رواية الحب الحرام

للكاتبة سارة مجاهد



تعود لنا سارة مجاهدة كاتبة قصة عندما تعشق المرأة ، ولكن هذه المرة برواية حب جديدة هي: رواية الحب الحرام... احببته واصبح كل حيااتى، لم اعرف قبله ولا بعده، اصبحت سعادتى بين يديه، واصبح لي كل شئ، واكتشفت... ان حبي له وحبه لي، كان... حب حرام.

تصرخ صرخه تدوى ف ارجاء المنزل

حرااااااااام حراااااااااااام حراااااااااااام لااااااااااااااااا

وتقع مغشيا عليها وتنقلها والدتها الي المستشفي ليخرج لها الطبيب ويبلغها...

والدتها: خير يادكتور بنتى عامله اييه

الدكتور: انا اسف يامدام بنتك اتعرضت لصدمه شديده جدا واكتئاب شديد وده خلاها تروح ف غيبوبه

والدتها بحزن: ايييه غيبوبه وهتفوق امته يادكتوور



الدكتور: بنتك رافضه الحياه وده هيصعب علينا الموضوع احنا عملنا اللي علينا والباقي علي ربنا....ادعيلها

والدتها بدموع: ربنا يقومك بالسلامه ياارب يابنتى...طب انا ممكن ادخلها يادكتور

الدكتور: اكيد اتفضلي

وتدخل لها والدتها وتنهمر منها الدموع عندما تجد بنتها ف هذه الحاله

وتجلس بجانبها وتبكى بصمت وتردد انا السبب انا السبب سامحينى يابنتى انا السبب وتتذكر مامضي وترجع بذاكرتها للوراء

عشرييييييييين سنه




الفصل الأول

وترجع بذاكرتها للوراء عشرين سنه او اكثر

فلاااش باااك

امل: هاى مامى

الام(الفت): هاى ياحبيبتى علي فين كدا

امل: راحه النادى صحابي كلهم مستنينى هناك

الفت: طيب اقعدى عاوزاكى ف موضوع كدا

امل: مامى الموضوع ماينفعش يتاجل لما ارجع

الفت: لا ماينفعش واقعدى بقي

امل متاففه: اوك..قولي



الفت: اونكل محمود صاحب بابا طالب ايدك لابنه مصطفي

امل: ايه مصطفي!! عاوز يتجوزنى

الفت: ايوه باباه طلب ايدك امبارح

امل: لالا جواز ايه وخنقه ايه انا عاوزه افضل علي حريتى كدا مش عاوزه حد يتحكم فيا

الفت: يعنى هتفضلي كدا طول عمرك من غير جواز ولا ايه ما مسيرك تتجوزى ومصطفي شاب كويس وله مستقبل

امل: انا عارفه انى مش هخلص ..اوك يامامى قولوله انى موافقه سلام بقي عشان اتاخرت...سي يو

الفت: مع السلامه ياحبيبتى ..وربنا يهديكى



وتذهب امل لصديقاتها ف النادى

امل: هاى يابنات

البنات: هاى ياميمو عامله ايه

امل: تماام ...عامله عروسه

البنات: مش فاهمين تقصدى ايه

امل: هههههههه.....هتجووز



ف منزل مصطفي

مصطفي: يعنى عملت اللي ف دماغك يابابا وكلمت باباها

محمود والد مصطفي: يابنى الجوازه دى كويسه والناس كويسين ترفض ليه

مصطفي: ارفض لان امل مدلعه اووى وبابي ومامى والكلام ده وانا راجل شرقي بحب انى اعيش بطبيعتى وبصراحه كدا انا ما بحبهاش

محمود: مافيش حاجه اسمها حب دلوقتى الحب يجى بعد الجواز

مصطفي: يابابا انا بحب واحده وعاوز اتجوزها

محمود: ومين دى بقي ياسي مصطفي اللي واكله عقلك

مصطفي: سها بنت عمى

محمود: وانا قولت مش هتتجوز غير امل وكلامى انتهى خلاص يامصطفي

ويترك مصطفي ف غضبه وحرقه قلبه علي محبوبته

مصطفي لنفسه وبصوت اشبه للبكاء: سامحينى ياسها سامحينى مش بايدى والله



ف منزل امل

الفت: خلاص ياصلاح امل موافقه

صلاح والد امل: وافقت بسهوله كدا...مش معقول!!

الفت: بسهوله ازاى دا انت عارف دى امل برضو ...هى غلبتنى لحد ما وافقت الاخر

صلاح: تمام علي خيره الله هتصل بمحمود عشان نحدد ميعاد قرايه الفاتحه

الفت: ياارب يكتبلها الخير ويهديها



وياتى يوم قرايه الفاتحه

وياتى محمود ومصطفي وبعد كلام كتيير

محمود: احنا كدا اتفقنا علي كل حاجه ياصلاح ...العروسه فين بقي

الفت: حاضر ثوانى انادى عليها ....وتدخل الفت وتاتى بامل

امل: هااى

محمود: اذيك ياحبيبتى ..مبرووك

امل: تمام يااونكل...الله يبارك فيك.......اذيك يامصطفي

مصطفي: تمام كويس اذيك انتى

امل: كويسه ...وبعدها يقرو الفاتحه

صلاح: يلا ياجماعه العشا جاهز

وينتهى اليووم



وتمر الايام وياتى يوم الفرح ويكون فرح اسطورى وتسافر امل ومصطفي الي فرنسا لقضاء شهر العسل ويعودو بعدها

وف يوم من الايام

امل: انا خارجه يامصطفي

مصطفي: راحه فين ياامل

امل: راحه النادى صحابي هناك

مصطفي: ايه ياامل كل شويه راحه النادى راحه اعمل شوبينج لا راحه عيد ميلاد صاحبتى ...ايه كل حاجه صحابك وانا فين ياامل

امل بعصبيه: اووف بقي يامصطفي انا مابحبش الخنقه انا بحب اكون علي حريتى انا كدا طول عمرى كدا وانت متجوزنى وانا كدا وبعدين ان..........وتضع امل يدها علي فمها وتجرى ناحيه الحمام لتتقيئ ويجرى عليها مصطفي...امل مالك ف ايه....امل وتغيب عن الوعى..الحقنى يامصطفي





الفصل الثاني

وتجرى امل ناحيه الحمام لتتقيئ ويجري عليها مصطفي........امل مالك ف ايه.....امل وتغيب عن الوعى....الحقنى يامصطفي...وتقع مغشيا عليها

ويحملها مصطفي ويدخلها غرفه النوم ويتصل بالدكتور وياتى الدكتور ويقوم بالكشف عليها وبعد الانتهاء

مصطفي بقلق: خير يادكتور

الدكتور: خير ان شاء الله انت قلقان كدا ليه ...علي العموم..الف مبروك ياسيدى المدام حامل

مصطفي بفرحه: بجد حامل يادكتور

الدكتور: ايوه حامل...المهم ان هى تاخد بالها من صحتها ومن اكلها وبلاااش مجهود كتير اليومين دول اظن فاهمنى

ويبتسم مصطفي: ماتقلقش يادكتور مافيش مجهود ان شاء الله ولا حاجه

ويخرج الدكتور ويخرج معه مصطفي ويعود لامل مره ثانيه



مصطفي: مبروك يا امل

امل بوجه عابس: الله يبارك فيك

مصطفي: مالك!! انتى مش فرحانه ولا ايه

امل: انا ماكنتش عاوزه ولاد دلوقتى يامصطفي

مصطفي: وربنا كرمنا نعترض ونقول لا الحمد لله انه رزقنا بيه

امل: وشكلي يامصطفي

مصطفي: ماله شكلك بقي ياست امل

امل: شكلي هيتغير من الحمل والخلفه والرضاعه ومش هاخد راحتى زى الاول لا هخرج براحتى ولا هعيش حياتى براحتى

مصطفي بعصبيه: ايه كل حاجه نفسك نفسك نفسك ايه الانانيه دى ياشيخه دا بدل ماتحمدى ربنا انه كرمنا غيرك بقاله سنين ومش عارف يجيبه

امل: انا هنزله يامصطفي

مصطفي وقد فاض بيه الكيل: امل قسما عظما لو جيتى جمب ابنى لا هتشوفي منى وش عمرك ماشوفتيه ..انتى فاااهمه.....ويخرج ويتركها ف حزنها

وتمر الايام والشهور وياتى ميعاد ولاده امل وتنجب ولد زى القمر

مصطفي: ماشاء الله ...نورت الدنيا ياحبيبي

امل: وانت ناوى تسميه ايه بقي

مصطفي: ان شاء الله...سيف

امل: مااشي



وتمر الايام وتعود امل لحياتها الاولي خروج وسهر وفسح وتترك سيف للمربيه

ويعود مصطفي ف يوم ويجد ابنه سيف مريض ولا يجد امل وياخذ مصطفي سيف للدكتور ويكشف عليه ويعود به الي المنزل ليجد امل

امل: مصطفي..سيف كويس

مصطفي بغضب: سيف كويس!!! هو ده اللي قدرك عليه ربنا...سيف كويس!!!.......انتى ام انتى ..تسيبي ابنك مع الداده عشان تتفسحى وتتبسطى وانتى عارفه ان ابننا مريض والدكتور قايل كدا من يوم مااتولد ومحتاج معامله خاصه

امل: خلاص يامصطفي ماحصلش حاجه مش اهم حاجه سيف كويس دلوقتى يبقي خلاص

مصطفي ونفذ صبره: اللهم طولك ياروح انا خاارج....ويترك لها المكان ويغادر



وف يوم من الايام يعود مصطفي للمنزل ....السلام عليكم

امل: وعليكم السلام

مصطفي: كنت عاوزك ف موضوع كدا

امل: موضوع ايه؟؟

مصطفي: احنا هنسافر المانيا انا وانتى وسيف

امل: نعم!! المانيا ليه بقي

مصطفي: جاتلي فرصه شغل كويسه هناك واستحاله اضيعها من ايدى

امل: سافر انت انما انا لا انا مش هسيب حياتى هنا واسافر معاك

مصطفي : يعنى ايه يا امل..بقولك قدامى فرصه شغل وماينفعش اضيعها وانتو هتيجو معايا انا مش هسافر سنه او اتنين ياامل مش هينفع اسيبكم هنا

امل: قولت لا يعنى لا

مصطفي: دا اخر كلام عندك؟؟

امل: ايوه

مصطفي: ماشي يا امل براحتك خالص بس انا هاخد ابنى معايا بقي

امل: ازاى!! لا يا مصطفي ما ينفعش ابنى هيكون معايا انا

مصطفي: بصي يا امل ياتختارى انك تسافري معايا انا وابنى يا اما تخليكى هنا تعيش حياتك براحتك خالص بس ساعتها كل واحد يروح لحاله يا امل

امل: ايه اللي انت بتقوله ده

مصطفي: دا اخر كلام عندى يا تختارينى انا وابنك يا تختارى نفسك يا امل ..انا هستنى ردك بكره الصبح تصبحى علي خير

ويتركها ف حيره من امرها ويذهب

تانى يوم

مصطفي: ها يا امل فكرتى

امل: ايوه فكرت

مصطفي: واختارتى ايه

امل بحزم: مصطفي ............ طلقنى



وياتى تانى يوم

مصطفي: ها يا امل فكرتى

امل: ايوه فكرت يا مصطفي

مصطفي: واختارتى ايه

امل بحزم: طلقنى يامصطفي

مصطفي مصدوم: ايييه اطلقك!!

امل: ايوه يامصطفي طلقنى

مصطفي: يعنى بعتينى انا وابنك واختارتى نفسك يا امل

امل: مصطفي الواحد بيعيش مره واحده ولازم يتمتع بحياته وانت عاوز تخنقنى وتتحكم فيا ... وانا مش واخده علي كدا

مصطفي: طيب وابنك مش هامك

امل: ابنى قلتلك سيبه معايا وانت مش عاوز يبقي خلاص خده وسافر

مصطفي بسخريه: ياه علي قلب الام وحنانها

امل: بلاش تريقه يامصطفي لو سمحت ..انت خيرتنى وانا اختارت ماترجعش تلومنى علي اختياري ده

مصطفي: انا مش هلومك يا امل بس صدقينى هيجى عليكى الوقت اللي هتلومي نفسك فيه علي اختيارك ده

امل: ماااشي يامصطفي....ها هطلقنى امته

مصطفي: انا هخرج من هنا وهبعتلك ورقتك واقعدى ف الفيلا براحتك انا هكتبها باسمك مش عاوزها

امل: مرسي يامصطفي

مصطفي: انا طالع اخد هدومى انا وابنى..بعداذنك

امل: اتفضل

ويصعد مصطفي ويلملم ملابسه هو وسيف ابنه ويترك لامل الفيلا ويغادر المكان

وبعد يومين يرسل مصطفي لامل ورقه الطلاق ....لتقول لها والدتها

الفت: اطلقتى يا امل...اطلقتى..يارب تكونى مبسوطه ومرتاحه دلوقت

امل: يوووه بقي يامامى خلاص

الفت: خلاص ايه...بس دى مش غلطتك دى غلطتى انا....انا اللي دلعتك زياده عن اللزوم لحد ماخليتك مش قد المسؤليه لا قد مسؤليه بيت ولا زوج ولا ابن

امل: مامى خلاص اللي حصل حصل ودلوقتى انا بقيت حره ومحدش يتحكم فيا وبعدين عاوزه افهمك حاجه انا مااتجوزتش مصطفي عن حب ولا هو كمان عشان كدا جوازنا ماكملش انا لو فكرت اتجوز هتجوز الانسان اللي يختاره قلبي مش انتى اللي تختاريه او بابي..بعد اذنك

الفت: ربنا يهديكى يابنتى



ف منزل مصطفي ووالده

محمود: انا اسف يامصطفي...سامحنى يابنى

مصطفي: بتتاسف علي ايه يابابا

محمود: ان جوزتك غصب عنك لواحده مابتحبهاش ...بس طلع عندك حق ف كل اللي قلته امل طلعت فعلا مدلعه ومستهتره ومش قد المسؤليه

مصطفي: خلاص يابابا اللي حصل حصل وبعدين انا بنسي كل حاجه حصلت مجرد ما ببص ف عين سيف واسمع ضحكته دى عندى بالدنيا كلها

محمود: فعلا يابنى سيف ده احلي حاجه طلعت بيها من جوازتك دى ..ربنا يشفيهولك ياارب يابنى

مصطفي بحزن : يااارب يابابا يااااااااااارب

محمود: المهم قولي هتسافر امته

مصطفي: هسافر كمان اسبوع.......وينظر لوالده .....بس مش انا وسيف بس

محمود: لا يامصطفي انا مش حمل سفر يابنى سافرو انتو

مصطفي:لا يابابا انا مش اقصد حضرتك اللي تسافر معايا

محمود: اومال مين يابنى

مصطفي: احم...سها

محمود: سها!!!

مصطفي: ايوه يابابا انا كلمتها وشرحتلها كل حاجه من الاول واستسمحتها وبصراحه هى قدرت جدا اللي حصل وقالتلي كمان انها لسه بتحبنى زى مانا لسه بحبها واتفقت معاها انى هكتب عليها واخدها واسافر

محمود: علي بركه الله يابنى اعمل اللي انت عاوزه سها بنت حلال وتستاهل كل خير

مصطفي: تسلملي يابابا....احنا هنروح لعمى النهارده نقرا الفاتحه وكتب الكتاب هيبقي بعد يومين علي الاقل عشان نلحق نجهز نفسنا قبل السفر

محمود: طيب وسها هتيجى هنا بعد كتب الكتاب يعنى هيبقي ف دخله وكدا ولا ايه

مصطفي: لا يابابا سها هتفضل ف بيتهم لحد السفر وهناك بقي يحصل كل خير وحتى نقضي شهر عسل بحاله ف المانيا هههههههههه

محمود: هههههههههه ربنا يسعدكو يابنى ياارب



ويذهب محمود ومصطفي لمنزل سها ويتفقون علي كل شئ ويقراؤ االفاتحه وكانت سها فرحه جدا بسيف وكانت تعتبره ابنها بالفعل وكان مصطفي فرح للغايه لمعامله سها لسيف وكانت تتردد ف اذنه كلمات سها(مصطفي اوعي تشيل هم سيف من هنا ورايح بقي ابنى حتى انى ممكن افكر انى اكرهه لانه من واحده تانيه انت فضلتها عليا ف يوم من الايام بس بفتكر ساعتها انه ابن مصطفي حب عمرى كله مصطفي ضهرى وسندى ف الدنيا ..ماتخافش علي سيف يامصطفي) ويبتسم مصطفي عند تذكرهه لهذه الكلمات ويقول لنفسه ..عمر اختياري ليكى ياسها مايكون غلط ابدا

وبعدها بيومين يتم كتب الكتاب وبعدها ياخذ مصطفي سها وسيف ويسافر الي المانياااااا



ف منزل امل

الفت: مصطفي سافر يا امل

امل بدهشه: اييييه سافر!!! ازاى يسافر من غير مايخلينى اشوف ابنى واسلم عليه

الفت: هو كان بيلاقيكى اصلا

امل: مش فاهمه تقصدى ايه

فلاش بااك

يرن هاتف المنزل وترد الفت

الفت: الوو

مصطفي: الوو...اذي حضرتك ياطنط

الفت: اذيك يامصطفي عامل ايه ياحبيبي وسيف عامل ايه

مصطفي: الحمدلله ياطنط كويسين....انا كنت عاوز اجيب سيف لامل يقعد معاها قبل مايسافر

الفت: دى امل بره ياسيف

مصطفي: انا رنيت عليها كتير تليفونها مقفول قولت اتصل عالبيت..طيب هى هتيجى امته

الفت: انا مش عارفه هى هترجع امته بصراحه

مصطفي: ماشي ياطنط مع السلامه

بااااك

امل بنرفزه: وانتى ليه ماقولتليش ياماما

الفت: اقولك امته كا سيادتك جيتى متاخر وهو تانى يوم سافر هو وسيف ومراته

امل باندهاش: مراااته!!!!!





الفصل الثالث

امل: مراته!!!

الفت: ايوه مراته

امل: هو مصطفي اتجوز؟؟

الفت: ايوه...اومال عاوزاه يعملك ايه يعنى كتب كتابه علي بنت عمه وخدها هى وسيف وسافرو

امل: اااه قولي كدا بقي بنت عمه سها ماهو البيه كان بيحبها قبل مايتجوزنى وهى كانت بتحبه

الفت:انتى ملكيش دعوه بقي يتجوزها هى او غيرها اى حاجه مصطفي يعملها محدش يلومه عليها....كله بسببك

امل: انا ياماما

الفت: ايوه انتى ..اى حاجه حصلت او هتحصل انتى السبب فيها انتى اللي خلتيه يطلقك وانتى اللي خلتيه ياخد ابنك وانتى اللي خلتيه يتجوز تانى انتى السبب ماتلوميش غير نفسك وبس

امل بسرحان: بس سيف هيوحشنى اوووى

الفت وقد فاض الكيل بها: اللهم طولك يارووح انا قايمه اصل انا هيجيلي الضغط علي ايدك يا امل

وتتركها والدتها وتصعد لغرفتها وتبقي امل وحدها تفكر ف سيف



ونذهب الي المانياااااا

مصطفي: خلاص ياسها فضيتى الشنط

سها: ايوه يا حبيبي فضيتهم وحميت سيف وغيرتله هدومه ورضعته بالببرونه وناام

مصطفي: طيب تمام...ربنا يخليكى ليا ياحبيبتى

سها: ويخليك ليا ياقلبي ...انا بجد مش مصدقه نفسي يامصطفي انا وانت اتجوزنا!! وف بيت واحد كمان لالا انا بحلم صح

مصطفى بابتسامه: لا يا قلبي مش بتحلمى دى حقيقه انا وانتى بقينا مع بعض لاخر العمر هو المفروض دا كان يحصل من الاول بس نصيب الحمدلله علي كل حال

سها: الحمدلله يامصطفي ..ماتفكرش ف اى حاجه فاتت وراحت لحالها احنا ف النهارده

مصطفي بخبث: احم ..اه صحيح دا احنا ف النهارده ودى ليله مفترجه وبيقولو كدا انها ليله دخلتنا الا الكلام ده صحيح يا سوسو

سها بضحك: هههههه اه بيقولو كدا

مصطفي: طيب هو الواد سيف فين

سها: ماقولتلك ناااام

مصطفي: طيب كويس اصل كنت عاوزك ف موضوع مهم جدا

سها بكسوف: موضوع ايه يامصطفي

مصطفي بضحك: تعالي معايا وانتى تعرفي...ويدخلو غرفه النوم...وتسكت شهرزاد عن الكلام الغير مباااااح



ف منزل امل

امل: مامى انا خارجه

الفت: راحه فين يا امل

امل: راحه النادى يا حبيبتى

الفت: ماشي يا امل بس حاولي ماتتاخريش

امل: اوك...باى

وتذهب امل للنادى

امل: هاى يابنات

البنات: هاى يا امل

امل: عاملين ايه

البنات: تمام

بنت1(منى): ماجتيش امبارح ليه استنينا كتيير بس ماجتيش

امل: عادى ماكانش ليا مزاج

بنت2(فريده): ليه يابنتى مالك كان ف حاجه

امل: مصطفي سافر امبارح

بنت3(شيرين): اه ياحبيبتى ربنا يصبرك ..بس برضو ارجع واقولك انتى السبب انتى اللي اختارتى يبقي تتحملي عواقب اى حاجه تحصل بقي

امل: انا حياتى مع مصطفي كانت شبه مستحيله ماكناش متفقين ف اى حاجه ..الانفصال كان هو الحل الوحييد بس انا مدايقه عشان ماسلمتش علي سيف قبل مايسافر

منى: ليه هو ماجابوش ليكى عشان تسلمى عليه

امل بحزن: لا اتصل قبل مايسافر بيوم بس انا كنت بره وتليفونى كان مقفول

فريده: خلاص يا امل اللي حصل حصل

امل: خلاااص اللي حصل حصل فعلا

وفجاه تنظر شيرين الي اتجاه اخر وتقول: ايه ده يابنات بصو مين هناك

البنان: ميين؟؟ وينظرون الي ماتنظر له شيرين

فريده: ايه القمر ده انا هيغمن عليا

منى : ايه ده احمد السيوفي بنفسه هنا

امل: ايه ده يابنات انا مش فاهمه حاجه ومين ده؟؟

منى: هو ف حد مايعرفش احمد السيوفي رجل اعمال مشهور جدا وزى القمر

امل: لا والله ماحصليش الشرف قبل كدا

فريده: ايه ده ده جاى مع اخته ياشيرين هى مش صحبتك

شيرين: ايوه حبيبه صحيح معاه اهى

استنو هشاورلها وتشاور شيرين لحبيبه

عند احمد وحبيبه

حبيبه: ايه ده دا شيرين قاعده هناك اهى

احمد: شيرين مين دى؟؟

حبيبه: صاحبتى يااحمد تعالي اما نسلم عليها

ويذهبو لشيرين واصدقاءها

حبيبه: شيرين حبيبتى عامله ايه

شيرين: بيبه وحشاانى كتيير انا كويسه ياقلبي

حبيبه: احب اعرفكم احمد اخويا

البنات: اهلا وسهلا

حبيبه: طب مش هتعرفينا بالبنات ياشيري

شيرين: دى ياستى فريده ودى منى وتشاور علي امل ..ودى امل

وينظر احمد لامل نظره اعجاب للوهله الاولي وسحره جمالها وشياكتها وهدوئها

احمد: اهلا وسهلا يا انسه امل

امل: احم...مدام لو سمحت

وتظهر علي وجه احمد خيبه امل لا ستنتاجه بانها متزوجه

حبيبه: اها انتى متجوزه يا امل

شيرين: لا يابيبه امل منفصله من فتره

ويظهر علي وجه احمد علامات الارتياح وتهللت اساريره بعد سماعه لهذه الجمله

شيرين: انتو واقفين ليه ماتتفضلو يا جماعه تقعدو

حبيبه: ايه رايك يا احمد نقعد

احمد: اكيد طبعا...... ويجلسون معهم وكان احمد لا يزال معلق نظره بامل التى لاحظت نظراته لها

وبعد وقت قليل

امل : طيب يابنات انا هقوم امشي بقي

شيرين: ليه يابنتى مانتى قاعده

امل: لا عشان قايله لماما انى مش هتاخر

حبيبه: ايه ياامل احنا جينا قومناكى ولا ايه...علي العموم ياستى انا اتشرفت بمعرفتك جدا واحب اننا نبقي صحاب

امل: الشرف ليا ياحبيبه وانا ماعنديش مانع طبعا اننا نكون اصحاب

حبيبه: اوك يا حبيبتى هاتى رقم الفون بتاعك عشان نبقي نتكلم

امل: اوك....ويبلو ارقامهم معا.....انا ماشيه بقي يابنات ..سلام

البنات: سلام

وتخرج امل وتركب سيارتها وتحاول ان تديرها لن تدور حاولت مرارا وتكرارا ولا فائده

وياتى لاحمد تليفون ويخرج ليرد عليه...



وتخرج امل وتركب سيارتها وتحاول ان تديرها لن تدور حاولت مرارا وتكرارا ولا فائده

وياتى لاحمد تليفون ويخرج ليرد عليه وعند انتهائه يجد امل حائره بسيارتها ويذهب لها

احمد: احم..مدام امل

وتنظر له امل وترتبك: ايوه

احمد: ف مشكله اقدر اساعدك فيها

امل: بصراحه العربيه مش راضيه تدور وانا بحاول اشوف فيها ايه بس مش عارفه

احمد: طيب ممكن اشوف فيها ايه

امل: مش عاوزه اتعبك

احمد: لا تعب ولا حاجه..بعد اذنك كدا

وينظر احمد داخل السياره ليجد بها مشكله ويجب ان تذهب للميكانيكى

احمد: العربيه مش هتدور لازم تروح للميكانيكى

امل: يانهار ابيض طب انا هروح ازاى كدا

احمد: انا ممكن لو مايدايقكيش اوصلك بعربيتى

امل: ها...لا انا مش عاوزه اتعب حضرتك انا هاخد تاكسي واروح بيه

احمد: تعب ايه بس اللي بتقولي عليه لا تعب ولا حاجه وياستى لو هيدايقك انا ممكن اجيب حبيبه معانا ..ايه رايك؟؟

امل مبتسمه: اذا كان كدا مااشي

ويتصل احمد بحبيبه اخته لتخرج لهم

حبيبه: خير يا احمد اتاخرت كدا ليه

احمد: عربيه امل عطلانه وانا عرضت عليها اوصلها وعاوزك تيجى معانا

حبيبه: بس كدا من عنيا....يلا بينا

ويركبو جميعا السياره ويصلو لمنزل امل

امل: اتفضلو انزلو معايا بقي

حبيبه: لا يااموله مره تانيه بقي يا حبيبتى

امل: اخص عليكى اول مره تيجى عندى عاوزه تمشي من علي الباب

حبيبه: ايه رايك يا احمد

احمد ويحاول ان يدارى ابتسامته: انا عن نفسي ماعنديش مشكله

امل: خلاص اتفصلو معايا

وينزلو من السياره ويصعدو مع امل وتفتح لهم الفت وتعرفهم امل علي بعض وترحب الفت بهم بشده وتشكرهم علي توصيلهم لامل ويجلسو القليل من الوقت ويغادرو المكان

الفت: استاذ احمد ده زوق اووى يا امل

امل: فعلا يا ماما وحبيبه بصراحه عسوله خالص

الفت بخبث: اه فعلا....ربنا يحقق اللي ف بالي يارب

امل: هو ايه اللي ف بالك ياماما

الفت: ولا حاجه يا حبيبتى ..انا طالعه اريح ف قودتى شويه ..عن اذنك

امل: اتفضلي.

وتترك امل وتصعد وتجلس امل وحدها تفكر فيما قالته والدتها وتقول لنفسها: يا ترى ايه اللي بتفكرى فيه ياماما



ف مكان ولاول مره سنذهب له

عند احمد وحبيبه ف المنزل

حبيبه: بس امل دى عسوله خالص يا احمد ومامتها مقابلتها حلوه اووى

احمد: اه فعلا يا حبيبه انا كنت مبصوت ااوى وانا معاهم

حبيبه بخبث: ااااه انت هتقولي

احمد: مالك يا بيبه بترمى علي ايه يا حبيبتى اصل انا عارفك

حبيبه: لا اصلك ما خدتش بالك انت كنت بتبصلها ازاى واحنا قاعدين ف النادى دا انت ما شلتش عينك من عليها يا جدع

احمد لنفسه: للدرجه دى انا كنت مكشوف وفاضح نفسي..................ايه اللي انتى بتقوليه ده..اجرى يابت من هنا

حبيبه بضحك: هجرى يا حبيبي هجرى بس بكره تشوف والايام بيننا ههههههه

وتجرى حبيبه من امامه

وتدخل عليه والدته(نوال)امراه كبيره ف السن ويبدو علي ملامحها الطيبه والحنيه

نوال: مالها البت دى بتجرى كدا ليه يا احمد

احمد: ها...لا يا ماما ماتاخديش ف بالك ماهى حبيبه وانتى عارفاها

نوال: طيب سيبك منها بقي وخلينا فيك

احمد: خيير ياست الكل اشجييينى

نوال: بدام قولت كدا يبقي عارف انا عاوزه اكلمك ف ايه

احمد: عاارف يا امى هو ف غيره وكل مره بقولك قفلي علي السيره دى ياماما

نوال: يابنى احنا هنفضل نقفل لحد امته انت بقي عندك 35 سنه ونفسي افرح بيك قبل ما اموت واشوف احفادى بيجرو حواليا

احمد: بعد الشر عليكى يا حبيبتى

نوال: مش شر يا احمد كلنا هنموت بس انا نفسي افرح بيك بجد ......مش علشان جوازتك فشلت وماكملتش يبقي خلاص

احمد: ارجوكى ياماما ماتجبيليش السيره دى

نوال: عاوزه افرح بيك يا احمد

احمد: حاضر يا ماما حاضر

نوال: ربنا يباركلي فيك يابنى ويفرحنى بيك

وتدخل عليهم حبيبه

حبيبه: وانا ياست نوال مش عاوزه تفرحى بيا انا كمان

نوال: انتى يا حبيبه مخطوبه وقدامك كام شهر وتتجوزى ان شاء الله انما انا بتكلم علي اخوكى اللي عامل اضراب عن الجواز ده

حبيبه بخبث: لا اطمنى ياست الكل اظاهر كدا انه ان الاوان

نوال وتهللت اساريرها: بجد يا حبيبه

احمد لحبيبه: حبيبه.... روحى يا حبيبتى شوفي بتعملي ايه بدل ما اكلم يحي واخليه هو يشوف شغله معاكى

حبيبه: وعلي ايه الطيب احسن اهو...وتضع يدها علي فمها

احمد: ايوه كدا شطووره..ماما انا هدخل اريح شويه ...بعد اذنك

نوال: اتفضل يا حبيبي......ويدخل احمد غرفته

وتمسك نوال حبيبه من اذنها : انا بقي عاوزه اعرف كل حاااجه

حبيبه:.......................

نوال: ماتنطقي يابت

حبيبه:امممممممممممممم

نوال: شيلي ايدك من علي بوئك وقوليلي بقي ايه اللي حصل

حبيبه بصوت واطى لا يسمعه احمد: هقولك علي كل حاجه ياست الحبايب ....بصي ياستى



عند احمد ف غرفته

يدخل احمد غرفته وياخذ ملابسه ويدخل ياخذ حماما ويخرج بعدها ويتسطح علي السرير وهو يفكر ف كلام والدته

مش عشان جوازتك فشلت يبقي خلاص

وبدا يتذكر سبب انفصاله عن زوجته

فلااااش بااااااااك

احمد: انجى

انجى: ايوه يا حبيبي

احمد: انا جتلي سفريه لشرم يومين عندى اجتماع مهم هناك ممكن تحضريلي الشنطه ياقلبي

انجى: حبيبي هيبعد عنى يومين بحالهم

احمد: معلش يا حياتى هما يومين بس وهتلاقينى جتلك علي طول

انجى: اوك يا حبيبي.....هروح احضر الشنطه حالا

وبعدها يسافر احمد وتدخل انجى وتمسك بهاتفها

انجى: الوو

الشخص: ايوه يا حياتى

انجى: احمد سافر شرم يومين والجو راق لنا

الشخص: ياا حلاااااوه يعنى قدامنا يومين بحالهم جايلك ياقمر

انجى: مستنياك ياروحى

ويذهب الشخص لانجى

انجى: حياتى انتى وحشتنى ياعلاء

علاء: انتى اللي وحشتينى يابنت خالتى ...بس ايه الحلاوه دى بس

انجى: ههههههه من بعض ماعندكم...تعالي ادخل

ويدخلو للفيلا سويا

عند احمد ف المطار ياتيه مكالمه من شرم

احمد: الوو...ايوه يا محمد....ايه...الاجتماع اتلغي...ليه بس كدا...طيب ماشي ماشي ...سلام

ويركب احمد سيارته ويذهب لمنزله وهو فرح جدا برجوعه لزوجته ويصل للمنزل ويفتح باب الفيلا ويتفاجئ






الفصل الرابع

عند احمد ف المطار ياتيه مكالمه من شرم

احمد: الوو...ايوه يا محمد...ايه...الاجتماع اتلغي...ليه بس كدا...طيب ماشي ماشي....سلام

ويركب احمد سيارته ويذهب الي منزله ويفتح باب الفيلا ويتفاجئ بوجود علاء ابن خاله انجى وانجى سويا وكانت انجى لابسه ماكان يعرى من جسدها اكثر مما يغطى

احمد بصدمه شديده: انجى!!!

انجى مصدومه ايضا وخائفه ف نفس الوقت:احمد!!....احمد افهمنى واسمعنى انا هشرحلك يا احمد

احمد بعصبيه شديده: افهم ايه وتشرحيلي ايه....انتى يا انجى تخونيني انتى!!...ويتوجه ناحيه انجى ويمسكها من شعرها وف نفس الوقت يجرى علاء من امامه ويهرب خارج الفيلا

انجى ببكاء : سامحنى يا احمد ارجوك سامحنى



احمد بعصبيه وهو يجرجرها من شعرها:اسامحك!!....اسامحك علي ايه..علي خيانتك ليا يا خاينه....ربنا خلا السفريه تتلغي عشان اكتشف حقيقتك يا قذره...بتخونيني من امته يا انجى ...من امته وانا المغفل اللي نايم علي ودانه

ويطردها احمد خارج المنزل

انجى: ارجوك يا احمد ارجوك...طب البس هدومى طيب

احمد: احمدى ربنا ان خرجتك كدا وان مارفعتش عليكى قضيه وفضحتك ..انتى طالق يا انجى طاالق طاااالق ويغلق الباب ف وجهها

انجى ببكاء وهى تدق علي الباب : افتح يا احمد ابوس ايدك افتح يا احمد

ولا يوجد رد منه وبعدها بفتره تذهب الي علاء الذي قابلها مقابله جافه وطلبت منه ان يتزوجو وكان رده عليها هذا: هههه اتجوزك!! دا انتى خونتى جوزك معايا يبقي اكيد هتخونينى مع غيري ..مع السلامه ياماما العنوان غلط

وتذهب بعدها لاحمد مرات ومرات وتستسمحه ولكن دوون فائده وبعدها سافرت خارج البلد

ويفوق احمد من شروده علي طرق الباب وتكون حبيبه

احمد: ادخل

حبيبه: يلا يا حبيبي الغدا جاهز

احمد: اوك يا حبيبي انا جاى

حبيبه: مال الجميل سرحان كدا ليه

احمد بسرحان: خايف يا حبيبه خااايف

حبيبه بحنيه: ماتخافش يا احمد

احمد وينظر لها: وانتى عرفتى انا خايف من ايه اصلا؟؟

حبيبه: ايوه عارفه عشان كدا بقولك ماتخافش امل مش زى انجى

احمد: وانتى عرفتى منين بقي

حبيبه: اولا انا ليا نظره ف اللي قدامى بعرفه ع طوول وبعدين ماتنساش انى كنت رافضه جوازك من انجى لانى ماكنتش مرتحالها

احمد: طب وثانيا بقي

حبيبه : ثانيا بقي يا سيدى ان امل صاحبه شيرين صحبتى وشيرين كويسه جدا وبعدين انا برضو ماسكتش

احمد: عملتى ايه ياحبيبه!!

حبيبه: ها...احم احم..ماما بتنادى عليا...ايوه جايه ياماما...بعد اذنك يا احمد

ويلحق بها احمد: تعالي هنا رايحه فين هببتى ايه من ورايا يا حبيبه

حبيبه وتصطنع المفاجاه: هاااا انا اهبب من وراك يا حبيبي لا طبعا مااقدرش...انا بصراحه

ويقاطعها احمد: ايووووه انا عاوز الصراااحه

حبيبه: بصراحه انا عندى فضول رهيييب زى ماانت عارف عارف

احمد بتريقه: ااه انتى هتقوليلي انجزى عملتى ايه

حبيبه: بصراحه كنت عاوزه اعرف حكايه امل واخلاقها وكدا فا كلمت شيرين من شويه وسالتها علي امل

احمد بتساؤل: وقالتلك ايه؟؟



حبيبه: قالتلي ان هى اتجوزت وخلفت ولد وبعدها انفصلت عن جوزها وجوزها اتجوز بنت عمه وخدها هو وابنه وسافر بعدها ...وقالتلي ان امل اخلاقها كويسه جدا بس هى بتحب الحياه يعنى الفسح والخروجات والحاجات دى بس من يوم سفر ابنها وهى ماعادش ليها نفس لحاجه

احمد: طب وهى اطلقت ليه

حبيبه: ماكانوش متفقين

احمد: طب هى سالتك بتسالي عليها ليه ؟

حبيبه: اكيييييييييييد

احمد: وقلتلها ايه يا بيبه يا حبيبتى

حبيبه وبدات تقوم من علي السرير ببطئ وتمشي ببطئ ناحيه الباب: قلتلها.....قلتلها....وعندما وصلت الي باب الغرفه ......قلتلها انك معجب بيها .....وتجرى حبيبه من امامه ويقوم احمد ويجرى ورائها

حبيبه: ماما ماما الحقينى ياماما

احمد: مش هسيبك يا حبيبه والله ما هسيبك

نوال: ف ايه يا ولاد بتجرو ورا بعض ليه كدا

حبيبه: اقولها بنجرى ورا بعض ليه يا سي روميو............ وتغمز له

احمد: خلاص ياست حبيبه بس حسابك معايا بعدين ....وهخلي يحيي يشوف شغله معاكى

حبيبه: يحيي حبيبي مش بيرضي يزعلنى ابدا...وتخرج له لسانها

احمد: مااااااشي اما نشوووف ياست حبيبه والايام بيننا ههههههه



وتعدى شهور العده لامل وف هذه الفتره كان احمد يعرف اخبارها اول باول ويزيد حبها داخل قلبه وكانت امل معجبه باحمد ولكنها لا تظهر ذلك

وف يووووووووم

عند احمد ف المنزل

احمد: حبيبه..عاوزك شويه لو سمحتى

حبيبه: اوك يا احمد...ويدخلو غرفه احمد

حبيبه: خير يا حبيبي ف ايه

احمد: انا....انا عاوز اتجوز

حبيبه وتهللت اساريرها: ايه....بجد يا احمد خلاص ان الاوان ياا راااجل

احمد: ههههههه ايوه يا حبيبتى خلاص

حبيبه: مبرووك يا احمد الف مبروك يا حبيبي....فرحانه اوى بجد

احمد: الله يبارك فيكى يا حبيبتى...بس استنى اما نشوف هتوافق ولا لا

حبيبه:انت اى بنت تتمناك اصلا دا انت مجنن البنات يا واد ههههههههه

احمد: بس برضو دا ما يمنعش انها ممكن ترفض برضو

وفجاه تدخل عليهم نوال: مين دى اللي ترفضك يا حبيبي دا انت الف واحده تتمناك ....الف مبروك يا احمد الف مبروك يا حبيبي

احمد: الله يبارك فيكى ياماما....دا انتى سمعتى الحوار كله بقي

نوال: غصب عنى والله...انا اول ماسمعتك وانت بتقول...انا عاوز اتجوزك ...ماقدرتش امسك نفسي من الفرحه

احمد ويقبل راس والدته : ربنا يفرحك دايما يا امى.....المهم يابيبه هنعمل ايه؟

حبيبه: سيبها علي ربنا وعليا يا كبيير



وتانى يوم عند امل ف المنزل

الفت: انتى مش خارجه النهارده يا حبيبتى

امل: لا ياماما ماليش مزاج... اومال فين الغدا

الفت: ثوانى ويكون جاهز

وبعد الانتهاء من تناول الغداء ياتى لامل مكالمه ويكون المتصل حبيبه

امل: الوو...ايوه يا بيبه....تشوفينى دلوقتى...طيب فين....اوك ماشي ..ساعه وهكون ف النادى ...باى يا حبيبتى

وبعد ساعه تذهب امل للنادى وتتجه ناحيه حبيبه وتتفاجئ بوجود احمد وهو ممسك ببوكيه ورد لونه احمر

امل: حبيبه ..استاذ احمد....هو ف ايه انا مش فاهمه حاجه

ويقف احمد ويمد يده بالبوكيه

احمد: امل..انا بحبك...تتجوزينى

امل:.........................



احمد: امل...مابترديش ليه؟

امل غير مستوعبه: هاا..

حبيبه: ها ايه يابنتى الواد بيطلب ايدك وانتى متنحاله ...ماتردى

امل وبدات تستوعب: انا...انا..

احمد: انتى ايه يا امل

امل: انا بس اتفاجئت بالموضوع

حبيبه: وبعدين بقي ياست امل هنفضل متفاجئين كتير اصدى هنفضل واقفين كتير يلا اقعدو انا رجلي وجعتنى

ويجلسو بعدها

احمد: ها قلت ايه يا امل

امل: احم..ف ايه

حبيبه وهى تقلدها: احم ف ايه.....يابت انطقي بقي الواد بيحبك بقاله كتير اووى ونفسه انك تكملي معاه بقيت حياته يا امل ..ها قلنا ايه

بعد لحظات سكوووت

امل بحزن: انا اسفه يا استاذ احمد ..ربنا يرزقك ببنت الحلال اللي تسعدك ..انما انا لا

احمد مصدوم من ردها كان يتوقع عكس ذلك: اييييييه!!....ليه يا امل....انا بحبك بجد

امل بدموع: وانا......وتسكت امل بعدها

احمد: وانتى ايه يا امل كملي

امل: ولا حاجه

حبيبه: يا امل فكرى ماتستعجليش ف الرد احمد بيحبك بجد

امل: خلاص يا حبيبه ماينفعش ...كل شئ نصيب يا احمد...بعد اذنكو

وتغادر امل المكان وتتركهم وحدهم

حبيبه بحزن: احمد..

احمد ينظر امامه ولا يرد

حبيبه: احمد انت مابتردش ليه

احمد: هرد اقول ايه يا حبيبه

حبيبه: قول اى حاجه يا احمد بس ماتسكتش

احمد: مافيش حااجه تتقال بعد اللي اتقال يا حبيبه

حبيبه: لا فيه.....ماتياسش يا احمد اوعى تياس انت بتحبها يبقي تفضل وراها لحد ماتوافق انت فاهم ان شالله لو هتقعد شهووور برضو خليك وراها وماتياسش

احمد: تفتكرى



حبيبه: افتكر !!....ياريت انت تفتكر حكايتى مع يحيي انت ناسي ان يحيي اتقدملي قبل كدا وانا رفضته بس هو فضل ورايا 3 سنين وماسابنيش الا اما دبلته نورت ف ايدى ...ساعتها حسيت انه بيحبنى بجد وحارب الدنيا كلها علشانى وفضل ورايا لحد ما وافقت وانا كمان دلوقتى مابقتش عاوزه من الدنيا غيره هو وبس ..ودلوقتى يااخويا بمسكه بالعافيه ومش عارفه اتلم عليه بسبب شغله هههههههه

احمد مبتسم من كلام حبيبه: ربنا يخليكو لبعض يا حبيبتى

حبيبه: ويخليك ليا يا حبيبي...بس برضو انا عاوزاك تتمسك بحبك يا احمد وبعدين من طريقه كلامها انا واثقه مليوون % انها بتحبك زى ماانت بتحبها بس يا اما بتكابر يا اما ليها اسبابها بس انت خليك وراها وماتسبهاش

احمد وهو ينظر امامه: مااشي يا امل مش هسيبك وهتكونى ليا ف يوم من الايام........وينظر لحبيبه....اصل انا بحبها اوووى

حبيبه مبتسمه: مانا عارفه ياواد ههههه........ربنا يجعلكو من نصيب بعض ياحبيبي ياارب

احمد: يااارب يا حبيبتى



وتعود امل للمنزل بوجه عابس

الفت: امل!! مالك يا حبيبتى ف ايه

امل: مافيش

الفت: ازاى مافيش..هو انا مش هعرفك يعنى ...ف ايه...حبيبه دايقتك ولا حاجه

امل: لا

الفت: اومال ف ايه يا امل ماتريحينى

امل بتنهيده: احمد

الفت بتساؤل: احمد مين؟؟........وتذكرت احمد.......ااااااه احمد اخو حبيبه.......ايوه افتكرته ماله احمد

امل: احمد كان هناك و....

الفت: و..ايه ماتنطقي يا امل

امل: وطلب ايدى للجواز يا ماما

الفت وتهللت اساريرها: بجد يا امل..احمد عاوز يتجوزك

امل: ايوه يا ماما

الفت: الف مبرووك يا حبيبتى الف مبرووك

امل: انتى بتباركيلي علي ايه يا ماما ما خلاص

الفت: خلاص ايه؟؟

امل: مانا رفضته

الفت بغضب: رفضتيه!! رفضتيه ليه بقي ان شاء الله

امل: رفضته بقي وخلاص..انا ماعنديش استعداد ادخل ف تجربه تانيه ...وبعدين انا سيف مسيطر علي تفكيري اووى اليومين دول ومش عارفه ليه قلبي مقبوض وواجعنى اووى عليه مش عارفه ليه الاحساس ده مش عارفه

الفت: دا عشان سيف بعيد عنك انتى بتحسي بكدا ....بس برضو ده مايخيلكيش ترفضي احمد

امل: لا يا ماما ده مش عشان سيف بعيد طب ماهو بعيد بقاله كاام شهر اهو....لا الاحساس ده ماسكنى بقالي يومين وانا مش معايا رقم مصطفي عشان ارن واطمن عليه ...انا تعبت بجد

الفت: تستاهلي انتى اللي عملتى كدا ف نفسك..استحملي بقي

امل: صح..استحمل بقي..وربنا يسترها

الفت: المهم...فكرى تانى ف موضوع احمد يا امل...احمد كويس ومحترم جدا..

امل: عارفه ياماما عارفه

الفت: وبدام عارفه رفضتيه ليه

امل: مش متقبله فكره انى اتجوز تانى دى

الفت: ياسلام ليه بقي ان شاء الله ..لا طبعا تفكيرك غلط..مامصطفي اتجوز تانى اهو وعاش حياته انتى كمان اتجوزى تانى بقي وعيشي حياتك

امل: ماما انا طالعه اوضتى ارتاح ...تصبحى علي خير

الفت: ماشي يا امل اهربي براحتك....وانتى من اهله



عند احمد ف منزله

نوال: عملتو ايه يا ولاد ..ها..ازغرط

حبيبه: استنى يا ماما تزغرطى ايه بس

نوال: ليه يا حبيبتى مش خلاص

احمد: انا داخل اوضتى...بعد اذنكم

نوال: بت يا حبيبه هو ف ايه ماتفهمينى

حبيبه: اصل امل يا ماما.....وقاطعتها نوال......اييييه رفضت؟؟

حبيبه: ها.....لا ياماما مارفضتش هى بس محتاجه وقت تفكر مش اكتر

نوال: ووقت ليه بقي هو احمد فيه عيب

حبيبه: ياماما اى واحده كدا انتى نسيتى انى اخدت وقت برضو عشان اوافق علي يحيي

نوال: طيب وهترد علينا امته

حبيبه: هاا....مش عارفه وقت اما ترد اكيد هتعرفي...انا داخله اوضتى..سلام

نوال: ربنا يجعلها من نصيبك يابنى يااااااااااااارب

.................................................. ............................

وف منزل امل تتصل بشيرين وتحكى لها كل ماحدث

شيرين: ايه ده يا امل....احمد يطلبك للجواز وترفضي

امل: اومال كنت عاوزانى اعمل ايه يعنى يا شيرين

شيرين: كنتى توافقي طبعا انتى هبله يا بنتى ...دا احمد السيوفي اللي كل بنت ف مصر بتتمنى منه نظره واحده بس

امل: ياشيرين مش حكايه انه احمد السيوفي والكلام ده ..الرفض من عندى انا مش عاوزه ادخل تجارب تانى

شيرين: لا مش صح مش معنى ان جوازتك الاولانيه ماكملتش يبقي التانيه هتفشل وهتوقفي حياتك ..فكرى يا يا امل احمد شخص ممتاز وخساره ترفضيه

امل:ماشي ياشيرين خلاص

شيرين: خلاص ايه انتى بتريحينى بالكلام وخلاص....انا هسكت خاالص وهشوف اخرتها معاكى يا امل.......انا هقفل دلوقت وهكلمك بعدين..سلام

امل: سلام



وتمر الشهووور واحمد لايزال يتصل بامل ويقابلها هو وحبيبه وهى مازالت ترفض وكانت تتردد ف اذنيها كلماته ف كل مره:مش هسيبك يا امل...بحبك..وهتجوزك...حتى لو هستناكى سنين..مش هسيييبك وكانت تبتسم عند تذكرها لهذه الكلمات



وف يوم من الايام تعود امل لمنزلها تجد احمد جالس مع والدها صلاح

امل باندهاش: احمد!!

احمد يقف وهو مبتسم: ايوه احمد يا امل.....احمد اللي بيحبك من اول يوم شافك فييه.........احمد اللى مش قادر ينساكى ابداا...اللي لا عارف يشيلك لا من عقله ولا من قلبه

امل: احمد..انا..

احمد: ششششش....ماتتكلميش يا امل...انا عارف كل حاجه عارف انك بتحبينى زى مانا بحبك

امل باندهاش واستغراب: هاااا.....وعرفت ازاى ؟

احمد يبتسم وينظر لالفت

امل: انتى ياماما

الفت: ايوه انا يا حبيبتى اومال كنتى عاوزانى اعرف انك بتحبيه وهو بيحبك واسكت

امل: طيب وعرفتى ازاى انا مااتكلمتش معاكى ف حاجه

الفت: ياستى سمعتك

فلااااااااش باااااااااك

ف منتصف الليل تخرج الفت من حجرتها لتشرب وهى عائده تسمع صوت بكاء امل وهى تهاتف شيرين علي التليفون

امل ببكاء: هعمل ايه يعنى ياشيرين....انا فعلا بحبه....مش عارفه خايفه ادخل تجربه تانيه ...ايه اكلمه لا طبعا مش ممكن.....انا مش عارفه بقي تعبت بجد يا شيرين تعبت

الفت لنفسها: يا حبيبتى يابنتى ..لا انا لازم اعمل حاجه

بااااااااك

الفت: وبعدها اخدت رقم حبيبه من علي تليفونك من غير ماتعرفي وكلمتها بس انا فعلا اتفاجئت باحمد النهارده زيي زيك لقيته جاى والفرحه مش سيعاه وبيطلب ايدك من بابا

امل: انا..

احمد: انتى مش هتقولي غير حاجه واحده بس...ها يا امل تقبلي تتجوزينى

امل مبتسمه بدموع: ايوه يا احمد موافقه

احمد وتهللت اساريره: علي بركه الله ..ممكن ياعمى نتكلم ونتفق علي كل حاجه

صلاح: اكيد يابنى اتفضل

وبعدها يجلس احمد مع صلاح ويتفقو علي كل شئ ويقراؤ الفاتحه



ويعود احمد منزله ويبلغ نوال وحبيبه الخبر ويفرحو له بشده وخصوصا نوال وتمنو لهم السعاده

وتمر الايام وياتى يوم الفرح وكانت امل ترتدى فستان سواريه اوف وايت وتترك لشعرها البنى الطويل العنان مع وجود تاج بسيط علي يزين شعرها وميكب هادى جدا وكانت بالاحق جمييله للغايه

وكان احمد يرتدى بدلته السوداء التى كان وسيما فيها ببشرته البيضاء وشعره البنى الناعم وعينيه التى بلون السماء

ويذهب احمد ووالدته وحبيبه ويحيي الي منزل امل وبعدها يتم كتب الكتاب ف جو عائلي راقي لا يحضره الا القليلون عائله امل وصديقاتها

وذهب الجميع ليباركو للعروسين

نوال: مبرووك يتا حبيبي ..مبروك يا امل..فرحتى بيكو ماتتوصفش والله يا ولاد

احمد: ربنا يباركلي فيكى يا امى

امل: حبيبتى مااتحرمش منك ابدا

نوال: حافظ علي امل يا احمد وانتى يا امل خلي بالك منه

امل: احمد ف عنيا ياطنط والله

احمد: وانا مش محتاج حد يوصينى علي مراتى حبيبتى

وبعدها يذهب له يحيي وحبيبه

حبيبه: يا عرييس يا عريييس..اخيييرا ادبستو ف بعض اصدى اتجوزتو بعض مبروووك .....طلعتو عنينا حرام عليكم

احمد: هههههههه معلش بقي ياست حبيبه نردهالك ف فرحك

يحيي وينظر لحبيبه بغيظ : ياعم ماتفكرنيش بالفرح كل اما افتكر انه اتاجل كام شهر كمان بتعصب

حبيبه: وانا مالي بقي ماهو الشغل اللي جالك هو اللي عمل كدا

يحيي: خلاص ياستى وانا قولت حاجه

امل: هههههههه خلاص يا حبيبه عديها بكره تتجوزو ياستى مافيش اقرب من الايام

حبيبه: يلا ماشي ادينا مستنيين

احمد: طيب يا حبيبتى اقعدو استنو انتو هنا بقي وانا هاخد مراتى ونروح المطعم اللي حاجزلها فيه بعد اذنكو كدا

حبيبه: استنى يا احمد نيجى معاك

احمد: نعم ياختى...يحيي شيل خطيبتك عنى لو سمحت..النهارده فرحى وانا مش عاوز اتهور

يحيي: مااشي ياكبير عيش براحتك..تعالي هنا بقي تعبتيينى

حبيبه: يحيي

يحيي: حبيبه قلبي بموت فيكى والله

يحيي وحبيبه: هههههههه

وبعدها ياخذ امل ويذهبو للمطعم وعند انتهائهم من العشاء يذهبو للاوتيل ..كان احمد يحجز سويت كامل مخصوص له ولامل لمده يومين فقط وبعدها ياخذها باريس لقضاء شهر العسل وتعدى الايام ويعودو من شهر العسل وبعدها ينشغل احمد ف عمله وبدات امل ف عملها الجديد لاشغال وقت فراغها وف يوم تتعب امل ف عملها ويغمى عليها وينقلها زملائها للمشفي ويذهب لها احمد سريعل ويقابل الدكتور

احمد وهو يلتقط انفاسه: خيير يا دكتور مراتى مالها

الدكتور: اهدى مافيش حاجه ماتقلقش .

احمد: اومال امل تعبت ليه

امل: دا البيه بس بيدى انذار انه جااى ف السكه

احمد بعدم فهم: بيه مين اللي بي.....وبعدها يستوعب كل شئ.....امل حامل يادكتور صح

الدكتور مبتسم: ايوه ياسيدى وف الشهر التانى كمان

احمد بفرحه: شكراا يادكتور الف شكر

الدكتور: لا شكر علي واجب ده واجبي بس خلي المدام تاخد بالها من صحتها وتاكل كويس ........بعد اذنك

احمد: اتفضل يا دكتور

ويدخل لامل

احمد: مبروك يا حبيبتى

امل: الله يبارك فيك يا حبيبي

احمد: خلاص انا هبقي بابا وانتى هتبقي ماما

امل وتذكرت سيف وقالت له بحزن: مانا كدا كدا ماما يا احمد

احمد: حبيبتى انا اسف بجد ماكنتش اقصد افكرك

امل: ولا يهمك يا حبيبي ..ها نفسك ف بنت ولا ولد

احمد: راضي باى حاجه بدام هتبقي منك انتى

فتبتسم له امل: ربنا يخليك ليا



وتمر الايام والشهور..وياتى ميعاد الولاده وينقل احمد امل الي المشفى وتدخل غرفه العمليات وبعد وقت ليس بقليل يخرج الطبيب وهو يحمل البيبي علي يديه : بنوته زى القمر

ويحملها احمد والفرحه مش سيعاه وبعد ما تخرج امل من غرفه العمليات تنقل الي غرفه عاديه

الفت : حمدالله علي سلامتك يا حبيبتى

امل بتعب: الله يسلمك يا ماما

نوال: تتربي ف عزكو يا ولاد ماشاء الله زى القمر

حبيبه وهى تضحك: شكلي شكلي ههههههههه

احمد: هههههه شكلك ايه يا حاجه دى قمر زى مامتها بالظبط

امل: تسلم يا حبيبي

حبيبه: الا انتو ناوين تسموها ايه بقي

احمد: هنسميها.....وتقاطعه حبيبه...لا لا اختارلها انا ..ايه رايكو ف ام الشحات ..تحففه يا احمد ونازل موضه اليومين دول ههههههه

احمد: انا شكلي هعملها معاكى وهخليكى انتى اللي ام الشحات

نوال: بس بقي يا حبيبه ..بصحيح يا احمد هتسمو القمر ده ايه بقي

امل: انا واحمد اختارنا اسمها من يوم ماعرفت انى حامل ف بنت

الفت: واختارتو ايه

احمد وامل: مانويلا






الفصل الخامس

وتعدى الايام والشهور وايضا السنيين ويكبر سيف ومانويلا

وف مكان لم نذهب له منذ سنيين طويله

مصطفي: سها...حضرتى الشنط

سها: ايوه يا مصطفي خلاص..بس لسه شنطه سيف هحضرها

ويدخل عليهم شاب زى القمر طويل القامه قمحى البشره شعره اسود داكن وناعم جدا وعينين خضراوتين كان يبدو وسيما حقا وها هو سيف

سيف: والله ما انتى عامله حاجه اومال انا لازمتى ايه انا اللي هجهز الشنطه بتاعتى

سها: يا سيف معاتش الا شنطتك بس هحضرها انا

سيف: يا ست الكل انتى ترتاحى وانا هحضر كل حاجه



مصطفي: ياواد يا بكاش...طب ماجتش حضرت شنطتى انا وهى ليه بقي

سيف: معلش بقي يا والدى كنت بسلم علي صحابي مش نازلين مصر بقي والله اعلم هنرجع تانى هنا ولا لا

مصطفي: لا يا حبيبي مش هنرجع تانى كفايه غربه بقي لحد كدا ..وهننزل عشان تدخل الجامعه ف مصر وتدخل الكليه اللي انت بتحبها

سيف: هندسه ان شاء الله

سها: ان شاء الله يا حبيبي ربنا يوفقك ياارب

مصطفي: يلا بقي عشان نلحق ميعاد الطياره

سيف: حاضر يا حبيبي 5 دقايق بالظبط هحضر الشنطه ونمشي علي طول

ويدخل سيف غرفته لتحضير الشنطه

سها: البيت هيوحشنى اووى يا مصطفي

مصطفي: وانا كمان يا سها والله بس بقول كفايه غربه لحد كدا بقي عاوز سيف ينزل بلده ويدخل الجامعه فيها مش عاوزه يبقي غريب عن بلده اكتر من كدا

سها: معاك حق يا حبيبي

مصطفي: اييه قلتى اييه

سها بخجل: ايه يا مصطفي خلاص عديها

مصطفي: والله ابدا...قولي انتى قولتى ايه تاانى...ماسمعتهاش من زمان يا سها

سها: يا مصطفي خلاص احنا كبرنا علي الحاجات دى دا سيف بقي اطول منك

مصطفي: برضوو هتقوليها

سها: هههههه حاضر عارفه انى مش هخلص منك..اممممم....يا حبيبي

ويخرج لهم سيف: احم احم..نحن هنا..ايه نجيب شجره واتنين ليمون ولا ايه

سها: عجبك كدا يا مصطفي خليت سيف يتريق علينا اهو

سيف: انا يا ماما يا حبيبتى انا اتريق عليكو..مااقدرش طبعا..وينظر لوالده ويغمز له...ها يا درش نجيب الشجره والليمون ولا ايه

مصطفي: هههههههه انا عارف اننا مش هنخلص منك يا لمض...يلا بقي عشان الطياره

سها: يلا بينا

ويذهبو جميعا للمطار



ونذهب عند احمد وامل........ومانويلا

تدخل داده كريمه الي غرفه مانويلا لتويقظها من نومها

داده كريمه: مانويلا....اصحي يا حبيبتى يلا

مانويلا بنوم: اممممم....سبينى شويه يا داده عشان خاطرى

داده كريمه: لا مش هسيبك قومى يلا الظهر اذن يا مانويلا

مانويلا وتفتح عينيها: ياااه انا نمت كل ده

داده كريمه: ايوه شوفتى بقي..يلا يا حبيبتى قومى خدى الشاور بتاعك وصلي الظهر علي بال ما بابا يجى علي الغدا وتتغدو سوا

مانويلا: اوك يا حبيبتى هقوم اهو

مانويلا(بشره بيضاء وعينين زرقاء بلون السماء فهى نفس عيون والدها ...وشعر اسود وطويل يصل لاسفل ظهرها ..ورموش كثيفه وجسم رشيق متناسق...كانت حقا جميله وتسحر كل من يراها بجمالها وبراءه وجهها)

وتغادر مانويلا فراشها وتدخل تاخذ حمامها وتخرج تصلي الظهر وتنزل الي الاسفل

امل: صباح الخير علي القمر بتاعى اللي ناموسيته كحلي

مانويلا: صباح الفل يا اموله...وتضع قبله علي وجنتي امل

امل: كل ده نوم يا ست مانويلا

مانويلا: سورى يا ماما والله اصلي سهرت جامد امبارح كنت بكلم وعد علي الواتس اب والوقت سرقنا

امل: وعد..وحشتنى بنت الايه دى...هى عامله ايه بعد اللي حصل

مانويلا: والله ياماما حالتها صعبه اوى عشان كدا بسهر معاها اكلمها يمكن اخفف عنها ولو شويه صغيره

امل: يا حبيبتى يا وعد...طيب هى عايشه مع مين فيهم يعنى بعد الانفصال

مانويلا: مامتها بعد ما اطلقت من باباها سابتها وسافرت اتخلت عنها ف عز احتياجها ليها ...ووعد دلوقتى عايشه مع باباها ...انا مش عارفه مامتها جابت قساوه القلب دى منين ف ام تقدر تستغنى عن حد من ولادها بالسهوله دى ...مش عارفه والله ايه ده........ماما....ماما...انتى روحتى فين

امل وفاقت من شرودها وتجفف الدموع التى نزلت من عينيها: هاا...لا يا حبيبتى انا معاكى اهو

مانويلا: انتى بتعيطى ياماما للدرجه دى وعد صعبانه عليكى ...يا حبيبتى ياماما طول عمرك حنينه يا حبيبتى...وتحتضن والدتها

امل وهى ف حضن بنتها وتقول لنفسها: اااااه يا مانويلا اااااه لو تعرفي اللي فيها اه لو تعرفي ان ليكى اخ علي وش الدنيا ...بس لا..مش لازم تعرفي حاجه مش لازم..اصلك لو عرفتى هتكرهينى يا بنتى ..هتكرهى امك الحنينه اللي اتخلت عن اخوكى بكل سهوله عشان نفسها ..ااااه يااارب يااارب



وياتى احمد من الخارج

احمد: الله..الله..انا شكلي جيت ف وقت مش مناسب الف وارجع تانى بقي

وتجرى مانويلا علي والدها: بابا حبيبي..وحشتنى

احمد: يلا يا بكاشه ايه لحقت اوحشك احنا مش متعشيين مع بعض امبارح

مانويلا: انت بتوحشنى وانت معايا يا حبيبي

امل: الله ..الله..اظاهر انا اللي بقيت عزول بقي لا ياست مانويلا انا كدا هبدا اغير علي جوزى حبيبي

احمد: وانا مااقدرش ابدا يا حبيبتى...دا انت حبيبي وبس

مانويلا: احم احم..نحن هنا ايه يا جماعه نتوزع ولا ايه احنا عندنا نظر برضو

امل: هههههه بنتك دى يا احمد عليها لماضه

احمد: انتى هتقوليلي طلعالي هههههه

وتدخل داده كريمه الغدا جاهز يا ولاد

امل: اوك يا داده جايين اهو.....يلا بقي عشان ناكل انا همووت من الجوع

ويذهبو جميعا ليتناولو الغداء

مانويلا: بابا يا حبيبي ياروح قلبي يا عمرى كله

امل: اااه استلم بقي يا احمد طالما بداتها بالاسطوانه دى يبقي ليها طلب

احمد: ااه انتى هتقوليلي...خير يا مانويلا يا حبيبتى عاوزه ايه

مانويلا: تؤتؤ كدا علي طول ظالمينى انا طوول عمرى مظلومه يانى يلا مش مشكله

احمد: ايوه مانا عارف بس هاتى من الاخر برضو عاوزه ايه

مانويلا: امممم....عربيه

امل: عربيه!! لا طبعا انتى لسه صغيره

مانويلا: هو ايه اللي لسه صغيره انا لسالي سنه وادخل الجامعه يبقي صغيره ازاى بس

احمد: اهدى يا مانويلا خلاص يا امل ...بصي يا مانويلا انتى عاوزه عربيه

مانويلا: ااه يابابا عشان خاطرى

احمد: اوك..انجحى انتى وهاتى مجموع كويس يدخلك الكليه اللي انتى عاوزاها والعربيه هتبقي هديه النجاح وتروحى بيها اول يوم جامعه ايه رايك بقي ياستى

وتقوم مانويلا من مكانها وتذهب لوالدها وتضع قبله علي وجنتيه: يا حبيبي يابابا ربنا يخليك ليا يارب

امل: اه انا بقي اللي بقيت وحشه ف الاخر مش كدا

مانويلا: واحنا نقدر برضو نقول كدا..دا انتى الحب كله..وتذهب لها وتضع قبله علي وجنتى امل

احمد: البت دى بكاشه اووى هههههه

امل: هههه انتى هتقولي دى بنتى

مانويلا: برضو مش بقولكو مظلووومه ياااانى



وتعدى الايام وتبدا السنه الدراسيه

ويدخل سيف1 جامعه كليه الهندسه وتدخل مانويلا الثانويه العامه وتمر الشهور بسرعه البرق وتظهر النتيجه بنجاح سيف بتقدير امتياز ومانويلا 98%

احمد: مبرووك يا مانويلا يا حبيبتى وعدتينى ووفيتى بوعدك

مانويلا: طبعا يا حبيبي

امل: مبرووك يا حبيبتى الف مبروك

مانويلا : الله يبارك فيكى يا حبيبتى

احمد: وزى ماوفيتى بوعدك معايا انا كمان هوفي بوعدى معاكى..ويخرج من جيبه مفاتيح سياره جديده

مانويلا باندهااش: اييه ده!! انت جبت العربيه يابابا مش مصدقه ...وتجرى عليه وتحتضنه....يا حبيبي يابابا

احمد: حبيبتى انتى تطلبي حاجه وانا ما اجبهاش

مانويلا: طب عرفت ازاى انى هجيب مجموع كبير وانت اصلا جبتها امته انا ماشوفتهاش

احمد: انا كنت متاكد انك قدها وقدود فانا روحت اخترت الموديل واللون الاحمر اللي انتى عاوزاهم وجبتها ودخلتها الجراج

مانويلا بسعاده: حبيبي يابابا بجد انا بحبك اووى ربنا مايحرمنيش منك ابدا

احمد: ولا منك يا حبيبتى

امل: وهتدخلي كليه ايه بقي يا مانويلا

مانويلا: هندسه ان شاء الله



عند سيف ف المنزل

مصطفي: مبروك يا حبيبي الف مبرووك

سيف: الله يبارك فيك يابابا

سها: حبيبي ياسيف مبروك ياقلبي

سيف: الله يبارك فيكى ياماما كله بدعائك يا حبيبتى

سها: وبمجهودك كمان يا حبيبي

مصطفي: قولي بقي يا بطل عاوز هديتك تبقي ايه بقي

سيف: هديتى رضاكو عليا مش عاوز اكتر من كدا

ويبتسم مصطفي: ربنا يبارك فيك يابنى



وتعدى الاجازه سريعه وياتى اول يوم جامعه ويذهب سيف بسيارته الي الجامعه وتذهب مانويلا بالسياره الجديده

وتوصل مانويلا وتقف بسيارتها امام بوابه الجامعه وفجاه ياتى من خلفها شخص ويخبط سيارتها من الوراء

وتشهق مانويلا: ايه ده .عاااااااا لااا العربيه ...يخربيتك يا اعمى..والله لانزلك

وتنزل مانويلا من السياره: انت يابنى ادم انت...انت ايه اعمى مش تفتح حرام عليك العربيه لسه جديده..وكادت ان تبكى مثل الاطفال

وينزل الشخص من السياره: انا اسف يا انسه بجد ماكنتش اقصد

وفجاه يقف الاثنان ولو ينطقا بكلمه واحده وكلا منهما سرحا ف جمال الاخر

وتفيق مانويلا من سرحانها: هاا وانا...انا هعمل ايه باسف دى يعنى

الشخص: خلاص انا هاخدها اصلحها علي حسابي

مانويلا لتهرب من امام عينيه الساحره: خلاص خلاص حصل خير انا مش هقبل العوض يعنى خلاص بعد اذنك

وتهرب من امامه وهى متوتره

وياتى من بعيد شخص ينادى عليه: هو ف ايه ياسيف ومين دى

سيف بشرود: مش عاارف...غريبه اووى



وتدخل مانويلا الجامعه وتقابل اصدقائها ( وعد..شروق..تاره) وهم اصرو علي دخول كليه الهندسه ليبقو سويا

وتدخل عليهم وهى شارده: اذيكو يابنات

وعد: اذيك يا مانويلا اتاخرتى كدا ليه يا بنتى

وتجلس مانويلا وتظل شارده ولم ترد

شروق: مانويلا وعد بتكلمك

وعد: هييييييييه مانويلااا مالك

وتفوق مانويلا من شرودها: هاااااا..ايه يا وعد خضتينى

وعد: خضيتك!!..احنا بقالنا ساعه بنكلمك مالك ف ايه

مانويلا بسرحان: غريب اووى

تاره باستغراب: هو مين ده اللي غريب؟؟

مانويلا: ها..لا ولا حاجه...المهم هنعمل ايه...النهارده اول يوم

شروق: علينا محاضره كمان نص ساعه وبعدها سكشن واحد بس

مانويلا: يااه..بس كدا

تاره: ايوه ماهو خفيف كدا عشان اول يوم انما بعد كدا هنتنفخ

مانويلا: هههههه علي رايك



ويدخل سيف الجامعه ويقابل اصدقاؤه ويجلسو ف مكان قريب نوعا ما من مانويلا واصدقائها

سيف: والله وحشتونى يا ولاد كدا مانشوفش بعض ف الاجازه

زياد: ياسيدى واهى الاجازه خلصت بسرعه اهى ورجعنا تااانى نشوف الوشوش دى

سيف: ههههه ماشي ياعم

عبدالله: سيف...هى مش دى البنت اللي انت كنت بتتخانق معاها بره ...ويشاور علي مانويلا

وينظر سيف ناحيتها ويبتسم: ايوه هى

زياد: وانت كنت بتتخانق معاها ليه بقي

سيف: مافيش خبطلها عربيتها من غير قصد ونزلت اتخانقت معايا وكان لسه شويه وهتعيط زى الاطفال

زياد: هههههه للدرجه دى....بس بصراحه البنت جميله اووى هو ف كدا يا جدع دا كفايه شعرها لوحده

ويمتقع وجه سيف: زياد اظن دى مش طريقتنا اننا نتكلم علي واحده بنت

زياد: خلاص يا عم عديها...بس هى اسمها ايه

سيف: مااعرفش...وسيبك منها بقي ممكن

زياد: ممكن

عبدالله: احنا المحاضره بتاعتنا هتبدا كمان ساعه وانا جعان حد عاوزنى اجبله سندوتشات معايا

سيف: لا ياعم خليك انا عازمكو بس يارب يتمر

زياد: يا سييف يا جااامد ...تمام يا معلم وخليه يتوصي بالكاتشب بقي يامعلم

سيف: ماشي يا اخويا



عند مانويلا

مانويلا: يا بنات انا مافطرتش وجعانه حد يقوم يجبلنا سندوتشات

وعد: انا رجلي وجعانى شوفي تاره ولا شروق

شروق: شروق!!..شروق ايه.. شروق لسه ماتعرفش حاجه هنا وهتوه

تاره: هههههه يلا يا تايهه.....وانا مش قايمه يبقي مافيش غيرك يا مانويلا يا حبيبتى

مانويلا: بقت هى كدا يعنى مااااااشي هقوم انا...بس ماترجعوش تزعلو بعد كدا بقي

وتتركهم مانويلا وتذهب للكافتيريا وف نفس الوقت يذهب سيف هناك لاحضار السندوتشات

مانويلا: لو سمحت 3 جبنه رومى و1 شاورما و3 شاى و1 بيبسي....وتضع يدها علي فمها وتضحك علي ماتفعله ف اصدقائها

وياتى سيف

سيف: لو سمحت 3 شاورما و3 بيبسي...وينظر يجد مانويلا واقفه

سيف: احم..يا انسه

وتتنظر له مانويلا وهى تتماسك امامه: ايوه

سيف: انا بجد اسف فعلا ماكنتش اقصد

مانويلا: وانا قولتلك حصل خير خلاص

سيف: يعنى مش زعلانه

وتبتسم مانويلا: لا مش زعلانه

سيف: طيب هو حضرتك اسمك ايه

مانويلا: لازم يعنى

سيف: لو مش عاوزه خلاص

مانويلا: لا مافيش مشكله..اسمى مانويلا

سيف: مانويلا!! ...اسمك حلو اوى اول مره اسمعه

مانويلا: مرسي

سيف: انا بقي اسمى......ولم يكمل سيف جملته ...ويسمع عامل الكافتيريا....السندوتشات يا انسه

مانويلا: شكرا....بعد اذنك

سيف: اتفضلي

وتتركه مانويلا وتذهب لاصدقائها وهو ياخذ السندوتشات ويذهب لاصحابه

مانويلا تاخذ سانوتش الشاورما وتترك لهم باقي السنوتشات

مانويلا: اتفضلو يا حبايبي بالف هنا

البنات: هييييييييه هاتى هنموت من الجوع

وعد وبدات تاكل: امم....ايه ده ..جبنه رومى يا مانويلا

تاره: ايه ده وانا كمان جبنه رومى

شروق: وانا كمان عااااااا

مانويلا وتاكل: اممممم الشاورما تحفه يابنات ولا البيبيسي واااو .امممم تاخدو تاخدو ههههههه

وعد: ايه ده يا مانويلا انتى جاببه ليكى شاورما وبيبيسي واحنا جبنه رومى وشاى

مانويلا: انا قلتلكو محدش عبر وروحت انا..اشربو بقي ههههه

تاره: ماشي يا مانويلا مش مسامحينك

شروق: حسبي الله ونعم الوكيل

مانويلا: ههههههه..وتخرج لهم لسانها



عند سيف

سيف: خدو يلا علي الله يتمر

زياد: هات يا كبير مانتحرمش ابدا ..ها اتوصيت بالكاتشب

سيف: اه يا اخويا كل بقي

عبدالله: تسلم يامعلم.....وبداو ياكلو وسيف شارد ف مانويلا.......( مانويلا ...اسمك مانويلا...اسمك حلو اووى)

زياد: ماالك ياسيف اللي واخد عقلك

سيف: هاا...ياعم مافيش انجزو بس عشان المحاضره



وتعدى الايام وف يوم من الايام تخرج مانويلا واصدقائها من المحاضره

مانويلا: انا مش فاهمه حاجه ف اى حاجه النهارده

وعد: ولا انا والله يا مانويلا

شروق: تصدقو ولا انا الدكتور ده بيقلبنا باين

تاره وتعدل لياقه قميصها بغرور مصطنع: احم احم انا بقي

مانويلا: ايه انتى اللي فاهمه فينى يعنى

تاره: طبعا يا ماما انا فضلت مركزه مركزه مركزه انى افهم حاجه مافهمتش حاجه خاالص هههههه

البنات: هههههههه

مانويلا: طب هنعمل ايه دلوقت

وعد: ف ولد هنا ف سنه 2 بيطلع الاول وبيقولو ممتااز جدا واى حد من سنه 1 بتقف عليه حاجه بيروحله وهو بيشرحهاله وحتى سنه 2 كمان بيروحوله..ايه رايكم نروحله

مانويلا: طب واسمه ايه بقي

وعد: اسمه..امممم..نسيت

تاره: لالا انا افتكرت اسمه سيف مصطفي

مانويلا: اوك يلا بينا

ويذهبو جميعا لسيف

وعد: حضرتك استاذ سيف مصطفي

سيف: ايوه انا

وينظر يجد مانويلا وهى تتفاجئ به

سيف: انسه مانويلا

مانويلا: انت سيف!!





الفصل السادس

ويذهبو جميعا لسيف

وعد: حضرتك استاذ سيف

سيف: ايوه انا

وينظر يجد مانويلا وهى تتفاجئ به

سيف: انسه مانويلا

مانويلا: انت سيف!!

وعد: ايه يا مانويلا انتو تعرفو بعض ولا ايه

مانويلا: ها..لا ابدا

تاره: اومال هو يعرف اسمك منين

سيف: يا جماعه بسيطه اصل انا والانسه اتخانقنا مع بعض اول يوم ف الجامعه فالبتالي عرفت اسمها يعنى

وتنظر له مانويلا وتبتسم نعم فهى معجبه به من اول لقاء بينهما

وعد: طيب يا استاذ سيف ف حاجات واقفه علينا مش فاهمينها وانت اكيد عارف شرح الدكاتره عامل ازاى فاممكن يعنى تشرحهلنا انت

سيف: اكييد طبعا..اتفضلو



وجلسو جميعا حول سيف ولحسن الحظ تجلس مانويلا بجانبه مباشره

ويعدى الوقت وهو يشرح لهم والجميع مركز معه

سيف: اظن كدا فهمتوها ولا ايه

وعد: ياااه ماتعرفش انت شرحك بسيط وجميل ازاى انا فهمتها منك عن الدكتور

شروق: اه فعلا انا فهمتها الحمدلله

تاره: وانا كمان

وينظر لمانويلا: وانتى يا انسه مانويلا

مانويلا: اكيد طبعا فهمتها...ولو مش هيدايقك عندى حاجه كمان مش فاهماها ممكن تشرحهالي

وعد: مانويلا احنا لسه هنقعد خليها وقت تانى بقي

مانويلا: مانا مش هقوم الا اما افهمها يا وعد الدكتور عملنا امتحان بكره وممكن يجبها

شروق : طيب هنمشي احنا بقي

مانويلا: وهتسبوونى لوحدى

تاره: القطه مش هتاكلك يعنى ..سلاام

ويغادرو المكان ويتركو سيف مع مانويلا

مانويلا: انا اسفه يا استاذ سيف انى بتعبك بس بجد مش فاهماها وممكن تيجي بكره ف الامتحان

سيف مبتسم: تعبك راحه...بس ممكن نشيل الالقاب دى قوليلي سيف ولو مايدايقكيش اقولك مانويلا ..ممكن

مانويلا مبتسمه: ممكن...ممكن تشرحهالي بقي

سيف: اوك

ويعدى الوقت

مانويلا: ياااااه بجد انت تنفع تقف مكان الدكتور...دا طلع مابيفهمش حاجه بجد

سيف: هههه شكرا علي المجامله دى ياستى

مانويلا: مش مجامله والله بجد انت شرحك بسيط وبيحبب الواحد ف الماده

سيف: الحمدلله.....لو وقفت عليكى اى حاجه ف اى وقت ياريت ماتتردديش وتيجى ع طوول

مانويلا مبتسمه: اكيد......هو انا ممكن اسالك سؤال بس ماتتريقش عليا..اصل انا عندى فضوول رهيب ومعروف عنى كدا بصراحه

سيف: امممم وانا هرضي فضولك اسالي ياستى

مانويلا: امممم هى عينك دى طبيعى ولا لينسز

سيف: ههههههههههه....بتسالي ليه

مانويلا: اصلها مش طبيعيه الصراحه

سيف: هههههههههههه

مانويلا: انت بتضحك علي ايه ...مش قولتلك ماتتريقش عليا

سيف: اصل بصراحه انا كمان عندى فضول وكنت لسه هسالك نفس السؤال بس انتى سبقتينى ههههههه

مانويلا: بجد

سيف: اه والله

مانويلا: امممممم ماشي اه عنيا طبيعى اصل انا واخده عيون بابا زرقا لون السما

سيف: وانا كمان طبيعي اصل برضو واخد عيون بابا خضره لون الشجر ههههههه

مانويلا: هههه ماااشي

سيف: صلحتى عربيتك

مانويلا: ماتفكرنيش ....ايوه صلحتها

سيف: انا بجد ماكنتش اقصد...وبلوم نفسي لحد دلوقتى

مانويلا: خلاص الموضوع خلص من زمان.......وتنظر ف ساعتها..يااه انا اتاخرت الوقت سرقنا خالص انا هقوم امشي بقي

سيف: تصدقي اه...انا كمان فعلا ماحستش بالوقت

مانويلا: طيب انا ماشيه بقي

سيف: اوك...خلي بالك من نفسك

وتنظر له مانويلا باستغراب....وبعدها تبتسم: اوك...وانت كمان..سلام

سيف مبتسم: مع السلامه



وتذهب مانويلا الي منزلها وهى داخله تغنى

وتجد امل امامها: حبيبتى يا اموله وحشتيينى

امل: وانتى كمان..بس ايه الروقان ده كله وداخله تغنى كمان

مانويلا: الله!! تدايقى اما تكون بنتك حبيبتك مبصوته

امل: لا ابدا بس مش بعاده يعنى تدخلي تغنى كدا ...دا باين الموضوع كبير اووى

مانويلا: لا ابدا ولا كبير ولا حاجه ...كل الحكايه اننا ماكناش فاهمين محاضره النهارده فاجمعنا بعضنا وروحنا لطالب ف سنه 2 ممتاز وبيطلع الاول واى حد واقفه عليه حاجه بيروحله فاهو شرحلنا المحاضره..لان علينا امتحان بكره وكنا شايلين همها بصراحه لو جابلنا منها حاجه...فهمتى بقي

امل: اممم بس كدا

مانويلا: ااه بس كدا

امل: طيب ماشي يلا ادخلي خدى شاور وصلي العصر علي بال ما بابا يجى ونتغدى كلنا سوا

مانويلا: اوك يا حبيبتى..امواااه

امل: ههههه بكااشه

وتذهب مانويلا وبعدها بقليل ياتى احمد ويجتمعو علي السفره لتناول الغداء

احمد: ها يا مانويلا يا حبيبتى عامله ايه ف الكليه

مانويلا: صعبه جدا يابابا والله ..ادعيلي

احمد: ربنا معاكى يا حبيبتى ويعينك

امل: ربنا ينجحك يا حبيبتى يااارب

مانويلا: ياااااارب



عند سيف ف المنزل

علي سفره العشاء

مصطفي: اممم تسلم ايدك ياسها الاكل يجنن

سها: تسلملي يا مصطفي بالف هنا وشفا

وكان سيف شاردا بذهنه ف مانويلا وكان يعبث ف طبقه ولا ياكل

مصطفي: ايه ياسيف مابتاكلش ليه

سيف:................

سها: سيف بابا بيكلمك

سيف: هااا...ايه ياماما بتقولي حاجه

مصطفي: لالا انت مش معانا خاالص اللي واخد عقلك يا باشمهندس

سيف: مافيش يا حبيبي..انا باكل اهو

سها: اومال مالك يا حبيبي

سيف: مافيش يا ماما حاجه انا بس الدراسه واخده كل تفكيري مش اكتر

سها: ربنا يحققلك كل اللي بتتمناه يا حبيبي

سيف: يااارب يا حبيبتى

مصطفي: صحيح يا سيف ف حفله معموله تبع الشغل عندى عشان الثفقه الجديده وكنت عاوزك تيجى معايا انت وسها

سها: لا انا ماليش ف جو الحفلات ده خد سيف وروح

مصطفي: ايه رايك ياسيف

سيف: اوك يابابا



وبعد يومين عند مانويلا

احمد: امل اومال مانويلا فين

امل: فوق عاوزها ف حاجه

احمد: ايوه كنت عاوز اقولها علي الحفله عشان تعمل حسابها وانتى كمان تعملي حسابك

امل:حفله ايه؟؟

احمد: حفله كدا تبع واحد معرفه اسمه شريف الهوارى وعزمنى وقالي هات المدام ومانويلا

امل: اوك ماعنديش مانع

احمد: اوك هقول لمانويلا بقي ...وينادى عليا..مانويلا ..يا مانويلا

زتنزل مانويلا علي الدرج ...ايوه يابابا

احمد: تعالي يا حبيبتى........ف حفله معزومين عليا بكره عاوزك تيجى معانا

مانويلا بفرحه: حفله...طبعا جايه هى امته بالظبط

احمد: بكره الساعه 8 افوت عليكم تكونو جاهزين ..اوك

امل ومانويلا : اوك



وياتى تانى يوم وتكون مانويلا مستعده هى وامل وتاتى الساعه الثامنه

وياتى احمد لياخذهم

احمد: وااو انا بنتى القمر ده

مانويلا: ههههه ماتكثفنيش بقي ياسي بابا

كانت مانويلا ترتدى فستان سواريه طويل وله زيل طويلويكون باللون الاحمر وتطرق لشعرها العنان يصل لاسفل ظهرها وكانت تضع القليل من مساحيق التجميل فهى لا تحتاج فكانت متل القمر وتسحر كل من يراها

امل: يعنى مانويلا بس اللي قمر وانا لا

احمد: لا طبعا ماهو القمر ده هو اللي جاب القمر ده ولا اييه

امل : هههههه ماشي..وفجاه تضع امل يدها علي راسها..ااه

احمد: مالك يا امل فيكى ايه

امل: صداع جالي فجاه يا احمد

مانويلا: ماما انتى تعبانه اووى

امل: لا ياحبيبتى دا صداع ...بقولك يا احمد الحفله اكيد هيبقي فيها مزيكا وناس وهيصه وشكلي كدا مش هستحمل الدوشه روحو انتو وانا هاخد اسبرين وابقي كويسه

احمد: متاكده

امل : ايوه روحو انتو بقي.......


ويذهبو للحفله ...وبعد وقت قليل تمل مانويلا من هذا الجو وتخرج لتشتم الهواء ف الجنينه..وهى تتمشي يظهر امامها شخص

الشخص: هااى

مانويلا: ف حاجه حضرتك

الشخص: حابب نتعرف انا..عمر شريف الهوارى ابن صاحب الحفله

مانويلا: اوك...بعد اذنك

عمر ويمسك يدها : راحه فين بس احنا لسه ماخلصناش كلامنا اسمك ايه بقي

مانويلا بعصبيه خفيفه: ايه اللي انت بتعمله ده يابنى ادم انت ...انت اتجننت.........وفجاه يظهر امامها شخص اخر ويمسك عمر من يده وتنظر له مانويلا وتندهش:.....سيف!!







الفصل السابع

وتمل مانويلا من جو الحفله وتخرج لتشتم الهواء ف الجنينه وهى تتمشي يظهر امامها شخص

الشخص: هاى

مانويلا: ف حاجه حضرتك

الشخص: حابب نتعرف انا ياستى عمر..شريف الهوارى ابن صاحب الحفله

مانويلا: اوك .....بعد اذنك

عمر ويمسك يدها: ايه راحه فين بس احنا لسه ماخلصناش كلامنا

مانويلا بعصبيه خفيفه: ايه اللي انت بتعمله ده انت اتجننت............وفجاه يظهر لهم شخص ويمسك عمر من يده

الشخص: عمرر..مانويلا ..لا

وتنظر مانويلا وله وتندهش: ......سيف!!

سيف: ايوه سيف يا مانويلا

مانويلا: انت هنا بتعمل ايه؟؟



عمر: الله..الله..دا انتو طلعتو تعرفو بعض اهو اومال بقولك نتعرف عملتيلي فيها 10 رجاله ف بعض ليه

سيف ويمسك عمر من لياقه قميصه: عمررر..قلتلك مانويلا بلااااش اعمل حركاتك دى علي اى واحده الا مانويلا انت فاااهم

عمر: اييه ياعم سيف مالك ف ايه انت هتتخانق معايا عشان واحده

سيف: واقتلك ياعمر لو تفكر تقرب منها او تلمس شعره منها

مانويلا: خلاص ياسيف ارجوك

عمرر: لا دا اظاهر الموضووع كبير اووى وانا مش عارف

سيف: لا كبير ولا غيره يا عمر انا قولت اللي عندى وانت حر

وياتى لهم العامل: عمر بيه شريف باشا عاوزك دلوقتى

عمر: اوك..جاى حالا

ويذهب العامل

عمر: انا رايح اشوف بابا عاوز ايه بس لينا قاعده تانيه مع بعض يلا enjoy بقي ههههه

ويتركهم ويذهب

سيف: انا اسف يا مانويلا من اللي حصل

مانويلا: وانت زنبك ايه ياسيف ف كل ده هو اللي بنى ادم مش محترم ...بس انت عرفت مكانا ازاى

سيف: انا كنت جوه ف الحفله وانا مابحبش جو الحفلات اووى فاخرجت اتمشي ف الجنينه وشوفتك وشوفت عمر وهو بيغلس عليكى ماقدرتش امسك نفسي وجتله ع طوول

مانويلا: هو انت هنا بتعمل ايه اصلا

سيف: بابا واونكل شريف شركا مع بعض ودى حفله عشان الشغل الجديد

مانويلا: اممممم

سيف: طيب وانتى بتعملي ايه هنا انا اتفجئت بيكى اصلا

مانويلا مبتسمه: ومفاجاه حلوه ولا.....

سيف: ماتكمليش ..طبعا حلوه وحلوه اوووى كمان....بس قوليلي انتى جايه مع مين

مانويلا: جايه مع بابا وهو واونكل شريف ده معرفه باين...انا اصلا مااعرفش صحاب بابا ولا معارفه بس هو عرض عليا اجى معاه فاجيت

سيف: تصدقي خير ما عمل عشان اشوفك النهارده

مانويلا: بجد

سيف: طبعا بجد

مانويلا بابتسامه: مااشي



داخل الحفله

شريف الهوارى: ايه رايك ف الحفله يا مصطفي

مصطفي: مافيش احلي من كدا ياشريف..ربنا معانا ويوفقنا ف الشغل الجديد بقي

شريف: يارب يا مصطفي......وتاتى له ..امايا..بنت اخوه

امايا: عمو شريف

شريف: تعالي يا امايا ف حاجه يا حبيبتى

امايا: اومال عمر فين

شريف: مش عارف كان واقف معايا دلوقتى بصي دورى عليه ف الحفله وانتى هتلاقيه

امايا: اوك

وتذهب وتبحث عنه بقلبها قبل عيونها وبعد وقت كبير تجده يقف مع بنتين يضحك ويهرج فتشعلل نار الغيره ف قلبها وتذهب له

امايا: عمر

عمر: ايه يا امايا عاوزه ايه

امايا: عاوزاك لو سمحت ممكن

عمر بذهق: اوك يا امايا...طيب يابنات بعد اذنكو ثوانى...وياخذ امايا ويذهب بعيدا عن البنات

عمر: خير يا امايا عاوزه ايه

امايا: ايه يا عمر اللي موقفك مع البنات دول

عمر: ايه يا امايا انتى هتقوليلي اقف مع مين وما اقفش مع مين

امايا: يا عمر انا مااقصدش انا هنا من اول الحفله مابدات وماشوفتكش خالص غير دلوقت

عمر: يعنى انتى عاوزانى اعملك ايه يعنى دلوقتى

امايا: عاوزاك تقف معايا بدل مانا لوحدى

عمر: يعنى عاوزانى اسيب الحفله والناس واقف معاكى..اوك يا امايا ادينى واقف اهو

امايا بحزن وخيبه امل: واضح انك واقف معايا وعينك مش فيك...امشي ياعمر..روح للي كنت واقف معاهم.........امشي

انتهز عمر الفرصه: طيب يا امايا انا هروح اشوف الناس دى واجيلك تانى

ويتركها وحدها ويذهب......... وتحبس امايا دموعها ......وتذهب الي الحمام وهنا تترك لدموعها المحبوسه العنان

امايا لنفسها: ااه يا قلبي ياللي زالل نفسك...ليه كدا يا امايا تعملي ف نفسك كدا انتى بتحبيه بس هو لا..انتى مش ف دماغه عمر ما بيحبكيش

قلبها: لا عمر كان بيحبنى زمان بس اتغير ..بس انا لسه بحبه المهم انى بحبه وخلاص

عقلها: وهو دا ينفع انك تحبي واحد مابيحبكيش ومش عاوزك ..فوقي بقي فوووقي

قلبها: مش قادره انساه او احب غير مش قادره

عقلها: لا لازم تقدرى لازم لازم

قلبها: مش قادره مش قادره

امايا بصوت عالي من صراع قلبها وعقلها: كفايه كفايه حرام عليكو كفااايه

وف نفس اللحظه تدخل مانويلا الحمام لتظبيط الميكب..وتدخل علي الصوت وتنتفض من منظر امايا والكحل سايل علي وجهها ومنهاره من البكاء

مانويلا: ايه ده!! انتى كويسه...فيكى ايه مالك

امايا ببكاء: مافيش ...مافيش

مانويلا: طب اهدى طيب ممكن تبطلي عياط...تعالي اغسلي وشك ده

وتطاوعها امايا وتغسل وجهها وتهدا

مانويلا: ها هديتى خلاص

وتنظر لها امايا: اه خلااص

مانويلا: طيب الحمدلله....انتى اسمك ايه بقي

امايا: اسمى امايا..وانتى

مانويلا: اسمى مانويلا

امايا: انتى جميله اووى يا مانويلا

مانويلا: مش اجمل منك علي فكره داانتى زى القمر

نسيت اوصفلكو امايا (بشره بيضاء...عيون عسليه...شعر بنى قصير...وجسم رشيق)

مانويلا: بس خساره القمر ده يعيط بالطريقه دى اقولك حاجه محدش يستاهل دموعك دى ابدا

امايا وبدات الدموع تنهمر منها: اعمل ايه غصب عنى والله ..انا...وظلت تبكى

مانويلا: طيب ممكن تبطلي عياط عشان نعرف نتكلم ...انتى ف سنه كام صحيح

امايا وتمسح دموعها: انا ثانويه عامه هدخل الجامعه السنه الجايه ان شاء الله

مانويلا: امممم ونفسك تدخلي كليه ايه بقي

امايا بابتسامه: هندسه عشان اكون معاه

مانويلا: اممممممم قولتلي هى الحكايه كدا بعيدا عن كل ده انا ف 1 هندسه

امايا: بجد

مانويلا: ايوون...بس سيبك انتى وقوليلي بتحبيه

امايا بدموع: عمرى ماحبيت حد زيه ولا هحب حد زيه انا اتولدت لقيته قدامى كبرنا مع بعض وحبينا بعض اووى بس هو اتغير من نحيتى مش عارفه ليه بس انا لسه زى مانا بحبه اووى

مانويلا: وتفتكرى اللي يخليكى تعيطى بالشكل ده يبقي يستاهل حبك يا امايا

امايا بددموع كالشلال: لا مايستاهلش بس الحب ده مش بايدينا قلبي هو اللي متحكم فيا انا حاسه انى بذل نفسي له انا حاولت كتير انساه بس مش قادره مش قادره بجد...وتظل تبكى بحرقه

مانويلا وتصعب عليها امايا: طيب اهدى اهدى...وانتى تعرفيه منين

امايا: هو يبقي ابن عمى اصلا..موجود ف الحفله هنا كمان

مانويلا: ابن عمك وعامل فيكى كل ده...والله يا بنتى انتى جوهره وخساره حبك ليه وهو مش حاسس بيكى

امايا: نفسي يرجع يحبنى زى زمان نفسي

مانويلا بتنهيده: مش عارفه اقولك ايه بجد

امايا وتمسح دموعها: اقولك انا...انا مبصوته انى اتعرفت عليكى اووى وشوفتك النهارده

مانويلا: وانا كمان يا حبيبتى والله حاسه انى اعرفك من زمان

امايا : ممكن ماتسبنيش انا ارتحت معاكى ف الكلام اووى عاوزه نتكلم ع طوول ممكن نكون صحاب

مانويلا : من غير ماتقولي انا كنت هطلب كدا هاتى رقم الفون بتاعك.....وبدلو ارقامهم سويا وخرجو للحفله

امايا وتشاور علي عمر: اهو هو ده عمر يا مانويلا

مانويلا: وتنظر له: ايييه هو ده ابن عمك!!

امايا: ايوه هو ده

مانويلا: انا قولت فعلا انه مايستهلكيش يا امايا

امايا: انتى تعرفيه؟؟

مانويلا: لسه من شويه صغيره

امايا: انا عارفه ان اسلوبه وحش مع ناس كتير وبتاع بنات بس اعمل ايه غصب عنى

مانويلا: فعلا مشكلتنا انه بيبقي غصب عننا

ويلمح عمر مانويلا تقف بجانب امايا ويذهب لهم

عمر: امايا مالك شكلك معيط

امايا: لا معيطه ولا حاجه

مانويلا: امايا انا هروح لبابا بقي عشان نمشي لانى اتاخرت

عمر: ايه هى اذا حضرت الشياطين ولا ايه

مانويلا: مش هرد عليك علي فكره....باي يا امايا

امايا: باى يا حبيبتى............ايه يا عمر رايح فين

عمر: ها..ماشي

امايا: ليه ماتخليك

عمر: هشوف بابا عاوز ايه واجيلك ..باى

امايا بسخريه: بااى



وتذهب مانويلا لوالدها

مانويلا: بابا..يلا بقي عشان زهقت

احمد: اوك يا حبيبتى هسلم علي عمك شريف ونمشي

مانويلا: اوك....انا ف الجنينه

وتذهب للجنينه وتجد سيف يجلس علي الاورجيحه ويشاهد النجوم وهو شارد

وتقترب منه مانويلا ببطئ: اسمها ايه بقي

ويفيق سيف من سرحانه علي صوت مانويلا

سيف مبتسم: عاوزه تعرفي اسمها

ويمتقع وجه مانويلا لانه بالفعل يفكر ف بنت ما

مانويلا بغضب مكتوم: يعنى فعلا ف واحده بتفكر فيها

سيف: ايووون

مانويلا: اممم يا بختها لاقيه حد يفكر فيها...طب اسمها ايه بقي

سيف: امم انا ممكن اوصفهالك..ايه رايك

مانويلا بغضب: هو احنا هنقول فوازير...وبعدها تهدا...علي العموم ماشي اوصف

ويقوم سيف من مكانه وبدا يلتف حول مانويلا ويقول: هى بيضه...اممم وشعرها لونه اسود وطوييل

مانويلا بغضب: هاا..كمل

سيف ينظر لها ويبتسم ابتسامته الجذابه: وعنيها زرقا لون السما

مانويلا ولانت بعض الشئ وبدا عليا الهدوء: زرقا لون السما

سيف: اقولك اسمها بقي

مانويلا بقلق: قوول

سيف: اسمها...........مانويلا

مانويلا متفاجئه: سيف

سيف: ايوه يا مانويلا...انا بحبك






الفصل الثامن

مانويلا متفاجئه:سيف

سيف: ايوه يا مانويلا...انا بحبك

مانويلا غير مصدقه وسعيده ف نفس الوقت: سيف انا.....

سيف: ماتكمليش الا اما اقولك كل اللي جوايا

مانويلا: قول ياسيف قوول

سيف: من اول مره شوفتك فيها خطفتينى..اه بجد..خطفتنى كل حاجه فيكى برائتك روحك الحلوه وعنيكى اللي زرقا لون السما

مانويلا بابتسامه: وايه كمان

سيف: حسيت احساس اول مره احسه ف حياتى بس اما بقيت افكر فيكى كتيير وبقيتى شاغله كل تفكيري عرفت ايه الاحساس ده

مانويلا: ايه هو؟



سيف: الحب..عرفت انى بحبك يامانويلا....انتى تعرفي انا لما شوفت عمر بيغلس عليكى ولما لقيته مسك ايدك انا كنت عاوز اقتله بجد...

مانويلا: ياااه للدرجه دى يا سيف

سيف: واكتر يا مانويلا....انا اول مره احب حد كدا بجد

مانويلا وتستجمع قوتها: وانا كمان ياسيف

سيف: انتى كمان ايه

مانويلا: احم...انا كمان اول مره احب حد كدا بجد

سيف : مانويلا انتى.......

مانويلا: ايوووووه انت لسه مافهمتش كل ده..ايوه بحبك ياسيف بحبك اووى من اول مره شفتك فيها وانا بحبك

سيف: انا مش مصدق نفسي بجد...ربنا حققلي اللي اتمنيته..الحمدلله ياارب

مانويلا: انا اللي كنت انت بتتمناها ياسيف

سيف: انتى مش حد تانى يا مانويلا

وتبتسم مانويلا والفرحه مش سيعاها: انا بجد خلاص مش عاوزه حاجه من الدنيا تانى انتى عندى دلوقتى بالدنيا كلها

سيف: وانتى كمان يا مانويلا ربنا يعلم انا بحبك وبخاف عليكى اد ايه

مانويلا بفرحه: ربنا يخليك ليا ياسيف

سيف مبتسم: ويخليكى ليا يا مانويلا

وبعدها يتكلمو كتير ف مواضيع مختلفه وبعد وقت قليل

مانويلا: طيب انا هدخل بقي عشان نروح لانى اتاخرت اووى

سيف: ادخلي انتى...انا بقي قاعد هنا شويه

مانويلا: هتقعد لوحدك

سيف: مين قالك انى هقعد لوحدى...انا قاعد مع القمر والنجووم وكفايه انك معايا بروحك وانى شايفك قدامى طول الوقت

مانويلا مبتسمه: مش لاقيه كلام اقوله.....

سيف: مش لازم تقولي كلام كفايه انى حاسه

مانويلا بتنهيده: طيب انا هدخل عشان امشي بقي...سلام

سيف: سلام



وتدخل مانويلا لوالدها

مانويلا: بابا مش يلا بقي نروح

احمد: اوك يا حبيبتى يلا....وكان يقف مع شريف الهوارى

شريف: ماشاء الله انتى مانويلا...كبرت يا احمد وبقت عروسه وكبرتك

احمد: لا يا عم كبرت اه لكن انا لسه زى مانا

شريف: هههه ايوه انت هتقولي...وانتى بتدرسي يا مانويلا

مانويلا: ايوه يا اونكل انا ف 1 هندسه

شريف: ماشاء الله انا عمر ابنى ف هندسه برضو بس سنه 2

مانويلا وتلوي شفتيها: اااه مانا عرفت........يلا بقي يابابا اتاخرنا

احمد: اوك....يلا ياشريف انا ماشي بقي

شريف: ماشي يا احمد ابقي خلينا نشوفك

ويغادر احمد ومانويلا الحفله ويعودو للمنزل

ويدخل احمد علي امل الغرفه: حبيبتى عامله ايه معلش اتاخرت عليكى يا امل

امل: لا يا حبيبي لا اتاخرت ولا حاجه المهم اتبسطو

احمد: اه الحمدلله...المهم انتى عامله ايه لسه تعبانه

امل: لا ياحبيبي بقيت كويسه خلاص.......دا كان صداع بسيط وراح الحمدلله

احمد: الحمدلله يا حبيبتى

وينظر لامل نظره ذات مغزى

امل: مالك يا احمد بتبصلي كدا ليه

احمد: مش عارف اصلك احلويتى علي الصداع اووى

امل: هههههههه ايه يا احمد اللي بتقوله ده....لا انا فهماك ع فكره

احمد: ومدام فهمانى بتتعبينى معاكى ليه.......وحشتينى بجد

امل: تصدق وانت كمان يا احمد والله

احمد: احم تعالي بقي اما اقولك كلمه ف ودنك

امل: ههههههههههههه



عند مانويلا تدخل غرفتها وتغير ملابسها وترتدى بيجامه مريحه وتتسطح علي السرير وتمسك بهاتفها وتجرى اتصال بوعد

وعد: الو...مانويلا

مانويلا: وعد...بتعملي ايه

وعد: ولا حاجه مستنياكى من بدرى عشان تحكيلي عملتى ايه ف الحفله

مانويلا بسرحان وسعاده: الحفله.........دا انا لو ماكنتش روحت الحفله دى كان يجرالي حاجه ...انا حصلتلي اجمل حاجه ف حياتى هناك ف الحفله

وعد: ايه بجد طب احكى ع طوول يلا ايه اللي حصل

مانويلا: شوفته......شوفته ياوعد....كان هناك ف الحفله

وعد: هو مين ده...استنى استنى..اوعى تقولي....سيف

مانويلا: ايووه هو سيف ياوعد كان هناك

وعد: بتهزرى!! وحصل ايه.......انطقي

مانويلا بسعاده: وعد....سيف طلع بيحبنى يا وعد زى مانا بحبه....اعترفلي بحبه النهارده...قالي كل حاجه كل حاجه

وعد بفرح: بجد يا مانويلا يعنى طلع بيحبك هو كمان.....

مانويلا: ايووه يا وعد بيحبنى اووى.......انا مش مصدقه نفسي بجد.......انا فرحانه اووى يا وعد

وعد: حبيبتى ربنا يفرحك ويسعدك دايما ياارب

مانويلا: انا وانتى ياقلبي سوا سوا



ويعود سيف ووالده للمنزل...ويدخل سيف ويبدو عليه الفرح والسعاده

سها: ها قولولي الحفله كانت حلوه

مصطفي: اه يا سها كانت تجنن

سيف بسرحان: هى كانت حلوه بعقل يا ماما دى كانت زى القمر

سها: هى مين دى اللي زى القمر.....الحفله!!

سيف: ها.....لا الحفله اه كانت حلوه......طيب انا هدخل انام بقي

مصطفي: الا انتى صحيح ياسيف كنت بتختفي وبتروح فين

سيف: مافيش كنت بروح اقعد ف الجنينه شويه يعنى كنت بحب ابعد عن الدوشه وكدا

مصطفي: اممم ماشي

ويهرب سيف من امامهم: طيب انا داخل بقي تصبحو علي خير

ويدخل غرفته ويظل سارح ف مانويلااا



وف يوم من الايام داخل الجامعه

كانت تجلس مانويلا لوحدها ف الكافتيريا وياتى لها............

عمر: مانويلا .....اذيك

وترفع مانويلا بصرها: انت تانى......انت مابتحرمش

عمر: تؤتؤ...بالراحه عليا طيب ...انا مش قدك

مانويلا: احترم نفسك يا عمر احسنلك....بلاش حركاتك دى

عمر: اشمعنى سيف؟

مانويلا: ايه اللي انت بتقوله ده...هو ايه اللي اشمعنى سيف

عمر: اشمعنى سيف وانا لا

مانويلا: انت باين عليك اتجننت بجد...انا هسيبلك المكان واقوم اشبع بيه لوحدك

وتترك له مانويلا المكان وتغادر

عمر لنفسه: ماااشي يامانويلا انتى اللي جبتيه لنفسك

ويقوم عمر من مكانه ويتصل بشخص ما

عمر: الوو...حياتى فينك.....بقولك ايه ..عاوزك ف موضوع مهم جدا...تعاليلي ف الكافتيريا حالا...اوك مستنيكى...باى

وبعد وقت قليل

تاتى له فتاه

عمر: حياتى وحشتينى

كايلا: انت اكتر ياعمر....فينك ماجتش الجامعه من فتره

عمر: معلش بقي ظروف كدا

كايلا: اممم ماشي ياسيدى....بس خير ايه هو الموضوع المهم اللي عاوزنى فيه

عمر: عاوزك ف مصلحه..عاوزك تظبطيلي واحد كدا

كايلا: اشمعنى

عمر: من غير اشمعنى...واحد مدايقنى او بمعنى اصح...هو وواحده بيحبو بعض

كايلا: ايوووه فهمتك وهى طبعا عجباك وانت عاوز تزحلقه مش كدا

عمر: ايوه كدا احبك وانت فاهمنى

كايلا: واسمه ايه بقي

عمر: اسمه...............سيف



وف يوم من الايام كان سيف يجلس وحده ف الكافتيريا وتاتى له تلك الفتاه

كايلا: هااى

وينظر لها سيف: ايوه...ف حاجه

كايلا:انت سيف مش كدا

سيف: ايوه انا

كايلا: طيب ياسيف انا كايلا

سيف: اهلا وسهلا.........طيب ف حاجه

كايلا: انا عرفت ان لو ف حد واقف عليا حاجه بيجيلك ...وانا واقف عليا حاجات كتير ممكن تشرحهملي

سيف: اوك ماشي...اتفضلي

ويمر الوقت

سيف: اظن كدا فهمتى كل حاجه

كايلا: بجد انت تجنن انت بتشرح كويس اووى ..عشان كدا بقي انا عزماك عالغداء ممكن توافق

سيف: لا والله انا اسف مش هقدر

كايلا: لا هزعل منك كدا يا سيف عشان خاطرى نتغدا سوا النهارده

سيف وجاب اخره: اطن انا فهمتك اللي واقف عليكى...بعد اذنك بقي عشان ورايا محاضرات

ويتركها ويغادرر

كايلا: ايه ده..دا انت شكلك متعب وهتتعبنى معاك اووى وشكلك مش سهل...بس علي مين دا انا كايلا برضو

وتتصل بعمر

ايوه يا عمر....الزبون ده متعب اووى...لا ماجاش من اول مره....شكله مش مش سهل....بس علي مين ههههههه...طبعا يا حياتى...ها.هنتقابل النهارده بالليل..ف المكان ياحبيبي...اوك .باى

وبعد ان اغلقت الخط

مااشي اصبر عليا يا سي سيف



وف يوم تتصل مانويلا بامايا وتجد هاتفها مغلق حاولت مرارا وتكرارا ولا فاائده

وف اليوم التالي تتصل بها وترد امايا بعد عده مرات وكان صوتها حزين ومتعب للغايه: الو

مانويلا: امايا..فينك يا بنتى بقالي فتره بتصل بيكى تليفونك مقفول..ف ايه مالك ومال صوتك

امايا ببكاء: بابا يا مانويلا بابا

مانويلا: ماله يا امايا ف ايه

امايا بدموع: بابا تعبان اووى يا مانويلا وف العنايه المركزه

مانويلا: يا نهار ابيض...ليه ايه اللي حصله

امايا: بابا عنده القلب اصلا والحاله بتاعته بتسوء بس تعب الفتره اللي فاتت اووى ونقلناه المستشفي والدكتور قال انه محتاج عمليه بس الامل ضعيف جدا والعمليه خطر عليه...وطلت تبكى بحرقه

مانويلا بحزن: حبيبتى خلاص اهدى ان شاء الله هيبقي كويس ماتقلقيش

امايا بدموع: ياارب يا مانويلا ياارب.............وبعدها تلاحظ حركه ف المستشفي غير طبيبعيه ويجرى الاطباء الي العنايه المركزه...........مانويلا اقفلي دلوقت اقفلي...وتغلق الخط...وتجرى ناحيه العنايه وتسال الطبيب: خير يا دكتور بابا ماله

الدكتور: لو سمحتى اطلعي بره دلوقت...طلعوها برررره.....وتخرج امايا وهى باكيه..وتتصل بعمها شريف...الوو عمو شريف...الحقنى ياعمو...بابا تعبان اووى...الحقنى...وبعدها تغلق الخط وتجثي علي ركبتيها وتظل تبكى بحرقه علي والدها

وبعدها ياتى شريف مسرعا الي المشفي: امايا حبيبتى بابا عامل ايه انا كنت هنا الصبح وكان كويس..وفين الدكاتره

امايا ببكاء: الدكاتره لسه جوه ياعمى..لسه ماخرجوش..انا قلقانه علي بابا اووى

ويجذبها شريف له ويحتضنها ويقبل راسها: لا يا حبيبتى ماتقلقيش ان شاء الله هيبقي كويس ..ادعيله انت بس هو محتاج مننا الدعا دلوقتى

امايا بدموع: بدعيله يا عمو والله بدعيله

شريف ف سره: ياارب...يارب اقف جمبنا انا عارف ان حاله اخويا صعبه بس يارب اشفيه عشان خاطر بنته ياارب..ويظل يبكى هو الاخر

وبعد وقت طويل جدا يخرج الدكتور وملامح وجهه غير مطمئنه بالمره

ويجرى عليه شريف وامايا: خير يا دكتور بابا عامل ايه

الدكتور: انا اسف يا جماعه احنا عملنا اللي علينا الحاله سيئه جدا

شريف: يعنى ايه يا دكتور اخويا ماله

الدكتور: اتفضلو ادخلو هو طالبكم بس ياريت ماتطولوش عليه

شريف: ماشي يادكتور...ويدخلو له

وتجرى عليه امايا باكيه: بابا...بابا اوعى تسبنى يابابا...ارجوك انا مااقدرش اعيش من غيرك

عادل والد امايا بصوت متعب ومبحوح: ماتعيطيش يا حبيبتى عشان خاطرى ...امايا لو بتحبينى خلي بالك من نفسك يا حبيبتى

امايا بانهيار: ارجوك يابابا ماتقولش الكلام ده عشان خاطرى

شريف بدموع: عشان خاطرى ياعادل بلاش الكلام ده انت هتبقي كويس ان اشاء الله

عادل ف لحظاته الاخيره: انا خلاص ياشريف هقابل وجه كريم بس قبل ما اروحله عاوز اوصيك علي امايا...امايا بنتك خلي بالك منها ياشريف صونها واحميها لحد ماتسلمها لايد عريسها انا سايبها امانه ف رقبتك ياشريف

شريف ببكاء شديد: حااضر يا عادل حاضر..ماتقلقش امايا ف عنيا

عادل: خلاص انا كدا اروحله وانا مستريح

امايا ببكاء: لا يابا لا ماتسبنيش يابابا عشان خاطرى

ويسمعو صوت الاجهزه

وتنظر امايا للاجهزه بذهول وبعدها ترتمى علي صدر والدها الذي فارق الحياه وتتشبس به وتنهار: لااااا يا بابا لاا اوعى تسبنى يابابا اصحى عشان خاطرى اصحى يابابا ................باااابااااا

وياتى لها الدكاتره وياخذوها للخارج

وتنهار امايا وتقع مغشيا عليها وينقلوها الي غرفه اخرى

وبعد وقت قليل تفوق امايا وتبحث بعينيها علي والدها: بابا....بابا فين...انا عاوزه بابا

شريف: امايا اهدى يا حبيبتى اهدى

امايا: بابا فين انا عاوزه بابا ياعمو هاتلي بابا دلوقتى حالا

ويبكى شريف علي حال امايا: امايا يا حبيبتى انتى مؤمنه وعارفه ان احنا امانه هنا وكل واحد وله ميعاد هيروح لربنا فيه...وبابا معاده جه يبقي ندعيله بالرحمه ونقول الحمدلله علي كل حال

امايا بدموع: يعنى انا خلاص معتش هشوف بابا تانى ياعمى

شريف: مش هتشوفيه بعينك لكن هيفضل ف قلبك وعقلك...مش كدا يا حبيبتى

وتهز راسها والدموع تتساقط منها: كدا ياعمو...كدا

وبعدها يتم الدفن وف ايام العزاء تذهب مانويلا لها تعزيها

ويذهب سيف ووالده لتعزيه شريف



وتمر ايام العزاء ويذهب شريف لياخذ امايا

شريف: يلا يا امايا لمى هدومك يا حبيبتى وتعالي معايا

امايا : علي فين ياعمو

شريف: هتيجى تعيشي معايا يا حبيبتى

امايا بدموع: انا مش هسيب بيت بابا

شريف: امايا..بابا موصينى عليكى..ارجوكى يا حبيبتى تعالي معايا انا مش هسيبك لوحدك هنا..الفيلا هتتقفل وتيجى تعيش معانا انا وعمر..وماتقلقيش انا عملت الدور التالت ف الفيلا كله ليكى فيه اوضتك والتواليت والليفنج كله مخصوص ليكى عشان تبقي براحتك وانا عمر كدا كدا ف الدور التانى...يلا بقي يا حبيبتى

امايا: اوك ياعمو..هلم هدومى واجى لحضرتك

وبعدها تذهب امايا لمنزل عمها

عمر: اهلا يا امايا نورتينا

امايا: مرسي يا عمر

شريف: يلا يا حبيبتى اطلعى غيرى هدومك وارتاحى علي بال العشا ما يجهز

امايا: ماليش نفس والله ياعمو

شريف: لا ماتقوليش كدا يلا اطلعي وهناديلك كمان شويه

امايا: اوك...بعد اذنكم



وتمر الايام وحب مانويلا وسيف يزيد يوم عن يوم ويبدا عمر ف تنفيذ خطته الشيطانيه هو وكايلا لتفريقهم عن بعض......

وف يوم من الايام داخل الجامعه

تذهب كايلا لسيف : هاي سيف

سيف: اهلا وسهلا...ايه ف حاجه تانيه واقفه عليكى

وتشد كايلا كرسي وتجلس عليه: هو انا لازم يكون واقف عليا حاجه عشان اجيلك ولا ايه

وف نفس الوقت يذهب عمر لمانويلا هى وعد

عمر: اذيك يا مانويلا

مانويلا: عمر!!...عاوز ايه تانى ياعمر

عمر: بصراحه المره دى انا جاى عشانك مش عشانى مش عاوزك تتخدعى من اولها كدا

مانويلا: تقصد ايه مش فاهمه

عمر بخبث: تعالي معايا وانا اوريكى بعينك

ويذهبو جميعا لمكان سيف ويقف بهما بعيدا

عمر: اهو شوفتى سيى روميو بتاعك بيعمل ايه

وتنظر مانويلا وتتصدم وهى تشاهد كايلا وهى تمسك يد سيف....ف نفس اللحظه هناك

سيف بعصبيه: اييه اللي انتى بتعمليه ده انتى اتجننتى لو سمحتى ممكن تقومى ماينفعش كدا...انتى عاوزه منى ايه

كايلا: انا بعمل كل ده عشان...عشان بحبك ياسيف..بحبك بحبك

وتاتى لهم مانويلا علي هذه الكلمه: بتحبك ياسييف بتحبك

سيف مندهش: مانويلا






الفصل التاسع

وتاتى لهم مانويلا علي هذه الكلمه

مانويلا: بتحبك ياسيف بتحبك

سيف مندهش: مانويلا!!

مانويلا: ايوه مانويلا ياسيف.....بس قولي ياسيف ياترى انت كمان بتحبها زى ماهى بتحبك ولا لا

سيف: مانويلا انتى فاهمه غلط صدقينى والله دى تانى مره اشوفها بس

مانويلا: تانى مره تشوفها وقالتلك بحبك..مستنى ايه تانى ياسيف...انا مش مصدقه انى ممكن اكون اتخدعت فيك للدرجه دى

وعد: مانويلا اهدى ارجوكى وافهمى الموضوع

مانويلا: افهم ايه ياوعد انا شوفت الهانم وهى ماسكه ايده وبتقوله بحبك ....

وينظر عمر وكايلا لبعض ويبتسمان بخبث



سيف وشك ف الموضوع: وانتى عرفتى مكانى منين يامانويلا وايه اللي خلاكى تيجى دلوقتى بالذات

مانويلا: هو ده كل اللي همك.....عمر جالي وقالي عشان اكتشفك ياسيف

سيف وفهم: ااه قولتيلي....عمر....وينظر له.....عيب عليك بجد ياعمر عاوز توقع بينى وبينها ليه...مش عارف انت عاوز مننا ايه بقي يا اخى....واكيد طبعا الانسه تبقي تبعك وانت اللي عامل التمثيليه دى عشان تفرق بينى وبينها....مش كدا؟

عمر: ايه اللي انت بتقوله ده انت اتجننت ولا ايه ياسيف

كايلا: لالا ايه ياسيف تمثيليه ايه وبتاع ايه انا مااعرفوش اصلا

سيف: كدابه.....وانت كمان كداب....بس ياعمر احب اقولك مش هتقدر تفرق بينى وبينها عارف ليه عشان انا بحبها وهى كمان بتحبنى انا..انت فاااهم

وتنظر له مانويلا بدموع وتتركهم وتغادر وتجرى ورائها وعد وتلحق بها

وعد: مانويلا...استنى بس

مانويلا: استنى ايه يا وعد بعد كل اللي شوفته....دا سيف ياوعد عارفه يعنى ايه سيف يعنى اول حب ف حياتى بجد...يعمل فيا كدا

وعد: سيف مظلوم يامانويلا

مانويلا وتمسح دموعها: وانتى عرفتى منين بقي

وعد: عشان انتى ماشوفتيش شكل عمر والبنت اللي كانت هناك كانو عاملين ازاى..انتى وسيف كنتو بتتخانقو وهما يبصو لبعض ويضحكو...بس انا خدت بالي منهم وكمان انا شوفت عمر واقف مع البنت دى قبل كدا

مانويلا غير مصدقه: معقول!!......لالا مش مصدقه

وعد: وليه ماتصدقيش....انتى مش قولتى ان عمر ده بتاع مشاكل وكان بيغلس عليكى قبل كدا وسيف لحقك يبقي اكيد عاوز ينتقم من سيف ويفرق بينكم وعشان كدا عمل التمثيليه دى وجه نادالك ف الوقت ده بالذات عشان تشوفي سيف.............واضحه زى الشمس ع فكره ..تمثيليه خيبانه وسهل تتكشف

مانويلا: يااه كل ده...معقول....معقول بيكره سيف للدرجه دى ...توصل بيه الدرجه انه يفرق بينا .......يعنى انا فعلا ممكن اكون ظلمت سيف

وعد: ايوه يا مانويلا ظلمتيه والظلم وحش اووى يامانويلا ...سيف كانت عنيه كلها صدق وهو بيحلفلك انه فعلا مايعرفهاش

مانويلا بحزن: طب هعمل ايه دلوقتى بقي

وعد: اتصلي بسيف واعتذريله او روحيله دلوقتى

مانويلا بتفكير: لا مش هعتذر ولا حتى هروحله هسيبه هو اللي يجى يعتذرلي عشان مايتعودش ع كدا ويعرف انى زعلي وحش ...وتشاور بصباعها السبابه ...وعشان يحذر انه مايبصش لواحده كدا او كدا

وعد ووضعت يدها تحت خدها: يا حراام..ياعينى عليك ياسيف مالقتش الا دى وتحبها

مانويلا: طبعا يابنتى هو انا قليله ولا ايه

وعد: ههههههههههه



عند سيف

سيف: مش عارف انا عامل فيك ايه عشان تعمل كل ده

عمر: عشان بتحبك انت ومتعلقه بيك

سيف بعصبيه: يابنى ادم انت هو الحب بالعافيه..هى مابتحبكش وعمرها ماهتحبك

عمر: اشمعنى انت..انا غنى زيك وف نفس الكليه قولي انت احسن منى ف ايه

سيف: الحب ياعمر عمره ماكان بالغنى او بالجامعات او حتى بالشكل ..الحب بدقه القلب وانت مش هتجبرها انها تحبك او تعجب بيك حتى

عمر: برضو ياسيف مش هسيبهالك ..مانويلا عجبانى ...وهفضل وراها لحد ماتكرهك

سيف: مش هتقدر ياعمر...اللي بيحب بجد صعب انه يكره بسهوله ...بعد اذنك

ويغادر ويتركه يستشاط غضبا



ويذهب عمر بيته وهو ف قمه غضبه

ويدخل ويجد امايا ف الجنينه تقف شارده ظل واقف لدقائق معدوده يتامل عيونها الحزينه ووحدتها الدائمه....حاول يذهب لها ولكنها لاحظت وجوده وفرت هاربه الي غرفتها.............احس عمر ولاول مره بانه اشبه بالحيوان ليجعل ملاك برئ مثل امايا تفر وتهرب منه عند وصوله بسبب تعامله السئ معها ومع غيرها



وياتى تانى يوم ويذهب سيف لمانويلا ووعد

سيف: مانويلا ممكن اتكلم معاكى شويه

مانويلا: عاوز ايه ياسيف بعد اللي حصل ...لو سمحت اتفضل امشي انا مش عاوزه اشوفك قدامى

سيف: ارجوكى يامانويلا اسمعينى

وتضغط وعد علي قدم مانويلا وتغمز لها

وعد: طب انا راحه التواليت وجايه ع طوول...بعد اذنكم

وتذهب وعد ويجلس سيف مكانها

سيف: انتى مصدقه اللي حصل يا مانويلا ...مصدقه انى ممكن ابص لغيرك...لا والغريب انك مصدقه عمر ومكدبانى انا

مانويلا: سيف انا ليا اللي شوفته بعنيا

سيف: واللي شايفه قلبك يامانويلا...ع فكره مش كل اللي تشوفك عينك يبقي هو الصح

مانويلا: وايه هو الصح ياسيف

سيف: والله يامانويلا انا مااعرفها انا بقتها جتلي قبل كدا وقالتلي انها واقف عليها حاجات مش فاهماها ..شرحتهلها ..وبعدها عزمتنى علي الغدا وانا رفضت وسبتها ومشيت...............ولقتها جايه النهارده وقعدت تتكلم معايا وحاولت تمسك ايدى وكل ده كان تخطيط من استاذ عمر عشان تيجى وتشوفينى معاها

مانويلا وحست بصدق سيف: يعنى بجد ياسيف انت بتحبنى انا

سيف: تاااااااااانى!!!.يامانويلا.....طيب.....هقولهالك تانى ولاخر مره هقولها يامانويلا..ايوه بحبك ...بحبك انتى مش حد تانى....عينى مش شايفه غيرك...عمر مافي واحده تانيه هتاخد مكانك...ونفسي تعرفي ده وماتديش لحد فرصه انه يوقع ما بينا تانى

مانويلا مبتسمه: حاضر ياسيف مش هخلي حد يوقع ما بينا تانى........

سيف: اخييرااا ..الحمدلله.....دا انا مانمتش طول الليل بسببك ياشيخه

مانويلا بضحك: للدرجه دى

سيف: طبعااا واكتر كمان

مانويلا بابتسامه ساحره: ربنا يخليك ليا



ونذهب لمكان سنذهب له لاول مره منزل وعد

وعد: السلام عليكم

عبد القادر والد وعد: وعليكم السلام يا حبيبتى...عامله ايه

وعد: كويسه يابابا...بس همووت من الجوع

عبدالقادر: حالا ياحبيبتى انا قلت لداده وبتجهزه دلوقتى

وعد: طيب تمام هقوم اغير هدومى واصلي عبال ما الاكل يجهز

وبعد وقت قليل تجتمع هى ووالدها علي سفره الغداء

عبدالقادر: بقولك ايه يا وعد عاوز اكلمك ف حاجه كدا

وعد: اتفضل يابابا

عبدالقادر: عمك علي بعد وفاه مراته هو وولاد عمك مش طايقين يقعدو ف الفيلا كل ركن فيها بيفكرهم بيها

وعد: الله يرحمها يابابا...كانت طيبه وحنينه اووى وماكانتش بتفرق بينى وبين عبد الرحمن ونهله

عبد القادر: الله يرحمها..المهم...عمك هيبيع الفيلا وهيشترى واحده تانيه بس لسه مش متشطبه

وعد: امممم والمطلوب منى يابابا

عبدالقادر: عمك كان هياجر شقه يقعد فيها هو وولاده عبال ما الفيلا تتشطب بس انا عرضت عليه يجى يقعد عندنا الفتره دى اصل مايبقاش بيت اخوه موجود ويروح ياجر شقه له ولولاده دا ان ماشلتوش الارض اشيله ف عنيا ولا ايه رايك ياوعد

وعد مبتسمه وتفهم والدها: اممممم طول عمرك طيب وحنين يابابا وطبعا بتاخد رايي وخايف انى ارفض وادايق.......لا طبعا يابابا انا بحب عمى جدا وعبدالرحمن ونهله دول معزتهم ف قلبي كبيره اووووى ...يجو يابابا فى اى وقت دول هيشرفونا وينورو البيت

عبدالقادر: كنت عارف انك هتقبلي عشان انتى بنتى اللي مربيها

وعد: ربنا يخليك ليا يابابا

عبدالقادر: ويخليكى ليا يا حبيبتى



ف المساء عند مانويلا كانت تجلس علي السرير وتشغل الكاسيت علي اغنيه هانى شاكر وكل كلمه كانت تمس احساسها بسيف وكانت شااارده فيه........

مع قلبك انت بس عرفت اعيش واحس...قول بحبك قولها بس...قولها لو حتى بعنيك...لو هوصف حبي وصف...لو هقوله حرف حرف..مش هوصف الف وصف اللي انا حسيته بيك
علمنى حبي ليك انى ادوب ياحبيبي فيك كل عمرى اخاف عليك واطمن بين ايديك
علمنى حبي ليك انى ادوب يا حبيبي فيك كل عمرى اخاف عليك واطمن بين ايديك
واطمن بين ايديك

وتدخل امل عليها: الله الله ايه الرومانسيه دى كلها ياست مانويلا

وتغلق مانويلا الكاسيت: اتفضلي ياماما

امل: ها..ايه حكايتك بقي يا مانو

مانويلا: حكايه ايه ياماما انا مشغله اغنيه عادى يعنى

امل:لا بقي مش علي ماما وبعدين هو انا مش صحبتك قبل ما اكون ماما

مانويلا: طبعا ياماما

امل: يبقي خلاص احكيلي بقي

مانويلا مبتسمه لاصرار والدتها: احكيلك ايه بس

امل: احكيلي عاللي شاغل عقلك من زمان ومخبيه علي ماما..احكى وماتخافيش...انا برضو كنت ف سنك ومريت باللي بتمرى بيه دلوقتى

مانويلا: بجد

امل: طبعا بجد ايه مش كنت بنت زى البنات

مانويلا: طبعا ياماما ولحد دلوقت زى القمر دول صحابي لحد الوقت بيحسبوكى اختى

امل: ماشي ياستى ...ها احكيلي بقي وقوليلي عاللي شاغل تفكيرك ياحبيبتى

مانويلا بابتسامه: مصممه يعنى

امل: طبعا...ها اسمه ايه بقي

مانويلا مبتسمه: ماشي ياستى.....اممم اسمه.






الفصل العاشر

امل: ها يا مانويلا احكيلي بقي

مانويلا: يعنى مصممه ياماما

امل: طبعا.....ها اسمه ايه اللي شاغل تفكيرك كدا

مانويلا مبتسمه: اوك ماشي.....اسمه ياستى....ولم تلحق مانويلا تكمل جملتها واتاها اتصال من وعد

مانويلا: دى وعد بتتصل ياماما طيب هرد عليها ونبقي نكمل كلامنا بعدين...اوك

امل: ماشي ياستى......واكيد لينا قاعده تانيه..يلا تصبحى علي خير

مانويلا: وانتى من اهله يا حبيبتى

وترد مانويلا علي وعد

مانويلا:الو...اذيك ياوعد

وعد: اذيك ياحبيبتى عامله ايه



مانويلا: تمام يا حبيبتى الحمدلله ....ايه الاخبار عندك ..صحيح عمك جه

وعد: لا لسه هيجى بكره هو ونهله وعبد الرحمن

مانويلا: اممم.....الا صحيح نهله وعبدالرحمن بيشتغلو ايه

وعد: نهله ياستى دكتوره اسنان وعبدالرحمن مهندس ديكور

مانويلا: ماشاء الله..يلا عقبال ماتبقي مهندسه اد الدنيا وتنافسي عبد الرحمن بقي

وعد: انافس مين عبدالرحمن!!.........عبدالرحمن شااطر جدا ف شغله وصعب ان حد ينافسه

مانويلا:اممم صعب..قولتيلي..................اسكتى صحيح نسيت اقولك ماما كانت قاعده معايا قبل ماتتصلي ع طوول وكانت عاوزه تعرف انا بحب مين واسمه ايه

وعد: وقولتلها؟

مانويلا: مالحقتش...بس هى عرفت ان ف حد بس كنت راحه اقولها سيف مالحقتش وانتى اتصلتى

وعد: مش مهم المهم انها عرفت ان ف حد عشان ماتخبيش عليها حاجه وماتعمليش اى حاجه من وراها

مانويلا: لا طبعا انا كنت كدا كدا هقولها بس كنت مستنيه الوقت المناسب انا مابخبيش حاجه علي ماما وبعدين انا مابعملش حاجه غلط انا وسيف ان شاء الله هنتجوز بس مش دلوقتى علي الاقل نعمل خطوبه كمان سنه او اتنين ونتجوز بعد التخرج بقي

وعد: حبيبتى ربنا يفرحكو ويسعدكم ويجمع مابينكم ف خير وف حلال ربنا

مانويلا: يارب ياوعد يارب ادعى من قلبك يابت انتى دعوتك بتستجاب ع طوول

وعد: ههههه ليه شيخه....وبعدين انتى مش محتاجه تقوليلي ادعى...انا بدعيلك من غير ماتقولي ياقلبي

مانويلا :ربنا يخليكى ليا يارب



وياتى تانى يوم ويذهب علي وعبدالرحمن ونهله منزل عبدالقادر

عبدالقادر: اهلا اهلا بالحبايب نورت ياعلي

علي: بنورك يا عبدالقادر .....والله ماكان له لزوم كنا هناجر شقه نقعد فيها لحد ما الفيلا تتشطب وتخلص

عبدالقادر: ودا ينفع برضو يا علي وبيت اخوك مفتوح

علي: تسلم يا حبيبي ربنا يخليك ليا ياارب

عبدالرحمن: والله يا عمى احنا مش عارفين نشكرك ازاى

عبدالقادر: علي ايه يا عبيط دا انتو ولادى وده اخويا دا ان ماشلتكوش الارض اشيلكو ف عنيا

نهله: ربنا يخليك لينا ياعمى يارب

وتنزل وعد علي الدرج لتسلم علي عمها واولاده

وعد: عمو حبيبي اذيك ياعمو عامل ايه

علي: وعد اذيك يا حبيبتى اخبارك ايه

وعد: الحمدلله ياحبيبتى....اذيك يانهله عامله ايه يا دكتووره

نهله: حبيبتى ياوعد انا كويسه ياحبيبتى ...انتى عامله ايه ف الكليه

وعد:اهو ماشيه فيها ادعيلي

نهله: ربنا معاكى يا حبيبتى يلا شدى حيلك عشان تحصلي عبدالرحمن

وتنظر لعبدالرحمن وتبتسم: اذيك يا عبدالرحمن

عبدالرحمن بابتسامه: اذيك انتى ياوعد عامله ايه

وعد: كويسه الحمدلله.....وتنظر لنهله..بقولك ايه يانهله تعالي بقي نطلع نفضي الشنط واوريكى هتنامى فين..بس خلي بالك هتنامى معايا ف نفس الاوضه انا ماصدقت انك جيتى عشان حد ينام معايا

نهله: هههههه من عنيا ياحبيبتى يلا بينا..........ويصعدو الي الاعلي

عبدالقادر:وانت ياعبدالرحمن اوضتك ياحبيبي ف الدور التانى قصاد اوضه وعد ونهله..اطلع ارتاح ياحبيبي بقي

عبدالرحمن: اوك ياعمو...بعد اذنكم

ويصعد هو الاخر ويتبقي علي وعبدالقادر

علي: والله مانا عارف اقولك ايه ياعبدالقادر

عبدالقادر: ماتقولش اى حاجه احنا اخوات ياعلي...ربنا ما يحرمناش من بعض ابدا

علي: يارب يا حبيبي



عند وعد ونهله

وعد: والله يانهله انا فرحانه بيكو اووى هتملو علينا البيت كدا بدل ماحنا لوحدنا انا وبابا ع طوول

نهله: حبيبتى انا كمان فرحانه اووى بس ياوعد احنا اقامتنا مش هتكون هنا ع طوول دا لفتره بس لحد الفيلا ماتخلص

وعد بزعل: والله شايله هم اليوم ده من دلوقتى

نهله: لا ياقلبي ماتشيليش اى هم وانا برضو مش هبعد عنك....بس قوليلي انا هنام فين علي السرير نهوون

وعد: هههههه نهوون.........ف دكتوره تقول نهوون

نهله: هههههه اه عادى جدا

وعد: طيب ياستى انتى هتنامى هنا وانا هنا...اوك

نهله: اوك



عند امايا وعمر علي سفره الغداء

شريف: عامله ايه ياحبيبتى ف الدراسه

امايا: الحمدلله ياعمو كله تمام

شريف: طيب يا حبيبتى شدى حيلك كدا الامتحانات علي وصولي عاوزين مجموع كويس........الا صحيح انتى عاوزه تدخلي كليه ايه

وتنظر امايا لعمر ثم تنظر الي عمها: والله ياعمو انا كنت عاوزه ادخل هندسه بس شكلي كدا هغير رايئ

شريف: ليه بس دى هندسه كويسه وحتي تبقي مع عمر.........ولا ايه رايك ياعمر..........عمر......عمررر

عمر: ها يابابا

شريف: ها ايه بس انت مش هنا خاالص

عمر: مافيش بفكر ف حاجه بس ...وينظر لامايا ..هو انتو كنتو بتقولو ايه

امايا: مافيش.....انا شبعت الحمدلله....بعد اذنكم

شريف: اتفضلي يا حبيبتى........وينظر بعدها لعمر..مش هتتغير يا عمر



وف يوم يجلس عبدالرحمن ف الجنينه ليلا ويشاهد النجوم

وتكون وعد ف غرفتها مستيقظه ونهله نائمه وتمل وعد من الوحده فتضع الشال علي كتفيها وتنزل الجنينه وتجد عبد الرحمن جالس يشاهد النجوم ف صمت فتستحى منه وتلتفت لترحل فيلمحها وتسمع صوته ورائها

عبدالرحمن: يااه لسه بتتكسفي منى ياوعد

فتبتسم وعد وتلتفت له: وليه سميت اللي حصل كسوف

عبد الرحمن: اومال اسميه ايييه؟

وعد: سميه انى لقيتك قاعد لوحدك سرحان ماحبتش اقطع خلوتك دى وادايقك ورجعت تانى

عبدالرحمن: وانا بقي هدايق اكتر لو مشيتى ياوعد

وعد مبتسمه: يعنى اقعد

عبدالرحمن بابتسامه: انتى شايفه ايه

وعد: مااشي



وتمر ايام بسيطه وتقترب امتحانات اخر السنه

عند عمر ف المنزل

شريف: عمر انا مسافر شرم لمده يومين ف شغل ضرورى هناك

عمر: تروح وتيجى بالسلامه يابابا

شريف: مااشي بس مش هينفع تقعد ف البيت الفتره اللي هغيب فيها

عمر: ليه بقي

شريف: عشان امايا يا حبيبي...ماينفعش انتو الاتنين تبقو مع بعض لوحدكم ف البيت اى نعم داده فاطمه موجوده بس برضو دا ما ينفعش...والله لولا امتحانات امايا كنت اخدتها معايا

عمر: يابابا انا بشوف امايا طفله والله وبعدين دى زى اختى

شريف: تشوفها طفله تشوفها كبيره برضو ماينفعش........اقولك روح اقعد ف شقتنا اللي مقفوله الفتره اللي هغيب فيها..ايه رايك

عمر وتلمع فكره ف دماغه ويبتسم بخبث: اوك يابابا....تروح وتيجى بالسلامه






الفصل الحادي عشر

ويسافر شريف ويذهب عمر الي شقته وهناك يتصل بكايلا

عمر: الوو...كايلا...بقولك ايه تعاليلي دلوقت حالا....مش وقته يا كايلا مافيش قدامنا وقت غير يومين بس....تعاليلي علي العنوان ده.............يلا

وبعد وقت قليل تذهب كايلا لعمر

كايلا: خير ياعمر ف اييه ...وايه الشقه دى

عمر: دى شقتنا بس كنا قافلينها.......المهم عاوزك معايا ف موضوع ومحتاج مساعدتك جدا

كايلا: موضوع ايه

عمر: ف خطه ناوى اعملها هجيب بيها مانويلا الارض ويبقي سي سيف يورينى هيعمل ايه بقي

كايلا بخبث: انت ناوى علي ايه ياعمر

عمر ويبتسم بخبث هو الاخر: هو اللي فكرتى فيه يا كايلا

كايلا: يا ابن اللعييبه......بس..

عمر: بس ايه



كايلا:يعنى....مش عاوزين نئذيها ياعمر..ها

عمر: لا ماتخافيش انا مش هئذيها انا بس عاوز سيف شوفها وهى ف حضنى مش اكتر

كايلا:تماام .....بس هنجيب مانويلا هنا ازاى وهنجيب سيف يشوفها ازاى

عمر: هقوولك ياستى......انا هستعين بتليفون امايا لانه هو اللي هيجيب مانويلا بس طبعا من غير ما امايا تعرف....وهكلمها عليه بس طبعا شات وهعرفها ان انا تعبانه وكدا وبرضو كل ده ع اساس انى امايا طبعا واكيد مانويلا هتروحلها تطمن عليها

كايلا: اكييد

عمر: هعرفها ان امايا قاعده ف الشقه هنا عشان ماتبقاش معايا ف الفيلا لوحدها عما بابا يجى من السفر

كايلا: وبعدين

عمر: وبعدين مانويلا هتيجى هنا الشقه تشوف امايا هكون انا قبلها جايب واحده وهتعمل انها الداده عشان نسبك الخطه ومانتكشفش وف الوقت ده انتى هتتصلي بسيف بس برقم غريب وتغيري صوتك وتقوليله ان مانويلا معايا دلوقتى وتديله العنوان...وينظر امامه ....وخلي الباقي عليا انا بقي

كايلا: يا ابن الاييه ياعمر دا انت ولا زعيم عصابه ...جتلك الفكره دى ازاى

عمر: الافلام يا حبيبتى ماخلتش حاجه الا وعملتها....المهم عرفتى انتى هتعملي ايه

كايلا: كله تماام...........بس هنفذ امته بقي

عمر: المفروض بكره عشان بابا جاى كمان يومين وانا مش عاوزه يعرف حاجه

كايلا: خلاص اوك........انا هقوم امشي بقي دلوقتى

عمر: اوك.....وخلينا علي اتصال مع بعض بقي مااشي

كايلا: مااشي......سلام

عمر: سلاام



وياتى تانى يوم والكسل يسيطر علي مانويلا ولا تذهب للجامعه

امل: ايه يا حبيبتى مش هتروحى الكليه النهارده؟

مانويلا: والله يا ماما مكسله خاالص..انا هقضي النهارده مذاكره ف البيت وخلاص

امل: اوك ...بس شدى حيلك بس عشان ماعاتش حاجه عن الامتحانات

مانويلا: ماشي يا ماما...بعد اذنك بقي انا طالعه اوضتى

امل: اتفضلي يا حبيبتى

وتصعد مانويلا غرفتها وياتيها اتصال من ...سيف

مانويلا:الوو...اذيك ياسيف

سيف: ايه يا مانويلا ماجتيش النهارده ليه

مانويلا: والله ياسيف كنت مكسله وقولت هذاكر ف البيت النهارده

سيف: علي فكره انا متابع الجدول بتاعك وكان عندك محاضره مهمه النهارده...مش عوايدك يعنى اول مره تعمليها وتغيبي

مانويلا: خلاص بقي مش هتتكرر تانى

سيف: ماشي ياستى عالعموم هبقي اشرحلك المحاضرات اللي فاتتك دى

مانويلا مبتسمه: ربنا ما يحرمنيش منك يا حبيبي

سيف: احم...وحشتينى علي فكره

مانويلا: احم.. وانت كمان اووووى علي فكره

سيف: طيب ياست مانويلا هسيبك بقي عشان تذاكرى....وتذاكرى هاا تذاكرى ..مش تقعدى تلعبي وتسيبي المذاكره

مانويلا: هههههه حاضر يا حبيبي مش هلعب

سيف: ماشي يا حبيبتى......يلا سلام

مانويلا: سلااام



وف نفس الوقت يذهب عمر للفيلا ويسال علي امايا ويجدها ف غرفتها ولحسن الحظ يجد هاتفها ف الاسفل

عمر لنفسه:ايه ده دا انا حظى حلو بقي والقدر بيساعدنى لوحده وياخذ هاتفها ويضعه ف جيبه ويذهب للخارج



ونذهب عند مانويلا وهى تراسل وعد علي شات الواتس اب

مانويلا: وبعدين يا وعد

وعد: وبعدين ايه يا مانويلا

مانويلا: بلاش تعملي فيها عبيطه بقي...انتى بحبي عبدالرحمن ...صح

وعد: ها..بحبه!!...ايه الكلام ده

مانويلا: لا دا انتى اللي ايه الكلام ده...وعد انتى بتحبيه..انتى ما بتشوفيش نفسك اما ببتكلمى عليه.....وعلي فكره بقي من كلامك شكله هو كمان بيمووت فيكى

وعد: عاوزه الصراحه

مانويلا: ومش عاوزه غيرها

وعد: واحنا صغيرين كنا بنحب بعض اووى حب عيال كدا كان يقعد يقول انا مش هتجوز الا وعد وانا اقول انا عمرى ماهتجوز غيرك يا عبد الرحمن انا بحبك عشان انت بتجبلك شوكولاه كتيير اووى وفضل بعدها يجبلي شوكولاه كتيير اووى ويقولي عشان تفضلي تحبينى ومش تتجوزى غيري..وبعدها كبرنا بقي وكل واحد ف حياته وبعدنا عن بعض باجسامنها لكن عقلنا وقلبنا لا ودلوقتى لما بشوفه واتكلم معاه قلبي رجع يدق تانى واحس انى مبصوته اووى وهو كمان كدا انا علي طوول بحس بيه من غير مايتكلم

مانويلا: يخربييييييييتك كل ده وتقولي حب ايه.....دا انتو عدتونا انا وسيف بكتيير بس الفرق انكو لسه ما اعترفتوش لبعض

وعد: امممم صح..........المهم عامله ايه مع سيف

مانويلا: الحمدلله كويسين ....اااه فكرتينى انا لازم اذاكر دلوقتى انا وعدت سيف بكده

وعد: طيب قومى ذاكرى بقي

مانويلا: مااشي........ايه ده امايا فتحت واتس اهى...انا ماكلمتهاش من زمان....هكلمها شويه وبعدها ابقي اذاكر بقي ههههههه

وعد: ايوون هتذاكرى اووى هههههه...طيب انا هقفل دلوقت نهله بتنادى عليا..سلاام

مانويلا: سلام

وترسل لامايا

مانويلا: امايا اذيك يا حبيبتى....فينك كدا مختفيه

امايا(عمر): كويسه يا مانويلا

مانويلا: لا شكلك مش مطمنى مالك يابنتى

عمر: تعباانه اووى يامانويلا مش بتحرك من السرير

مانويلا: يا حبيبتى...ليه كدا وتعبانه من امته

عمر: من امبارح بس

مانويلا:يا حبيبتى....انا لازم اجيلك حالا اطمن عليكى

عمر وتهللت اساريره: لا ياقلبي ماتتعبيش نفسك

مانويلا: تعبك راحه يا حبيتى ساعه وهكون عندك..مش انتى قاعده ف الفيلا مع عمك برضو

ويلحقها عمر: لالالا.انا عمى سافر امبارح وانا روحت قعدت ف شقته اللي مقفوله مع الداده عشان ما ابقاش مع عمر لوحدنا ف الفيلا واما عمى يجى هرجع تانى

مانويلا: طيب ادينى العنوان يا حبيبتى

عمر واخيرا وصل لهدفه: اوك.....اكتبي عندك.....................................مستنياكى يا حبيبتى ........سلام

مانويلا: سلااااام



وبعدها يمسح عمر كل الرسائل التى ارسلها لمانويلا وايضا الرسائل التى ارسلتها له وذهب للفيلا مره اخرى ولحسن حظه ايضا لم يجد امايا ولازالت ف غرفتها فاخرج الهاتف من جيبه ووضعه مكانه مره اخرى ولا من شاف ولا من درى

وبعدها نزلت امايا ووجدت عمر بالاسفل: عمر..انت بتعمل ايه هنا

عمر: هاا...لا انا جاى اخد حاجات ليا كدا نسيت اخدها وانا ماشي امبارح

امايا: اوك......وتاخذ هاتفها...بعد اذنك

عمر: اتفضلي

وبعدها يصعد عمر غرفته واخذ يلملم اشياء ليس لها لازمه وذهب بعدها الي شقته واجرى اتصال بكايلا: الو....كايلا...كله تمام لحد الوقت مانويلا زمانها جايه ...........................بصي كمان ربع ساعه كدا تتصلي بسيف وتنفذي اللي قلتلك عليه........اوك...يلا سلام

ويضحك عمر بخبث: هنشووف ياسي سيف هتعمل ايه لما تشوف حبيبه القلب معايا.....وينادى علي امراه تبلغ من العمر50 عاما...فتحيه يافتحيه

وتاتى له فتحيه: ايوه يا بيه

عمر: البنت اللي قلتلك عليها زمانها جايه عارفه هتعملي ايه بالظبط

فتحيه: عارفه عارفه يا عمر بيه

عمر: طيب ادخلي انتى دلوقتى

وتدخل فتحيه المطبخ



وبعد وقت قليل

تنزل مانويلا لامل: ماما بعد اذنك انا راحه اطمن علي واحده صاحبتى تعبانه شويه

امل: امممم وانتى بتستاذنى وانتى خارجه خلاص

مانويلا: اسفه يا حبيبتى اصل عارفه انك مش هتزعلينى

امل: ماشي ياستى ..طيب روحى بس ماتتاخريش يا مانويلا فاااهمه

مانويلا: فاهمه يا حبيبتى

وتذهب مانويلا لهذا العنوان وتقف امام الشقه وقلبها كان مقبوض من شئ ماا

مانويلا لتفسها: ايه ف اييه قلبي مقبوض اووى حاسه ان ف حاجه هتحصل...لا انا هرن الجرس وادخل اطمن عليها وامش ع طوول...وربنا يسترها بقي

................

وف مكان اخر تتصل كايلا بسيف من رقم غريب:

كايلا: .الو...حضرتك استاذ سيف

سيف: ايوه انا

كايلا: حضرتك دلوقتى حبيبه القلب بتاعتك ف حضن حبيبها دلوقتى

سيف: انا مش فاهم حاجه...وبعدين انتى مين

كايلا: مش لازم تعرف انا مين........اللي عاوزاك تعرفه ان ست مانويلا بتاعتك دلوقتى مع عمر الهوارى ف شقته واكيد طبعا انت فاهم الباقي

سيف: انتى كدابه ...مستحيل الكلام ده مستحيل

كايلا: اوك........خد العنوان اهو وروح شوف المستحيل بعنيك... العنوان.........................

سيف بعصبيه: مييين اللي بيتكلم

كايلا: فاااعل خييير..........ههههههه.......وتغلق الخط

ويستشاط سيف غضبا: معقول لاالالالا...طب هى ماجتش الكليه النهارده. ليه..ياااربي....وبعدها ياخذ سيارته ويذهب للعنوان مسرعا



وتضرب مانويلا الجرس

ويدخل عمر لفتحيه المطبخ وتخرج هى وتفتح الباب لها

مانويلا: السلام عليكم

فتحيه: وعليكم السلام..اتفضلي يا حبيبتى

مانويلا: لو سمحتى ياداده قولي لامايا ان انا موجوده

فتحيه: اتفصلي ادخلي يا حبيبتى...هى مستنياكى من بدرى ثوانى بس واجبلك العصير اتفصلي اقعدى

وتدخل مانويلا وتجلس علي الاريكه وهى متوتره من شئ ما

وتخرج فتحيه بالعصير وبحركه ذكيه تسكب العصير علي بلوزه مانويلا

فتحيه: يا خرابي يقطعنى يابنتى ماكنتش اقصد

مانويلا: خلاص ماحصلش حاجه

فتحيه: ازاى ماحصلش حاجه وهتمشي بيها ازاى كدا

مانويلا بضيق: مش عارفه

فتحيه: خلاص يا حبيبتى اقلعيها هغسلها بسرعه وانشفها واجبهالك

مانويلا: ايه لا طبعا.. خلاص همشي بيها كدا مش مشكله

فتحيه: لا ازاى والله ما يحصل...ولا انتى بقي مش لابسه حاجه تحتها ومكسووفه

مانويلا: لا انا لابسه التوب تحتها

فتحيه: طيب خلاص اقلعيها بقي......وبعد الحاح فتحيه الغير طبيعى تخلع مانويلا بلوزتها علي مضض وتعطيها لها وتدخل فتحيه المطبخ لعمر.....: خلاص يابيه كل حاجه تمام

عمر: ماشي يافتحيه...خدى دول بقيت حسابك وانزلي من الباب ده ..يلا

وتنزل فتحيه وبعدها يفتح عمر....ازراار قميصه..................

وتقلق مانويلا من هذا التاخير وتتوتر وتنادى عليها : ياداده لو سمحتى هاتى البلوزه

ويخرج لها عمر: طب ينفع عمر..........انت جيت ياقمر لوحدك ولا الهوا اللي رمالك

وتنظر مانويلا وتتصدم: عمر!!...انت بتعمل ايه هنا

عمر: انتى اللي بتعملي ايه هنا.......دى شقتى يامزه

مانويلا: شقتك!!......شقتك ازاااااى ...دى امايا هنا وتعباانه.وو........وتنتبه مانويلا...........معقول!!..معقول امايا تعمل فيا كدا

عمر: تؤ تؤ...حراام الظلم وحش ..امايا ملهاش دعوه بحاجه انا اللي كلمتك من تليفونها وانا اللي مخطط لكل ده.....وينظر لها بشراسه...بس ايه الحلاوه دى بس

وتنظر مانويلا لملابسها وتستر نفسها بيدها وتبكى وتنادى علي الداده: يا داااده الحقينى بسررعه

ويضحك عمر بهيستيريا: هههههه داده مين يا قطه اللي بتنادى عليها دى مشت بعد ماخدت بقيت حسابها

مانويلا ببكاء هيستيري: انت حيواان حيوااان انا لازم امشي من هنا وتجرى ناحيه الباب ويلحق بها عمر ويحملها ويدخل بها غرفه النوم ويلقي بها علي السرير وف نفس الوقت ياتى سيف الي العنوان ويصعد علي الدرج بسرعه البرق ويصل الي الشقه ويجد الباب مفتوحا ويدخل علي صوت مانويلا ويجد عمر ومانويلا مع بعضهما

سيف مصدوم: انتى يامانويلا!!!

وتنظر له مانويلا وهى تبكى وف زهول واندهاش من وجوده: سيييف!!






الفصل الثاني عشر

سيف مصدوم: انتى يا مانويلا!!

وتنظر له مانويلا وهى تبكى وف زهول واندهاش من وجوده: سيييف!!

سيف بغضب: ايوه سيف يا مانويلا......ايييه جيت قطعت عليكو اللحظه ولا ايه....عشان كدااا ماجتيش الكليه النهارده

مانويلا ببكاء : سيف الحقنى ياسيف.....والله ما اعرف انه هنا...انا اتفاجئت بيه

عمر: لالالا يامانويلا ياحبيبتى ليه الكدب ده...ماهو شايف بعنيه اهو انتى معايا وف شقتى وف قوده نومى كمان و....ولم يكمل جملته ونال من سيف بعض اللكمات ف وجهه

سيف: انت ياعمر تعمل كدا انا مش هسيبك اقسم بالله ما هسيبك....وظل يضرب فيه وعمر يرد له بعض اللكمات....ومانويلا تجلس ف جانب ف الغرقه وتضم ركبتيها الي صدرها وتبكى ف صمت

وبعد ما انتهى سيف



سيف: انت من النهارده ملكش دعوه بيا انت فاهم والشراكه اللي بين ابوك وابويا هفضها

وتقوم مانويلا من مكانها وتمسك ف سيف: سيف والله العظيم مظلومه ياسيف والله مااعرف انه هنا....خدنى معاك ياسيف ماتسبنييش

ينظر لها سيف نظره عتاب ولووم: يا خساره يا مانويلا يا خساره........من النهارده اعتبري كل اللي بينا انتهى

مانويلا بذهول: اييه اللي انت بتقوله ده ياسيف....ارجووك ياسيف اسمعنى والله العظيم انا مظلومه.......اسمعنى ياسيف عشان خاطرى

ولم يعطى لها سيف اهتمام وتركها وحدها وخرج والدموع ف عينيه

ظلت مانويلا تبكى وتبحث عن بلوزتها وبعد وقت قليل تجدها ف المطبخ فترتديها وتخرج وتجد عمر يغسل وجهه من الدماء

مانويلا بدموع: اظن كدا انت عملت اللي انت عاوزه مش كدا يارب تكون ارتحت ياعمر

عمر بنظره انتصار: ايوه كدا....اصلك بصراحه مش لايقه عليه....لايقه عليا اكتر

مانويلا بتحدى: بعيينك ياعمر انت بعدتنى عن سيف بس عمرى ماهكون ليك عمرى ...وهروح لسيف وهقوله كل حاجه

عمر بضحك: وتفتكرى هيصدقك ياقطه بعد اللي شافه

مانويلا: ايوه هيصدقنى سيف بيحبنى وانا بحبه ومش هكون لغيره

عمر: هنشووووف يامانويلا

مانويلا: انت اللي بكره تشوف ياعمر

وتلقي عليه نظره احتقار وتتركه وتذهب



عند سيف ف المنزل

سها: سيف ..مالك يا حبيبي سرحان ف ايه

سيف: ولا حاجه ياماما..مافيش حاجه

سها: يعنى انا مش هعرفك ياسيف...احكيلي يا حبيبي مالك

سيف وبدات الدموع تنهمر منه...وتاخذه سها ف حضنها

سيف: انا عاوز اتكلم معاكى ياماما

سها: مالك ياسيف مالك يابنى....اتكلم يا حبيبي انا سمعاك

وبدا يحكى لها سيف من اول لقاء بينه وبين مانويلا الي اخر لقاء

سها مندهشه مما سمعته: يااااااه ياسيف يااه كل ده مخبيه عليا

سيف: انا اسف ياماما ماجتش فرصه اقولك حاجه

سها بابتسامه: بس شكلها بتحبك اوووى

سيف بتهكم: بتحبنى تعمل فيا كدا

سها:حبيبي انت ماسمعتهاش وانا قلبي حاسس ان هى مظلومه وف اناا ف الموضوع

سيف: مظلومه ازااى وانا شايفهم بعينى وهما مع بعض ف قوده النوم

سها: حبيبي مش كل اللي تشوفه عنيك يبقي صح مش ده اللي انت قولتهولها قبل كدا واللي انت لسه حكيه دلوقت وبعدين دى مش اول مره عمر يعملها معاكم المفروض تكون فهمت........بص ياسيف اللي حصل ده اكيد هيجى يوم والحقيقه هتتكشف وتبان ويظهرلك ان مانويلا بريئه

سيف: يارب ياماما ياارب



وبعد ايام بسيطه تقابل مانويلا وعد ف الكليه.....وتجد مانويلا ذابله وجهها شاحب

وعد بخضه: مانويلا مالك ف ايه ...ومابتجيش الجامعه ولا بتردى علي تليفوناتى ليه......................................ردى يامانويلا

مانويلا ببكاء: خلاص يا وعد كل حاجه راحت كل حاجه راحت

وعد: طيب اهدى وبالراحه كدا احكيلي حصل ايه

وحكت لها مانويلا كل شئ من البدايه للنهايه

وعد باندهاش وهى فاتحه فمها مماسمعته: اييه اللي انتى بتقوليه ده يامانويلا.....الكلاد ده حصل بجد

مانويلا: ايوه حصل بجد وحصل معايا انا..وسيف خلاص سابنى ياوعد ومش مصدقنى

وعد: دا عمر ده طلع شيطاان بجد...........بس برضو يامانويلا سيف معاه حق اى واحد ف مكانه اكيد هيصدق ماهو اصل ابن ال.....حاطت خطه ماتخرش المايه...وبعدين انتى فاكره لماشوفتى سيف مع البنت اياها عملتى ايه....اعذريه بقي يامانويلا اعذريه

مانويلا: ماهو انا ساعتها سمعته وسامحته انما هو ليه مارضيش يسمعنى ليه.....وظلت تبكى

وعد: عشان ساعتها كان مصدوم ومش عاوز يسمع منك حاجه...انما اكيد دلوقتى بقي هادى شويه ..انتى بقي تروحيله دلوقت وتتكلمى معاه

مانويلا: تفتكرى هيسمعنى

وعد: سيف بيحبك يامانويلا.بيحبببببك..واكيد هيسمعك .قومى روحيله يلا

مانويلا: ماشي



وتذهب مانويلا وهى تقدم قدم وتؤخر قدم...وتجد سيف مع صديقه زياد

وتذهب له بواجه شاحب: سييف

ينظر لها سيف ويرق قلبه لها من حالتها وبعدها يلف وجهه الناحيه الاخرى: نعم

مانويلا بدموع: عاوزه اتكلم معاك شويه..

وبعدها يجول زياد بنظره بين الاثنين وحس بالحرج

زياد:طيب ياسيف هروح اشوف عبدالله فين ..بعد اذنكم

ويتركهم زياد وتجلس مانويلا مكانه

مانويلا: سيف....سيف بصلي...كمان مش عاوز تشوفنى

سيف: عاوزه منى ايه تانى يامانويلا مش كفايه اللي حصل عاوزه ايه تااانى

مانويلا بدموع: كل اللي عاوزاه منك انك تسمعنى ياسيف وبعدها لو مش عاوز تشوف وشي تانى انا موافقه

وحس سيف انه بالفعل حابب يسمعها ويعرف الحقيقه ويرق قلبه لها: اتفضلي اتكلمى

مانويلا بدموع: والله ياسيف انا مظلومه وما اعرفش ان عمر هو اللي كان ف الشقه ساعتها

سيف بعصبيه: ازااااى ..ازاى مظلومه وازاى ماكنتيش تعرفي انه هو اللي هناك وانا جاى لاقيكو ف اوضه النوم و..وقالعين يا مانويلا عاوزانى افهم من كدا ايه

مانويلا ببكاء: ماهى دى كانت خطه عمر اللي عملها عشان يبعدنا عن بعض

سيف: ياسلاام

مانويلا: اه والله هو ده اللي حصل

سيف: انا مش مكلمك قبلها وقولتيلي انك هتقعدى ف البيت تذاكرى ايه اللي خرجك

مانويلا: انا بعد ماقفلت معاك كلمت وعد وبعدها لقيت امايا بنت عم عمر فاتحه وانا ماكلمتهاش من زمان فاكلمتها وقالتلي انها تعبانه اووى وانا اصريت انى اروح اشوفها فا هى قالتلي انها قاعده ف شقه عمها اللي مقفوله علي بال ماعمها يجى من السفر عشان ماتقعدش مع عمر ف الفيلا لوحدها

سيف وركز ف الحوار اكثر: وبعدين

مانويلا: وبعدين روحت الشقه دى وفتحتلي ست كبيره وقالتلي انها الداده ودخلت وقعدت وقالتلي ان امايا مستنيانى ودخلت تجبلي عصير وهى بتدهونى وقعته عالبلوزه بتاعتى واصرت انها تاخدها تغسلها وتجبها عشان مش هينفع امشي بيها كدا ودخلت المطبخ وبعد شويه لقيت عمر طالع منه انا اتفاجئت بيه والله ساعتها جريت عالباب عشان امشي قام شالنى ودخلنى الاوضه وبعديها انت جيت وشوفتنا...وبدات تبكى....بس والله ياسيف ماحصل حاجه والله ما اعرف اللي هيحصل ده..

سيف وبدا يصدق كل كلمه تقولها: طيب خلاص اهدى

مانويلا ببكاء: انا ياسيف عمرى ما اعمل حاجه غلط ما عمر قدامى اهو كان زمانى روحتله من زمان بس والله انا بحبك انت ومش عاوزه غيرك انت ياسيف.....وتبكى بحرقه

ويمد سيف يده ويمسح دموعها: خلاص يامانويلا اهدى عشان خاطرى

مانويلا: لا انا مش ههدى غير لما تقول انك مصدقنى

سيف: خلاص يامانويلا الموضوع خلص

مانويلا: يعنى انت مصدقنى ياسيف

سيف: ايوه مصدقك يا مانويلا

وتبتسم مانويلا وبعدها تدخل ف بكاء عميق

سيف: طب انتى بتعيطى ليه دلوقتى..والله مصدقك

مانويلا: عشان مبصوته انك مصدقنى

ويبتسم سيف رغما عنه: مبصوته تعيطى....انتى مجنونه يابت انتى ولا ايه

وتنظر له مانويلا: مجنونه بيك ياسيف

سيف: بحبك يامانويلا

مانويلا بابتسامه: وانا كمان بموووت فيك



وبعد يومين

عند امايا ف المنزل

امايا: حمدالله علي سلامتك ياعمو..كدا قولت يومين تقعد كل ده...البيت كان مضلم من غيرك والله

شريف: الله يسلمك يا حبيبتى والله كان شغل يا امايا...وبعدين البيت مضلم من غيري منور بيك ياقمر...........تعالي بقي اوريكى جبتلك ايه

امايا: ماكانش له لزوم ياعمو والله انت مش حارمنى من حاجه

شريف: اوعى اسمعك تقولي كدا تانى....بصي ..ايه رايك ف الفون ده

امايا: الله ياعمو تحففه بجد ..دا انت كنت حاسس بيا بقي

شريف: ليه

امايا: اصل الفون اللي معايا هنج خاالص وعاوز يتصلح

شريف: خلاص استعملي ده واركنى القديم

امايا بحزن: لا انا هصلحه واستعمله هو كمان اصل بابا الله يرحمه هو اللي كان جايبهولي وعزيز عليا يعنى

شريف: الله يرحمه...خلاص هاتى اصلحهولك واجبهولك

امايا: وتكمل جميلك بقي تنزلي عليه البرنامج اللي بيرجع الرسايل الممسوحه عشان مش عارفه انزله وف رسايل كتير عاوزه ارجعها

شريف: من عنيا يا حبيبتى اطلعى هاتيه بقي

امايا: اوك



وبعدها بيومين

يدخل شريف المنزل ويتادى علي الداده

شريف: ياداده ..اومال عمر فين

الداده: خرج من شويه يا شريف بيه

شريف: طيب امايا فين

الداده: فوق ف اوضتها

شريف: طيب ياداده اتفضلي انتى

ويصعد شريف لامايا ف غرفتها

شريف: امايا

امايا: عمو..تعالي يا حبيبي اتفضل

شريف: اتفضلي ياحبيبتى التليفون اتصلح اهو ونزلتلك كمان البرنامج اللي عاوزاه

امايا: مرسي اوى ياعمو ربنا يخليك ليا يارب

شريف: ويخليكى ليا ياحبيبتى...ها مش عاوزه حاجه تانى

امايا: تسلملي يا حبيبي

شريف: طيب هسيبك انا بقي....بعد اذنك

امايا: اتفضل

ويذهب شريف وبعدها تمسك امايا بالهاتف وتبدا بتراجع كل الرسائل الممسوحه علي الواتس اب حتى الرسائل التى بينها وبين مانويلا بدات باسترجاعها حتى توقفت عند بعض الرسائل

امايا باستغراب: ايه ده!!!!





الفصل الثالث عشر

وتوقفت امايا عند بعض الرسائل

امايا باستغراب: ايه ده!!...ايه الرسايل دى ..انا ماكتبتش الكلام ده وشقه ايه اللي انا قاعده فيها وتعبانه كمان...لا انا لازم اتصل بمانويلا وافهم...اكييد ف حاجه غلط

وتجرى اتصالا بمانويلا وترد عليها: الوو

امايا: الوو...اذيك يا مانويلا

مانويلا: الحمدلله...عامله ايه يا حبيبتى

امايا: انا تمام.......بقولك عاوزه اسالك ف حاجه كدا

مانويلا: اسالي



امايا: هى الرسايل اللي بينى وبينك اللي عالواتس اب دى...انا مش فاكره انى كتبت حاجه زى كدا..واصلا احنا ما اتكلمناش عالواتس من زمان

مانويلا وعرفت اكتشاف امايا للرسايل: يعنى انتى يا امايا متاكده انك مش انتى اللي كلمتينى وبعتيلي الرسايل دى

امايا: لا طبعا يابنتى انا استغربت اساسا...انا اصلا تليفونى هنج وعمى صلحه ونزلت البرنامج اللي بيرجع الرسايل اللي اتمسحت واستغربت من الرسايل دى

مانويلا: انا كدا ارتحت انك مالكيش يد ف الموضوع

امايا: موضوع ايه هو ف ايه يامانويلا..ماتقلقنيش

مانويلا: انا هحكيلك كل حاجه يا امايا

وسردت لها مانويلا كل ماحدث لها

وشهقت امايا شهقه مما سمعته

مانويلا: هو ده كل اللي حصل يا امايا

امايا غير مصدقه: انا مش مصدقه اللي بسمعه ده...عمر يعمل كدا..طب ليه...ويفرق بينك وبين سيف ليه...عشان بيحبك

مانويلا: عمر ما بيحبنيش يا امايا عمر عاوز يمتلكنى مش اكتر ويثبت لسيف انه اخدنى منه

امايا بحزن: وانتى يا مانويلا

مانويلا: انا ايه يا امايا....انا مابحبش غير واحد بس ومش هكون لغيره وبشكر ربنا انه خلاه يصدقنى والا كنت هضيع من غيره

امايا بحزم: انا لازم اقول لعمى ...لازم اكشف عمر قدامه..اصله عامل ملاك برئ

مانويلا:مالوش لزوم.....انا اصلا ماقولتش لا لبابا ولا لماما وهما اصلا حاسين ان ف حاجه بس مش راضيين يضغطو عليا ف الكلام

امايا: لا يامانويلا لازم عمى يعرف كل حاجه ..عمر زودها اووى ولازم حد يقفله..اقفلي انتى دلوقتى...سلام



وقد تشعللت النار بداخلها ليس من الغيره بل من شر عمر ولابد من ايقاف هذا الشهر...وتنزل الي الاسفل باحثه عن عمر ولم تجده وتذهب لداده فاطمه

امايا: داده

الداده: ايوه يا حبيبتى

امايا: داده هسالك سؤال لو سمحتى...انتى ماشوفتيش حد ماسك تليفونى ده من كام يوم كدا

الداده: اه البيه كان واخده يصلحه

امايا: لالا ياداده قبلها

وتتذكر فاطمه: ايوه يابنتى افتكرت عمر بيه كان جه ف يوم كدا سال عليكى وانا قلتله انك فوق وبعديها انا دخلت المطبخ بس سيبته واقف مكانه وانا داخله ببص لقيته خد التليفون من عالتربيزه وحطه ف جيبه ومشي..وجه بعدها بشويه ياخد هدوم له وانتى نزلتيله بس انا لقيت التليفون عالترابيزه تانى وانتى اخدتيه وطلعتى

امايا: تمام ..هى كدا بانت..

الداده: ف حاجه يا حبيبتى

امايا: ها...لا يا داده ربنا يخليكى.....بس قوليلي عمو فين

الداده: جه من شويه ودخل مكتبه

امايا: طيب ياداده...شكرا



وتذهب امايا لعمها شريف....وتدق علي الباب

شريف: ادخل

وتدخل له امايا بوجه عابس

امايا: عمو شريف

شريف: تعالي يا امايا...مالك يا حبيبتى مكشره ليه

امايا: عمو انا عاوزه اقولك حاجه مهمه عن عمر

شريف: عمر....اكيد عمل مصيبه ماااله سي زفت

وقصت له امايا كل شئ..كل شئ

ويقف شريف مكانه وهو مصدوووم ووجهه يكاد يخرج منه نااارا: ايييييييييه...عمر ابنى عمل كدا

امايا: ايوه ياعمو

شريف: انتى متاكده من الكلام ده يا امايا

امايا:ايوه متاكده ولو مش مصدقنى اتفضل شوف الرسايل اهى

وبعد ان قرا الرسايل

امايا: واونكل احمد مايعرفش حاجه مانويلا خافت تقولهم هناك عشان المشاكل والحمدلله سيف صدقها ورجعو لبعض...انا مش عارفه عمر بيعمل كدا ليه

شريف بغضب: اتصليلي بالحيواان ده يجى دلوقتى حالا

امايا : عمو انا ماليش دعوه بعمر انا اخاف يعرف انى قولت يقوم اذ....ولم تكمل جملتها وتسكت

شريف: كملي يا امايا كملي يقوم اذيكى ليكى حق ماانا ابنى عاد زعيم عصابه..ماتخافيش يا امايا ماتخافيش

ويتصل هو بعمر ويجده ف مكان فيه اصوات عاليه: عمرر....تعالي البيت دلوقتى....لا دلوقتى..ماتتاخرش...ويغلق الخط

وياتى عمر بعد وقت ليس بقليل

عمر: خير يابابا ف ايه جايبنى علي ملا وشي ليه

ويستقبله شريف بصفعه قويه علي وجهه

ويضع عمر يده علي خده وهو مصدووم بشده: بابا...انت بتضربنى!!!!

شريف بغضب: واموتك كمان يا عمر...مدام ما عرفتش اربيك

عمر بغضب: انا عملت ايه لكل ده ايه اللي يخليك تضربنى لاول مره ف حياتك

شريف: ودى غلطتى انى دلعت فيك لحد مابقيت زبااااااااله

عمر: انا عاوز افهم ف اييه

شريف: عمايلك السوده ..بقي انت بقي عملي فيها زعيم عصابه وبتخطط وبتنفذ وبتئذي البنات وكل ده ليه عشان قالتلك مش عاوزاك.........ها.....ماترد

وفهم عمر مايقصده والده وانه علي علم بالموضوع

عمر بتوتر: ها..ايه....هى مين دى وايه الكلام ده..انا مش فاهم حاجه

شريف: ماااااااشي..انا هفهمك دلوقنى................وينادى علي امايا..امايا..ياامايا

وتنزل له امايا وهى خائفه

امايا: ايوه ياعمو

شريف وينظر لعمر ويمد يده لامايا: هاتى الموبايل بتاعك ...وياخذه منها...ويضعه امام وجه عمر

شريف: ها ياسي عمر فهمت دلوقتى

عمر مصعوق من معرفتهم بالرسائل وكاد ان يجن لانه حذفهم ف وقتها

عمر: وانا مالي دا تليفون امايا وهى اللي مكلمه مانويلا ..انامااالي بقي

امايا: علي اساس ان انا اللي كنت قاعده ف الشقه المقفوله

عمر بغضب: انتى تخرسي خاالص

شريف: لا هى مش هتخرس انت اللي هتخرس وهتطلع بره البيت وما اشوفش وشك تانى هنا مفهووووووم

عمر: ايه اللي انت بتقوله ده يابابا ده بيتى اللي المفروض يطلع من هنا تبقي هى ده مش بيتها دى عايشه عندنا عاله هى اللي تمشي من هنا

امايا مصدوومه مما سمعته

اما شريف فكلام عمر اغضبه اكثر وامسك عمر من ملابسه واخذ به خارج المنزل

شريف: عاله مين يا حيواان..دى احسن منك 100 مره علي الاقل اخويا عرف يربي مش انا...يلا بره ومااشوفش وشك تانى هنا...برررررررررررره

وخرج عمر من المنزل وهو غاضب للغايه

ودخل شريف لامايا ليجدها واقفه مكانها مثل التمثال لا تتحرك وجسمها باارد ولكن الدموع تنهمر منها مثل الشلال

شريف: امايا خلاص اهدى انا طردته بره خلاص ومش هتشوفيه تانى....ولم يكمل كلامه..ويجدها تقع مغشيا عليها

شريف بخوف: اماياااا

ويتصل بعدها بالاسعاف وينقلها الي المستشفي



اما عن عمر فيذهب الي شقته

وهناك يتصل بكايلا وتذهب له ف الحال

كايلا: عمر حبيبي ...مالك وايه اللي رجعك هنا تانى مش بتقول باباك جه

عمر: ابويا عرف كل حاجه وطردنى من البيت

وشهقت كايلا: اييييييه..عرف كل حاجه ..ازاى ومين اللي قاله

عمر وينظر امامه: امايا بنت ال......عرفت ترجع الرسايل اللي مسحتها وتقريبا كدا كلمت مانويلا وعرفت منها كل حاجه وقالت لابويا

كايلا: يانهار ابيض...طب هتعمل ايه دلوقتى

عمر: هعمل ايه يعنى هقعد هنا

كايلا: طيب والمانى الفلوس يعنى هتصرف منين

عمر: هروح اسحب الفلوس اللي باسمى ف البنك واصرف منهم دلوقتى

كايلا ولمعت ف اذنيها كلمه*الفلوس*...: اممممم طب وانت معاك كام هناك ياقلبي

عمر: يعنى معايا 200 الف هسحبهم واعينهم معايا واصرف منهم

كايلا وتفتح فمها: 200 الف وهتسحبهم وتعينهم هنا

عمر: اه مانا اصل مصاريفي كتيير شويه

كايلا: اه انت هتقولي

عمر: خلينا ف المهم بقي...انا مش عايز انام هنا لوحدى ...اصل النور بيقطع بالليل وانا بخاف من الضلمه..ويغمز لها

فتفهم هى: هههههه من عنيا يا حبييييبي ..هتصل بهم ف البيت واقولهم انى هبات عند صاحبتى نذاكر

عمر: ايوه بقي ..ههههههههه



ف المستشفي

شريف: خير يا دكتور امايا مالها

الدكتور: هو حد زعلها ياشريف بيه

شريف: يعنى حاجه زى كدا

الدكتور: طيب....هى اتعرضت لصدمه..بس شديده شويه وده خلاها تفقد النطق مؤقتا

شريف: اييه يعنى ايه يعنى امايا مش هتتكلم بعد كدا

الدكتور: لا انا قولت مؤقتا لفتره كدا يعنى وهترجع تانى بس هى نفسيتها وحشه اووى لازم تتعالج عن دكتور نفسي ..وده ضرورى لها جدا عشان ترجع زى الاول

شريف: مااشي يا دكتور...طيب ممكن ادخلها

الدكتور: اتفضل ياشريف بيه

ويدخل لها شريف

شريف: امايا عامله ايه يا حبيبتى...كويسه

وتنظر له امايا وتهز راسها بالايجاب ولكن دموعها تقول عكس ذلك

شريف: حبيبتى انا عارف ان اللي قاله عمر صعب عليكى بس انتى عارفه عمر وبعد كل اللي عمله ده سهل عليه يقول الكلمتين دول ..انا مش عارف عمر بقي كدا ليه دا ماكانش كدا الاول...ويتنهد بعدها..يلا ربنا يهديه

وتمسك امايا ورقه وقلم وتكتب عليها: عاوزه مانويلا وسيف

شريف: حااضر يا حبيبتى هعملك كل اللي انتى عاوزاه

ويتصل بسيف ويتاسف له عن اللي حصل...ويخبره بما حدث لامايا ويطلب منه المجئ هو ومانويلا

وبعدها بساعه واحده فقط ياتى سيف ومانويلا ...وتجرى مانويلا عليها باكيه

مانويلا: امايا مالك يا حبيبتى...انا قولتلك بلاش ..انا نسيت خلاص

وتبكى امايا ف حضن مانويلا وبعدها تمسك الورقه والقلم وتكتب عليها

انا خدتلك حقك يا مانويلا انتى وسيف

مانويلا: بس اهى النتيجه يا امايا انتى مرميه ف المستشفي

سيف: انا مش عارف اقولك ايه بالرغم انى فرحان ف عمر وف نفس الوقت زعلان عليه وعلي اللي حصلك

وتكتب امايا: مش مهم اللي حصلي المهم ان تظهر براءه مانويلا

مانويلا باكيه: يا حبيبتى...وتاخذها ف حضنها



عند عمر وكايلا

كايلا: يا ابن الايه ياعمر كل ده فلوس بس مش خايف لا تتسرق ولا ايه طب عينهم ف حته امان

عمر: مين يتجرا يسرقنى ياماما دا انا عمر الهوارى

وتضحك كايلا بسخريه ولم يلاحظها عمر: علي رايك....بس هتعنهم فين بقي...تقولها بخبث

عمر: هعينهم ف الخزنه هنا

كايلا: اممم احسن برضو

عمر: احنا هنقعد نتكلم طول الليل ولا ايه ماتيجى اقولك كلمتين جوا طيب

وتضحك كايلا بمياعه: هههه ماشي يل حبيبي ..يلا بينا



وبعدها بايام بسيطه تخرج امايا من المشفي بصحبه عمها وامايا وسيف ولكنها رفضت الذهاب لمنزل عمها ولكن شريف اصر عليها لانه منزلها قبله وقبل عمر وان هذه وصيه اخيه له

اما كايلا فتخطط لشئ ما وحان وقت تنفيذه وقبل الذهاب لبيت عمر تتصل بشخص ما: الوو..ايو يا ماندو...انا رايحه دلوقتى...عارف العنوان..تمام...اعمل اللي اتفقنا عليه....سلام





الفصل الرابع عشر

اما كايلا فكانت تخطط لشئ ما وقبل الذهاب لمنزل عمر تتصل بشخص ما: الوو...ايوه ياماندو...انا رايحاله دلوقتى...اعمل اللي اتفقنا عليه...سلام وتذهب كايلا لعمر

عمر: حبيبه قلبي اتاخرتى ليه

كايلا: سوورى يابيبي الطريق كان زحمه اووى...بس ايه ده ايه الجو الرومانتيكى ده

عمر: طبعا يا حبيبتى دا اقل حاجه عندى

كايلا: تسلم ياعمرى..انا هدخل اغير هدومى بقي

وتدخل كايلا لتغيير ملابسها وبعدها تفتح الباب فتحه صغيره وتطل براسها منها ولا تجد عمر قريبا منها فتدخل وتتصل بماندو

الوو ...ماندو....جاهز...تعالي بعد نص ساعه بالظبط...علي بال ما اخدره...لا مكان الخزنه تانى اوضه عالشمال..يلا اتحرك دلوقتى علي بال ماتوصل...بس اما اخدره هرن عليك ماتطلعش الا اما ارن..خليك ع رنه...سلام



وبعدها تخرج من الغرف وتجد عمر امامها

كايلا بخضه: عمرر!!....ف ايه...ايه اللي موقفك كدا

ظل عمر محدق بها بعمق وبعدها ابتسم ابتسامه باهته: لا ياقلبي اصلي لقيتك اتاخرتى فاقولت اجى اشوفك

كايلا: ولا اتاخرت ولا حاجه ..ايه لحقت اوحشك...يلا بقي ورينى هتاكلنى ايه

عمر: كل اللي تحبيه موجود تعالي....تعالي

ويجلسو لياكلو وكان عمر متابعها بنظراته التى لا تفهمها

وبعدها تدخل لتحضر العصير وتخرج من جيبها زجاجه ووضعت منها بعض القطرات ف كاس عمر وذهبت له..

كايلا: العصير يا حيااتى

عمر: تسلميلي يا حبيبتى....وظل عمر ممسك بالكاس وعند التفاته من كايلا ف جهه اخرى يرمى منه ف سله المهملات التى بجانبه ....وبدا يمثل عليها دور اللاواعى والمخدر...فتنتهز كايلا الفرصه وترن علي ماندو

وبعدها ياتى لها ماندو وتفتح له الباب ويدخل الي الخزنه ...ويحاول فتحها وهى تراقب الجو عند عمر وهو شبه نائم وبعدها تدخل لماندو

كايلا: ايه ياماندو كل ده ولسه مافتحتهاش

ماندو: الخزنه بارقام سريه صعب نفتحها لازم نجيب اى حاجه نفتح بيها

كايلا: اومال ايه بفتح اى خزنه تقابلنى ومافيش حاجه صعب عليا وانت هنا اهو زى خيبتها ..استنى اما اجبلك سكينه من المطبخ جتك القرف

وتذهب كايلا وتترك ماندو شايط من كلامها

وبعدها تاتى له بالسكين وبعد وقت قليل تفتح الخزنه وهى معبئه بالفلوس فتزغلل عينى ماندو لانه بالكاد سوف تعطيه كايلا ملاليم وتاخذ هى الباقي....

كايلا: جدع ياض ياماندو قدها استنى بقي اما اجيب شنطه نحط فيها الفلوس

وبعدها تخرج لتاتى بشنطه لتضع فيها الفلوس وتتفاجئ بشئ غير متوقع فلم تجد عمر مكانه فتندهش وظلت تبحث عنه بعينيها فياتى لها عمر من حيث لا تدرى من وراء ظهرها وهو ممسك بسكين ايضا ويضعه ع رقبتها

عمر: بتسرقينى يا كايلا متفقه مع الكلب اللي جوه ده وجايه تسرقينى بعد كل اللي بينا

كايلا خائفه ومخنوقه ف نفس الوقت: لا ياعمر لا....اسمعنى بس..وبدات تسعل....بتخنق ياعمر شيل السكينه ارجووك....وبعدها تنادى...ماندوو..الحقنى ياماندو

وياتى لها ماندو مسرعا: ايه ده..ف ايه

عمر: ايه ياعم الحرامى جاى بتسرقنى عينى عينك كدا وبتقول ايه ده...سيب ياض اللي ف ايدك ده وتعالي قدامى

ماندو: ولو ماسبتش..هتعملل ايه يعنى

عمر: هتيجى ولا اموتهالك دلوقتى حالا

ماندو ويخرج من جيبه مسدس: وعلي ايه طيب عنك انت

كايلا بزعر: هتعمل ايه ياماندو

وبعدها يطلق رصاصه ع كايلا لتصيبها ف قلبها فتقع عالارض غارقه ف دمها

عمر مزهول: ايه اللي انت عملته ده انت مجنون

ماندو: ليه مش كنت عاوز تموتها انت كمان انا وفرت عليك..وبعدين دى كلبه ضحكت عليا وقالتلي مصلحه صغيره واتفقت معايا ع ملاليم عشان هى بقي تهبر الهبره الكبيره لوحدها...يلا ريحت واستريحت...........يلا سلام بقي يابرنس

عمر: ع اساس انى هسيبك تخرج بالفلوس دى دلوقتى...دا يبقي علي جثتى.....وبعدها ينقض علي ماندو..ويظل يضرب فيه ويحاول اخذ المسدس ولكن ماندو كان ممسك به جيدا...وبعدها يبدا ماندو الضرب فيه ويقذفه بعيدا عنه ويسلط عليه المسدس

ماندو: انت قولت انى مش هاخد الفلوس اللي علي جثتك انا بقي هاخدهم وهسيبك جثه...ويطلق عليه رصاصه فتصيبه ف صدره وبعدها ياخذ ماندو الفلوس ويهرب من السلم الخارجى



عند وعد

وعد بحزن: يعنى خلاص ماشيين بكره يانهله

نهله: اه يا حبيبتى الفيلا خلصت خلاص هنمشي بقي

وعد: نهله انتو كنتو ماليين علينا البيت والله ماتقعدو معانا علي طول

نهله: مش هينفع يا حبيبتى والله وبعدين ما احنا هنزور بعض ونتقابل ونخرج كتير ..فكى بقي وماتزعلنيش انا كمان

وعد: بس هتوحشونى اووووى

نهله بخبث: مين بالظبط اللي هيوحشك ياوعد

وعد بتلقائيه: انتى وعمو و... . وبعدها تسكت وتضع وجهها ف الارض

وتبتسم نهله: هااااا ماتكملي .و..وعبدالرحمن ياوعد.....ولا هو بقي مش هيوحشك زينا

وعد بابتسامه: لا طبعا اكيد..ه...هيسيب فراغ يعنى

نهله بصحك: هههههه يانهار ابيض....ايه يابنتى ده...يخربيتك ماتنطقي بقي

وعد: انطق ايه يانهله..انتى عاوزه ايه بالظبط

نهله: تعالي وانا اقولك

وتسحبها نهله من يديها وتنزل بها الي الجنينه حيث يجدو عبد الرحمن ف انتظارهم وكانه كان علي علم بقدومهم

وعد: انتى جيبانا هنا ليه يانهله

نهله: اششششش...عبدالرحمن البت دى عندك اهى...عاوزاكو تخلصو كل الكلام ...تعبتونا بسكوتكو ده الله يخربيوتكم ههههه

وتتركهم نهله وتغادر

ويظلون ينظرون لبعض ف صمت وبعدها يقطع عبدالرحمن هذا الصمت

عبدالرحمن: فاكره ياوعد..فاكره ايام ماكنا صغيرين وكنا مابنفارقش بعض ابدا..فاكره

وعد مبتسمه: فاكره ياعبدالرحمن

عبدالرحمن: طب فاكره ايام ماكنت بجبلك شوكولاته كتيير اووى

وعد: طبعا فاكره

عبدالرحمن: طب فاكره كنت بقولك ايه ساعتها

وعد بكسوف: كنت بتقولي انا بجبلك الشوكولا دى عشان تفضلي تحبينى واما نكبر تتجوزينى انا

عبدالرحمن: طيب وادينى كبرنا اهو...وانا بصراحه عاوز حق الشوكولاته بتاعتى

وعد بزهول: يعنى انتى موقفنى كدا وبتفكرنى بالذي مضي عشان حق الشوكولاته ..ماشي يا عبدالرحمن..انا هديك حقهم حالا..وهمت لتذهب
فلحقها عبدالرحمن..وامسك بها

عبدالرحمن: ياهبله ..يا عبيطه...انا مش كنت بجبهالك عشان تفضلي تحبينى وماتتجوزيش غيرى

وعد بوجه عابس مثل الاطفال: ايوه

عبدالرحمن: طيب انا بقي عاوز حقها

وهمت لتغضب عليه ثانيه ولكنها اخدت بالها من الجمله فتهللت اساريرها: عبد الرحمن

عبدالرحمن: اخيرا فهمتى بقي...ايوه ياوعد انا بحبك....وعاوز اتجوزك

وعد: عبدالرحمن انا...

عبدالرحمن: هاا انتى ايه...قوليها بقي

وعد بابتسامه: انا كمان بحبك...بحبك اووى ياعبدالرحمن

عبدالرحمن وتهللت اساريره: يعنى موافقه عالجواز

وتهز راسها بالايجاب ف سعاده...وبعدها ياخذها عبدالرحمن من يدها ويجرى بها الي الداخل وهو فرحين ليبلغو الجميع



اما عمر فيفيق شيئا فشيئا وهو يلهث من الالم وانفاسه متقطعه ويمسك تليفونه وهو مرمى علي عالارض ويتصل بامايا لانها اول اسم ف قائمه الاسماء

وعند امايا كانت جالسه ف غرفتها وتجد هاتفها يرن فتنظر للاسم وتجده عمر فتمسك بالهاتف متردده ترد ام لا فينتهى الامر بانها لم ترد عليه

ويتصل مره اخرى فتحس بغصه ف قلبها وان هناك شئ ما فتفتح: الوو.....نعم ياعمر عاوز ايه تانى

فياتيها صوته متقطع: ال ح ق ينى..يا ام ايا...ا نا .بم و وووت.....وبعدها يغلق الخط

امايا بخضه: عمرر..عمر..رد عليا...عمررر

وبعدها تنزل الي الاسفل مسرعه باحثه عن عمها: عموو..عمووو

ويخرج شريف من مكتبه: خير يا امايا مالك

امايا ببكاء: احنا لازم نروح لعمر دلوقتى ياعمو

شريف بخوف: ليه يا امايا ف ايه..اتكلمى

امايا: مش وقته ياعمو عمر ف خطر لازم نروحله..يلاااا

ويستقلو السياره ويذهبو له ويجدو الباب مغلقا فيكسره شريف ويدخلو ليجدو كايلا غارقه ف دمها وقد فارقت الحياه ويجدو عمر ف الجانب الاخر غارق ف دمه ايضا وفاقد الوعى ولكنه يتنفس

فتشهق امايا من منظره وتبكى بشده: عمر..عمر...اتصل بالاسعاف ياعمو بسررعه

شريف ببكاء يتصل بالاسعاف وتاتى الاسعاف مسرعه وتاخذ عمر وكايلا ويذهب شريف وامايا خلفهم..ويصلو الي المشفي

ويدخل عمر غرفه العمليات وينتظره امايا وشريف ف الخارج

شريف ببكاء: ياارب قومه بالسلامه ياارب..ده ابنى الوحيد ..يارب ما اشوفش فيه مكروه احميه واحفظهولي ياارب

امايا بدموع: ان شاء الله ياعمو هيبقي كويس

ويخرج الدكتور من غرفه العمليات

شريف: خير يا دكتور ف ايه

الدكتور: ابنك نزف كتير جدا واحنا محتاجين دم دلوقتى حالا وفصيلته للاسف مش موجوده عندنا ..وعما نبعت نجيب هياخد وقت وابنك ف خطر

شريف: طب هو فصيلته ايه

الدكتور: فصيلته a+

شريف بخيبه امل: دى مش فصيلتى طب هنعمل ايه

امايا بلهفه: انا فصيلتى a+ انا هديله دمى يادكتور

الدكتور: طب اتفضلي معايا بسرعه

وتدخل امايا وياخذو منها كميه دم كبيره جدا وذلك حسب رغبتها وكانت تقول هذه الجمله..خدو دمى كله المهم يقوم منها....

وذلك ادى الي ان يغمى عليها...وبعدها تفوق بعد ان تعلقت لها محاليل وكانت متعبه

شريف بدموع: انا مش عارف اقولك ايه يا امايا جميلك ده مش هنسهولك ابدا

امايا: عمو ماتقولش كدا المهم اننا نطمن علي عمر دلوقتى

وبعدها يخرج الدكتور ويجرو عليه

شريف: ابنى عامل ايه يادكتور

الدكتور ويزيل الكمامه من علي وجهه ويقول ف ارتياح: الحمدلله...انت المفروض تصلي ركعتين شكر..ابنك يعتبر كان جايلنا ميت بس بفضل ربنا والانسه وتبرعها للدم كان زمانه مات..هو دلوقتى هيتنقل للعنايه المركزه عما الحاله تستقر وبعدها هيتنقل اوضه عاديه...بعد اذنكم

شريف: اتفضل يادكتور....الحمدلله يارب..الحمدلله.............وينظر لامايا..يعنى اعملك معاكى ايه دلوقتى بعد كل اللي عمله فيكى وانتى برضو اللي انقذتيه من الموت بعد ربنا

امايا: ماتقولش كدا ياعمو عمر ده.......وبعدها تنزل دموعها.....دا زى اخويا

وبعدها يخرج عمر ويدخل العنايه المركزه



ف منزل سيف ويكلم مانويلا علي الهاتف

سيف: مانويلا

مانويلا: نحم

سيف: ههههه نحم...لا حلوه........................انا بحبك اووى يا مانويلا

مانويلا: وانا كمان بحبك اووى ياسيف انا من غيرك ممكن يجرالي حاجه

سيف: بعد الشر عليكى يا حبيبتى...بقولك ايه مش ان الاوان بقي انى اجى اطلب ايدك

مانويلا: مش لسه بدرى ياسيف احنا داخلين عالامتحانات خلاص وكمان انا لسه ليا 4 سنين

سيف: مش مشكله..يا حبيبتى انتى شايفانى جيلك دلوقتى...يعنى هنخلص امتحانات واجى اخطبك ونتجوز بعد مانتخرج

مانويلا: اممممممم مااشي

سيف: يعنى اقوم افاتح بابا ف الموضوع

مانويلا بابتسامه: ماشي يا حبيبي

وبعدها يذهب سيف لمصطفي

سيف: بابا...عاوز اتكلم معاك ف موضوع كدا

مصطفي: اتفضل يا حبيبي

سيف: بابا انا بحب واحده وعاوز اخطبها

مصطفي بضحك: ايووه بقي هو ده الموضوع اللي كان شاغل عقلك ومخليك سرحان طول الوقت...ماشي ياسيدى وانا موافق

سيف: بسهوله كدا...من غير ماتعرف هي مين او اهلها مين

مصطفي: انت عمرك ماهتحب واحده اى كلام انا واثق ف زوقك...طيب قولي هى تبقي بنت مين بقي واسمها ايه؟

سيف: اسمها مانويلا..مانويلا احمد السيووفي..



سيف: اسمها مانويلا.......مانويلا احمد السيوفي

مصطفي: احمد السيوفي!!

سيف: ايوه يابابا دا رجل اعمال مشهوور اووى وكمان صاحب اونكل شريف

مصطفي بسرحان: احمد السيوفي....انا حاسس انى سمعت الاسم ده قبل كدا

سيف: يابابا بقولك رجل اعمال مشهوور يعنى اكيد انك سمعت اسمه قبل كدا

مصطفي: طيب ياسيف وايه المطلوب دلوقتى

سيف: المطلوب ياوالدى ان اول ما اخلص امتحانات انا وهى ..نروح نخطبها ع طوول والجواز هيبقي بعد التخرج ان شاء الله

مصطفي:انتو متفقين علي كدا

سيف بابتسامه: ايوه يابابا

مصطفي: ماشي ياسيف

سيف بفرحه عارمه: ربنا يخليك ليا يا حبيبي...ويقوم من مكانه ويقبل والده ف جبينه....انا هروح افرح ماما بقي...ويتركه ويذهب

مصطفي بتفكير: احمد السيوفي!!........ياترى هو اللي ف بالي ولا لا..ربنا يستر



تانى يوم ف المشفي

شريف: ابنى عامل ايه يا دكتور

الدكتور: والله ياشريف بيه لسه الحاله مش مستقره وكمان دا لسه مافاقش من امبارح ماتنساش ان ابنك كان جايلنا ف النهايات

شريف بدموع: وايه العمل دلوقتى يا دكتور

الدكتور: العمل عمل ربنا مافيش حاجه ف ايدينا نعملهاله غير الدعا

امايا: دكتور..هو انا ممكن ادخله

الدكتور: انا اسف مش هينفع

امايا: عشان خاطرى يادكتور مش هطول عنده

وبعد اصرار امايا علي الدخول يوافق الدكتور.......فتدخل له ببطئ شديد وتنهمر منها الدموع عندما تجده ف هذه الحاله ضعيف مثل القشه لا حول له ولا قوه اين قوتك ياعمر اين جبروتك...فتقترب منه وتجلس علي الكرسي بجانبه وتتحسس يده بيدها

امايا بدموع: عارف ياعمر اما اتولدت كنت انت عندك سنتين..بس كنت شقي اووى وكنت اكبر من سنك..وكبرت علي ايديك كنت دايما تقولي انا سندك وضهرك عشان انا ماليش اخوات وامى سابتنى وانا صغيره وراحت للي خلقها..كنت انت حمايتى ويوم ماكنا ف الاعداديه ساعتها جيت وقولتلي انك بتحبنى ساعتها كنت طفله صغيره ف اولي اعدادى ماكنتش مصدقه نفسي وفرحت اووى وقولتلي ساعتها عمرى ماهزعلك وهخليكى فرحانه علي طوول من يومها وانت بقيت كل حياتى وحب عمرى كله ومانستش اى حاجه قولتهالي واى حاجه عملتها عشانى ...واى حاجه كنت بتجبهالي كنت بخبيها واعينها عشان محدش يشوفها وتبقي زكرى حلوه معاك.......وبعدها تنهمر الدموع منها كالشلال........انا اسفه ياعمر سامحنى..ممكن اكون السبب ف اللي حصلك ده عشان خليت عمى طردك بس والله والله كنت خايفه عليك من نفسك وكنت عاوزاك تتغير ..انا بحبك ياعمر..بحبك اووى وكان نفسي تفضل تحبنى زى زمان..مش عارفه ايه اللي غيرك كدا..نفسي ترجع زى زمان ..نفسي.....وبعدها تبكى بشده وتنزل براسها وتقبل يده وتسند راسها عليها وفجاه تجد اصابع تتخلل شعرها..وبصوت ضعيف جداا......دموعك دى غاليه عليا اووى انا ما استهلهاش



فتفتح امايا عينيها غير مصدقه وترفع راسها لتجد ان عمر فاق ومبتسم لها

امايه بفرحه:عمر.....انت فوقت انا مش مصدقه

عمر بصوت ضعيف: كلامك هو اللي فوقنى وصحانى يا امايا ياريتك كنتى قولتيه من زمان

امايا بدموع: كنت بقوله...كنت بقوله ياعمر بس انت ماكنتش بتسمعنى

عمر: ماهو عشان كنت غبي وعشان كنت اعمى كنت سايب الدهب وبجرى ورا ترااب

امايا: مش وقت الكلام ده يا عمر انا هخرج افرح عمى دا هيموت من القلق عليك

وتخرج امايا مسرعه وهى سعيده للغايه

شريف: امايا ف ايه مالك بتجرى ليه عمر حصله حاجه

امايا بفرحه: عمر...عمر ياعمى ..عمر فاق فاق

شريف: ياما انت كريم ياارب الف حمد وشكر ليك ياارب....طيب احنا لازم نبلغ الدكتور

ويذهبو للطبيب ويبلغوه بان عمر فاق وبعدها يدخل له ويبلغهم بان حالته استقرت وسينقل لغرف عاديه



وبعد يومين ف غرفه عمر ف المشفي كانت امايا تاكله ف فمه وشريف كان جالس يشاهدهم فقط وهو مبتسم

عمر: خلاص يا امايا معتش قادر كفايه كدا

امايا: لا ياعمر الدكتور قال انك لازم تاكل كويس انت نزفت كتيير ولازم تعوض

عمر بابتسامه ساحره تزيد من وسامته: ما البركه فيكى انتى بقي لولا الدم اللي اتبرعتيلي بيه كان زمانكو بتقرولي الفاتحه داوقتى..وبعدين كفايه ان دمك بيجرى ف دمى دلوقتى

امايا: بعد الشر عليك ياعمر ماتقولش كدا...الحمدلله انك قومتلنا بالسلامه

عمر يبتسم وينظر لوالده: مالك يابابا ساكت ليه

شريف مبتسم: بصراحه بتفرج عليكو اصلكو شكلكو حلو اووى

وينظر عمر لامايا ويبتسم اما هى فانشغلت ف الاكل قاصده بان لاتنظر ف عينيه التى تربكها

عمر: بابا....انا عاوزك تسامحنى..انا اسف علي كل حاجه عملتها دايقتك..مش عاوز حاجه غير انك تسامحنى وتكون راضي عنى

شريف: يا حبيبي انت ابنى يعنى مهما عملت عمرى ما ازعل منك ابدا...وراضي عنك ياحبيبي من غير ماتطلب..بس اللي المفروض تعتذرله هى امايا..امايا عملت عشانك كتيير اووى ياعمر

وينظر عمر لامايا: امايا...لا امايا دى حكايتها معايا حكايه.....فتنظر امايا ف الارض وهى مبتسمه

وياتى لشريف تليفون ويخرج ليرد عليه

عمر: امايا

امايا: نعم يا عمر

عمر: مسمحانى

امايا مداعبه: اممم هفكر

عمر: لا بجد....انا بلوم نفسي علي كل لحظه زعلتك فيها او جرحتك مع انه ماكانش وعدى ليكى واحنا صغيرين..انا اسف يا امايا بجد انا ندمان اووى

امايا: ودى حاجه كويسه ياعمر انك تكون ندمان علي اى حاجه عملتها...وعلي العموم ياسيدى انا مسمحاك ..اصلك ماتهونش عليا اصلا

عمر بخبث: ما اهونش عليكى.....طيب يا امايا سؤال اخيير ياحبيبتى.....انتى كنتى بتقوليلي ايه وانا ف العنايه...ويغمز لها

امايا بكسوف: بس بقي ياعمر..ماتكسفنيش

عمر بضحك: يالهوى عليكى لما بتكونى طمطمايه حلوه كدا

امايا: ماشي ياعم

عمر: بقولك صحيح انا عاوزك تكلميلي سيف ومانويلا يجولي دلوقتى هما كمان انا غلطت ف حقهم كتير اووى ولام يسامحونى

فتنظر له امايا غير مصدقه: يااه ياعمر...اهو انت كدا بدات ترجع عمر بتاع زمان...انا مبصوته بيك ووى ....حالا هكلمهم يجو

ويدخل شريف: مبروك ياعمر مسكو اللي اسمه ماندو ده ومعاه الفلوس قبل مايصرفها واعترف بكل حاجه..مبروك يا حبيبي

فينظر عمر لامايا ويتمتم: الحمدلله



عند مانويلا ف المنزل

مانويلا: بابا

احمد: نعم ياحبيبتى

مانويلا: كنت عاوزه اكلمك ف موضوع كدا

احمد:اتكلمى

مانويلا: اممم ابدا منين يا ابو حميد ابدا منيين

احمد: يااه هو الموضوع صعب اووى كدا خلاص قولي اول كلمه وانا هكمل الباقي

مانويلا: هههههه ياسلام ياسي بابا بجد الموضوع مش هزار بس انا مكسوفه شويه ايه مش بنت زى بقيه البنات وبتكسف ف المواضيع دى

احمد: بنت زى البنات وبتكسف والمواضيع دى اظاهر كدا الموضوع فيه عريس مش كدا

مانويلا: ههههه يابابا ياجامد ايوه ياعم ماانت حبيب قديم انت هتقولي

احمد: طبعا يابنتى ابوكى كان دنجواان كبيير....بس قوليلي ايه الحكايه...عريس فعلا

مانويلا: اه يابابا معايا ف الكليه بس هو سنه 2 شاب اخلاق جدا وطيب اوى وحنين اووى وطويل وعريض وعنيه خضرا وحليوه كدا وزى القمر

احمد: ايه حيلك حيلك ايه اللي عنيه خضرا وزى القمر ..وقال جايه تقولي مكسوفه وزى البنات بذمتك دا شكل واحده مكسوفه ..بتحبي ف الواد قدامى كدا عينى عينك

مانويلا: الله بقي يابابا مش بوصفهولك........المهم هو طالب انه يجى يتقدم بعد الامتحانات ع طوول ونتخطب والجواز بعد التخرج

احمد: دا انتو محددين ومتفقين بقي ع كل حاجه

مانويلا: ايوون يا ابو مانويلا والنبي ماتقفش فيها بقي...ها قولت ايه

احمد:طيب مش اعرف هو مين واهله مين ولا اوافق علي عمايا

مانويلا: يا حاج ماهو هيجى يتقدم اعرف عنه كل حاجه وعالعموم هو باباه شريك اونكل شريف واسمه مصطفي.....ولم تكمل جملتها وياتى لها مكالمه من امايا

مانويلا: ايه ده امايا بتتصل هرد عليها ونكمل كلامنا

احمد: ماشي ياستى

وترد علي امايا: الو...ايوه يا امايا...اييييه..يانهار ابيض...كل ده حصل..لا اله الا الله اللهم لاشماته....ايه طالب يشوفنى..انا وسيف..طيب انا مش عارفه سيف هيوافق ولا لا..ايه كلمتيه وقالك انه جاى...طيب يا امايا انا هلبس واجيلك ع طوول ..طب ادينى عنوان المستشفي...طيب تمام ساعه بالظبط وهجيلك سلام...

وتذهب لوالدها..........بابا انا لازم اخرج دلوقتى وهاجى نكمل كلامنا

احمد: خير ف حاجه

مانويلا: لالا مافيش حاجه انا بس هقابل اما وارجع ع طوول

احمد: طيب بس ماتتاخريش

مانويلا: اوك....انا هطلع البس بقي بس ابقي عرف ماما اما ترجع من بره

احمد: ماشي يا حبيبتى



وتذهب مانويلا الي المشفي وتقابل سيف امام البوابه

سيف: مانويلا كويس انى قبلتك هنا

مانويلا: سيف تفتكر طالب يشوفنا ليه

سيف: مش عارف علمى علمك..يلا ادينا هنطلع ونشووف

ويصعدو لغرفه عمر ويطرقو علي الباب لتئذن لهم امايا بالدخول

امايا: مانويلا..سيف..تعالو اتفضلو

عمر: تعالي ياسيف..تعالي يامانويلا

سيف: سلامتك ياعمر

مانويلا: الف سلامه عليك ياعمر

عمر: الله يسلمكم...اكيد مستغربين انا جايبكو ليه بعد كل اللي عملته فيكم......انا طالب منكم انكم تسامحونى علي كل اللي عملته فيكم انا فعلا كنت حيوان لما كنت عاوز مانويلا تحبنى غصب عنها انا فعلا ما حبتكيش بس كان حب امتلاك مش اكتر..سامحينى يامانويلا علي كل اللي عملته فيكى انا شوفت الموت بعنيا واكتشفت ان مافيش حاجه ف الدنيا تستاهل ان الواحد يذنب عشانها..عاوزكم تسامحونى كلكم

سيف: خلاص ياعمر انسي اللي فات وابدا من جديد

عمر: المهم انت تنسي ياسيف واعتبرنى اخوك من دلوقتى

سيف مبتسم: وانا هكون مبصوت بده

عمر: وانتى يامانويلا

مانويلا: انا ياعمر مسمحاك ع كل حاجه كفايه انك ندمان علي اللي عملته

عمر: انا مش عارف اقولكو ايه ربنا يخليكو ليا يارب....



وبعدها تدخل ايام الامتحانات وتنتهى بسرعه

عند سيف

سيف: بابا عاوزين نروح لمانويلا بقي ونطلب ايدها

مصطفي: ماشي ياسيدى هاتلي رقم تليفون باباها وانا اكلمه ونحدد ميعاد نروحله فيه

سيف بسعاده: حبيبي يابابا حالا هجبلك رقمه

ويجرى اتصالا بمانويلا وتعطيه الرقم وبالفعل يطلب مصطفي احمد ويحدد معه معاد للذهاب لهم

عند مانويلا

مانويلا بسعاده: هيجى بكرره هشووفه بكره....يالله انا مش مصدقه

وتدخل عليها امل: الحلو بيغنى وبيكلم نفسه كمان

مانويلا: اه ياماما فرحانه اووى اخيرا هيجى ويطلب ايدى وابقي خطيبته قدام الناس دى كلها بجد مش مصدقه

امل: يااه للدرجه دى بتحبيه

مانويلا: بحبه اووى اووى ياماما......بس قوليلي قوليلي البس ايه

امل: ايه يابنتى اهدى دول جايين بكره واحنا لسه النهارده العصر.........المهم سيبك من الهدوم دلوقتى ..وكلمينى عنه انا مااعرفش عنه اى حاجه لحد الوقتى وكل اما اجى اكلمك تحصل حاجه ومانكملش كلامنا

مانويلا: ههههههه حظك بقي يا اموله وانا مالي....عالعموم هرضي فضولك واقولك..طيب عاوزه تعرفي عنه ايه

امل: كل حاجه اسمه سنه اهله كله كله

مانويلا: ماشي ياستى هو اكبر منى بسنه بس نفس الكليه.......واسمه سيف

امل باستغراب: سيف!!......طيب كملي

مانويلا: طول عمره مسافر بره وجه واستقر هنا ودخل الجامعه هنا برضو

امل بخوف: كان مسافر بره فين؟؟

مانويلا: امم المانيا

امل باندهاش وصدمه: ايييييييييييه المانيااا.....ابوووه ..ابوووه اسمه ايه يامانويلا انطقي

مانويلا خائفه: ف ايه اهدى ياماما...ابوه اسمه مصطفي محمود

امل:....






الفصل الخامس عشر والاخير

امل وهي شبه متنحه وفاتحه فمها:مين!!..بتقولي مين

مانويلا بقلق: هو ف ايه ياماما انتى قلقتينى

امل بصوت عالي: بقولك ابووه مين يامانويلا

مانويلا بخوف شديد: مانا قلتلك ياماما اسمه مصطفي محمود وهو سيف...سيف مصطفي محمود

وتقف امل وهى غير مستوعبه: لالا اكيد اللي انا سمعته ده غلط اه صح غلط ماهو انتى مش هتسيبي الدنيا دى كلها وتحبي ده بالذات صح يامانويلا الكلام ده غلط صح

مانويلا: لا ياماما الكلام ده صح انا بحب سيف وهو بيحبنى وهنتجوز

امل: لااااااا تبقي اتجننتى الجوازه دى مش هتم انتى فاااااهمه

مانويلا بغضب: ليه بقي ياماما سيف فيه ايه عشان ترفضيه قبل ماتشوفيه

امل: عشان الكلام ده لو حصل هتبقي مصييبه مصيبه مصييييييييبه



مانويلا بدهشه: مصيبه!! انتى بتسمى جوازى من سيف مصيبه....لالا اكيد انتى فيكى حاجه ياماما او تعبانه اهدى يا حبيبتى اهدى

امل ببكاء: لا مش ههدى ياريتنى عرفت الكلام ده من زمان كنت ساعتها هلحق الموضوع ف اوله وماكانش هيوصل لجواااز

مانويلا: انا بجد مش فاهمه حاجه...انتى بتعملي كدا ليه عاوزه تبعدينى عن حب حياتى ليييه دا اول واحد قلبي دقله وما حبتش غيره.....وقالت بحزم.......انا بحب سيف وهو كمان بيحبنى وهنتجوز ياماما هنتجووز انتى فاهمه

امل بحزن: وانتى هتوافقي تتجوزى اخوكى يا مانويلا!!!

مانويلا باستغراب: اخويا!!

امل بدموع: ايوه اخوكى....سيف يبقي اخوكى يا مانويلا

مانويلا: انا مابحبش الهزار ده ...ماما لو سمحتى قوليلي سبب مقنع يخليكى رافضه سيف بالشكل ده

امل بدموع: والسبب ده مش مقنع يامانويلا...ده مش هزار..سيف فعلا يبقي اخوكى وده السر اللي كنت مخبياه عليكى طول السنين اللي فاتت دى

مانويلا بصدمه ممزوجه بهيستيريا: اخويا..سيف يبقي اخويا هههههههه...لالا قولتلك مابحبش الهزار ف الجد بقي يا اموله ههههههه قال سيف يبقي اخويا قال ههههههههه

امل ببكاء: سامحينى يابنتى انى خبيت عليكى بس انا مااعرفش ان كل ده هيحصل والله ما كنت اعرف......انا قبل ما اتجوز ابوكى كنت متجوزه من واحد اللي هو مصطفي وخلفنا سيف وبعدها جاتله سفريه لالمانيا ورفضت اسافر معاه بس ساعتها خيرنى بين ان اسافر معاه هو وسيف او انى اطلق بس هو هياخد سيف منى وفعلا اتطلقنا واخد سيف اتنازلت عن ابنى بكل سهووووله وبعدها سمعت انه اتجوز سها بنت عمه وخدها هى وسيف وسافرو وبعدها اتجوزت ابوكى وجبناكى انتى يا حبيبتى واتفقت مع احمد اننا مش هنقولك حاجه عشان ماتكرهنيش يابنتى ماتكرهيش امك اللي سابت اخوكى وهو صغير عشان تعيش لنفسها ومن يوميها وانا مااعرفش حاجه عنه ومااعرفش انه نزل مصر ومااعرفش انه هو اللي انتى حبتيه مااعرفش والله ماكنت اعرف...وظلت تبكى بحرقه



اما مانويلا فكانت مصدومه مما سمعته هل هذه امى الحنونه هل هذه ام اساسا

مانويلا: يعنى ايه الكلام ده انتى عاوزه تفهمينى انى طول الفتره اللي فاتت دى وانا بحب اخويا طب ازااااى.......وليه ماقولتليش ان ليا اخ

امل: غصب عنى يابنتى غصب عنى

مانويلا بغضب شديد: غصب عنك ايييييييييه ..حرام عليييكى..انتى عارفه انتى عملتى اييه انتى خليتى اتنين اخواات يحبو بعض...يعنى حبنا ده كاان حرااااام...وكادت راسها ان تنفجر وبدات تفقد وعيها وتمسك راسها بيدها وبدات تلتف حول نفسها .......وتصرخ صرخه تهز جدران المنزل.......حرااااام حراااااام حرااااام ..لااااااا.....وتقع مغشيا عليها وتنقلها والدتها الي المشفي ليبلغها الدكتور انها ذهبت ف غيبوبه وتبكى والدتها بشده وتجلس بجانبها وبدات تسترجع زكرياتها

وبعدها تتصل باحمد وتبلغه بما حدث لياتى اليها مسرعا

احمد: ايه يا امل ف ايه مانويلا مالها

امل ببكاء: مانويلا راحت ف غيبوبه يا احمد

احمد: وايه اللي حصل خلاها تتعب كدا

وحكت له امل كل ماحدث

ويهوى احمد علي اقرب كرسي له: يعنى ايه..يعنى اللي مانويلا بتحبه واللي جاى يطلبها منى بكره يبقي سيف اخووها

امل ببكاء: ايوه يا احمد طلع سيف ابنى

احمد: طيب حصل ازااى ازااااى وعرفو بعض امته

امل بدموع: مش عارفه مش عارفه

احمد: رحمتك يااارب



تانى يوم عند سيف

سيف يغنى: الليله دى سبنى اقول واحب فيك وانسي كل الدنيا دى وغمض عنيك..الليله دى سبنى اقول واحب فيك وانسي كل الدنيا دى وغمض عنيك ..دا انت نور حياتى عمرى كل املي شوق الدنيا كله مش كتير عليك والله كل حاجه فيا بتناديلك ايوه كل حاجه فيا بتناديك

فتدخل عليه سها وهو يغنى: لالا الله اكبر عليك ايه الحلاوه دى وشك منور النهارده خالص ياسيف

سيف: طبعا ياماما ان مانورش النهارده هينور امته بس

سها: يااه للدرجه دى بتحبها يا حبيبي

سيف: بحبها!!..دى كلمه قليله عليها يا ماما انا بموووووت فيها بنت الايه دى

سها: ربنا يباركلكو ف بعض يابنى ياارب

سيف: ياارب يا امى...ادعيلنا

وياتيه اتصال...وتخرج سها من الغرفه

سيف وينظر للهاتف: يوووه مش وقتك خالص ياعمر........ويرد عليه: ايوه ياسي عمر مش فاضيلك النهارده خالص ع فكره

عمر: سيف..انتى لازم تيجى معانا دلوقتى حالا

سيف: بقولك ياعم مش فاضيلك اصل عقبال عندك رايح اخطب

عمر: سيف مانويلا ف المستشفي

ويتصدم سيف: اييه مانويلا....ف ايه ياعمر مانويلا مالها

عمر: مااعرفش امايا بتكلمها ردت عليها مامتها وقالتلها ان مانويلا تعبت وراحت ف غيبوبه واحنا رايحين لها دلوقتى

سيف: عنوان المستشفي ايه ياعمر بسررررررعه

ويمليه عمر العنوان ويذهب سيف مسرعا ليصل قبلهم ويبحث عن غرفه مانويلا ليصل اليها اخيرا ويقف امامها ويضع يده علي اوكره الباب ويفتحه ليجد مانويلا نائمه مثل الملاك ويجد بجانبها امراه تبلغ من العمر 50 عاما او اقل ولكن يبدو ان شكلها اصغر من سنها ويجدها نائمه هى الاخرى فيدخل ويتجه ناحيه مانويلا ويقبل يدها ويبكى عليها بحرقه لتستيقظ امل علي صوت بكاؤه وتنظر له (هل اخفق قلبك له ام لا يا امل)

امل: انت ميين!!

فينظر لها سيف بعينينه الخصراوتين ويكسوها اللون الاحمر من كثره البكاء: انا سيف...سيف مصطفي اللي كنت جاى اخطب مانويلا النهارده

فيخفق قلب امل له هل هذا سيف هل هذا ابنى يالها من صدفه عجيبه

امل بصوت مبحوح: انت سيف

سيف: ايوه انا.........هو حضرتك مامتها

وتهز راسها بالايجاب ولا تنزل عينيها عنه فتريد ان تشبع منه علي قدر الامكان وتعوض غياب هذه السنين

سيف: انا اسف كان نفسي نتعرف ف ظروف احسن من كدا بس هو ايه اللي حصلها انا مكلمها امبارح كانت كويسه...ايه اللي حصلها ياطنط

فتحس بغصه ف قلبها من كلمه (طنط)..فكانت علي وشك الانفجار كانت تتمنى ان تقول له لاا انا امك قولي ياماما ولكن فهى لا تستحق منه هذه الكلمه

امل بدموع: اللي حصلها حاجه ماكانتش متوقعاها ولا انا شخصيا كنت اتوقعها

سيف: طب ايه هى

امل: بلاش تعرفها احسن ياسيف بلاش

سيف: طب ممكن تسبينى معاها شويه لو سمحتى

فتوافق امل وتتركه وتغادر

اما سيف فينظر لمانويلا ويبكى: مانويلا اصحى يا حبيبتى انا ماليش غيرك دا انا كنت جاى اخطبك النهارده يا عروستى عشان خاطرى فوقي انتى لو حصلك حاجه انا والله احصلك فيها ارجوكى يا حبيبتى فوقي انا محتاجلك اووى ومااقدرش اعيش من غيرك..ويبكى بشده...ياارب ياارب

وتحدث المعجزه وتفيق مانويلا علي سماع صوته التى تعشقه ..وتمسك يده وتضغط عليها وبصوت مبحوح ومتعب: سيف......سيف

اما سيف لا اعرف وصف شعوره الان ...هل هو صدمه ممزوجه بدهشه ام هو فرح يكسوه السعاده فكانت حالته لا توصف

سيف: مانويلا..انتى صحيتى يا حبيبتى انا مش مصدق نفسي...حبيبتى انا كان ممكن يجرالي حاجه من غيرك..الحمدلله يارب الحمدلله

مانويلا بدموع وصوت مبحوح وتسحب يدها من يده: امشي ياسيف...امشي

سيف باندهاش: امشي!!...امشي ايه يامانويلا...بعد كل ده امشي

مانويلا: ايوه امشي ياسيف امشي...ومعتش تيجى هنا تانى...وبعدها تبكى بشده

سيف مصدوم: انا مش فاهم حاجه انتى بتعملي كدا ليه وايه هى الحاجه اللي تعبتك كدا .............ماتتكلمى يامانويلا ساكته ليه

مانويلا بدموع: الاحسن ليا وليك انى اسكت ومااتكلمش...ممكن تمشي بقي

سيف: ماشي يامانويلا انا همشي زى ماانتى عاوزه بس هجيلك تانى......ويغادر سيف الغرفه وهو شبه غاضب ليقابل عمر وامايا ف طرقه المشفي

امايا: سيف...مانويلا مالها فيها ايه

سيف: ادخلو شوفوها هى جوه...بعد اذنكم

امايا: ماله ده

عمر: مش مهم المهم نطمن علي مانويلا وبعدين هبقي اشوف ماله..........ويدخلو لمانويلا

وتجرى عليها امايا باكيه: مانويلا مالك يا حبيبتى ف ايه

عمر: سلامتك يامانويلا مالك

مانويلا بدموع: الحمدلله كويسه

امايا: مالك يا حبيبتى ايه اللي حصل

فتنظر مانويلا لعمر...فيحس عمر بان مانويلا لا تقدر عالكلام امامه فحس بالحرج واستاذن منهم وخرج

مانويلا ببكاء: الحقينى ياامايا انا ف مصييييييبه

امايا بخضه: مصيبه ايه...خير يا مانويلا اتكلمى



ويذهب سيف منزله وهو عابس الوجه

سها: خير يا حبيبي ف ايه

سيف: مافيش ياماما مافيش

ويدخل غرفته وبعدها يدخل مصطفي ورائه

مصطفي: ف ايه ياسيف وليه ماروحناش نطلب ايد مانويلا وايه المكالمه اللي جتلك وخليتك نزلت علي ملا وشك كدا

سيف: مانويلا ف المستشفي يابابا

مصطفي باندهاش: اييه ف المستشفي ليييه

سيف: تعبت امبارح ونقلوها المستشفي

مصطفي: طب ماتعرفش تعبت من ايه

سيف: للاسف لا ومامتها كانت هناك وقالتلي حاجه ماكانتش تتوقعها لا هى ولا مانويلا ..انا بجد مش فاهم حاجه...انا هروحلها تانى بكره عشان افهم ايه الحكايه

اما مصطفي كان يفكر ف شئ ما وترك سيف وغادر



تانى يوم

ذهب سيف لمانويلا ليجد هناك امايا ووعد وامل واحمد ومانويلاااا

مانويلا تنظر له وتضغط ع قلبها: انا مش قلتلك ماتجيش ياسيف تانى

سيف: لا يامانويلا هفضل اجى لحد ماافهم ف ايه وايه اللي غيرك فجاه كدا من نحيتى انتى شوفتى منى حاجه وحشه وانا مش عارف

فادارت وجهها الناحيه الاخرى وظلت تبكى

احمد: احنا اسفين ياسيف كل شئ نصيب ..ربنا مش كاتبكو لبعض يابنى

سيف: نععععععم ايه الكلام ده ياعمى ...اكيد انت بتهزر صح ..وينظر للجميع ..ايه يا جماعه ماتتكلمو...كانت امايا ووعد يبكون بحرقه علي حاله سيف

سيف: طب يا مانويلا اتكلمى انتى...انتى موافقه عالكلام ده....كانت تنظر له فقط وتبكى..............طب ياطنط اتكلمى انتى

امل ببكاء: انا مش طنط..والجوازه دى مش هتم..انت فاااهم

فيدخل مصطفي عليهم فجاه

امل بصدمه: مصطفي!

مصطفي: لااا الجوازه دى هتم

الجميع:.......



ويدخل مصطفي فجاه

امل بصدمه: مصطفي!!

مصطفي: لاا الجوازه دى هتم

امل مندهشه: مصطفي انت بتقول ايه انت اتجننت انت عارف انت بتقولي ايه واعى لكلامك ده

مصطفي بهدوء: ايوه عارف وواعى انا بقول ايه كويس

فتنظر مانويلا ووعد وامايا لبعضهم وهو مستغربين ممايحدث

احمد: يا استاذ مصطفي اظن انت اكتر واحد عارف ان الجوازه دى مستحييل تتم

سيف بغضب: ليييييه مستحيل انا بقي عاوز اعرف جوازى منها مستحييل ليه

امل بانهيار: عشان انت ياسيف تبقي..تبقي ابنى ..ابنى ياسيف ومانويلا اللي انت عاوز تتجوزها دى تبقي اختك..عرفت ليه الجوازه دى لا يمكن تتم

سيف باستغراب: ابنك!!..انا ابنك...ابنك ازاى..ومانويلا اختى..طب وماما سها...لالالا انا مش فاهم حاجه حد يفهمنى...بابا ايه الكلام ده ماتتكلم ساكت ليه

مصطفي: خلصتو كلكو كل الكلام انا عشان اكتر واحد عارف بقولكو الجواز هيتم وسيف هيتجوز مانويلا.........وينظر لامل.....امل اللي عاوزك تعرفيه ويسكت للحظات...امل سيف مايبقاش ابنك..سيف يبقي ابن سها

فيندهش الجميع وينظرو لبعضهم البعض وبالذات مانويلا

امل: ايه اللي انت بتقوله ده سيف مش ابنى طب ازاى....لالا انا مش مصدقه..حرام عليك يامصطفي انا محرومه منه سنين كتير اووى هتيجى تحرمنى منه دلوقتى كمان...وتبكى بعدها

مصطفي: هى دى الحقيقه يا امل سيف مايبقاش ابنك

امل: اومال ابنى فين...سيف ابنى فين اتكلم يامصطفي

مصطفي بتنهيده: انا هقولك كل حاجه..........اول ما سافرنا انا وسيف وسها

فلااش بااك

بعد شهر من سفرهم...يكون مصطفي ف عمله وياتيه اتصال من سها وهى باكيه: مصطفي الحقنى يامصطفي سيف تعبان اووى وقاطع النفس

مصطفي: سيييف..طيب انا جاى حااالا

ويجرى مصطفي مسرعا وياخذ سيف وسها ويذهبو للمشفي وبعد وقت طويييل يخرج لهم الطبيب ولحسن حظه كان طبيب مصري

مصطفي: سيف يادكتور عامل ايه

الدكتور: استاذ مصطفي هو ابنك مولود تعبان مش كدا

مصطفي بدموع: ايوه يادكتور سيف مولود عنده القلب والدكتور هناك ف مصر قال ان له عمليه ضرورى بس لما يكبر شويه لانه مش هيقدر يستحملها دلوقتى

الدكتور باسف: استاذ مصطفي ابنك حالته كانت بتسوء يوم عن يوم وبالعمليه او من غيرها ابنك كدا كدا كانت حالته خطر

مصطفي بدموع: كانت!! هو ابنى جراله ايه يادكتور

الدكتور بحزن: انا اسف البقاء لله....شدى حيلك.........ويتركه ويذهب

مصطفي بذهول: اييييييييه....سها هو الدكتور قال ايه

سها ببكاء شديد: اهدى يا مصطفي اهدى

مصطفي بدموع: يعنى ايه اهدى دا بيقولي شد حيلك انتى فاهمه يقصد اييه

سها ببكاء: احنا امانه هنا يامصطفي وربنا اخد امانته قول الحمدلله علي كل حال

مصطفي وهو يبكى ف حضن سها: الحمدلله........الحمدلله



باااااك

مصطفي: وبعدها قعدت شهر ما بخرجش من البيت ولا حتى بروح الشغل لحد ما سها خرجتنى من اللي انا فيه واصرت انى ارجع الشغل وف يوم سها تعبت اووى وكشفنها عليها لقناها حامل الفرحه ماكانتش سيعانا حسينا ان ده عوض من ربنا عن سيف الله يرحمه وبعد 9 شهور بالظبط



فلاش باااااك

سها بصراخ: اااااااه الحقنى يامصطفي بووولد

مصطفي: اهدى ياحبيبتى...طيب اعمل ايه...يااربي

سها ببكاء من شده الالم:هتعمل ايه يعنى ....ودييينى المستشفي ااااااااه

مصطفي: حاضر حاضر

ويذهبو الي المشفي وهناك تضع سها مولودها

مصطفي: الله...ماشاء الله

سها: شكله حلو اووى يامصطفي

مصطفي: فعلا ..شبهك ياسها

سها: لالا دا شبهك انت دا حتى واخد عيونك الخضرا

مصطفي: سها

سها: نعم ياحبيبي

مصطفي: انا كنت نفسي ان انا اسميه يعنى علي....

سها: علي اسم سيف الله يرحمه..طبعا يامصطفي ومن غير ماتقول دى كانت امنيتى انى اجيب ولد واسميه سيف

مصطفي: الله يرحمه....ربنا ما يحرمنيش منك ابدا ياحبيبتى

سها بابتسامه: ولا منك يا ابو سيف



بااااااااك

مصطفي: بس ياامل هى دى كل الحكايه عرفتى بقي ان الجوازه دى لازم تتم...حرام نحرم سيف ومانويلا من بعض

امل ببكاء: يعنى ايه يعنى سيف ابنى ماات ماات....مات من غير مااشوفه...مات من غير مااخده ف حضنى وابوسه...ليه يامصطفي ليه ماقولتليش ان سيف مات ليه خبيت عليا ليييه لييييه

مصطفي: عشان سيف ماكانش من اهتماماتك يا امل ماكانش هامك وهو عايش هيهمك وهو ميت

امل بدموع: يااااااااه للدرجه دى شايفنى زبااله اووى كدا....للدرجه دى شايف ان قلبي حجر حتى علي ابنى

مصطفي: انتى اللي استغنيتى عن ابنك يا امل ف عز احتياجه لحضنك وحنانك انتى اللي بعتيه عشان تعيشي لنفسك وبس انتى السبب ف كل اللي بيحصل دلوقتى انتى السبب مش حد تانى يا امل

امل ببكاء: صح...انا السبب...انا اللي استاهل...اااااه ياحبيبي يابنى ااااه...ربنا يرحمك.........ربنا يرحمك ويسامحنى علي اللي عملته فيك...يااااارب.......وظلت تبكى....والجميع يهدئ من روعها

احمد: اهدى يا امل خلاص اللي حصل حصل..المفروض نحمد ربنا ان كل حاجه بانت

امل بدموع: الحمدلله.....الحمدلله

اما سيف فيتجه ناحيه امل وهو مدمع العينين: طنط...ماتزعليش ..ربنا اخد منك سيف اخويا واداكى سيف تانى اعتبرينى زيه الله يرحمه بالظبط

فتنظر له امل بدموع وتفتح له ذراعيها: تعالي ياسيف...تعالي ف حضنى يابنى

ويجرى سيف عليها وياخذها ف حضنه

امل: سيف ممكن اطلب منك طلب

سيف: انتى تؤمرى

امل: ممكن تقولي ياماما بلاش طنط دى عاوزه اسمع منك يا ماما

سيف: بس كدا من عنيا ياماما.....وبعدين انا كدا كدا هقولك ياماما ايه مش هبقي جوز بنتك ولا ايه

ويذهب لمانويلا وينظر لها ف عينيها الحمراوتين من كثره البكاء: ها يا مانويلا امشي برضو وماجيش تانى

مانويلا بدموع: كنت عاوزه ابعدك عنى عشان عرفت اننا.........وتسكت بعدها

سيف: اننا ايه..اننا اخوات مش كدا...والحمدلله ربنا ظهر الحقيقه وطلعنا مش اخوات...ها امشي بقي ويغمز لها بعينيه

اما مانويلا فتبتسم رغما عنها: عاوز تمشي امشي

سيف: لا والله ...بسهوله كدا..طيب تمام انا همشي يا مانويلا ......ويهم بالوقوف........فتنظر له مانويلا وتندهش

سيف بضحك: خلاص خلاص ما تنحيليش كدا اه همشي..بس وانتى معايا

ويتجه ناحيه احمد: عمى بالمناسبه الحلوه دى والملخبطه اووى دى وف المكان الجمييل ده اللي مش لايق علي الموقف بتاتا بس مش مهم...انا ياعمى طالب ايد مانويلا ونفسي نقري الفاتحه دلوقتى

احمد: دلوقتى وهنا ياسيف طب استنى حتى لما مانويلا تخرج

سيف: مانويلا هتخرج النهارده ومش هتقعد يوم زياده اللي كان تاعبها..وينظر لها...وعرفناه وخلاص كل شئ انكشفن وبان يبقي ليه التاخير ده

امايا: اه ياعمو خير البر عاجله وافق والنبي

وعد: بلا ياعمو وافق عاوزين نزغرط

احمد بضحك: هتزغرطو هنا ف المستشفي

مصطفي: يلا يا ابو مانويلا نقري الفاتحه ونفرح الولاد

احمد: ايه رايك ياامل

امل: خلاص يا احمد اظاهر ان ف اجماع علي كدا

احمد: طيب علي خيره الله....نقري الفاتحه

ويرفع الجميع يديه وهم يقراو الفاتحه وينظر سيف لمانويلا لبعضهم ويبتسمو......وبعد انتهائهم .....

الجميع: صدق الله العظيم.....مبروك ياولاد

وعد وامايا: لولولولولولولولولي

الجميع: هههههههه

سيف: دا انتى طلعتى بتعرفي تزغرطى اهو يا امايا دا اللي يشوفك يقول كيووت خالص

امايا: ياابنى انا ف هذه الاوقاات بنت بلد واعجبك اوووى

مانويلا: ههههههههه عقبال ماازغرطلك انتى وعمر يا حبيبتى

امايا بهيمان: ياااارب بقي

الجميع: هههههههه

وبعدها يخرجو تصريح لمانويلا بالخروج وبالفعل يخرج الجميع وعلي راسهم سيف ومانويلا وهم شابكين ايديهم ببعض وينظرون لبعضهم بحب



وبعد 5 سنين

علي شاطئ الساحل الشمالي يتواجد كلا من

وعد بجانب عبدالرحمن..........امايا بجانب عمر........ومانويلا بجانب سيف

مانويلا: ياااااه الجو هنا تحفه بجد ....قالت هذه الجمله وهى تحمل علي ايديها رضيعها

سيف: شوفتى عشان اقولكم...وانا اللي اختارت المكان كمان علي الله يتمر بس.....ويحدث مصطفي الصغير صوتا....ويوجه سيف كلامه له...ايه ياواد مش عاجبك كلامى ولا ايه

مانويلا: لا ازاى دا بيطبلك يا حبيبي هههههه

امايا: عمرر.....بطل تبص علي الرايحه والجايه بقي ايه مش ماليه عينك اباجوره قاعده جمبك

عمر باندهاش مصطنع: اباجووره!!...لا ياقلبي وانا اقدر ابص لغيرك دا انتى حياتى

امايا: ااه بحسب

عمر: لا ماتحسبيش...وبعدها يضع يده علي بطنها المنتفخه...حبيبه بابا عامله ايه جوه..معلش يا حبيبتى عارف انك مدايقه اصل امك الطفسه دى جاعت وكلتك معلش حبيبتى ماتزعليش

امايا بتريقه: هيهيهيهيه خفه ياواد...لا يابت يارحمه ماتصدقيش ..بس شكلي كدا هاكل حد فعلا...قالتها وهى تنظر لعمر وهى تتوعد له

كان الجميع ينظرون ويضحكون عليهم

عبدالرحمن: بعد اذنكو بقي يا جماعه انا هاخد مراتى حبيبتى ونتمشي شويه عالبحر

سيف: اه ياعم الله يسهله...مش احنا واحده شايله واحد علي ايدها والتانيه عامله زى البطيخه وشويه وهتنفجر ف وشنا

عمر: لو سمحت..ماتتريقش علي مراتى حبيبتى

امايا: حبيبي يامورى

وعد: انا وعبدالرحمن حبيبي اتفقنا ناجل الخلفه شويه عشان نعيش حياتنا..اما العيال كدا كدا هيجو ان شاء الله..هنستعجل ليه

عمر ينظر لسيف: شوفت الدماغ مش احنا ادبسنا بدرى بدرى

امايا: عمررر...بتقول حاجه

عمر: حبيبه قلبي بقولهم دا انا من غيرك ماسواش حاجه

امايا: اااه بحسب

عمر: ايه يا امايا ياحبيبتى انتى مش ملاحظه انك بقيتى بتحسبي كتير اليومين دول

ويضحك الجميع علي مداعبه عمر لامايا

وها هى قصتنا الحب الحرام قد انتهت ولكن اكتشفنا ان الحب ليس حراما بل انه حب حلال حلال حلال

وتنزل الستار لتعلن عن النهايه....(سيف ومانويلا)



المصدر : منتديات قصص