أحنا متفاهمين ونحب بعض الله يتمم علينا

مبارك:بلاااج ساكته
أنا: لا ماشي بس أشوفك وأنت تتكلم
مبارك: إنشالله كان نطقي حق الكلام ومخارج حروفي صحيحة؟؟
أنا: هههههههههه أي الحمدالله ماعندك أي صعوبات في النطق
مبارك: هيهيهيهيهي الحمدالله<<يتمصخر علي>>تدرين عاد

ويفتر فيني وأنا مت من الخووف

أنا: يمـــــــااااااااه مبارك باموووت باطيح والله يننتني وياك نزلني نزلني ولا باقوّم لك البيت كامل
مبارك: هههههههههههه ههههههههههههههههههههههههه ههههههههههههههههههههههههههههه يالجبانة ههههههههههههه
ونزلني على السرير
أنا: أي نعم جبانة أعترف عندك مانع؟!؟<<رافعة له حاجب
مبارك:أمووووووت في هالجبانة الحلوة أنا، أنزين ممكن أحين تزحمين لي؟ لوسمحتي وتعطفين علي؟؟!
أنا:مابي
مبارك: شووو؟
أنا: أنت شقلت لي؟
مبارك: أنا كأني قلت أزحمي لي بمعنى آخر سوي لي مكان عسب أرقد يمبج أحين عرفتي؟ سمعتي ولا يحتاي أعيد بعد بلغات أخرى؟ ..يطالعني بنص عين..
أنا:أفففف
مبارك: حق منو هاي الأففف؟؟
أنا: لا محد بس أقول إنشالله
مبارك: يلا أنزين شو تنتظرين ليما أقرب صوبج بعد وأدنيج؟
أنا: أنزيــــن خلني أعدل روحي قبل

والله بسبت عنادك في أنك تبي ترقد يمي صار كل إللي صار وإللي يقول أحين أنه مايقدر يدنيني عشان ينبطح كلش عاد الأدب حل عليه مره وحده سبحان الله أفف والله حاله..


مبارك: يلا عااااد مطوله؟ ولا عجبتج وقفتي على راسج
أنا: ههههه لا تعال

صراحة شكله وهو يتكلم بريء ماقدرت أرده إينن وأنبطح يمي مجابل ويهي

مبارك:عاد يعني أحين أنا<<مسك إيدي ويلعب في صبوعي<<أراضيج وأدلعج يعني ما أستاهل شي منج؟؟!

صراحة ويهي تغير يعني من مساعة الدلع والمراضاة مب لله عشان أرده له

أنا: والله محد قالك تراضيني<< أشتغلت لعانتي لأنه قهرني بكلامه

وضحكت لأنه تغيرت ملامح ويهه

مبارك: لولووووووه
أنا: هاه شنو بعد لولووووه! يعني أنت من مساعة ليحين تراضيني لغرض في نفسك مو عشاني آنه
مبارك: لا كسرتي خاطري وأنتي تصيحين ماتهونين عليه أخليج بدموعج وخصوصاً بعد أن أنا السبب
أنا: الحمدالله الإعتراف بالحق فضيلة
مبارك: لولوووووه عاد انزين أنا بردااااااان

أنا سحبت اللحاف وغطيته به

مبارك:أنا مابا اللحاف
أنا: عيل شتبي إنشالله إييب لك
مبارك:يود يدي وقال>>أبيج أنتي<<وهو يطالعني في عيوني

أنا مت مت في مكاني أحس أن طبني العرق والعيون صارت دوائر أنتبهت لعمري وعطيته نظرة من طرف عيني بنص عين

مبارك:هيه ليش تطالعيني جي؟ جي جيف أنا طالب المليون؟؟ لو طالب المليون باحصلها يا بوي ماترومين تقولين لي كلمة حلوة ولا أعلمج أنا بعد؟ أنزين ما يحتاي كلمة بوسة على الأقل <<وغمز لي..
أنا:ههههههه هههههههههههههه أمبلى أعرف بس مابي أقوول
مبارك: عنبوا مستكثرة فيه الجلمة أنزين شوفي إللي يسمع كلامج وإييج وأنتي أبد ولا مسوية له سالفه لابستنه من الزين.

أنكسر خاطري عليه وعليا ولا نظرته إللي كلها رجاء

أنا:خلااص ولا تزعل يا حبيب رووحي مووووح>>بوسة في الهوا<< يود هالبوسة وحطها في خدك...

تعابير ويهه تذبح من الضحك كلها خيبة أمل من إللي سويته وأنا على طول عقب ما خلصت كلامي سحبت اللحاف على ويهي وسحبه عني

مبارك:لولوووووو أقولج أصطلبي أحسن لج لا أفرج الحين من ها الدريشة
أنا: يلا أنت الخسران مب كل يوم بتحصل وحده حلوة مثلي

قام يعوي بوزه فقد الأمل فيني

مبارك:أنزيــــــــن عاااااااد
أنا: لا عاد ولا ثموود
مبارك: لولووووووووووووو
أنا: بروووووووووك
مبارك: بروك في عينج
أنا: أكيد في عيني وقلبي وكل شراييني بعد<< أطالعه بعين شبه مغمضة
مبارك: الله الله ياااربي ياربي ياويل حالي أنا كم باعيش ياربي ياربي
أنا: العمر كله إنشالله نقضيه مع بعض....

رد يتدلع علي مرة ثانية وأنا أقوله إنشالله ،من عيوني ،وإنشالله ،بعد آمر، تدلل، قول فديتك مثل اليهال أسوي له عشان يسكت ما يحن علي

مبارك: إنزين باجر نبا نطلع وأباج تكشخين بالقو حقي
أنا:إللي يقول آنه كشختي يشوفها حد غيرك إذا أنا متغطية من بيشوفها بالله عليك؟؟!!؟
مبارك: لا بس أنا أقول أنتي ماعليج
أنا:ههههههههههههه والله أنك شاقول عاد
مبارك: قولي حبيبي، روحي قلبي كلي، فديـــــــــتج أنا
أنا:هههههههههههه

تميت ألعب بشعره وهو ماسك يدي الثانية يلعب في صبوعي يحركهم ويبوس فيهم و في يدي

مبارك: يلا عاااد
أنا: شنو أبوي؟ آمر حبيبي
مبارك: ياااربي بامووووووت
أنا: بسم الله عليك من هالطاري فال الله و لا فالك يعل عمرك طويل إنشالله
مبارك: أنزين بعد قولي بعد
أنا: شنو؟<< إستحيت
مبارك: يلا عاااااد على شان خاطري
أنا: مافي يلا نبي نرقد
مبارك: أنا مابا لا تجمعين جانج تبين أنتي هيه عسب تفتكين من شوفة ويهي
أنا: مباااااارك عااااد لا تقول جذي والله أحب أشوفك وأحبك وأحب أسمع سوالفك بس والله تعبانة آبي أرقد من الصبح أنا اليوم قاعدة ولا أرتاحيت
مبارك: أنزين كلمة ما بتأثر وايد
أنا: حبيبي وقلبي و أموووووت فيك<< وحظنته وبسته على راسه وأستغل الوضع وباسني على خدي>>زين جذي؟!؟
مبارك: حبيبي أنا ياقلبي خلاص فديتج نرقد يلا أبوي تصبحين على خير<< وباسني فوق راسي
أنا: وأنت من أهل الخير


واليوم الثاني خلاص سافر من الصبح وسلمت عليه وراح وطاف الأسبوع عادي هادي مافيه شي، أتصلت فيه من بعد ما خلص دوامه يوم الأربعاء وطبعاً سوالف وضحك عقب طلبت منه جانه يقدر ينزل عندنا البحرين ذي السبوع أو لا

أنا: مبارك ممكن سؤال؟!
مبارك: قولي فديتج
أنا: عندك شي مهم هالأسبوع في بوظبي ولا الإمارات عموماً
مبارك: ماظن شي مهم شغلات بسيطة أقدر في أي وقت أخلصها ليش يعني تبين شي أقضيه لج؟؟
أنا: أمممممم لا بس أمي ولخالد بيسافرون كويت باجر مع أختي الهنوف وريلها وأبيك إتيي تقدر؟
مبارك: لولوة شو بعد ها السؤال السخيف؟!!! أكيد حبيبي باييج وأصلاً من قبل لا تقولين أنا مخطط إني أنزل لأني مجهز نفسي ومخلص كل الأشغال إللي عندي وما مخلي إلا الأشيا البسيطة إللي أقدر أعتمد فيها على أي أحد
أنا: مشكووور فديتك
مبارك: حبيبي شو ها بعد ما من بينا شكر في هالأمور
أنا: يعني حرام أقول شكراً؟!!
مبارك: لا مو حرام بس مادري أحس أنها مالها لزمة في ذي الحالة
أنا: أنزين متى بتمشي؟
مبارك: أنا بامشي ياطويلة العمر على الساعة 4 العصر يعني حسبي ست أو سبع ساعات بالكثير عندج باكون
أنا: أممم يعني 10 او 11 يعني على طول بيتنا ولا كالعادة السخيفة تقعد في شقة عقب اليوم الثاني تيينا؟؟
مبارك: هههههه لا حبيبتي مثل العادة السخيفة على قولتج بعد موحلوة أدخل بيتكم و الوقت متأخر
أنا: أنزين على راحتك مافي داعي أناقش الموضوع وياك
مبارك: أحسن، أنزين أنتي باجر بتداومين؟؟
أنا: لا باجر بيسوون حفلة العيد الوطني في الصخير وأنا إذا باحظر بس عشان محاظرة وحدة مالت الساعة ثلاث و الحمدالله تكنسلت
مبارك: أنزين و إللي قبلها
أنا:الله يخليك إنجلينزي ورياضيات كملنا المقرر و الكمبيوتر عندي لاب ماظنه يحظر لأنه من الساعة 11 على ماظن تنلغي المحاظرات
مبارك: خلاص عيل حلو جهزي عمرج حق باجر
أنا: ليش وين بنروح؟؟
مبارك: ماعليج أنتي، أنا قلت لج شي بس أنتي سويه
أنا: بس أنا مواعده رفيجتي أن بنروح الصخير ناخذ أرقامنا السرية
مبارك: يعني أنتي وياها بتسيرون مع بعض؟
أنا: لا هي بتمشي الصبح كدوام عادي، أنا باروح مع الهنوف يمكن أو أبوي يوديني مادري
مبارك: بس عيل خلي أختج و أبوج يرتاحون أنا باوديج وين ما تبين أوكي؟!!
أنا: أوكي مو مشكلة باقول حق ماما من أحين
مبارك: ماظنها بتمانع بعدين أنا من متى ماشفتكم وأحينه يعني بتردني لا مايستوي؟!!
أنا: عادي شفيها يعني؟!؟
مبارك: لا ماتسويها عمتي أعرفها فديتها طيبة وحبوبة بس بنتها الله يهداها ماعرف على من عنيدة
أنا: فديت بنتها أنا وفديت إللي طالعة عليه
مبارك:ههههههه هههههههه أنزين حبيبتي أنا باخليج بادخل البيت أوكي؟!
أنا: أوكي حبي بس إذا خالوه موجوده خبرني والله فشيله من زمان ماكلمتها
مبارك: إنشالله حبيبي لحظة

مبارك يكلم بيتهم وأنا وياه على الخط

مبارك: السلام عليكم
الجميع: وعليكم السلام و الرحمة شحالك؟
مبارك: بخير يعلكم الخير
نورة: ليش تأخرت؟؟ متنا من اليوع خاف ربك فينا يا أخي
مبارك: أووه أووه نواره أشوف إلا اليوم علا الحس شو مستوي؟ بلاج معصبه؟ وإن جانج يوعانة جان غرفتي حق روحج وتغديتي
نورة: كنت بس أمايه مارضت إلا إذا أنت وصلت
مبارك: هيه صح وينها أمايه لولوة تبا تسلم عليها
نورة: أحلف
مبارك: هههههههههه شو بعد ها أحلف؟!! حرمتي تبا تسلم على أمها الثانية أحلف؟! سيري زين عني
نورة: بليز مبارك عطني أياها من زمان ما شفناها

وعطاها مبارك التلفون على ماينادي أمه عشان أكلمها

نورة: ألو السلام عليج لولوة
أنا: هلا والله نواري وعليكم السلام شخبارج حبيبتي؟
نورة: الحمدالله أنا بخير أنتي شخبارج وشعلومج؟؟
أنا: والله أنا الحمدالله طيبة وعلومي تسركم ماتضركم
نورة: يلااا عاد متى نشوفج والله صدج صدج وحشتينا
أنا: ما يوحشج غالي حبيبتي أنا قلت حق مبارك من جمن يوم إن جان بينزل هالمرة إييبكم وياه
نورة: أشعنه أنتي ماتنزلين عدنا ولا ماتنزلين لأن مو من مستواج؟؟
أنا: أفا عليج يانواره شالكلام بس والله تعرفين دوام الجامعة وأمورها غير الإمتحانات وركضه تعب ما أقدر أركز وصايره نسايه درجة أولى مب قادرة ألحق على شي
نورة: الله يكون في عونج حبيبتي أقولج هاذوه مبارك يباج
أنا: أوكي حبيبتي
نورة: أندوك حرمتك مابطير حشى ذبحنا وهو يقرص
أنا:هههههههههههههه ههههههههههه يالمجرم كنت تقرصها هااا؟؟
مبارك:هههههههههه إلا نوار عادي عادي فديتج ضد الصدمات تتحسبينها شراتج؟!!!
أنا: لا والله؟ المهم أنا مابيك أبي خالوه
مبارك: خيــــــــــبه تخيب العدو أشكره تعقها في الويه أنا ماباك أبا خالوه
أنا: إيه أقول الصج أنا آبي خالوا آبي اسلم عليها
مبارك: ههههههههه أنزين أول قولي شو قلتي عني أثناء غيابي مع نوروة
أنا: ماشي بس كانت تقول تبي تشوفني قلت لها أن من جمن يوم قلت لك تنزلهم وياك البحرين
مبارك: أففففففف ياا لولوة أحين هاذي أن عرفت إني مشيت وماخبرتها بتحن على أمي في البيت وبتسوي لهم دوووشه و شو يسكتها عاااده بعدين غير أنك تطلعها وتفضي جيبك عليها
أنا:والله مادري فديتك بس مو حلوة إني ما أعزمها بعدين أنا ماقلت لها أنك نازل البحرين
مبارك: أحسن بعد ها هاذه أمايه وصلت أندوج كلميها
أم مبارك:ألو
أنا: هلا خالوه
أم مبارك: هلا بنتيه
أنا: السلام عليكم شلونج خالوه؟
أم مبارك: الحمدالله بخير، أنتي شحالج أميه وشحال هلج ربج إلا بخير؟
أنا: بخير خالوه يسلمون عليج واايد واااايد دوم يسألون عنج وأنا إللي مقصره سامحيني والله
أم مبارك: لا فديتج مسموحة يا بنتي دومه أتخبر مبارك عنج ويطمني ويقولي أنج مشغولة بالدراسة وها الأمور وإنشالله ربي يوفقج و يسهل أمورج ياربي
مبارك: أميه أنا ولدج أنا هنيه بعدني ماقمت عسب تدعين لها وأنا لا
أم مبارك: أستح ع ويهك هاي حرمتك بكرة بتكون أم عيالك
أنا: لا خالو فديتج عادي هو يغار عادي حتى أنا يوم أتفداج ولا غيرج يغار شاسوي
أم مبارك: خس الله عدوينك، تغار مني يوم حرمتك تتفداني شو من مذهب عندك أنا أمك تغار مني بعد خوز عني خوز
أنا:هههههههههه هههههههههههههه ههههههههههههههه خالو هدي شفيج عادي ترا يتغشمر
أم مبارك: شو يتغشمر بعد، برووك أن ما أصطلبت وغديت ريال لا أحرم عليك سيرت البحرين وأخليك هني عندي محترق على شوفة البنت
أنا: خالو و الله مايسوى عادي والله على غشمرة
أم مبارك: لا أميه لاتعودينه جيه نحن هله باجر بيحط لج العداوة ليش أنج تتفدينا؟!!
أنا : إنشالله خالوه مايصير خاطرج إلا طيب
أم مبارك: وهاذوني أوصيج يا بنتيه أن زعلج ولا ضايقج أنا مويودة حبيبتي لا يردج إلا لسانج وإن جان ما حصلتيني مويودة عندج نواري ولا حتى عمج بو مبارك أنتي بس عطيني خبر وأنا باشوف شغلي معاه
أنا: إنشالله خالوه مايصير خاطرج إلا طيب
أم مبارك: بارك الله فيج يابنتي أندوج مبارك يباج
أنا: إنشالله خالتي
مبارك: ألوووو
أنا: هلا
مبارك: يعني عايبنج الكلام هااا!؟؟
أنا: والله محد قالك أنته إللي يبته حق روحك وتحمل تزعلني و لا تضايقني ترا ها عطوني القرين ليت (Green light) ههههههههههههه هههههههههههههه ههههههههههههه
مبارك: أقول جب زين خربتي مزاجي توه كان حلو أستوا زفت
أنا: حبيبي مبارك أحين يعني أنت بتاخذ بخاطرك من هالكلام إللي أنقال ؟؟
مبارك: لا تتحسبين أحينه أميه بتسكت ؟؟ العايلة كلها بتدري إني أغار منهم وبتقفطني جدام الصغير و الكبير حرام أنه ما بتخليني
أنا: أنزين أنت أحين عطني خالوه قبل لا أنسى
مبارك: شو بعد؟ شو في؟؟
أنا: مبااارك!! شفيك آبي أكلمها موضوع خاص
مبارك: يعني أنا ريلج شقايل خاص بعد؟؟ حتى لو هو نسائي قولي أنا ريلج وأنتي حرمتيه
أنا: أووهو عاد يا مبارك ها الشي ما يخصني به هاذي سالفه بين خالوه وأمي أرتحت أحين ممكن أكلمها؟؟
مبارك: هيــــــــــه إنزين لحظة

راح صوب خالتي عفرا

مبارك: أميه لولوة تباج
أم مبارك: شو فيها؟ شو قلت لها؟ والله يا مبارك إن جانك مزعلنها بالخاشوقة على خدك
مبارك: خيـــــــــــــبه أحينه أنا أنضرب عسبة لولوووه!!؟
أم مبارك: أسمها الشيخة لولوة شو مو عايبنك أسمها؟
مبارك: لا عايبني أندوج أندوج التلفون
أم مبارك: ألو
أنا: هلا خالو
أم مبارك: هلا بنتيه آمري
أنا: خالو طلبتج طلبة دخيلج لاترديني قولي تم
أم مبارك: تم يا بنتي
أنا: خالو خفي على مبارك لا تهاوشينه ولا تعصبين وتصارخين عليه والله أنه مب مقصر معاي في شي بس كان يتغشمر فديتج خالو لا ترديني جانج تحبيني
أم مبارك: بس ها إللي تبينه حاظر من عيوني هيه هو جدامي ألحينه بظربه لج
أنا: هههههههههههههههههههه خالو حرام تخرعينه

مبارك بقق عيونه خطر لا يطلعون برع من مكانهم على باله مسوي شي وأنا فتنت عليه عند خالو عفرا (أم مبارك)

أم مبارك:لا يابنتي أنا هني مويودة لا تطمني تطمني أمره لا تحاتين شي فالج طيب
أنا: فالج مايخيب فديتج
أم مبارك: تفداج العافية غناتي سلمي على أمج و أهلج
أنا: إنشالله يوصل، سلمي على البنات بعد
أم مبارك: سلامن يبلغ إنشالله
أنا: مع السلامة خالوا
أم مبارك: مع السلامة غناتي

وصكت خالوا عفرا التلفون

مبارك:ليش الضرب بعد؟؟
أم مبارك: ههههههههههههه ههههههههههههههه فديتك بس جي يعني أحينه معقولة أطق ولدي ريال ومعرس وباجر بإذن الله عياله وراه؟!؟
مبارك: مادري عنج وعن هالخبله لولوه تبا تستحمي فيج لكن أنا أرويها
أم مبارك: ههههههههههه تحمل فيها و الله أنها بنت أصول ومرباية والله لو تلف هالدنيا كلها ماتلقى من يساويها
مبارك: هيه والله يا أميه صدقتي بس هانت إنشالله قريب وتيي عدنا
أم مبارك: الله كريم إنشالله سير أحينه أنت غير ثيابك على ما نحط الغدا
مبارك: إنشالله أميه الله يخليج لنا ويطول بعمرج<<وباس راسها

راح مبارك فوق على مايبدل ويغسل ونزل

نورة: لا تو الناس ليش بعد سير أبوي سير خلص شغلك وسوالفك
مبارك: بلاج أنتي؟؟
نورة: ماتشوف الساعة كم ألحينه وأنا من أول مادخلت قلت لك أنا ميته من اليوع يا أخي حس فيه والله لو أحين أنت اليوعان شوف شقايل نراكض عسب بس تسد يوعك لكن لأني أنا اليوعانة فمحد مسوي لي سالفة الله يسامحك وبعدين لولوة خبرتني أنها قالت لك أنك تاخذني معاك البحرين
مبارك: والله يا أخت نورة أولاً لو تبين جان غرفتي حق روحج الأكل محد بيمسكج ثانياً محد مسوي لج سالفة لأنج على طوول حشرة وأخيراًَ وليس آخراً حرمتي قالت يبيهم كلهم وماخصتج أنتي بالذات يعني لو أمايه بتيي باخذج معايه مابتيي فأنتي تستريحين مكانج معاها في البيت أنا ماحب أمايتي تقعد روحها على الأقل حد يونسها في البيت
نورة: أمي دخيلج قولي أنج تبين تنزلين البحرين بليز أمي
أم مبارك: لا والله مافيه على الدرب هالمرة ماباسير المرة اليايه إنشالله وبعدين أنا عندي شغل ماروم أترك شغلي خليها حق المرة يايه إنشالله
نورة: أمييييييي والله ملل ماعندي شغل أنتي تسيرين عند الجيران وأنا ماحب أسير والله ملل مبارك الله يخليك خذني معاك
مبارك: آسف جداً يا أختي العزيزة أريد أن أذهب لوحدي لأن زوجتي أهلها مسافرين فمابا حد يشاركني فيها مره ثانية إنشالله مثل ما قالت الوالدة
نورة: أففففففف
أم مبارك: بس خلاص عيب أخوج قالج شي بس قولي إنشالله وسكتي لازم هالمنازع معاه أنتي ماشي شغل عندج؟؟ سيري ذاكري أحسن لج
نورة: والله أنا أذاكر الحمدالله
مبارك: خلاص نواره حبيبتي باطلعج اليوم خلاص شو رايج؟!!
نورة: أحلف قول والله؟
مبارك: كلمة ثانية وأخليج في البيت
نورة: لالا فديتك من أحين بسير أتجهز
مبارك: خيـــــــبه لشو من أحين؟؟ وين بتسيرين أنتي؟ ترا بتحوطين في البلاد ما بتسافرين!!
نورة: لالا عسب لين بنطلع ما أتأخر عليك
مبارك:هيه أحسن بعد

على الساعة ثلاث إلا ربع مبارك خذ أخته وطلعها معاه وداها وافي سنتر وتشرت شوية أغراض ووداها بعد كارفور تبا تتشرى حق البيت ورجعوا البيت بسرعة عشان مبارك بيمشي في طريجه حق البحرين

أنا كنت أجهز روحي وأرتب غرفتي وأحاول أقنع أمي جانها تقدر تقنع أبوي أن أروح وياهم كويت بس مافي أمل

أمي: خلاص إللي تبينه أنا باخذه لج بس خلاص لاتحنين أزيد عشان أبوج مايكنسل روحتنا
أنا: إنزين بس خلاص

اليوم الثاني "الخميس"
مبارك وصل تقريباً على الساعة 11 وراح فندق يبات ليلتها على أساس الخميس الصبح بيي عندي.

الصبح الساعة 9 قعدت من الرقاد بسرعة بسرعة تسبحت ولبست ثيابي عشان ألحق أسلم على أمي وأقعد معاها ومع خلودي رحت شفتهم يتريقون مع بعض قعدت شوي أسولف معاها قالت لي سوي تلفون حق أبوج شوفيه شنو يبي غدا قلت لها أنزين
أتصلت في أبوي
طوووووط طووط طووووووط طووووووط

أبوي:ألوو
أنا: قوة بابا
أبوي:هلا
أنا: بابا تقولك ماما شتبي غدا؟
أبوي: أي شي شدراني عنكم
أنا: أوكي
أبوي: يلا
أنا: بابا أقولك معلي تطرش لي مهان إذا ماعنده شغل؟ _(مهان: أسم السايق).
أبوي:شله بعد؟
أنا:آبي أروح المستشفى
أبوي: أمس رايحه
أنا: لا بابا ذاك غير، أنزين شوفه لي إذا ماعنده شغل خل إيني
أبوي: باشوفه وباطرشه لج
أنا: أوكي يلا مع السلامة
أبوي: مع السلامة

إلا عبدالله دخل علي

أنا: هلا عبود
عبدالله: أقولج يودي خالد شوي أنا آبي أطلع وأمج طلعت راحت الجمعية تبي تاخذ أغراض وهو مب راضي يهدني
أنا: عبدالله أنا بروحه بالبس دفتي
عبدالله: ليش أنتي وين بتروحين؟؟؟
أنا: أحين بيني مهان وباروح المستشفى
عبدالله: أنزين أنتي يوديه على ماييج مهان
أنا: أنزين وينه الحين؟؟
خالد:عبود بايي وياك
عبدالله: أكو لولوة تبيك تعطيك علووج
أنا: يالسبال لاتجذب على الياهل
عبدالله: عطيه خلصينا
أنا: هههههه أنزين خله يدش عاااد

شلت خالد وبطلت شنطتي وعطيته علوج وقعد يتعبث في درج الكوميدينو ويطلع الأوراق ويحووس لين ماطفرني شهقت

أنا:خالد شسويت أففففففيه قوم قوم الله ياخذ أبليسك إنشالله

مبطل عيونه ويكمل في العفسه إللي سواها وطقو الجرس

خالد: أنا ماسويت شي
أنا: ههههه أنزين،كوماري من ياي؟
كوماري:مهان
أنا: أنزين قولي له أنا أحين بيجي
كوماري: زين<< هزت راسها
أنا: يالله خالد تعال نروح تحت
خالد: تحت!!
أنا: إيه يلا، أفف صبر خلني أدخل هالقثره إللي سويتها قبل

وبسرعة دخلتهم في الدرج وطلعت من الغرفة وتوني باوصي كوماري تحط بالها على خالد إلا أمي وصلت

أمي: ها وين بتروحين؟
انا: باروح المستشفى
أمي: خذتي موعد؟
أنا: لا بس باحصل
أمي: أحين زحمة وبعدين شوفي الساعة جم ألحين عشر إلا تلاقين الدكاترة أحين يتريقون
أنا: معلي أحين أنا باروح
أمي: أنتي روحي وخلي مهان يروح يكمل شغله لين خلصتي سوي له تلفون
أنا: إنزين يمه يالله مع السلامة إيه يمه يقولج عبود قبل ما تمشين سوي له تلفون حتى أنا بعد أتصلي فيني عشان أسلم عليج
أمي: أنزين روحي لا تأخرين الريال
أنا: يلا مع السلامة
أمي: مع السلامة

وخالد يصيح يبي إيي وياي وأنا رحت عنه، ومشينا في طريج المستشفى دخلت المستشفى وقلت حق مهان ينتظر شوي برع في الباركنج (Parking) دخلت سألت الرسبشن (reception) إن جان في موعد جريب

الموظفة:في الساعة 10 وربع تبين؟؟
أنا: إي أوكي

كانت توه الساعة عشر وخمس يعني ما باتأخر وايد طلعت حق مهان وقلت له أنه يروح وإذا خلصت باسوي له تلفون. قعدت شوي إلا نادوني دخلت على الدكتورة وقلت لها شنو فيني وبعد الكشف كتبت لي أدويه وغيره وطلعت من عندها ورحت صرفت الأدوية وأتصلت في السايق ماخذ له عشر دقايق إلا وهو يايني فقير وأنا في السيارة مبارك متصل

أنا: ألو
مبارك: صباح الخير حبيبي
أنا: صباح النور هلا أبوي شخبارك؟
مبارك: بخير فديتج، وين أنتي؟
أنا: قريب البيت
مبارك: أوكي مسافة الطريج وأكون عندج وبانطلع ويا بعض
أنا: مو مشكلة خلني بس أقول حق أمي
مبارك: يعني لايكون أنا باخذج من دون ماسلم عليها مثلاً؟!!
أنا: لا بس
مبارك: لابس ولا شياته يلا روحي تجهزي على ما أوصل عندج
أنا: أوكي أبوي يلا مع السلامة
مبارك: مع السلامة

دخلت البيت أشوه ليقت أمي ليحين ماراحت

أنا: يمه متى بتمشون؟
أمي: شدراني عن أختج تقول الساعة عشر تلاقينهم الساعة 12 بيمشون
أنا: أنزين يمه أحين بيي مبارك
أمي: حياه الله متى وصل
أنا: أمس على الساعة 11 إلا تقريباً
أمي: الحمدالله على سلامته
أنا: الله يسلمج أنا باخليج الحين باروح أعدل روحي
أمي: أنزين خفي يدج مب تنقعين الريال
أنا: أنزيــــــن والله
خالد: لولو
أنا: ها حبيبي يا عيون لولو أنت
خالد: آبي ماي
أنا: إنشالله من عيوني الثنتين


الثنتين بس ماي تعال فديتك

وشاليته وصبيت له ماي وشربته وعضضته شوي على خفيف وهو يضحك بيوحشني هالنتفه ياااربي ما أطيق فراقه، شلت بعمري ورحت الحجرة دخلت أول شي نزلت دموعي لأن ماما بتسافر وخلودي معاها آاااااه فديتهم بيوحشوني ومشيت ويهي وحطيت لي كحل وجلوس ولبست دفتي مره ثانية وكان مبارك موجود تحت يسلم على أمي

مبارك: هلا والله
أنا: هلا فيك <<أشوف أمي تحط الشنط والأغراض يم الباب بدت العين تبرق من الدموع
مبارك: عيل عمتي نحن نخليج
أمي: وين بتروحون؟
أنا: باروح الجامعة آييب رقمي السري<<والعبرة خانقتني
أمي: أنزين تحملوا بروحكم
أنا: إنشالله يله يمه مع السلامة
أمي: مع السلامة
مبارك: مع السلامة عمتي
أنا: يمه لا تنسين تتصلين فيني
أمي: أنزين

طلعت أنا ومبارك وركبنا السيارة طبعاً مبارك واايد أشيا في باله يبي يسألني وأبتدا

مبارك: هلا بحبيبي والله توه مانورت السيارة، فديتج وحشتيني
أنا: منور بوجود أهله ومايوحشك غالي
مبارك: بلاج حبيبتي زعلانة؟
أنا: لا ولاشي
مبارك: أنزين وين كنتي مساعة؟
أنا: رايحه المستشفى

صد صوبي مرة وحده

مبارك: ليش شو فيج؟؟
أنا: لا ماشي بس معدتي تعورني من أمس ورحت
مبارك: أنزين شو قالوا لج؟
أنا: كل عاده عطوني حبوب وقالت لي أبتعد عن الأحماض و الفلفل وعطتني حق أسوي أشعة ملونه
مبارك: ومتى بتسوين هالأشعه؟؟
أنا: بوووه يالله خير إذا الله أحيانا شهر 2 إلا إذا زاد علي بيحولوني السلمانية في الحال بيسونها لي
مبارك: فديتج ماتشوفين شر أنا أقووول لولي بلاها جي سكاته مو من العادة يعني
أنا: لا بس

وسكت وهو يطلعني بطرف عينه وأنا مالي خلق أتكلم، فصد صوبي مرة ثانية

مبارك:لولو شو فيج معدتج وايد تعورج ؟؟ تبين باوديج أحين خاص ؟؟
أنا:لا مافيني شي<< ماتحملت أكثر وبدت دموعي تطيح
مبارك: لولوة الله يرضى عليج لاتصيحين إذا وايد تعورج باخذج للمستشفى و لا تصيحين والله ولا أشوفج تصيحين
أنا: ماتعورني مبارك
مبارك: شوفيج عيل ليش تصيحين؟؟
أنا: ماما بتسافر بتوحشني هي وخلود<< وأنا أمسح دموعي
مبارك:ههههههههههههههه هههههههههههههههههههه الله يقطع أبليسج أحين ها إللي مصيحنج تحسبت أحين مايحتاي معدتج بتقطع من الألم أثاريج تصيحين على أمج!!! هههههههههههههههههههه
أنا: بسم الله علي من الويع وبعدين مايضحك وأنا كيفي باصيح على كيفي أنزين، سخيف واحد
مبارك: ههههههههههههههههه خلاص خلاص أبوي أعصابج أنزين أحين وين تبين تسيرين أول شي
أنا: يعني وين؟! أكيد جامعة الصخير
مبارك: إنشالله من عيوني

أبتسمت له وكملنا الدرب وهو حاط CD منوعات إمارتيه الصراحة مب حلو ماعجبتني إلا أغنية الجسمي "شلني" عجيبة وايد أحبها.
وصلنا ونزلنا على طول رحنا التسجيل وخذت الرقم عقب ماطلعنا وركبت السيارة تحجيت

أنا:تدري عاد لو أدري أن هاذي الرقم أهوه الرقم السري إللي يقولون عنه إن جان ماييت وخذيته!
مبارك: ليش عاد؟
أنا: لأن already أنا عندي إياه
مبارك: معلي أنزين خليه
أنا: مو مشكله يلا بس خل نرجع
مبارك: وين تبين أنتي؟؟ لايكون حاطه بالج أنج ترجعين البيت؟؟
أنا: ليش إنشالله أنت وين ناوي تروح؟؟؟
مبارك: قصدج نروح، أنا روحي ماروح مكان أروح وياج أنتي فديتج
أنا: والله مالي خاطر في مكان آبي آروح البيت بس
مبارك: مايخصني أنا بطلعج
أنا:أنزين روح مكان ماتبي
مبارك: لولوه عاد ضحكي عنبوا بلاج جي مكشره؟!!!!
أنا: مافيني شي <<وابتسمت
مبارك: هيه جي أباج مومساعة مادة البوز شبرين
أنا: ههههههههه

خذاني مجمع الدانة

مبارك: يلا وين تبين تتغدين؟؟
أنا: مادري أففف مافي جسميز
مبارك: لولوة!!! أحين هالمطاعم كلها تبين جسميز شو أقولج عاده
أنا: والله خاطري في جسميز
مبارك: أنزين عندج الأبراج،أصفهاني، مكدونالدز،كودو،يم يم تري، ها أكو عندج هارديز
أنا: افف مابي
مبارك: شو تبين عيل باستا؟؟ أنا بطلب لي باستا
أنا: لا مابي
مبارك:ها عيل شوتبين؟<< بأسلوب يقلدني فيه
أنا: مادري
مبارك: أنزين طلبي لج من كودو ، كودو لانج (Kodo lunch)
أنا: لا مابيه مرة خذت وطلعت لي حشرة في الخس لوعت جبدي
مبارك: لاحول الله ولاقوة والحل الحين يعني مابتاكلين ولاشووو؟؟
أنا: مادري بس خلاص باطلب لي من هارديز
مبارك: وأخيرا يلا سيري أنا عند ها المطعم إللي يبمج باطلب لي باستا
أنا: انزين

طلبت لي شكن فليه مع كيريلي فرايز وشيدر جيز وهو طلب له باستا بالدجاج والسجق وشوية خضرا فيها بالسوس الأبيض

مبارك: شو خلصتي؟
أنا: لحظة، يلا
مبارك: وين تبين تقعدين؟
أنا: هني في النص أحسن المكان خالي
مبارك: هيه والله مكان عجيب


قعدنا

مبارك: أندوج ها خاشوقة وشوكه قلت يمكن يدش خاطرج في الباستا معاي تاكلين
أنا: لا أكا عندي وجبتي وإذا كملتها زين
مبارك: لا بتكملينها مو بكيفج يلا أشوف أكلي
أنا: هههههه جيف ياهل
مبارك: فديت الياهل أنا

كلينا وجبتنا وأنا فعلاً خلصت وجبتي الحمدالله بعدها رحنا نتمشى ودخلنا محل وجوه نشوف العطورات خلصنا بسرعة أنا ماخذت شي لأن هو كان يايب لي من أسبوعين تقريباً طقم عطر فما حبيت أخذ شي مع أنه قالي بس أنا مابي، طلعنا وداني حق السينما بدون ما ياخذ رايي حجز التذاكر ودخلنا على طوول

أنا: أحين أنت أي فلم مختار يمكن مب حلو
مبارك: لاتخافين دامج معاي بدخلين فلم حلو
أنا: شوف والله أن طلع الفلم المصري سخيف لا أطلع عنك وأخليك بروحك عاد أنت أقعد شوفه بروحك
مبارك: أفااا تسوينها وأنا مبارك
أنا: إيه أسويها وأنا لولوة
مبارك: أحين أنتي قعدي وبتشوفين الفلم
أنا: يلا أقعد وبنشوف

وأبتدا الفلم كان فلم أكشن، كلمة روعة شوي عليه والله طول الفلم على أعصابي وأطق بريلي آبي أعرف شبيصير وشصار في الشخصيات وهو يطالعني ويضحك علي ليش إني على أعصابي وميود يدي ويرص عليها عشان أخف من التوتر إللي أنا فيه وخلص الفلم وأنا روحي خلصت من كثر ما كانت أعصابي مشدودة بس فتحوا الليتات خذت نفس عميق وتندهت

مبارك: ههههههه بلاج داخله سباق الماراثوون
أنا: تتطنز شوف دقات قلبي

فعلاً كانت دقات قلبي سريعة بطريقة فظيعة

مبارك: خيبة فلم يسوي بج جي
أنا: هههههه شفت عاد بس والله صج حلو عجبني
مبارك: أدري لأن أنا إللي مختارنه
أنا: أدري أنك أنت مختاره بس أنا إللي محليه القعده
مبارك:ههههههههههههه والله مب هينه
أنا: عشان تعرف أنا لولوة والأجر على الله
مبارك: يلا عيل خلينا نمشي
أنا: يلا

ومشينا يوم ركبت السيارة تحجيت بس كنت مستحية منه عقب هالطلعة

أنا: مبارك ممكن طلب إذا ماعليك أمر؟؟!
مبارك: قولي أبوي
أنا: آبي آروح مجمع التأمينات إللي شريت منه تلفوني
مبارك: ليش؟
أنا: الجارج مال التلفون مايجرج لي أياه أضطر آخذ جارج تلفون أبوي عشان آجرجه وبعدين لين أتكلم مع أحد يزن يعور أذوني لا أنا أسمع واضح ولا هم يسمعوني حتى إذا أستخدمت الهدفون ماينسمع الصوت كأني بعيده عنه
مبارك: هيه هيه خلاص توكلنا على الله

أبتسمت ورحنا هناك كان المحل مغلق بس أنا قلت له بما أن المحل مغلق خلنا نصلي عيل، وركبنا فوق رحنا المصلى وصلينا خلصنا الصلاة نزلنا تحت الحمدالله فتحت المحلات دخلنا المحل كان زحمة على الكونتر نطرت لين ماخفت الزحمة ووقفت ووقف هو يمي
والهندي إللي يشتغل في المحل ياني
الهندي: yes mam how can I help you?
أنا:hi, I call you before yesterday about my charge it’s not charging my phon
الهندي: yah yah can I have it please
أنا: yes sure here you are

خذ من عندي وجيكه وطلع الخلل في الجهاز الجارج نفسه وعطاني غيره

الهندي: I change it for you there you are
أنا:thank you also when I’m talking in the phone there is buzz
I cant hear who is talking well also who talk to me they can’t hear me cause this sound even if I use the headphone they said to me they can’t hear my voice it’s look like very far either if I put the receptor near to my mouth
الهندي: mmm you must check with the agency of your phone maybe there is defect in the hardware
أنا:Ok, thank you
الهندي: you welcome
أنا: يلا مبارك عشان نروح حق الوكالة
مبارك: فديتج تيننين وانتي تكلمين ماشالله عليج أنجليزيتج حلوة
أنا: أدري لأني أنا حلوة هههههههه
مبارك: أقول سكتي الله يخليج ماحد يمدحج
أنا: ههههههه أمبله أنت تمدحني
مبارك: أقول المحل جان تبين تسيرين له
أنا: يلا ندخل

دخلنا المحل شفت مره قاعده على الكونتر على بالي باكستانية شكلها أبد ما يوحي أنها بحرينية نطرت تخلص من الريال خلصت توني باتحجا إلا يا واحد وقالها السلام ردت عليه أنا صراحة تفاجأت ما توقعت كلش أنها بترد عليه المهم يا دوري

أنا: السلام عليكم
الموظفة: وعليكم السلام آمري أختي، شلون أقدر أساعدج؟؟
أنا: أختي بس التلفون عندي لما أتكلم يصير فيه صوت زنه ماقدر أسمع إللي يتكلم ولا هم يقدرون يسمعون صوتي واضح حتى لو أستخدمت الهدفون يصير صوتي كأنه بعيــد ولو جربته مني بعد يبقى بعيد الصوت
الموظفة: أنزين بس تخلينه نشوفه
أنا: ومتى يجهز؟
الموظفة: يوم الأحد يكون جاهز
أنا: بووه يوم الأحد وأتم بدون تلفون
الموظفة: بعد شنسوي أختي هاذي إللي نقدر أنسويه
أنا: أنزين ماتعطون الزباين تلفون يدبرون حالهم فيه على ما يجهز التلفون<<هههههه مادري أنا في وين عايشه....
الموظفة: لا والله

الريال إللي تكلم معاها قبلي وعرفت منه أنه بحرينية قال لها: "أنزين بس بايبه لكم يوم الأحد الصبح بس متى يجهز؟"
ردت عليه:"العصر يكون خالص"
ألتفت علي مبارك: أقولج من بدال تبهدلين عمرج وتمين بدون تلفون ييبه لهم يوم الأحد الصبح وخذيه العصر
أنا: وإنشالله من بيوديني؟؟ أنت ؟
مبارك: لا فديتج أنا إلا يوم السبت الصبح بامشي خلي رباعتج أو حد من أهلج يوديج
أنا: أففففف خلاص يلا خل نمشي، مشكورة أختي
الموظفة: العفو

طلعنا من المجمع وفي طلعتنا شرينا لنا آيسكريم إللي كأنه خرز وفي السيارة وهو يمشي

أنا:تدري مبارك شفي خاطري؟!
مبارك: قولي شوفي خاطرج حبيبتي وأنا حاظر
أنا: في خاطري آشتري جذي آيسكريم وأكته وأشوفه شلون يطيح على الأرض
مبارك:ههههههه خلاص آرويج ألحين

توه بيفتح الدريشه يكته برا في الشارع صرخت أنا عليه

أنا: لالااااااااااا هههههههه هههههههههه ههههههههههه
مبارك: ليش مو أنتي خاطرج تشوفينه؟!!
أنا: لا أنا أقصد أشوفه وهو يتنثر على الأرض يعني مثلاً أحنا قاعدين على الطاولة ويطيح مني على الطاولة عقب يطيح على الأرض، الله عجيــــــــب هههههههههههه هههههههههه ههههههههههههههه
مبارك: هههههههههه خلاص مره ثانية باشتري واحد عسب أطيحه من على الطاولة وأستانسي
أنا:ههههههههههههههه أنزين ههههههههه
مبارك: حبيبتي والله تيننين وأنتي تضحكين أحبج

ووصلنا البيت على طوول ركبنا فوق لأن محد كان تحت غير الخدم دخلت الحجرة طبعاً كانت معدلة بس مب أنا معدلتها الخدامة معدلتها، وصيتها قبل لا أطلع لأني كنت مستعيلة، على طول فصخت عباتي ودخلت الله يعزكم الحمام توضيت عقب صليت وهو بعد دخل عقبي توضا وصلى وأنا فاضية دخلت المسن من تلفوني إلا عووش قاعدة

أنا: فديـــــــــتها حبيبتي
مبارك: من؟؟<<رافع لي حاجب
أنا: عووش حبيبتي من زمان ماشفتها
مبارك: أهااا

وحط حنجه على جتفي وقعد يطالع شنكتب حق بعض أول شي أهيه بدت في الكلام

عايشه: هلا والله هلا وغلا
أنا: هلا فيج يا عمري وحياتي

وهو زاد قوته في الضغط على جتفي وأنا ساكته بس غمضت عيوني وخذيت نفس لأنه ألمني

عايشه: أووه وينه مبارك عنج؟؟
أنا: يمي حاطين حنجهم على جتفي قظوا لي أياه

أبيه يحس أنه عورني وهو أبد كل إللي سواه عطاني نظرة بنص عين جنه يقولي كيفي مب عاجبج

أنا: شوفي شلوون يطالع كله عشان الترحيب هههههههههه
مبارك: أنتي ماتستحين؟؟!
أنا: ليش؟
مبارك: أنا ماترحبين بي جي ولا بعد حتى مو مسويتن لي سالفة ولا كأني أقرا معاج ولاااشي!!!
أنا: عادي محد قالك أقرا معانا هههههههههههه

ماكثر خبر عظني في زندي وحليلي صرخت من الألم وهو يضحك

أنا: عووش عظني يعور يعور
عايشه: أفا لولوة يعظونها خبري بها تعض ما تنعض هههههههههههههههه
أنا: سخيفة أنزين ماتنكتين والله يعور باقول حق ماما
عايشه: في وين عضج؟؟
أنا: في زندي
عايشه: ليش أنتي عندج زنود عشان يعضج ؟؟!!!!
أنا: جب أنتي الثانية صج أنج ماتستحين

من قهري حذفت عليه المخده إللي وراي وقمت من يمه، وهو يضحك علي ليش إني عصبت عرف أن عووش قالت لي شي نرفزني زيادة وضحك من خاطره

أنا: والله يقهر أطقه يضحك
عايشه: حرام وحليله حتى من الضحك مانعته منه
أنا: ما منعته بس والله سخيف
عايشه:هههههههههههههه ههههههههههههههههههه هههههههههههههههههههههه ههههههههههههه
أنا: والله يقهر شوووفيييييه يضحك علي ليش أني أتأوه وأمسح علي يدي روحي بروحي
عايشه: ههههههههههههههه هههههههههههههههههههههههه هههههههههههههههه ههههههههههههههههههههه
أنا: أففف الليله بيرقد عندي الله يستر
عايشه: ليش شصاير من قبل؟؟
أنا: لا ولاشوي
عايشه: أكيد
أنا: إي أكيد لاتخافين أدري على بالج رقدته على الأرض لا عيوني رقد معاي على السرير
عايشه: أشوه طمنتيني عبالي بعد قلتي له يرقد على الأرض
أنا: لا عاد شدعوه نستحمل
عايشه: غصبن عليج
أنا: إي والله شنسوي الله كريم
عايشه: أنزين ليش قلتي الله يستر من الليله لأنه بيرقد عندج يعني؟!!!!
أنا: إيه
عايشه: شرايج تسوين فيه مقلب؟!؟
أنا: إي والله يبيله مادري أخليه يرقد بروحه وأرقد عند أبوي
عايشه: ههههههههههههههه هههههههههههههههههه لا خلي أخوج عبود يرقد عنده
أنا: إي إي فكرة حلوة وأنا من بدال ما روح عند أبوي أرقد عند برهوم ولطوف في الحجرة الثانية هههههههههههه
عايشه: ههههههههههههههههههه هههههههههههههههههههههه هههههههههههههههههه عجيبه الفكرة يبيله تسوينها
أنا:هههههههههههههههه ههههههههههههههههههههه
عايشه: تعالي أحين أنتي خالص بتتنقبين؟؟
أنا: شكله جذي بس والله تعودت عليه
عايشه: يبيلج أنتي برقع أم خماس
أنا: والله طلبته وإنشالله بيوصل في الطريج
عايشه: حلفي قلتي حق مبارك إييب لج؟؟
أنا: إيه شفيها يعني؟؟
عايشه:وبيخليج تلبسين البرقع مثل العيايز
أنا: لا
عايشه: عند العيايز كل شي جايز هههههه
أنا: حق كشخة العيد بالبسها يوم أتكحل وأكون متحنيه ولابسة ذيج الجلابية على قولتهم المخورة والوقاية الغاوية....
عايشه: عشتوا شعندها
أنا: وايه فديتني
عايشه: تتكحل ومخورة
أنا: برب

كنت حاطة التلفون في مخباي ونازلة تحت أشوف الخدم شيسوون

عايشه: وين؟
عايشه: مبارك يبيج؟
عايشه: ألووو

عقب ماقريت شكتبت لي

أنا: جب
أنا: باك
عايشه: ولكم
عايشه: وين رحتي؟
أنا: رحت أحط لي بوب كورن وأصب لي شاي حمر
عايشه: ومبارك؟؟
أنا: طنشته عشان مره ثانية ما يعض عباله مايعور
أنا: عووش شوفي شلون يخزني ليش إني حاطة لي وماحطيت له هو صج مايسوى عليه بس والله تعور لو ماتعور عادي
عايشه:ههههههههههههه ههههههههههههههههههههههههههههههههههههههههه ههههههههههههه
عايشه: تستاهلين
أنا: جب انزين
عايشه: عشان مره ثانيه ماتحرينه
أنا: أقول سكتي سكتي سبالة وحده
عايشه:هههههههههههههههههههههههههههه ههههههههههههههههههههه
عايشه: يحبج أنزين
أنا: أدري
عايشه: والله أنج سباله
أنا: غصبن عنكم
عايشه:هههههههههههههههههه هههههههههههههههههه ههههههههه زين أنج عرفتي
أنا: أنزين دقايق بس
عايشه: غصبن عنا أنج سباله
عايشه: ماعليه
أنا: بارجع صبري
عايشه: إلا أقول مبارك عادي عنده مايغار
أنا: ليش؟
عايشه:إني أسبج أقولج سبال وهو ساكت؟!!!
عايشه: ماصدق أنه ساكت عيل وين الحب؟!!
أنا: والله سبال في عينج وغزال في عين غيرج وبعدين أنا مابطلت حلجي جان راواج شغل الله


عايشه: سكتي بس السبال في عين أمه "بس" غزال
أنا: أنزين أقولج باروح شوي وبارجع والله أن طلعتي ياويلج
أنا: مو نزعل فلان عشانج وفي النهاية طنشيني وتطلعين هذاني قلت لج
عايشه:ههههههههههههههههههههه
عايشه: أنزين وين بتروحين؟؟
أنا:باقووم أصلي الصلاة على النبي
أنا: برب
عايشه: لا صج صج وين بتروحين؟؟
أنا: أشفيج ماتفهمين بارووح أصلي أسوي الله وأكبر مفهوم أحين؟!؟
عايشه: أنزين فهمت يلا روحي
عايشه: تيت

رحت أصلي وخليت المسن مفتوح سلمت وخلصت فقاعده شوي على السجادة أقرا الأدعية إللي عقب الصلاة إلا مبارك ياي وهو مبتسم أنا ضحكت عليه وهزيت راسي يمين ويسار وأقول في خاطري الحمدالله والشكر وكملت الأدعية وهو قعد لاصق فيني وحط راسه على جتفي على ما أخلص و يوم خلصت آبي آقوم

أنا:ممكن تقوم عني آبي أطوي البشار والسياده
مبارك:أفا عليج حبيبتي زعلانة مني؟
أنا:لا ليش أزعل أنت إلا كنت تتغشمر
مبارك:فديت إللي يعرفون لي

أنا:أنزين قوم قوم خلني آطوي السياده

مبارك طبعاً مايسمع الكلام ولاكلف على روحه أنه يتحرك وكأني إلا أحاجي عمري ما أحاجي شخص ثاني معاي

أنا: مبـــــــاااااارك وبعدين يعني؟؟ ماتحرك من مكاني
مبارك:سوري فديتج ماباج تزعلين مني كنت مستانس على تعابير ويهج وأنتي متنرفزة ومعصبة علي تطلعين حلوة وإنشالله تعيشين وتاكلين غيرها هههههههههه<<باس خدي
أنا: هههههههههه تدري أنك سخيف؟!؟
مبارك:لو سخيف ليش ضحكتي؟
أنا: على السخافه شاسوي بعد!!؟
مبارك:أنزين فديتج أنا باطلع مع الشباب يايين عدكم هني أحتمال وارد أني أطول بس مو وايد يعني بس لأن شغله مهمه ما باتأخر إنشالله وأنتي تدرين لو بيدي مافارقتج
أنا: أنا أقول لاطول يكون أحسن
مبارك:أوكي غناتي يلا مع السلامة
أنا: في حفظ الله ورعايته

قمت من على السيادة إلا عايشه بعدها أون لاين ههههه وعليا

أنا:باك
عايشه:ولكم
عايشه: تقبل الله
أنا: منا ومنكم صالح الأعمال
عايشه:ها ماياج مبارك
أنا: شفتي أنا ما أراضي أحد هم إللي إييوني لي عندي عشان يراضوني
عايشه: عشتوا لايكون البرنسيسه وأنا مادري؟!!
أنا: عقب ماسلمت قالي أنه بيطلع مع ربعه لأن عنده شغله مهمة وعن العظة قالي تعيشين وتاكلين غيرها ضحكت عليه شاسوي بعد، باسني على خدي وطلع
عايشه:ههههههههههه أنزين شنو هالشي إللي ماقدر يأجله؟؟
أنا: والله مادري
عايشه: علينا قولي أنج ماتبين تقولين
أنا: صج أنج ماتنعطين ويه أنا إللي مرته ماتسألت هالكثر
عايشه: هههههههههههههههههههههههههههههههههههههههههههههههه
أنا: الله يستر بس شكله الشي إللي صاير لي وفيه حركات خباثه بس أنا باصير ألعن منه في الخباثة
عايشه: شبسوين؟؟
أنا: باسوي روحي راقده عنه يعني شباسوي غير هالشي
عايشه:لاصج
لأنا: والله مادري ياعووش وهو طالع غمز لي
عايشه: ويعني غمزلج في شي؟!!
أنا: مادري
عايشه: ترا يالس يغازلج
أنا: والله مادري جنه يقولي برزي روحج اليوم في شي بيصير وعاد أنا مابكثر خبر باحط راسي وبرقد
عايشه: بل
أنا: إنشالله أنام أحين عناد فيه
عايشه: من أحين ترقدين؟؟ توها الساعة ثمان
انا:بس كيفي عناد فيه
عايشه: لا قفلي باب الحجرة أحسن بعد
أنا: لالا فشيله حرام أخليه برع
عايشه:أنزين أنتي خليه يرقد في الحجرة ورقدي أنتي في حجرة ثانية
أنا: عووش أعوذ بالله منج أنتي تخربيني ههههههههههههههههه
عايشه: ههههههههههههههههههههههههه سكتي الله يخليج
أنا: هههههههههههههههههههههه هههههههههههههههههههه لا لا عادي بارقد قبل لاييني
أنا: برب
عايشه: شله بعد؟
أنا: صبري بانسل شعر لطيفه (أمشط شعر لطية)
عايشه: ليحين ماتعرف تمشطه برحها
أنا: لا
عايشه: لولو
أنا: هلا خلصت
أنا: شتبين؟؟
عايشه:شتسوين أحين؟
أنا: أقولج بالبس عباتي وباطلع مع حصة مرت علينا وبنطلع معها أنا ولطيفة وإبراهيم بنروح معاها جسميز
عايشه: الله آبي
أنا: تعالي خخخخخخخخخخخ
عايشه: أفففف جان زين
أنا: ههههههههه يلا تعالي
عايشه: أنزين صج صج عاد أحين شبتسوين؟؟
أنا: عايشه شفيج ترا صج أنا أحين في السيارة رايحين جسميز
عايشه: وييي أنا عبالي تغشمرين
أنا: الله يهداج هاذي بعد فيها غشمره
عايشه: لولو حراااااااام آبي من جسميز
أنا:ههههههههه خلاص باطلب وجبة وباتبرع بها حق أي أحد هناك جنه أنتي إللي ماكلته أوكي؟!
عايشه: لا حرام تخسرين فلوسج خليه لين ييتج توديني
أنا: إنشالله ولا يهمج
عايشه: أنزين شبطلبين؟
أنا: باطلب لي مشروم سوبريم
عايشه: ماذقته
أنا: لا حلو هاذي بعد
عايشه: إنشالله مره ثانية باطلب لي أياه
أنا: عاد خلي مبارك أحين تفيده طلعته أنا أحين ظمنت إني متعشيه
عايشه:ههههههههههه ههههههههههههههه
أنا: يعني مابرقد على يوع، كل إللي علي إني أرجع البيت أتسبح، أغسل ضروسي وألبس وأحط راسي وأرقد
عايشه:ههههههههههههههه أقولج لولو طلبي وجبة وأكليها عني
أنا: إيه خير إنشالله أن كملت وجبتي زين
عايشه: يعني رقيقة جدام ريلج ماتاكلين؟!!
أنا: أنا طالعه مع أخواني يعني ريلي ماله خص
عايشه:ههههههههههههه
أنا: ومعدتي ماتتحمل آكل وايد لأنها صغنونه
عايشه: مثل صاحبتها
أنا: هاذي هي أنتي قلتيها أشوا تعرفين
عايشه: أكيد مو لأني أعرفج
أنا: نعم نعم
عايشه: أكيد فديتج
أنا: عوووش لو تشوفيني أحين بتضحكين علي
عايشه: ليش؟؟
أنا: قاعدة آخذ الفلوس وألعب مع اليهال
عايشه: الله يعين مبارك ماخذ له ياهل مب مره
أنا: يحصل له فديتني
عايشه: الحمدالله و الشكر
أنا: أناااسه عوووووووووش
عايشه: أنزين أقولج شلون تدخلين المسن من تلفونج؟؟
أنا: لأن عندي برنامج المسن منزلته والضبط يكون على الشركة يضبطون لج الخدمة
عايشه: أها
عايشه: أقولج يعني يحاتي إني أودي تلفوني ولا بس أتصل
أنا: لا بس أتصلي
عايشه: أففف شلون؟؟!!
أنا: يا ماما الكشخه والزين كلها عندي تعالي وباعطيج خخخخخخخخخخخ
عايشه: أفففففف بدت عاد في الفشار
أنا: ههههههههههه
عايشه: أقولج أنزين أنا أحين باخليج يلا باي
أنا: يلا باي أنا بعد باروح اتعشى
عايشه: أوكي يلا باي
أنا: باي

ورحت حق اليهال وين ماكانو قاعدين على الطاولة الخاصة بقسم العوائل وقعدنا وسوالف وضحك لي الساعة عشر إلا تقريبا دخلنا البيت على طول دخلت الحمام_الله يعزكم_وخلصت وحطيت راسي وأنبطحت وإبراهيم رقد عندي لأن محد في قسمهم وأنا خليته لأن محد كان عندي بعد، حاولت أرقد تميت أتقلب لكن ماياني النوم مع إني كنت تعبانة، شوي إلا مبارك ياي فتح الباب بهدوء خذ ثيابه ودخل الله يعزكم الحمام طلع وأنبطح يمي شوي وإلا يصد الصوب الثاني مره وحده أنتبه أن إبراهيم الليله معانا وأنا فيني الضحكة على اللفته هاذي إللي طلعت منه وكان حاط له ذاك العطر إنما أيــــــــه كلمة فظيــــــــــــــــــــــــــــــــــــع شويه عليه الود ودي أفز من مكاني وألوي عليه رحيته تكفخ في الراس آاااااااااه تدوخ إللي يشمها _حشه مب عطر ههههههههه_ دخل تحت اللحاف
مبارك: لولوة لولوة<<بهمس يناديني
أنا:ـــــــــــــــ <<يازعم راقدة ماقدر أتحجى لأني إن تحجيت ضحكت
مبارك:لولو
أنا:ـــــــــــــــــ
مبارك: لولو رقدتي؟؟<< هزني على خفيف من جتفي
أنا: هممممممممم
مبارك: لوليتي حبيبتي راقدة؟؟
أنا: همم شنو مبارك؟!!<<يازعم مب قادرة أفتح عيوني من كثر النوم
مبارك:لابس حبيبتي نامي
أنا: تبي شي أبوي؟؟
مبارك: لافديتج أبا سلامتج نامي، وين ترومين وأنتي راقدة؟!!
أنا: أنزين

غطاني عدل باللحاف وقعد يتحلطم بس بصوت واطي

مبارك: أفففف يا برهوم يعني ماشي مكان ترقد فيه إلا عند أختك؟!! ليش اليوم يعني بالذات؟؟ ماشي حجر يعني!! أفففففف وأنتي الله يهداج ماوحى لج سهرتي عنبوا مارمتي تزيدين عشر دقايق؟!!! ياربي مادري أحين أشل هاذه وأفره برا الغرفة وأنشش هاذي من رقادها والله قهر ....

كسر خاطري صراحة وهو يتحلطم علينا أنا وأخوي قلت أكيد في شي وإلا ما تحلطم هالكثر رفعت عمري وتساندت معاه على ظهر السرير

أنا: شفيك مبارك؟صاير شي لا سامح الله؟ تعبان تبيني أسوي لك شي؟؟
مبارك: لامافيني شي ولا صاير شي الحمدالله وبعدين أنتي وين ترومين تحركين والرقاد مالي عيونج؟؟ وماشالله من زود الصحة كل دقيقة باتتحركين؟؟!!!!

ماتوقعت يقولي هالكلام بس لأنه كان معصب قط علي هالكلام حسيته كأنه يقول الله بلاني بحرمه متعلله وأنا في غنى عنها نزلت راسي وسكت ماقلت شي

مبارك: لولوة فديتج بس خلاص أرقدي أنا برقد تعبان
أنا: أنزين أنا أشوف أن مافيك نوم ماتبني أسولف معاك؟!
مبارك: شو تبيني أقولج حياتي؟

حسيت بحنيته إللي أحبها وخصوصاً عقب ما قال هالكمتين مسح ويهي بيده وأبعد شعري عن عيوني

أنا:مادري، أي شي مثلاً شنو الشغل المهم إللي طلعت عشانه؟؟
مبارك: سلامتج ربيعي مشتري له سياره يديده ومستانس بها، وتعال تعال شي كلش مهم طلعت سياره وعازمنا على العشا
أنا: أها وأنت تعشيت ولا تبيني أسوي لك عشا؟؟
مبارك: لولوة الله يهداج بس، حتى لو ما تعشيت ماباخليج تقومين هالحزة وتسوين لي عشا شوفي الساعة كم؟! إلا اذا فطور ها شي ثاني بعد ههههههههه
أنا: أنزين براحتك فديتك
مبارك: يالله ننام؟؟
أنا: يلا تصبح على خير
مبارك: وأنتي من أهله


بعدها نمنا بس أنا فزيت على حلم أعوذ بالله منه مت من الخوووف ماقدرت أستحمل دموعي كانت تطيح مب موقفة ، تعوذت من أبليس وقريت على روحي سورة الكرسي والمعوذات لكن مافي فايدة الحلم ترسخ في بالي وأنا مب قادرة أصبر على مكان واحد أتقلب جن تحتي جمر من كثر ما أنا خايفه بس صارت الساعة سبع إلا خمس تقريبا طقيت رنه حق عووش أشوفها قعدت وإلا بعدها راقدة عشان تدخل المسن (طبعا في فرق الوقت إللي هي ساعة بين البحرين والإمارات) و ردت علي برنة حمدت ربي وعقب أشتغلت عليها رنات ورا بعض عشان تفهم إني آبيها تدخل على المسن وعقب فتره يمكن عقب دقيقتين جذي رنت لي فهمت منها أنها أحين أون لاين وعلى طول دخلت من تلفوني

عايشه: صباح الخير
أنا: صباح النور
أنا: سامحيني فديتج أزعجتج
عايشه: لا أفا عليج أصلاً أنا كنت قاعدة لأن أمس راقدة من وقت
أنا: عووش ما قدرت أرقد
عايشه: لاتقولين أنج من أمس سهرانه ليحين!!؟
أنا: لا رقدت بس حلمت حلم أعوذ بالله منه مب قادرة تغفي لي عيني والله إني أكلمج ودموعي تطيح على خدي
عايشه: لولوه تعوذي من إبليس هاذي كله من إبليس إنشالله مو صاير إلا الخير
أنا: والله عووش الحلم وايد يخرع
عايشه: أنزين شنو الحلم؟؟
أنا: ماقدر أقول أخاف أقوله
عايشه: ليش أنزين؟!!
أنا: ماقدر عووش والله ماقدر أففف والله مادري أخاف من إللي بيصير
عايشه: لاتخافين ولا شي تعوذي من إبليس وقومي تغسلي وتوضي وصلي لج ركعتين وإنشالله بترتاحين
أنا: أنزين فديتج والله لولاج مادري شكنت باسوي؟!!!
عايشه: ليش مبارك وينه عنج؟!؟
أنا: راقد يمي بس والله أحسه يبي يفلتني برع لأني ذبحته وأنا أتقلب على السرير
عايشه: هههههههه قومي قومي لاتنحذفين أحين من الدريشه
أنا: لا وأزيدج من الشعر بيت برهوم أخوي راقد عندي ههههههههههههههههههههه
عايشه: هههههههههههههههههههههه هههههههههههههههههههه خوش والله كملت
ماناقص إلا العايله الكريمه تشرف بعد
أنا: هههههههههه إي والله يالله فديتج أنا بادخل الحمام وعقب بارد عليج أوكي
عايشه: أوكي حبيبتي مع السلامة
أنا: مع السلامة

دخلت الحمام وتسبحت وتوضيت وطلعت لقيته بعده في الفراش حمدت ربي بسرعة بسرعة لبست جلابية البيت ولميت شعري على السريع وهو رطب رفعته بصكاكه وفرشت السياده وبديت أصلي بس خلصيت من صلاتي الحمدالله حسيت براحة حمدت ربي وشكرته فتحت مره ثانية المسن من تلفوني حصلت عووش ليحين قاعده

أنا: هلا عووش
عايشه: هلا فيج حبيبتي ها خلصتي؟؟
أنا: إيه الحمدالله أرتحت شوية
عايشه: والله إلا الدلع إللي ذبحتينا به بسج خفي والله آخرتها ريلج بيشوتج
أنا: هههههههههههه حرة يحب دلعي هههههههههه
عايشه: والله كيفج أنتي وريلج تنيازون
أنا: أكيــــــــــد يا عيوني أكيد عيل ليش وافقت عليه؟!! إلا لأن نتناسب حق بعض خخخخخخخخخخخخخخ
عايشه: يالله يالثقة سكتي بس الله يخليج أحين بتشتغل في الفشار أنا وأنا أففف
أنا: أعصابج يا ماما أنزين أقولج عووش أنا باخليج ألحين أكو قعد من الرقاد
عايشه: من فيهم إبراهيم ولا مبارك خخخخخخخخخ
أنا: ههههههههههههههه سخيفة تصدقين! أكيداً مبارك، إبراهيم قاعد من الصبح وطلع راح حجرتهم
عايشه: أوكي حبيبتي طمنيني عليج عقب
أنا: أوكي يلا مع السلامة
عايشه: مع السلامة

وسكرت من عندها ورحت لمبارك بسته على جبهته صبحت عليه <<طبعاً محيلق عشان مايقول شي على الإزعاج إللي سببته له

مبارك: هلا صباح النور، شو أبا أكثر بعد؟!!! الوجه الحسن والريحه الحلوة والجو الحلو يالله ياربي ديمها علي هالنعمة
أنا: ههههههههههه اللهم آمين قوم غسل عشان نتريق
مبارك: لالا شو أقوم؟!؟ تعالي أنتي قبل
أنا: شنو؟؟
مبارك: شنو إللي شنو؟! تعالي خبريني بلاج كنتي تتحركين وايد اليوم شي يعورج؟!
أنا:لا الحمدالله مافيني شي
مبارك: لولوة ها مافيه حيا ومستحى شي يعورج خبريني خليني أسيربج الطبيب بعدين يزيد عليج العوار وعقب قولي والله ليتني سمعت كلام مبارك وليتني ويوم تيي عمتي باخبارها عليج
أنا: من إللي يخبر عن الثاني؟ من حبيبي سمعني؟؟؟
مبارك: ليش إنشالله منو مايسمع الكلام فينا أنا ولا أنتي؟!
أنا: والله أمي تدري بي أن أنا أعاند لكن من إللي أمس عظني وعورني هااا؟! يلا قول
مبارك: بل أنتي ماتنسين شي؟؟<< وهو يعوي بوزه ويحك طرف خشمه وميود ضحكته
أنا: ههههههههههههههه أنا كنت ناسية أنت إللي ذكرتني ، يلا أنزين قوم ولا عاجبتك القعدة والدفا إللي أنت فيه؟!!
مبارك: هيه والله ونااااسه
أنا: ههههههههههههه الحمدالله والشكر متخرع؟؟ ما عندكم دفا ولا سرير في بيتكم؟ وعليا!!
مبارك: تصدقين عاد؟!! كله يحطون لنا فراش على الأرض ونام بضرب ونش بضرب و يمطون اللحاف عنا عسب نقوم ماتشوفين إلا كل واحد متكور على نفسه يدور الدفا ههههههههههههههههههههههه
أنا: ههههههههههههههههه ربي يعطيكم العقل يلا أنا بنزل أجهز الريوق
مبارك: خلاص هذاني أنا قايم الحينه

نزلت وسويت الريوق، طبعاً ريوق بسيط متكون من شاي حليب وخبز خباز وشريح طماط وشرايح جبنة فيتا غير الزعتر وزيت زيتون والزيتون ولبنة وجبن وقرص بيض والخدامة مسوية فول بس بطريقة عجيبة حطيته كله في الصنية و الخدامة ساعدتني وصعدته فوق وأنا دخلته الحجرة وهو كان توه مخلص متلبس

مبارك: فديت الحريم أنا
أنا: شاقولك عاد؟!! صج أنك ماتستحي على ويهك أحين أنا أتعب روحي وأنت تتفدا غيري؟!!! شاقول عاد غير إخس عليك إخس
مبارك: هههههههههههه تدرين بي إني أقصدج بعد إخس علي ليش؟!؟ هههههههههههه
أنا: عاد أنا كيفي أفهمها بالطريقة إللي تعجبني يلا أنزين بسم الله
مبارك: يلا

وقعدنا صبيت له شاي الحليب وتريقنا وعجبه الفول لأن طعمه غير والطريقة أحلى عقبها يبت له الجريدة على ماعدل الغرفة وهو راح على الكنب يقلب الجريدة على كيفه

مبارك: بس يا بنت الناس، بسج تنظيف. أنا أبا أعرف أحين ليش ها التنظيف كله؟؟!!!؟ درينا أنج نظيفة بسج عاده
أنا:مبارك شوف لا تأذيني أنا آبي أنظف تبي شي؟؟
مبارك: أحين أنا بسألج لشو كل هالتنظيفات؟؟
أنا: بعد ليش عشان تصير الحجرة نظيفة
مبارك: أدري بس أنا ماشوفها وصخه إللي يقول شي درزن يهال وملعوزين ومسوين الغرفة ماتتشاهد!!، والله إنها نظيفة ماشي فيها
أنا: أنزين أحين ممكن تسكت آبي أكمل شغل
مبارك: شوفي والله أن قلتي ظهري، يدي ولا حتى أن قلتي آااااه في الليل حرام لا أشلج وأفرج من على السرير
أنا: ههههههههه أنزين بنشوف
مبارك: ضحكي أبويه ضحكي بنشوف في الليل من يضحك على الثاني
أنا: مبارك والله أني مو قاعده أتعب روحي هاه ماتشوف البروش هاذي جنه مال مستشفيات مسحه وحده وتخلص الحجرة، وإللي يقول من كبرها عاد و بعدين بامسحها بالمطهر وخلصت السالفة
مبارك: أنا أبا أعرف ليش كل هالتنظيـــــــــف ليـــــــش؟؟؟؟ والله أنها نظيفه أنا شعره ماشوف حواليني
أنا: والله أحب أشم ريحت حجرتي خنينة من بعد التنظيف حط بالك وحط خطين حمر من بعد التنظيف عرفت الحين وبعدين أنت صوبك مافيه شعر على قولتك لأن مو معقولة بادور وأنا أنسل شعري على كبر الحجرة
مبارك: ههههههههه أنزين يلا خلصي بس
أنا: لا والله أحلف بس أنت أنزين معلي معلي
مبارك: هههههههههه يلا فديتج ولا أقولج خلي بشكارتكم إتيي تنظف عنج
أنا: لو سمحت أكرمني بسكوتك والله الخدامة!!.. أصلاً أنا خلصت بس بانزل الصنية وباشوف شنو الغدا، تبي شي أنت؟؟
مبارك: لا فديتج بس يلا سيري بدال هالأرف
أنا: أرف ها؟!؟؟ أوكي أوكي
مبارك: هههههههه يلا أنزلي وشوفي شو غداكم
أنا: إنشالله

نزلت تحت شفت الغدا باشميل وغير صالونة اللحم ويدتي مطرشه لنا برياني ربيان وثريد (الثريد عبارة عن خبز مقطع قطع صغيرة يحطونة في مله عقب يرشون فوقه ماي الصالونة ويحطون فوقة الخضرة واللحم عادي يعني) بس أنا إضافة لذلك سويت سلطة فاكهة وشفت سلطة الخضرا وركبت فوق

مبارك: ها شو الغدا؟؟
أنا: أنت شنو تبي تاكل؟؟
مبارك: والله عادي إللي مسوينه باكله
أنا: أممممممممم أنزين أحنا مو مسوين شي
مبارك: ههههههههههههه حلوة ذي يعني أنا باقول مو مشكلة بشل عمري وباسير أي مكان باتغدا وبافكر جاني آخذج معايه وإلا لا لكن البقية مايتغدون يعني؟؟
أنا: أقول بتفكر إن جان بتاخذني وياك بعد ولا لاء؟!! عيل أقول قوم من أحين دور لك مطعم تغدا فيه أحسن لك لأن مب حاطة لك غدا
مبارك: ههههههههههههههه بنشوف منو إللي مابيحط لي الغدا وبيعدله لي
أنا: أحلم أنزين!؟؟
مبارك: أوكي بيصير واقع إنشالله عقب شوي
أنا: أنطر أنت بس

رتبت شكلي وتهندمت ونزلت وياه على الغدا طبعاً بعد ماعطيت الكل خبر أن مبارك بينزل يتغدا معانا، حطيت لي وقعدت إلا أبوي عطاني بنظرة يعني حطي حق ريلج وأنا في خاطري أقوله أف بابا كلش مو وقتك لأن هالسبيال بيشق الحلج بس أبوي يأشر لي بعيونه أن حطي حق ريلج ولكن في النهاية قالها

أبوي: شوفي ريلج شيبي وحطي له
أنا: إنشالله بابا
أنا: شتبي أحط لك؟؟
مبارك: حطي لي باشميل شويه وها شو؟؟
أنا: ثريد تبي؟؟
مبارك:هيه حطي لي شويه
أنا:تبي سلطة؟؟
مبارك: هيه شوية بس

وأنا أدوس على ريله من تحت وهو يبعدها عني لأنه عرف إني محتره عليه مال السالفة المساعية وهو بالعمالة يتعمد أنه يتطلب عشان يبين أنه صاج في كلامه

أنا: بسك مبارك؟؟
مبارك: هيه هيه بسي بس إذا ما عليج أمر سلطة فاكهة حطي لي وياج دامج واقفة مرة وحده عسب ما أتعبج اكثر
أنا: إنشالله<<تنهدت

وهو يطالعني وميود ضحكته لو بيده جان أنفجر بس أنا إللي أحس باطيش من القهر عطيته صحنه وقبل لا أقعد سألته جان يبي عصير ولا ماي قالي عصير وصبيت له وقعدت تغديت بسرعة عشان أركب فوق لأن مو مشتهية أتغدا مع إني مشتهية بس معدتي تعورني وأنا بعد نسيت آخذ الحبوب إللي قبل الغدا فزاد علي الويع صعدت فوق كليت لي بندول وصليت العصر وأنبطحت شوي إلا مبارك يايني قعد على السرير من الطرف إللي أنا كنت منبطحه فيه

مبارك:شوفيج رقيتي فوق بسرعة؟؟
أنا: ماشي سلامتك بس شبعت
مبارك: كل ها عشان أستوا إللي قلتي أنج مابتسوينه؟؟
أنا: مبارك والله مالي خلق لا عشان ذي الشي ولا شي بس أنت قوم أحين أبي أرقد
مبارك: لولو حياتي شو فيج؟؟
أنا: أففف مبارك والله معدتي تعورني مالي خلق أتكلم خلاص ممكن تخليني أرقد ألحين؟!
مبارك: خلاص فديتج نامي وأرتاحي هدي بس أنتي
أنا: أنزين بس بليز صك الباب والليت دامك واقف << عيوني غرقت بالدموع لأن العوار صج أحسه قاعد يزيد
مبارك: إنشالله غناتي ، أنزين أنا بطلع باسير المسيد

هزيت له راسي بالإيجاب ومن داخلي ودي أصرخ من الألم

طلع عني وصك الباب وأنا من التعب والألم غفت عيني بعد فتره حسيت بأن أحد دخل بس مافيني قوة إني أفتح عيني عشان أشوف من إللي دخل ورقدت، أثاريه كان مبارك يايني وشافني فتحت عيني على خفيف على باله إني واعية وقالي أنه طالع شوي وبيرجع بس أنا ماكنت في حواسي وماصحيت من النوم إلا جريب المغرب وشوي خف الألم عني أرتحت قمت بسرعة تغسلت وتوضيت حق صلاة المغرب وأنا مخلصة من الوضوء إلا مأذن قريت الأذكار وآدعي على مايخلص الأذان وصليت ونزلت تحت مبارك بعده مارجع عدلت السرير والمكان شلت الثياب إللي معلقين على الشماعة لين ماصارت الغرفة فاضية مافيها شي يترتب توني قاعده على السرير إلا مبارك داخل علي

مبارك: مساء الخير غناتي<<باسني فوق راسي
أنا: هلا فديتك مساء الأنوار
مبارك: ها إنشالله أحينه تحسين أنج أحسن؟
أنا: الحمدالله أحسن بوايد
مبارك: أنزين شرايج نطلع نغير جو
أنا: أممم
مبارك: لاتفكرين قومي قومي لبسي عباتج ها مافيه تفكير والله لو نواري هني جان الحينه تدور من مكان لي مكان عسب تجهز
أنا:ههههه وحليلها أنزين أكاني قايمه

وتوني بنزل من على السرير إلا يصرخ مره وحده

مبارك: وين وين؟؟
أنا: شله شصاير؟!؟ << بققت عيوني أقول في خاطري شفيه أحين ذي؟؟
مبارك: هههههههههه لا تخافين ماشي بس أنت فيج قوة تمشين لي الشماعة تشلين عباتج وإلا آييبها لج؟؟
أنا: شاقولك عاد والله أنك سخيـــــــــــــــف من الزين قوم عن ويهي لا أفلعك بهالساعة إللي يمي
مبارك: ههههههههههههههه أنزين أنزين يلا قومي بالعدال
أنا: شفيك أنت مب صاحي اليوم
مبارك:هههههههههههههههههه لا لا صاحي بس أنتي قومي يلا

وقمت ولبست خذيت شنطتي ونزلت لأنه سبقني على السيارة وفي نزلتي شفت برهوم أخوي

أنا: ها إبراهيم من وين ياي؟؟
إبراهيم: من المعهد
أنا: أها أنزين حبيبي أنا باطلع تبي شي؟؟
إبراهيم:لا مابي مادري كيفج أنتي
أنا: هههههههههههه أنزين يلا مع السلامة
إبراهيم: باي

ركبت السايرة وأفتر فيني وسوالف وضحك وتمسخر على الناس وأنا ميته من الضحك على تعليقاته

أنا: آااااخ بطني والله تعبت بس بس ماقدر
مبارك: أحينه حلجج يضحك بطنج يعورج؟؟ شو ها بعد؟!!
أنا:هههههههههههههههه هههههههههههه مبااارك
مبارك: يا عيونه قولي فديتج
أنا:بس عاااد والله تعبت من كثر ماضحك<< بدلع
مبارك: أنزين أنزين خلاص سكتنا، من وين تبين تتعشين؟!؟؟
أنا: أمممم مادري أي مكان عادي عندي
مبارك:شو عادي تكلمي يابوي شو خاطرج به؟!
أنا: أنزين آبي شوربة فطر من الأبراج
مبارك: بس؟؟
أنا: أي
مبارك: أوكي

ورحنا الأبراج وطلب له سيزلنج وأنا شوربة فطر وعقب خذ لي شوارما وعقب ما خلصنا رحنا البيت طبعا كل معتاد ما يحتاي كل مرة أعيد شاسوي قبل لا أرقد المهم خلصت تساندت على السرير وأنا مغمضة عيوني صج إني رقدت العصر بس بعد أحس فيني نوم ويوم حسيته أنه قعد يمي فتحت عيوني

مبارك: شو بعدج تعبانة؟
أنا: لا الحمدالله مافيني شي
مبارك: لولوة ممكن أكلمج شوي؟؟
أنا: قول فديتك بعد هاذي مايبيله سؤال
مبارك: أنزين متى بتيين عندي هناك؟؟
أنا: بس أخلص هالكورس إنشالله وآيي عندك
مبارك: أففف ومتى بيخلص؟
أنا: أمم على تاريخ 25\1 نخلص وأحتمال أخلص بعد سنة
مبارك: سنة بعينج ها الكورس وبس والله ماتعرفين أنا شقايل أتعذب بدونج
أنا: والله لو بيدي جان من زمان أنا عندك
مبارك: وشو إللي مانعنج إنشالله؟؟
أنا: بعد شنو غير دراستي يعني
مبارك: أنزين لوليتي مشتااااااااااااق لج وااااااااااااايد
أنا: أنزين أكاني يمك شفيك؟؟
مبارك: أنزين تعالي شوي؟؟
أنا: وين بعد في حظنك؟؟!
مبارك: هيه تعالي شو فيها تراج حرمتي ماحد يروم يقولي شي والله!!
أنا: هههههههههههههه شفيك أحين أنت؟!!
مبارك:والله كيفي تراج حرمتي والله محروم منج ومن كل شي
أنا: من شنو محروم فديتك هذاني دلع وأدلعك وكل شي أحاول قد ما قدر أوفره لك بعد شنو؟!، وبعدين لاتقول جذي والله قلبي يعورني وأفتشل منك بس هانت إنشالله كلها شهر واحد بالكثير وأنا عندك
مبارك: لولوة!
أنا: عيونها
مبارك: تسلم عيونج فديتج أبا أسألج
أنا: شنو فديتك قوول
مبارك: أنت شكثر تحبين اليهال؟!
أنا: وااايد أتخبل عليهم إلا أموت بعد << أستحيت بصوت واطي وبلعت ريجي من عقبها
مبارك:أنزين أنتي ليش ترفضينهم؟؟
أنا:ـــــــــــــــــــ <<سكت
مبارك: عطيني سبب

أنا خلااااص تبخرت ونظرته كانت مصوبه على عيوني يعني مافي مجال أبد وكانت نظرته لي مزيج من الحنية والإبتسامة الدافئة ونسبه قليلة من الخباثة بس هو الموضوع شوي يتطلب جرأه منا إثنيناتنا وطبعا هو الجريء حسيت يقول في خاطره والله يا لوولووه ماتيين إلا إذا فشلتج يلا عاد تحملي إللي بييج خخخخخخخخخخ

مبارك:شوفي حبيبتي أحنا أحين بنكمل سنة تقريباً صح؟؟<< يود يدي وقعد يلعب بأصابعي
أنا: إيه << وهزيت راسي بالإيجاب
مبارك:وأنا مخلينج على كيفج وعلى راحتج لأبعد الحدود ولا أقولج لا، كل شي أشوف فيه سعادتج سويته لج على قد ماقدر صح؟!!

أنا هزيت راسي بس بالإيجاب

مبارك: بس ها ما يعني إني ما أقدر أجبرج على شي

ورفع راسه صوب ويهي وأنا طبعاً بطني عورني من الخوف وحبست دموعي لأنه مو وقتها وغير جذي حسيت أن ويهي يطشر ألوان ماتوقعت أنه بيقولي هالكلام، المهم كمل كلامه

مبارك:أنا إذا أبا شي منج ماهمني أنتي موافقه ولا لاء

سكت يطالع ردت الفعل وأنا طبعاً no comment

مبارك:باخذه بالطيب أو بالقوة باخذه وانتي تعرفين

وعطاني بنظرة أغلب للتهديد

مبارك: وأنا ريال وعند كلمتي يعني مثلاً أنا في إمكاني إني أخذج معاي بوظبي وأخليج تودرين دراستج إلي موقفه ييتج عندي عشانها عسب تخلصين هالسنة

ويرد يطالع ويهي يشوفني ساكـــــــتـــــــــه وأستمع له بهدوء ورد كمل كلامه

مبارك: وأقدر حتى أقولج بطلي دراسه ماباج تدرسين لكن أنا مابا أكون أناني يعني أنا متعلم ودارس خلاص مابا حد يكون أحسن عني، لا بالعكس أبا حرمتي تكون شراتي وأحسن مني بعد عسب يعرفون أني خذت حرمه كفو يعتمد عليها لو صابني شي لا سامح الله تستاهل أنها تكون حرمه لولدهم إللي تحمل بُعدها عنه عسب تكمل تحصيلها الدراسي وإللي كان هو يحفزها على مواصلة دراستها

أنا مجرد مستمعة ما أقدر أرد عليه لأن كل كلامه صح مافيه شي غلط والعيون غرقت خلاص بدت شوي شوي الرؤية تنعدم عندي

مبارك: أنا أتكلم ممكن ترفعين راسج وتطالعيني؟!! على ماظن ها الشي من آداب الإستماع

رفعت له راسي بس بلعت الصيحة وخفت نسبة الدموع وويهي محمر

مبارك:أحين ممكن تقولين لي ليش ماتبين عيال؟!!

أنا تفاجأت من السؤال لأني أنا مو رافضة العيال بس رافضة فكرة إني أكون حامل أو عندي ياهل وأنا بعيده عنه هاذي كانت من أهم أسبابي طالعته في عيونه _طبعاً هو كان متساند على ظهر السرير وبعد أرفع مني حتى لو أنا متسانده معاه_وبدت دمعاتي تطيح بروحها ماقدرت أستحمل قطيت روحي على صدره وحظنته وقعدت أصيح وهو يسكتني

مبارك: بس لولوة، بس حبيبتي، شو إللي يصيح الحين؟؟.. خلاص أششششش أهدي شوي أهدي

أنا خفت وتيرة صياحي

مبارك: أشششششش..

بعدني عن صدره ومسح دموعي بيدينه و رد خصله من شعري إللي طايحه على ويهي على ورا والخصله الثانية ورا أذني..
مبارك: بس خلاص لاتصيحين أنا أتناقش معاج لشو بعد الصياح؟!!

طبعا فشلني لأن صج كلامه بس أنا ما أستحملت أحس بالضغط علي مع أنه كان عادي كلامه

مبارك: ممكن الحينه تكلميني بهدوء وبدون صياح؟؟

صج أنا وقفت صياح بس تبقى آثاره إللي هي الشهقات الطويله_خخخخخخخخخ ياهل حشا.

مبارك: عطيني عذر أو خليها أعذار مب مشكلة أقدر أعرف منها ليش ماتبين العيال؟؟! بس please أبا أسباب معقولة أقدر أتقبلها مو تافهه وإذا تافهه من أحين أقولج وفريهم ماباهم و من الأحسن تشلينهم من بالج

خذت نفس طويل وبعدها تكلمت

أنا: أولا أنا أحس ماقدر أوفق بين دراستي وبين مسؤولية إني أكون أم صراحة مو مستعده
مبارك: بس ها مو عذر وايد حريم يدرسون وعندهم بدال الواحد يمكن أثنين أو ثلاثه حتى أنتي شو إللي يفرق من بينج وبينهم؟؟!
أنا: أمبله والله يفرق وايد عندي إن جانك ماتعرف، عبالك بعدك عني هين كل أسبوع أنتظر على أحر من اليمر ييتك وفي النهاية تقولي شتفرق؟!! لا يكون عبالك الحمال مسألة سهله؟؟ خذوه فقلوه بس؟!! مايبي له وحده صاحية؟!؟ وحده تقدر تدبر أمورها؟؟! ها؟!؟ قولي؟؟ ولا أنت عاجبك إني أكون حامل وأنت بعيد عني وأنا أعاني وأنت محد ومحد يدري شيجرى علي سبحان الله أطيح في الليل من لي؟؟! صج عندي أهلي بس أنت وقفتك معاي غير، أنا صج قاعدة معاك أحين بس قلبي يعورني كل ماتذكرتك أنك خلاص ماشي عني عقب ساعات، أنت ماتحس بالنار إللي تشتعل في يوفي بسبب فرقاك الله الوحيد إللي عالم بها، لاتشوفني بس أضحك وآروح وآيي يعني خلاص هاذي شي من ولاشي عشان أسلي روحي وما أتعب قلبي.....<< بعصبية وشوية صراخ وصوت في نبرته العبره خانقته وفي النهاية نزلت دموعع ومسحتهم بعصبية
مبارك: خلصتي
أنا: لا وبعدين أنا كل مافكر فيها حتى لو مجرد تفكير بغض النظر أنك بعيد عني أقول أنا جذي معدتي مب مخليتني عيل شلون إذا باجر بإذن الله حملت؟؟! أنت على بالك الترجيع شي هين؟؟ هاذي بروحه يطلع روحي ويردها مكانها
مبارك: أنزين!!
أنا: شنو أنزين؟؟!؟!! أنت شاقولك عاد أنا الغلطانة إللي طلعت مابقلبي لك
مبارك: لا مو غلطانة، بس أحين قولي لي لو أنتي كنتي أحين أحين في هاي اللحظة عندي في الإمارات وفي بيتج بعد بترفضن أنج تيبين عيال؟؟ ولاتنسين أنج تدرسين!؟
أنا: أنت على كيفك قررت أني رافضة إني إييب عيال!!؟ محد قالك إني مابي آييب عيال أنا قلت رافضة فكرة إني آييب حالياً مو يعني مابيهم خير شر، بعدين حتى لو كنت عندك ماقدر في هالوقت

أستغرب من كلامي أول شي قلت له أنا مب رافضة عقب قلت له ماقدر حالياً شنو يعني؟!! صارت على ويهه على علامة إستفهام وتعجب شكبرها!!

مبارك: كيف يعني ماتقدرين حالياً؟؟ شو إللي يمنعج دامج أنج حابه أن يكون عندج ياهل؟!!

أنحرجت شاقول له ألحين أفففففففف والله أنك يا مبارك ساعات تفهمها على الطاير وساعات أغبى منك مافي يعني شاقول؟؟ بس كل إللي سويته بسرعة دخلت روحي تحت اللحاف وتغطيت حتى ويهي غطيته_ههههههههه حركات يهال_ شال اللحاف عني بكبره وسحبني صوبه

مبارك: أنا أحين أكلمج تشدين على روحج الـcover لا وتغطين ويهج به ردي عليه أنا سألتج ليــش ماترومين أحين؟؟ شو إللي يمنع؟!!؟؟؟؟
أنا: أممم لأن يوم رحت المستشفى يوم الخميس مو بس عشان معدتي!...

رفع لي حاجب معناته أنزين وبعدين كملي غردي، أفف شاقول بلعت ريجي

أنا:لأن لأن

طلعت زفير قوي لأني مب عارفه شاقول له

أنا: لأن فيني هاذي
مبارك: إللي هو؟!
أنا: ماقدر أقول
مبارك: ليش إنشالله لايكون أنا ولد الجيران عسب تستحين منه؟؟
أنا: مبارك شالكلام؟؟؟
مبارك: مادري عنج شوفي أنتي شو تقولين أول
أنا: والله أنا ماقلت شي أنزين وبعدين هاذي شغلات حريم خلاص أرتحت أحين تصبح على خير...,,,,,,,

حسيته قام يتبسم بخباثه طبعاً أنا خلاص قلت له هالكلام وإللي فيها فيها ماهمني شي وأنقلبت عنه وتلحفت

مبارك: أنزين شوفيني شوي باقولج شي

أنقلبت صوبه

أنا: خير في شي بعد؟؟ تبي توضيح أكثر يعني؟!؟ باييب لك الأدويه وأقرا شو مكتوب عليها وأنت بتعرف عشان تعفيني من الشرح,,,,,,

ماتوقع مني ردت هالفعل رفع لي حاجب مستغرب مني شفيني أحين أنا هديت فيه مره وحده

مبارك: بلاج أنتي؟؟ أحين من طلب منج شي؟؟
أنا: عيل شتبي؟
مبارك: شو شتبي ؟؟ شو ها بعد؟؟ الناس يقولون حق ريلهم آمر تدلل فديتك أنت شتبي؟
أنا: آمر تدلل فديتك أنت تامر وأنا أنفذ<< بدون نفس وأطالع فوق جني أقول اللهم طولك ياروح
مبارك:هههههههههههههه أدري لأنج تحبيني فأكيد بتنفذين
أنا: هيهيهيهي سخيف أنزين
مبارك: أنزين هدي أعصابج باقولج شي
أنا: هاااا شنو؟ <<بدلع
مبارك:هـــاا شنو<< يتطنز علي>> ههههههههههههه سمعني شو باقول
أنا: شنو أكاني اسمعك
مبارك: ياربي عليج يودي لسانج خليني أخلص
أنا:هههههههههههههههههههههه كمل كمل
مبارك: مره ثانية تقولين لي شفيج ومافيج مو الدكتورة تدري بج قبلي وأنا إللي ريلج ماعرف شو فيج هاي آخر مرة لج فاهمه<< طقني بصبعه على طرف خشمي على خفيف
أنا: ههههههههههههه إنشالله Ms.r Mubark any thing als??
مبارك: تتمسخرين ويا ويهج
أنا: شفيه ويهي؟؟ أحلى من ويهك كريه واحد..

وطلعت له لساني_ههههههه حركات يهال.......

مبارك: الحمدالله والشكر الظاهر إللي يمبي البيبي لولوة مو الحرمة لولوة
أنا: والله أنا كيـــــفــي أنا بيبي محتر؟؟
مبارك: ولشو أحتر دام الزين كله عندي فديتج لا أحتر ولاشياته إلا ياحظي فيج

أستحيت من كلامه وهو يضحك على شكلي

أنا: أنزين أحين يصير نرقد؟؟
مبارك: أنزين أحين يصير ما نرقد؟؟<<بنفس الطريقة إللي أنا قلتها<<هههههههههههههه
أنا: أفففففف بايخ ياربي أنزين آبي أرقد صج
مبارك: باتخبرج أنتي غبية ولا غبية؟؟
أنا: لا ذكية
مبارك: ولا طالعة فيها بعد
أنا: أحم أحم أكيد
مبارك: يعني أنا خلاص سطلت على الأخير وتشوفني شبه مغمض عيوني بعد هالسؤال الغبي لشوو؟؟
أنا: مو لأنك تتكلم، وبعدين شدراني جانك غمضت عيونك عبالي مبطلهم هههههههههههههههه
مبارك: هههههههههههههههه لا لا خلاص غمضت يلا بنرقد
أنا: يلا تصبح على خير
مبارك: وأنت من اهل الخير<< وهو حاط يده على خصري

ورقدنا


اليوم الثاني قمت الصبح قبله وأقول في خاطري

أنا: أففف يامبارك أحين أنا شلون أتحرك وأنت حاط يدك علي؟!؟؟..

نزلت يده بالعدااااااااال ودخلت الحمام تغسلت وطلعت إلا هو صاحي

أنا: ياصباح الفل والنرجس
مبارك: هلا<< وهو ماد بوزه
أنا: شفيك

أشر لي إني آروح يمه على السرير ورحت له

أنا: ها فديتك شفيك؟؟
مبارك: سؤال في خاطري أبا أعرف إجابته
أنا: أسأل فديتك
مبارك: أبا أعرف ماترومين تصبرين لين ما أنش وياج يعني لازم تتحركين قبل؟؟؟؟؟؟؟؟
أنا:هههههههههه ههههههههههه والله شاسوي يعني شبعت رقاد وخفت تطول في الرقاد قلت أقوم أنا أتغسل وكل شي وأجهز الريوق على ما تقوم من الرقاد
مبارك: الأعذار بس يااااربـــــــــي عليــــــــــــج جاهزة عندج على طوول
أنا: ههههههههههههههههههههههههه أنزين يلا قوم
مبارك: مابااا
أنا: شله عاجبتك القعده؟؟
مبارك: هيه بكيفي أنا
أنا: بس كيفك كيفك أخليك أنا
مبارك: لولووووه
انا: هههههههههههههههه يلا قوم
مبارك: شو يخصج أنتي؟!؟؟ قاعد على حظنج أنا؟؟
أنا: لا والله لا قاعد على حظني ولا على ريلي وأنا أقوم أحسن

كفخني على راسي بس على غشمرة لكن أنا عورتني حسيت الدنيا لفت بي طالعته بنص عين ودي أعطيه بدال هالكفخه على الراس طراقات عشان يعرف شلون تعور

أنا: أنت قد هالحركة إللي أنت سويتها؟؟!؟
مبارك: هههههههههههههه ههههههههههههههه هيه نعم قدها وقدووووووووود
أنا: أنزين خل حركتك تنفعك إنزين

وتوني باتحرك من مكاني

مبارك: ههههههههههههه والله ماتقومين والله حلفت
أنا: محد قالك تحلف صوم ثلاثة أيام عاد ألحين كفارة عن هالحلف عباله لعبة كل ساعة حلف
مبارك: ههههههههههههههه أنزين ترضين عاد إني أصوم ثلاثة أيام وخاطري يكون مكسور والسبب أنج ماقعدتي يمبي؟؟

أستغليت هالطلب وطبيت فوقه ويودت إيدينه بإختصار شليت حركته

أنا: تبي أحين أعظك في خدك عشان كل ما تفكر تطلع تتذكر أن في عظة في خدك وتستحي تطلع بسبتها ولا أسوي لك ساعة أحين في يدك
مبارك:ههههههههههههههههههههه هههههههههههههههههههههههههههه هههههههههههههههههههههههههههههه ههههههههههههههههههههههههههههههههههه هههههههههههههههههههههههههههههههه ههههههههههههههههههههههههههههههه ههههههههههههههههههههه ماقدر ماقدر ياربي بطني آااااخ أميه إلحقي عليه شوفي يوزتيني ياهل آاااااه بطني هههههههههههههههههههههههههههه هههههههههههههههههههههههههههه
أنا: سخيف إنزين

وتوني باعظه في خده وبحركة سريعة منه يقلبني ويخليني أنا تحته وهو فوقي عيوني صارت دوائر لأنه بسرعة غريبه تحرك ما عرف شلوون

مبارك: ههههههههههههههههههههه<<ضحكة خباثة<< ها منو إللي يعظ الثاني أحين أنا ولا أنتي ها شو الراي ألحين أعظج؟؟
أنا: مباارك اآآآآآآآآآآي يعور هدني آآآآآآآآآآآآي
مبارك: لالا أنتي البطلة القوية يلا فججي روحج مني ههههههههههههههههههه ههههههههههههههههه ههههههههههههههههههه
أنا: آآآآآآآآآآآي مبارك هدني آقولك هدني يماااااااااااه لحقوني
مبارك: يالخبله سكتي
أنا: أقولك هدني لا الحين أصارخ بقمة راسي

وكنت أحافص بريلي عشان يهدني وأحرك ويهي يمين ويسار عنه لكن تعبت بسرعة مسكته لي مو بس شلت حركتي حتى ريلي ما أقدر أحركها عدل من كثر ماهو محكم مسكته فيني قلت حق روحي والله أنج إتيبين التعب حق روحج أسترخي أحسن لج وسوي روحج راضية ومنصاعة بالأمر إللي أنتي حطيتي روحج فيه

مبارك: ها خلااص أشوف إلا أستسلمتي
أنا: كيفي>>تغيرت النبرة>> ماقدر والله يعور هدنـــــــــــــي
مبارك: ههههههههههههههه توه كيفج مسرع ماتغيرين النغمة
أنا: إهئ إهئ مبارك عااااااااااااد هدني
مبارك :لا يلاااا أنتي القوية فجي روحج يله يلا خليني أشوف، أنا أبا أشوف بس هالخقه والتفلسف لي وين بتوصل معاج؟!؟؟؟
أنا: إهئ إهئ إهئ مبارك عاااد ذبحتني والله يعور هدني حبيبي أنت هدني يلا عاد
مبارك: حلفي أنتي بس تتحسبين خلاص بهاللكلمتين بتقصين عليه؟؟
أنا: أنا ماقص عليك جيف أنت ياهل أقص عليك؟!؟ بس والله تعبت عورتني
مبارك: الحمدالله أنج تعرفين إني مب ياهل وبعدين عادي حتى لو تعورتي أنا إللي بعالجج
أنا: إهئ إهئ إهئ إهئ والله تعبت والله تعبت قوووم عني يالدب قوووووووم
مبارك: ههههههههههههههه أقوم ودب بعد هااا؟؟تبيني أقوم؟؟
أنا:إيه يلا عااد أفففففففف
مبارك: يلا انزين>>وقرب ويهه مني
أنا: أفففففف مباااااااااارك يمااااااااااااااااه
مبارك: يلا أقولج بوسي خدي وقولي آسفة مره ثانية مابا أعاندك ولا أستقوي عليك يلا وهاه خدي

توني باتكلم وباقول لا عقب أستغليت الفرصة وعظيته في خده ههههههههههههههههه هههههههههههههههههههههههههه هههههههههههههههههه وصرخ وفجني ونقزت بسرعة عنه ودخلت الحمام وأنا ميته من الضحك وخذت روحي على سعه_ لأني مساعة ماتسبحت بس غسلت وطلعت_ خلصت فتحت الباب طليت مالقيت أحد تلفت يمين يسار ماشوف أحد طلعت

أنا: هههههههههه وعليا طلع الظاهر زعل ههههههههه معلي لين رجع باراضيه يصير خير
ما أنتبهت للي فاتح الكبت يطالع في ثيابي يبي يتنقى لي شالبس وأنا كنت لابسه روب الحمام وطالعة به، لفيت صوب باب الحمام باصكه إلا إللي يخرعني من وراي
مبارك: بووووه
أنا:>>شهقت شهقة من الخاطر خطر لا يوقف قلبي وأطيح مكاني ولفيت صوبه>>سخيف واحد
مبارك:ههههههههههههههههههههههههه ههههههههههههههههههههههههههه ههههههههههههههههههههههههههه ههههههههههههههههههههه هههههههههههههههههه ههههههههههههههههههههههههههه هههههههههههههههههههه هههههههههههههههههههههه ههههههههههههههههههههه ههههههههههههههههههه ههههههههههههههههههه هههههههههههههه ههههههههههههه
أنا: مايضحك أنزين باااااااااايخ
مبارك:إلا يفطس من الضحك أنتي ماشفتي شكلج كيف غدا!! هههههههههههههههههههههههه ههههههههههههههههههههههه
أنا: أحين لو وقف قلبي وطحت عليك شبتستفيد؟؟ عاد ساعتها خل تنفعك سخافتك أنزين
مبارك: ههههههههههههههههههههه ههههههههههههههههههههههههههه ههههههههههههههههههههه ههههههههههههههههههههههه هههههههههههههههههههه ههههههههههههههههههه ههههههههههههههههههههه أكيد سخافتي باتنفعني عشان أشوف شكلج الحلو وأنتي معصبة

ماكان عندي رد عليه عطيته نظرة جذي وفريت ويهي عنه باطلع لي ثياب ألبسهم إلا ماسك يدي

مبارك: شو تسوين؟؟ خلاص أنا تنقيت لج
أنا: نعم؟؟!؟ من طلب منك مابي ألبس إللي طلعته أنت أنزين قوم عني
مبارك: لولي عاد حرام عليج أنا باسافر عنج، أنزين أنتي ألبسيهم أبا أشوفهم عن خاطري
أنا: أشوف أول شمطلع لي؟؟

كان حاط البدلة إللي بالبسها له على السرير

مبارك: شوفي أنا طلعت لج ثنتين ها التركواز و وهاي البنفسجيه ها شو رايج؟؟

الأولى:كانت عباره عن تنورة قصير تطلع نص ساقي فيها خطوط تركواز وأبيض حلوة موديلها غريب شوي مع بدي حفره (كت) وفوقه بلوزه تركوازية بس موديلها غريب بعد، أنها ربطه ماعرف كيف تلتف وفي النهاية تصير الربطه على صوب عند الخصر. البنفسجية :عبارة عن تنورة قصيرة بنفسجية تحت الركب فيها كسرات كبار وفوقها يكون توب بس هاذي خيط من ورا الظهر يكون على شكل X ومن جدام يكون على شكل V ومعاه إيي القطعه الثانية يد ثلاثة أرباع(يعني لين الكوع) وفيه مشبك من عن عظمة الرقبة بس وعقب تنفت بشكل عكس حرف الـV عشان يبان شنو تحتها ولونها الأبيض على البيج ماشي ويا التنورة لأنه فيها هاللون.
طبعا مو معقولة بالبس الثانية لأني أستحي منه فعلى طوول رديت عليه

أنا:بالبس التركوازية

وبسرعه شلتها عشان ألبسها و بنفس سرعتي يودني من يدي

مبارك:تعالي تعالي على وين طيران شليتي البدلة في إيدج وسرتي يمكن أنا عندي راي لج أبا أقولج شي مستعلية على شوو؟؟
أنا: لا مافي شي بس أستبردت آبي ألبس ثيابي
مبارك: عطيني ها إللي في إيدج
أنا: ليش؟؟
مبارك: أنتي عطيني أياها باراويج شي
أنا:شفيها؟؟
مبارك: مادري مب عاجبني لونها وحركاتها بايخه أنا أقول تاخذين هاذي أحلى

وعطاني البنفسجية

أنا: بس أنا مابي ألبس هاذي
مبارك: أنتي لبسيها وباشوفها، أنا إللي متنقي مو أنتي يلا أشوف ألبسي ولا تبين ألبسج؟؟
أنا: شنو تلبسني جيف أنا ياهل؟؟
مبارك: مادري عنج يلا سيري أنزين
أنا: أنزين أففف

وهو يضحك علي يدري فيني ماحب ألبس جذي جدامه بس أهوه خاطره إني ألبسها وأنا صراحة ماحبيت أرده مع إني أدري بيقط علي قنابل بس بنسكت طليت عليه

أنا: مبارك ممكن شوي تطلع برع؟؟
مبارك: ليش بعد؟؟ ثايبج وعليج بعد ها الروغة لشو؟؟
أنا: أنت أطلع ومابتخسر شي صدقني
مبارك: أممم والله أشك فيج بس يلا أنا طالع بتصل في عبدالله أخوج باطلع معاه بانتحوط قريب هني يعني حوالين منطقتكم بس مب مبعدين أوكي
أنا: يكون أحسن بعد أووكي
مبارك: الله يستر منج
أنا: ههههههههههه لا تخاف والله شي حلو
مبارك: بنشوف
أنا: بتشوف

طلع من عندي عقب ما تصل بالعبد وقال له أنه بيمر عليه وبيطلع معاه، طلعت أنا من وكري خخخخخخخخخخخخ وقعدت على التسريحه حطيت لي البدي لوشن وجففت شعري ورفعته عقب فتحت الكبت إللي في شغلات المكياج البسيطة طلعت لي الكومباكت بودر فونديشن، الآي الشدو البنفسجي والأبيض إللي فيه لمعه خفيفة، جلوس وردي لماعي، بلاشر وردي و آخر شي الكحل.
كملت شغلي بعد ماتأكدت أن عيوني ثنتينهم نفس الشي، شفت أن كل شي أوكي طلع بيرفكت.
طلعت علبة إكسسواراتي وتلبست وخلصت وعقب تذكرت إني ماتعطرت وتعطرنا من الطقم اليديد إللي يابه لي ريحته وايد حلوة طبعاً ما نسيت أحط لي حنة أظافر لونها صدفي عجيـــــب ماشي مع اللبس صج صج كنت كشخه باقي شعري نزلت لي قذلة (غرة) والباقي ودتيه ورا وحطيت لي مشبك صغير بحيث يمسك الجزء العلوي بس والباقي يكون مفلول وكنت فناااااااااااااااانه بحق وحقيقي خخخخخخخخخخخخخخ
أممم جنه طوّل في طلعته ويا عبيد؟؟ خل أتصل أشوفه في وين
طووووووط طوووووووووط طوووووط طووووووط طووووو

مبارك: ألو
أنا: هلا أبوي
مبارك: هلا فيج
أنا: ها وينكم؟؟
مبارك: إلا قريب تبين شي؟؟
أنا: لا بس أنا خلصت قلت أشوفكم بتأخرون ولا لاء؟!!
مبارك: لا بس دقايق وأحنا واصلين
عبدالله: بس عيل قطني أنا على ربعي
مبارك: أوكي، أقولج بس باوصل عبدالله لرباعته وباييج أوكي؟
أنا: أوكي يالله مع السلامة
مبارك: الرب حافظنج

فعلاً عقب خمس دقايق تقريباً إلا هو واصل وكان ينتظرني في الميلس لأن خواتي قاعدات تحت في الصالة نزلت وأبتدوا عاد

حصة: أوه أوه شعندها؟؟
الهنوف: كله عشان مبارك؟؟!!
حصة: بس باخليه كل يوم إيي عشان تعدلين شكلج
أنا: هيهيهيهي سخيفه ماتنكتين
لطيفة: ههههههههههههههه أمبله تنكت أكا أنا ضحكت
أنا: لأنج سخيفة من جذي ضحكين على سخافة أختج
الهنوف: لاصج لولو ريلج هني ولا أنتي نازلة لنا
حصة: مينونة أنتي لولوة تنزل بكامل كشختها؟؟!!!! مب صاحية، حبيبتي ريلها ينتظرها في الميلس
الهنوف: أقول قعدي ويانا أحسن خخخخخخخخخخخخ
أنا: أففففف يا ربي إللي يقول أول مره تشوفوني لابسه هالبدلة ومتكشخه وأخت حصة مو كأني يوم عزمتي ربعج كنت أكشخ من جذي حتى حمرة(روج) حمرا كنت حاطة؟!!
الهنوف: أيا الخاينة متى عزمتيهم؟؟
حصة: بوووه عقب عرسج، أمبله حتى ييتي سلمتي عليهم
الهنوف: أي أي صح صح تذكرت صاجه لولو كانت كاشخه وعليا إللي يقول يايين لها مب لج هههههههههههههه
حصة: شدراني عنها يعني ها شوفوني أنا كشخه مالت
أنا: على ويه إبليسج، أنا أصلاً شمقعدني معاكم آروح حق ريلي أبرك لي بس حبيت أسلم عليج يا أختي العزيزة

وحبيت الهنوف ومشيت عن الباقي

أنا:يلا مع السلامة
الكل: مع السلامة
لطيفة: لولوة لولوة
أنا: نعم خير؟؟
لطيفة: بطلعين اليوم؟؟
أنا: شدراني ليش؟ شتبين؟
لطيفة: لا قلت إذا بطلعون طلعيني معاكم متمللة
أنا: لا والله حلفي أنتي بس ما وديت خالد الياهل أوديج أنتي ماتبين بعد أودي إبراهيم؟؟
لطيفة: لا برهوم طاقني مساعة خلي يولي يقعد في البيت
أنا: لو سمحتوا يودو أختكم لا أكفخها ألحين
الهنوف: تعالي شعندها لطيفة هانم
أنا: آل إيــه عاوزه تخرج معايه و مع جوزي الأموره دي
الهنوف: آآه يادي النيله هو مافيش مره تخرجي مع جوزك مايعملوش ليكي حدوته
أنا: أيوه ياختي تسدأي بالله أن إبراهيم أفندي جايني طيران يأولي يأولك عمي مبارك أنا حاجي معاكو أولت له فين ياحبيبي؟ آلي انتو حتخروجو وأنا حخرج معاكو أولت له طيب إنشاء الله المره الجايه آل لاءه هو آلي دلوأتي حتيجي معانا أنا أستغربت ورحت أولتلوه أنت آيل إيه للواد؟؟ آل لي هو آل لي عاوز يخرج معانا محبتش أكسر بخاطرووه أولتيلوه أول لإوختك علشان تلبسك هدومك وتخرج معانا والله أنا كنت حتفتأ بس مأولتش حاجه لأنه صعب عليه جاني وهو لابس هدومه
حصة: إيه أنتي مصريه حشى روحي حق ريلج نقعتيه وأنتي لطيفه هانم خير إنشالله بتروحين جريب إنشالله بس عطي روحج العافية خخخخخخخخخخخخ
أنا والهنوف:ههههههههههههههههههههه هههههههههههههههه ههههههههههههههههه هههههههههههههه ههههههههههههه ههههههههههههههههههههه ههههههههه
لطيفة: ماتضحكين والله
حصة: حلفي بس أنتي ههههههههههههههههههههه

وتركتهم ورحت حق مبارك في الميلس كان يفرر في التلفزيون
كان قاعد بحيث أنه مجابل باب الميلس يعني أي أحد يدخل بيشوفه على طوول فتحت الباب بهدوء طليت براسي عليه وطاح شعري وقذلتي على صوب إللي طليت منه هو شافني بقق عينه علي

أنا: ممكن أدش ؟؟

مبقق عينه ومبطل حلجه ويطالع وأنا أضحك عليه على خفيف دخلت وأنصك الباب طالعني من فوق لي تحت وصفر لي صفرة إعجاب أنا أنقلب لوني وضحكت

مبارك: إي ده إي ده إيدي الحلاوة دي كولها؟؟
أنا: ههههههههههههه ههههههههههههههههههه هههههههههههههههههههههه هههههههههههه
مبارك: ههههههههههههههههههه شوفيج تضحكين؟!!
أنا: أنا هههههههههههههههههه أنا هههههههههههههههه أختي هههههههههههههههههه
مبارك:بلاج؟؟ تحجين بالكلمات المتقاطعة؟؟
أنا: ههههههههههههههههههه توني أتحجى مع خواتي بالمصري وحصة تقولي بسج يالمصرية هههههههههههههههههههههههههههه هههههههههههههههههه
مبارك:هههههههههههههههههههههه هههههههههههههههههههههههههه وأحين هاذي البدله إللي ماكنتي مساعه تبين بتلبسينها؟؟ والله إنها رهيـــــــــــــبه وبعدين شو هالمكياج الروعة صراحة خطيرة أنتي
أنا: شدعوة أي مكياج مب حاطة شي وايد
مبارك: تعرفين لالا كلمة حلوة شوية عليج تعرفين مستوية مكس بيبي فيس على كيوووت على أنج صدج حرمة متكشخه حق ريلها
أنا: لا والله قبل شو كنت يعني ماكنت حرمة وأتكشخ حق ريلي

طبعا أنا كنت واقفه مجابلته فسحب إيدي ولفني وقعدني في حظنه

مبارك: لاء كنتي البيبي مالي إللي أحب أغايضه وأستانس يوم أشوفه معصب وأمسح على شعره يوم يصيح وأراضيه لين مد بوزه

وأبستم أبتسامة حنونه لي و رديت له الإبتسامة لأني كنت أنا أطالعه من طرف عيني وهو حاط حنجه على جتفي ويطالع ويهي ويكلمني فديت روووحه أنا أستحيت من كلامه بس ما منع إني أرد عليه

أنا: أنزين يعني أحين خلاص كبر البيبي؟؟ يعني ما بتحبه؟؟؟
مبارك: واااااااا فديته إلا أحبه وأحبه وأموت عليه بعد مهما كبر بعيني صغير<<وباسني على خدي
أنا: ههههههههههههههه هههههههههههههه أنزين لاا صج أحين عجبتك البدلة؟؟
مبارك: إلا عجبتيني كشخه فديتج
أنا: عيل خذها معاك خخخخخخخخخخخخخخ
مبارك: هههههههههههههههه وياراسج تنكتين بعد
أنا: ها عيل؟!!
مبارك: عاد إذا خذتها لازم أخذج معاها بعد مايصير أخذها بدون محد يلبسها صح؟؟
أنا: أي خير انشالله
مبارك: بل كيف تقولها خير إنشالله قولي أحلم وخلصت السالفة
أنا: هههههههههههههههههه ههههههههههههههههههه أشوه تفهمها وهي طايرة
مبارك: شو شايفتني خبله مافهم أنا؟؟
أنا: لا محشوم الخبله أووه عفواً قصدي أنت محشوم
مبارك: لا والله حلفي بس أنتي أن الخبله محشوم عني؟!!؟
أنا: والله أن....

بغى يحذفني من حظنه يعني قومني ومسك يدي بسرعة وردني لحظنه

أنا: آااااااااااه
مبارك: ههههههههههههههههههههه يالخوافه لشو تخافين أنتي في حظني بعدين معقولة أفرج على الأرض عسب تتكسرين علي
أنا: بايخ تدري أنا كنت باكمل بشي يسرك بس أنت خرعتني والله قلبي عورني

لوى علي من وره لأني كنت في حظنه قاعدة

مبارك: هههههههههه انزين قولي شكنتي بتقولين
أنا: كنت باقول والله أنك محشوم عن المخبل
مبارك:ههههههههههه هههههههههههههههههههههههههه فديتج حياتي
أنا: أحين؟؟ تو الناس جان حذفتني بعد؟!!!
مبارك: في أحد يحذف قلبه غير المينون؟؟
أنا: مادري يجوز خخخخخخخخخخ
مبارك: هيه إذا كنتي أنتي معقولة كل شي يجوز
أنا: وأنت معاي خخخخخخخخخ
مبارك: هههههههه و الله أنج مب صاحيه
أنا: مثلك خخخخخخخخخخخخخ
مبارك: ههههههههههه قومي قومي خل نتعشى عشان أردج بسرعة وأنا أرتاح عسب ماتصير الساعة ست الصبح بكرة إلا أنا ساير في دربي للبلاد
أنا: إنشالله حياتي
مبارك: لولوة مو زعلانة مني؟؟
أنا: لا فديتك ليش؟؟
مبارك: ليش إني باسير عنج؟؟
أنا: لا فديتك مابقى شي وبايي عندك كلها هالشهر وخلاص
مبارك: بإذن الله بس ها هالله هالله بالدراسة شدي حيلج
أنا: إلا ماقلت لي بتيي ولا لاء؟؟
مبارك: أكيد لا لأن لو ييت بتنشغلين عن دراستج
أنا: يااااااااااااه مابي مايصير جذي أنا مابدرس بكون مشغولة أحاتيك
مبارك: أعوذ بالله وليش تحاتيني أنا مب ياهل بعدين باكلمج يعني لشو تحاتين؟!؟؟
أنا: مادري بس كيفي
مبارك: ههههههههههههه أنزين لي ذيك الساعة الله يحيينا
أنا: يلا باقوم ألبس دفتي
مبارك: بانطرج في السيارة
أنا: أوكي دقايق وعندك

وبسرعة ركضت رحت الحجرة خذت شنطتي ولبست وكل شي ونزلت له السيارة وكان ينتظرني وأول ما دخلت حط لي أغنية

مبارك: سمعيها إهدااااااااء خاااااااااااااااااص ماللقلب للقلب
أنا: شكراً

أغنية الجسمي "شلني":
((شلني شلات ياطوير الحمام خلني بانام فوق حظن الريم
شلني شلني

شلني شلات ياطوير الحمام خلني بانام فوق حظن الريم
ودني للزين مملاي القوام هو عويد البان والطرف الكحيل

له عيون وساع ترمي بالسهام من نظرها صار ياخواني جتيل
و الخدود بروق والوجنه غرام و الشفايا ذااب فيها السلسبيل

عوده المياس جن مابه عظام معتزل والخصر مهضوم ونحيل
من ثقل ردفه شكى حتى الحزام كيف عوده سم له حمل(ن) ثجيل

ولي شراتي صار والله مايلام اشتكي فرقاه وفوادي عليل
شلني جدواه ياطير الحمام شلني للزين مسمر اليدين))

أنا: شكراً حبيبي
مبارك: عفواً حياتي

وكمل طريجه لف فيني شوي عقب قالي وين تبين تتعشين قلت له خاطري في جان برجر وطلبنا لنا ورجعنا البيت وتعشينا في الليل

مبارك: لولوة؟
أنا: نعم؟
مبارك: شو تسوين؟؟
أنا:ولاشي أرتب أغراضك وبابدل وبايي أرقد
مبارك: أنزين
أنا: ليش تبيني أسوي لك شي؟؟
مبارك:لا أنتي بس خلصي إللي في يدج وتعالي





أنا: إنشالله

رتبت أغراضه في الشنطته الصغيرة وبعد ماخلصت بدلت ثيابي ورحت يمه كان قاعد على الكرسي إللي مجابل التلفزيون

أنا: ها أبوي آمرني؟!؟؟
مبارك: شو كنتي تسوين من مساعة؟؟
أنا: رتبت شنطتك ونظفتها وبدلت
مبارك: أها
أنا: إيه على فكرة ترا بعض ثيابك ماكويناهم
مبارك: مو مشكله
أنا:>>ابتسمت>> يعني عادي أخليهم عندي؟؟
مبارك:>>مسح على شعري>> هيه حبيبي عادي
أنا: الله أنااااااسه
مبارك:ههههههههه ليش يعني؟؟
أنا: بس
مبارك: هالكثر تحبيني؟؟!
أنا: وأكثر من ماتتصور فديتك

وقمت من مكاني مستحية في نفس الوقت تعبانة باروح أنبطح بارقد

مبارك:تعالي أنزيــن وين بتسيرين؟؟!!
أنا:ههههههههه
مبارك: أفففففف ياربي متى بتتركين ها الحيا عنج إذا أنا ريلج تستحين مني عيل شقايل مع أهلج؟؟!
أنا: >>بصوت عالي شوي عشان يسمعني لأني بعيده عن المكان إللي هو فيه>>أخس من الحال إللي أنا عليه ألحين وياك
مبارك: الله يعينهم عليج والله
أنا: لا والله؟!

وياني عشان يرقد هو الثاني

مبارك: شو تعبانة؟؟
أنا:إيه والله هذه أنت شفت قعدتي من الصبح بس ماقدر أقاوم أكثر
مبارك: أنزين تقدرين تقاومين دقايق بس؟!؟؟
أنا: هههههههه شتطلع بعد ذي؟؟ شله أنزين؟
مبارك: قومي شوي رفعي روحج
أنا: هههههههه يلا أكاني رفعت عمري
مبارك: غمضي عينج
أنا: مبارك شعندك؟؟
مبارك: أنتي بس سمعي الكلام والله ما بتندمين صدقيني
أنا: بنشوف

وغمضت عيني سمعته يفتح ويصك درج بس مادري أي واحد المهم سمعته فتح شي بعد بس مادري شنو عقب ما خلص

مبارك: فتحي عيونج

فتحت عيوني وحطيت يدي على حلجي من الصدمة

مبارك:ههههههههههههههه شو رايج؟؟؟
أنا: مبارك ههههههههه

وأنا مازلت تحت الصدمة حاطة يدي على حلجي وأشوف إللي في يده وأشوفه وأضحك
بطريقة هستيريه والدموع مغرقة عيني

مبارك: ههههههههههههه شو فيج؟؟ مو حلو يعني؟؟
أنا: أمبله فديتك حبيبي

وحظنته وبسته على خده وراسه وشكرته

أنا: فديتك مبارك ليش مكلف على روحك والله ماله داعي كفايه أنت عندي يسوى الدنيا ومافيها
مبارك: إذا مايبت لج أنتي إييب لمنو؟ وبعدين أنتي تستاهلين أكثر من جي


سكت ما كان عندي تعليق
باقولكم شصار الله يسلمكم مره كنت طالعة معاه رايحين سوق الذهب إللي في محرق ودخلنا محل وشفت طقم وايد عجبني قلت له:
"شوف ذي الطقم مع جلابية جذي كشخه وشعر طويل أسود وكحل يرسم العين ومعاه برقع ها إللي يلبسونه العيايز شيطلع فظيييييييييييع
مبارك: فديتج ما يغلى عليج
أنا: حتى لو أنا مابيه لأن أللي في بالي ليحين ماصار
مبارك: وشو هو إللي في بالج؟؟
أنا: آبي آشتري لي جلابية مطرزة وشيله تمشي مع الجلابية على قولتكم وقاية وأهم شي شعري يطول ذيج الحزة باقولك آبيه إذا ماكان عندك مانع طبعاً خخخخخخخخ
مبارك: أفا عليج غناتي أكيد ماعندي مانع"

وطلعنا من المحل ونسيت أنا الموضوع والله أنه كلش ماطرى علي يمكن أحين صار على الموضوع تقريبا أكثر من 5 أشهر وفي هالفترة طول شعري، وهو كان دايماً يقولي لاتقصينه مب حلو عليج القصير وأنا أقوله إنشالله ماقط فكرت أسأله ليش ولا غيره بس إني أقبل فكرة حبه للشعر الطويل، فهو الحين مشتري لي من الإمارات وهو ياي هالمرة الجلابية مخورة وبرقع والطقم نفسه وهو قديم يسمونه "مزنط"


مبارك: شفتي إللي يسمع الكلام ويطيع ريله شو يحصل؟
أنا: فديتك والله وأكثر من إللي آبيه بعد
مبارك: ههههههههه ملبوس العافية إنشالله
أنا: الله يعافيك حياتي
مبارك: عاد ها؟!؟؟
أنا: شنو؟؟؟؟؟
مبارك: يوم أييج في العيد تلبسينه
أنا: أفا عليك ماطلبت، بس جذيه؟؟ من عيوني الثنتين وبعدين لازم بالبسه لك عشان أراويك كشخة حرمك المصون
مبارك: فديت الحرمه المصون أنا هههههههه
أنا: صبر شوي
مبارك:ليش؟؟
أنا: باقوم أحطه في الكبت
مبارك: هههههههه أنزين

قمت من على السرير ودخلت إللي عطاني إياه في الكبت على أساس اليوم الثاني أعطي أمي الذهب تحطه في التجوري والجلابية والوقاية أكويهم وأعلقهم في الكبت

أنا: مبارك؟
مبارك: هلا؟
أنا: الساعة جم بتقوم باجر؟؟
مبارك: ليش يعني؟
أنا: سؤال بس
مبارك: مع أذان الفير إنشالله على ما سير المسيد وأرجع أسبح وأتجهز و أحط أغراضي في السيارة وأسلم عليج وأووه تذكرت نسيت أعبي السيارة بنزين هاه بعد باعبيها بعدين باسير دربي بتستوي ست وشوي بعد إذا ماصارت الساعة سبع
أنا: لا إنشالله بتمشي ست بس إذا قعدت قعدني وياك
مبارك: ليش؟
أنا: بس آبي اقوم لك
مبارك: إنشالله يلا أحين نامي عسب تصحين الفير وأنتي نشيطة
أنا: إنشالله>> وأنا أهز راسي بالإيجاب

وحطينا راسنا ورقدنا وفعلاً على أذان الفير شفت مبارك واعي خلاص بس ينتظر يخلص الأذان عشان يروح المسيد قعدني قبل لا يمشي وأنا قمت بسرعة أتغسل وأصلي وأبدل ثيابي وعقب جهزت له ريوق خفيف سندويش فيه جبن وحطيته في التوستر مع شاي حليب ركبت وفي يدي الصنية توني حاطتها على الطاولة إلا بدخلته قعد تريق معاي وعقب دخل يتسبح وأنا أستغليت الفرصة لأن ماباقي عن العيد إلا أسبوعين تقريباً إذا مب أقل فهو كان ناقصه بعض الشغلات وأنا أدري أنه بينشغل في نورة وأمه وأبوه غير اليهال عيال خواته وما بياخذ إللي ناقصه فشريت له قلم ماركة سيروتي، مسباح شيوخي، عطر هاير ديور،دهن عود والله يعزكم نعال شافها معاي وعجبته وقال بيرجع للمحل بس أنا تعبت من كثر المشي فما كان في مجال يرجع له رحت أنا بروحي شريتها له، كنت أرتبهم له على الطاولة عشان يشوفهم عقب بارجع أحطهم كلهم في كيسه وحده كبيرة شوي وماعطته ظهري، ياني وحط يده على جتفي

مبارك: شو تسوين؟؟
أنا: تفضل شوف
مبارك: شو ها؟؟ >>عاقد حواجبه
أنا: لك حبيبي العيد ياي وأدري بتنشغل وما بتاخذ حق نفسك قلت أخذهم لك عشان تكشخ جدام الكل
مبارك:يعني أنتي تسوين لي وحده بوحده ؟؟ مثل ماشريت لي شريت لك؟؟
أنا:هههههههههه لا أنا أصلاً كنت مسوية لك مفاجأة بس أنت فاجأتني البارحة فحبيت أردها لك بس بشكل آخر وبعدين أنا شريت كل ذي وياك وبعض الأشيا شايرتهم من قبل لاتيي لين طلعت مع بيتنا شريت كملت المجموعة والحين أكتملت وأنا ماخذتها ألا أدري ومتأكده أنك راح تنشغل بطلبات بيتكم وبتنسى تشتري هالأشيا
مبارك:>>حبني على يبهتي>>تسلمين والله ماقصرتي يعلني ما خلى منج
أنا: ولا منك أنزين شوف يمكن شي مايعجبك

وفتح وشاف كل شي عقب لف علي

مبارك: تصدقين عاد؟!!
أنا: شنو؟
مبارك: ودي أصفعج كمن كف محترم جي ماتبين غيرهم
أنا:ههههههههههههه ههههههههه هههههههههههههه ليش إنشالله
مبارك: مخسرة فلوسج عسب تتشرين لي وتقولين ليش؟؟وياليت تطلبين مني فلوس باقول مو مشكلة إلا هي تاخذ مني وتتشرى لي فيهم لكن المشكلة إنها من فلوسج
أنا: أنزين فلوسي وفلوسك واحد
مبارك: لولوة أدري أن فلوسي وفلوسج واحد بس أنا مابا حد يقول والله البنت هالكه روحها تتشرى بفلوسها وهو حتى درهم مايعطيها في يدها
أنا: من قال ماتعطيني؟؟ الحمدالله أنت مو مقصر عني في شي
مبارك: أنتي تقولين غيرج يقول غير عن هالكلام
أنا: أنزين أحين خلاص أنا شريت لك يعني بتكسر بخاطري؟؟>>ومديت بورزي..
مبارك:ههههههههههههههه فديتج والله ما أكسر بخاطرج والله إللي يبيته لي كله أنا فعلاً محتاجه ولا أكثر بعد شو هالكشخه والله أحس روحي بطلع شيخ بيحسدوني عليج
أنا: أقرا علي المعوذات بسرعة ههههههههه
مبارك:هههههههههههه لا والله والله ماجذب عليج أن كل شي شريتيه كلمة حلو شوي عليه وخصوصاً أنه من ذوقج
أنا: شكراً والله تستاهل أكثر من جذي بس إنشالله مرة ثانية
مبارك: لولوة تحملي تسوينها مرة ثانية هاذاني قلت لج
أنا: هههههههههه إنشالله يلا عشان لاتتأخر باحطهم لك في ذي الكيس وسلم على خالو والبنات كلهم ونواره فديتها وإنشالله نشوفكم على خير، في العيد إنشالله بتيوون صح؟؟!
مبارك: إنشالله إذا الله أحيانا
أنا: بإذن الله

ونزلت معاه لي تحت عند السيارة، ودعته وركبت فوق عدلت الغرفة وأنبطحت شوي وغفت عيني ماصحيت إلا الساعة تسع قمت من على السرير وعدلته ورحت صوب الكبت خذت الجلابية والشيلة كويتهم وعلقتهم مرة ثانية والطقم رويته أمي وفرحت لي وحطته عندها رجعت غرفتي مرة ثانية عشان أدرس درست لي حوالي ثلاث ساعات متواصلة ووقفت آخذ بريك نزلت تحت أشوف شنو الغدا وأفتر في الصالة أشوف شنو ناقص وركبت فوق مره ثانية، ضيعت ساعة كاملة لأني بعد قعدت حق التلفزيون شوي فمن جذي رديت مرة ثاني حق كتبي ما كملت ساعة إلا نادوني حق الغدا تغديت وخلصت سويت حق مبارك تلفون قالي أنه وصل بالسلامة وثلث ساعة بالكثير وبيدخل البيت
تطمنت عليه وسكرت ورديت تذكرت أن باجر دواام أفففففففف شل الأرف إللي أنا فيه؟!
يلا مابقى شي أقل من أسبوعين و بح أطير من هني وأفارق هالبيت وأخواني وخواتي آااااااه صج صعبه بس يالله إلي يصبرني على فرقاهم ويمسح على قلوبنا ويخفف علينا.

مر الأسبوع الأول عادي مافيه شي من الجامعة إلى البيت ومن البيت إلى الجامعة هذه طلعتي من الساعة ست مارد إلا على الساعة ثلاث أو أرجع متأخر على الساعة ست عاد هاذي اليوم إللي أرجع فيه الساعة ست أكون فيه ميته من التعب راسي يعورني وآبي أنام بس ماقدر لأن مايبقى شي عن أذان العشى وعقبها خلاص يبدون في تجهيز العشى وأنا آبي أقعد عشان أشوف الكل على الطاولة كفاية إني ماشفتهم على الغدا وبس هذا حالي...
وصل الأسبوع إللي فيه إجازة العيد الوطني طبعاً جمعة وسبت إجازة فعطونا الأحد والأثنين تعويض، في هاذي الأيام المطر تقريباً ما وقف ماعدا الأثنين إللي كان الجو صقيــــــــــــــــع وكانت درجة الحرارة 6ْ!! وبعد هاذي الأجازة خلاص دوام فكان الجو في الجامعة حدث ولا حرج برد من الزيـــــــــــــــــــن وهوا تحسون أنه يظرب من كثر ماهو بارد وقرب العيد و
أنا خلاص جهزت روحي له والحمدالله خالتي وخالي السنة بيروحون الحج وإذا الله أمد في الأعمار أمي وأبوي السنة الياية بيروحون بس والله أناسه أن حد من الأهل يروح الحج

الأيام تركض وحالنا ماتغير إلا أن خالتي ربت ويابت ولد وهي عندنا في البيت لأن أهل زوجها رايحين الحج ومحد عندها يساعدها في البيت ويدتي مره كبيرة ماتتحمل اليهال وغير جذي مريضة فما بتقدر تشيل وتحط مع خالتي إذا راحت تقعد عندها.
أول يوم عيد لبست بدلة كشخه طبعاً _أدري بتسألون ليش مالبستي الجلابية وهالأشيا باقول لكم أن ريلي باجر بييني مع أهله وغير جذي باجر الجيران من الصبح إييون حق أمي يعايدون عليها الكل يتجمع عندنا فأحلى الكشخه فيها باجر_ عبارة عن تنورة قصيرة تحت الركب فيها تدرجات البنية ولون البرتقالي إللي يتبع حق تدرجات البني ورسومات حلوة وبسيطة فيها أما فوق فيكون قطعتين بدي كت بس أنه خيوط وعليه بلوزة نفس اللون يدها طويلة وفيه ربطه في النص عشان أصكه إذا حبيت وفيه حركات حلوة على ماعرف كيف أوصف لكم أياه بس فعلاً لو هي بسيطة لكنها حلوة.
بما أن يدتي محد عندها فيات بيتنا وهالسنة العيد في بيتنا أناسة الجو ربشة ناس داخلة وطالعة وغير إللي إيي عشان يسلم على يدتي والله الجو كان عجيب سواء جو البيت أو الجو بشكل عام كان لا بارد ولا حار عادي هاادئ صج صج أستانسنا بس أنا أناستي غيييييييييير لأن باجر في هالوقت مبارك عندي وااااااي متى بيي باجر آبيه بسرعة إيي عشان أشوف مبارك وأهله طبعاً _هههههههه العيارة_ خلص اليوم وختامها كان من بيت عمي إللي يونا مرت عمي إللي غيرت الجو عندنا وخلتنا نفرفش والله القعده وياها ماتنمل طول الوقت تسولف ونضحك على سوالفها ماشالله عليها خفيفة دم بس لاتعصب، سبحان الله تتغير 360 درجة ولا كأنها ذيج إللي تنكت فديتها والله، وطبعاً من طلعوا مني أنا صعدت مني على غرفتي لأني خلاااااااااااااااص البطارية empty مقفلة حدي أشوف الشي شيين من كثر النوم لأن هاذي قعدتي من الساعة 6 الصبح أول ما جهزت أتصلت في مبارك عيدت عليه على السريع لأنه كان بيروح حق الرياييل يسلم عليهم وعقبها أتصلت في بيتهم أسلم على خالو عفرا و خواته بس ردت علي فاطمة أخته وعيدت عليها وقالت أن أمها والبقية مشغولين عندهم حريم وبتوصل السلام لهم.

اليوم الثاني من الصبح الحلوة لولوة قاعدة عشان في حالة طب عليها مبارك فجأة تكون جاهزة ومايعيب عليها أنها ليحين راقدة مثل عيد الفطر وباقول لكم إللي صار وإللي هو التالي:


""كنا تونا مخطوبين تقريبا صار لنا شهرين أو أكثر وهو كان كل أسبوع وترك أو كل أسبوع إيي البحرين عشان يشوفني ويقعد معاي شوي وصادف أسبوع العيد المفروض يكون هو في البحرين أتصل فيني في بداية الأسبوع وبعد السلام والسوالف

مبارك: لولوة بس حبيت أخبرج أنه أحتمال كبير إني ماراح أقدر آييج لأني باكون مشغول مع بيتنا لأنهم معزمين يغيرون جو يعني من ثاني العيد فبيسيرون الشارجة حاجزين لهم شاليه مع قوم عمي وكأنه وحده بعد من خالوتي أمي عزمتهم وراح تروح معاهم فلا تزعلين مني فديتج
أنا: لا عادي أفا عليك مافيها زعل ولا شي أستانسوا أنتو عليكم بالعافية وأنا لاتشيل همي أنا عند أهلي يعني لاباضيع ولابيصير فيني شي وباروح وياهم وين مابيروحون فلا تحاتي ولاتكدر روحك روح أبوي وأستناس وياهم
مبارك: فديتج والله على بالي بتزعلين ليش أني مابا شوفج ولا باعايد عليج
انا: لا شدعوة بعد سبحان الله مرات الظروف تكون أقوى مني ومنك وتحكم على الشخص
مبارك: ياربي أحمدك وأشكرك على النعمة إللي عطيتني إياها تدرين أنا المفروض كل يوم أصلي حق ربي ركعتين شكر أنه رزقني بوحده متفهمه مثلج وأبوس أمي من بدال مرة ألف على أنها أختارتج لي
أنا: ههههههههههههههههه شدعوة لو وحده غيري بتقدر إللي أنت فيه
مبارك: منو يقول؟!! ماشي غيرج بس
أنا: والله؟!!
مبارك: هيه والله
أنا: أنزين

وبس سولفت معاه شوي وسكرت الخط وهاذي الأتصال كان ليلة العيد. أول يوم العيد كنت أشطب على كشختي وفي قرارة نفسي قاعدة أقول بس تخلصين سبقيه وأتصلي عشان يعرف أنج نشيطة ومانسيتيه وفعلاً بسرعة بسرعة خلصت توني رافعة التلفون باتصل عليه إلا هو متصل

أنا: عمرك طويــــــــــــل
مبارك:ههههههههههههههههه وعليكم السلام والرحمة
أنا: ههههههههههههههههه السلام عليكم عيدك مبارك
مبارك:هههههههههههههه كل عام وأنتي بخير وعساج من العايدين الفايزين غناتي شخبارج؟
أنا: والله الحمدالله تمام، أنت شخبارك؟؟
مبارك:والله الحمدالله بخير، شو الأجواء عدكم؟؟
أنا: والله حلو تحت اليهال إييون يعايدون وعقب شوي بنروح بيت يدتي مكان التجمع بس طبعا أبوي وعبدالله وإبراهيم يروحون يسلمون على الرياييل من عمامي وغيرهم
مبارك: أها عيل وين عمتي باسلم عليها
أنا: لحظة شوي

وعطيت التلفون أمي وعايد عليها وعقب نادتني وعطتني التلفون

أنا: ألو
مبارك: وأحلى ألو
أنا:ههههههه
مبارك: أموووت على الضحكة وصاحبتها يااربي، أقولج لولو
أنا: لوسمحت أسمي الشيخة لولوة
مبارك: ماعليه نطوفها لج لأنه اليووم عيد
أنا: أصلاً غصبن عنك
مبارك: غصبن عني أوكي أونه يعني أحين خلاص مانروم نكلمج ها؟؟ أستويتي شيخة؟!!
أنا: والله هاذي مو كلامي خالتي قالت لي"حبيبتي أسمعيني يوم يزقرج مبارك ويقولج لولوة أو لولووه قوليله أنا أسمي الشيخة لولوة وأن جانه مارضى يزقرج خبريني" ها شرايك في الكلام عجبك ولا لاء؟؟!!!!! ههههههههههههههههههه
مبارك: إلا على راسي ومن فووق بعد هههههههههههههه
أنا: عبالي بعد
مبارك: أنزين أبا طلب منج
أنا: آمرني
مبارك: سيري أتصوري أبا أشوف كشختج
أنا: أول يوم صعبة
مبارك:ليش فديتج؟؟ عشاني
أنا: مبارك مو سالفة عشانك ولا مو عشانك الأستديوهات يكونون زحمــــــــــة ماتنطاق والله لو تروح الساعة ثلاث ماتطلع إلا الساعة سبع من الزحمة حتى أستيديو الهنوود زحمة
مبارك: أنزين خلي حد يصورج
أنا: مومشكلة باشوف جان أحد صورني زين
مبارك:أبا شي أكيد
أنا: إنشالله باحاول
مبارك: بس عيل أنا أنتظر الصور أوكي؟
أنا: بإذن الله

فعلاً ورحنا الساعة ثلاث مع أختي الإستيديو قلنا عن الزحمة طلع الستيديو معفووس من الأوادم أفف مادري من وين يطلعون بعدين أنا آبي أعرف ليش بالذات يصورون يوم العيد مب عارفة لايكون يوم تطلع الصورة مكتوب عليها كشخة العيد؟!!!
والله ورجعنا البيت من دون تصوير عقب ما أنتظرنا ساعة إلا ربع بس ماكان في أمل لأن جدامنا عشيرة ماتخلص إلا عقب سبع ساعات، رجعنا البيت و مسكت أختي كيمرا البيت وصورتني وصورتهم أنا وأستانسنا وحركات خبال وبروحنا ندلع روحنا نطلب لنا من البرادة أكل ونسوي العصير وماعرف حالتنا حالة بس صارت الساعة ثمان حرام إني مب قادرة أفتح عيوني ماعرف شلون وصلت حجرتي وبدلت وعلى طول حطيت راسي ورقدت ماقعدت الصبح إلا بصوت أعرفه بس أحسه إييني من بعيـــــــــــــــــــــد وكأن الصوت طالع لي من حفره وعقب حسيت بهزه خفيفة على جتفي ما قمت ومرة ثانية حسيت فيها بطلت عيني على خفيف ورديت غمضت على بالي أحلم لا الهزة إللي أحس بها مازالت متواصلة مع الصوت الخفيف إللي إييني بطلت عيني إلا مبارك قاعد على ركبته ويطالعني وأنا راقدة ويضحك علي وأفز بفزة من مكاني أعدل روحي فيها بسرعه وألم شعري كله بيدي وأحطه على جتفي على صوب واحد

أنا: أنت شلون دخلت هني؟؟

طبعا الصوت فيه بحة مال الرقاد

مبارك: ههههههههههه صباح الخير ياحلوة
أنا: صباح النور، بس شلون دخلت غرفتي من يابك؟؟
مبارك: بعد كيف بدخل يعني بافتح الباب بيدي وبدخل بريلي ومن بييبني مثلاً يعني العصفورة؟؟!! هههههههههههههههههه
أنا: لا قصدي من إللي صعدك عندي هني فوق؟
مبارك: ليش مضايقنج وجودي؟؟ عادي تبيني أطلع باطلع بس قبلها سوي لي درب

في قلبي مستانسة أنه عندي بس متضايقة أنه شافني جذي حالتي حالة وويهي منفخ وتنرفزت على أسلوبي وياه يعني هاذي يزاته ياي متعني لي وآخرتها آقوله جذي؟!!!

أنا:لا لا بس أنتظر شوي

وقمت بسرعة من على سريري رحت أتغسل والحمدالله كنت لابسة بيجامة طويله، طلعت شفته قاعد يشوف الصورة إللي كانت محطوطة على التسريحة شافني وأبتسم وصد صوب الصورة مرة ثانية ورد يشوفني أبتسمت له

مبارك: كم عمرج في ها الصورة؟؟
أنا: أمممممممم كنت ثاني إعدادي يعني 14 تقريباً شي جذي
مبارك:أمممم ماتغيرتي وايد صدج يمكن حلويتي أحين أكثر وصرتي تاخذين ملامح من أمج بس نفس البيبي فيس إللي شفته وهو نايم من شوي حتى رقدتج رقدت يهال هههههههههه

أبتسمت له ماكان عندي أي تعليق كل إللي سويته عقب قلت له يقعد على ما أجهز وننزل تحت، صح أن الوقت ماكان متأخر كانت الساعة 8.30 بس هو ماقدر يصبر أكثر على قولته يايني من أمس في الليل وحب أنه يسويها لي مفاجأة بس أتفاجأ أكثر يوم عرف إني فوق وراقدة بعد فستأذن من أمي وإبراهيم سواله درب بس الحمدالله إني كنت مرتبة الغرفة وإلا جان يافشيلتي فشيلاه هههههههه بس قعد يفرر في التلفزيون بسرعة رتبت سريري وطلعت البدلة ولبستها ورتبت شعري بطريقة بسيطة وحلوة وكان أيامها قصير لي جتفي بس وحطيت لي ميك آب خفيف بعد يمشي مع البدلة إللي أنا لابستها غير إني لبست طقم ذهب خفيف عندي أياه، تعطرت ورحت له

أنا: ممكن ننزل الحين؟؟
مبارك: فديتج ماشالله عليج لاقوة إلا بالله عيني عليج بارده وربي يحفظج من كل شر

أففففففف سكتوا لاتسألون شنو كانت حالتي وخصوصاً أنا كنت أستحي منه وايد في ذيج الأيام بزيادة فويهي يسوي تشششششششششش ههههههههه أحترق يعني خخخخخخخ

مبارك: يلا فديتج ننزل بس شوفي لي الدرب أول
أنا: انشالله

وسويت له درب ونزلنا نتريق ويا بعض وقعد ويانا وسلم على الكل وقالي ألبس عشان بيروح يسلم على يدتي وعمامي وعمتي وأنا فرحت صراحة أستانست من الخاطر أحب الزوج مثل مايحب يروح يسلم على أهله يسلم على أهل مرته فركضت بسرعة لبست عباتي وشيليتي ورحت معاه طبعا كانت الساعة 10.30 تقريبا خلصنا على الساعة وحدة إلا شي قالي قبلها طبعا إني أتصل في بيتنا لأنه مابيتغدا عندنا بيطلعني نتغدا برع وأتصلت وخبرت أمي إللي كانت معارضه

أمي: مايصير بروحه حاجز في فندق والبيت شكبره وأحين يبي يتغدى برع قولي له تقولك عمتك مافي رجعوا البيت تغدو أحسن لكم لاتخسرين الريال
أنا: إنشالله، مبارك تقولك أمي أرجع البيت وتغدا معانا
مبارك: عطيني إياها

وخذ التلفون من عندي وقالها جمن كلمة أقنعها ووافقت ألتفت علي

مبارك: مارامت علي أحم كلمتي ماتنرد
أنا: ههههههههههههههه عشتوا ماقدر
مبارك: أكيد شو تتحديني؟
أنا: من قال أحين أنا أتحداك؟!!
مبارك: تحسبت بعد

ووداني مطعم القيصر تغدينا وعقب وداني السينما وتمشينا عقب رجعنا البيت على العشا نزل شوية معاي عقب مشا وقال أنه بيي باجر يتغدا وإللي عقبه هو ماشي وبس يانا اليوم الثاني قعد عندنا طول اليوم تقريبا سوالف وضحك واليوم إللي بعده على الساعة 9 الصبح تقريباً مشى عقب ماسلم علي طبعا."


أصبحت اليوم الثاني _للعيد طبعاً_ على الساعة 6.30 عشان آخذ راحتي في التعدل مو يطب علي وأنا راقدة بعد، تغسلت وطلعت رتبت الحجرة عقب تلبست وبديت أحط لي كحل بحيث يبرز لون عيوني العسلية الغامجه بإختصار رسمت عيوني رسم بس صراحة أستحيت من طريقتي لأنها ملفته للنظر بس قلت في خاطري دامها حق ريلي وأنا في البيت مو مشكلة وحطيت لي روج جي لونه بني ولبست الطقم إللي هو يايب لي إياه ولبست مضاعد في يدي كنت صج صج رهيبة كشخه، فديتني طالعة رزة شخصية ذات هيبة وحطيت الشيلة بس جذي على راسي قاطتها متعطرة وغير الدهن العود وتدخنت بعود شنو يعني فظيييييييييعه غطيت على الكل والكل أنبهر فيني حتى أمي لأنها ماشافت الجلابية بس الطقم، رويت أبوي وقال: "لا حلوة تستاهلين عليج بالعافية" وضحك لي فديته شكثر أحبه، وطبعاً البرقع مالبسته قلت لين وصل بالبسه نزلت تحت بس قبل لا أوصل لهم رفعت قذلتي على ورا ونزلت الشيله على جتفي إلا خواتي تحت قاعدين

الهنوف:لالا ماروم أنا عااااااااشوو
حصة:شالكشخه شالزين شعندها حرم السيد مبارك
أنا: أحم أحم
الهنوف:ههههههههههههه شو شو ماهذا يا أختاه ماهذه الحلاة كلها؟!؟
حصة:أنها لزوجها العزيز الذي سوف يوافينا بعد دقائق معدودة ههههههههههههههه
أنا: ههههههههههههههههههه حسبي الله على إبليسكم إني أردت أن أرويكم كشختي قبل أن أرويها لغيركم هههههههههههههه
حصة: شكراً شكراً
الهنوف: نشكر تقدريك لنا على أننا أخواتك الكبار
أنا: لالا أعرف السنع لا تخافين
حصة والهنوف:ههههههههههههههه
حصة: أشوه عبالي ماتعرفين
أنا:حصووووو بلا سخافه أنزين خليني أستانس بكشختي فديتني أنا الحلوة
الهنوف: ياربي على الثقة


لطيفة نزلت لأنها ماشافتني يوم رحت حق أمي وبققت عينها علي وأنا أقول في قلبي هاذي ومالبست البرقع وبديتوا إعجابكم فيني عيل لي لبسته شبسوون هههههههه

لطيفة: الله لولو حلوووووووه
أنا: ههههههههههه مشكورة أنتي بعد حلوة
لطيفة: لا والله ههههههههه صج صــــــج صايرة وايد حلووووة
أنا: فديتج يا أختي العزيزة عيونج إللي تشوف كل شي حلو
لطيفة: آبي مثلج
أنا: أحم مافي ماسوو إلا حق لولوة وبس
لطيفة: لا صج باقول حق ماما تشتري لي حق العيد الياي
أنا: بوووووووووه الله يحينا للعيد الياي وبعدين هاذي مو من البحرين خخخخخخ
لطيفة: عيل من وين لج؟؟
أنا: مبارك يايب لي إياها
لطيفة: يعني من الإمارات؟؟
أنا: إيه حبيبتي
لطيفة: مايصير يشتري لي وحدة أنا بعد؟؟
أنا: لا حبيبتي عيب أنا إذا رحت بإذن الله باشتري لج
حصة والهنوف: هههههههههههههههههه هههههههههههههههههههه ههههههههههه
أنا: شفيكم تضحكوون؟؟ ماقلت شي يضحك
حصة: الله يهداج عاد أنتي متى بتروحين في الأسبوع إللي مافيه يمعه؟؟
أنا: هههههههههه والله كيفي هانت مابقى شي
الهنوف: إي والله صاجه أختي من متى وأحنا نسمع أنج بتروحين الظاهر لي حجت البقر على قرونها
أنا: هههههههههههههههههههههه ههههههههههههههههههههههههه ههههههههه حلوة
بس لا صج مابقى شي هاذي العيد وأسبوع وراه الإمتحانات وخلاص في الإجازة باودي أغراضي إللي آبيهم وإللي مابيه باطلعه وفي أشيا باخليهم هني وعقب بايي زيارة لكم عقب ماثبت قواعدي وبارجع لهم هناك
حصة+الهنوف: ههههههههههههههههههههه هههههههههههه
حصة: هههههههههههه حلوة ذي قواعدي وين عايشين أحنا في القوات الجوية العسكرية
الهنوف: والله قواعدي
أنا: يعني أقصد أغراضي كلها بايي هني باقعد وياكم أسبوع تقريبا باسلم فيها على الكل وباتوكل عنكم عقب ومابين الفترة والثانية باييكم إنشالله
كلهم: بإذن الله

وأنطق الجرس وقلبي يدق بسرعة شفت من كيمرا الجرس أنه مبارك وأهله قلت حق خواتي أنهم وصلوا على طول نفظوا أعمارهم وقعدوا عدل وقلت حق الخدامة تدخلهم ومبارك تدخله الميلس، دخلت خالو عفرا ونورة إللي يات معاها بس لأن الباقي متزوجات وكل وحده لها حياتها الخاصة سلمت عليهم ورحبت بهم وعيونهم مانزلت من علي يشوفوني باعجاب ويتبسمون في ويهي وسألنا عن أخبارهم وخذو أخبارنا وسالفنا وضحكنا ونورة فديتها سوت لنا جو نضحك على سوالفها ماشالله عليها خفيفة دم وحبابه وأمي طبعا نزلت لأني طرشت لطيفة تناديها بس وسوالف وجذي و وصل عبدالله و بسط مع مبارك وخذ منه الأخبار وسوالف عقب تذكرت ان تلفوني فوق رحت الا يرن كان عبدالله نزلت تحت لي ورحت له عند الباب

أنا: ها عبيد شعندك تطق لي رنات أعنبو حرقت تلفوني لو مارحت فوق ولحقت عليه جان راح عاد أشتر لي أنته واحد من بداله
عبدالله: الحمدالله والشكر شمسوية في روحج أنتي هههههههههههههه
أنا: كيفي فديتني حلوة طالعة على أخوي
عبدالله: هههههههههه ويهج تيبين جمالي
أنا: عشتوا ترا أنت ماخذ الجمال مني
عبدالله: خلصوا الأوادم عشان أخذ منج
أنا: ههههههههههههههه أنزين شتبي أحين حارق تلفوني عشان تسمعني هالكلام أخلص عندنا أوادم داخل
عبدالله: أنا إلا توني طاق لج
أنا: عيل من إللي من مساعة يطق لي يدي؟؟
عبدالله:لا وأنتي الصاجة أنتي إللي ناسية عندج أوادم بعد في الميلس غير إللي في الصالة وذبحني كل ساعة قوم ناد أختك وقوم نادها أذانا الله يأذي إبليسكم
أنا:ههههههههه<<ضحكة فشيلة لأن صج خذت على الجو و نسيته>>ههههههههه أنزين شوي وباييه قوله
عبدالله: أنزين سرعي لأني أنا باقوله وبامشي أوكي؟!؟
أنا: إنشالله هذاني يايه بس دقايق
عبدالله: شله بعد؟؟ لازم التأخير؟! بس تعالي
أنا: ليش وإللي داخل مالهم حشيمة يعني مب جنه إللي داخل أمي وأمه وخواتي؟!؟
عبدالله: أفففف ههههههههههه بسرعة ترا من صجي أنا بس باقوله وبامشي ربعي برع عند الباب
أنا: خلاص روح وأنا يايه وراك

وراح هو وأنا دخلت داخل وأستأذنت من الكل وخواتي ماقصروا يغمزون لي بعيونهم وينقزون وأنا أضحك، حسبي الله على إبليسهم ضحكوني والله بسرعة ركضت فوق خذيت البرقع في يدي ويوم وصلت عند الباب قبل لا أطلع لفيت على المنظرة مالت المغاسل لبسته وقطيت الشيلة على راسي وشعري طبعا مفلول على جتوفي طايح كان شكلي روعه عقب ما تأكدت من شكلي طلعت وأنا ميته من الخوف قلبي يدق بقوة، قبل لا أدخل طقيت الباب وشفته عدل قعدته على باله أمي بتدخل خخخخخخخخخخخخخخخخ
وعلى طول دخلت

أنا: السلام عليكم

وقربت يمه وهو قاعد مستغرب من إللي دخلت عليه الصوت صوتي بس الشكل يديد أول مرة يشوفه قربت صوبه ووايهته_وقفت مجابلته وخاشمته_ وهو ساكت يادوب رد السلام

أنا: عيدك مبارك حياتي
مبارك: لووولووو فديتج شو هالحلاة فديتج والله قمر قمــــــــــــــــــــــــــــــر ياربي والله شكلج غير متغيرة 180 درجة
أنا:ههههههههههههههههههههه
مبارك: والله تحريت عمتي بتدخل علي خصوصاً أني شفت شي أسود تحسبته شيلتها
أنا: لا هاذي أنا شرايك فيني؟؟
مبارك: والله قمر فديتج تيننيين حياتي الستايل حقج صج عربي أصيـــــــل أحم شيوخي ولا ها جحالج إللي مطلع سحر عيونج كله بس هااا فديتج ها مابطلعين فيه جي بس حق هني البيت
أنا: أدري ليش أحد قالك إني باطلع به؟!!
مبارك: أشوا تحسبت بعد مفكرة أنج تطلعين جي
أنا: لا مب مينونة أنا
مبارك: لولو والله مو مصدق أنج ها أنتي إللي عندي الحينه أقولج أقولج
أنا: شفيك؟؟ شنو؟
مبارك: شيلي ها البرقع أبا أشوف باقي ويهج، ها داسه عني.
أنا:ههههههههههههههه والله أنك تضحك
مبارك: لا والله صج فصخيه يلا عااد
أنا: إنشالله

وفصخته وهو شاق حلجه لأن الشيله طاحت من على راسي وبين شعري بشكل أوضح وأنا مسويته سيده (straight) عشان يبين طوله وااايد عجبه شكلي بالجلابية والطقم وخصوصا المضاعد وغير الحنا إللي في يديني صج يثبت أني عربية من الزين سحبني من يديني وباس راسي وخذ شهيق بقوووووة

مبارك: الله على الريحه الحلوة، لا خلاني الرب منج إنشالله





أنا: ولا منك فديتك
مبارك: أنزين ماخبرتيني
أنا: شنو؟؟
مبارك: ردة فعل أمايتي ونوارة من إللي عليج؟؟
أنا: والله تبي الصراحة تلقيت من الجميع نظرات الإعجاب من جميع المتواجدين حالياً في المنزل بما فيهم أبي الذي غادر منذ قليل
مبارك:ههههههههههههههههههه أها كذا وهل أنا من ظمن أولئك المعجبون؟؟
أنا: أظن ذلك يا عزيزي it suppose you tell me if you are with them or not
مبارك: surly darling that you are not butifull you are more than that you are saxy ههههههههههههههه
أنا:عــيــــب أنزين ماتضحك
مبارك: I’m saying the truth
أنا: شعنده إلا أجوف قمت تقلدني؟؟
مبارك: في شو أقلدج إنشالله؟؟ ليش ماشي شغله إلا أقلدج أنتي
أنا: يعني في كلامي بالإنجليزي حتى طريقة لفظ بعض الكلمات the pronunciation it’s same the way that I pronunciation the words وبعدين ليش ماتقلد علي إنشالله؟؟ تراني الشيخة لولوة وإذا مو مصدقني أحين أنادي لك خالوا هاه وهذاني قايمه

وعلى طول قمت وبسرعة سحب يدي عشان أقعد

مبارك: حشى بلاج أنتي؟ على طوول باروح أقول حق خالوو عنبوا محد يغايضها!؟
أنا: لا لأنك مو قدها خخخخخخخخخخ
مبارك: خلينا أحين من سالفة الغياض، بس والله صدج صدج لولوووه أباج أفففففف بس خلاص ماعدت أتحمل ياربي شو أسوي والله زهقت روحي ماحد معايه يسليني
أنا: هههههههههههههههه أحين شفيك أنت؟ أنا وعندك بعد شنو تبيني؟؟ وبعدين أحين يعني يوم قربنا نخلص دوامات قلت ماعدت تتحمل شفيك؟؟ حشى عليك أنك مهب صاحي
مبارك: هيه على قولتج مهب صاحي خبلتي بي يابنت الناس فكيني من هالصدعة إللي تقولين عنها دراسة يابوي بدخلج أحسن الجامعات عدنا بس تعالي
أنا: هههههههههههههههههههههه هههههههههههههه أشفيك أحين أنت، لا بالله منت صاحي أنزين عندك نواري فديتها تسليك تيين سوالفها
مبارك: تعجبج أنتي أنا ماتعجبني تلوع بجبدي زييييييين
أنا: مبارك عاااد شالكلام حرام عليك والله البنت طيوبه
مبارك: حرام عليج أنتي بتذبحيني بتموتيني وأنا قاصر عمر
أنا: آنه؟؟؟؟؟؟ مبارك شفيك أحين أنت؟؟أنا شسويت لك؟ لا آبي أذبحك ولا أموتك قاصر عمر عله في عدوينك ولا فيك
مبارك: والله محد ذابحني غير هالـ"آنه" حبيبي انتي أباج تكونين يمبي والله أباااااااج يمبي يعني ماترومين تنزلين عدنا هاليومين لا تقولين لا عدكم إجازة سبوع وزود أنا حاسبها
أنا: هههههههههههههههههه أحين كل هالقصة عشان أنزل عندكم؟؟؟
مبارك: هيه عندج مانع؟؟
أنا: لا عندي دواس خخخخخخخخخخخخخخخخ
مبارك: لولووووه والله بظربج ألحينه أنا وين وهي وين؟!! أنا أتكلم جد وهي تتمصخر كلش الحلوة رايقة
أنا: إيه شله أحرق دمي وأنت تدري حتى لو ييت مب يايه أنا بروحي لازم أحد بينزل معاي وفي النهاية ما بنبات عندكم عرفت الحين؟؟وأنا أقول خلها، أنا جذي جذاك عقب ما أخلص إمتحانات على طوول بانزل عندكم عشان أرتب أغراضي عرفت؟؟
مبارك: لا بتنزلين هالإجازة يعني بتنزلين، وبتنزلين بعد مرة ثانية حق ترتيب أغراضج وبعدين مافي داعي حد ينزل معاج وأنا موجود، ليش أنا وين سرت؟ ولا لايكون أنا ولد الجيران؟!؟
أنا: ماقلت جذي بس تعرف من هني لي عندكم صج المسافة بسيطة بس بعد أخاف أنزل بروحي
مبارك: مومشكلة بنزل البحرين يوم إللي تبين تيين عندي أنزل الصبح نحجز تذاكر ونرد المغرب بعد شوتبين أكثر عن جي؟؟
أنا:فكرة مش بطاله
مبارك: في عينج مش بطاله شوفي والله لو تبين بعد إذا ما يعيبج أنج تيين بالطيارة أنا أييج بسيارتي وآخذج ونرد البلاد أنا حاظر؟
أنا: مب صاحي أنت؟ أطق درب ست مادري سبع ساعات عشان تيي تاخذني وترجع مره ثانية نفس المسافة؟؟ يبه خلك على الطيارة أحسن
مبارك: خلاص على الطيارة شوفي رتبي أمورج على عقب باجر إنشالله أنا نازل الصبح أبا أشوف أغراضج كلها مرتبة أنا مجرد ياي أحجز تذاكر مرة ثانية لي ولج وأريح شوي وعقب نتوكل على الله
أنا: بإذن الله بس لازم باشاور أمي وأبوي قبل
مبارك: أنتي مايخصج أنا إللي باخبرهم أنتي بس ماعليج إلا تسكتين وتجهزين أغراضج بس ها كل إللي عليج تسوينه وأباج تحطين ها الجلابية إللي عليج تحملي تنسينها ياوييلج
أنا: ليش بعد خصوصاً والإصرار عليها؟؟
مبارك: بس عسب يوم إييون يسلمون عليج يشوفون الكشخه إللي أنتي فيها
أنا: ههههههههههههه والله أنك مب صاحي لين قلت لك ماتصدقني
مبارك: أنزين أنا مب صاحي بس والله ماترديني وتييبينها معاج، وأحين روحي ناديهم وفي السيارة سمعي شو بيقولون عنج ولا بيسكتون هم بدون شي يوم يفتحون سيرتج في البيت مايسكتون وتهديدات لاتزعلها ولا ولا ولا....إلا ويشوفونج جي أقوول راحت علينا طاح كرتك يا مبارك
أنا: ههههههههههههههههههه الحمدالله ربي لك الحمد والشكر
مبارك: أنزين يلا ناديهم خلينا نسير روحها هالعيوز مابقى بقعة ماقالت تبا تسير لها إلا حق فلان وإلا حق أم علان
أنا: ههههههههههههههه إنشالله أحين باناديهم لك

قمت أناديهم توني بامشي خطوتين إلا

مبارك:إيييييه وين؟!! وين سايرة؟؟؟
أنا: أحين مو أنت تقول قومي ناديهم؟؟
مبارك: هيه قلت بس جي عاد إللي بيسير عن ريله يقوم بدون ولاشي؟؟
أنا: هههههههههههههههههههههههه ياربي مانخلص اليوم؟؟
مبارك: شو إللي مابتخلصين منه اليوم؟؟ تراج بس اليوم بتشوفيني باجر يالله ألحق على مشاويرهم هالثنتين إللي عن عشر
أنا: قول ماشالله الله وأكبر من عينك
مبارك: ههههههههههههههه والله شو عرفني بج أقولج مابتشوفيني والله تراهم يايين معايه عسب يسلمون عليكم ويسيرون على كمن حرمة يعرفونهم وبيسيرون السوق بعد يعني قولي يوم أو يوم ونص بالكثير بيضيع وياهم يعني مو شايفج إلا بعد بكره وإللي بعده نحن ماشيين وإللي بعد بعده بانزل آخذج وبنرجع أنا وأنتي
أنا: يحليلك والله وايد واثق أنهم بيوافقوون أقول خل أناديهم أحسن
مبارك: تعالي تعالي
أنا: نعم؟
مبارك: أولاً ليش مابيوافقون إنشالله؟؟ تراني ريلج والكل يدري يعني مافيها شي وثانياً أقولج باسير عنج مابتشوفين ويهي إلا بعد بكره عاد على هالكشخه ماتعرفين تسوين شي؟؟!
أنا: ههههههههههههه لا تصدق؟!!
مبارك: لولوووه

ضحكت عليه لأنه يازعم مد بوزه أنه زعل خلاص، حبيته على خده ضحك علي وطلعت عنه ناديتهم له وطلعت وياهم لي برع أودعهم عقب دخلت قلت حق أمي عن أنه بيي ياخذني وبانزل عندهم، طبعاً هي ماعندها أي مانع لأنه خلاص هو ريلي ومسؤول عني يعني باكون في أيدٍ أمينة حتى أبوي ماراح يكون عنده أي خلاف بس المشكلة فيني أنا لأن أنا أستحي منهم وايد وخصوصاً إذا نزلت هالمرة بروحي ماعرف شلون باتصرف تنهدت وركبت فوق فتحت الكبت وصنفت على الثياب شباحط لي من ثياب طلعت لي تنورتين طوال وبلوزاتهم طبعاً معاهم و الجلابية إللي كانت علي وكانت عندي جلابية مفصلتها من قبل باخذها معاي بعد كشخه غير ثلاث جلابيات حق البيت وبدلتين بانطلون بس أنه شغل عدل مو أي شي وبس وقفت عند ذي الحد حطيتهم على صوب في الكبت وصكيته
أتصلت فيه طوووووووط طووووووط طووووووط طوووووووووط

مبارك: هلا حبيبتي
نورة:أحم أحم عيب نحن هنا
مبارك: سدي أذنج محد قالج لصقي أذنج في حلجي
أنا:هههههههههههههه شوي شوي عليها شفيك؟؟
مبارك: ماتسمعينها الملقوفه أونه أحم أحم
أنا: أنزين أنزين شوي خلها عنك أحين أنا ابي أكلمك في موضوع ثاني
مبارك: إللي هو؟؟
أنا: مبااارك شفيك؟؟
مبارك: لولوة شوفيج أنتي؟؟
أنا: بس خلاص لين أعتدل مزاجك وحسيت تبي تكلمني أتصل فيني يلا مع السلامة
مبارك: الله يسلمج

مبارك: هلا حبيبتي
نورة:أحم أحم عيب نحن هنا
مبارك: سدي أذنج محد قالج لصقي أذنج في حلجي
أنا:هههههههههههههه شوي شوي عليها شفيك؟؟
مبارك: ماتسمعينها الملقوفه أونه أحم أحم
أنا: أنزين أنزين شوي خلها عنك أحين أنا ابي أكلمك في موضوع ثاني
مبارك: إللي هو؟؟
أنا: مبااارك شفيك؟؟
مبارك: لولوة شوفيج أنتي؟؟
أنا: بس خلاص لين أعتدل مزاجك وحسيت تبي تكلمني أتصل فيني يلا مع السلامة
مبارك: الله يسلمج

وصكرت التلفون عنه مادري شلي أحين نرفزه بس لأن مجرد أخته تكلمت تنرفز معقوووول؟؟!

أم مبارك: لشو سكرت التلفون في ويه البنت؟؟
مبارك: أميه هي إللي سكرته باتصل بها خلاف
أم مبارك: هيه من من الطريقة الحلوة إللي كلمتها فيها سكرته عنك
مبارك: والله كله من بنتج هاي الملقوفة شو خصج أنتي أبا أعرف شو دخلج لو أقولها شو أسكتي لمي ثمج عني أونه عيب نحن هنا شو أسوي بج أنتي هني وبعدين يعني ماشوفج ولا ما أدري عنج أنج معايه في السيارة؟!؟؟؟
نورة: آسفة ما كان قصدي كنت أتغشمر معاك
مبارك: أففف بسبتج شكلها زعلت والله يانوروه إن جان إللي في بالي تكنسل لا أكنسل ويزتج أخليج تندمين في اليوم إللي فكرتي فيه تيين البحرين ويانا
أم مبارك: خلصت؟؟ كملت كلامك؟؟ ماتبا بعد أعطيك نعالي تظربها جدامي؟؟ ولا كأني موجودة تتكلم وكأني حالي وحال هالحديد واحد
مبارك: السموحة أميه بس والله بنتج هاي ماتخلي حد في حاله أنا روحي على أعصابي وهي نرفزتني
أم مبارك: أبويه جانك على أعصابك لا تحط حرتك في أختك وفي بنت الناس ترا نحن مالنا ذنب في أعصابك الثايره
مبارك: إنشالله

وطالع بالمنظرة الصغيرة ورا شاف نورة تمسح دموعها بهدووء تلوّم في نفسه ليش أنه صيح أخته إللي يحبها ويحب يحاريها ويعاند فيها مايدري ليش هو جذي مرة وحده ثار فيها بليا سبب مقنع بس قال أنه إذا أمه نزلت بخليها قاعدة شوي بيكلمها قبل لاتنزل وعقبها بيتصل فيني_اللي هي انا لولوة.
وصلو الفندق وبطلت خالو عفرا الباب عشان تنزل وأستغل مبارك الفرصة وأشر حق نورة أنها تصبر شوي وهزت راسها بالإيجاب ونزلت أم مبارك وصكرت الباب وراها

مبارك: نورة
نورة: مبارك السموحة منك إذا غثيتك والله ماكان قصدي وإذا تسمح أبا أكلم لولوة حرام البنت تزعل والله تلومت فيها

مبارك في نفسه حس أنه صغير جدام أخته وماعرف شي رد عليها بس كل إللي سواه أنه أبتسم لها

مبارك: لا فديتج لاتعتذرين ولا شي أنا إللي عصبت مرة وحده بس والله أخاف أن الموضوع إللي أخطط له يتكنسل
نورة: أنزين قولي يمكن أساعدك!
مبارك: تظنين يعني؟؟
نورة: هيه ليش لا، أحين من متى تحيديني أنا ما أساعدك في شي؟!! دومي معاك
مبارك: هيه والله فديتج أختيه أنزين أسمعي أنتي نزلي أخافها أمايه ألحين عافسة المكان خايفه أستوا بنا شي
نورة: هههههههههههههه إنشالله أترياك فوق نخلص كلامنا
مبارك: إنشالله فديتج

في ذي الأثناء أنا كنت باقوله من بعد ماتحمست حق الروحة وياه إني خلاص ماقدر أروح لأني آبي أذاكر مع البنات مادري باطلع لي أي عذر عشان ماروح وياه قهرني والله وإللي قهرني زود ليش أنه عصب على نوير فديتها والله أن مالها ذنب هد فيها مره وحده والله أن ماعنده سالفة لكن أراويه أنا أن جان ما أدبته ماكون لولوة عشان مره ثانية مايزف نوروه فديتها وإذا أعصابه ثايره مايتحجى ويا الأوادم وهو ماله خلق في الأساس يكلمهم وأنا أقول هالكلام منقهرة صج من حركته البايخه أحس أن شي يغلي في داخلي تعوذت من إبليس ونزلت تحت كانو ليحين تحت أمي وخواتي قاعدين قعدت معاهم وهم يقولون شفيه ويهج جذيه؟ ها زعلوج؟؟ وأنا فيني الضحكة ميودتها وعاد أبتدت تعليقاتهم علي وأنا بعد معاهم ضحك وتعليقات والله أناسه صج باشتاق لقعدتهم الحلوة.
التلفون خليته فوق مو متعمدة بس نسيته و مبارك شغّال إتصالات علي وأنا مارد عليه خاف إني زعلت وغيرت رايي، وفعلاً هذا إللي أنا مفكرة أسويه فركضة حق نورة

مبارك: نورة تعالي شوي

راحت نورة يلست يمه لأن أمهم كانت معاهم بس شوي بعيد تلم أغراضها إللي خلاص مب محتاجه لهم وبدا يكلمها

مبارك: نورة لولوة مب طايعة ترد علي إتصالاتي شو أسوي؟
نورة: أمممم والله تبي الصراحة ياخوي إذا هي زعلت معاها حق ما حد يلومها ماشالله على الأسلوب إللي كلمتها به كان جداً راقي
مبارك: نورة أنا أباج تساعديني أحينه مو تزيديني قوليلي شو أسوي ماحد يرد علي حتى الصغارية مايردون
نورة: يمكن ناسيه تلفونها في مكان سبحان الله وبعدين لازم الصغارية يردون عليك إذا هي ماردت
مبارك: لا مو دايماً بس هي مو من عوايدها تنسى تلفونها في مكان دومه معاها ياربي أحين يعني خلاص!!
نورة: شو هو إللي خلاص وإللي خايف يتكنسل من مساعة خبرني على الأقل يمكن أساعدك
مبارك: أنا
نورة: شووووو تكلم يا أخي روعتني شو قايل حق الحرمة؟؟
مبارك: أففف يانوروه ما قايل لها شي بس أني قلت لها ترتب أغراضها لأني أبا آخذها مو بعد بكرة إللي بعده يعني بعد ماننزل البلاد بانزل البحرين بالطيارة الصبح وبرجع معاها المغرب وكنت باسويها لكم مفاجأة لكن الظاهر خلاص بتتفركش السالفة
نورة: أفا عليك تتفركش ونورة موجودة؟ أشوف عطني التلفون
مبارك: شو باتسوين؟؟
نورة: مو أنت تباها تنزل معاك البلاد؟؟
مبارك: هيه
نورة: أنت بس طيعني وأنا باخليها تكلمك وتنزل معاك وإذا تبا اليوم بعد أنا مستعدة أنت بس تامر ياخويه أفا عليك بس
مبارك:تتمصخرين حظرتج ولا شو؟؟ << يطالعها بنص عين على باله تتطنز عليه
نورة: أفا عليك يا مبارك انا أتمصخر عليك؟؟ أنا نورة أتمصخر؟؟ وعلى منو على أخويه فديت روحه مبارك؟؟ قوية في حقي يا خويه ياولد أمي وأبويه
مبارك: نوووروووه والله مالي خلق حق الكلام شو باتسوين قوليلي بسرعه
نورة: عطني التلفون ولا تشيل هم

مبارك سمع كلامها وعطاها التلفون لأنه واثق في قدرات أخته ويعرف إني مابردها لو طلبت مني شي وفعلاً أتصلت على تلفوني وطبعاً مافي رد لأنه مو معاي وعقب ما أنقطع الإتصال

نورة: ماحد يرد، هي ماخبرتك إنها بتطلع شي؟؟
مبارك: أفف مادري يمكن هي كانت متصلة تخبرني إنها بتطلع لكن أنا ماعطيتها فرصة، آااااااه ياربي والله خايف مستوي بها شي
نورة: تعوذ من إبليس ياخوي بلاك تفاول على الحرمة؟! ما عليها شر إنشالله وبعدين هي حرمة مو ياهل

مبارك في نفسه يقول بلاج ماعرفتي لولوة تراها يوم تعاند تكون أعند من الياهل نفسه بس شاسوي ياربي أحبها ماقدر على بعادها

نورة: أنزين أحين أنت سير عني أبا آخذ راحتي
مبارك: شوووو؟؟ في شو تاخذين راحتج أنتي الثانية؟؟
نورة: باتصل في بيتهم ماعرف أتكلم وأنت قاعد يمبي جي، سير يابويه هناك ماشي مكان؟!!
مبارك:>>تنهد>> اللهم طولك ياروح، أنزين بانشوف أخرتها شو ،بس والله يانوير إن مافاد وياها شي وماقدرتي على شي جهزي روحج حق الردة البلاد من أحين وهي دواها عندي
نورة: بل ههههه أنزين وإللي يقولك أني أقدر شو تعطيني؟؟
مبارك: ياللي تبينه
نورة: أنت قد هالكلام؟؟
مبارك: أنا من متى أقولج شي وما أسويه؟
نورة: ههههههههههه أتمصخر شوفيك انته؟!! بلاك جي بس خلاص أنت قلت وبتنفذ سامع
مبارك: خير إنشالله خلها ترد الأول بعدين لج ياللي تبين
نورة: أوكي يلا أحينه أنت سير

وقام مبارك من مكانه رايح يشوف أمه شتسوي وساعدها نورة طبعا مرة ثانية أتصلت على تلفوني بس مافي رد مني فأتصلت على البيت طبعاً كلنا متجمعين ومحد منا راضي يقوم يرد عليه مافي إلا أنا

حصة: قومي قومي أحنا محد يتصل لنا على البيت أكيد يبونج
الهنوف: إي والله وإذا مب لج حق أمج
أنا: أفففففففف يعني التلفون يمج بتنكسر يدج يعني إذا رفعتي السماعة؟؟
الهنوف: لا وأنتي الصاجة يظربني الصمم من الصوت إللي بيطلع لي من السماعة
حصة:ههههههههههههههههههههههههههههه ههههههههههههههههه
أنا: أفففففففف يا سخافتكم لطووف شوفي من متصل
لطيفة: والله قومي أنتي أنا محد يتصل فيني بعدين كل ربعي مسافرين قالو لي
أنا: عشتو أقول مالت عليكم بارد أبرك لي

ويوم وصلت حق التلفون ورديت بندت نورة لأن مانبهت أن أحد رد عليها

أنا: مادري أحين أتصل بهم وأرقع السماعة في ويوهم
حصة: ههههههههههه ليش من؟؟
أنا: شدراني يوم قلت ألوو صكوه سخافتهم

توني مكملة كلمتي إلا متصلين مرة ثانية وبسرعة شلت السماعة

أنا: ألو
نورة: السلام عليكم
أنا: عليكم السلام
نورة: أختي ممكن أكلم لولوة؟؟
أنا: أنا لولوة آمري أختي
نورة: لوولووه شو فيج ماعرفتيني؟؟!!!!
أنا: وييييييي نورة؟؟
نورة: هيه هههههههههههههههه شو فيج؟ هالكثر صوتي حلو خخخخخخخخخخ
أنا: إي والله صوتج حلو ماعرفتج عبالي أحد غلطان، أقول هالصوت الحلو مو من صوبنا
نورة: ههههههههههههههههههه فديتج والله ها من ذوقج إلا وينج أنتي عن تلفونج؟؟
أنا: لحظة

ألتفت أدوره بعيوني مالقيته عقب تذكرت إني مانزلته معاي

أنا: ألو
نورة: هلاا، شو حصلتيه؟؟
أنا: لا فديتج نسيته في حجرتي فووق ليش؟؟
نورة: الله يهداج روعتيني عليج تحسبت فيج شي
أنا: ليش؟ خير شو فيكم؟؟
نورة: لا سلامتج أبد مافيني شي
أنا: تدرين شلون صكي التلفون أنا باروح حجرتي وباتصل لج أوكي؟!
نورة: أوكي أتريا إتصالج
أنا: أوكي دقايق بس يلا بااي
نورة: بااي


وركبت فوق بسرعة وشفت التلفون فيه أكثر من 15 مس كول 13 من مبارك و ثنتين من ربعي وأتصلت على تلفون مبارك وأنا خايفه أنه يرد علي وأنا مابي أكلمه وما كمل رنتين إلا صكوا التلفون في ويهي فخفت زيادة أن مبارك بيتصل فيني أحين ورن تلفوني ، و سويت عمري عادي قلت حتى لو هو إللي رد باطلب نورة أكلمها أشوفها شتبي وماهمني هو

أنا: ألو
نورة: هلا غناتي
أنا: هلا فديتج
نورة: لولوة أبا أطلب منج طلب بس أنتي قولي تم
أنا: هههههههههههه الله يقطع إبليسج أحين خليني أعرف شنو هو أول عشان أقولج تم
نورة: أنتي قولي بس تم
أنا: لا أول شي قولي شنو أهوه يمكن أنا ماقدر أسويه
نورة: إلا تقدرين لو ماتقدرين إن جان ماطلبت منج
أنا: دامج متأكدة لي هالدرجة فباقولج تم وأنا لولوة
نورة: هههههههههه فديتج أشكر فنج والله
أنا:هههههههههههههههه أنزين شنو أهوه أحين؟!؟؟
نورة: أولاً أنج تقولين خلاص أنج موافقة على أنج تنزلين عندنا البلاد
أنا: نورة والله مابجذب عليج أن مساعة يوم أتصلت في أخوج كنت موافقة وتحمست فعلاً للفكرة بس غيرت رايي أحين
نورة: ليش؟؟
أنا: بس، عشان مرة ثانية مايعصب على أتفه الأسباب حتى لو كانت أعصابه مشدودة وثايره وإذا ماكان له خلق يرد على أحد لايرد ولا أنه يعصب علينا
نورة: أنا معاج بس والله مبارك فديت روحه ماقصر طيب خاطري وهو عقب ما راضاني على طول أتصل فيج بس أنتي ماكنتي تدرين على تلفونج وهو خايف عليج يتحسب أستوى عليج شي بسبته
أنا: لا الحمدالله أنا مافيني شي بس
نورة: لابس ولاشي أنا إللي طالبه منج please لاترديني حبيبتي طلبتج
أنا:هههههههههههههه وأنا أقدر أردج فديتج والله عشانج بس وعشان خالوه
نورة: هههههههههه جيه وأبويه ماله خاطر عندج؟!؟؟
أنا: لا فديتج أكيد بس أنتو إللي متواجدين حالياً عندنا ههههههههههههه
نورة: ههههههههههههههههههه فديتج، أنزين طلب ثاني بس ها أصر عليج أنج تسوينه عشان خاطر أمايه لأنها تغربلت
أنا: شنو؟؟
نورة: هههههههههههههههههههههه هههههههههههههههههه
أنا: نوروه شفيج؟؟
نورة: تكلمين مبارك لأنه لعوز أمي يبي يشغل نفسه بأي شي ما لقى غير أمايه يطفر بها هي ترتب الأغراض وهو يقولها جيه يحطوون الاغراض؟!! ويرد يطلع أغراضها خبّل بها وعليا
أنا: ههههههههههههههههههههههههه ههههههههههههههههههه وعليا خالوه أنزين سمعيني أنتي
نورة:شو؟؟
أنا: لاتقولين له إني وافقت و إني أنزل معاه أوكي قوليله بس أني راح أفكر في الموضوع مثل ما أنا وعدته مساعه بس ليحين ماوافقت
نورة: أوكي، أنزين بتكلمينه؟؟
أنا: لا طبعاً، يبي أهوه يتصل بعد أهوه إللي يعصب علي وأنا أتصل فيه؟!؟!!
نورة: هههههههههههههه يحليلكم والله وناسه
أنا:هههههههههههههههههه نوووورووه مو جني عطيتج ويه وايد؟ ههههههههههههههه
نورة: ههههههههههههههه أفا يا مرت أخويه تقفطيني ؟؟لالا قوية يا >>صرخت>> حرم السيد مبارك
أنا:هههههههههههههه بطيتي أذني شله تصارخين
نورة:ههههههههههههه بس جي ههههههههههههه للفت الأنظار وجذب أنتباه الجماهير خخخخخخخخخ
أنا: الله يغربل إبليسج أقولج فديتج سلمي على خالو وخليه هو يولي أنا أحين بانزل تحت لأن عندنا ناس
نورة: أوكي فديتج سلمي أنتي بعد
أنا: إنشالله يلا مع السلامة
نورة: مع السلامة

صكيت من عند نوير وأنا مستانسة ومرتاحة خلاص وعناد فيه بنزل بس والله أراويه ههههههههه نزلت تحت كانوا يايينا عرب نعرفهم بس طلعوا وأنا أنزل تحت بس إللي تمت خالتي حبيبتي فديتها وحشتني، وأنا نازلة من على الدري طبعاً عقب ماسمعت صوتها قلت لها

أنا: هلا والله هلا وغلا توه مانور بيتنا ، أنا أقول شالنور إللي كسر عيني والريحه الحلوة إللي واصلتني لي فوق؟!!!
خالو: بلمهي حبيبتي وينج أسمع الصوت ولا أشوفج
أنا:ههههههه هذاني نازله على الدري

ووصلت تحت وشافتني وعطتني صفرة قوية ومعاها صفقة على كشختي

خالو: لوولوووه شالزين شالحلاة لا لا صراحة ماقدر خطيرة، فديتج تيننين غطيتي صراحة
أنا:هههههههههههه
خالو: والله فديتج بعدين شو هالحلاة كلها عسى بس مبارك شافج؟!؟
أنا:هههههههههههههه ياني مساعة وشافني
خالو: شقاالج؟؟
أنا: يعني شبيقول؟! حلوة طبعاً
خالو: بس؟؟ صج ماعنده نظر وبعدين أشك أنه بس قالج حلوة إلا أخافه ذاب في مكانه
أنا:ههههههههههههههههههههه ههههههههههههههههههههه يمكن بعد كل شي جايز
خالو: والله تخبلين يا لولوة خصوصاً عيونج صايرة تخبل على فكرة صايرة تشبهين أمج
أنا: خااالو عاد قوية هاذي، أنا وين وأمي وين!!

ورحت صوب أمي من ظهرها لويت عليها بستها فوق راسها

أنا: شوفي هالحلوة وين أنا آييب جمالها
حصة: أشوه أنج تعرفين أنج ماتييبين جمال أمي
أنا: سكتي الله يخليج محتررره أنتي ليش أنه مايقولون لج
حصة:هههههههههههههه إلا كلهم يقولون صرت نسخه من أمج
الهنوف: وأنا النسخه الثانية منها ومن أختها يعني أنتي برع الحسبة خخخخخخخخخخخخخخخ
أنا: مومشكلة تكفيني شهادة خالو في جمالي

ورحت قعدت يم خالتي وحبيتها ولويت عليها

أنا: فديت خالتي إللي محد يسواها
خالو: فديتج حبيبتي الله يحفظج من كل شر
أنا: خالو صبري شوي باراويج شي
خالو: أنزين

وقمت من مكاني باروح الميلس وين ماخليت برقعي هناك لبسته وحطيت على راسي الشيلة نفس مساعة ودخلت عليهم مرة ثانية

أنا: شرايكم فيني؟؟

أمي تفاجأت لأن ماجافت البرقع قبل وحتى خواتي وخالو طبعاً تتفدى فيني وترد الشهادة علي تخاف تحسدني

أنا: خالو بس عاد شدعوة مس لبنون يايتج؟!! هههههههه
خالو: تخسي تيي صوبج ماشالله عليج يا لولوة والله حلوة فديتج لو تروحين حق أهل الإمارات ماتنعرفين جانج بحرينية ولا إماراتية وأنتي عاد بعد ماشالله عليج تعرفين تكلمين إماراتي بس خلااااص
أنا: ههههههههههههههههههههه فديتج خالو والله أستحي
أمي:متى يابها لج؟؟
أنا: يوم يابلي الجلابية ياب كلشي معاها
خالو +حصة+الهنوف:هاذي ذوق ريلج؟؟
أنا: هههههههههههههه إيه ذوقه، شرايكم؟؟
الهنوف:لا لا ماشالله ذويق الحمدالله
أنا: غصبن عنكم ذويق عيل شلون خذاني؟!!!!!!

الكل يضحك وتمينا سوالف وضحك لين ما مشت على الساعة وحده إلا شي لأن ريلها ياها ومارضت تتغدى عندنا وأنا مخليه تلفوني على الصامت فشيله بعد الحرمة قاعدة وأنا بالدقيقة باقوم أرد عليه مب حلوة، ويوم شفت تلفوني كانت كل الـmissed call من مبارك تقريباً 10 missed call طرشيت مسج كتبت فيه:

"سوري نوارة حبيبتي كنت قاعدة مع الحريم وماشفت تلفوني إلا أحين"

وأنا أدري أن المتصل هالمرة مبارك مو نورة بس تعمدت أكتب أسمها وأقول ليش مارديت عشان مايحاتي أكثر وما خذت دقيقة من أستلمت التقرير إلا تلفوني يرن وكان هو المتصل

أنا: ألوو
مبارك: لولوة؟
أنا: نعم؟

حس إني ليحين زعلانة منه وحاول ياخذ أخبار من نورة لكن فديتها طلعت ذكية وماخبرته بشي بس انها تطمنت علي وسكرته


مبارك: حبيبتي لولوة سامحيني على الحركة إللي سويتها وياج بس والله أعذريني شوي كنت معصب

أنا في داخلي ودي أضحك عليه بس ميودة روحي

أنا: لاعادي ما حصل إلا كل خير
مبارك: لولوة لا تكلميني جي والله حرام عليج قلبي يتقطع
أنا: لا يتقطع ولا شي شله؟!
مبارك: لولوة لاتكلميني جيه
أنا: شلون تبيني أتحجى يعني؟ قولي؟؟
مبارك: لولواااااااااااا
أنا: مبااااااااااااارك
مبارك: يعني أصكر؟؟
أنا: هههههههههههههههههههههه حسيت ها؟؟ شفت شلون إذا أنت كنت مستانس تبي تقول شي وإيي شخص يعفس مزاجك؟!!
مبارك: هيه حسيت خلاص أنزين، أحبج
أنا: وأنا بعد
مبارك: شو إللي أنتي بعد؟
أنا:إللي أنت قلته
مبارك: أنا ماقلت شي أنا قلت أخييج تلوعين بالجبد
أنا: هاهاي ضحكتني وأنا مابي أضحك والله تلوعين بالجبد تصدق حتى أنت!! بس مادري من إللي شوي وتطلع عيونه برع وهو يشوفني


مبارك:ههههههههههههههههههه والله أنج!!
أنا: حلوة أدري أدري ما يحتاي تقول
مبارك: ياربي أنا على الثقة
أنا: لازم مو حرم السيد مبارك؟؟
مبارك: هيه نعم طولي بعمرج الشيخة
أنا: شيخ من قال
مبارك: ياااااااااااربي على هالمنطوق الحلو
أنا: أحم أحم لأني حلوة خخخخخخخخ
مبارك: أنزين يالحلوة يعني أنتي مب زعلانة مني؟؟؟
أنا: لا
مبارك: أنزيـــــــــــــــــــــن دامج مب زعلانة أحين كيف عن موضوعنا؟!؟

بديت في حركات الأستهبال والأستعباط

أنا: أي موضووع؟؟
مبارك: لولوة أي موضوع بعد؟! موضوعي أنا وياج
أنا: ليش؟ شو فينا؟؟
مبارك: لولوة خلي عنج الأستهبال هذا خبريني أحين أنتي موافقة ولا لاء؟؟
أنا: على شنو عاد؟ شفيك أنت؟
مبارك: لولوة!! ماوحى لج تنسين وهذا وأنتي واعدتني تردين علي اليوم
أنا:أنا؟؟ لا أدري عن شنو تتكلم ولا وعدتك بشي اليوم
مبارك: لولوووو!!؟ أنزين معلي شو قلتي أحين خلاص موافقة على أنج تنزلين عندنا البلاد؟
أنا: إيـــــــــــــــــه والله مادري قلت بافكر بس أنا ماقلت لك إني برد عليك خبر اليوم
مبارك: أفففففففف لولوة متى بعد؟؟ تعرفين إنتي من متى ماطبيتي بيتنا؟؟ من أيام الخطوبة قبل العرس بشهرين يتي بس عسب تشوفين قسمنا وخلاص وجان زين بعد أستانست معاج، حتى ما وديتج مكان من بيتنا لي شقتكم ومن شقتكم لي بيتنا اللهم إذا حد عزمج أنتي وأمايتج سرتوا مع أمي وليتني أنا إللي أوديكم بعد؟!! يسيرون مع السايق ولا كأني موجود ولا حتى يعطوني خبر أنهم بيسيرون بيت فلان أو بيت علان حتى أسبوع ماكملتوا وأحين عاد خلاص عرسنا بعد شو إللي يمنع؟؟!؟
أنا: ههههههههههههههههههه ههههههههههههههههههههه شفيك أحين أنت هديت مره وحده إنشالله بارد عليك خبر يسرك لا تخاف، خلاص الحين؟؟
مبارك: هيه أترياج مو تتأخرين علي ترا والله أخلي امايه ونوير هني وأييج عند أهلج أخبرهم ومايهمني رايج لأن أدري أن أهلج بيوافقون يعني ترتبين ثيابج من اليوم حتى
أنا: هههههههههههههههههههه أعصابك أعصابك لاتخليني عاد أحين أعاند صج ولا أتحرك من مكاني
مبارك: لا دخليج، لولوة طلبتج لا ترديني ورفجة أبوج الغالي أنج ماترديني
أنا: أفففف يمسكني من اليد إللي تعورني خلاص موافقة زين يلا مع السلامة
مبارك:الله يسلمج ويحفظج تدرين كيف عاد؟!؟؟ جهزي روحج بعد بكرة نحن ماشيين أوكي؟
أنا: لا من قال أوكي؟!
مبارك: أنا أقوول
أنا: وأنا ماقول، أنت قلت أن مو عقب باجر قلت إللي بعده بنمشي
مبارك: أنزين شو الفرق يعني تراني إلا بنزل عندج الصبح يعني نفس الشي ولا يعني أنتي تحبين لي التعب؟؟ بنمشي كلنا في السيارة أنا وأمي ونورة ها شو رايج ألحينه؟!
أنا: أممممممم أوكي خلاص باقول حق أهلي الليلة وبأكد لك
مبارك: خوش عيل أنا أترياج
أنا: بإذن الله

طبعاً رحت قلت حق أمي وأبوي وماكان عندهم أي مانع في النهاية هو ريلي وهو المسؤول عني وبعدين أنا أرتحت للفكرة لأن خالو ونواري بيكونون ويانا على الأقل ما أنحرج منه وطرشت له مسج في الليل قلت له إني خلاص بامشي معاهم كانت الوقت متأخر شوي على الساعة 11 إلا تقريبا وأنا مطرشتها كنت على السرير على إني خلاص برقد وفعلاً أنبطحت وغطت عيني إلا تلفوني يرن على أغنية راشد الماجد "تفنن" المقطع إللي يقول:"حبيبي ويابعد كلي وكلك صدج تعجبني في غيباتك وصداتك وتلوعيك وتكرارا تجنن كلما شوفك أحس أنك تذوبني وتضيعني في هالدنيا ويشب بخافقي نارا.."
أنا على طول فتحت عيني من النوم شفت الساعة كانت الساعة وحدة وأربع رديت عليه وأنا خايفه

أنا: ألوو
مبارك: ألو
أنا: هلا مبارك
مبارك: أممم حبيبي راقدة؟؟
أنا: لا فديتك قول
مبارك: فديتج صحيتج من رقادج؟؟
أنا: لافديتك قاعدة أنا، قوول فيك شي؟ أمك ولا أختك فيهم شي؟؟
مبارك: لا مافيهم شي بس من الوناسة ماياني نوم قلت باكلمج على بالي صاحية
أنا: ههههههههه أنزين
مبارك: حلوة ذي الضحكة
أنا: هههههههه لا والله؟!!
مبارك: لا مو ذي المساعية أحلى
أنا: لا والله، ليش يعني؟؟
مبارك: ذيج كلاسيك أحلى
أنا:ههههههههه والله شاقولك عاد تعال كل يوم نسمعك أياها
مبارك: لافديتج هاذي ماتطلع كل يوم
أنا: لا والله؟!! وأنت شدراك؟
مبارك: أدري لأني أعرفج أكثر من نفسج
أنا: ماشالله
مبارك: شخبارج؟
أنا: الحمدالله بخير، أنت شخبارك؟؟
مبارك: دامي أسمع صوتج أكيد أنا بخير من بعد الله
أنا:الحمدالله
مبارك: أنتي أحين منبطحة؟؟
أنا: إيه ليش؟؟
مبارك: لا بس أسأل
أنا: أها تسأل، إيه أنا منبطحة
مبارك: أنزين
أنا: أنزين مبارك آبي أسألك سؤال
مبارك: آمري
أنا: أممم شنو الألوان إللي تحبها؟؟
مبارك: الأزرق والأسود
أنا: أها
مبارك: ليش هالسؤال؟
أنا: لا طرا على بالي شي المهم، يعني مايعجبك اللون الزيتي أو البيج؟؟
مبارك: أفا عليج دامج أنتي المتنقية هالألوان بتعجبني، بس حق شو؟
أنا: شكراً، بس آبي أعرف ألوان الهدية بتناسبك أو لا؟!
مبارك: شو هي؟؟
أنا: بعد إذا قلت لك مابتصير هدية
مبارك:أنزين هي شلون؟؟
أنا: أي لون؟؟
مبارك: كيف؟؟
أنا: مب أنت تقولي أي لون لين قلت لك شلون؟!! أنا أحين أقولك أي لون؟؟
مبارك:هههه على لون شفايفج
أنا: أممممم مقبول
مبارك: ليش مقبول؟! إلا على لونهم لأنهم حلوين


سكت ماعندي تعليق عليه مستحيه منه وخذتنا السوالف لي الساعة أربع إلا ربع صكرنا لأني أنا تعبت وهو خلاص قفل ما قام يستوعب هههههههه
اليوم الثاني على الضحى طرش لي مسج:
(( يا "مرحبا" باللي يبيني وأنا أبيه..
إللي غدا بعده على القلب جاير..
لامرني طيفه وجتني طواريه..
من زود شوقي له تهل العباير..
بالعون أحبه حب وأموووت أنا فيه..
و العمر من دونه ضياع وخساير..))

فديته والله رديت عليه:
((أنت الوفى يوم الوفا من سجاياك..
و أنت الغلا يوم الغلا فيك مجنون..
و أنت العزيز إللي على العز مرباك..
و أنت القصيد إللي على القاف موزون..
يحلا الكلام لين طلع من شفاياك..
و يصير له روح ويدين وعيون..))

وعدوا هاليومين وهو طبعاً مشغول بأمه وأخته وأنا ماحبيت أزعجه بس كان من بينا مسجات وإذا في شي أتصلت به وهو كان يتصل بي إذا فضى واليوم أنا قاعدة من الساعة 5 و نص عشان بيمر علي الساعة سبع يعني على ما أجهز صارت تقريباً الساعة ست ونص، طبعا جهزت وقلت حق الخدامة تنزل الهاند باج مالتي تحت عشان يحطها مبارك في السيارة طبعاً حق الطريج لبست بدلة بانطلون واسع وبلوزة كانت ناعمة لأن ألوانها هادية وماحبيت أحط أي شي في ويهي ما عادا الجلوس الشفاف كتغيير. وأنا ألبس عباتي أتصل فيني

مبارك: ألوو صباح الخير
أنا: هلا صباح النور
مبارك: شو بعدج راقده؟؟ يلا نشي بسرررعة
أنا: هههههههههههه شفيك قاعدة، قاعدة ألبس عباتي الحين
مبارك: تحسبت بعد أسمع حسج هادي ويالله يالله ينسمع قلت ها بعدها راقدة
أنا: لالا لاتخاف ولاشي المهم في وين أنت؟؟
مبارك: تحت أنا عند باب بيتكم يلا أطلعي
أنا: مبااااااارك؟!!
مبارك: عيوووووونه
أنا: ماترييقت حرام عليك دش على الأقل تريق وعقب نمشي
مبارك: هههههههههههه تحسبت مستوي شي ههههههههههه تعالي تحت أنتي وماعليج
أنا: أنزين على الأقل أشرب لي جاي حليب ماعرف أطلع من دون ماشرب جاي حليب
مبارك: لولوة لا تصيرين ياهل تعالي أنتي وإللي تبينه بيصير يلا نزلي بسرعة عن نتأخر عليهم
أنا: أفففففف أنزين

لبست عباتي وشيلتي بسرعة ونقابي في يدي مالبسته لأني قطيت الشيلة على ويهي وركبت السيارة

أنا: صباح الخيــر

وحبيته على خده وهو بعد

مبارك: يا صبح النور هلا والله، الله حيه توه مانورت سيارتي
أنا: مايحتاي منوره بوجود أهلها، أقولك عطتك هذي شنطتي؟؟
مبارك: هيه دخلتها بس مو كأنها وايد صغيرة؟؟
أنا: لا، ليش صغيرة؟!! هي كلها يومين وبارجع
مبارك: نعم؟؟! خير؟؟!!!! شو يومين؟؟ تتمصخرين حظرتج؟؟
أنا: مبارك من أحين أقولك دام أحنا جدام باب بيتنا إذا ماتبيني آيي نزلني أنزين

مبارك: نعم؟؟! خير؟؟!!!! شو يومين؟؟ تتمصخرين حظرتج؟؟
أنا: مبارك من أحين أقولك دام أحنا جدام باب بيتنا إذا ماتبيني آيي نزلني أنزين

مبارك أستغرب مني صراحة كلش ماتوقع جذي بس أنا متنرفزة ليش إني ماشربت جاي الحليب وهو قاعد ويتشرط مايبي أقعد عندهم يومين الظاهر يبي أكمل الشهر عقب أرد، حرك السيارة عقب تكلم

مبارك: شو بلاج أحينه أنتي؟ بس عسب إني قلت لج بس يومين قلتي بنزل؟!!
أنا: شدراني عنك مب عاجبك أقعد يومين عيل شكثر تبي إنشالله شهرين
مبارك: لا وأنتي الصاجة العمر كله
أنا: أحلف بس أنت
مبارك: شو يعرفني بج!؟ أحين الإجازة باقي منها أسبوووووع أسبوع يالظالمة وأنتي تقولين لي يومين؟!؟؟؟
أنا: تبي الصج ثياب ماعندي كله بوانطلين وأنا أستحي أقعد جدام بيتكم بالبوانطلين حطيت لي تنورتين وجلابيتين وجمن جلابية بيت غير ثياب النوم بس
مبارك: أنزين جان قلتي آخذج السوق
أنا: مبارك الله يهداك وين يمديك؟ كفاية خالو ونورة معاك إلا أنا بعد!؟؟
مبارك: ماعليه خير إنشالله خل نوصل البلاد إنشالله ويصير خير
أنا: باذن الله أحين بتروح شقتكم؟؟
مبارك: هيه أكيد تبين شي قبل لانوصل؟؟
أنا:إيه آبي جاي حليب
مبارك:هههههههههههه بلاج أنتي على جاي الحليب أبويه بنعطيج بانعطيييييج
أنا: أنزين

تمينا ساكتين ونسمع الأف أم وأنا أحس إني ماشبعت نوم وعيني بدت تغفى وهو يوم شافني غفت عيني طول الدرب عشان شوي أرتاح وأنا عقب حسيت أن الدرب طال فتحت عيني

أنا: ليحين ماوصلنا!!
مبارك: لا ها نحن عند اللفة أحين كان زحمة مساعة
أنا:أها

وفعلاً خمس دقايق إلا نازلين الشقة الله لايراويكم شمسوين عشاني وعليا مايسوى عليهم إني يايه باتريق معاهم ما تم بلاليط وفوول وبيض مقلي(بيض عيون) وروب وجبنه بيضة وعليا متعبين روحهم ودلة جاي الحليب جاهزة وسلمت عليهم

أنا: خااالو ليش متعبين روحكم والله أنا ماكل هالكثر
خالو عفرا: لا فديتج إلا بتاكلين جيه نحن عيل حق منو مسوينه تراه إلا لج
أنا: والله خالو أنكم تاكلون معاي عبالكم أنا آكل وايد سألوا مبارك لين يتريق عندي شاكل؟!؟
خالو عفرا: هيه أدري من جي غادية ضيعفونة تتحسبين جي زين؟!!
أنا: شاسوي بعد خالو والله إني آكل بس مايبين فيني
خالو عفرا: لأن أكلج قليل ، وينها نورة؟؟ نورة نووواره يلا أميه تعالي
نورة: إنشالله أميه لحظة شوية

وخلصت ترتيب أغراضها ويات صوبنا

نورة: أووه حرمة أخويا عدنا ياحي من يانا توه مانورت شقتنا يلا عاد ذوقي فطور الوالدة تراها ناشة من الفير عسب ها الريوق الغاوي خاااااااص حق الشيخة لولوة
أنا:ههههههههههههههه فديتج خالو ماتقصرين والله مفتشلة فيكم
خالو عفرا: أميه لا تفتشلين ولا شياته مدي إيدج جانج تحبيني وسمي بالرحمن وكلي
وينه ها بعد ريلج، مبااارك
مبارك: نعم أميه
خالو عفرا: إيلس عدال حرمتك يمكن تستحي تاكل ونحن معاها أتريقوا أنتو ونحن بعدكم بناكل
أنا: حشى خالو والله ماتقومين من مكانج إلا بنتريق كلنا مع بعض يلا بسم الله

وكلنا مدينا يدنا وكلنا ماشالله عليها ببلاليط عجييييب صبيت لي جاي الحليب أهم شي وشربته وقعدت شوي ونورة سولفت وياي شوي عقب قامت تخلص أمورها ويا خالو وعقب قعد يمي مبارك

مبارك: شو أرتحتي يوم شربتي جاي الحليب؟؟
أنا: ههههههههههههه إيه أرتحت
مبارك: تضحكين بعد؟!!
أنا:عيل شو أصيح!!
مبارك: لا أضحكي فديتج <<وتقرب مني وحط حلجه قريب من أذني وهمس لي فيها>> أمووت عليج وأنتي تضحكين

ولع والويه أحمر وعلى طوول غيرت الموضوع ويسلت مجابلته

أنا: أنزين أحين متى بنمشي؟؟
مبارك: على الساعة تسع بانسير نحن جاهزين بس أمي دقايق وهي مخلصه ليش الساعة كم الحين؟<<وهو يازعم يحك خشمه ومبتسم فيه الضحكة علي يعرفني ليش غيرت الموضوع لأني مستحية ولأن أهله هني
أنا: تسع إلا ربع
مبارك: أميه جاهزين؟؟
خالو عفرا: هيه خلصنا أزقر هاذيلا الهنود خلهم إييوون يحملون السامان
مبارك: يالله أميه ألبسي وأحين هم يايين يلا لولوة ننزل
أنا: لحظة شوي باعدل شيلتي

رحت أعدل شيلتي وناديت نورة تنزل وياي أول شي مارضت قالت بتنزل مع أمها بس أنا أصريت عليها قالت لي: "يمكن مبارك يبي يقولج شي مهم" بس انا قلت لها: "لا ماعندنا شي مهم". ورضخت للأمر الواقع ونزلت معاي وشافنا مبارك وعطاني نظرة أنه ليش نورة نزلت معاي أشرت له أن أنا إللي قلت لها وهز راسه أنا ضحكت عليه وتحركنا طبعاً نورة فديتها ماقصرت خلت جو السيارة ضحك وفرفشة وقامت تغني ومبارك معاها وأنا أطق لهم وخالو تصفق وشوي مبارك يشل لنا بصوته عقب شوي شوي ساد الصمت لأن الكل بدت عينه تغفي طبعاً أنا مقعديني جدام لأن إللي يسوق ريلي فمستغل الوضع وخصوصاً أنهم رقدوا ماسك يدي ويلعب فيها وأنا ساكته أبي أنام
ونزلت الكرسي عشان تغفي عيني وصرت مجابلة مبارك في بطحتي وهو ماسك يدي تقريباً في ذي الأثناء كنا مشينا حوالي ثلاث ساعات يعني ألحين صارت الساعة 12 وشي بس خلاص أنا ماعدت أستحمل رقدت وهو ماسك يدي وأنا مغطية ويهي بشيلتي عند المحطة وقف وأحنا ليحين رقود حتى خالو كانت راقدة من زود التعب، ويوم وقف حسيت به أنه ترك إيدي بشويش بس ماسمعت حس حركة من ورا غيره أهو إللي نزل المحطة وتشرا لنا عصاير وشي ناكله لين نصحى على مانوصل ويوم دخل السيارة حصلني واعية باس راسي وقالي بهمس عشان مايقعدهم

مبارك: ها حبيبي مرتاحة؟!؟
أنا هزيت راسي بالإيجاب إني مرتاحة وصوتي بالزور طلع: الحمدالله
مبارك: ها شوفي شو تبين خذي قبل لا تصحى نوورو الدبه تخمطه عنج

أنا أبتسمت ورديت مره ثانية أنبطحت وهو أبتسم لي وكمل دربه أنا ماحسيت بروحي إلا بحد يهزني على خفيف ويناديني هههههه عبالي راقده في البيت

أنا:هممممممممم
مبارك: حبيبي قومي بسج رقاد وصلنا
أنا: خمس دقايق وباقووم
مبارك:ههههههههه حبيبي ها الحين ولا خامس مره تقولين خمس دقايق وبتقومين يلا عاد كل الأغراض نزلوهم إلا انتي مو طايعة تنزلين

أنا يوم سمعت كلمة الأغراض أنتبهت، أغراض؟؟؟ شالسالفة بطلت عيني وكسرت عيني الشمس على طول حطيت يدي على عيني ومبارك خاف على باله ياني شي

مبارك: لولوة شوفيج؟؟
أنا: مبارك؟! أححح عيني
مبارك: شوفيها؟؟؟
أنا: الشمس بطت عيني
مبارك:هههههههههههه هههههههههههههههه محد قالج من متى وأنا أصحي فيج، يلا قومي نامي في الغرفة يلا
أنا: أفففففف أنزيـــــــــن
مبارك: يلا فديتج
أنا: يلا قوم أنزين، أفففف وين مقبض الباب بعد؟؟
مبارك:ههههههههههه لولوة بلاج هاذوه جدامج
أنا: مبااارك أحس إني باطيح تعاااال يودني

ياني وهو يضحك علي بطلي لي الباب ويودني وخطر لا يشيلني يدخلني وياه البيت، دخلنا البيت خالو فديتها دخلت حجرتها ونورة متنشطة عشان إني عندهم بسرعة راحت تغسلت وتلبست ونزلت يات صوبي

نورة: الحمدالله على السلامة توه مانور بيتنا يالغالية
أنا: ربي يسلمج يانوير من كل شر والبيت منور بأهله
نورة: فديتج إنشالله بس ماتعبتي
أنا: الحمدالله ماتعبت
نورة: الحمدالله، الحمدالله على السلامة مبارك
مبارك: لا تو الناس الشيخة نورة بعد رحبي فيها أكثر وأنا خليني أولي مو ولد البطة السودة أنا
نورة: ههههههههههههههههه أحين أنت تغار من حرمتك؟!! حرام عليك والله أن غلاتك من غلاتها، شو يعني أنا بافرق من بينكم؟؟
مبارك: مدري؟!
نورة: لا فديتك ما أفرق من بينكم
مبارك: أنزين فديتج خذي لولوة قسمنا أنا شوي وبصعد لكم
أنا: وين بتروح؟؟

تقرب مني وهمس في أذني

مبارك: دقايق وباييج لاتخافين أنا هني مابا خليج تغيبين عن نظري ثواني

طبعا الويه ولع ونورة تضحك علي

أنا: أنزين
نورة: يلا نصعد قسمكم
أنا: يلا

مادري شاقول لكم ركبت وأنا مترددة آبي مبارك إللي يركب معاي فوق مع أن نورة كانت مستانسة إنها بتاخذني حق قسمي وأنا بعد، بس غير لو الريال هو إللي ياخذ حرمته حق قسمهم المهم نورة فديتها ماقصرت قاعدة تهلي وترحب فيني وعليا طايرة من الفرحة ليش إني وأخيراً ييت عندهم هههههههه الله يعين يوم باستقر عندهم الظاهر بتسوي لي حفلة لا صارت وأستوت

نورة: يلا ها قسمكم
أنا: مو جنه تغير عن قبل؟؟
نورة: هههههههههههههه ها من برع بس عيل لو تشوفين داخل شو بتقولين؟!؟!
أنا: ليش؟؟ غيرتووه؟
نورة: ههههههههههه مبارك الله يهداه على أمل أنج بتيين في الإجازات فكان كل إجازة يسوي شي على أساس من تيين أنتي تشوفين شي يديد في الغرفة

ما كان عندي أي تعليق سكت لساني يعجز عن التعبير ماتتخيلون يوم فتحت لي الحجرة وأنا أشوفها بعيني ياتني الصيحة يعني مسوي فيها شغل مو أي شي متعب عمره من الزين أول شي صالة حط فيها كراسي لونهم حلو هادئ حتى ملمسهم كذلك ماعرف ماعرف كيف أوصفهم لكم ياي لونهم البيج على البطيخي الفاااتح والصبغ فيه طقات نفس البيوت القديمة، التلفزيون في النص وعلى الزاوية حاط مكتبة طواليه فيها 6 رفوف أول رف فيها صورتي أنا وياه، الرف الثاني فيها كتب، الثالث فيه صور لي مادري من عطاه أو متى خذاهم ولا حتى كيف لأن بعضهم يوم كنت أنا صغيرة، الرف الرابع فيه روايات أجنبية، الخامس فيه صور له تقريبا على مراحلة العمرية، الرف الأخير فيه علبة معدنية الظاهر حق الضيافة (يعني فيها السويت)، على يسار الصالة في مطبخ تحضيري soo nice ألوانه إللي منقيها حلوة، غرفة النوم تيي على يمين الصالة فخمة لدرجة فظييييييييعة مو قصدي في الحجم في الألوان في الذوق واااااااااي شي شي السرير بحجمة وستايله كان رووووووعه والتسريحة إللي قباله بعد نفس الشي، على يمين الحجرة في الزاويتها تقريبا الـdrissing room وفي داخلها على جهة الله يعزكم الحمام وعلى اليسار فيه حجرة تبين أنها حق بيبي أنا ابتسمت ودخلت فيها كان لونها بلون البيج الهااادئ ماشالله حتى ذي مانساه، ومن بعد ماشفت كل شي صراحة الود ودي خلاااااااص ما أطلع برع حجرتي أتم فيها على طوول _هههههههه الحمدالله والشكر متخرعة_ بس والله فديته ماقصر وعلى التسريحة حاط صورة لنا في العرس كانت عاجبتني وايد، أنا وهو كنا قاعدين متقابلين وعيني في عينه كان يقولي أنه ماصكر العقد عدل وخايف يطيح إذا تحركت وأنا فيني الضحكة ميودتها فخذوها وأنا اشوفه ومبتسمة نزلت الصورة كانت فيه مجموعة من العطور من ضمنها آخر عطر شراه من البحرين يوم نروح مع بعض السينما، و أشيا وايد وكلها تحمل ذكريات معينة.. شكثر أحب هالإنسان الله يخليه لي إنشالله ويحفظه من كل شر، نورة كانت تشوفني وكأني وحدة فاقدة الذاكرة وقاعدين يشرحون لها هههههههه والله كان جذي حالي وأنا أشوف المكان فرق كبير قبل كانت شي وأحين شي وشويات بعد

نورة: لولوة شو فيج؟؟
أنا: مافيني شي فديتج
نورة: أشوفج ساكته في شي مو عايبج؟؟

تعمدت أخرعها شوي لين مايي مبارك باحبطهم إثنيناتهم ههههههههه لعب أعصاب شوي تخيلوا صج شاقول؟!! وهاذي أول يوم إيي بيتهم جذي

أنا: أممممممممم شاقولج <<تنهدت
نورة: قولي شو إللي مب عايبنج وإنشالله بيتغير
أنا: صبري خليني أقوم أول شي أصلي الظهر و العصر قبل لا يأذن المغرب، إلا جم الساعة الحين؟؟
نورة: بتوقيت الإمارات الساعة خمس إلا عشر
أنا: باصلي قبل بعدين باقول لج إلا وين السيادة؟؟
نورة: باروح إييب لج، ماعرف هو وين يحطها
أنا: أوكي باروح أنا تيدد على ماتيبينها

أنا مشيت عنها وهي راحت حجرتها عقب ردت لي يايبه معاها السياده وشيلة الصلاة صليت وأنا أصلي مبارك وصل وراحت وياه الصالة، كانوا يتكلمون بس صوتهم مو واضح بس أظن أنها قالت له أن في شي مو عاجبني في قسمي، خلصت صلاتي وقعدت شوي أقرا الأذكار والأدعية عقب طويت السيادة وقمت لهم، كنت عادية فاصخه عباتي لابسة مثل ماقلت لكم مساعة بانطلون واسع وبلوزة وقعدت على إيد الكرسي وين ما مبارك قاعد

أنا: ها فديتك متى ييت؟؟
مبارك: من شوي
أنا: أها
نورة: يلا قولي لي
أنا: شنو؟؟
مبارك: شو إللي مو عايبنج حبيبتي في الغرفة؟!؟؟

وأنا أطالع السقف، الطوفة، كل شي وأحرك بوزي

أنا: تبون الصراحة؟!؟
مبارك+نورة يتطالعون عقب قالوا: أكيـــــــد
أنا: كل شي

آثار الصدمة عليهم، على هالذوق الرفيع إللي يدل على ذوق صاحبه في النهاية تيي لولوة وبكل بساطة تقول أنه مو حلو!! شنو تتوقعون يعني ردت فعلهم غير الإحباط التاام، من بعد كلمتي مبارك نزل راسه حسيته متغصص من الخاطر، على إللي مغيره في الغرفة مو عاجبتني وهاذي أول مرة أنا إيي فيها أرقد صج قهر وفشله في حقي، ونورة حسيتها تقول قولي أي شي ثاني إلا هالكلمة وأنا أبد اللعانة واصلة حدها عندي، الأخت رايقة وتبي تلعب بهم خخخخخخخ

أنا: مادري ماحسها في المستوى إللي أنا آبيه كلش كاجول عادية مافيها شي زيادة ما حسها تعبر عن شخصيتي والألوان الأثاث as you see nice but there is some thing miss it
مبارك: قولي فديتج شو تامرين به؟ شو هو إللي ناقص؟؟؟
أنا: أقول بس ماتزعل؟؟
مبارك: أكيد

نورة ماتحملت أنقهرت واايد من تصرفاتي حسيتها لو ما وجود مبارك جان أخنقتني هههههههه كانت بتقوم بس أنا تعمدت تقعد مكانها

أنا: وين نواره؟؟ وين بتروحين؟ قعدي
نورة: لا فديتج باسير غرفتي عسب تاخذون راحتكم
أنا: لا فديتج راحتي بوجودكم قعدي قعدي
مبارك: قعدي نورة عسب تشاركينا الآراء يمكن تقدرين تساعديني عقب يوم أنقي إللي تباه لولوة
نورة: إنشالله
أنا: أحين أنتوا من صجكم ماعرفتو شاللي ناقص القسم؟؟
مبارك: لا والله قولي أنتي
أنا: صج صج لو فيه إضاءة سبور لايت بتطلع أحلى هاذي واحد، أثنين كان بإمكانك تخلي فوق الصورة الكبيرة إضاءة خاصة بالصور

مبارك رص عيونه يبي يعرف شنو إللي آبي أوصل له بالضبط بس ماحصل إللي يبيه وأنا كملت

أنا: عرفت شقصدي؟؟
مبارك:هيه
نورة: صح فكرة حلوة ماطرت على بالنا، أنزين بعد شو ؟عطيني أفكار
أنا: شي واحد وهو الشي الأهم والمفروض أنكم بدون أنا ماقول تعرفونه حتى قبل الإضاءة وغيره

تعجبوا من كلامي!! شنو صرت أتكلم بالألغاز، قمت من يم مبارك لأني خايفه منه بس هو ماخلاني مسكني

مبارك: قعدي وتكلمي ولا يعني مابيظهر منج الكلام إلا وأنتي واقفه؟؟
أنا: ها لا عادي بس عشان تطلع الفكرة صح
مبارك: لا والله؟؟ يعني إذا أنتي يمبي ماتطلع الفكرة صح؟!! تطلع غلط؟؟!؟؟
أنا: هههه لا تطلع بس مو بالشكل المطلوب
مبارك: أها بس بعد مابتحركين من مكانج يلا أنا أسمعج تكلمي شو هو الشي المهم إللي على قائمة المتطلبات إللي تبينها
أنا: مبااارك ماصدق أنك ماتعرف <<وأنا فاتحة عيوني يازعم مستغربه كيف أنه ماعرف
مبارك: لا والله ماعرف نوريني يا أستاذة لولوة

نورة ياتها الضحكة على أخوها لأنها عرفت أنه عصب

نورة: يلا لولوة فديتج قولي شو هو الشي والله تعبت وأنا أفكر شو هو
أنا:هههههههههههههه يلا باعد لين الـعشرة وإذا وصلتو حق نتيجة لكم إللي تبونه
نورة: أوكي

مبارك؟!؟؟ لاااا أنسوا موضوعه وده يزنطني من القهر قاعدة وألعب باعصابهم شتبونه يسوي يعني؟!! هههههههه لا ونظرات الإجرام كلها في عينه أنا بكل ثقة بديت في عدي وآبي أتحرك بس هو ميودني من يدي عشان ماتحرك شوفوا العناد والحظ ههههههههه أستاهل بس يلا نكمل اللعب خخخخخخخخ

أنا: ع ش ر ة خلاااااص ها عرفتوا؟؟؟
نورة: لاااه تعبت كل إللي فكرته غلط، أنت مبارك عرفت؟؟

مبارك ساكت ويطالعني عقب تكلم ببروود

مبارك: لا لأني أبا لولوة هي إللي تقول

أنا قلبي طاح في بطني كفاية النظرات أحين يا دور الكلام البارد يعني ياك الموت يا تارك الصلاة.. والله أنا شلي العب باعصابهم؟؟ ههههههههههه يلا يلا خبزن خبزتيه يا لولوة أكليه، بكل شجاعه وبساطه تكلمت وأنا أرتب بلوزتي

أنا: طبعا شيخة الحريم إللي هي أنا هههههههههههه

نورة بطتها ضحك ومبارك يطالعني بنص عين أبتسم وطيحني عليه بحيث يكون ظهري على حظنه وحط يده على رقبتي

مبارك: أزغدج الحينه؟؟ هااا قوليلي أزغدج وقفتي قلبي وأنا إللي أقول يوم بتيي بتشوف شي يعيبها وتيين تقولين لي إضاءة وماعرف شو؟؟ ولا آخرتها ناقصتها شيخة الحريم هااااا تدرين عاد لحظة أنا أوريج نووورووو قومي
نورة: آمر أخويه شو تبا؟
أنا: أفا يا نورة هاذي وقتج تنقلبين علي الله يسامحج بس أدري مايطيع زينج تخليني وتروحين
نورة: آسفة غناتي بس إذا السالفة فيها أمر من مبارك بكل هدوء وبساطة أنفذ الأوامر خخخخخخخخخ محد قالج أنتي إللي يبتيه حق روحج
مبارك: أشكرج، أختي أباج تطلعين وتسكرين الباب وراج ولا أبا حد يدق الباب فاهمة
نورة: إنشالله

مت من الخووف خلاص قلت سلمي على روحج يا لولوة بعد هاذي فرصته قبل كنت عند أهلي أحين خلاص أنا عندهم حلالهم حتى لو ذبحوني

أنا: إهئ إهئ مباارك
مبارك: جب
أنا: حبيبي مبارك شو بتسوي؟؟
مبارك:أقولج جب

سكت، بس طلعت نورة وأستلمني من رقبتي

مبارك: أزيد قوتي وأخنقج الحين؟؟ أنا إللي تعبان في هالقسم وكل يوم والثاني رايح أعدل وأغير وأشيل وأحط في النهاية تقولين مب عايبنج
أنا:ههههههههه والله هاذي آراء وأذواق
مبارك: لا تضحكين لا أكسر ضروسج الحين
أنا: وأصير عقب دقمه بدون ضروس، تخيل؟!!! ههههههههههههههه ما أقدر أكل إلا شي لين خخخخخخخخخخ وخيييييي وووع ما تسمع إلا وحده يمك تتمطق في الأكل
مبارك:هههههههههههههه يالعيارة تغيرين السالفة هااا، لكن بعد مب هادنج عشان مرة ثانية تحرمين إللي سويتيه
أنا: إنشالله بس هدني الحين والله تعبانة
مبارك: مب هادنج شو بتسوين يعني وبعدين لا يكون أنتي إللي تمشين السيارة ولا أنا؟؟! أنتي ماشالله كل الرقاد إللي في الدنيا خذتيه، تعبت وأنا أنششج من الرقاد بعد ما وصلنا يالله يالله قعدتي وبعد تعبانه؟؟ الله يعينج يا عمتي على بنتج
أنا: والله أنا كيفي إنشالله أشفط الرقاد شفاط حتى كيفي وبعدين أمي ماشكت لك الحال هدنــــــــــــي باااموووت
مبارك: قلت لج مب هادنج كيفي بعد أنا أحينه عاد باستلمج لا أمج ولا أبوج عندج وريني شو بتسوين!؟!!
أنا: هدني والله مابيحصل لك طيب
مبارك: شو يعني بزقرين أمايتي؟؟
أنا: إيه
مبارك: والله لو تميتي تزقرينها من اليوم إلين باجر مابتسمعج أنتي في وين وهي في وين شقايل تبينها تسمعج فكري شويه يا شاطرة أنتي
أنا: إهئ إهئ إهئ مبااارك عاااد والله ماعيدها بس خلني ذبحتني والله والله يعور والله

حس أنه صج عورني وأنه ثقل يده علي فهدني

أنا: أففف يالدفش الدب
مبارك: لولووه لسانج هاا
أنا: إيه دب واحد، ماتشوف روحك مستقوي علي ليش إني ضعيفة؟؟
مبارك: والله محد قالج صيري ضعيفة
أنا: وأنت محد طقك على يدك وقالك تعال خذني
مبارك: والله قلبي شاسوي به جان حبج!! عمي شو أسوي مايشوف إللي يقول خلت الدنيا من الحريم وما إلا بقيتي إلا أنتي

عصبت وقمت عنه بادش داخل غرفت النوم وأنا أكلمه

أنا: هكوه الباب مبطل من بدال الوحده الشرع حللك أربع تفضل رووح خذ لك وحده تليق بمقامك


أنا: هكوه الباب مبطل من بدال الوحده الشرع حللك أربع تفضل رووح خذ لك وحده تليق بمقامك

وأنا أمشي تحنقلت وبغيت أطيح على ويهي وبسررررعة ياني وشالني أنا تفشلت وكلامه لي عور لي قلبي حتى لو كان على غشمره وعورتني ريولي من إللي حنقلني فعيوني غرقانة ماشوف إلا ويهه لأنه شالني

أنا: نزلني نزلنــــــــــي محد قالك يودني وشيلني أنا ماصحت عليك ولا طلبت منك المساعدة وفرها لك نزلني ماتسمع

وعليا ماحب يكسر بخاطري زيادة فنزلني ويوم نزلني دموعي بدت أطيح، بعد ينزلني صج شاقول؟؟ وهاذا وأنا إللي آقول يحبني جذي يعاملني؟ ووقفت أبي أكمل طريجي بس ريولي كانت تعورني من صج مب قادرة أوقف عليها عدل تساندت على الطوفة ومشيت ولين ماوصلت جريب السرير عبالي وصلت له عدل من كثر الدموع إللي تطيح وترد تتيمع بسرعة في عيني قطيت عمري عليه، لكن أتضح إني قطيت روحي في الهوا على الأرض وأصرخ بصرخة وأبطها صياح، الألم كان أقوى من إني أكتم صرختي، الطيحة إللي حصلتها ريلي قوية كفاية، إلا بعد بكبري على الأرض ماتحملت كلش، ورررررررركضه ياني من الصالة وشالني وحطني عند صدره على السرير ويمسح على راسي يسكتني بس أحس بجسمي كله يعورني نزل راسي على المخدة وراح عند ركبي يهمزها لي وأصرخ من الألم حتى كوعي، ورحت في نوبة صياح لا نهاية لها من زود الآلام إللي أحس فيها وفي جسمي، ورقدت على صياحي مافتحت عيني إلا وأنا مغطية وريلي ملفوفة ويديني بعد شفت حالي عيوني قامت تنزل دموعها هاي حالة إللي أنا فيها؟؟ أنا يايه أستانس وآخرتها يصير فيني جذي؟؟!
يا حسره عليج يا لولوة أقول رجعتي البحرين!! لفيت صوت الساعة كانت الساعة ثنتين وشوي في الليل أستغربت وينه مبارك؟؟ وين راح هالحزة ومت من الخوف على بالي ياه شي وقمت من على السرير ولا مفتكرة بالألم إللي قاعد ياكل فيني، لبست عباتي وشيليتي وطلعت، ماعرفت أي هي حجرة نورة نسيتها قالت لي العصر يوم وصلنا بس كانت جدامي غرفتين خلني أسمي باسم الله وأدش بالعدال في ذي الحجرة يمكن أهي إللي أشرت عليها حاولت أفتحها لكنها مقفولة وأنا الآلام بدت تخليني أضعف رحت صوب الثانية فتحت الباب سمعت صوت نورة ومشيت وأنا متساندة على الطوفة شفتها وماشفت مبارك خلاص خارت قواي بس إللي أتذكره إني قلت لها بصوت مبحوح مبارك وطبيت على الارض...
نورة فقيرة تيبست من الخوف في مكانها شافت ريلي ملفوفة وكوعي بعد ماعرفت شتسوي حاولت ترفعني بس ماقدرت لأنها خايفه فراحت قوتها، وبسرعة ركضت صوب قسمنا أنا ومبارك دخلت بس مالقت مبارك في الصالة دخلت غرفة النوم على بالها أنه _الله يعزكم_ داخل الحمام قامت تنادي عليه

نورة: مباااارك مباارك أنت في الحمام؟؟
مبارك: أنا هني

الصوت كان يايها من برع في الصالة وبسررعة تركض له والدموع في عينها

نورة: أنت وين كنت؟؟ وين سرت؟؟

مبارك أستغرب يقول في خاطره بلاها الحين هاي أنا ناقصنها وشو مسهرنها إلين هالوقت المتأخر ولا في النهاية ياية عسب تسألني هالأسئلة التافهه؟!؟ أففف اللهم طولك يا روح تنهد ورد عليها

مبارك: كنت تحت سرت السيارة نسيت تحت أشرطة الديفيدي خير شو مستوي يعني؟!؟؟



نورة مب قادرة تستحمل بروده معاها وطاحت دموعها وأنعقد لسانها وريلها ترتجف مب قادرة توقف أو أتسوي شي، ومبارك شاف حالها خاف عليها على باله ياها شي قعدها على الكرسي وهي تصيح

مبار: نوروه أهدي فديتج شو فيج شو مستوي؟؟ أنتي حلمانه؟؟
نورة: أم أم مبارك لولوة

مبارك عقد حواجبه عقب رد عليها

مبارك: شو فيها لولوة؟؟
نورة: لولوة عندي طايحه في الغرفة ماعرف شو فيها وصلت عندي وطاحت ومارمت أرفعها...

ومن خلصت آخر كلمه ماشافته جدامها راح بسرعة يركض صوب غرفتها وهي ركضت وراه
دخل الغرفة لقاني طايحه على الأرض يم الكرسي على طول شالني حطني على سريرها حاول يصحيني لكن أبد مافي مني أي إستجابة ونورة ميته من الخوف علي، على بالها صار فيني شي جايد،قالها بسرعة تلبس عباتها وشيلتها على مايلبس هو كندورته ويدخل السيارة لي عند الباب ولاتنسى تسكر البيبان وراها عشان محد يعرف شي.
وسوت إللي قالها عليه وشالني وحطني في السيارة ثواني إلا نورة راكبه السيارة وطيران للمستشفى، عقب الكشف أتضح عندي رضوض قوية كان من الممكن أنها تتحول إلى كسور لولا أن الله ستر، وبعدين أنا بذلت مجهود كبير عشان أوصل لغرفة نورة مما أدى إلي إجهاد عضلة القلب وخلى دقات قلبي ضعيفة غير أنه عندي هبوط في الضغط والسكر لأني ما أكلت شي من الظهر يوم كنا في السيارة، وعليا بهدلتهم من أول يوم خصوصاً نورة إللي تخرعت من طيحتي زين ماوقف قلبها، وتمو معاي من الساعة 3 ونص لي اليوم الثاني الساعة تسع الصبح وطلعوني على مسؤولية مبارك طبعاً، رجعنا البيت عقب ماحاولوا أنهم يريقوني وكليت لي شوي، دخلنا البيت كان هدوء ومبارك يوم ماشاف أحد شالني لأن يدري إني ماقدر أمشي ونورة مهدت لنا الطريق عطتنا القرين لايت عشان نطوف

مبارك: نواري حبيبتي مشكورة مابنسها لج
نورة: أفا عليك يا أخويه شو هالكلام ها أختي قبل لا تكون حرمتك
مبارك: فديتج والله يا عسى ربي مايحرمني منج
نورة: ولا منكم بس الله يعني على أمايه بعد شوي بترقى لي وتوعيني والله مالي خلق
مبارك: فديتج لا تحاتين أنا باقولها أنج سهرانة معانه و ماتوعيج
نورة: تسوي خير فيه يا أخوي
مبارك: أفا عليج كم نورة عدنا نحن وحده، فديتها ماقصرت ويايه علني أخدمج في عرسج
نورة: إنشالله يلا الحينه تمسي على خير
مبارك: في حفظه

دخلنا داخل وأنا أطالعه وفيني الصيحه وأمسح الدموع إللي تنزل من عيني مع إني يدي تعورني إذا أحركها لكن مجبروة، طالعني ودخلنا الحجرة وحطني على السرير

مبارك: ها فديتج شوتحسين أحين؟ إنشالله أحسن؟؟
أنا: الحمدالله أحسن<<ومسحت دموعي
مبارك:بسج عاده هالدموع ماتخلص؟؟
أنا:ههههههههههه لا ماتخلص
مبارك: هيه جي أباج تضحكين أنزين تبين أسويلج شي؟؟
أنا: لا فديتك مشكور
مبارك: شاي حليب؟؟
أنا:هههههههههه لا مشكور أنت ماتعرف تسويه
مبارك: أفا قفطتيني
أنا: لا فشلتك ولا شي الصج ينقال أنت ماتعرف تسويه نسيت ذيك المرة يوم في بيتنا تبيطلت علي عقب حرقته وعفست المكان وتعالي يالولوة نظفي إللي سواه مبارك؟!!!
مبارك:هههههههههه هني لا تحاتين البشكارة بتي تنظفه عنج، يدينج الحلوة مابنتعبها
أنا: أنزين
مبارك: أنزين

غمضت عيني أبي أرتاح وهو يلعب بطرف شعري عقب سألني

مبارك: لولوة؟
أنا: هممم
مبارك: شو رقدتي؟؟
أنا: لا قول فديتك
مبارك: شو إللي خلاج تقومين من على الشبريه وتسيرين حق غرفة نورة وإللي محيرني زيادة ليش قلتي أسمي وطحتي عليها

أبتسمت له وأنا مغمضة وحليلها نورة خرعتها من قلب

أنا: فتحت عيني لقيت ريلي ملفوفة ويدي بعدين صديت صوبك مالقيتك خفت عليك وخفت أنك زعلت مني، تحاملت على الألم إللي فيني و أول مانزلت من على السرير ماحسيت بالألم وكأن جسمي مخدر بس كلما مشيت زيادة رجع لي الألم، و وصل حده عند حجرة نوير ماعرف شلون يودت روحي بس تساندت على الطوفة، وكنت باسألها مبارك وينه بس الظاهر مالحقت أكمل سؤالي إلا وإنا طايحة وإللي قدرت أقوله أسمك بس

حب لي راسي ورد علي

مبارك: فديتج حياتي أنا ما أزعل منج، وبعدين لشو تخافين؟؟ يمكن أنا في الصالة أو في الحمام يعني وين باسير مثلا؟! و أصلاً أنا إلا كنت تحت سرت في السيارة شي أشرطة ديفيدي ماخذنهم يداد رحت إيبهم لأن ماكان فيني نوم وماوحى لي وصلت إلا نورة عندي تدور علي وخبرتني عنج وعلى طوول شليناج المستشفى
أنا: فديتك والله تعبتكم معايه
مبارك: أفا عليج تعبج راحه يالغالية أنتي أحين نامي وعقب ساعتين تقريباً باصحيج عسب تاكلين شي
أنا: وأنت مابترقد؟؟
مبارك:هههههههههههه لولو شو فيج؟؟ أستويتي ياهل تخافين ترقدين بروحج؟!!
أنا: هاا من قال أنا لا خايفه ولا شي بس أسأل
مبارك:هههههههههههه لا تخافين أنا بس بانزل عند أمايتي وباقولها لا توعي نوير وبايي باصعد فوق وبانام يمبج وبامسك إيدينج بعد عن لاتخافين شو قلتي؟؟

هزيت راسي بالإيجاب وأبتسمت له وقام من كانه نزل تحت حق خالو عفرا وخبرها بس ماقالها باللي أستوا لي، و رد مرة ثانية صعد فوق ورقدنا أنا صحيت على الساعة 3 العصر تذكرت إني لا صليت الصبح ولا الظهر ولا العصر قمت تغسلت وتيددت حق الصلاة وقعدت على الكرسي لأني ما أقدر أوقف وصليت الصلوات إللي طافتني كلها خلصت الحمدالله حسيت براحة، حزتها صارت الساعة أربع أبي أقعد مبارك بس أحسه ماشبع نوم يالله مايجوز يأخر الصلاة أكثر من جذي وقعدته، فقير والله قام بسرعة صلى وخلص وقعد وياي

أنا: مبارك وين شنطتي؟؟
مبارك: مادري عندج هناك في غرفة التبديل
أنا: أنزين ممكن إذا مافيها كلافة عليك تتأكد بس جان نزلتوها ولا لاء؟؟
مبارك: أفا عليج حاظرين

حصلها محطوطه داخل الكبت نورة حاطتها طلعها لي

أنا: خلها بايي أنا
مبارك: لشو تيين؟؟ أسترحي مكانج بايبها لين عندج
أنا:أشفيك؟!! إنشالله تبيني أتم وصخه جذيه لين أرد البحرين؟؟
مبارك:ههههههههههههه تخيلي
أنا: بسم الله علي لا أتخيل ولا شي خلني أدش أتسبح وأبدل أحسن لي

طلعت لي إللي آبيه وهو تنقى لي تنورة طويلة فيها ألوان حلوة متدخلة مع اللون الذهبي وإيي معاها بدي يده طويله وفوقه نفس الشال لونه ذهبي فيه خطوط شك بسيطة على الحواف. كانت جدا راقية وحلوة في اللبس المهم خلصت سبوح وتلبست قعدت أمشط شعري بطريقة عشوائية لين ماصار فيه حركة عجبتني وثبتها ومن بعدها حطيت لي مكياج خفيف، فديته طار فيني يوم شافني جذي

مبارك: لا ما تنزلين تحت جي
أنا: ليـــــــش؟؟ عيل أنا ليش متعدله؟؟
مبارك: مايصر لي أنا؟؟؟
أنا: أمبله بس بعد مايصير طول اليوم خالو ماشافتنا شبتقول عني؟؟ ييت ورقديت عيالها عنها؟ مايصير بعد
مبارك: أففف أنزين أحين عندها حريم تحت لاتنزلين
أنا: مبارك شفيك؟؟ تراها تبي تخلي الحريم تشوف مرت ولدها ولا تبي الناس تقول أنها يات ويودت والولد عن أمه وحبسته في حجرته؟!!
مبارك: والله يقولون إللي يقولونه ماهموني أنا إللي يهمني أنتي وبس، والباقي ماهموني
أنا: معلي بس بقعد شوي وباستأذن منهم أوكي
مبارك:أوكي لحظة
أنا: شنو؟
مبارك: أندوج شلي معاج ها التلفون باتصل بج عسب تصعدين أنتي ونوروة فوق أنزين؟!!
أنا: إنشالله يلا فديتك مع السلامة
مبارك: الله يسلمج من كل شر

طلعت عنه وشفت نورة نازلة من على الدري بتروح وين ما الحريم قاعدين قلت لها تنتظرني ودخلنا ويا بعض والحريم ما وقفوا كلام عني ومانزلت عينهم من علي، حتى خالوا عفرا تضايقت من نظراتهم لي فعطتني نظرة إني أقوم وشوي إلا مبارك متصل عشان أطلع من عندهم وناديت نورة معاي

نورة: أففففففففف زين أنج أنقذتيني منهم شفتي كيف يطالعونج
أنا:ههههههههههه متخرعين أول مرة يشوفون مره؟؟؟؟؟؟؟؟؟؟
نورة:ههههههههههه هيه وأنتي الصاجه عمرهم ماشافو وحده حلوة شراتج
أنا: فديتج والله عيونج الأحلى
نورة: شو ها إلا تلفون؟ متى خذتيه؟
أنا: لا مبارك عطاني إياه عشان يتصل فيني، أطلع من عند الحريم وأطلعج معاي
نورة: فديته أخوي ولا يحب قعدات الحريم هاذي كان يناديني عشان أطلع من عندهم
أنا: أحسن والله تبين الصراحة يخرعون الواحد
نورة:ههههههههههه هيه والله يزيغون، أنزين ماقلتي لي ليش يبانا مبارك إثنيناتنا؟؟
أنا: والله علمي علمج بس قالي تعالوا لي فوق عقب ماتطلعون
نورة: يلا مشينا

وركبنا فوق كان قاعد على الكراسي متلبس ينتظرنا دخلنا وأحنا نضحك ألتفت علينا

مبارك: إنشالله دوم هالضحكة وأحين يلا يلبسوا عبيكم بنطلع
أنا: مبارك وين بتروح هالحزة
مبارك: أنتي مايخص نوير خفي إيدج لا أمشي عنج
نورة: إنشالله

وراحت نورة تلبس

أنا: ليش وين بتودينا؟؟
مبارك: أولاً باخذ لج هدمتين لأنج بتطولين لأن مو معقولة آخذج سالمة من بيتكم وأردج حالتج حالة تتعافين عقب أردج لهم

أنا ضحكت عليه ورد كمل

مبارك: وثانياً وأخيراً أنا واعد نورة إذا الله كتب و ييتي معانا باطلعكم وهذاني باوفي بالوعد وبس
أنا: أها أوكي عيل دقايق وأنا جاهزة

وطلعنا مع بعض تنقى لي تقريباً ست بدلات عبارة تنانير وبلوزات وجلابيتين راقيات ونورة بعد تشرت لها معاي جمن بدلة، ماحبت تاخذ زيادة على قولة مبارك تستحي يأونه البنت رقيقة ماتبي تخم المحلات هههههههههههه

مبارك: شوفي لا تقولين عقب مبارك ودني الله يخليك ماعندي ثياب
أنا: مبارك حرام عليك لاتفشلها كيفها يمكن مستحية مني
نورة: لا والله ليش؟!
مبارك: أقولج ها ماتستحي من حد أونه منج الحينه يعني بتستحي؟!!
نورة: هيه ليش أستحي منها؟ عادي لولوة فديتها بس ماعيبني شي في هالمكان
مبارك: بس كيفج أنا مكان ثاني مابا سير
نورة: أنزين أنا مو عايبني شي خلاص
مبارك:أحسن والله خففتي عليه أنا طالع معاكم مو خايف من مصاريف لولوة كثرج أنتي إللي يقول أنتي حرمتي مو هي فديتها، ها شوفي كمن بدله خذت وياريت هي إللي ماخذه أنا إللي خذيتهم لها
نورة: والله أنت وحرمتك حرين في بعض مافي شي إيي بالغصب
أنا:هههههههههههههه مبارك شفيك عليها؟!! بس خلاص
مبارك: يلا أنزين

وتمشينا شوي وكانت الساعة 7.55 قعدنا على طاولة وطلب لنا مبارك عشى من واحد من المطاعم وأنا أهمس في أذنه

أنا:مبارك مافي جسميز؟؟؟
مبارك:هههههههههه لولوة أي جسميز ها إللي هني؟؟ تتحسبين روحج في البحرين؟؟!!!
أنا:أففففففففف ماعرف شنو أطلب وبعدين أنا مايعجبني شي
مبارك: لا تتأففين أنا بطلب لج معاي وجبة إنما إيه صدقيني بتعجبج
أنا: أنزين
نورة: مبارك أنا أبا من مكدونالدز
مبارك:إنشالله

طلب حق نورة إللي تبيه وأنا وهو نفس الطلب كان عبارة عن رز ونودلز مع خضرة وقطع دجاج صغيرة ومعاه إيي سوس عجيبة، بس أنا قلت له يطلب صحن واحد حجم كبير بيني وبينه، أول شي رفض عقب قلت له خلاص مب لازم أنا مابي أكل فطلب الصحن الكبير لأن يدري بي أسويها وما أتعشى.
مشينا من بعد ماتعشينا ، وصلنا البيت على الساعة عشر و عشر وأنا تعبانه ومبارك أزيد مني ونورة نفس الحال سلمنا ورحت سلمت على عمي إللي أستانس بشوفتي قام يهلي ويرحب بي تمينا شوية وعقب ركبنا فوق بنروح نرقد.
كلاً دخل حجرته مبارك دخل قبلي على ما أروح عند نورة أخذ من عندها أكياسي، وبعدها دخلت الحجرة حصلته يبدل ثيابه عشان يرقد وأشتغلت اللعانة

أنا: مباااااااارراااااااك أوقف أوووقف

وتم ثابت مكانه نص جلابيته عليه ونصها ليحين مانزل وهو متخرع مايدري شصاير، على طول أنا ركضت قطيت عباتي وشيلتي على الكرسي إللي في غرفة النوم ولميته من وراه حطيت راسي على ظهره

أنا:وحشتـــــنــــــــــي

مبارك طالعني بطرف عينه لأني كنت لامته بقوة فمب قادر يفتر عدل علي

مبارك:ههههههههههههههههه والله أنج مب صاحية يايه تصرخين مبارك وأوقف عسب بس إني وحشتج؟؟

فجيت عنه ورحت صوب ويهه جابلته

أنا:بل فشلتني!
مبارك:هههههههههههههههههه ليش أفشلج؟؟! أنا بعد أحبج ووحشتيني موووووووت
أنا: أحلف
مبارك:والله
أنا: بس أنت مب واحشني، هاذوه أنت مجابلني ههههههههههه

وشردت عنه بادش الحمام وركضه دخلت وصكيت الباب

مبارك:لولو بطلي الباب أقولج
أنا: مابي، أنت شتبي؟؟ يعني الواحد مايدش الحمام في هالبيت إلا لازم تظهرونه منه؟؟
مبارك:مايدش الحمام ها؟؟ تظهرونه منه ها؟؟ أوكي أوكي يا لولوة طلعي بس أنتي
أنا: ههههههههههههههه لا عيل بارقد هني!
مبارك: أنزين خلاص طلعي جان تقولين أنج لولوة بنت أمج وأبوج راويني شلون بطلعين
أنا: يعني شلون باطلع بابطل الباب بيدي وباطلع بريلي هههههههههه
مبارك: خلاص عيل أترياج

وعلى ما أتسبح وألبس ثيابي قلت أكيداً رقد وخاصة أنه تعبان مارقد عدل اليوم اللهم الساعتين إللي رقدهم الظهر، طلعت شفته متلحف وماعطني ظهره لأن على جهته يكون الحمام_الله يعزكم_في قلبي أشوه أنه راقد أنبطحت على السرير وسحبت اللحاف علي، حسيته تحرك بس الحركة خفيفة فما حبيت أبطل عيوني، إلا إللي قابظني يبي يعظ خدي

أنا:يماااااااااااااااااااه هههههههههههههههه يماااااااااااااااه
مبارك:لا أنا ماوحشتج
أنا: لحقيني يماااااااااااااه
مبارك: عاد ماشي هني لا يمه ولا يبه هني في خالو وعمي على قولتج وبعد ليتهم يسمعونج ماحد يسمعج هني لو تصارخين بأعلى صوتج ماحد يسمعج
أنا:هههههههههههههههههههههههههههههه ههههههههههههههههههههههههه مبارك والله باموت من الضحك باختنق ماعبر أضحك وايد
مبارك:لا والله
أنا:ههههههههههههه ههههههههههههههههه ههههههههههههههه ههههههههههههههه هههههههههههههه هههههههههههههه هههههههههههههههه ههههههههههه ههههههههه
مبارك: أسكتي لا أعضج الحين
أنا:هههههههه هههههههههههههه كح كح كح كح والله >>أخذ نفس>>مبارك ماقدر أي أي ضلوعي توك موديني تعالجني بعد تبي تكسرني مرة ثانية؟؟هههههههههههههههههه ههههههههههههههههه كح كح كح كح كح كح
مبارك: بس سكتي لا تضحكين، سكتي سبالة وحده
أنا: دام إني سبالة و وحده بعد مو عشر ليش خذتني هههههههههههههههههههههههههههههههههههه هههههههههههههههههههههههههه ههههههههههههههههههه كح كح كح ههههههههههههههه
مبارك:لووولوووه باصفعج الحينه
أنا: أنزين هههههههههههه هههههههههههه ههههههههههه هههههه كح كح كح

ودخلت في نوبة سعال قوية عورت صدري وهو راح إييب لي ماي، يلسني على السرير بس الكحة ذبحتني جافة تعور الصدر، شربت شوي ماي هديت

مبارك: أخذي نفس شوي شوي، نفس طويل هيه

وأنا أنفذ إللي يقولي إياه وراحت عني الكحه

أنا: ههههههههههههه قلتلك
مبارك: أنتي أبا أعرف ماتوبين أحين هالكحة ها ياتج من كثر ما تضحكين أنقطع نسمج بعد تضحكين
أنا:هههههههههههه بس شوي
مبارك:ههههههههههههههه ههههههههههههههه والله أنج خبله
أنا: معلي محد يموت في الخبله إلا أنت ههههههههههه
مبارك:ههههههههههههههههه ههههههههههههه مو لأني خبل شراتج شو أسوي؟!! هههههههههههههههههههههههه هههههههههههههههه هههههههههههههههههههههه
أنا:أنزين بس يلا عاد والله تعبانه أنا وأنت بعد خلنا نرقد
مبارك: يلا حبيبتي تصبحين على خير
أنا: وأنت من أهله

وحطينا راسنا ورقدنا.


الصبح قعدت فتحت عيوني ماشفت أحد أففف تنرفزت ماحب أرقد في بيت أحد وأصحابه إللي أنا راقده عشانهم يقعدون ومايقعدوني أتفشل ولا يطلعون ويخلوني، شبيقولون أهل البيت هاذي ماشافت خير أول؟ مرة ترقد؟!! قمت على طول تغسلت ولبست نزلت لهم كانت الساعة 10.30 وخالو ونورة قاعدين يسولفون رحت حبيت راس خالو وقعدت يمها ويمي نورة بعد قعدوني من بينهم

خالو عفرا: ها أميه عساج مرتاحة؟!
أنا: الحمدالله خالو دامكم حوالي أنا مرتاحة وبألف خير
خالو عفرا: الحمدالله عسى بس ماضايقج مبارك في شي؟
أنا:ههههههههههه لا خالو وعليا مبارك مو مقصر
خالو عفرا: هيه تراه مايحشم مرات أعرفه
أنا: لا وعليا مو مقصر الله يحفظه لنا
نورة: شو تفطرتي؟؟
أنا: لا
خالو عفرا: قومي بنتيه سيري أكلي لج لقمة غادية عظمة قومي فديتج
أنا: إنشالله خالو
نورة: يلا أنا بعد باكل لي شي تراني أنا نزلت قبلج بدقايق
أنا: يلا عيل

ورحنا صوب غرفة الطعام وقعدنا على الطاولة طبعاً أول ماسويت هو إني صبيت لي جاي حليب، وعقب قربت يمي نورة السندويش

أنا: عيل وين مبارك؟؟
نورة: والله مادري بس كأنه طالع يبي يخلص شغله وبيرجع عقب شوي
أنا: أها، ما قالي البارحة!!
نورة: هيه أسمع أمي تقوله في التلفون شعنه ماقالج البارحة؟!!!
أنا: لا عيل الظاهر طرت عليه يوم قعد
نورة: الظاهر جذي

إلا بدخلته علينا أنا طبعاً ماعطه الباب ظهري ونورة إللي تشوف

أنا: شفيج نوروه نزلتي راسج
نورة:لا بس عيني حرقتني مرة وحده
أنا: أشوفها
نورة: لا مافي داعي
أنا: أنزين روحي غسليها بماي بارد
نورة: أنزين

وراحت صوب المغاسل ويقرب مبارك صوبي أكثر ويحط طرف صبعه على خدي وأنا على طول تخرعت على بالي حشره، وصفقت روحي كف من الزين لأنه هو شال صبعه، والله أن الكف يألم ليته يا على خده ولا على خدي، عطيته بنظرة الشرار يتطاير من عيوني بس مسكت نفسي عن لا أصفعه، وقمت من على الطاولة بدون لا أتريق ولا حتى عبرته وهو خر على الأرض من الضحك ونورة على ضحك مبارك طلعت شافتني أني طلعت حاولت تطلع الجواب من عند مبارك بس مافي أمل لأنه ميت من الضحك أنا وصلت حدي قعدت يم خالو عفرا وأنا أدخن من القهر

خالو عفرا: بلاج أمي ما وحى لج أكلتي شي مع نوروه
أنا: لا خالو مابي أتريق مالي خاطر بعدين مابقى شي على الغدى أخاف تنسد جبدي و ماقدر أكل
خالو عفرا: الله وأكبر على إبليسج، شو بعد مالي خاطر و جان مو عيابنج ها الريوق بنسوي لج شي تاكلينه
أنا: لا والله خالو مابي شي
خالو عفرا: أنزين شو تبين أقول حق البشكارة تسوي لج؟؟
أنا: بس خل تصب لي جاي حليب
خالو عفرا: أميه مايستوي ماتاكلين
أنا:والله خالو مافي خاطري آكل بس خل الخدامة تصب لي جاي حليب<< والعبره أحسها بتخنقني من القهر
خالو عفرا: إنشالله بنتيه، مارسيلااااا مارسيلاااا
مارسيلا: نأم ماما
خالوا عفرا: يبي شاي حليب حق ماما لولوة
مارسيلا: أوكي

وراحت تييب لي الخدامة جاي حليب وبطلعتها دخل مبارك وهو يمسح دموعه من الضحك ووراه نورة مجندسة راسها وميودة ضحكتها

مبارك: السلام عليكم

وجب على راس خالو يحبها وأنا أطالعه لو يحصلي قمت وطقيته طق من بدال الكف إللي حصلته من روحي

خالو عفرا: هلا ولديه شو خلصت شغلك؟؟

مبارك وهو ياي يقعد يمي وأنا وسعت له:هيه أمي خلصت>>لف صوبي>>شو تريقتي؟؟
خالو عفرا: ولديه قوم شل حرمتك أشتر لها ريوق تراها ماكلت شي هاذوه البشكارة تصب لها شاهي حليب ماتبا تاكل يمكن مو عايبنها ريوقنا سير خذ لها شي تاكله
مبارك: لشو ماتريقتي؟؟ تبين أشتري لج شي؟؟<< وهو ماسك ضحكته
أنا:لا مشكور مابي شي بس خلاص بتيب لي مارسيلا شاي الحليب يكفيني<< طالعته بنص عين
خالو عفرا: أميه كلي لج شي الغدا تو الناس عليه
أنا: لا خالو فديتج عادي أنا حتى في البيت جذي، حتى مبارك يدري عني صح مبارك؟؟

وطالعته عشان يرد على خالو مابيها تحاتي طالعني وهو فيه الضحكة

مبارك: هيه أميه ترا أكلها قليل، الله يهداج خذتيلي وحده شرات العصافير ما تاكل شوفيها شقايل غادية مستوية شراتهم صدج عصفورة
خالو عفرا: والله حرمتك عندك وسير بها أكلها جان ما ياز لكم الأكل إللي نطبخه وإللي في خاطرها خذ لها إياه
أنا: خالو الله يهداج شل الحجي أفا عليج إلا يعجبني ويعجبني
خالو عفرا: والله براحتج بنتيه أنا إلا خايفه عليج
أنا: فديتج خالو ماتقصرين
خالو عفرا: نوروه شعنه ماشفتي حرمت أخوج شو تبا تاكل؟!؟؟؟
أنا:خالو خلاص عاد هي سألتني بس أنا قلت لها أنا ماحب آكل أول ماقعد من الرقاد
خالو عفرا: براحتج بنتي

يابت لي الخدامة كوب الحليب شربته ووديته المطبخ، وبعدها رحت الحجرة فوق أرتب أغراضي في الشنطة إللي مابيهم وإللي بالبسهم حق اليوم خليتهم برع ودخل علي مبارك وأنا أدخل الأغراض داخل الشنطة

مبارك: شو تسوين؟؟
أنا: ممكن تتكرم علي وتحجز لي حق باجر؟؟
مبارك: شووو؟؟؟؟؟؟
أنا: باعيد مع أني متأكدة أنك سمعت، أبييك تحجز لي الليلة حق باجر سواء العصر و لا في الليل أو حتى الصبح ماتفرق عندي بس المهم أن باجر ألقى نفسي في البحرين
مبارك: الظاهر أستوا بعقلج شي!!؟
أنا: إيه ليش ماتدري أنا من فكرة إني أوافق على هاليية وأنا أبد كل حدث يصير فيني من بلد يوم فكرت أوافق على اليية عصبت علي، ويوم ييت نرفزتني وطبيت وتكسرت عليكم وسهر لي الصبح في المستشفى ويوم صحيت يوم واحد أقعد اليوم الثاني حظرتك محد وين؟؟! الله العالم، شنو هالشغل إللي طلع فجأه؟!؟ ماني بعارفة!! ويوم تيي أتغربلني ونتيجة لذلك أعطي روحي كف محترم معلم على خدي والله العالم لي بكرة شبيصير إن جان ماطيح لكم من على الدري زين...
مبارك: أعوذ بالله من هالأفكار السودة، بعديهم عن بالج وأحنا بخير وعن الطلعة بتعرفين ليش، أنا طلعت عنج وماحبيت أصحيج لأني شفتج غاطة في النوم >>توني باتكلم<< صبري خليني أخلص كلامي، المهم ماحبيت أزعجج وجان على الحركة إللي صارت تحت أنا حبيت أتغشمر معاج ماتوقعت أنج بتزيغين وبتصفعين عمرج هالكف الحااار
أنا: والزبدة الحين؟!؟ أنا آبي أرجع
مبارك: وأنا مب مخليج ترجعين
أنا: والله مب بكيفك
مبارك: عيل على كيف منو إنشالله؟؟!!
أنا: بكيفي أنا طبعاً
مبارك:هه تحلمين أنتي
أنا: والله بكيفي لا أحلم ولاشي عبالك أنت تقدر تمنعني يعني أتصال واحد أحين أحجز حق روحي وأرتب أموري وإن جان على روحة المطار الله يخلي عمي مابيقصر وإذا كلش تعطلت الأمور التكاسي الله مكثرهم باركب لي في أي واحد وباتوكل على الله
مبارك: يلا رويني كيف
أنا:أوكي بنشوف من إللي يمشي كلامه
مبارك: بس صدقيني يا لولوة والله أن سويتها والله وهاي حلفة علي أن مابتشوفين شي يسرج لا أخليج تندمين على الساعة إللي قررتي فيها ترجعين وتحرمين غيرج من الفرحة لو لحظات وأنا أقولج راجعي نفسج أحسن لج
أنا: خلصت؟!؟ لعلمك أنا ماقلت لك إلا وأنا مفكرة عدل، وأنا أقولك جان أنت مب مستانس وياي أكوه عندك الدرب وترا لعلمك مب أول مره تقولي هالكلمة وأنا ساكته وجانك مب متحملني قلت لك وأرد أقولها لك الشرع حلل لك أربع بدل الوحده محد قابضك روح يلا!!

بس خلصت أنا كلامي إلا باللي ماسكني من جتوفي وحاذفني على السرير ويطالعني بنص عين وتطاير منها الشرار من العصبية

مبارك: جب ولا كلمة، لو أبا أحط عشر من بدال أربع؛ لكن أنا بكيفي مو أنتي إللي تملين علي أوامرج، أحبج هيه لكن مو أنتي إللي تتحكمين فيه فاهمه، وأنا أقولج سيرة من هني ماشي إلا إذا أنا وافقت وبعدين أنتي أمانة في رقبتي يعني أنا إللي أرجعج وأسلمج حق أهلج يد بيد

رديت عليه بصوت عالي لأني باصيح من زود القهر وهو إللي كان يتكلم ببرود وهو راص على ضروسه

أنا: ليش بضاعة شايفني عندك؟؟ ولا شنو إنشالله؟؟ وأمي وأبوي باكلمهم الحين وباقولهم، كيفي تعرف شنو كيفي؟؟؟ يعني أسوي الشي إللي يريحني بمزاجي مب على كيفك مب يعني ريلي خلاص تتحكم في تصرفاتي..
مبارك: لولوة أنا لي حد أحين ماسك أعصابي لاتخليني أسوي شي تندمين عليه أتقي شر الحليم إذا غضب
أنا: شنو؟ يلا مو أنا اللعبة إللي عندك تتسلى بها!

وتوه بيرفع يده علي نزلها وتعوذ من أبليس وأنا خرت دموعي على خدي وهو طلع معصب وصك الباب بقوة وراه، وأنا طايحة على السرير وأصيح ورقدت بصياحي ماحسيت إلا بايد تمسح على راسي فتحت عيني، وألتفت إلا نورة أول ماشافتني تخرعت من شكل ويهي ليش أنه متنفخ من الصياح وعيوني حمرة وعلى طول قطيت روحي في حظنها وصحت وهي تهديني بس مافي فايدة

أنا: نورة الله يخليج قولي حق مبارك الله يخليج
نورة:أششش أنتي أهدي الحين وأنا باقوله إللي تبينه
أنا: نورة الله يخليج الله يخلي لج أمج أرجوج نورة إذا تحبيني قولي له
نورة: خلاص حبيبتي خلاص أنتي أهدي وإللي تبينه بيصير

وعليا وخلتني أرقد في حظنها وهي ماتدري شنو إللي أنا أبيه أصلاً من مبارك، بس قالت لي هالكلام عشان أهدي عمري ورقدت من دون لا أتغدى دخل عليها مبارك وأنا كنت راقدة في حظنها مادري عن شي شافها بنظرة يعني شتسوين؟؟ أشرت له نورة أنه يصبر وحطت المخده تحت راسي ولحفتني، راحت له سحبته من يده وقعدت معاه

نورة: ممكن تفهمني شو مستوي؟؟
مبارك: ماشي
نورة: شو إللي ماشي بس عشان أنا أصغر عنك يعني خلاااص؟!؟؟؟
مبارك:شو فيج الحين أنتي؟؟
نورة: عيل قولي شاللي صاير بينك وبينها؟؟ البنت من مساعة تصيح ما سكتت والله خفت إنها تموت من بين يديني من كثر ماتصيح

مبارك قلبه أنعصر شلون هياه قلبه أنه يخليني أصيح وهو مب موجود ومن دون ما هو يراضيني، أخته إللي راضتني شلون خلاني وراح!!؟ لو صاير لي شي أحين من لي؟؟ وأنا في هالقسم محد يسمع صوتي!!؟؟؟؟

مبارك:شو قالت لج؟؟
نورة: ماقالت شي، كل إللي قالته لي الله يخليج قولي حق مبارك قولي له، وأنا قلت له إنشالله بس هدي عمرج والله قطعت قلبي على صياحها ليش هي شو تبا؟؟
مبارك:آآآآآآآآه والله عذاااااااااااب هالحرمه عذاااااااااااااااب معذبتني لا أنا إللي في قربها مرتاح ولا في بعادها، في كل الحالات أنا متعذب وتعبان وياها، نورة والله تعبت حسوا فيني الله يخليكم ترا والله إني إنسان ولي إحساس ومشاعر مو بس أنتو
نورة: بلاك فديتك قولي
مبارك: آآآآآآه يانورة، لولوة
نورة: شو فيها لولوة؟؟! تكلم مبارك
مبارك: تبا ترجع البحرين باجر
نورة: ليش ما صار لها يومين تبا ترجع؟؟ ليش شو مستوي من بينكم؟؟
مبارك: شوفي أنا باقول لج بس الشي إللي بينقال مايظهر من بينا وأنتي حكمي
نورة: إنشالله تفضل تكلم
مبارك: تذكرين طيحتها أول مايات؟؟
نورة: هيه هي شو كان فيها حتى ماسألتك
مبارك: كانت بتسير ترتاح وأنا تعمتدت ألعوزها بالكلام وهي ماتحملت كانت ماتشوف زين من الدموع إللي كانت عامية عينها وفي دربها وهي تسير تبا تدخل داخل الغرفة تخطرفت بماعرف شو كان على الأرض حاولت إني أمسكها لأني شفتها ماتروم تواصل مشيها بس هي ماطاعت وأصرت إني أنزلها، ونزلتها ويوم دخلت داخل الغرفة تحسبت إنها قربت من الشبريه لدرجة أنها عقت روحها عليها لكن أتضح أن الشبريه كانت أبعد من المسافة إللي هي تشوفها فجزء البسيط منها إللي يا قرب الشبريه والجزء الباقي على الأرض فبجذه طاحت على ويها على الأرض وأنا طبعاً ماخليتها شليتها على الطول ومددتها على الشبرية وهديتها ونامت في حظني، لفيت لها ريولها وهي نايمه وإيدها إللي كانت ماسكتها وهي تصيح ومادريت أنها بتصحى تدور علي في غرفتج وصار إللي صار لي اليوم الثاني وعدت ليلته على خير و اليوم يوم أصبحت ماشافتني تنرفزت من هالحركة ليش إني ماصحيتها قبل لا أطلع وأنا ماحبيت أصحيها يوم شفتها غاطة في نومتها وهي تنرفزت من ها الحركة ليش إني طلعت من الصبح وما قلت لها وين باسير حتى ماخبرتها من قبل وين كنت أبا أسير وكملتها بالصفعة إللي صفعت روحها..
نورة: أي صفعة؟؟مبارك لا تقول أنك مديت إيدك عليها؟!؟
مبارك: مو أنا، مساعة يوم كنا على الريوق شو إللي خلا لولوة تقوم من عليه ترا لهسبب، أنا دخلت وأنتي قمتي من بعد ما أشرت لج، حطيت صبعي على خدها بحيث أنه يدغدغها فهي صفعت روحها كف حاااااار ليش لأنها تحسبت أنه حشرة وأنقهرت من ها الحركة وكملتها معاها يوم ييت الحجرة شفتها تلم أغراضها ويوم كلمتها تبي ترجع البحرين وشو أنا كيفي محد يقدر يمشي شوره علي.. والله يانورة أن في لحظة طيش والشيطان كان شاطر كان بيني وبين خدها أقل من شبر وأصفعها بس نزلت يدي وطلعت عنها بسرعة عسب ماسوي شي بعدها أندم عليه آااااااااااااه يانورة يعني يوم فرحت بقربها ووجودها معايه هي مب مرتاحة، خايف يانورة باجر ماتيي هني تقول تبي تيلس عند أهلها هناك وأنا ماقدر أستغني عنها أكثر من جذه أنا إللي مصبرني حاليا أنها تدرس ولو علي أنا والله ماخليتها تقعد دقيقة وحدة بعيده عني بس ها شرطهم و شرطها هي بالذات يعني ماقدر أحرمها من شي هي تباه، تعبت والله تعبت ماحد حاس بالمعاناة إللي أنا فيها وهي مب طايعه تقعد أكثر من جي وأنا إللي مارمت أرقد من زود الفرحة إللي أنا فيها لأنها يمبي راقدة كأني ذيك الأم الفرحانة وهي تشوف ولدها راقد بأمان في حظنها والله إني شلت بعضي وقعدت في الصالة لأني أدري بعمري إن تميت زيادة على الشبريه باوعيها من النوم ومن طلع الفجر خلاص ماشي نوم ورحت أحجز لنا مركب سياحي ومن بعدها بنسير نتعشى في مطعم على البحر وأنا حبيت أفاجئكم على الغدا بس هي الله يهداها..
نورة: الله يعينك يا خوية جان كل ها في قلبك وساكت بس أفا عليك باقنعها أنها تسير ويانا
مبارك:لا ماباها تسير غصب عنها



نورة: أنت ماعليك أعتمد عليه
مبارك:والله براحتكم أنا مصدع باسير عنج

ونزل مبارك بس الظاهر أنه طلع، ونورة قعدت معاي في الحجرة بعد حوالي ساعة صحيت مرة ثانية وحاسة بصداع بينسف راسي وأدور بعيوني مبارك بس للأسف إللي لقيتها نورة وإللي كانت قاعدة على الطرف الثاني من السرير حاولت يطلع صوتي بس كان مبحوح لدرجة ماينسمع فرفعت صوتي عشان تسمعني نورة

أنا: نورة؟
نورة:آمري فديتج
أنا: وين مبارك؟؟
نورة: طلع شوي وبيرجع
أنا: أتصلي به آبي أكلمه
نورة: إنشالله أنتي قومي صحصحي شويه عشان ننزل تحت عند أمايه ماحد معاها تحت

أنحرجت من نورة وأفتشلت في خالوا عفرا المفروض أقعد معاها بس أنا أبد صايرة أنانية ميودة عيالها عنها ياذي الفشلة شبتقول عني الحين؟!؟؟؟

أنا: إنشالله
نورة: فديتج يلا نباج تكشخين على الآخر
أنا: إنشالله حبيبتي

وقمت تغسلت وبدلت لبست تنورة بيضة طويلة من فوق فيها تطريز حلو ناعم ومعاها توب أسود يخصر الجسم وفوقه بلوزه نفس التنورة وتمكيجت على خفيف عشان يغطي ويهي المنفخ وعيوني الحمره وبعد ماخلصت

أنا: ها شرايج؟؟

قامت نورة من مكانها يايه صوبي

نورة: عيني عليج باردة يا مرت أخويه قمر فديتج أسميه مبارك بيتخبل يوم يشوفج

أنا أستحيت وقلت في نفسي وينك يا مبارك خلاص باقعد بس أنت لاتزعل عمرك

أنا: عيونج إللي تشوف كل شي حلو
نورة: شو عيوني ما عيوني ماتشوفين عيونج شقايل حلووووووووووة موووووووووووووووووت والله تذبح خخخخخخخخخخخ
أنا: ماشوف قطيتج طريحة عيوني الذابحة
نورة: ههههههههههه كدتي يا حرم السيد مبارك لكن لم تكوني أقوى من عيوني الكحيلة هههههههههه
أنا: ياسلام عليج والله ههههههه يلا ننزل تحت تأخرنا
نورة: يلا نزلنا

وطلعنا من الغرفة وقلبي معورني على مبارك، أنا وايد تسرعت في القرار إني أرجع بس والله من حرة قلبي حركاته خلتني أفوور ماتحملت، المهم نزلنا وسلمت على خالو عفرا وعمي كان طالع رايح يخلص شغله وبيرجع، مبارك دخل وسلم وقعد يم خالو عفرا أنا صج حز فخاطري بس أنا غلطانة خلني أعدل خخخخخ دام خالو قامت المطبخ أستغل روحتها، رحت صوبه عشان ماثير الشك وخليت نورة في الكرسي بروحها مجابلتنا

أنا: ها فديتك شخبارك؟؟

مبارك أستغرب شفيها هاذي توها مساعة تصيح تبي ترجع ماتبي تقعد ويانا شلي صار في الوقت إللي أنا طلعت فيه؟؟ طالعني وطالع أخته نورة يمكن تقوله شي بس هزت راسها بمعنى أنها ماتدري عن شي

أنا: شفيك مبارك؟؟ فيك شي؟تبي شي؟؟
مبارك: لا حياتي أنا بخير مافيه شي وأبا سلامتج أنتي شو الحين أحسن؟؟

أنا يودت راسي صوب إللي يعورني وتحجيت

أنا:لا هني يعورني شوي
مبارك: من قلة الأكل شوفي دامكم متلبسين دقايق بالبس وباخذكم على مكان حلوو وخصوصاً أن الجو فظيع والدنيا ليل
أنا: وين بتودينا؟؟!
مبارك:>>غمز حق نورة>>لا سر تعالي وشوفي بروحج
أنا: وإذا المكان يخوف؟!!
مبارك: وإذا أنا معاج بعد بتخافين؟؟!!!

أنا أستحيت لأن نورة قاعده ويانا وهي أصلا كانت قايمة لأن حست أن مكانها غلط من بينا بس مرت صوبنا يوم هو قال هالكلمة فاستحيت

مبارك: ها شوقلتي الحينه أقوم ولا أتم جي حالتي حاله؟؟
أنا: هههههههههههه لا قوم شنو أتم بعد جنك خباز؟!!
مبارك: خباز ها؟؟ خباز في عينج يحصلج هالخباز إللي ترمسين عنه
أنا: إلا حاصلي وحاصلي حتى هاه جدامي خخخخخخخخخخ
مبارك: شاقولج عاد أسير ألبس أحسن لي

وراح عني وضحكت عليه والله أحس تصرفاتي ساعات تصرفات وحده عقلها عقل يهال مو وحده كبيرة ولا متزوجة الله يعين إذا يبت عيال الظاهر برجع نونو أم أشهر، ورجعت خالو عفرا مالقت أحد إلا أنا إللي كنت قاعدة

خالو عفرا: ها بنتيه وين ساروا عنج؟؟
أنا: لا خالو بس مبارك يقول نتلبس بيطلعنا الليلة
خالو عفرا: سيري مع ريلج روحج نحن مابنطلع
أنا: خالو لا ترديني والله هو إللي قال مو أنا لا تخافين لو ماقال جان ماباوافق أصلاً بقعد معاج وبعدين نورة راحت تجهز
خالو عفرا: شعنه بنتيه سيري مع ريلج أستانسوا وها نوروه ماتخيّل
أنا: أناستي معاكم خالو يلا أنا كنت بس باقولج وباروح فوق ألبس
خالو عفرا: إنشالله بنتيه


وقمت عنها دخلت الحجرة ريحت العطر فايحة لي عند الباب دخلت وأنا أضحك على مبارك إللي كان قاعد يبلس غترته وهو شاق الحلج من أناسته وعليا

أنا: مبارك؟
مبارك:عيونه، آمري فديتج
أنا: بعد بقى شي في الغرشة؟؟
مبارك:هههههههههههههههههههههه ليش يعني؟؟
أنا: والله مادري أسأل عمرك، أنا من بطلت باب الصالة ياتني الريحة شلون إللي بنطوف يمهم بتطيحهم
مبارك: يعني تغارين علي
أنا: والله سمها إللي بتسميها، بس لو سمحت إذا بتطلع معاي مره ثانية لاتسبح بالعطر
مبارك:من عيوني فديتج بس أنتي يلا لبسي عباتج نورة ياتني خلصت وبتنزل تحت، هيه خبرتي أمايه؟؟
أنا: إيه قلت لها قالت إنشالله بتيي
مبارك: يلا عيل أستعيلي روحج

لبست و طول الطريج ضحك وسوالف لين وصلنا صوب المراكب

مبارك: يلا نزلوا

نورة بطلت الباب ونزلت طبعاً

أنا: وين بتنزلناا؟؟؟
مبارك: شو تشوفين يعني ترانا بندش البحر
أنا: مباااااااااارك حرام عليك يعني هالكشخه إللي أنا فيها حق بحر؟؟! لا مب نازلة
خالوا عفرا: صدقها البنت أحين تلبسوا آخرتها حق البحر؟!!! نوروه دخلي السيارة يلا بنمشي
نورة:ليش مبارك والله الجو عجيب
مبارك: ومن قالج بنتحرك ترا أنا حاجز لنا مركب جي يدور فينا في البحر، يلا يلا أنزلو
أنا:ههههههههه أنت مب صاحي صح؟؟
مبارك:>>بهمس>>هيه لأني أحبج
أنا: مينون واحد

وبسرعة نزلت وطبعا خالوا عفرا ونورة سبقونا ووقفو يم المراكب ولحقتهم أنا ووراي كان مبارك وكلم إللي كان عند المراكب، أحين يا دوري إني أركب أففففففففف وهقة وفي شوي مسافة صغيرة من بين البر إللي أنا واقفة عليه وبين المركب نفسها وكل خوفي تنورتي ماتساعفني على إني أشقح عدل وأطب في الماي

أنا: مبارك ماقدر آيي خله يدنيها لي باطيــــح
مبارك: والله مابطيحين أنتي تعالي
أنا: شوف قاعد يبتعد عني ماقدر باطيح
مبارك: لولوة شو فيج حتى أمايه ركبت إلا أنتي
خالوا عفرا: يلا بنتيه لا تتروعين سمي بالرحمن وحطي ريلج
أنا: خالو ماقدر والله ماقدر كل ما آبي أحط ريلي يتحرك
مبارك: لولوة والحل يعني ما بتركبين؟؟!؟
أنا:أممممممم تدرون أنتو روحو وأنا بنطركم في السيارة
مبارك: حلفي أنتي بس؟!!! جان هالطلعة كلها مرتبها عشانج عسب تستانسين وأحين تقولين بتقعدين في السيارة
أنا: والله مبارك ماقدر مركبكم يتحرك مب ثابت أنا شاسوي؟!!!
مبارك: أوقفي في مكانج ولا تسوين شي

وقرب صوب إللي أنا واقفة فيه ومد لي يده

مبارك: عطيني يدج والله مابطيحين أنتي في يدي مابطيحين

حطيت يدي وتوني حاطه ريلي على المركب وجان تتحرك وأطب على مبارك من الخوف وهو يضحك علي

مبارك:هههههههههههههههههههه هههههههههههههههههههه هههههههههههههههههههه بلاج أنتي جي جبانة تتروعين من الماي؟؟
أنا: والله شفت شلون زين ماطحت في الماي بعدين أنا ماخاف من الماي أنا أخاف على عمري
مبارك:بعد شو هالكلام اليديد
أنا: لا عيل أتكسر عشان حتت مركب لا راح ولا جيه
مبارك: يالله يالمصرية أسكتي أسكتي لا أحين أفرج في البحر أونه حتت مركب بعد
أنا:ههههههههههههه

وقعدت على صوب في بداية المركب بحيث الإنارة تكون خفيفة وأطالع البحر والهوا في ويهي ياني مبارك وقعد يطالعني كأنه قاعدين في فلم ويود ويهي وقعد يطالعني

مبارك: الله على هالعيون الحلوة شو هالجمال وتبيني أفارقج حرام عليج جانج تبين تعذبيني؟؟
أنا: فديتك ماعاش من يعذبك وبعدين أنا من زمان حلوة توك مكتشف؟!
مبارك:ههههههههههه بس اليوم بزيادة عيونج حلوة فيها لمعة حلوة

أستحيت من كلامه وسكت ولفوا بنا جمن لفة وسط البحر عقب ردونا صوب سيارتنا وخذانا مبارك صوب مطعم على البحر تقريبا خذ لنا مشاوي بس كانت واايد حلوة وبعدها رجعنا البيت أنا خلاص من كثر الضحك والسوالف خلصت طاقتي ومبارك في الرجعة ساكت لأنه مارقد ونورة شغاله في النكت وأنا أضحك عليها وحتى النكت البايخه أضحك عليها من بايختها ومبارك بس يضحك على ضحكتي وخالوا تهاوش نوروه وعليا ليش أنها تضحكني هالكثر مب زين باختنق وأنا من كثر ماضحكت قمت أكح مبارك عطاني بنظرة عشان أوقف ضحك، هزيت له راسي أني باوقف بس كل ماتذكر النكته أضحك ونورة خلاص سكتت ومبارك يحاول يخلي روحه معصب بس يشوفني أضحك يضحك وياي

مبارك:لولوة بس خلاص عاد بسج
أنا: ههههههههه هههههه انزين

وغطت عيني في السيارة لأن الكل سكت وصلنا البيت كلن راح حجرته يرتاح وأنا أترقع من النوم والتعب على الدري ومبارك ماسكني وتعب وهو ميودني عشان نوصل بس مافي أمل نوصل الحجرة وأنا حالتي جذي مب قادرة أوقف ماكثر خبر شالني على يده ووداني فوق حطاني على السرير ورقدت وهو ضحك علي ورقدنا.
اليوم الثاني من الصبح الحبوبة لولوة قعدت نشيطة مفرفشة لأن أمس كانت مستانسة وإللي أنسني أكثر إني الحين قعدت قبل ريلي العزيز خخخخخخخخخخ وأبتدا شغل النذالة
قعدت وتسحبت من على السرير وبهدووووووء دخلت الحمام_الله يعزكم_ وخلصت وطلعت وهو ماحس فيني لبست جلابية عادية، أهااا ووصلنا للمطلوب ومجابلني خوووش خوش وهاذا إللي نبيـــــه خخخخخخخخ رحت صوبه وفي يدي ورقة كلينكس لفيتها بحيث تصير ضعيـــــــــــفة تدخل في الأذن داخل أول شي حركتها له من فوق ما حس قلت أحسن وأشتغلي يا لولوة هههههههههههه، عقب دخلت له شوي داخل أذنه بخفه حس شوي وتهمهم بس ما قعد عدل وأنا فيني الضحكة أخاف أطيح من كثر ما أنا ميودة روحي، لا لا تخافون تميت قوية ميودة روحي ودخلت الكلينكس داخل أذنه وحركتها ويات اللحظة الحاسمة وجرااااااااااااااخ صفق روحه كف أقوى من إللي عطيته حق روحي هههههههههههههههه هههههههههههههههههههههههه ههههههههههههههههههههههههه هههههههههههههههههههههههه ههههههههههههه، من قوة الكف قعد روحه من الرقاد وأنا طحت على الأرض من الضحك، خريت من طولي ولا وصوبه بعد يعني إذا بينزل من على السرير بيدوسني، وهو فتح عينه وأنا طحت تخرع وفز فزه من على السرير ماهمه الألم إللي حصله على باله فيني شي وطحت قبل ما أوصل له ههههههههههههههههه، وأنا طايحه ضحك إلا سكرت من كثر ما أضحك عيوني تدمع ورايحة فيها، وهو يتقرب مني خايف وشافني أهتز على باله فيني شي إللي يخليني أرتجف وأرتعد جذي، يوم جرب كلش مني شافني هلكانة من الضحك ويطيح فيني تقرص وتدلدغ عشان مرة ثانية أتوب عن حركات اليهال هاذي، وأنا من كثر ماضحكت تعبت وبديت أكحكح قلت له بس بس باتوب

مبارك: لابركتن في إبليسج والله ألمتني هالصفعة عمري ما أنصفعت وأنا اليوم أصفع روحي جي والله قوية معلي يا لولووه مردودة لج
أنا:هااا نسيت شسويت فيني يوم كنت باتريق؟؟؟ من إللي خلاني أصفع روحي؟!؟!! أنا ماقصدت أنك تصفع روحك بس يالله وحده بوحده ههههههههههههههههههه هههههههههههههههههههههههه ههههههههههههههههههههه ههههههههههههههههه هههههههههههههه
مبارك: أها جي، أوكي عيل مو مشكلة أنزين أنتي بتنزلين تحت الحينه؟؟
أنا: ليش يعني؟؟ وين تبيني أروح من صباح الله خير؟؟
مبارك:لا أباج تنتظريني بانزل معاج مره وحده
أنا: أوكي خف يدك عاد مو تأخر ترا بامشي عنك ولا تقول ماقلت لك بعد هذاني قلت
مبارك: هههههههه بلاج أنتي عليه من الصبح خلاص أبويه عرفنا فهمنا ما بنتأخر على شيخة الحريم
أنا: إيه جذيه يالله صج عاد أحين صج لا تأخر والله بطني يعورني
مبارك:>>إبتسامة خباثه>> شوفيه يعورج؟؟
أنا:هههههههههههههههه الحمدالله والشكر يوعانة آبي أكل أسوي مم مم يلا
مبارك:أنزين<<أونه مد بوزه
أنا:يلا


ودخل كرمكم الله الحمام تغسل وتلبس ونزلنا تحت وحلج كل واحد منا بينشق وخالوا فديتها قاعدة تدعي لنا وتفدانا خصوصا أنا وطبعاً مبارك غار وتفدته بعد ونورة قالت أنا مالي رب ودعت لها بعد ههههههههههه وعقب

خالو عفرا:لولوة بنتيه ترا اليوم بيونا حريم عسب يسلمون عليج
نورة: منو أميه؟
خالوا عفرا: أحين الحرمة ماسألت أنتي تسألين لشو بعد؟؟
نورة: أميه لولوة ماتعرف هايلي الحريم أما أنا إذا عرفتهم باقولها منو أفهمها وإذا أحتاج الأمر إنها تكشخ كشخه قوية أو عادية
خالوا عفرا:أسميج مب هينة يا نوير
مبارك: حرمتي بتكشخ، عاد تبين يصيبونها بعين؟؟ روحها مب مترقعة كل عين من بلد من خذتها ولا أقولج طبي هالسالفة حريم، ما اباهم يشوفنها ولاشي ولا كشخه بتكشخها حقهم بطلع في حرمتي باراويها الدنيا أخير من مجابل ويوههم وحشّ وتقطيع في خلق الله
أنا: مبارك عيــب
مبارك: بعد شو عيبه أنتي؟؟ تراج حرمتي وتمشين على طوعي وإذا قلت ما أباج تقعدين وياهم تراني أخاف عليج ها يعاينون ويرقدونج سنة بلياليها على الفراش ما تتحركين
خالو عفرا: بسم الله على البنت أنتو بلاكم تفاولون عليها؟!! يابويه مابيستوي بها شي أنا أعرفها فديتها بتقرا على روحها وبتسمي وأنا بعد بقرا عليها وباعوذها من العين وبادخنها أرتحت الحينه؟؟ وجانك بعد تبا أنت تقرا عليها كيفك
مبارك: هيه الحينه أرتحت خلاص أنزلي بس لا تباالغين في البس ألبسي شي بسيط ومعقول وعن تتجحلين هاذولي بيعمون عيونج بسم الله عليج ولا تحطين في ويهج شي تراهم بيحسدون بشرتج ولا تحطين شي على شفايفج بيقولون شوفوا شو حلات شفايفها
أنا: مبارك شرايك أقعد لهم بعبايتي وشيلتي ونقابي؟؟
مبارك: يكون أفضل بعد ولو تطلعين من عندهم وتركبين معاي في السيارة بيكون أفضل وأفضل خخخخخخخخخخخخ
أنا: الحمدالله والشكر جنه أول واحد يعرس وياخذ له مره!!؟
خالوا عفرا: شو عرفني به؟ بس أنا قلت لج بنتي تراهم يايين عسب يسلمون عليج ويشوفونج وجان خاطرج تطلبين شي من ها المخابز ولا تامرين البشاكير يسوون لج شي قولي فديتج
أنا: لا خالوا فديتج أنا إذا آبي شي من الخدم باقول حق نورة وإذا آبي شي من برع مبارك موجود مابيقصرون إنشالله
خالوا عفرا: إنشالله
نورة: أمااايه ماقلتي لي منو إللي بيي من الحريم، نسوان منو؟؟
خالو عفرا: خواتج ونسوان عمومتج وخالوتج كلهم غير حريم عيالهم ومن الأهل بعد أنا خبرت خالوتج مريم وهي قالت لهم وأتصلو بي عسب إييون
نورة: أممم أوكي لولوة بعدين تعالي لي أباج شوي بسالفة
أنا: أوكي
مبارك: شو تبين فيها؟؟ حشمي عاد أنا مويود أستأذني مني قبل يمكن ما أرضى
نورة: والله الشي إللي أباه فيها حق مصلحتها مو لي أنا مستر مبارك
مبارك: أونه مصلحتها!! شو هو يعني؟؟ لازم تخلينها تسير معاج فوق؟!؟
نورة: هيه لازم أنت شو لك خص؟!! ترا الشي إللي أباها فيه قلت لك يخصها هي، أنت لشو حاشر نفسك في شي مايخصك؟؟
مبارك: نووروو طبي لسانج أحسن لج
نورة: شو لولوة أحينه بتصعدين فوق ولا بتسمعين كلام ريلج؟؟
أنا: مادري والله مبارك شفيه
مبارك: سيري يابوي أدري بنوروه أنا ماقلت لج تعالي إلا وهي صاجه
نورة: أحم يعني لازم تعاند من البداية قول لها هيه سيري مع أختي
مبارك:أونه!! أقول ماتنعطين ويه تراج لا تخليني أحين أخليها قاعدة حذالي ما تتحرك من مكانها
نورة: عاد شو يعني ترا الشي إللي أباها فيه ينفعكم أنتو الإثنين مب أنا، أنا مابخسر شي أنتو الخسرانين!...
مبارك: أففف عورتي براسي خلااااص بتسير بتسير أسكتي عاد نبا ناكل
نورة: جيه يودت أنا عنك الأكل كلّ يابوي أنت تمتن وحرمتك تضعف وحليلها أكلها هالضعيفونة

فشلتني نوروه الله يغربل إبليسها

مبارك:فديتج لولو شو تبين أطعمج ولا أحط لج وأنتي تاكلين؟؟

وششششششش ويهي يحترق خخخخخخخخخ حسبي الله على إبليسك يا مبارك ياللي ماتحب تعاند أبد، أنت شعليك من أختك؟!؟؟ كيفها تقول إللي تقوله أففف يالفشله جدام نوروة عاد وخالوا شنو ذي؟؟ شالحالة

أنا: لا أبوي أنت حط لي شوية جبنة بس وأنا باكل بروحي
مبارك: لالا مايستوي شو شوية جبنة أنا بأكلج
أنا: لا مبارك أنا باكل أنت حط لي

ودي أكفخه من القهر أدري فيه بالعمالة هالحركات مو عشان أخته بس عشان يشوف ويهي وهو يصير أحمر من الفشيلة عظيت على ضروسي

أنا: مبارك قلت لك خلاص حط أللي بتحطه أنا باكله
مبارك:هههه لا لا أنا أأكلج بيديني

فرصته من تحت عشان يسكت عني

مبارك:أححح ههههههههههه يلا فتحي حلجج
أنا: مباااارك شو ياهل حط اللقمة في الصحن
مبارك: أفا ترديني

أوووووووووف يالفشيله الله ياخذ إبليسج يانووروو كله منج حسبي الله على إبليسج حسبي الله على إبليسج قلت له وإنا عاظه على ضروسي ومحد يسمعني إلا هو

أنا: وقسم بالله إن مانزلت اللقمة في الصحن وخليت عنك هالحركات لا أكت في ويهك جيك الماي إللي جدامي سمعت، ههههه<<ضحكة الفشيلة حق نورة وخالوا عفرا
مبارك:هههههههههههه هههههههههههههههههههه هههههههههههههه
نورة: بسم الله بلااااك تضحك جي؟؟
مبارك:ههههههههههههههههههه هههههههههههههههههههههههه هههههههههههههههههههههه ههههههههههههههههههه أنتي ههههههههههههه أنتي مايخصج

وخالوا عفرا ساكته عنا لأن تدري أن مافي فايده من إنها تسكتنا على أمل أحد يحشمها من عيالها لكن مافي أمل وطبعاً عمي من الفير يتريق ويطلع يروح حق مزعته ويطل على زريبة الغنم والدياي مايرد إلا الظهر لأن لازم يشوف العمال شيسون وشيحطون خصوصاً إن هالإيام الإجازة مافي دوام.
سكت عنه وهو نزل اللقمة إللي في يده وحطها لي على الصحن وأنا ولا كلتها ولا شي الكريه حاط لي فيها قطعة طماطة مع أنه عارف أني ماحب الطماط يعني كان يبي يقصصني في اللقمة بسبت هالطماط أخخخ
كملنا الريوق والحمدالله قمنا ورحت ويانورة فوق ومبارك دش الحجرة ينطرني

أنا: شفيج نوروة من مساعة تسحبين فيني جني إلا غنمة شفيج علي؟؟
نورة: هههههههههههههه هههههههههههههههههه ههههههههههههههههههه حلو تشبيهج أنزين تراج غنمة برووك
أنا: يلا عاد عن السخافة شعندج
نورة: بس بغيت أخبرج عن الحريم إللي بيونا ماحبيت أتكلم جدام أمايه لأني أعرفها ما بتخلي شي ما بتقوله المهم هاييلا ذبحيهم على الوحده الكشخه والمنطوق الحلو وفي نفس الوقت الراقي وإذا تقدرين قطي عليهم جي كلمات تبين أنج وحده دارسة ومتعلمة وفاهمه أباج تقهرينهم وتبطين جبودهم أوكي؟؟
أنا:ههههههههههههههههههههههه شله عاد فيج حرة؟؟
نورة: إلا فيني وفيني يا لولوة أنتي ماتدرين ليش هم ياايين اليوم تراهم يبون يشوفون هالحرمة إللي خذت ولدهم، ومب طايعة إتيي عنده بس عسب دراستها أونه شو مودرة ريلها عسب دراستها إللي ما بتوديها ولا بتييبها!! لشو تدرس وريلها مابيقصر عنها في شي؟؟! وماتم كلام ما قالوه بس مبارك ماحب يتكلم عن شي صار أكبر من هالناس التافهه إللي مايدرون بأن هالدراسة التافهه على قولتهم سلاح في إيد الكل هالأيام ماحد بينفعنا غيرها
أنا: جذي السالفة؟؟!!
نورة: هيه أباج تقهرينهم وتخلينهم يتمنون لو ترجعين بنت عسب يخطبونج من هلج لعيالهم
أنا:ههههههههههههههههههه هههههههههههههه أفا عليج بس خلاص حبيبتي أبشري باللي يسرج من صوبي لا تحاتين وعلى الكشخه إلاباكشخ وباكشخ ولا كشخة العرس حتى وبتشوفين يانوير إن ماخليتهم يمشون ويتحجون عني في كل مكان ما أكون أنا لولوة مرت مبارك إللي أخته نورة هههههههههههه، ها شرايج؟!!؟؟؟؟
نورة: هيه جي أباج بس أخافه مبارك يشوفج وعلى قولتج بكشختج ومايخليج تنزلين
أنا: أفا عليج وأنا لولوة لا تحاتين باسوي إللي أقدر عليه داخل الحجرة والبقية باكملة عندج هني في الحجرة وفي الليل طبعاً بمساعدتج بايي عندج بعد باعدل روحي وباخلي كل شي طبيعي عقب بادش حجرتي
نورة: تعجبيني والله ها حرمت الأخو ولا بلاش
أنا: أحم أحم جم نورة عندنا أحنا؟!! ترا وحده ولازم نشوفها
نورة: أشكر فنج حبيبتي بس يلا أحين روحي عسب تطلعين شو بتلبسين ومبارك مايحاتي
أنا: أوكي غناتي وإذا خلصت وتنقيت شبالبس باناديج
نورة: أوكي
أنا: باتصل لج من تلفون الحجرة أوكي
نورة: أوكي حياتي
أنا:باي
نورة: بايات

وطلعت من حجرتها وعشرين ألف فكرة وفكرة في بالي شالبس شاحط شاشيل وشلون باسوي شعري كل هالأفكار في بالي دخلت الحجرة وأنا سرحانة وأنتبه لي مبارك

مبارك: ها شو عندها نوير تباج؟؟
أنا: ها؟؟ شنو قلت ما سمعتك عدل
مبارك: شو قالت لج نوير؟؟ أبا أعرف انا إللي خلتج جي تسرحين، هالكثر الموضوع مهم؟!!
انا: تصدق عاد

وقعدت على طرف السرير ويا قعد يمي

مبارك: أنزين خبريني شو قالت لج؟؟
أنا: لا موضوع كان من بينا من قبل وأحين عرفته بس أنا موجودة وبنحله مع بعض
مبارك: إللي هو بخصوص؟؟
أنا: عيييب سوالف حريم
مبارك:أحححححح أونه تجذب بعد!! أقوول ترا ما يناسبج الجذب ولا تعرفين أصلاً تجذبين وعيونج فاضحتنج بس أنا مب قايل لكم شي كيفكم بس إذا الموضوع فيه شي يعصب بي ياويلكم وهاذاني أقولكم من الحين وقعد أعذر من أنذر
أنا: إنشالله يصير خير بس شالبس حق اليوم؟؟
مبارك: مادري عنج
أنا: تدري شلون بالبس الجلايبة ويا طقم الذهب إللي يبته لي شرايك؟؟
مبارك: فكرة مش بطاله بس إذا تغيرين يكون أحسن
أنا: لالالا خلاص هاذي أوكي مابي أقعد لهم لا بتنورة ولا ببانطلون
مبارك: أنزين ماعندج شي جلابية ثانية
أنا: أممم ماتناسب هاذي القعدة
مبارك:أف أنزين لبسي بس جدامي أشوفج تتعدلين
أنا: أوكي

يوم صارت الساعة 3 قمت أجفف شعري وعقبها لبست ثيابي وبديت أحط لي وعقب كل دقيقة ألتفت حق مبارك عشان يشوف عاجبه وإلا لاء وهو يقول لي أوكي كملي لأن إللي أحطه كان جداً خفيف وعليا ما يدري إني باكمل التعدل عند نوروه خخخخخخخخخخ
خلصت وحطيت الشيله على راسي بعد ما تعطرت وتدخنت وقريت على عمري وقبل لا أطلع لبست الطقم ومن بعدها رحت حق نورة إللي كانت شبه جاهزة بس بتلبس جلابيتها ومحتارة شتلبس فطلعت لها جلايبة عنابية لونها تقريبا مشابه للألوان إللي في جلابيتي وبتديت أحط لي لون عنابي غامج المخملي إللي إتيي فيه اللمعه منه وفيه ورسمت عيني بالكحل وحطيت لي جلوس لماعي ماشي مع لون الجلابية يعني بإختصار إللي بارز فيني عيوني صارت فظيعة أول ماشافتني


نورة: لا والله مانزلتي جي أخاف يعاينونج
أنا: لاتخافين علي وقولوا لن يصيبنا إلا ماكتب الله لنا
نورة: لولو أخاف يستوي بج شي ومبارك يدري أنج يتي عندي وعاينوج
أنا: غبية أنتي أكاني قلت لج مساعة قبل لا أدخل الحجرة بامسح كل إللي في ويهي عندج عقب باروح حجرتي
نورة: أنزين أفف بسرعة خلينا نطلع صارت الساعة أربع ونص أحين الحريم بيوصلون
أنا: يلا
نورة: لحظة
أنا: شنو؟ شنسيتي؟؟
نورة: مو ها الجلابية كنتي لابستها حق العيد؟؟
أنا: إيه ليش شفيها مب حلوة يعني؟؟ولا ماتناسب حق الضيوف؟؟
نورة: لا لا حلوة وتناسب وتناسب بعد بس أنا أتذكر أن مبارك يوم رجعنا قال أنج لبستي معاها برقع
أنا: إيه ليش؟؟
نورة: شو رايج تلبسين؟؟
أنا: شنو البرقع؟؟
نورة: هيه ليش يعني؟!؟ تراج الحينه أنتي حرمة يعني عادي تلبسينه
أنا: مادري أخاف صج يصكوني بعين لأن عيوني بس هي إللي بتبان أكثر
نورة: بس عيل خلاص ما يحتاي بس ننزل جذه يلا

ونزلنا وبدوا يوصلون النسوان وكان أول الواصلين خوات مبارك إللي هم فطيم وعايشه فديتهم من زمان ماشافوني وقعدوا معاي يسألون عني ويسولفون معاي وعقب وصلوا نسوان عمهم وكل وحده مبطله حلجها علي، ونوروه ذبحتني من الضحك وهي تعلق على النسوان كل وحده وحاطه لها نك نيم وشلون مبطلين حلوجهم علي ومادري شسالفتهم حتى مب معبرين خالو عفرا ولا كأنها موجوده بس يشوفوني أنا شلابسة وشلون شكلي ومادري شنو عقب يات يمي خالت مبارك مريم وهي تعرفني وتحبني


خالو مريم: ها أميه لولوة شحالج؟؟
أنا: الحمدالله خالوا يسرج الحال
خالو مريم: إنشالله دوم بنتيه إلا بغيت أتخبرج
أنا: آمري خالو؟؟
خالو مريم: مبارك قبل لا تنزلين ماشافج؟؟

تبلعمت خفت إنها تقول حق مبارك بما أنها خالته فلازم بتقعد وبيي يسلم عليها وتقوله عني ونتوهق فباقول الصج وإللي فيها فيها

أنا: تبين الصج خالو؟! أنا جدامة حطيت شي كلش خفيف بس إللي عرفته من نورة أنهم وايد جرحوا مبارك بكلامهم ليش أني خليته إيي البلاد وأنا قاعده عند أهلي أدرس ولا جني متزوجة ووراي مسؤلية فبغيتهم يشوفون هاذي إللي كانوا يتكلمون عنها في غيباها وشلون مستواها الثقافي والإجتماعي والظاهري من ناحية الجمال والظاهر وفعلاً قدرنا عليهم
خالو مريم:هههههههههههههه يقطع سوالفج بس والله خايفه عليج يا أميه الله يهداج راسمه عينج رسام وفوق ها حاطه فوقها لون عنابي
أنا: خالو عشان يمشي مع الجلابية
خالو مريم: هههههههههههههههه المهم أنا باخبر خالتج أنها ماتفتح سيرة لأحد عن هاذولي الحريم إللي يطالعونج وأنتي جي متعدلة وايد، باقول لها عن السالفة ولو أعرف أنها بتنازع نوروه بس يلا ولا مبارك يقولج شي وأنتي بتعدلين طبعاً من بينهم أدري فيج
أنا: أفا عليج رقدي وآمني

ومشت عني وتموا لي الساعة 9 وأنا من بعدها على طووول ركضه حجرت نوروه وهي وياي عدلت شكلي ومسحت كل شي وحطيت لي مثل ماطلعت من عند مبارك شي خفيف ورحت الحجرة أقوله ينزل جانه بيتعشى وإن خالو مريم تحت عشان يسلم عليها.


أنا: قوة
مبارك: هلا حبيبي شو روحوا؟؟
أنا: إيه، أقولك ترا خالو مريم تحت جان تبي تسلم عليها ومرة وحده تنزل حق العشى
مبارك: دقايق وبنزل بس باصكر التلفزيون وبالحقج
أنا: أنت ماطلعت اليوم؟؟
مبارك: لا كنت باطلع بس سمعت صوت حشرة الحريم تحسبت حد في الصالة فما قدرت أتحرك
أنا: أها
مبارك: ليش هالسؤال؟ كنتي تبين شي؟ ولا صاير شي؟؟
أنا:لا بس كاسر خاطري ليش أنك من الصبح قاعد في الحجرة
مبارك: لا فديتج عادي لو لا وجودج جان أنا ما أطب البيت إلا وقت الرقاد
أنا: بل!!
مبارك: شو أسوي البيت ملل ماعندي شي أسويه فأخلص الشغل كله عسب أفتك
أنا: أها، أنزين يلا خلنا ننزل
مبارك: يلا قمنا

ونزلنا تحت وسلم على خالو مريم وتعشينا وبعد العشا قعدت مجابله خالوا مريم وهي يوم شافتني بالمكياج البسيط غمزت لي وضحكنا

مبارك: ها شو عندكم؟؟
خالو مريم: ماشي
مبارك: شو من ورانا خالو أسرار بينج وبين حرمتي؟؟
خالو مريم: تدري يا مبارك إن جان ماخطبتها لك أمك أنا كنت باسير باخطبها لك والله أنكم لايقين على بعض

أنا أستحيت من كلامها وهو بالعمالة يبي يمصخها

مبارك: هي والله يا خالو ترا محد أنقذني غيرج وبعض الناس أبد مايرحمون ذبحوني لا يعطون ويه ولاشي دغري
خالو عفرا: هيه هاي البنت المرباية عيل تباها مثل هالبنات الخايسات عفانا الله مرغدين في الشوارع!؟!! أنا بس إللي أبا أعرفه ماعندهم أهل يسألون عنهم؟؟
مبارك:هههههههههههههههه هههههههههههههههههه لا أميه عندهم بس ماعندهم
خالو عفرا: بعد شقايل عندهم وماعندهم؟؟!؟
مبارك: يعني عندهم بس مايسألونهم وين بتسيرون ومع من ومتى بترجعون وجي وبعضهم أبد مايسألون بس يعطون عيالهم الفلوس وفي أمان الله متى ما بتردون ردوا عادي عدهم
كلهم مرة وحده: عافانا الله+الله لايبلينا+الله يحفظ عيالنا
مبارك:ههههههههههههههه ههههههههههههه والله تضحكون يبالكم تسجيل
أنا:خخخخخخخخخ يوز عنهم عاد
نورة:هيه كفاية حرمتك حطمت الحشد الغفير إللي يانا عسب يشوفها
مبارك: حلفي بس أنتي
نورة: والله مو صح أمي
مبارك: أمي من صجها ها بنتج تتكلم
خالو عفرا: ترا ماشالله حرمتك غاوية سواء بشي على ويهها ولا بدون شي، خفيف ولا ثجيل كله غاوية، وماشالله عليها وعلى منطوقها وثقلها ربي يحفظها ويخليها
مبارك: أميه أنا ماقلتج دخنيها؟؟
خالو مريم: لاتخاف دخنتها ومن بعدها أنا دخنتها مره ثانية وقرينا عليها المعوذات وغير جي هي روحها بروحها قرت على روحها وبعدين إللي يقرا سورة الكرسي بعد كل صلاة يقي نفسه من العين والسحر
أنا: إيه صح
خالوا عفرا: وافديت بنتيه الثانية ربي لا يحرمني منج ويحفظج لنا
مبارك: آمين يا ربي ولي
أنا:هههههههههههه
نورة: مبارك باجر نبي نطلع أنا ولولوة نتغدى برع إذا ما عندك مانع
مبارك: وها بطلب منو غير طلبج أنتي؟ أنا حرمتي ها هي يمبي ولاتكلمت ولا قالت جلمة وإذا تبا شي هي باتتكلم مابتطرشج أنتي عسب تقولين لي وين تبا تروح
أنا:ههههههههههه بل بل مايسوى عليها ترا أقترحنا هالفكرة ويا بعض قبل لا أسافر وأنا نسيت وهي الحين تحجت عني أبد ماعطيتها فرصة تحجى
مبارك:هههههههههههه لأني أعرف سوالفها إذا تبي تطلع تعق على غيرها السالفة
أنا: لكن هالمرة غير أنا موجودة فمني أنا هالطلب هالمرة
مبارك: بس جذه من عيوني ماطلبتي فديتج أنتي تامرين أمر
نورة: لولوة شو رايج نسير جيليز؟؟
مبارك: شو أخت نورة؟؟ سمعيني مرة ثانية ماسمعتج شو تقولين! أونه جيليز بعد أقول يا أما تستريحين مكانج أو تختارين مكان عدل
أنا: والله أنا مافي بالي مكان معين بس لين قعدنا الصبح بارد عليكم خبر ولا تهاوشين أنتي وياه حشى يهال
نورة: شو عرفني بريلج ها كله ينازعني شو تغار لأني أحلى منك ويدلعوني؟!!!




مبارك:هههههههههههه ترا عندي من يدلعني تتحسبين لوليتي مادلعني؟؟! ترا بس هني هي تتدلع لكن يوم أنا عندها تدلعني آخر دلع، فديتها ماتقصر وخلاص قربنا نخلص من هالدراسة إللي ما بتخلص إلا إذا خلصت روحي
أنا: بسم الله على روحك، شالكلام أحين صبرت كل هالشهور ما تقدر تصبر أسبوعين زيادة؟؟
مبارك: نصبر شو ورانا نحن غير الصبر
نورة: هيه والله بيستوي في بيتنا حياة وينور بييتج
أنا: منور بأهله حبيبتي
مبارك: يلا لولوة جان بتسيرين فوق أنا باسير أنام
أنا: خذني وياك فديتك أنا بعد تعبانة
مبارك: يلا عيل قومي، يلا نوير تصبحين على خير
نورة: وأنتو من أهل الخير


ورحنا حجرتنا أنبطحت وقعد يكلمني مبارك في شغلات متفرقة عن شغله وعن مخططاته وعن ماعرف شنو وايد أشيا وفي الأخير كان يتكلم عن غرفتنا أنه ماعرف شنو فيها لأن غطت عيني من التعب وهو يتحجى ويوم شافني سكت مرة وحده ناداني


مبار: لولوااا
أنا: هلا شنو فديتك؟
مبارك: شو نمتي حياتي؟؟
أنا: سوري مبارك غفت عيني شوي
مبارك: خلاص عيل نامي الحين
أنا: يلا حبيبي تصبح على خير
مبارك: وأنتي من أهله غناتي

قعدنا مع بعض والصج ينقال اليوم أهوه إللي قعد قبلي بس ماحب يتحرك عشان مايزعجني وأقوم من الرقاد بس قعد يتأمل فيني وأنا راقدة على قولته البيبي راقد ههههههه وعقب ما بدلنا وخلصنا نزلنا تحت محد كان قاعد بعدها الساعة 7 محد قاعد إلا أحنا الإثنين، دخلت المطبخ الخدم كانو يجهزون الريوق بس أنا قلت لهم خلوه أنا باسوي كل شي وأبتديت أول شي طبعاً شاي الحليب سويته على هيل<<نفس الهنود خخخخخخ، وحمصت جمن سندويشه وقصصت قطع جبنة بيضة حطيتهم في صحون صغيرة بشكل مرتب وحطيت القشطة والزيتون والعسل والجبنه والطماط والخيار في الصحون الصغيرة عشان أوزعهم بعدين على الطاولة بشكل مرتب وعلى ماحط كل ذي فاحيت 4 بيضات وما خلصت من الشغل إللي في يدي إلا البيض جاهز يبت مله شوي غزيرة وبشرته وحطيت معاه جمن ملعقة جبن ورشة فلفل أسود وجزر مبشور و وزعته في سندويشات معدلتهم على شكل مثلثات وحطيتهم في الفرن عشان مايبرد وسويت البلاليط وخلصت ونظفت المكان و وزعت البلاليط في صحنين وقلت حق الخدامة تييب الصحون الملاعق وتسوي قرص بيض حق البلاليط على ماعدل الطاولة وشلت صينية الأكل ورتبت كل شي على الطاولة ورحت المطبخ مرة ثانية آييب الأكل إللي حطيته في الفرن لأن الخدامة يابت قرص البيض لي ووزعته على الطاولة ومبارك مازال يقلب في الجريدة بس على آخر صفحة

أنا: يلا مبارك الريوق جاهز
مبارك: إنشالله ثواني بس
أنا: خالو ليحين ماقعدت؟؟
مبارك: مادري بها ماشفت حد
أنا: باروح حق نورة وبايي
مبارك: أنزين

ورد مرة ثانية يقرا الجريدة وأنا ركضه حق نورة إللي كانت بتطلع من الحجرة ولقتني في ويها

نورة: صباح الخير
أنا: يا صباح النور
نورة: شو عندج يايه تركضين؟ خير؟؟
أنا: هههههههه لا ولاشي بس يايه أقعدج عشان تنزلين تريقين معانا
نورة: أها يلا نزلنا

ونزلنا وياها إلا عمي كان قاعد في الصالة يحاجي مبارك عن المزرعة وأمور يعني أنا مالي شغل فيها وشوي إلا خالوا طالعة من حجرتها ومن وصلنا أنا ونورة عندهم

أنا: يلا يا جماعة الريوق جاهز
خالوا عفرا: منو مزهبنه؟؟ أنا إللي كل يوم أجهز كل شي!؟!!
أنا: أنا خالوا
خالوا عفرا: ليش بنتي تعبتي روحج؟؟ هاذوه البشكاير عندج جان قلتي لهم يسوون عنج
أنا: لا شدعوه خالوا إلا أشيا بسيطة مسوية، يلا قوموا
عمي: بارك الله فيج يا بنتي عساج عالقوة
أنا: وياك عمي بس عاد لا تقول شي إلا لين تذوق الأكل
عمي: أفا عليج أكيد حلو شراتج
أنا: عيونك إللي تشوف كل شي حلو

وقمنا كلنا على طاولة الطعام والخدامة يابت دلة الشاي والأكواب ووزعتهم على الطاولة

عمي: بنتي كل ها وماسويتي شي؟؟ عيل إذا بتسوين شي شو بتسوين أكثر عن جي؟؟
أنا: عمي والله مب مسوية شي ترا كل شي جاهز أنا إلا حطيت إضافات وشوية تعديل
نورة:ههههههههه ولله بس الشكل يفتح النفس يمي يمي
خالوا عفرا: سود الله ويه إبليسج جاني كل يوم أطبخ وماتقولين مشكورة أمايه والحينه يوم حرمت أخوج تعبت روحها قالت الله وحلو وماعرف شووو؟؟
أنا: هههههههههه هدي خالوا عادي إلا نوار تتغشمر ماتقصد وتدري أن ماعلى طباخ أمها زود بس تبي تجبر بخاطري أدري فيها
نورة: هيه صح أميه وترا أكل لولو أخييييييييج كريه
مبارك: كريه في عينج جانج تقولين كفوا رويني طباخج
أنا:هههههههههه مايسوا عليكم هالصحنين إللي سويتهم لكم أنتو أكلوا الحين عقب تحجوا
عمي:هيه والله يالله بسم الله

وكلاً مد يده على الصحن إللي يبيه وأنا أطاولهم مستانسة على إللي سويته وعمي أبدا إعجابه بالسندويشات والشاي الحليب أستانست كلهم أمدحوا الأكل بس أهمهم بالنسبة لي خالوا وعمي، مبارك أنا لاحقة عليه بس مابي الكبار يقولون زوجنا ولدنا وحده لاتعرف السنع ولا تدله أبيهم يعرفون إني وحده متربية وتعرف تسنع أمور بيتها بروحها الكل حمد ربه وقام من على الأكل وتبون الصراحة ما قمنا من على الطاولة إلا ودلة شاي الحليب مخلصة خخخخخخخ قضوا عليها

خالوا عفرا: تسلم يدج بنتيه
أنا: الله يسلمج خالوا ماسويت شي
عمي: إلا متعبة روحج والله الله يحفظج يابنتي ويخليج
أنا: ويخليك لنا ياعمي

مبارك كان طوول الوقت ساكت مادري ليش هل هو إعجاب باللي سويته أو أن وراه شي الله يستر من سكوته يخرعني، تمنيا كلنا تحت لي الساعة 11 وشي أنا أستأذنت منهم وركبت فوق والخوف ذابحني حسبي الله على إبليسك يا مبارك جانك مخرعني جذي حتى مب قادرة أقعد وياهم بسبته ونورة حست أن في شي مب طبيعي صاير وخصوصاً أني طول القعدة أهز ريلي من التوتر ويوم شافتني أركب فوق عقب دقايق طقت علي الباب

أنا: أتفضل
نورة: قوة
أنا: هلا الله يقويج دشي شله واقفه عند الباب
نورة: أممممممم إلا بسألج
أنا: سألي فديتج
نورة: شو مستوي من بينج أنتي ومبارك؟؟
أنا: والله العظيم يا نورة مادري شفيه كنا عادي، وهو من تريق وهو ساكت جن حاطة له شي في الأكل ميود لسانه ولا علق على الطعم ولا على شي ساكت وأنا صراحة مادري أتوتر من هالسكوت أحس أن وراه شي
نورة: لا لا تخافين مبارك فديته الظاهر سكت لأنه عجبه طباخج سكته نهائياً
أنا: أتمنى ذلك

إلا مبارك دخل علينا

مبارك: نورة؟؟
نورة: هلا
مبارك: ممكن تهوينا؟؟
نورة: أفا وأنا إللي قاعده ويا حرمتك أسولف معاها تطردني؟!!
مبارك:وأنتي قلتيها حرمتي يعني أنا أبا أقعد معاها يلا برا
نورة: أنزين أنزين والله، يلا لولوة بعدين أكمل لج السالفة
أنا: إنشالله حبيبتي
مبارك: صكري الباب وراج

طلعت نورة وصكت الباب وراها وأنا تبلعمت ماعرف شاسوي بس الوضع مايريح على طول قمت من مكاني آبي أتحرك ويودني

مبارك: وين وين؟؟
أنا: لا ولا مكان باروح أشرب ماي

وهدني وأنا في قلبي أقوول الله يستر صبيت لي ماي عشان مايقول جذابة وتغصبت فيه وأشرب بالعدال وعيني عليه

مبارك: بسرعة شربي الماي ماظن أنج تشربين لج شي حار!؟!!!

أقوول راحت علي الله يستر جان مب صاير شي لايكون بس درا عن أمس ياربي، خذت نفس ورحت له

أنا: آمر فديتك تدلل

يود يدي ونزل راسه وتكلم

مبارك: أنتي ليش جي؟؟

أستغربت من سؤاله!! شقصده بهالسؤال؟

أنا: شلون يعني؟؟
مبارك:اللون إللي مسوية روحج ماتشوفينه
أنا: هههههههههه والله شاقولك؟!! شلون إللي ماشوفه وأنت تشوفه؟؟ المفروض أنت تقولي عنه
مبارك: لا والله أنا أتكلم صدق، أنتي ليش جي؟؟
أنا: مبارك شقصدك من هالسؤال؟؟ مب فاهمه ممكن توضح لي؟!!
مبارك: أكيد ممكن دامج أنتي إللي طلبتي

حسيت أني قمت أتراجف من الخوف إللي أحسه وأبلع في ريجي غير ويع البطن إللي صادني <<داشة حرب حشى خخخخخخخخخ

أنا: يلا أنزين قول أنا أسمع


رفع راسه لي وأبتسم شوي شوي وأنا أستانست قلت الحمدالله دامه أبتسم يعني زال الخطر

مبارك: يالكريهه شو هالريوق الغاوي والله لو إني عندج ماسويتي جذه
أنا:هههههههههههههههههه ههههههههههههههههه والله ماعندك سالفة أحين من مساعة ساكت ومبرطم عشان الريوق ولا يهمك مره ثانية لي نزلت البحرين لك أحلى من هالريوق ها شقلت
مبارك: هيه جي
أنا: تدري خوفتني عبالي مسوية شي
مبارك: ليش أنتي مسوية شي أصلاً عسب تخافين؟؟
أنا: لا، قلت سبحان الله سويت حركة أنت تنرفزت منها بعد جلّ من لا يسهو
مبارك:هههههههههه هههههههههه لا فديتج أنتي ما أتنرفز منج بس حركاتج ساعات يبالج عليهم ضرب
أنا: بس؟!
مبارك: هيه بس
أنا: أحلف بس أنت
مبارك: شو ما مصدقتني؟؟
أنا: لا عدل مصدقتك من الزين بعد، المهم أنزين آبي أقولك شي إذا تسمح لي يعني!؟
مبارك: قولي فديتج
أنا: مابقى شي عن دوام الجامعة
مبارك: أنزين أدري وبعدين؟؟
أنا: يعني آبي أرد البحرين يوم الأربعا على الأقل، باجر أرجع إللي عقبه أقعد مع بيتنا إللي ماكلمتهم أبد من وصلت اللهم مسجات ويا خواتي وإلا حق أمي بس وإللي بعده أجهز روحي وعقب نبدا الدوام حلوين!؟
مبارك: لا والله أنكم مو حلوين وأنتي كيف يطاوعج قلبج تخليني؟؟
أنا: بعد مافي يدي شي آسويه هانت عاد الحين مابقى غير أسبوعين وخلاص
مبارك: بإذن الله بس طبعاً مو باجر أرجعج عقب باجر لأن باجر أكيد مابيخلونج أهل البيت أوكي؟؟
أنا: مو مشكلة على الأقل عندي يوم واحد أرتاح فيه
مبارك: خلاص إنشالله الليله باقول لهم وباجر أسير أحجز وإللي بعده في البحرين
أنا: إنشالله

وتميت شوي قاعدة وياه نطالع التلفزيون وعقب رحت عنه الحجرة أعدلها لأن طلعت الصبح بدون ما أعدلها ورجعت له وهو قاعد على الكنبة الكبيرة، لعانة فيني رحت قعدت يمه

مبارك: يعني ماشي كراسي وماشي مكان؟؟
أنا: لا مافي
مبارك: شو أقولج عاد؟!! تاركه كل هالكراسي ويايه عندي بعدين قولي مملت بج
أنا: عاد والله أنا كيفي أختار المكان إللي يعجبني وجان مب عاجبك أنت غيره هاذي مكاني
مبارك: مب مغيره جان تبين أنتي سيري مكان ثاني

طنشته ولا كأنه موجود ولا سمعت كلامه رعصته وأنبطحت يمه أشوف التلفزيون ضحك على خبالي وعقب شافني ساكته مندمجة في البرنامج قعد يلعب في شعري وأنا ساكته كانت عيني تغفي وأقوم أكمل البرنامج وهو عباله إني قاعدة وأطلع وأنا في عالم ثاني وقام من مكانه يبي ينزل وأطيح أنا وهو يضحك شلون إني طحت قمت أطالعه بنظرات المقهورة

أنا: يعني ماتشوف إني منبطحة يمك تقوم جذي؟؟ولا الدنيا ظلام يعني؟؟ ماتعرف تقول لو سمحتي قومي لأني بانزل ولا لسانك يعورك؟؟
مبارك: هههههههههههه وأنا شو دراني أنج ما أنتبهتي يوم إني باقوم
أنا: لا والله؟؟ أحلف بس أنت يسوي عمره بريء سخيـــــــف واحد
مبارك: هههههههههه شو فيج أحين؟!؟، لا تعصبين ولاشي خلاص السموحة فديتج حقج عليه لا تزعلين وهاه هاي بوسة فوق راسج الشيخة>>باسني فوق راسي>>تبيني أشلج بعد أحطج فوق الكرسي مره ثانية مستعد ترا عادي
أنا: لا مشكور مابي أعرف أعدل روحي

وقمت من مكاني وقلت له إني باروح حق نورة وأحتمال إني أنزل معاها تحت قالي إنزين ومريت على نوير إللي كانت مطلعة الثياب إللي عندها طقيت عليها الباب

نورة: منو؟

رديت طقيت الباب

نورة: أفففففف شو تبووون؟؟ أنا مشغولة

وطقيت الباب طفرت نورة من تصرفي ففتحت الباب بقوة لأنها كانت مستعدة أنها تهاوش إللي كان يطق الباب

نورة: ما>>وسكتت>> لولوة بلاج ماتتكلمين؟؟
أنا:ههههههههههه بس جذي أشوفج شبسوين
نورة: هههههههههه الله يقطع إبليسج حياج فديتج أدخلي
أنا: الله يحيج

وشفت الحالة إللي فيها نورة

أنا: أوووه نوروه شعندج؟؟ شالنثرة؟؟ شتسوين؟؟
نورة: أشوف إللي أباه وإللي ماباه عسب أمي تطلعهم
أنا: أنزين تبين مساعدة؟
نورة: لا فديتج ماتقصرين وأنتي كيفج تبين تقعدين وعادي عندج هالنثرة إللي أنا فيها قعدي مو عايبج عاد إسمحيلي أقولج بكيفج تقدرين تطلعين
أنا: ويييي لا عادي فديتج متعودة أنا بعد جذي تبين باشيل وياج الثياب إللي ماتبينهم باطويهم لج
نورة: هاذو يمبج طويهم إذا ماعليج أمر
أنا: لافديتج خوات أحنا لاتقولين هالكلام
نورة: ربي لا يحرمني منج إنشالله
أنا: ومنج ياربي

وقعدت معاها أساعدها منهم إلي أطويهم ومنهم إللي أعلقهم لها عشان تخلص بسرعة وفعلاً ما صار وقت الغدا إلا وأحنا مخلصين نزلنا تحت مع بعض كانت خالوا تنتظرنا ومبارك معاها وطبعاً عمي راح المزرعة والله من كثر مايروح ودي أنا بعد آروح، عاد أنا ذبحتي الغنم وااي أستانس عليهم هههههههه

مبارك: شو عندكم من مساعة وأنتو معلقين فوق؟!!
أنا: لا كنت أعدل وياها أغراضها
خالوا عفرا: زين سويتي يا بنتيه والله لو أنا معاها ولا باجر بنخلص إلا حاطه شي وإلا شاله شي
أنا: لا وعليا بسرعة خلصنا مره وحده
مبارك: أنزين يلا وين غداكم أبا أرقد تعباااااااان
خالوا عفرا: إلا بسألك ولدي أنت من يات حرمتك وأنت حاط راسك وترقد جيه أنت الحرمة ولا هي؟؟ أنا ماشوف حرمتك قالت أبا أسير أرقد وحليلها
مبارك: عاد أميه أنا تعبان شو أسوي إذا هي مب تعبانة أبا أوطي راسي بعدين بطلع
خالوا عفرا: جيه تطلع وحرمتك ومويودة مابتمشيها؟؟
مبارك: هيه ترا أنا إلا بطلع معاها
خالوا عفرا: هيه تحسبت بعد
مبارك: أنزين يلا عاد شو تنتظرون؟؟ يلا عاد أقولكم تعبان
خالوا عفرا:يابوي حشم عاد الحرمة مويودة وأنت تبا ترقد
مبارك: ترا أنا أعوض الرقاد أيام ما كانت هي بعيدة عني توني أذوق طعمه
أنا: هههههههه أنزين خالوا عمي مابيي يتغدا؟؟
خالوا عفرا: لا فديتج أتصل بنا وقال أنه بيتغدا هناك في المزرعة لأن العمال مخربين له شغله
أنا: الله يعينه يلا عيل أنا باقول حق الخدم يحطون الغدا
نورة: بايي وياج صبري

ورحنا المطبخ وقلنا حق الخدم يجهزون الطاولة حق الغدا ما مرت خمس دقايق إلا كل شي جاهز ونادت نورة خالوا عفرا ومبارك وتغدينا والحمدالله كانو مسويين صالونة لحم بس وااايد حلوة فديتها خالو ماقصرت بروحها طابختها ماخلت الخدم يطبخون وقعدنا شوي ويا بعض وشربوا شاي الحمر وكلاً دخل حجرته عشان يريح طبعاً أنا ومبارك ركبنا فوق مع بعض ونورة جدمت قبلنا

مبارك:آاااااااااه تعباااااان أبا أنام
أنا: الحمدالله والشكر أرقد من يودك الحين
مبارك: أنتي ومنو غيرج، أنبطحي عسب الواحد يرقد، تحوطين في الحجرة شوعندج؟؟ كل شي نظيف ومرتب، ماشي عندج يلا أرقدي شوي ريحي روحج
أنا:هههههههه هههههههههه أنزين

أنبطحت والله ماعرف شلون رحت في نومة كأني وحدة متخرعة أول مرة في حياتها ترقد والله ورقدت من الساعة 2 لي الساعة 4.30 قمت راسي يعورني من الرقاد ماتوقعت إني برقد جذي قلت يمكن نص ساعة بالكثير وباقوم إلا إني أنا الحلوة نسيت عمري عبالي في بيتنا أقووول خوووشي طبعاً مبارك عادي عنده ماخذ راحته الشيخ في الرقاد ولا على باله شي في خاطري اأعظه في خده أقحصه من رقاده لأنه أهوه إللي خلاني أرقد حسبي الله على إبليسك إنشالله أنا قايلة مابي أسمع كلامك بس مادري شلون طاوعتك أووفيــــــــــــــه، قمت من على السرير تغسلت وبدلت لبست وحده من هالبدلات إللي يايبتهم معاي بس كشخه يعني تعدلت وتكشخت وراسي خف عنه العوار، رحت صوب مبارك وقعدته أول مافتح عينه غمض عيونه مره ثانية وأبتسم رديت مره ثانية قعدته فتح عيونه وأحسه مب في وعيه وهو يبتسم

أنا: مبارك حبيبي يلا قوم بسك رقاد

أحاجيه وعيونه شبه مغمضة وتكلم بصوت أقرب للهمس ومبحوح

مبارك: حلوة
أنا:ههههههههههه مب صاحي يلا قووم بسك رقاد الساعة خمس إلا خمس
مبارك: أنتي حلوة
أنا: هههههههههههههه أنزين أنت قوم أحين عقب قول إللي تبيه
مبارك:تعالي يمبي أباج

ورحت يمه مستانسه

مبارك:دخلي تحت اللحاف برد

أنا أبد مو كأني توني قايله مب سامعه كلامه الحمدالله والشكر ودخلت تحت اللحاف

مبارك: أنسدحي

أنسدحت وأنا أتبسم أقول في خاطري شفيه ذي؟؟صاحي ولا ليحين راقد بس يلا

مبارك: أنتي واااااااااايد حلوة وأنا أحبج وااااااااااايد والله بس أنتي خلج يمبي

أنا مادري قلبي عورني ودمعت عيني وقمت أضحك وعيني تدمع عاد أنتوا تخيلوا شلون

أنا: فديتك حبيبي أنا بعد أحبك وأمووووووت فيك بعد
مبارك: لولوة دفيني بردان
أنا: أغطيك بجفوني بعد

وحظنته بقوة وهو صج كانت يده باردة بعدني عن حظنه وطالع عيني ويده تمسح على شعري تقرب مني وهمس لي

مبارك: ريحتج غاوية تدوخ
أنا:ههههههههه أنزين تبي باحط لك عشان تصير ريحتك أنت بعد خنينه على قولتك غاوية
مبارك: لا لا أبا أشمها فيج
أنا:ههههههههههه لا أشهد أنك مب صاحي يلا قوم يا ريال تيدد وصل مابقى شي عن أذان المغرب
مبارك: أنزيــــــــــــن خنينة وحده ههههههههه
أنا:هههههههههههههههههههههه ههههههههههههههههههه ههههههههههههههههه يلا قووم

وقام وهو يضحك خلص ونزلنا تحت إلا نورة تحت قاعدة بروحها فأستغلت فرصة قعدتها بروحها

نورة: ها مستر مبارك إلا أشوف الرقدة مع لولوة تحلى؟!! صار لها طعم ثاني وقمنا نطول في الرقاد خخخخخخخخخخخ

أنا أنحرجت من كلامها ما زعلت بس هي صاجه واايد صار يرقد والمشكلة يطول في الرقاد

مبارك: والله أنا كيفي، أنتي شو خصج فيه أنا وحرمتي؟!؟؟ نرقد متى مانبا ونش متى مانبا أنتي مالج خص وأن تكلمتي مرة ثانية طريت لج حلجج عسب تعرفين كيف تتكلمين مرة ثانية

أنا صراحة إثنيناتهم فشلوني كل واحد كلامه أقوى من الثاني أففف شالحالة وياهم

نورة:هههههههههههههه شوف ويه حرمتك غدا طماطه هههههههههههههه هههههههههههههههههه هههههههههههههههههههههه ههههههههههههههه

أبتسم مبارك وحذف عليها الكوتشينة على ويها عشان تسكت وهي ميته من الضحك وهو أصلاً قام يضحك وياها وأنا ويهي ولع منهم دخلت علينا خالو وهي تضحك على ضحكهم وأنتبهت لي إني مب وياهم في الحسبه

خالوا عفرا: بلاهم أميه يضحكون جي؟؟!

توهقت شاقول لها أفشلهم وأخليها تزفهم الحين ولا شاسوي والله لا أخليها تزفهم عشان مرة ثانية يتأدبون

أنا: خالوا من مساعة قاعدين إثنيناتهم ويتطنزون علي ألقاها من ريلي ولا من أخته؟؟ ويوم تفشلت منهم وويهي أحمر ضحكوا علي وما سكتوا وهذاني بقومتي أنتي دخلتي
خالوا عفرا: سود الله ويه عدوينكم جانكم تتمسخرون على الحرمة والله أنها عاقل ورزين جانها ماردت عليكم حشمة حق أصحاب البيت وأهلها إللي مربينها وإلا عليكم تراكم مضيعين المذهب صج ماتسحون

وأنا واقفة وراها عشان ماتشوفني وأنا أضحك وأسوي بيدي حرة وخطر لا أطلع صوت من الضحك وهم إثنيناتهم أسكتووو يوم زفتهم خالوا ونوروه ميته فيها الضحكة بس ماسكه نفسها لأن حركاتي تضحكها وهي تسوي لي بيدها أنزين نطري وأنا أأشر لها بيدي روحي روحي ومبارك فيه الضحكة على حركتي و ميود روحه بعد

مبارك: أميه تراها هي إللي يابت الكلام حق روحها هي إللي تكلمت بالأول ويوم ما عيبتها الرمسه عقتها علينا شو ها وين العدل أمايه؟!!
خالوا عفرا: والله أنك ماتستحي هاي إللي تتكلم عنها تراها حرمتك خوز خوز عن ويهي صج مافيك مذهب جانك تتمصخر على شيخة الحريم وإلا هالشيخة حد يتمصخر عليها جان تمصخرت على هاذي>>وتاشر على نوروه>> مو على الشيخه لولوة
مبارك: أوونه شيخة بعد!! تراها إلا لولوة بس، أنا ماحيد خذت شيخة ماحد خبرني من قبل
نورة: هيه صدقك أخويه ما كتبوا لنا في البطاقة الشيخة لولوة ومبارك أنا إللي أحيده كان مكتوب الشيخ شيخ المزايين مبارك ولوولووه ههههههههههههههه ههههههههههههههه
مبارك:هيه هيه هههههههههههههههه ههههههههههههههههههه ههههههههههههه
خالوا عفرا: قومو أنتو وياه والله ترا بالعصاه على ظهوركم أشوف غديتوا يهال وأنا مدري

أنا ضحكت عنهم وأستاذنت من خالوا وركبت فوق عنهم وأنا أضحك دخلت حجرتي متمللة قعدت أسوي حركات في شعري شي مرفوع وشي طايح وماعرف شنو خلصت منه رتبت شنطتي ورحت الصالة أشوف الحجرة إلا شوية مبارك ونورة داخلين نورة منزلة راسها حزينة ومبارك رافع حاجبه ويطالعني أنا أستغربت منهم شصاير الحين الله يستر من هالنظرات

مبارك: نورة بس خلاص إلي قلته هو إللي بيصير طلعي أنتي برا الحين أبا أتكلم مع حرمتي
نورة: لا مبارك الله يخليك مب اليوم خلها وقت ثاني مابقى شي<< ماسكة يده
مبارك: أووهوو نورة خلاص طلعي أحين أنتي وبعدين أنا كيفي أنزين يلا براا

وطلعت نورة تجر أذيال الخيبة وأنا معورني قلبي عليها

مبارك: أنا باطلع شوي وبرجع أبا العشى يكون جاهز بتعشى وعلى طوول أنتي تركبين معاي ونرقد فاهمه
أنا: إنشالله تبي شي بعد؟؟
مبارك: لا مشكورة

وطلع وصك الباب وراه، مادري شفيه، شصار له الحين؟؟ كل هاذي عشان خالوا هاوشتهم؟ أنزين مو أول مره يعني، بس دامه طلع خلني أروح حق نورة أشوفها يمكن تقولي شصاير، طقيت الباب عليها بس محد رد علي ومرة ثانية فتحت عليها لقيتها راقدة قلت مابي أدخل ولا أبي أقعدها أزعجها نزلت تحت دخلت المطبخ دام أنه تو الناس الساعة ثمان إلا شي أقدر أتفنن شوي أدري أن مبارك بيطول بطلت الثلاجة لقيت إللي آبيه وفتحت كبتات المطبخ أطلع إللي آبيه وقعدت أشتغل بهدووء خلصت إللي في يدي تقريباً خذ لي ساعة، يلا بعد تو الناس على مايستوي ذي خلني أسوي شي ثاني يمكن مايعجبه وطلعت الشبس (فرنج فرايز) وقليته وطلعت الروب والخبز وحطيت الصحون والملاعق جهزته على طاولة الطعام وكان في لبن فرش حطيته بعد على الطاولة أمم شنو ناقص مادري بس لي أنا باسوي لي بيضه حكاكه(منتفه) والله مالي خاطر بس يالله يمكن تنفتح نفسيتي لين أكل وياي، ووصل مبارك جود توني مخلصة بالضبط على الوقت

مبارك: شو جاهز العشى؟؟
أنا: إيه دقايق بس وأحطه لك

وحطيته في صحن وحطيته جدامه ههههههههه أدري تبون تعرفون شنو كنت مسوية طبعاً وبلا شك الطبق إللي أضبطه مع أنه متعب كوسه محشيه بالرز شفت ردة فعله أستغربت لأنه فيها إستغراب وهدوء

أنا: شنو فديتك مب عاجبك تبي أسوي لك شي ثاني؟؟

على طول قمت

مبارك: قعدي محد طلب منج تقومين أنا قلت هيه ولا لاء عسب تقومين؟؟ وبعدين خير الله وايد ماباكل ها إللي جدمي شي غيره مويود، السفرة مب خالية
أنا: أنزين

وقعدت هو كان ياكل أحسه متلذذ باللي جدامه بس أنا مب مشتهيه شي قعدت أكل في الروبه إللي حطيتها جدامي وكليت لي شويه من البيض إللي سويته وشبعت صبيت لي جاي حليب شربته وقعدت أنتظره لين مايخلصن حمد ربه وقام من على السفرة وأنا ودي أكفخه شفيه ذي أحين متسبب حشى كلمة حلو كريه مافيه خليه يولي قمت شلت الصحون ووديتهم المطبخ إللي يحتاج إني أحطه في الثلاجه حطيته والصحون شلت منهم الأكل الزايد وحطيته في المغسلة عشان يصير المكان نظيف على ما أخلص من لم الأكل وفعلاً خلصت بسرعة أبتديت أغسل الصحون والماعين البقية إلي خليتهم قبل لا نتعشى وماخلصت إلا صارت الساعة 11 حسيت روحي تعبانة مع إني راقده العصر بس جتوفي تعورني من تحفر الكوسه وأحشيها وعقب غسيل هالماعين تعبت أفف وينك يا الفراش؟! بس نشفت يدي عن الماي عقب ماخلصت وطيران عشان أوصل الحجرة ووينك يالحمام (الله يعزكم) تسبحت ولبست وتعطرت وطلعت مبارك كان ينتظرني تساندت على ظهر السرير وشفته وعيني شبه مسكره أحس أن دقات قلبي سريعه قلت حق مبارك وأنا مغمضة عيني

أنا: تعباااااااااانة

ساكت مايتكلم

أنا: مبارك حلو كان العشى ولا شلون؟؟
مبارك: عادي أنا كنت يوعان يعني أي شي كنتي بتحطينه باكله

أنا أستغربت من لهجته أشفيه ذي؟؟!! لا بالله مب صاحي

أنا: عطني يدك
مبارك: لشو؟؟
أنا: أنت عطني يدك بتعرف

وأنا أتكلم مغمظة لأني فعلاً تعبانة أحس إني خلااص بنتهي

مبارك: مابا سمعيني أنتي
أنا: آمرني فديتك
مبارك: خلاص أنا أبا عيال..

من زود الصدمة بققت عيني على وسعهم ماتوقعت بيقول هالكلام أنا تعبانة حدي ومالي خلق نفسي أحس روحي مجهده شيقول ذي أكيد يتغشمر

أنا: شنو؟؟
مبارك: هيه إللي سمعتيه خلاص عاد لين متى؟؟ أنتي قلتيها أسبوعين بالكثير وأنتي راجعه مره ثانية يعني خلاص مافي داعي للرفض

حسيت بغصة في بلعومي خانقتني مب قادرة أتحجى أحين شياه ذي؟؟ دام أنه يدري شفيه مب قادر يصبر؟!!

أنا: مبارك أنت قلتها بروحك أسبوعين بالكثير وأنا عندك ليش بعد نرد نتناقش في موضوع أحنا خالصين منه من قبل
مبارك: والله أنا ما أحيد إني قلت لج ترا الموضوع خلاص خلصنا منه ما بناقشه!!؟ أنا سكت هيه بس مو معناته خلااااص ماراح أتكلم فيه

ذبحني ذبحني والله ودي أكفخه مب حاس فيني قلبي كل ماله يزيد سرعته وأنا قاعده أتعب من الضغط إللي أنا فيه دموعي طاحت وقمت أتنفس بسرعة

مبارك: أنا أكلمج بلاج ساكته؟؟!؟

أشرت له على قلبي

أنا: تعبانه الله يخليك أسكت بس اليوم على الأقل
مبارك: شو حظرتج تتهربين ولا شوو؟؟

قمت أحس بخنقة وأكح

أنا: والله>>وأخذ هوا<< ماعبر قلبي >>أخذ هوا<< دقاتي سريعة >>خذيت هوا<< قلت لك عطني يدك أنت>>خذيت هوا<< ماتبي >>خذيت هوا<< ماجذب عليك
مبارك: لولوة شو فيج؟؟؟ أفففففف الله ياخذني شو سويت فيج
أنا: لا تقول جذي باصير زينه أنا
مبارك: أششششش سكتي خلاص لا تتكلمين أششششششش ريحي

وسدحني على السرير حسيته بيصيح بس غريبه أول مره في حياتي يصيدني جذي وهو يطالعني ويطالع التنفس عندي

مبارك: لولوة حبيبي أنتي أخذي نفس وطلعيه شوي شوي

وأنا أطبق إللي يقوله لي

مبارك: بعد مره وإنشالله بيرجع لج التنفس طبيعي

وسويت إللي قالي وحسيت فعلاً أنه رجع التنفس شوي طبيعي ورديت أكرر إللي قاله لي لين مارديت طبيعية وأرتحت ودقات قلبي رجعت طبيعية

مبارك: حبيبي أنتي، كيف قدرت أتعبج جي؟!!! والله إني ما أستاهل تعبج
أنا: أفا عليك حبيبي إلا تستاهل وتستاهل

كنت أنا منبطحة على صوب بحيث إني مجابلة ويهه

مبارك: أصلاً أنا مابي بس قلت أبا أجس النبض وأشوف ردة فعلج وفي نفس الوقت قرصة أذن على إللي سويتيه فيني أنا و نوروه، وترا يوم دخلت معاي مساعة أنا حفظتها دورها بس ماتدري عن إللي باسويه
أنا: والله أنك مب صاحي قلت لك من قبل إني أمووت في اليهال أكيد أنت ماتفهم
مبارك: شو أسوي ماشي مخ يفهم الكلام في مخ يفهم بس إني أحب لولوة
أنا: فديتك، أنا بعد، أنزين نورة وعليا ما تعشت
مبارك: هههههههههههههه وعليا والله أن مقصوص عليج ياخوفي حد يقص عليج في يوم ويبوقج ويمشي عنج
أنا: هههههههههه أنزين ليش ترا وعليا رقدت ماعتشت
مبارك: لولوة حبيبي بلاج أقولج تراها كانت تمثل ويمكن أحين صدق رقدت لأني أشتريت لها عشى
أنا: هههههههههههه تدرون عاد يبيلكم هوشه ثانية من خالوا عشان أتأدبون
مبارك: عادي هههههههههههههه
أنا: أنزين مبارك ماقلت لي شلون عن رحلتي متى؟؟
مبارك: أنا أصلاً طلعت عشان أحجز حصلت وحطيت التذاكر في الدرج باجر، إنشالله في الليل الطيارة تنزل البحرين
أنا: إنزين أنت قلت حق خالوا وعمي ولا باجر بتقول لهم
مبارك: طبعاً باجر باقولهم بس أنتي جهزي روحج الصبح بنطلع
أنا: إنشالله الساعة جم يعني؟؟
مبارك: خلج جاهزة على الساعة 8 تقريبا بامر عليج وبنشمي
أنا: إنشالله
مبارك: يلا فديتج إرقدي أرتاحي
أنا: مرتاحه وياك فديتك
مبارك: حبيبي أنا، يلا تصبحين على خير
أنا: وأنت من أهله

أصحبت اليوم الثاني وهو طبعاً قعدني بإتصاله رديت عليه بصوت كله نوم

أنا: ألوو
مبارك: يا أحلى ألو سمعتها في حياتي
أنا:
مبارك: شو بعدج راقده؟؟
أنا: يعني
مبارك:ههههههه أنزين يلا نشي حياتي أنا باخلص إللي في يدي وبامر عيلج آخذج
أنا: أنزين
مبارك: ياربي فديت إللي يقولوون أنزين وفديت ذا الحس والله
أنا:
مبارك: لولي حبيبي أنتي معاي ولا راقده
أنا: إيه إيه
مبارك: شووو راقده غناتي؟؟
أنا: لالا أسمعك أسمع
مبارك: هيه يلا أنزين مسافة الطريج وأنا يايج
أنا:إنشالله
مبارك: يلا فديتج مع السلامة
أنا: مع السلامة

أول شي تميت على السرير عقب قمت تسبحت ولبست وخذيت شيلتي وعباتي وشنطتي نزلت تحت ماحلصت أحد حطيت أغراضي على الكرسي باروح أصب لي جاي حليب إلا مبارك ياي

مبارك: وين وين بتسيرين؟
أنا: مابي أشوفك

مبارك: أونه شعنه إنشالله؟؟
أنا: بس لاعت جبدي منك أربع وعشرين ساعة مجابلني وععع باروح أشوف لي ويه يديد ههههههه
مبارك: لاعت جبدج ها أربع وعشرين ساعة مجابلنج أنا؟؟ أنزين باجر أتصلي فيني قولي >>يقلد صوتي>> مبارك متى بتيني؟؟ مبااااراااك وحشتني.... خليني أسمع حسج باجر يا ويلج أنزين
أنا: هههههههههههه ههههههههه وأنا أأدر يا خويه ده كلام كده في الهوا كلوه في الهوا متسدأنيش
مبارك:هههههههههههه ههههههههههه أنزين مب مصدقنج بس يلا لبسي عسب نسير
أنا: إلا صج وين بنروح
مبارك: أنتي لبسي وماعليج وين بنسير

لبست وركبنا السيارة، في السيارة مافي إلا صوت الأف أم شغال تمللت أنا أبي أعرف وين بنرووح

أنا: يلا عاد مبارك من مساعة وأحنا نمشي أنا ما شوف شي
مبارك:شو تبين تشوفين؟؟
أنا: شدراني أنا!؟!!
مبارك: يلا هاذوه وصلنا
أنا: وين؟؟
مبارك: ماتشوفين هالبناية شوكبرها جدامج؟؟
أنا: >>شهقت>> من في المستشفى؟؟
مبارك:ههههه أنا
أنا: صج عاد من؟؟
مبارك: ترا أنا يايبنج عسب أطمن عليج شو سبب إللي أستوا لج البارحة
أنا: والله أنك بايخ وماعندك سالفة، أنا مافيني شي بس لأني أجهدت عمري واايد
مبارك: أشش أنتي أسكتي تتحرا روحها دكتورة مافيني شي أونه!! أنزلي بس أنزلي الدكتور ينتظرنا
أنا: بعد؟؟
مبارك: هيه تتحسبين شو يعني أخليج تنتظرين عسب تتعبين لا أبويه أنا ماخذ لج موعد من الصبح يلا أنزلي الحينه
أنا: والله سالفة مافي بس
مبارك: لا شي سالفة أنتي أنزلي

ونزلنا وأول مادخلنا نادوني ودخلت عند الطبيب وشرحت له إللي صار فيني ومبارك ساكت ويطالعني مادري ليش!!؟ إذا أتكلم سواء بالعربي ولا الأنجليزي يطالعني، يخليني أرتبك في كلامي ماعرف شاقول، المهم الدكتور سوا لي الفحوصات اللازمة وطبعاً من ضمنها تخطيط القلب في غرفة يم غرفة الطبيب ومبارك إلا يدش وياي بس أنا مابي أستحي

مبارك: شوفيج أنتي تراهم بيسون لج تخطيط قلب
أنا: أنزين أدري أنت شتبي الحين؟؟
مبارك: بقعد معاج
أنا: مابيك تقعد معاي وينها النرس خل تطلعك برا
مبارك: أونه هالنرس تطلعني!! جيه بكيفها؟؟ تراج حرمتي وماحد منهم يروم يمنعني
أنا: عااد مبارك أطلع برع خل تشوف شغلها
مبارك: وأنا إللي يعني ماسكها
أنا: لا أنا أنزين ترا والله باقوم ولا بمسوية هالتخطيط سوه أنت من بدالي
مبارك: قومه مب قايم والتخطيط بتسوينه غصب عنج لاتخليني أقول للدكتور حرمتي ياهل وتخاف أخليهم يربطونج في السرير
أنا: أففففففف شاللعانة إللي فيك؟؟ يا أخي أطلع أستحي يعني لازم أقولك؟!!

مبارك قام من على الكرسي إللي يم السرير ووقف يم راسي وهو يبتسم

مبارك: حبيبي لشو تستحين؟!! والله إني ريلج والله حلااااااااااال حلاال ماشي بيستوي عليج أنتي بس أهدي وأنا بقعد وهي إلا بتحط لج ها اللزقات إللي في إيدها وخلصت السالفة
أنا: أفففف أنزين بس شوف إذا بتحط على قولتك هاللزقات أنت تغمض عينك أنزين أو تفر ويهك صوب ثاني
مبارك:ههههههههههههههه هههههههههههه والله أنج ياهل أنزين خلينا نخلص ورانا أشغال
أنا: والله محد قالك تيبني دام وراك اشغال
مبارك: يا هبله تراج أنتي معاي بنروح نكمل شغلنا

ونادى النرس عشان تحط لي وركبته لي وهو أبد ولا همه، أنا إلي غمضت عيني عنه لأنه هو مايستحي عادي عنده وأنا إللي مفتشله مب قادرة ألف صوبه، عقب ماخلصت النرس غطتني باللحاف لأنها شافتني إني مستحية

النرس:"Don’t warry mam it’s ok"

وراحت عني ومبارك يا مرة ثانية وقف عند راسي وبطلت عيني وهو في ويهي خرعني

أنا: بسم الله الرحمن الرحيم أحد إيي جذي في الويه مرة وحده
مبارك:ههههههههههههه هههههههههههههه بلاج أنتي؟؟ جي شو أنا باكلج يعني؟!! تراني ياي أطمن عليج
أنا:>>طالعته بنص عين>> أحلف بس؟ مو جنك قاعد معاي؟! والله يطمن، قص على روحك مب علي آنه
مبارك: شو بعد أقص على روحي تراني شفتج مغمضة على بالي عطتج مهدىء
أنا: ليش شايفني مينونه جدامك وأناقز على السرير عشان تعطيني مهدئ
مبارك:هههههههههههههه هههههههههههههههههههه عادي ترا تسوينها
أنا: أقول أسكت لا أحين أفلعك بالشنطة إللي يمي
مبارك: وترضين عاد أتعور وأتكسر
أنا: والله أحنا في المستشفى عادي أول ما تطيح باقول لهم إييون يشيلونك خخخخخخخخخخ
مبارك: هيهيهيهي تصدقين وايد تنكتين
أنا:أدري ههههههههههههههه
مبارك: سكتي سكتي لا الحين أشيل هاللحاف عنج

يودت على اللحاف عدل عشان مايسحبه عني

أنا: أنت ماتستحي
مبارك: لا لشو أستحي؟؟ إلا حرمه وريلها شو فيها يعني؟! عادي
أنا: أفففففففف أستغفر الله العظيم من كل ذنبن عظيم، أقول روح أقعد لو سمحت لا تزيد دقات قلبي من القهر، روح روح
مبارك:ههههههههههههه هههههههههههههه أنزين

عقب عشر دقايق يات النرس وشالت الجهاز وعطت التقرير حق الدكتور

مبارك:شو دكتور؟؟
الدكتور: لا الحمدالله هي بخير بس الظاهر أنها تعبت روحها واايد أنتي وقفتي لفترة طويله صح؟؟
أنا: إيه
الدكتور: كان بإمكانج تفادي هالشي بإنج تقعدين لأنه سبب نزول حاد في الدم حق جزئج السفلي مما أدى سرعان في دقات القلب عشان ينقل الدم حق الجزء العلوي ليوصل الأكسجين بس الحمدالله لا تخافون هاذا مافيه أي خطورة بس أنا أنصحج أنج ماتوقفين أكثر من اللازم وتجهدين روحج وايد
أنا: إنشالله دكتور
مبارك: مشكور دكتور ماقصرت
الدكتور: العفو هذا واجبنا

وطلعنا من المستشفى وأحنا ساكتين وفي السيارة

مبارك: حظرتج كمن ساعة كنتي واقفة؟؟
أنا: والله مادري
مبارك: سمعتي شو قال الدكتور؟ وبعدين ها الشي إللي قاله مايصير إلا إذا وقفتي ما يقل عن خمس ساعات تقريبا
أنا: والله مادري يمكن
مبارك: شو يمكن؟!! لولوة الله يهداج شو كنت تسوين؟؟ ليش كل هالوقفة؟؟
أنا: على ماطلع إللي كنت أبيه من الثلاجة وأحفر الكوسة وأحشيها وعقب أحطها على الفرن وأجهز الباقي وبعدين حطيت كل شي على الطاولة هاذي يمكن خذ مني ثلاث او أربع ساعات
مبارك: عفية عليج
أنا: إيه وعقب خلصنا دخلت غسلت الماعين هاذي بعد خذ مني يمكن ساعتين والله مادري، وركضة الدري يعني لاباس هههههههههههه
مبارك: وتضحك بعد >>يقلدني>> يعني لاباس، إيني شور الحينه أفرج من السيارة
أنا:>>شهقت>> ويطاوعك قلبك عاد أفااااا ماهقيتها منك وأنا إللي قلت أحين يحبني ويخاف علي تقول بتحذفني
مبارك:شو أسوي؟!! قهرتي بي، والله أحبج، ترا أنا خايف عليج إلا أنتي ماتحبيني لو تحبيني ما سويتي إللي سويتيه
أنا: تشك بحبي لك وأنا إللي حبي لك بلا مقياس أفاااااااااا
مبارك:حلفي أنه بلا مقياس
أنا: والله
مبارك: يالله ياربي أرحمني بااامووت، تبا تذبحني هاي إللي يمبي
أنا:بسم الله عليك ليش شايفني ميودة في يدي سجينه عشان أذبحك قلت بيت شعر وأنت إللي تبليت علي
مبارك: مو ها إللي ذابحني
أنا: ههههههههههههههه الحمدالله والشكر الله لا يبلينا

ومشينا ورحنا ستي سنتر وتسوقنا شوي وتغدينا وعقب رحنا البيت دخلنا على الساعة ثنتين وشوي نورة كانت قاعدة وخالوا وعمي بعد

أنا ومبارك: السلام عليكم
الكل: وعليكم السلام ورحمة الله وبركاته

رحت حبيت راس عمي وعقب راس خالوا عفرا وقعدت ومبارك كذلك وعقب قعد يمي ونورة ويانا على الكرسي

نورة: شو وين كتنوا من الصبح طالعين؟؟
عمي: شو خصج بالريال وحرمته؟؟؟
مبارك: وييييييييو قفطوها
نورة: عادي ماقفطوني
مبارك: أنزين صخي شوي أبا أتكلم ممكن
نورة: هيه تفضل سمعنا
مبارك: زاد فضلج، حبيت أخبركم إني حجزت حق الليلة لي وللولوة حق البحرين

أنا بققت عيوني ليش هو بيرجع معاي، هو ماقال أمس كل إللي قاله حجزت وبس ياربي عليك يا مبارك

عمي: شعنه يا بنتي؟! ما شبعنا منج تو الناس!!
أنا: فديتك عمي بس تعرف وراي دوام وإنشالله هالكورس بس وخلاص، وبعدين ترا هالإسبوعين عندي إمتحانات ومن عقبها إنشالله باكون عندكم على طوول
عمي:بإذن الله
خالوا عفرا:بالسلامة يابنتي وأنت يا مبارك هالله هالله فيها تحمل على البنت
مبارك: هههههههه أمايه تراني أنا باكون الضيف عندها مو هي الضيفة
خالوا عفرا: لا فديت روحها أنا، مايحتاي أوصيها عليك لأنك أنت إللي تلعوزها، ولا هي وحليلها هاديه فديتها
نورة: خخخخخخخخخخ وعليا أخويه، لووولووه ما وصيج على أخويه تحملي به حطيه في عيونج لا تزعلينه ولا تكدرينه فاهمه
أنا: إنشالله لا تحاتين
عمي: يالله بنتيه بالسلامة إنشالله وقبل لا تصعدين دارج تعالي المكتب أباج شويه
أنا: إنشالله عمي

وقام عمي وراح المكتب، أنا أستغربت منه وفي نفس الوقت مستحية، وأفتشلت في مبارك بعد بس شاسوي هاذي أبوه طلبني ما أقدر أقوله تعال معاي وهو إللي قالي تعالي بروحج، قعدنا شوي ومبارك قال باروح فوق وأنا قلت له يسبقني أنا باروح حق عمي وتوجهت صوب مكتبه طقيت الباب وقالي أدخل

أنا: السلام عليكم
عمي: هلا بنتيه وعليج السلام دخلي فديتج

ودخلت شفته قاعد ورا مكتبه فخم ماشالله، أول مره كنت أدخل المكتب وهو يطالعني ويبتسم بحنان

عمي: أسترحي فديتج

وقعدت على الكرسي جدام المكتب

أنا: ماشالله تبارك الله، عمي ذوقك وايد حلو ماشالله والديزاين أحلى
عمي:عيونج الحلوة يا بنتي، بس تراه مبارك هو إللي مسوي ها الديزاين
أنا: لا والله؟!! لا لا ذوقه حلو يعني أظمن لي بيت بطريقة حلوة
عمي:ههههههههههه لا لاتحاتين البيت أنتو بيتكم هاذوه عدالنا مابتسيرون مكان بعيد
ماروم أفارقكم وأبتعد عن هالويه السمح
أنا: فديتك يا عمي ما تقصر
عمي: أنزين أنا بس حبيت أتخبرج
أنا: عن شنو عمي؟؟
عمي: مبارك ما يضايقج في شي؟ مو مزعلنج؟ مو مقصر عليج في شي؟ تبين شي؟؟
أنا: لا والله عمي مو قاصرني شي وهو لا مضايقني ولا مزعلني والله، الله الشاهد يداري علي مداراة جني إلا ياهل عنده مب مرته، يخاف علي أزيد من روحه وما أجذب عليك
عمي: الحمدالله وأنا هاذا الكلام إللي كنت أبا أسمعه منج، بس أنا بعد عندي لج شي
أنا: شنو عمي قول؟

فتح الدرج إللي يكون تحت في زاوية المكتب وطلع لي علبة وحطها جدامي

عمي: أفتحيها
أنا: شنو ذي عمي؟؟
عمي: أقولج أفتحيها وبعدين تكلمي

فتحتها، وعليا يايب لي طقم ذهب كامل بس طراز قديم من إللي أنا أحبهم وأنا أعرفه كان "مرتعشه" ومعاه خواتم ومظاعد والتراجي (الحلق) وتوني باتكلم طلع بعد علبة طوالية وأشر لي صوبها عشان أفتحها، وفتحتها إلا "محزم" و معاه خواتم حق أصابع الريل وغير الجف، أنا دموعي ملت عيني وعليا يايب لي زهبة غير إللي مبارك ماعطني

عمي: بنتيه ها هدية مني لج إنشالله عيبتج

أنا ماقدرت أتحمل رحت صوبه وهو وقف لي وحبيته على راسه ولميته وصحت قلت له ودموعي تطيح

أنا: فديتك يا عمي والله ما يحتاي كل ذي، يكفيني حبكم لي وإذا على هاذي الهدايا أكيد بتعجبني دامها منك والله لا يخليني منك يا ربي ويطول لنا في عمرك إنشالله
عمي: فديتج بنتيه ترا والله غلاتج من غلات عيالي وزود بعد، وأنا ما عرفت شو أختار لج، قلت ماشي أحسن عن الذهب؛ لأن أصلج ذهب وبعدين لا سامح الله الله لا يحوجكم إنشالله تقدرين تتصرفين به

لويت عليه بقوة وهو ما أعترض ورديت مره ثانية حبيته فوق راسه

أنا: والله ياعمي أن محبتكم تغنيني عن كل شي
عمي: يالله تراه شي بسيط يابنتيه، أنا كنت أباج تختارين بس أعرفج باتستحين ومابطلبين شي فأنا رحت وتنقيت لج روحي
أنا: ماقصرت والله حلو وكل شي إيي منك حلو
عمي: عيونج الحلوة غناتي والحين يلا شلي هديتج معاج وسيري عن ريلج لا ياكلنا يقول أختطفتوا حرمتي ههههههه
أنا:هههههههههههه ما يقدر أفا عليك
عمي: ههههههههههههههه هيه عليج به ههههههههههه
أنا: ههههههههههه بالشوفة عمي خخخخخخخخخخخ يلا مع السلامة ومشكور مره ثانية

ورحت عنه وأحس شوي وبينشق حجلي من الأناسة إللي أنا فيها والود ودي أطير فوق، أشوه أن محد في الصالة لأن نورة راحت حجرتها حتى خالو راحت حجرتها بعد، وأنا هذاني رايحه حق مبااارك، دخلت الحجرة لقيت مبارك شبه قاعد على الكرسي يعني نص منبطح ويطالع التلفزيون

أنا: قوة
مبارك: هلا حياتي
أنا: هلا فيك
مبارك: ها شو يبا فيج أبويه؟؟
أنا:كيفينا، أنا وعمي كيفينا
مبارك: برايكم
أنا: ههههههههه تعال باقولك
مبارك: ليش شو عندج؟؟
أنا: أنت تعال وباقولك

دخلت الحجرة داخل

أنا: مبارك لا تيي قبل لا أناديك
مبارك: أنزين

وحطيت إللي عطاني أياه عمي كله على السرير وعقب ما خلصت ناديته

أنا: مبااااراااك تعااال
مبارك: هذاني ياينج

شاف إللي على السرير أستغرب

مبارك: شو ها لولو؟؟
أنا: والله مثل ما تجوف، عمي فديته يايب لي إياه هديه
مبارك: وحليله أبوي يحبج
أنا: أدري، أصلاً من المينون إللي ما يحبني؟!؟؟
مبارك: لا حول ولا قوة إلا بالله، بدينا عاد في الخقة
أنا: ههههههههههه تدري شلون أطلع برع شوي
مبارك: لشو بعد؟؟؟
أنا: أنت أطلع بتعرف
مبارك: أنزين

وطلع وعلى طول بدلت ثيابي ولبست الجلابية المخورة ولبست الذهب إللي عطاني أياه عمي كله، لبست الجف والخواتم والمضاعد والتراجي وكل شي كل شي، عاد أنتو تخيليوا بعد أن يدي محنية نقش رهيب يعني حدث ولا حرج وتكحلت ولبست البرقع غير الشدو الخفيف إللي فوق عيني وحطيت لي حمرة (روج) لونها جي الوردي مخليتني أطلع بيـــــــــــــضة، ناصعة البياض هههههههه وطلعت حق مبارك إللي كان يشوف التلفزيون

أنا: ها شرايك؟؟
مبارك: >>عطاني صفرة إعجاب قوية وطويلة>> شو هالحلا؟! شو هالزين؟! شو هالكشخه كلها؟! عيل شو خليتي لباقي الحريم؟؟
أنا:

أستحيت من الإطراء مع أني شبه متعودة عليه، بس مادري الصفرة وايد خلتني مستحية

مبارك: لووولوووو كلمة روعة فظيعة والله شوية عليج، أبا كلمة توصفج فيها بس ماشي ماشي، مسكته فديتج
أنا: شكراً حبيبي
مبارك: >>يقلدني>> عفواً حياتي هههههههه
أنا: مبارك أتصل على أبوك، شوفه ليحين أهوه في المكتب ولا راح حجرته؟!؟؟
مبارك: إنشالله، بس ليش؟؟
أنا: آبي أرويه إللي عطاني إياه

وأتصل فيه

مبارك: السلام عليك أبويه
عمي: هلا ولديه
مبارك: أبويه أنت بعدك في المكتب؟؟
عمي: هيه، ليش؟؟
مبارك: لا بويه بس بغيتك شويه
عمي: تعال لي أنا خلصت شغلي حياك
مبارك: دقايق وأنا عندك إنشالله
عمي: يلا أنتظرك

وصكر من عنده ورد يطالعني بإعجاب

مبارك: يلا فديتج هو في المكتب

ونزلنا له وطق عليه مبارك الباب

عمي: أدخل يا مبارك
مبارك طل عليه براسه وقاله: أبويه عندي لك شي
عمي:شو هو؟؟
مبارك: تحفه فنية لا صارت ولا أستوت
عمي:ههههههههه يلا يا مبارك شو هي؟

وفتح مبارك الباب عدل وأنا كنت واقفة مجابلة عمي ومستحيه منه وعلى طوول وقف من مكانه يطالعني

عمي: منو هاي مبارك؟؟
مبارك:هههههههههه أبويه بعد منو عندنا حرمة تعق الشيلة عنك غير بنتك نوروه؟! تراها حرمتي
عمي: ماشالله تبارك الله، عيني عليج باردة يابنتي ربي يحفظج من كل شر
أنا: شرايك عمي؟
عمي: فديتج قمر، زين ما أختار مبارك ربي يحفظكم ويخليكم لنا
أنا: وياك يا عمي
عمي: أحينه أنتي لشو لابسه كل ها وين بتسيرين؟؟
أنا: هههههههههه أنا إلا يايه آرويك إللي يبت لي إياه وهو علي، في الشوف غير عن اللبس
عمي: ههههههههههه هيه والله صدقتي، ربي يحفظج عن عيون الناس

وقعدنا شوي نضحك عقب ركبنا فوق عدلت أغراضي وخلصت تذكرت بعد مبارك بيي خلني أساله أول

أنا: مبارك؟؟
مبارك: نعم أبوي
أنا: ليش ماقلت لي أنك حجزت حق روحك معاي؟؟
مبارك: أنزين شو تفرق يعني خبرتج لو لا تراني أنا باوصلج شو تتحسبين باخليج روحج تتصرفين؟؟
أنا: لا ماقلت جذي بس يعني
مبارك: لا يعني ولا شي أنتي أحين خلاص رتبتي أغراضج؟؟
أنا: إيه بس باقي ثيابك تعال شوف شنو تبيني أحط لك
مبارك: يالله

ورتبت له شنطته وعقب ما خلصت

أنا: أنزين متى طيارتنا؟؟
مبارك: على الساعة 6 تقريباً لازم نكون في المطار
أنا: بس عيل يعني مالك عذر تروح هالمرة فندق ترجع معاي وعلى طوول بنروح بيتنا سمعت بيــــــــتنا لا فندق و لا غيره هذاني قلت لك
مبارك:هههههههههه إنشالله

وعلى جذي جهزنا، نزلنا تحت إلا خوات مبارك كلهم متيمعين مع عمي وخالوا عفرا حتى خالوا مريم معاهم، وطبعاً الخدم نزلوا شنطاتنا، على طول أنا رحت أسلم عليهم وأولهم خالوا مريم

أنا: حيالله من يانا، هلا خالوا شخبارج؟؟
خالوا مريم: بخير يسرج الحال فديتج شحالج أنتي وشخبارج؟؟
أنا: الحمدالله بخير هلا والله بفطيم وين عيالج؟؟

ورحت أسلم عليها

فطيم: هلا فيج حبيبتي، وشو تبين بعيالي هالحشرة؟!! هاكومه برع في الحوي يلعبون بدراجاتهم ويا عيال عويش
أنا: هلا عايشه حبيبتي شخبارج عساج بخير؟
عايشه: الحمدالله بخير، إلا يقولون خلاص اليوم بتمشين؟!
أنا: إيه حبيبتي خلاص، إنشالله المرة اليايه خلاص مافيها رجعة على طوول هههههه

فطيم وخالوا مريم وعويش يضحكون

عايشه: أنزين ماطولتي أنتي تو الناس على الروحه
أنا: وين فديتج وراي دوام، على طول أحين عقب هالإجازة أول يومين عادي وعقبها خلاص أبتدي الفاينل
الكل: بالتوفيق إنشالله
أنا: إنشالله وياكم

مبارك طبعا سلم على الكل وقعد يم خالوا عفرا

فطيم: مبارك شعنه ماييتوا صوبنا؟؟
مبارك: والله لو عليكم لا طلعت بحرمتي ولا حوطتها، إذا بايبها يوم صوبج ويوم صوب عويش ويوم صوب خالوا مريم بعد شو بقى لي أنا؟؟ هم كلهم أربعة أيام
أنا: هههههههههه لا تجذب خمسة أيام
مبارك: حلفي بس أنتي يعني فرقت الحينه على هاليوم؟؟
فطيم: هههههههههههههههه أسميج يالولوة
مبارك: يلا أنزين نحن نترخص عنكم

سلم عليهم على السريع وطلع برع ينتظرني وسلمت عليهم واحد واحد ووقفت شوي مع خالوا عفرا وعمي كانو يوصوني على روحي ويقولون لي إذا مبارك زعلج ولا محتاجة شي ترا أحنا موجودين لا يردج إلا لسانج، وأنا بعد سألتهم جان في خاطرهم شي أطرشه لهم مع مبارك بس هم قالوا مانبي إلا سلامتج وحملوني سلام للأهل، و من عقبها طلعت حق مبارك

مبارك: عنبوا كل ها سلام؟؟
أنا: والله كيفي أسلم عليهم بعد شنو
مبارك: الحمدالله والشكر متخرعين كلهم طبوا عندنا كأنهم أول مرة يشوفون حرمة بتسافر
أنا: والله كيفهم الناس يحبوني، عشان تعرف أن إللي خذيتها مب شوية كل الناس تحبها
مبارك: هيه ترا أنا ماخذتها إلا لأنها ذكيه وحلوة وكل الناس تحبها لو لا محبة الناس لها إن جان أنا ماعرفتها
أنا: أحم أشكرك
مبارك: العفو حاظرين لج


وعقب نص ساعة تقريبا وصلنا المطار نزلنا ونزلنا أغراضنا ودخلنا وقعدنا جذي ساعة إلا شي ندور في سوق الحرة عقب نادوا على رقم رحلتنا أن نتوجه حق البوابة، ورحنا والحمدالله كانت الرحلة مريحة. طبعاً أنا عطيت أبوي خبر أن أحنا بنوصل الساعة 8 تقريباً وكان هو ينتظرنا وركبنا وياه وتحمد لنا بالسلامة ووصلنا البيت سلمت عليهم وقعدت

أنا: يمه وين خلودي؟؟
أمي: جنه فوق مع عبيد
أنا: ليش مايدري عبود أن اليوم بوصل؟؟
امي: أمبله بس محد قاله أنج وصلتي
أنا: عيل باروح لهم فوق

وركبت فوق إلا عبدالله حاشر الدنيا مطول على المسجل وحاط له هالأسباني وإزعاااااج طقيت عليه الباب يالله سمعني




عبدالله: من؟؟

رديت طقيت عليه الباب بقوة، بطلي الباب

عبدالله: أووه وصلتوا
أنا: إيه

مد لي يده وسلم علي عاد أنا بالعمالة حبيته خخخخخخخ

أنا: وينه خلود؟؟
عبدالله: أكوه

بطلي الباب عدل

أنا: خالد؟!!

وعلى طول يه يركض صوبي

خلودي: لولو
أنا:يا عيون لولو، حبيبي والله فديت هالويه أنا

وطحت فيه تبوس

عبدالله: بس عاد هدي الصبي ذبحتيه
أنا: والله أنا وأخوي كيفنا، محتر أنته؟؟
عبدالله: وع على شنو أحتر؟!؟ قومي قومي خليني أنزل تحت أسلم
أنا: شعنده عبدالله أفندي
عبدالله: والله ماعندي شي حتى تبين تشوفين بوكي؟
أنا: لا وحتى لو شفته ماعندي بيزات لك هههههههههه
عبدالله: باااااااااااال بخيله، عاد أنا أخوج
أنا: وأخوي شتبيني أسوي لك يعني؟؟ so?
عبدالله: قومي عن ويهي
أنا: هههههههههههه يلا ننزل تحت

ونزلنا تحت وأنا شايله خالد وأحبب فيه وأمي وأبوي تحت ومبارك معاهم يسولفون نزلت وأنا شايله خالد إللي على طوول قط روحه على مبارك لأن ذاك أيننه بحركاته

مبارك: هلا والله حيالله الشيخ
أنا:هههههههههه نعم فديت الشيخ آنه آيه عليــــــــــه
أبوي: بالعدال بتذبحين الياهل
مبارك:هههههههههههههه
عبدالله: من مساعة بابا ذبحته وهي تحبب فيه وعليا أخوي
أنا: أنت شتبي شدخلك؟؟ كيفي أنا وخلودي
مبارك: ههههههههه شخبارك العبد؟؟
عبدالله: بخير والله، شخباركم أنتو؟ وشخبار الجو عندكم؟؟
مبارك: والله تمام والجو عندنا رووعة جان تبا باخذك معايه حق سيرات البر؟!!!؟
عبدالله: يلا على يدك دام الوالد مب ناوي يخيم هالسنة

أبوي عطى عبدالله بنظرة

أنا:ههههههههههههههههه هههههههههههههه
عبدالله: شفيها ذي على شنو تضحكين؟؟؟
مبارك: مادري عنها
أنا: ههههههههههههههههه هههههههههههههههههه
عبدالله: الحمدالله والشكر مب صاحية الله يعينك يا مبارك على ما أبتلاك
أنا: هههههههههههههههه ههههههههههههههههه

أبوي شافني وضحك علي لأنه عرف أنا على شنو أضحك، وعقب سولفنا وحطوا العشى وتعشينا وردوا مره ثانية قعدوا يسولفون وأنا ركبت فوق رحت الحجرة أعدلها جانها مب عدله، بس الحمدالله كانت مرتبة و أمي ماقصرت عطرتها وبخرتها بعد، حطيت الشنطات وبطلت شنطته لأنها الأهم وعلقت ثيابه وإللي تحتاج حق كواي خليتهم على صوب عشان تكويهم الخدامة، خلصت من شنطته فتحت شنطتي إللي فيها ثيابي وفرغتها في الكبت والذهب طبعاً مبارك حطاه لي في البنك في الإمارات، ناديت الخدامة عشان تكوي الثياب ويات كوتهم لي وخلصت وعلقتهم له، خلصت ونزلت تحت شفته قاعد مع عبيد والعبد شاق الحلج

أنا: ها عبدالله شعندك ويا ريلي؟؟
عبدالله: هاذي يزاتي إللي قاعد معاه؟!! وبعدين شله يعني ما أقعد معاه؟؟
أنا: مادري
عبدالله: جان تبينه أخذيه ما بناكله
مبارك: هههههههههههههههههه أسمحلي عبدالله أنا هالمره إللي باتخلى عنك باسير مع حرمتي
عبدالله: والله كيفك روح
مبارك: هههههههههه يالله مع السلامة

وقام معاي وفوق في الحجرة

أنا: شعنده العبد؟؟!!!
مبارك: ماشي بس والله أخوج ها عجيب يباله إيي عندنا الإمارات
أنا: إيه إيه وخرب أخوي
مبارك: أنا أخربه؟؟ لا والله مو قصدي جي، بس يعني أخوج يحب الطلعات وهالسوالف عرفتي
أنا: أعرف من زمان
مبارك: بس هاللي أقصده أنا
أنا: إنزين يلا جان تبي تبدل ترا حطيت لك ثيابك في الكبت، أكاهم
مبارك: مشكورة فديتج ماقصرتي
أنا: أفا عليك حياتي إذا ما خدمتك أنت من أخدم؟
مبارك: الله لايحرمني منج إنشالله
أنا: ولا منك

وقام يتغسل ويبدل رحت صالة أمي وأبوي تميت شوي معاهم لأن أدري أن مبارك بيطول ولعبت مع خالد، عقب تعبت ياتني النودة، أستأذنت منهم وقمت رحت حجرتي بارقد، دخلت الحجرة وهو كان ليحين في الحمام_الله يعزكم_ يتسبح أنا كلش دايخه حطيت راسي ورقدت وماحسيت به يوم رقد.

يوم قعدت الصبح وتغسلت ولبست تذكرت إني نزلت الإمارات حتى ماكلفت على عمري رفعت سماعة حق عووش يالفشيله، بس والله أنشغلت وعايشه عادي باقول لها إللي صار وما خلصت كلامي إلا الحلوة طاقت لي رنة أنها أون لاين عبالها أن مبارك سافر والحمدالله أنه كان على السايلنت، دخلت من اللاب توب

أنا: يا صباح الخير
عايشه: شو راقده؟؟
عايشه: صباح النور عالبنور
أنا: لا قاعده أفكر فيج
عايشه: أممم أكيد في شي وأنتي ماقلتي لي وتبين تقولينه صح؟؟
أنا: إيه صح بس أتمنى أنج تسمعيني للأخير
عايشه: هيه يلا تكلمي
أنا: قولي والله أنج بتسمعيني للآخر
عايشه: والله يلا أحين تكلمي
أنا: عووش أنا كنت عندكم في الإمارات
عايشه: متى؟ وكيف؟ ماقلتي؟؟
أنا: صار كل شي فجاة
أنا: مشيت ثالث يوم العيد تقريباً بس والله ماتهنيت إلا آخر يومين
عايشه: هيه حوباتي
أنا: ههههههه
عايشه: بس ليش يعني؟؟
أنا: شتبين أقولج أول يومين حالتي بحالة أول يوم طحت على الأرض وتكسرت ضلوعي وطبيت عليهم ووداني مبارك المستشفى من الليل لين اليوم الثاني الصبح طلعوني على مسؤوليته لأني ماخلصت كل العلاج والمفروض إني أترقد بس لا أنا ولا هو نبي هالشي
عايشه: يالمينونه أنتي ما تبين روحج ليش ماتميتي عندهم
أنا: عووش محد يدري إني طحت إلا أهو وأخته نورة، خالوا عفرا وعمي مايدرون عبالهم أحنا من صعدنا عقب ما وصلنا رقدنا وأنا إللي وعليه خربت عليهم
عايشه: ههههههه إنزين قوليلي كيف طحتي؟؟
أنا: ماشفت أن في مسافة بيني وبين السرير وقطيت روحي عليه وأثاري قاطه روحي على الأرض
عايشه: هههههههههههههه هههههههههههههههههه جان زين كنت موجودة
أنا: صج نذالة
عايشه: واليوم الثاني؟؟
أنا: نفس الشي ييت تعبانة من المستشفى ريحت وتميت في البيت
عايشه: عقب شو صار؟؟
أنا: اليوم إللي بعده صياح ونياح
عايشه: ليش؟؟ شو أستوى فيج؟؟ شو ظربوج؟؟
أنا: هههههههههههه محد سوا فيني شي، وعليا يحبوني بس خبرج الدلع ومايسوي
عايشه: أفف يا هالدلع، على شو صحتي؟؟
أنا: مبارك كان طالع الصبح وتنرفزت يوم شفته محد، نزلت تحت أتريق ويا نورة، كنت على طاولة الطعام قاعدة وياني هو من ورا وحط صبعه بخفه على خدي عبالي حشرة وأنتي عاد تعرفين أكره ماعندي الحشرات، وأعطي روحي ذاك الكف المحترم إللي والله لو عدو ما عطاني إياه
عايشه: هههههههههههه هههههههههههههههه خيبه كل ها عشان زيغج صبعه؟!
أنا: سكتي سكتي مت من القهر وهو فقعها من الضحك علي، ما تحملت إللي صار بس لأن أنا تحت في الصالة شافتني خالوا عفرا سلمت عليها وقعدت دقيقتين معاها طبعاً ماتريقت حتى جاي الحليب مالي ما شربته، وخالوا عفرا وعليا إلا تاكلين فشربت الجاي عن خاطرها وركبت فوق
عايشه: ههههههههههه هههههههههههههههههههههه هههههههههههه أنزين كملي شو أستوا؟؟
أنا: بس ركبت فوق وعلى طول رتبت أغراضي، ويوم دخل الحجرة شافني قالي شتسوين؟؟ قلت له تحجز لي الحين الحين قعده أنا مب قاعده، وقعدت أصيح وهو طلع عني عقب ما قال كلامه
عايشه: شو خبله أنتي؟؟! الريال ماتهنى فيج حتى الحالة إللي أنتو فيها مايبان أنكم متزوجين
أنا: أنزين شاسوي؟؟ هو إللي كان مستعيل ويبينا نعرس
عايشه: أنزين كملي شو صار عقب؟؟
أنا: ولا شي طول اليوم مناحة ورقدت طبعاً بدون ريوق ولا غدى وقعدت العصر عدلت ويهي ونزلت تحت لهم وهو محد عقب تراضينا وطلعنا
عايشه: شي حلو، بس لو أنا مكانه ما عطيج ويه وأخليج تولين مكانج
أنا: هاهاي، حبيبتي هاذي أنتي أما مبارك لا
عايشه:ههههههه ههههههه إنزين بعد شي ثاني؟؟ ولا بس؟؟
أنا: أمبله بعد شصار والله مادري بس في الليل ليلة إلي بنسافر تعبت قلبي عورني وماقدرت أتنفس
عايشه: لووولوووه من شنو؟
أنا: ولا شي فديتج بس وايد أجهدت روحي ذاك اليوم، كنت طول الوقت واقفة على ريلي وماقعدت إلا دقايق معدودة فصار إللي صار
عايشه: أنتي أبا أعرف مينونه؟؟ ماعندج إحساس؟؟ حسي باللي حواليج شذنبهم يتعذبون عشانج؟؟
أنا: بعد شاسوي؟؟ هاذي إللي صار
عايشه: لولووو ضروري تسيرين العمرة
أنا: إنشالله عقب ما خلص الإمتحانات باروح والله عووش أحسها عين صابتني
عايشه: أكيد لولووه تذكرين من بعد عرس خواتج وأنتي أبد مب صاحية إلا معدتج وإلا صخونة وإلا طايحه وإلا زالقة؟!! والله مايسوى عليج حتى يوم عرسج تذكرين؟؟؟؟
أنا: ههههههههههههههه الله يخليج لا تذكريني الله ستر وماييت على ويهي مب عين عليهم
عايشه: هيه والله بس أنا ماشفت شي يطيحج
أنا: مافي شي بس ريلي جنها تحنقلت بشي، وعقب ما مشينا قلت حق الهنوف تشوف شنو هناك قالت لي إنه مافي شي
عايشه: لا إله إلا الله
أنا: تخيلي عووش عروس في زفتها تطيح على ويها لأن الناس كلتها بعيونهم
عايشه: هيه والله الكل كان يقول أنج محلوة وايد، وفستانج كان بسيط وناعم لكنه فيه فخامة، وأول مرة يشوفون عروس جي وماعرف شعندهم والله كل طاولة يتحجون عنج
أنا: حلفي عووش ترا والله مادري أول مره أحد يقولي هالكلام
عايشه: والله وأكثر بس لو بيدي طردتهم لج من القاعة
أنا: ههههههههههههههههه جان يودتي المكرفون وقلتي لهم يذكرون الله
عايشه: المفروض والله
أنا: فديتج حبيبتي والله
عايشه: أنزين أنتي أحين متى بتيين الإمارات مره ثانية؟؟
أنا: إنشالله أخلص الإمتحانات وبانزل لأني أبي أرتب أغراضي عقب بننزل البحرين معاهم كلهم يعني حتى خواته فطيم وعايشه، ومن عقبها من بدال أنا وياه نرد الإمارات باقوله نروح العمره
عايشه: هيه والله أحسن، عشان النفس ترتاح، تدرين عقب العمرة والله لولووه تحسين إذا طلعتي من مكة كأنج فاقده شي، كأنج نسيتي شي هناك بس ما تعرفين شو هو؟!!
أنا: ويييي عووش لا تقولين لي جذي باصيح
عايشه: ياربي وأنتي على طوول دموعج جاهزة؟!
أنا: إيه شاسوي بعد
عايشه: عيل متى ييتي؟؟
أنا: البارحة الساعة 8 وشي وصلنا
عايشه: وصلتوا؟؟ ليش مبارك وياج؟؟
أنا: إيه
عايشه: حسبي الله على أبليسج، وعادي الحلوة قاعدة تحاجيني ومخليه ريلها يولي
أنا: أنا إلا برع، شلت اللاب توب وطلعت به برع وشبكت، أهوه راقد وأنا من مساعة قاعده في الحجرة تمللت و أنا أصلاً من الله كنت أبي أحد أسولف وياه
عايشه: أها بس خلاص على جذي أنا مسامحتج ما باقول لج شي، والحين يلا ذلفي مابا أشوف رقعة ويهج روحي حق ريلج
أنا: ههههههههههههههههههه أنزين يلا مع السلامة
عايشه: مع السلامة

وصكيت كل شي ودخلت الحجرة بهدوء وهو ليحين راقد أنبطحت يمه وطالعته ومسحت على شعره وناديته بصوت خفيف


أنا: مبارك ، مبارك

راقد مافي أي استجابة عليت على صوتي شوي عشان يسمعني

أنا: مبارك حبيبي يلا قوووم الساعة 10 وشي
مبارك: هممممم
أنا: يلا قوم فديتك تأخر الوقت قوم عشان تتريق
مبارك: أنا مابا ريوق
أنا: شله؟؟
مبارك: أباج أنتي، يلا رقدي
أنا: ههههههههههههه قوم قوم بلا كسل
مبارك: لووولوووو والله تعبان، هناك ما أرقد ولا هني مايصير جي!!؟! حرام عليكم خلوني أرقد
أنا: أنزين أرقد خلاص
مبارك: أفففففففف بعد شوو؟؟ خلاص طار النوم
أنا: آسفة
مبارك: على شو؟؟
أنا: إني طيرت النوم من عينك

كفخني بالمخدة

أنا: آاااي
مبارك:سخيفة وحده قومي عني خليني أقوم أحسن لي شو تقول>>قلد على صوتي>> آسفة بيااااااااااخه
أنا: ههههههههههههههههههه أنزين

ودخل الله يعزكم الحمام وأنا عدلت السرير ونزلت تحت أحط الريوق، لأن قبل لا أدخل الحجرة قلت حق الخدامة تجهزه وأنا بايي باخذه، قالت لي أنزين، رحت لها إلا ماتم خربطه ماسوت لي، سوت سمبوسة الجبن وحطت لي الطعمية و الجبنه البيضه غير قلاص الجبن وطماط مقصصته شرايح وخبز حاار وصحن بلاليط أمي مسويته وطبعاً على راس القائمة دلة جاي الحليب، خذت الصنية و ركبت فيها فوق وحطيتها وقعد يطالعني

أنا: ها شفيك؟؟
مبارك: ماشي بس أشوفج يعني مابقى شي في بيتكم إلا ماحطيتي لي أياه شو قالوا لج عني مطحنة؟؟
أنا: هههههههههههههه لا محرقة وأنت الصاج هههههههههههه
مبارك: يبي يبي الصنيه أشوف
أنا: دن يمك الطاولة خليني أحط الصينية
مبارك: يلا حطيها

حطيت الصنية وسمينا ومدينا يدنا ناكل، لأن أمي تنتظر ليما يقعد خالد من الرقاد على الساعة 9 يتريقون وأبوي طبعاً من الصبح يطلع محد في البيت أحين يتريق إلا أنا وياه لأن تأخرنا على الريوق وعقب ماخلص وشبع

مبارك: آااه الحمدالله أنعم الله عليكم تسلم إياديكم
أنا: بالعافية
مبارك: لولووه تعرفين شو خاطري فيه الحين؟؟
أنا: شنو؟؟بعد لك جبد عقب هالأكل؟؟
مبارك: حشى مو جبد على قولتج عندي جاني أبا آكل شي زياده ها محرقة
أنا: هههههههههههههههههه ههههههههههههههههه شدراني عنك
مبارك: وبعدين الناس يقولون ماشالله تبارك الله عن تحسديني عقب ما كل
أنا: أحسن صاير لي دب وأنا وحليلي غصين البان
مبارك: هههههههههههههههه فديت غصين أبان أنا
أنا: أنزين ماقلت لي شتبي أحين عقب هالأكل؟؟
مبارك: أحط راسي وأرقد
أنا: مبارك؟؟
مبارك: نعم
أنا: أنت صاحي ولا مريض؟؟
مبارك: I don’t know really, what you think??
أنا: والله إللي أنا أجوفه أنك يا أما ظاربتك ذبانة تسي تسي يا أما أنت حامل
مبارك: ههههههههههههههه ههههههههههههههههههههه ههههههههههههههههههههه ههههههههههههههههههههه هههههههههههههههههه هههههههههههههههههههه آي بطني ماروم أضحك ههههههههههههههههه الله يخس إبليسج ههههههههههههههه جيه حرمه أنا تقولين عني حامل؟؟
أنا: شدراني عنك أنا يالحرمه ما راقد كثرك وأنت كله تبي ترقد وبس؟؟
مبارك: خليني أتمتع بالنعمة إللي أنا فيها عقب كمن يوم بتزول عني
أنا: الله يغربل إبليسك إللي يقول جنك مابتشوفني بعد!؟!!!
مبارك: والله أسمه بعد بانحرم من شوفتج، كم أسبوعين؟! يمكن إذا مب أكثر
أنا: ههههههههههههه والله حالتك صعبه صراحةً
مبارك: هيه وايد ماتدرين؟؟
أنا: لا والله توني أطلعت على الحالة إللي أنت فيها
مبارك: أففف لوولوو خلاص أنا تعودت عليج أنج عندي
أنا: أستغفر الله العظيم من كل ذنبٍ عظيم، ممكن تصك هالموضوع؟؟ أحس سخافه بعد إذا تحجيت فيه
مبارك:ليــــــــــــش؟؟
أنا: يعني بعد ليش؟؟ جم مرة أعيد؟؟ خلاص أحين أنا عندي الفاينل يعني خلاص خلااااااااااص، عقب أنا على طوول عندك وبتشبع مني، هاذي إذا ما مليت من ويهي؟!!
مبارك: أفا عليج أحد يمل من شوفة القمر؟؟ إلا ولا بفارقج لين أنتي ما تروغيني
أنا: هههههههههههههه أنزين أنت أحين شبتسوي؟؟
مبارك: أبا الجريدة إذا ماعليج أمر
أنا: إنشالله

ورحت الصالة الثانية يبت له الجريدة

مبارك: وأنتي شو بتسوين؟؟
أنا: ولا شي باطلع كتبي إللي أبيهم وباقعد أراجع
مبارك: بالتوفيق حياتي، وإذا في شي مو فاهمتنه أنا مويود
أنا: فديتك ماتقصر، يلا أخليك الحين

وقمت عنه قعدت على مكتبي أراجع شوي بصوت واااطي كلش عشان أفهم وعقب ما مافهم شنو قريت أرد أسمعه حق روحي وأشرح لنفسي وأأشر في الهوا، وتميت تقريباً جذي حوالي ساعتين إذا مب أكثر ماحسيت بالوقت يركض لأني كنت مندمجة في المذاكرة، ووقفت أشوف شكثر بقى لي، الله أناسه باقي لي two chapters وأفتك، أحين بابتدي في قبل الأخير وفتحته، الله هاذي الموضوع أحبه وأبتديت فيه وبسرعة خلصته لأني أحبه وفاهمته فبسرعة تدخل المعلومة وتوني بادخل في آخر chapter إلا مبارك يايني من ورا، حط يده على جتفي رفعت له رسي

مبارك: فديت الشطار أنا، يذاكرون ويشروحون لروحهم
أنا: هههههههههههه شفيك أبوي؟؟ تمللت؟؟؟؟
مبارك: لا بس حبيت أشوفج كيف تشرحين حق روحج
أنا: أنزين بس آخر chapter وباييك
مبارك: يلا خلصي أنا قاعد ما علي شر

وقعد يمي وأنا أشرح حق روحي، وهو حاط كوعه على المكتب ويده تحت خده يطالعني شلون أشرح حق روحي وأحفظ يتبسم لي، وأذا حاولت إني أسرع في إستيعاب المعلومة وصرت أعصب على روحي

مبارك: حبيبي لا تعصبين شوي شوي، لا تتوترين أنا عادي ترا مب متملل بالعكس مستانس عليج
أنا: أنزين

ورديت مره ثانية أفهم روحي وأشرح وأشرح آخر واحد كان شويه طويل وفيه معلومات واايد، فحاولت إني أفهمه بالراحة عشان أقدر أركز وأستوعب المعلومات بالهداوه إلا أمي يات صوبنا شافت مبارك قاعد معاي وأنا أذاكر

أمي: يمااه؟!؟؟ ورا مخليه الريال بروحه جذي متملل؟؟؟
مبارك: لا ماعليج عموه أنا مستانس أشوفها تذاكر
أمي: الله يوفقها إنشالله
إنا+مبارك: إنشالله
أمي: يلا قومو نزلوا ترا حطينا الغدى
أنا: ليش جم الساعة الحين؟؟
أمي: الساعة ثنتين إلا عشر يلا قومي وخلي الريال ينزل
مبارك: إنشالله عموه بننزل الحين

طلعت أمي وأنا أستغربت، قضيت كل هالوقت بدون ما أتحرك؟؟ من الساعة 11.20 تقريباً وأنا أدرس وااايد زين

مبارك: يلا فديتج عطي روحج بريك ننزل نتغدا عقب نصعد تكملين مذاكرتج
أنا: يلا

ونزلنا تغدينا وأمي فديتها مسويه مجبوس لحم مال العيد، كشخه خلصنا قعدنا شوي مع أمي وأبوي والعبد ولطيفة_إللي ما شفتها البارحة لأنها كانت راقدة على أساس أن اليوم عليها دوام واليوم سلمت علينا_ أنا أستأذنت وصعدت عنهم فوق و مبارك قعد وياهم شوي وركب ويا لطيفة فوق، دخل علي وأنا آخر الصفحات مستعيلة آبي آخلص، آفف تمللت وأنا أدرس، عقب ساعة وشي تقريباً خلصت والحمدالله غطيت مادة وحده وأفتكيت، ما شفت الساعة إلا الساعة صارت أربع ونص مبارك يوم دخل أبتسم لي وخلاني وراح ينبطح وأنا ماقلت له شي لأن بادخل الله يعزكم اتسبح فخله يرقد، ويوم شفت أنه تأخر الوقت وأنا خلصت يلا خلنا نستغله خخخخخخخخ رحت له وعليا راقد بدون اللحاف، أحسن عشان بسرعة يقوم، لو هو الحين متلحف جان بالزور بيقوم لي وخصوصاً أن المكيف شغال

أنا: مبارك يلا حبيبي قووم الساعة خمس إلا وراك صلاة العصر رقدت عنها

ويفز فزه من على السرير

مبارك: شووو ما صليت العصر أنا؟؟
أنا: لا أنت رقدت وأنا إلا من قليل جهزت
مبارك: لولوة الله يهداج مابقى شي عن أذان المغرب، أفف أستغفر الله

وقام بسرعة تغسل وتوضا وصلى وأنا رحت ألبس، وتوني فاتحه الكبت إلا هو واقف لين نعزني على صوب وفتح الكبت، ماردي شيعجبه في كبتي؟!!

أنا: ها الشيخ إلا أشوفك مجابل الكبت، سمّ طال عمرك تامر بحاجه؟؟
مبارك: هيه الشيخه بغيتج تلبسين هالبدلة
أنا: أي وحده إنشالله؟؟
مبارك: هاذي فديتج

وطلع لي البدله هو عباره عن قميص طويل فوق الركب بشوي بس أنه في ربطه تحت_عند الأرداف_ واليد شبه حفرة وتحته بانطلون جينز

أنا:مابي ألبسها، أنا بردانة
مبارك: المكيف مطفي يلا لبسيها
أنا: مابيها القميص خفيف وأنا بردانة
مبارك: لوولوو يلا عاد لبسيها
أنا: أففف أنزين

لبستها وكنت ماخذه معاها تراجي فيها ألوان القميص إللي هو البيج والبني والتركواز فلبستهم بعد، وحطيت لي آي شدو بني وتركواز وكحلت عيوني من فوق بس، والبلاشر برونزي مع روج بني فيه لمعه واايد حلوه وعدلت شعري، خلصت وشفته هو كان يعدل غترته

أنا: ها زين جذي؟؟

يا صوبي وخاشمني (بوسة خشم مالت الرياييل)

مبارك: كل الزين أنتي
أنا: أنت وين بتروح؟؟
مبارك: ماشي مفكر أطلع شوي، تامرين على شي غناتي؟؟

أستحيت أقوله آبي أطلع، بس يلا باشوف شيقولي

أنا: أمممممم مبارك يصير أطلع وياك؟؟
مبارك: أفا عليج إلا يصير ويصير بعد، عشان جذه حستي ببوزج عشان تتكلمين؟؟
أنا: إيه عبالي أنت مواعد أحد
مبارك: لالا، يلا لبسي عباتج
أنا: أنزين دقايق وأنا جاهزه
مبارك: لشو بعد هالدقايق؟؟ تراج أنتي لابسة بس عباتج إللي بتلبسينها
أنا: أنزين جيف ما تاخذ العباية وقت؟؟ ما تبيني ألف شيلتي؟؟
مبارك: هههههههههههه أنزين يلا أشوف

ولبست عباتي وشيلتي

مبارك: شو مابتلبسين نقابج؟؟
انا: لا
مبارك: أحسن بعد يسوي إغراء
أنا: ههههههههه أنزين
مبارك: بس عقي الشيله على ويهج
انا: أنزين

وطلعنا عقب ما قلت حق أمي أنهم مايحسبونا على العشى

مبارك: أنزين أنتي أحين وين تبين تسيرين؟؟
أنا: إذا ما عندك مانع آبي آروح السيف
مبارك: لشو؟؟ أنا ها المجمع إللي كله زحمة ما حبه
أنا: أنزين شاسوي؟؟ آبي شغلات منه
مبارك: يعني ماشي مكان ثاني؟؟
أنا: لا
مبارك: >>يقلدني>> يلا أنزين لبسي خلينا نمشي


ووداني، أهوه إللي كان معارض في البداية أستانس على سالفة التشري وكل الساعة دخل محل وقالي ها حلو أخذيه وأنا مابيي وياخذه، يقول كيفي ترا بتلبسينه لي عقب، الحمدالله والشكر وطلعنا من السيف قلت له آبي أروح المرينا

مبارك: لولوة؟؟ لشو بعد المرينا؟ تونا طالعين من السيف
أنا: مبارك لا تسألني أنت ودني وماعليك، وإذا ماتبي تدفع أنا إللي بادفع، محد قالك صير كريم معاي
مبارك: بلاج أنتي؟؟ شو بعد هالكلام كريم ما كريم؟؟ انا ريلج وملزوم بج جيه بعد؟!!
أنا: بس خلاص عيل ودني
مبارك:>>يقلد>> بس خلاص عيل ودني، إنشالله أمووت أمووت على طريقة هاليهال في كلامج
أنا: لااا يعني أنا ياهل؟!!
مبارك: هههههههههه فديتج والله حتى اليهال يغارون منج
أنا: هههههههههه أنزين أدري

ووصلنا المرينا نزلت دخلت محل"شو مارت" خذيت لي جمن صندل ونعل وجواتي (الله يعزكم) شوي راقيين لأن إللي عندي تقريباً كلهم فلات وبعدين مو حلوين وايد، وهو مبارك نفسه مستانس خذ حق روحه جوتي، عقب دخلت محل "سارة" وتنقيت لي جمن قطعه غير إللي شريتهم من "لاسانزا"، بعد ما خلصت ييت باطلع

مبارك: والله أنج ماطلعين من هالمكان قبل ماتدخلين محل
أنا: هههههههههه مبارك مب صاحي بعد شله تحلف؟! قولي تعالي وبايي
مبارك: لا أخافج ترديني
أنا: أنزين يلا ودني مكان ماتبيه

خذاني مذركير "baby shop"

أنا: حق من؟؟
مبارك: من قبل ييت هالمجمع ودخلت أبا أشتري ألعاب حق عيال فطيم وعويش شفت شي عجبني أبا آخذ رايج فيه
أنا: أنزين يلا

ووداني صوب قسم البنات وكانت في مريله سووو كيووت ألوانها حلوة بنوتيه وردية مع البنفسجي واللون الثاني تركواز مع الأخضر

مبارك: شو رايج في ها المريلة؟؟
أنا: إيننون وايد حلوين
مبارك: أي لون أحلى؟؟
أنا: أممممممم إثنيناتهم حلوين، بس الوردية أحلى
مبارك: أنزين ينلبس تحتهم شي ولا فوقهم؟؟
أنا: لا تحتهم أحلى عشان يبين موديلها
مبارك: يد قصيرة؟؟
أنا: أكيد، صبر خلني أشوف لها شي

ورحت دورت وحصلت لها فايله يدها جبنيز (شبه الحفره) لونها ماشي ويا ألوان المريله وروايتها مبارك

أنا: ها حلوة؟؟
مبارك: هيه وايد حلوه شو من سايزات منها؟؟
أنا: مادري بس على ماظن أكبر شي 14 years
مبارك: أوكي عيل أنتي خليها بس أحين عنج
أنا: ليش مابتاخذها؟؟
مبارك: لا شو ماخذها باخذها بس أحين أبا شي ثاني، أبا شي حق عيال فطيم لأن هاك المرة خذت لعيال عويش وعيال فطيم ما خذت لهم شي، وعاد تعالي حق أحمدوا وعفاري ساروا لهم وحشرو الدنيا أونه شوفوا خالنا أخذ لنا وما أخذ لكم شي
أنا:هههههههههههه يحليلهم، وأنت شله ماتاخذ لهم كلهم
مبارك: جيه مكلف فيهم؟؟ ترا أمهم موصتني تبا ماعرف شو لهم وأنا حصلت وخذت لهم وهم عاد أونه هدية من عند خالنا مبارك
أنا:ههههههههههههه

ورحنا خذنا حق عيال فطيم شرينا حق محمد وطلال ومريم ودلال وعقب رحنا صوب الكونتر وأنا تعبت من الوقفة

مبار: لولوة سيري السيارة أنا باحاسب وباييج على طول مابا أتأخر
أنا: لا عادي
مبارك: لا حبيبي مو عادي سيري ومعاج أخذي لي دونتس على كراميل
أنا: إنشالله



وطلعت عنه، أستغل الفرصة وراح خذ المريلة والفانيلة إللي طلعتها وشراها ووحطاهم في الأجياس مالت الهدايا وياني

أنا: ها إلا حطيتهم في البوكسات
مبارك: هيه عسب يعرفون أنها هدايا شو بعد!!؟
أنا:ههههههههههههه
مبارك: ههههههههههههههه والله

ووداني الأبراج وطلبنا طبق مشترك بيني وبينه لأني أنا ما أقدر أكمل وجبه كاملة، الحمدالله تعشينا ورجعنا البيت وسويت عرض حق إللي شريته من ثياب وجواتي ونعل ومن ضمن الجواتي عجبني واحد لونه ياي على العنابي كان جداً بسيط بس حلو وناعم بس ماعندي شي ألبسه وياه وأشوف مبارك يبتسم لي

أنا: شفيك؟؟
مبارك: ماشي فديتج بس عايبني هالجوتي عليج مصغرنج وجنج في الروضة
أنا: لا والله في الروضة مرة وحده؟؟!
مبارك: هيه تراهم بسيطين وناعميــن
أنا: أنزين
مبارك: لولوة طلبتج طلبة قولي تم
أنا: تم
مبارك: قولي والله أنج ماترديني
أنا: الحمدالله والشكر أحين شفرقت بين تم و والله؟؟
مبارك: لا تفرق أنتي بس الحين قولي
أنا: والله إني ماردك يلا قول شعندك

فتح واحد من البوكسات مال مذركير تأكد منه وصكاه وعطاني إياه

مبارك: والله أنج تاخذين إللي داخل هالبوكس وتلبسينه ويا هالجوتي هذا، والله حلفت بالله وأنتي حلفتي أنج ماترديني

أستغربت ليش الإصرار؟؟ وليش إللي شاريه لي حاطه في علبة مذركير؟؟ ماحطه إلا اكيد شي جايد الله يستر، مافتحت البوكس إلا المريلة المساعية والفانيلة معاها إللي أنا أخترتها ولا والمشكلة ماخذها سايزي عشان ما تعيلث أنها صغيرة أوكبيرة

مبارك: أدري إنها كبرج والله إني ماخذيتها إلا وأنا متأكد إنها يايه على سايزج، بس يلا لبسيها أنا من شفتها وأنا أقول إنها ماتليق إلا عليج

أنا ويهي شاقول مب عارفة أوصفه، لهدرجة أنا بيبي؟؟ بس يالله أحلى بعد، وفعلاً رحت لبستها كانت توصل لي تحت الركبة وشنو طالعة كيووت وأنا فاله شعري بعد وحاطة لي مشبك على صوب في شعري والله أخبل ومبارك مو أستانس بس إلا طار من الفرحة

أنا: ها شرايك الحين؟؟
مبارك:آااااااخ لوولوو قلبي يعورني، يا ربــــــــــي والله حلوة والله روووعة، ماتتخيلين قد شو طالعة بنوته صغيرونة، لولوة الله يخليج الله يخليج لاترديني كملي إحسانج الليلة عشاني
أنا: إنزين قول وإذا الطلب أقدر عليه أنا حاظرة
مبارك: لا تقدرين وتقدرين بعد
أنا: شنو عاد؟؟
مبارك: أبا أصورج وأنتي لابستها وشكلج جي وااااايد حلو يخبل
أنا: هههههههههههه أنزين يلا

ووقفت له أول شي حاطه يدي ورا ظهري وأبتسمت بعفوية والثانية قعدت على السرير متربعة وحاطة يدي على خدي ومادة بوزي يازعم زعلانة والثالثة قاعده على الكرسي وحطيه كوعي على المكتب ويدي تحت حنجي برفعة خفيفة ونظرتي فيها إستعلاء وتكبر على قولته وصورني، وعليا أستخف الصج خفت عليه لا إين علي و أنا مافيني شدة ينون تالي الليل، بدلت وأنبطحت وأنا أضحك عليه، أبتسامته تضحكني وهو شاق الحلج شوي وبيوصل أذنه من الوناسة، ويوم أنبطحت حبني فوق راسي وقربني عند صدره وهو يمسح على شعري والله حسيت كأني بيبي مو حرمة، ورقدت وأنا جذي أما هو مادري متى رقد الظاهر طار النوم من عينه من الأناسه خخخخخخخخخخ
اليوم الثاني طبعاً هو يوم السفر خلاص بيسافر وأنا عاد يصيدني إكتئاب نفسي لين بيسافر مابيه يسافر عني، متخرعه الحمدالله والشكر وإذا هو يمي كله معاند ودلع يهال فيني، فمن الحالة النفسية إللي ياتني كل ماقعدت من الرقاد غصبت روحي مرة ثانية وسويت روحي راقدة مع إني أحس باللي حوالي بس مابي أبطل عيوني، وهو قام ولبس وخلص وقعد شوي على السرير وبطل الكبت وطلع ثيابه وأنا أبد مابي أقوم، ويوم شافني مصختها يا صوبي وأنا سحبت اللحاف علي مابيه إيي يمي ومنها عرف إني قاعدة، أبتسم وتقرب مني زيادة وأنا تيبست أفففففف مالت علي أبد ماعرف أتصنع في الرقاد

مبارك: لولوة حبيبي بسج نوم يلا قومي

أنا ساكته طبعاً أسوي روحي راقده، يعني يدري أنج قاعده بعد ليش هالتمثيل في الرقاد مادري؟؟؟!!

مبارك: لوليتي يلا فديتج تراني بامشي بعد شوي

قال جذي إلا دموعي أوتوماتكلي هلت على خدي، سحب اللحاف عن ويهي شافني أصيح

مبارك: ليش فديتج تصيحين؟؟ شي بلاج؟؟ شي يعورج؟!؟

وقمت أصيح بصوت بعد أسألته هاذي

مبارك: لولوة بسم الله عليج شو فيج؟؟ لشو تصيحين؟؟

وعلى طول لميته وحطيت راسي على جتفه وأصيـــــــح

أنا: ما ما ا بي تر تروح عن عني

أصيح من قلب لأني مابيه يسافر

مبارك: حبيبي خلاص لاتصيحين، والله قطعتي قلبي، أنزين شو فيج أحين؟!! كل مرة أنا أسافر عنج شو فيها هالمرة
أنا: مابي آبيك
مبارك:هههههههههههه أنزين أنا مب مخليج كلها كم يوم وياينج، أنتي تعوذي من إبليس، قولي أعوذ بالله منك يا أبليس
أنا: أعوذ بالله من إبليس
مبارك: فديتها الحلوة أنا، يلا قومي أدخلي الحمام تغسلي وطلعي خلينا ننزل تحت نتريق مع بعض، شوفي الساعة كم؟ حرام عليج من مساعة مخليتني بلا ريوق
أنا: أنزين

ومسح دموعي إللي على خدي ويودني ودخلني الحمام

مبارك: يلا أنا بنطرج هني عند الباب ما باتحرك
أنا:أنزين

تغسلت وخلصت وطلعت له، وعليا قاعد عند الباب ينتظرني

مبارك: شو النفسية أحسن الحينه؟؟

هزيت راسي بالإيجاب، أبتسم لي وشالني على يده وقعدني على السرير

مبارك: عقاباً لج أنا إللي باختار إللي بتلبسينه
أنا: ههههههههههههه أحلى عقاب
مبارك: هيه عاد مو يوم أطلع إللي أباج تلبسينه تقولين لا وماعرف شو؟!! وتطلعين لي أعذار!
أنا: عاد على حسب البدلة يمكن أنا ماحبها أو وسيعة أو ضيجه
مبارك: لوولووه أنتي بدلات ضيجين ماشي عندج، واسعين هيه معقول أما ضيجين ها إللي يستحيل
أنا: هههههههههههههههههه أنزين يمكن كراه ماحبهم
مبارك: مقبوله بعد، بس أنا متاكد إللي باطلعه بيعجبج وباتلبسينه وتتعدلين بعد لي، أبا أشوفج حلوة قبل لا روح عسب لين أتذكر شكلج أتذكر آخر شي كيف كنتي حلوة

أنا نزلت راسي الدموع تهدد بالنزول

مبارك: يلا عاد خلاااص مانبا دمووع، يلا أنتي قعدي وأنا باتنقى لج
أنا: أنت تنقى شتبيني ألبس على أنا ماعدل السرير
مبارك: أوكي

عدلت السرير وخلصت ويوم شفته كان توه مطلع البدله إللي أختارها، لكن الله لا يراويكم البدله أنا بصراحة أستحي ألبسها جدام بيتنا أنا بس شفتها شهقت وهو ضحك علي...

هي عباره عن تنورة سودة لي حد الركبة مكسرة وفيها خط عرضي من مخمل في المنطقة إللي فوق الأرداف وتحت الأرداف بشوي بعد في خط ثاني بس المشكله هاذولي الخطين شوي تايت يعني تبرز المفاتن وإللي أزيد من جي تعالوا شوفو التوب بعد أسود ومخصر على الجسم واليد شبه حفره ومعاه حزام low west (خصر نازل) على شكل قطع جلد أبيض بيضاوي على عرض وفي كل قطعة فص فيروزي والربطة تكون على صوب انتو عاد تخيلوا الشكل سواء مع اللبس أو بدون

مبارك:شو بلاج؟؟
أنا: مبارك حرام عليك
مبارك: لشو حرام عليه شو مسوي بج أنا؟ تراني طلعت إللي أباج تلبسينه
أنا: يعني ماشفت غير هاذي؟؟ قلت الثياب إللي عندي؟؟!
مبارك: والله شفتهم كلهم وتمعنت فيهم عدل وعيبتني هاي شوفيها يعني؟!؟؟
أنا: يعني أنت ماتشوف؟؟!
مبارك: لا وبعدين حتى لو فيها شو إنشالله تتفصخين تراني حلالج يعني عااااادي
أنا: أفففففففففففــيه ياربي
مبارك: عيل لشو شايرتنها حق منو؟؟ حق الكبت ولا شو؟؟
أنا: ولا شي شريتها لكن في اللبس ماعجبتني، كنت بارجعها بس لأني شلت السعر يعني خلاص ماترجع
مبارك: بالعكس أنا أشوفها وايد حلوة وبالذات عليج أنتي، يلا الحين لاتطولين السالفة وهي قصيرة وألبسيها
أنا: أنزين ييبها

وعطاني إياها

مبارك: شوفي تدرين عاد أنا باسير أشتري لي فلافل وباخذ لي لفة، على ما أوصل أنتي تكونين خالصة
أنا: أنزين
مبارك: يلا في أمان الله
أنا: مبااارااك
مبارك: نعم شو فيج؟؟
أنا: إلا من وين لك السيارة؟؟
مبارك: عمتي البارحة عطتني سويج السيارة عسب إذا أبا أقضي مشوار عندي سيارة بدل ما سير أأجر لي وحده
أنا: أها، عيل تدري شلون أشتر لي وياك
مبارك: آمري فديتج، شو تبين؟؟
أنا: كورن فلكس نستلا هاذي قولدن
مبارك: خلاص وأنا ياي باييبه لج
أنا: أوكي

طلع وبديت أنا أبدل وتمكيجت حطيت لي اللون الفيروزي والأبيض والأسود إللي ماكثرت منه وغير الكحل إللي حددت به عيني من فوق بس وجلوس أحمر وعقب فليت شعري مافي إلا أخليه مفلول وحطيت لي عقب مارديت قذلتي على وره من جدام كلش تقريباً في بدايتها مشباص صغيرون، كان شكلي حلو كيوت على حرمه يعني عاقل، ولبست صندل هاي هيلز شوي بيضه وبعد ماخلصت تعطرت وحطيت لي بدي لوشن وسويت له تلفون

مبارك: ألو
أنا: هلا مبارك
مبارك: هلا غناتي، آمري؟؟
أنا: لا بس بغيت أسألك بتأخر؟؟
مبارك:لا أنا عند لفت بيتكم دقايق وواصل
أنا: أوكي أترياك
مبارك: لاتنزلين تحت، أنا باصعد لج فوق
أنا:ههههههههههه شله؟؟
مبارك: بس كيفي مابا حد يشوف حرمتي غيري
أنا: أنزين أنتظرك

قعدت في الحجرة متمللة خذيت ثياب النوم طويتهم ورتبت ثيابه إللي في الشنطة معفسهم رتبتهم له، وتوني مجندسة إلا مرة وحده ينغزني يخليني أصرخ من الخوف وهو مااات من الضحك شلون نقزت وقطيت إللي في يدي من الخوف

أنا:ههههههههههه سيبال واحد خرعتني
مبارك: فديــــــــت إللي تخرعوا>>يقلدني في كلمة خرعتني نفس الطريقة يابها<<
أنا: شلون أنت دخلت ماسمعتك؟
مبارك: وين تسمعيني وأنتي فاتحه كبت ومصكره الثاني وآخر شي ييتي صوب شنطتي المسكينة
أنا: شله مسكينة عشان إني باعدلها يعني؟
مبارك: يعني ههههههههه
أنا: كيفي باعدلها
مبارك: شو هالحلا بلاني زمان حلا على هضامه كمان، إللي شو فيك؟؟ يارووحي شوفيك؟؟ أنا بغرامك طاير طيران

ويعطي صفرة طويلة وقوية وأنا من قوتها حطيت يدي على إذني وصاكة عيني قرب مني

مبارك: كل ها وتقولين عنها مو حلوة وكنتي تبين ترجعينها؟؟
أنا: إيـــه مب حلوة شوف شلون مرصصه
مبارك: فظــــــــــــــــــــــــــيعه وربي فظيعه الحمدالله إللي ماخليتج تنزلين تحت عسب مايشوفنج البشاكير ويحسدونج
أنا: شدعوه!!؟
مبارك: الدعوة عامة كلها لي
أنا: يعني هاكثر حلوة البدلة؟؟
مبارك: منو قال؟؟
أنا: عيل ليش تبيني ألبسها؟؟
مبارك: عشان أنتي تحلينها والله والله وما أحلف لج جذب أنج رهيبة، أنتي الظاهر ماشفتي روحج في المنظرة كيف طالعة
أنا: مادري شفتها عادي
مبارك: هبله أنتي؟؟ والله شو أقول؟!! تعرفين وخصوصاً الألوان إللي حاطتهم فوق عينج مطلع لونها العسلي ها الحلو وهاللون إللي في شفايفج مخبلني أزيد وأزيد
أنا: بس عاد مبارك أستحي
مبارك: أستحي هههههههههه، شو تستحين؟؟! أنا ريلج، ريلج والله العظيم ريلج، ذابحتني كل كلمة والثانية تستحين، تعالي تعالي أشوف، الله شو ها الصندل الحلو ها؟؟ لا لا صراحة ما رووم مااارووم ياربي كم باتحمل أنا هالجمال إللي معذبني آااااااه ياقلبي الله يصبرني ليما تيين عندي، تعرفين عاد مافي يدي غير شي واحد
أنا: شنو؟؟
مبارك: تبين تعرفين شو هو؟؟
أنا: إيه
مبارك: متأكدة؟؟
أنا: إيه، ليش يعني؟؟
مبارك: غمضي عينج بارويج شي

أنا صدقته وغمضت إلا إللي شايلني ويلف فيني في الهوا ويضحك مستانس

أنا:آاااااااااااااه مبارك آااااااااااااه نزلني باطيح بااااااااااااااااطيح
مبارك: أصصصصصصص كيفي مابا أنزلج
أنا: يمااااااااااااااا لحقيني
مبارك: كيفي مابا، يوم أشبع بانزلج
أنا: باطيـــــــــــح باااطيـــــــح نزلني
مبارك: عادي بنطيح مع بعض
أنا: بتكسرني، يماااااااااااااا
مبارك:ههههههههههههه هههههههههههههههههههه أصصصصصص غمضي عينج بانزلج
أنا: مابي نزلني عقب باغمض عيني
مبارك: سمعي الكلام لا أفرج الحين في الهوا
أنا: لالا لالا حرام عليك باغمض باغمض بس والله أنك تنزلني
مبارك:ههههههههههههههه أنزين يلا أشوف غمضي

غمضت وهو وقف عن اللف وتقرب مني وباسني على خدي وهمس في أذني ((أحبج))
حسيت إن جسمي أنقلب إلى تنور، وويهي إللي أنقلب طماطه وأذني أحس أنها تطلع الدخان لو ينرش عليها ماي بتسمعون شي يسوي تشششششششششش
ههههههههههههه، حطني على السرير وأنا منزلة راسي من المستحى وهو قعد على ركبته مجابلني

مبارك: حبيبي أباج توعديني أنج تيبين معدل حلو، وماباج تحاتين أي شي دامي مويود، وإذا تبين أي شي أنا حاظر لج لو تطلبين عيوني ما تغلى عليج

لميته وحبيته على خده على خفيف وهو أبتسم لأنه تطور وكرم مني، قوية في حقي صراحة أني أسوي هالحركة

أنا: أبيك سالم فديتك، ومابي إلا سلامتك، وتسلم عيونك وإنشالله آييب المعدل إللي يرضي الكل إنشالله برضا الله علي ووالديني وأنت، وبفضل دعواتكم لي إنشالله الله بيسهل الأمور
مبارك: ياااااااقلبي أنا من وين أحصل لي على حرمة ثانية بنفس هالمواصفات هاي، والله لو ألف الدنيا كلها ما باحصل، لو شو؟! حتى تراب ريلج مابا تيبه يالله ياربي لاتحرمني منها>>وياشر علي<< وتقدرني على سعادتها طول ما أنا عايش معاها ولا بعيد عنها
أنا: الله يحفطك إنشالله ويخليك لنا ولا يحرمنا منك

وقمت معاه، حطيت على جتفي عبايه أم جتف (أم راس) ونزلت معاه، مارضى أنزل تحت معاه وأنا لابسه جذي يقول: "مابا حد يشوفج وأنتي جيه وها إللي على شفايفج بعد أمسحيه". وشوي إلا ابوي ياي عشان يوصله أنا أستحيت منه عشان إللي مسويته بروحي بس ماقالي شي أبتسم وخذاه، وراحوا طبعاً عقب ماسلمنا على بعض ووصاني على نفسي، كانت طيارته الساعة 2 يعني الساعة 12 هو لازم يكون متواجد في المطار فأتصل في أبوي عشان يوديه ويا له وخذه، أنا أرتحت نفسيا وحسيت بمدى حبه لي، صج إني أعرف من قبل شكثر هو يحبني بس أحين لاغير حسيت بزيادة...

وسافر مبارك وأنا اليوم إللي بعده على طول بديت دوام الجامعة أول يومين رحت الجامعة عشان أسأل الدكاترة عن مواضيع مافهمتها أو ماحظرتها، فيعيدون شرحها لي ومن عقبها أبتديت إمتحانات، بما إني كنت آخر سنة جامعة فعندي 4 مواد موزعه على أسبوعين كل أسبوع تقريباً مادتين وبجذي خلصت الإمتحانات والحمدالله حسيت إني أديت الإمتحانات بشكل جيد يعني أقل من B- ماراح أحصل في جميع المواد وبما أن GPA 2.8 فأتوقع أنه يرتفع حق 3 وطبعاً أنتظار النتايج يكون على أحر من الجمر، وفي هالفترة كنت مشغولة عن مبارك إللي يادوب يكلمني دقيقتين ونسكر عن بعض، يا أما أنا المشغولة يا أما أهوه إللي يكون مشغول، وفي الليل قبل الرقاد بس أو هو مرات يسبقني نطرش مسجات حق بعض ومن بعدها نحط راسنا ونام. أنا طبعا كنت ألهي نفسي بترتيب أغراضي في الشنط عشان أوديهم الإمارات خلاص وأخيراً باستقر في بيت ريلي، بس قلبي معورني على فرقا أهلي هني وخصوصاً خالد حياتي هالولد، ما أقدر أستغني عنه كل يوم أشوفه ألمه وأحببه وأدلعه وأعطيه إللي يبيه أنا اليوم عنده باجر محد بيسوي له إللي أنا آسويه، حبيبي والله إني بافتقد



هالحس فديته وهو يتفنن في أسمي، يالله الله كريم طبعاً أنا مابنقطع عنهم بين الفترة والثانية باكون عندهم، تقريباً جهزت ثلاث شنط شملت كل إللي أحتاجه وآبي آخذه معاي البيت هناك ومابقى غير أشيا قليلة خليتها في الكبت حق هني أستخدمهم أو ثياب ألبسهم دام إني موجودة هني في البحرين، وقبل لاتطلع النتايج بيوم مبارك كان عندي وسويت له أستقبال حار
كنت رايحه الصالون ومسوية لي مانيكر وبادي كير وتنظيف حق الوجه ومتحنية يدي للكوع وريلي لي الركب تقريباً وقاصه شعري شي بسيط منه يعني تعديل وأستشورته وطلع لي شي رهيب وخصوصاً إني كنت لابسه بدلة يديدة رهيبة تنورة بيضه فيها ورود كبار حمر ولبست توب يده شبه حفرة وعادي مسكر والدلعة بيضاوية واسعه وفوق عند الصدر تنتشر فصوص حلوة ومن ورا مسكرة بعد بس فيه ربطه على شكل X وفي نص الحرف فيونكه "><" بذي الشكل يعني راقية والصندل كعب عالي أحمر غير الميك آب الخفيف إللي كنت حاطته أحمر بعد، وأهم شي اللب جلوس الأحمر، ولبست طقم ذهب أبيض خفيف يمشي مع البدلة وعلى أستعجال كنت أتعطر وأحط لي البدي لوشن ودهن العود؛ لأن خلاص أدري أنه وصل ولازم أنزل تحت أستقبله، الوقت تأخر الساعة 10 وحتى بالمرة شريت له باقة ورد حمرا رهيب لونها، وتوني باروح صوب الباب بافتحه إلا هو في ويهي أنصدم من شكلي وأنا على طول قطيت الباقة على صوب وركضت له شلون ماري وأنا لابسه هالكعب بس إللي أعرفه قطيت روحي عليه وحظنته بقوة لدرجة إني أرتفعت عن الأرض وقلته وحشتني وحبيته على خده ..أناسه عاد لأن طبع الجلوس في خده.. وهو يضحك علي ومستانس

مبارك: فديتج حياتي أنا، وحشتيني أنتي بعد، أشوف أشوف

ووقفت له عشان يشوف كشختي ويود يدي ولفني حولين نفسي

مبارك: شو هالحلاوة والشياكه؟؟ ماشالله عيني عليج باردة، ماشالله لاقوة إلا بالله تبارك الله، والله أنج يوم عن يوم تحلوين في نظري أكثر حتى بدون إللي أنتي تسوينه هاذا
أنا: والله ماعرف شاسوي عشان تستانس قلنا نغير عاد في الوك حقنا
مبارك: فديتج حياتي، والله أنا دوم مستانس وياج، ربي لا يحرمني منج
أنا: ولا منك ، إيه لحظة
مبارك: شو؟؟؟
أنا: تفضل حياتي

عطيته الباقة وباسيته على خده اليمين واليسار

أنا: الحمدالله على السلامة نورت لبلاد بوجودك..و أظلمت لي عدت مب فيها..و الليالي بشعت خدودك..تسفر وينزاح داجيها
مبارك: منوره بوجود أهلها، لولوة حياتي والله تخبلين
أنا: أنزين أدري إني حلوة
مبارك: لا والله؟!
أنا: إي والله هههههههه

وسحبني من يدي وقعد هو على السرير وقعدني في حظنه

مبارك: يعني أنتي شو ناويه تسوين فيني؟؟ تخبلين بي؟؟
أنا: لا والعياذ بالله، ناويه أيننك شوي، وأطير عقلك شويتين ههههههههههه
مبارك:هههههههههههه والعياذ بالله بعد أونه ههههههههههههههه
أنا: ها عيل؟!! في فرق بين إللي أنت قلته وإللي أنا أقوله
مبارك: ههههههههههههه أنزين أنتي لميتي كل أغراضج صح؟؟
أنا: إيه حطيت شناطي تحت في الميلس
مبارك: بس زين
أنا: شنو إللي زين ترا باجر النتايج
مبارك: أدري من جي أسأل المهم متى تطلع؟؟
أنا: الصبح بإذن الله
مبارك: وااااايد زين
أنا: كأن عندك شي تبي تقوله أو تسويه؟؟
مبارك: لا عندي شي ولا أبا أقول شي، سلامتج أبد تعبااااااان صار لي من متى مانمت عدل
أنا: وأنا إللي بترقدك عدل!؟!!
مبارك: هيه أكيد طبعاً

وقعدنا نسولف لين صارت الساعة 12، كلاً بدل ثيابه وحطينا راسنا ورقدنا ومن الصبح أنا قاعدة أنتظر النتيجة والحمدالله أن مبارك قعد عقبي بدقايق لأنه يعرف إني أحاتي ولايمكن تغفي عيني عدل وأنا وراي نتايج، وصارت اللحظة الحاسمة أنه خلاص بتعلن النتايج وأنا مجابلة الكمبيوتر على أعصابي أخاف يطلع لي شي أنا مابيه ومو متوقعته أصلاً وطول الوقت وأنا أفتح الصفحات وأنا قلبي في يدي أدعي ربي

مبارك: لولوة شو فيج؟؟ ماترزا علينا هالنتايج عسب هالرجفة إللي فيج
أنا: أففف أسكت أحس أن قلبي في يدي من الخوف شلون ماتبيني أتراعد
مبارك: خفي على روحج شويه
أنا: أنزين

وشوي إلا أصرخ بيبابه إللي عمرها ماطلعت مني بس اليوم طلعت غصب زور من الفرحة كلللللللللللللللللللللوووووووووووووووووووووش، مبارك مات مات من الضحك علي وأنا أضحك على إللي سويته

مبارك: غربلات إبليسج هههههههههه قولي لي كم يايبه على هاليبابه؟؟
أنا: أحم أحم حرم السيد مبارك بن محمد بن سيف وأنت أكمل البقيه هههه
مبارك:هههههههههههه بعدين باكملها يوم أسمع المعدل
أنا: أحم وبكل فخر لولوة بنت أمها وأبوها وزوجة ريلها العزيز يابته المعدل 3 from 4 طبعاً
مبارك: حلفي!! قولي والله!!!!
أنا: والله، إذا مو مصدقني هاذي الصفحة جدامك وشوف

وشافها وتأكد من كل درجاتي

أنا: ها شطلع معاك؟؟
مبارك: هيه والله يبتيها يا حرم السد مبارك بن محمد بن سيف الـ......
أنا: أحم عشان تعرف إللي ماخذها مب شويه، قوم شوي عني باروح حق ماما بابشرها وباقول حق بابا، الله أناسه
مبارك: ههههههه ههههههههه هههههه أنزين أصبري باسير معاج
أنا: يلا بسرررعة

ونزلت تحت حق أمي وبشرتها وحبتني وباركت لي وكذلك أبوي أتصلت فيه وبارك لي غير يدتي إللي أتصلت فيها وباركت لي وطبعاً أنا مايحتاي أخبر بقية العايلة لأن يدتي هي الكفيلة بذلك خخخخخخخخخ
ورجعت أنا ومبارك فوق، مبارك ماقال لي شي بس يوم دخلنا الحجرة سكر الباب من وراه وطالعني
أنا: هههههههههه شفيك تطالعني جذي؟؟ كنت شاك بقدراتي يعني؟ ولا مب عاجبتك النتيجة ؟؟
مبارك: أفا عليج، أنا أشك فيج أنتي؟!! مستحيــــــل، وبعدين شو فيها نتيجتج؟؟ بالعكس مرضية ومفرحتنا كلنا والحمدالله ماخيبتي ظن حد فينا

ويا صوبي حبني في خدي

مبارك: مبروك حياتي وهديتج تنتظرج هناك في بيتنا
أنا: شنو؟؟
مبارك: إنشالله بكره بننزل وبتشوفينها بروحج
انا: إنشالله بإذن الله
مبارك: لولوة شو فيج؟؟ تبا تقولين شي صح؟؟
أنا: أممممم إيه تقدر تقول
مبارك: شو هو تكلمي فديتج لاتستحيــــــــــــــــــــــــــــــــــــن للمرة الألف أقولها لج
أنا: مباااااااااااراااااااااك
مبارك: عونه وعيونه جان تبينهم بعد، بس أنتي تكلمي
أنا: إذا إذا يعني تقدر أنا أقول إذا
مبارك: لولوة إذا شو تكلمي عااد
أنا: يعني إذا تقدر قبل لا ننزل الإمارات آبي أروح العمرة وياك، على الأقل نبي نبتدي حياة والنفس مرتاحة والقلوب صافية
مبارك: بس ها الشي؟؟
أنا: إيه
مبارك: أنا بسألج أنتي تخافين مني؟؟
أنا: لا ليش؟؟
مبارك: أحين من مساعة إذا و إذا عشان تبين تسيرين العمرة؟؟
أنا: إيه بس والله مب عارفة كيف أقولها مستحية منك

رفع راسي

مبارك: والله أنه كان هالشي على بالي وأنا إللي بقترحه عليج، بس ماتصورت أنج بتقرين أفكاري بهالسرعة وبطلبين مني هالشي قبلي
أنا: لا أتوقع مني أي شي
مبارك: أي شي؟؟
أنا: إيه أي شي ليش يعني؟؟؟؟؟؟
مبارك: يلا عيل خليني أصدقج
أنا: شلون يعني؟!
مبارك: مو أنتي تقولين أتوقع منج أي شي؟؟
أنا: إيه
مبارك: بس يلا خليني أتوقع شي أباه منج ممكن؟؟
أنا: إللي هو؟؟

أشر لي على خده، وشبك لي يده تدل على الرجاء، ضحكت وحبيته على خده

مبارك: واااااااااااا فديتج أناااااا، والله إني أحبج والله وربي ماجذب عليج
أنا: ومن قال أنك جذاب؟؟
مبارك: أنا أقول
أنا:ههههههههههههههه أنزين شوف مو أنا كان عندي لك ثياب؟؟
مبارك: أنزين
أنا: أنا حطيت ثيابي وثيابك في شنطة كلها ثلاثة أيام نعتمر ونرجع شرايك
مبارك: والله فكرة حلوة بس اليوم لا طبعاً لأن أنا عازمنج بمناسبة نجاحج
أنا: شكراً حبيبي ماتقصر
مبارك: أنزين يلا أتجهزي
أنا: من الحين بطلعني؟؟
مبارك: هيه شو فيها يعني؟ عادي نطلع نتغدى ندخل سينما عقب نتمشى ونتسوق وبعدين نسير لنا جي مطعم راقي نتعشى، ها شو قلتي؟؟
آنا: على كيفك، بس آحين شقلت عن العمرة؟؟
مبارك: أنتي متى تبين؟؟
أنا: تبي الصراحة؟؟ آبيها تكون مفاجأه حق أهلي وأهلك، أنا على أساس مسافرة عندكم وأنت على الأساس عندنا وأحنا الإثنين في مكة
مبارك:ههههههههههههههه والله أنج مب سهله
أنا: عيل شلون عيل؟!! بس خلنا نحجز حق باجر عشان من مكة ناخذ ترانزيت البحرين ناخذ بقية أغراضنا وأحنا نازلين الإمارات، ها شقلت؟؟
مبارك: شورج وهداية الله توكلنا على الله

وفعلاً نفس ماقال مبارك رحنا السيف حق الغدى والسينما، طلعنا نتمشى في الشوراع بالسيارة ودخلنا الدانة كان يبي بعض الأشيا إللي ناقصته للسفرة وردينا رحنا مجمع البحرين نتمشى وأخذ لي جمن بدلة زيادة على إللي عندي وحق العشى رحنا فدركرز
مارجعنا البيت إلا على الساعة 11 إلا شي، وهو رتب موضوع السفر على الساعة 2 تطير الطيارة يعني الساعة 12 أحنا في المطار وعلى طول بس وصلت الحجرة وبدلت حطيت راسي ورقدت من التعب، لأني مارقدت عدل في الليل من المحاتاه وقعدت من الصبح أشوف النتيجة. اليوم الثاني طبعاً أنا وياه رحنا نخلص جمن غرض ناقصني أنا من الجمعية ورجعنا البيت وعلى الظهر خلاص مشينا من بعد ماسلمنا على الكل توجهنا للمطار، وهاذي المرة أمي إللي ودتنا لأن أبوي كان وايد مشغول، ويوم خلاص نادوا على رقم رحلتنا لميتها وحبيت راسها ومشيت عنها. طبعاً ما يحتاي أقول لكم شنو الشعور إللي ينتابكم لين توصلون هالمكان، أنا صادتني قشعريرة ومن عقبها هلت دموعي، مادري بس حسيت أنا شكثر قريبة من رب العالمين، وقضينا هالأيام في أحلى مكان وأطهر مكان أقدر أحس فيه بالراحة، طبعاً كل الوقت قضيناه في الصلاة والروحة والرجعه من وإلى الحرم وتعالوا حق طواف الوداع قلبي عووورنـــــــــــــــي تميت أصيـــــــــح مابي أطلع من هالمكان، أحس أن قلبي خلاص تعلق في هالمكان والحمدالله الحمدالله أحس أن في شي في داخلي أرتاح و من بعدها خلاص رجعنا البحرين. الأهل أستقبلونا في المطار على بالهم أن رحنا الإمارات ورجعنا طبعاً أنا من فرحتي إني رحت العمرة قلت حق أهلي لا إيوون المطار كلهم بس أبوي لأن إذا ياو لي المطار أنا راح أصيح من فرحتي، بس وصلنا البيت لميت أمي وتميت أصيح كأن أحد ميت لي_بعيد الشر بعيد الشر_وهي تخرعت زاغ قلبها علي، على بالها صار فينا شي أو حد ياه شي ومبارك واقف يمي مايقدر يسوي شي لأني في حظن أمي، وهو أصلاً بروحه مستغرب من تصرفي، ليش إني لميت أمي وتميت أصيح في حظنها، مب عارف شالسبب!!

أمي: أشفيج؟؟ شفيكم؟؟ شصاير؟؟

ألتفت حق مبارك

أمي: مبارك شفيها؟؟
مبارك: مادري عمتي شو بلاها مرة وحده الحينه
أمي: لولوة أشفيج ليش رديتي بسرعة؟؟ في شي؟؟ مو مرتاحة أنتي من شي؟؟

أنا هزيت راسي طبعاً بالنفي مع مشاهق الصياح أن مافيني شي، بس أنا من زود فرحتي إني رحت بيت الله وقلبي معورني على فراقها ولأني شفت أمي فطلعت الحرة كلها الحين وأبوي يشوفني وهو يهز راسه ويضحك علي بس على خفيف

أمي: عيل ليش تصيحين؟؟

ما كان عندي جواب غير أمسح ويهي وأرجع مره ثانية أصيح على صدرها، أمي أحتارت في أمري، خذتني معاها غرفتها

أمي: قولي لي شبينكم ؟؟ ليش رديتي؟؟ صاير من بينكم شي؟؟
أنا: ل لا>>وأهز راسي بالنفي>>
أمي: عيل ليش تصيحين؟ أحد فيه شي؟؟
أنا:ل لا >>وأهز راسي بالنفي كذلك>>
أمي: فهميني أنزين شصاير!!؟
أنا: يمه أنا رحت العمرة

وأطلق العنان من يده ويديد، أمي تعابير ويها فرحة على دهشة، فرحة لأن رحنا العمرة ودهشة على المناحة إللي أنا مسويتها

أمي: الحمدالله، الحمدالله يا بنتي عمرة مقبولة إنشالله، أنزين أحين ليش تصيحين؟؟
أنا: >>قمت اصيح على اضحك>> لأن فرحانة إني رحت، و وعورني قلبي على فرقاها ومستانسة إني شفتج الحين
أمي:هههههههههه الله يغربل إبليسج قومي أنزين غسلي ويهج خل ننزل حق ريلج
أنا: أنزين بس أحنا بناخذ أغراضنا والساعة 7 العشا تطير طيارتنا بوظبي يعني باقي لنا خمس ساعات بنرتاح شوي وبنروح بس لأن أغراضنا هني فبناخذهم
أمي: أنزين معلي أنتي تمي هني فوق لاتعبين روحج، وأنا بانزل باقول حق ريلج إييج
أنا: مشكورة يمه

وحبيتها على راسها، ونزلت تحت تنادي مبارك وياها، وعقب دقايق صعد لي مبارك ودخل الحجرة، أنا كنت قاعدة على السرير وماعطة ظهري الباب ومنزلة راسي أفرك عيني مثل اليهال بيدي وياني على طول جدام ويهي، أنا تخرعت لأن حتى حس الباب ماسمعته مره وحده حسيت بأحد جدامي فتحت إلا مبارك جدامي على طول تخرع أول ماشافني

مبارك: لولوة!! شو ها عيونج متنفخه؟؟ شو تعورج؟؟ شي ياج فيها؟؟
أنا: لالا بس كنت أفركها من جذي تنفخت
مبارك: والله أنج ياهل، جيه ماشي ماي تغسلين عينج به؟؟
أنا: لا أنزين
مبارك: شو إللي لا؟؟! بلاج أنتي
أنا:>>بصوت متحشرج مال الصياح<< مبارك والله العظيم تعبانة ومالي خلق شي خلني أريح وبعدين باسوي إللي تبيه أنزين
مبارك: لولوة حبيبتي، أنا مابيج تسوين لي شي تراني خايف عليج، خايف يستوي بعينج شي وجانج تعبانة ريحي فديتج، أدري بج من أمس مانمتي عدل

أستحيت من أسلوبي معاه، ماكان في داعي حق هالتنرفز والله أن ماعندي سالفة متسببة وأحط حرتي في خلق الله، ماكثر خبر قام هو الثاني يتغسل بيصلي العصر وعقب بينبطح لأن ماباقي شي عن أذان المغرب، يعني بنصلي وبنمشي في دربنا المطار، أنا خلصت صلاة العصر عقب ماتركتني أمي فوق فأنبطحت باريح ظهري، كان يعورني وعقب ماخلص صلاته أنبطح يمي وأنا كأني ياهل متلحفة بالكامل بس مطلعة ويهي من جدام ومغمظة عيني وهو على باله أنا نايمة خلاص، فعطاني ظهره بينام فهزيته على خفيف من جتفه بسرعة أنقلب صوبي

مبارك: ها لولوة فيج شي؟

نزلت راسي مفتشلة منه، شلون هو خايف علي وأنا مساعة أتنرفز عليه وهزيت راسي بالنفي

أنا: لا بس بغيت أقولك آسفة على أسلوبي السخيف ما كان قصدي سامحني والله
مبارك: لا فديتج كل شي منج حلو، إذا ما تحملت منج أنتي عيل من منو أنا باتحمل؟؟
أنا: فديتك حياتي، يلا عيل أرتاح لك شوي أنت تعبان من متى مارقدت كله وياي
مبارك: شو أسوي أحبج
أنا: عيب مايقولون جذي
مبارك: عيل شيقولون؟؟<<بلهجة أهل البحرين خخخ
أنا: ههههههههه يقولون يلا رقدي
مبارك:هههههههههههههههه حلفي
أنا:هههههههههههههه إيه يلا أرقد
مبارك: أنزين يلا رقدي حياتي

وطالعني ومسح على شعري لين ماغمضت عيني و رحت في سابع نومه، ماحسيت بروحي إلا مع أذان المغرب وهو كان قاعد قبلي، يعني على ماتغسل وأبدل وأصلي خلاص مافي وقت يادوب الحق ألبس عباتي؛ لأني أعرف المفروض الحين نمشي في دربنا حق المطار عشان أنلحق وتوني ألم شعري إلا مبارك دخل الغرفة

مبارك: ها فديتج إشالله مرتاحة؟؟
أنا: الحمدالله وأنت؟؟
مبارك: الحمدالله بس أنتي يلا هبابج تزهبين عسب نسير المطار
أنا: بارزة بس باربط شعري وبانزل وياك تحت
مبارك: يلا أنا أنتظرج

وعليا وقف لي على ما أربط شعري وألبس شيلتي وأصكر عباتي، صكيت كل شي ونزلت عقب ماعدلت السرير طبعاً

أمي: ها يمه بتمشون الحين؟؟
أنا: إيه يمه مافي وقت

ورحت صوبها وحبيتها على راسها وخدها

أمي: من بيوصلكم؟؟
مبارك: عمي، مكلمنه أنا من شوي وقالي هو عند الباب
أمي: بالسلامة إنشالله، تحملوا بروحكم، ومبارك عاد هالله هالله في بنتي ماوصيك عليها
مبارك: أفا عليج يا عمتي لا توصين حريص، في عيوني هي بس تامر وتدلل وأنا حاضر
أمي: مايامر عليك عدو يا يمه، الله يخليلكم لبعض ويسعدكم إنشالله ويرزقكم بالذرية الصالحة إنشالله
مبارك: إنشالله

أستحيت منهم إثنيناتهم وأبوي يانا خذانا في السيارة الكبيرة عشان تشيلنا وتشيل أغراضنا أنا شنطتين مالت البحرين ومبارك شنطة متوسطة إللي كان ياي فيها وغير شنطتي بعد أنا المتوسطة إللي رحت فيها العمرة

أبوي: أحين آنه أبي أعرف شله هالكثر شنطات؟؟!
أنا: بابا الثنتين إللي شوي كبار هاذي فيها ثيابي مال هناك والثنتين المتوسطتين فيها أغراضنا
أبوي: والله ماعندكم سالفة بيأخرونكم على سالفة هالوزن إللي عندكم
مبارك: مو مشكلة عمي ترا ها كل أغراضها مرة وحدة عسب ماترجع مرة ثانية
أبوي: والله كيفكم

حرني شله مارجع مرة ثانية إلا بارجع وبارجع بعد، يمنعني من ييتي لأهلي ماقدر خخخخخخخخخ دام خالوا عفرا وعمي محمد موجودين محد يقدر يزلعني أحم أحم الله يخليهم لي، ركبنا الطيارة ووصلنا الإمارات على الساعة تسع إلا شي وكانت خالوا عفرا وعمي محمد ينتظرونا في المطار وأول ماطلعت لهم خالوا عفرا يات لمتني تسلم علي

خالوا عفرا: فديت هالويه يا ربي الحمدالله على السلامة، شحالج أميه عساج بخير؟
أنا: الله يسلمج إنشالله من كل شر، الحمدالله أنا بخير، أنتي شلونج عساج بخير؟
خالوا عفرا: الحمدالله غناتي بخير وسهاله

رحت وسلمت على عمي محمد وحبيته على راسه

أنا: شلونك عمي عساك بخير؟؟
عمي: الحمدالله بخير أنتي شحالج وشحال هلج عساهم بخير؟؟
أنا: الحمدالله بخير ونعمة

ومن بعد السلامات مشينا، ونورة تنتظرنا على نار في البيت لأنهم مارضوا إيبونها وياهم عشان السيارة تشيل الأغراض، ويوم وصلنا فديتها نواار عيني ماقصرت مدخنه البيت ومرتبة الطاولة، ماتم سويت وموالح ماحطتهم وغير أنهم طالبين عشى من برع، بس بطلنا الباب إلا صوت اليباب شال البيت شيل على وصولي لهم، ومو بس نورة إللي كانت تيبب لا حتى فطيم وعايشه، لأن يوم مشوا عمي وخالوا عفرا نورة أتصلت بهم و ياوا لها بما أنهم متفقات على ذي الشي متفقات وعيالهم وياهم بس قاعدين في حجرة الألعاب يلعبون، والله كان أناسه ذاك اليوم على الضحك والسوالف يمكن رقدنا الساعة 1 ونص إذا مب أزيد حتى فطيم وعايشه وعيالهم باتوا في بيت عمي ويانا لأن غرفهم محد يستخدمها ونظيفة فكل وحده مع عيالها بس بعد أذن أزواجهم. اليوم الثاني كل واحد قاعد متنعوش وخصوصاً إللي تعلم القعدة من وقت حق صلاة الفير فأول الناس أنا ومبارك نزلنا تحت أنشوف شنو الريوق وخربطنا وسوينا لهم، وشوي إلا هيلة اليهال لأن الساعة صارت 6 فكلهم أنزلوا مع عيالهم والله أناسه على الريوق وضحك ونورة نزلت بعد من وقت على الساعة 6 ونص من الأناسة، وعمي وخالوا عفرا فرحانين بيمعتنا _الله يدوم علينا هالنعمة_ وطول اليوم كنا في البيت ويا اليهال، على الغدى كذلك اليمعة على الطاولة حتى العصر محد راح يرقد متيمعن نشرب الشاي والسويت إللي مسوينة ومن عقبها رحت ألعب مع اليهال، إلا شوي إلا كلهم متيمعين وياي نلعب مونيبولي وبعد ضحك وغش في اللعبة لعبنا بته (ورق_على قولة المصاروه كوتشينة) ياااا ويصير الغش على أصوله أنا ومبارك فريق، وعايشه وفطيم فريق، وعمي محمد وخالوا عفرا فريق، واليهال المشجعين لنا، طبعاً أنا ومبارك الفايزين وعمي ماعجبه الحال وغلبنا بجمن نقطة وعايشه وفطيم رجعوا يهال وهواش من بيناتهم أنتي ماتعرفين تلعبين وأنتي ماتعرفين تلعبين، وأحنا بس نضحك والله ماحسيت إلا أني مابين خواتي أنااااااااسه كان، عقب أذن العشا وراح كلاً من عمي محمد ومبارك المسيد، وأحنا واصلنا لعب وإللي تغير أن خالوا عفرا صارت وياي، وفطيم وعواشه مع بعض ماتغيروا بس بعد أنا وخالوا غلبناهم وضحكنا عليهم، من بعدها رحنا نصلي، بعد الصلاة تيمعنا مرة ثانية في الصالة وأنا قعدت يم مبارك وهمست له في أذنه

أنا: مبارك قولهم أن رحنا العمرة
مبارك: مب أحينه بعدين
أنا: لا مبارك أحين دام كلهم موجودين
مبارك: لازم يعني؟؟!
أنا: إيه يلا

والكل يطالعنا ويضحك على ملامح ويهي كأنه ياهل تبي شي من أبوها وهو يسكتها

عمي محمد: بلاج بنتيه تبين شي؟؟
أستحيت منه ورديت عليه:لا عمي ماتقصر بس كنت أكلم مبارك في شي

ونغزت مبارك عشان يتكلم وهو يضحك علي ويطالعني بطرف عينه

خالوا عفرا: قولي أميه لاتستحين تراج حسبت بنتي شراتهم
أنا: لا خالوا مابي شي إلا سلامتج

ونغزته مره ثانية ويالله تكلم وهو يضحك علي

مبارك: أسمعوا لولوة تبا تقوووول

وكلهم وجهوا الأنظار علي على بالهم أن في شي، أحرجوني ونزلت راسي ومبارك واصل كلامه من بعد ماشاف نظرتهم لي

مبارك: شو بلاكم على حرمتيه؟ تراها تبا تقولكم الشي إللي أنا ماقلتلكم أياه من وصلنا
خالوا عفرا: شو فديتكم؟؟ بشروا!!
مبارك: لا أميه مب إللي في بالج شي ثاني

خخخخخخخخخ خيب أملهم بس واصل وهو فيه الضحكة

مبارك: ترانا نحن الكمن يوم إللي تأخرنا فيهم سرنا العمرة

وكل الأنظار توجهت لنا و فرحوا عشانا وخصوصاً نورة لأنها تعرف باللي صار لي ذيك المرة وكل شي لأن مبارك يقولها ويستشيرها

فطيم: والله!! عمرة مقبولة إنشالله
عايشه: عمرة مقبولة والله يعطيكم وتروحون الحج إنشالله
أنا+مبارك: إنشالله

طبعا خالوا عفرا وعمي محمد مستانسين لنا، لأني أنا بروحي كنت شاقة الحلج مستانسة

عمي محمد+خالوا عفرا: الحمدالله، عمرة مقبولة والله يجعل أيامكم فرح وسعادة
أنا+مبارك: اللهم آمين

تعشينا مع بعض وتمينا تحت وعقب كل وحدة يالها ريلها، قعدوا معانا شوي وعقب راحوا ويا عيالهم، والله كان يوم ماينسى على الحشره إللي سببناها والصراخ في اللعب وصينية الشاي والموالح إللي حطيناها على الأرض يمنا كان شي....

أنا: نورة بعدين آبيج شوي
مبارك: أونه من بينكم أسرار؟!!!
نورة: أففففف ياربي أنا أبا أعرف لولوة قالت تبا نورة أنت شو إللي يقهرك؟؟ يعني ليش أنها ماطلبتك مثلاً؟؟
مبارك: لاشو ماعندي سالفة أنقهر عسبتج أنتي؟؟ جيه ماعندي عقل؟؟!! أبويه أنا أعرف لولويتي بتخبرني عقب صح؟؟
نورة: لولوة بتخبرينه؟؟
أنا: مادري أحتمال وارد
مبارك:هههههههههههههه لا والله؟!!؟
تكلمت بجد عشان يصدق: إيه صج، لأني آبيها في شي يخصني وياها، يعني بإختصار أمور نسوان
مبارك: خلاص على راحتكم، أنزين الوقت تأخر خلينا نسير فوق الساعة الحينه 11
أنا: يلا أنزين، يلا نوار فديتج

وركبنا كلنا فوق ورحت أنا ونورة حجرتها ومبارك جدم على قسمنا

نورة:ها شوفيج؟؟ والله زوغتيني يوم تكلمتي مع مبارك جد، شكل السالفة مهمه
أنا: إيه، أنتي شفيج لو آبي أقول جان قلت له أهوه مو أنتي
نورة: هههههههههه أنزين يلا قولي
أنا: آبي آروح باجر الصالون تقدرين؟؟
نورة: أكيد فديتج أنا روحي قلت باجر باسير وقلت باخذ أمايه معايه لأنها مابترضى أسير روحي
أنا: بس عيل خلاص أنا باخذ فلوس من عند مبارك قبل لا يطلع حق الشغل باجر وبنروح، أوكي؟؟
نورة: خلاص باجر إنشالله، بس الساعة كم بنسير؟؟
أنا: على الساعة تسع
نورة: أمممممممم مو كأنه من وقت؟؟
أنا: لا مو من وقت أنتي بس قومي من وقت، لأني مابي أتأخر وايد أعرف إني باخذ وقت
نورة: جيه أنتي شو بسوين؟
أنا: نوروه مو جنج تسألين وايد؟
نورة: هههههههههه سوري
أنا: هههههههههههه لا فديتج أتغشمر معاج، الله يسلمج أنا بجفف شعري وآبي أتحنا حناي راح
نورة: أنزين أنتي جففيه روحج، ماشالله عليج أحلى عن تجفيف الصالونات
أنا: مالي خلق، باسويه هناك ولا تخافين باريقج
نورة:فديت حرمة أخويه أنا
أنا: ههههههه أوكي عيل، يلا الحين تصبحين على خير
نورة: وأنتي من أهله

ورحت عنها قسمي كان مبارك يطالع التلفزيون، جندست له بحيث نزلت راسي في ويهه صار ويهي بالمقلوب في ويهه

أنا: شتشوف؟؟
مبارك:هههههههههههههههههههه ههههههههههههههههه أشوف ويه حلو بالمجلوب
أنا:ههههههههههههههههههه

وعدلت روحي ورحت يمه

أنا: لا صج شتابع؟؟
مبارك: ماشي إلا أغير القنوات أشوف شو حاطين
أنا: أها
مبارك: ها شو خلص أجتماع القمة العربية؟؟
أنا: إيه
مبارك: يعني الحين بتقولين لي وإلا لا؟؟
أنا: أمممممممم بعدين، بس أحين ممكن أطلب منك طلب ؟؟
مبارك: أكيد فديتج أنتي تامرين أمر
أنا: مبارك آبي فلوس<<قلتها بسرعة لأني مستحية منه
مبارك:ههههههههه بس؟؟
أنا: إيه
مبارك: أنزين كم تبين؟؟
أنا: مادري
مبارك: شو إللي ماتدرين ليش أنتي وين بتسيرين؟؟
أنا: هااا لا بس خلص مابي مابي
مبارك: لولوة شو فيج جيه باكلج أنا؟؟ كم تبين ماتدرين وين بتسيرين قلت خلاص ماتبين؟؟ شو السالفة؟؟ خبريني عسب أعرف كم أعطيج
أنا: لا سالفة ولاشي بس خلاص كنت باروح مكان
مبارك: خلاص خلاص أبويه تعالي، شو فيج سرتي بعيد؟؟ والله ما أعظ.
أنا: هههههههههههههه ضحكتني يقول مايعظ نسينا إللي كلينا

ورحت صوبه وحطيت يداتي على ظهر الكرسي وصرت ورا ظهره

مبارك:ههههههههههههههه أنزين أحين قولي الصج
أنا: شنو؟؟
مبارك: كم تبين؟؟
أنا: مادري جم تقدر تعطيني؟؟
مبارك: لو أقدر أعطيج روحي بعطيج فديتج

ولف ويهه صوبي يبتسم

أنا: فديتك ماتقصر واايد علي، المهم آبي جان تقدر خمسمية درهم إذا أمكن يعني
مبارك:ههههههههههههههه أنزين بعد ليش تقولينها وأنتي مستحية؟؟
أنا: لا عادي
مبارك: ههههههههههههه ههههههههه أنزين سيري داخل في جيب كندورتي أفتحي بوكي وخذي إللي تبينه
أنا: فديتك غناتي يعلك سالم

ورحت مثل ماقالي فتحت البوك إلا حاط صورتي إللي خذها من على التسريحة، كنت أيامها في الإعدادي وعجبته وحطها في بوكه، أنا خذت الفلوس ورحت له

أنا: مباارااك؟؟
مبارك: نااعاام؟؟
أنا: هههههه شله حاط صورتي في بوكك؟؟
مبارك: والله كيفي حرمتي وكيفي
أنا: ههههههههههههههههه الحمدالله والشكر مال متخرعين
مبارك: هيه عندج مانع الشيخة
أنا: الشيخ من قال، لا فديتك كيفك سو إللي تبيه بس يعني ليش هالصورة بالذات؟!!
مبارك: بس جي عايبتني أحسج كنتي نعومة كلج رقة ونعومة بريـــــــــئة بنوته
أنا: لا والله؟!؟؟ والحين شنو يعني صرت كريهه ودفشه ومجرمة وخشنه؟؟!!
مبارك:هههههههههههههه هههههههههههه والله مادري، شو رايج أنتي؟؟؟
أنا: والله فديتني لو تحوط وتلف هالدنيا كلها مابتلقى حرمه لك تسوى تراب ريلي حتى
مبارك: فديت هالثقة ياربي والله أحبج
أنا: أدري شي يديد يعني؟!! قديمة قول غيرها هههههههههههههههههههه
مبارك: الظاهر تبين عظة مني
أنا: هههههههههههههههه ههههههههههههه لا مابي شي سلامت روحك
مبارك:الله يسلمج من كل شر
أنا: أنزين آبي أقولك
مبارك: قولي فديتج
أنا: ترا أنا ونورة باجر بنطلع
مبارك: متى؟؟
أنا: باجر الصبح على الساعة 9 جذي زايد قاصر بنطلع، باقضي جمن شغلة ويا بعض
مبارك: ماتبيني أوصلكم
أنا: لا فديتك أستريح بنروح بروحنا
مبارك: براحتج
أنا: أنا بارقد، أنت مابترقد الحين؟؟
مبارك: لا سيري فديتج برايج أنا باقعد، شي برنامج يحطونه على هالقناة بس يخلص برقد
أنا: بس عيل بقعد أشوفه معاك
مبارك: حياج

طبعاً كل المعتاد حطيت راسي على حظنه وأنقلبت مشاهدة التلفزيون وأنا أطالع رقدت وهو يدري إني رقدت فما حب يزعجني، بهدوووء قام من مكانه حط تحت راسي مخده وفتح لي الكرسي _لأن الكرسي ينفتح ويصير سرير_ ولحفني باللحاف وهو راح يرقد، مازعلت منه لأن أعرف إن إذا قعدني ماراح أنام بعدين، راح أواصل وخصوصاً أن نومي صعب كفاية أن بطلعة الروح أنام من بعد صلاة الفجر، فتركني ومشى وأنا يوم فتحت عيوني كانت الساعة 8 و عشر يعني يلا أتجهز وأطل على نورة ونمشي وما أنسى آخذ لها شي تاكله، جهزت على الساعة 8 و 40 رحت طليت عليها، لبسنا عبينا ونزلنا تحت ويا بعض و عفتني من سالفة الريوق لأنها تريقت. مشينا الساعة 9 بالضبط ورحنا الصالون على طووول وبما أن نورة زبونة شبه دائمة عندهم فجدمونا على الموجودين وقالت لهم نورة إني آبي أتحنا بس شي يكون راقي وعلى مستوى لأني عروس يديدة ويستشورون شعري وهي تبي بس يتشورون شعرها فوحدة منهم يات خذتني حق قسم الحنا وكانت موجودة كذا حناية ونورة تعرفهم فقالت حق ثنتين يشتغلون علي على ماتستشور شعرها وبدوا أول شي في يديني من جدام وبعد ماخلصوا أبتدوا في ريلي على مايجف حناي بس خلصوا من ريلي ردوا حق يدي يحنونها من ورا، ما كان أي كلام كان جداً راقي ودقيق ومرتب الخطوط مرتبة ومتناسقة تدل على الفن الراقي عند هالحنايات خلصت، نطرت شوي على مايجف الحنا طبعاً بمساعدة الدفايات إللي تشتغل على ريلي ويديني ومن بعدها قالوا لي لا قعدي في مكانج بتييج وحدة تسوي لج شعرج و ياتني سوت شعري وخلصت تقريباً على الساعة 12 إلا شي ونورة واايد أستانست على حناي وفي السيارة

أنا: نورة فديتج بطلي شنطتي طلعي تلفوني
نورة: إنشالله

وطلعته لي كان في 12 مس كوول من مبارك وغير 4 مس كوول من تلفون غرفتنا 2 مس كوول من شغله أنا خفت قلت أكيد صاير شي

أنا: نورو الله يخليج بسرعة أتصلي في أخوج وعطيني إياه
نورة: شو فيج؟؟لشو؟؟
أنا: ثمنتعش مس كوول يايني منه من تلفونه ومن حجرته غير الشغل، أتصلي فيه الله يخليج قلبي يعورني خايفه يكون صاير شي
نورة: لولوااا تعوذي من إبليس، مافيه إلا العافية أحين باتصل له

وتتصل نورة في مبارك وأنا على أعصابي

مبارك: ألووو
نورة: هلا مبارك
مبارك: هلا نورة، خير شو فيج؟؟
نورة: لا ماشي بس لولوة معايه وخايفه أن مستوي بك شي، قالت لي أتصل بك أتطمن
مبارك: عطيني إياها

وحطت السماعة على أذني
أنا: ألوو؟!<<وصوتي كله خوف
مبارك: هلا حياتي
أنا: هلا
مبارك: لولوة شو فيج؟؟ لشو صوتج جذه؟؟
أنا: مبارك أنت مافيك شي؟؟
مبارك: لا
أنا: حلف
مبارك: لولوة والله ماشي فيني، شو بلاج جي خايفه؟!؟
أنا: مباراااك
مبارك: نعم؟؟ شو فيج أسمعج أنا
أنا: قول والله العظيم أن مافيك شي
مبارك: والله العظيم أن ماشي مستوي فيه
أنا: عيل شفيك متصل 18 مرة فيني؟ من تلفونك ومن حجرتنا والشغل!!؟
مبارك: هههههههههههههه بلاج جي أنتي؟؟ أنا كنت مشتاااااااااااق لج
أنا: مبااااااااارك والله خرعتني عبالي فيك شي
مبارك: أحين يعني ها شو؟؟ يعني مو شي؟؟
أنا: ههههههههههههههه لا بس شفتك متصل من حجرتنا تخرعت زيادة، بس لا قولي الصج شفيك كنت تبي شي؟؟
مبارك: أدري أنج ماتقدرين تتكمين عدل لأن نورو هالخسفه يمبج
أنا: حرام عليك
مبارك: هههههههه أنزين أنا بس حبيت أخبرج أني باسير دبي اليوم لأن عندي شغل وباجر على العصر أو المغرب برجع
أنا: أها، أوكي فديتك بالسلامة إنشالله
مبارك: الله يسلمج من كل شر


أنا: أنزين متى بتمشي
مبارك: من شوي أنا طالع من البيت يعني يبالي وقت على ما أوصل هناك
أنا: الله يحفظك من كل شر
مبارك: وياج ياعمري
أنا: أوكي أبوي يلا مع السلامة
مبارك: مع السلامة حبي

وصكيت من عنده التلفون وأنا مرتاحة وفي نفس الوقت متضايقه

نورة: شو لولوة؟؟ شو بلاه مبارك؟؟
أنا: لا ولاشي بس كان يبي يكلمني لأنه الحين هو ماشي رايح دبي عنده شغل
نورة: هيه أنزين وأنتي الحينه شو فيج؟؟
أنا: لا ولاشي
نورة: لولوة شو ولاشي شكلج متضايقه تبين أسوي لج شي أقدر أخدمج أو أساعدج بشي؟؟
أنا: نورو أنا كل هالكشخه عشانه والحين هو محد أفف قهر
نورة: صج أنج غبية والله أحسن ولو هو موجود أنا بخليه يغيب عنج على الأقل إلين باجر الصبح
أنا بققت عيوني على وسعهم : أنا شله؟؟ لا بالله خرفتي
نورة: شو أنتي ماتفكرين شو فايدة حناج وهو لونه برتقالي؟؟ مابيكون حلو خليه يصبغ بعدها خليه يشوفه، وبعدين هو مابيتأخر أنا أعرفه مايروم على فرقاج عيوني
أنا: والله أنج ذكية، شلون مافكرت فيها يلا الله يرجعه لنا بالسلامة
نورة: آمين

ورجعنا البيت وخالوا عفرا أهيه جذي ومستانسه فيني إلا بعد والحنا في يدي وريلي؟!! طارت من الفرحة، وقالت لي أروح الحجرة ويا نورة وإلي نبيه بطرشه مع الخدامة لنا فوق ما يحتاي ننزل، والله وقعدنا فوق وضحك وسوالف ورويت نورة المريلة والبدي إللي خذا لي إياها مبارك وضحكت علي لأن شكلها سو كيوت

أنا: تعالي أنتي
نورة: شو وين إييج بعد؟؟
أنا:ههههههههه قصدي أسمعيني شالبس حق باجر لين يه مبارك؟؟
نورة: هيه والله مادري لبسج ماشالله كله غاوي الواحد يحتار شو يختار منه؟!!!!!!!
أنا: يلا عاد نوروه
نورة: والله صدق
أنا: أنزين، أحين شالبس؟؟
نورة:أنا أقولج!!!
أنا: شنو؟؟
نورة: بما أن أخوي العزيز يحب يشوفج وأنتي بيبي، لبسي لج شي جي نفس هو ما يحب
أنا: نوروه!!
نورة: شووووووو بلاج؟؟
أنا: مابي أصير ياهل
نورة: الحمدالله والشكر ناس تبا ترجع بيبي وناس ماتبا.. شو فيج؟؟ كيفج أنا قلت لج وأنتي أدرى بريلج وشو إللي يحب وشو إللي مايحب!!؟ بس سمعي نصيحتي
أنا: خلاص أنزين تعالي وياي
نورة: وين؟؟
أنا: بطلي ذي الكبت

وفتحت الكبت إللي فيه بدلاتي

نورة: ماشالله وتقولين ماتعرفين شو تلبسين بعد؟؟
أنا: إيه محتارة أنزين يلا الحين أي وحده ألبس؟!؟
نورة: لبسي أمممممم لبسي هاي البدلة
أنا: أي وحده طلعيها خلني أشوفها عدل

وطلعت لي بدلة تنورة حمرة قصيرة ومعاها حزام جلد بني وإللي يصكره يكون جي عبارة عن مجموعة فصوص باللون الأحمر والبرتقالي الناري جامعهم قالب واحد ومعاه بلوزة يدها شبه حفرة حمرة وفيها ورود بيج على ومكتوب فيها love ومن هالحركات

نورة: بس ها المطلوب لا تغيرين، والله فظيعة تخبل عليج
أنا: أوكي

وطول يومي مع نورة وأشوف شنو ناقصها وأعطيها آرائي ونستشير بعض في أمورنا ومن هالسوالف وبعدها نزلنا شوي مع خالوا عفرا وردينا ركبنا فوق، ملل!! كان البيت هدووء حتى محد من النسوان يه حق خالوا عفرا، لدرجة أ، قلنا مانبي عشى لأن أنا ونورة كنا قاعدين وكلينا من هالشبسات والحلويات وغيره فشبعنا. اليوم الثاني الحنا لونه صار شي رهيــــــــــــــــــب ماروني حلــــــــــــــو وبديت إستعداداتي حق اليوم العصر بس على الظهريه أتصل فيني مبارك وقال أن الشوارع زحمة يعني إحتمال كبير أنه يرجع متأخر وأنا طبعا أنكسر خاطري بس يلا.
البدلة ما كشخت فيها لبست جلابية عادية لاهي مالت بيت ولا هي مالت طلعة يعني وسط، و من طقت الساعة 8 وأنا أدوخ تعبانة آبي أرقد لأن قعدت من الساعة 8 مافيني رقاد، وركبت فوق _عنهم لأني أحس عيني لا إرادياً تنصك بروحها_ على ما أتسبح وألبس وأتعطر وكل شي شوي صحصحت، رحت عند التلفزيون فريته على روتانا إلا حاطين أغنية مروان خوري "قصر الشوق" أغنية فظـــــــــــــعة صراحة من كلمات ولحن ياااااا سلام عليها، أنبطحت على الكرسي وحاطة يدي على خدي مرتكزة على كوعي إلا بمبارك داخل علي وأنا أغني والحلوة لولوة ماخذه راحتهاااااااا ولا أدري على أساس أنه بيرجع متأخر، فلابسه قميص قصير ماروني مادري شلي طرا علي ولبسته، هو عندي أياه من زمااان من أول ماعرست تقريباً بس ماحب ألبسه، صج أنه مب وايد قصير يوصل لي حد الركبة بس بعد من فوق عاري يكون خيوط والصدر عريان وأنتوا أعلم عاد بهالسوالف، والشعر منه إللي طايح على خدي ومنه إللي على ورا على ظهري وحناي في ريلي لي تحت الركبة تقريباً ويدي مثل ماقلت مساعة لي كوعي شنو كان يعني منظري غير أنه أثيري، على طول حبني على خدي وأنا أغني وقالي بصوته إللي أقرب للهمس

مبارك: فديت هالحس أنا ربي لا يحرمني منه
أنا: ولا منك الحمدالله على سلامتك
مبارك: ربي يسلمج من كل شر
أنا: وياك ياربي

وعلى طول شالني من على الكرسي وأنا ميوده كندورته وريحة العطر تدوخ والشعر طايح في الهوا لأنه مفلول وأنا عيني مانزلت من عليه ونزلني على السرير ورقدنا مع بعض وهو كان ياي فرحان وأنا فرحته زيادة بشكلي اليديد.


اليوم الثاني قعدت متأخرة وهو ماراح الدوام لأن الشركة كانت مطرشته دبي فعطته إجازة اليوم، قمت بهدوء رحت أتسبح وماطلعت من الحمام إلا وهو راقد ولا بحاس فيني، أنا قلت أحسن بعد مابيه يقوم ويشوف شكلي جذي ماعلي إلا روبي ولافه شعري الرطب بفوطة صغيرة مالت الراس، فبسرعة لبست جلابية كشوخيه شوي عشان ننزل تحت ومن بعدها تقربت يمه وحبيته على خده وهمست له بصباح الخير ، وأنا رافع راسي نقطت قطرة ماي من شعري على خده وعلى طوول فتح عينه

مبارك: لولوة؟!
أنا: عيونها
مبارك: صباح الخير
أنا: يا صباح الأنوار، يلا قوم كسووول واحد أخس عليك يا واد كده بتنام كل الوئت ده
مبارك: شو أسوي حياتي والله، إللي يمه قمر يتعب وهو يطالعه فغصبن عنه يسهر على شوفته
أنا: والله؟!! أنزين يلا قوم

سحبني عنده وقعدني في حظنه

مبارك:صباحية مباركة يا عروس

آاااااااااااخ ويهي السخيف فشلني

أنا: قوم

وقمت عن حظنه بسرعة وهو يضحك علي، وقام يتسبح هو الثاني عشان ننزل مع بعض تحت وعلى ماخلص هو كانت الساعة 12 إلا شي ،نزلنا تحت و هو ميود يدي جني باضيع وأنا مستحيه منه الكلمة إللي قالها لي مساعة أحسها ترن في أذني وويهي يولع زيادة، وهو كل ماشافني جذي ضغط على يدي زيادة ومانزلنا تحت إلا الكل متيمع خوات مبارك وعيالهم وخالوا عفرا وعمي محمد

فطيم: يالله يالله شو هالحلاوة؟؟
عايشه: يارب يحفظكم من كل عين
فطيم: لوولواا كل ها عسب ريلج أمس سار عنج دبي؟؟

أنا أفتشلت من فطيم، وتوني بارد عليها بس مبارك سبقني

مبارك: فطووم؟؟! شو ياج؟؟؟ أنا أعيب على نوروه ولقافتها طلعتي أنتي أخس عنها وبعدين حرمه متعدلة حق ريلها شو فيها؟؟ ولا تبين تقولين لي أنج ماتتتعدلين يعني حق السيد سالم؟؟

وهني فطيم أستحت وأنا ماعرفت ليش!!؟ بس قلت أكيد مبارك ما قال جذي إلا فيه شي
وعايشه تبستسم لنا فبادلتها الإبتسامه

خالوا عفرا: أميه لولوة ماتبين أنتي ومبارك تتريقون؟
أنا: لا خالوا مابقى عن الغدا شي
عمي محمد: بنتي الله يهديج وينج ووين الغدا، بعده الوقت بدري سيري أنتي وريلج تريقوا
أنا: لا والله أنا مابي جان مبارك في خاطره يتريق كيفه، أنا هالحزة ماتريق ومبارك يدري اللهم كوب شاي حليب يكفيني
خالوا عفرا: براحتج بنتيه وأنت يا مبارك؟؟
مبارك: مثل ما قالت لولوة كوب حليب لي و لها يكفينا

وطالعني وأبتسم أفففف والله أبتسمته لها ألف معنى ومعنى أنا أعرفه، أستحي منها واايد، وهو أبد ولاهامه وجود أحد إللي يقول محد قاعد ويانا، بس أنا وهو إللي قاعدين في الصالة.
ويابت مرسيلا الشاي الحليب لنا وقعدنا معاهم ومن بعدها أذن الظهر والكل تفرق وعقب الصلاة ردينا قعدنا بس أنا رحت حق اليهال أشوفهم وقعدت معاهم نلعب ويسولفون علي كل واحد والمواقف إللي صارت له ونضحك

محمد:و أنتي خالوا أنتي ما أستوا لج شي؟؟
أنا: أمبله وااايد
طلال: يلا قولي لنا
أنا: شاقول لكم؟؟
مريم: أي شي خالوا عادي
دلال: نحن كلنا قلنا لج يلا دورج
أنا: ما أتذكر
عفرا: يلا عاد بس وحدة بس وحدة
أحمد:هيه على الأقل وحده شوفي نحن شكثر قلنا أنتي بس تظحكين
أنا: هههههههههه أنزين
وكلهم صارخوا: هيه هيه يلا يلا قولي
أنا: الله يسلمكم مرة كنا طالعين أنا وأهلي رايحين بيت عمي وكنا نشوي في الحوي وكان في نزلة بسيطة ما أنتبهت لها أنا، وييت آبي أنزل وأدوس على طرف تنورتي جان أطيح جدام الكل على ويهي

اليهال أنفجروا من الضحك

محمد: صج خالوا؟؟ هههههههههههه
أنا: إيه والله يا محمد وضحكوا علي ضحك
أحمد:هههههههههههههه خالوا شو أستوا فيج؟؟
أنا: ولا شي فديتك بس يدي تعورت عبالي أنكسرت بس الحمدالله ما أنكسرت

عفرا طاحت من الضحك ورحت صوبها على الأرض

أنا: تضحكين علي هااا تضحكين علي؟!!

وشلتها ولفيت فيها وهي ميته من الضحك واليهال يضحكون عليها

أنا: بس يلا عاد خلنا نروح لهم برع أحين بيحطون الغدا
يات عفرا عندي وقالت لي: خالوا أنتي لشو ماتتكلمين شراتنا؟؟
أنا: ههههههههههه شلون يعني؟؟
عفرا: ماعرف بس أنتي ما تتكلمين شراتنا
أنا: إنشالله فديتج باتكلم شراتكم يلا أنتوا خلنا نسير برا تراهم حطوا الغدا
عفرا: هيه جي تكلمي
أنا: حبيبتي والله، إنشالله ولا يهمج باتكلم عشانج

وطلعنا من الغرفة وكانت الخدامة يايه تبي تنادينا بس أحنا طالعنا قبل لا تيينا ورحنا لهم غرفة الطعام وتغدينا مع بعض كلنا وعلى الغدا عمي محمد شافني

عمي محمد: حيالله بنتيه توه مانور البيت
أنا: الله يحيك منور بوجودكم
نورة: هيه ندري كفاية أنا نور هالبيت
مبارك: سكتي الله يخليج أونه هي نور البيت!!! شوفي هاه شوفي من وين يشع النور هاه ترا من هالبدرة إللي يمبي
أنا: مبارك!!؟

والكل ضحك علي والحمدالله خلصنا غدا وقعدنا مع بعض وأنا كنت قاعدة يم مبارك على كرسي واحد وهو ماخذ راحته أبد مب معبر أحد حاط راسه على جتفي وأنا أنغز فيه من تحت عشان يعدل روحه وهو ولامنه ولا من حس والحمدالله محد لاحظ كانوا يسالفون وهو بالعمالة يطالعني ويتبسم لي قهرني همست له

أنا: مبارك قوم أحسن لك
مبارك: مابا كيفي
أنا: مبارك قوم فشلتني من مساعة وأنا ساكته
مبارك: كيفي مابا أنا جي مرتاح في قعدتي
أنا: أنزين تم على ما أنت عليه وشوف شبيك مني
مبارك: يعني شو؟؟ أعرف ماترومين تسوين شي

عااد هني أستفزني وفرصته فرصه في فخذه خلته يصطلب مكانه وأنا فقعتها ضحك و الكل يضحك على شكل مبارك المتافجئ وعلي أنا شلون أضحك حتى عيني قامت تدمع وهو يشوفني أن كيف قدرت أسوي فيه جذي جدامهم

مبارك: أميه مابها شليها ها مجرمة
أنا:ههههههههههههههههه
خالوا عفرا: هههههههههه ليش شو مسويتنلك الحرمة؟؟ حليلها إلا تضحك وتسولف معانا فديتها
مبارك: أميه ها مجرمة أخاف تذبحني
أنا: والله محد قالك ماتسمع الكلام
خالوا عفرا:ليش شو مسوي؟؟
أنا: ولا شي، يعرف هو ما يحتاي أنا أتكلم ههههههههههههه
مبارك: معلي يا لولووه معلي باتشوفين بعدين
أنا: هههههههههه شاهدين شقال؟؟ هههههههه
عمي محمد: يلا مد يدك عليها وخلني أسمع أنك ضايجتها ياويلك يا مبارك
مبارك: أبويه والله هي إللي قرصتني تعور قرصتها

أنفجروا من الضحك عليه

عمي محمد: أكيد معذبنها وحليلها عيل لشو هي بتقرصك؟!!!!
أنا:إي صح عمي والله أنا ما أسوي شي
مبارك: هيه فديتج أليفة
أنا: إيه نعم

والكل يضحك وهو سوا روحه زعلان وركب فوق وأنا تميت شوي وعقب أستأذنت منهم وركبت له فوق

مبارك: نعم ليش صعدتي؟؟
أنا: لا والله!! مادش حجرتي يعني؟!
مبارك: هيه أتفضلي حياج
أنا: الله يحيك

ودخلت الحجرة بدلت جلابيتي ولبست لي شي خفيف وقعدت على كرسي التسريحة بامشط شعري إلا هو واقف وراي

أنا: حيالله الزعلانين
مبارك: الله يحيج ويبجيج
أنا: ها فديتك تبي شي؟؟
مبارك: هيه أبا
أنا: آمرني
مبارك: غمضي عينج شوي أبا آرويج شي

وأنا على نياتي صدقته و غمضت، لكنه فرص خدودي بقوة

أنا:آااااااااااااااااااي آااااااااااااااااااي هدني
مبارك:هههههههههههه لاااا عورج ها؟!!
أنا: مبارك آاااااااااي والله يعورني هدني مباااااااااااااااااااارك

هدني وهو يضحك

أنا: سيبال واحد عبالك مايعور ؟؟!!؟

وشفت روحي في المنظرة خدودي صاروا طماط

أنا: شوف شسويت فيني؟!!!!! أفففففففف سخااافة
مبارك: هههههههههههههههههههههههه تدرين واااااااااايد حلوة
أنا: هيهيهي سخافة وبعدين لاتغير السالفة
مبارك: هيه ترا خدودج وهي حمرا حلوة

قمت عنه آبي أنبطح يودني

مبارك: لوولوووه
أنا: أولاً أسمي لولوة، ثانياً خير شتبي؟؟ ثالثاً هد يدي خلني أروح أنبطح
مبارك:هههههههه أنزين لولوة مابي أهد يدج لأنج زعلانة
أنا: من قالك إني زعلانه؟؟
مبارك: جيه عمي أنا ماشووف؟؟
أنا: مبااارااك عاد هدني يلا ريلي تعورني
مبارك:هيه جي أباج يلا أنا بعد بنبطح وياج

طبعا إذا قال وياج يعني أنسي أنج بتغط عينج، يعني سولفي معاي وإذا قلت شي ردي علي

أنا: مبارك وإللي يخليك أنا آبي أرقد وأنت أدري فيك ما بترقد بس بتغربلني لين مايطير النوم من عيني بتقولي أنا بخليج الحين ترقدين فـplease لاتأذيني
مبارك: بلاج أنتي أنا بعد بانام
أنا: أح بنشوف

وأنبطحت أنا قبله وهو عقب ما بدل ثيابه أنبطح، أول شي لعب في شعري عقب رقد، على أذان العصر وعيت ووعيته معاي.
على الساعة أربع نزلت، كانت خالوا عفرا قاعدة تحت في الصالة سلمت عليها وقعدت معاها وقالت لي أن باجر كلنا معزومين بيت خالوا مريم، وطاف اليوم عادي وأنا خبرت نورة ومبارك أن باجر الغدا بيكون بيت خالوا مريم وطبعاً خالوا عفرا قالت حق فطيم وعويش لأنهم معزومين بعد.
اليوم الثاني كنت في المطبخ أسوي sweet إللي أحبه "راس مالالي" عشان ناخذه معانا هذا غير إللي في بيت خالوا مريم وغير إللي خالوا عفرا مسويته من موالح وحلو، ومن بعدها رحت أتجهز وعلى الساعة 12 ونص تقريباً أنا كنت جاهزة لبست لي جلابية فخمة وحطيت لي مكياج خفيف.. نورة لبست لها تنورة طويلة وبلوزة كانت كشخه بعد وحطت لها مكياج خفيف ومشينا أنا وهي مع مبارك إللي جدم بنا على مايجهزون البقية. هناك تلاقينا مع بنات خالوا مريم ريم ومها وأعيال أولادها خالد وجاسم وفيصل (ريم كانت كبر نورة في ثاني سنة جامعة، ومها كانت أول سنة جامعة، خالد عمره 30 متزوج من بنت عمه سلامه وعندهم 3 سعيد وغانم وسلطان، وجاسم عمره 26 ماخذ بنت خاله ميثه ماشالله عليها جميلة وعندها بنت وحده أسمها خولة وماشالله عليها قمر، وفيصل أصغر الصبيان وعمره 24 وهو مو متزوج) وسوالف وضحك مع بعض وعقب حطو الغدا ماشالله السفرة تمشي من الأكل، مابقى شي ما سوته خالوا والحمدالله كلينا وشبعنا وقمنا، بعد ربع ساعة تقريباً حطوا السويت وعجبهم إللي أنا سويته أخجلوا تواضعي، بس نورة ماكانت على بعضها من بعد ما خلصت الغدا وكأن فيها شي بس ماحبيت أكلمها بوجودهم. أول مارجعنا البيت على العصرية رحت لها غرفتها وطقيت الباب

نورة: منو؟؟
أنا: ممكن أدخل؟؟ أنا لولوة
نورة: هيه عادي دخلي

ودخلت عليها كانت مبدلة وقاعده بجلابية عادية

أنا: نورة ممكن أكلمج بشي؟!؟ بس أبيج تكونين صريحة معاي وماتخشين عني شي، مثل ما أنا وياج
نورة: هيه أكيد فديتج قولي
أنا: شفيج من عقب ماتغدينا وأحسج أنتي مو على بعضج

تغير شكلها وجني طقيت على الوتر الحساس

نورة: لا ماشي
أنا: نورة لا تقولين مافي شي إذا الكل ما قدر يلاحظج أنا شفت على ويهج إللي ماقدرتي تقولينه، الحين ممكن تقولين لي شفيج؟؟! مره وحده تغيرتي من عقب ما رحتي تغسلين يدج؟؟
نورة: لولوة أنا باقولج بس وعديني أنج ماتخبرين حد خصوصاً مبارك
أنا: أفا عليج يانورة قولي حبيبتي ولا تخافين
نورة: يوم كنا في الثانوي كان آخر كورس لي مع ريم وخصوصاً أن كنا نفس التخصص علمي وفي نفس المدرسة والأحلى أن كنا في نفس الصف، وكان ذاك اليوم عندنا إمتحان كيمياء وكانت ريم فاهمه الدروس عدل وأنا يوم قلت لها مو فاهمه قالت لي تعالي بيتنا أنا بشرح لج و سرت بيتهم وماقصرت شرحت لي وذاكرنا مع بعض من الصبح لي بعد صلاة العشا، خلصنا مذاكرة طلعنا في الحوي تلاقينا مع فيصل وعصب ليش أن ظاهرين برا البيت، أنا ماقصرت فيه قلت له: "مالك شغل فيني تبا مش كلمتك على أختك مو علي أنا". ورد مرة ثانية قالي دخلي داخل بس أنا عاندته منو يكون هو عسب يمشي كلمته علي أنا؟!! وقلت له ها الكلام، ماكثر خبر صفعني كف وأنا من قهري طالتعه من فوق لي تحت بنظرة إحتقار ومشيت عنه لأن مبارك وصل بعسب يرجعني البيت ومن يومها ماطبيت بيت خالوا مريم إلا إذا في مناسبة. ريم أعتذرت لي على إللي صار بس قلت لها أن هي مالها ذنب وما أنقطعت عنها على طول نتواصل مع بعض بالتلفون ونتقابل مرات في الجامعة ومساعة تلاقيت معاه عند المغاسل من بعد هالمدة كلها، مسكني من يدي بدون وجه حق ويوم فجيت يدي منه رد مرة ثانية قبضني وقالي: "أنا آسف على إللي صار وصدقيني ما كان قصدي بس أنتي إستفزيتيني بكلامج" وكنت بامشي عنه ورد ناداني وأنا وقفت بس ماصديت صوبه قالي: "إنشالله أنتي مسامحتني". ماقدرت أرد عليه لأني أنا روحي مب عارفه هل أنا مسامحتنه ولا ليحين شايله في قلبي عليه..

أنا: أمممممممممم فهمت الحين بس أعتقد أنج سامحتيه
نورة: شو عرفج أنتي؟؟
أنا: بس عرفت وإنشالله خير، أنتي لاتحطين في بالج شي وإللي صار صار ما بتغير شي أحين ويمكن تلاقينه حاول انه يوصلج ويعتذر منج بس ماحصل فرصة غير هاذي الفرصة أنه يعتذر
نورة: يجوز

طبعاً مثل ما نورة قالت لي إللي صار، فيصل قال حق ريم وهو شاف نورة بدون غشوة شكثر تغيرت وحلوت ودخلت في باله البنت وقرر أنه يكلم أمه عنها بس خايف من ردة فعل نورة فقال حق ريم تجيس النبض عند نورة وطبعاً بمساعدتي لأني أنا إللي معاها في البيت فـريم كلمتني وقالت لي عن كل شي بما إن أحنا أهل وأنا وايد قريبه لهم وأنا من ناحيتي طمنتها أن نورة مب زعلانة منه. مرت الأيام عادية ما عدا بعض الأيام نكون فيها معزومين في بيت عم مبارك سعيد أو في بيت عمته فاطمة ومرات في بيت خالات مبارك مرة مريم ومرة حصه ومره عند خواله حمد ومطر وراشد ماشالله عليهم كلهم حبابين بس أنا أكثر شي مع بيت خالوا مريم وبيت عمه سعيد إللي ولدهم ماخذ فطيم، عندهم بنت كبري إللي هي ميثه، وخلود(20 سنة) وسارة(17 سنة) والأولاد طبعاً أكبرهم سالم(33 سنة)، خليفة(29 سنة)وماخذ بنت خالته مهرة إللي فعلاً أسم على مسمى وعنده خالد وخلود وفاضل، وغيث(26 سنة) ماخذ بنت جيرانهم لطيفة وعنده راشد.
ومر شهر علي أنا من نزلت الإمارات، في ذي الفترة طلعت لي خط إماراتي وتواصلت زيادة مع عايشه إللي تقرب لي وأهلي الموجودين في الشارجة وكنت أزورهم بين فترة والثانية كلما سمحت لي الفرصة، واليوم خالوا مريم عندنا ومعاها ريم ومها ونورة طبعاً معانا تحت قاعدين عقب خالوا مريم خذت خالوا عفرا على صوب كلمتها أنا عرفت الموضوع بس نورة ماعرفت

نورة: ريمو شو السالفة؟؟ أمي وأمج شو عندهم؟؟
ريم: والله علمي علمج بس الظاهر أن شي مستوي
مها: هيه عيل أميه وخالوا عفرا يتهامسون مع بعض؟!! هم سوالفهم كله علناً الظاهر فيهم شي
أنا: صبروا يمكن تعرفون السالفة عقب شوي
نورة: لولو ماشي حل إلا أنتي
أنا: أنا!!؟ ليش يعني؟؟
نورة+ريم: لأنج أستويتي حرمة متزوجة يعني عادي تشاركينهم الأحاديث
أنا:هههههههههههههههههههههه أنزين
مها: هيه ماشالله على ولد خالتيه عرف يتنقى فديت لولوة أنا، يلا سيري بسررررعة
أنا: هههههههههههههههههه الله يغربل إبليسكم صج تعرفون تقردنون
ريم+نورة+مها:هههههههههههههههه

ورحت يم خالوا عفرا ومريم

خالوا عفرا: لولوة بنتي نبا ناخذ رايج
أنا: خير إنشالله خالوا
خالوا عفرا: فيصل ولد خالوتج مريم يبا يخطب نورة
أنا: والله الراي الأول والأخير حق نورة بس ماظن بتلقى أحسن منه
خالوا عفرا: وأنا أقول جيه بعد
أنا: بس أول شي خذوا رايها مهما يكون ترا هاذي عشرة عمر
خالوا مريم: هيه أكيد مابنسوي شي إلا إذا كانت بنتنا موافقة، وإذا ما وافقت ترا إلا قسمة ونصيب وما فيها نزعل من بينا بتظل نورة بنتنا إللي نحبها
خالوا عفرا: لا إنشالله من نصيب ولدكم، وما بنحصل أخير عن فيصل، فديته ريال وينشد به الظهر

وأنفض النقاش من بعد هالكلام وتميت قاعدة معاهم والبنات متحرقصات يبون يعرفون شالسالفة وايد مصدقين إني باقول لهم وعقب نص ساعة تقريباً مشت خالوا مريم وبناتها
وأول ما مشوا يات نورة صوبي

نورة: أنتي شو ماتستحين على ويهج؟!؟؟ نقولج سيري شوفي شو السالفة تقعدين معاهم؟؟ ولا بعد ولا تعطي ويه
أنا: سالفة كبار مايستوي أناديكم عيب يا ماما يوم تكبرين بنشاركج في هالأمور خخخخخخخخخ
نورة: لا والله؟؟!
أنا: هههههههههههههههههههه إي والله

ومشيت عنها لأن مبارك وصل رحت له كان يايب معاه لنا عشا وتعشينا مع بعض وعمي محمد معانا بعد، وعقب العشا خالوا عفرا وعمي محمد نادوا نورة عندهم في المكتب

نورة: شو السالفة؟ الله يستر
أنا: ياك الموت يا تارك الصلاة ههههههههههههههههههه شمسوية نوروه
مبارك: هيه يانوير يا اليوم إللي بتتحاسبين فيه خخخخخخخخ
نورة: تعرفون أنا إللي ما عندي سالفة قاعدة معاكم أسير حق أمايتي وأبويه أحسن لي

وراحت لهم وأنا في ذي الأثناء قلت حق مبارك السالفة، ومبارك رحب بالفكرة بس نفس ما أنا قلت راي نورة هو المهم، وبعد فترة طلعت نورة و الويه مولع وعلى طوول فوق راحت غرفتها

أنا:مبارك باروح أشوفها
مبارك: يلا ومرة وحده أنا معاج باسير غرفتنا أترياج هناك
أنا: أوكي

ورحت حق نورة شفتها منزلة راسه أحسها بتصيح

أنا: نورة؟؟
نورة: لولوة، فيصل!!
أنا: أدري فديتج
نورة: شو أسوي أحينه؟؟ والله خايفة، محتارة ماعرف شو أسوي
أنا: لاتخافين ولاتحتارين فكري بالموضوع عدل، ترا هاذي مستقبلج أنتي ومحد يقدر يضغط عليج، وإذا أنتي مرتاحة توكلي على الله وإذا تحسين روحج مترددة ومب عارفة صلي صلاة الإستخارة عشان ربج يريحج

قامت نورة من مكانها ولمتني وحبيتها

أنا:لاتخافين ولاتحاتين وأي شي تبين أنا موجودة، بس أمانه عليج نوروه إذا ماشالله على خالو وبناتها حلوين أهوه شلون؟!؟؟؟
نورة وبحيا: تبين الصج؟؟
أنا: أكيــد
نورة: جميـــــل
أنا:هههههههههه نورووه لاتصيرين غبيه وترفضين، أول شي هو ريال ومبارك يمدح فيه ومعتمد على نفسه ويشتغل ومركزه أوكي، وثاني شي دين وأخلاق وجمال، والأهم أنه بيداريج وبيحطج في وسط عيونه لأنه من أهلج، وبعدين أنتي بتكونين عند خالتج يعني مب عند ناس غرب، وأنا ماقولج جذي عشان أضغط عليج لأن في النهاية القرار قرارج أنتي
نورة: إنشالله خير
أنا: إنشالله وإللي فيه الخير يجدمه رب العالمين

ورحت عنها وحسيتها أرتاحت من بعد ماكلمتها، ورحت حق مبارك إلي كان منبطح ينتظرني

مبارك: شو؟؟ شو قالت لج؟؟

وأنا أبدل في الدرسنج روم قلت له:
ولا شي، كلمتها لأنها كانت خايفة ومرتبكة هديتها شوي وقلت لها تفكر لأن هاذي مب شي مؤقت يوم يومين وعقب خلاص هاذي عشرة عمر، يعني تفكر على راحتها ومحد راح يضغط عليها
مبارك: فديت حرمتي العاجل
أنا: ليش من قبل كنت مربوشة يعني؟؟<<وأنا طالعة من الدرسنج روم
مبارك: يعني فيج خخخخخخخخخ
أنا: هيهيهيهيهيهي أقول خفة دمك بس
مبارك: ههههههههههه تعالي تعالي أرقدي أحسن لج
أنا: أكيد عيل بانتظرك

وحطينا راسنا ورقدنا وطبعا اليوم الثاني نورة نزلت متأخر على الغدا وفطيم وعواشه موجودات وعرفوا بالسالفة وحطوا على نورة وأنا حاميت عنها

أنا: بسكم عاد، حرام عليكم يعني هي أول وحده تنخطب؟!! تعالي نوير يمي

ويات يمي قعدت وحبتني على خدي

نورة: فديتج والله، طلعتي أحسن عن هالخوات إللي عندي
أنا: تراج إلا أختي وأعز والله
فطيم+عايشه: أقوول ماعدنا ننفع قومي قومي
أنا+نورة:هههههههههههههه ههههههههههههههههههه هههههههههههههه
أنا: محد قالكم تتطاولون على النور كله
نورة: أحم أحم
فطيم: أونه بعد النور كله!! إلا الظلام كله وأنتي الصاجه
أنا: والله كيفكم قولوا إللي تقولونه أنا ونوار متفاهمين
عايشه: ياربي ماحد يغلبها تراها أستوت شرات ريلها
أنا:ههههههههههههههههههههههههه

وحطوا الغدا وتغدينا وعدى اليوم عادي مثل كل يوم وطاف أسبوع وزود على السالفة ومن بعدها ياتني نورة

نورة: لولوة ممكن أكلمج شويه؟؟
أنا: إيه أفا عليج قولي إللي تبينه فديتج
نورة: أنا قررت أرد عليهم على سالفة فيصل
أنا: ها حبيبتي شقررتي؟؟
نورة بحيا: موافقة
رحت وحبيتها على خدها: بالبركة إنشالله مقدماً ومتى بتقولين حق خالوا عفرا؟؟
نورة: اليوم لأن مساعة أنا قلت لها إني أبا أكلمها
أنا: أها
نورة: أنزين ماسألتيني ليش وافقت؟!
أنا: نوروه شله؟؟ مب عشان الأسباب إللي قلت لج أياها من قبل؟؟
نورة: أكيييد، بس بعد أبا أرد الصفعة
أنا: هههههههههههههههه يالمينونة تحملي تسوينها، ترا والله مب حلوة في حقج ولا في حقنا
نورة: أنتي ما عليج، أنا باتصرف بس المهم ينصفع
أنا: والله كيفج بس ها أنا من أحين أقولج في الصفعة أنا مالي شغل فيج
نورة: ههههههههههههههههههه خلاص يالجبانة
أنا: جبانة جبانة بس ما أدخل في سوالف مثل هاذي

وطلعت من عندي وراحت تحت حق خالوا عفرا إللي على طول ردت على خالوا مريم أن نورة موافقة وقالت بعد حق فطيم وعواش أن نورة وافقت، على ذلك قالوا أنهم بيمرون علينا العصر. العصر الكل كان في البيت ويسولفون ويتناقشون، نورة إللي كانت تتكلم بثقة وتبتسم لي وخالوا مريم قالت أن بعد يومين بيون يخطبونها رسمي ويحددون معاهم المهر وكل الأمور هاذي.
اليوم الخميس إللي فيه مقرر زيارة بيت خالوا مريم حق بيت خالوا عفرا والكل موجود، نورة وريم مستانسات أنهم بيكونون في بيت واحد ومع بعض على طوول وخالوا مريم فرحتها أكبر لأنها كانت تحب نورة وايد أما إللي أستخف عليهم على قولة ريم من بعد ماردت خالوا عليهم هو فيصل إللي ماصدق بس نورة قالت حق ريم إذا قالج صفعيني عشان أعرف إني ما أتخيل تركيه عنج وريم قالت لها أوكي.
ومن بعد ذاك اليوم تحددت الملجة إللي بتكون عائلية في بيت العروس أي في بيتنا_ اللي هو في بيت عمي محمد_ وبتكون بعد أسبوعين، كلنا فرحنا لها وحتى أهلي أمي وخواتي عزمتهم غير أهلي إللي في الشارجة معزومين، والحمدالله ترتبت الأمور بسهالة وبشكل حلو خصوصاً نورة إللي كان فستانها لونه بيج بس موديله فظيع وراقي من الزين أنا لبست فستان ناعم فيه حركه بسيطه عند الصدر وطويل والمكياج كان فظيع مو بس أنا ونورة الكل كانوا كاشخين، وبعد ما وقعت قالو بينزلونها، بعد ربع ساعة ياها مبارك ونزلها طبعاً مايكون مبارك قبل لا يشوفني وينني عقب نزلنا ثلاثتنا في الصالة الكبيرة وراح عنا مبارك، وكانوا مشغلين الأغاني وصفقة و وناسة من الزين والكل قام يرقص ماشالله على أهل مبارك الصلاة على النبي محمد شي شي في الرقص، الفن كله وأنا وعليا علي حتى خليجي ما عرف أرقص خخخخخخخخ وعلى الساعة 11 قالهم يبي يدش عشان يلبسها الشبكة

نورة: لالا مافي داعي مبارك بيلبسني أياها
أنا: نوروه شنو مبارك؟؟ ليش ريلج ولا ريلي أنا؟!!
نورة: لولوة عاد لا إيي والله خايفه
أنا: سمي بسم الله وثقلي
نورة: بسم الله، يلا بسرعة قبل لا أغير رايي
أنا:هوه أنتي تأدري دا فيصل والأجر على الله
نورة: لووولووواااا
أنا:هههههههههههه أنزين

وأتصلت في مبارك وقالي أنهم عند الباب بس أنا أروح أفتح لهم، ويوم تأكدت الكل تغطى دخلتهم وبدوا الحريم في اليباب طبعاً أنا فاشلة في اليباب، دخل فيصل ومشت معاه أمه لبس نورة الشبكة والدبلة والساعة وكان على ويهه علامة إستفهام وتعجب كبيرة مندهش من الحلوة إللي مقعدينها يمه، قعد شوي وبعدين راح لأن خالو مريم قومته قالت له بعدين باخليك تقعد معاها شوي كلمها، وهو كل إللي سواه هز راسه ووصلته لي عند الباب وطلع، نورة حالتها حالة رحت لها

أنا: ها شالأخبار؟ ههههههههههه شفي ويهج جذي؟؟
نورة:لوولووه بطني ريلي أحس فيا حمى ودووني فوق
أنا:شوي وبنوديج الناس روحت

وماحد كان موجود حتى أهلي إللي في الشارجة وإللي يايين من البحرين راحوا شققهم إللي حاجزينها في بوظبي، إللي بقت خالوا مريم والبنات بعد ماطولوا بعد ربع ساعة تقريباً مشوا وركبت مع نورة فوق، بدلت ومسحت مكايجها وفلت شعرها إللي كان مرفوع بطريقة مرتبة عشان مايبين طولة إللي كان يوصل إلين أردافها وناعم وأنا قلت لها تلبس جلابية كشخه شوي

نورة: لشو بعد؟؟ تراني بانام ماباسير عرس
أنا:لا ياحبيبة قلبي، بعلج العزيز يترياج تحت
نورة:شووووووووووو؟؟؟؟؟
أنا:إللي سمعتيه فديتج، يلا حطي لج مكياج على الخفيف ويلا جدامي
نورة: ياربي، الله يعدي هالليلة على خير
أنا: إنشالله يلا أترياج أنا تحت

ونزلت عنها وبعد ربع ساعة تقريباً نزلت لي كشخه

أنا: الله الله، شو هالحلاة هاي؟؟ كلها عشان فيصل؟؟
نورة: لولوة لو سمحتي أنا من زمان كشخه وعن هالكلام
أنا: ههههههههههههههه أنزين أنزين هدي أعصابج، يلا سمي بسم الله ودخلي الحجرة أحين مبارك بيدخل معاه
نورة: لالا أول شي هو يدخل وبعدين يطلع مبارك يدخلني
أنا: أنزين أشش أكاهم وصلوا

ودخل مبارك معاه فيصل الميلس وطلع لي مبارك

مبارك: لولوة، شو وينها نورة؟؟
أنا: تنتظرك تيي تاخذها، ماتبي تدخل بروحها

مبارك: هههههههههه وينها أنزين
نورة: هذاني، مبارك شو يبا يقولي؟؟ خله وقت ثاني
مبارك: يلا نوير الريال ينتظر
نورة: أنزين أففف يلا

ودخلوا مع بعض مبارك ونورة ومبارك نغز نورة إللي كانت داخلة حتى صوت نسمها يادووب ينسمع عشان تسلم

نورة: السلام عليكم<< بهمس

بس فيصل سمعها ورفع راسه وهو مب مصدق إللي يشوفه، بنت خالته أحلوت وايد وصارت تطرح الطير من السما، وطلع عنهم مبارك بس طبعاً بعد إنذار أنهم مايتأخرون عن ربع ساعة

فيصل: شحالج نورة؟
نورة: الحمدالله بخير
فيصل: تدرين أنج وااايد حلويتي عن قبل؟!
نورة: هيه حتى أحلى عنك
فيصل: هيه أكيـد فديتج أحلى عني وإلا أنا ولاشي تحت هالجمال كله ماشالله عليج
نورة:
فيصل: أنزين يعني مابتسألين عن أخباري؟؟!
نورة: أنت شحالك؟؟!
فيصل: هههه أنا بخير تدرين مو مصدق أنج وافقتي وأنج معايه ياربي، نورة الله يخليج قولي أن ها صج مب حلم
نورة: كيف يعني؟!؟؟
فيصل: قرصيني صفعيني عسب أصدق إللي أنا فيه

نورة يات لها الفرصة لي عندها وعطيه ذاك الكف إللي يبرد الخاطر، وعليا فيصل أنصدم منها وأهيه أستحت، صج هي كانت تبي ترد له الكف بس مب بهالقوة مهما يكون وعلى طول طلعت من عنده وهي تصيح، وأنا أول حظن ألتقت فيه رمت روحها علي وهي تصيح


أنا: نورة فديتج شفيج؟؟ ليش تصيحين؟؟

مافي جواب لأنها تصيح

أنا: نوروه شقالج؟؟ جرحج بكلمة قالج شي؟ ظربج؟؟

نورة وأخيراً هزت راسها بالنفي

أنا: عيل ليش تصيحين؟؟
نورة: ق قاا قالي مب مب مص مصد مصدق إني إني يمب يمبه وإني أقر أقرصه أو أو أصف أصف أصفعه و و ص صف صفعته آااااااااااه

وردت تصيح، أنا في حالة ذهول وفيني الضحكة على طول أتصلت على مبارك إللي كان داخل المكتب قلت له إييني بسرعة

مبارك: ها شوفيج؟ نوير بلاج تصيحين؟؟ شو سوا لج فصيــل؟
أنا: لا ولشي الظاهر طار فيها من حلاتها فديتها وقال لها أنا مب مصدق قرصيني أو صفعيني وعطته كف والظاهر فرت له خرايط راسه ههههههههه هههههههه، تلاحق الريال الله يخليك وهي من الفشيلة طلعت برع الحجرة تصيح

مبارك:هههههههههههههههه الله يغربل إبليسج يانوير خليني أشوف الريال

دخل مبارك الحجرة فيصل كان منزل راسه و ويهه أحمر من الفشيلة والصفعة إللي تلقاها من خطيبته المحترمة من أول يوم تصفع الله يستر من الياي خخخخخخخخخخخ

مبارك: فيصل السموحة منك، نوير دفشة ماكان قصدها إللي سوته وهي من الفشيله طلعت تصيح برا، والله إنها مستحية منك مالها ويهه تشوفك والحين طالقة العنان في الصياح على حظن حرمتي
فيصل: لا أفا عليكم لا تصيح ولاشي دموعها غالية وبعدين أنا إللي طلبت منها تصفعني، شو يعني؟؟ عادي مو منها مني أنا
مبارك: والحين هاي شو يسكتها؟؟ شو يصكر مغارة علي بابا؟؟
فيصل: مبارك عاد خلاص حدك على حرمتي، إذا أنا مب موجود تكلم عنها كيف ماتبى مو جدامي
مبارك: هههههههههههه خيبة من الحين أشتغلت عنها محامي الدفاع
فيصل: هيه شو عيل تراها النور كله
مبارك: أونه!! انزين الحينه أخليك أنا وأنت بعد توكل على بيتكم لي باجر يستوي خير
فيصل: إنشالله بس قول لها لاتصيح ولا شي ترا أنا إللي طلبت منها
مبارك: إنشالله يوصل ولايهمك الغالي
فيصل: يلا عيل تصبح على خير
مبارك: وأنت من أهله

وطلعوا إثنيناتهم من الحجرة وكلاً راح في دربه، وأنا خذيت نورة ورحت حجرتها وعقب ماطلع فيصل ياينا مبارك الحجرة

مبارك: شو الحين صكرتي مغارة علي بابا؟!
أنا: مبارك بس عاد
مبارك: شو أنتي الثانية؟!! ألقاها منج ولا من ريل إللي مجابلتنج
نورة: ليش شو قال؟؟
مبارك: سلامتج يدافع عنج، أونه هو إللي طلب منج تصفعينه!! ويوم قلت له شو يصكر مغارة علي بابا قام يدافع عنج أونه أنتي النور كله!! عاد مايرضى عليج


نورة ويها ولع من المستحى، بالرغم إنها غلطت وصفعته إلا أنه ما قال غير أنه هو إللي طلب منها الله يهنيهم ياربي، وطلعنا من عندها رحنا قسمنا عشان أبدل و أمسح مكياجي مع أنه حلو

مبارك: أحينه يعني لازم تمسحينه؟!؟
أنا: يعني أنت شرايك؟؟
مبارك: والله رايي أنج تنامين فيه أحسن، والله حرام مخسرة عليه وبتمسحينه ولو أنه كريه باقول ما يخالف لكنه غاوي، حرام عليج لولوه أنتي مو كل يوم بتحطين شراته
أنا: أنزين كسرت خاطري قوم صورني عشان أمسحه، يلا بسرعه آبي أبدل ثيابي بعد
مبارك: إنشالله وفالج طيب
أنا: فالك مايخيب

وصورني من عقبها بدلت ومسحت الميك آب ورقدنا. اليوم الثاني نورة كانت قاعدة من الصبح تبي تكلم مبارك عشان تعتذر من فيصل، نزلنا تحت لقيتها قاعدة في الصالة تهز ريلها من التوتر إللي هي فيه

أنا: صباح الخير حبوبه
نورة: هلا لولوة شحالج؟!
أنا: الحمدالله بخير، أنتي شخبارج؟؟
نورة: الحمدالله، مبارك مشغول أنت؟؟
مبارك: شو تبين فديتج؟
نورة: أبا أكلمك عن أمس
أنا: حبيبتي نورة إذا تبيني أقوم ترا والله عادي لا تستحين أخذي راحتج
نورة: والله لولوة مو قصدي، وبعدين والله ماتحركين من مكانج أنتي إللي دوم معايه شو الحين بتخليني؟!!
أنا: لافديتج ما أخليج، قولي حبيبتي
نورة: أنا بس بغيت أكلم فيصل أعتذر له عن إللي صار البارحه
مبارك: يعني تبين أنا أتصل ولا أنتي إللي تتصلين؟؟
نورة: مادري أنت شو رايك؟!؟؟
أنا: إذا تبين رايي أعتقد أنه من الأفضل أنج تتصلين بروحج، ترا هاذي خلاص صار ريلج والمفروض أنج بنفسج تتصلين له
مبارك: وأنا معاها
نورة: أنزين بتعطيني الرقم الحين ولا بعدين؟؟
مبارك: هيه لحظة بس باطلع لج رقمه

وطلع مبارك تلفونه وطلع الرقم وقبل لايقوله

نورة: بس تظن أميه وأبويه بيزعلون مني؟؟
مبارك: ما عليج أنا باخبرهم بس أنتي راضي ريلج
نورة: إنشالله

وعطاها الرقم وصعدت حجرتها تتكلم
وطقت رقمه طوووووووووووط طوووووووووووط طووووووووووط

نورة: أففففف فيصل يلا رد بروحه قلبي يدق

طوووووووووووط
وتوها بتصكر إلا رد عليها بصوت راقد، نورة أفتشلت في البداية بس قالت لازم تتكلم الحين ولا بعدين ماراح تتكلم

نورة: ألو
فصيل: ألو
نورة: فيصل؟!!
فيصل: هيه نعم، منو الشيخة؟؟
نورة: فيصل أبا أتكلم معاك، ممكن؟!!
فيصل: أختيه أنتي الظاهر غلطانة في الرقم أنا ماعرف بنات مع السلامة
نورة: فيصل أنا نورة<< بسرعة

فيصل على طول تساند على ظهر السرير

فيصل: نورة!! نورة خطيبتي ماغيرها
نورة: هيه نعم جيه عندك حد غيري؟؟
فصيل: لا والله حشى، شوفيج فديتج؟؟
نورة: أنا متصلة عسب

فيصل عرف ليش بس حب يلعوزها _الحمدالله والشكر العايلة كلها جذيه يحبون اللعانة_ وكان يكلمها وهو مبتسم وشبه مغمض عينه يبي يعيش هاللحظة إللي هو فيها

فيصل: ليش ناقصج شي؟؟ تبين شي؟؟
نورة: لا بس حبيت أعتذر عن إللي سويته لك البارحة، آسفة ماكان قصدي<<وكانت تتكلم بسرعة
فيصل: لا عادي فديتج أنا إللي قلت لج صفعيني، بس ماشالله عليج قوية يعني لو حد داس لج على طرف أظمن أنج بتاخذين حقج بيدج
نورة: لا والله؟؟!
فيصل: هيه والله، نورة؟!
نورة: هلا
فيصل: نورة أبا أطلب منج شي بس أتمنى أنج ماترديني
نورة: شو؟؟
فيصل: أدري بثقل عليج بس والله من شفتج وقلبي تعلق بج لاتحرميني منج، أنا مو كل يوم بايي بيتكم فأتمنى أنج ماتحرميني من صوتج، وإذا ماعليج كلافة أباج الصبح تتصلين بي تنششيني من النوم
نورة: إنشالله إذا قدرت باخبرك وبانششك
فيصل: فديتج حياتي ربي يخليج لي إنشالله
نورة:
فيصل: يلا حياتي مابا أطول عليج أنا بسير أتغسل وأفطر
نورة: بالعافية مقدماً
فيصل: وياج حياتي، مع السلامة
نورة: في وداعة الله

وصكروا التلفون عن بعض ونورة ياتني ركيض من فوق شاقة الحلج من الأناسة

أنا: ها أنفكت العقدة؟؟؟

هزت راسها وهي شاقة حلجها بالإيجاب

مبارك: الحمدالله والشكر
نورة: مبارك هو عادي يكلمني صح؟؟
مبارك: هيه أكيد
نورة: أنزين عادي إذا هو أحينه أخذ رقمي صح؟؟
مبارك: نورة بلاج أقولج أنه عادي يكلمج تقولين عادي ياخذ رقمج؟؟ شو هالسؤال الغبي؟؟!؟؟
أنا: ههههههههههههه
نورة: أنزين عاد لا تعصب
مبارك: قولي قولي شو طلب منج الشيخ فيصل؟؟
نورة: يباني أكلمه كل يوم تقريباً
مبارك: أنزين وبعدين؟!!
نورة: بس لأنه يقول أنه مب كل يوم بييني
مبارك: هيه صدقت عاد أنا، أقص إيدي إذا مو كل يوم طاب بيتنا عسبتج وحرمتي عاد تنحبس بسبتج
أنا: عادي كل شي لجل نورة يهون
نورة: فديتج والله
مبارك: عادي في عينج، معلي أنتي خليني أكلمه أشوف شو سالفته!!، بس أنا أقولج من الحينه مو كل يوم تكلمينه ثقلي عاد من أول يوم مكلمته شو باتقول باجر الناس؟! أكاني قلت لج خلاص
نورة: هيه ماتقصر بس إللي قاله لي أنه يباني أوعيه كل يوم الصبح على الأقل إذا ما أقدر أكلمه

مبارك شافني وضحك لأنه قبل كان يتمنى إني أقعده، بس لإني كنت أستحي منه فما كنت أتصل نادراً إذا كلمني مثلاً في الليل قالي اليوم الثاني أقعده وبعدين خلاص ينسى السالفة

مبارك: خلاص بس الصبح إلا إذا في شي مهم كلميه، وأنا أنصحج أن مو كل يوم تصحينه عسب تعطينه فرصة يشتاق لج
نورة: أنا ماراح أكلمه بارن له إذا رد علي باصكر في ويهه شو يباني أقوله؟! ماعرف
مبارك: هيه بس جي أحسن مو بعض الناس حتى مس كوول مايسوون
أنا:هههههههههههههههههههه والله حط لك منبه أنا شو يخصني بك
نورة: الله الله وقمنا نرمس إماراتي بعد
أنا: أحم أحم، شو تتحسبين؟؟ على بالج أنا ماعرف؟!! بس أنزل البحرين ألعوزهم وإذا نزلت الإمارات أرمس بحريني
مبارك: أثاريج مب هينه
نورة: هيه والله ههههههههههههه
أنا: شو عيل أبويه أنا لولوة والأجر على الله هههههههههههههههههه

وسولفنا ومن عقبها كلن وراح في دربه من بعد ما قعدنا مع عمي محمد وخالوا عفرا ووقت الغدا خالوا مريم يابت لنا الغدا لأنها وصت خالوا عفرا ماتطبخ هي إللي بتييب لنا الغدا، وكان شي رهيب صراحة أنا من كثر ما كلت أحس روحي ثقيــــــــــــله حتى ماقدر أمشي من كثر ما كلت، ورحت فوق الحجرة كأني وحده مخدرة وينك يالفراش وقطيت روحي عليه ورقدت من الساعة 2 إلى الساعة 3 ونص، صحيت مع إقامة صلاة العصر تيددت حق الصلاة وصليت العصر وقعدت على الكرسي إللي في الصالة أفرر في القنوات مب عاجبني شي، دخل مبارك الصالة

مبارك: نوم العوافي
أنا: الله يعافيك حياتي
مبارك: على طول طحتي على الشبريه رقدتي؟! ههههههههههه هالكثر فيج نوم
أنا: لا والله بس من الأكل ياب لي النودة
مبارك: قومي لبسي خلينا نطلع من زمان ماطلعنا نتمشى، يا أما أنا إللي أتشرى أو أنتي
أنا: هههههههههههه ومن إللي يحن يبي يشتري أنا ولا أنت؟!
مبارك: شو قصدج يعني أنا؟؟!
أنا: شدراني عنك إذا رحنا سنتر نتمشى ولا بندش سينما لازم تفتر تدخل لك جم محل وتتشرى إذا مب لك لي، ليــــش؟؟ أنا مابي شي ولا أنت إللي تبي، يعني يدك تاكلك إذا في يدك فلوس؟!!
مبارك:ههههههههههههه إنزين خلاص مابنتشرى، إلا إذا كان القصد من الطلعة أن نحن نتسوق
أنا:بس أحسن بعد
مبارك: يلا عيل لبسي أنا بترياج هني

ورحت بدلت ثيابي وحطيت لي كحل ولبست عباتي وطلعت، ويوم ركبنا السيارة فتحت المنظرة الصغيرة ماعرف أحس أن في ويهي شي بس مب عارفة شنو!؟!

أنا: مبارك؟
مبارك: هلا
أنا: شوفني قبل لا تمشي

وصد صوبي
مبارك: شوفيج حياتي؟؟
أنا: مادري ويهي فيه شي بس مادري شنو
مبارك: أنتي بس أمسحي الكحل ها السايح شويه وبتطلعين حلوة، ولو سمحتي يعني عقي الغشوة على ويهج
أنا: إنشالله حياتي

وتحركنا وقطيت الشيلة على ويهي وتسندت على الكرسي بعد مارديته على ورى ورقدت لأن هدوء والقرآن يشتغل فما عطلت ويوم قريب بنوصل

مبارك: لولوااااا
أنا: شو وصلنا؟؟
مبارك: شو حياتي نمتي؟!
أنا: هههههههههه تصدق عاد؟!!
مبارك: هههههههههههه ههههههه شو توج إلا ناشه من الرقاد
أنا: لا لأن هدوء وقرآن فتيني النودة
مبارك: هيه، يلا عيل عدلي روحج عسب بننزل

وعدلت غشوتي ونزلنا، دخلنا المجمع وتمشينا مع بعض وبعدين أقترح ندخل السينما وأنا وافقته حجز لنا ورحنا ناخذ بوب كورن ودخلنا كل واحد قعد في مكانه وأبتدا عرض الفلم وأنا أحس أن صداع ضرب في راسي لأن الفلم سخيف

أنا: مبارك قوم الله يخليك من بدال هالسخافة إللي قاعدين نشوفها
مبارك: أحين ها سخيف
أنا: إيه ما شوف له قصة إلا يتنقز من مكان لي مكان، قوم الله يخليك لو داخلين لنا فلم هندي أبرك
مبارك:هههههههههههههه جيه هندية أنتي؟؟
أنا: ههههههههه إيه ماتدري بس مادري شلون أتحجى عربي
مبارك: بعد سبحان الله، ولله في خلقه شؤون
أنا:ههههههههههههههه أنزين يلا بتقوم ولا تبي تواصل؟!؟؟
مبارك: أنتي شو تبين؟
أنا: والله أنا أفضل نطلع، بس إذا تبي تقعد عادي
مبارك: بس إللي تبينه بيصير يلا جدامي

وطلعنا أحين يا وقت العشى

مبارك: ها شو تبين؟؟
أنا: تدري من زمااااااااان ما كلت من جسميز
مبارك: تتمصخرين حظرتج ولا شو؟!<< يطالعني بنص عين>> يعني تعرفين أن هني ماشي جسميز بعد من زمان هاذي ليش؟؟ أقول شوفي مكان ثاني
أنا: أفففففففف حتى الأبراج ماعندكم
مبارك: لولوة؟؟؟ شو فيج خرفتي أنتي ولا شو؟؟
أنا: أنزين أنت شبتطلب؟؟
مبارك: ماعرف يمكن من ساب أوي
أنا: أنزين أطلب لي بيتزا من بابا جونز
مبارك: على شو؟؟
أنا: على جبن و دجاج بس وخلهم يعطونك السوس معاه
مبارك: إنشالله
أنا: أنزين أنتظرك؟؟
مبارك: لا عيوني تعالي معايه شو تقعدين بروحج بعد!؟! لا فديتج يلا معايه

وقمت معاه ورحت طلبت بروحي وغيرت في الطلب رحت بيتزا هت طلبت لي مارجريتا وbread with grilc ويا مبارك صوبي لأن طلبه جهز

مبارك: شو غيرتي المكان
أنا: إيه بس
مبارك: أنزين أنتي وقفي ها الصوب أنا إللي باشل طلبج
أنا: أنزين

ووقفت يمه بس الصوب الثاني بحيث أنه هو إللي يستلم الطلب وخذاه ورحنا على الطاولة إللي قريبة لنا

وكلت لي قطعتين وشبعت لأن كليت أول شي خبز بالثوم فشبعني

مبارك: لولوة ماكلتي شي
أنا: ماقدر أحسه بيطلع من عيني
مبارك: حرام عليج قطع الخبز صغيرات والبيتزا small size ماخذتن لج وين تبين أنتي؟؟! يلا أكلي أقولج روحج هاليومين مب عايبني أكلج
أنا: أنزين باكل أنت بس أنت لا تقعد طالعني جذي
مبارك: أنزين بس قولي الصدج شو تحسين به؟؟ معدتج ردت عليج؟؟
أنا: لا بس مالي خلق أكل أتملل
مبارك: الحمدالله والشكر، ناس تتمنى هالنعمة وناس تتملل منها!! أقول كلي أحسن لج يلا أشوف
أنا: ههههههههههه ياهل أنا؟!!؟!
مبارك: هيه، حتى اليهال أحسن عنج، ياربي شوفوا شقايل تاكل جنها إلا نملة
أنا: أحم والله أنا معدتي ماتتحمل شراتكم تراني إلا صغنونة
مبارك:ههههههههههههههههه لا والله حلفي بس يلا كلي، هي كلها قطعتين وصغار بعد لو كبار باقول معلي وحده وتكفيج بس صغار يلا كليهم بسرعة

وأنصعت لأوامره والله وكليتهم بس حسيت أنهم خلااااااااااص قطعوا أنسمي ماقدر أتنفس حتى، وقعدت على الكرسي أحس أن راسي صار طابوقة ومب قادرة أتنفس ومبارك يضحك علي

مبارك:هههههههههههههههههههه خيبه جي تسوي فيج قطعتين البيتزا ؟؟
أنا: أففففففففف تعذيب والله تعذيب، قوم قوم بسك أكل
مبارك: ههههههههههه يلا قومي أنا مخلص من مساعة بس أنتظرج تخلصين قطعتج عسب نمشي
أنا: والله أنك مجرم

ومشينا وهو يضحك علي وأنا متسانده عليه ولو يحصلي قلت له يشيلني من التعب بس المشكلة أنا مب في البيت في مجمع، ووصلنا البيت على الساعة عشر وثلث تقريبا محد كان تحت مريت على نورة أطمن عليها أنا ومبارك وسولفنا معاها شوي ورحنا عقب قسمنا، وبعد مادخلت غسلت وبدلت ثيابي طلعت حسيت بدورة ضاربتني وأحس إني بارجع_الله يعزكم_ مب قادرة أتحمل وكان مبارك داخل الحمام _كرمكم الله_ طقيت عليه الباب

أنا: مبااارك مباارك أفتح الباب
مبارك: لحظة
أنا: مبارك بسرررررعة ماقدر بطل مبااااراااك

وفتح لي بسرعة الباب وعلى طول رجعت وهو ماسكني حسيت أن روحي طلعت وأنا أرجع إللي كلته، وبعد ماخلصت لازم الدموع تنزل من اللوعة والويع إللي إيي من بعد هذا كله، وقفني وعليا وغسلت ويهي وغسلت ضروسي مره ثانية وأنا مازلت أصيح من اللوعة أففف صج قرف تلوع جبدي من روحي

مبارك: شو أحين أحسن؟؟

مسحت دموعي وهزيت راسي بالإيجاب

مبارك: لولوة حبيبي إذا ماتقدرين تكملين مرة ثانية لا تغصبين روحج أكثر من اللازم وها آخر مرة أغصبج
أنا: لا فديتك بس لأن شوي كانت ثقيلة ما قدرت أتحمل
مبارك: مو مشكلة حياتي يلا أحين أرتاحي

وانبطحت وهو لحفني وأبتسمت له؛ لأن مالي خلق حتى أقول شكراً وهو قدر حالتي وتم صاحي ليحد مانمت وهو ماعرف متى رقد.

مبارك متعود أنه كل يوم يتصل فيني من شغله على الضحى الساعة 11 إلا ربع تقريباً أو ساعات قبل على 10 ونص وإذا تأخر الساعة 11، حافظة كل الأوقات يوم قعدت الصبح من الرقاد أحس أن فيني دورة على خفيف، قلت أحين باتريق وبتروح إنشالله. أنا أول ما أصحى أدخل_كرمكم الله_ الحمام أتغسل من بعدها أرتب السرير وأنظف الغرفة وعقب أدخل أتسبح وأبدل، عقب أنزل لكن اليوم بعد ماخلصت ترتيب الغرفة وتنظيفها حسيت بدورة مرة ثانية، دخلت أتسبح والحمدالله تنعوشت وحسيت روحي أحسن طلعت لبست ثيابي، طالعت الساعة كانت الساعة 11 وربع ومبارك بعده ما أتصل قلت بنزل تحت وبتصل له مرة وحده وأنا شرب شاي الحليب، وصلت باب صالة قسمنا بافتح الباب بس الباب أنفتح عني وأنا حسيت أن دورة قوية داهمتني فجأة وكأن دوامة سحبتني على تحت، طحت مغمى علي!!.

كان مبارك يايني لأنه نسى أوراقه وبالمرة يتطمن علي، بس لقى الشيخة لولوة بين يدينه طايحه على طول حطني على الكرسي وقط علي العباية ولف الشيلة على راسي وشلني في سيارته وطيران على المستشفى ودخلوني على الطوارئ رأساً وهو ميت من الخوف، دخل علي الدكتور وطلب إجراء فحوصات دم لي غير أنهم يقيسون الضغط والسكر في الحال، بعد ماخذوا الضغط والسكر لقوا أن عندي هبوط فركبوا علي مغذي، وبعد ساعة تقريباً وعيت حق روحي وحصلت مبارك يمي بس أنا إللي أتذكره إني كنت في الحجرة وهو كان عليه غترته أنا شلي يابني هني ومغذي مركبين علي؟!؟ ياسلام أكيد طحت عليه ولا إرادياً صحت

أنا: مبارك آبي أمي
مبارك: أششش أهدي أحين أنتي، أنا مويود معاج
أنا: مبارك الله يخليك أتصل فيها
مبارك: لاحول الله ولاقوة باتصل أنتي الحين أسكتي، هدي أعصابج مب زين لج الإنفعال
أنا: أتصل في أمي الثانية<<يعرف إنها بنت عمتي ودايماً معاها على أتصال وهي أكبر عني وساكنة في الشهامة وأحنا في مدينة خليفة
مبارك: إنشالله، أهدي أنتي بس
أنا: مبارك الله يخليك أتصل فيها
مبارك: حبيبي خلاص أنا باتصل الحين أنتي أهدي

وسكت شوي بس دموعي تنزل وهو راح برع يتصل

مبارك: ألو هلا أمايه
خالوا عفرا: هلا مبارك
مبارك: أميه أتصلي في بنت عمة لولوة أم أحمد وخذيها معاج وتعالوا مستشفى خليفة
خالوا عفرا: خير أمي شو مستوي؟؟
مبارك: لا ماشي سلامتج، بس لولوة تعبت وأنا خذتها المستشفى، وهي الحينه تبا بنت عمتها معاها لأنها بحسبة أمها
خالوا عفرا: فديتها حبيبتي إنشالله الحينه أتصل فيها
مبارك: يلا عيل أنتظركم لا تتأخرون، ترا هي تصيح والله مو زين لها روحها تعبانة وويها غادي أصفر من التعب
خالوا عفرا: فديتها إنشالله إنشالله مسافة الدرب ونحن عندكم

وأتصلت خالوا عفرا في بنت عمتي أم أحمد وقالت لها أنها بتاخذها المستشفى، وأتصلت أم أحمد في ريلها وأستأذنت منه وطلعت مع خالوا عفرا في دربهم لي المستشفى، أما مبارك بعد ماخلص مكالماته حق خالوا عفرا وشغله ياني

أنا: مبارك شفيني؟؟
مبارك: إنشالله أحينه بيوصل الدكتور وبنعرف
أنا: مبارك لاتخش عني
مبارك: والله وغلاتج عندي إني ماعرف بعده الدكتور ما يانا الغرفة، أول مابيي باخبرج
أنا: متى بتيي إمي؟؟
مبارك: مسافة الدرب وهم واصلين

وقعد يمي مبارك وأنا دموعي مب موقفة، وعقب نص ساعة تقريباً وصلت أمي وخالوا عفرا
وعلى طووول يات أمي صوبي وحبتني على راسي

أمي: سلامتج حبيبتي ماتشوفين شر
أنا: يمـــــه ....

وصحت بصوت ماقدرت أكتم روحي زيادة، من مساعة وأنا ميودة روحي بس أحين خلاص

أمي: حبيبتي خلاص مافيج إلا العافية، شو يعورج؟؟ شوتحسين به؟؟
أنا: مادري بس راسي يعورني
أمي: حبيبتي مال الصياح هاذي، أنتي سكتي وإنشالله أنتي بخير

وسكت شوي ويات يمي خالوا عفرا وحبتني على راسي وهدئتني وراحوا إثنيناتهم صوب مبارك يسألونه

أمي: مسامحة مبارك ماسلمت عليك
مبارك: لا عادي بالحل يا أم أحمد
أمي: شفيها لولوة شصار عليها؟؟

مبارك: والله مب عارف أمس طلعنا وكلت لها بيتزا ومن بعد مارجعنا الله يعزكم رجعت، واليوم أنا كنت ياي باخذ شوية أوراق ناسيها في البيت فتحت الباب إلا هي طايحة بين يديني وعلى طول طرت فيها المستشفى
أمي: أنزين شوقال لها الدكتور؟؟
مبارك: والله ليحين مايا صوبنا، بس أول شي قاسوا لها الضغط والسكر قال أنهم نازلين فحط لها المغذي وغير فحصوات الدم إللي ليحين ماخلصت، وقال إذا خلصت بيي صوبنا
خالوا عفرا: جيه هم من متى خذوا منها؟؟
مبارك: صار لهم تقريبا ساعة ونص الحين
خالوا عفرا: عنبوه ساعة ونص وليحين ماوصلت؟؟
أمي: لافديتج يبيلها أقل شي ساعتين، إنشالله بتوصل عقب شوي
خالوا عفرا+مبارك: إنشالله

وقعدت يمي أمي تمسح على راسي وتقرا علي القرآن وأنا نفسياً هديت وحسيت بالراحة لأن أحد يمي صج مبارك موجود بس بعد أهلي غير، وبعد أكثر من ربع ساعة وصل الدكتور وراح له مبارك

مبارك: شو دكتور؟ شو فيها؟؟
الدكتور: شو تقرب لك الأخت لولوة؟؟
مبارك: حرمتي، خير دكتور طمني
الدكتور: لا لاتخاف بس كان عندها في الفترة الأخيرة سوء في التغذية فسبب لها نقص في بعض العناصر الغذائية مما أدى حق هبوط في السكر والضغط وخصوصاً أنها تجهد روحها الظاهر في تنظيف البيت من جي نحن بنركب عليها مغذي غير ها إللي أحينه مركب لها يعني في إحتمال تتأخرون إلين العصر
مبارك: مو مشكلة دكتور
الدكتور: وفي خبر ثاني بعد ظهر في الفحوصات
مبارك عقد حواجبه: شو دكتور؟؟ شو بلاها؟؟
الدكتور: لا ماشي بس حبيت أقولك مبروك الحرمة حامل

مبارك وصل حلجه إلين أذنه من الفرحة ههههههههههههه

مبارك: الله يبارك فيك إنشالله

ومشى عنه الدكتور وألتفت صوبي وهو عاقد حواجبه، وقعد على الكرسي مجابلني
أنا خفت قلت أكيد شي جايد ودموعي بدت تهل مرة ثانية وأمي_إللي هي بنت عمتي_ تهدي فيني وهو يطالعني وقرب صوبي

مبارك: أنتي الحينه لشو تصيحين؟؟؟ بس أبا أعرف!!؟
أنا: شو قالك الدكتور؟؟
مبارك: جيه أنتي ماتعرفين؟؟
خالوا عفرا+ أمي: شو فيها مبارك؟؟

وأنا تهل دموعي بسرعة أشهق وأمي إللي كانت واقفة تمسح على شعري عشان أهدئ

مبارك: الحرمة هاملة روحها لاتاكل ولاشي تبا تجتل روحها وتجتلنا وياها وها النتيجه نقص في العناصر الغذائية مما أدى إلى هبوط في الضغط والسكر عندها، شو تبين أكثر من جي ياحلوة؟؟!

ياحلوة؟؟ قالها بتمسخر علي، وصيحي يا لولوة، شقصده يعني؟!! أنا يقولي هالكلام؟؟ وطول ماهو يتكلم أحسه يطالعني بنظرات غريبه أول مرة أشوفهم وبعدين ليش يتكلم وفي صوته نبرة عصبية؟؟ أنزين مو ذنبي، أنا ماكنت أشتهي أكل

أمي: ليش ماكنتي تاكلين حبيبتي مب زين جذي؟؟
أنا: والله والله ما ما كنت أش أشته أشتهي آك آكل لي شي مالي خا خاطر آك آكل
مبارك: هيه وتعال يا مبارك تعذب معاها مو جي؟؟
خالوا عفرا: بس عاد مبارك كفاية إللي هي فيه لاتعصب عليها و تزودها
مبارك: لا أميه خليها تحس فيه، جيه هي روحها تتحسب إللي عندها إحساس وأنا لا؟؟!

وبعد تقول جذي آاااااااخ يا حرقة فوادي وصيحي أكثر

أنا: خلاص ماتبي تقعد معاي روح الشغل روح، مابيك تقعد يلا تفضل

وقرب صوبي وويهي مستوي طماطة من الصياح شفايفي منفخة والخشم مولع جنه لمبة والعيون حمرة_هههههههههه مهرج حشى

مبارك: مب كيفج زين، أنا أسوي إللي أباه
أمي: خلاص يا مبارك عاد وأنتي بعد خلاص
مبارك: والله يا أم أحمد أنها ما تسمع الكلام، عنيدة منشفة ريجي معاها، لو هي ياهل جان باتسمع الكلام لكنها كبيرة وعاجل وجيه، شو تبيني أسوي غير إني أنقهر؟؟!!
أمي: لولوة ليش فديتج تسوين في عمرج جذي؟؟
أنا: والله قلت لكم، والله مب بكيفي، أنا عفت الأكل مالي خاطر آكل أنتو ماتحسون فيني ماتعرفون أفف ليتيني أموت وأفتك

مبارك من سمع هالكلام طلع برع وطلعت له خالوا عفرا

خالوا عفرا: مبارك ولديه تعوذ من إبليس قول لا إله إلا الله
مبارك: أعوذ بالله منك يا إبليس، لا إله إلا الله محمد رسول الله
خالوا عفرا: أحينه لشو كل هالعصبية؟؟ عشان التغذية يعني؟؟ خلاص يابوية لاتعصب ولاشي أنا من يوم وساير باوكلها معايه وإذا ماتبا بنسألك شو إللي تحبه بنسويه لها، بس لا تعصب على البنت دخيلك يابويه، وبعدين مو حلوة جدام أهلها شو بيقولون عنا بعدين ولدنا يعذب بنتهم؟؟!؟
مبارك: لا فديتج بس خلاص أنا باراضيها الحينه، أنتي سيري داخل
خالوا عفرا: لا أنت إللي بتسير جدامي يلا
مبارك: أنزين أصبري باشرب لي قطرة ماي

وراح يشرب له ماي ورجع مرة ثانية حق خالوا عفرا، ودخلوا مع بعض وأمي أبتعدت عن السرير لأن مبارك يا صوبي، حست أن في كلام بينقال من بينا فأبتعدت هي ومبارك تقرب مني واايد بحيث صار ويهه في ويهي

مبارك: حبيبي سامحيني والله من كثر خوفي عليج ما أبا يستوي بج شي
أنا: والله مابا اعاند بس الحين شقالك الدكتور؟؟
مبارك: إللي قلته لج سوء تغذية
أنا: أنزين متى بارجع البيت؟؟
مبارك: حق شو؟؟ حق الأكل ولا تكملين تنظيف؟؟

نزلت راسي

مبارك: شوفي ترا ها المغذي بيخلص وبيحطون لج واحد ثاني ومن بعدها بنرد البيت

أنا رفعت راسي وفتحت عيني وكلها رجى أنه مايخليهم يحطون لي الثاني وهو فهمني

مبارك: لاتحاولين مافي رجعة للبيت قبل ماتخلصينه، شو تتحسبين باخليج تسيرين البيت من دون لاتخلصين علاجج؟؟!؟؟

سكت وماقلت شي وراح قعد على الكرسي إللي شوي بعيد عن السرير ويات أمي صوبي تمسح على شعري وتسولف لي وتنصحني

مبارك: أسمعوا إللي باقول لكم إياه

وكلهم صدوا صوبه وأنا معاهم وتكلم وأحس أن فيه الضحكة بس ميودها ورافع حاجب ومنزل ثاني عشان يكون جدي_كلش ما يناسب

مبارك: ها إللي ستوا للولوة اليوم مو بس عشان إنها ما كلت عدل بس!؟ لا عشان التعب إللي تيبه حق روحها وغير جي عشان!!!!

أنا نزلت راسي وفيني الضحكة عليه لأنه من قبل ينقهر لين أنظف حتى لو الحجرة نظيفة أمسحها عن الغبار بعد مايرضى عاد والله هو كيفه لكن أنا ماحب إلا بعد وأحين طحت عليهم..

أمي: عشان شو؟؟

مبارك نزل راسه وخرعني وأنا ألتفت على أمي إللي مازالت تطالع مبارك عشان يتكلم ورد مرة ثانية رفع راسه وهو مبتسم

مبارك:عشان لأن حظرتها حامل وهي أبد مو مفتكرة

أنا بققت عيني على الأخير وبطلت حلجي بس مافي كلمات ، مب راضية تطلع مني وعيني بدت تدمع من الفرحة وهو يشوفني وشاق حلجه وهز راسه أن إللي يقوله لي صج وأنا ماعطلت دموعي نزلوا من الفرحة وأمي وخالو عفرا حبوا لي راسي وباركوا لي عقب باركوا لمبارك، ما تتخيلون مدى فرحتي بهالخبر لأني أمووووت في اليهال عشقي شي أسمه beby، تموا شوي معاي خالوا عفرا وأمي وعلى الساعة ثنتين إلا ثلث طلعوا من عندي أول شي بتوصل أمي بعدين خالوا عفرا بترجع البيت.
أول ماطلعوا مبارك يا صوبي

مبارك: مبروك غناتي
أنا نزلت راسي مستحية منه: الله يبارك فيك وأنت بعد مبروك
مبارك: الظاهر يالولوة باقعد لج الـ cooker حقج عسب أعرف شو تاكلين
أنا:ههههههههههههههه ليش؟؟ لا لا لاتخاف باكل أحين أنا إثنين مب واحد
مبارك: الحمدالله تعرفين بعد؟!!
أنا: إيه شله عبالك ياهل؟؟
مبارك: لا حرمة الحينه الياهل ياي في الطريج
أنا: أفا كنسلتني هاا؟! بس أنت قول بإذن الله ياي
مبارك: هههههههه إنشالله بإذن الله ياي
أنا: مبارك عاد قولهم يخلون الثاني حق باجر وأنا اليوم باكل والله، وإذا ماكلت ييبيني مرة ثانية خلهم يركبونه لي
مبارك: أنا أبا أعرف ليش تبين تردين البيت خليهم يخلصون علاجج بعدين أرجعي يعني لازم تعبينا معاج؟؟
أنا: عااااااد عااااااااد مبارك حبيبي أنت قولهم
مبار: ههههههه يالعيارة أنزين باشوف

وراح قالهم قالوا له أوكي بس على مسؤوليته اليوم بيطلعني، ورجعنا البيت ونورة وصلت قبلنا وحشرت البيت بيبابها مستانسة علي لإني حامل، قعدت تحت في الصالة وهي مستمرة في اليباب لأن باييب لهم بيبي هههههه هههههههههه إللي يقول ماعندها عيال خوات

أنا: نوروه يعني أحين عيال خواتج مب ماليين عينج؟؟
نورة: لا طبعاً عيال مبارك فديته غير، صح أخويه؟؟
مبار: هيه جيه كل اليهال عيال مبارك بن محمد؟؟
نورة: لا طبعاً
أنا: هههههههههههههه والله أن حالتكم صعبة
مبارك+ نورة: جداً جداً
أنا: هههههههههه لابالله مب صاحيين
مبارك: نورة بعد جبدي أختي ممكن تسيرين غرفتج أبا أقعد شوي ويا حرمتي
نورة: إنشالله من عيوني ياخويه

وراحت نورة وأنا قلبي أحسه وصل بلعومي لأن مبارك ماصرفها إلا عنده شي

أنا: شله وعليا صرفتها؟؟
مبارك: كيفي أبا آخذ راحتي وياج
أنا: ههههههه إنزين بس خلنا نروح حجرتنا على كيفنا

وتوني واقفة صرخ مرة وحده خرعني

مبارك: لولوة لاااااااااا
أنا: ليش؟؟؟؟؟ شفيك؟؟

وبسرعة يا صوبي وأنا أشوفه، شفيه ذي الحين؟؟!! وعلى طول شالني وأنا أضحك على خباله وهو يضحك على ضحكتي ومانزلني إلا على سريرنا ولحفني بعد

مبارك: شوفي أن سمعت يا لولووه أنج تحركتي تنظفين الغرفة ياويلج مني، والحينه باتصل حق أمج في البحرين باخبرها لأن أمي أكيد خبرت خواتي والكل عرف أنج حامل
أنا:ههههههههههه وحليلها خالوا
مبارك: هههههههه عادي متعودين نحن أمي تسوتي وكالة أخبار تخبر الأولي والتالي
أنا: هههههههههه مبارك حرام عليك، قول ماشالله لايصير فيها شي
مبارك:ههههههههههه ماشالله اللهم لاحسد
أنا: أممم مبارك إذا ماعليك أمر آبي شوربة
مبارك: بس؟؟ شو من نوع تبين؟؟
أنا: هاذي العادية حتى لو ماجي عادي
مبارك: أنزين أنا باخبر أمايه باخليها تييب لج شوربة أن تحركتي ياويلج فاهمة
أنا: هههههههههههه أنزين روح بس لا تتأخر

طلع هو وأنا غمضت عيوني وأتبسمت وحطيت يدي على بطني، الله شنو حلو هالشعور أنج تكونين أم وخصوصاً إذا كنتي تحبين اليهال.. الله ودي أصرخ من الأناسة بس أنا مب مينونة لهدرجة يعني كفاية الفرحة إللي أحنا فيها الحمدالله على كل حال، يالله ياربي يدومها علينا، تعبت وأنا منبطحة حتى في السيارة سدح لي السيت_الكرسي_ رحت الحمام الله يعزكم وأنا داخل سمعت حسه

أنا: مبارك أنا هني في الحمام

وأختفى حسه طلعت إلا الأخ متربع لي عن الباب

أنا: شتسوي أنت هني؟؟
مبارك: يعني شوتبين أسوي؟؟ أنتي توج صاحية وسايرة الحمام روحج، أنتي أبا أعرف ماتوبين؟؟ ماتخافين تطيحين بسم الله عليج وأنا محد؟؟
أنا: تؤ، لا لأن أدري بك بتحس وبتيني على طووول
مبارك: مرة ثانية لاتحركين وإذا دخلتي لا تقفلين الباب يعني ماحد في الغرفة إلا أنا وأنتي، إذا أنا مش موجود بتعرفين إني داخل وأذا أنتي مش موجودة بعرف أنج داخل، عشان إذا لا سامح الله أستوا شي الباب مفتوح مب مقفول و ما أبتلش ذيك الحزة
أنا: أمممممم معلي يصير خير
مبارك: لووولووه
أنا: ههههههههههه إنزين إنزين انت قوم من طريجي لا أطيح على ويهي الحين
مبارك: يلا قمنا وعشر دقايق الشوربة بتوصل لج ولا تاكلينها إنزين حبيبتي!!
أنا: إنشالله من عيوني ماطلبت
مبارك: لولوة
أنا: عونها
مبارك: عانج الرحمن، أقول غدي عاقل وتغذي أبا إللي في بطنج ها يطلع دب
أنا: دب عاد مرة وحده؟؟! هههههههه يصير خير
مبارك: ماباه ضعيفون ماعرف حتى كيف أمسكه!!؟
أنا: لايكون تبي البيبي طوله متر؟؟
مبارك: هيه عيل كم إيي طوله؟؟
أنا: الله يسلمك إيي 10 أمتار إلا أثنين سانتي
مبارك: هههههههههههههههههه هههههههههههههههههههههههه ههههههههههههههههههههههه ههههههههههههههههههه هههههههههههههههه ههههههههههههههه هههههههههههههههههه ههههههههههههههههه هههههههههههههههه ههههههههههههههههههه هههههههههههههههه هههههههههههههه الله يغربل إبليسج شو بعد 10 إلا 2 سانتي تتمصخرين؟!!!
أنا: يعني شاسوي فيك؟!! والله ماعرف أشيله ماتعرف بس لاتجيسه خله عند أمه أحسن له
مبارك: حلفي أنتي بس؟!! لا ما ألمس ولدي روحي زين
أنا: والله أن حالتك صعبة، خلني أخلص الثلاثة أول بعدين يصير خير، تونا في الحمد والأخ من أحين يتحكم

مبارك: حلفي أنتي بس؟!! لا ما ألمس ولدي روحي زين
أنا: والله أن حالتك صعبة، خلني أخلص الثلاثة أول بعدين يصير خير، تونا في الحمد والأخ من أحين يتحكم

وطقوا الباب

مبارك: الطلبية وصلت
أنا: أنزين يلا ييبها

وراح خذ الشوربة من عند الخدامة وأنا قاعدة أنتظره على السرير

مبارك: وها أحلى شوربة حق أحلى لولوة ومعاها عصير برتقال بعد
أنا: بعد؟!
مبارك: هيه عيل شو بس جي بدون شي
أنا: لا يعني قلت بس ماي
مبارك: لا لا العصير أحسن فيه فتامينات
أنا: لاحول الله ولاقوة، عطني عطني الله يخليك دكتور مبارك مسوي عمره مول بعد
مبارك: عينج يالكريهه شربي الشوربة كلها
أنا: خير إنشالله

وقعد يطالع التلفزيون وأنا قعدت أشرب الشوربة على سعه، والحمدالله شربت ثلاثة أرباعها تقريباً وعصير فوقها يعني الناتج بابنط آبي أروح الحمام الله يعزكم، قمت عنه رايحة الحمام هو بس سمع صوت الباب يتسكر خاف إني بارجع

مبارك: لولوة شو ترجعين؟؟
أنا: لالا
مبارك: أنزين أرتاحي بعد ماتطلعين
أنا: أنزين

وبعد ماخلصت وطلعت بدلت ثيابي وأنبطحت ورحت في نومه ويا مبارك يطل علي شافني راقده فأنبطح يمي يراقبني يخاف يستوبي شي وهو مب يمي، وما صحيت إلا يوم هو وعاني حق صلاة العصر وكان يضحك على شكلي ليش أن عيوني منتفخة من الزين ورحت أتغسل وأتوضا حق الصلاة وصليت، ومن عقبها قعدت متسانده على ظهر السرير ومغمضة عيني أحس إني ماشبعت رقاد، وياني مبارك بس مافتحت عيني، مب مشتهية حتى أقول بم

مبارك: لولوة حياتي راقدة؟؟
أنا: همممم
مبارك: شو فيج حياتي تعبانة؟ تبيني آخذج المستشفى؟؟

فتحت عيني على خفيف وطالعته بطرف عيني

أنا: من شكى لك الحين؟؟ من تكلم؟؟ أنا الحمدالله مافيني شي
مبارك: خلاص أنزين، أنا بنزل تحت تبين شي؟؟
أنا: إيه بنزل معاك
مبارك: هيه مو لين شفتي اليهال رحتي تلعبين معاهم، مب زين لج القعدة وايد وتعبين روحج وايد سامعة
أنا: إنشالله دكتور مبارك
مبارك: يلا جدامي أشوف

ونزلنا تحت وباركت لنا فطيم وعواش، يات عفاري يمي

أنا: هلا والله بعفاري شحالج فديتج؟؟

قعدت يمي على الكرسي

عفرا: أنا بخير خالوا أنتي شحالج؟؟
أنا: أنا الحمدالله بخير يسرج حالي، شو هالكشخه؟؟
عفرا: حقج خالوا أنتي حلوة لأنج دوم تكونين كشخة قلت باستوي مثلج
أنا: حياتي والله أنتي
عفرا: خالوا؟؟
أنا: يا عيون خالو، قولي حبيبتي؟؟
عفرا: صدج بتيبين بيبي؟؟
أنا: هيه، ليش أنتي ماتبين آيب لج بيبي؟؟
عفرا: بلا بس أخاف بعدين ماتلعبين معانا شرات الحينه
أنا: لا فديتج كلنا بنلعب مع بعض
عفرا: صدج خالوا؟؟!
أنا: هيه يا حبيبة قلب خالوا صدج
عفرا: الله وناسه بتلعبين معانا يلا عيل قومي معايه
أنا: روحي حبيبتي وبايي أنا من بعدج
عفرا: أوكي نحن نترياج لاتتأخرين علينا

وقعدت معاهم شوي عقب رحت حق اليهال، أستانسوا إني بالعب معاهم عبالهم بس خلاص ماراح ألعب مثل قبل، وعقبها نادونا حق العشى يعني قعدت ألعب معاهم أزيد من إللي قعدته مع الباقي، تعيشنا كلنا مع بعض كانوا مسويين سندويشات صغار دجاج بالمايونيز وغير المعجنات فحطيت لي سندويشه وقطعة معجنات باللبنة وشربت كوب الحليب والحمدالله الكل قام ، عقب ماقمنا من على العشى رحنا الصالة نسولف بس بالنسبة لي تأخر الوقت وصارت الساعة 10 إلا شي وأنا خلاااص قفلت، صعدت غرفتي ومبارك ركب وراي يخاف يستوي بي شي وهو محد، وخصوصاً أن خالوا عفرا موصيته علي لأن الأشهر الأولى مهمة فتخاف أطيح ومحد معاي، أو إني أرجع وأتعب محد معاي، و إني أتعب روحي بزيادة، فعلى طول ركب وراي أنا من وصلت غرفتي خلاص أحس اللوعة وصلت حدها و وينك يالحمام_ الله يعزكم _ وأرجع كل إللي أكلته، طلعت روحي أحس أن روحي تطلع وترد لي مرة ثانية لأني بالقو أرجع، أحس أن جبدي ومعدتي يعتصرون من القوة، ومبارك يودني وأنا أتراعد بين يدينه وهذا حالي في بقية الأشهر بس كان أزيد شي في الشهور الأربعة الأولى بس بعدين خفت قوة الترجيع عندي لكن أستمر معاي، ومبارك مستانس لأن ظهر لي بطن صغيرون ومن وصلت الخامس بدا يتشرا ثياب حق البيبي وأحنا مانعرف جان هو ولد لو بنت، فكان ياخذ ألوان محايدة لاهي مقتصرة على الولد ولا على البنت، وطبعاً أمي كانت تنزل الإمارات كل أسبوعين تقريباً غير إني نزلت لها مرتين بس تعبت فقالت لي إني مانزل لهم هي راح تنزل لي، وشهر عن شهر بطني يكبر ومبارك فرحان على شكلي لأن دشتني العافية وأنا كارهه روحي لأني مب قادرة ألبس شي كل شي صار ضيج علي، يعني مبارك مضطر أنه مايشتري ثياب حق البيبي بس حتى حق أم البيبي وهاذا إللي مفرحه زياده، وأهله مب مقصرين معاي الكل مب مخليني أحرك عود في البيت غير إللي يتشرونه لي وغير إللي أنا آخذه تقريباً حجرة كاملة بس حق البيبي إللي كانت فاضية أحين أمتلت، وهم مستانسين عليها حتى اليهال أناديهم عشان يساعدوني في الترتيب، وكل شهر أحس بروحي أثقل من إللي قبله، ومبارك مافيه إلا لاصق فيني ويحط يده على بطني يراقب حركة البيبي، حتى اليهال يناديهم يحطون يدهم يشوفون البيبي بس إللي كانت متعلقة فيني وايد عفاري فديتها كاسرة خاطري مادري ليش أحس فيها ماتقدر تستغنى عني حتى قلت حق مبارك

أنا: مبارك باقولك
مبارك: قولي حياتي
أنا: عفرا فديتها كاسرة خاطري
مبارك: لشو يعني كاسرة خاطرج؟؟
أنا: مادري!. بس أحسها وايد متعلقة فيني وباجر بإذن الله إذا ربيت بالسلامة يمكن أنشغل بالبيبي وهي تزعل، وأنا أعرف اليهال في ذي السن إذا تعلقوا بأحد وتركوهم فجأة ينغلقون على نفسهم، مو بالساهل يردون يثقون في إللي حواليهم
مبارك: والله ماعرف شو أقولج!!؟ باحاول آخذ مكانج
أنا: والله أنا بروحي حيرانه في أمرها يعني لاتقول أمها أو أبوها مقصرين وياها،.. بس سبحان الله مثل مايقولون المحبة من الله
مبارك: هيه والله شرات حالتي
أنا: ههههههههههههههه هههههههههه والله أنك متفيج من الزين، أنا في وين وأنت في وين!!؟ شو دخل ذي في ذاك؟!؟؟
مبارك: كيفي أنا أدخله
أنا: إيه لأنك مب صاحي هههههه
مبارك: هيه بسبتج، أنزين أحين خلينا في المهم كم شهر باقي لج؟؟
أنا: 4 شهور بإذن الله
مبارك: يعني على شهر كم ماعطينج موعد؟؟
أنا: على شهر 7
مبارك: قولي أنزين تاريخ كم؟ حشى تكلمي أشحت منج!؟!!؟؟ تعطيني بالقطارة
أنا:هههههههههههه لا فديتك، على ماظن 7\7
مبارك: هيه وايد زين، بس لولوة أباج تربين في هالتاريخ تحملي تغيرين
أنا: ليش على كيفي هو؟؟! والله حالتك صعبة
مبارك:ههههههههههههه بإذن الله بتربين في هاليوم وأنا كل يوم بدعيلج وباخلي الكل يدعي معايه
أنا:ههههههههههههه
مبارك: لولوة؟؟
أنا: نعم؟
مبارك: مادري أحس بطنج صناعي مب صجي!!
أنا: هههههههههههههههه ههههههههههههههههههههه حسبي الله على إبليسك هيه صناعي حتى أروم أحطه على الجارج وأنت الصاج
مبارك: هههههههههههههههههههههههه ههههههههههههههههههههه ههههههههههههههه ههههههههههه هههههههههههههه فديتج والله، لا بس قصدي شكله جي ماعرف كيف مستوي!! أخاف يحسدونج أنتي صدج متنتي شوي بس ها مال الحمال وبطنج مستوي كأنه كرة ماشالله تبارك الله عن أحسدج بعد
أنا: ههههههه والله شاسوي بعد؟!؟! الحمدالله على كل حال أهم شي ربك بيرزقنا الذرية الصالحة إنشالله بس هاذي إللي يهمنا، أما شكل بطني بعد شاسوي فيه ترا حتى أمي كانت جذي إذا تحمل لأنها ضعيفة
مبارك: الله يذكرها بالخير، أشهد إنها ماتقصر كل مرة تنزل لازم في يدها شي لنا إلا متى هي بتنزل؟؟
أنا: والله مادري على الأسبوع الياي إنشالله
مبارك: بالسلامة إنشالله
أنا: إنشالله، مبارك آبي شي
مبارك: قولي فديتج
أنا: آبي فلافل
مبارك: الحينه؟؟
أنا: هيه، مافي مطعم مفتوح يعني؟؟
مبارك: هيه شي مطاعم، أنزين تبين تيين وياي ولا تنتظرين؟؟
أنا: لا بايي وياك بروحه ملل، ما أقدر أطلع وايد على الأقل أشوف الدنيا وياك
مبارك: عيل يلا فديتج سيري تلبسي

ولبست ونزلت معاه تحت، كانت الساعة 9 وهم تعشوا، بس أنا طقطقت معاهم لأني مب مشتهية من كثر السوائل والفاكهة وسلطة الخضرة إللي آكلها على طول بس يترسون البطن، ورحنا مطعم صغير في آخر المنطقة والحمدالله إللي كان عنده، وماشالله عليهم بفلافل عجيـــــــــــــيب

مبارك:كليه الحين دامه حار
أنا: أنا أقول من الأفضل آكله في البيت
مبارك: هـــــيـــــــه صح، بعد مافيه تلعوزين السيارة
أنا: مو مشكلة مابرد عليك كفاية مطلعني تشتري لي
مبارك: أفا عليج حياتي حاظرين تعالي كل يوم وأنا لج
أنا: أصلاً غصبن عنك
مبارك:اشووو؟؟
أنا: إللي سمعته حياتي
مبارك: هههههههههه مو مشكلة ما برد عليج لأن ردي بيعورج وصراحة مافيه على المستشفيات
أنا: أحلف بس أنت؟!!
مبارك: هيه عيل شو تتحسبين؟!!؟
أنا: لو سمحت سوق وأنت ساكت أحسن
مبارك: هههههههه

وصلنا البيت وتبون الصج تحسفت قد شعر راسي لأن ياتني الدورة وأنا ماتحمل وأول مادخلت قعدت على أول كرسي جدامي

مبارك: شو؟؟

سكت عنه بس أحس أن جبدي لايعه

مبارك: لولوة؟؟ بتقعدين هني؟؟
أنا: أففف أسكت شوي الله يخليك

ويا قعد يمي ويود يدي وحط راسي على جتفه

مبارك: تبيني أشلج فوق
أنا: لالا مافي داعي بس ياتني دورة شوي
مبارك: ومسوية روحج بطلة وتبين تطلعين بعد؟؟! ها آخر مرة لج
أنا: كيفي، آبي أطلع والله تمللت ما أطلع من البيت إلا من متى لي متى حتى أهلي مارحت لهم من حملت أففففف والله ملل
مبارك: هههههههه لولوة شو فيج؟؟ أنتي ماترومين على الدرب وهم وحليلهم ما مقصرين بين الفترة و الثانية يايينج، شو تبين أكثر بعد؟!؟؟
أنا: آبي أطلع
مبارك: خير إنشالله، يلا قومي الحينه
أنا: لا باكل هني وبعدين باركب فوق
مبارك: لابويه، أنتي أصلاً ماترومين تمشين حتى، أنا باشلج يلا واحد اثنين ثلاثة
أنا: ههههههههههههههه

وشالني وأحنا راكبين على الدري

مبارك: لولوة؟
أنا: عيونها، آمر فديتك
مبارك: ما يامر عليج عدو، بس بعده وزنج قليل!!؟ أنا أحين شالنج جني إلا شال عفروه ولا دلول
أنا: هههههههههههه يعني تبيني أصير دبه ولا شالسالفة بالضبط؟!؟؟؟
مبارك: لا بس يعني شوي أحس أنج متنيتي عن قبل بس مو وايد
أنا: بس أحمد ربك باجر لين متنت بتقول لي ضعفي
مبارك: الساعة المباركة إللي باشوف فيها لولويتي متينة
أنا:

ودخلنا قسمنا وقعدنا في الصالة وياب لي عصير برتقال

أنا: مبارك؟!!! ناوي علي أنته؟؟
مبارك: لشو حياتي؟؟
أنا: حرام عليك في الليل أحين ويايب لي عصير برتقال عشان يحرق يوفي؟!؟
مبارك: ههههههههههه أنزين شو تبين تشربين؟
أنا: جنه شفت مساعة عصير جوافة، يبيه الله يعافيك
مبارك: شو عرفج أن شي عصير جوافه؟؟ أنا البارحة يايبنه ما وحى لج؟!
أنا: هههههههههههههه لأني كنت منظفه المطبخ
مبارك: حلفي أنتي بس؟!
أنا: والله العظيم، وصخ ومغبر والخدامة مانظفته عدل رحت مسحته ورتبت كل شي
مبارك: أقول ها آخر مرة لج، والحينه رفعي ريلج لأنج طولتي بالوقفة أعرفج
أنا: لا والله مب وايد
مبارك: أكيد إلا كلها ساعتين أو ثلاث بس صح؟؟!
أنا: هههههههههههههه ماشالله تعرف بعد!؟
مبارك: لولوة حياتي أنتي، إذا أنتي بايعة روحج أنا مشتريها بماي عيني، فأرجوج لاتخليني أطلب من المستشفى يجهزون لج غرفة عندهم من الحين لي موعد ولادتج
أنا: شله عاد؟؟
مبارك: عشان يهتمون فيج وأضمن أنج ما بتحركين
أنا: الله يسامحك، والله يا مبارك ضقت لا أطلع ولا أنزل لكم وايد حتى خالوا عفرا وعمي محمد إييون لي عندي والله إني أفتشل فيهم، أنتوا ماتحسون بالضيق إللي أنا فيه، حتى خواتي مشتاقة لهم وااايد وماقدر أشوفهم بسبة إني ماتحمل التعب إللي بالاقيه في الرحلة وهم عندهم مسؤوليات بعد، والله أحس إني مخنوقة

وماخلصت كلامي إلا دموعي تيمعت في عيني، بس صج مو مني متضايقة الحمال وايد تعبني ماقدر آكل إلا رجعته، وما أقدر أتحرك وايد إلا حسيت بدورة، وإذا طلعنا فترة طويلة والدرب طويل أتم أرجع، يعني أنا روحي متضايقة من روحي، وهو وعليا يوم شاف حالتي جذي يا قعد يمي ويود يدي وحبني على راسي

مبارك: حياتي هانت ما بقى شي راح الكثير وبقى الجليل، وبعدين خواتج قالوا لج أنهم بيونج يوم بتربين بإذن الله، وإذا على الطلعة خلاص ولا يهمج باطلعج وحتى لو ترجعين في السيارة وتلعوزينها عادي
أنا: ههههههههه ووووخ عشان عدل تلوع جبدي
مبارك: هيه عادي تفداج
أنا: مبارك صج آبي أنزل البحرين تمللت من زمان مانزلت لهم، من بداية الحمال بس وأحين 6 شهور مارحت لهم
مبارك: حياتي أنتي تعرفين في أي شهر الحين؟؟
أنا: هيه أكيد
مبارك: أي شهر؟؟
أنا: في السادس بعد أي شهر يعني!؟!!
مبارك: وتعرفين أن إللي في السادس ممنوع يسافرون لأن خطر عليهم
أنا: أففففف شيخصهم فيني أنا كيفي
مبارك: مادري منو بيسمع كلامج، أنتي بالسيارة وماترومين إلا بالطيارة؟!! أقول عطي روحج العافية وأسترحي عندي، وبعدين أنتي ماتفكرين؟؟! يعني لو رحتي عني مع منو أقعد أنا؟! أتم روحي يعني؟!!!!
أنا: ههههههههههه والله حالتك حالة، كلن يغني على وا ليلاه
مبارك:ههههههههههههههههه هههههههههههههههههه هيه ليلاه
أنا: أنزين عطيني سندويشي
مبارك: ها أندوج
أنا: تدري قصها نصين
مبارك: وها نصين تفضلي

وكليت ربعه وشبعت

مبارك: شو ها سنوديشه وقصيناها نصين تاكلين ربعها؟!؟؟
أنا: ههههههههههههههه هههههههه نسيت أقولك تقص النص نصين بعد هههههههههههه
مبارك:هههههههههههههه والله أنج!!؟ يلا أنزين قومي أرتاحي
أنا: يلا قمنا

وبدلت وتغسلت بس هالمرة الحمدالله مارجعت وقمت من مكاني

مبارك: وين بتسيرين بعد؟؟
أنا: لا ولامكان باروح أشرب لي حليب أحس بحارج
مبارك: زين

ورحت شربت لي حليب لكن من خلصت كوبي قمت أتلوع وركضة وينك يالحمام و عووووووووع_عز الله السامعين، كل شي طلع ومبارك ميود راسي لأني أتعب وأنا أرجع، أرتجف بين يدينه الحمدالله أنه معاي جان من زمان مت والله نفضة تسري في الجسم وبرودة غريبة خلصت وقمت غسلت وطلعت

مبارك: لا حول الله ولاقوة، أنتي شو لج سايرة تشربين حليب وأنتي أصلاً لاتحبينه ولاترومين له
أنا: والله يعني شاسوي؟!! لازم غصبن علي أشربه هو الحل الوحيد إللي ينفع معاي لأنك تعرف ذاك الدوا يطلع روحي لين خذته ماتحمله أخس من الحليب بعد
مبارك: هيه أعرف يالله انشالله فترة وبتنقضي يلا أرقدي الحينه


مبارك: لا حول الله ولاقوة، أنتي شو لج سايرة تشربين حليب وأنتي أصلاً لاتحبينه ولاترومين له
أنا: والله يعني شاسوي؟!! لازم غصبن علي أشربه هو الحل الوحيد إللي ينفع معاي لأنك تعرف ذاك الأدوة يطلع روحي لين خذته ماتحمله أخس من الحليب بعد
مبارك: هيه أعرف يالله انشالله فترة وبتنقضي يلا أرقدي الحينه

وأنبطحت حسيت روحي خفيفة و النوم شي صار عندي لايقاوم، من حطيت راسي نمت ومبارك يتأمل فيني ومن فترة قريبة كان يقولي


"مبارك: لولوة تعرفين؟!!
أنا: شنو؟
مبارك: ترى بعدج يوم تنامين جنج ياهل برغم أنج الحينه حرمة ومتزوجة وعلى مشارف تربين وتيبين بيبي بس بعدج لولوة الياهل
أنا: والله!!
مبارك: للأسف هيه
أنا: شله بعد للأسف؟!! هههههه هاذي رقدتي شتبيني أسوي يعني؟؟!؟
مبارك: لا مو عشان إنها ها رقدتج، عشان باجر بإذن الله يوم بتربين بالسلامة أنا من باشوف؟!! البيبي الكيبرة إللي الحينه يمبي؟؟ ولا البيبي الصغيرون إللي توه ياي؟!؟؟
أنا:هههههههههه والله حالتك صعبة صراحة أنا اقول أرقد وماتدري باجر يوم أربي يمكن أغير رقدتي
مبارك: أمممممم ماظن، يلا حبيبي نامي
أنا: تصبح على خير"


اليوم الثاني أصبحت رحت حق نورة بما أن اليوم إجازة والكل بيتيمع في البيت رحت لها غرفتها

أنا: ها نوير شخبارج؟؟
نورة: الحمدالله، أنتي شحالج؟؟ وشحال بيبينا؟!!
أنا: الله صار بيبيكم الحينه؟؟
نورة: هيه أكيد
أنا: ماعلينا، شخبار فيصل؟؟
نورة: الحمدالله بخير
أنا: إلا تعالي ماحددتوا متى العرس؟
نورة: مادري يمكن على الصيف
أنا: نوروه حرام عليج إذا أنا بربي في الصيف تسوينه في الصيف؟؟ نطري على الأقل
نورة: والله مو كيفي هو مستعيل
أنا: الله فيصل مستعيل؟؟ ولا أنتي بعد مستعيله معاه؟!!
نورة: لوولواا
أنا: هههههههههههههه أنزين أنتو مفكرين على تاريخ جم تسوونه؟؟
نورة: مادري يمكن على نهاية شهر 8 تقريباً
أنا: هاج عاد والله أنا مالي شغل باكلم خالوا مريم وعفرا باخليهم يأجلونه لي عطلة الربيع وعاد جان فيج خير غيري
نورة: لووولوووووووو شو ها؟!!
أنا:والله كيفي، لا عيل أخليج تسوين عرسج وأنا توني مربية.. خير إنشالله أقول أنتي بس عطي روحج العافية وأسترحي أنتي وبعلج العزيز هههههههههههههههههههههه
نورة: بس تدرين أحسن، أحنا الحين أي شهر 3 !؟! يعني مايمدي إني أتجهز على الأقل يبالي أربعة أشهر جدام
أنا: بس عيل خليه مرة وحده وبعدين كملي هالكورس وعشان مايبقى لج إلا فصل واحد وتخلصين مثلي
نورة: هيه والله، بس شورج وهداية الله
أنا: بس عيل، إلا أقولج من بينا اليوم غير فطيم وعويش؟؟
نورة: ماحد هم وعيالهم بس
أنا: أوكي نوروه متملله تعالي معاي الحجرة شوي
نورة: يلا سرينا

ودخلنا القسم وسحبتها معاي الحجرة

نورة: شو تبين تسوين؟؟
أنا: نقي لي شي ألبسه، لاعت جبدي من الجلابيات شكلي باقطهم كلهم
نورة: خبله أنتي؟؟ شو تفرينهم جيه ببلاش أنتي شايرتنهم؟؟؟ إذا ماتبينهم أنا أباهم يداد تبا تفرهم! والله ماشي مخ عندج
أنا: أنزين بلا هذره زايدة أحين وشوفي لي شي ألبسه

وفتحت الكبت وطلعت لي تنورة مالبستها شراها لي مبارك من فترة بسيطة لونها وردي وأنا طلعت لها بلوزة مالت حمل يدها قصيرة، واسعة من تحت الصدر ولبستها وصرت كشخه بس بقى إني أعدل شعري وأتمكيج، من زمان ماحطيت لي شي نورة يات عدلت شعري حطت لي مشبك صغير على صوب لمت به أغلب شعري ومشبك ثاني الصوب الثاني وفليت شعري اللي يوصل إلى نص ظهري وأنزل بشوي وطلع شكلي بيبي والمتن مناسبني وأنا حطيت لي آي شدو وردي على لون التنورة والبلوزة البيج إللي كانت موردة بورود صغيرة نفس لون التنورة

أنا: ها نواره شرايج؟؟؟
نورة: فديتج حلوة، يعني شو تبين أقولج؟؟ أنتي من زمان حلوة بس الحمال مناسبج وايد محلينج
أنا: فديتج عيونج الحلوة غناتي يلا خلني أنزل، أنتي بتنزلين أحين ولا بعدين؟؟
نورة: لا، شو بعدين؟؟ أنا روحي كنت بنزل يوم يتيني
أنا: يلا عيل

ونزلنا تحت خالوا عفرا أنكسر خاطرها علي لأن تعرفني ماقدر على صعدة الدري بعدين بتعب بس استانست إني غيرت جو ونزلت وخصوصاً أنهم كلهم متيمعين

أنا: السلام عليكم
الكل: وعليج السلام والرحمة

ورحت صوب عمي محمد وخالوا عفرا حبيتهم على راسهم وقعدت على الكرسي إللي مجابلهم

عمي: حيالله بنتيه، توه مانورت صالتنا.. شو هالحلاة؟؟ ماشالله عليج تبارك الله، شو إنشالله أحسن الحينه؟؟!
أنا: الحمدالله على كل حال، شخبارج خالوا؟؟
خالوا عفرا: الحمدالله بنتيه يسرج الحال، بس أنتي ليش معذبة روحج ونازلة لنا نحن كنا بنييج كلنا فوق
أنا: لا خالوا شدعوه أكاني نزلت وبعدين تغيير جو، والله ملل القعدة ولو مب اليهال إيوني جان مت من الملل
عمي محمد: بسم الله عليج يابنتي، أنزين أنا أقولج شو رايج ننزل أغراضج تحت لين ماتربين بالسلامة؟؟
أنا: مادري عمي باشوف مبارك وبارد عليك
عمي محمد: براحتج بنتي أنا مابا أغصبج على شي

وقعدت شوي إلا فطيم وعايشه يايين من صوب المطبخ وعلى طوول يوني يسلمون علي لأن صرت ما أنزل تحت لهم وايد

فطيم: حيالله لولوة هلا وغلا والله
أنا: الله يحيج فديتج شحالكم؟؟
فطيم: الحمدالله يسرج الحال، شحالج أنتي ويا التعب؟؟
أنا: والله الحمدالله مشيين الحال، هلا عويش حبيبتي شخبارج؟؟
عايشه: الحمدالله بخير، يالله لولوة مستوية إلا بيبي، شو هالحلاة مع ها البدلة؟؟ صراحة أنا مالوم أخويه يوم كنتي محد
أنا: شدعوة عاد؟!

إلا بدخلة اليهال علينا من الحوش

كلهم: خالو لولوااااا

وركضوا صوبي يسلمون علي كلهم حبوني وسلموا بس عفاري فديتها طاحت في حظني لميتها وحبيتها

أنا: شو عفاري؟ كنتي تلعبين؟؟
عفرا: هيه كنا نلعب في الحوي
أنا: شو كنتوا تلعبون أبا العب معاكم
اليهال: الله صدج؟؟
أنا: هيه والله صدج، يلا بلبس وقايتي وأنا طالعة معاكم
خالوا عفرا: بنتيه تراج ماترومين إيلسي
أنا: لا خالوا الحمدالله أحس روحي أحسن من كل يوم، كفاية مبارك مقعدني خلني أشوف الدنيا، وبعدين أنا من زمان مالعبت مع اليهال باروح وياهم أستانس
عايشه: لولوة فديتج ماباج تعبين روحج، أعرف أنج بتسيرين معاهم تلعبين، بس تراه أنتي مثل ما قالوا لي ماترومين تتحركين وايد أقل شي تييج دورة وترجعين
أنا: لاحول ولا قوة منو ها إللي قالج؟؟ تراني الحمدالله بخير والله أن ماشي فيني
فطيم: أنزين يلا أنا بطلع معاج وعلى فكرة الرمسة الإماراتية لايقة عليج
أنا: ههههههههههههه يلا عيل

ويابت لي ولها وقاية لبسناها ورحنا برا في الحوش، أنا قعدت على الكرسي و ياو اليهال صوبي

محمد: شو خالوا شو بتلعبينا؟؟
أنا: أممم مادري؟!!

يات عفرا صوبي

أنا: شو عفاري؟؟
عفرا: لا ماشي بس أبا أشوفج من زماااااان ما شفتج
أنا+ فطيم:هههههههههههههههه
أنا: أنزين
مريم: خالوا شو كنتوا تلعبون يوم كنتوا صغار؟؟
أنا: والله كل الألعاب إللي باقولها ماتصلح إذا كنتوا تبوني ألعب معاكم، أنتوا تبوني ألعب معاكم ولا لاء؟؟
اليهال: نباااج
أنا: بس عيل بنلعب تلفون مقطوع

الكل صارت على ويهه علامة إستفهام لأنهم مايعرفون شنو يعني

أنا: هههههههه بلاكم ماتعرفون شو يعني صح؟؟

الكل هز راسه أنه صح مايعرفونها

أنا: شوفوا أنا باقول شي في أذن إللي يمبي وهو يوصلها حق إللي يمبه لي آخر واحد إللي هو يمبي وإذا سألته وكانت الكلمة غلط أرجع أسألكم من البداية من إللي سمع غلط نطلعه من اللعبة بدون ماقول الكلمة الصح لي حد ما نعرف من اللي سمع غلط، ها شو رايكم؟؟
الكل: هيه هيه يلا

وبدينا وكانت عفرا يمي ومن بعدها بالترتيب إييون كالتالي:
مريم، طلال، أحمد، محمد، فطيم، دلال
وبديت أهمس حق عفاري ونتواصل، وأول من طلع من اللعبة فطيم لأنها ماسمعت عدل وبدينا بالضحك ولعبنا جمن دور ولا حسينا بالوقت لأن الجو كان حلو لين ماياتنا مارسيلا مبعوث السلام هاذي ههههههههههههه ودخلنا، مبارك ماكان يدري إني معاهم برا لأنه داخل من صوب الكراجات وعلى طول من الباب الخلفي وأصلاً هو على باله إني فوق لأنه كان توه من قليل داخل البيت

أنا: السلام عليكم

وقعدت يمه أبتسم له وهو يشوفني بإستغراب

خالوا عفرا: ها بنيته مستانسه ماشالله!
أنا: هيه خالوا بعد إللي يشوف ها الويوه السمحة كيف مايستانس؟!!!
خالوا عفرا: فديتج والله، الله يهون عليج ويقومج لنا بالسلامة
الكل: آمين

ومبارك ساكت بس يشوفني، الظاهر مب مصدق أن إللي قاعده يمه هي حرمته المصون قلت له بصوت هامس

أنا: مبارك شو بلاك؟؟
مبارك: لولوة؟؟!!
أنا: هيه عيل منو؟؟
مبارك: شو مسويه بروحج؟؟
أنا: شو مسوية؟؟
مبارك: فديتج مستوية نعومة مع إللي عليج
أنا: بااايخ والله عبالي في شي، والله شو مسوية بروحج؟!!
مبارك:هههههههه هيه وليش نازلة؟؟ ولا بعد طالعة برا مع اليهال لا بالله رقدنا اليوم!!
أنا: مومشكلة الظاهر باقبل العرض إللي ياني قبل شوي عشان ترتاح حضرتك
مبارك: بـــــــعد؟!! تستقبلين عروض من دوني؟!
أنا: هيه شو تتحسب حرمتك شويه يعني؟! تراني مطلوبة في كل مكان بس أنا إللي أردهم عسبتك، لكن دام ها كلامك خلاص باقبل ها العرض
مبارك: وإللي هو؟!؟؟
أنا: لحظة شوي خله بس عمي محمد يخلص كلامه وبتسمع
مبارك: الله يستر منج دام السالفة فيها الوالد أكيد شي قوي
أنا: أسمع الحين، عمي فديتك
عمي محمد: هلا بنتيه
أنا: عمي شو قلت لي مساعة؟؟
عمي محمد: شو؟؟
أنا: شو قلت لي مساعة وقلت لك بافكر وبارد لك خبر؟!
عمي محمد: هيه أنفضي لج الغرفة التحتية إللي يمبنا عسب تكونين معانا تحت وماتعبين من الصعدة والنزلة

ومبارك مبطل عينه

أنا: بس عمي أنا موافقة لأن بعض الناس مايبوني
عمي محمد: أحسن لج بعد بنتي نحن نباج، وأنتي ماشالله أحينه مثجله ماترومين تنزلين وتصعدين ونحن بعد كبرنا على الصعدة خلج قريبة منا أحسن
مبارك: شو أنتوا على كيفكم؟؟؟؟؟؟
أنا: أنت إللي قلت مافيك شدة تشلني إذا تعبت
مبارك: تتبلين عليه؟؟ والله مانزلتي تحت عندهم
أنا: هههههههههههههههههه هههههههههههههه
عمي محمد+ خالوا عفرا: ههههههههههههههههه ههههههههههههههههه ههههههههههه
فطيم+ عايشه: شو السالفة ماكنا معاكم؟!
انا: لا بس خلاص أنتهت
جابلني مبارك وقال لي بصوت واطي: أنتي أبد ماحد يتغشمر معاج؟!؟ على طوول تسوينها جد
أنا: هيه نعم، ماحد يتغشمر معاي
مبارك: أقول سكتي أحسن لج
أنا: هههههههههههههههه ههههههههههه إنشالله
مبارك: أنزين شو كنتوا تسوون خاري؟؟
أنا: ماشي كنا نلعب
مبارك: ياحلوج والله تلعبين بعد؟؟ لا بالله ينيتي!!
أنا: شو فيك؟؟! عادي يعني إللي يحملون خلاص يدفنون عمرهم؟؟ عادي لعبنا وأستانسنا ودخلنا
مبارك: لولوة شو من لعبة لعبتوا؟؟ لاتخبلين بي أنتي ماترومين على اللعب، شو حل بج اليوم تخبلتي؟؟
أنا: والله ماتحركت حتى أسألهم، كنا قاعدين على الكراسي إللي برع نلعب بس شفيك جي؟ وإذا صار شي باقولك لاتخاف
مبارك: هيه ريحتيني الله يريحج دنيا وآخرة، المهم ماقلتي لي متى موعد الفحص؟؟
أنا: I think it’s tomorrow
مبارك: خلاص أنا باوديج
أنا: شدعوة عاد أنت تخليني أروح بروحي!!؟ إذا أستصعبت عليك الأمور أنك تطلع من الدوام تخلي أمي الثانية ولا أمك ولا الثنتين يروحون معاي كأني إلا باضيع وأنت لو يحصلك تأجل موعدي عشان إتيي معاي
مبارك: هيه والله لو يستوي بس جان أنا برتاح
أنا: أقول أستريح مكانك
مبارك: إنشالله على ها الخشم كم لولوة عندي أنا ؟!! وحدة وفديــــــــــــــــت ها الوحدة
أنا: أنزين أسكت بس خلاص فشلتنا الكل يطالعك إللي يقول بروحك قاعد في الصالة
مبارك: والله أنا حرّ فيج يمكن عندنا كلمة راس من بين بعض؟!
عايشه: ماشالله مبارك شو هالنقاش إللي بينك وبين حرمتك؟؟ مايخلص شوف ويها شقايل مستوي أحمر خلها عنك
مبارك:ههههههههههههههههه هههههههههههههههههه كيفنا نحن ماخصكم، أنا عايبني الوضع شو خصج أنتي؟!

ويهي آآآآخ حسبي الله على إبليسكم إثنيناتكم، فشلتني عووش خلتني أخش ويهي وراه

مبارك:لولوة قومي قومي هاذيلا حسودين
أنا: مابي أنزين كله منك تفشلني، قوم أنت أحسن لك
مبارك: ههههههههههههههههه ههههههههههههه خيبه أستويتي شرسة
أنا: جب

طاح على الكرسي من الضحك وأنا ويهي ولع زيادة، أحس أن أذوني أستوت ناااار، وعليا نوره حست فيني

نورة: يلا بسكم سوالف، شو ماتبون تتغدون؟!!! غيركم يبا لا تذبحونا من اليوع يلا
أنا: هيه والله يالله نوراه فديتج خليهم يحطون الغدا
نورة: كلشي جاهز بس أنتي أسترحي مكانج
أنا: ليش إنشالله؟؟
نورة: بما أنج اليوم نزلتي وأنتي حلوة وكاشخه وطلعتي لعبتي مع اليهال اللهم لا حسد اللهم لاحسد فاليوم الغدا بيوصلج لي عندج عشان ماتعبين روحج زيادة
أنا: يا سلام!! وإللي يقولج إني بايي معاكم؟!!
نورة: خلاص يا ماما من مساعة رتبنا موضوعج وأزيدج من الشعر بيت زوجك المصون سوف يكون معكِ
أنا: لاااااا ليس هكذا حرامٌ عليكِ، إنكِ لإمرأةٌ مُضرة، خُذيه معكِ سوف آكل أكلي كله بس خُذيه دخيلج

الكل ميت من الضحك علي وعلى كلامي حتى مبارك فطس من الضحك

مبارك: سمعتوا شو قالت؟؟ بتاكل أكلها كله إذا رحت معاكم بس عيل تحملي إللي بيوصلج وخليني أشوف أنج ماخلصتي الصحن ياويلج
أنا: لااااااا أنا مو قصدي جي، أنا إلا كنت أتغشمر مع نوروه مب صح نورة

والكل يضحك لأنهم يعرفون إني ماقدر آكل وايد وإذا أستلمني مبارك ياويلي

مبارك: هاااااااا شو عيل؟؟؟
أنا: أنا قصدي أن الشيخ مبارك بن محمد يقعد يتغدى معاي والكل يروح حجرة الطعام بعد مايصير أتغدى بروحي مب حلو يعني
مبارك: هيه خلاص عيل، باغرف لي ولج وبناكل مع بعض
أنا: هيه جي الحجي الزين

والكل يضحك علي

عمي محمد: فديت إللي يقردنون والله هههههههههههه هههههههههه
أنا: أفا عليك يا عمي بنتكم
الكل: هههههههههههههههههههههههههه ههههههههههههههههههه

وراحوا يتغدون ومبارك قعد معاي

مبارك: لولوة صج تبيني أقعد معاج ولا أروح معاهم أتغدى؟؟ عادي قولي
أنا: مبارك مب صاحي أنت؟؟ أنا كنت أتغشمر مع نواره، بعدين أنت تعرفني أنا ماحب آكل بروحي أتضايق فـPlease خلني أكمل يومي وأنا مستانسة ومرتاحة
مبارك:إنشالله فديتج، أحين شو تبين تاكلين؟؟
أنا: أي شي
مبارك: خلاص أنا باحط لي ولج
أنا: أوكي

وحط لي في صحني تبولة_مسوينها مخصوص على شاني أحم أحم_ وبرياني لحم وهو كذلك بس أنه أكثر مني وياب معاه ملة روب وعصير جوافة لي وليمون له وتغدينا مع بعض لكن عاد ما يصير مبارك إذا ماطفرني، أول ماياب الصحن

مبارك: والله حلفت أن أول لقمة أنا أأكلج إياها
أنا: مبارك الله يخليك لاتحلف ولاتتلف، عطني صحني أنا باكل بروحي ليحين ماصرت مكسرة، وبعدين لو أحد من اليهال طلع وشافنا
مبارك: شو يعني عادي حرمتي وأطعمها وبعدين عيالنا يشجعون على ها الشي
أنا: أنزين بس لقمة وحدة

وأكلني ومن عقبها كليت بروحي والله إني حسيت بيوع كأني من سنين ما كليت الحمدالله لأول مرة من حملت خلصت صحني كامل ومع التبولة وكليت روبتي إللي شاركني فيها مبارك وتساندت

أنا: الحمدالله ربي يديمها نعمة علينا
مبارك: آمين ، لولوة بس خلاص بننزل تحت مثل ماقال أبوي
أنا: ليش يعني؟؟
مبارك: دام نفسيتج جي ببتغير يالله يعلني أطلعج في الحوي بعد عادي عندي بس أهم شي أنتي تتغذين عدل
أنا: والله أنا آكل خالوا مب مخليتني وأنت في الشغل مافي إلا صحون تصعد لي إلا فاكهة إلا خضرة إلا ماعرف شنو وأنا بس علي آكل ماتشوفني متنت
مبارك: ههههههههههه فديتها أمايه ربي لا يحرمني منكم كلكم

ومن بعدها طلعوا من غرفة الطعام وأنا قطيت راسي على جتف مبارك أحس أن راسي ثقيل وفيني نوووم

خالوا عفرا: بنتي جان تبين تريحين سيري غرفتي
أنا: لاخالوا شدعوة إذا أبا أريح باسير الغرفة الثانية، بعد ليش غرفتج!؟!!
خالوا عفرا: أريح لج بنتيه من الغرفة الثانية
أنا: لا عادي باقعد معاكم

وقعدت معاهم شوي وأنا على وضعيتي وشربت شاي حمر عل وعسى أن يفج عني النووم لكن أبد ورقدت وأنا قاطة راسي على جتف مبارك ومحد وعاني ولاهو إللي تحرك بس كلم فطيم بصوت واطي لأنها قاعدة على الكرسي إللي يمه

مبارك: أقول فطيم سيري يبي لها لحاف من داخل
نورة: لا لا شلها ودها الغرفة أريح لها
مبارك: بتصحى أدري بها، يلا فطيم سيري
فطيم: إنشالله

ويابت لي ولحفني به لي جتفي وراسي بعده عن جتفه، وعقب أقل من ربع ساعة صحيت مو عشان شي بس شي مرة وحده يحترق في يوفي ماقدر أتحمل أزيد ووعيت وعلى طول باقوم من مكاني مبارك يودني

أنا: مبارك هدني
مبارك: وين بتسيرين فديتج؟

هزيت له راسي عشان يهدني وهد يدي وتوجهت الله يعزكم حق الحمام وأستفرغت بس طبعاً هو لحقني لأنه عرف من عيوني شفيني، ويودني لأني تعبت تعب فظيع مو مثل كل مرة حسيت روحي قطعة خرجه طايحه وهو ماسكني يبي يصلب طولي وأنا ساعدته مسكت المغسله عشان أغسل ويهي

مبارك: أنتي يودي المغسلة أنا باغسلج

والله وعليا غسلني وطلعت

خالوا عفرا: شو فيكم أمي؟؟
مبارك: لا ماشي كل عاده ترجع
خالوا عفرا: بعدج ترجعين؟؟
أنا: هيه خالوا
فطيم+ عايشه: الله يعينج

أنا دمعت عيني صج إني أرتحت بس أحس برجفة برد وقمت أرتعد على خفيف وبما أن مبارك يمي حس فيني، ورفع ريلي ولحفني وحط راسي في حظنه وأنا أبد مب في حواسني، والكل منكسر خاطره علي لأن أول مره يشوفون معاناتي، وغطت عيني مرة ثانية

أنا دمعت عيني صج إني أرتحت بس أحس برجفة برد وقمت أرتعد على خفيف وبما أن مبارك يمي حس فيني، ورفع ريلي ولحفني وحط راسي في حظنه وأنا أبد مب في حواسني، والكل منكسر خاطره علي لأن أول مره يشوفون معاناتي، وغطت عيني مرة ثانية

مبارك: أميه ما في شي يوقف عنها ها الترجع؟؟
خالوا عفرا: لا والله ياولديه لو شي جان أنا روحي يبته لها ولا إني اشوف حالها جذه، تكسر الخاطر أسميها تعبت فديتها، بس أنت ياميه لاتخليها روحها بعد أخاف يستوي بها شي لا سامح الله..
مبارك: لا إنشالله وأنا الحمدالله دوم معاها بس أحس أن هالمرة غير كأنها خرجة بين يديني حتى مب قادرة تصلب طولها
عايشه: أنزين ليش ماتسير بها المستشفى عشان يعرفون شو السبب؟!! أنا إللي أعرفه أنه بس اول الشهور ها الشي يستوي
خالوا عفرا: لا فديتج ناس يتم معاهم لي يوم بيربون وهي ها حالتهم وناس في أول الشهور مايستوي بهم شي في الشهور الأخيرة جي تستوي حالتهم، بس هي الله يعينها جان ها حالها من كل عقب وجبة تطلعها
مبارك: والله يا أمي معورة قلبي ومب عارف شو اسوي لها، والله هاك اليوم تمت تصيح لأنها وايد رجعت تقولي بس خلاص ماروم تعبت بس خلي يوقف عني!؟!! أحترت شو أسوي لها والله كأنها إلا ياهل بين يدي وأنا أسكت فيها ليما رقدت
نورة: فديتج يا لولو الله يهون عليج إنشالله
عمي محمد: متى موعدها؟؟
مبارك: باجر بإذن الله
عمي محمد: بكرة تترك شغلك وتسير معاها وتشوف شو منه ها إللي فيها
مبارك: أنا هاك المرة خبرت الدكتورة وقالت لي شي طبيعي وأنا كنت مو مرتاح بس هالمرة لازم أشوف شو السالفة
عمي محمد: هيه ولديه مايستوي بكرة أهلها يوم يشوفونها شو بيقولون و مسوي فيها ولدهم؟؟!! متعبنها
نورة: بسم الله عليها من كل شر، بعدين لولوة فديتها أمبونها ضعيفة ورقيقة، وينها و وين الحمال ؟؟ ماتشد عودها ضعيف
مبارك: أقول أنتي أسكتي أونها تعرف ما تتحمل وعودها ضعيف!!
نورة: هيه شو تتحرا غبية ما عرف في هالأمور؟؟!
مبارك: هيه ماتعرفين يوم بتعرسين بعدها ناقشي هالمواضيع
نورة: تراني إلا حرمة وباجر عرسي وأن جان مو عايبنك كلامي سد أذنك
مبارك: أميه سكتي بنتج لا أحين أحط حرتي فيها روحي عايف روحي
خالوا عفرا: معليه بنتي أسكتي عنه الحين روحه تعبان مع حرمته
نورة: والله إنها كاسرة خاطري أسميها متعذبه
فطيم: إنشالله هانت باجي لها الجليل وتفتك من إللي هي فيه
مبارك: أمايه قولي حق البشاكير يجهزون الغرفة التحتية
عمي محمد: الليلة باتوا في غرفتكم وباجر من الصبح بيوصل الأثاث و نزلوا الأغراض إللي تبونها ورتبوها بروحكم
مبارك: إنشالله
خالوا عفرا: أنزين أنت الحينه شلها ودها دارنا
مبارك: أميه أحين أن شليتها خلاص مابتنام وأنا أباها ترتاح
خالوا عفرا: براحتك ولديه

ودخلت عفرا إللي كانت تلعب في الحوي مع أخوها وعيال خالتها

عفرا: خالي وينها خالوا لولوة؟؟
مبارك: أكاهي نايمة
عفرا: شو فيها؟؟
مبارك: ماشي بس رقدت شراتج من بعد ما تتغدين ترقدين
عفرا: خالي
مبارك: هلا حبيبتي تعالي هني

أشر لها عشان تروح تقعد عنده وقعدت في حظنه

عفرا: خالي خالوا لولوة وايد حلوة متى بتيب البيبي؟؟
مبارك: إنشالله جريب، ليش؟؟
عفرا: عشان أشوفه بيطلع حلو شراتها!؟
مبارك: هيه أكيد إذا عفرا الحلوة كله مجابلتنها شقايل ما بيطلع البيبي حلو
عفرا: لا لا أنا ماباه يطلع شراتي أباه يطلع شرات خالو لولوا لأنها حلووووووووة
مبارك: هههههههههههههه فديتج والله أنتي الحلوة

وقربت صوبي وحبتني على خدي وأنا أنتبهت له ووعيت وبصوت كله تعب كلمتها

أنا: عفاري حبيبتي
عفرا: آسفة خالوا نششتج من النوم
أنا: لافديتج تعالي يمي
عفرا: لا خالوا ماشي مكان بعدين البيبي مابيحبني لأني زاحمتج
أنا: فديتج والله لا تخافين أنا وهو نحبج لأنج حلوة تعالي يمي

والكل يطالعنا وهو يبتسم وركبت عفاري على الكرسي وزحمت لها عشان تقدر تنبطح يمي

أنا: ليش مانمتي؟؟ مو أنتي قلتي أن العصر نرقد شويه عشان يكون فينا نشاط؟؟
عفرا: هيه بس أنا كنت ألعب في الحوي معاهم
أنا: شو كنتوا تلعبون.؟
عفرا: دراجات، أنتي وين دراجتج؟

طالعت مبارك وقلت لها وأنا يازعم مكسورة الخاطر: خالج مبارك ماشرى لي دراجة

قامت عفرا حق مبارك

عفرا: خالي مبارك؟! ليش ماشريت لها دراجة؟؟ حرام ماعندها دراجة تلعب فيها معانا
مبارك: إنشالله بنشتري لها وحق البيبي بعد شو رايج؟!؟
عفرا: هيه عشان نستانس كلنا

وردت يات أنسدحت يمي ومسحت على شعرها

عفرا: خالوا أنتي شو فيج؟ مريضة؟؟
أنا: لا حياتي، ليش أنا شكلي مريضة؟؟
عفرا: لا بس أسأل
أنا: لا حبيبتي أنا مافيني شي
عفرا: خالوا ليش البيبي مايتحرك؟؟
أنا: هاذوه يتحرك يبي يدج

وحطت يدها على بطني وكان يتحرك بهدوء ومرة وحده رفسها وصرخت وأحنا ضحكنا عليها

عفرا: خالووو ها يتحرك بالقوااه
أنا: هههههههههههه شو أسوي بعد!؟؟ خلاص يوم يطلع بظربه لج شو تبين بعد؟!!
عفرا: لا خالو ها بيبي مايضربونه خلاص أنا سامحته

حبيتها على راسها

أنا: فديتج والله أنج شيخة البنات

وقمت عدلت روحي وقعدت على الكرسي

عمي محمد: بنتيه ترا من باجر بتنزل البشكارة الأغراض إللي تبينها عسب بتيلسون أنتي ومبارك فيها لين ماتربين بالسلامة
أنا: إنشالله عمي

ألتفت صوب مبارك إللي كان يطالعني وهو يبتسم، وعمي محمد وخالوا عفرا قاموا عنا حتى نورة لأن فيصل متصل فيها أما فطيم وعايشه راحوا برع مع اليهال، ومن بعد ماقامت عني عفاري

أنا: مبارك؟؟
مبارك: ياعيون مبارك وحياته
أنا: أمم$:
مبارك: شو حياتي قولي
أنا: آبي شي
مبارك: آمري تدللي
أنا: مادري بس أبي شي
مبارك: ههههههههه أنزين قولي شو هو؟؟!
أنا: تدري قوم خلنا نروح الجمعية
مبارك: لشو الجمعية؟؟
أنا: أنت قوم وماعليك وإذا ماعليك كلافة ييب عباتي وشيلتي معاك
مبارك: إنشالله من عيوني

وركب فوق بدل الجلابية ولبس له كندورة وتغتر وياب معاه عباتي

أنا: مباااارك أففففف
مبارك: شو فيج أبوي؟؟
انا: أنت طشرت فيها عطر؟؟
مبارك: هيه ها إللي كان محطوط على التسريحة لأن ريحتها هاك العطر إللي ماتحبينه
أنا: أفففف والله أن ريحت هاذي أخس عن إللي قبله
مبارك:هههههههههه أنزين خلينا نسير السيارة شي عطر بارش لج منه
أنا: أنزين

وطلعنا في الحوش واليهال يعلبون

أنا: يا عيال تعالوووا

وياوا لي ركيض

أنا: شو تبون من الجمعية؟؟
محمد: أنا أبا شبس
طلال: وأنا بعد مع عصير
دلال: أنا بعد أبا شبس وعصير
مريم: أنا أبا شرات دلال
عفرا: أنا أبا آيسكريم مع حلاوة
أنا: فديتج أنتي روحج حلاوة وأنت أحمد شو تبا؟؟
أحمد: مادري خالوا إللي تبينه
أنا: بس عيل أنا باختار لكم، يلا مبارك

من بعد ماركبنا السيارة

أنا: يلا بسرعة طلع عطرك
مبارك: هههههههههههههه أندوج

وحطيت لي منه كان Frarry

مبارك: أنا الحينه بسألج أنتي تبين تروحين الجمعية عسب تشترين حق الصغارية؟؟
أنا: ليش يعني؟؟ شو فيها؟؟
مبارك: شو فيها؟؟ فيها إني أنا مو مسؤول عنهم
أنا: هههههههههههه ماحيدك بخيل عسب تقول هالكلام
مبارك: هههههههههههههههههه شو أسوي بج يعني بالله عليج أنا أسألج سؤال تجاوبيني عليه بسؤال؟!!
أنا: لابس آبي أروح الجمعية من زمان ماطلعت
مبارك: هههههههههههه

وعقب عشر دقايق وصلنا، نزلنا الجمعية تشريت حق غرفتنا بعض الأشيا إللي قاصرتنا من عصاير وبسكويتات وكاكاو وشبس وغيره لأن إذا مبارك قاعد يحب يخربط حتى أنا، بس أحين ماكل مثل قبل، فمبارك إللي ياكل إذا كان قاعد يشوف التلفزيون، وغير جذي خذيت أنواع من الشبس وعلبة آيسكريم ذا الحجم العائلي خخخ وحلاوة "chopa chops" لهم كلهم، وكاكاو بعد ومجموعة عصاير هم يتنقون لهم إللي يبونه وخذيت حق كل واحد كندر سبرايس لأني أحبها وأنا طبعاً من ضمنهم حتى مبارك خذيت له وحدة وحاسبنا وطلعنا

مبارك: هههههههههههه لولوة شو ها؟؟!! والله إللي يشوفنا يقول يهال مب كبار إللي يايين يتشرون
أنا: هههههههههههه والله عاد كيفنا وأنا مابي أكسر خاطر اليهال
مبارك: فديتج حياتي

وفي الدرب كل ساعة غير أغنية

أنا: مبارك وه صدعتني شالأغاني كله ردحة حط شي هادئ
مبارك:ههههههههههه أنتي غني أحسن، يلا ها المسجل وصكرناه يلا سمعيني صوتج
أنا: بووه من زمان ماغنيت تذكر
مبارك: هيه والله
أنا: كله منك من خذتني وأنا ما أغني
مبارك:هههههههههههه أونه عذر يعني!؟ يلا يلا
أنا: أحم أحم بسم الله (الأغنية حق علي بحر >>تريتك)

" تريتك أشد الليل يمكن فصبح ألقاك
وأقول شلون ينساني وأنا إللي بالوعد من أولاه وياك
تريتك أحدر من صبر جرحي صبر يقدر على سنيني
لي زاد الشقا فالروح أحطك فصدر وأتحملك فيني
تريتك وشلت للظما قطرة وقلت يعود ماينسى الزهر عطره
نعم بيعود ومهما يكون يذكرني ترا الغايب على عذره
تريتك و غنيت بفرح منك وجم مرة أحس أني بعد يمك
أحس إيدي على اكتافك توديني على سيافك
تحجي لي شكثر عنك تريـــــــتك"

مبارك: الله الله، الله لايحرمني من هالصوت وصاحبته
أنا: ومنك يا بعد روحي

وشوي إلا واصلين البيت دخلنا ورحت حق اليهال في الحوش

أنا: شباب تعالوا كلكم

وياوا وهم يرضكون مستانسين

أنا: يلا وراي على الصالة وأول مادخلون كل واحد يغسل يده أوكي؟!
كلهم بصوت واحد: أوكي

ومبارك واقف وراهم يضحك علي ودخلنا الصالة والحمدالله مارسيلا في ويهي

أنا: مارسيلا
مارسيلا: yes madam
أنا: come please

ياتني وأنا أقلب في الأجياس أي وحدة مالت حجرتي وحصلتهم ثلاث وحدات، وحده فيه الأجباس والثانية العصاير والثالثة البسكويتات والكاكاو

أنا: take this to my room and put it in the kitchen
مارسيلا: yes madam
أناut this chocolates and juices in the refrigerator
مارسيلا: ok
أنا: thank you

وراحت الخدامة واليهال ليحين مادخلوا رحت المطبخ ودورت لي أكبر ملة وبطلت 3 أنواع شبس وكتيتهم فيها وخلطتهم و جيسه حطيت فيها الكاكاو إللي لهم وجيس ثاني إللي فيه الحلاوة وجيس العصاير كان على طاولة الطعام وعلبة الآيسكريم بعد بس كنت آبي أطلع ملال الآيسكريم والملاعق وحطيتهم في صنية ورحت على طاولة الطعام، حطيت في الملال الآيسكريم و ناديتهم

أنا: أحمااااااد، محماااد، عفاااري، دلووووووول، مريووووم، طلوووووول يلا تعالوا

ويوني غرفة الطعام

اليهال: الله خالووو

أنا: يلا كل واحد ياكل آيسكريمه وعقب بنروح الصالة

وقعدنا مع بعض ناكل وضحك حتى مبارك قعد ويانا ياكل وشوي إلا فطيم وعايشه و نورة معاهم دخلوا علينا وحطوا لهم وكلينا

أنا: يلا إللي يخلص إيي الصالة
نورة: شو عندكم؟؟
أنا: هههههههه مفاجآت صيف لولوة
الكل: هههههههههههههههههه
مبارك: ههههههههههههه
نورة: ههههههههههههه هيه والله مفاجآت صيف لولوة
أنا: يلا عاد كل واحد يودي ملته المطبخ ويلحقني، مبارك خذ ملتي معاك الله يخليك
مبارك: أفا عليج الحينه أوديها، أحمدووو
أحمد: نعم خالي؟
مبارك: أندوك خذ هاذولي بعد
أحمد: إنشالله
أنا: مباااراااك وعليا توه مودي ملته حرام عليك
مبارك: هههههههه كيفي خالهم وغصبن عنهم يطيعوني
فطيم: والله أنك مجرم
أنا: أنزين عاد هاذي أنت شيله لأنه ثقيل شوي
مبارك: شو؟؟
أنا: ها الجيسه

طقني على خفيف على جتفي

مبارك: دامه ثجيل شعنه شالتنها؟؟ أنتي ترومين تشلين روحج عسب تشلين ها الجيس؟!؟!!
أنا: أوهو تراها مب ثجيله وايد بس أنا آبي أخليك تشيل شي
مبارك: ههههههههههه أنزين يلا مشينا

ورحنا الصالة وقعدنا على الأرض وخذيت معاي ملة ثانية كبيرة وحطيت فيها جبس بعد و وحدة عطيتها اليهال وأستانسوا والثانية لنا يالكبار وضحك على شكلنا وخصوصاً إني مخلطة لهم كذا نوع وكل واحد في يده عصيره

فطيم: والله يا لولوة رديتينا أيام قبل يوم نشتري من الدكان وبعدين أونه عزيمة عندنا وكل واحد يحط إللي عنده هههههههههه
عايشه: ويستوي الغش عاد يطرشوني أنا وياكلون عني هي ومبارك ويوم أصيح اليوم الثاني مبارك مسويها في فطيم
أنا:هههههههههههههههه هههههههههههههههههههه

خلصنا أكل وقمت عنهم قعدت على الكرسي لأن قعدت الأرض تعبتني، وناديت اليهال وفي يدي جيسة الكاكاو

أنا: يلا كل واحد إيي يحط يده في الجيس ويلف ويهه الصوب الثاني ويسحب له

وأول من ركض صوبي عفاري لمتني وحبيتها على راسها

أنا: يلا عفاري شوفي هاك الصوب وحطي يدج

هزت راسها وحطت يدها وطلعتها في يدها كاكاو مارتيز

عفرا: الله، شكراً خالوا
أنا: عفواً حبيبتي، يلا من بعد؟؟
دلال: أنا
أنا: يلا تعالي

وحطت يدها وطلع لها كاكاو مارس وبعدها مريم حصلت جالكسي، طلال حصل سنكرز إللي يحبه، محمد طلع له كاكاو كادبوري على بندق، أحمد آخر واحد حصل كتكت الكبير.
ومن عقبها الكبار أستلموا الجيس من عقب ماخذت أنا كاكاو جالكسي.

أنا: ها يهال أستانستوا؟؟
عايشه: هههههههه إذا أحنا الكبار أستانسنا شقايل عيل اليهال؟!! إلا أنشق حلجهم من الوناسه هاه شوفي ويوهم؟!
أنا: هههههههههههه عليهم بالعافية، أنزين يلا أنا باسألكم أسئلة وإللي بيجاوب باعطيه حلاوة
فطيم: أقووول ماسويتي فينا خير يالولوة
أنا: ههههههههه شله؟؟
فطيم: طاحوا ضروسهم إلا آيسكريم وإلا عصير إلا كاكاو إلا حلاوة وشوي ويطلع بعد عندج لبان وتوزعينه عليهم
أنا: ههههههههههههههه هههههههههههههه لالا ماخذت لهم
عايشه: أشوه بعد جان أحين لعوزونا
أنا: يلا نبتدي
اليهال: هيه
أنا: يلا فريق البنات وفريق الصبيان إللي يفوز نعطيه حلاوة وكندر سبرايس وإللي يخسر نعطيه حلاوتين
اليهال: أوكي

وسألتهم ثلاثة أسأله إللي جوابه صح تحتسب له نقطة إلى آخر سؤال وهو الثالث يكون الحد الفاصل

أول سؤال كان: هل توفي أبو الرسول (صلى الله عليه وسلم) عبدالله بن عبد المطلب قبل ولادته أم بعد؟؟ يلا فريق البنات
البنات: قبل
أنا: الأولاد شو جوابكم؟؟
الأولاد: هيه قبل ومن بعد ولادته أمه توفت
أنا: لالا ماشالله عليكم أذكياء، أنزين شو هي أطول عظمة في جسم الإنسان؟ هل هي الفخذ أم الذراع أم الساق؟؟
البنات: الفخذ الفخذ
الأولاد: الساق أكيد
أنا: البنات صح والصبيان غلط
طلال: كله من محمد ها غبي مايعرف عيدي عيدي مايستوي
أنا: ههههههههههه خلاص مايصير
طلال: أفففففففففف
أنا: أنزين يلا آخر سؤال تعرفون شو هو الأسفنج صح؟
الكل: هيه
أنزين: هل هو يعتبر نبات مسامي أم حيوان مسامي أو نبات وفي نفس الوقت حيوان مسامي؟؟
البنات: نبات مسامي
الأولاد: لا حيوان وفي نفس الوقت نبات
أنا: أكيد الفريقين متأكدين؟؟
الكل: هيه
أنا: وأنا أقولكم أجوبتكم كلها غلط خخخخخخخخخ يعني أنا إللي فزت ههههههههههه لاتخافون كل واحد بيحصل حلاوتين و فوقهم كندر سبرايس بعد أندوكم

ووزعته عليهم وأناسه وظحك لي وقت العشى وهم معانا ماراحوا بيتهم لأن إجازة فقعدوا حتى ريل فطيم سالم وريل عايشه حمد ياو عندنا والله أناسه وسوالف بس لأن أنا مب متعلمه أن اقعد ويا أحد غريب فكنت هادئة بزيادة عن العادة وعفاري كل ساعة يات صوبي تحط يدها على بطني إذا مب هي مريومه ودلال فديتها حتى أحمدي وطلال إيوني بين فترة وفترة إذا كنت بروحي بس محمد لأنه أكبر واحد فيستحي

أنا: محمد

يا صوبي

محمد: نعم خالوا؟!
أنا: ماتبي تحط يدك تحس بالبيبي وهو يتحرك؟
محمد: عادي؟!!
أنا: أكيد فديتك

وقعد يمي فديته أحس به عاقل وريال ثقيل

محمد: خالوا شو قالو لج صبي لو بنت؟؟
أنا: مادري أباها مفاجئة تكون
محمد: عيل شو شريتي حق البيبي؟؟
أنا: خذينا أنا وخالك ألوان لاهي حق بنت ولا حق ولد
محمد: خالوا أنتي متى بتربين؟؟
أنا: شهر سبعة بإذن الله
محمد: الله أناسه يعني إجازة ونروم نيي نشوفه
أنا: هههههههههههه هيه

ومن بعدها حطوا العشا والحمدالله كليت بس خفيف لأنه خربطنا وايد العصر ولأول مرة أنام من غير لا أستفرغ بس تضايقت يوم تذكرت أن باجر موعدي، أفف قعدة الصبح ماحبها ولا روحي وتعالي حق الفحوصات أخذي النتيجة بس يلا. اليوم الثاني مبارك وعليا ما داوم قعدني

مبارك:لولو، لولوة فديتج يلا قومي
أنا: شو أنزين أنزين
مبارك: يلا فديتج عسب نسير المستشفى
أنا: إنشالله هذاني قمت

وقعدت وتجهزت وطبعاً لازم أروح وأنا صايمة عشان يقيسون لي السكر والضغط وغيره

انا: يلا مبارك مشينا؟
مبارك: يلا مشينا

ووصلنا العيادة وقاسوا لي الضغط والسكر والحمدالله طبيعي والتحاليل الدم سووها بس أحين يا الوقت إللي الدكتورة تبي تسوي لي سونار ومبارك واقف على راسي

أنا: مبارك قوووم، روح بعدين باناديك
مبارك: مابا ترا هو إلا سونار وأنا أبا أشوف البيبي
أنا: أففففففف مبارك عن اليهاله، مابيك واقف لين سوت لي الدكتورة باخليها تناديك تشوف
مبارك: مابا
أنا: شوف والله أن ظهري يعورني مالي خلق حق عنادك ترا والله ماسوي السونار وأرجع البيت
مبارك: هههههههههههههههه هههههههه خلاص خلاص بسير مو مشكله تراها إلا بتعطيج بعدين صور البيبي
أنا: بس عيل ليش تبي توقف على راسي دامك تعرف
مبارك: بس أبا أشوف
أنا: روح أحين الدكتورة يايه

وطلع من عندي وراح غرفة الأنتظار و سوت لي الدكتورة السونار بس مب قاعد يبين جنس الجنين وأنا اصلاً قايله لها إني مابي أعرف والحمدالله أن كل شي عندي أوكي وقالها مبارك إني أرجع بقوة وجي قالت له هاذا شي طبيعي وخصوصاً إذا كان أول مرة أحمل فشي طبيعي يعني مافيها شي ومشينا وهو مرتاح بس أنا أحس أن فيني شي بس مب عارفه

أنا: مبارك
مبارك: هلا عيوني
أنا: مادري أحس أن فيني شي بس ماعرف
مبارك:أنزين مثل شو؟؟
أنا: مادري
مبارك:ههههههههههههه شو تحسين به ماتعرفين؟؟ ومثل شو تقولين ماتعرفين؟؟!
أنا: هههههههههههه مادري أحس بشي فرحانة على خايفه
مبارك: ههههههههههههههههه لولوو تحسبت والله فيج شي
أنا: ههههههههههههههههههههه وها مب شي؟؟
مبارك: هيه شي يسمونه خبال
أنا: أنزين شكراً ولو سمحت روح المخبز
مبارك: شو تبين حبيبتي؟؟
أنا: خاطري في دونت
مبارك: حااااظر أفا عليج

ومر على المخبز

المخبز وخذ لي ورجعنا البيت

انا: مابتنزل؟؟
مبارك: لافديتج أنا مستأذن من الشغل بس عسب أوديج العيادة وأرجع
أنا: هههههههههههههههه أنزين يلا عيل مع السلامة
مبارك: في وداعة الله غناتي

ونزلت ومر اليوم عادي مافي أي شي صار وأنا أنتظر يوم ولادتي على نار وأتصلت في أمي الثانية_بنت عمتي_ وسولفت معاها وعقب كلمت عواشه فديتها من زمان ماكلمتها لأنها هي إللي تتصل فيني ماتعطيني مجال إني أنا أسأل عنها

أنا: ألوووووووووه
عايشه: هلا والله
أنا: أزيك يا عيشه؟؟
عايشه: عيشه في عينج
أنا: ههههههههههه حبيبتي والله شخبارج؟؟؟
عايشه: تمام والله، أنتي شخبارج وشومسوية ويا الحمال؟؟
أنا: والله الحمدالله ماشي الحال
عايشه: شو قالوا لج بنت لو ولد؟؟
أنا: والله ماقالوا لي لأن أنا مابي
عايشه: أنزين ماقلت لج الدكتورة شي؟؟
أنا: مساعة كنت في العيادة بس مايبين جنس الجنين
عايشه: شو هالحظ؟!
أنا: أحسن أنا مابي
عايشه:وشخبارج بعد؟؟
أنا: والله أنا بخير، أنتي إللي شخبارج وشخبار أمج؟؟
عايشه: والله أحنا بخير
أنا: عووووووش وحشتووووووووني تعالوا والله مشتاقة لكم
عايشه: لا والله شعنه أنتي ماتيين ولا ماتتنزلين؟؟
أنا: أفا ياعايشه شالكلام؟! تدرين بي ماقدر على الطريج الطويل
عايشه: أعرف حبيبتي أتغشمر معاج على العموم باشوف قوم أمي وبويه وبنرد عليج خبر إنشالله
أنا: إنشالله على خير
عايشه: على خير، أقولج أنا بخليج أحين أدري بج أنج ما أرتحتي سيري ريحي وأنا بعدين باكلمج لأني أنا بعد مشغولة
أنا: هههههه فديتج خلاص عيل يلا مع السلامة
عايشه: مع السلامة الغالية

وصكيت عنها وخلاص عدى اليوم أو خل نقول الأسبوع وماجد جديد ونورة الحمدالله مرتاحة مع فيصل ونادراً ماتطلع معاه لأنها تستحي منه بالرغم أنه خلاص يعني خذا لهم فترة من ملجوا إلا أنها مازالت تستحي منه، حتى ماترد عليه إذا كنا قاعدين معاها تروح بعيد عنا وتسكر بسرعة لأنها تنحرج، بس أنا كنت أخس عنها كنت أحطه على السايلنت بعد عشان ما أسمع الرنة خير شر وخصوصاً إذا كنت قاعدة مع أهلي ههههههههههه وعلى نهاية الأسبوع ياو قوم عاشه إللي تقرب لي حتى أم أحمد_بنت عمتي_ وأناسه الجمعة وضحك، وتموا عندنا من العصر لي في الليل وأنا غرفتي تحت يعني مرتاحة مافي صعدة ولا شي كل شي عندي تحت من عقب ذاك اليوم.
مبارك كان يخلص أغراض البيبي لي على ذوقة بما إني ماشد الطلعات ذات المسافات الطويلة هههههه .

وعدت الأشهر وأمي يات من البحرين لأن خلاص قرب موعدي مابقى لي غير أسبوع.

..أدري تبون تعرفون شصار خلال الفترة إللي طافت، بس والله ماجد جديد كل عادة يمعات البيت المعتادة ومرات بيت خالوا مريم أو بيت عمي سعيد يتيمعون عندنا؛ لأني أنا اعرقل هالتجمعات بما إن السالفة فيها سيارة ودرب فكانوا إييون على عشا ومرات على غدا أو حق مشاوي، و أناسه وهذا حالنا لين قرب موعد الإمتحانات والكل منشغل ومن خلصت لطيفة أختي وإبراهيم أخوي الإمتحانات كانت أمي بتيي بس أنا قلت لها لاتيي أحين وتخلي لطافي فديته واليهال بروحهم وأنا باقي لي أزيد من أسبوعين على موعدي، فياتني قبل الموعد بأسبوع عشان تكون مع خالوا عفرا، وأصلاً روحها خالوا عفرا مب مقصرة غير بنت عمتي أم أحمد وحتى خالوا مريم وخالوا أم سالم مرت عمي سعيد كلهم ماقصروا شايليني شيل؛ لأنهم يعرفون إني أتعب بسرعة بس الحمدالله من نزلت تحت الحمدالله خف علي التعب والحمدالله مرتاحة وخصوصاً أنهم كلهم حوالي صراحة أنا ماكنت متوقعة بالقى أهل زوج جذي بيشلوني شيل، والله أنهم حاطيني في عينهم وفوق راسهم بعد، وكله كوووم ومبارك في كووم إللي من دخلت شهري وهو من أقل شي يفز من نومه على باله خلاص باربّي، شكلي بالحمال وايد حلو والوزن إللي كسبته محليني أكثر . والفير في اليوم المحدد إللي هو موعد ولادتي قعدت مبارك لأن حسيت أن في آلام بس مب عارفه على طول قام ولبس وأنا لبست وقعدت أمي إللي كانت حجرتها يم حجرتي، ومبارك راح حق خالوا عفرا إللي موصيته أن إذا في شي يخبرها وخبرها ومشينا أنا وهو وأمي، ورحنا المستشفى وفي الطريج الآلام كانت تزيد علي بس كنت متحملة لين مانزلنا، وأنا على طوول دخلوني الطوارئ وكنت خلاص وصلت حدي من الألم ودخلوني غرفة الولادة لأن كان فيني آلام المخاض، والحمدالله بعد ساعات قليلة بشروا مبارك وأمي وخالوا عفرا إللي لحقتنا مع عمي محمد إني ربيت بالسلامة ويبت لهم سلطان الحفيد المنتظر وعلى قولتهم "ما أعز من الولد إلا ولد والولد" . طلب مبارك من الدكتورة أنه يدخل علي قالت له ينتظر عشر دقايق بس ويدخل، و قعد على نار ينتظر بس تخلص هالعشر دقايق وكلّ قلب خالوا عفرا وأمي لأنه راح يحجز لي غرفة وهم بعدهم ما نادوه، يحن عليهم ليش أنتظر ويالله ووينهم... وأخيرا نادته النرس ودخلوه وأنا كنت تعبانه بس واعيه أحس آبي أرقد ولا أحد يصحيني لين ما أصحى أنا بروحي من زود التعب إللي فيني، بس شفت ويه مبارك السمح أستانست يا صوبي وحب راسي ويدي

مبارك: الحمدالله على السلامة حبيبتي
أنا: الله يسلمك
مبارك: مبروك عليج ماياج
أنا: الله يبارك فيك
مبارك: شو؟ شفتيه سلطوني؟؟
أنا: هيه شفته بعدين شلوه عني وأنت؟؟
مبارك: أكيد وأبويه أذن في إذنه
أنا:
مبارك: شو حياتي تعبانه؟؟
أنا: هيه أبا أتسبح وأرقد آبي أرتاااااااح
مبارك: تبيني اشلج؟؟
أنا: لا فديتك بعد شوي بيوني النرس
مبارك: براحتج حياتي

أنا لا إرادياً طاحت من عيني دمعة مب عارفة شو سببها؟!! بس هي إنعكاس فرحة من بعد تعب وجهد كبير تطلب مني إني أبذله، وأحس أن هالولد ماعرف كيف باتصرف وياه مع إني أنا أكثر وحده شلت وحطيت في أخواني إللي أصغر مني وخصوصاً لطافي، بس مادري ومبارك من شافني مسح دمعتي

مبارك: شو فيج حياتي؟؟ لشو هالدمعة؟؟

هو سؤال صح؟ مب أكثر بس أنا من زود التعب إللي أحس به صحت كأني مقهورة هههههههههههه الحمدالله والشكر صج مب صاحية

مبارك: لولوة؟؟ ليش تصيحين تبين أنادي لج أمج؟؟

هزيت له راسي لا

مبارك: شو تبين عيل؟؟
أنا: ولا شي أقعد معاي
مبارك: فديتج والله يا أم سلطان وأنا أقدر أخليج إلا معاج فديتج وين ماتروحين أنا معاج "حتى لو طلعت القمر ياروحي أنا بتبعك"
أنا: ههههههههه
مبارك: هيه جي أباج
النرس: please sir go out now
مبارك: شو تبا أنا أبا أقعد معاج
أنا: معلي حياتي بس عشان بيودوني الحجرة فلازم تطلع الحين
مبارك: يلا ما باليد حيلة جدمي أنتي أحين وبعدين أنا باييج
أنا: إنشالله

وطلع مبارك من عندي وطمنهم علي وعلى صحتي أن الحمدالله مافيني شي، ورجع أمي معاه البيت عشان تييب لي أغراضي وتجهز كل شي وتييني بعدين، بس مبارك وصلها ورجع لي وقال حق خالوا عفرا أنها تييب معاها أمي بعدين في ييتها لي وتتفاهم معاها و خالوا عفرا مابتقول لا وعليا هي وأمي ومشى عنهم على طوول ياني وياب الشنطة الصغيرة إللي كنت مجهزة فيها الأشيا إللي باحتاجها من ثياب وغيره. أنا وقتها خلصت كنت نظيفة ومنبطحة على السرير نايمة بعد ماخبرتني النرس أن بعد ساعتين تقريباً راح إييبون لي البيبي يعني على الساعة عشر، يلا أنا بانام شوي وغطت عيني وما حسيت بشي من التعب كفاية آخر الأيام كان يتحرك وايد فما قدر أنام، وأستسلمت للنوم دخل علي مبارك بعد نص ساعة شافني نايمة جرب الكرسي صوبي وين ماكنت مجابله ومسك يدي وحبها وردها مرة ثانية تحت اللحاف وقعد يتأملني ويمسح على شعري

مبارك: فديتج والله يا حياتي كم تعبتي وتعذبتي عشان سلطان وآخرتها طلع صغيروووووووون، فديتج حياتي أحبج، إنشالله أحين بترتاحين ويخف تعبج.

وتم عندي لين مايات النرس ووعتني من النوم وشفته وأبتسمت له رد علي الإبتسامة

النرس:sir can you go out for fow minuts please?!
مبارك

وطلع مبارك وروتني الطريقة الصحيحة حق الرضاعة وكيف أمسك بالياهل عشان مايختنق وهو يرضع ومن هالسوالف ومن بعدها طلعت ودخل علي مبارك

أنا: شو من متى أنت هني؟؟
مبارك: بوووه يمكن من أكثر من ساعتين
أنا: وأنا راقدة؟؟
مبارك: هيه أكيد، عيل شو كنتي واعية؟!؟
أنا: هههههههه لا والله إلا راقدة لولا هاذي جان أنا الحين مواصلة رقادي بس الشيخ سلطان فديته بيشرف الحين فلازم نستقبله
مبارك: حلفي؟!! فديــــــــــته والله
أنا: هيه هيه أحين ماشي فديتج أحين فديته
مبارك: ههههههههههههه شو تغارين من ولدج؟؟
أنا: إيه أنزين
مبارك: هههههههههههههههههه أنتي حياتي كلها، شو تبين بذاك إللي مايفهم
أنا: أنزين مبارك خبرتوا بنت عمتي؟؟
مبارك: لا والله نسيت يمكن أمج خبرتها ولا أقولج أندوج التلفون خبريها روحج

وعطاني التلفون وكلمتها وأستانست لي مع أنها في البداية ماصدقت على بالها إني أتغشمر بس عقب يوم حلفت لها أنا ومبارك صدقت تشكرت لنا بالسلامة وقالت إنها العصر بتيي وسكرته من عندها لأن يابوا لي سلطان فديته

أنا: واااااي قلبي إينن حبيبي، نتفه آاااااخ قلبي لا لا ماتحمل
مبارك: ههههههههههه تراه ولدج شليه أنزين
أنا: لا خله في سريره أخاف اطيحه من يدي من الأناسه
مبارك: شو تطيحينه أدري بج جان ما تزغدينه زين
أنا: ويهك عاد، أنا وولدي كيفي
مبارك: الله أحينه خلاص طاح كرتي وين أيام اول
أنا: ههههههههههههه من قال بس نعطيك الكرت الأصفر عشان تاخذ الحيطة والحذر
مبارك: ههههههههههههه بعد؟!! أنزين أنزين

وعدلت روحي على السرير عدل

أنا: مبارك جرب مني سريره شوي

وجرب سريره مني

أنا: مباااراااك باموت إيينن إيينـــــــــــــــــــــــــن قلبـــــــــــــي قلبــــــــــــي فديته على التعب إللي تعبته حلال عليه جان طلع لي هالحلو
مبارك: هيه فديته تراه إلا على أمه والأكثر ملامح أبوه
أنا: إذا على أبوه أنا راضية، مو بس باحبه إلا بامووت فيه
مبارك: أحم أحم
أنا: هههههههههههه فديتك مبارك شوف، شوف شلون يبطل حلجه وااي فديت هالحلج أنا
مبارك: أنزين تراهم يايبنه لج عسب ترضعينه، رضيعه الياهل يوعان

أدري بتسغربون مني بس أنا مو قصدي أخليه جذي، أنا مشكلتي إن مبارك قاعد في جبدي ماقدر أحس أن ويهي بيحترق أشلون أرضعه وهو عندي، يالله ياربي أفهم عاد يا مبارك وأطلع أحسن من إنها إتيي مني

مبارك: شو بعد بتيوعين الياهل عسب مستحاج ها؟؟
أنا: ها من قال؟!؟؟
مبارك: هههههههههههههههه شو تتحريني غبي أنا؟؟ تراني من قلت لج و ويهج قام يتلون وأنا أقولج عاد كيفج تراه لا هو حرام أنج تكشفين عند ريلج ولا هو عيب أنا حلالج، وأنا أنصحج أنج ترضعين الياهل أحسن عن تخلينه جي

من الفشيله لأنه صادني قلت له

أنا: لا لا عادي بارضعه عاد أشعلي أنا منك ولدي أهم والله
مبارك: هيه تحسبت بعد!؟
أنا: مبارك؟
مبارك: عونج غناتي
أنا: عانك الرحمن، لو قلت لك إني أستحي شو بتكون ردت فعلك؟؟
مبارك: ماودي أقولج شي أخليج تقفطين من الخاطر، بس حالياً أقولج رضعي الياهل
أنا: لا قوول قوول صج صج
مبارك: أقولج شي؟! أنا أصلاً كنت عرف أنج بتقولين أستحي وبتقولين لي أطلع برا عسب أرضعه، ها إللي على بالي كنتي بتقولينه في البداية بس لو قلتيها يا لولو والله لا أخليج ماي متبخر في ها الحجرة وأخلي الكل يضحك عليج
أنا: بل شدعوة صج نذالة
مبارك: لا نذالة ولاشي بعد إذا أنتي مب طايعة ترضعين الياهل عسب إني مويود شو تبين أسوي لج؟؟ أحبج فوق راسج وأطلع إنشالله؟!؟؟
أنا: والله جان زين
مبارك: شووووووووووو؟؟؟؟؟
أنا: هههههههههههههههههههههههه هههههههههههههههههههه أتغشمر معاك
مبارك: لا فديتج لا تتغشمرين رضعي الياهل فديته يوعان

يالله سترك الظاهر أن إللي يقوله صج، أن إذا مارضعت الياهل بيفشلني من الخاطر يالله خلني أتوكل على الله بعدين يصير خير

أنا: مبارك يبت معاك الشنطة الصغيرة؟؟
مبارك: هيه تبينها؟؟
أنا: هيه فديتك
مبارك: أندوج

وعطاني أياها وطلعت منه قميص لي واسع لأني كنت لابسة ثياب المستشفى ولبسته ومن ظمن الأغراض كنت حاطة فيها شال لي عشان إذا برضع الياهل وغيره من هالأشيا إللي أحتاجها، فطلعت الشال وشليت سلطان حياااتي صغير

أنا: مبارك ماتبي تشيله؟؟
مبارك: لا فديتج، أنتي رضعيه الحينه بعدين يستوي خير
أنا:واااااااااااي ياقلبي أنا باموت ياناس إيينن ياربي ياربي جميل هالولد
مبارك: الله يخليكم ويحفظكم لي
أنا: آمين أجمعين إنشالله

وحطيت على جتفي الشال وبديت أرضعه، مع إني كنت خايفه في البداية بس الحمدالله سميت بالرحمن ولا كأني أنا إللي كنت خايفه من شوي، ومبارك يشوفني ويتبسم وأنا ماقدر ألتفت عليه مادري بس أنا جذي أحس ببالفشيلة مادري شبيقول لو طالعته، وشوي إلا أهوه إللي يايني قاعد على السرير مجابلني لأني كنت مادة ريل وكافسة الثانية، آآآآآآه يا ذا الويه إللي قام يتلون، وهو من شافني ضحك وأنا طبعاً شبه مقيدة بمسك الياهل ولا بارضعه ولا شباسوي وهو ميت علي من الضحك

أنا: مبارك قوم من هني، لوسمحت قوووم
مبارك: مابا شو بتسوين يعني؟؟
أنا: والله باحط الياهل وباكفخك
مبارك: ههههههههههه ههههههههههههههه خيبه بس عسب إني ييت جدامج؟؟
أنا: مبارك عن السخافة، وقوم عن ويهي والله مب زين الياهل يرضع وأنا متوترة
مبارك: ياربي على الدكاترة إللي مجابليني
أنا: مباااااااااااارااااااااااااك

عصبت من خاطري والله ياتني الصيحة من القهر، مب قادرة أتحرك وهو لعانته واصلة حدها، مو لأن الأخ رايق

مبارك: يا هبله شو فيج؟؟ للمرة ألف مليون أقولج وأرد أعيد وأكرر فيها عاد، شو فيج؟؟ ليش تستحيـــــــــــــن؟؟ والله العظيم إني أنا مبارك بن محمد زوجكِ على سنة الله ورسوله وليس شبيهه
أنا: أنزين وخير ياطير، قوم عني الحين ترا والله وهذاني حلفت لا أفلعك بها التلفون إللي يمي
مبارك: هههههههههههه خيبة أستويتي وحشه خلاص أنا باشوف لي حرمة ثانية تداريني

حسيت عيوني غرقت من الدموع قهرنــــــــــي ياربي كلامه ينرفــــــــــز وااايد وهو عنده عااااااااادي

أنا: في الطقاق قوم أنزين

سكت وطالع ويهي إللي أنا منزلته عشان مايشوفني، لكنه شاف أن عيوني بدت تغرق وأنا أرامش عشان تروح هالدمعة ومافي جدامي إلا خيارين يا أما أبلع الصيحة أو تطيح هالدمعة إللي عامية الرؤيا عندي بس في النهاية طاحت وهو جافني ومسحها عني

مبارك: يعني تتحسبين صدق إني أسويها وأدور لي حرمة؟؟
أنا: قصورك بعد، على هالتعب تحط وحدة فوق راسي وقوم أحين، ترا خلاص وصلت حدي أنزين
مبارك: حياتي والله أنتي، والله مايرزا يالولوة تنزلين هالدموع عسب مستحاج، عادي فديتج خلاص المفروض أنج تتعودين يعني إذا أنا وياج كل يوم في نفس المكان نقعد وناكل ونشرب وفي نفس المكان ننام شو تبين أكثر بعد؟؟ يعني أحين أنا تتحسبين ما جد شفتج وأنتي متكشفة يوم كنتي راقدة؟؟ تراه عادي أنا حلال مب حرام ولا هو عيب سبحان الله ها غصبن عنج ترا، وأنتي مثلاً يوم كنتي نايمة ماكنتي متعمدة أنج تتكشفين صح ها الكلام ولا لاء؟؟

طبعاً كنت منزلة راسي أشوف سلطان حبيبي وهو يرضع أخاف عليه مافيني بعد وعقب ماخلص كلامه رفعت له راسي وهزيته بالإيجاب

مبارك: بس عيل!، ها نفس الشي ترا بعد الواحد تحده الظروف أنه يسوي شي هو يستحي منه بس ها سنة الحياة، يعني أحين أنتي بتعترضين ؟؟
أنا: لا بس أنت قوم الحين
مبارك: إنشالله

ونزل راسه حب سلطان الصغير على راسه وهو يرضع وحبني أنا بعد على راسي وقام قعد يمي، تبون الصج أهو صاج يعني لين متى أستحي منه؟؟!؟ لاهو غريب ولا شي بس تعليقاته هي إللي أنا أستحي منها، خلاص من يوم ورايح عادي دامه هو عطاني التصريح فعادي يعني، وماشالله المستشفى مافضى ناس طالعه وناس داخله أمي على بنات عمتي وعمتي وعلى أهل مبارك ماشالله إللي ماقصروا حتى خواتي وصلوا غير خالاتي إللي وصلوا على اليوم الثاني والله فرحت من قلب شفتهم كلهم عقب هالفترة ذي كلها الحمدالله وبعد 3 أيام رخصوني، والحمدالله صحتي أنا والبيبي أوكي ومن رجعنا البيت مبارك مايتحرك عن سلطان قاعد لي قعدة والله كأني باربي واحد ثاني بعد، حتى اليهال ماسووا إللي يسويه هو غربلني أنا أرقده وهو يروح يمه يغربله عشان يفتح عينه، مب سلطان إللي متعبني إلا مبارك إللي متعبني، وأنا عاد ضقت وخصوصاً يوم إللي كملت أسبوعين وزود وأمي سافرت من يومين، ماقصرت تمت معاي أزيد من شهر وبعدين وراها البيت مخليته حتى خواتي ردوا قبلها مع خالاتي من أسبوع وزود، أما عمتي راحت في بيت وحده من بناتها، و الحين سلطان ماعرف شو فيه يصيح ومبارك مب قاعد يساعدني كثر ما هو مدودهني ووصلت حدي منه وصرخت عليه

أنا: بـــــــــس عاد ذبحتني أسكت العود ولا الصغير، يا أخي حس والله تعبت لا ذي يسكت ولا أنت إللي قاعد تساعدني كل ماسوي شي تلعوزني تعبت أنا، أنت ماتحس؟؟ أرحمني شوي أفــــف...

وطلعت عنه في الصالة وشلت سلطان وياي وشوي شوي هدا ورضعته ورقد وهو أبد ماسمعت له حس، دخلت الحجرتنا إلا مرتب الأغراض إللي خالوا عفرا يايبتها لي ورحت باحطه في سريره إلا بعد مرتب حجرة سلطان فديته السرير والكبت، والله لا تلوموني أنا إللي كنت مرتبة من كثر ما أنا مشغولة الحين أحس إني صرت وصخة حجرتي تنظفها الخدامة، بس لازم أشوف من عقبها أن كل شي أوكي أو لا، وصرت ما أقعد في الغرفة وايد مادري عنها آخذ إللي أبيه وأنزل تحت في الحجرة التحتيه مع سلطان لأن الناس تييني البيت فما أركب فوق إلا أذا بانام ومبارك يكون موجود قبلنا فالنثرة ماتصير إلا لين هو ركب، الكندورة في صوب والغترة في صوب يعني إللي لبسه بأختصار متنثر على كبر الغرفة، وإذا بييب شي حق الثلاجة يخليه على الأرض في المطبخ ينتظر أحد يحطها في الثلاجة أو في الكبت، وغير أنا إللي آخذ أغراض سلطان بدون مبالاة أن جان طاح شي من عقب ماخذيت أو لا، وفي النهاية أصعد وأنا تعبانة آبي أرقد بس على طول أرقد سلطان وأنا من بعده أحس إني خلااااص منتهيه من الزين، وماشوف من يساعدني.. نفسياً تعبت من الحالة إللي أعيشها وسلطان مب مقصر الليل ماقدر أرقده بسبته كل شوي صاح شتتوقعون الأعصاب عندي؟!! ألف ألف بس مبارك وايد ناسي روحه نسى إني ماعدت وحده فاضية ماعندها إلا هو، نسى أن وراي الحين مسؤولية غيره، بس إذا محد ياني وسلطان راقد ماقصر أجهز كل شي بنفسي حتى الحجرة أبخرها وأعطرها من عقب ما أحط سلطان عند نورة عشان مايختنق، وهالفقيرة بعد مب مقصرة هامله خطيبها على حسابي وكل ماقلت لها قالت:" أنا قايله حق فيصل إني مشغولة معاج وهو متفهم الوضع لا تحاتين"، المهم خلونا من ذي كله طبعاً مانطقت ولا كلمة من دخلت اللهم حطيت سلطان على سريره ورحت أتغسل وأبدل أحس أن جتوفي طاحت، يالله تعطيني القوة وعلى طول وينك يالفراش

مبارك: لولوة حبيبي
أنا: مبارك الله يخليك لاتكلمني والله إنها واصلة معاي لي هني، الله يرحم والديك أسكت عني
مبارك: أنزين كلمتين بس
أنا: قول
مبارك: حياتي أنا آسف تعبتج واايد

طبعا من الكبت إللي فيني بطيتها صياح والله تعبت، تعبت ماحد يحس فيني إلا إللي جرب
هالتجربه من قبل

مبارك: بس حياتي كل ها وحابسته في قلبج
أنا: والله تعبت ما أقدر لا أرتاح ولا أرقد مثل الناس، جسمي كله يعورني من أتحرك شوي قالوا صاح سلطان، شنو ذي؟!! والله مب حالة
مبارك: معلي حياتي هونيها وتهون أحين أنتي صبرتي عليه يوم كان في بطنج ما بتصبرين عليه يوم طلع
أنا: مبارك تـــــــعبـــــــــت رقبتي تعورني من كثر ما أنا قاعدة معاه
مبارك: ليش وين نورة ما تساعدج؟؟
أنا: حتى لو، نورة مب أمه يعني بتشيله شويتين بس ما بيسكت
مبارك: فديتج حياتي خلاااص أنتي هدي الحين، خلاص لا تصيحين
أنا: ساعدني والله تعبت

أنكسر خاطره علي مسح دموعي وحظني عند صدره ومسح على شعري لين ماغفت عيني وأنا على صدره كأني ياهل، رديت أنا إللي كانت عنده بس بروحي بدون مشارك، يستانس عليها لين غايضها وحرق اعصابها. قعدت اليوم الثاني بشوية نشاط والله أن حتى مادري بسلطان و مبارك مختفى، على طول فزيت من مكاني طليت في حجرة سلطان إلا مبارك يرضعه بالمرضاعة وذاك راقد في حظنه

أنا:
مبارك: أششششش

وأشر لي عشان أطلع وطلعت، رحت أتغسل وعقب رحت لهم ومديت يدي عشان أخذه وخذيته من عنده وحباني مبارك على راسي

مبارك: صباح الخير حياتي
انا: صباح الخير عمري
مبارك: شو أصبحتي؟؟
أنا: الحمدالله وأنت؟؟
مبارك: أصبحت على سلطاني
أنا: ليش ماقعدتني له؟؟
مبارك: ماحبيت أصحيج من النوم وأنتي كنتي كلش تعبانه حتى ما سمعتيه وهو يصيح فقمت له
أنا: حياتي والله، من متى وأنت وياه؟؟
مبارك: من الساعة 3 الفير تقريباً نومته وردمرة ثانية صحى على الساعة خمس ونومته وواصل نومه إلين الساعة سبع ونص والحين صحى وبس وأنا معاه
أنا: وأنت رضعته؟؟
مبارك: هيه، عندج شك يعني؟؟
أنا: لا بس هو الماي بالزور يشربه والله غريب أمرك يا سلطان!!
مبارك: عسب تعرفين ولدي يحبني ويطيع كلمتي وعلى أمه يدلع
أنا: أحلف بس أنت؟!!
مبارك: شو عيل تتحسبينه؟؟
أنا: أقول حياتي ماقصرت والله يعطيك العافية والحين خلني أرضع الياهل وإذا ماعليك كلافة يعني تنزل تييب صنية الريوق من بدال الخدامة
مبارك: إنشالله من عيوني
أنا: تسلم عيونك فديتك

ونزل وخذيت سلطان فديته إللي صحى وسبحته ولبسته و بطلت عنه المهاد و تم يلعب ومبارك يناغيه وذاك يضحك حق أبوه لين انا ماخلصت ريوقي شلته ومهدته ورضعته ورقدته، والله من بعدها حسيت براحه فديته مبارك ما قصر رحت صوبه وحبيته على خده

أنا: مشكور فديتك ماقصرت، ربي لا خلاني منك
مبارك: ولا منج حياتي
أنا: أنا باحطه في مفرشه وبانزل تحت، بتنزل معاي؟؟
مبارك: لا قعدي أنتي معاي
أنا: إنشالله ماطلبت
وقعدنا في الصالة التابعة حق قسمنا وسوالف وضحك وأنا حطيت لنا شبس وعصير على طلب مبارك وهو يسولف علي وأنا أضحك والله من زمان ماقعدت معاه عدل أحس إني صج مقصرة في حقه
مبارك: ندى شو رايج نييب بشكارة حق سلطوني؟!
ندى: لا لا لا كلشي ولا بشاكير انا اخواني ما كنت احب البشكارة تشلهم وايد وتحطهم وتدخلهم الحام_كرمكم الله_ الا هالمرة ولدي؟!! لا فديتك مابي
مبارك: براحتج حبيبتي

وسكتنا شو وكل ساعة التفت لمبارك وابتسم له ولين ما صادني وانا اتبسم على شكله

مبارك: شو فيج حبيبتي؟؟
انا: لا ماشي بس اشوفك
مبارك: انشالله بس عيبتج
أنا: هههههههه من زمان عايبني ان جان ماخذتك، مبارك أبا أقولك شي
مبارك: قولي فديتج
أنا: مبارك سامحني إذا قصرت في حقك بس أتمنى أنك تعذرني
مبارك: لولوا شو هالكلام؟ حبيبتي أنتي ما مقصرة معايه وبعدين حتى لو أنا عاذرنج ها أول بيبي لنا وأنتي مشغولة معاه وهو بعد ماشالله عليه صياح
أنا: هيه والله
مبارك: طالع على بعض الناس
أنا: شقصدك يعني؟؟
مبارك: أبد سلامتج ما أقصد شي
أنا: لا بلى قول أنه طالع علي بعد اللف و الدوران لشو؟؟
مبارك: ها أنتي إللي قلتيها أنا ماقلت شي ههههههههههه
أنا: هههههههههه أنزين معلي معلي
مبارك: فديتج والله يخبل
أنا: أدري لانه ولدي
مبارك: هيه والله
أنا: بس فديته أحلى شي أنه ماخذ عيونك
مبارك: أحم هالكثر حلوة؟؟
أنا: إلا وأنت الصج غاوية أنا لولا عيونك أن جان ماخذتك
مبارك: حلفي أنتي بس؟؟!
أنا: والله عبالك هههههههههههههه

وحذف علي الكوتشينة ويصير الضحك

مبارك:عشان عيوني ها؟؟
أنا: ههههههههههههه
مبارك: ما عرف منو إللي خطر لا يموت علي وعلى جمالي يوم شافني
أنا: بسم الله علي مو كأنهم إلا بعض الناس إللي بقى يوقف قلبه يوم نوير تمسخرت عليه وقالت له إني رفضته خخخخخخخخخخخخ
مبارك: جب ويا هالويه
أنا: هههههههههههههههه محتر وبعدين دامي مب حلوة لشو خذيتني؟؟ محد ظربك على يدك وقالك تعال خذني ههههههههههههههههههه
مبارك: بس بس
أنا: هههههههههههههههههههههه ههههههههههههههههههه ههههههههههههههههههه مبارك صج صج قولي شصار فيك يوم قالت لك نورة إني رفضت؟!
مبارك: ما سويت شي شو باسوي يعني قلت كيفها هي حرة البنت والبنات وايدات باقول حق أميه تشوف لي وحده ثانية
أنا: هههههههههههههههههه جذااااااااااااب
مبارك: هيه جذاب عندج مانع
أنا: هيه، ليش أنت ماتعرف أن إللي يجذب الله يوديه النار؟؟
مبارك: لا والله أول مرة أعرف شكراً لأنج قلتي لي
أنا: العفو تعال كل يوم خخخخخخخخ
مبارك: لووولووو
أنا: أنزين صج صج الحين صج إللي قالته لي نوير أن عيونك صارت دوائر من الصدمة، وشوي وبتدمع وطلعت من البيت ومارجعت إلا في الليل من القهر؟!؟
مبارك: هيه، دامج تدرين لشو تسألين بعد؟؟
أنا: بس مجرد فضول
مبارك: والحين أرتحتي؟؟ أرتاح فضولج؟؟
أنا: هيه أرتاح بس أنا بسألك أنت غبي؟!
مبارك: شوو؟؟ لولووه!!
أنا: هيه صدج أنا أتكلم الحين، أنت غبي؟؟
مبارك: يعني بالله عليج حتى لو أنا غبي باقولج لا أنا ذكي

رحت قعدت يمه وقلت له وعيني في عينه

أنا: هههههههههههههه أنزين يعني أنا الحين شفتك وقعدت معاك وكلمتني وكلمتك وبعدين كان عندي فترة طويلة عشان أرد عليكم وأنا ما شفت منكم إلا كل خير، وحسيت فيك الطيبة والحنان ليش أرفضك بغض النظر عن جمالك يكفيني جمال الروح هاذي إللي يهمني
مبارك: حبيبتي والله أنتي لين قلت لج أنتي ماحد يسواج
أنا: هيه لازم ما حد يسواني تراني لولوة
مبارك: ههههههههههههههههههههه أنزين تدرين عاد أنا كنت مخطط نتعشى برا خلال هالأسبوع شو رايج نطلع اليوم؟؟
أنا: أمممممممممم
مبارك: شو بعد؟؟
أنا: لا و لاشي بس شنو اليوم؟ الأربعا؟؟
مبارك: هيه
أنا: تدري عاد خلها باجر أحسن
مبارك: لشو يعني؟
أنا: عشان لو لو أزعجني سلطان باخليه عند نوير خخخخخخخخخخ
مبارك: فديتج ياربي ذكية طالعة علي
أنا: هههههههههههههه لا وأنت الصاج أنت إللي طالع علي
مبارك: مو مشكلة، أنزين أنا بطلع بعد شوي تامرين على شي؟
أنا: لا فديتك مابا إلا سلامتك
مبارك: الله يسلمج إنشالله

وراح يتلبس وأنا رحت أطل على سلطان وقبل لا يطلع مبارك ناديت نورة تيي عندي متمللة ودخلنا مع بعض الحجرة ومبارك واقف على راس سلطان يشوفه ويحبه على راسه قبل لا يظهر

أنا: مبااارك؟ شتسوي؟؟
مبارك: شششش

وطلعت عنه أخاف يقعده

مبارك: يعني أبو يبوس ولده شو هالسؤال بعد؟؟
أنا: لا خفت تقعده، قلت دام الله هادية خله يرقد
مبارك: لالا راقد فديته دامي أنا إللي كنت معاه خلاص تطمني
أنا: أنزين
نورة: شو غادي الأب الحنون أخويه!؟!!
مبارك: هيه من زمان جانج ماتدرين بس عيالج أنا باعذبهم لج
نورة: هيه بنشوف منو إللي بيعذب عيالي أنت تروم أصلاً
مبارك: وليش إنشالله؟!؟
نورة: أحم لأني أنا أمهم وفيصل أبوهم
مبارك: نويــــــــــر حشمي عاد
نورة: آسفة

ياتني الضحكة فمشيت عنهم رحت أحط ثياب سلطان ومبارك في الكبت

مبارك: يلا أنا باخليكم تامروني على شي؟؟
أنا: مادري ما في بالي شي بس إذا بتشتري حق روحك شي أشتر لنا أنا ونورة ولا أقولك
حق كل أهل البيت
مبارك: هيه الله يسلمج عندي المالية
أنا: هههههههه
نورة: أخويه بلاك مستوي بخيل؟؟
مبارك: هههههههههههه أتغشمر بلاج أنتي
نورة: هيه تحسبت بعد مبارك يستوي بخيل؟!! ما صدق
أنا: هيه و الله

وطلع عنا مبارك

أنا: نوير آبي أغير شكلي، من زمان ما تعدلت من حملت في سلطان وأنا عادي شكلي آبي أسوي شي يديد
نورة: تدرين عاد شو رايج نطلع ناخذ كمن غرض ويا بعض ونسير الصالون نتعدل؟؟
أنا: أممم رايج جي يعني؟؟
نورة: هيه شوفي أنتي ومبارك تحبون الكشخة، فلذلك بنروح نشتري لنا كمن هدمه وعاد أنتي كفيج تبين بانطلونات أو تنانير
أنا: لا والله خاطري في بانطلونات، والله من نزلت الإمارات وأنا ميودة على التنانير وإذا مب تنانير جلابيات ومبارك ماشالله بعد كلش مايحب هالسوالف
نورة: بس عيل أنتي خذي لج بانطلونات وعن خاطر مبارك تنورتين وأخذي جلابية كشخه ومن عقبها بنسير الصالون عسب تتحنين، إلا أقولج؟؟
أنا: شو؟
نورة: شعرج شطولة الحين؟؟

فليت شعري لها إللي كان واصل لي نهاية ظهري، لأني من زمان ما قصيته

نورة: ماشالله عليج حلو طوله بس عدليه من جدام
أنا: كيف ؟؟
نورة: خليهم يقطعون لج الخصل إللي جدام عسب يوم يسوونه لج إللي ورا يكون على طوله بس إلي جدام يستوي لج مقطع وبجذي ما يروح طوله ويقصون لج بعد قِصة تستوين روعة
أنا: هيه والله قذلتي طولت
نورة: شو رايج تصبغين شعرج؟؟
أنا: لالا ماحب
نورة: أنزين خصليه؟؟
أنا: لالا مابي آخر مرة يوم إللي خصلته تقصص، مب حلو لولا الدهن إللي أحط في شعري إن جان أنعدم
نورة: هيه تراهم عطوج بعين كان طالع فظيع عليج
أنا: مادري يمكن
نورة: أنزين متى تبين تطلعين؟؟
أنا: الساعة كم الحين؟؟
نورة: الساعة 10 ونص
أنا: بس عيل دامه راقد باخليه عند خالوا وبنطلع بس مانبي نتأخر كفاية الصالون إللي يبي له أكثر من ثلاث ساعات
نورة: أوكي
أنا: يلا عيل

ونزلت وعطيت خالوا سلطان مع أغراضه وأستاذنت من مبارك وطلعنا، رحنا أول شي السنتر خذينا إللي نبيه وكل وحده تنقت حق الثانية وماتأخرنا عشان مانطول وايد في الصالون ووصلنا الصالون على الساعة 12 و شوي، دخلنا وعلى طول أبتدوا فيني لأن نورة حجزت لي وأحنا طالعين من البيت فأشتغلوا أول شي في شعري وعقب بدوا يحنوني، طبعاً نفس ذيك المرة نورة إللي أختارت الحنايات بس هالمرة أربع وحدات عشان نخلص بسرعة ونرجع، وحدة كانت حق يدي اليمين والثانية حق اليسار والثالثة حق ريلي اليمين والرابعة حق اليسار.


حتى الغدى تغدينا في الصالون وكان عبارة عن سندويشات دجاج ونورة، وعليا ما قصرت كانت تطعمني وبين الفترة والثانية تتصل تطمن على سلطان والحمدالله ساكت وخالوا أصلاً مب مقصرة فديتها حاطته في عينها وإذا تعبت أنا هي بروحها تيني تاخذه من عندي، وعلى جذي مارجعنا إلا على الساعة 3 إلا وعلى طول دخلت الغرفة إللي تحت، كانت خالوا عفرا راقدة مع سلطان وأنا أستحيت أوعيها من النوم، فخليتها وطلعت ورحت عند نورة فوق في حجرتها

أنا: قوة نوير
نورة: هلا
أنا: نوروه دخلت الحجرة التحتيه لقيت أمج وعليا راقدة مع سلطان
نورة: أنزين شو فيها؟؟
أنا: والله تفشلت كنت آبي آخذه من عندها بس وحليلها شفتها راقدة ماحبيت أصحيها من النوم
نورة: عادي أمايه تحب اليهال عادي ماتقول شي
أنا: نوروه والله فشلانه فيها، من متى وأحنا طالعين!؟!! ياربي
نورة: إلا تعالي مبارك عرف أن وصلنا ولا لاء؟؟
أنا: مادري بس ماظن أكيد أحين رقد وعقب العصر بيطلع عنده شغل يعني مابشوفه إلا في الليل
نورة: أحسن
أنا: ويا ويهج
نورة: والله لاتروحين بعد غرفتج عسب مايعرف خير شر أنج وصلتي
أنا: نوروه تعرفين عاد خاطري أطلع
نورة:ههههههههههه هههههههههههههه ماوحى لج توج تبين تشلين ولدج والحينه باتخلينه
أنا: سكتي نوروه أحس روحي مسجونه، من متى ماطلعت وأحين آبي أطلع دام البيت هدوء، شو رايج نطلع؟؟ على مسؤوليتي لا تخافين محد يقدر يقولج شي
نورة: أوكي
أنا: ههههههههههههه يلا لبسي مرة ثانية

ولبسنا أول شي رحنا باسكن روبنز خذنا لنا آيسكريم

نورة: الله فديتج ذكية تعرفين شو أحب
أنا: غصبن عنج أكلي بس أنتي
نورة: ههههههههههههههه أنزين على وين العزم الحين؟؟
أنا: أبا أسير بيت أم أحمد بنت عمتي
نورة: عاد في هالوقت؟!؟؟
أنا: هيه عادي هي صاحية شو يعني؟؟ بعدين نحن مابنتأخر كلها ساعة بالكثير ونحن ماشيين
نورة: أوكي

ورحنا لها وعليا فرحت بييتنا واليهال بعد وقعدنا شوي عندها ويوم بنقوم

أم أحمد: وين؟؟ تو الناس
أنا: تدرين أن هاده سلطاني على خالوا عفرا من الصبح ويوم رحت باخذه لقيته راقد عندها والله فشيله
نورة: قلت لج أمايه تحب اليهال عادي عدها لو تخلينه لي باجر مابتقولج شي روحها تحبج
أنا: بس عاد الله وأكبر من عيونج بتحسديني
نورة: ههههههههههه على شو؟؟ لا فديتج ما أحسدج بالعكس، المهم يلا قومي الساعة كم الحين؟!؟
أنا: يلا يلا الساعة خمس إلا
أم أحمد: والله ماعندكم سالفة، شو هالزيارة السخيفة؟!؟ ما قعدتوا ولا تفاولتوا
أنا: والله يايمه أن عقب جم يوم باييج وفالج طيب باتفاول وبقعد ليما تروغيني بعد آمري
أم أحمد: فديتج والله مايامر عليج عدو
أنا: يلا عيل مع السلامة
أم أحمد: الله يسلمج
نورة: مع السلامة
أم أحمد:في حفظ الله

وطلعنا

أنا: ها نوير ماتبين تروحين مكان؟؟
نورة: لا والله
أنا: تدرين عاد أتصلي أول شي في البيت شوفي سلطاني فديته شخباره؟!!

وأتصلت وقالت لها خالوا عفرا خذو راحتكم سلطان فديته يصحى شوي تلعب معاه بعدين تبدله وترضعه ويرد ينام

أنا: دام جذي وخالوا عطتني القرين لايت (green light) يلا باوديج مكان حلو
نورة: وين؟؟
أنا: ماعليج

ووديتها بيت خالوا مريم

أنا: يلا نزلي
نورة: لولو مينونة أنتي؟؟
أنا: لا فديتج صاحية أنا من زمان ماشفت خالوا مريم، قلت بنسلم عليها وبالمرة تشوفين فيصل إللي حاقرته من متى يلا نزلي لا أحين أبطل الباب وأفرج
نورة: ههههههههههههه فديتج والله يا لولوووه حبيبتي أنتي
أنا: هيه يالمصلحة أنزلي انزلي
نورة: لا عاد والله تدرين بي إني أحبج
أنا: ههههههههههه أدري فديتج وأنا بعد بس أنتي أحين يلا نزلي وأنا وياج

ونزلنا وسلمنا على خالوا مريم إللي فرحت بشوفتنا وقعدنا وياها وفاولتنا وفيصل إللي كان فوق في غرفته ويتصل حق نورة إللي من أصبحت ماكلمته ولا قالت له شي وهي تراويني تلفونها ونضحك ولا ترد عليه

أنا: خالو عيل وين البنات والبقية؟؟
خالوا مريم: والله يابنتيه طالعات مع أخوهم وحرمته يبون يتشرون وساروا معاهم
أنا: أها، عيل فيصل وين؟؟
خالوا مريم: فوق في داره
أنا: نورة أقولها؟
نورة: لا لا أنا باقول
خالوا مريم: شو فيكم؟؟ قولوا
نورة: هههههههههههه خالوا من مساعة من دخلنا وفيصل يتصل بي وأنا مارد عليه ههههههههههههههههه
خالوا مريم: هههههههههههههههههه وحليله ولديه
أنا: ناديه خليه يشوفها وعليا كاسر خاطري من متى ماشافها
خالوا مريم: إنشالله

وأتصلت له قالت له عندك ضيوف في الميلس ومن بعد ما سكرت راحت نورة الميلس تنتظره، وهو نزل سلم على السريع ومشى صوب الميلس إللي نورة كانت تنتظره فيه فتح الباب وماشاف أحد شاف حرمة ماعطيته ظهره

فيصل:نعم؟ منو؟؟

ألتفت عليه نورة وهي تبتسم وهو إللي أنصدم، ماتوقع أنها بتكون عنده

نورة: يعني ماتبيني؟؟ أطلع؟! باطلع، يلا مع السلامة

وهو ماتكلم بس يشوفها وتوها بتطلع يودها

فيصل: شو على كيفج هو؟؟
نورة: أنت إللي كأنك مو مشتهي تقابل حد قلت بطلع بكرامتي أحسن لي
فيصل: أرفض أقابل العالم كله إلا أنتي
نورة: إنزين
فيصل: يالكريهه وحشتيــــــني ما تتخيلين قد شو وحشتيني، حرام عليج و الله مايرزا علينا ولد مبارك إللي خليتيني عسبته
نورة: عاد ها كله ولا السلاطين عاد
فيصل: هيه بنشوف يوم بتربين بإذن الله شو بيسوون لج
نورة: بتشوف المهم أنت شحالك وشعلومك؟؟
فيصل: أنا من ريتج يا حياتي الحمدالله بخير وعافية، أنتي شو علومج وشو الهبات؟؟
نورة: والله تمام بخير
قيصل: وشو عن العرس؟؟
نورة: خلاص نفس ما آخر مرة أتفقنا بيكون عليه
فيصل: أنزين أنتي بعدج ماخلصتي؟؟
نورة: لا والله أنا موقفة حالياً لأني مع لولوة مرت مبارك وإنشالله من الأسبوع الياي باكمل إللي ناقصني
فيصل: إنشالله، فديتج إذا قصر عليج شي قولي لي لا تستحين و إذا ماتبين تقولين لي قولي حق أمايه
نورة: مو مشكلة

وياتهم بشكارة خالوا مريم

تورستي:madam Noora madam Nada waitting you in the car
نورة: يلا عيل فيصل أنا بمشي تامرني بشي؟؟
فيصل: هيه
نورة: آمرني؟!؟؟
فيصل: لاتقطعيني
نورة: إنشالله مع السلامة
فيصل: في وداعة الله

ويات السيارة

أنا: ها شلون شفتيه؟
نورة: أفففففف أسكتي يا لولوة كل ماله يستوي أحلى، ماشالله عليه وأنا تحته خسفة
أنا: جبي زيـــــــن والله خسفة!.. أنتي أصلاً أحلى منه أنتي ماسمعتي شو قالوا يوم ملجتج؟؟
نورة: شو قالوا ياحسرة غير أنهم قالوا ريلها أحلى منها؟!؟!!!
أنا: من قالج؟ إلا قالوا حرام هالجمال ياخذها هاذا
نورة: حلفي لولو
أنا: والله، تبين الصج كنتي أحلى منه ولين أحين أنتي أحلى منه
نورة: أحم أحم فديتكم والله
أنا: ها بعد خاطرج مكان؟؟
نورة: لا شو بعد تبين اليوم ننراغ من البيت
أنا: هههههههههههههه مايقدرون وأنتي معاي
نورة: ههههههههههههههه

و رجعنا البيت و مبارك كان طالع وخالوا عفرا إللي وعليا كانت ترقد سلطان رحت حبيتها على راسها

أنا:سامحيني خالوا تعبتج معايه اليوم
خالوا عفرا: أفا عليج يابنتي ترا مثل ماهو ولدج ها ولديه، والله حتى عمج مستانس عليه
أنا: الله يخليكم لي ويطول لي بأعماركم وتشوفون عيال عيال ولدكم إنشالله
خالوا عفرا: إنشالله فديتج، ها شو سويتوا؟؟
أنا: والله باقولج الصج ماباخش عليج شي
خالو اعفرا: قولي فديتج
أنا: أحنا خلصنا على الساعة 3 إلا من الصالون يينا هني شفتج راقدة مع سلطان أستحيت أصحيج من النوم فخليتج، وأدري أن مبارك موجود بس ماحبيت بعد أدخل وأوعيه من النوم فخذيت نوير وطلعت معاها
خالوا عفرا: أنزين وين سرتوا في الشمس الحامية؟؟
أنا: والله يا خالوا من كثر ما أنحبست مع سلطان ماحسيت بحرارة الشمس ولا كأنه في شمس، رحت الشهامة حق بنت عمتي أم أحمد
خالوا عفرا: هيه فديتها شحالها؟؟ وشحال عيالها؟؟
أنا: الحمدالله بخير وسلمت عليكم كلكم وااايد واايد، مع إن ماقعدنا عندها بس قلت لها إنشالله مرة ثانية بنمر عليج
خالوا عفرا: هيه فقيرة إنشالله بنسير لها قريب فديتها ماقصرت معانا
أنا: هيه ومن عقبها سرنا حق خالوا مريم من زمان ماشفتها وبالمرة نورة شافت فيصل هناك
خالوا عفرا: هيه مو مشكلة، أحينه أنتي سيري بدلي وأرتاحي شوي إلا تراه هو نايم فديته

حبيتها على راسها

أنا: ماقصرتي فديتج بس تدرين عاد
خالوا عفرا: شو بنتيه؟؟
أنا: كلمة خالوا مب حلوة صح؟؟
خالوا عفرا: هههههههه
أنا: أنا آقول لو أقولج يمه أحسن حالي من حال نوور أم كشه
خالوا عفرا: ههههههههه فديتج والله، والله أنها طالعة من ثمج مثل العسل والله يشهد بغلاج عندي
أنا: بس عيل بنبدل هويتج أنتي وعمي من اليوم وساير أنتي أمي وعمي محمد بيصير أبوي محمد
خالوا عفرا: فديت منطوقج والله
أنا: تفداج العافية وإسمحيلي الحين عاد باروح أبدل وأتغسل وأنا يايه باخذه من عندج
أمي عفرا: خلاص بنتيه سيري

وركبت فوق وأنا مستانسه، رحت غرفتي تغسلت وبدلت لبست جلابية واسعة مالت البيت ومن عقبها نزلت تحت

أنا: أميه
أمي عفرا: خير بنتيه؟؟
أنا: أميه مابيوون فطيم وعايشه؟؟
أمي عفرا: والله مادري عنهم بنتي هم قالوا لي إنهم بيمرون علينا بس مادري متى
أنا: أهـا

وتوني مخلصين كلامنا إلا داخلين علينا

أنا: صج عمركم طويل
فطيم: خير إنشالله
نورة: كانت تحش فيكم
أنا: ماعليج منها يام محمد تدرين بي أنا ماحش في حد والله إني كنت أسأل أمايه عنكم إن جانكم بتيوون أو لا
فطيم: الله الله بعد أمايه؟؟ أقوول راحت علينا
أنا:ومن شر حاسدٍ إذا حسد
نورة+عايشه: ههههههههههههههههه هههههههههههههههه
أنا: شخباركم؟؟
عايشه: والله الحمدالله، أنتي شحالج وشحال سلطاني؟؟
أنا: والله بخير يسرج الحال فديتج وسلطاني في الحجرة راقد
فطيم: سيري يبيه فديته يخبل هالولد، ياربي كتكوت
أنا: فطيم عن يصير فيني شي أنا وولديه ترا ها ياويلج من الحين أقولج وجدام أميه وهي شاهده
أمي عفرا: هههههههههههههههه

ورحت يبت سلطان إللي كان توه واعي واليهال ياوا حوالينا عسب يشوفونه

أنا: ها عفراي شو حلو سلطان؟؟
عفرا: هيــــــــه وااايد حلو
أنا: فديتج أنتي الحلوة والله
عفرا: خالوا من يشابه؟؟
دلال: يشابه خالوا لولوة شوفيه
أنا: والله؟!؟
مريم: هيه خالوا شوفي ثمه شراتج مو صح أحمد؟؟
أحمد: هيه نفسج خالو
محمد: هيه وعيونه على خالي مبارك
طلال: هيه وخشمه كأنه أنا
أنا: هههههههههههههههههه فديتك والله وفديت خشمك حلاته والله أتمناه أنا
فطيم: هيه ترا سلطان من صوبنا
أنا: ههههههههههه
نورة: لولوة بسج سوالف، يلا شلي ولدج وسيري فوق
أمي عفرا: شعنه بعد تروغين البنت وولدها؟!؟؟
نورة: هههههههههههههههه هههههههههههههههههه
أنا: لا عادي فديتج أميه ترا ها إتفاق من بينا لازم نسويه، وبعدين تراها بتصعد معايه فوق أنا طالبنه منها حاجة
أمي عفرا: براحتكم بنتيه
أنا: يلا نوير مشينا السموحة منكم
فطيم: شو عندكم؟؟
عايشه: هههههههههه ماعليج منها سيري فديتج مسموحة بالحل الغالية
فطيم: ههههههههههههههههههه

وصعدنا أنا ونورة فوق ودخلت هي شايله في يدها سلطان حجرته وأنا طلعت لي إللي شريناه خليت البوانطلين في الكبت لأن مابا ألبسهم أحين قلت بعدين بس طلعت التنانير خذت لي أربع 2 طوال و2 قصار ومعاهم بلوزاتهم إللي من قطعة وإللي من قطعتين

أنا: نويـــر
نورة: نعم؟؟
أنا: تعالي شوي

ياتني وفي يدها سلطان خذيته من عندها وقعدت على السرير معاها وأحببه وأحاجيه ونضحك وعقب قام يصيح شوي بدلته ورضعته ورقد فديته، وحشني اليوم كله ماشفته والله ماشبعت منه بس يالله حطيته في فراشه

أنا: ها نواري أي أحلى؟؟
نورة: شو رايج تلبسين تنورة قصيرة؟؟
أنا: أممم مادري
نورة: والله أنا أقول تلبسين تنورة قصيرة وتفلين شعرج بما أنه طويل ومسويينه لج نزلي قصتج كلها و إللي قطعو لج إياه خليه على ويهج والله حلو
أنا: أوكي باراويج أحين أنتي بس قعدي في الصالة وعندج الثلاجة والتلفزيون على كيفج
نورة: أوكي أترياج

وطلعت نورة الصالة، وأنا لبست التنورة بيج فيها تطريز باللون البيج ومعاها بلوزة ناعمة بنفس لون التطريز أغمج منه و يدها شبه حفره كانت وايد حلوة،ماشيه مع شكلي اليديد، حطيت لي ميك آب خفيف معاها ولبست صندل لونه بيج وطلعت حق نورة

أنا: ها النوري شرايج؟؟
نورة: ماشالله ماشالله لا قوة إلا بالله الله أكبر ماشالله تبارك الله لولوة تعرفين كلمة فظيعة شوية؟؟!؟ والله حرام كله رافعة شعرج ولايبان أنه طويل، شوفي طريقة القصه هاذي طلعته لج بشكل جنااان
أنا: هههههههههه أنزين يعني أوكي؟؟
نورة: شو إللي أوكي؟! أقولج إلا بتاخدي العأل أسم الله عليكي
أنا:هههههههههههه يالخبلة تدرين عاد؟! باخلي مبارك يتشري لي عشى، نوروه قولي شتبين بسررررعة
نورة:ههههههههههههه فديتج والله مابي شي تعشي أنتي وريلج عليج بالعافية أنا إلا بانزل تحت معاهم وبعدين أبويه الحين نحن بنتعشى
أنا: بس عيل قولي حق أمي عفرا أن مبارك بيب لي عشى
نورة: خلاص باقولها

طلعت نورة وأتصلت في مبارك وخليت صوتي كأني بنت صغيرة بس قلت أكيداً بيعرفني لأن رقم غرفتنا

أنا: ألو
مبارك: نعم؟
أنا: السلام عليكم
مبارك: وعليكم السلام
أنا: مبارك؟؟
مبارك: هيه نعم منو ويايه؟؟
أنا: أنا أنا
مبارك: خير أختيه شو تبين؟؟
أنا: أنا بس حبيت أقولك شي
مبارك: شو خير أختيه؟؟
أنا: مبارك أنا حبيتك من أول مرة شفتك فيها ما أقدر أستغني عنك
مبارك: شو قلة الأدب هاي؟؟ شو هالكلام؟؟ أختيه أنا واحد متزوج وبعدين خلي هلج يربونج مرة ثانية
وصكر في ويهي التلفون وأنا أنبطيت من الضحك أبد ما يتعامل زاد علي ورديت أتصلت مرة ثانية
مبارك: نعم
أنا: وعليكم السلام والرحمة
مبارك: ههههههههههه فديتج السلام عليكم
أنا: هههههههههه وعليك السلام والرحمة شفيك معصب؟؟
مبارك: ناس تافهه
أنا: ليش شو مستوي؟؟
مبارك: وحده يبين من صوتها حتى أنها أصغر من نورة أونه شو؟!! أنا شفتك ومن أول نظرة حبيتك وشو بعد هيه ماروم أستغني عنك!!؟؟
أنا: ههههههههههه هههههههههههههههه هههههههههههه ههههههههههههه مبارك هههههههههههه هههههههههه
مبارك: بلاج أنتي الثانية؟ على شو تضحكين؟؟
أنا: مبارك من صجك أنت؟؟
مبارك: هيه والله
أنا: ههههههههههههه ههههههههههههه مبارك أنا إللي كنت أكلمك ماعرفت صوتي؟؟!!
مبارك: حلفي
أنا: والله
مبارك:هههههههههههه ههههههههههههههههه هههههههههههه والله ماعرفت صوتج
أنا: يعني ماشفت الرقم؟؟
مبارك: لا والله ما أنتبهت له بس على طول رديت من السماعة
أنا: أها ههههههههه أنزين صوتي حلو؟؟
مبارك: حياتي أنتي كل شي فيج حلو مو بس صوتج
أنا: شكراً أخجلت تواضعي
مبارك: هههههههههههه فديتج
أنا: أنزين أنت في وين أحين؟؟
مبارك: أمم قريب شوي من البيت
أنا: مبااارك لا لا ترد البيت
مبارك: ههههههههههه شو فيج؟؟
أنا: مبارك حرام عليك ماتعشيت
مبارك: هههههههههه وليش ماتعشيتي؟؟
أنا: مااابي
مبارك: وليش ماتبين؟؟ هههههه
أنا: مبااارك عااد خذ لي عشى
مبارك: ههههههههه أنزين من وين تبين؟؟
أنا: بتروح يعني؟؟
مبارك: لولوة؟!!! أكيد باروح يعني ما بسألج إلا باسير المكان إللي تبينه
أنا: أنزين آبي من هارديز
مبارك: من هارديز عاد؟!؟
أنا: إيه مبااارك عااااااااااد عاااد
مبارك: هههههههه أنزين خلاص أنا باطلب لج وباطلب لي بعد مرة وحده
أنا: ليش أنت ماتعشيت؟؟
مبارك: لا ماكنت يوعان بس دامج بتاكلين معايه خلاص باطلب
أنا: أنزين أنطرك أنا
مبارك: شو أنتي فوق؟
أنا: إيه
مبارك: خلاص عيل
أنا: أوكي يلا فديتك مع السلامة
مبارك: في حفظ الله ووداعته

وقعدت في الحجرة أترياه لأن فطيم وعايشه راحوا بيتهم من بعد ماتعشوا، ونورة تعشت معاهم، وبعد حوالي ساعة إلا ثلث وصل مبارك البيت وأنا كنت في الحجرة داخل وهو في الصالة

مبارك: لولوة؟؟
أنا: هلا مبارك

وطلعت له تفاجئ بالشكل اليديد

مبارك: حياتي

حط الأجياس على الطاولة ويا صوبي

أنا: شنو حبي؟؟
تقرب صوبي ويودني من خصري

مبارك: شو هالحلاة من زمان ماشفت بنوتي الصغيرة
أنا: ههههههههههه والله لأني أكثر شي ألبس جلابيات من جذي
مبارك: هيه فديتج والله
أنا: شرايك فيني؟؟
مبارك: ماعليج زود فديتج جميلة حبيبتي
أنا: شكراً0
مبارك: هههههههههه فديتج والله

وشالني نفس اليهال ودار فيني في الهوا

أنا: مباارك نزلني
مبارك: كيفي وحشتني لوليتي الصغيرة
أنا: ههههههههههه أنا كبرت وعندي بيبي الحين
مبارك: وشو يعني بعدنا صغار
أنا: هههههههههههههه حبيبي والله

ونزلني وحبيته على خده وقرب لي الطاولة

مبارك: شو يعني طلعتكم من الصبح أنتي ونوور كانت لي؟!
انا: هيه عيل حق من يعني؟!! لك أنت فديتك
مبارك: حياتي والله ماقصرتي أشوف حناج

ومديت له يدي وقلبها عشان يشوف إللي ورا وباسها لي

مبارك: أنزين أحين أنتي ليش لابسه صندل؟؟ شقايل أشوف حناج؟؟
أنا: هههههههههههه الأرض باردة
مبارك: أنزين أنتي أحين قاعدة شليه
أنا: انزين
وفصختها
مبارك: ماشالله فظيع حناج، منو إللي محنيج؟؟
أنا: رحت الصالون ويا نورة وهي إللي أختارت إللي يحنوني
مبارك: ماقصرت أختي فديتها
أنا: إيه والله، تدري مبارك أبيك تسوي لها شي
مبارك: آمري أنتي فديتج
أنا: مبارك نورة وعليا ماقصرت طول هالفترة وياي ولا خلتني، أبيك تطلعها وتتشرا لها إللي ناقصها مابي تقصر عليها في شي
مبارك: بس جذه؟؟! خلاص فديتج أنا حاظر وأنا أصلاً ناوي قبل لا أنتي تقولين لي إني آخذ لها شي
انا: بس عيل أنا باخذ لها هدية وأنت طلعها
مبارك: شو رايج باجر الصبح تطلعين معايه تشترين لها شي ومعانا سلطان ونرجع والعصر أطلعها
أنا: خلاص عيل

وتعشينا ولميت الأكياس وعقيتها في الزبالة _كرمكم الله_ وبدلت ورقدنا.

اليوم الثاني صحيت من وقت على شان أطلع مع مبارك وعلى الساعة 9 أنا جاهزة ومعاي سلطان، ومبارك كان يتريانا تحت

أنا: صباح الخير
الكل (مبارك+أمي عفرا+نورة+أبوي محمد): صباح النور
أبوي محمد: هلا بنتيه، قربي فديتج كلي لج شي
أنا: قريبه لا خلى منك

وكليت لي سندويش وشربت شاي الحليب ومن عقبها قمنا أنا ومبارك

أبوي محمد: شو على وين بنتيه؟!؟
أنا: ولا مكان فديتك بس أنا ومبارك بنطلع نقضي حاجة وبنرجع إنشالله مابنتأخر
أبوي محمد: بالسلامة فديتكم
أنا: الله يسلمك يالله مع السلامة
الكل: الله يسلمج

ورحنا ستي سنتر إللي بقيت أطيح على ويهي ومبارك صار ويهه أحمر من الضحك والسبب إني كنت حاظة على ويهي الغشوة بطلب منه، ومانتبهت للعتبة إللي جدامي والله ستر ماطحت؛ لأني قبظت في المقبض وهو ماسك سلطان لأني قلت له من السيارة إني ماقدر أشيله وأنا حاطة هالغشوة الثقيلة إللي ماشوف منها عدل فقال أنه بيشيله، المهم صعدنا بالمصعد و لفيت على كمن محل خذت لها فستانين بسيطه وناعمه بس وااايد حلوين غير قمصان النوم، وبعدها دخلت باريس جاليري خذت لها مجموعة عطور عربية مع مجموعة عطور فرنسية ورتبوها لي في علبه كبيرة كشخة وطلعنا وأنا مستانسة عشان نورة

مبارك: شو الحين؟
أنا: بس نرجع البيت خلاص
مبارك: يالله توكلنا على الله

ورجعنا البيت ونورة كانت في غرفتها لأن الساعة كانت 11 ونص فما عندها شغل تروح غرفتها، دخلنا الأغراض حجرتنا وحطيت الفساتين على السرير عشان تشوفهم والقمصان مرتبين مافتحتهم وايد، و وزعتهم على السرير والعلبة محطوطة جدام السرير وعقب أنا ومبارك حتى سلطان إللي كان راقد شليته معايه عشان نقول حق نورة تيي معانا قسمنا

نورة: شو عندكم؟؟ بسم الله هاجمين علي بغرفتي، شو مستوي؟؟
أنا: ههههههههه نوار فديتج قومي معانا نبيج
نورة: الله يستر قولوا لي أول ليش بعدين بسير معاكم
مبارك: نبا ناخذ رايج في شي، لولوة عندها راي وأنا عندي راي قلنا بنشوف رايج وبنمشي عليه
نورة: أنا أقول تمشي على راي لولوة أحسن ماشالله عليها هي ذويقه في كل شي
مبارك: لا لا في ها الشي إللي أحين نحن مختلفين عليه ماعجبني رايها، أنتي قومي معانا
نورة: أفف يا مبارك بعدين بييكم والله مالي خاطر أطلع من غرفتي
أنا: وإذا قلت لج عشان سلطان إللي شالتنه معاي وهو راقد بس عشان أنييج؟!!!
نورة: وأنا أقدر أردكم وهو موجود؟! بس إذا طلع الشي سخيف بادفعكم الثمن
مبارك: مو مشكلة إللي تامرين به الشيخة نورة
نورة ههههههه يلا عيل

ومشينا قسمنا ودخلنا الصالة

نورة: شو وين إللي تبون ترووني إياه؟
أنا: مو هني فديتج داخل حجرتنا
نورة: والله ينخاف منكم
مبارك: شو إللي يخوف؟؟ نبا ناخذ رايج بس أنتي سيري داخل عشان تحكمين

ودخلنا داخل الغرفة وشافت إللي على السرير وبهتت فيهم

أنا: يلا نورة أي واحد من الفساتين أحلى؟؟
نورة: لولوة؟!!! والله شي يحير كلهم حلوين ماشالله
أنا: مبارك مب عاجبينه
نورة: مالت عليه والله أنه ماعنده ذوق، ماعليج منه فديتج كلهم حلوين إلا يخبلون بعد
مبارك: ههههههههه هههههههههههه أنزين يا نورة موووو مشكله
أنا: أنزين و أي واحد أحلى من قمصان النوم؟؟
نورة: والله من شكلهم جي يبان أنهم كلهم حلوين وشي راقي بعد، بلاه ريلج مايشووف على كل هالحلاة ومب عايبنه شي؟!؟؟
أنا: لا فديتج مب عاجبه
نورة: فديتج لأنه يا أما عمي أو حوّل
أنا: هههههههههههه عاد تدرين ليش؟!؟؟
مبارك: هيه تدرين ليش؟؟
نورة: ليش عاد إنشالله؟؟
أنا+ مبارك: لأن ها
أنا: لا لا بس خلاص خلني أروايها بعد ها العلبة بعدين قول لها
نورة: شو عندكم أنتو الأثنين؟؟
أنا: نورة تعالي تعالي
نورة: شو عندج؟؟
أنا: مبارك هاك يود سلطان شويه خلني آراويها إللي مب عاجبك بعد

شال عني سلطان وأنا نزلت على الأرض أفتح الشريط إللي كان على العلبة

نورة: شو فيك أنت اليوم تخبلت؟؟ الحرمة ماتم شي ماخذته وكل شي يقول الزود عندي من حلاته وأنت مو عايبنك شي؟؟
أنا: تعالي ماعليج منه شوفي
نورة: لولوة لا تقولين كل ها ومب عاجب الأخ مبارك؟؟
أنا: للأسف لا
نورة: تدرين أنتي ماخذه أحسن وأغلى الأشيا من العطور العربية وغير العطور الفرنسيه، لا بالله مبارك تخبل رسمياً جان كل ها وماعجبه شي
أنا: مبارك أقول لها ليش؟؟
مبارك: قول لها فديتج
نورة: شو ؟؟
أنا: ببساطة لأن يا حبيبتي يا نورة كل ذي إللي تشوفينه لج مافي شي لي، وأحين أقولج يلا شيلي أغراضج وأنتي طالعة

فقيرة مب مصدقة تمت مبطله عيونها مب مستوعبة إللي قلت لها أياه

نورة: شووو؟ شووووو؟؟ مرة ثانية مافهمت
مبارك: ههههههههههه شلي ها الأغراض كلها وخذيها معاج حجرتج لأنا شريناها حقج.

وعليا من زود فرحتها لمت مبارك وحبته وياتني أنا بعد ولمتني وحبتني حتى سلطان حببته
نورة: فديتكم والله ربي لا خليت منكم والله إني كنت باقول حق أحد يوديني عشان أتشرى لي شي لأني ماخلصت أغراضي
أنا: أفا عليج حبيبتي مانسيتج وأدري بج كفاية فستان العرس إللي بياخذ الوقت الباقي عشان جذي أنا خذت لج ها الأشيا هدية مني أنا ومن سلطان ومبارك كيفه عاد
نورة: فديتكم ماتقصرون
مبارك: شوفي العصر الساعة 4 أشوفج عند باب السيارة
نورة: هههههههه أوكي
أنا: آمري حبيبتي بعد شتبين؟؟
نورة: سلامتكم ربي لا يحرمني منكم
أنا+ مبارك: ولا منج

وطلعت من عندنا وأحنا إللي مستانسين لها أكثر من ماهي مستانسه، و بعد ماتغدينا رحت لها غرفتها وقعدت معاها وكتبت شو إللي تبي تاخذه من كل شي في ورقة وإللي المفروض تروح المشغل عشان تفصله مع أمي عفرا إللي هو المغربي وكمن جلابية هي مصممتهم، و وعلى رأس القائمة قالت أنها بتفصل فستانها عند في دبي، و الكوشة وشغلات المسرح ومن هالأشيا بتكون على خالوا مريم، والعصر طلعت مع مبارك والحمدالله قضت كل إللي تبيه أما البدلات قالت له أنها تبي تطلع معاي وطبعاً ما عارض، ومادخلوا البيت إلا الساعة 9 وزود بس والله هي كانت تفتر في المحلات عسب تشوف شو الأحسن واليوم الثاني خططنا أن نطلع نتريق ومن بعدها نبدا تسوق. اليوم الثاني تجهزنا والجو ماشالله حلو رحنا صحاري وتنقيت لها تنانير طوال على قصار مع بلوزات شي كمه طويل وشي كمه قصير وغير الجلابيات وقلت لها لا تاخذ زيادة لأني انا بانزل كويت وباخذها معاي عشان هناك بضاعتهم أحلى، ووافقت وخذت لها قطع حق الجلابيات إللي هي مصممتهم ومن بعدها رجعنا البيت على الساعة 3 العصر، والحمدالله أن سلطان كان هادي حاطينه في جاري البيبي وريحنا من بعد هالمشي. وعدت الأيام وبعد ما طاف علينا شهرين قلت حق مبارك أن أهلي بينزلون كويت، يعني هم بيجدمون وأحنا من بعدهم وبناخذ نورة وأمي عفرا إذا تبي إتيي معانا ووافق، وجهزنا الأغراض وقلت حق نورة إللي فرحت، بيتنا راحوا كويت قبلنا بثلاثة أيام ونزلنا كلنا في مكان واحد عبارة عن شقق فندقية كانت نظيفة وخدماتهم أوكي، أنا وأمي عفرا ونورة ومبارك في شقة وإذا بنطلع نتقضى حق نورة أخلي سلطان عند أمي عفرا لأنها ماترضى أطلعه معاي حتى أمي تحلف عليها أنها ماتاخذه كفاية عندها خالد، وأنا مع خالتي من الكويت ناخذ نورة معانا السوق ونتشرى لها، كانت شغلاتهم تخبل حتى أنا خذت لي كمن قطعه ماكثرت لأن من فترة مبارك يوم راح يتسوق ويا نورة خذ لي معاها. تمينا تقريباً أسبوعين من بين طلعة مع الأهل ومابين عزايم وتسوق ومن بعدها رجعنا الإمارات، ومن رجعنا نورة راحت حق المشغل عشان تفصل فستان العرس والحمدالله ماكان عنده زحمة وايد وأنا قلت أن مايحتاي أفصل لين نزلت البحرين باشوف جان أهلي بيروحون السعودية باروح وياهم وباخذ لي من هناك؛ لأنهم هم بعد معزومين، ومبارك ما أعترض قالي براحتج؛ لأن فساتينهم ما تعجبتني، نورة جهزت الجلابيات إللي كانت بروحها مصصمتهم وطلعوا شي فظيع حتى هي ماتوقعت أنهم يطلعون جذي، كانوا 8 جلابيات أربع لها ووحده لي والثانية حق أمي عفرا والثالة حق فطيم والرابعة حق عايشه، وحتى الألوان كانت روعة.. في قمة الفخامة الصراحة على قولتها "خلوا هالجلابيات حق أستقبالي"،.
الكل أنشغل بفترة الإمتحانات وسلطان فديته الكل طاير به حبيبي صاير جميـــــــل رد كله مبارك يوم كان صغير الشعر ناعم والفم صغير والخشم سيده عيونه سوده وكحيله ورموشه طويله، ومابقى شي عن عرس نورة

أنا: مبارك؟
مبارك: يا عيونه يا أم سلطان
أنا: تسلم عيونك، أقولك متى بننزل البحرين؟؟
مبارك: فديتج وقت ماتبين أنتي
أنا: آبي أنزل هالأسبوع عشان بيتنا بيروحون السعودية و أنا باروح معاهم
مبارك: أنزين أنتي شوفي متى بيمشون بالضبط وأنا حاظر
أنا: ماتقصر فديتك

طبعاً مبارك من عقب ما كملت الشهرين صرت أنزل البحرين كل أسبوعين تقريباً، مرات أتم أسبوع ومرات أتم ثلاث أو أربعة أيام، فأتصلت حق أمي أشوف جان أكيد هالاسبوع قالت لي اكيد وصكيت من عندها ورحت حق مبارك

أنا: بوسلطان
مبارك: آمري فديتج
أنا: عقب باجر بيروحون
مبارك: بس عيل ننزل باجر عشان إللي عقبه تكونين أنتي معاهم
أنا: وأنت؟؟
مبارك: شو فيني؟؟
أنا: ما بتيي معاي السعودية؟
مبارك: لا لشو أنزل معاكم؟؟ ترا أبوج بيوديكم وماشالله خواتج معاكم شو دخلني أنا من بينكم؟!!
أنا: أنزين
مبارك: ليش يعني تبيني آيي معاكم؟!؟؟
أنا: مادري بس كنت أسأل حتى لو ييت محد بيردك
مبارك: ادري فديتج بس إذا نزلنا يصير خير إنشالله
كان باقي على عرس نورة 3 أسابيع تقريبا تاريخ 2\2 بيكون العرس فرتبت أغراضي وأغراض مبارك وسلطان على شان يكون كل شي جاهز ومانتعطل ولا أنسى شي، لأنه قالي إذا حصل حجز حق الصبح بياخذ لنا، ومن خلصت قمنا نرقد.
اليوم الثاني طلع مبارك من الصبح راح يحجز لنا وأنا نزلت سلمت على أمي عفرا وخبرتها أن بننزل البحرين

أمي عفرا: شعنه بنتيه؟؟
أنا: خالوا بيتنا باجر بيروحون السعودية وأنا آبي أروح معاهم عشان أشتري لي شي حق عرس نواره
أمي عفرا: خلاص بنتي إللي يريحج
أنا: تامرين بشي أميه؟؟
أمي عفرا: لا فديتج أبا سلامتكم وحطي بالج على سلطان وتروحون وترجعون بالسلامة
أنا: الله يسلمج إنشالله ولاتحاتين سلطان في عيوني يالغالية
وصعدت فوق ورحت حق نورة وقلت لها وفرحت؛ لأنها تدري أن شغلات السعودية حلوة، ورحت قسمنا طلعت الشنطة الصغيرة إللي فيها الأغراض المهمه حق سلطان، ولبست عباتي لأن الساعة كانت على العشر وشوي ورن التلفون
أنا: ألو
مبارك: الغلا، شحالج؟؟
أنا: يسرك حالي، ومن صوبك؟؟
مبارك: مانشكي باس فديتج، شو جاهزه ولا يبالج وقت؟؟
أنا: جاهزه، ليش؟
مبارك: أنا دقايق وعند الباب بس باسلم على أمايتي وبنسير
أنا: أوكي، وأبوي محمد؟
مبارك: سرت له أفا عليج
أنا: أشوه، بس عيل أنا أحين نازلة وباخلي مارسيلا تنزل الشنطة
مبارك: أنا عند الباب يلا باي
أنا: باي
ناديت مارسيلا ونزلت الشنطه وحطتها في السيارة، ورحت سلمت على أمي عفرا مره ثانية وتوكلنا على الله، وبعد نص ساعة وصلنا المطار وعلى طول من أول مادخلنا كانوا ينادون على رقم رحلتنا على طول تحركنا صوب البوابة، والحمدالله بعد ساعة وشوي نزلت الطيارة على مطار البحرين وكان أبوي ينتظرنا خذانا ومشينا
أبوي: الحمدالله على سلامتكم
مبارك: الله يسلمك ياعمي
أبوي: ها وينه سلطان؟؟
أنا: هذا هو عندي
أبوي: عطيه مبارك خلني أشوفه
عطيته مبارك وشافه أبوي
أبوي: ماشالله عليه، لوولووووه من وين يايبته ذي؟؟ إلا أحلى منج
أنا: هههههههههههههه شاسوي إذا طلع أحلى مني!؟!! رجع على أبوه وأبو أمه
مبارك: هيه والله ياعمي
أبوي: الحمدالله إللي ماطلع عليها جان أبتلشت فيه
مبارك:ههههههههههههه ههههههههههههه
أنا: بابا قوية عاد!! ماهقيتها منك
أبوي: هههههههههههه
مبارك:ههههههههههههه هههههههههههههه عمي بذمتك شو إللي في سلطان يشبه لوولووه؟؟
أبوي: ولاشي
مبارك: ههههههههههههههه ههههههههههههههه ههههههههههههه
أنا: معلي الله يسامحكم، مو مشكلة أصلاً أنا مابيه يشبهني
أبوي: شله ماتبين يطلع عليج؟؟
أنا: لا بس آبيه يطلع عليكم، أخاف أن طلع علي يحسدونه
مبارك: هههههههههههههه هههههههههههههههههه ههههههههههه هيه صح
أنا: أنزين يا مبارك معلي، بابا في ذمتك يوم إللي كلمت مبارك وسألته من يشابه شقالك؟؟
أبوي: مادري قال أنه يشابهه
أنا: إيه ماقالك أنه فيه شبه مني؟
أبوي: جنه قال حلجه شي جذي
أنا: ها مبارك؟!! أشوف إلا تغير الكلام ؟!!
مبارك: تراه تغير شكله هاه شوفيه؟!!
أنا: أقوول عطني ولدي أحسن
مبارك: جيه ولدج بس أنتي؟؟ تراه ولدي بعد
أنا: مباراك
أبوي: عطها عطها لاتصيح علينا
أنا: بابا عاااد
مبارك: ههههههههههههه أندوج
وخذيت من عنده سلطان، مازعلت بس حروني إثنيناتهم وعقب ضحكت عادي معاهم، ووصلنا البيت وإبراهيم قاعد ويا خالد في الحوش وعبدالله كان داخل ويا لطيفة وأمي، دخلت عليهم وعلى طوول خالد ياني يركض
أنا: حبيبي والله فديتك، ها إبراهيم شلونك؟؟
إبراهيم: زين
وياني سلم علي
إبراهيم: هاذي ولدج سلطان؟؟
أنا: إيه حلو؟؟
إبراهيم: إيه وايد حلو أحلى من الصورة إللي عند الهنوف وكبر عن آخر مرة شفناه
أنا: ههههههههههههه حبيبي والله وين ماما؟؟
إبراهيم: داخل
أنا: من عندها؟؟
إبراهيم: محد إلا لطيفة وعبدالله
ودخلت معاه داخل وأستانست أمي وعبدالله خذ من عندي سلطان وراح فيه الميلس حق أبوي ومبارك، وسلم على مبارك وقعد عندهم وإبراهيم راح وراه
أنا: شخباركم يمه؟؟
أمي: الحمدالله، أنتي شخبارج؟
أنا: الحمدالله
أمي: شخبار حماتج ويا لوية العرس والتعب؟
أنا: والله الحمدالله، ماعندها وايد خذاها مبارك وأنا معاها لفينا فيها وتشرت لها غير إللي خذته من كويت الحمدالله كفاها حتى الأكسسوارات حق البدلات خذنا لها من هناك أحلى وأرخص
أمي: أحسن، أحين هي متى عرسها بالضبط؟؟
أنا: تاريخ 2\2
أمي: يعني مابقى وايد
أنا: إي بيطوفون علينا جنهم يومين
أمي: إي والله، برز فستانها ولا ليحين؟؟
أنا: لا عندها الأسبوع الياي آخر بروفة وخلاص
أمي: إنشالله، الله يبارك لهم ياربي
أنا: إنشالله، إلا وين الهنوف وعيالها؟؟
أمي: بتيي العصر
أنا: وحصة حاجيتها من جم يوم قالت إنها بتنزل قبلي، مايات ليحين؟؟
أمي: لا من يومين جذي حاجتني قالت أن بنتها تعبانة شوي وبتيي اليوم العصر
أنا: أها، أقولج يمه أتصلي حق هنوفو خليها تيي ويا عيالها من زمان ماشفتهم
أمي: أنزين
وأتصلت فيها وعقب نص ساعة تقريباً شرفت الأخت وأستانست إني ييت
الهنوف: متى ييتي ويا ويهج؟؟ ولا تقول باقول حق أختي!!؟
أنا: والله إلا توني من شوي يايه كل شي صار بسرعة بسرعة
الهنوف: أنا أقول مايصير تيين وماتبشرينا
أنا: شاسوي عشان نتيمع و أشوفكم
الهنوف: عيل وين ولدج؟؟
أنا: خذاه العبد معاه الميلس ويا بابا ومبارك، إلا تعالي وينهم عيالج؟
الهنوف: مادري دخلت وأهمه في الحوش شافوا الألعاب وقعدوا
أنا: آيه عليهم أنا باطلع لهم، بتيين معاي؟؟
الهنوف: يلا
وطلعت لهم كان عبدالعزيز وأحمد يلعبون في السيايير
أنا: عزووز؟؟
عزيز: خالووا
أنا: فديتك صرت ريال تعال سلم
وياني يسلم ومن وراه أحمد
أنا: حلاه على أحمد شلونك؟؟
أحمد: زين
ألتفت على الهنوف
أنا: هنوفو؟! شفيهم عيالج هنود؟؟ أول ماما تهاوشنا لين قلنا "زين" أو "زينة" وأحين أسأل برهوم وعيالج يقولون زين؟!!
الهنوف: لا يختج إبراهيم قولي أمي معاه بالغلط طلعت منه، لكن عيالي من يروحون محرق عند أهل أبوهم ينسون بخير ويقولون زين
أنا: هههههههههههههه ههههههههههههههه ههههههههه إلا شخبار ريلج؟
الهنوف: الحمدالله بخير، أقولج دام أحنا هني قومي يبي ولدج من عند عبود
أنا: أنزين
وقمت عنها وقعدت هي تلعب مع عيالها وخذيت سلطاني ويبته لها
أنا: الشيخ سلطان وصل
الهنوف: لوولووه واااااي فديته إيين
أنا: هههههههه هنوفو قولي ماشالله
الهنوف: ماشالله عليه فديته، لولووه ترا كله مبارك بس حلجه مثلج
أنا: أدري
الهنوف: بس تبين الصج هو أحلى منج
أنا: أدري فديته
الهنوف: أشوف هاتيه
عطيتها إياه
الهنوف: لووولووه شكانت حالتج النفسية وأنتي في النفاس ومحد من أهلج معاج؟؟
أنا: عادي ماتضايقت لأن أهل مبارك ماشالله مخليني أحس إني قاعدة ما بين أهلي وناسي، لا من أمه ولا من خواته ولا من خالاته، حتى نسوان عمامه والله كلهم إييون مب مقصرين معاي في شي ولاتنسين امج قعدت معاي وبنات عمتج يمرون علي بين الفترة والثانيو ويتصلون فيني
الهنوف: وعليا ماقصروا تذكرين ذاك اليوم يوم تعزمونا؟؟ ماشالله تبارك الله السفرة من أول الصالة لي آخرها
أنا: الله يخليج هاذي ولا شي أنتي تعالي حق بيت خالت مبارك هاذي إللي أحين ولدها بياخذ نورة، خليها بس تعزم أحد شوفي شتسوي مايتم شي ماتحطه على السفرة كل إللي خاطرج فيه موجود
الهنوف: ماشالله عليهم بس والله حبابين
أنا: إيه الحمدالله
الهنوف: شخبارها نورة مع تجهيزات العرس؟
أنا: والله ماشي حالها خلصت تشري وقبل أسبوعين عندها كورسات في الصالون حق العناية بالبشرة
الهنوف: يعني زين؟؟
أنا: لا لا من الزين ذي بنت خالتها رايحه له ومسوية عندها، وإذا ماخاب ظني جنها حجزت لي معاها
الهنوف: زين والله، وعقب العرس بتسكن في بيت أهل ريلها ولا عندهم بيت؟
أنا: بيتهم ليحين ما أكتمل، مؤقتاً بتسكن عند أهل ريلها وعقب بينتقلون
الهنوف: وأنتي متى بتنتقلين بيتكم؟؟
أنا: عقب عرسها إنشالله
الهنوف: تدرين شنو إللي عاجبني في بيتج؟؟
أنا: شنو؟؟ الحوش؟؟
الهنوف: لا خلي الحوش على صوب أول شي تصميمه وايد حلو ماشالله عجبني، وثاني شي وهو الأهم أن بينكم وبين بيت أهل ريلج باب يطل على حوشهم
أنا: إيه أناسه من بدال نطلع من باب السكه ونطلع على الشارع نبطل الباب ونروح لهم على طول من بدال هل اللفه الطويله العريضه أو هم ييونا فـــــــــلـــــــــــــه
الهنوف: إي والله
وقعدنا شوي عقب طلعنا مع أمي رحنا حق جمن وحدة من خالاتي أسلم عليهم وبيت خالي ورجعنا البيت تغدينا ورحت غرفتي نريح شوي، وفي الليل ماطلعنا لأن حصة وصلت وخذتنا السوالف لي الساعة 11 تقريباً أنا تعبت ورحت عنهم أنام، وفديتها بنت حصة الجازي تينن ملامحها حصة بس خذت من أبوها سمرته الحنطاوية حلوة ماشالله عليها.
اليوم الثاني عقب صلاة العصر مشينا رحنا السعودية وإللي ودانا أبوي، وعبدالله ومبارك وإبراهيم تموا في البيت ومعاهم ريل حصة والهنوف قالوا أنهم مابييون وخصوصاً أنهم كلهم شباب قعدوا مع بعض وكل وحدة خذت لها فستان رجعنا البيت على الساعة 9 تقريباً لأن رحنا بس مجمع واحد إللي هو "مجمع الجمعه" لأن نعرف أن عنده فساتين حلوة، رجعنا البيت إلا متعشين من برع وصوتهم واصل لي عند الباب مال الحوش ويلعبون بلاي ستيشن من أكبرهم لي أصغرهم وصريخ وصوته على اللعبة، أحنا رحنا داخل عنهم وصعدت أنا فوق آبي أبدل سلطان وأرضعه وبارقد وياه فأتصلت على مبارك
أنا: ألو
مبارك: هلا والله
أنا: هلا فيك، أقوول قول حق إللي معاك يخفون على صوتهم إللي واصل نهاية الشارع وأنت إذا خلص دورك تعال فوق جان تبي ترقد
مبارك: هههههههههههههه إنشالله، شباب يقولون لكم خفوا صوتكم
أنا: يلا لا تأخر أنا بارقد لأن سلطان رقد
مبارك: مو مشكلة عقب شوي بايي
وصكيت من عنده التلفون
فهد: ها وصلوا؟؟
مبارك: هيه والله
عبدالله: ماسمعت أنا صوت الباب
إبراهيم: لأنك كنت تصارخ ويا فهد
طلال: ههههههههههههه هههههههههههههههه ليش إني فزت عليك
عبدالله: مو مشكلة باعوضها أفا عليك تو الناس، إلا أقول مبارك أنتوا متى بترجعون؟؟
مبارك: والله مادري يمكن بعد بكره
فهد: وين؟؟ تو الناس!!؟
مبارك: والله مادري بنشوف، ليش طلال كم يوم بتمون؟؟
طلال: والله مادري أنا بعد يمكن هالأسبوع وبنمشي يعني اليوم السبت؟! على اليمعة أحنا ماشيين
مبارك: بس عيل وياك إنشالله بنمشي
عبدالله: أنزين ماقلت لي مبارك
مبارك: شو تبا عبووود؟؟
عبدالله: أفا يا مبارك ماهقيتها منك بس خلاص مابي شي
مبارك: أفا العبد يزعل مني؟؟ لالا آمر الغالي تدلل
عبدالله: متى عرسكم؟
مبارك: الرياييل تاريخ 1\2 والنسوان تاريخ 2\2
عبدالله: عاد إنشالله أحنا معزومين بعد؟!؟؟
مبارك: أفا عليك يالعبد أنت أولهم وتراني أقول لكم من الحين كلكم معزمين على العرس يعني مايحتاي أندز لكم بطايق
طلال+فهد: إنشالله
مبارك: أنا أستأذن منكم ألحين، إبراهيم قوم معاي سو لي درب
إبراهيم: إنشالله
ودخل مع إبراهيم داخل وسوا له درب عشان إييني فوق الحجرة دخل الحجرة هدووء، أمي كانت حاطة لي سرير الصغير مال خالد حق سلطان، وسلطان راقد وأنا مجابلته وماعطه ظهري الباب ويا مبارك وراي حتى ماسمعت صوته خرعني
أنا: بسم الله الرحمن الرحيم
مبارك: هههههههههه شو فيج خفتي؟؟
أنا: إيه كنت مصنفه عليه وأنت بسكات ييت من وراي قحصتني
مبارك: أنزين أسمعي بنتم هني لين يوم اليمعة وبمنشي أوكي؟!؟
أنا: مو مشكلة
مبارك:وبعدين شو ها اللبس؟؟
أنا: شفيه؟؟
خفت لان كنت لابسه قميص قصير لي الركبة وحفره
مبارك: ههههههههههههههههه ههههههههههههههه بلاج خفتي؟؟ لا تخافين تراه غااااوي عليج فديتج وأنتي محليته بزيادة
أنا: هههههههههه هههههههههههههههه عبالي بعد
"والله أحبك، أحبك ويشهد الله علي
لما أشوفك أبتسم صدقني ماهو بيدي
لاحاسد يقدر يبعدنا أنا وأنت لو شوي
يالله أحفظ حبي لي يالله ربي يا قوي
مافي غيره سكن روحي حبيبي وأنا أحبه
لو قالوا تمنى أتمنى عمري قربه
ويعشقني، يعشقني، يعشقني من قلبه هو قال
أنا أدري يحبني بس شوي أتغلا عليه
وغلاتي، وغلاتي، وغلااااتي يا عمري تعال
لو يطلب عمري كله والله عمري بين يديه
يفهمني، يفهمني، يفهمنـــي وبيديني دواي
هذا اللي أحبه، أحبه ومن قلبي أبيه
حبيبي، حبيبي، حبيبي وكل عمري معاه
لو كل العواذل تفرق ماتقدر علي"
خفت لان كنت لابسه قميص قصير لي الركبة وحفره
مبارك: ههههههههههههههههه ههههههههههههههه بلاج خفتي؟؟ لا تخافين تراه غااااوي عليج فديتج وأنتي محليته بزيادة
أنا: هههههههههه هههههههههههههههه عبالي بعد
ورقدنا. طبعاً إذا نزلت البحرين لازم أزور أهل أبوي و أهل أمي، و ماشالله الوقت يرررركض اللهم نزور بيتين بالكثير ونرجع وخصوصاً أن عندي ياهل فزحمة شوي بالنسبة لي، خلص الأسبوع ورجعنا الإمارات وإللي شريته ماراويته مبارك خشيته عنه، حتى نورة ماشافته قلت خليه مفاجأة الموسم اللهم أمي وأبوي إللي شافوه علي أما خواتي ماشافوه عدل، ومرت الأيام بسرعة وأنا معظم وقتي كنت مع نورة أيام الكورس إللي كانت حاجزته لي ولها حق العناية بالبشرة والشعر والله أناسه تحسون أن الويه صار نظيــف والبشرة حرير " لبشرة أنعم من الحرير" هههههههه، وفطيم ونورة حجزوا معانا وكنا مع بعض في الروحة والردة، ووصلنا ليوم العرس إللي أهلي قبلها بيومين كانوا عندنا عشان نحجز حق الحنا المكياج والشعر ورحنا نحجز لهم وأتفقنا مع الصالون إللي دايماً نتعامل معاه كلنا حتى خوات مبارك وخوات فيصل ونسوان أخوانه معانا، وأمي عفرا وخالوا مريم بيتحنون اليوم الثاني لأنهم مايقدرون يتركون شغلهم، والمكياج والشعر بنسويه في الصالون في نفس يوم العرس وعقب على طول بنروح العرس، والحمدالله سارت الأمور كما خططنا لها، ورحنا ماشالله نورة ماقصرت طلبت لنا الحنايات إللي دايم نعتمد عليهم، وتحنينا كلنا واليوم الثاني أحنا قعدنا في البيت وراحت خالوا مريم وأمي عفرا حتى نسوان عم مبارك كلهم الصالون إللي رحنا عنده عشان يتحنون، أما نورة ماشالله تبارك الله كأنها وردة، هي راحت صالون ثاني تتحنى عندهم وهي تعرفه لأني أنا قلت لها أخاف يسون لها نقشه مثل نقشاتنا فراحت الصالون الثاني وداها مبارك، وأحنا رجعونا أبوي محمد وجاسم_أخو فيصل_ و عمي سعيد ماشالله سياراتهم كبيرة فشالتنا، كلنا رجعنا بيت أبوي محمد لأن أهلي نزلوا عندنا بما أن عندنا ملحق حق الضيوف فما رضى أبوي محمد أنهم ينزلون في فندق وأحنا عندنا ملحق كامل لهم، ليلة عرس الرياييل كان عندنا يمعه في بيت أبوي محمد بينا أحنا إللي رحنا الصالون مع بعض، ووناسه وضحك وإللي رقص وإللي يغني وإللي يصفق لي الساعة 12 تقريباً وبعدين محد بقى لأنهم تعبوا وكلاً راح بيته، صعدت غرفتي أنا على الساعة 11 ونص لأني كنت واعية من الصبح وسلطان خلاص بعد بينام فقمت وياه، على الساعة وحده إلا شي مبارك دخل حسيت به بس تعبانه شفته ورقدت.
الصبح اليوم الثاني وعيت على الساعة تسع بسرعة تغسلت وبدلت وسلطان كذلك ماجهزت إلا عشر إلا شي، نزلت تحت إلا خالوا مريم ويا البنات قاعدات ونورة كانت وراي نازلة وخواتي وأمي وصلوا معاي وكلنا قعدنا على السفرة نتريق، أناسه وعلى الظهر تفرقنا على أن نتلاقى في الصالون، طبعاً أمي عفرا خذت مني سلطان عندها وفطيم وعايشه خلوا عيالهم عند أهل ريلهم ورحنا، وبما أن شعري طويل ففضلت أفله لأن فستاني شوي عاري من ورا _تقريباً نص الظهر يبان_ والقصة إللي آخر مرة قصيتها مع نورة خليتهم يقصونها لي مرة ثانية، أمي أول شي مارضت إني أفله بس عقب قالت لي "ماتطلعين إلا إذا قريت عليج أو أمج عفرا قرت عليج" ووافقتها وتميكجت المكياج صراحة فظيـــــع الألوان على الطريقة إللي حطوا لي إياها كانت روعـــــــــه، وعلى طول من خلصت تغشيت وأبوي محمد وأبوي إللي كانوا في سيارة وحده ياوا لنا خذونا أنا وأمي خواتي إللي كانوا مخلصين، والدفعة الثانية جاسم بياخذهم ومن هناك على طول رحنا العرس لأن لبسنا فساتينا في الصالون، وكان العرس صراحة أكثر من روعة الديكور والتوزيعات وغيرها من هالأمور، وغير جذي نورة إللي نورت المسرح بجمالها غطت على الكل، هي بدون شي جميلة فما بالكم بالمكياج إللي أظهر جمالها بزيادة ويوم قربت منها
نورة: الله لولوة فظيـــــــــــــــــــعة والله تخبلين
أنا: أنا ولا أنتي؟؟! إللي ماشالله تبارك الله لاحول ولا قوة إلا بالله كلمات الدنيا ماتعبر عن حلاج، والله ما أجاملج الله يعين فيصل إذا دخل وشافج
نورة: أنا ولا أنتي الله يعين مبارك الليله!! إلا أخافه يطيح علينا من حلاج
أنا: ههههههه هههههههههههههه لافديتج أنا متعود علي
نورة: بذي الشكل لا جذابة ، ها أول مرة من بعد عرسج جي تحطين ميك آب لا تجذيبن
أنا: أنزين ترا كل نفس الشي
نورة: لا لا
ويات فطيم وعايشه صوبنا
أنا: هلا والله بالطش والرش حيالله الغاليين
عايشه: فديتج والله، الله يحيج ويبقيج
فطيم: شو هالحلاة لالا راح فيها أخويه الليله .. الله يعينك يا مبارك دام عندك هالقمر
أنا:أنا القمر ولا إللي قاعدين يمها
فطيم: لا فديتها هاذي قمر من نوع ثاني وكلاً يختلف عن الثاني
نورة: فديتكم عينكم إللي تشوف كل شي حلو
وقعدنا شوي وعقب ريم ومها قاموا يرقصون حتى فطيم وعايشه رقصوا
نورة: يلا لولوة معاهم
أنا: نوروه ليحين ماتدرين؟؟
نورة: شوو؟
أنا: الله يغربل إبليسج لا تفشليني أنا ماعرف أرقص
نورة: هههههههههه ههههههههههههه ههههههههههههه تحسبت شي مهم بس تدرين أحسن لج والله، روحي خايفه عليج
أنا: لا تخافين قريت على روحي المعوذات حتى أمي وأمي عفرا وخالوا مريم و غير أم أحمد و عايشه إللي تقرب لي كلهم قروا علي بعد من؟! إي عمتي بعد
نورة: هههههههههههه هههههههه ههههههههههههههههه هههههههههههه هيه عسب تعرفين أنج مو شويه
أنا: أحم أحم أدري
نورة: ههههههههههه ههههههههههههههههه ههههههههه

وأستانسنا كلنا وعقب دخل المعرس ومعاه أبوه وأبوي محمد ومبارك سلموا عليها وتصوروا وطلعوا، وقعد شوي فيصل إللي مب مصدق أن إللي يمه هي نفسها نورة وعقب طلعوه، وقعدنا أحنا الأهل حواليها وصورنا معاها وعلى الساعة 12 دخل فيصل خذاها وراحوا جناحهم لأنهم بيسافرون ماليزيا على الساعة 3 تقريباً راح تطير طيارتهم فروحوا، ومن بعد ماراحت نورة الكل راح وبقينا أحنا الأهل المقربين لها، أتصلت في مبارك إللي كان برع مع أبوي

أنا: قوة مبارك
مبارك: هلا حبي
أنا: عيب عاد جدام الكل
مبارك: تراني بروحي واقف ماحد حوالي لا تخافين
أنا: أنزين أبوي يمك؟؟
مبارك: لحظة ، هيه واقف مع أبويه
أنا: بس عيل قوله أمي وخواتي رايحين له عند السيارة
مبارك: أوكي وأنتي متى بطلعين؟؟
أنا: وياهم يلا أنت بعد تعالي، حتى أبوي محمد لأن أمي عفرا تبي ترجع البيت
مبارك: بس عيل أحنا يايين صوبكم

وراح خبرهم وكل واحد راح عند سيارته وركبنا السيايير

مبارك: لولوة؟
أنا: نعم؟
مبارك: أنا ما شفتج من أمس، ولا حتى شفت إللي لبستيه!!
أنا: معلي خلنا نرد البيت بتشوف
مبارك: أوكي، بنشوف!!.
وعقب ساعة إلا ربع وصلنا، نزلت من السيارة قبل مبارك وصعدت غرفتي وبدلت سلطان ورد مرة ثانية رقد وحطيته في سريره ونطرت مبارك في الصالة وتوني داخله المطبخ باشرب ماي إلا هو داخل
مبارك: لولوة
أنا: هلا مبارك، أنا هني
ويا صوبي وين ما أنا واقفة
مبارك: لولوة؟؟
أنا: نعم؟؟
مبارك: ياربي قلبــــــــــــي لا لا شو ها الكشخة كلها؟؟ فديتج تعالي تعالي
أنا: ههههههههههه ههههههههههه مبارك أخاف منك
مبارك: شو باعظج أنا؟!! تعالي
أنا: هههههههههه أنزين
ورحت صوبه ومسك يدي وشاف حناي وبعدي خذ يد وحده ولفني على روحي عشان يشوفني عدل
مبارك: فديتج، بس كأن الفستان عاري؟
أنا: لا مب وايد، بعدين ما يبان لأن شعري مغطي
مبارك: إنشالله سرتي جذه؟؟!!؟
أنا: هيه، لا تخاف أمي وأمك وخالتك وعمتي وأم أحمد وعايشه إللي تقرب لي كلهم قروا علي لا تخاف
مبارك: هيه تحسبت بعد مافيه على الحسد حرمتي أباها أنا
أنا: أنزين شرايك فيني؟؟
مبارك: فديتج تقولين للقمر خوز وتقعدين مكانه
أنا: والله؟؟!!!
مبارك: هيه والله ، تعالي

ورحت وياه بدلنا ثيابنا ورقدنا.
اليوم الثاني كل الأهل تيمعوا بيت خالوا مريم لأنها عازمتنا على الغدا، وفي الليل أهلي رجعوا البحرين ومرت الأيام ونورة رجعت من السفر عقب 3 أسابيع تقريباً وفي يوم ردتها مبارك كان قاعد ينتظرني في الصالة وسلطان عند ريله قاعد على الأرض ييت باطلع له ماحسيت بروحي إلا بدورة قوية تلف فيني حسيت اني قريب بطيح والحمدالله اني قدرت امسك الطوفة عن أطيح على الأرض ومن الخوف مبارك شال سلطان من على الأرض ويا صوبي ررركضه، حط سلطان في سريره ومسكني حطني على السرير، وشوي شوي يلسني لأن ويهي أنخطف لونه وشربني ماي وقالي أقعد مكاني راح حق أمي عفرا عطاها سلطان وياني

مبارك: لولوة شو فيج؟؟ شو ياج مرة وحده؟
أنا: مبارك أنا، أنا من جمن يوم رحت المستشفى وقالوا لي ...
مبارك: شوو؟
أنا: إني أنا حامل
مبارك: حلفي؟؟!!
أنا: والله
مبارك: فديتج حبيبتي أنتي ، يالله إنشالله بتكون هالمرة أخت حق سلطون فديت روحه
أنا: إنشالله
مبارك: حياتي أنا ، فديت إللي يستحون

ويا صوبي لمني وحبني على راسي

المصدر: منتديات غرام